ស្ថានភាពព្រំដែននៅចំណុចបង្គោលព្រំដែនលេខ៤៦ ក្នុងស្រុកអូរជ្រៅ សភាពការណ៍នៅជាធម្មតា គ្រាន់តែភាគីសៀមបង្កើនកងកម្លាំងបន្ថែមជាមួយនឹងឧទ្ធម្ភាគចក្រយោធាចំនួន៣គ្រឿងបានហោះក្រឡឹងនៅតំបន់នោះទៅវិញទៅមក។
កងទ័ពនៅជួរមុខបានប្រាប់ថា យើងបានមើលឃើញឧទ្ធម្ភាគចក្រយោធា របស់កងទ័ពសៀម ហោះចុះឡើង រួចហើយចុះចតនៅចំពីមុខច្រកជោគជ័យ ដែលជាកន្លែងបន្ទាយកងទ័ពឈុតខ្មៅរបស់សៀម។ ទីនោះជាបន្ទាយកងរយទ័ពឈុតខ្មៅលេខ១២៦។ ក្រៅពីឧទ្ធម្ភាគចក្រ យើងក៏បានឃើញរថពាសដែកចំនួន៤គ្រឿង និងរថយន្តដឹកកងទ័ព៣គ្រឿងផ្សេងទៀត បានបើកប្រទ្រុយចុះឡើងនៅក្នុងទឹកដីរបស់ពួកគេ។
លោកឧត្ដមសេនីយ៍ប៊ុន សេង មេបញ្ជាការភូមិភាគ៥ បានប្រាប់កម្ពុជាថ្មីថា បើទោះបីជាគេចល័តទ័ពឬមានឧទ្ធម្ភាគចក្រអមក៏ដោយ សភាពការណ៍មិនតានតឹងទេ។ លោកមេបញ្ជាការរូបនេះប្រាប់ថា គេបន្ថែមកងទ័ពដើម្បីទប់កម្លាំងបាតុករ ដែលគ្រោងមកចំណុចព្រំដែននេះតែប៉ុណ្ណោះ។ លោកឧត្ដមសេនីយ៍ ប៊ុន សេង បានបញ្ជាក់ថា ខ្ញុំបានជួបជាមួយមេបញ្ជាការភូមិភាគ១របស់ថៃ នៅក្នុងខេត្តស្រះកែវ កាលពីវេលាម៉ោង១២ថ្ងៃត្រង់ ហើយយើងបានសម្រួលគ្នាថា កងទ័ពនៅតែសហការគ្នាល្អ រឿងចាប់ខ្លួនជនជាតិថៃ៧នាក់ ទុកលទ្ធភាពឲ្យច្បាប់ជាអ្នកសម្រេច។
លោកបានប្រាប់ទៀតថា ភាគីខាងទាហានថៃ គេស្នើសុំឲ្យមានការសម្រួលដោះលែងដល់ជន ជាតិថៃ៧រូបនោះដែរ តែខ្ញុំប្រាប់ថា វាហួសសមត្ថភាពរបស់ខ្ញុំហើយ ព្រោះរឿងនោះវាឡើងដល់ប្រ ព័ន្ធតុលាការ ចំណែកខ្ញុំជាកងទ័ព។
ដោយឡែកក្រុមបាតុករអាវលឿង ដែលគ្រោងជាង១ពាន់នាក់ មកតវ៉ានៅចំណុចព្រំដែន ខាងលើ មិនឃើញមានវត្តមានមកដល់ព្រំដែនទេ តែកងទ័ពថៃ បានបង្កើនកម្លាំងជាច្រើនទប់ស្កាត់នៅជួរខាងមុខ
Friday, December 31, 2010
អតីតនាយករដ្ឋមន្រ្តីថៃ ប្រាប់ស៊ូថេប ឲ្យមកជួបសម្ដេចតេជោ ដោះស្រាយបញ្ហាជនជាតិថៃទាំង៧រូប មុនពេលតុលាការកាត់ក្ដី
លោកបានហាន ស៊ីលប៉ាអាចារ្យ ប្រធានក្រុមទីប្រឹក្សាគណបក្សឆាតឆៃ បាតាណា និងជាអតីតនាយករដ្ឋមន្រ្តីថៃ បានប្រាប់លោកស៊ូថេប ថងស៊ូបាន ឧបនាយករដ្ឋមន្រ្តីថៃ ឲ្យមកកាន់ប្រទេសកម្ពុជាឲ្យបានឆាប់ ដើម្បីចរចារកដំណោះស្រាយដោះលែងជនជាតិថៃទាំង៧នាក់ ដែលត្រូវបានឃុំខ្លួននៅក្នុងពន្ធនាគារប្រទេសកម្ពុជា។
លោកស៊ីលប៉ាអាចារ្យ បានលើកឡើងថា លោកស៊ូថេប គួរមកកាន់ប្រទេសកម្ពុជាឲ្យបានឆាប់ដើម្បីជួបចរចាដោយផ្ទាល់ជាមួយសម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា អំពីករណីដោះលែងជនជាតិថៃទាំង៧នាក់នោះ។ លោកស៊ីលប៉ាអាចារ្យ បានថ្លែងទៀតថា ការជួបចរចានេះ គួរតែត្រូវបានធ្វើឡើងមុនពេលដែលតុលាការក្រុងភ្នំពេញ កាត់ក្ដីករណីជនជាតិថៃទាំង៧រូបនោះ ហើយបើកាន់តែឆាប់គឺកាន់តែប្រសើរ។
ជនជាតិថៃទាំង៧រូបនោះ ត្រូវបានតុលាការក្រុងភ្នំពេញ ចោទប្រកាន់ពីបទឆ្លងដែនចូលដោយទុច្ចរិតក្នុងទីលានយោធា និងពីបទឆ្លងដែនចូលមកប្រទេសកម្ពុជាដោយគ្មានច្បាប់ ហើយត្រូវបានឃុំខ្លួននៅពន្ធនាគារព្រៃសនៅថ្ងៃទី៣០ ខែធ្នូនេះ។
លោកកាស៊ីត ភិរម្យ រដ្ឋមន្រ្តី្កក្រសួងការបរទេសកម្ពុជា បានជួបចរចារកដំណោះស្រាយពីបញ្ហានេះជាមួយលោកឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួងការបរទេសនិងកិច្ចសហប្រតិបត្តិការអន្តរជាតិកម្ពុជា ប៉ុន្តែមិនមានផលវិជ្ជមានអ្វីនោះទេ គឺបានត្រឹមតែទុកលទ្ធភាពឲ្យតុលាការជាអ្នកសម្រេចតែប៉ុណ្ណោះ ពីព្រោះកម្ពុជាជាប្រទេសនីតិរដ្ឋ មិនអាចបុគ្គលណាម្នាក់រំលោភច្បាប់ កម្ពុជាបាននោះទេ
Thursday, December 30, 2010
ជនជាតិថៃ៧នាក់ត្រូវតុលាការសំរេចឃុំខ្លួនបណ្តោះអាសន្ននៅគុកព្រៃ.ស
ជនជាតិថៃ៧នាក់ ដែលត្រូវបានបញ្ជូនទៅកាន់តុលាការរាជធានីកាលពីវេលាម៉ោង១០ព្រឹកថ្ងៃទី៣០ ធ្នូ ២០១០ នោះ ត្រូវបានសំរេចបញ្ជូនទៅដាក់គុកព្រៃ.សដោយគ្មានការទើសទាល់ បន្ទាប់ពីបែងចែកពួកគេ ទៅកាន់បន្ទប់សាកសួរ ដោយមានព្រះរាជអាជ្ញារងជាច្រើននាក់ធ្វើការសាកសួរជុំវិញការចូលលុកលុយទឹកដីកម្ពុជាដោយខុសច្បាប់ ។ នៅក្នុងបន្ទប់សាកសួរដាច់ដោយឡែកពីគ្នាគេសង្កេតឃើញមានព្រះរាជអាជ្ញារងម្នាក់ ជនជាប់ចោទជាតិថៃ២នាក់ និងអ្នកបកប្រែម្នាក់ សំរាប់ឆ្លើយតបនិងបំភ្លឺ ជុំវិញការចោទសួររបស់ព្រះរាជអាជ្ញារង ។ អង្គភាពដែលគ្រប់គ្រងជនជាតិថៃ៧នាក់នេះ បានសហការគ្នារហូតដល់ទៅ៣ អង្គភាពឯណោះ គឺនាយកដ្ឋានអន្តោប្រវេសន៍ នាយកដ្ឋានសន្តិសុខផ្ទៃក្នុង និងនាយកដ្ឋានតម្រួតបទបញ្ជា។
ពួកថៃទាំង៧នាក់នោះត្រូវបានព្រះរាជអាជ្ញារងសុខ រឿន ធ្វើការចោទប្រកាន់រួចហើយ និងបានប្រគល់ទៅឱ្យចៅក្រមលោកស្រីចាំង ស៊ី ណាត ចាត់ការបន្ត ហើយបន្ទាប់មកលោកស្រីចៅក្រម បានចេញដីកាឃុំខ្លួនជាបណ្តោះអាសន្ននៅគុកព្រៃ.ស ។ ពួកថៃទាំង៧នាក់ត្រូវបានចោទប្រកាន់បទល្មើស២ករណីគឺទី១-ឆ្លងចូលដែនដីទីតាំងយោធាតាមមាត្រា៤៧៣ និងទី២-អន្តោប្រវេសន៍ខុសច្បាប់តាមមាត្រាទី២៩ ។ ពួកគេអាចជាប់ឃុំនៅគុកព្រៃ.ស អ្នកខ្លះពី៦ខែទៅ១ឆ្នាំ និងអ្នកខ្លះពី៣ទៅ៦ខែ ព្រមទាំងពិន័យជាប្រាក់ពី១លានទៅ២លានរៀល មុនពេលបណ្តេញចេញពីប្រទេសកម្ពុជា ។
អ្នកនាំពាក្យក្រសួងមហាផ្ទៃ លោកឧត្តមសេនីយ៍ឯកខៀវ សុភ័គ បានឱ្យដឹងផងដែរថា បន្ទាប់ពីចាប់ខ្លួនជនជាតិថៃ៧នាក់កាលពីព្រឹកថ្ងៃទី២៩ ធ្នូ ២០១០ នៅឯព្រំដែនអូរបីជាន់ ក្នុងទឹកដីកម្ពុជារួចមក ពួកគេត្រូវបានបញ្ជូនមកឃុំខ្លួននៅនាយកដ្ឋានអន្តោប្រវេសន៍ក្រសួងមហាផ្ទៃកាលពីវេលាជិតពាក់កណ្តាលអធ្រាត្រ...ហើយព្រឹកនេះ (ថ្ងៃទី៣០ ធ្នូ ២០១០) ត្រូវបញ្ជូនទៅកាន់តុលាការដើម្បីសំរេចទៅតាមនីតិវិធី ។ នៅឯសាលាដំបូងរាជធានីភ្នំពេញឯណោះវិញ ព្រឹកថ្ងៃទី៣០ ធ្នូ ២០១០ នេះដែរ គេឃើញក្រុមអ្នកកាសែតច្រើនកុះកររង់ចាំជាស្រេច ដើម្បីថតរូបជនជាតិថៃ៧នាក់ និងស្តាប់ការសំរេចរបស់តុលាការ ខណៈសមត្ថកិច្ចបានបញ្ជូនពួកថៃ៧នាក់នោះ ទៅដល់តុលាការភ្លាមៗ។
សូមបញ្ជាក់ថា ក្រុមជ្រុលនិយមអាវលឿង សៀម៧នាក់នេះមានស្រី២ ប្រុស៥ ត្រូវបានកំលាំងសមត្ថកិច្ចជួរមុខបន្ទាត់ព្រំដែនភូមិសាស្ត្រឃុំអូរបីជាន់ ស្រុកអូរជ្រៅធ្វើការឃាត់ខ្លួន ខណៈពេលគេបានចូលមកធ្វើការវាស់វែងក្នុងទឹកដីកម្ពុជាដោយខុសច្បាប់កាលពីវេលាម៉ោង១០និង៣០នាទីព្រឹកថ្ងៃទី២៩ ធ្នូ ២០១០។ ក្រៅពីការឃាត់ខ្លួនក្រុមជ្រុលនិយមមួយក្រុមនេះ កំលាំងការពារព្រំដែនជួរមុខ ដកហូតបានម៉ាស៊ីនថតចំនួន៤គ្រឿង និងសំភារមួយចំនួន ។ ពួកគេទាំង៧នាក់បានលួចចូលមកទឹកដីកម្ពុជា នៅចំណុចបង្គោលឡាក់លេខ៤៦ ស្ថិតក្នុងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ គឺឆ្លងហួសចូលមកទឹកដីកម្ពុជា ដោយគ្មានការអនុញ្ញាត និងផ្តល់ព័ត៌មានឱ្យសមត្ថកិច្ច ឬអាជ្ញាធរខ្មែរឡើយ ៕
កាស៊ីត ភិរម្យ បរាជ័យក្នុងបេសកកម្មដោះលែងពលរដ្ឋថៃ ខណៈរដ្ឋាភិបាលមិនលូកដៃក្នុងកិច្ចការតុលាការ
លទ្ធផលពិភាក្សាបន្ទាន់មួយរវាងលោកកាស៊ីត ភិរម្យ និងលោកឧបនាយករដ្ឋមន្ត្រីហោ ណាំហុង កាលពីវេលាម៉ោង៤រសៀលថ្ងៃទី៣០ ធ្នូ ២០១០ ដោយប្រើពេលអស់ជាង១ម៉ោងនោះ បានបង្ហាញថា ការជួយរំដោះពលរដ្ឋថៃ៧នាក់ ឱ្យរួចផុតពីដៃតុលាការកម្ពុជារបស់ប្រមុខការទូតថៃត្រូវទទួលបរាជ័យហើយ ដោយសារថា រឿងនេះជាធ្លាក់ទៅក្នុងដៃតុលាការ ដូច្នេះទុកឱ្យតុលាការជាអ្នកចាត់ការតាមនីតិវិធីចុះ ។ លោកឧបនាយករដ្ឋមន្ត្រីហោ ណាំហុង បានមានប្រសាសន៍ក្រោយជំនួបជាមួយលោកកាស៊ីត ភិរម្យ រដ្ឋមន្ត្រីការបរទេសថៃថា លោកកាស៊ីត ភិរម្យ ពិតជាបានពិភាក្សាបន្ទាន់ជាមួយរូបលោកស្តីពីមធ្យោបាយដោះលែងពលរដ្ឋថៃទាំង៧នាក់នោះប្រាកដមែន ប៉ុន្តែទោះជាយ៉ាងណា រដ្ឋាភិបាលកម្ពុជាមិនអាចជួយបានទេ ដោយសារតែសំណុំរឿងនោះបានធ្លាក់ដល់ដៃតុលាការបាត់ទៅហើយ រដ្ឋាភិបាលមិនអាចលូកដៃចូលក្នុងកិច្ចការតុលាការបានទេ... តុលាការថៃឯករាជ្យ រីឯតុលាការកម្ពុជាក៏ឯករាជ្យដែរ ។
លោកឧបនាយករដ្ឋមន្ត្រីហោ ណាំហុង បញ្ជាក់ថា ភាគីទាំង២កម្ពុជា-ថៃបានយល់ឃើញដូចគ្នាថា កិច្ចការនេះគួរទុកឱ្យតុលាការចាត់ការទៅតាមនីតិវិធីរបស់គេមួយរយៈចុះ រង់ចាំមើលថា តើវាដល់ដំណាក់កាលណាខ្លះ? មិនតែប៉ុណ្ណោះលោកឧបនាយករដ្ឋមន្ត្រីបានប្រាប់លោកកាស៊ីត ភិរម្យ ថា ជនជាតិថៃទាំង៧នាក់ ដែលកំលាំងការពារព្រំដែនកម្ពុជាចាប់ខ្លួននោះ គឺចាប់នៅក្នុងទឹកដីកម្ពុជា ក្នុងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ខណៈដែលពួកគេចូលដោយគ្មានការអនុញ្ញាត និងខុសច្បាប់ ។
លោកកាស៊ីត ភិរម្យ បានសំដែងការសោកស្តាយថា រូបលោកក៏មិនបានដឹងថា ពលរដ្ឋថៃទាំង៧នាក់នោះចូលមកក្នុងទឹកដីកម្ពុជានោះដែរហើយប្រសិនបើពួកគេបានចូលមកក្នុងទឹកដីកម្ពុជា ដោយខុសច្បាប់ គ្មានការអនុញ្ញាតមែននោះ គឺវាពិបាកហើយ។ គេបានដឹងតាំងពីដំបូងមកម៉្លេះថា ដំណើរប្រញាប់មកកាន់ប្រទេសកម្ពុជារបស់លោកកាស៊ីត ភិរម្យ បែបនេះ ត្រូវបានអ្នកតាមដានក្នុងប្រទេសកម្ពុជាយល់ឃើញថា គ្មានអ្វីក្រៅពីមកពិភាក្សាសំរួលសុំឱ្យមានការដោះលែងពលរដ្ឋថៃ៧នាក់ ដែលអាជ្ញាធរកម្ពុជាចាប់ឃាត់ខ្លួននោះទេ ព្រោះនេះជាព្រឹត្តិការណ៍ដ៏ក្តៅកក្រើករវាងកម្ពុជា-ថៃ ដែលទើបកើតឡើងថ្មីៗនេះ ប៉ុន្តែទំនងកាស៊ីត ភិរម្យ មិនទទួលបានជោគជ័យទេ ក្នុងបេសកកម្មរំដោះមនុស្សថៃ៧នាក់នេះ ព្រោះវីរៈ ខ្វាមឃីត ក្នុងចំណោម៧នាក់នោះ ធ្វើខុសម្តងហើយម្តងទៀត និងអ្នកខ្លះសមាជិកសភា តែបែរជាមិនយល់ច្បាប់...ឥឡូវពួកគេបរាជ័យមែន
ជនជាតិថៃ៧នាក់ត្រូវបានបញ្ជូនមកដល់តុលាការរាជធានី ខណៈអ្នកកាសែតរង់ចាំយ៉ាងកុះករ
រាជធានីភ្នំពេញ ៖ ជនជាតិថៃ៧នាក់ដែលចូលលុកលុយទឹកដីកម្ពុជា នៅឯព្រំដែន ហើយត្រូវទាហានការពារចាប់ឃាត់ខ្លួនបញ្ជូនមកកាន់រាជធានីភ្នំពេញ កាលពីយប់មិញនោះ ត្រូវបានបញ្ជូនទៅកាន់តុលាការហើយកាលពីវេលាម៉ោង១០ព្រឹក ថ្ងៃទី៣០ ធ្នូ ២០១០ ខណៈអ្នកកាសែតរង់ចាំថតរូប និងយកព័ត៌មានយ៉ាងច្រើនកុះករ ។ លោកឧត្តមសេនីយ៍ឯកខៀវ សុភ័គ បានឱ្យដឹងផងដែរថា បន្ទាប់ពីចាប់ខ្លួនជនជាតិថៃ៧នាក់កាលពីព្រឹកថ្ងៃទី២៩ ធ្នូ ២០១០ នៅឯព្រំដែនអូរបីជាន់ ក្នុងទឹកដីកម្ពុជារួចមក ពួកគេត្រូវបានបញ្ជូនមកឃុំខ្លួននៅនាយកដ្ឋានអន្តោប្រវេសន៍ក្រសួងមហាផ្ទៃកាលពីវេលាជិតពាក់កណ្តាលអធ្រាត្រ...ហើយព្រឹកនេះ (ថ្ងៃទី៣០ ធ្នូ ២០១០) ត្រូវបញ្ជូនទៅកាន់តុលាការដើម្បីសំរេចទៅតាមនីតិវិធី ។ នៅឯសាលាដំបូងរាជធានីភ្នំពេញឯណោះវិញ ព្រឹកថ្ងៃទី៣០ ធ្នូ ២០១០ នេះដែរ គេឃើញក្រុមអ្នកកាសែតច្រើនកុះកររង់ចាំជាស្រេច ដើម្បីថតរូបជនជាតិថៃ៧នាក់ និងស្តាប់ការសំរេចរបស់តុលាការ ខណៈសមត្ថកិច្ចបានបញ្ជូនពួកថៃ៧នាក់នោះ ទៅដល់តុលាការភ្លាមៗ។
សូមបញ្ជាក់ថា ក្រុមជ្រុលនិយមអាវលឿង សៀម៧នាក់នេះមានស្រី២ ប្រុស៥ ត្រូវបានកំលាំងសមត្ថកិច្ចជួរមុខបន្ទាត់ព្រំដែនភូមិសាស្ត្រឃុំអូរបីជាន់ ស្រុកអូរជ្រៅធ្វើការឃាត់ខ្លួន ខណៈពេលគេបានចូលមកធ្វើការវាស់វែងក្នុងទឹកដីកម្ពុជាដោយខុសច្បាប់កាលពីវេលាម៉ោង១០និង៣០នាទីព្រឹកថ្ងៃទី២៩ ធ្នូ ២០១០ ។ ក្រុមអាវលឿងមួយក្រុមនេះគឺដឹកនាំដោយឈ្មោះវីរៈ ស៊ុមខ្វាមឃីត ហៅវិរៈក្បាលតូច មេក្រុមអាវលឿងសៀម ព្រមទាំង៦នាក់ផ្សេងទៀត គឺ១-ឈ្មោះតាយ ណៃ ភេទប្រុស អាយុ៣៤ឆ្នាំ ២-ឈ្មោះផាន លីតវិគីតសែត ភេទប្រុស អាយុ៤៧ឆ្នាំ ជាសមាជិកសភាភូថៃរ៉ាត់សាដន ក្រុងថែប ៣-ឈ្មោះកត់ផុនផនឈឺឆាក់សេរីមុនស្រ៊ី ភេទស្រី អាយុ៤៨ឆ្នាំ ៥-ឈ្មោះឡាត ទ្រីភិផាកណាផៃ ភេទស្រី អាយុ៥០ឆ្នាំ ៦-ឈ្មោះលឿ ទ្រីសែមឌីន លើតបុត ភេទប្រុស អាយុ៥៧ឆ្នាំ ជាលេខាធិការបក្សអាវលឿង ។ ក្រៅពីការឃាត់ខ្លួនក្រុមជ្រុលនិយមមួយក្រុមនេះ កំលាំងការពារព្រំដែនជួរមុខ ដកហូតបានម៉ាស៊ីនថតចំនួន៤គ្រឿង និងសំភារមួយចំនួន ។ ពួកគេទាំង៧នាក់បានលួចចូលមកទឹកដីកម្ពុជា នៅចំណុចបង្គោលឡាក់លេខ៤៦ ស្ថិតក្នុងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ គឺឆ្លងហួសចូលមកទឹកដីកម្ពុជា ដោយគ្មានការអនុញ្ញាត និងផ្តល់ព័ត៌មានឱ្យសមត្ថកិច្ច ឬអាជ្ញាធរខ្មែរឡើយ ៕
ជនជាតិថៃ៧នាក់ត្រូវបានចោទប្រកាន់ពីតុលាការខ្មែរ
ជនជ្រុលនិយមថៃដែលសមត្ថកិច្ចព្រំដែនខ្មែរចាប់កាលពីថ្ងៃទី២៩ធ្នូម្សិលមិញត្រូវបានចោទប្រកាន់ ដោយព្រះរាជអាជ្ញាតុលាការរាជធានីភ្នំពេញពិរករណីគឺ ទី១ពីបទចូលក្នុងដីខ្មែរខុសច្បាប់ និងទី២ ពីបទចូលក្នុងតំបន់យោធាក្នុងបំណងទុច្ចរិត។ នេះបើតាមឲ្យដឹងពីលោកសុក រឿន ព្រះរាជអាជ្ញារងអមតុលាការរាជធានីភ្នំពេញ។ បើយោងតាមច្បាប់កម្ពុជាបទចោទប្រកាន់ទី១ អាចប្រឈមនឹងការកាត់ទោសពី៣ខែទៅ៦ខែ រីឯបទចោទទី២ប្រឈមនឹងការផ្តន្ទាទោសពី៦ខែ ទៅមួយឆ្នាំ និងពិន័យជាប្រាក់ពី១លានទៅ២លានរៀល។ ជនជាតិថៃទាំង៧នាក់នេះត្រូវបានប៉ូលិសអន្តោប្រវេសន៍ក្រសួងមហាផ្ទៃបញ្ជូនទៅតុលាការនៅ ព្រឹកថ្ងៃទី៣០ធ្នូនេះដើម្បីសាកសួរនិងចោទប្រកាន់។ប្រភពពីតុលាការឲ្យដឹងថា ពេលមកដល់តុលាការជនទាំង៧នាក់មិនព្រមឆ្លើយនឹងសំណួរ របស់តុលាការទេ រហូតទាល់តែឯកអគ្គរាជទូតថៃមកដល់បានព្រមនិយាយ។ នេះជាមូលហេតុ ដែលនាំឲ្យការសាកសួរបានអូសបន្លាយពេលយ៉ាងយូរ។ ជនជាតិថៃទាំង៧នាក់នោះដែលក្នុងនោះមានស្រីពីរនាក់រួមមាន១.លោកផាន់លីត វីឃីតសេត អាយុ ៤៧ឆ្នាំ ជាសមាជិកសភា, ២.លោកកាត់ផុនថាក់ ឈឺឆាក់សាវី អាយុ៤១ឆ្នាំជាសមាជិកសភា (ក្រុមអាវលឿង), ៣.លោកចាយណៃ អាយុ៣៤ ជាអ្នកថតរូប, ៤.លោកស្រី សារ៉ាក់លីត អាយុ៤៨ ឆ្នាំ, ៥.លោកស្រីទ្រីសែនឌិនឡឺតអាយុ៥៧ឆ្នាំជាលេខាបក្ស (ក្រុមអាវលឿង),៦.លោកវីរ:ស៊ុម ខ្លាមឃិត អាយុ៥៣ឆ្នាំ (ខាងក្រុមអាវលឿង),និង៧, លោកណូទ្រីកិនផាណាសាប៊ូនអាយុ៥០ឆ្នាំ។ឯកអគ្គរាជទូតថៃប្រចាំរាជធានីភ្នំពេញលោក ប្រាសាទ ប្រាសាទ វិនិច្ឆ័យ ក៏បានមកចូលអង្កេតមើលដំណើរការសាកសួរជនជាតិថៃទាំងនោះនៅឯតុលាការផងដែរនៅព្រឹកមិញនេះ។ គួររំលឹកថា កងការពារព្រំដែនកម្ពុជាលេខ៥០៣ប្រចាំស្រុកអូជ្រៅខេត្តបន្ទាយមានជ័យបានចាប់ឃាត់ជនជាតិថៃ៧នាក់ ដែលក្នុងនោះរួមមានសមាជិកសភា២រូបផង បន្ទាប់ពីកងយោធា កម្ពុជាបានចាត់ទុកថា ជនជាតិថៃទាំងនោះកំពុងធ្វើសកម្មភាពនៅលើទឹកដីកម្ពុជាដោយខុសច្បាប់។ ប្រភពពីព្រំដែនស្រុកអូជ្រៅបានបញ្ជាក់អោយដឹងថាការចាប់ខ្លួននោះត្រូវបានធ្វើនៅម៉ោង១០ព្រឹក ថ្ងៃពុធទី២៩ធ្នូ នៅពេលដែលជនជាតិថៃទាំង៧នាក់នោះ កំពុងថតវីដេអូនិងផ្តិតរូបថតនៅចំនុច បង្គោលព្រំដែនលេខ៤៦ នៅក្នុងភូមិជោគជ័យ ឃុំអូបីជាន់ ស្រុកអូជ្រៅ ខេត្តបន្ទាយមានជ័យ។ ទីតាំងនេះ នៅទល់មុខភូមិណងចាន់ ស្រុកគោកធ្យូង ខេត្តស្រះកែវ។ ជនជាតិថៃទាំងនោះត្រូវបាន បញ្ជូនមកភ្នំពេញកាលពីថ្ងៃម្សិលមិញ៕
បទអត្ថាធិប្បាយ៖ កាដូធំ៣របស់សម្តេចតេជោ
កាដូធំៗចំនួន៣ បានផុសឡើងនៅលើដែនដីសុវណ្ណភូមិ គឺជាចំណងដៃរបស់រាជរដ្ឋាភិបាល កម្ពុជាចំពោះប្រជា ពលរដ្ឋខ្មែរប្រមាណ១៤លាននាក់ ត្រូវបានប្រកាសឲ្យដឹងដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលកាដូធំទាំង៣នោះ គឺ ផ្លូវ ស្ពាន និងទំនប់វារីអគ្គីសនី។
ពិត មែនថា រាជរដ្ឋាភិបាលបច្ចុប្បន្នប្រកាន់យកគោលនយោបាយតាមរបៀប «យុទ្ធសាស្ត្រជំហានគីង្គក់» ដែលក្រុមប្រឆាំងតែងតែប្រមាថថា យឺត រខេករខាក មិនលឿនរហ័សមែនពិត ប៉ុន្តែ ក្នុងការបោះ មួយជំហានៗរបស់សម្តេចតេជោ គឺមានទម្ងន់មហាសាល ពោរពេញដោយថាមពលនិងបាននាំមកនូវសារៈប្រយោជន៍យ៉ាងច្រើនសន្ធឹកសន្ធាប់ ក្នុងន័យជំហានគីង្គក់ក្នុងសម័យតេជោ គឺប្រដូចទៅនឹងជំហាននៃការរីកចំរើន និងការអភិវឌ្ឍដែលប្រកបដោយចីរភាព។
ពល រដ្ឋខ្មែរដែលបានហែលឆ្លងនូវមហាសោកនាដ្ឋកម្មនៃការកាប់សម្លាប់ ធ្វើការធ្ងន់ បង្អត់អាហារ ដោយបនប្រល័យពូជសាសន៍ ប៉ុល ពត គឺមិន អាចបំភ្លេចបានឡើយពីទុក្ខលំបាកវេទនា នៃរបបវាលពិឃាតនោះ ពីព្រោះក្រុមទមិឡអត់សាសនាទាំងនោះបានបំផ្លាញអស់គ្មានសល់នូវ ហេដ្ឋារចនាសម្ព័ន្ធ ផ្លូវ ស្ពាន សាលារៀន ផ្សារ មន្ទីរពេទ្យ វត្តអារាម សំណង់អាគារ សហគ្រាស និងមន្ទីរស្ថាប័នជាតិធំៗ រួមទាំងស្ថាប័នព្រះមហាក្សត្រផង(និយាយដោយឡែក គ្រាន់តែនៅទីក្រុងភ្នំពេញ គឺស្ងាត់ជ្រងំដូចទីរហោស្ថាន)។
ប៉ុន្តែ ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន ក្រោយថ្ងៃរំដោះ៧មករា ឆ្នាំ ១៩៧៩ កម្ពុជាបានចាប់ផ្តើមពីចំនុចសូន្យនិងបានខិតខំស្តារ កសាង អភិវឌ្ឍប្រទេស ការផ្សះផ្សាបង្រួបបង្រួមជាតិ ឯកភាពទឹកដី បំផ្លាញអស់នូវអង្គការចាត់តាំងខ្មែរក្រហមនៅឆ្នាំ១៩៩៨ ក្រោមនយោបាយឈ្នះ‑ឈ្នះ រហូតធានាបាននូវស្ថេរភាពនយោបាយ សុខសន្តិភាព និងមានឱកាសគ្រប់គ្រាន់ដើម្បីការអភិវឌ្ឍលើគ្រប់វិស័យ។ សមិទ្ធផលជាច្រើនដែលបានកើតឡើងនៅក្រោយសង្រ្គាមវិនាសកម្មនាទសវត្ស ឆ្នាំ១៩៧០ បាននាំឲ្យកម្ពុជាប្រែមុខមាត់ថ្មី និងបានស្ទុះទៅមុខយ៉ាងលឿន ជាជំនួសកន្លែងដែលរងការខ្ទេចខ្ទាំ វិនាសហិនហោច មកជាមានស្ពាន ផ្លូវ សាលារៀន ផ្សារទំនើប និងហេដ្ឋារចនាសម្ព័ន្ធ និងសំណង់អាគារខ្ពស់ៗ នៅតាមទីក្រុង និងរហូតដល់ជនបទ ក៏ដូចជាអាគារពាណិជ្ជកម្ម បច្ចេកវិទ្យាថ្មីៗ អ្នកវិនិយោគមកបណ្តាក់ទុន និងភ្ញៀវទេចរណ៍រាប់លាននាក់ចូលមកទស្សនាក្នុងមួយឆ្នាំៗ ដោយបាននាំមកនូវថវិកាយ៉ាងច្រើនសម្រាប់កំណើនសេដ្ឋកិច្ចជាតិ។
ក្រៅពីនេះ ប្រជាពលរដ្ឋខ្មែរគ្រប់រូបនិងបរទេសមានឱកាសប្រកបរបរទទួលទានតាមរបៀបទី ផ្សារសេរីប្រកបដោយភាពសុខដុមនីយកម្មពេញលេញ ។បន្ថែមពីលើនេះរាជរដ្ឋាភិបាលកម្ពុជាបានពង្រឹងកិច្ចសហប្រតិបត្តិ ការទំនាក់ទំនងជាមួយបណ្តាប្រទេសនានា និងបាននាំមកនូវទំនុកចិត្តជាមួយនិងការផ្តល់នូវប្រាក់កម្ចី សម្រាប់ការអភិឌ្ឍរាប់លានដុល្លារកើនឡើងជារៀងរាល់ឆ្នាំ ។
ជា ភស្តុតាង ក្នុងឆ្នាំចុងក្រោយនេះ ប្រមុខនៃរាជរដ្ឋាភិបាលកម្ពុជាបានដាក់សម្ពោធឲ្យប្រើប្រាស់នូវសំ ណង់អាគារ ការដ្ឋានសាងសង់ ផ្លូវ ស្ពាន សាលារៀន មន្ទីរពេទ្យ វត្តអារាម ប្រពន្ធ័ធារាស្ត្រ ជារួមហេដ្ឋារចនាសម្ព័ន្ធយ៉ាងច្រើន ទាំងនេះគឺកើតចេញពី« ទស្សនៈសាមគ្គីជាតិជាធ្លុងមួយ» និងបានខិតខំពង្រឹងនិតិរដ្ឋ ដោយការគោរព និងអនុវត្តច្បាប់ ស្របតាមគោលការណ៏ប្រជាធិបតេយ្យសេរីពហុបក្ស ។ ដូច្នេះ កាដូធំ ទាំង៣ របស់រាជរដ្ឋាភិបាល មាន ផ្លូវ ស្ពាន និងបណ្តាញអគ្គីសនីសម្រាប់ឆ្នាំ២០១១ គឺជាកាដូនៃក្តីសង្ឃឹម ជាកាដូដែលនឹងជួយសម្រួលដល់ការលើកកម្ពស់ជីវភាពគ្រួសាររបស់ប្រជា ពលរដ្ឋឲ្យបានប្រសើរឡើងថែមមួយកម្រិតទៀត ផ្ទុយពីការរិះគន់របស់ពួកបក្សប្រឆាំងជ្រុលនិយមមួយក្រុមតូចដែល មានជំនាញពូកែខាងថា ខាងនាំគ្នាប្រព្រឹត្តបំពានច្បាប់ ហើយទម្លាក់កំហុសមកឲ្យរាជរដ្ឋាភិបាលនៅពេលមានពួកគេរងនូវចំណាត់ការតាមប្រព័ន្ធតុលាការ ។ ដូច្នេះ គណបក្សប្រឆាំងពុំមានកាដូអ្វីជូនប្រជាពលរដ្ឋខ្មែរនោះឡើយ គឺពួកគេពុំបានប្រើប្រាស់ឱកាសសម្រាប់រួមចំណែកកសាង និងអភិវឌ្ឍប្រទេសជាតិទេ ។ ផ្ទុយទៅវិញសម្តេចតេជោ នាយករដ្ឋមន្ត្រីកម្ពុជា បានបង្ហាញនូវមោទនភាពជូនជាតិដោយផ្តល់នូវកាដូដែលអតីតកាលពុំ ធ្លាប់មាន ដែលកាដូទី១ គឺ ការស្ថាបនាផ្លូវក្រាលកៅស៊ូថ្មីនៅស្រុកបន្ទាយអំពិលទៅកាន់ប្រាសាទ តាមាន់នាជើងភ្នំដងរែក ដែលទីនោះធ្លាប់តែជាតំបន់ស្នូរគ្រាប់កាំភ្លើង ឥឡូវក្លាយជាតំបន់សន្តិភាពយ៉ាងពេញលេញ។ កាដូទី២ គឺ ការបើកការដ្ឋានសាងសង់ទំនប់វារីអគ្គីសនីកម្លាំងថាមពល ៣៣៨ ម៉េហ្គាវ៉ាត់ នៅស្រុកមណ្ឌលសីមា ខេត្តកោះកុង ក្នុងទឹកប្រាក់ជិត៥០០លានដុល្លារ បន្ថែមពីលើគម្រោងវារីអគ្គីសនីចំនួន៧កន្លែងផ្សេងទៀត និងអគ្គីសនី១កន្លែងដែលដើរដោយធ្យូងថ្ម ក្រៅពីនេះវារីអគ្គីសនី១២គម្រោងទៀតកំពុងសិក្សា និងកាដូទី៣ គឺការបើកការដ្ឋានសង់ស្ពានអាកាសទី២ ស្ថិត នៅចំនុចប្រសព្វស្តុបពេទ្យលោកសង្ឃ ដែលមានទឹកប្រាក់ជិត៩លានដុល្លារសហរដ្ឋអាមេរិក ក្រៅពីនេះ សម្តេចតេជោ ក៏បានប្រកាសអំពីគម្រោងសាងសង់ស្ពានអាកាសទី៣នៅក្នុងទីក្រុង ភ្នំពេញផងដែរ។ ជារួម កាដូរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា គឺបានឆ្លុះបញ្ចាំងពីកិច្ចខិតខំប្រឹងប្រែងរបស់ប្រមុខនៃរាជ រដ្ឋាភិបាលដែលមាននូវឆន្ទៈខ្ពស់ ការទទួលខុសត្រូវឆ្លើយតបទៅនឹងការគាំទ្ររបស់ប្រជាពលរដ្ឋដែលបាន ផ្តល់ទំនុកចិត្តតាមរយៈសម្លេងឆ្នោតគាំទ្រក្នុងអណត្តិទី៤នេះ ។ ដូច្នេះ នៅឆ្នាំ២០១១ ខាងមុខ តាមរយៈសមិទ្ធផលថ្មីនៃកាដូការទាំង៣ បន្ថែមពីលើសមិទ្ធផលដែលមានដ៏ច្រើនសន្ធឹកសន្ធាប់ គឺនឹងត្រូវបានលើកកម្ពស់នូវកិត្យានុភាពជាតិលើឆាកអន្តរជាតិ ដែលចាត់ទុកថាជាកាដូលើដែនដីសន្តិភាពក្នុងសម័យតេជោ ដ៏មានអត្ថន័យបំផុត៕
Wednesday, December 29, 2010
ជនជាតិសៀម៧នាក់នឹងត្រូវមកដល់រាជធានីភ្នំពេញពាក់កណ្តាលអធ្រាត្រ
ជនជាតិថៃ៧នាក់ជាក្រុមបាតុករអាវលឿងដែលទាហានការពារព្រំដែនកម្ពុជាចាប់ឃាត់ខ្លួននៅក្នុងទឹកដីកម្ពុជា ខណៈពួកគេចូលមកវាស់វែងលុកលុយនោះត្រូវបានបញ្ជូនមកកាន់រាជធានីភ្នំពេញហើយដើម្បីប្រគល់ឱ្យរដ្ឋាភិបាលចាត់ការតាមផ្លូវច្បាប់។ ជនជាតិសៀម៧នាក់នេះត្រូវបានបញ្ជូនពីព្រំដែនអូរបីជាន់ មកកាន់ស្នងការដ្ឋានខេត្តបន្ទាយមានជ័យ រួចហើយបញ្ជូនបន្តមកកាន់រាជធានីភ្នំពេញតាមរយៈរថយន្តរបស់ស្នងការដ្ឋានខេត្តកាលពីវេលាម៉ោង៥និង៣០នាទីល្ងាច ថ្ងៃទី២៩ ធ្នូ ២០១០ ដោយយោងតាមចំណាត់ការរបស់ថ្នាក់លើ... ពួកសៀមទាំង៧នាក់នេះតាមប្រភពព័ត៌មានថា មានសមាជិកសភា២នាក់ផងដែរ ហើយពួកគេទំនងនឹងមកដល់ភ្នំពេញនៅវេលាពាក់កណ្តាលអធ្រាត្រថ្ងៃដដែល រង់ចាំការជំនុំជំរះឆាប់ៗនេះ។ មុននេះបន្តិច សម្តេចតេជោហ៊ុន សែន នាយករដ្ឋមន្ត្រី បានប្រកាសថា សមត្ថកិច្ចការពារព្រំដែន និងអាជ្ញាធរដែនដី ត្រូវតែនាំជនជាតិថៃ៧នាក់ ជាក្រុមអាវលឿង ដែលចាប់បាននៅឯព្រំដែនក្នុងទឹកដីកម្ពុជានោះឡើងតុលាការឱ្យខាងតែបាន ព្រោះជាកំហុសរបស់ពួកគេហ៊ានរំលោភអធិបតេយ្យភាពរបស់កម្ពុជា។
សម្តេចតេជោនាយករដ្ឋមន្ត្រីបានដាក់បន្ទុកបែបនេះក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបការងារក្រសួងអភិវឌ្ឍន៍ជនបទឆ្នាំ២០១០ និងលើកទិសដៅឆ្នាំ២០១១ កាលពីរសៀលថ្ងៃទី២៩ ធ្នូ ២០១០ នៅសាលសន្និសីទចតុមុខ ដោយមានមន្ត្រីជាន់ខ្ពស់រដ្ឋាភិបាល តំណាងអង្គការជាតិ-អន្តរជាតិ មន្ត្រីស្ថានទូតចូលរួមយ៉ាងច្រើនកុះករ ។ ការចាប់បានក្រុមអាវលឿងជនជាតិថៃ៧នាក់ ក្នុងនោះមានសមាជិកសភា២នាក់ផង ត្រូវបានសម្តេចតេជោហ៊ុន សែន សង្កត់ធ្ងន់ថា រឿងប្រព្រឹត្តខុសច្បាប់លុកលុយទឹកដីគេនេះ បើទោះជាមានអន្តរាគមន៍សុំឱ្យដោះលែងសមាជិកសភាថៃ២នាក់នោះក៏ដោយ ក៏យើងមិនអាចជួយបានដែរ ព្រោះពួកគេយករឿងខុសមកជាមួយ...។ សម្តេចតេជោលើកឡើងថា បើដោះលែង២នាក់ តើ៥នាក់ទៀតគិតយ៉ាងម៉េច? ព្រោះពួកគេបង្កកំហុសដូចគ្នា...។
សម្តេចនាយករដ្ឋមន្ត្រីខ្មែរ ដែលធ្លាប់ព្រមានដោយពាក្យសំដីថា អ្នកឯងហ៊ានចូលយើងបាញ់! អ្នកឯកចង់ងាប់ចូលម៉ោ! កាលជម្លោះនៅឯតំបន់ព្រំដែនវាលឥន្ទ្រី និងភ្នំទ្រព្យនោះ ឥឡូវបានបញ្ជាក់ថា ពិតមែនតែអ្នកឯងជាសមាជិកសភាថៃ...ប៉ុន្តែសមាជិកសភាថៃ មានអភ័យឯកសិទ្ធិតែនៅក្នុងទឹកដីថៃប៉ុណ្ណោះ អ្នកឯងគ្មានអភ័យឯកសិទ្ធិនៅក្នុងទឹកដីកម្ពុជាទេ...អ្នកឯងចូលក្នុងទឹកដីកម្ពុជាខុសច្បាប់ នាំរឿងខុសច្បាប់មកជាមួយទៀត ដូច្នេះបន្ទុកកាន់តែធ្ងន់ហើយ...ត្រូវតែឃាត់ខ្លួនកសាងសំណុំរឿងបញ្ជូនទៅតុលាការជំនុំជំរះតាមនីតិវិធី ។
សម្តេចនាយករដ្ឋមន្ត្រីហ៊ុន សែន បានថ្លែងថា ការចាប់ខ្លួនជនជាតិថៃ៧នាក់ រួមទាំងសមាជិកសភា២នាក់ផងនោះ ដែលពួកគេមកវាស់វែងដីគ្មានការអនុញ្ញាត គ្មានកិច្ចសហការក្នុងទឹកដីប្រទេសកម្ពុជានេះ វាមិនបង្កឱ្យមានភាពកករល្អក់ផ្នែកទំនាក់ទំនង និងការទូតអ្វីនោះទេ គឺកម្ពុជាអនុវត្តច្បាប់របស់កម្ពុជាតែប៉ុណ្ណោះ ។ សូមបញ្ជាក់ថា ក្រុមជ្រុលនិយមអាវលឿង សៀម៧នាក់នេះមានស្រី២ ប្រុស៥ ត្រូវបានកំលាំងសមត្ថកិច្ចជួរមុខបន្ទាត់ព្រំដែនភូមិសាស្ត្រឃុំអូរបីជាន់ ស្រុកអូរជ្រៅធ្វើការឃាត់ខ្លួន ខណៈពេលគេបានចូលមកធ្វើការវាស់វែងក្នុងទឹកដីកម្ពុជាដោយខុសច្បាប់កាលពីវេលាម៉ោង១០និង៣០នាទីព្រឹកថ្ងៃទី២៩ ធ្នូ ២០១០ ។ ក្រុមអាវលឿងមួយក្រុមនេះគឺដឹកនាំដោយឈ្មោះវីរៈ ស៊ុមខ្វាមឃីត ហៅវិរៈក្បាលតូច មេក្រុមអាវលឿងសៀម ព្រមទាំង៦នាក់ផ្សេងទៀត ហើយក្នុងចំណោមនេះមានសមាជិកសភា២នាក់ផងដែរ ។ ចំណែកអ្នករួមដំណើរបង្ករឿង៦នាក់ទៀត គឺ១-ឈ្មោះតាយ ណៃ ភេទប្រុស អាយុ៣៤ឆ្នាំ ២-ឈ្មោះផាន លីតវិគីតសែត ភេទប្រុស អាយុ៤៧ឆ្នាំ ជាសមាជិកសភាភូថៃរ៉ាត់សាដន ក្រុងថែប ៣-ឈ្មោះកត់ផុនផនឈឺឆាក់សេរីមុនស្រ៊ី ភេទស្រី អាយុ៤៨ឆ្នាំ ៥-ឈ្មោះឡាត ទ្រីភិផាកណាផៃ ភេទស្រី អាយុ៥០ឆ្នាំ ៦-ឈ្មោះលឿ ទ្រីសែមឌីន លើតបុត ភេទប្រុស អាយុ៥៧ឆ្នាំ ជាលេខាធិការបក្សអាវលឿង ។ ក្រៅពីការឃាត់ខ្លួនក្រុមជ្រុលនិយមមួយក្រុមនេះ កំលាំងការពារព្រំដែនជួរមុខ ដកហូតបានម៉ាស៊ីនថតចំនួន៤គ្រឿង និងសំភារមួយចំនួន ។ ពួកគេទាំង៧នាក់បានលួចចូលមកទឹកដីកម្ពុជា នៅចំណុចបង្គោលឡាក់លេខ៤៦ ស្ថិតក្នុងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ គឺឆ្លងហួសចូលមកទឹកដីកម្ពុជា ដោយគ្មានការអនុញ្ញាត និងផ្តល់ព័ត៌មានឱ្យសមត្ថកិច្ច ឬអាជ្ញាធរខ្មែរឡើយ
បាងកកប៉ុស្តិ៍ ៖ ទាហានកម្ពុជាចាប់ខ្លួនជនជាតិថៃ៧នាក់ក្នុងនោះមានសមាជិកសភាម្នាក់
កាសែតបាងកកប៉ុស្តិ៍នៅថ្ងៃទី២៩ ធ្នូ ផ្សាយថា លោក Panich Wikitsate សមាជិកសភាគណបក្សប្រជាធិបតេយ្យប្រចាំក្រុងបាងកក និងលោកវីរ៉ា ស៊ុម ខ្វាមឃីដ ជាមេដឹកនាំក្រុមមួយឈ្មោះ «បណ្តាញអ្នកស្នេហាជាតិថៃ» រួមទាំងពលរដ្ឋថៃ៥នាក់ទៀត ត្រូវបានចាប់ខ្លួនដោយទាហានកម្ពុជា កាលពីព្រឹកថ្ងៃទី២៩ ធ្នូ ។ កាសែតថៃដដែលឱ្យដឹងទៀតថា លោក Panich និងលោកវីរ៉ា រួមទាំងពលរដ្ឋថៃទាំង៥នាក់ បានធ្វើដំណើរទៅកាន់ស្រុកអារញ្ញប្រាថេត នៅជាប់ ព្រំដែន រវាងប្រទេសថៃ និងប្រទេសកម្ពុជា ដើម្បីត្រួតពិនិត្យ និងស៊ើបអង្កេតថា តើមាន ពលរដ្ឋកម្ពុជាលួចឆ្លងកាត់ ព្រំដែនចូលទឹកដីថៃឬក៏អត់ ។ ខណៈពេលកំពុងត្រួតពិនិត្យតំបន់ព្រំដែនខាងប្រទេសថៃពួកគេត្រូវបានចាប់ខ្លួនដោយទាហានកម្ពុជា ។
កាសែតបាងកកប៉ុស្តិ៍បានដកស្រង់សំដីលោកកាស៊ីត ភិរម្យ រដ្ឋមន្ត្រីក្រសួងការបរទេសថៃ ដែលថ្លែងនៅថ្ងៃទី២៩ ធ្នូ ថា រដ្ឋាភិបាលនឹងបញ្ជូនតំណាងរបស់ខ្លួនមកកាន់ប្រទេសកម្ពុជា ដើម្បីចរចា និងពិភាក្សាជាមួយកម្ពុជាក្រោយពីទទួលបាន ព័ត៌មានថា ពលដ្ឋថៃ៧នាក់ត្រូវបានចាប់ខ្លួនដោយទាហានកម្ពុជា ។ លោកកាស៊ីត ភិរម្យអះអាងថា ពលរដ្ឋថៃ៧នាក់នោះបានធ្វើដំណើរទៅកាន់ស្រុកអារញ្ញប្រាថេត ខេត្តស្រះកែវ ដើម្បីត្រួតពិនិត្យតំបន់ព្រំដែនមានជំលោះក៏ត្រូវបានចាប់ខ្លួន ដោយទាហានកម្ពុជានៅវេលាថ្ងៃត្រង់ ។ រដ្ឋមន្ត្រីការបរទេសថៃរូបនេះថ្លែងទៀតថា លោកនាយករដ្ឋមន្ត្រីអាប់ភីស៊ីត ត្រូវបានជំរាបរួចហើយអំពីការចាប់ខ្លួនពលរដ្ឋថៃទាំង៧នាក់នោះ ហើយតំណាងរបស់លោកម្នាក់នឹងត្រូវបញ្ជូនទៅកាន់ប្រទេសកម្ពុជា ដើម្បីជួយពួកគេឱ្យបានទាន់ពេល ។
ដោយឡែកកាសែតឌឹណេស្សិន បានដកស្រង់សំដីលោក Panich Wikistreth ដែលថ្លែងថា ដំបូងរូបលោក បាន ទទួលរបាយការណ៍ថា កងទ័ពកម្ពុជាបានឆ្លងកាត់ព្រំដែនចូលក្នុងភូមិ Ban Nong Jan ក្នុងសង្កាត់ Khok Soon ខេត្ត ស្រះកែវ នៅវេលាម៉ោង១១ព្រឹកថ្ងៃទី២៩ ធ្នូ នោះហើយក្រោយពីទទួលបានរបាយការណ៍ដូច្នេះ រូបលោកក៏បានធ្វើដំណើរទៅត្រួតពិនិត្យកន្លែងនោះក៏ត្រូវបានចាប់ខ្លួនដោយទាហានកម្ពុជាតែម្តង រួមជាមួយនឹងពលរដ្ឋថៃ៦នាក់ទៀត ។ ជាមួយគ្នានេះ អ្នកនាំពាក្យក្រសួងការបរទេសថៃ លោកថានី ថុងភក្តី ថ្លែងថា ស្ថានទូតថៃប្រចាំប្រទេសកម្ពុជា ក៏ត្រូវបានជូនដំណឹងអំពីការចាប់ខ្លួនពលរដ្ឋថៃទាំង៧នាក់នោះរួចហើយដែរ រួចកំពុងស្ថិតក្នុងដំណើរការចរចាជាមួយអាជ្ញាធរកម្ពុជាសំរាប់ការដោះលែងពួកគេ ៕
Friday, December 24, 2010
OPINION: A REVELATION OF SOPON ONGKARA: A PLOT AGAINST CAMBODIA IS IN THE MAKING
Sopon Ongkara of THE NATION first mistake is that he does not know, and at best he pretends that he does not know Thailand history that is infested by more than 70 coups d’Etat that had toppled the “ordinary”governments of Thailand, and the last victim was the elected government of former Prime Minister Thaksin Shinawatra. In Thailand, branding someone as traitor, or patriot, or hero has its truth only to the person who does the branding. Thai coup makers came out to be hero and the victims became criminals or traitors.
When Thai opposition declared publicly that they intended to topple the Abhisit government as claimed by Sopon Ongkara of THE NATION, whether it is true or not, he should find it to be more civilized than a military coup. On the other hand Thai public would be the one who will decide that the Abhisit government must go or stay at the ballot box regardless of Thai opposition’s intention. That is democracy. Having been labeled “champion of democracy” by THE NATION, Abhisit Vijjajeva should not have been mute about calling a general election, as the opposition has been calling for it again and again. It would give a chance for Abhisit Vijjajeva to prove himself as THE NATION has been mentioning several times that Abhisit Vijjajeva’s approval rate has tripled lately.
Abhisit Vijjajeva must know the truth about the poll. Is it a scam or a reality? It is a scam to fool Thai and international public. It is a reality and unfortunately Abhisit Vijjajeva does not believe the poll, because he is a fool. In a matter of days, Abhisit Vijjajeva will no longer have ASEAN to ride, and he will no longer have the opportunity to smile at the cameras for photo ops and the chance of bragging about the greatness of his diplomacy, second only to Kasit Piromya who has risen to prominence for his slanderous sharp tongue since his days wearing yellow shirt and leading terrorist activities against Thai people at Suvannaphuma airport.
Sopon Ongkara of THE NATION is good at slandering people like Kasit Piromyra. He could be Kasit’s double. Knowing that Thai people venerate their King and Queen and the monarchy, Sopon Ongkara of THE NATION , as well as Kasit Piromya and Abhisit Vijjajeva are taking turn to take cheap shot at Pheu Thai, at Thaksin and at whoever who is not in Abhisit Vijjajeva’s camp that these people will “do away with the monarchy.”
Sopon Ongkara must be tipped by Kasit Piromya about the Thai Foreign Ministry secret document to “eliminate” Thaksin, to foment the coup against the government of Cambodia, and to assassinate the Prime Minister HUN SEN of Cambodia, otherwise he would not have stated that “Cambodia has become more than a thorn in the side of Thailand;” He spoke about Cambodia’s “heading on the collision course with Thailand,” as if he was aware of all the plots by the Abhisit’s government against Cambodia. He threw all the chips on the table on the side of the Abhisit’s government against Cambodia as if he was part of the group together with Abhisit Vijjajeva, Kasit Piromya and the others who concocted the scheme against Cambodia and Prime Minister HUN SEN, by stating with all the confidence in the world that Prime Minister HUN SEN “caused serious harm to Cambodian interests.
The country loses income from tourism, border casinos, trade, and the chance to register the Preah Vihear temple ruins with the World Heritage Organisation, and the exploitation of offshore petroleum deposits.” His insane bravado blinds him. He made his second big mistake by saying that “the country loses the chance to register the Preah Vihear temple ruins with the World Heritage Organization.” Was it a simple lie to readers, national and international?
In fact the Temple of Preah Vihear was inscribed on the World Heritage List since 7 July 2008, in Quebec Canada at the 32nd Session of the World Heritage Committee. One lie leads to another lie. He lies about Thaksin’s “hideous plan to join hands with ex-communist guerrillas to end the monarchy.” He lies and speculates wildly by saying that Prime Minister Hun Sen “has blatantly interfered in the internal affairs of Thailand, given safe haven to Thaksin, and engaged in activities considered as serious threats.” Or was he a fool and a cocky head, he who is so sure about Abhisit Vijjajeva’s plan to foment the coup against Cambodia and to head to a confrontation with Cambodia?
Despite the denials by Abhisit Vijjajeva and Suthep about Thailand’s fomenting coup against Cambodia found in Thailand Foreign Affairs Ministry’s secret document, the writing is there on the wall.
Pen Ngoeun
When Thai opposition declared publicly that they intended to topple the Abhisit government as claimed by Sopon Ongkara of THE NATION, whether it is true or not, he should find it to be more civilized than a military coup. On the other hand Thai public would be the one who will decide that the Abhisit government must go or stay at the ballot box regardless of Thai opposition’s intention. That is democracy. Having been labeled “champion of democracy” by THE NATION, Abhisit Vijjajeva should not have been mute about calling a general election, as the opposition has been calling for it again and again. It would give a chance for Abhisit Vijjajeva to prove himself as THE NATION has been mentioning several times that Abhisit Vijjajeva’s approval rate has tripled lately.
Abhisit Vijjajeva must know the truth about the poll. Is it a scam or a reality? It is a scam to fool Thai and international public. It is a reality and unfortunately Abhisit Vijjajeva does not believe the poll, because he is a fool. In a matter of days, Abhisit Vijjajeva will no longer have ASEAN to ride, and he will no longer have the opportunity to smile at the cameras for photo ops and the chance of bragging about the greatness of his diplomacy, second only to Kasit Piromya who has risen to prominence for his slanderous sharp tongue since his days wearing yellow shirt and leading terrorist activities against Thai people at Suvannaphuma airport.
Sopon Ongkara of THE NATION is good at slandering people like Kasit Piromyra. He could be Kasit’s double. Knowing that Thai people venerate their King and Queen and the monarchy, Sopon Ongkara of THE NATION , as well as Kasit Piromya and Abhisit Vijjajeva are taking turn to take cheap shot at Pheu Thai, at Thaksin and at whoever who is not in Abhisit Vijjajeva’s camp that these people will “do away with the monarchy.”
Sopon Ongkara must be tipped by Kasit Piromya about the Thai Foreign Ministry secret document to “eliminate” Thaksin, to foment the coup against the government of Cambodia, and to assassinate the Prime Minister HUN SEN of Cambodia, otherwise he would not have stated that “Cambodia has become more than a thorn in the side of Thailand;” He spoke about Cambodia’s “heading on the collision course with Thailand,” as if he was aware of all the plots by the Abhisit’s government against Cambodia. He threw all the chips on the table on the side of the Abhisit’s government against Cambodia as if he was part of the group together with Abhisit Vijjajeva, Kasit Piromya and the others who concocted the scheme against Cambodia and Prime Minister HUN SEN, by stating with all the confidence in the world that Prime Minister HUN SEN “caused serious harm to Cambodian interests.
The country loses income from tourism, border casinos, trade, and the chance to register the Preah Vihear temple ruins with the World Heritage Organisation, and the exploitation of offshore petroleum deposits.” His insane bravado blinds him. He made his second big mistake by saying that “the country loses the chance to register the Preah Vihear temple ruins with the World Heritage Organization.” Was it a simple lie to readers, national and international?
In fact the Temple of Preah Vihear was inscribed on the World Heritage List since 7 July 2008, in Quebec Canada at the 32nd Session of the World Heritage Committee. One lie leads to another lie. He lies about Thaksin’s “hideous plan to join hands with ex-communist guerrillas to end the monarchy.” He lies and speculates wildly by saying that Prime Minister Hun Sen “has blatantly interfered in the internal affairs of Thailand, given safe haven to Thaksin, and engaged in activities considered as serious threats.” Or was he a fool and a cocky head, he who is so sure about Abhisit Vijjajeva’s plan to foment the coup against Cambodia and to head to a confrontation with Cambodia?
Despite the denials by Abhisit Vijjajeva and Suthep about Thailand’s fomenting coup against Cambodia found in Thailand Foreign Affairs Ministry’s secret document, the writing is there on the wall.
Pen Ngoeun
Thursday, December 23, 2010
ទស្សនៈសារព័ត៌មាន៖ ក្រុមសម្ព័ន្ធមិត្ដអាវលឿងកំពុងតែប្រមាថអ្នកដឹកនាំនិងអតីតព្រះមហាក្សត្ររបស់ខ្លួន
ដើម្បីបិទបាំងភាពអាម៉ាស់របស់ខ្លួន ដែលចេះតែបរាជ័យជាបន្ដបន្ទាប់ ដោយសារតែគ្រប់ទង្វើរដែលក្រុម ខ្លួនបាន ធ្វើសុទ្ធតែភូតភរកុហក់ ដល់ប្រទេសជាតិឯង និងអន្ដរជាតិ ក្នុងចេតនាចង់អោយគេយល់ព្រមជាមួយគំនិត ខ្មៅអាក្រក់ របស់ខ្លួន ធ្វើអោយក្រុមអាវលឿងមានការអាក់អន់ចិត្ដនិងជាតិសាស្ដ្រខ្លួនឯងដែលមិន ចូលរួមគាំទ្រ ក្រោយមកមានការ ស្ដីបន្ទោសខ្លាំងៗទៅរដ្ឋាភិបាល បី-បួន ជំនាន់មុន។ ពួកអាវលឿងវង្វេងស៊ុងទាំងនេះ នៅតែបន្ដ អុកឡុកសង្គមថៃជាបន្ដ បន្ទាប់ដោយលើកយករឿងមួយបន្ដទៅរឿងមួយទៀត ធ្វើអោយសង្គមថៃរស់មិនបានសុខ ដោយសារពួកនេះ។
ដោយមានការស្ដីបន្ទោសពីសំណាក់ប្រជាជនថៃ ព្រមទាំងការងាកចេញរបស់រដ្ឋាភិបាលបច្ចុប្បន្ន មិនបន្ដ គាំទ្រ នោះ ក្រុមសម្ព័ន្ធមិត្ដអាវលឿង ក៏បានបបួលគ្នាមកបង្កើតរឿងមួយទៀតកាន់តែជ្រុលទៅៗ កាលពីថ្ងៃ ២១ ខែ ធ្នូ ២០១០ នៅសណ្ឋាគារ រ៉ូយ៉ាល់ ភូកេត ស៊ីធី (royal phuket city) សកម្មភាពនោះមានការលើកឡើងពីអ្នកជំនាញ ប្រវត្ដិសាស្ដ្រ របស់ក្រុមអាវលឿង ក្នុងចេតនាប្រមាថមាក់ងាយយ៉ាងធ្ងន់ធ្ងរដល់អ្នកដឹកនាំនិងអតីត ព្រះមហាក្សត្រ របស់ខ្លួន។
ការប្រមាថទីមួយៈ ដោយលោក ប៉ានថេប ភួផុងផាន់អ្នកនាំពាក្សក្រុមសម្ព័ន្ធមិត្ដអាវលឿង បានលើក ឡើងពី ផែនទី ១ លើ ២០០.០០០ ជាផែនទីឥណ្ឌូចិន ឬហៅថាផែនទី បារាំង-សៀម ថាជាផែនទីមិនត្រិមត្រូវទៅវិញ ដែលផែន ទីនេះបានធ្វើយ៉ាងផ្ចិតផ្ចង់ពីអ្នកជំនាញបារាំង និងអ្នកជំនាញសៀម និងមានការចុះហត្ថលេខា ដោយអតីត រដ្ឋមន្ដ្រីការ បរទេសសៀម សម័យនោះ ដែលមានការយល់ព្រមពីអតីតព្រះមហាក្សត្រសៀមផងដែរ។ ចុះមក ដល់ថ្ងៃ នេះបែរជា លោកប៉ានថេប ភួផុងផាន់ និយាយថាផែនទី ១ លើ ២០០.០០០ មិនត្រូវបែជាថា ផែនទីនេះ ធ្វើដោយ ឯកតោភាគី ទៅវិញ នោះមានន័យ ថា អ្នកកំពុងតែប្រមាថអ្នកដឹកនាំ និងអតីតព្រះមហាក្សត្រ ជាទីគោរពរបស់ ខ្លួនយ៉ាងពិត ប្រាកដ បើយ៉ាងដូច្នោះមែន តើប្រជាជនថៃទូទាំងប្រទេសគេគិតយ៉ាងម៉េចពីលោក?
ការប្រមាថទី២៖ គឺជាចេតនាអាក្រក់របស់លោក ថេបម៉ុនទ្រី លិមប៉ាក់ផាយ៉មដែលជាអ្នកវង្វេងខាងប្រវត្ដិ សាស្ដ្របាននិយាយថា MOU ឆ្នាំ ២០០០ និងផែនទី ១ លើ ២០០.០០០ គឺជារឿងបោកប្រាស់។ នេះមានន័យថា រដ្ឋាភិបាលថៃតាំងពីឆ្នាំ ១៩០៧-២០១០ គឺជារដ្ឋាភិបាលបោកប្រាស់ បើយ៉ាងដូច្នោះវារួមទាំងនាយករដ្ឋមន្ដ្រី អតីតព្រះ មហាក្សត្រថៃ និងនាយករដ្ឋមន្ដ្រីថៃសព្វថ្ងៃគឺជាជនបោកប្រាស់ ហើយអ្នកដែលមិនបោកប្រាស់សោះគឺមាន តែលោក ថេបម៉ុនទ្រី និងបក្សពួកប៉ុន្មានអ្នកនោះឬ? រឿងនេះលោក ថេបម៉ុនទ្រីនិងបក្សពួកកំពុងតែខិតខំ បង្កើតការយកត្រូវ តែម្នាក់ឯង ហើយ ដាក់កំហុសអោយរាជរដ្ឋាភិបាលសៀមតាំងពីឆ្នាំ ១៩០៧ រហូតដល់ បច្ចុប្បន្ននេះ ព្រមទាំង ព្រះមហាក្សត្ររបស់ខ្លួនផង។ តើលោក ថេប ម៉ុនទ្រី មិនខ្លាចប្រជាជនថៃ គេអន់ចិតហើយ លើកគ្នាមកចោទ សួរលោកទេឬទេអី? ព្រោះការអត់ធ្មត់ របស់ពួកគេមានដែនកំណត់ សូមលោកកុំជ្រុលពេក។ លើសពីនោះទៀតលោក ថេបម៉ុនទ្រី អ្នកជំនាញខាងវង្វេងប្រវត្ដិ សាស្ដ្រនេះបានជំរុញ និងបញ្ចុះបញ្ចូលទាហានថៃ អោយធ្វើតាម គំនិត អាក្រក់របស់ខ្លួន ក្នុងចេតនារំលោភអធិបតេយ្យភាព របស់ខ្មែរ មានន័យថាលោក ថេបម៉ុនទ្រី កំពុងតែបបួល ទាហានអោយចូលរួមប្រមាថមើលមាក់ងាយ រដ្ឋាភិបាល និង អតីតព្រះមហាក្សត្ររបស់ខ្លួនដែរ។ ទាហានថៃម៉េច និងព្រម ព្រោះពួកគេរស់ក្រោមដំបូល និងក្រោមបទបញ្ជារបស់ នាយករដ្ឋមន្ដ្រី និងព្រះមហាក្សត្រ ជាទីគោរព របស់ពួកគេ ដូច្នេះ លោក ថេបម៉ុនទ្រី កំពុងតែធ្វើអោយ ប៉ះពាល់ដល់តំលៃ អ្នកជាទី គោរពរបស់ គេហើយ។
ការប្រមាថទី៣៖ គឺជាការប្រមាថដ៏ធ្ងន់ធ្ងរពីអតីតព្រឹទ្ឋបុរសមហាវិទ្យាល័យសិល្បះ របស់ថៃគឺ លោក វីរៈផាន់ ម៉ាឡៃផាន់។ លោក វីរៈផាន់នេះកំពុងតែធ្វើអោយព្រលឹងអតីតៈអ្នកដឹកនាំ និង ព្រះមហាក្សត្រសៀម មានការឈឺចាប់ យ៉ាងខ្លាំង និងបើកភ្នែកធំៗសំលឹងមកចំលោក វីរៈផាន់ ម៉ាឡៃផាន់ ព្រោះគាត់បានពោល ពាក្យប្រមាថ ថាផែនទី ដែល មានមាត្រដ្ឋាន ១ លើ ២០០.០០០ គឺធ្វើឡើងផ្អែកទៅលើដានទឹកនោមឆ្កែ ចេះនិយាយ ពាក្យនេះទៅរួច លោកម្ចាស់ វីរៈផាន់ ម៉ាឡៃផាន់ អើយ លោកកំពុងតែប្រមាថយ៉ាងធ្ងន់ធ្ងរទៅលើរាជរដ្ឋាភិបាលថៃឆ្នាំ ១៩០៧។ ឃា្លរបស់លោក កំពុង តែបញ្ជាក់ថារដា្ឋភិបាលសៀមសម័យនោះគឺមានអ្នកដឹកនាំអន់ណាស់ ខ្វះអ្នក ជំនាញ រហូតដល់ ទៅពឹងពាក់ឆ្កែអោយធ្វើ ការជំនួសក្នុងការវាស់ផែនទី តើលោក វីរៈផាន់ ម៉ាឡៃផាន់ កំពុងតែ និយាយពីរឿងអ្វី? ចាំថាមុននិងអ្នកនិយាយ ភាសានេះអ្នកត្រូវតែគិតអោយច្បាស់ថា ក្នុងពេលដែលទទួល ស្គាល់ផែនទីដោយ មន្ដ្រីសៀមសម័យនោះ រាជរដ្ឋាភិបាល មានតួអង្គសំខាន់ៗ ដូចជាមន្ដ្រីរាជរដ្ឋាភិបាល អ្នកជំនាញ ខាងផែនទី សភា និងព្រះមហាក្សត្រទៀតផង។
ដូច្នេះការប្រមាថពី លោក ប៉ានថេប ភូផុងផាន់ លោក ថេបម៉ុនទ្រី លិមប៉ាក់ផាយ៉មលោក វីរៈផាន់ ម៉ាឡៃផាន់ ដល់វិរៈបុរសនិងអតីតព្រះមហាក្សត្រខ្លួននោះ គឺជាចេតនាបំផ្លាញកិត្ដិយសប្រទេសជាតិឯងឬ ជាការដើថយក្រោយ ដែល នាំទៅរកការវិនាស ហើយជាការអះអាងដោយខ្វាក់ភ្នែកមិន ស្គាល់ពីតម្លៃនៃច្បាប់ អន្ដរជាតិ គឺសកម្មទាំងនោះនិងត្រូវ*បាន ស្ដីបន្ទោសដោយប្រជាជនថៃដ៏ច្រើនលើសលប់។
អានន្ទ
Wednesday, December 22, 2010
បទវិចារណកថា៖ ក្រុមហ៊ុន«អ្នកប្រឆាំងក្រៅដំបូលច្បាប់»
ក្រុមមន្ត្រីគណបក្សប្រឆាំងសម រង្ស៊ី មួយចំនួន និងអង្គការលីកាដូ បានស្ថិតនៅក្នុងសភាពស័ង្សយរបស់មហាជន ពីការបើកក្រុមហ៊ុនរកស៊ីរួមគ្នាមួយក្រោមផ្លាកយីហោដ៏ចម្លែកគឺ« ក្រុមហ៊ុនអ្នកប្រឆាំងក្រៅដំបូលច្បាប់ » បន្ទាប់ពីពួកគេបានចេញមុខមកការពារជនជាប់ចោទ សេង គុណការ ដែលត្រូវបានតុលាការកាត់ទោសដាក់ពន្ធនាគារពីបទញុះញង់ឲ្យមានបទឧក្រិដ្ឋ ដោយសារជននេះបានចែកខិតប័ណ្ណជេរប្រមាថធ្ងន់ៗមកលើថ្នាក់ដឹកនាំនៃរាជរដ្ឋាភិបាលកម្ពុជា និងមន្ត្រីជាន់ខ្ពស់មួយចំនួនទៀត។
ពាក្យថាក្រុមហ៊ុនអ្នកប្រឆាំងក្រៅដំបូលច្បាប់គឺចង់បង្ហាញអំពីអត្តៈចរិតលក្ខណៈនៃក្រុមវង្វេងស៊ុងពីរប្រភេទ ដែលក្រុមទី១មានជំនាញខាងការជេរប្រមាថ ភូតភរកុហក ប្រឌិតព័ត៌មាន ញុះញង់ បង្កឲ្យមានការស្អប់ខ្ពើមប្រមុខនៃរាជរដ្ឋាភិបាល និងនាំគ្នាដុតបញ្ឆេះកំហឹងប្រជាពលរដ្ឋឲ្យប្រព្រឹត្តនូវអំពើអាណាធិបតេយ្យគ្រប់បែបយ៉ាងក្នុងសង្គម ដើម្បីពួកគេឆ្លៀតកេងចំណេញនយោបាយ ។ ចំណែកឯក្រុមទី២ គឺជាក្រុមអ្នកពូកែខាងការស្រែកបន្ទរដើម្បីគៀងគររកប្រាក់ជំនួយពីបរទេស ដោយទន្ទេញយ៉ាងរត់មាត់ថា អយុត្តិធម៌ណាស់ នៅស្រុកខ្មែរអត់មានការគោរពសិទ្ធិមនុស្សជាដើម......។ល។ តើការពិតជាក់ស្តែងដូចពួកគេអះអាងដែរឬទេ? ជាចំលើយដែលត្រឹមត្រូវ គឺមហាជនទូទៅបានមើលឃើញថា ក្រុមប្រឆាំងទាំងនោះពួកគេគ្មានបានសាងនូវគុណសម្បត្តិណាមួយសម្រាប់រួមចំណែក កសាង និងរក្សានូវស្ថេរភាពនយោបាយ ក៏ដូចជាការជម្រុញឲ្យមានគោរពច្បាប់នៅកម្ពុជាទេ គឺពួកគេមានតែទេពកោសលពិស ស្ទាត់ជំនាញតែខាងការបំផ្លាញសុខសន្តិភាព និងការអភិវឌ្ឍរីកចំរើននៃសង្គមជាតិ ឬចាត់ចូលជាក្រុមមនុស្សព្រៃ រមិលគុណ អគុណធម៌ដ៏ក្រៃលែង ពីព្រោះគេបានសង្កេតឃើញថាបុគ្គលមួយចំនួនបំរើការនៅក្នុងក្រុមហ៊ុនសត្វក្អែក ក្រពើ ឬត្មាតនោះ តែងតែចេញមុខមកការពារជនជាប់ចោទ និងទណ្ឌិតជាច្រើនរូបដែលត្រូវបានផ្តន្ទាទោសដោយច្បាប់រួចហើយ។ ជាក់ស្តែងនៅថ្ងៃទី២០ ខែធ្នូ ឆ្នាំ២០១០ ក្រុមគេក្នុងចំណោមនោះគឺមានអង្គការលីកាដូរបស់លោកស្រីពុង ឈីវហ្កិក បានប្រញាប់ប្រញាល់យ៉ាងតក់ក្រហល់ ចេញនូវសេចក្តីថ្លែងការណ៍ជាបន្ទាន់របស់ខ្លួនមួយពាក់ព័ន្ធនឹងការចាប់ឃុំខ្លួនបុរសម្នាក់ជាប្រធានសន្តិសុខអង្គការស្បៀងអាហារពិភពលោក ដោយចាត់ទុកថា ការចោទប្រកាន់និងឃុំខ្លួនបុរសនោះ គឺបានធ្វើឡើងដោយមិនសមហេតុផល និងជាសកម្មភាពបង្ក្រាបលើសិទ្ធិសេរីភាពនៃការបញ្ចេញមតិនៅកម្ពុជា ហើយពួកគេក៏បានរិះគន់ទៅលើក្រមព្រហ្មទណ្ឌថ្មីដែលទើបចូលជាធរមានផងដែរថាមានការប៉ះពាល់ដល់សិទ្ធិសេរីភាពនៃការបញ្ចេញមតិ និងបានទាមទារឲ្យមានការពិចារណាធ្វើវិសោធនកម្មច្បាប់នោះជាថ្មី។
កាលពីថ្ងៃទី១៩ ខែធ្នូ ឆ្នាំ២០១០ លោក សេង គុណការ ត្រូវបានតុលាការសាលាដំបូងរាជធានីភ្នំពេញបើកសវនាការជំនុំជំរះ ហើយបានសម្រេចឲ្យជាប់ពន្ធនាគាររយៈពេល៦ខែនិងពិន័យជាប្រាក់ចំនួន១លានរៀលពីបទញុះញង់ឲ្យមានបទឧក្រិដ្ឋតាមមាត្រា៤៩៤ និង៤៩៥ នៃច្បាប់ក្រមព្រហ្មទណ្ឌថ្មី ដោយសារជននេះបានថតចំលង និងចែកចាយខិតប័ណ្ណដកស្រង់ចេញពីវ៉េបសាយ ki‑media ដែលបំរើនយោបាយឲ្យគណបក្សប្រឆាំង សម រង្ស៊ី ខ្ចរខ្ចាយទៅមជ្ឈដ្ឋានខាងក្រៅ ពីព្រោះវ៉េបសាយនោះបាននិយាយចោទប្រកាន់ប្រមុខនៃរាជរដ្ឋាភិបាលកម្ពុជាថាជាមេក្បត់ជាតិ លក់ទឹកដីឲ្យប្រទេសវៀណាម។ ពុំគួរគប្បីឡើយ ដែលអង្គការលីកាដូធ្វើការស្តីបន្ទោស ឬតេះដៀលមកលើចំណាត់ការរបស់តុលាការដែលជាស្ថាប័នឯករាជ្យនោះទេ ពីព្រោះការចោទប្រកាន់ និងចាប់ឃុំខ្លួនបុរសនោះ គឺធ្វើឡើងដើម្បីធានាបាននូវស្ថេរភាពនយោបាយ សន្តិសុខសង្គម និងបញ្ចៀសនូវភាពអាណាធិបតេយ្យ។ ការពោលបែបនេះ ដោយសំអាងលើខ្លឹមសារនៃការចោទប្រកាន់របស់ki-media គឺបានចុះផ្សាយនូវអត្ថបទមួលបង្កាច់ ប្រាស់ចាកពីការពិត និងបានប៉ះពាល់ដល់កិត្តិយសនៃថ្នាក់ដឹកនាំរាជរដ្ឋាភិបាលកម្ពុជា ដែលជាសច្ចធម៌ប្រវត្តិសាស្ត្រឥស្សជនដ៏ឆ្នើមទាំង៣រូប រួមមានសម្តេចហ៊ុន សែន សម្តេច ហេង សំរឹន និងសម្តេច ជា ស៊ីម គឺជាអ្នកតស៊ូប្តូរផ្តាច់ នាំមកនូវការរស់រានមានជីវិតឡើងវិញរបស់ប្រជាពលរដ្ឋខ្មែរពីបនប្រល័យពូជសាសន៍ប៉ុល ពត និងបាននាំឲ្យមានការផ្សះផ្សា បង្រួបបង្រួមជាតិ ឯកភាពទឹកដី ស្តារនិងអភិវឌ្ឍប្រទេសរីកចំរើនស្ទើគ្រប់វិស័យ។ ដូច្នេះគ្មានហេតុផលណានឹងគួរត្រូវបានស្តីបន្ទោស ឬក៏ប្រមាថដល់អ្នកដែលរំដោះប្រទេសជាតិបានហើយ បែរជាត្រូវជនអគតិចោទប្រកាន់យ៉ាងអយុត្តិធម៌បែបនោះឡើយ។
ការចាប់ខ្លួនបុរសនោះ គឺជាសារមួយ ព្រមានដល់ជនឱកាសនិយមមួយចំនួន ឲ្យងាកមករកការគោរពនិងអនុវត្តច្បាប់ឲ្យបានត្រឹមត្រូវ ទប់ស្កាត់នូវការប្រើប្រាស់សិទ្ធិសេរីភាពនៃការបញ្ចេញមតិរបស់ខ្លួនហួសព្រំដែន ដែលអាចនឹងនាំឲ្យមានភាពចលាចល ជាយថាហេតុ បង្កឡើងពីក្រុមបំផ្លិចបំផ្លាញជាតិទាំងនោះ។ ទំហំនៃសន្តិភាពនៅកម្ពុជាមានតម្លៃមហាសាល កាត់ថ្លៃពុំបាន គឺមិនត្រូវបានអនុញ្ញាតឲ្យកំទេចដោយបាតដៃនៃជនមួយក្តាប់តូចបានឡើយ ហេតុនេះ ចាំបាច់ត្រូវតែមានវិធានការតាមផ្លូវច្បាប់។
ពិតណាស់ថា មាត្រា៤១នៃច្បាប់រដ្ឋធម្មនុញ្ញរបស់ព្រះរាជាណាចក្រកម្ពុជាបានចែងថាប្រជាពលរដ្ឋមានសេរីភាពខាងការបញ្ចេញមតិរបស់ខ្លួន និងសេរីភាពខាងការបោះពុម្ពផ្សាយ ប៉ុន្តែក្នុងមាត្រាដដែលនោះក៏បានបញ្ជាក់យ៉ាងច្បាស់ដែរថា « ជនណាក៏ដោយមិនអាចឆ្លៀតប្រើសិទ្ធិនេះដោយរំលោភបំពាននាំឲ្យប៉ះពាល់ដល់កិត្តិយសរបស់អ្នកដ៏ទៃ ដល់ទំនៀមទំលាប់ល្អរបស់សង្គម ដល់សណ្តាប់ធ្នាប់សាធារណៈ និងដល់សន្តិសុខជាតិបានឡើយ»។ ដូច្នេះ បើយើងនិយាយពីកំហុសរបស់ លោក សេង គុណការ ប្រធានសន្តិសុខអង្គការស្បៀងអាហារពិភពលោក ក៏ដូចជាបុគ្គលិកអង្គការសិទ្ធិមនុស្សលីកាដូម្នាក់ដែលត្រូវចាប់ឃុំខ្លួននៅខេត្តតាកែវ ពីបទបាចត្រាក់ជេរ
ប្រមាថរាជរដ្ឋាភិបាល ជាពិសេសករណីអំពើរំលោភច្បាប់ក្នុងការដកបំផ្លាញតម្រុយបង្គោលព្រំដែនកម្ពុជា‑វៀតណាម ដោយមេបក្ស លោក សម រង្ស៊ី នាពេលកន្លងមក គឺជាការអនុវត្តត្រឹមត្រូវតាមដំណើការនិងនិតិវិធីច្បាប់ ដែលកម្ពុជាបាននិងកំពុងគោរពគោលការណ៍ប្រជាធិបតេយ្យ និងការពង្រឹងនិតិរដ្ឋ។ ផ្ទុយទៅវិញ ក្រុមគណបក្សប្រឆាំង សម រង្ស៊ី ហើយក្នុងនោះក៏មានអង្គការលីកាដូផងដែរ ពុំគួរគប្បីគាំទ្រជនល្មើសច្បាប់ ដែលពួកគេបានប្រើពាក្យសម្តីអសុរោះ ប្រមាថ តេះដៀល និងមួលបង្កាច់ថ្នាក់ដឹកនាំប្រទេសបែបនេះឡើយ។ សួរថា ចុះបើពាក្យសម្តីនេះត្រូវបានគេប្រើទៅលើម្តាយ ឳពុក ឬក្រុមគ្រួសាររបស់ខ្លួនវិញ តើអ្នកមានការឈឺចាប់ដែរឬទេ? ជារួមក្រុមហ៊ុន សម រង្ស៊ី និងលីកាដូ ឬក្រុមហ៊ុន«អ្នកប្រឆាំងក្រៅដំបូលច្បាប់» ពួកគេបានប្រកាន់ខ្ជាប់នូវទម្លាប់ផ្ទុយពីច្បាប់ជានិច្ច ធ្វើយ៉ាងណាឲ្យតែកើតមាននូវភាពអាណាធិបតេយ្យ វឹកវរ ជ្រួលច្របល់ក្នុងសង្គមជាតិ ឬផ្ដាច់ការនិយម ទើបត្រូវជាមួយនឹងចិត្តគំនិតរបស់ពួកគេ។ នៅប្រទេសណាៗក៏ដោយ លើសកលលោក ការប្រើប្រាស់សិទ្ធិសេរីភាព គឺមិនត្រូវឲ្យហួសពីព្រំដែននៃច្បាប់បានទេ ក្នុងនោះមានបណ្តាប្រទេសខ្លះគេបានហាមឃាត់សិទ្ធិសេរីភាពសព្វបែបយ៉ាង ដូចជាការស្តាប់វិទ្យុ អានកាសែតប្រឆាំង ប្រើប្រាស់អ៊ីធឺណេត និងយុវជនហាមមិនឲ្យនិយាយគ្នាអំពីរឿងនយោបាយទៀតផង ប៉ុន្តែ នៅកម្ពុជាមិនបានអនុវត្តរបៀបនោះទេ គឺបានបើកចំហរយ៉ាងទូលាយ។
ប៉ុន្តែ បែជាក្រុមជ្រុលនិយម ងុបនឹងការប្រឆាំង ឬពួកស្រេកឃ្លានអំណាច បាននាំគ្នាប៉ុនប៉ងម្តងហើយម្តងទៀតក្នុងមហិច្ឆតាដ៏ខ្មៅងងឹតដើម្បីចង់ហែកសន្តិភាពយកមកចែកគ្នា។
សូមបញ្ជាក់ថា ច្បាប់ក្រមព្រហ្មទណ្ឌថ្មី និងក្រមរដ្ឋប្បវេណី ដែលបានចូលជាធរមាននាពេលថ្មីៗនេះ គឺបានរៀបចំតាក់តែង និងប្រើពេលវេលាយ៉ាងយូរ និងមានការចូលរួមពិគ្រោះយោបល់ពិនិត្យពិច័យគ្រប់ជ្រុងជ្រោយពីក្រុមអ្នកជំនាញការច្បាប់ជាតិនិងអន្តរជាតិ សង្គមស៊ីវិល និងរដ្ឋាភិបាល រហូតអនុម័ត និងចេញព្រះរាជក្រមឲ្យប្រើដោយព្រះមហាក្សត្រ ក្នុងបំណងដើម្បីពង្រឹងនិតិរដ្ឋនៅកម្ពុជា ដែលក្នុងសម័យប៉ុល ពត ត្រូវបានបំផ្លាញអស់ដល់ឬសគល់នូវច្បាប់ទម្លាប់ ក៏ដូចជាវប្បធម៌ អរិយធម៌។ ដូច្នេះការគ្រប់គ្រងសង្គមមួយដែលធានាបាននូវស្ថេរភាព និងសុខដុមនីយកម្មទៅបាន គឺអាស្រ័យដោយរដ្ឋាភិបាលមានការពង្រឹងនិងអនុវត្តច្បាប់ ក៍ដូចជាខិតខំកសាងអភិវឌ្ឍប្រទេស ហើយការដែលពួកគេមានគំនិតខ្ទាស់នឹងការយកច្បាប់មកអនុវត្ត គឺបានបញ្ជាក់ពីបំណង និងបែបផែនរបស់ក្រុមនោះថា ពិតជាចង់នាំឲ្យប្រទេសជាតិជួបនូវគ្រោះថ្នាក់ភ័យអន្តរាយ។ ជាមួយគ្នានោះគេបានកត់សម្គាល់ឃើញថា ពួកក្រុមសង្គមស៊ីវិលប្រឆាំងក្តី គណបក្សប្រឆាំងក្តីបានស្ថិតនៅក្នុងភាពមិនច្បាស់លាស់ក្នុងការដាក់សំពាធមកលើរាជរដ្ឋាភិបាល ដោយពេលខ្លះគេរិះគន់ថា រដ្ឋាភិបាលប្រកាន់យកទម្លាប់និទណ្ឌភាព និងជម្រុញឲ្យមានការចាត់ការទៅលើជនល្មើសច្បាប់ឲ្យបានទាន់ពេលវេលាទេ និងបែងចែកអំណាចឲ្យដាច់ពីគ្នា ប៉ុន្តែ នៅខណៈនេះ ពេលដែលតុលាការមានចំណាត់ការទៅលើជនបំពានច្បាប់ បែរជាពួកគេនាំគ្នាប្រតិកម្មប្រឆាំងទៅវិញ។
ជារួមការដឹកនាំក្នុងក្រុមហ៊ុនបក្សប្រឆាំង និងអង្គការក្រៅរដ្ឋាភិបាលមួយចំនួន គឺគ្មានអ្វីជាការយកមកធ្វើជាគំរូសម្រាប់អនុវត្តទេ គឺពួកគេនាំគ្នាបង្កើតបញ្ហាដើម្បីឡប់ឡែ និងបង្កអស្ថេរភាព បាក់បែកផ្ទៃក្នុងនិងការឯកភាពជាតិរវាងខ្មែរនិងខ្មែរដែលអាចនឹងនាំឲ្យមានការរើសអើងពីសំណាក់បរទេសតែប៉ុណ្ណោះ ។ ក្រុមអ្នកតាមដានស្ថានការណ៍នយោបាយ ក៍គេបានវាយតម្លៃចំពោះក្រុមប្រឆាំងដែលថា ពួកគេបានបំផុសឲ្យសកម្មជនខ្លួនប្រព្រឹត្តល្មើសច្បាប់ជាច្រើនករណី ហើយនៅពេលដែលរដ្ឋាភិបាលចាត់វិធានការ ក្រុមនេះបានយកលេសចោទប្រកាន់មកលើរាជរដ្ឋាភិបាលវិញពីការបំបិទសិទ្ធិសេរីភាព និងគាបសង្កត់លើក្រុមប្រឆាំងដើម្បីទាញចំណេញនយោបាយ ។ ដូច្នេះ ក្រុមហ៊ុននោះ ប្រាកដជានឹងត្រូវបរាជ័យ ដួលរលំជាបន្តបន្ទាប់ គឺមិនអាចមានឥទ្ធិពលអ្វីមកបោកប្រាស់ឆន្ទៈរបស់ប្រជាពលរដ្ឋខ្មែរបានឡើយ៕
ពូន សំរេច
Wednesday, December 15, 2010
បទវិចារណកថាៈ ពួកសៀមវង្វេងប្រវត្ដិសាស្ដ្រមួយក្រុមតូចនៅតែបន្ដចិញ្ចឹមចិត្ដចង់បានទឹកដីខ្មែរ
ស្របពេលដែលមេដឹកនាំនៃប្រទេសទាំងពីរបានព្រមព្រៀងគ្នាដើម្បីធ្វើអោយសភាពការណ៍ វិលទៅជាធម្មតា វិញ ដូចមុនថ្ងៃ ១៥ កក្កដា ២០០៨ ជាពិសេសនៅតំបន់ព្រំដែន ដោយតំរូវអោយទាហានថៃ ដែលកំពុងតែឈរជើង នៅវត្ដ កែវសិក្ខាគីរីស្វារៈ ដកចេញពីទឹក ដីខ្មែរ ហើយសភាពការណ៍បានវិលទៅរកភាពដើមវិញហើយ។ រីឯកងទ័ពនៃប្រទេស ទាំងពីរបានបង្កើតទំនាក់ទំនងល្អជាមួយគ្នាជាមិត្ដភាព ក្នុងនាម ជាប្រទេសជិតខាងល្អជាបងប្អូនល្អសហការល្អ។
ក្នុងខណៈពេលដែលសន្ដិភាពកំពុងតែកើតមានរវាងប្រទេសទាំងពីរមិនបានប៉ុន្មានផងស្រាប់តែលេចមុខពួក ជ្រុល និយមមួយក្ដាប់តូច មានគ្នា មួយតំបរស្វារដែលមានខួរក្បាលជាអ្នកវង្វេងប្រវត្ដិសាស្ដ្រ ពួកនេះបានបបួលគ្នាបង្កើតចលនា មួយហៅថា ៉បណ្ដាញទាមទារទឹកដីម៉ែ! " តាម ប្រភព ASTV Manager Onlineចេញផ្សាយថ្ងៃ០៨ធ្នូ ២០១០ ម៉ោង ១៨ៈ៤៩នាទី ដែលដឹកនាំដាយ លោក ស៊ីមឿងវឌ្ឍនា ឈីប បាន ដើររើសអ្នកវង្វេងដូចគ្នាមកពីប្រាំពីរខេត្ដ តាមបណោ្ដយព្រំដែនបានប្រហែល១៥០នាក់ដើម្បីប្រជុំគ្នាស្រែកទាមទារមិនដឹងជាដីម៉ែ!ពួកនោះអី នៅ ក្នុង ទឹកដីខ្មែរទៅវិញការពិតដីខ្មែរគ្មានកន្លែងណាជាកេរ្ដិ៍ម៉ែរបស់ពួកសៀមមួយក្រុម តំបរស្វារនោះទេ។ ប៉ុន្ដែនៅប្រទេស ថៃមាន ទឹកដី កេរ្ដិ៍ ដូនតាខ្មែរដ៏ធំល្វឹងល្វើយដែលចោរសៀមបានប្លន់យក ហើយកន្លែងដែលក្រុមសៀមមួយតំបរស្វារឈរស្រែកនោះ គឺជាដីដូនតា ខ្មែរ។ ពួកនេះអាងតែមានមាត់ធំនាំគ្នានិយាយមិនចេះខ្មាស់ខ្មោចម៉ែ !របស់ខ្លួនឯង និងប្រទេសជិតខាង ជាពិសេសគួរខ្មាស់ខ្មែរ ម្ចាស់ស្រុកតែម្ដង។
ជាតិនិយមឬស្នេហាជាតិប្រទេសណាក៏មានដែរប៉ុន្ដែត្រូវឈរលើគោលការណ៍ច្បាប់អន្ដរជាតិជាមូលដ្ឋានមិនមែនធ្វើចរិតដូចពួក សៀមវង្វេង ព្រំដែនសីមាមួយក្ដាប់តូចនោះទេ។ការខំប្រឹងប្រែងរបស់ថា្នក់ដឹកនាំកម្ពុជា ដោយមានការអត់ធ្មត់ជាអតិបរិមា ជាមួយនិងចរិតច្រលើស បើស របស់ពួកអស់នេះដោយមានគោលបំណងច្បាស់លាស់ គឺដើម្បី នាំយកសន្ដិភាពជូនប្រជាជាតិនៃប្រទេសទាំងពីរក៏ដូចជាប្រទេសក្នុងតំបន់ ដែរហើយសន្ដិភាពកំពុងតែកើតឡើងនឹងបាន ធ្វើដំណើរឆ្ពោះទៅកាន់សន្ដិភាពពេញបរិបូរ។ ចុះបើក្រុមទាមទារទឹកដីម៉ែ! កំពុងតែ បង្កើត ទំនាស់ អុកឡុកសង្គមថៃបញ្ចុះបញ្ចូលអោយប្រជាជនថៃអ្នកដែលស្រលាញ់សន្ដិភាពអ្នកយល់ពីប្រវត្ដិសាស្ដ្រអោយមានគំនិតច្របូកច្របល់តើនេះមិនមែនជាកាបង្ករការបែកបាក់ និងការបំផ្លាញសន្ដិភាពទេឬអី? ពួកនេះគួរតែនាំគ្នាជួយថ្នមថែនូវសន្ដិភាពដែល ថា្នក់ដឹកនៃប្រទេស ទាំងពីររកបានយ៉ាងលំបាក។គិតសព្វៗទៅមិនដឹងជាដីម៉ែ !ពួកនេះនៅកន្លែងណា?បានចេះតែដើរទាមទារតែផ្ដេសតែផ្ដាស់ប៉ះពាល់ អធិបតេយ្យភាព ប្រទេសជិតខាងដូច្នេះទៅវិញ។
បើតាមប្រវត្ដិសាស្ដ្រ ដីម៉ែ!ពួកនេះ នៅឯខេត្ដយូណានប្រទេសចិនឯណោះទេម្ដេចមិននាំគ្នាទៅទាមទារយកទៅ?យ៉ាងម៉េចបានជានាំគ្នា និយាយ កុហក់ជាតិខ្លួនឯងថា នៅក្នុងប្រទេសកម្ពុជាមានដីកេរ្ដិ៍ម៉ែ!របស់ខ្លួនទៅវិញ ឱ!សៀមវង្វេងប្រវត្ដិសាស្ដ្រល្មមដល់ពេលភ្ញាក់ដឹងខ្លួន ហើយ មិនគួរ ណាវង្វេងយូរយ៉ាងនេះសោះតើនិងវង្វេងដល់កាលណាទៀត?
មើលមួយជ្រុងទៀតពួកវង្វេងកេរ្ដិ៍ម៉ែ!អស់នេះ គឺមានចេតនាស្អប់សន្ដិភាពស្អប់ភាពជាអ្នកជិតខាងល្អ តែផ្ទុយទៅវិញពួកនេះបង្កបង្កើតអោយ មាន ទំនាស់រវាងជាតិសាសន៍មួយទៅជាតិសាសន៍មួយទៀតនៅពេលថ្នាក់ដឹកនាំប្រទេសទាំងពីរគឺ កម្ពុជានិងថៃបានស្វែងរក សន្ដិភាព ឃើញ ព្រមទាំងបានអនុវត្ដឆ្ពោះទៅកាន់សន្ដិភាពពេញបរិបូរណ៍បែរជាពួកវង្វេងកេរ្ដិ៍ម៉ែ!អស់នេះ មិនសប្បាយចិត្ដ ដោយបបួលគ្នា បង្កើត អោយមាន ជម្លោះបន្ដទៀតបញ្ចុះបញ្ចូលប្រជាជនថៃអោយចូលរួមអំពើរឆ្កួតលីលាររបស់ក្រុមខ្លួនដែរ។ ពួកវង្វេងកេរ្ដិ៍អស់នេះ តែងតែ បញ្ឆេះរដ្ឋាភិបាលថៃ អោយប្រើប្រាស់ កំលាំងអាវុធដើម្បីរំលោភលើបូរណភាពដែនដីខ្មែរ នឹងបានដុតបញ្ឆេះកំហឹងប្រទេសជាតិអោយធ្លាក់ចូលទៅក្នុងភ្លើង សង្គ្រាមដោយយកលេសថាដីកេរ្ដិ៍ម៉ែ!របស់ខ្លួននៅកន្លែងនេះដីកេរ្ដិ៍ម៉ែ!នៅកន្លែងនោះ ពេលដោះស្រាយរួចបញ្ហាមួយ បានលើក យកបញ្ហាមួយទៀត ធ្វើបែបនេះជាបន្ដបន្ទាប់ ក្នុងចរិតឡប់ឡែបំពុលបរិកាសប៉ុន្ដែអ្វីដែលពួកគេនិយាយគឺគ្មានមូលដ្ឋានគ្រឹះណា មួយដែល អាចយកមកធ្វើការពិចារណាបានឡើយនិយាយតែរឿងមិនបានការ ដីខ្មែរសោះបែរជាថា ដីកេរ្ដិ៍ម៉ែ!ពួកខ្លួនទៅវិញ។ ទង្វើលាមកបែបនេះគឺបាន បង្ហាញយ៉ាងច្បាស់ពួកគេកំពុងតាំងខ្លួនធ្វើជាចោរ អន្ដរជាតិ យ៉ាងពេញទី។ គេលើកឡើងពី MOUនិងបង្ខំអោយខ្មែរចេញពីដី ៤.៦គម២ ទាមទារយកប្រាសាទព្រះវិហាររបស់ខ្មែរ។ចំពោះរឿងប្រាសាទព្រះវិហារគឺបានបញ្ចប់ក្នុងភាពឥតខ្ចោះតាំងពីឆ្នាំ១៩៦២នៅទីក្រុងឡាអេ ដោយតុលាការអន្ដរជាតិ ICJ រួចរាល់ទៅហើយ ចំណែកឯ MOUគឺមានការពិភាក្សានិងសិក្សាយ៉ាងច្បាស់លាស់ដោយអ្នកជំនាញនៃប្រទេស ទាំងពីរ ហើយបានចុះហត្ថលេខាតាំងពីឆ្នាំ ២០០០មកម្លេះ ក៏ពួកសៀមវង្វេងមួយក្ដាប់តូចនេះលើកយកមកនិយាយដែរ។ រីឯរឿងគួរអោយអាម៉ាស់ គឺពួកនេះនាំគ្នានិយាយដដែលៗថា និងប្រាប់រដ្ឋាភិបាលថៃអោយបណ្ដេញប្រជាជនខ្មែរ ចេញពីតំបន់ ៤.៦គម២ ដោយអះអាងថា ជាដី កេរ្ដិ៍ម៉ែ! ក្រុមខ្លួន។ ពួកសៀមវង្វេងកេរ្ដិ៍ម៉ែ! ត្រូវចាំថា ខ្មែរនៅក្នុងទឹកដីខ្មែរ ជា កេរ្ដិ៍ដូនតារបស់ខ្មែរ កុំច្រឡំជ្រុលពេកតែផ្ទុយទៅវិញ ពួក សៀមវង្វេងកេរ្ដិ៍ម៉ែ! ទាំងនោះទេដែលកំពុងតែរស់នៅយ៉ាងសុខសាន្ដលើដីដូនតាខ្មែរ។
ជាការឆ្លើយតបពី ខ្ញុំបាទ អានន្ទជាកូនខ្មែរដែលបានតាមដានសភាពការណ៍ ខ្មែរ-ថៃ សូមផ្ដាំទៅពួកអាវលឿងជ្រុលនិយម គួរលាងខួរ ក្បាល អោយជ្រះស្រឡះ ពុំគួរគប្បីជ្រើសរើសយកអកប្បកិរិយាច្រលើសបើសឡប់សតិ មានគំនិតវាទីនិយមចង់បានទឹកដីខ្មែរដោយ រំលេភ ច្បាប់អន្ដរជាតិ នោះក្លិនស្អុយអាសោចនឹងប៉ះត្រឡប់ទៅព្រះមហាក្សត្រ ឫក៏ប្រទេសខ្លួនវិញជាក់ជាពុំខាន សូមកុំសុបិន្ដចង់បាន ដីខ្មែរ ទៀត ពីព្រោះសម្ដេចតេជោ មិនអនុញ្ញាតិអោយអស់លោក ធ្វើតាមទំនើងចិត្ដបានឡើយ។
អានន្ទ
Subscribe to:
Posts (Atom)