ថ្ងៃទី ០៧ ខែ វិច្ឆិកា ឆ្នាំ២០១១
លោក សត្យា រក្ស
សំណួរ៖ ថ្មីៗនេះអ្វីដែលគួរឲ្យចាប់អារម្មណ៍យើងឃើញថា លោក សម
រង្ស៊ីផ្ទាល់តែម្តង ដែលប្រជាពលរដ្ឋមើលឃើញ និងដឹងថា
ជាទណ្ឌិតមួយរូបដែលកំពុងតែភៀសខ្លួនពីសំណាញ់ច្បាប់នៅកម្ពុជា
គឺលោក សម រង្ស៊ី បានអះអាងថា
គាត់នឹងអំពាវនាវឲ្យសហគមន៍អន្តរជាតិទាត់ចោលនូវលទ្ធផលនៃការបោះ
ឆ្នោត ដែលមិនទាន់មកដល់ផងនោះ។ អញ្ចឹងការលើកឡើងរបស់លោក សម
រង្ស៊ី នេះ តើលោកបណ្ឌិតយលឃើញយ៉ាងណាដែរ?
លោកបណ្ឌិត ឈឹម ផលវរុណ
ចម្លើយ៖
មុននឹងឆ្លើយនូវសំណួរខ្ញុំសូមជម្រាបជូនបងប្អូនប្រជាពលរដ្ឋខ្មែរ
ឲ្យបានជ្រាបថា គណបក្ស សម រង្ស៊ី និងគណបក្ស សិទ្ធិមនុស្ស
ពុំមានលក្ខណៈសម្បត្តិក្នុងការបំពេញតួនាទីខ្លួនជាគណបក្សប្រឆាំងនៅ
ក្នុងក្របខ័ណ្ឌ ប្រជាធិបតេយ្យសភានិយមទេ។
គណបក្សពីរនេះគ្រាន់តែមានឈ្មោះជាគណបក្សប្រឆាំងមែន
ប៉ុន្តែចរិតលក្ខណៈនយោបាយរបស់គាត់មិនមែនប្រឆាំងក្នុងគោលគំនិត
នៃការស្ថាបនាទេគឺប្រឆាំងក្នុងន័យរិះរក
បង្កឲ្យកើតមានចលាចលខាងនយោបាយ
បង្កើតឲ្យមានអរិយភាពនៅក្នុងការប្រកួតប្រជែងលើទីលានប្រជាធិបតេយ្យ
សេរីពហុបក្សតែប៉ុណ្ណោះ។ អញ្ចឹងហើយ
ដោយសារចរិតមាយាទនយោបាយប្រាសចាកពីគន្លងវប្បធម៌
ប្រជាធិបតេយ្យហ្នឹងហើយបានជាយើងឃើញថា ទស្សនៈ ឬ
ការសំដែងឆន្ទៈនយោបាយរបស់គណបក្ស សម រង្ស៊ី ក៏ដូចជា គណបក្ស កឹម សុខា
គឺអត់មានលក្ខណៈសម្បត្តិជានយោបាយទេ។ ថ្មីៗនេះលោក សម រង្ស៊ី
ប្រធានគណបក្សប្រឆាំង សម រង្ស៊ី
បានទាមទារឲ្យអង្គការអន្តរជាតិនៅបរទេសទាំងអស់បដិសេធការទទួល
ស្គាល់លទ្ធផលបោះឆ្នោត ដែលគ្រោងរៀបចំបោះឆ្នោតនៅឆ្នាំ ២០១២ និង
២០១៣ ។ រឿងបោះឆ្នោតអត់ទាន់ទៅដល់ទេ
កំពុងឆ្ពោះទៅរកការបោះឆ្នោតក្រុមប្រឹក្សាឃុំសង្កាត់
និងឆ្ពោះទៅរកការបោះឆ្នោតជ្រើសតាំងអ្នកតំណាងរាស្រ្ត នៅឆ្នាំ
២០១៣ អញ្ចឹងបានន័យថា នយោបាយរបស់គណបក្សប្រឆាំងទៅលើបរិបទហ្នឹង
គឺអត់បានខិតខំបង្កើនសមត្ថភាពនយោបាយរបស់ខ្លួន
និងចំណាយពេលក្នុងការគិតគូរអំពីគោលនយោបាយ
គោលគំនិតរបស់ខ្លួនសម្រាប់ដាក់ជូនប្រជាពលរដ្ឋម្ចាស់ឆ្នោត
ទៅលើបរិបទនៃនយោបាយអភិវឌ្ឍន៍មូលដ្ឋាន
ក៏ដូចបរិបទនៃនយោបាយអភិវឌ្ឍន៍សង្គមជាតិទាំងមូលទៅតាមការប្រកួត
ប្រជែងយកសន្លឹកឆ្នោត
ឬការទុកចិត្តពីប្រជាពលរដ្ឋនៅលើទីលានប្រជាធិបតេយ្យទេ
ផ្ទុយទៅវិញបានត្រឹមតែ ទាមទារនិងស្នើទៅលើបរទេស
ហើយផ្តាច់ខ្លួនចេញពីបរិបទសង្គមជាតិខ្មែរ។
ត្រង់ហ្នឹងដែលបងប្អូនប្រជាពលរដ្ឋអាចប្រៀបធៀបជាមួយគ្នា
ដោយសារយើងជិតដល់ទិវាបុណ្យខួបឯករាជ្យជាតិខ្មែរយើង
យើងអាចមើលឃើញស្មារតីឯករាជ្យ យើងបានឯករាជ្យពិតមែន។
គោលការណ៍នយោបាយរបស់គណបក្សប្រឆាំងអត់រក្សានូវឧត្តមគតិឯករាជ្យ
ជាតិរបស់ខ្លួនសម្រាប់បរិបទនៃសង្គមជាតិកម្ពុជា
សម្រាប់បរិបទនៃការប្រកួតប្រជែងនយោបាយរវាងគណបក្សនានា
របស់កម្ពុជាទេ គេបែរទៅជាប្រើនយោបាយដាក់ខ្លួន
ឬក៏ស្រែករកបរទេសឲ្យមកដាក់សម្ពាធមកលើរដ្ឋាភិបាល
ដាក់សម្ពាធមកលើសង្គមជាតិខ្មែរ ដោយយកហេតុផលនេះ
ហេតុផលនោះគ្មានមូលដ្ឋានច្បាស់លាស់ទៅវិញ។
នេះហើយដែលជាបញ្ហានៃយោបាយរបស់គណបក្សប្រឆាំងដែលគ្មានឧត្តមគតិ
ជាតិទេ
ដោយគ្មានគុណសម្បត្តិក្នុងការប្រកួតប្រជែងក្នុងការរួមចំណែក
អភិវឌ្ឍន៍ និងធ្វើឲ្យល្អប្រសើរឡើងនៃបរិបទសង្គមកម្ពុជាទេ
គឺតែងចោទប្រកាន់ ហើយស្រែកឲ្យបរទេសជួយ។ បានន័យថា
ខ្លួនគ្មានសមត្ថភាពក្នុងការជជែកដោះស្រាយបញ្ហាជាមួយគណបក្សនានា
ជាពិសេសជាមួយគណបក្សដឹកនាំរដ្ឋាភិបាលនៅក្នុងវេទិកាសភា
ក៏ដូចជានៅក្នុងវេទិកាសង្គមទាំងមូលគឺអត់មានសមត្ថភាពទេ
មានតែសមត្ថភាពទាមទារ ចោទប្រកាន់
ហើយមិនត្រូវការកម្លាំងជាតិកម្ពុជាដោះស្រាយទេ
គេត្រូវការតែបរទេស។
នេះហើយជានយោបាយមិនសមស្របប្រកបដោយតម្លៃនៃឯករាជ្យភាពរបស់កម្ពុជា
ទេ។
លោក សត្យា រក្ស
សំណួរ៖ ទាក់ទងទៅនឹងអ្វីដែលលោក សម រង្ស៊ី
បានធ្វើអំណះអំណាងនៅក្នុងចេតនាមួយច្រានចោលលទ្ធផលនៃការបោះឆ្នោត
ដែលមិនទាន់មកដល់ផងនោះ តើចំណុចនេះលោកបណ្ឌិតអាចមើលឃើញថា
ជាការមួយដែលគណបក្ស សម រង្ស៊ី មើលឃើញអំពីបរាជ័យភាពរបស់ខ្លួន
ឬក៏យ៉ាងម៉េចបានជាគាត់ធ្វើអំណះអំណាងមុនការប្រកួតបែបនេះ?
លោកបណ្ឌិត ឈឹម ផលវរុណ
ចម្លើយ៖ បើយើងសំឡឹងមើលទៅការបោះឆ្នោតមុនៗ
គឺយើងឃើញថាការបន្លឺសំលេង ឬសម្រែករបស់គណបក្សប្រឆាំងគឺ លោក សម
រង្ស៊ី ហ្នឹង គឺមានលក្ខណៈខុសប្លែកពីមុន គេស្រែកសន្ធឹកសន្ធាប់ថា
ប្តូរៗ ។ គេថា គេនឹងឈ្នះ ប៉ុន្តែនយោបាយភូត បោកប្រាស់
បំភ្លៃប្រជាពលរដ្ឋតាមរយៈប្តូរៗ គ្មានអ្វីនឹងប្តូរ ឈ្នះៗ
ហើយគ្មានអ្វីនឹងឈ្នះនោះ ឥឡូវគេប្តូរឥរិយាបថនយោបាយមួយទៀត
តែក៏ជាឥរិយាបទមិនស្មោះសរ ចំពោះជាតិទេ គឺដូរអំពីការបង្ហាញថា
ខ្លួនខ្លាំង ខ្លួនឈ្នះ ងាកមកចេញជាសម្រែកឲ្យបរទេសដាក់សម្ពាធ
ឲ្យបរទេសកុំទទួលស្គាល់ព្រឹត្តិការណ៍នៃការបោះឆ្នោត
ឃុំសង្កាត់ឆ្នាំ ២០១២ និង ការបោះឆ្នោតសកល២០១៣
មិនទាន់ឈានមកដល់ផង។ គេលើកមូលហេតុពីបញ្ហា គ.ជ.ប
។យើងអាចពិចារណាមើល គ.ជ.ប បានធ្វើកំណែទម្រង់ច្រើន រហូតដល់សមាសភាព
មានទាំងតំណាងគណបក្ស សម រង្ស៊ី ២នាក់ ជាសមាជិក គ.ជ.ប
ហើយមិនត្រឹមតែប៉ុណ្ណោះ បើតាមខ្ញុំនៅចាំ
មានបុគ្គលម្នាក់មកពីគណបក្ស សម រង្ស៊ី
គាត់បានតំណែងជាអគ្គលេខាធិការរងរបស់ គ.ជ.ប ដែរ
ដូច្នេះបើយើងគិតអំពីសំលេងតុល្យភាពក្នុងការគ្រប់គ្រង
ការចាត់ចែងរបស់ គ.ជ.ប គឺមានសំលេងចម្រុះ
មានទាំងសំលេងប្រឆាំងក៏នៅក្នុងហ្នឹងដែរ ។
ដូច្នេះបើសិនចាត់ទុកថា គ.ជ.ប មិនឯករាជ្យ មិនសុក្រឹត្យ
ចុះសមាសភាពរបស់គណបក្ស សម រង្ស៊ី ទាំងនៅក្នុងរដ្ឋបាល គ.ជ.ប
គឺអគ្គលេខាធិការរង
ទាំងនៅក្នុងសមាសភាពនៃការសម្រេចនយោបាយចាត់ចែងការងាររបស់ គ.ជ.ប
គឺមានសមាជិកខ្លួនឯងពីររូបនោះ តើរឿងហ្នឹងជារឿងអ្វី?
អញ្ចឹងហើយខ្ញុំចង់បញ្ចាក់ទៅវិញជូនប្រជាពលរដ្ឋខ្មែរពិនិត្យមើល
គណបក្សប្រឆាំងនៅកម្ពុជា គេដូរតែទម្រង់សំបកក្រៅទេ
ប៉ុន្តែចរិតរបស់គេគឺជាចរិតធ្វើនយោបាយដោយដាក់ខ្លួនក្នុងភាព
រងគ្រោះ ពាក្យថា ដាក់ខ្លួនក្នុងភាពរងគ្រោះហ្នឹងគេចង់បញ្ជាក់ថា
គេហ្នឹងរងគ្រោះ ហើយសង្គមខ្មែរដើរទៅមុខក្តី
ប៉ុន្តែគេនៅរងគ្រោះ
គេយកភាពរងគ្រោះនេះដើម្បីទាញដំណើរការប្រជាធិបតេយ្យរបស់ប្រទេស
ជាតិឲ្យដើរថយក្រោយវិញ។
ការពិតគណបក្សប្រឆាំងនៅក្នុងក្របខ័ណ្ឌប្រជាធិបតេយ្យ
ជាចលករមួយបន្ថែមទៀត
ដើម្បីជួយតទល់គ្នារវាងកម្លាំងនយោបាយដឹកនាំប្រទេសទៅរកភាព
សុក្រឹត្យទៅមុខ មិនមែនជារូបភាពនៃការបែរក្រោយ
ឬទាញឲ្យថយក្រោយទេ។
ប៉ុន្តែគណបក្សប្រឆាំងនៅកម្ពុជាគ្មានសមត្ថភាព
យើងឃើញហើយមានតែសម្រែកទេ។ ឥឡូវកុំឲ្យថា ខ្ញុំចេះតែថា
ប្រជាពលរដ្ឋទាមទាររកក្រដាសណាមួយ ១
សន្លឹករបស់គណបក្សប្រឆាំងបង្ហាញអំពីកម្មវិធីនយោបាយមក
ហើយចាំយើងជជែកតតាំងពីកម្មវិធីនយោបាយ អាហ្នឹងបានអាចជជែកថា
គណបក្សប្រឆាំងមានសមត្ថភាពធ្វើនយោបាយ តែទៅរកមើល
ទាំងគណបក្សប្រឆាំង សម រង្ស៊ី ទាំងគណបក្សប្រឆាំង កឹម សុខា
គ្មានទេក្រដាសដែលនិយាយអំពីទស្សនៈនយោបាយរបស់ក្រុមដឹកនាំ
នយោបាយខុសៗគ្នាហ្នឹង រកអត់ឃើញទេ។ តែបើរកឃើញ
រកឃើញតែសំលេងមេបក្សស្រែកហើយរុញឲ្យកូនចៅបន្ទរតាមទះដៃហ៊ោរ
កញ្ច្រៀវ ហើយចោទប្រកាន់គណបក្ស ដ៏ទៃ ហើយតាំងខ្លួនឯងថា អស្ចារ្យ
អស្ចារ្យអ្វីសូម្បីតែពាក្យថា ប្តូរៗហ្នឹងមិនដឹងជាប្តូរស្អី។
ឧទាហរណ៍ បើចង់ប្តូរនូវនយោបាយវិស័យណាមួយ ឧទាហរណ៍វិស័យកសិកម្ម
អ្នកតាក់តែងនិក្ខេបទកសិកម្មមួយមក។
នយោបាយកសិកម្មមិនមែនជារឿងស្រួលទេ
អញ្ចឹងដើម្បីឲ្យនយោបាយកសិកម្មរបស់ខ្លួនវាឆ្លុះបញ្ជាំងទៅនឹង
បរិបទកសិកម្មពិតរបស់សង្គមជាតិ វាទាល់តែចំណាយពលកម្ម
និងចំណេះវិជ្ជាក្នុងការសិក្សាស្រាវជ្រាវ
ថាតើផលិតកម្មកសិកម្មរបស់ប្រជាកសិករឈានដល់កម្រិតណា
មានចំណុចខ្លាំងនៅត្រង់ណា ចំណុចខ្សោយនៅត្រង់ណា
ឧបសគ្គអ្វីតម្រូវឲ្យមានរដ្ឋចូលរួម
ដើម្បីសម្របសម្រួលដំណើរការផលិតកម្មកម្រិតណា
តើបញ្ហាទីផ្សារនៃផលិតផលកសិកម្មកម្រិតណា ខ្វះខាតកន្លែងណា។
ការសិក្សាផ្ទាល់ហ្នឹងហើយ
បានបង្កើតឲ្យមានគំនិតនយោបាយក្នុងការតាក់តែងកម្មវិធីនយោបាយរបស់
ខ្លួន
ហើយការតាក់តែងកម្មវិធីនយោបាយរបស់ខ្លួនឆ្លុះបញ្ចាំងទៅនឹងតថភាព
នៃវិស័យកសិកម្ម អាចខុសៗគ្នាទៅតាមអត្តសញ្ញាណនយោបាយឬ
គោលនយោបាយរបស់គណបក្សនីមួយៗ។ ប៉ុន្តែគណបក្សប្រឆាំង សម រង្ស៊ី ក្តី
គណបក្ស ប្រឆាំង កឹម សុខា ក្តី អត់ឃើញមានទេ។ អញ្ចឹងហើយបានជា
វិធីធ្វើនយោបាយទោះបីគណបក្សពីរហ្នឹងមានឈ្មោះខុសគ្នា
ឧទាហរណ៍មួយឈ្មោះ គណបក្ស សម រង្ស៊ មួយទៀតឈ្មោះគណបក្សសិទ្ធិមនុស្ស
ប៉ុន្តែរបៀបធ្វើនយោបាយគឺប្រើ សម្រែករបស់មេបក្សដូចគ្នា។
លោក សត្យា រក្ស
សំណួរ៖ យើងឃើញថាអ្វីដែលលោកបណ្ឌិត ឈឹម ផលវរុណ
មានប្រសាសន៍ទាក់ទងទៅនឹងសកម្មភាពរបស់គណបក្សប្រឆាំងជាពិសេសគឺ
អំណះអំណាងថ្មីៗនេះរបស់លោក សម រង្ស៊ី
ដែលគេមានចេតនាក្នុងការច្រានចោលនូវលទ្ធផលនៃការបោះឆ្នោតមុនការ
ប្រកួតនេះមិនថា ឡើយតែអ្នកនយោបាយស្ថិតនៅក្នុងនានាទេ
ដែលកំពុងតែចម្លែកជាមួយនឹងការលើកឡើងរបស់ លោក សម រង្ស៊ី នេះ
ពីព្រោះថា ជាទូទៅប្រជាពលរដ្ឋសាមញ្ញម្នាក់គាត់មើលឃើញថា សមត្ថភាព
និងលទ្ធភាពរបស់គាត់ ទទួលបានជោគជ័យឬ
មិនជោគជ័យនោះគឺវាអាស្រ័យទៅលើការអនុវត្តសិន
ហើយបើយើងងាកមកមើលកីឡាប្រដាល់វិញក៏ដូចគ្នាដែរ
ដើម្បីឲ្យដឹងបង្គោលក្រហមឈ្នះ
ឬបង្គោលក្រហមចាញ់លុះត្រាតែការប្រកួតនោះដំណើរការសិន។
ប៉ុន្តែសម្រាប់លោក សម រង្ស៊ី
ហាក់បីដូចជាមានចេតនាបោះបង់ចោលការប្រកួតប្រហែលជាគាត់មើលឃើញ
ថា នយោបាយរបស់គាត់មិនអាចទៅមុខទៀតបាន
ពីព្រោះបងប្អូនប្រជាពលរដ្ឋជ្រាបហើយថា
បច្ចុប្បន្ននេះក្នុងផ្ទៃក្នុងនៃគណបក្ស សម រង្ស៊ី
គឺល្អតែសំបកក្រៅទេ
ប៉ុន្តែខាងក្នុងគឺស្អុយរលួយពោរពេញទៅដោយទំនាស់រាប់រយ
រាប់ពាន់ជំពូក ជាពិសេសថ្នាក់ដឹកនាំគណបក្ស សម រង្ស៊ី តែម្តង
បច្ចុប្បន្នដែលកំពុងតែនៅការពារសំបុកនៅក្នុងស្រុកនេះ
បន្ទាប់ពីលោក សម រង្ស៊ី បានចាកចេញទៅក្រៅប្រទេស
យើងឃើញថាកំពុងដណ្តើមគ្នាធ្វើធំ
អញ្ចឹងចលនានៃការបាក់បែកនៅក្នុងផ្ទៃបក្សនេះហើយដែលធ្វើឲ្យគណបក្ស
សម រង្ស៊ី
នេះកំពុងតែស្ថិតនៅក្នុងភាពអនាថាមួយនៅក្នុងនយោបាយរបស់ខ្លួន។
ហើយម្យ៉ាងវិញទៀត ដូចដែលបងប្អូនរួមជាតិជ្រាបហើយថា
សកម្មភាពដែលគណបក្សប្រឆាំងកំពុងធ្វើនេះវាបានឆ្លុះបញ្ចាំងនូវតថភាព
ជាក់ស្តែង នៅក្នុងសកម្មភាពរបស់គណបក្សប្រឆាំងផ្ទាល់
ហើយប្រជាពលរដ្ឋដែលធ្លាប់គាំទ្រពួកគាត់ហ្នឹង
ក៏កំពុងតែដកសេចក្តីទុកចិត្តជាបន្តបន្ទាប់រហូតដល់យើងឃើញថា
មានថ្នាក់ដឹកនាំនៃគណបក្ស សម រង្ស៊ី
មួយចំនួនកំពុងតែធ្វើដំណើរចាកចេញជាបន្តបន្ទាប់ទៅចូលរួមជាមួយ
គណបក្សប្រជាជន ឬ ក៏ទៅចូលរួមជាមួយគណបក្សដទៃទៀត ដែលគេយល់ឃើញថា
ល្អជាងគណបក្ស សម រង្ស៊ី ហ្នឹងឯង ។
ឥឡូវនេះយើងងាកមកតថភាពមួយទៀត ដែល លោក គង់ គាំ
ប្រធានស្តីទីគណបក្ស សម រង្ស៊ី
បន្ទាប់ពីគាត់អស់សង្ឃឹមជាមួយការស្តារឡើងវិញនៃគណបក្ស សម រង្ស៊ី
ដែលស្ថិតក្នុងភាពបាក់បែកខ្ទេចខ្ទាំនេះ គឺថ្មីៗនេះ គង់ គាំ
បានប្រដូចសម្តេចអគ្គមហាសេនាបតីតេជោ ហ៊ុន សែន ទៅនឹងមេ
ដឹកនាំលីបីគឺលោក ហ្គាដាហ្វី
អញ្ចឹងត្រង់ចំណុចនេះខ្ញុំចង់ឲ្យលោកបណ្ឌិតជួយធ្វើការពន្យល់ដល់
ជនរួមជាតិ ថាតើការប្រៀបធៀបរបស់លោក គង់ គាំ នេះ
តើគាត់មានចេតនាអ្វី ?
លោកបណ្ឌិត ឈឹម ផលវរុណ
ចម្លើយ៖ យើងឃើញថា គណបក្សប្រឆាំងជាក់ស្តែងគណបក្ស សម រង្ស៊ី
គាត់អត់មានអ្វីក្រៅអំពីបន្លឺសំលេងញុះញង់ ចោទប្រកាន់ អុជអាល
លាបពណ៌ បន្ទាបបន្ថោក អ្នកដទៃទេ។
បើឲ្យគាត់យកគម្រោងកម្មវិធីនយោបាយដាក់លើតុ បង្ហាញប្រជាពលរដ្ឋ
ហើយមួយថ្ងៃៗគិតតែពីពន្យល់ប្រជាពលរដ្ឋឲ្យយល់ទស្សនៈនយោបាយរបស់
ខ្លួន មើលទៅវាអត់មាន។ អត់មានហ្នឹង គឺទី១ អត់សមត្ថភាព
ខ្ញុំនិយាយឲ្យសាមញ្ញទៅតាក់តែងតែនយោបាយមួយសន្លឹក
តាក់តែងមិនចេញផង សរសេរជាអត្ថបទសរសេរចេញ ប៉ុន្តែពាក្យថា
នយោបាយ
តាក់តែងជាអត្ថបទនយោបាយផ្តោតទៅលើវិស័យណាមួយឲ្យមានលក្ខណៈ
វិទ្យាសាស្រ្ត ឲ្យមានកម្រិតវិទ្យាសាស្រ្ត
គុណភាពវិទ្យាសាស្រ្តនយោបាយខ្ញុំជឿថា ទៅអត់រួចទេ។
ដល់អញ្ចឹងទៅពួកគាត់ដឹងថា គាត់ទៅអត់រួច អញ្ចឹងគាត់មើលឃើញថា
មានតែការបន្លឺសំលេងបន្តុះបង្អាប់ វាយតម្លៃមួលបង្កាច់
ចោទប្រកាន់ ហើយប្រៀបធៀបទៅរបស់អាក្រក់
ហើយខ្លួនឯងរបស់ល្អដណ្តើមយក ត្រង់ហ្នឹងយើងមើលទាំងគណបក្ស សម
រង្ស៊ី ទាំងបននយោបាយ កឹម សុខា ដណ្តើមគ្នាយករបស់ល្អ
ហើយរបស់អាក្រក់គេនាំគ្នាគ្រវែងទៅដាក់ឲ្យគណបក្សប្រជាជនកម្ពុជា
យូរៗទៅពួកគាត់ហ្នឹងចេះតែធ្វើនយោបាយសរសៃរប្រសាទ
និងនយោបាយអាវ៉ាសែ។ ខ្ញុំលើកឧទាហរណ៍ដូចរឿងប្រៀបធៀប
កម្ពុជាទៅលីបី រឿងនេះខុសគ្នាឆ្ងាយណាស់ លីបី
ពុំដែលស្គាល់ពាក្យថា អ្វីទៅហៅថា បោះឆ្នោតទេ កុំនិយាយថា
ប្រជាពលរដ្ឋបានទៅប៉ះពាក្យថាបោះឆ្នោត
គ្នាមិនដែលឮសំលេងស្អីគេបោះឆ្នោតផង
ហើយអំណាចដែលបានប្រជាពលរដ្ឋលីបី គ្នាពុំដែលមានជោគវាសនា
ថាបានចូលរួមក្នុងការសម្តែងនូវឆន្ទៈនយោបាយចំពោះការផ្តល់
និត្យានុកូលភាព ឬ ការផ្តល់សេចក្តីទុកចិត្តទៅថ្នាក់ដឹកនាំ
ដែលមានអាណត្តិគ្រប់គ្រងប្រទេសទេ អត់ទេ
អញ្ចឹងគ្នាមានតែពាក្យមួយ សង្ឃឹមអំពីមេដឹកនាំលីបី
ផ្តាច់ការឲ្យបាននូវចំណុចណាសម្រាប់ដែលខ្លួនទាមទារចង់បាននោះ
មិនមានទេ គឺគ្រាន់តែថា ជាជោគវាសនាល្អបើសិនជាមេដឹកនាំលីបី
ផ្តល់នូវភាពអាធ្យាស្រ័យ និងការអភិវឌ្ឍន៍ដល់ប្រទេសខ្លួន
ប៉ុន្តែឲ្យខ្លួនចូលរួមសម្រេច
និងផ្តល់និត្យានុកូលភាពនៃអំណាចអត់មានទេ។
អញ្ចឹងពួកគាត់អត់យល់ ពីព្រោះខ្ញុំជឿថា
ភាគច្រើនដែលខ្ញុំតាមមើលសមាសភាពនៃជួរអ្នកដឹកនាំគណបក្ស
សិទ្ធិមនុស្ស ក៏ដូចជាគណបក្ស សម រង្ស៊ី
អត់មានអ្នកណាមួយយល់អំពីវិទ្យាសាស្រ្តនយោបាយ
អត់មានអ្នកណាយល់អំពី សង្គមវិទ្យា
អត់មានអ្នកណាយល់អំពីនយោបាយទៅលើវិស័យផ្សេងៗទេ
ដោយសារខ្លួនគ្មានសមត្ថភាព
ហើយចេះត្រឹមតែប្រើពាក្យប្រជាធិបតេយ្យៗ
។មានពេលខ្លះប្រជាធិបតេយ្យរបស់គាត់វាទៅជាប្រជាធិបតេយ្យកន្លះក្អម
ទៀត គាត់ចេះប្រៀបធៀបហើយតាំងខ្លួនជាអ្នកប្រជាធិបតេយ្យ
ដល់តាំងខ្លួនជាអ្នកប្រជាធិបតេយ្យ
ឥឡូវពាក្យដែលអ្នកប្រជាធិបតេយ្យប្រើវាសាបទៅទៀត
គ្មាននរណាគេទទួលស្គាល់ អញ្ចឹងរកវិធីទៅលាបពណ៌។
ឃើញបណ្តាប្រទេសនៅប្រភពអារ៉ាប់គេមានការក្រោកឡើងបះបោរប្រឆាំងទៅ
នឹងការដឹកនាំផ្តាច់ការនៃប្រទេសនីមួយៗគេអរ
ឲ្យតែមានទិដ្ឋភាពខាងក្រៅ គេយកទិដ្ឋភាពខាងក្រៅមកប្រដូចថា
កម្ពុជាអញ្ចឹងដែរ ប៉ុន្តែគេភ្លេចគិតថា ៥ឆ្នាំ
យើងផ្លាស់ប្តូរម្តង។
ខ្ញុំប្រើពាក្យផ្លាស់ប្តូរហ្នឹងឲ្យប្រជាពលរដ្ឋយល់
ការពិតទាំងលោក កឹម សុខា ទាំងបននយោបាយលោក កឹម សុខា ទាំងលោក សម
រង្ស៊ី និងក្រុមរបស់លោក សមរង្ស៊ី គេយល់ពាក្យផ្លាស់ប្តូរខុស
ផ្លាស់ប្តូរនៅក្នុងរបបប្រជាធិបតេយ្យ មិនមែនមែនន័យថា
ផ្លាស់ប្តូរមនុស្សទេ គឺជាការផ្លាស់ប្តូរពីមួយនីតិកាល
ទៅមួយនីតិកាល ចំពោះនយោបាយអភិវឌ្ឍន៍ប្រទេស បានន័យថា
ការបោះជំហ៊ានទៅមុខ មិនឲ្យនៅដដែល ប៉ុន្តែគេយល់ថា
ផ្លាស់ប្តូរហ្នឹងតាមរយៈបោះឆ្នោត ផ្លាស់ប្តូរបុគ្គល
អញ្ចឹងនៅពេលដែលថ្នាក់ដឹកនាំប្រទេសត្រូវបានប្រជាពលរដ្ឋបោះឆ្នោត
បន្តឲ្យដឹកនាំប្រទេស គេចាត់ទុកថា អត់មានការផ្លាស់ប្តូរ
គេអត់បានយកទៅគិតថា
តើនយោបាយដឹកនាំប្រទេសពីនីតិកាលមួយទៅនីតិកាលមួយមានការផ្លាស់
ប្តូរឬអត់ ហើយការអភិវឌ្ឍន៍ប្រទេសមានការផ្លាស់ប្តូរឬអត់ ។
គ្រាន់តែគិតថាប៉ុណ្ណេះ ពីនីតិកាលមុនគឺរដ្ឋាភិបាលមាននយោបាយចតុកោណ
ដំណាក់កាលទី១ ។
កម្មវិធីនយោបាយរដ្ឋាភិបាលបច្ចុប្បន្នគឺនយោបាយចតុកោណដំណាក់កាលទី២
ហ្នឹងហើយគេហៅថា ផ្លាស់ប្តូរ ពីព្រោះសង្គមជាតិវិវត្តន៍
បើសង្គមជាតិវិវត្តន៍
នយោបាយដឹកនាំប្រទេសត្រូវតែវិវត្តន៍ទៅតាមភាពជាក់ស្តែងដែរ។
ឯគណបក្សសម រង្ស៊ី គេអត់បានផ្លាស់ប្តូរទេ
ខ្ញុំអត់ចង់និយាយថា ផ្លាស់មនុស្សទេ គឺផ្លាស់ប្តូរគំនិត
និងផ្លាស់ប្តូរពាក្យសំដី។ កាលពី ១៩៩០ ជាង គេជេររបៀបម៉េច
មកដល់ ២០១១ ក៏គេជេររៀបហ្នឹង។ ឯលោក កឹម សុខា
ធ្លាប់ជេររបៀបម៉េចកាលធ្វើជាមជ្ឈមណ្ឌលសិទ្ធិមនុស្សកម្ពុជា
គ្រាន់តែឥឡូវដូរសំបកមជ្ឈមណ្ឌលមកជាសំបកគណបក្ស
ជេររៀបម៉េចគឺជេររៀបហ្នឹងជាដដែល។ ដូច្នេះពាក្យថា
ផ្លាស់ប្តូរនយោបាយរបស់ខ្លួននៅឯណា
ពាក្យផ្លាស់ប្តូរមិនមែនដូរមនុស្សទេ
គឺដូរនូវគំនិតឲ្យមានការអភិវឌ្ឍន៍ ពីអត់មាន ទៅមាន ។
អញ្ចឹងនៅពេលដែលគេឃើញរូបភាពផ្លាស់ប្តូរបុគ្គលនៅប្រទេសអារ៉ាប់
គេថា កម្ពុជាក៏គួតែធ្វើអញ្ចឹង ដោយសារគេអស់សង្ឃឹម
ដោយសាររដ្ឋាភិបាលគណបក្សប្រជាជនកម្ពុជាមានកម្មវិធីនយោបាយ
ហើយកម្មវិធីនយោបាយ
ហើយកម្មវិធីនយោបាយនេះបានបំលែងឲ្យក្លាយទៅជាការអនុវត្តជាក់
ស្តែងក្នុងការអភិវឌ្ឍន៍ប្រទេសជាតិ
ដែលប្រជាពលរដ្ឋទទួលយកសព្វថ្ងៃនេះ ហើយពាក្យថា
ទទួលយកនេះមិនទទួលយកត្រឹមតែសមិទ្ធផលរូបវ័ន្តដែលយើងមើលឃើញ
ស្ពាន ថ្នល់ ទេ សូម្បីការវិវត្តន៍ជីវភាពរស់នៅ
និងការកែទម្រង់នានាគឺមានរូបភាពចេញជាបន្តបន្ទាប់
ដែលប្រជាពលរដ្ឋទទួលស្គាល់
ហើយបន្តផ្តល់នូវនិត្យានុកូលភាពតទៅទៀត។
ខាងគណបក្សប្រឆាំងប្រជាពលរដ្ឋមើលឃើញថា
ខ្លួនអត់មានប្រែប្រួលអ្វីសោះ
សូម្បីតែភាសាជេរក៏អត់ប្រែប្រួលដែរ ជេរចុះជេរឡើងនៅតែពាក្យ
អាយ៉ង កញ្ចាស់ ពុករលួយ ។ល។ ដដែលហ្នឹង។ តែដល់បែកបាក់
ពួកគាត់ហ្នឹង គណបក្ស សម រង្ស៊ី បែកបាក់ជាប្រពៃណី
ខ្លួនអួតថាប្រជាធិបតេយ្យស្អី
បើគ្រាន់តែរៀបចំគណបក្សមួយឲ្យមានប្រជាធិបតេយ្យផ្ទៃក្នុងបក្ស
រៀបមិនបានផង ហើយទៅរៀបប្រទេសមួយទាំងមូលយ៉ាងម៉េច
ការទទួលខុសត្រូវខុសគ្នា។ លោក កឹម សុខា ក៏អញ្ចឹងដែរអួតថា
ខ្លួនឯងប្រជាធិបតេយ្យ អស្ចារ្យជាងគេ ប្រជាធិបតេយ្យពិត
ប្រជាធិបតេយ្យរឡិករឡក់ម៉េចមិនដឹងទេ តែអស្ចារ្យណាស់
គ្រាន់តែបោះឆ្នោត ២០០៨
ហើយភ្លាមរត់រប៉ាត់រប៉ាយអស់មួយជួរដឹកនាំក្បាលម៉ាស៊ីន នៅសល់តែ
កឹម សុខា តែឯង ដល់ឥឡូវប្រមូលបានជួយដឹកនាំមកពីណា
ផ្តុំបាន១ក្រុមថ្មីហ្នឹងផ្លាស់ប្តូរដោយសារគ្មានភាពបរិសុទ្ធ
ហ្នឹងឯង។ គ្មានប្រជាធិបតេយ្យផ្ទៃក្នុងបក្ស
ឥឡូវគេហែកហួរគ្នាដណ្តើមគ្នាតែរឿងរវាងបក្សប្រឆាំងនឹងបក្ស
ប្រឆាំងហ្នឹងទេ។ ប៉ុន្តែលទ្ធផលគណបក្សប្រឆាំងទាំងពីរហ្នឹង
ដឹងថា
បើមិនចោទប្រកាន់រដ្ឋាភិបាលទេគេពិបាកនឹងទប់សំលេងគាំទ្ររបស់
គណបក្សប្រឆាំងណាស់
ពីព្រោះតាមការស្ទង់មតិរបស់យើងធ្វើជាសម្ងាត់ជាមួយប្រជាពលរដ្ឋ
តាមរយៈការប្រាស័យទាក់ទង ដែលមានការទុកចិត្ត យើងឃើញថា
គណបក្សលោក កឹម សុខា ដឹងតែអស់កៅអីហើយ ហើយគណបក្សលោក សម រង្ស៊ី
បើសិនជាបោះឆ្នោតក្នុងកំឡុងពេលបច្ចុប្បន្ន គណបក្ស សម រង្ស៊ី
នៅត្រឹម ១២ ទៅ ១៥ កៅអី ដោយយើងមើលឃើញថា ខេត្តណាដែលគណបក្ស សម
រង្ស៊ី បាន ១ កៅអី គឺអត់បានសោះ ខេត្តណាដែលគណបក្ស សម រង្ស៊ី មាន២
កៅអី អាចធ្លាក់មកត្រឹម ១ កៅអីទេ
ឯនៅច្រើនជាងគេមាននៅខេត្តកំពង់ចាមអាចមានសល់ប្រហែលជា ៣ ទៅ ៤
បើភ្នំពេញធានាត្រឹមមួយកៅអី ឬ ១ កន្លះអស់ហើយ អាចបាន២
ប៉ុន្តែប្រទាញដូចស្ករតាំងម៉ែអញ្ចឹង ។
លោក សត្យា រក្ស
សំនួរ៖
ទាក់ទងទៅនឹងគណបក្ស សម រង្ស៊ី ដែលបានចោទប្រកាន់
និងធ្វើការប្រៀបធៀប ប្រមុខរាជរដ្ឋាភិបាល
ទៅនឹងមេដឹកនាំហ្គាដាហ្វី សម្តេចអគ្គមហាសេនាបតី
លោកបានមានប្រតិកម្មពន្យល់ទៅដល់ប្រជាពលរដ្ឋ
អំពីចរិតរបស់គណបក្សប្រឆាំងដែលបានអះអាង និងប្រៀបធៀបបែបនេះ
គឺលោកបានមានប្រសាសន៍ថា ប្រសិនបើគណបក្សប្រឆាំង ប្រៀបធៀបលោក
ទៅនឹងហ្គាដាហ្វី គឺមានន័យថា
គណបក្សប្រឆាំងចង់បង្កើតសង្គ្រាមនៅកម្ពុជាសារជាថ្មី។
ការលើកឡើងរបស់សម្តេចអគ្គមហាសេនាបតីនេះ
តើលោកបណ្ឌិតយល់ឃើញយ៉ាងម៉េចដែរបាទ?
លោកបណ្ឌិត ឈឹម ផលវរុណ
ចម្លើយ៖ ចំណុចនេះសូមបងប្អូនប្រជាពលរដ្ឋយល់ឲ្យច្បាស់
អំពីប្រយោគរបស់ប្រមុខនៃរាជរដ្ឋាភិបាល
ឆ្លើយតបទៅនឹងការចោទប្រកាន់
ឬការវាយតម្លៃដ៏ខុសឆ្គងរបស់មេដឹកនាំគណបក្សប្រឆាំង
ដោយប្រៀបធៀបឥស្សរភាពរបស់ថ្នាក់ដឹកនាំកម្ពុជា
ជាពិសេសឥស្សរភាពបុគ្គលរបស់ប្រមុខរាជរដ្ឋាភិបាល ទៅនឹងលោក
ហ្គាដាហ្វី។ ន័យនេះគឺមាន
វត្ថុបំណងគ្រប់គ្រាន់បញ្ជាក់ថាគណបក្សប្រឆាំងចង់ធ្វើបដិវត្តនេះឯង។
ពាក្យបដិវត្តនេះគឺលោក សម រង្ស៊ី ជាអ្នកថា
ដោយប្រកូកប្រកាសឲ្យប្រជាពលរដ្ឋខ្មែរយកគំរូតាមបដិវត្តផ្កាម្លិះនៅ
អារ៉ាប់ គឺមានន័យស្មើនឹងឲ្យកម្ពុជាក្រោកឈរឡើងធ្វើបដិវត្ត
ហើយពាក្យនេះគឺមានន័យស្មើនឹងធ្វើសង្គ្រាម។
អញ្ចឹងដើម្បីញុះញង់ប្រជាពលរដ្ឋខ្មែរឲ្យធ្វើសង្គ្រាមហ្នឹង
គាត់ក៏ហ៊ានទាញការប្រៀបធៀបឥស្សរភាពបុគ្គលនៃថ្នាក់ដឹកនាំកម្ពុជាទៅនឹង
ជនផ្តាច់ការ ហ្គាដាហ្វី ដោយការលើកនេះគ្មានសំអាងច្បាស់លាស់។
ត្រង់នេះហើយដែលជាការប្រឆាំងទៅនឹងឧត្តមគតិរបស់ម្ចាស់ឆ្នោត
គឺប្រជាពលរដ្ឋខ្មែរនេះឯង។ ដូច្នេះគំនិតរបស់គណបក្សប្រឆាំង
គឺគេចង់ផ្តួលរំលំរដ្ឋាភិបាលតាមបែបបដិវត្ត ដែលជាមធ្យោបាយហឹង្សា
គឺជាការធ្វើសង្គ្រាមនេះហើយ
ពីព្រោះបដិវត្តផ្តួលរំលំគឺជានយោបាយហឹង្សា។
ដូច្នេះការឆ្លើយតបរបស់ប្រមុខរដ្ឋាភិបាល ទៅនឹងចរិតហឹង្សា
ចរិតធ្វើសង្គ្រាមរបស់គណបក្សប្រឆាំង ជាពិសេស គឺលោក សម រង្ស៊ី
គឺជាការឆ្លើយតបមួយដែលមានភាពណែងណង
មិនមែនជាការឆ្លើយតបចង់ឲ្យមានសង្គ្រាមនោះទេ
ជាការឆ្លើយតបមួយដើម្បីប្រាប់ទៅប្រជាជាតិខ្មែរ
ថាគណបក្សប្រឆាំងចង់ធ្វើសង្គ្រាម គឺមិនមែនរដ្ឋាភិបាល
និងមិនមែនគណបក្សប្រជាជនកម្ពុជា
ហើយក៏មិនមែនប្រមុខរដ្ឋាភិបាលចង់ធ្វើសង្គ្រាមទេ។
ដូច្នេះដើម្បីពន្យល់ឲ្យប្រជាពលរដ្ឋខ្មែរស្គាល់នូវតម្លៃសន្តិភាព
គឺប្រមុខរដ្ឋាភិបាលត្រូវបង្ហាញថាកម្ពុជាគឺមិនអាចមានសង្គ្រាមទៅរួច
ទេ។ ន័យដែលប្រមុខរដ្ឋាភិបាលថា
ទោះបីជាប្រគល់អាវុធមួយឃ្លាំងឲ្យគណបក្សប្រឆាំងធ្វើសង្គ្រាម
ក៏គ្មានប្រជាពលរដ្ឋណាម្នាក់ទៅធ្វើសង្គ្រាមជាមួយគណបក្សប្រឆាំងដែរ
គឺមានតែអស់លោកមេបក្សប្រឆាំងនោះទេដែលធ្វើ
ហើយអ្នកទាំងអស់នោះមិនមែនជាអ្នកទៅកាន់អាវុធធ្វើសង្គ្រាមទេ
មានតែញុះញង់ប្រជាពលរដ្ឋឲ្យធ្វើសង្គ្រាមទៅវិញទេ ។
ហើយបងប្អូនប្រជាពលរដ្ឋក៏មិនទៅកាន់អាវុធឲ្យមេបក្សប្រឆាំងដែរ
ទោះបីជាមេបក្សប្រឆាំងទាំងនោះមានអាវុធក៏ដោយ
គឺប្រជាពលរដ្ឋមិនទៅកាន់អាវុធដើម្បីបម្រើមហិឆ្ឆតារបស់មេបក្សប្រឆាំង
នោះទេ។
លោកសត្យា រក្ស
សំណួរ៖
តាមទស្សនៈរបស់ កឹម សុខា មេបក្សសិទ្ធិមនុស្ស បានអះអាងថា
របបប្រល័យពូជសាសន៍ខ្មែរក្រហម គឺជារបបមួយដែលមានសន្តិភាព
ហើយមិនដែលឮស្នូរកាំភ្លើងផ្ទុះមួយគ្រាប់ទេ
ប៉ុន្តែហេតុអ្វីបានជារបបខ្មែរក្រហមនេះមិនរីកចម្រើន មិនជឿនលឿន
មិនមានការអភិវឌ្ឍ? ។ ត្រង់ចំណុចនេះលោកបណ្ឌិត
អាចពន្យល់បានទេនូវការយល់ដឹង ឬក៏ទស្សនៈរបស់ កឹម សុខា
អំពីប្រយោជន៍នៃសន្តិភាព?
លោកបណ្ឌិត ឈឹម ផលវរុណ
ចម្លើយ៖
ខ្ញុំចង់បញ្ជាក់អំពីទស្សនៈរបស់ លោក កឹម សុខា ថា កាលណាក្រុមមួយ
ឬគណបក្សមួយ ឬបននយោបាយមួយដូចលោក កឹម សុខានេះ
នៅពេលដែលមេបក្សខួរក្បាលអន់របៀបលោក កឹម សុខា នេះមិនយល់អំពីសន្តិភាព
គឺវានាំឲ្យបននយោបាយរបស់ខ្លួនក្លាយទៅជាល្ងង់ជាងលោក កឹម សុខា
ឬក៏នយោបាយខួរក្បាលអន់របស់មេបក្សនោះវាជះឥទ្ធិពលទៅដល់ក្រុមគណបក្ស
របស់ខ្លួន។ នយោបាយរបស់លោក កឹម សុខា គឺជានយោបាយសរសៃប្រសាទ ដោយសារលោក
កឹម សុខា មានចរិត ច្រណែនឈ្នានីសចំពោះសមិទ្ធផលដ៏មហាសាលដែលកម្ពុជា
និងប្រជាពលរដ្ឋខ្មែរដែលទទួលបានដោយផ្អែកលើគោលនយោបាយឈ្នះ-ឈ្នះ
របស់ប្រមុខរាជរដ្ឋាភិបាល សម្រេចបាននូវសន្តិភាព ដែលជាមូលដ្ឋាន
និងជាទុនសម្រាប់អភិវឌ្ឍប្រទេស និងប្រជាធិបតេយ្យភាវូនីយកម្មនេះ ។
ដូច្នេះ លោកកឹម សុខា ទទួលផលពីប្រជាធិបតេយ្យ ទទួលផលពីសន្តិភាព
ប៉ុន្តែគាត់ច្រណែនចំពោះស្នាដៃដែលប្រមុខរដ្ឋាភិបាលបានសម្រេច។
សម្រាប់ប្រជាជាតិខ្មែរ
សន្តិភាពគឺសំខាន់ណាស់ វាសំខាន់ជាងប្រជាធិបតេយ្យទៅទៀត
ពីព្រោះគ្មានប្រទេសណាមួយដែលធ្វើប្រជាធិបតេយ្យដោយគ្មានសន្តិភាពនោះទេ។
នៅអ៊ឺរុបខាងលិចក្តី នៅអាមេរិកក្តី
ដែលមានប្រជាធិបតេយ្យកម្រិតខ្ពស់ជាងកម្ពុជា ប្រសិនបើមានសង្គ្រាម
គេត្រូវប្រកាសប្រទេសគេថិតនៅក្នុងភាពមានអាសន្ន។
ដូច្នេះសេរីភាពចំបងៗ ដែលចែងក្នុងរដ្ឋធម្មនុញ្ញ
សម្រាប់ប្រជាពលរដ្ឋគេក៏ត្រូវព្យួរសិនដែរ។ បានន័យថាប្រជាធិបតេយ្យ
និងសេរីភាព គឺអាស្រ័យទៅនឹងបរិយាកាសសន្តិភាពនៃប្រទេស
ពីព្រោះវាជាទុនចំបង។ ដូច្នេះកឹម សុខា ខ្មាសអៀនរឿងហ្នឹង
គាត់ក៏កែច្នៃកាឡៃរឿង ដើម្បីបន្ទាបតម្លៃសន្តិភាព នៅពេលដែល កឹម សុខា
កំពុងរស់ជ្រកកោន ទៅប្រៀបប្រដូចនឹងរបប ប៉ុល ពត
ថាកម្ពុជាប្រជាធិបតេយ្យមានសន្តិភាពទៅវិញ។ នេះជាការល្ងង់ខ្លៅរបស់លោក កឹម
សុខា ។
នៅសម័យបុរេប្រវត្តិ
សង្គ្រាមគឺពុំចាំបាច់មានការផ្ទុះអាវុធទេ គឺគេប្រើតែកាំបិត និងដាវ
ប៉ុណ្ណោះ រីឯសង្គ្រាមនៅជំនាន់ ប៉ុល ពត ក៏ដូចគ្នាដែរ
គឺមិនចាំបាច់ប្រើកាំបិត ដាវ និងគ្រាប់កាំភ្លើងនោះទេ
គឺពួកនោះគេប្រើត្បូងចប ធាងត្នោត គល់ឫស្សី
ដើម្បីសម្លាប់មនុស្សតែប៉ុណ្ណោះ។ ដូច្នេះសូមបងប្អូនប្រជាពលរដ្ឋពិចារណា
តើការនិយាយរបស់លោក កឹម សុខា បែបនេះវាសក្តិសមដែរឬទេ?
នៅពេលដែលផ្តួលរំលំរបបលន់ណុល
គឺរបបសាធារណរដ្ឋខ្មែររួច សង្គ្រាមមិនទាន់ចប់ទេ
គឺនៅមានសង្គ្រាមបោសសម្អាតខ្មាំងផ្ទៃក្នុងទៀត
ដំណាក់កាលទីមួយគឺបោសសម្អាតទាហ៊ានរបស់សាធារណរដ្ឋខ្មែរ
នេះហើយជាសង្គ្រាម។ ដល់ក្រោយមកទៀត
គឺសង្គ្រាមបោសសម្អាតខ្មាំងផ្ទៃក្នុងដោយតាមសម្លាប់អតីតអ្នករដ្ឋការ
ទាំងអស់។ សង្គ្រាមបន្តទៀត
គឺការជម្លាសប្រជាពលរដ្ឋក្នុងទីក្រុងភ្នំពេញ និងទីរួមខេត្តដ៍ទៃទៀត។
ដូច្នេះការបោសសម្អាតខ្មាំងផ្ទៃក្នុងនេះបញ្ជាក់ថាមិនទាន់មានសន្តិភាព
ទេ នេះជាសង្គ្រាមនៃនយោបាយអំណាច។
ដូច្នេះការលើកឡើងរបស់លោកកឹមសុខានេះ
គឺដោយសារគាត់គ្មានស្នាដៃអ្វី
អញ្ចឹងគាត់ត្រូវបន្តុះបង្អាប់ស្នាដៃអ្នកដទៃ។
គាត់ខំតាំងខ្លួនជាអ្នកចេះ តែតាមពិតគឺជាមេបក្សខួរក្បាលអន់
ល្ងង់ខ្លៅបំផុតទៅវិញ ដោយយករបបខ្មែរក្រហមមកប្រៀបធៀប
និងលើកតម្លើងរបបខ្មែរក្រហមថាជារបបមានសន្តិភាពទៅវិញ។ ចំណុចនេះ
វាអាចថាលោក កឹម សុខា ជាជនដែលនៅស្រឡាញ់របបខ្មែរក្រហម ឬក៏លោកកឹម សុខា
គាត់ល្ងង់ ហើយភ្លើសុទ្ធមិនស្គាល់ពាក្យសន្តិភាព។ បើសិនជាលោក កឹម សុខា
គាត់នៅស្រឡាញ់របបខ្មែរក្រហម យើងអាចមើលឃើញចំណុចខ្លះរបស់គាត់
គឺនយោបាយបញ្ឆេះកំហឹងវណ្ណៈ
និងនយោបាយបញ្ឆេះកំហឹងជាតិឲ្យស្អប់វៀតណាម។ ចំណុចមួយទៀត លោក កឹម សុខា
កំពុងតែធ្វើនយោបាយបន្តវេនពី ប៉ុល ពត
ដោយបង្កើតឲ្យមានការចងកំហឹងវណ្ណៈរវាងអ្នកមាន និងអ្នកក្រ។ នៅជំនាន់ប៉ុល ពត
គឺមានចលនាប្រឆាំងនឹងមូលធននិយម នាយទុននិយម សក្តិភូមិ ។ល។ ហើយពេលនេះលោក
កឹម សុខា ក៏កំពុងប្រើនូវនយោបាយបែបនេះទៀតហើយ គឺដូចទាំងពាក្យទៅទៀត
គ្រាន់តែមិនប្រើពាក្យគ្មានអ្នកមាន គ្មានអ្នកក្រ តែពាក្យសមភាព
ដែលគេចង់ឲ្យស្មើគ្នានោះហើយដែលមានន័យដូចគ្នា
ដោយឲ្យអ្នកក្រខឹងនឹងអ្នកមាន គេចោទប្រកាន់អ្នកមានសុទ្ធតែទុច្ចរិត
គឺដូចគ្នានឹង ប៉ុល ពត ដូចជាពាក្យជិៈជាន់ កេងប្រវ័ញ្ច។ល។
ម្យ៉ាងទៀតគឺបញ្ឆេះកំហឹងជាតិនិយមជ្រុលឲ្យស្អប់នឹងវៀតណាម ប៉ុល ពត
ក៏ដូចគ្នាដែរ
ដោយចង់បញ្ឆេះឲ្យប្រជាពលរដ្ឋឲ្យទៅយកដីកម្ពុជាក្រោមឡើងវិញ
ហើយចោទប្រកាន់រដ្ឋាភិបាលសព្វថ្ងៃពាក់ព័ន្ធរឿងដីកម្ពុជាក្រោម
ដែលប្រមុខរាជរដ្ឋាភិបាលខ្មែរយើងមិនទាន់ទាំងបានកើតផងនោះ។
គេក៏បានបញ្ឆេះកំហឹងឲ្យប្រជាពលរដ្ឋស្អប់គណបក្សប្រជាជន ថាគណបក្សនេះកើតមកពី
ហូជីមិញ
តាមពិតគណបក្សប្រជាជនកម្ពុជាមិនបានលាក់លៀមទេអំពីប្រវត្តិសាស្ត្រ
របស់បក្សខ្លួន។ ការបង្កើតនូវបក្សឥណ្ឌូចិននៅឆ្នាំ១៩៣០
ពេលនោះប្រទេសកម្ពុជាថិតនៅក្រោមអាណានិគមនិយមបារាំង
គឹបក្សឥណ្ឌូចិនដែលមានកម្ពុជា វៀតណាម ឡាវ
បង្កើតឡើងដើម្បីទាមទារឯករាជ្យ។ នៅឆ្នាំ១៩៥១ ពេលដែលជិតទទួលបានឯករាជ្យ
គឺគណបក្សទាំងបី បានបែកគ្នាហើយ លោកកឹម សុខា
ខ្លួនឯងក៏ធ្លាប់បានចូលរៀនមហាសន្និបាតបក្សលើកទី៤
ដែរមុននឹងបានទៅឆេកូនោះ ហេតុអ្វីក៏ងោះភ្លើ និងបំភ្លៃការពិតទៅកើត។
ត្រង់នេះដែលខ្ញុំចង់ទាញបញ្ជាក់ប្រាប់ថាគឺដូចខ្មែរក្រហមបេះបិទ៕