សម្តេចអគ្គមហាសេនាបតីតេជោ ហ៊ុន សែន
បានថ្លែងអះអាងថា
សម្តេចធានាខុសត្រូវប្រសិនបើរាជរដ្ឋាភិបាលកម្ពុជាបានអនុវត្តខុស
ចំពោះប្រការដែលមានចែងក្នុងកិច្ចព្រមព្រៀងសន្តិភាពទីក្រុងប៉ារីស
២៣ តុលា។
នៅក្នុង
មហាមិទ្ទីញដើម្បីអបអរព្រះរាជពិធីបុណ្យចម្រើនព្រះជន្មគម្រប់ ៨៩
យាងចូល ៩០ ព្រះវស្សា និងខួប ២០
ឆ្នាំនៃការយាងនិវត្តន៍មកកាន់មាតុភូមិវិញរបស់សម្តេចឳព្រះមហាវីរក្សត្រ និង សម្តេចម៉ែ ដែលមានមហាជនប្រមាណជា ៤ ម៉ឺននាក់ ចូលរួមនៅមុខព្រះបរមរាជវាំងនៅថ្ងៃទី ៣០ តុលា សម្តេចតេជោនាយករដ្ឋមន្រ្តីមាន
ប្រសាសន៍ឲ្យដឹងថា «កិច្ចព្រមព្រៀងទីក្រុងប៉ារីសមិនបាន
កំណត់ឲ្យរំលាយអង្គការចាត់តាំងខាងនយោបាយ
និងយោធារបស់កម្ពុជាប្រជាធិបតេយ្យ
ដែលជាប្រភពនៃរបបប្រល័យពូជសាសន៍និងសង្គ្រាមនោះឡើយ
ផ្ទុយទៅវិញកិច្ចព្រមព្រៀង
ទីក្រុងប៉ារីសបានតម្រូវឲ្យភាគីខ្មែរក្រហមជាភាគីស្របច្បាប់នៅ
កម្ពុជាទៀតផង» ។
សម្តេចតេជោថ្លែងថា
“ក្នុងការអនុវត្តន៍កិច្ចព្រមព្រៀងនេះ
ហត្ថលេខីនៃភាគីខ្មែរក្រហមបានដកខ្លួនចេញមិនព្រមអនុវត្ត
ហើយរកគ្រប់វិធីដើម្បីបំផ្លាញដំណើរការអនុវត្ត
កិច្ចព្រមព្រៀងទីក្រុងប៉ារីស ក្នុងស្ថានភាពបែបនេះ
រដ្ឋាភិបាលនៃរដ្ឋកម្ពុជាបានខិតខំថែរក្សានូវអាយុជីវិតនៃកិច្ចព្រម
ព្រៀង នេះដោយបានអនុវត្តយ៉ាងម៉ឹងម៉ាត់ក្នុង
ប្រការទាំងឡាយក្នុងកិច្ចព្រមព្រៀង» ដោយធ្វើសហ
ការយ៉ាងស្មោះត្រង់ជាមួយកម្លាំងនយោបាយនានា និង
សហគមន៍អន្តរជាតិធ្វើឱ្យមានការបោះឆ្នោតជាសកលនាឆ្នាំ ១៩៩៣
ប្រកបដោយជោគជ័យ និង សុវត្ថិភាព ។
សម្តេចតេជោមាន
ប្រសាសន៍ថា «ត្រង់ចំណុចនេះបើសិនជាវាជាការខុសឆ្គងពិតប្រាកដមែន
ខ្ញុំសុខចិត្តទទួលខុស ត្រូវជួសមុខឲ្យរាជរដ្ឋាភិបាល និង
គណបក្សប្រជាជន ព្រោះខ្ញុំជាអ្នករៀបចំយុទ្ធសាស្រ្ត និង
ដឹកនាំអនុវត្តដោយផ្ទាល់នូវនយោបាយឈ្នះៗធ្វើឲ្យខ្មែរក្រហមរលំរលាយ
នាំមកនូវសន្តិភាព និង ការបង្រួមបង្រួមជាតិ ឯកភាពទឹកដី
ដែលប្រជាពលរដ្ឋទូទាំងប្រទេសរាប់ទាំងអតីតខ្មែរក្រហម
ដែលធ្វើសមាហរណកម្មចូលក្នុងសង្គមជាតិ ហើយទទួលបានផលពីសន្តិភាព
និងការអភិវឌ្ឍរយៈពេលជាង ១ ទសវត្សកន្លងមកនេះ»។ សម្តេចតេជោនាយករដ្ឋមន្រ្តីថ្លែងថា
បើសិននេះ(ការរំលាយអង្គការចាត់តាំងនយោបាយ
និងយោធារបបកម្ពុជាប្រជាធិបតេយ្យ)ជាកំហុសមែននោះ
គេគួរតែដោះលែងមេដឹកនាំខ្មែរក្រហម
ដែលតុលាការកំពុងធ្វើការកាត់ទោសឲ្យចេញមកបង្កើត គណបក្សនយោបាយ និង
ចូលរួមបោះឆ្នោតនាពេលខាងមុខ
វាប្រសើរជាងនាំគ្នារិះគន់រាជរដ្ឋាភិបាលថា
មិនបានអនុវត្តត្រឹមត្រូវតាមកិច្ចព្រមព្រៀងទីក្រុងប៉ារីសនោះ។
សម្តេចអគ្គមហាសេនាបតីតេជោ ហ៊ុន សែន
បានថ្លែងថា បន្ទាប់ពីបញ្ចប់សង្គ្រាមតាមនយោបាយឈ្នះឈ្នះនៃចុងឆ្នាំ
១៩៩៨ ព្រះរាជាណាចក្រកម្ពុជា
បានបោះជំហានទៅមុខក្នុងស្ថានភាពដែលកត្តាខាងក្នុងនិងកត្តាខាង
ក្រៅមានភាពអនុគ្រោះយ៉ាងច្រើនធ្វើឲ្យការកសាងសង្គមជាតិ
មានការប្រែប្រួល រីកចម្រើនថ្មី គួរឲ្យមោទកភាព ។
យើងបានរួមគ្នាខិតខំប្រឹងប្រែងក្រោមបាវចនា ជាតិ សាសនា ព្រះមហាក្សត្រ
ដើម្បីថែរក្សាការពាររដ្ឋធម្មនុញ្ញ ពង្រឹងសន្តិភាព ស្ថិរភាព នយោបាយ
ការបង្រួបបង្រួមជាតិ ផ្សះផ្សាជាតិ និង អភិវឌ្ឍន៍ប្រទេសជាតិ
ដោយទទួលបានការគាំទ្រយ៉ាងទូលំទូលាយ
ទាំងនៅក្នុងប្រទេសទាំងនៅក្រៅប្រទេស ។
សមិទ្ធិផលទាំងនេះគឺកើតចេញពីកម្លាំងសាមគ្គីដ៏ស្រួចស្រាល់
របស់ប្រជាជាតិយើង ដែលមានតម្លៃជ្រាលជ្រៅ ជាប្រវត្តិសាស្ត្រ
ដោយបានបង្កើតជាមូលដ្ឋានគ្រឹះរឹងមាំលើគ្រប់វិស័យ
ដើម្បីធានាដល់ការស្ថិតស្ថេរ
គង់វង្សនិងរីកចម្រើនរបស់កម្ពុជាក្រោមព្រះរាជតម្រិះផ្តួចផ្តើមដ៏
ឈ្លាសវៃ នៃការបង្កើតគោលនយោបាយបង្រួបបង្រួមជាតិ ផ្សះផ្សាជាតិនៃព្រះករុណា ព្រះបាទសម្តេចព្រះនរោត្តមសីហនុ ព្រះមហាវរក្សត្រ ព្រះវីររាជបិតាឯករាជ្យ បូរណភាពទឹកដី និងឯកភាពជាតិខ្មែរ និងសម្តេចព្រះមហាក្សត្រី នរោត្តម មុនីរាថសីហនុ ព្រះវររាជមាតាជាតិខ្មែរក្នុងសេរីភាពសេចក្តីថ្លៃថ្នូរនិងសុភមង្គលជាទីគោរពសក្ការដ៏ខ្ពង់ខ្ពស់បំផុត ។ សម្ដេចតេជោ
មានប្រសាសន៍ថា កន្លងមកក៏ដូចបច្ចុប្បន្ន និងទៅ អនាគត រាជរដ្ឋាភិបាល
បានយកអស់ពីកម្លាំងកាយចិត្ត អនុវត្តយ៉ាងសកម្ម នូវយុទ្ធសាស្ត្រចតុកោណ
ដំណាក់កាលទី១ ដំណាក់កាលទី ២ ដើម្បីកសាងសង្គមកម្ពុជាមួយ
លើមាគ៌ាអភិវឌ្ឍន៍គ្រប់វិស័យ ។ ភារកិច្ចរួមជាយុទ្ធសាស្ត្រនោះ
គឺរួបរួមសាមគ្គីប្រជាជនទាំងមូលការពាររបបរាជានិយម
ការពាររដ្ឋធម្មនុញ្ញ ការពារព្រះរាជាណាចក្រកម្ពុជាឲ្យរឹងមាំ
ការពារសន្តិភាពដ៏ពេញលេញ
ការពារស្ថិរភាពនយោបាយនិងការបង្រួបបង្រួមជាតិទប់ស្កាត់គ្រប់សក
ម្មភាព ដែលធ្វើឲ្យប៉ះពាល់ដល់សន្តិភាព សន្តិសុខ
និងសណ្ដាប់ធ្នាប់សាធារណៈ ។ ទន្ទឹមនេះ
នៅមានការការពារលទ្ធិប្រជាធិបតេត្យ សិទ្ធិមនុស្ស
ការកសាងនីតិរដ្ឋ និងយុត្តិធម៌សង្គម ។
ការប្តេជ្ញាខិតខំធ្វើអោយមានការរីកចម្រើនថ្មី នូវជីវភាពរស់
នៅរបស់ប្រជាជន ។ ការជ្រោងខ្ពស់ទង់ឯករាជ្យ អធិបតេយ្យជាតិ
ពង្រីកសហប្រតិបត្តិការជាមួយ សហគមន៍អន្តរជាតិ
ដោយខិតខំទាក់ទាញជំនួយបរទេស ដើម្បីអភិវឌ្ឍន៍ប្រទេសជាតិ ។
ក្នុងឱកាសដ៏វិសេសវិសាលជាប្រវត្តិសាស្ត្រនេះ ដែលសម្តេចតេជោនាយករដ្ឋមន្រ្តីបានថ្វាយព្រះរាជសព្ទសាធុការពរបវរមហាប្រសើរថ្វាយព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃ
ព្រះរាជាណាចក្រកម្ពុជា ក្នុងគម្រប់ខួបលើកទី ៧
នៃការគ្រងព្រះបរមរាជសម្បត្តិរបស់ព្រះអង្គ
សូមព្រះអង្គគង់ប្រថាប់នៅជាម្លប់ដ៏ត្រជាក់
ប្រកបដោយព្រះបរមសុខក្សេមក្សាន្ត មានព្រះជន្មាយុយឺនយូរ
ព្រះបញ្ញាញាណភ្លឺថ្លា
ដើម្បីបានដឹកនាំមាតុភូមិកម្ពុជារីកចម្រើនតរៀងទៅ ។
សូមបួងសួងដល់គុណបុណ្យព្រះរតនត្រ័យ កែវទាំងបី
វត្ថុស័ក្តិសិទ្ធិក្នុងលោក ទេវតារក្សាព្រះរាជាណាចក្រកម្ពុជា ពិសេស
ទេវតារក្សាព្រះមហាស្វេតច្ឆត្រ បារមីព្រះកែវមរកត
សូមជួយអភិបាលរក្សាប្រទានសព្ទសាធុការពរថ្វាយ ព្រះករុណា ព្រះមហា វីរក្សត្រ ព្រវររាជបិតាជាតិខ្មែរ និង សម្តេចព្រះមហាក្សត្រី ព្រះវររាជមាតាជាតិខ្មែរ
សូមទ្រង់ប្រកបដោយព្រះជន្មាយុយឺនយូរ ជាងរយព្រះវស្សា
ព្រះសុខុមាលភាពល្អបរិបូរណ៍ ព្រះកាយ ពលមាំមួន
ដើម្បីបានគង់នៅជាម្លប់ដ៏ត្រជាក់ក្សេមក្សាន្ត នៃកូនចៅ ចៅទួត
របស់ព្រះអង្គយូរអង្វែង តរៀងទៅ។
សូម
បញ្ជាក់ថា នៅក្នុងជំហរដើម្បីបញ្ចប់នូវសង្គ្រាម រាំរ៉ៃ និង
នាំមកនូវសុខសន្តិភាពដ៏ពេញ លេញ គណបក្សប្រជាជនកម្ពុជា
និងរដ្ឋាភិបាលអតីតរដ្ឋកម្ពុជា បានដាក់ចេញគោល
នយោបាយបង្រួបបង្រួមជាតិ ផ្សះផ្សាជាតិ
និងចាត់តាំងអនុវត្តដោយខ្ជាប់ខ្ជួននូវគោលនយោបាយនេះ
រហូតឈានដល់ការជួបចរចាជាលើកដំបូងរវាងព្រះករុណាព្រះមហាវីរក្សត្រ ព្រះវររាជបិតាជាតិខ្មែរ និងសម្តេចតេជោនាយករដ្ឋមន្រ្តី
នៅហ្វែរអង់តាដឺន័រ ប្រទេសបារាំងនាថ្ងៃទី ០២ ខែធ្នូឆ្នាំ ១៩៨៧ ។
ផ្តើមចេញពីជំនួបលើកទី ១ នេះ ការ អនុវត្តន៍យុទ្ធវិធីដើម្បីសម្រេច
ទិសដៅយុទ្ធសាស្ត្រនៃការបង្រួបបង្រួមជាតិផ្សះផ្សាជាតិ
រដ្ឋាភិបាលអតីតរដ្ឋកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជា
ប្រមុខបានខិត ខំព្យាយាម
ធ្វើអ្វីៗគ្រប់យ៉ាងទាំងអស់ប្រកបដោយជំហរស្មោះត្រង់រហូតដល់បាន
សម្រេចនូវកិច្ចព្រមព្រៀង មួយនៅទីក្រុងប៉ារីសនាថ្ងៃ ទី ២៣ ខែ តុលា
ឆ្នាំ ១៩៩១។
ដូច្នេះគេ
អាចធ្វើការវាយតម្លៃថា អ្នកដែលនាំឲ្យមាន
កិច្ចព្រមព្រៀមសន្តិភាពទីក្រុងប៉ារីស ២៣ តុលា ឆ្នាំ ១៩៩១
គឺជំនួបគ្នាលើកដំបូងរវាងព្រះករុណាព្រះមហាវីរក្សត្រ ព្រះវររាជបិតាជាតិខ្មែរ និងសម្តេចតេជោនាយករដ្ឋមន្រ្តី។
ឯកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ ១៩៩១
ដែលមានប្រទេសចំនួន ១៨
ចូលរួមចុះហត្ថលេខាគាំទ្រគឺគ្រាន់តែជាការធានាឲ្យភាគីខ្មែរជួប
ជុំគ្នា ដើម្បីធ្វើការបោះឆ្នោត
និងកសាងអភិវឌ្ឍន៍ប្រទេសតែប៉ុណ្ណោះ។
ប៉ុន្តែមិនបាននាំមកនូវសន្តិភាពពេលលេញជូនប្រជាជន
និងប្រទេសកម្ពុជានោះឡើយ។ សន្តិភាពពិតប្រាកដគឺបង្កើតឡើងដោយ នយោបាយឈ្នះឈ្នះរបស់សម្តេចអគ្គមហាសេនាបតីតេជោ ហ៊ុន សែន ។