ដោយៈរួម ជាតិ
ដូរ ឬមិនដូរ?
គឺជាបទចំរៀងរបស់ពួកក្រុមក្មេងរត់តាមចញ្ចើមថ្នល់ច្រៀងលេងកំ
សាន្តសប្បាយដើម្បីសុំទារស្កគ្រាប់ពីម្តាយពេលមកពីផ្សារតែប៉ុណ្ណោះ
ប៉ុន្តែ ត្រូវបានមេបក្ស លោក កឹម សុខា
ចាប់យកមកធ្វើជាមធ្យោបាយឃោសនាបោះឆ្នោតយ៉ាងគ្រឹកគគ្រេង
តាំងពីឆ្នាំ២០០៨ រហូតមកដល់បច្ចុប្បន្ន និងបានប្រើពាក្យនេះ
ក្នុងគោលបំណងចង់ផ្តួលរំលំ ឬដូររាជរដ្ឋាភិបាលកម្ពុជាបច្ចុប្បន្ន
ដោយឥតខ្មាស់អៀនទៅវិញ។
រៀងរាល់ថ្ងៃ លោក កឹម សុខា
ប្រធានគណបក្សសិទ្ធិមនុស្ស
និងក្រុមរបស់ខ្លួនបានដើរស្រែកគ្រប់ច្រកល្ហកទូទាំងប្រទេស ដោយការញុះញង់
និងបំផុសប្រជាពលរដ្ឋឲ្យមានគំនិតជាតិនិយមជ្រុលក្នុងការផ្លាស់ប្តូររបប
ឬប្តូររាជរដ្ឋាភិបាល ដោយប្រើពាក្យថា «ដូរ ឬមិនដូរ?» ។
ត្រង់ចំណុចនេះត្រូវបានអ្នកវិភាគនយោបាយឯករាជ្យបានវាយតម្លៃថា
គណបក្សប្រឆាំង
ជាពិសេសគណបក្សសិទ្ធិមនុស្សពុំមានស្នាដៃអ្វីក្នុងការជួយចូលរួម
ស្តារ កសាង និងអភិវឌ្ឍ ជាតិមាតុភូមិ
ដើម្បីលើកកំពស់ជីវភាពរស់នៅរបស់ប្រជាពលរដ្ឋទេ
គឺមានតែសកម្មភាពខំប្រឹងដើរស្រែកជេររាជរដ្ឋាភិបាល
ដើម្បីការធ្វើនយោបាយរបស់ខ្លួន
ដែលផ្ទុយពីសកម្មភាពរបស់គណបក្សប្រជាជនកម្ពុជាដែលនៅរួមសុខរួមទុក្ខ
ដោះស្រាយបញ្ហាជូនប្រជាពលរដ្ឋដោយផ្ទាល់
ដូចជាការសង្គ្រោះពលរដ្ឋពេលមានគ្រោះទឹកជំនន់
ការខិតខំប្រឹងកសាងហេដ្ឋារចនាសម្ព័ន្ធនានា និងចូលរួមថែរក្សា
សន្តិភាព ស្ថេរភាពនយោបាយ
ធានាបាននូវភាពសុខសាន្តជូនប្រជាពលរដ្ឋរស់នៅដោយសុខដុមរមនាដូចសព្វ
ថ្ងៃ ។ ទាំងនេះ គឺជាទំនុកចិត្តរបស់ប្រជាពលរដ្ឋកម្ពុជា
ដែលត្រូវការគណបក្សប្រជាជនដើម្បីជាដង្ហើមរស់ ជានិច្ចនិរន្ត។
ទិសដៅជាសារវន្តរបស់រាជរដ្ឋាភិបាលគឺកសាង
ជាជំហានៗនូវសង្គមកម្ពុជាមួយដែលមានសន្តិភាព ស្ថេរភាពនយោបាយ សន្តិសុខ
និងសណ្តាប់ធ្នាប់សង្គម មានការអភិវឌ្ឍន៍ប្រកបដោយចីរភាព និងសមធម៌ជាមួយ
និងការគោរពខ្ជាប់ខ្ជួននូវគោលការណ៍លទ្ធិប្រជាធិបតេយ្យ
សំដៅលើកស្ទួយនីតិរដ្ឋ ការពារសិទិ្ធ
និងសេចក្តីថ្លៃថ្នូរបស់មនុស្សគ្រប់រូប។
តាម
រយៈសមិទ្ធផលដ៏ច្រើនសន្ធឹកសន្ធាប់របស់គណបក្សប្រជាជនកម្ពុជា
ដូចបានឃើញផ្ទាល់នឹងភ្នែកនៅតាមមូលដ្ឋាន
គឺជាការវាយបំបាក់ទៅលើក្រុមគណបក្សប្រឆាំង
ដែលកំពុងនាំគ្នាឃោសនាអកុសល មួលបំភ្លៃខុសពីការពិត
និងបានចោទប្រកាន់ថា ប្រទេសមិនមានការរីកចំរើន
និងសង្គមជាតិកំពុងជួបនូវទុក្ខព្រួយ។ ការពិតនៅកម្ពុជា
មិនអាក្រក់ដូចការចោទប្រកាន់ប្រាស់ចាកពីសច្ចៈភាពបែបនោះទេ ។
ផ្ទុយទៅវិញ កម្ពុជាសព្វថ្ងៃជាប្រទេសគ្មានសង្គ្រាមបង្ហូរឈាម
ពុំមានការកាប់សម្លាប់គ្នា ពុំមានការបំបិទសិទ្ធសេរីភាព
ឬគាបសង្កត់ទៅលើជនណាមួយនោះឡើយ ។ រាជរដ្ឋាភិបាល
បាននិងកំពុងលើកកំពស់សិទ្ធិសេរីភាព
និងសេចក្តីថ្លៃថ្នូររបស់មនុស្សជាតិ
និងគោរពបានយ៉ាងត្រឹមត្រូវនូវច្បាប់រដ្ឋធម្មនុញ្ញរបស់ប្រទេស
ដើម្បីពង្រឹងនីតិរដ្ឋនៅកម្ពុជា។ ត្រង់នេះសបញ្ជាក់ឲ្យឃើញថា
រាជរដ្ឋាភិបាលសព្វថ្ងៃ គឺធានាបាននូវស្ថេរភាពនយោបាយ សន្តិភាពបរិបូណ៌
ដូចនេះ សួរថា
តើប្រជាពលរដ្ឋចង់ផ្លាស់ប្តូរថ្នាក់ដឹកនាំប្រទេសដូចការលើកឡើងរបស់គណ
បក្សសិទ្ធិមនុស្សដែរឬទេ? ចម្លើយដោយមិនបង្អង់យូរ
គឺពលរដ្ឋគ្រប់រូបនឹងអាចឆ្លើយបានភ្លាមថា « មិនដូរជាដាច់ខាត» ផ្ទុយ
ទៅវិញនឹងរិតតែគាំទ្រថែមទៀត
ព្រោះបទពិសោធន៍ប្រទេសកម្ពុជាបានឆ្លងកាត់ជាច្រើនជំនាន់មកហើយ
ដូចជាប្រជាពលរដ្ឋកាលរស់នៅក្នុងរបបរាជជានិយម ថាបានសម្បូរសប្បាយ
រីកចំរើនជឿនលឿន ប៉ុន្តែ មានអ្នកដឹកនាំខ្លះមិនពេញចិត្ត
ដូចជាពួកសាធារណរដ្ឋនិយមឆ្វេង គឺលោកសេនាប្រមុខ លន់ ណុល
បានធ្វើរដ្ឋប្រហារផ្តួលរំលំរាជបល្ល័ង គឺការផ្តួលរំលំសម្តេចសីហនុ
នៅទស្សវត្សឆ្នាំ១៩៧០
បន្ទាប់មកដឹកនាំមិនបានប៉ុន្មានឆ្នាំផងក៏មានអំពើពុករលួយ បក្ខពួក
ហើយប្រើអំពើហឹង្សាឃោរឃៅ ពុករលួយលើសរបបរាជជានិយម
បណ្តាលឲ្យមានការបះបោរបង្កើតចលនា ខ្មែរក្រហមបានផ្តួលរំលំរបបលន់ ណុល
នៅថ្ងៃទី១៧ខែ មេសា ឆ្នាំ១៩៧៥ ប្រជាជន
សង្ឃឹមថានឹងទទួលបាននូវសេរីភាពនិងបានមេដឹកនាំប្រទេសកម្ពុជាឱ្យ
ប្រសើរ ប៉ុន្តែគ្រាន់តែបីថ្ងៃប៉ុណ្ណោះ
ឲ្យអ្នករស់នៅទីក្រុងភ្នំពេញត្រូវបានបង្ខំឱ្យចាកចេញទៅជនបទ
និងបានកាប់សម្លាប់ប្រជាពលរដ្ឋកម្ពុជាស្លាប់អស់ជាង២លាននាក់។
បទពិសោធន៌ទាំងនេះ
ត្រូវបានអ្នកវិភាគនយោបាយលើកឡើងនៅពេលឮសូរអ្នកនយោបាយប្រឆាំងមួយចំនួន
ដែលប៉ុនប៉ងចង់ផ្លាស់ប្តូររបប
គឺវានឹងអាចជាន់ដានស្នាមកង់ប្រវត្តិសាស្ត្រដូចរបបមុនៗ
គឺនិងអាចធ្វើឲ្យឈាមខ្មែរហូរស្រក់ជាថ្មីម្តងទៀត។ដូច្នេះប្រជាពល
រដ្ឋមិនអនុញ្ញាត្តឱ្យរបបនោះកើតមានឡើងនោះទេ។
ម៉្យាង
ទៀត ការបញ្ចប់បាននូវសង្គ្រាមជាស្ថាពរ
គឺពិតជាកើតមានតាមរយៈនយោបាយឈ្នះ‑ឈ្នះ របស់សម្តេចតេជោ ហ៊ុន សែន
នៅចុងឆ្នាំ១៩៩៨
ដែលរចនាសម្ព័ន្ធអង្គការចាត់តាំងខ្មែរក្រហមត្រូវរលំរលាយអស់
និងឈានដល់មានការបោះឆ្នោតតាមបែបលទិ្ធប្រជាធិបតេយ្យសេរីពហុបក្ស
និងបន្តពង្រឹងការអនុវត្តគោលការណ៍នោះមកដល់សព្វថ្ងៃ
ដែលបានផ្តល់អំណាចឱ្យប្រជាពលរដ្ឋជាម្ចាស់ជោគវាសនារបស់បរទេសជាតិ
តាមរយៈសម្លេងឆ្នោតគាំទ្រ និងដកសេចក្តីទុកចិត្ត។
ដូច្នេះ
សកម្មភាពរបស់គណបក្សសិទ្ធិមនុស្សដែលចង់ប្តូររបប
មិនធ្វើតាមបែបប្រជាធិបតេយ្យ
គឺជាការដើរផ្ទុយពីឆន្ទៈរបស់ប្រជាពលរដ្ឋ និងអាចចាត់ទុកថា
ជាចេតនាចង់ឱ្យមានសង្គ្រាមសារជាថ្មី វាជាអំពើញុះញង់ ដុតបញ្ឆេះកំហឹង
និងបណ្តុះគំនិតឲ្យប្រជាពលរដ្ឋស្អប់ខ្ពើមអ្នកមាន
ជានយោបាយសម្លាប់អ្នកមាន គឺវាដូចគ្នានឹងរបបប៉ុលពតអញ្ចឹងដែរ
ដែលសកម្មភាពទាំងនោះនឹងបង្កឱ្យមាននូវអសន្តិសុខជាតិ
និងក៏ជាការរំលោភលើច្បាប់របស់ប្រទេស
ដែលរាជរដ្ឋាភិបាលនឹងត្រូវចាត់វិធានការទប់ស្តាត់
ដើម្បីការពារបាននូវច្បាប់រដ្ឋធម្មនុញ្ញដែលជាច្បាប់កំពូលរបស់
កម្ពុជា៕
ថ្ងៃទី១៤ ខែ ធ្នូ ឆ្នាំ២០១១
