សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជានិងឯកឧត្តម ផាន គ័ងស៊ា
ឯកអគ្គរដ្ឋទូតនៃសាធារណរដ្ឋប្រជាមានិតចិន នាព្រឹកថ្ងៃទី ២ ខែ
វិច្ឆិកា ឆ្នាំ ២០១១
បានរួមគ្នាប្រកាសបើកការដ្ឋានសាងសង់ស្ពានជ្រោយចង្វាថ្មីប្រវែង
៧១៩ ម៉ែត្រ ឆ្លងកាត់ទន្លេសាប រាជធានីភ្នំពេញក្នុងតម្លៃប្រមាណ
២៧.៥ លានដុល្លារសហរដ្ឋអាមេរិក
ដែលជាប្រាក់កម្ចីរបស់សាធារណរដ្ឋប្រជាមានិតចិន។
សម្តេចតេជោនាយករដ្ឋមន្រ្តី
បានមានប្រសាសន៍ឲ្យដឹងថា ស្ពានជ្រោយចង្វារទី២ នេះ
គឺជាស្ពានមិត្តភាពកម្ពុជា-ចិន លើកទី៥ហើយ។ ស្ពានមិត្តភាពកម្ពុជា-ចិន
លើកទី១ គឺស្ពានសេកុងស្ថិតក្នុងខេត្តស្ទឹងត្រែង ទី២
ស្ពានព្រែកក្តាម ទី៣ ស្ពានព្រែកតាម៉ាក់ ដែលស្ពានទាំង៣នេះ
ត្រូវបានដាក់ឲ្យដំណើរការរួចរាល់ហើយ រីឯស្ពានមិត្តភាពកម្ពុជា-ចិន
ទី៤ គឺស្ពានតាខ្មៅ ដែលទើបតែបើកការដ្ឋាន
សាងសង់កាលពីប៉ុន្មានខែមុននេះ ហើយស្ពានលើកទី៦អាចនឹងកើតមាន
នៅតាមទន្លេមេគង្គ ក្នុងខេត្តស្ទឹងត្រែង
នៅពេលដែលផ្លូវពីខេត្តព្រះវិហារភ្ជាប់មកខេត្តស្ទឹងត្រែងត្រូវបាន
សាងសង់។ ស្ពានមិត្តភាពកម្ពុជា-ចិន លើកទី៧អាចធ្វើឡើងនៅកោះធំ
ឆ្លងកាត់ទន្លេបាសាក់ ប្រសិនបើរដ្ឋាភិបាលចិន
ផ្តល់ប្រាក់កម្ចីបន្ថែមទៀតនោះ។
ជាមួយគ្នានេះសម្តេចតេជោ
ក៏បានមានប្រសាសន៍ឲ្យដឹងផងដែរថា ខណៈដែលស្ពានជ្រោយចង្វារ
កំពុងដំណើរការសាងសង់នោះ ក៏មានកិច្ចព្រមព្រៀងមួយទៀត
គឺការសាងសង់ផ្លូវពីគល់ស្ពានជ្រោយចង្វារ ទៅផ្លូវកែង ដែលមាន ៤
គន្លង ដោយ២ គន្លងចេញពីរាជធានីភ្នំពេញ និង ២
គន្លងទៀតចូលរាជធានីភ្នំពេញ។
សម្តេចតេជោនាយករដ្ឋមន្រ្តី
បានមានប្រសាសន៍បន្តថា អំឡុងពេលដែលសម្តេចធ្វើដំណើរទៅចូលរួម
ការតាំងពិព័រណ៍ នៅទីក្រុងណាននីង ក្នុងខេត្តខ្វាងស៊ី ប្រទេសចិន
សម្តេចបានជួបជាមួយនាយករដ្ឋមន្រ្តីចិន
ហើយសម្តេចបានស្នើប្រាក់កម្ចី៥០០លានដុល្លារ
សម្រាប់ប្រើប្រាស់៧គម្រោង រហូតដល់ឆ្នាំ ២០១២
ហើយគម្រោងសាងសង់ផ្លូវពីគល់ស្ពានជ្រោយចង្វារ ទៅផ្លូវកែង
ក៏ស្ថិតនៅក្នុងគម្រោងនេះផងដែរ។ សម្តេចតេជោក៏បានបញ្ជាក់ថា
បើយើងទទួលបានប្រាក់កម្ចីនេះ យើងនឹងសាងសង់ផ្លូវបន្ថែមពីផ្លូវកែង
ទៅខេត្តសៀមរាប ដែលមានប្រវែង ២៧៤គីឡូម៉ែត្រ
ដោយចំណាយ១៥០លានដុល្លារអាមេរិក
ហើយផ្លូវ៤គន្លងគឺធ្វើពីផ្លូវកែងទៅដល់ស្គុន
តែចាប់ពីស្គុនទៅកំពង់ធំ និងខេត្តសៀមរាប ធ្វើត្រឹម ១៤ ម៉ែត្របានហើយ
មិនបាច់ធ្វើ ៤ គន្លងនោះទេ។ សម្តេចបានមានប្រសាសន៍បន្ថែមថា
ជាមួយគ្នានេះក៏កំពុងតែពិភាក្សាពីការកសាងផ្លូវពីភ្នំពេញ
ទៅព្រែកក្តាម។ សម្តេចតេជោ បានបញ្ជាក់ថា
គម្រោងធ្វើផ្លូវ និងស្ពាន ដែលជាកិច្ចព្រមព្រៀងរវាងកម្ពុជា-ចិន
តែងតែធ្វើឡើងជាបន្តបន្ទាប់ ហើយរួចរាល់មុនការគ្រោងទុក។
ការកសាងផ្លូវស្ពាននេះសម្តេចក៏បានមានប្រសាសន៍ផងដែរថា
គម្រោងធ្វើផ្លូវ និងស្ពាននេះ ដើម្បីងាយស្រួលសម្រាប់ក្រុមបក្សប្រឆាំង
ធ្វើដំណើរឃោសនារកសំឡេងឆ្នោតនៅឆ្នាំ២០១២
និងងាយស្រួលក្នុងការដើរជេររដ្ឋាភិបាល។
ទាក់
ទងនឹងប្រាក់កម្ចីដែលកម្ពុជាបានខ្ចីពីសាធារណរដ្ឋប្រជាមានិតចិន
ដែលមានការលើកឡើងខ្លះថា
កម្ពុជាបានខ្ចីប្រាក់ពីប្រទេសចិនអស់ចំនួនជាង
៦ពាន់លានដុល្លារអាមេរិក សម្តេចតេជោនាយករដ្ឋមន្រ្តីបាន
ប្រកាសឲ្យដឹងថា ជំនួយឥតសំណងកម្ចីឥតការប្រាក់ និងកម្ចីសម្បទាន
ដែលកម្ពុជាខ្ចីពីប្រទេសចិនមកដល់ពេលនេះមានចំនួនជាង
២ពាន់លានដុលា្លរអាមេរិក។
ឯ
ប្រាក់កម្ចីដទៃទៀត សម្តេចតេជោបានឲ្យដឹងថា
គឺជាកម្ចីនៃវិស័យឯកជនទេ ដូចជាការធ្វើវារីអគ្គិសនីជាដើម
យើងគ្រាន់តែធានាគេដូច ជាអគ្គីសនីយើងធានាថា បើគេផលិតភ្លើងបាន ២០០
មេហ្គាវ៉ាត់ត្រូវទិញរបស់គេឲ្យអស់ បើទិញមិនអស់ត្រូវសង
ហើយធានាខាងផ្លូវច្បាប់បែបនេះ ហើយនិងមានការធានាមួយចំនួនទៀត
ប៉ុន្តែមិនមែនធានាហានិភ័យធានាលើ បញ្ហាសំណងនោះទេ។
សម្តេចតេជោនាយករដ្ឋមន្រ្តី បានមានប្រសាសន៍បញ្ជាក់ថា នៅលើពិភពលោកនេះ គ្មានប្រទេសណាមួយដែលគ្មានជាប់ បំណុលនោះទេ។
ដូច្នេះសំណាងណាស់គេអ្នកឲ្យខ្ចី គេមិនទៅភ័យផង
មកភ័យអ្នកដែលទៅខ្ចីគេ។ អ្នកឲ្យលុយខ្ចី គួរតែចិន ជប៉ុន
កូរ៉េខាងត្បូងដែលឲ្យលុយយើងខ្ចីធំៗ
គួរតែអ្នកទាំងនោះទេភ័យៗខ្លាចយើងថ្ងៃ ក្រោយគ្មានលុយសងគេ
មិនគួរយើងដែលមានលទ្ធភាព គេឲ្យខ្ចីក្នុងអត្រាការប្រាក់ទាប
ហើយយើងមិនព្រមខ្ចី។ សម្តេចតេជោបន្តថា
ខ្ញុំសូមជម្រាបគ្រាន់តែក្រុមហ៊ុនព្រលាន យន្តហោះបារាំង
ដែលកសាងព្រលានយន្តហោះ ពោចិនតុងពង្រីកព្រលានយន្តហោះសៀមរាប និងព្រលាន
យន្តហោះក្រុងព្រះសីហនុ សុទ្ធតែខ្ចីលុយបរទេស ហើយខ្ចីលុយ IFC ទៅទៀត
ដើម្បីមករកស៊ី។ ដូច្នេះក្រុមហ៊ុន ចិន
គឺជាក្រុមហ៊ុនដែលមានសំណាងព្រោះ
ធនាគារចិនអនុញ្ញាតឲ្យក្រុមហ៊ុនចិនបានខ្ចីទុនយកមកធ្វើអាជីវកម្ម
ក្នុងប្រទេសរបស់យើង ពិសេសវារី អគ្គិសនីដែលយើងកំពុងខ្វះ
គ្រាន់តែលើវារីអគ្គិសនីជាងមួយពាន់លានដុល្លារអាមេរិក។
សម្តេចតេជោ
នាយករដ្ឋមន្រ្តីសង្កត់ធ្ងន់លើបញ្ហាបំណុលបរទេសថា
យើងមិនមែនខ្វះការទទួលខុសត្រូវអំពីការគ្រប់គ្រងបំ ណុលនោះទេ
មកដល់ពេលនេះ យើងមានអនុបាតបំណុលត្រឹមតែ ២៧,៧
ភាគរយបើប្រៀបធៀបអនុបាតគោល៤០ ភាគរយ នៅពេលដែល
នាយករដ្ឋមន្ត្រីថៃអាភីស៊ីតវីចាជីវ៉ា
ប្រកាសចេញពីតំណែងផ្សាយតាមទូរទស្សន៍ថា បំណុលសាធារណៈមាន
៤០ភាគរយនៃ GDP។ យើង(កម្ពុជា)ទើបតែជំពាក់គេ ២៨ភាគរយ(នៃGDP)
មិនទាន់មានរឿងអ្វីដែលគួរឲ្យខ្វល់ខ្វាយនោះទេ
ហើយប្រទេសដែលគេឲ្យយើងខ្ចីគេដឹងសមត្ថភាពរបស់យើងអាចមានលទ្ធភាព
សងគេ។ ឯកម្ចីពាណិជ្ជកម្ម
រាជរដ្ឋាភិបាលអត់ទាន់ឲ្យខ្ចីប្រទេសណាមួយនោះទេ វិស័យឯកជនទេ
នៅខ្ចីកម្ចីប្រាក់ពាណិជ្ជកម្ម សូមបញ្ជាក់អំពីបញ្ហានេះ។
សម្តេច
តេជោនាយករដ្ឋមន្រ្តីបានមានប្រសាសន៍ឲ្យដឹងនៅក្នុង ឱកាសនោះដែរថា
ពេលប្រទេសកម្ពុជាកំពុង ស្ថិតនៅចំពោះមុខស្ថានការណ៍ដ៏លំបាក
ដែលកំពុងជួបប្រទះនឹងគ្រោះទឹកជំនន់យ៉ាង ធ្ងន់ធ្ងរនោះ
សាធារណរដ្ឋប្រជាមានិតចិន បានផ្តល់ជំនួយមនុស្សធម៌យ៉ាងច្រើន
រហូតដល់៥០លានយន់ ក្នុងឆ្នាំនេះ យើង អាចវាយតម្លៃបានថា ចិនជាប្រទេស
មហាមិត្ត ជាបងប្អូនរួមសុខទុក្ខរបស់ កម្ពុជា។ សម្តេចតេជោ បញ្ជាក់ថា អ្វី
ដែលចិនបានជួយកម្ពុជាគឺ ស្របតាមសំណូមពរនិងសេចក្តីត្រូវការ
ចាំបាច់របស់កម្ពុជាដោយគ្មានលក្ខខណ្ឌ ស្មុគស្មាញ
និងទាន់ពេលវេលាដើម្បីចូល រួមចំណែកយ៉ាងសកម្មក្នុងការអភិវឌ្ឍ
និងជំរុញដំណើរការសេដ្ឋកិច្ច។ សម្រាប់ជំនួយសង្រ្គោះសម្តេចតេជោបាន
ឲ្យដឹងថា ជំនួយចិន មានទំហំធំជាងគេ ជិតដល់ ១១ លានដុល្លារអាមេរិក។
ឯជំនួយពីប្រទេសនានា ដូចជា ថៃ វៀតណាម ឡាវ កូរ៉េ
កាកបាទក្រហមសាំងហ្គាពួ អាមេរិក បារាំង អូស្ត្រាលី
និងអង្គការសហប្រជាជាតិ ផ្តល់ជំនួយមក គឺដឹកយកទៅចែកភ្លាមៗ
ដោយមិនទុកឲ្យប្រជាជនណាម្នាក់ស្លាប់ ដោយដាច់បាយនោះទេ។
សម្តេចតេជោ បានបញ្ជាក់បន្តថា
ប្រជាពលរដ្ឋដែលស្លាប់នៅក្នុងគ្រោះទឹកជំនន់ឆ្នាំ២០១១ មានចំនួនជាង
២៥០ នាក់ហើយ។ ទឹកជំនន់ធ្វើឲ្យខូចស្រូវវស្សាចំនួនជាង ២២ សែនហិចតា
ដែលខូចខាតស្រូវជាង ៩% ទៅ ១០% នៃស្រូវ ដែលធ្វើបានចំនួនជាង ២,៤
លានហិចតា ប៉ុន្តែអ្វីដែលជាការលំបាកជារៀងរាល់ឆ្នាំ
គឺស្រូវប្រដេញទឹក និងស្រូវបាំងធ្វើបានពាក់កណ្តាលហើយ តែនៅឆ្នាំនេះ
ធ្វើបានតិចដោយសារទឹកស្រកយឺត ធ្វើឲ្យតំបន់នៅកំពង់ធំ កំពង់ឆ្នាំង
សៀមរាប បាត់ដំបង នៅលិចលង់បន្តយូរ។
សម្តេចតេជោនាយក
រដ្ឋមន្ត្រី
បានបញ្ជាក់ឲ្យដឹងពីវិធានការសង្គ្រោះរបស់រាជរដ្ឋាភិបាលថា
"ខ្ញុំព្រះករុណា ពិតជាមានមោទនភាព
ដោយយន្តការដោះស្រាយឆ្នាំនេះល្អប្រសើរជាងឆ្នាំ២០០០។ ឆ្នាំ២០០០
យើងទើបនឹងបានសន្តិភាព ហើយក៏មិននឹកស្មានថា ជំនន់សហសវត្សរ៍មកដល់។
អីចឹងទេ យន្តការឆ្លើតបពេលនោះ យើងមានការលំបាកបន្តិចរអាក់រអួល ២
អាទិត្យ ទើបយន្តការដោះស្រាយបានចេញ។
ប៉ុន្តែប៉ុន្មានឆ្នាំចុងក្រោយនេះ
យើងបានរៀបចំយន្តការឆ្លើយតបតាមគណៈកម្មាធិការជាតិគ្រប់គ្រងគ្រោះ
មហន្តរាយ ពីថ្នាក់ជាតិដល់ថ្នាក់មូលដ្ឋាន ដែលមាននាយករដ្ឋមន្ត្រី
ធ្វើជាប្រធានជាមួយនោះដែរ កាកបាទក្រហមកម្ពុជា
ដែលជាជំនួយការឲ្យអាជ្ញាធរសាធារណៈក្នុងវិស័យមនុស្សធម៌ក៏បានធ្វើ
សមាហរណកម្មខ្លួន
ជាមួយជាអាជ្ញាធរដែនដីរួមទាំងកងកំលាំងប្រដាប់អាវុធ។
ចំពោះអំណោយទឹកជំនន់
ក៏ត្រូវបានសម្តេចតេជោនាយករដ្ឋមន្ត្រីប្រកាសពីការចែកចាយអំណោយដល់
ប្រជាពល រដ្ឋរងគ្រោះ ដោយមិនប្រកាន់និន្នាការនយោបាយ។
សម្តេចនាយករដ្ឋមន្ត្រី ហ៊ុនសែន
ក៏បានស្នើឲ្យគ្រប់និន្នាការគណបក្សនយោបាយ
ត្រូវរួមគ្នាដើម្បីជួយសង្គ្រោះដល់ប្រជាពលរដ្ឋរងគ្រោះដោយទឹកជំនន់
ហើយគណបក្សប្រឆាំង ក៏មិនគួររិះគន់
និងវាយប្រហាររដ្ឋាភិបាលចំពោះការផ្តល់ជំនួយសង្គ្រោះទឹកជំនន់នាពេលនេះ
។
ឯកឧត្តម ត្រាំ អ៊ីវតឹក រដ្ឋមន្ត្រីក្រសួង
សាធារណការនិងដឹកជញ្ជូនមានប្រ សាសន៍ថា គម្រោងសាងសង់ស្ពាន
ជ្រោយចង្វាទី២ ឆ្លងកាត់ទន្លេសាបគឺជា ស្ពានភ្លោះទី២
បន្ទាប់ពីស្ពានភ្លោះព្រះ មុនីវង្សនៅក្បាលថ្នល់ ។ ស្ពាននេះ មាន
ប្រវែងតួ៧១៩ម៉ែត្រ ក្បាលស្ពានផ្នែក ខាងលិចជាប់រង្វល់មូលស្តាតចាស់
និង ផ្នែកខាងកើតស្ថិតត្រង់ភូមិ៣ សង្កាត់ ជ្រោយចង្វា ខណ្ឌឫស្សីកែវ
ដែលគ្រោង ប្រើថវិកាសរុប២៧.៥លានដុល្លារអាមេ រិក។
ឯកឧត្តម ត្រាំ អ៊ីវតឹក
បន្តថា ស្ពាន ជ្រោយចង្វាថ្មីនេះ មានលក្ខណៈខុសពី ស្ពានជ្រោយចង្វាចាស់
ត្រង់ស្ពានថ្មីជា ស្ពានបេតុង ហើយស្ពានចាស់ជាស្ពាន ដែក
ផ្នែកកណ្តាលស្ពានថ្មីមានសសរ តិចជាងចំនួនស្ពានចាស់២សសរ ប៉ុន្តែ
ស្ពានទាំងពីរនេះមានលក្ខណៈដូចគ្នាត្រង់ ផ្នែកសោភ័ណភាព
គម្លាតពីគែមស្ពាន
ថ្មីមកស្ពានចាស់ប្រវែង១២.៧១ម៉ែត្រ។តួស្ពានមានទទឹង១៣.៥ម៉ែត្រ
មានគន្លង ផ្លូវ២សម្រាប់រថយន្ត គន្លងនីមួយៗមាន ទទឹង៣.៥ម៉ែត្រ
គន្លងផ្លូវ២សម្រាប់ ទោចក្រយានយន្តមានទទឹង១.៩ម៉ែត្រ
និងគន្លងសម្រាប់អ្នកថ្មើរជើងមានទទឹង ១.៤ម៉ែត្រ។