ក្រុមថៃអាវលឿងបានដក កម្លាំងចេញពីផ្សារឡុងកឿ ក្រោយការប៉ុនប៉ងបិទច្រកព្រំដែនថៃ កម្ពុជា មិនបានសម្រេច ដោយសារតែប្រជាជន ថៃ តាមព្រំដែនខេត្តស៊ីសាកេត បាននាំគ្នាតវ៉ា ។ ប្រធានការិយាល័យទំនាក់ទំនង ច្រកព្រំដែនកម្ពុជាថៃ លោកវរសេនីយ៍ ឌីផេន បានមានប្រសាសន៍ថា ការដកកម្លាំង បានធ្វើកាលពីម៉ោង១ថ្ងៃត្រង់ ។
សេចក្តីរាយការណ៍ពី ប្រទេសថៃបានអោយដឹងថា អ្នកស្រុកចំនួន៣០០ នាក់ពីក្នងស្រុក៤នៃខេត្តស៊ីសាកេត គឺពីស្រុកតាផ្រាយ៉ា ស្រុកឃុក ស៊ុង ស្រុកអារញ្ញប្រាថេត និងស្រុកខ្លងហាត បាននាំគ្នាដាក់ពង្រាយ នៅមុខសាលាស្រុកអារញ្ញប្រាថេត ដើម្បីរារាំងក្រុមថៃអាវលឿងដែល បានលើកគ្នាចង់មកបិទច្រកថៃមិនអោយមានការចេញចូលពីច្រក អារ៉ាញ៉ប្រាថេត ចូលទៅក្រុងប៉ោយប៉ែតប្រទេសកម្ពុជា។ ប្រជាជនថៃ ដែលប្រឆាំងក្រុមថៃអាវលឿងបាននិយាយថា សុវត្តិភាពរបស់ពួកគេ ដែលជាប្រជាជនតាមទល់ដែននឹងអាចប្រឈមគ្រោះថ្នាក់ប្រសិនណា បើមានសង្គ្រាមផ្ទុះឡើង។ សូមជំរាបក្រុមថៃអាវលឿងពេលនេះ កាន់ តែខឹងនាយករដ្ឋមន្ត្រីអាប់ភីស៊ីត ក្រោយពីសកម្មជនរបស់គេ២នាក់ ត្រូវគេចោទបន្ថែមទៀតពីបទធ្វើចារកម្មព័ត៌មានដែលអាចនាំអោយ ជាប់គុកពី៥ទៅ១០ឆ្នាំ។ ក្រុមថៃអាវលឿងបានស្រែកទាមទារអោយ នាយករដ្ឋមន្ត្រីថៃ លោកអាប់ភីស៊ីតចុះចេញពីតំណែង នៅគ្រាដែល ក្រុមអ្នកស្រុកថៃនៅសាកែវ បាននិយាយការពារលោកអាប់ភីស៊ីត។ ក្រុមអ្នកស្រុកនៅខេត្តសាកែវ បាននិយាយថាការជួយថៃទាំង៧នាក់ ដែលកំពុងជាប់គុកនៅកម្ពុជា មិនមែនជាការទទួលខុសត្រូវរបស់ពួក ថៃ អាវលឿងនោះទេ ប៉ុន្តែជាការទទួលខុសត្រូវ របស់រារដ្ឋាភិបាលថៃ និងក្រសួងការបរទេស។
Thursday, January 13, 2011
ពលរដ្ឋខ្មែរ ៧នាក់ ត្រូវបានទទួលស្វាគមន៍ដោយអធឹកអធម
បន្ទាយមានជ័យ: ពលរដ្ឋខ្មែរ ៧នាក់ ដែលអាជ្ញាធរថៃសម្រេចដោះលែងនៅថ្ងៃនេះត្រូវបានទទួលស្វាគមន៍យ៉ាងអធឹកអធមពីសំណាក់អាជ្ញាធរដែនដីដោយមានទាំងបាច់ផ្កាសម្រាប់ជូនទៀតផង ។ ការទទួល បដិសណ្ឋារកិច្ចនេះបានទទួលការណែនាំពីសំណាក់សម្តេចតេជោហ៊ុន សែន នាយករដ្ឋមន្ត្រី ដែលបានបញ្ជាឲ្យអាជ្ញាធរខេត្តបន្ទាយមានជ័យមានអភិបាលខេត្តផងទៅទទួលដល់ព្រំដែន ប៉ោយប៉ែតតែម្តង ។
អាជ្ញាធរថៃបានសម្រេចដោះលែងជនជាតិខ្មែរ ៧នាក់ ដែលខ្លួនចាប់នោះឲ្យវិលត្រឡប់មកប្រទេសវិញនៅល្ងាច ថ្ងៃទី១៣ មករានេះ ។ ការដោះលែងនេះក្រោមហេតុផលថាពួកគេគ្មានកំហុសធ្ងន់ធ្ងរឡើយពោលគឺគ្រាន់តែបណ្ណ័ចេញចូលរបស់ពួកគេហួសសុពលភាពតែប៉ុណ្ណោះ ។ ពួកគេត្រូវបានបញ្ជូនមកដល់ព្រំដែននៅម៉ោង ៦និង១២នាទីល្ងាចនេះ ។
កាលពីថ្ងៃម្សិលមិញ អាជ្ញាធរខេត្តស្រះកែវបានអះអាងប្រាប់ភាគីកម្ពុជាថាពីនេះទៅដល់ថ្ងៃទី២៤ មករា ដែលជាថ្ងៃកំណត់បើកសវនាការរបស់តុលាការ គេមិនអាចធ្វើអ្វីបានទេ ។ ប៉ុន្តែថ្ងៃនេះ ពួកគេបានប្តូរចិត្តវិញដោយសុខចិត្តដោះលែងជនជាតិខ្មែរទាំង ៧នាក់ ឲ្យមកស្រុកវិញជាមួយនឹងការបង់ប្រាក់លោះខ្លួនចំនួនជាងមួយពាន់បាត ។
ពលរដ្ឋខ្មែរទាំង ៧ ត្រូវបានអាជ្ញាធរថៃចាប់ខ្លួនកាលពីថ្ងៃទី១០ មករាដោយសារតែបណ្ណ័ចេញចូលដីថៃរបស់ពួកគេអស់សុពលភាព ។ ពលរដ្ឋទាំងនោះតែងចេញចូលទៅរកស៊ីនៅលើទឹកដីថៃជាពិសេសក្នុងផ្សាររុងក្លឿជិតទល់ដែនខ្មែរ ៕
អាជ្ញាធរថៃបានសម្រេចដោះលែងជនជាតិខ្មែរ ៧នាក់ ដែលខ្លួនចាប់នោះឲ្យវិលត្រឡប់មកប្រទេសវិញនៅល្ងាច ថ្ងៃទី១៣ មករានេះ ។ ការដោះលែងនេះក្រោមហេតុផលថាពួកគេគ្មានកំហុសធ្ងន់ធ្ងរឡើយពោលគឺគ្រាន់តែបណ្ណ័ចេញចូលរបស់ពួកគេហួសសុពលភាពតែប៉ុណ្ណោះ ។ ពួកគេត្រូវបានបញ្ជូនមកដល់ព្រំដែននៅម៉ោង ៦និង១២នាទីល្ងាចនេះ ។
កាលពីថ្ងៃម្សិលមិញ អាជ្ញាធរខេត្តស្រះកែវបានអះអាងប្រាប់ភាគីកម្ពុជាថាពីនេះទៅដល់ថ្ងៃទី២៤ មករា ដែលជាថ្ងៃកំណត់បើកសវនាការរបស់តុលាការ គេមិនអាចធ្វើអ្វីបានទេ ។ ប៉ុន្តែថ្ងៃនេះ ពួកគេបានប្តូរចិត្តវិញដោយសុខចិត្តដោះលែងជនជាតិខ្មែរទាំង ៧នាក់ ឲ្យមកស្រុកវិញជាមួយនឹងការបង់ប្រាក់លោះខ្លួនចំនួនជាងមួយពាន់បាត ។
ពលរដ្ឋខ្មែរទាំង ៧ ត្រូវបានអាជ្ញាធរថៃចាប់ខ្លួនកាលពីថ្ងៃទី១០ មករាដោយសារតែបណ្ណ័ចេញចូលដីថៃរបស់ពួកគេអស់សុពលភាព ។ ពលរដ្ឋទាំងនោះតែងចេញចូលទៅរកស៊ីនៅលើទឹកដីថៃជាពិសេសក្នុងផ្សាររុងក្លឿជិតទល់ដែនខ្មែរ ៕
កិច្ចសន្យាបោះពុម្ពផែនទីដីគោកថ្មីកម្ពុជាវៀតណាមត្រូវបានចុះហត្ថលេខា
កិច្ចសន្យាបោះពុម្ពផែនទីដីគោកថ្មីកម្ពុជាវៀតណាមត្រូវបានចុះហត្ថលេខា
ទទួលបន្ទុកកិច្ចការព្រំដែនវៀតណាមជាតំណាង ព្រមទាំងតំណាងក្រុមហ៊ុនប្ល៊ូម បានចុះហត្ថលេខានៅរសៀលថ្ងៃទី១៣មករានេះលើកិច្ចសន្យាបោះពុម្ពផែនទីដីគោកថ្មី រវាងកម្ពុជានិងវៀតណាម ។
លោកវ៉ា គឹមហុងអះអាងថា ការបោះពុម្ពផែនទីនឹងបញ្ចប់នៅខែកក្កដាឆ្នាំ២០១២ ដោយប្រើបច្ចេកទេសថតរូបភាពពីលើយន្តហោះ។ បន្ទាប់មកគេនឹងបញ្ចូល ទិន្នន័យទាំងឡាយពោលគឺបង្គោលព្រំដែនទាំង៣៧៥បង្គោលរួមទាំងទិន្នន័យភូមិសាស្ត្រផ្សេងទៀត។ លោកហូស៊ិនសឺនបញ្ជាក់ថា ការបោះពុម្ពផែនទីថ្មីនេះគឺដើម្បីឲ្យប្រទេសទាំងពីរមានព្រំដែនច្បាស់លាស់និងប្រកប ដោយមិត្តភាព និងការអភិវឌ្ឍន៍។
នាយកក្រុមហ៊ុនប្ល៊ូមអះអាងថា ក្រុមហ៊ុននេះមានបទពិសោធន៍ជាចច្រើនមកហើយក្នុងបណ្តាប្រទេសអាស៊ាន ហើយគេនឹងធ្វើផែនទីទៅតាមលក្ខណៈបច្ចេកទេស។
ក្រុមហ៊ុនប្ល៊ូមត្រូវបានជ្រើសរើសឲ្យបោះពុម្ពផែនទីនេះកាលពីពាក់កណ្តាលខែវិច្ឆិកាឆ្នាំ២០១០ក្នុងចំណោមក្រុមហ៊ុនបរទេស៥ដែលបានដាក់ដេញថ្លៃ។ ក្រុមហ៊ុនប្ល៊ូមរបស់ប្រទេសនរ័វេស និងដាណឺម៉ាកបានដាក់តម្លៃ ១ ៥២៨ ០០០ ដុល្លារ។
ប្រទេសកម្ពុជានិងវៀតណាមបានព្រមព្រៀងគ្នាចេញថ្លពាក់កណ្តាលម្នាក់សម្រាប់ការបោះពុម្ពផែនទីថ្មីនេះ។ បើយោងតាមលោកវ៉ា គឹមហុង ផែនទីថ្មីនេះនឹងត្រូវបោះពុម្ពដោយខ្នាត១លើ ២៥ ០០០ ដែលមានលក្ខណៈច្បាស់លាស់ជាងមុន៕
ដោយ : រតនា
បទវិចារណកថា៖ អធិបតេយ្យភាពរបស់កម្ពុជាត្រូវតែគោរពដាច់ខាត ថ្ងៃទី ១២ ខែ មករា ឆ្នាំ ២០១១
ក្នុងរយៈពេលជិតពីរ សបា្ដហ៍កន្លងទៅនេះ មានការធ្វើសេចក្ដី អត្ថាធិប្បាយជា ច្រើនក្នុងចំណោម មជ្ឈដ្ឋាន ជាតិ និងអន្ដរជាតិ ជុំវិញការ ចាប់ខ្លួនជនជាតិ ថៃទាំង ៧នាក់ ដោយអាជ្ញាធរ កម្ពុជា កាលពីថ្ងៃទី ២៩ ខែ ធ្នូ ឆ្នាំ ២០១០ ដែលក្នុង ចំណោមនោះមាន វីរៈ សុមខ្វាមឃិត ជាមេដឹកនាំ នៃបណ្ដាញ អ្នកស្នេហា ជាតិថៃ និងម្នាក់ទៀត ជា សមាជិកសភា មកពីគណបក្សប្រជាធិបតេយ្យដែល កំពុងគ្រប់គ្រងអំណាច របស់ប្រទេសថៃ បានឆ្លងដែនចូលទៅ ក្នុងទឹកដីកម្ពុជា ដោយខុសច្បាប់ ហើយបានចូលទៅក្នុងតំបន់យោធា របស់កម្ពុជា។
មតិជាតិ និងអន្ដរជាតិបាន យល់ដឹងយ៉ាងច្បាស់ថា ខ្សែបន្ទាត់ព្រំដែន អន្ដរជាតិរវាងកម្ពុជា និងថៃត្រូវបាន កសាងឡើងដោយអនុសញ្ញាឆ្នាំ ១៩០៤ និងសន្ធិសញ្ញាឆ្នាំ ១៩០៧ ហើយផែនទីអន្ដរជាតិឆ្នាំ ១៩០៨ ត្រូវបានផលិត និងចែកចាយដល់ ប្រទេសពាក់ព័ន្ធ និងដល់បណ្ដាប្រទេស ដទៃទៀតដូចជាអង់គ្លេស សហរដ្ឋអាមេរិក អាល្លឺម៉ង់ និងរុស្ស៊ី ។ល។ ហើយប្រទេសទាំងពីរកម្ពុជា និងថៃបានប្រើប្រាស់ ផែនទីអន្ដរជាតិឆ្នាំ ១៩០៨ អស់រយៈពេលជាង ១០០ឆ្នាំ មកហើយ។ ពិសេស នៅក្នុងឆ្នាំ ១៩៦២ ក្នុងរឿងក្ដីអំពីប្រាសាទ ព្រះវិហារ តុលាការយុត្ដិធម៌អន្ដរជាតិ ក្រុងឡាអេ បានប្រើប្រាស់ផែនទីឆ្នាំ ១៩០៨ ដើម្បីសម្រេចក្ដី ហើយបានរកឃើញនូវសុពលភាព និងនីត្យានុកូលភាព អន្ដរជាតិនៃផែនទីឆ្នាំ ១៩០៨ នឹងបានកំណត់ ហៅផែនទីនោះថា មានតម្លៃលើសលុបលើបញ្ញត្ដិនៃអនុសញ្ញា ឆ្នាំ ១៩០៤ និងសន្ធិសញ្ញា ១៩០៧។ ខ្សែបន្ទាត់ព្រំដែនអន្ដរជាតិ រវាងកម្ពុជា និងថៃ ជាខ្សែបន្ទាត់ព្រំដែន ច្បាស់លាស់ និងស្ថាពរ ដែលគ្មានតំបន់ជម្លោះ អ្វីឡើយរវាងប្រទេសទាំងពីរ។
ការឆ្លងដែនចូលជ្រៅទៅក្នុងទឹកដីកម្ពុជា តាមបង្គោលព្រំដែនលេខ ៤៦ ដោយខុសច្បាប់ និងចូល ទៅក្នុងតំបន់យោធាកម្ពុជា ដោយជនជាតិថៃទាំង ៧នាក់ ត្រូវបានអាជ្ញាធរកម្ពុជា ចាប់ខ្លួនក្នុងភូមិជោគជ័យ ឃុំអូបីជាន់ ស្រុកអូជ្រៅ ខេត្ដបន្ទាយមានជ័យ ដែលជាភូមិសាស្ដ្រស្ថិតក្នុងទឹកដីកម្ពុជា។ រូបភាពវីឌីអូខ្លីបដែល ត្រូវបានអាជ្ញាធរ កម្ពុជារឹបអូសបានដែល ថតដោយជនជាតិទាំង ៧នាក់ បានបង្ហាញយ៉ាងច្បាស់លាស់ អំពីទីតាំង នៃភូមិសាស្ដ្រនោះ ស្ថិតនៅក្នុងទឹកដី កម្ពុជាពិតប្រាកដ ដែលគេមិនអាចប្រកែកបាន។ ហើយរូបភាពវីឌីអូខ្លីប គឺជា ភ័ស្ដុតាងមួយបានបង្ហាញ នូវអំពើនៃការឆ្លងចូលដោយខុសច្បាប់ និងចូលទៅក្នុងតំបន់យោធាកម្ពុជាដោយជនជាតិ ថៃទាំង ៧នាក់ ដែលអំពើ ទាំងនេះ បានរំលោភទាំងស្រុងទៅនឹងអធិបតេយ្យ និងធ្វើឱ្យប៉ះពាល់សន្ដិសុខជាតិរបស់ កម្ពុជា ដែលចាត់ទុកថា ជាអំពើធ្វើឡើងតាម ផែនការគិតទុកជាមុនរបស់ ជនជាតិថៃទាំង ៧នាក់ នេះ។
ក្រោយពីបានចាប់ខ្លួន ជនជាតិថៃទាំង ៧នាក់ នេះ និងដោយបានពិនិត្យ មើលឃើញនូវភ័ស្ដុតាង ដែលអាជ្ញាធរ កម្ពុជារឹបអូសបាន គឺមន្ដ្រីជាន់ខ្ពស់នៃរដ្ឋាភិបាលថៃ ក្នុងនោះរដ្ឋមន្ដ្រី ការបរទេសថៃ កាស៊ីត ភិរម្យ៉ា ក៏បានទទួលស្គាល់ថា ជនជាតិថៃទាំង ៧នាក់ នោះ ពិតជាបានឆ្លងចូលទៅក្នុងទឹកដីកម្ពុជាដោយខុសច្បាប់។ នៅថ្ងៃទី ១១ ខែ មករា កន្លងទៅនេះ តាមការចុះផ្សាយរបស់សារព័ត៌មានអាយអ៊ិនអ៊ិនអនឡាញ របស់ថៃដោយស្រង់សំដីរបស់ ឧត្ដមសេនីយ៍ទោ ថៈវ៉ាត់ឆៃ សមុតសាខន មេបញ្ជាការភូមិភាគ ២ ថៃ បានថ្លែងថា ៉ថៃត្រូវទទួលស្គាល់ថា ថៃ ៧នាក់ បានបំពានចូលទឹកដីកម្ពុជាតាមអំពើចិត្ដ ដែលមិនបានជូនដំណឹងដល់សមត្ថកិច្ចជាមុន ប្រសិន បើបានជូន ដំណឹងជាមុននោះ ក៏នឹងគ្មានបញ្ហាពិបាកដោះស្រាយតាមក្រោយទេ។ បើសិននរណាចូល ក្នុងទឹកដី ថៃក្នុងលក្ខណៈបែបនេះ ក៏ត្រូវចាប់ខ្លួនដូចគ្នា ព្រោះជារឿងសេចក្ដីថ្លៃថ្នូរត្រូវតែផ្ដល់កិត្ដិយស ឱ្យគ្នាទៅវិញទៅមក។ ៉
គួររំលឹកថា នៅថ្ងៃទី ៣១ ខែ ធ្នូ ឆ្នាំ ២០១០ ជនជាតិថៃទាំង ៧នាក់ ត្រូវបានតុលាការកម្ពុជា ធ្វើការចោទ ប្រកាន់ពីបទឆ្លងដែនចូល ទៅក្នុងទឹកដីកម្ពុជាដោយខុសច្បាប់ ដែលរំលោភទៅនឹងក្រមព្រហ្មទណ្ឌ និងច្បាប់ស្ដីពី អន្ដោប្រវេសន៍កម្ពុជា។ នៅព្រឹកថ្ងៃទី ១២ ខែ មករា ឆ្នាំ ២០១១ ហើយតុលាការនៃ ប្រទេសកម្ពុជា ក៏បានធ្វើ ការចោទប្រកាន់ថែមទៀត លើជនជាប់ចោទ ២នាក់ ក្នុងចំណោមជនជាប់ចោទទាំង ៧នាក់ គឺ វីរៈ សុមខ្វាមឃីត និង រ៉ាទ្រី ភីភាតតាណាពៃប៊ុល ក្នុងបទធ្វើចារកម្ម ដោយបានប្រើឧបករណ៍ បច្ចេកវិទ្យាទំនើប ដើម្បីប្រមូលចង ក្រងព័ត៌មាន នាំឱ្យអន្ដរាយប៉ះពាល់ដល់ ការងារការពារជាតិ និងសន្ដិសុខជាតិ របស់កម្ពុជាតាមរយៈភ័ស្ដុតាង ដែល ត្រូវបានរកឃើញ។ គួររំលឹកផងដែរថា វីរៈ សុមខ្វាមឃិត ធ្លាប់បានប្រឆាំងនឹងកម្ពុជា ក្នុងកិច្ចចុះបញ្ជីប្រាសាទ ព្រះវិហារជាសម្បត្ដិ បេតិកភណ្ឌពិភពលោក និងលើកឡើងនូវផ្ទៃដី ៤.៦ គីឡូម៉ែត្រក្រឡា តាមរយៈផែនទីសម្ងាត់ គូសដោយឯកតោភាគីរបស់ ថៃដែលអន្ដរជាតិមិនបានទទួលស្គាល់ក្នុង គោលបំណងឈ្លានពានទឹកដីកម្ពុជា និង ញុះញង់ឱ្យមានការសើរើការចុះ បញ្ជីប្រាសាទព្រះវិហារក្នុង សម័យប្រជុំលើកទី ៣៣ នៃគណៈកម្មាធិការបេតិកភណ្ឌពិភពលោកនៅក្រុងសេវីល ប្រទេសអេស្ប៉ាញ ហើយថែមទាំងបានជេរប្រមាថ ថ្នាក់ដឹកនាំនៃប្រទេស កម្ពុជាទៀត ផង ដោយបានបំពុលបរិយាកាស ក្នុងគោលដៅដើម្បី អំណាចផ្ទាល់ខ្លួន និងគូកន។
នៅក្នុងពិភពលោក សម័យទំនើបនេះ រដ្ឋស៊ីវិល័យមួយត្រូវប្រកាន់យក នីតិរដ្ឋក្នុងទំនាក់ទំនង អន្ដរជាតិរបស់ ខ្លួនជាមួយបណ្ដារដ្ឋនានា ដើម្បីរក្សាបានសុខសន្ដិភាព ស្ថេរភាព និងសណ្ដាប់ធ្នាប់ពិភពលោក។ ដូច្នេះហើយករណី ជនជាតិថៃទាំង ៧នាក់ ដែលត្រូវបានចាប់ខ្លួនក្នុងទឹកដីកម្ពុជា គឺត្រូវធ្លាក់ទៅក្នុងប្រព័ន្ធច្បាប់ របស់កម្ពុជាក្នុងឋានៈ កម្ពុជាជារដ្ឋអធិបតេយ្យមួយ។ ករណីនេះគ្រាន់តែជា សមត្ថកិច្ចធម្មតារបស់ ប្រទេសនិមួយៗ ហើយអាស្រ័យទៅ តាមច្បាប់របស់ប្រទេសនោះ ក្នុងចំណាត់ការតាមនីតិវិធីធម្មតានៃតុលាការរបស់ប្រទេសនីមួយៗ ដែលប្រទេស ដទៃទៀតត្រូវតែគោរព ហើយមិនអាចប្រទេសដទៃទៀត លូកដៃចូលក្នុងកិច្ចការ ផ្ទៃក្នុងរបស់ប្រទេស មួយបាន ឡើយ។ ហើយរហូតមកដល់ពេលនេះ រដ្ឋាភិបាលនៃប្រទេសថៃ ទំនងជាបានយល់ដឹងអំពីប្រព័ន្ធ ច្បាប់កម្ពុជាដោយបានណែនាំឱ្យក្រសួង ការបរទេសថៃយកចិត្ដទុក ដាក់អំពីជនជាតិថៃទាំង ៧នាក់ នេះ ហើយព្រមជាមួយគ្នានោះ ថៃក៏ត្រូវតែរក្សា នូវទំនាក់ទំនងទ្វេភាគីរវាងប្រទេសទាំងពីរ។ នេះជាឥរិយាបថធម្មតាក្នុងទំនាក់ទំនងអន្ដរជាតិ ដែលរដ្ឋាភិបាលថៃ ត្រូវប្រកាន់យកដើម្បីរក្សាចំណង មិត្ដភាពរវាងរដ្ឋនិងរដ្ឋ ហើយប្រទេសទាំងពីរសម្លឹងមើលឃើញនូវផលប្រយោជន៍ យូរអង្វែងក្នុងក្របខ័ណ្ឌនៃ កិច្ចសហប្រតិបត្ដិការ និងការអភិវឌ្ឍដែលមាន តម្លៃលើសលុប ពីករណីធម្មតាមួយ ដែលត្រូវដំណើរការ តាមនីតិវីធីច្បាប់។
ដោយ សេក ស
ថៃនិងដោះលែងពលរដ្ឋខ្មែរ៧នាក់នៅល្ងាចនេះ
ពលរដ្ឋខ្មែរ៧នាក់ដែលអាជ្ញាធរថៃចាប់ខ្លួននៅផ្សាររុងក្លឿ និងត្រូវដោះលែងនៅល្ងាចនេះតាមច្រកអន្តរជាតិប៉ោយប៉ែត ។ នេះបើតាមការប្រាប់ឲ្យដឹងពីមន្រ្តីជាន់ខ្ពស់ខេត្តបន្ទាយមានជ័យ។ តាមពិតពលរដ្ឋខ្មែរទាំង៧នាក់ តុលាការថៃខេត្តស្រះកែវគ្រោងកាត់ទោសនៅថ្ងៃទី២៤មករាខាងមុខ តែឥឡូវបានលុបចោលវិញបន្ទាប់ពីតុលាការកម្ពុជាសម្រេចឲ្យជនជាតិថៃ២នាក់ក្នុងចំណោម៧នាក់បាននៅក្រៅឃុំ ៕
ឫទ្ធី
ពលរដ្ឋទល់ដែនថៃ១.៥០០នាក់ត្រៀមទប់ទល់ពួកអាវលឿង ខណៈស៊ូថេប អះអាងថា មិនអនុញ្ញាតឱ្យពួកអាវលឿងបិទប៉ុស្តិ៍ឆែកឆេរព្រំដែន
ពលរដ្ឋថៃនៅទល់ដែនប្រមាណ១.៥០០នាក់មកពីស្រុកចំនួន៤ នៅខេត្តស្រះកែវ ជាប់តំបន់ព្រំដែនកម្ពុជា-ថៃ បានប្រមូលផ្តុំគ្នានៅបរិវេណទល់មុខសាលាស្រុកអារញ្ញ ដើម្បីធ្វើបាតុកម្មប្រឆាំងបណ្តាញអ្នកស្នេហាជាតិថៃ ឬក្រុមអាវលឿង ដែលគំរាមធ្វើដំណើរមកកាន់ស្រុកអារញ្ញ ហើយធ្វើបាតុកម្មឱ្យបិទច្រកឆ្លងកាត់ព្រំដែនអារញ្ញ-ប៉ោយប៉ែត ។ អ្នកភូមិទល់ដែនថៃទាំងនោះនិយាយថា ការទទួលខុសត្រូវចំពោះការជួយពលរដ្ឋថៃ៧នាក់ដែលកំពុងជាប់ឃុំឃាំងនៅគុកព្រៃ.សក្នុងប្រទេសកម្ពុជាគឺស្ថិតលើរដ្ឋាភិបាល និងក្រសួងការបរទេស ប៉ុណ្ណោះ មិនមែនស្ថិតលើក្រុមអាវលឿងស្អីនោះទេ និងជាពិសេសគឺស្ថិតលើទិដ្ឋភាពច្បាប់ ។ អ្នកដែលរស់នៅតាមបណ្តោយព្រំដែនថៃនឹងប្រឈមមុខនឹងគ្រោះថ្នាក់សេដ្ឋកិច្ច ឬគ្រោះថ្នាក់ផ្សេងទៀត ប្រសិនបើក្រុមអាវលឿងធ្វើបាតុកម្មនៅតំបន់ព្រំដែន ។
ជាមួយគ្នានេះ នាយប៉ូលិសខេត្តស្រះកែវ លោក Theerayuth Thammasaroj បានបញ្ជាឱ្យប៉ូលិសនៅស្រុកជាប់ព្រំដែនចំនួន៤បង្កើតប៉ុស្តិ៍ឆែកឆេរ ដើម្បីឆែកឆេររថយន្តចេញ-ចូលតំបន់ព្រំដែនក្រែងមានលាក់អាវុធបង្កភាពអសន្តិសុខ ។ បញ្ជីឈ្មោះសមាជិកបណ្តាញអ្នកស្នេហាជាតិថៃ និងស្លាកលេខរថយន្តរបស់ក្រុមនេះត្រូវបានចែកជូនទៅឱ្យប៉ូលិសដែលឈរជើងនៅតាមប៉ុស្តិ៍ឆែកឆេរក្នុងទឹកដីខ្លងឡឹក ឬក្នុងស្រុកអារញ្ញទាំងមូល ដើម្បីបង្កលក្ខណៈងាយស្រួលផ្នែកសណ្តាប់ធ្នាប់ ធ្វើយ៉ាងណាឱ្យវាស្ថិតក្នុងភាពជាប្រក្រតី ។
ចំណែកលោកស៊ូថេប ធឿកស៊ូបាន់ ឧបនាយករដ្ឋមន្ត្រីថៃឯណោះវិញ កាលពីព្រឹកថ្ងៃទី១៣ មករា ដដែល បានថ្លែងផងដែរថា រដ្ឋាភិបាលក្រោមការដឹកនាំរបស់លោកអាប់ភីស៊ីត វេចាជីវ៉ា នឹងមិនអនុញ្ញាតឱ្យបណ្តាញអ្នកស្នេហាជាតិថៃ ឬក្រុមអាវលឿងនោះបិទប៉ុស្តិ៍ឆែកឆេរព្រំដែនសំខាន់ៗ នៅស្រុកអារញ្ញខេត្តស្រះកែវឡើយ ព្រោះការបិទប៉ុស្តិ៍ឆែកឆេរព្រំដែននេះជាការរំលោភបំពានសិទ្ធិពលរដ្ឋថៃផ្សេងទៀតដែលរស់នៅតាមបណ្តោយព្រំដែន។ ឧបនាយករដ្ឋមន្ត្រីថៃរូបនេះបានបញ្ជាឱ្យអាជ្ញាធរនៅតំបន់ព្រំដែនបំពេញតួនាទីរៀងខ្លួនដូចធម្មតា ។
ដោយឡែក នៅព្រឹកថ្ងៃទី១៣ មករា ផងដែរ ក្រុមជ្រុលនិយមអាវលឿងសៀមបានទៅប្រមូលផ្តុំគ្នានៅបរិវេណទល់មុខវិមានរដ្ឋាភិបាល ក្នុងទីក្រុងបាងកក ដើម្បីទាមទារឱ្យលោកនាយករដ្ឋមន្ត្រីអាប់ភីស៊ីត ឆ្លើយតបតាមការទាមទាររបស់ពួកគេទាក់ទិននឹងពលរដ្ឋថៃ៧នាក់ ដែលកំពុងជាប់ឃុំឃាំងនៅពន្ធនាគារព្រៃ.ស ក្នុងរាជធានីភ្នំពេញ ។ ក្រុមជ្រុលនិយមនេះ ក៏មានផែនការដាក់ញត្តិថ្វាយព្រះមហាក្សត្រភូមិបុល អាឌុលយ៉ាដេត ចោទ ប្រកាន់រដ្ឋាភិបាលលោកអាប់ភីស៊ីត ពីបទបរាជ័យក្នុងការជួយពលរដ្ឋថៃ៧នាក់នោះ ។
លោក Chaiwat Sinsuwong មេដឹកនាំសំខាន់មួយរូបរបស់បណ្តាញអ្នកស្នេហាជាតិថៃ ក្រុមអាវលឿង កាលពីថ្ងៃទី១២ មករា និយាយថា ក្រុមរបស់ខ្លួននឹងធ្វើបាតុកម្មបិទច្រកព្រំដែនអចិន្ត្រៃយ៍អារញ្ញ-ប៉ោយប៉ែត ជាពិសេសបិទច្រកព្រំដែនណាដែលផ្តល់ផលប៉ះពាល់ដល់កម្ពុជា ដើម្បីគាបសង្កត់កម្ពុជាឱ្យដោះលែងពលរដ្ឋថៃ៧នាក់នេះ ។ ប៉ុន្តែទោះបីបែបណា គំរោងរបស់ក្រុមជ្រុលនិយមនេះនឹងត្រូវបរាជ័យយ៉ាងអាម៉ាស់ ព្រោះមិនអាចបំពានច្បាប់បានឡើយ ៕
ដោយ ៖ កោះឯករាជ្យ
ជាមួយគ្នានេះ នាយប៉ូលិសខេត្តស្រះកែវ លោក Theerayuth Thammasaroj បានបញ្ជាឱ្យប៉ូលិសនៅស្រុកជាប់ព្រំដែនចំនួន៤បង្កើតប៉ុស្តិ៍ឆែកឆេរ ដើម្បីឆែកឆេររថយន្តចេញ-ចូលតំបន់ព្រំដែនក្រែងមានលាក់អាវុធបង្កភាពអសន្តិសុខ ។ បញ្ជីឈ្មោះសមាជិកបណ្តាញអ្នកស្នេហាជាតិថៃ និងស្លាកលេខរថយន្តរបស់ក្រុមនេះត្រូវបានចែកជូនទៅឱ្យប៉ូលិសដែលឈរជើងនៅតាមប៉ុស្តិ៍ឆែកឆេរក្នុងទឹកដីខ្លងឡឹក ឬក្នុងស្រុកអារញ្ញទាំងមូល ដើម្បីបង្កលក្ខណៈងាយស្រួលផ្នែកសណ្តាប់ធ្នាប់ ធ្វើយ៉ាងណាឱ្យវាស្ថិតក្នុងភាពជាប្រក្រតី ។
ចំណែកលោកស៊ូថេប ធឿកស៊ូបាន់ ឧបនាយករដ្ឋមន្ត្រីថៃឯណោះវិញ កាលពីព្រឹកថ្ងៃទី១៣ មករា ដដែល បានថ្លែងផងដែរថា រដ្ឋាភិបាលក្រោមការដឹកនាំរបស់លោកអាប់ភីស៊ីត វេចាជីវ៉ា នឹងមិនអនុញ្ញាតឱ្យបណ្តាញអ្នកស្នេហាជាតិថៃ ឬក្រុមអាវលឿងនោះបិទប៉ុស្តិ៍ឆែកឆេរព្រំដែនសំខាន់ៗ នៅស្រុកអារញ្ញខេត្តស្រះកែវឡើយ ព្រោះការបិទប៉ុស្តិ៍ឆែកឆេរព្រំដែននេះជាការរំលោភបំពានសិទ្ធិពលរដ្ឋថៃផ្សេងទៀតដែលរស់នៅតាមបណ្តោយព្រំដែន។ ឧបនាយករដ្ឋមន្ត្រីថៃរូបនេះបានបញ្ជាឱ្យអាជ្ញាធរនៅតំបន់ព្រំដែនបំពេញតួនាទីរៀងខ្លួនដូចធម្មតា ។
ដោយឡែក នៅព្រឹកថ្ងៃទី១៣ មករា ផងដែរ ក្រុមជ្រុលនិយមអាវលឿងសៀមបានទៅប្រមូលផ្តុំគ្នានៅបរិវេណទល់មុខវិមានរដ្ឋាភិបាល ក្នុងទីក្រុងបាងកក ដើម្បីទាមទារឱ្យលោកនាយករដ្ឋមន្ត្រីអាប់ភីស៊ីត ឆ្លើយតបតាមការទាមទាររបស់ពួកគេទាក់ទិននឹងពលរដ្ឋថៃ៧នាក់ ដែលកំពុងជាប់ឃុំឃាំងនៅពន្ធនាគារព្រៃ.ស ក្នុងរាជធានីភ្នំពេញ ។ ក្រុមជ្រុលនិយមនេះ ក៏មានផែនការដាក់ញត្តិថ្វាយព្រះមហាក្សត្រភូមិបុល អាឌុលយ៉ាដេត ចោទ ប្រកាន់រដ្ឋាភិបាលលោកអាប់ភីស៊ីត ពីបទបរាជ័យក្នុងការជួយពលរដ្ឋថៃ៧នាក់នោះ ។
លោក Chaiwat Sinsuwong មេដឹកនាំសំខាន់មួយរូបរបស់បណ្តាញអ្នកស្នេហាជាតិថៃ ក្រុមអាវលឿង កាលពីថ្ងៃទី១២ មករា និយាយថា ក្រុមរបស់ខ្លួននឹងធ្វើបាតុកម្មបិទច្រកព្រំដែនអចិន្ត្រៃយ៍អារញ្ញ-ប៉ោយប៉ែត ជាពិសេសបិទច្រកព្រំដែនណាដែលផ្តល់ផលប៉ះពាល់ដល់កម្ពុជា ដើម្បីគាបសង្កត់កម្ពុជាឱ្យដោះលែងពលរដ្ឋថៃ៧នាក់នេះ ។ ប៉ុន្តែទោះបីបែបណា គំរោងរបស់ក្រុមជ្រុលនិយមនេះនឹងត្រូវបរាជ័យយ៉ាងអាម៉ាស់ ព្រោះមិនអាចបំពានច្បាប់បានឡើយ ៕
ដោយ ៖ កោះឯករាជ្យ
ក្រុមអាវលឿងដែលប៉ុនប៉ងសម្រុកមកព្រំដែនត្រូវបានរារាំងដោយអាជ្ញាធរថៃ
បន្ទាយមានជ័យ: ប្រភពពីជាយដែនឲ្យដឹងថាក្រុមអាវលឿងថៃមួយក្រុមដែលគេប្រកាសថាមានគ្នា៥០០នាក់កំពុងព្យាយាមបុកមកព្រំដែនខ្មែរជាពិសេសត្រង់ចំណុចបង្គោលព្រំដែនលេខ២៦
ត្រង់កន្លែងដែលអាជ្ញាធរខ្មែរបានចាប់ខ្លួនជនជាតិថៃ៧នាក់កាលពីថ្ងៃទី២៩ធ្នូ ឆ្នាំ២០១០ និងបង្គោលលេខ៣៤ជិតច្រកបឹងត្រកួន។
គោលបំណងរបស់ពួកគេគឺដើម្បីធ្វើបាតុកម្មតវ៉ាសុំឲ្យអាជ្ញាធរខ្មែរដោះលែងជនជាតិថៃទាំង៧នាក់នោះវិញ។ ក្រុមអាវលឿងនេះ បានធ្វើដំណើរចេញពីទីរួមខេត្តស្រះកែវ មកកាន់ស្រុកអារញ្ញប្រាថេត ប៉ុន្តែ ពួកជ្រុលនិយមទាំងនោះត្រូវបានរារាំងដោយអាជ្ញាធរ ដែនដីរបស់ថៃជាច្រើនកន្លែងដែលធ្វើឲ្យពួកគេមិនអាចរុលមកព្រំដែនបានទេ។
មានការឆែកឆេរជាច្រើនដំណាក់នៅតាមផ្លូវមកកាន់ព្រំដែនខ្មែរហើយចំណុចឆែកឆេរធំចុងក្រោយគឺនៅចន្លោះស្រុកអារញ្ញានិងច្រកខ្លងលឹក។ ប្រភពព័ត៌មានឲ្យដឹងថា រាល់ការធ្វើដំណើរដែលមានលក្ខណៈជាក្រុមត្រូវបានហាមឃាត់ដោយអាជ្ញាធរថៃពីព្រោះពួកគេ បារម្ភខ្លាចក្រែងពួកអាវលឿងបន្លំខ្លួនចូលមកព្រំដែនជាពិសេសចូលមកផ្សាររុងក្លឿ ដែលជាផ្សារបង្កើតឡើងនៅឆ្នាំ១៩៩៦ដោយ អ្នកស្និទ្ធជាមួយនឹងអតីតនាយក រដ្ឋមន្ត្រីថាក់ស៊ីន៕
ដោយ : សុផុន
ត្រង់កន្លែងដែលអាជ្ញាធរខ្មែរបានចាប់ខ្លួនជនជាតិថៃ៧នាក់កាលពីថ្ងៃទី២៩ធ្នូ ឆ្នាំ២០១០ និងបង្គោលលេខ៣៤ជិតច្រកបឹងត្រកួន។
គោលបំណងរបស់ពួកគេគឺដើម្បីធ្វើបាតុកម្មតវ៉ាសុំឲ្យអាជ្ញាធរខ្មែរដោះលែងជនជាតិថៃទាំង៧នាក់នោះវិញ។ ក្រុមអាវលឿងនេះ បានធ្វើដំណើរចេញពីទីរួមខេត្តស្រះកែវ មកកាន់ស្រុកអារញ្ញប្រាថេត ប៉ុន្តែ ពួកជ្រុលនិយមទាំងនោះត្រូវបានរារាំងដោយអាជ្ញាធរ ដែនដីរបស់ថៃជាច្រើនកន្លែងដែលធ្វើឲ្យពួកគេមិនអាចរុលមកព្រំដែនបានទេ។
មានការឆែកឆេរជាច្រើនដំណាក់នៅតាមផ្លូវមកកាន់ព្រំដែនខ្មែរហើយចំណុចឆែកឆេរធំចុងក្រោយគឺនៅចន្លោះស្រុកអារញ្ញានិងច្រកខ្លងលឹក។ ប្រភពព័ត៌មានឲ្យដឹងថា រាល់ការធ្វើដំណើរដែលមានលក្ខណៈជាក្រុមត្រូវបានហាមឃាត់ដោយអាជ្ញាធរថៃពីព្រោះពួកគេ បារម្ភខ្លាចក្រែងពួកអាវលឿងបន្លំខ្លួនចូលមកព្រំដែនជាពិសេសចូលមកផ្សាររុងក្លឿ ដែលជាផ្សារបង្កើតឡើងនៅឆ្នាំ១៩៩៦ដោយ អ្នកស្និទ្ធជាមួយនឹងអតីតនាយក រដ្ឋមន្ត្រីថាក់ស៊ីន៕
ដោយ : សុផុន
ច្រកទ្វារអន្តរជាតិប៉ោយប៉ែតស្ងប់ស្ងាត់ខណៈពួកអាវលឿងប៉ុនប៉ងធ្វើការអុកឡុកតំបន់ខ្លងឡឹកទល់មុខក្រុងប៉ោយប៉ែត
ខេត្តបន្ទាយមានជ័យ ៖ តាមអ្នកយកព័ត៌មានកោះសន្តិភាពប្រចាំក្រុងប៉ោយប៉ែតបានឱ្យដឹងថា ព្រឹកម៉ោង៨ ថ្ងៃទី១៣ មករា ២០១១ បន្ទាប់ពីសមត្ថកិច្ចទាំង២ភាគីកម្ពុជា-ថៃ បើកច្រកទ្វារអន្តរជាតិចេញ-ចូលរួចមកនោះ គេសង្កេតឃើញការចេញ-ចូលរបស់ភ្ញៀវទេសចរមានសភាពស្ងប់ស្ងាត់ជាងសព្វមួយដង ឯការដឹកទំនិញទៅមកក៏ត្រូវបានកាត់បន្ថយដែរ ។ ភាពស្ងប់ស្ងាត់ដែលគួរឱ្យកត់សំគាល់នេះបានកើតមានព្រមពេលជាមួយគ្នានឹងពួកជ្រុលនិយមអាវលឿងសន្យាថា នឹងប្រមូលគ្នាឱ្យបានច្រើនសន្ធឹកសន្ធាប់មកអុកឡុកនៅតាមខ្សែបន្ទាត់ព្រំដែន ជាពិសេសច្រកទ្វារអន្តរជាតិខ្លងឡឹក ទឹកដីថៃ ទល់មុខក្រុងប៉ោយប៉ែត ទឹកដីកម្ពុជា ប្រយោជន៍ទាមទារឱ្យមានការដោះលែងពលរដ្ឋថៃ៧នាក់ដែលកំពុងជាប់គុកព្រៃ.សក្នុងប្រទេសកម្ពូជា ។
ចាប់ផ្តើមតាំងពីរសៀលម្សិលមិញរហូតមកដល់ព្រឹកនេះ (ទី១៣ មករា ២០១១) ក្រុមជ្រុលនិយមសៀមអាវលឿងបានចាកចេញពីទីក្រុងបាងកក មកប្រមូលផ្តុំគ្នានៅទីប្រជុំជនស្រុកអារញ្ញ ខេត្តស្រះកែវ ដោយមានការចាក់មេក្រូ លើកបដាព្រោងព្រាត ហើយពួកគេប៉ុនប៉ងចូលទៅកៀកស្ថានកុងស៊ុលកម្ពុជាប្រចាំខេត្តស្រះកែវ (ស្ថិតក្នុងស្រុកអារញ្ញ) ដើម្បីធ្វើការតវ៉ាឱ្យរដ្ឋាភិបាលកម្ពុជា ដោះលែងជនជាតិថៃ៧នាក់ដែលត្រូវបានចាប់ឃាត់ខ្លួនពីបទចូលក្នុងទឹកដីកម្ពុជាដោយខុសច្បាប់កាលពីព្រឹកថ្ងៃទី២៩ ធ្នូ ២០១០។
ទន្ទឹមនឹងការមកដល់របស់ពួកអាវលឿង ក្នុងទីប្រជុំជនស្រុកអារញ្ញ្នេះ គេសង្កេតឃើញកំលាំងចំរុះរបស់ថៃជាច្រើនរយនាក់កំពុងត្រៀមទប់ស្កាត់ និងរៀបចំសណ្តាប់ធ្នាប់នៅចំងាយប្រមាណ៣គីឡូម៉ែត្រ ពីច្រកទ្វារអន្តរជាតិខ្លងឡឹក ទឹកដីថៃ (ច្រកប៉ោយប៉ែតកម្ពុជា)...គេមិនទាន់ដឹងការទប់ស្កាត់របស់សមត្ថកិច្ចថៃ និងការប៉ុនប៉ងអុកឡុករបស់ក្រុមអាវលឿង អ្នកណាខ្លាំងជាងអ្នកណានោះទេ ។
គួររំលឹកថា កាលពីវេលាម៉ោង៣រសៀលថ្ងៃទី១២ មករា ២០១១ ម្សិលមិញនេះតាមប្រភពព័ត៌មានពីមន្ត្រីប៉ូលិសការពារព្រំដែនតាមខ្សែបន្ទាត់ព្រំដែនក្រុងប៉ោយប៉ែត បានឱ្យដឹងថា ក្រុមជ្រុលនិយមអាវលឿងប្រមាណពី៣០ទៅ៤០នាក់បាននាំគ្នាមកដល់ផ្សារលើ (ផ្សារទី២) តំបន់ខ្លងឡឹក ស្រុកអារញ្ញ ព្រំដែនប្រទេសថៃ ទល់មុខក្រុងប៉ោយប៉ែត ប្រទេសកម្ពុជា ដើម្បីធ្វើការតវ៉ាឱ្យមានការដោះលែងប្រជាពលរដ្ឋថៃ៧នាក់ ដែលសមត្ថកិច្ចកម្ពុជាចាប់ខ្លួនពីបទចូលទឹកដីកម្ពុជាដោយខុសច្បាប់ ។
ប្រភពព័ត៌មានបានឱ្យដឹងថា ក្រុមជ្រុលនិយមអាវលឿងដែលមកកាន់តំបន់ទល់មុខក្រុងប៉ោយប៉ែតនេះ មិនត្រឹមតែមានគ្នាប្រមាណពី៣០ទៅ៤០នាក់ប៉ុណ្ណោះទេ ពួកគេនឹងមកច្រើនថែមទៀត ដែលតាមការអះអាងថា រាប់ពាន់ឯណោះ ។ តាចមេចលនាក្រុមអាវលឿងស្រែកឡូឡាថា ពួកគេនឹងតវ៉ា ឬអុកឡុកតំបន់ទល់មុខក្រុងប៉ោយប៉ែតដូចជាបិទច្រកទ្វារចេញ-ចូល, អុកឡុកសមត្ថកិច្ចមិនឱ្យធ្វើការកើតជាដើម...។
ស្របពេលជាមួយគ្នានេះដែរ គេឃើញក្រុមសមត្ថកិច្ចចំរុះថៃត្រូវបានបញ្ជូនប្រមាណ៤ឡាន ទៅដាក់ពង្រាយចាប់ពីតំបន់ទល់មុខច្រកទ្វារអន្តរជាតិប៉ោយប៉ែត រហូតដល់ផ្សារលើ ដែលមានចំងាយប្រមាណ៣០០ម៉ែត្រ ពីផ្សាររុងក្លឿ ដើម្បីត្រៀមទប់ស្កាត់កុំឱ្យពួកអាវលឿងធ្វើការអុកឡុកផ្តេសផ្តាស ។ ចំណែកសមត្ថកិច្ចកម្ពុជាបានត្រៀមខ្លួនរួចជាស្រេចក្នុងការការពារអធិបតេយ្យភាព បូរណភាពទឹកដី ប្រសិនបើក្រុមអាវលឿងហ៊ានធ្វើអ្វីផ្តេសផ្តាសមកក្នុងទឹកដីកម្ពុជានោះកងកំលាំងកម្ពុជានឹងប្រើសិទ្ធិស្វ័យការពារ៕
ដោយ ៖ កោះឯករាជ្យ
ចៅក្រមតុលាការរាជធានីភ្នំពេញបដិសេធមិនដោះលែងជនជាតិថៃទាំង៧នាក់ឲ្យនៅក្រៅឃុំ
ភ្នំពេញ: លោកស្រីចាំង ស៊ីណាត ចៅក្រមស៊ើបសួរនៃសាលាដំបូងរាជធានីភ្នំពេញនៅថ្ងៃទី១៣ ខែមករា ឆ្នាំ២០១១នេះ បានចេញដីកាសម្រេចមិនព្រមដោះលែងឱ្យជនជាតិថៃ៧នាក់ ដែលជាប់ឃុំនៅពន្ឋនាគារ ព្រៃសឲ្យនៅក្រៅឃុំតាមការស្នើសុំរបស់មេធាវីឡើយ។
ការសម្រេចមិនព្រមដោះលែងឱ្យនៅក្រៅឃុំនេះបានធ្វើឡើងបន្ទាប់ពី លោកសុខ រឿន ព្រះរាជអាជ្ញារងអមសាលាដំបូងរាជធានីភ្នំពេញបានចារបញ្ជាក់កាលពីថ្ងៃទី១២ ខែមករា ឆ្នាំ២០១១ ថា “មិនអនុញ្ញាតិឱ្យជនជាតិថៃទាំង៧នាក់នេះនៅក្រៅឃុំតាមការស្នើសុំរបស់លោកមេធាវីប៉ិច វិច្ឆិកា និងលោកមេធាវីរស់ អូន ព្រោះការ ស៊ើបអង្កេតក្នុងរឿងក្តីនេះពុំទាន់មានការជឿនលឿនទេ”។
ការសម្រេចបែបនេះបានធ្វើឡើងបន្ទាប់ពីមេធាវីការពារក្តីជនជាតិថៃទាំង៧បានដាក់លិខិតសុំធានាខ្លួនកូនក្តីរបស់ខ្លួនចូលអយ្យការអមសាលាដំបូងរាជធានីភ្នំពេញកាលពីវេលាម៉ោង ២រសៀលថ្ងៃទី១០មករា។
លោករស់ អូន និងលោកប៉ិច វិច្ឆិកា មេធាវីការពារក្តីជនជាតិថៃទាំងនោះបានដាក់លិខិតអមជាមួយលិខិតរបស់ស្ថានទូតថៃមួយច្បាប់ផង រួមជាមួយប្រាក់ធានាចំនួន៧លានរៀល។ លោកមេធាវីអះអាងថា កូនក្តីរបស់លោកត្រូវគេចោទពីបទមជ្ឈឹមដូច្នេះលោកមានលទ្ធភាពធានាឲ្យនៅក្រៅឃុំ បានតាមរយៈការតម្កល់ប្រាក់ធានា។
ឯកអគ្គរាជទូតថៃបានសុំធានាឲ្យជនជាតិថៃទាំង៧បាននៅក្រៅឃុំបណ្តោះអាសន្នដោយត្រូវស្នាក់នៅក្នុងស្ថានទូតថៃដើម្បីរង់ចាំការកាត់ក្តី។ ប៉ុន្តែ ក្តីសង្ឃឹមនេះមិនអាចបានសម្រេចដូចប្រាថ្នាទេដោយចៅក្រមបានបដិសេធមិនព្រមឲ្យនៅក្រៅឃុំ។
ជនជាតិថៃទាំង៧នាក់ដែលក្នុងនោះមានសមាជិកសភាម្នាក់ផងត្រូវបានអាជ្ញាធរខ្មែរចាប់ខ្លួនកាលពីថ្ងៃទី២៩ធ្នូឆ្នាំ២០១០ខណៈដែលពួកគេបានដើរចូលដីខ្មែរដោយខុសច្បាប់។ ពួកគេត្រូវបានតុលាការរាជធានីភ្នំពេញចោទប្រកាន់ពីបទឆ្លងដែនខុសច្បាប់ និងចូលក្នុងតំបន់យោធាដោយទុច្ចរិតរួចហើយបញ្ជូនទៅឃុំខ្លួននៅពន្ធនាគារព្រៃស។
ចុងក្រោយនេះ ជនជាតិថៃ២នាក់គឺ វីរៈ ស៊ុម ខ្វាមឃីត Veera Somk wamkit និង រ៉ាទ្រី
ប៉ៃពូតាណាប៉ៃប៊ូន Ratree Paiputanapaiboon ត្រូវបានចោទប្រកាន់បន្ថែមពីបទប៉ុនប៉ង ប្រមូលព័ត៌មានដែលអាចធ្វើឲ្យអន្តរាយដល់ការការពារជាតិ៕
ការសម្រេចមិនព្រមដោះលែងឱ្យនៅក្រៅឃុំនេះបានធ្វើឡើងបន្ទាប់ពី លោកសុខ រឿន ព្រះរាជអាជ្ញារងអមសាលាដំបូងរាជធានីភ្នំពេញបានចារបញ្ជាក់កាលពីថ្ងៃទី១២ ខែមករា ឆ្នាំ២០១១ ថា “មិនអនុញ្ញាតិឱ្យជនជាតិថៃទាំង៧នាក់នេះនៅក្រៅឃុំតាមការស្នើសុំរបស់លោកមេធាវីប៉ិច វិច្ឆិកា និងលោកមេធាវីរស់ អូន ព្រោះការ ស៊ើបអង្កេតក្នុងរឿងក្តីនេះពុំទាន់មានការជឿនលឿនទេ”។
ការសម្រេចបែបនេះបានធ្វើឡើងបន្ទាប់ពីមេធាវីការពារក្តីជនជាតិថៃទាំង៧បានដាក់លិខិតសុំធានាខ្លួនកូនក្តីរបស់ខ្លួនចូលអយ្យការអមសាលាដំបូងរាជធានីភ្នំពេញកាលពីវេលាម៉ោង ២រសៀលថ្ងៃទី១០មករា។
លោករស់ អូន និងលោកប៉ិច វិច្ឆិកា មេធាវីការពារក្តីជនជាតិថៃទាំងនោះបានដាក់លិខិតអមជាមួយលិខិតរបស់ស្ថានទូតថៃមួយច្បាប់ផង រួមជាមួយប្រាក់ធានាចំនួន៧លានរៀល។ លោកមេធាវីអះអាងថា កូនក្តីរបស់លោកត្រូវគេចោទពីបទមជ្ឈឹមដូច្នេះលោកមានលទ្ធភាពធានាឲ្យនៅក្រៅឃុំ បានតាមរយៈការតម្កល់ប្រាក់ធានា។
ឯកអគ្គរាជទូតថៃបានសុំធានាឲ្យជនជាតិថៃទាំង៧បាននៅក្រៅឃុំបណ្តោះអាសន្នដោយត្រូវស្នាក់នៅក្នុងស្ថានទូតថៃដើម្បីរង់ចាំការកាត់ក្តី។ ប៉ុន្តែ ក្តីសង្ឃឹមនេះមិនអាចបានសម្រេចដូចប្រាថ្នាទេដោយចៅក្រមបានបដិសេធមិនព្រមឲ្យនៅក្រៅឃុំ។
ជនជាតិថៃទាំង៧នាក់ដែលក្នុងនោះមានសមាជិកសភាម្នាក់ផងត្រូវបានអាជ្ញាធរខ្មែរចាប់ខ្លួនកាលពីថ្ងៃទី២៩ធ្នូឆ្នាំ២០១០ខណៈដែលពួកគេបានដើរចូលដីខ្មែរដោយខុសច្បាប់។ ពួកគេត្រូវបានតុលាការរាជធានីភ្នំពេញចោទប្រកាន់ពីបទឆ្លងដែនខុសច្បាប់ និងចូលក្នុងតំបន់យោធាដោយទុច្ចរិតរួចហើយបញ្ជូនទៅឃុំខ្លួននៅពន្ធនាគារព្រៃស។
ចុងក្រោយនេះ ជនជាតិថៃ២នាក់គឺ វីរៈ ស៊ុម ខ្វាមឃីត Veera Somk wamkit និង រ៉ាទ្រី
ប៉ៃពូតាណាប៉ៃប៊ូន Ratree Paiputanapaiboon ត្រូវបានចោទប្រកាន់បន្ថែមពីបទប៉ុនប៉ង ប្រមូលព័ត៌មានដែលអាចធ្វើឲ្យអន្តរាយដល់ការការពារជាតិ៕
Subscribe to:
Posts (Atom)