Monday, October 10, 2011
ប្រជាពលរដ្ឋរងគ្រោះដោយសារទឹកជំនន់ចំនួន ៦៨០ គ្រួសារ នៅខេត្តតាកែវ ទទួលបានអំណោយពីឯកឧត្តមបណ្ឌិតសភាចារ្យ សុខ អាន
ប្រជាពលរដ្ឋចំនួន
៦៨០ គ្រួសារមកពី ៧ ឃុំ នៃស្រុកគីរីវង្ស បុរីជលសារ និងស្រុកកោះអណ្តែត
ខេត្តតាកែវ ដែលទទួលរងគ្រោះដោយសារទឹកជំនន់គិតត្រឹមថ្ងៃទី ៨ ខែតុលា
ឆ្នាំ ២០១១ បានទទួលអំណោយសង្គ្រោះពីឯកឧត្តមបណ្ឌិត សុខ អាន ឧបនាយករដ្ឋមន្រ្តី
រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងលោកជំទាវ។
ក្នុងពិធីចែកអំណោយសង្គ្រោះនាព្រឹកថ្ងៃទី
០៩ ខែតុលា ឆ្នាំ ២០១១ នៅទីរួមស្រុកគីរីវង្សឯកឧត្តមបណ្ឌិត សុខ អាន ដែលជាប្រធានក្រុមការងារថ្នាក់កណ្តាលគណបក្សប្រជាជនកម្ពុជាប្រចាំខេត្តតាកែវ
ចុះជួយស្រុកគីរីវង្ស បានមានប្រសាសន៍ថា ថ្នាក់ដឹកនាំខេត្តតាកែវ
ក៏ដូចជាឯកឧត្តមថ្នាក់ដឹកនាំថ្នាក់កណ្តាល
ដែលជាក្រុមការងារតែងតែមានវត្តមានជួប
និងជួយប្រជាជនពេលមានបញ្ហាលំបាក។
ពេលប្រជាជនមានបញ្ហារងគ្រោះដោយសារទឹកជំនន់ពេលនេះក្រុមការងារទាំងអស់
ពិសេសរាជរដ្ឋាភិបាលដឹកនាំដោយ សម្តេចអគ្គមហាសេនាបតីតេជោ
ហ៊ុន សែន បានជួយដោះស្រាយការលំបាកចំពោះមុខ ទាំងស្បៀងអាហារ
និងការស្នាក់នៅ ពិសេសយកចិត្តទុកដាក់លើសុខភាពរបស់ប្រជាពលរដ្ឋ
ដែលជាការផ្សាភ្ជាប់រវាងរាជរដ្ឋាភិបាល និងក្រុមការងារជាមួយប្រជាពលរដ្ឋ។
ឯកឧត្តមបណ្ឌិត
សុខ អាន បានមានប្រសាសន៍ឲ្យដឹងថា
ទឹកជំនន់ឆ្នាំ ២០១១ នេះ គឺជាជំនន់ធំដូចឆ្នាំ ២០០០ កន្លងមកដែរ ហើយមិនមែនមានតែនៅកម្ពុជានោះទេ
គឺប្រទេសផ្សេងៗទៀត ដូចជាទ្វីបអាមេរិក អាមេរិកឡាទីន នៅអាហ្វ្រិក ក៏មានជួបបញ្ហាគ្រោះធម្មជាតិលិចទឹកដែរ
មូលហេតុដោយសារមានបំរែបំរួលធាតុអាកាស។ នៅប្រទេសថៃទីក្រុងបាងកកក៏ទទួលការគំរាមកំហែងដោយសារទឹកជំនន់ដែរ
ហើយនៅប្រទេសផ្សេងៗទៀតដូចជាប្រទេស ចិន
កន្លែងខ្លះក៏ប្រឈមបញ្ហាលិចលង់ដែរ។ ដូច្នេះនេះគឺជាគ្រោះធម្មជាតិ
ដែលពិភពលោកកំពុងរកវិធានការការពារ និងដោះស្រាយ។ ឯកឧត្តមបណ្ឌិត សុខ អាន ក៏បានអំពាវនាវឲ្យប្រជាពលរដ្ឋគឺត្រូវខិតខំបង្កបង្កើនផលក្រោយពេលទឹកសម្រក
ពិសេសគឺកុំលក់ស្រូវពូជ ពីព្រោះរាជរដ្ឋាភិបាលកំពុងដាក់ចេញនូវវិធានការកសាង
និងស្តារហេដ្ឋារចនាសម្ព័ន្ធ ដែលខូចខាតឡើងវិញ។
ប្រជាពលរដ្ឋដែលទទួលរងគ្រោះដោយសារទឹកជំនន់មកពីស្រុកទាំងបីនៃខេត្តតាកែវ
ទទួលបានអំណោយពីឯកឧត្តមបណ្ឌិត សុខ អាន
និងលោកជំទាវ រួមមានអង្ក ២៥ គីឡូក្រាម មី១កេះ ត្រីខ ១០ កំប៉ុង មុង ១
និងថវិកាមួយចំនួនក្នុងមួយគ្រួសារ។ បន្ទាប់ពីការចែកអំណោយ
ឯកឧត្តមបណ្ឌិត សុខ អាន និងលោកជំទាវ
ព្រមទាំងក្រុមការងារបានអញ្ចើញចុះពិនិត្យ សកម្មភាពលក់ដូរក្នុងផ្សារភូមិមួយផលិតផលមួយ
ស្ថិតនៅភូមិពោធិខ្វិត ឃុំព្រះបាទជាន់ជុំ និងចុះពិនិត្យផ្ទះ
និងចែកអំណោយដល់ប្រជាពលរដ្ឋដែលរងគ្រោះដោយសារទឹកជំនន់នៅក្នុងភូមិត្រើយទន្លាប់
ឃុំព្រះបាទជាន់ជុំ ស្រុកគីរីវង្សផងដែរ។
លោក តឹក តុងលីម អភិបាលស្រុកគីរីវង្សបានឲ្យដឹងថា គិតត្រឹមថ្ងៃទី ៨ ខែ តុលា
ឆ្នំាំ ២០១១ នៅក្នុងស្រុកគីរីវង្ស ឃុំចំនួន ១០ និង ៥៥ ភូមិ ក្នុងចំណោម ១២
ឃុំ បានទទួលរងផលប៉ះពាល់ដោយសារទឹកជំនន់ ក្នុងនោះប៉ះពាល់ផ្ទះប្រជាពលរដ្ឋ
១១៨៥ ខ្នង ផ្លូវក្រាលគ្រួសក្រហមជាង ២ ម៉ឺន ម៉ែត្រ សាលារៀន ២៨ បន្ទប់
វត្តអារាម ២ កន្លែង សាលាឃុំ ១ ប៉ុស្តិ៍ប៉ូលីសឃុំ ១ ប៉ុស្តិ៍វីរព្រះដែន ៦០៣ ចំនួន ១ លិចស្រូវវស្សា
៥៥៨២ ហិកតា ក្នុងនោះខូចខាត ១៥២៤ ហិកតា ចំការ ៣,៥ ហិកតា ប៉ះពាល់ទំនប់ទឹក ជំលៀសប្រជាពលរដ្ឋ
១៨៨ គ្រួសារ និងគោ ១៤៤ ក្បាល មកកាន់ទីទួលសុវត្ថិភាព។
កម្ពុជារៀបចំការប្រកួតបាល់ទាត់អន្តរជាតិពានរង្វាន់យុវជន អាយុក្រោម២១ ឆ្នាំ នៃបណ្តាប្រទេសទន្លេមេគង្គ
នារសៀលថ្ងៃទី ០៨ ខែ តុលា ឆ្នាំ ២០១១ ឯកឧត្តមបណ្ឌិត សុខ អាន ឧបនាយករដ្ឋ
មន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី
បានប្រកាសបើកការប្រកួតបាល់ទាត់អន្តរជាតិពានរង្វាន់យុវជនអាយុ
ក្រោម ២១ ឆ្នាំ
នៃបណ្តាប្រទេសទន្លេមេគង្គនៅពហុកីឡាដ្ឋានជាតិអូឡាំពិក
រាជធានីភ្នំពេញ។
ដោយបានចាត់ទុកព្រឹត្តិការណ៍នៃការប្រកួតបាល់ទាត់អន្តរជាតិពាន
រង្វាន់យុវជនអាយុក្រោម ២១ ឆ្នាំ
នៃបណ្តាប្រទេសទន្លេមេគង្គជាចំណុចចាប់ផ្តើមនៃទិវាបាល់ទាត់យុវជននៃ
ប្រទេសតំបន់ទន្លេមេគង្គ គឺជាការលើកកំពស់វប្បធម៌សហការ
និងការអត់ឱន ឯកឧត្តមបណ្ឌិត សុខ អាន តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយក
រដ្ឋមន្រ្តីនៃព្រះរាជាណាចក្រកម្ពុជា បានមានប្រសាសន៍ថា
កីឡាមិនត្រឹមតែអាចជួយឲ្យមនុស្សមានសុខភាពល្អ ទាំងផ្លូវកាយ
ផ្លូវចិត្ត និងបញ្ញាប៉ុណ្ណោះទេ
តែថែមទាំងអាចជួយរួមចំណែកដល់ការយោគយល់គ្នាទៅវិញទៅមក
កិច្ចសហការផ្នែកសង្គមវប្បធម៌ ទំនាក់ទំនងអន្តរជាតិ
ការអភិវឌ្ឍន៍វិស័យទេសចរណ៍ និងកិច្ចការពាណិជ្ជកម្មជាច្រើនទៀត។
ឯកឧត្តមនាយឧត្តមសេនីយ៍ សៅ សុខា
អគ្គមេបញ្ជាការរងកងយោធពលខេមរភូមិន្ទ
មេបញ្ជាការកងរាជអាវុធហត្ថលើផ្ទៃប្រទេស
និងជាប្រធានសហព័ន្ធកីឡាបាល់ទាត់កម្ពុជា
បានមានប្រសាសន៍ឲ្យដឹងថា ក្រោមគំនិតផ្តួចផ្តើម
និងយកចិត្តទុកដាក់គាំទ្រពី សម្តេចអគ្គមហាសេនាបតីតេជោ ហ៊ុន សែន នាយក
រដ្ឋមន្រ្តីនៃព្រះរាជាណាចក្រកម្ពុជា
សហព័ន្ធកីឡាបាល់ទាត់កម្ពុជា បានសហការជាមួយធនាគារវិនិយោគ
ដើម្បីអភិវឌ្ឍន៍នៅកម្ពុជា(BIDC)
បានរៀបចំបាល់ទាត់លក្ខណៈអន្តរជាតិពាន់រង្វាន់ធនាគារ BIDC
នៅកម្ពុជាឆ្នាំ ២០០៩(International Football Tournament BIDC Cup 2009)
ប្រកបដោយជោគជ័យ។
បន្តតាមគោលនយោបាយនេះ សហព័ន្ធកីឡាបាល់ទាត់កម្ពុជា
បានផ្តួចផ្តើមឲ្យមានការប្រកួតបាល់ទាត់សម្រាប់ប្រទេសនៅក្នុង
តំបន់ទន្លេមេគង្គ
និងបានទទួលការគាំទ្រពីសហព័ន្ធបាល់ទាត់ក្នុងបណ្តាប្រទេសទាំង
អស់នេះ សហព័ន្ធកីឡាបាល់ទាត់កម្ពុជា
បានបន្តសហការជាមួយធនាគារវិនិយោគ ដើម្បីអភិវឌ្ឍន៍នៅកម្ពុជា(BIDC)
ព្រមទាំងដៃគូរអភិវឌ្ឍន៍មួយចំនួនទៀតរៀបចំការប្រកួតបាល់ទាត់
អន្តរជាតិពានរង្វាន់យុវជនអាយុក្រោម ២១ ឆ្នាំ
នៃបណ្តាប្រទេសទន្លេមេគង្គ ឆ្នាំ ២០១១ (Mekong Region Youth U21
International Football Tournament BIDC Cup 2011)
ដោយមានការចូលរួមពីក្រុមបាល់ទាត់តំណាងប្រទេសកម្ពុជា ចិន ឡាវ
មីយ៉ាន់ម៉ា ថៃឡង់ដ៍ និង វៀតណាម នៅរាជធានីភ្នំពេញ ចាប់ពីថ្ងៃទី ០៨
ដល់ ១៦ ខែ តុលា ឆ្នាំ ២០១១។
កម្មវិធីប្រកួត ថ្ងៃទី ០៨ ខែតុលា ឆ្នាំ ២០១១
ក្រុមបាល់ទាត់យុវជនកម្ពុជាឈ្នះក្រុមយុវជនឡាវ ២ គ្រាប់ ទល់នឹង ០។
ទី២ ក្រុមបាល់ទាត់យុវជនចិនប្រកួតជាមួយក្រុមយុវជនវៀតណាម ស្មើ ១
ទល់នឹង ១។ ថ្ងៃទី ១០ ខែតុលា ឆ្នាំ ២០១១
ក្រុមបាល់ទាត់យុវជនមីយ៉ាន់ម៉ាប្រកួតជាមួយក្រុមយុវជនឡាវ។ ទី២
ក្រុមបាល់ទាត់យុវជនចិនប្រកួតជាមួយក្រុមយុវជនថៃឡង់ដ៍។ ថ្ងៃទី ១២
ខែតុលា ឆ្នាំ ២០១១
ក្រុមបាល់ទាត់យុវជនថៃឡង់ដ៍ប្រកួតជាមួយក្រុមយុវជនវៀតណាម។ ទី២
ក្រុមបាល់ទាត់យុវជនមីយ៉ាន់ម៉ាប្រកួតជាមួយក្រុមយុវជនកម្ពុជា
បន្ទាប់មកនៅថ្ងៃទី ១៤ ខែ តុលា ឆ្នាំ ២០១១
ប្រកួតរវាងអ្នកឈ្នះរវាងក្រុម ក និងក្រុម ខ ។ ថ្ងៃទី ១៦ ខែតុលា
ឆ្នាំ ២០១១ ប្រកួតផ្តាច់ព្រ័ត្រ។
ក្រុមហ៊ុន ដែលចូលរួមឧបត្ថម្ភមាន ក្រុមហ៊ុនទូរស័ព្ទ Metfone
ក្រុមហ៊ុនរុករករ៉ែ ហងអាញ់ចាល័យ និងសណ្ឋាគារ ណាហ្គាវើល។
បទអត្ថាធិប្បាយ៖ ស្នៀតនយោបាយបោកប្រាស់របស់សម្ដេចក្រុមព្រះ ៖ តើជាការបែងចែកអំណាច ឬជាការអនុវត្តតាមរដ្ឋធម្មនុញ្ញ?
ក្រោយ
ពីបទទំនួញប្រែតនារដូវបុណ្យភ្ជុំបិណ្ឌបានកន្លងផុតទៅ
ទំនួញសូសៀងថ្មី
ក៏បានចាប់ផ្ដើមបន្លឺឡើងនាអំឡុងពេលរដូវបោះឆ្នោតឈានជិតចូលមក
ដល់។ ពេលខ្លះឮសម្លេងថ្ងូរ និងជួនកាល
ពេលខ្លះទៀតហាក់ដូចជាស្ងប់ស្ងាត់ យូរៗឮម្តងនូវព្រះសូសៀងរបស់
សម្ដេចក្រុមព្រះនរោត្តមរណឬទ្ធិ
ដែលបានមានបន្ទូលបោកបញ្ឆោតគេឯងថា «ខ្ញុំព្រះករុណាបម្រើឪ
បម្រើឪពុកខ្ញុំ លោកហៅខ្ញុំមកប្រាប់ថា កូនឈ្នះឆ្នោត
តែឪពុកសូមកូនអ្នកឈ្នះ ចែកអំណាចជាមួយគេ»
បើកូនមិនចែកអំណាចជាមួយគេទេ យើងបាត់បង់ទឹកដី ។
ទឹកដីយើងសម័យអង្គរធំណាស់
រួញៗមកនៅត្រឹមទឹកដីយើងសព្វថ្ងៃនេះ។
ពុទ្ធោអើយ! កោតតែសម្ដេចក្រុមព្រះហ៊ានពោលបែបនេះ ទៅរួច៖
ស្មេរ
យល់ឃើញថា ការលើកឡើងរបស់សម្ដេចក្រុមព្រះខាងលើនេះ
ហាក់ដូចជាព្រះអង្គចាត់ទុកខ្លួនឯងជាអាទិទេព(អ្នកជប់ទឹកដី
ខ្មែរឱ្យមានឯកភាពជាតិតែម្នាក់ឯងអញ្ចឹង)
ប៉ុន្តែអ្វីដែលជាការពិតព្រះអង្គគួរគប្បីស្វែងយល់ថា
ក្រោយការបោះឆ្នោតឆ្នាំ ១៩៩៣
ក្នុងក្របខណ្ឌនៃការរៀបចំរាជរដ្ឋាភិបាល តើវាជាការបែងចែកអំណាច ឬក៏ជាការអនុវត្តតាមស្មារតីនៃរដ្ឋធម្មនុញ្ញ?
។ ក្នុងបុព្វហេតុនេះ បើតាមរដ្ឋធម្មនុញ្ញឆ្នាំ ១៩៩៣ មាត្រា៩០
វាក្យខណ្ឌ៧ បានចែងយ៉ាងច្បាស់ថា ដើម្បីបង្កើតរាជរដ្ឋាភិបាលបាន
រដ្ឋសភាត្រូវបោះឆ្នោតទុកចិត្តដោយសម្លេងភាគច្រើនដាច់ខាត២ភាគ៣នៃ
សមាជិកសភាទាំងអស់ ។
ដូចនេះ
បើយើងពិនិត្យអំពីអសនៈរបស់គណបក្សហ៊្វុនស៊ីនប៉ិច
នៅក្នុងការបោះឆ្នោតកាលពីឆ្នាំ១៩៩៣ គឺទទួលបានតែ ៥៨អសនៈ
គណបក្សសេរីនិយមព្រះពុទ្ធសាសនា ទទួលបាន ១០អសនៈ
រីឯគណបក្សម៉ូលីណាការ ទទួលបាន ១ អសនៈ គណបក្សទាំង ៣ នេះ
បូករួមបញ្ចូលគ្នា យ៉ាងណាក៏ដោយ បានត្រឹមតែ ៦៩ អសនៈតែប៉ុណ្ណោះ
គឺមិនអាចបង្កើតរដ្ឋាភិបាលបាននោះទេ ព្រោះមិនបាន ២ ភាគ ៣ នៃអសនៈ
១២០ នោះឡើយ ។ គួររំលឹកផងដែរថា
សម្លេងឆ្នោតរបស់គណបក្សហ៊្វុនស៊ីនប៉ិច ដែលទទួលបាន៥៨ អសនៈកាលណោះ
គឺបានមកដោយសារការឃុបឃិតគ្នាជាមួយអ៊ុនតាក់
តាមរយៈល្បិចកេងបន្លំ លួចសន្លឹកឆ្នោត ដើម្បីឈ្នះ
ដែលគណបក្សប្រជាជនកម្ពុជាបានប្តឹងជំទាស់នូវលទ្ធផលនៃការបោះ
ឆ្នោតនោះ។ ប៉ុន្តែ
ដោយស្មារតីបង្រួបបង្រួមជាតិដ៏មោះមុតរបស់គណបក្សប្រជាជនកម្ពុជា
ចង់ឱ្យមានការឯកភាពទឹកដី ទើបគណបក្សប្រជាជនកម្ពុជា
សុខចិត្តចូលរួមសហការក្នុងការបង្កើតរាជរដ្ឋាភិបាលឡើង
ដែលការបង្កើតនោះ មិនមែនជាការចែកអំណាចនោះទេ ។
ហេតុ
ដូចនេះ គណបក្សហ៊្វុនស៊ីនប៉ិច ដែលដឹកនាំដោយសម្តេចក្រុមព្រះ កាលណោះ
មិនអាចបង្កើតរដ្ឋាភិបាលដោយខ្លួនឯងបានទេ ដូច្នេះ
គ្មានជម្រើសអ្វីក្រៅពីត្រូវតែរួមសហការជាមួយគណបក្សប្រជាជនកម្ពុ
ជា ដើម្បីបង្កើតរដ្ឋាភិបាលតាមរដ្ឋធម្មនុញ្ញ។
ការដឹកនាំរាជរដ្ឋាភិបាលក្រោយមក ក៏ត្រូវបាន
គណបក្សប្រជាជនកម្ពុជា យកមកអនុវត្តន៍ ជាមួយគណបក្សហ៊្វុនស៊ិនប៉ិច
ក្នុងនាមដៃគូរនៃរដ្ឋាភិបាលចំរុះ នៅក្នុងអាណត្តិទីពីរ និងទីបីកន្លងមកដែរ។
ដូច្នេះ ការបង្កើតរដ្ឋាភិបាលក្នុងអាណត្តិទី ១ កាលពីឆ្នាំ ១៩៩៣ មិនមែនជាការបែងចែកអំណាច ដូចបន្ទូលបោកប្រាស់ ធ្វើប្រជាភិថុត របស់សម្តេចក្រុមព្រះ នរោត្តម រណឬទ្ធិនោះទេ ក៏ប៉ុន្តែវាជាការអនុវត្តន៍យ៉ាងខ្ជាប់ខ្ជួនតាមច្បាប់រដ្ឋធម្មនុញ្ញរបស់កម្ពុជា។
អ្វីដែលសម្តេចក្រុមព្រះបានមានព្រះបន្ទូលដដែលៗ ម្តងហើយម្តងទៀតបែបនេះ
គឺវាគ្រាន់ តែបង្ហាញពីសារជាតិនៃមេដឹកនាំនយោបាយគ្មានការទទួលខុសត្រូវ
និងមិនទទួលស្គាល់ការពិត ក្នុងបំណងបោកប្រាស់ប្រជាពលរដ្ឋ
ដើម្បីទាក់ទាញការគាំទ្រតែប៉ុណ្ណោះ។
ក៏ប៉ុន្តែទោះជាយ៉ាងណាក្រុមអ្នកវិភាគមើលឃើញ និងយល់ថា
ការដែលគណបក្សហ៊្វុនស៊ិនប៉ិច របស់សម្ដេចក្រុមព្រះ បែកបាក់រលំរលាយ
រហូតព្រះអង្គត្រូវបានបណ្តេញចេញពីព្រះប្រធានប្រវត្តិសាស្រ្តរបស់
បក្សនោះ គឺមិនមែនបណ្តាលមកពីការចូលរួមបង្កើតរដ្ឋាភិបាល
ជាមួយគណបក្សប្រជាជនកម្ពុជា នៅឆ្នាំ ១៩៩៣ នោះទេ ការពិត
គឺបណ្តាលមកពីការអសមត្ថភាពក្នុងការដឹកនាំ
និងកង្វះបទពិសោធន៍នយោបាយរបស់សម្តេចក្រុមព្រះអង្គឯងតែប៉ុណ្ណោះ។
ជាក់ស្តែង សូម្បីតែមន្ត្រីជំនិតរបស់ព្រះអង្គជាច្រើនរូប
ក៏បានចាកចេញជាបន្តបន្ទាប់ ពីគណបក្សហ៊្វុនស៊ិប៉ិច ចាប់តាំងពីឆ្នាំ ១៩៩៣
មកម្លេះ ដោយពួកគេអស់ជំនឿលើការដឹកនាំគ្មានអំណោយទានរបស់ព្រះអង្គ
និងនៅពេលចុងក្រោយនេះ មន្ត្រីដែលស្និទជាមួយព្រះអង្គមួយចំនួនទៀត
សូម្បីតែតារាកំប្លែងម្នាក់ គឺ លោក ប៉ុក ថារ៉េត ហៅនាយ ឡោស៊ី
មុននឹងទទួលមរណៈភាព ដោយគ្រោះថ្នាក់ចរាចរ ក៏បានចាកចេញពី
ព្រះអង្គដែរ
គឺពួកគេបាននាំគ្នាមកចូលរួមជាមួយគណបក្សប្រជាជនកម្ពុជាជាហូរហែរ ។
អ្វីដែលជាការចាប់អារម្មណ៍របស់មជ្ឈដ្ឋានមហាជន គឺត្រូវបានគេមើលឃើញយ៉ាងជាក់ច្បាស់ថា សម្តេចក្រុមព្រះ នរោត្តមរណឬទ្ធិ
ព្រះអង្គជាបុគ្គលដែលមានចំណង់ចំណូលចិត្តភ្លើតភ្លើន និងការសប្បាយ
ច្រើនជាងការគិតប្រយោជន៍ប្រទេសជាតិ និងកិត្តិយសរបស់រាជវាំង។
បើតាមការចំណាំរបស់ចាស់បុរាណ គេហាមមិនឱ្យសេពគប់ទេ
មនុស្សជំពូកក្រឡិកក្រឡុច និងនិយាយមិនទៀងបែបនេះ។ ជាក់ស្តែង
ក្នុងសន្និសីទសារព័ត៌មាន កាលពីថ្ងៃទី ២ ខែតុលា ឆ្នាំ ២០០៨ នៅសណ្ឋាគារ
ហ៊ីម៉ាវារី ព្រះអង្គបានមានបន្ទូលថា «ខ្ញុំសូមសន្យាថា ចាប់ពីពេលនេះតទៅ ខ្ញុំឈប់ធ្វើនយោបាយទៀតហើយ ប៉ុន្តែ ខ្ញុំសូមគាំទ្រចំពោះដំណោះស្រាយព្រំដែនរបស់រដ្ឋាភិបាល ជាមួយប្រទេសជិតខាង ក៏ដូចជាបញ្ហាដោះស្រាយភាពក្រីក្រ របស់ប្រជាពលរដ្ឋ»។
ការប្រកាសដើចេញពីឆាកនយោបាយ របស់សម្តេចក្រុមព្រះ
បានធ្វើឱ្យមានការចាប់អារម្មណ៍យ៉ាងខ្លាំងរបស់មជ្ឈដ្ឋានជាតិ
និងអន្តរជាតិ ដោយយល់ថា ការបញ្ចប់អាជីពនយោបាយនេះ
ជាការចូលរួមយ៉ាងធំមួយ ក្នុងការលើកកំពស់ ព្រះកិត្តិនាម
នៃត្រកូលរាជវង្សានុវង្សឡើងវិញ ព្រោះថា ក្នុងអាជីពនយោបាយរបស់ព្រះអង្គ
លោកមិនដែលបានកសាងអ្វីដែលជាស្នាដៃ
សម្រាប់ជាតិក្រៅពីការដែលយកព្រះកិត្តិនាម ព្រះបិតា និងរាជវង្ស
ធ្វើជាដើមទន់នៃនយោបាយបោកបញ្ឆោតរាស្ត្រនោះទេ។
ប៉ុន្តែ មិនបានប៉ុន្មានថ្ងៃផង ក្រោយពីការប្រកាស សម្ដេចក្រុមព្រះ ក៏បានវិលមកចូលធ្វើជាមេគណបក្សថ្មីមួយ គឺ គណបក្ស នរោត្តមរណឬទ្ធិ មកទល់នឹងឥឡូវនេះ។
នយោ
បាយបោកបញ្ឆោតរាស្ត្របែបនេះ ត្រូវបានឆ្លុះបញ្ចាំងតាមរយៈលទ្ធផលជាក់ស្តែង
នៃការបោះឆ្នោត ក្នុងអាណត្តិនីមួយៗ ដូចជា កាលពីឆ្នាំ ១៩៩៣
គណបក្សរបស់ព្រះអង្គ ទទួលបាន ៥៨ កៅអី ឆ្នាំ១៩៩៨ ទទួលបាន ៤៣ កៅអី ឆ្នាំ
២០០៣ ទទួលបាន ២៣ កៅអី ឆ្នាំ ២០០៨ ទទួលបាន ២ កៅអី
ហើយនៅក្នុងការបោះឆ្នោតឆ្នាំ ២០១៣ ខាងមុខនេះ សម្តេចក្រុមព្រះ
ទួញសោកបោកប្រាស់រាស្រ្ត ថា សុំយ៉ាងណាឱ្យបានលើសពី១ កៅអី ។
បើ សម្ដេចក្រុមព្រះនរោត្តមរណឬទ្ធិ
គិតត្រឹមតែកន្ទុយក្បិនបែបនេះ ធ្វើម៉េច
អាចក្លាយជាកម្លាំងកសាងជាតិទៅកើត។ សមដូចពាក្យចាស់បុរាណពោលថា
«សម្តីសរជាតិ មាយាទសរពូជ» អញ្ចឹងមែន៕
ចាន់ សាវុធ (អតីតសកម្មជនគណបក្ស នរោត្តមរណឬទ្ធិ នៅខេត្តកំពង់ចាម)
Subscribe to:
Posts (Atom)