សម្តេចអគ្គមហាសេនាបតីតេជោ ហ៊ុន សែន
បានស្វាគមន៍ចំពោះគម្រោងបើកមជ្ឈមណ្ឌលលក់ទំនិញ របស់ក្រុមហ៊ុន AEON
ដែលជាក្រុមហ៊ុនមកពីប្រទេសជប៉ុន
ដោយសម្តេចមានប្រសាសន៍វាយតម្លៃថា ការគិតគូររបស់ ក្រុមហ៊ុននេះ
គឺត្រឹមត្រូវតាមនិន្នាការរបស់កម្ពុជា
ដែលមានក្រុមប្រឹក្សាអភិវឌ្ឍកម្ពុជានឹងផ្តល់អនុសាសន៍ដល់ការវិនិយោគ
នេះ។
ឯកឧត្តម អ៊ាង សុផល្លែត ជំនួយការសម្តេចតេជោបានឲ្យដឹងថា នៅពេលចូលជួបសំដែងការគួរសមជាមួយសម្តេចតេជោនាយករដ្ឋមន្ត្រី
នៅវិមានសន្តិភាព នាព្រឹកថ្ងៃទី ៨ ខែវិច្ឆិកា ឆ្នាំ ២០១១លោក SOICHI
OKAZAKI នាយកក្រុមហ៊ុន AEON មានថ្លែងថា ក្រុមហ៊ុន AEON
ជាក្រុមហ៊ុនលំដាប់លេខ១ នៅប្រទេសជប៉ុន និង ជាប់លំដាប់ថ្នាក់លេខ ១០ ឬ
១១ នៅលើពិភពលោក
ដែលមានមជ្ឈមណ្ឌលធ្វើអាជីវកម្មលើទំនិញ។លោកនាយកក្រុមហ៊ុន ថ្លែងថា
ក្រុមហ៊ុន AEON ទទួលបានជោគជ័យយ៉ាងខ្លាំងនៅក្នុងប្រទេសជប៉ុន
ហើយឥឡូវនេះក៏កំពុង តែពង្រីកអាជីវកម្មទៅលើវិស័យអចលនៈវត្ថុ
ហិរញ្ញវត្ថុ និង វិស័យសេវាកម្មផ្សេងៗទៀតផងដែរ។
លោក
SOICHI OKAZAKI មានប្រសាសន៍ថា គោលដៅសំខាន់របស់ក្រុមហ៊ុន AEON
គឺធ្វើអាជីវកម្មលក់រាយនៅក្នុងប្រទេស ដែលមានសន្តិភាព ហើយនៅពេល
នេះក្រុមហ៊ុនបានសម្រេចចិត្តមកធ្វើអាជីវកម្ម ពាណិជ្ជកម្ម
នៅក្នុងកម្ពុជាដោយផ្តោតក្តីសង្ឃឹមថា នឹង
បានចូលរួមចំណែកដល់វិស័យអាជីវកម្មលក់រាយនៅក្នុងកម្ពុជាឲ្យមានការ
រីកលូតលាស់ ក៏ដូចជាការ
ចូលរួមចំណែកលើកស្ទួយដល់ជីវភាពរស់នៅរបស់ប្រជាពលរដ្ឋកម្ពុជាផងដែរ។
លោក
SOICHI OKAZAKI ថ្លែងថា ការបើក MALL AEON នៅក្នុងប្រទេសកម្ពុជា
ក្រុមហ៊ុន
មានសង្ឃឹមថានឹងជួយបង្កើតការងារដល់ប្រជាជនកម្ពុជាប្រមាណពី ១៥០០
នាក់ទៅ ២៥០០ នាក់ និង មានសង្ឃឹមផងដែរថា ក្រុមហ៊ុន AEON
នេះនឹងជួយលើកស្ទួយកសិផល និង ផលិតផលកម្ពុជាតាមរយៈការលក់រាយក្នុង
MALL AEON នេះ និង MALL AEON ដទៃទៀតនៅក្នុងអាស៊ាននោះ។
លោកនាយកក្រុមហ៊ុនថ្លែងថា ផែនការអាជីវកម្មរបស់ក្រុមហ៊ុន AEON
រហូតដល់ឆ្នាំ ២០២០ គឺមានទឹកប្រាក់ចំនួនប្រមាណ ៦ លានដុល្លារអាមេរិក
ហើយជំហានដំបូងក្រុមហ៊ុននឹងបង្កើតមជ្ឈមណ្ឌលលក់ទំនិញ
នៅក្នុងរាជធានីភ្នំពេញ និង ពង្រីកទៅទីរួមខេត្តផ្សេងៗទៀត។ លោក SOICHI
OKAZAKI បានបញ្ជាក់ ថា
ក្រុមហ៊ុនរបស់លោកបានទិញដីរួចហើយៗការសាងសង់នឹងចាប់ផ្តើម និង
ត្រូវបញ្ចប់ដាក់ឲ្យប្រើប្រាស់នៅឆ្នាំ ២០១៤ ខាងមុខនេះ។
យោងតាម
លោកនាយកក្រុមហ៊ុន AEON ឲ្យដឹងថា ក្រុមហ៊ុន AEON
វត្តមាននៅក្នុងព្រះរាជា ណាចក្រកម្ពុជាតាំងពីឆ្នាំ ១៩៩៨
ហើយបានជួយកម្ពុជាក្នុងការផលិតអវៈយវៈសិប្បនិមិត្តនៅខេត្តបាត់
ដំបង ជួយកសាងសាលារៀនចំនួន ១៤៩ ខ្នង សាងសង់សារៈមន្ទីរសម្តេចព្រះ
សីហនុ នៅខេត្តសៀម រាប ហើ់យនៅខែធ្នូខាងមុខនេះ
ក្រុមហ៊ុនមានគម្រោងកសាងសាលារៀនមន្ថែមមួយខ្នងទៀត
ដើម្បីគម្រប់សាលារៀនចំនួន ១៥០ ខ្នងតែម្តង៕