សេចក្តី​ប្រកាស​ព័ត៌មាន​ ជំនួបពិភាក្សារវាង ឯកឧត្តម​ សុខ អាន និង​​​លោកជំទាវ​ Patricia O’Brien ស្តីពីការវិវត្តន៍ថ្មី​ៗរបស់​​អង្គ​ជំនុំ​ជម្រះ​វិសាមញ្ញ​​ក្នុង​តុលាការ​ កម្ពុជា​ (អ.វ.ត.ក)​

សេចក្តី​ប្រកាស​ព័ត៌មាន

នា​រសៀលថ្ងៃ​​នេះ​​ នៅ​ទីស្តីការគណៈរដ្ឋមន្រ្តី​ ឯកឧត្តមឧបនាយករដ្ឋមន្រ្តី​ សុខ អាន បាន​ទទួល​ជួបពិភាក្សា​ជាមួយ​​​លោកជំទាវ​ Patricia O’Brien អគ្គ​លេខាធិការរង​​អង្គការ​សហប្រជាជាតិទទួលបន្ទុក​កិច្ចការ​ច្បាប់​ និង​ជា​អ្នកប្រឹក្សា​ផ្នែក​​ច្បាប់​ ស្តីពីការវិវត្តន៍ថ្មី​ៗរបស់​​អង្គ​ជំនុំ​ជម្រះ​វិសាមញ្ញ​​ក្នុង​តុលាការ​ កម្ពុជា​ (អ.វ.ត.ក)​។

ភាគីទាំងពីរ​បាន​បញ្ជាក់​សារជាថ្មី​នូវ​ការ​គាំទ្រ​យ៉ាង​មុត​មាំ​ចំពោះ​កិច្ច​ការ​របស់​ អ.វ.ត.ក  និង​វាយ​តម្លៃ​ខ្ពស់​ចំពោះ​ម្ចាស់​​ជំនួយ ព្រម​ទាំង​​​មានមោទនភាព​ចំពោះ​​​ជោគ​ជ័យ​​ដែល​​តុលាការ​នេះ​ទទួលបាន​រហូត​មក ​ដល់បច្ចុប្បន្ន​​ ក្នុង​នោះ​​រួមមាន​ ការ​ចូល​រួម​គាំទ្រ​ដ៏ច្រើន​លើ​សលុប​​ពី​សាធារណជន។ ភាគី​ទាំងពីរ​បាន​ផ្តោត​សារៈសំខាន់​ផងដែរ​​​លើ​​សំណុំ​រឿង​០០២ ​ដែល​​ជា​សំណុំ​រឿង​មួយដ៏​សំខាន់​បំផុត​​នៅ​ក្នុង​ប្រវត្តិសាស្រ្ត​តុលាការ​ យុត្តិធម៌​អន្តរជាតិ​ ដោយ​​បាន​នាំ​មក​កាត់ទោស​នូវ​មេដឹកនាំជាន់​ខ្ពស់​​​​​​នៃ​របប​​ប្រល័យ​ពូជ​ សាសន៍​ ដែល​នៅ​រស់​រានមាន​ជីវិត។

ឯកឧត្តម ​ឧបនាយករដ្ឋមន្រ្តី​បាន​សង្កត់​ធ្ងន់​អំពី​ភាព​ចាំ​បាច់​របស់​អ្នក​ធ្វើ​ការ ​សម្រេច​ចិត្តនៃភាគី​ទាំងពីរ​ ដើម្បី​បំពេញ​​​​​ការទទួល​ខុស​ត្រូវ​របស់​ខ្លួន​ដោយ​មិន​អនុញ្ញាត​ឱ្យ​មាន​ ការ​រំខាន​ពី ការ​បំប៉ោងព័ត៌មាន​ ការ​ដាក់​គំនាប​ និង​ការ​ជ្រៀត​​ជ្រែក​ដ៏​ខ្លាំង​ពី​សំណាក់​ប្រព័ន្ធ​ផ្សព្វផ្សាយ​ និង​ពី​សំណាក់​ភាគី​ខាង​ក្រៅ​ដ៏ទៃៗទៀត​។

ភាគីទាំងពីរ ​ក៏​​​បាន​ស្វាគមន៍ផង​ដែរ​នូវ​​សាលដីកាស្ថាពរ​នៃ​សំណុំ​រឿង​០០១ ដែល​នឹង​ប្រកាស​ក្នុង​ពេល​ឆាប់ៗ​ខាង​មុខ​នេះ​ និង​សេចក្តី​ប្រកាស​ស្តី​ពីដំណើរការ​សវនការ​លើ​អង្គ​សេចក្តី​នៃ​សំណុំ​រឿង​ ០០២​​ ដែល​នឹង​ប្រព្រឹត្តិ​ទៅ​នៅ​ថ្ងៃទី​២១ ខែ​វិច្ឆិកា ឆ្នាំ​២០១១ ហើយ​ភាគី​ទាំង​ពីរ​​បាន​សំដែង​នូវ​​ឆន្ទៈ​​ឱ្យដំណើរការ​​តុលាការ​បន្ត​ទៅ​ មុខ​​​​យ៉ាង​ឆាប់​រហ័ស​ និង​ដោយ​រលូន​ ។

រាជធានីភ្នំពេញ, ថ្ងៃទី ២០ ខែ​តុលា ឆ្នាំ​២០១១

Press Statement, H.E. Sok An and Ms Patricia O’Brien, to discuss recent developments at the Extraordinary Chambers in the Courts of Cambodia (ECCC)

PRESS STATEMENT

This afternoon H.E. Deputy Prime Minister Sok An and Ms Patricia O’Brien, Under Secretary-General for Legal Affairs, the Legal Counsel of the United Nations, met at the Office of the Council of Ministers to discuss recent developments at the Extraordinary Chambers in the Courts of Cambodia (ECCC).

Both Parties reiterated their strong support for the work of the ECCC, their appreciation to the donors, and pride in its success achieved to date, including unprecedented public participation. They stressed the critical importance of Case 002 as one of the most signficant cases in international judicial history, bringing to trial all the surviving senior leaders of a genocidal regime.

The Deputy Prime Minister emphasised the need for decision makers on both sides to discharge their responsibilities without allowing themselves to be distracted by intense speculation, pressure and interference from the media and other outside parties.

They welcomed the imminent Final Judgment in Case 001 and the announcement that the substantive trial in Case 002 will commence on 21 November 2011 and they expressed their desire that the judicial  processes move forward speedily and smoothly.

 20 October 2011

Cambodia, U.N. discussed issues relating to the work of the Extraordinary Chambers in the Courts of Cambodia (ECCC)

PHNOM PENH, Oct. 20, 2011 – Cambodia’s Deputy Prime Minister H.E. Dr. Sok An and U.N. Under Secretary-General for Legal Affairs, Ms Patricia O'Brien on Thursday discussed a number of issues, in particular the recent unexpected resignation of the ECCC international Co-Investigating Judge Siegfried Blunk

Dr. Sok An said that Blunk’s resignation was influenced by a crescendo of speculation and interference by certain media and outside organizations aimed at discrediting the achievements of the ECCC and pressuring its direction. “The resignation of judge Blunk was not natural or coherent”, given that he had worked cooperatively and closely with his national counterpart Co-Investigating Judge for almost a year.

The Deputy Prime Minister emphasised the need for decision makers on both sides to discharge their responsibilities without allowing themselves to be distracted by intense speculation, pressure and interference from the media and other outside parties. “Our role is to facilitate the court process at the same time others may be criticising us. We have to distinguish between the role of decision makers (Cambodia and U.N.) from those who shout (the media and organizations),” said Dr. Sok An, who is also Chairman of the Royal Government's Khmer Rouge Trial Task Force, added that “we have to do our work and let the shouters shout. We should concentrate on supporting the Court so it can complete Cases 001 and 002,” said Dr. Sok An in the meeting.

Both sides agreed to continue cooperation so as to ensure the court will complete its noble task of trying the surviving leaders of the Democratic Kampuchea regime, which was blamed for the deaths of an estimated 3 million people during their rule from 1975- 79.

Dr. Sok An and Ms O’Brien referred to the court’s impressive records, notably the extent of public support, the involvement of victims in the judicial process and the importance of Case 002 as one of the most critical cases in international judicial history.

The Deputy Prime Minister stressed that Cambodia wants to work together with the United Nations for the success of the ECCC, while Ms O’ Brien assured him that “the collapse of the court, is not on the radar”.

Dr. Sok An and O’ Brien also briefly discussed the replacement of American Clint Williamson, the Special Expert to the UN Secretary-General on United Nations Assistance to the Khmer Rouge Trial, who has taken up a new position in Europe.

Both sides welcomed the imminent Final Judgment in Case 001 and the announcement that the substantive trial in Case 002 will commence on 21 November 2011 and they expressed their desire that the judicial  processes move forward speedily and smoothly, said a Cambodian press release after the meeting.

បទវិចារណកថា៖ លោក​ សម​ រង្ស៊ី​ កំពុង​តែ​​បង្កើត​រឿង​ដែល​មិន​មែន​ជា​ការ​ពិត

           អាចជាលេសដើម្បី​រកច្រកចូលស្រុក​​​ លោក សម រង្ស៊ី ​មេដឹកនាំ​គណបក្ស​ប្រឆាំង​ដែល​កំពុង​និរទេសខ្លួន ​​បានខិតខំ​បង្កើត​នូវរឿង​រ៉ាវជាច្រើន​ករណី ដើម្បី​ទម្លាក់​កំហុសមក​លើប្រមុខ​រាជរដ្ឋាភិបាល តាមរយៈ​ការប្រកាស​ប្តឹង​សម្តេចហ៊ុន សែន ពីបទ​ឧក្រិដ្ឋនានា​ទៅតុលាការ​អន្តរជាតិ ​​​ដែលការ​ចោទប្រ កាន់ទាំង​អស់។ល។និង។ល។ ត្រូវបាន​លោក សម រង្ស៊ី ធ្វើការ​សុំទោស​ពីសម្តេច​រួចហើយ និង​បាន​សារភាព​ថា​ គឺជាការ​ចោទ​ប្រកាន់​គ្មាន​ការពិត។

          តាម​រយៈការ​ប្រឌិត​នូវ​ព័ត៌មាន​មិន​ពិត​ ក្លែង​បន្លំ​ បំពុល​សាធារណមតិ លោក​សម ​រង្ស៊ី ​បាន​និយាយ​តាម​រយៈការ​​ធ្វើ​សន្និសីទ​កាសែត​នាពេល​ថ្មី​ៗនេះ​ថា​ «​ខ្ញុំ​នឹង​ប្តឹង​សម្តេច​ ហ៊ុន សែន ទាល់​តែគាត់​ចុះ​ចេញ​ពី​ដំ​ណែង​»។ក្រៅ​ពី​នេះ​ លោក​សម រង្ស៊ី​ បាន​ធ្វើ​ការ​រិះ​គន់​ថា​ លោក​នឹង​មិន​ទទួល​យក​ជា​ដាច់​ខាតនូវ​លទ្ធ​ផល​នៃ​ការ​បោះ​ឆ្នោត​នាពេល​ខាង​ មុខ​ ប្រសិន​បើ​ពុំ​មាន​វត្តមាន​របស់​គាត់​ចូល​រួម និង​បាន​ទាម​ទារ​ឱ្យ​សហគមន៍​អន្តរជាតិ​ទាត់​ចោល​នូវ​លទ្ធផល​នោះ​ដែរ។  

ការប្រកាសបែបនេះ គឺបង្ហាញ​យ៉ាងច្បាស់​ពីភាព​បរាជ័យ​របស់ខ្លួនមុន​ពេល​ប្រកួត ដែល​​លោក សម រង្ស៊ី ខ្លួនឯងគួរ​គប្បីអំពាវ​នាវឲ្យមាន​ការរំលាយ​គណបក្ស សម រង្ស៊ី ​តែម្តង​ទៅ ពុំគួរ​បន្តធ្វើ​សកម្ម​ភាព​នយោបាយ​ដើម្បីការ​ប្រកួត​ប្រជែង ចង់បាន​អំណាច ​ប៉ុន្តែនៅ​ពីក្រោយ​ខ្នង បែជាប្រើ​ប្រាស់វេទិការ​កៀប​សង្កត់មក​លើប្រព័ន្ធ​បោះឆ្នោតនៅ​កម្ពុជាថា មិនសេរី និងយុត្តិធម៌​បែបនេះ​ទៅ​វិញ។

 ជារៀងរាល់ ​អាណត្តិ តែងតែ​មានគណ​បក្សនយោបាយ​ជាច្រើន​ចូលរួម​ប្រកួត​ប្រជែងការ​បោះ​ឆ្នោត ដោយ​មានទាំង​អ្នកសង្កេត​ការណ៍ជាតិ​ទាំង​អន្តរជាតិ ចូល​រួម​ឃ្លាំមើល​ដំណើរ​កា​រនោះ  ដែល​ការ​បោះ​ឆ្នោត​មាន​ការប្រព្រឹត្តទៅមុខ​យ៉ាងរលូន​ដោយគ្មាន​ឧបសគ្គអ្វី​ ឡើយ។

ប្រជាពលរដ្ឋ ​កម្ពុជាបាន​ប្រើប្រាស់​សិទ្ធិរបស់​ខ្លួនយ៉ាង​ពេញ​លេញ តាមច្បាប់​រដ្ឋធម្មនុញ្ញ ក្នុងការ​ជ្រើសរើសថ្នាក់ដឹកនាំប្រទេសតាមបែបប្រជាធិបតេយ្យ សេរីពហុបក្ស និង​ដើម្បី​ឆ្ពោះទៅ​រកការពង្រឹង​នីតិរដ្ឋ ក៏​ដូច​ជា​ការ​ក្សាបាននូវសុខសន្តិភាព និងការអភិវឌ្ឍន៍សង្គមជាតិ។

ដូច្នេះការបន្តដឹកនាំប្រទេស ​ឬចុះ​ចេញ​ពី​តំណែង​​ជានាយករដ្ឋមន្រ្តី វាមិនអាស្រ័យលើសម្តី​របស់​លោក សម រង្ស៊ី នោះទេ គឺធ្វើឡើងតាមរយៈ​ការបោះ​ឆ្នោត ដែលប្រជាពលរដ្ឋកម្ពុជាជាម្ចាស់អំណាច។

 បើយើងក្រឡេកមើលអំពីជីវិត ​នយោបាយចុង​ក្រោយ​របស់ លោក សម រង្ស៊ី គឺស្ថិតនៅក្នុង​ស្ថាន​ភាព​​​អាក្រក់ជា​ទីបំផុត​ ហាក់បីដូច​ជាកំពុង​ដាំក្បាលចុះ​ និងអាប់អោនយ៉ាងខ្លាំងដោយសារ​​​​​​​​​​​​​​​​សព្វ​ថ្ងៃ​​កំ​ពុង​រស់​នៅ​ក្នុង ​ឋានៈជាជនមាន​ទោស និងបាត់​សិទ្ធិនយោបាយ​ទៀត​ផង តើមាន​ទម្ងន់ផ្លូវ​ច្បាប់ណា​មួយ​មកផ្តួល​រំលំសម្តេច​តេជោដែល​កំពុងលេច​ ធ្លោដោយ​ឥស្សរៈភាព​ជាមេដឹកនាំ​ប្រកបដោយ​គុណធម៌​ខ្ពស់ និង​ពុំធ្លាប់​មានរឿង​អាស្រូវ​​ណា​មួយ​រំខានដល់​ជីវិតនយោបាយ​សោះឡើយនោះ។

ម្យ៉ាងទៀត ក្នុង​ដំណាក់កាល​នេះ​ គេបាន​មើល​ឃើញថា គណបក្ស សម រង្ស៊ី អាចនឹង​ប្រកាស​អាសន្ន​ពីការបែក​បាក់ទ្រង់​ទ្រាយធំ ឬឈាន​ទៅរក​ការរលាយ​គណបក្សទាំង​មូល ក៏ថាបាន ​ដោយ​សារការចាក​ចេញរបស់​អ្នកគាំទ្រ តាំងពីលើ​ដល់ក្រោម ការអស់ឥទ្ធិ​ពលរបស់​មេបក្ស និង​ថ្នាក់​ដឹកនាំ​សំខាន់ៗ ការមាន​រឿងអាស្រូវ​អំពីគ្រួសារ​និយម ផ្តាច់ការ និងការ​ដឹកនាំ​ដោយ​គ្មានយុទ្ធសាស្រ្ត​ច្បាស់លាស់ ​​​ទើបលោក សម រង្ស៊ី ខំប្រឹង​​ជួសជុលស​ភាពការណ៍​ឡើងវិញ ដើម្បីបន្តអូស​ជីវិត​នយោ​បាយ​របស់​គាត់បាន​យូរទៅ​មុខទៀត ។

សួរថា តើលោក សម រង្ស៊ី មានឱកាស​មកជួប និងដោះស្រាយ​បញ្ហាពេល​ប្រជាពល​រដ្ឋមានទុក្ខ

ដោយ ​គ្រោះទឹកជំនន់ មកជួយ​កសាង​អភិវឌ្ឍន៍​ប្រទេស​ដែល​កំពុង​ត្រូវការ​ការ​កសាង​ស្ថាបនា​ហេដ្ឋា​ រចនា​សម្ព័ន្ធ​ឡើង​វិញ​ក្រោយ​ពីជួប​វិបត្តិគ្រោះ​ធម្មជាតិ ដូច​គណបក្ស​ប្រជាជន​កម្ពុជា ដែលបាន និងកំពុង​រស់នៅផ្ទាល់​ជាមួយសុខ​ទុក្ខរបស់​ប្រជាពលរដ្ឋ​ដែរឬទេ?​ ចម្លើយ​គឺមិន​អាចទៅ​រួចទេ (Impossible) ហើយ​បក្ស​ប្រឆាំង​ ​មិន​ត្រឹម​តែមិន​បាន​ជួយ​ប្រជា​ពល​រដ្ឋប៉ុណ្ណោះ​ទេ ថែម​ទាំង​បាន​នាំគ្នារិះ​គន់​បន្តុះ​បង្អាប់​ ដល់​ម្ចាស់​ជំ​​នួ​យនានា ដែល​គេបាន​លះ​បង់​ទ្រព្យ​ធន់​ផ្ទាល់​ខ្លួន​ដើម្បី​ការ​រួម​គ្នា​ ឯកភាព​ជាធ្លុង​មួយ​ជួយ​សង្គ្រោះ​គ្នាក្នុង​គ្រាមាន​អាសន្ន​​​ ។

          ដូច្នេះ​ ប្រជាពល​រដ្ឋបាន​ឃើញ​តែ សមាជិក​គណបក្ស​ប្រជាជន​កម្ពុជា​តែប៉ុណ្ណោះ ដែល​បាន​ចុះ​ចែក​អំ​ណោយ និង​សភារៈ​ប្រើ​ប្រាស់ គ្រឿង​ឧបភោគ​ បរិភោគ​ ថ្នាំសង្កូវ​ និង​រក​មធ្យោបាយ​ដើម្បី​សំ​រួល​ដល់​ការ​ធ្វើ​ដំ​ណើរ និង​ការ​ប្រកប​របរទទួល​ទាន​របស់​​ប្រជាពល​រដ្ឋ ដោយ​មិន​ប្រកាន់​និន្នាការ​នយោបាយ​​ឡើយ​។

          សរុប​សេចក្តី​មក​ នយោបាយ​ជួយសង្គ្រោះ និង​នយោបាយជេរដើម្បី​អំ​ណាច​ វាខុសគ្នា​ ហើយ​វារិត​តែខុស​គ្នា​ឆ្ងាយ​ទៅ​ទៀត​ រវាង​អ្នក​កសាងជាតិ​ និង​អ្នក​បំ​ផ្លាញ​ជាតិ​​។ ដូច្នេះ​ គឺមាន​តែប្រជាពល​រដ្ឋទេ​ដែល​ដឹង​ការពិត​ ហើយ​មាន​តែអំពើ​ល្អ​របស់​គណបក្ស​ប្រជាជន​កម្ពុជា​តែបុណ្ណោះ​ ដែល​បាន​ដក់​ជាប់​នៅ​ក្នុង​ដួង​ចិត្តរបស់​ប្រជាពល​រដ្ឋ​ និង​ក៏​ដើម្បី​ពួក​គាត់​សម្រេច​ការ​គាំ​ទ្រក្នុង​ពេល​ខាង​មុខផង​ដែរ​។

រួម ជាតិ

សម្តេច​​អគ្គ​មហា​​សេនា​បតី​​តេ​ជោ ហ៊ុន សែន ដឹកនាំ​ប្​រតិ​ភូក​ម្ពុជា​​​​ចូល​​រួម​ពិធី​​​បើក​​ពិព័រណ៍​​ចិន​-​អាស៊ាន​​លើក​​ទី៨​នៅ​ទី​​ក្រុង​ណា​ន​នីង​​ប្រទេស​​ចិន​

​ ​​​ សម្តេច​អគ្គមហា​សេនាបតី​តេ​ជោ ហ៊ុន សែន​ នាយករដ្ឋមន្ត្រី​​នៃ​ព្រះ​រាជាណាចក្រ​កម្ពុជា​បានដឹក​នាំ​ប្រតិភូ​កម្ពុជា​ចាក​ចេញ​ពី​រាជធានី​ភ្នំ​ពេញ​ធ្វើ​ដំណើរ​ឆ្ពោះទៅកាន់​ទីក្រុង​ណាន​នី​ង ខេត្ត​ក្វាង ស៊ី សាធារណៈ​រដ្ឋ​ប្រជាមានិត​ចិន នៅពេល​ព្រឹក​ថ្ងៃទី ២០ ខែ​តុលា ឆ្នាំ​២០១១​ ដើម្បី​ចូលរួម​ក្នុង​ពិធី​បើក​ពិព័រណ៍​រួម​ក្នុង​ពិធី​បើក​ពិ​ព័រ​ណ៌​ចិន-អាស៊ាន​ប្រចាំ​ឆ្នាំ​លើក​ទី​៨ ​ដែល​គ្រោង​មាន​រយៈ​ពេល​ ៣ ​ថ្ងៃ។ ទោះបី​យ៉ាង​ណា​ ឯកឧត្តម​ ស្រ៊ី ថាមរុង្គ រដ្ឋមន្ត្រី​ប្រតិភូ​អម​នាយករដ្ឋមន្ត្រីបាន​មានប្រសាសន៍ឲ្យ​ដឹង​ថា ដោយ​យោង​ទៅ​ដល់​ភាព​ចាំ​បាច់​នៃ​ការ​ងារ​នៅក្នុង​ប្រទេស សម្តេច​តេជោ​នឹងធ្វើ​មាតុភូមិនិវត្តន៍​នៅពេល​រសៀល​ថ្ងៃទី២១ ខែ​តុលា ឆ្នាំ ២០១១​។ 

សេចក្តី​ជូនដំណឹង​​របស់​ក្រសួងការបរទេស និង សហប្រតិបត្តិការ​អន្តរជាតិបាន​​ឲ្យ​ដឹង ថា ទស្សន​កិច្ច​​​របស់​សម្តេច​តេ​ជោ​នាយ​រដ្ឋមន្ត្រី និង គណៈប្រតិភូ​ជាន់ខ្ពស់​កម្ពុជា​ត្រូវ​ចូល​រួម​ក្នុង​ពិធី​បើក​ពី​ព័រ​ណ៍ ចិន-អាស៊ាន​លើក​ទី ៨ និង ពិធី​បើក​កិច្ចប្រជុំ​កំពូល​វិនិយោគ និង ធុរកិច្ច​ចិន-អាស៊ាន ដែល​ប្រព្រឹត្តទៅ ពីថ្ងៃ​ទី ២១ ដល់ ២៦ ខែតុលា​ឆ្នាំ ២០១១ នៅ​ទៅ​ក្រុង​ណាន​នី​ង ខេត្ត​ក្វាង​ស៊ី ​តាម​ការ​អញ្ជើញ​ពី​សំណាក់​រដ្ឋាភិបាល នៃ​សាធារណរដ្ឋ​ប្រជាមានិត​ចិន។ សម្តេច​តេ​ជោ​នាយករដ្ឋ​មន្រ្តី​​ត្រូវបាន​រំពឹងថា លោក នឹង​ជួបពិភាក្សា​ការងារ​ជាមួយ​ឯកឧត្តម​ វេន ជា​បាវ (Wen Jiabao)នាយករដ្ឋមន្ត្រី​​នៃ​សាធារណរដ្ឋ​ប្រជាមានិត​ចិន នៅ​រសៀល​ថ្ងៃទី ២០ ខែ​តុលា ឆ្នាំ ២០១១។ ​សម្តេច​តេ​ជោ ក៏​នឹង​ទទួល​ជួប​ជាមួយ​គណៈប្រតិភូ​នៃ​ធនាគារ​​អភិវឌ្ឍ​ចិន និង អនុញ្ញាត​ឲ្យ​លេខា​បក្ស និង អភិបាល​ខេត្ត​ក្វាង​ស៊ី​ដឹកនាំ​គណៈប្រតិភូ​ចូលជួប​សំដែង​ការគួរសម​ផងដែរ។

ឯកឧត្តម​ ស្រ៊ី ថាមរុង្គ រដ្ឋមន្ត្រី​អម​នាយករដ្ឋមន្ត្រី​ឲ្យ​ដឹងថា ប្រធានបទ​នៃ​ពិព័រណ៍​ចិន-អាស៊ាន​ឆ្នាំនេះ​ប្រព្រឹត្ត ទៅ​ក្រោម​ប្រធានបទ«កិច្ចសហប្រតិបត្តិការ ការពារ​បរិស្ថាន»ដែល​នេះ​ជា​ប្រធានបទ​ក្តៅគគុក​ព្រោះ​ថា ការប្រែប្រួល​អាកាសធាតុ​បានធ្វើ​ឲ្យ​មានការ​កើនឡើង​នូវ​ទឹកជំនន់ ហើយ​ប្រធានបទ​នេះ​ក៏មាន​កិច្ចប្រជុំ ថ្នាក់​​រដ្ឋមន្ត្រី ដើម្បី​រិៈ​រក​វិធានការ​ធ្វើយ៉ាងណា​ការពារ​បរិស្ថាន​ផងដែរ។

ឯកឧត្តម​ ស្រ៊ី ថាមរុង្គ បាន​ឲ្យ​ដឹង​នៅ​ក្នុង​ពិធី​ជូន​ដំណើរ​សម្តេច​តេជោ​នាយក​រដ្ឋមន្រ្តី​ ​នៅ​ព្រលានយន្តហោះ​អន្តរជាតិ​ភ្នំពេញ​ថា ពន្លា​ជាតិ​របស់​កម្ពុ​ជាមាន​ប្រធានបទ«ខេត្ត​រតន​គី​រី​​ជា​ខេត្ត​ស្រស់​ប្រឹម​ប្រិ​យ»ជា​ប្រធានបទ​ដែល​ឆ្លើយតប​ទៅនឹង​ប្រធានបទ នៃ​ការតាំងពិព័រណ៍​ទាំងមូល ។ ​ទេសភាព​បឹង​យក្ស​ឡោម គំរូផ្ទះឈើ​របស់​កូន​ក​ម្លោះ កូនក្រមុំ​ជនជាតិ និង ទេសភាព ដែល​បង្ហាញ​ពី​ភូមិដ្ឋាន​បរិស្ថាន និង ជីវភាព​​រស់នៅ​ពិតប្រាកដ​ របស់​បងប្អូន​ជនជាតិភាគតិច​នឹងត្រូវ​រៀបចំ​បង្ហាញ​ផងដែរនៅ​ក្នុង​ការ​តាំង​ពិព័រណ៍​​​នោះ​។

ឯកឧត្តម ស្រ៊ី ថាមរុង្គ មានប្រសាសន៍ថា កម្ពុជា​ក៏មាន​ផ្តល់ព័ត៌មាន​ឯកសារ​ស្តីពី​ការវិនិយោគ វប្ប ធម៌ ពាណិជ្ជកម្ម ឧស្សាហកម្ម ទេសចរណ៍ និង គម្រោង​អភិវឌ្ឍ​មួយចំនួនទៀត និង ការបង្ហាញ​ពី​សេវា​កម្ម​ធនាគារ​ផងដែរ។ សម្តេច​តេ​ជោ​នាយករដ្ឋមន្ត្រី​នឹង​ថ្លែង​សុន្ទរកថា​មួយ ក្នុងនាម​ឲ្យ​​ប្រទេស​អាស៊ាន​នៅក្នុង​ពិធី​បើក​ពិ​ព័រ​ណ៍​​នោះ។

ពាណិជ្ជករ​កម្ពុជា​ចំនួន ២៥០ នាក់​មកពី​ក្រុមហ៊ុន​ចំនួន ៧៥ បាន​អញ្ជើញ​ទៅ​ចូលរួម​ក្នុងការ​តាំង​ពិព័រ​ណ៍​នេះ ។ ​កម្ពុ​ជាមាន​ស្តង់​ចំនួន​ប្រមាណ ៩០ ស្តង់។ ​នៅក្នុង​ពិធី​តាំងពិព័រណ៍​នេះ​មាន ស្តង់​សរុប​ចំនួន ៤៦០០ ស្តង់ ក្នុង​នោះ​​ភាគី​ចិន​មាន ៣៣៩០ ស្តង់ និង ស្តង់​ពី​បណ្តា​ប្រទេស​អាស៊ាន​ចំនួន ១១៦១ ស្តង់។ ចំណែក​ប្រទេស​ជប៉ុន សាធារណរដ្ឋ​កូរ៉េ ម៉ា​ដា​ហ្គា​ស្កា កាណាដា ហ្វាំ​ង​ឡង់ និង ប្រទេស​នេ​ប៉ាល់​ក៏មាន​ស្តង់​ចូលរួម​ចំនួន ៤៩ ផងដែរ។ ជាទូទៅ​ស្តង់​របស់​កម្ពុជា​រួមមាន​ផលិតផល​កសិកម្ម  អង្ករ សំលៀក​បំពាក់ ភេសជ្ជៈ ម្ហូបអាហារ ស្រា ស្រា​បៀរ គ្រឿង​សង្ហារ​រឹម គ្រឿងអលង្ការ ផលិតផល​កែច្នៃ​ សិប្បកម្ម ចម្លាក់ សូត្រ ក​សិ-ឧស្សាហកម្ម​ជាដើម ដើម្បី​ជាការ​ស្វែងរក​ទីផ្សារ​នៅ​ក្នុង​ការ​តាំង​ពិព័រណ៍​​នោះ​៕