Tuesday, December 20, 2011
ឯកឧត្តមបណ្ឌិត សុខ អាន សម្ពោធជើងហោះហើរសៀមរាប-ខេត្តព្រះសីហនុ របស់ក្រុមហ៊ុនអាកាសចរជាតិកម្ពុជា អង្គរអ៊ែរ
ជើងហោះហើរ ៣ដង ក្នុង១ សប្តាហ៍រវាងខេត្ត សៀមរាប
និងខេត្តព្រះសីហនុរបស់ក្រុមហ៊ុន អាកាសចរជាតិកម្ពុជាអង្គរអ៊ែរ
ត្រូវបានប្រកាសដាក់ឲ្យដំណើរការនារសៀលថ្ងៃទី ១៩ ខែធ្នូ ឆ្នាំ ២០១១
នៅព្រលានយន្តហោះអន្តរជាតិខេត្តព្រះសីហនុ (កងកេង)
ដោយឯកឧត្តមបណ្ឌិត សុខ អាន ឧបនាយករដ្ឋ
មន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី ។
តំណាងស្ថានទូតវៀតណាម និងស្ថានទូតបារាំងប្រចាំនៅកម្ពុជា
ព្រមទាំងលោក Luis-Roch BURGARD
ប្រធានក្រុមប្រឹក្សាភិបាលនៃអាកាសយានដ្ឋានកម្ពុជា
និងជាអគ្គនាយកនៃក្រុមហ៊ុន VINCI
ព្រមទាំងមន្រ្តីថ្នាក់ដឹកនាំជាន់ខ្ពស់រាជរដ្ឋាភិបាលជាច្រើន
អ្នកទៀតក៏មានវត្តមានក្នុងពិធីសម្ពោធជើងហោះហើរ សៀមរាប
និងខេត្តព្រះសីហនុរបស់ក្រុមហ៊ុន
អាកាសចរជាតិកម្ពុជាអង្គរអ៊ែរផងដែរ។
ឯកឧត្តមបណ្ឌិត សុខ អាន បាន
មានប្រសាសន៍ថា ការចាប់ផ្តើមដំណើរការការហោះហើររវាង ខេត្តសៀមរាប
និងខេត្តព្រះសីហនុ
របស់ក្រុមហ៊ុនអាកាសចរកម្ពុជាអង្គរអ៊ែរជាមោទនភាពមួយថ្មីទៀត
របស់ជាតិយើងក្នុងកិច្ចខិតខំប្រឹងប្រែងតភ្ជាប់តំបន់ទេសចរណ៍វប្ប
ធម៌នៃទីក្រុងអង្គរ ជាមួយតំបន់ឆ្នេររបស់កម្ពុជា
ហើយក៏ជាការចាប់ផ្តើមឲ្យមានដំណើរការជាប្រក្រតីឡើងវិញ
របស់អាកាសយានដ្ឋានអន្តរជាតិខេត្តព្រះសីហនុផងដែរ
បន្ទាប់ពីអាកាសយានដ្ឋាននេះបានផ្អាកដំណើរការមួយរយៈ
និងបានធ្វើការអភិវឌ្ឍបន្ថែមហេដ្ឋារចនាសម្ព័ន្ធអាកាសយានដ្ឋានឲ្យ
ស្របតាមស្តង់ដាអន្តរជាតិ ។ ពិធីសម្ពោធជើងហោះហើរនាថ្ងៃនេះ
បញ្ជាក់ឲ្យឃើញផងដែរ ពីការយកចិត្តទុកដាក់របស់រាជរដ្ឋាភិបាលកម្ពុជា
ក្នុងការអភិវឌ្ឍហេដ្ឋារចនាសម្ព័ន្ធចាំបាច់នានា
ពិសេសក្នុងវិស័យអាកាសចរស៊ីវិល
ដើម្បីបង្កលក្ខណៈឲ្យកាន់តែងាយស្រួលថែមទៀត
សម្រាប់ភ្ញៀវទេសចរជាតិនិងអន្តរជាតិ មកទស្សនាខេត្តព្រះសីហនុ
ដែលយើងសង្ឃឹមថា
តាមរយៈការហោះហើររបស់ក្រុមហ៊ុនអាកាសចរជាតិ កម្ពុជាអង្គរអ៊ែរ ដំណាល
គ្នាជាមួយការចាប់ផ្តើមដំណើរការជាប្រក្រតីរបស់អាកាសយានដ្ឋាន
អន្តរជាតិនេះ
នឹងប្រែក្លាយខេត្តព្រះសីហនុទៅជាច្រកទ្វារដ៏សំខាន់សម្រាប់ភ្ញៀវទេស
ចរបរទេស មកទស្សនាតំបន់ឆ្នេរសមុទ្រកម្ពុជាក្នុងខេត្តព្រះសីហនុ កំពត
និងកោះកុង ។ ការតភ្ជាប់រវាងតំបន់ឆ្នេរ
ទៅកាន់តំបន់ទេសចរណ៍វប្បធម៌នៃទីក្រុងអង្គរ
និងផ្តល់ភាពងាយស្រួលបន្ថែមទៀតជូនភ្ញៀវទេសចរ
ឲ្យមានលទ្ធភាពទស្សនាតំបន់ទេសចរណ៍វប្បធម៌ក្នុងខេត្តសៀមរាប
និងតំបន់ឆ្នេរ ជាមួយនិងកញ្ចប់ទេសចរណ៍តែមួយ
ដែលធ្វើឲ្យភ្ញៀវទេសចរអាចស្នាក់នៅកម្ពុជាកាន់តែយូរ ។
ឯកឧត្តមបណ្ឌិត សុខ អាន បាន
មានប្រសាសន៍បន្ថែមថា ការចាប់ផ្តើមដំណើរការការហោះហើររវាង
ខេត្តសៀមរាប និងខេត្តព្រះសីហនុ របស់ក្រុមហ៊ុន
អាកាសចរជាតិកម្ពុជាអង្គរអ៊ែរ នៅពេលនេះ បានបង្ហាញឲ្យឃើញច្បាស់ពីការរីកចំរើន របស់ក្រុមហ៊ុនអាកាសចរជាតិ កម្ពុជាអង្គរអ៊ែរ ក្នុងអាជីវកម្មរបស់ខ្លួន ជាពិសេសការអនុវត្តប្រកបដោយជោគជ័យ នូវចក្ខុវិស័យដ៍ភ្លឺថ្លារបស់សម្តេចអគ្គមហាសេនាបតីតេជោ ហ៊ុន សែន នាយក
រដ្ឋមន្ត្រី នៃព្រះរាជាណាចក្រកម្ពុជា
ដែលបានផ្តល់ការណែនាំដ៍ខ្ពង់ខ្ពស់
ឲ្យបង្កើតក្រុមហ៊ុនអាកាសចរជាតិ កម្ពុជាអង្គរអ៊ែរ ក្នុងរូបភាពជាក្រុម
ហ៊ុនចម្រុះ រវាងភាគីកម្ពុជា និងក្រុមហ៊ុនអាកាសចរជាតិវៀតណាម
ក្រោមគំរោងទឹកប្រាក់វិនិយោគ ១០០ លានដុល្លាអាមេរិក កាលពីខែកក្កដា
ឆ្នាំ២០០៩ កន្លងទៅនេះ។
ចាប់អារម្មណ៍ក្នុងពិធីសម្ពោធជើងហោះហើររបស់ក្រុមហ៊ុន អាកាសចរជាតិកម្ពុជាអង្គរអ៊ែរនោះដែរឯកឧត្តម សូ ម៉ារ៉ា រដ្ឋលេខាធិការ និងជាតំណាងរបស់ឯកឧត្តម ថោង ខុន រដ្ឋមន្រ្តីក្រសួងទេសចរណ៍បានស្វាគមន៍ការបើកឲ្យមានជើងហោះហើររវាងខេត្តព្រះសីហនុ និងខេត្តសៀមរាបដោយឯកឧត្តម សូ ម៉ារ៉ា បានមានប្រសាសន៍ថា នេះគឺជាលទ្ធផលនៃកិច្ចប្រឹងប្រែងរបស់ឯកឧត្តមបណ្ឌិត សុខ អាន
ដើម្បីលើកកម្ពស់ការទាក់ទាញភ្ញៀវទេសចរណ៍បរទេស
ដែលមានកំណើនក្នុងអត្រា ២៧% ក្នុង ១ ឆ្នាំ
ជាពិសេសនឹងជួយឲ្យតំបន់ឆ្នេរនៅក្នុងខេត្តព្រះសីហនុមានការ
វិឌ្ឍន៍រីកចម្រើនយ៉ាងឆាប់រហ័សជាមិនខាន ។ ឯកឧត្តម សូ ម៉ារ៉ា បាន
មានប្រសាសន៍ឲ្យដឹងថា
យោងតាមការស្ទង់មតិក្នុងចំណោមភ្ញៀវដែលមកទស្សនាប្រាសាទអង្គរនៅ
ខេត្តសៀមរាបតាមជើងយន្តហោះ ជាង ១លាននាក់ មាន ២៥%
ចង់បន្តដំណើរមកទស្សនាតំបន់ទេសចរណ៍ធម្មជាតិនៅក្នុងខេត្តព្រះ
សីហនុ។ ឯភ្ញៀវដែលចូលមកទស្សនាខេត្តព្រះសីហនុតាមនាវាមាន ៤៥%
ចង់ទៅទស្សនាតំបន់ទេសចរណ៍វប្បធម៌ក្នុងខេត្តសៀមរាប។ ឯកឧត្តម សូ ម៉ារ៉ា បាន
ប៉ានស្មានថា នៅក្នុងឆ្នាំ ២០១១
បើទោះបីជាបណ្តាប្រទេសផ្សេងៗជួបវិបត្តិសេដ្ឋកិច្ច
នៅកម្ពុជាអាចទទួលបានភ្ញៀវទេសចរណ៍ប្រមាណ ២,៨ លាននាក់។
នៅក្នុងឱកាសនោះដែរ ឯកឧត្តម សូ ម៉ារ៉ា ក៏បានអំពាវ
នាវសុំឲ្យរាជរដ្ឋាភិបាល
ពិសេសអគ្គនាយកកំពង់ផែខេត្តព្រះសីហនុជួយរៀបចំធ្វើយ៉ាងណា
សម្រួលសេវាជូនដល់ភ្ញៀវទេសចរណ៍
ដែលធ្វើដំណើរតាមនាវាមកទស្សនាខេត្តព្រះសីហនុផងដែរ។
ឯកឧត្តម តឹករ៉េត សំរេច
ប្រធានក្រុមប្រឹក្សាភិបាល
នៃក្រុមហ៊ុនអាកាសចរជាតិកម្ពុជាអង្គរអ៊ែរ
បានមានប្រសាសន៍ឲ្យដឹងថា ជើងហោះហើរសៀមរាប-ខេត្តព្រះសីហនុ
ជាជំហានដំបូងដំណើរការ ៣ ដង ក្នុង ១ សប្តាហ៍
ហើយអាចនឹងដំណើរការហោះហើររៀងរាល់ថ្ងៃនៅពេលតម្រូវការរបស់ភ្ញៀវ
កើនឡើង។ ឯកឧត្តម តឹករ៉េត សំរេច បានមានប្រសាសន៍ថា
ក្រុមហ៊ុនអាកាសចរជាតិកម្ពុជាអង្គរអ៊ែរ ដែលបង្កើតឡើងកាលពីថ្ងៃទី
២៧ ខែកក្កដា ឆ្នាំ ២០០៩ ក្រោមគំនិតផ្តួចផ្តើមរបស់សម្តេចអគ្គមហាសេនាបតីតេជោ ហ៊ុន សែន នៅ
ក្នុងអំឡុងខែមករា ឆ្នាំ ២០១២ ខាងមុខនេះ
នឹងមានបើកជើងហោះហើរថ្មីមួយទៀត រវាងខេត្តសៀមរាប
ទៅកាន់ទីក្រុង សេអ៊ូល នៃសាធារណៈរដ្ឋកូរ៉េ
ហើយជាបន្តបន្ទាប់ក្រុមហ៊ុនអាកាសចរជាតិកម្ពុជាអង្គរអ៊ែរ
នឹងពង្រីកជើងហោះហើរទៅកាន់ទីក្រុងសំខាន់ៗចំនួន ២០
នៅក្នុងបណ្តាប្រទេសអាស៊ាន ប្រទេសចិន ជប៉ុន និង ឥណ្ឌា៕
Subscribe to:
Posts (Atom)