Sunday, December 18, 2011
ប្រមុខរដ្ឋាភិបាលឆ្លើយតបនឹងតំណាងរាស្ត្រគណបក្សសម រង្ស៊ីករណីលោកសម រង្ស៊ី មិនមែនជារឿងនយោបាយទេ
រាជធានីភ្នំពេញ៖យោងតាមលិខិតមួយច្បាប់ចុះថ្ងៃទី២ធ្នូ
ឆ្នាំ២០១១ របស់រដ្ឋាភិបាលដែលចុះហត្ថលេខាដោយប្រមុខរាជរដ្ឋាភិបាល
សម្តេចតេជោនាយករដ្ឋមន្ត្រីផ្ញើជូនសម្តេចពញាចក្រីហេង សំរិន
ប្រធានរដ្ឋសភា ឆ្លើយតបទៅអ្នកតំណាងរាស្រ្តគណបក្សសម
រង្ស៊ីចំនួន១៦រូបពាក់ព័ន្ធនឹងបញ្ហាបង្គោលព្រំដែនក្នុងខេត្តស្វាយរៀងថា
«ករណីទណ្ឌិតសម រង្ស៊ីជារឿងផ្លូវច្បាប់ មិនមែនជារឿងនយោបាយទេ»
ព្រោះទណ្ឌិតរូបនេះបានប្រព្រឹត្តអំពើខុសឆ្គងដូចមានសាលក្រមសាលាដំបូង
និងសាលដីកាសាលាឧទ្ធរណ៍។
លិខិតរបស់ប្រមុខរាជរដ្ឋាភិបាលកម្ពុជា
គោរពជូនសម្តេចពញាចក្រីហេង សំរិន ប្រធានរដ្ឋសភា
បានសរសេរថា «ខ្ញុំមានកិតិ្តយស
សូមជម្រាបសម្តេចប្រធានរដ្ឋសភាមេត្តាជ្រាបថា
ចំពោះសំណួរដែលលើកឡើងដោយក្រុមអ្នកតំណាងរាស្រ្តគណបក្សសម រង្ស៊ី
ចំនួន១៦រូបពាក់ព័ន្ធនឹងការបោះបង្គោលព្រំដែននិងខណ្ឌ
សីមាព្រំដែនលេខ១៨៤ដល់លេខ១៨៧នៅក្នុងស្រុកចន្ទ្រា ខេត្តស្វាយរៀង ។
ខ្ញុំផ្តល់ចម្លើយជូនដោយសង្ខេបថា ទីតាំងបង្គោលព្រំដែនលេខ១៨៥
ក៏ដូចបង្គោលព្រំដែនមួយចំនួនទៀតដែលនៅសេសសល់តាមបណ្តាយព្រំដែនរវាងប្រទេស
ទាំងពីរកម្ពុជា និងវៀតណាមរហូតមកដល់ពេលនេះ
គណៈកម្មាធិការព្រំដែននៃប្រទេសទាំងពីរ
កម្ពុជា-វៀតណាមមិនទាន់បានឯកភាពគ្នាលើទីតាំងបង្គោលនេះនៅឡើយទេ»។
សម្តេចតេជោនាយករដ្ឋមន្ត្រីប្រមុខរាជរដ្ឋាភិបាលបន្តថា
«ភាគីទាំងពីរបន្តចរចាគ្នាដើម្បីកំណត់ទីតាំងបង្គោលនេះក៏ដូចជាបង្គោលដែល
នៅសេសសល់ដទៃទៀតឱ្យបានសមស្របអាចទទួលយកបាននៅពេលខាងមុខ »។ ចំពោះ
ករណីទណ្ឌិត សម រង្ស៊ី ដូចដែលពលរដ្ឋទូទៅ បានដឹងរួចមកហើយថា គាត់(សម
រង្ស៊ី) ត្រូវ បានសាលាដំបូងខេត្តស្វាយរៀងវិនិច្ឆ័យសេចក្តី
តាមរយៈសាលាក្រមលេខ០១(ក)ចុះថ្ងៃទី២៧ ខែមករា ឆ្នាំ២០១០
ផ្តន្ទាទោសដាក់ពន្ធនាគារកំណត់២ឆ្នាំ និងផ្តន្ទាទោសជាប្រាក់ចំនួន៨លាន
រៀលគិតពីថ្ងៃចាប់ខ្លួនពីបទ«ធ្វើឱ្យខូចខាត ដោយចេតនា បង្គោលព្រំដែនលេខ១៨៤
កម្ពុជា-វៀតណាម
»និងបទញុះញង់ឱ្យមានការរើសអើងជាតិសាសន៍ប្រព្រឹត្តទៅនៅភូមិកោះ
ក្បានកណ្តាល ឃុំសំរោង ស្រុកចន្ទ្រា ខេត្តស្វាយរៀង ហើយ
ត្រូវបានសាលាឧទ្ធរណ៍សម្រេចតាមរយៈសាលដីកាលេខ៥៩«ង» ចុះថ្ងៃទី១៣ តុលា
ឆ្នាំ២០១០ ដោយតម្កល់សាលក្រមសាលាដំបូងខេត្តស្វាយរៀង ទុកជាបានការ
និងចុងបញ្ចប់តុលាការកំពូលបានវិនិច្ឆ័យតាមរយៈសាលដីកាលេខ៣២ចុះថ្ងៃទី១
ខែមិនា ឆ្នាំ២០១១ ដោយតម្កល់សាលដីកាព្រហ្មទណ្ឌលេខ៥៩«ង»ចុះថ្ងៃទី១៣ តុលា
ឆ្នាំ២០១០ របស់សាលាឧទ្ធរណ៍ទុកជាបានការទៀត។
លិខិតរបស់រាជរដ្ឋាភិបាលបានសរសេរទៀតថា
ហេតុដូចនេះ«ករណីទណ្ឌិត សម រង្ស៊ីគឺជារឿងផ្លូវច្បាប់មិនមែនមានជារឿងនយោបាយ
ឡើយ ពីព្រោះទណ្ឌិតរូបនេះបានប្រព្រឹត្តអំពើខុសឆ្គងដូចដែលមានក្នុងសាលក្រម
និងសាលដីការបស់តុលាការខាងលើ» ។ សេចក្តីដូចបានជម្រាបជូនខាងលើ
សូមសម្តេចប្រធានរដ្ឋសភាមេត្តាជ្រាបដ៏ខ្ពង់ខ្ពស់ និងសូមមេត្តាបញ្ជូន
ចម្លើយតបនេះទៅអ្នកតំណាងរាស្រ្តម្ចាស់សំណួរតាមការគួរ៕
ដោយ ៖ ប្រុសកោះ
លោកជិន សារិន អភិបាលក្រុងព្រះសីហនុ លេងធម៌ក្តៅដាក់ក្រុមអ្នកមានទឹកប្រាក់សង់អគារខុសច្បាប់
ដោយ ៖ ប្រុសកោះ
ខេត្តព្រះសីហនុ ៖ លោកជិន សារិន
អភិបាលក្រុងព្រះសីហនុបានដឹកនាំក្រុមការងារចម្រុះចុះឃាត់សកម្មភាពសាងសង់
សំណង់ខុសច្បាប់មួយកន្លែងតាមបណ្តោយវិថីឯករាជ្យ ស្ថិតក្នុងក្រុម៩ ភូមិ២
សង្កាត់លេខ២ ក្រុងព្រះសីហនុ, ខេត្តព្រះសីហនុ
ដែលជាកម្មសិទ្ធិរបស់អ្នកមានទ្រព្យស្តុកស្តមម្នាក់មានទីលំនៅរាជ
ធានីភ្នំពេញ កាលពីថ្ងៃទី១៦ ធ្នូ ២០១១។
លោកគឹម សឿ ចៅសង្កាត់លេខ២
ក្រុងព្រះសីហនុបានប្រាប់អ្នកយកព័ត៌មានយើងថា ម្ចាស់សំណង់ខាងលើនេះ
មានឈ្មោះខូវ លាង មានទីលំនៅរាជធានីភ្នំពេញ បានសង់សំណង់
ដោយពុំមានច្បាប់អនុញ្ញាតពីអាជ្ញាធរដែនដី ឬស្ថាប័នពាក់ព័ន្ធណាមួយឡើយ
បើទោះបីជាខាងសង្កាត់ចុះហាមឃាត់យ៉ាងណាក៏ដោយ ក៏ឈ្មោះខូវ លាងនេះ
មិនបានបញ្ឈប់ការសាងសង់ដែរ រហូតមកដល់ថ្ងៃទី១ ធ្នូ ២០១១
ខាងអាជ្ញាធរបានចុះធ្វើកំណត់ហេតុបញ្ឈប់តែការធ្វើកំណត់
ហេតុនេះពុំមានប្រសិទ្ធភាពឡើយ ទើបនៅថ្ងៃទី១៤ ធ្នូ ២០១១ លោកស្បោង សារ៉ាត់
អភិបាលខេត្តព្រះសីហនុ បានបញ្ជាឱ្យ លោកជិន សារិន
អភិបាលក្រុងចុះធ្វើការហាមឃាត់ជាលើកទី២ និងកំណត់រយៈពេល៣ថ្ងៃ
ទុកឱ្យម្ចាស់សំណង់ធ្វើការរុះរើសំណង់ថយចំនួន៣,២០ម៉ែត្រ ពីចំណីផ្លូវ
ដើម្បីឱ្យត្រូវតាមក្បួនខ្នាតនៃសំណង់។
ទាក់ទិនទៅនឹងការចុះហាមឃាត់សំណង់ខុសច្បាប់នេះ
មានការសាទរជាច្រើនពីសំណាក់ ប្រជាពលរដ្ឋទូទាំងក្រុងព្រះសីហនុ
ហើយពួកគាត់សង្ឃឹមថា សំណង់ខុសច្បាប់ដទៃទៀត
ដែលបាននិងកំពុងសាងសង់រំលោភយកផ្លូវសារធារណៈធ្វើជាកម្មសិទ្ធផ្ទាល់ខ្លួន
នឹងរងការបង្រ្កាបដូចគ្នានេះផងដែរ។
ដោយឡែកបើយោងតាមប្រភពពីមន្ត្រី
សាលាក្រុងម្នាក់បានខ្សឹបប្រាប់បណ្តាញសារព័ត៌មានថា
រហូតមកដល់ព្រឹកថ្ងៃសៅរ៍ ទី១៧ ធ្នូនេះ
ម្ចាស់សំណង់ដែលជាអ្នកមានទ្រព្យស្តុកស្តម្ភ
និងអាងអ្នកមានអំណាចនៅពីក្រោយខ្នងនោះកំពុងរត់ខ្វែងដៃខ្វែងជើង
រកការអន្តរាគមន៍ ប៉ុន្តែលទ្ធផលមិនដឹងយ៉ាងណានោះទេ
ដូចនេះមានតែរង់ចាំមើលលទ្ធផលនៅថ្ងៃទី១៩ ធ្នូ ២០១១ ថា
តើវាសនាសំណង់ខុសច្បាប់មួយនេះទៅជាយា៉ងណា?
សំណង់ផ្សារសាមគ្គីក្រចេះសាងសង់បានជាង80ភាគរយអាជីវករខ្លះព្រួយរឿងបាត់តូប
ខេត្តក្រចេះ ៖
គិតមកទល់នឹងពេលនេះមានរយៈពេលជាងកន្លះឆ្នាំមកហើយ
ដែលផ្សារក្រចេះបានត្រូវអគ្គិភ័យលេបត្របាក់អស់គ្មានសល់
ហើយការសាងសង់បានធ្វើឡើងជាបន្ទាន់
និងមានសកម្មភាពយ៉ាងសកម្មពីមួយថ្ងៃទៅមួយថ្ងៃ
ដែលរហូតមកទល់នឹងពេលនេះត្រូវបានអាជ្ញាធរធ្វើការប៉ានប្រមាណ
និងវាយតម្លៃថា សម្រេចបានជាង៨០ភាគរយហើយ ។
មន្ត្រីអាជ្ញាធរបានបញ្ជាក់ថា
ក្នុងសំណង់ផ្សារថ្មីនេះ គឺមានតូបចំនួន៤៣៦ ច្រើនជាងចំនួនតូបចាស់
ដែលមានតែ៣៨៤តូប ហើយតូបមានទំហំ១,៨ម៉ែត្រ គុណនឹង១,៨ម៉ែត្រ
ធំជាងមុនដែលមានទំហំត្រឹម ១,៦ម៉ែត្រគុណនឹង១,៦ម៉ែត្រប៉ុណ្ណោះ ។
ខណៈពេលអាជ្ញាធរកំណត់បើកឱ្យដំណើរការលក់ដូរនៅមុនថ្ងៃបុណ្យ
ចូលឆ្នាំថ្មីខាងមុខនោះ អាជីវករលក់គ្រឿងទេស និងរបស់របរមួយចំនួនទៀត
បានសម្តែងការព្រួយបារម្ភខ្លាចបាត់តូបលក់ដូររបស់ខ្លួន
ខណៈពេលដែលគណៈកម្មការសាងសង់ផ្សារបានបង្កើនចំនួនតូបលើសពីចំនួនតូបចាស់មុន
ពេលភ្លើងឆេះ ។
ក្រុមអាជីវករបានឱ្យដឹងថា កាលពីថ្ងៃទី១៤ ធ្នូ
កន្លងទៅនេះ យ៉ាងហោចណាស់ក៏មានអាជីវករ៣១នាក់
បាននាំគ្នាផ្តិតមេដៃធ្វើពាក្យស្នើសុំឱ្យលោកអភិបាលខេត្ត
ជួយដោះស្រាយពីការបាត់តូបនេះផងដែរ ។ នៅក្នុងលិខិតស្នើសុំនោះ
គឺពួកគាត់សូមឱ្យអាជ្ញាធរជួយដោះស្រាយ
ទៅលើកន្លែងដែលពួកគាត់ធ្លាប់លក់សម្ភារ
ផ្សេងៗដូចជា ដូង អង្ករ
និងគ្រឿងទេស នាពេលកន្លងមក
ប៉ុន្តែឥឡូវនេះបែរជាអាជ្ញាធរយកទីតាំងនោះសាងសង់ជាទីស្នាក់ការ
ផ្សារ និងកន្លែងលក់ត្រីទៅវិញ ។
ប្រភពដដែលបានឱ្យដឹងទៀតថា អាជីវករលក់សាច់ជ្រូក
សាច់គោ ក៏បានសម្តែងការព្រួយបារម្ភផងដែរ
ចំពោះការបន្ថែមចំនួនតូបលក់សាច់ជ្រូក សាច់គោពីចំនួន១២តូបឡើងរហូតដល់២០តូប ។
ពួកគាត់និយាយថា តូបលក់សាច់ជ្រូក
សាច់គោពីមុនមានត្រឹមតែ១២តូបរកអ្នកទិញស្ទើរពុំបានផង
រហូតដល់តូបខ្លះបិទទ្វារ ចុះទម្រាំតែបង្កើនរហូតដល់២០តូប
នោះមិនដឹងថាត្រូវបិទទ្វារប៉ុន្មានតូបទៀតទេ ។
ក្រុមអាជីវករបានឱ្យដឹងថា
ក្រោយពីពួកគាត់ធ្វើពាក្យស្នើសុំទៅលោកអភិបាលខេត្តឱ្យជួយដោះស្រាយដែល
រហូតមកដល់ពេលនេះ គឺមានរយៈពេលជាច្រើនថ្ងៃហើយ
នោះគឺនៅតែមិនទាន់មានដំណោះស្រាយជូនពួកគាត់នៅឡើយទេ ៕
ដោយ ៖ ប្រុសកោះ
វារីអគ្គិសនី គឺជាធុងអាគុយផ្គត់ផ្គង់ថាមពលអគ្គិសនីនៅកម្ពុជា
ភ្នំពេញ: វារីអគ្គិសនី ត្រូវបានគេអះអាងថា
គឺជាធុងអាគុយផ្គត់ផ្គង់ថាមពលអគ្គិសនីមួយដ៏សំខាន់
ក្នុងខណៈដែលវារីអគ្គិសនីមានសក្តានុពលសរុបរហូតដល់ទៅ ៦.៦៩៥
មេហ្គាវ៉ាត់ ។
ផ្អែកទៅតាមសក្តានុពលនេះ លោក ស៊ុយ សែម
រដ្ឋមន្ត្រីក្រសួងឧស្សាហកម្ម រ៉ែ និងថាមពល
បានឱ្យដឹងនៅក្នុងពិធីសម្ពោធដាក់ឱ្យប្រើប្រាស់វារីអគ្គិសនីកំចាយ
កាលពីថ្មីៗនេះថា ពីឆ្នាំ២០០២ ទៅដល់ឆ្នាំ២០១៦
កម្ពុជាគ្រោងនឹងផលិតថាមពលឱ្យបានរហូតដល់ទៅ ២.០០០
មេហ្គាវ៉ាត់បន្ថែមទៀត ហើយនៅក្នុងចំណោមថាមពលទាំងនោះ
គឺភាគច្រើនរំពឹងថា នឹងបានមកពីគម្រោងវិនិយោគលើទំនប់វារីអគ្គិសនី
។
មកដល់ពេលបច្ចុប្បន្ននេះ
នៅក្នុងប្រទេសកម្ពុជាទំនប់វារីអគ្គិសនី ដែលបានដំណើរការនោះ
មានទំនប់វារីអគ្គីសនីបី គឺនៅអូរជុំខេត្តរតនគិរី ដែលមានកម្លាំង
១មេហ្គាវ៉ាត់, ទំនប់វារីអគ្គិសនីគិរីរម្យមួយ មានកម្លាំង
១២មេហ្គាវ៉ាត់ និងទំនប់វារីអគ្គិសនីកំចាយមានកម្លាំង
១៩៣,២មេហ្គាវ៉ាត់ ដែលទើបតែសម្ពោធថ្មីៗ ។
ក្រៅពីទំនប់វារីអគ្គិសនីទាំងបីកន្លែងនោះ លោក ស៊ុយ សែម បានឱ្យដឹងថា
កម្ពុជាកំពុងតែកសាងទំនប់វារីអគ្គិសនីគិរីរម្យបី មានអានុភាព
១៨មេហ្គាវ៉ាត់ ដំណើរការនៅឆ្នាំ២០១២ ។ ទំនប់វារីអគ្គិសនីស្ទឹងអាតៃ
អានុភាព ១២០មេហ្គាវ៉ាត់ ដំណើរការនៅឆ្នាំ២០១៣
ទំនប់វារីអគ្គិសនីស្ទឹងតាតៃ អានុភាព ២៤៦មេហ្គាវ៉ាត់
ដំណើរការនៅឆ្នាំ២០១៤ វារីអគ្គិសនីប្ញស្សីជ្រុំក្រោម កម្លាំង
៣៣៨មេហ្គាវ៉ាត់ ដំណើរការនៅឆ្នាំ២០១៥ ។ ក្រៅពីនោះ
គឺមានរោងចក្រថាមពលអគ្គិសនីដើរដោយធ្យូងថ្មទីមួយ កម្លាំង
១០០មេហ្គាវ៉ាត់ នឹងដំណើរការនៅក្នុងឆ្នាំ២០១៣
រោងចក្រដើរដោយថាមពលធ្យូងថ្មដដែល ដែលមានអានុភាព ១៣៥មេហ្គាវ៉ាត់
ដំណើរការឆ្នាំ២០១៦
និងរោងចក្រថាមពលអគ្គិសនីប្រើដោយធ្យូងថ្មមួយទៀតអានុភាព
២៧០មេហ្គាវ៉ាត់ ។
ក្រៅពីគម្រោងកសាងទំនប់វារីអគ្គិសនីទាំងនេះ
មានទំនប់វារីអគ្គិសនីជាច្រើនកន្លែងទៀតដែលរដ្ឋាភិបាលកម្ពុជាបាន
ប្រកាសឱ្យក្រុមហ៊ុនបរទេសធ្វើការសិក្សា ។
លោក នង សារ៉េត
អនុប្រធាននាយកដ្ឋានទំនប់វារីអគ្គិសនី
បានឱ្យដឹងកាលពីពេលថ្មីៗនេះថា
សក្តានុពលទាំងនេះគឺនៅក្នុងអាងទន្លេមេគង្គច្រើនជាងគេ
បន្ទាប់មកគឺនៅតាមដៃទន្លេមេគង្គ
ហើយក្រៅអាងទន្លេមេគង្គក៏មានសក្តានុពលផងដែរ ។
លោកបានបញ្ជាក់ថា "ទន្លេមេគង្គមានសក្តានុពលរហូតដល់ទៅ
៣.៥៨០មេហ្គាវ៉ាត់ ស្មើនឹង ៥៣,៥ភាគរយ ហើយដៃទន្លេមេគង្គគឺមានទំហំ
១.៧៧១មេហ្គាវ៉ាត់ ស្មើនឹងជាង ២៦,៥ភាគរយ ។ ដោយឡែក
នៅតំបន់ក្រៅអាងទន្លេមេគង្គ មានសក្តានុពលចំនួន ១.៣៤៤មេហ្គាវ៉ាត់
ស្មើនឹង ២០ភាគរយ" ។
ផ្អែកទៅតាមកត្តាទាំងនោះ យើងឃើញថា
ទំនប់វារីអគ្គិសនី
គឺពិតជាធុងអាគុយមួយដែលនឹងអាចស្រូបយកថាមពលអគ្គិសនី
សម្រាប់បម្រើសេចក្តីត្រូវការនៅក្នុងប្រទេសបាន ។
ទោះបីជាយ៉ាងណាក៏ដោយ
គម្រោងនេះហាក់មានការស្ទាក់ស្ទើរពីអ្នកបរិស្ថាននិយមមួយចំនួន
អំពីផលប៉ះពាល់របស់វាមកលើអេកូឡូស៊ីរបស់ប្រព័ន្ធទឹក
និងប៉ះពាល់ដល់ព្រៃឈើ រួមទាំងសង្គមវប្បធម៌របស់ប្រជាពលរដ្ឋ ។
សរុបមកវិញ
ដើម្បីឱ្យទំនប់វារីអគ្គិសនីក្លាយទៅជាធុងអាគុយផ្គត់ផ្គង់
អគ្គិសនីដល់កម្ពុជា ប្រកបដោយនិរន្តរភាព ការសិក្សា
និងការវិភាគថ្លឹងថ្លែងមួយដោយឯករាជ្យគួរតែត្រូវធ្វើ
ពីព្រោះកម្ពុជាក៏ត្រូវការភ្លើង
ហើយកម្ពុជាក៏ត្រូវការនូវនិរន្តរភាពបរិស្ថានផងដែរ ៕
ដោយ : ភីរម្យ
សម្តេចអគ្គមហាសេនាបតីតេជោ ហ៊ុន សែន សម្ពោធរោងចក្រ ផលិតម៉ូទ័រខ្នាតតូចនៅកម្ពុជារបស់ក្រុមហ៊ុនមីនេបៀរ(Minebea Co.Ltd)
រោង
ចក្រផលិតម៉ូទ័រខ្នាតតូចរបស់ក្រុមហ៊ុនមីនេបៀរ(Minebea Co.Ltd)
ជាក្រុមមកពីប្រទេសជប៉ុន
ដែលមានទីតាំងផលិតនៅក្នុងតំបន់សេដ្ឋកិច្ចពិសេសស្ថិតនៅក្នុង
សង្កាត់កន្ទោក ខណ្ឌពោធិមានជ័យ ត្រូវបានសម្ពោធដាក់ឲ្យដំណើរការហើយ
នាថ្ងៃទី ១៧ ខែធ្នូ ឆ្នាំ ២០១១ ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន ។
នៅក្នុងពិធីសម្ពោធរោងចក្រដែលស្ថិតនៅក្នុងតំបន់សេដ្ឋកិច្ចពិសេសនៅសង្កាត់កន្ទោក ខណ្ឌពោធិមានជ័យ រាជធានីភ្នំពេញ សម្តេចតេជោនាយករដ្ឋមន្ត្រីមានប្រសាសន៍ចាត់
ទុកខ្លួនឯងជាឆ្មបធ្វើឲ្យមានវត្តមាន
រោងចក្រផលិតម៉ូទ័រខ្នាតតូចរបស់ក្រុមហ៊ុនមីនេបៀរ(Minebea
Co.Ltd) នៅកម្ពុជា។ សម្តេចតេជោមានប្រសាសន៍ថា
អ្វីដែលខ្ញុំពេញចិត្តគឺនៅ ត្រង់ថា
ខ្ញុំបានសម្រេចនូវការសន្យារបស់ខ្ញុំជាមួយក្រុមហ៊ុនមីនេ
បៀរ«រោងចក្រមីនេបៀរ(Minebea Co.Ltd)ប្រៀបបានខ្ញុំ
បានធ្វើឆ្មបបង្កើតវា ខ្ញុំមិនអាចឲ្យរោងចក្រនេះដួលរលំបានទេ
ព្រោះវាពាក់ព័ន្ធនឹងកត្តាជាច្រើនបើសិន ជារោងចក្រនេះទទួលជោគជ័យ
យើងក៏ទទួលជោគជ័យដូចគ្នា»។ សម្តេចតេជោថ្លែងថាខ្ញុំ
រីករាយដោយសារកម្ពុជាបច្ចុប្បន្ននេះបានឈានដល់ដំណាក់កាលថ្មីមួយ
នៃការទាញយកការវិនិយោគផ្នែកបច្ចេកវិទ្យា
ជាន់ខ្ពស់មកកាន់ប្រទេសរបស់ខ្លួន
នៅក្នុងពេលដែលស្ថិតនៅក្នុងដំណាក់កាលប្រកួតប្រជែងយ៉ាងខ្លាំង។
សម្តេចតេជោនាយករដ្ឋមន្ត្រីបានមាន
ប្រសាសន៍អះអាងថា ក្នុងថានៈជាអ្នកទទួលខុសត្រូវ ទាំងជានាយករដ្ឋ
មន្ត្រី ទាំងជាប្រធានក្រុមប្រឹក្សាអភិវឌ្ឍកម្ពុជា និង
ជាប្រធានតំបន់សេដ្ឋកិច្ចពិសេស ខ្ញុំត្រូវតែមានការ
ទទួលខុសត្រូវដើម្បីឲ្យរោងចក្រនេះមានដំណើរការទៅបាន
ហើយទទួលបានជោគជ័យ។ សម្តេចតេជោក៏បានមានប្រសាសន៍ព្រមានថា
នឹងចាត់វិធានការតាមផ្លូវច្បាប់ និង
ជំរុញឲ្យមានការស៊ីបអង្កេតដោយអង្គ ភាពប្រឆាំងអំពើរពុករលួយទៀតផង
ចំពោះស្ថាប័នទាំងឡាយណា ដែលធ្វើឲ្យដំណើរការរបស់
រោងចក្រមីនេបៀររាំងស្ទះ ។
សម្តេចតេជោនាយករដ្ឋមន្ត្រី
បានគូសបញ្ជាក់ថា
វត្តមានរោងចក្រផលិតម៉ូទ័រខ្នាតតូចរបស់ក្រុមហ៊ុនមីនេបៀរ
នៅក្នុងតំបន់សេដ្ឋកិច្ចពិសេស ក្នុងរាជធានីភ្នំពេញនេះ
មិនមែនជាកាកសំណល់ដែលសល់ពីប្រទេសថៃ ដោយសារប្រទេសថៃមាន ទឹកជំនន់ទេ
ប៉ុន្តែក្រុមហ៊ុននេះបានមកបណ្តាក់ទុននៅកម្ពុជាតាំងពីមុនពេលមាន
ទឹកជំនន់នៅប្រទេសថៃ។ ចំណែកក្រុមហ៊ុនមីនេបៀរ(Minebea
Co.Ltd)នៅក្នុងប្រទេសថៃក៏មិនបានដូរទីតាំងរបស់ខ្លួននោះដែរ។
ក្រុមហ៊ុន
មីនេបៀរ(Minebea Co.Ltd)បង្កើតឡើងនៅឆ្នាំ ១៩៥១ ក្នុងទីក្រុងតូក្យូ
ប្រទេសជប៉ុន ជាក្រុមហ៊ុនដែល មានដើមទុនចំនួន ៨៣៣
លានដុល្លារសហរដ្ឋអាមេរិក។ ក្រុមហ៊ុននេះបានបង្កើតរោងចក្រចំនួន ៣២
ដំណើរការក្នុង ១១ ប្រទេស រួមមានប្រទេសជប៉ុន ថៃ ចិន សឹង្ហបូរី
ម៉ាឡេស៊ី សហរដ្ឋអាមេរិក អង់គ្លេស អាឡឺម៉ង់ ស្លូវ៉ាគី និង ប្រទេសឆេក។
រោងចក្រផលិតម៉ូទ័ររបស់ក្រុមហ៊ុនមីនេបៀរ(Minebea Co.Ltd)
បានចំណាយពេលតែ ១
ឆ្នាំប៉ុណ្ណោះក្នុងសំណើរការសាងសង់រោងចក្ររបស់ខ្លួនក្នុងតំបន់
សេដ្ឋកិច្ចពិសេស ក្នុងរាជធានីភ្នំពេញ ដោយចំណាយទឹកប្រាក់សរុបជាង ៦០
លានដុល្លារសហរដ្ឋអាមេរិក។
លោក ខៃនូម៉ា យូស៊ីហ៊ីស្សា
ប្រធានអគ្គនាយកប្រតិបត្តិនៃក្រុមហ៊ុនមីនេបៀរ(Minebea Co.Ltd)
មានប្រសាសន៍ឲ្យដឹងថា ប្រសិនបើយើងទទួលជោគជ័យ
ក្រុមហ៊ុនផលិតកម្មបរទេសដទៃទៀតក៏នឹងមកធ្វើការវិនិយោគក្នុង
ប្តរទេសកម្ពុជាដូចក្រុមហ៊ុនរបស់យើងដែរ៕
Subscribe to:
Posts (Atom)