យោងតាមការផ្តួចផ្តើមដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រៈរាជាណាចក្រកម្ពុជា និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អង្គកឋិនទានមួយដែលមានគណៈកម្មាការ រៀបចំបុណ្យរួមមានឯកឧត្តមបណ្ឌិតសភាចារ្យ ឧបនាយករដ្ឋមន្រ្ដី សុខ អាន និងលោកជំទាវ ឯកឧត្តម ឧបនាយករដ្ឋមន្ដ្រី ទៀ បាញ់និងលោកជំទាវ ឯកឧត្តមឧបនាយករដ្ឋមន្ដ្រី ហោ ណាំហុង និងលោកជំទាវ ឯកឧត្តមឧបនាយករដ្ឋមន្រ្ដី គាត ឈុន និង លោកជំទាវ លោកជំទាវ ឧបនាយករដ្ឋមន្ដ្រី ម៉ែន សំអន និងស្វាមី ឯកឧត្តមឧបនាយករដ្ឋមន្ដ្រី យឹម ឆៃលី និងលោកជំទាវ ឯកឧត្តមឧបនាយករដ្ឋមន្ដ្រី កែ គឹមយាន និងលោកជំទាវ ឯកឧត្តមឧបនាយករដ្ឋមន្ដ្រី ញឹក ប៊ុនឆៃ និងលោកជំទាវ ឯកឧត្តមឧបនាយករដ្ឋមន្ដ្រី ប៊ិន ឈិន និងលោកជំទាវ
ព្រមទាំងឯកឧត្តមលោកជំទាវទេសរដ្ឋមន្ដ្រី រដ្ឋមន្ដ្រី រដ្ឋលេខាធិការ
អនុរដ្ឋលេខាធិការគណៈអភិបាលខេត្ត
អភិបាលរងខេត្តថ្នាក់ដឹកនាំមន្ដ្រីរាជការជាច្រើនរូបទៀតបានប្រារព្វ
ធ្វើឡើង
ដើម្បីប្រមូលបច្ច័យទេយ្យទានវត្ថុទៅវេប្រគេនព្រះសង្ឃដែលគង់ចាំ
ព្រះវស្សាអស់កាលត្រីមាសក្នុងពុទ្ធសិមា និងប្រមូលបច្ច័យជួយ
កសាងបន្តទីអារាមមរតកតេជោបុរីស្វារៈស្ថិតក្នុងភូមិធម្មជាតិសម្ដេច
តេជោហ៊ុនសែនឃុំកន្ទួត ស្រុកជាំក្សាន្ដ ខេត្តព្រៈវិហារ។
នៅ
រសៀលថ្ងៃទី៥កើត ខែកត្តិក ឆ្នាំថោះព.ស២៥៥៥
ត្រូវនឹងថ្ងៃច័ន្ទទី៣១ខែតុលាឆ្នាំ២០១១
ជួបជុំឯកឧត្តមថ្នាក់ដឹកនាំមន្ដ្រីរាជការទាំងអស់ដើម្បីរៀបចំនិមន្ដ
ព្រះសង្ឃចំរើនព្រះបរិត្តសមាទានសីល
និងសម្ដែងធម៌ទេសនានៅបរិវេណអាគារមិត្តភាព ទីស្ដីការគណៈរដ្ឋមន្ដ្រី
លុះព្រឹកឡើងនៅវេលាម៉ោង ៤ទៀបភ្លឺ ថ្ងៃទី៦កើតខែកត្តិកឆ្នាំថោះព.ស
២៥៥៥ ត្រូវនិង ថ្ងៃ អង្គារ ទី១ ខែវិច្ឆិកាឆ្នាំ
២០១១ដង្ហែឆ្ពោះទៅកាន់ឆ្ពោះកាន់វត្តប្រវត្តិសាស្ដ្រ
ព្រៈនាមវត្តមរតកតេជោបុរីស្វារៈ
ដើម្បីយកទៅវេប្រគេនដល់ព្រះសង្ឃជាកិច្ចបង្ហើយបុណ្យ។
បច្ច័យដែលប្រមូលបានពីអង្គកឋិន ទានដែលមានចំនួនសរុប៦១៨.២៥៧.២០០រៀល
(ប្រាំមួយរយដប់ប្រាំបីលានពីររយហាសិបប្រាំពីរពាន់ពីររយរៀល)
និង១០៧.១៣៩$ (មួយរយប្រាំពីរពាន់មួយរយសាមសិបប្រាំបួនដុល្លារ)
សំរាប់យកទៅកសាងបន្ដទីអារាមថ្មីមួយនេះឳ្យប្រែក្លាយនិងសាកសម
ជាទីកន្លែងដែលប្រជាពុទ្ធបរិស័ទ្ធមកគោរពបូជា
និងសិក្សារៀនសូត្រធម៍វិន័យ ។
ឯកឧត្តម អ៊ុំ ម៉ារ៉ា អភិបាល
នៃគណៈអភិបាលខេត្តព្រះវិហារបានលើកឡើងអំពីលទ្ធផលនៃការកសាងវត្តនៅ
វគ្គដំបូងនេះដែលសម្រេចបានរួមមាន កុដិព្រះចៅអធិការវត្ត ធ្វើអំពីឈើ
គ្រឹះព្រះវិហារ រោងស្រង់នាគ ដែលជាអាស្រមសំរាប់សូត្រមន្ត ស្រោចទឹក
រំដោះគ្រោះ តាមបែបគំរូដូនតានៅភ្នំគូលេន សាងសង់ដងទង់ញី ឈ្មោល
ព្រមទាំងសាងសង់រចនាសម្ព័ន្ធ នានា ហើយបន្ទាប់ពីអង្គកឋិនលើកទី២នេះ
នឹងកសាងបង្ហើយ នូវកុដិព្រះសង្ឃ កុដិយាយជីតាជី ក្លោងទ្វារ
និងព្រះវិហាររួមទាំងឧបដ្ឋានសាលា។
ឆ្លៀតក្នុងឱកាសនោះដែរឯកឧត្តមឧបនាយករដ្ឋមន្រ្ដី សុខ អាន
ព្រមទាំងឯកឧត្តមលោកជំទាវថ្នាក់ដឹកនាំរួមដំណើរ
បានអញ្ជើញជួបសំណេះសំណាលជាមួយបង ប្អូនប្រជាពលរដ្ឋ
និងបានពាំនាំនូវប្រសាសន៍ សាកសួរសុខទុក្ខ ពី សម្តេចអគ្គមហាសេនាបតីតេជោ ហ៊ុន សែន និងលោកជំទាវកត្តិព្រឹទ្ធបណ្ឌិត ផងដែរ ។ឯកឧត្តមបណ្ឌិត សុខ អាន បាន
លើកឡើងថា ប្រទេសកម្ពុជាយើងបានទទួលជោគេជ័យ
នៅក្នុងការការពារអធិបតេយ្យភាពជាតិ និងដោះស្រាយជំលោះព្រំដែន
នៅតំបន់ប្រាសាទព្រះវិហារនៅលើឆាកអន្តរជាតិ ដោយពឹងផ្អែកលើ
មូលដ្ឋានច្បាប់ នៅតុលាការអន្តរជាតិក្រុងឡាអេ ទល់ជាមួយភាគីថៃ។
ឯកឧត្តមបណ្ឌិត សុខ អាន បានចាត់ទុកថា
ភូមិធម្មជាតិសម្ដេចតេជោហ៊ុនសែនមានលក្ខណៈពិសេសជាងគេ
ដោយមានសាលារៀន មន្ទីពេទ្យ វត្តអារាម
និងសាលាបណ្តុះបណ្តាលវិជ្ជាជីវៈ ដែលបង្កលក្ខណៈងាយស្រួល
ដល់កូនចៅប្រជាពលរដ្ឋ និងកូនចៅយោធិន មានឱកាសចូលរៀនជំនាញផ្សេងៗ
ដើម្បីប្រកបមុខរបរចិញ្ចឹមជីវិតនៅពេលអនាគត។
ឯកឧត្តមបណ្ឌិតបានជំរុញឳ្យប្រជាពលរដ្ឋរៀនជំនាញចំលាក់វត្ថុ
អនុស្សាវរីយ៍
ព្រោះតំបន់នេះជាតំបន់ដែលមានសក្តានុពលទេសចរមួយដ៍សំខាន់ផងដែរ។
ក្នុងឱកាសនោះ ឯកឧត្តមបណ្ឌិត សុខ អាន និងលោកជំទាវបានចែកជូននូវអំណោយរបស់សម្តេចតេជោ
និងលោកជំទាវកិត្តិព្រឹទ្ធបណ្ឌិតជូនដល់ប្រជាពលរដ្ឋចំនួន ៥០០នាក់
គ្រូពេទ្យ ១៥នាក់ និងគ្រូបង្រៀន១៥នាក់ដែលម្នាក់ៗទទួលបាន សារុងមួយ
និងថវិកា ១០.០០០រៀល សិស្ស ៣០០ នាក់ ម្នាក់ សៀវភៅ ២ ប៊ិច ១ ដើម
និងថវិកា៥.០០០ រៀល ។