នៅសាលប្រជុំនៃទីស្តីការគណៈរដ្ឋមន្រ្តី
នាព្រឹកថ្ងៃទី២៣ ខែធ្នូ ឆ្នាំ២០១១ មានបើកកិច្ចប្រជុំគណៈកម្មាធិការ ជាតិបណ្តុះបណ្តាលលើកទី៧ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មា
ធិការជាតិបណ្តុះ បណ្តាល លើរបៀបវារៈ៖
១. ពិនិត្យរបាយការណ៍វឌ្ឍនភាពស្តីពី
·
គោលនយោបាយគ្រប់គ្រង
និងអភិវឌ្ឍន៍ស្ថាប័ន
·
កម្មវិធីបណ្តុះបណ្តាលជំនាញតាមលិខិតបញ្ជាក់
·
ការធានាគុណភាព
ត្រួតពិនិត្យ និងវាយតម្លៃ របស់គម្រោងពង្រឹងវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ នៃធនាគារអភិវឌ្ឍន៍អាស៊ី
២. ពិនិត្យរបាយការណ៍វឌ្ឍនភាពស្តីពីគម្រោងសាកល្បងលើបច្ចេកទេសក្រោយប្រមូលផល
និងកម្មវិធីស្ពានចម្លងបន្តជំនាញសម្រាប់អ្នកជនបទក្រីក្រ ក្រោមគម្រោង JFPR
៣. ពិនិត្យគម្រោងបណ្តុះបណ្តាលជំនាញតាមលិខិតបញ្ជាក់សម្រាប់ឆ្នាំ
២០១២-២០១៤ របស់គម្រោងពង្រឹង វិស័យអប់រំបណ្តុះបណ្តាលបច្ចេកទេស
និងវិជ្ជាជីវៈនៃធនាគារអភិវឌ្ឍន៍អាស៊ី
៤. សំណើសុំការអនុម័តលើសេចក្តីព្រៀងក្របខ័ណ្ឌគុណវុឌ្ឍិជាតិកម្ពុជា ក្រោយពីបានស្តាប់របាយការណ៍
និងមតិពិភាក្សាផ្លាស់ប្តូរយោបល់រួចមកកិច្ចប្រជុំបានសម្រេចនូវ៖
១. អនុម័តរបាយការណ៍វឌ្ឍនភាពស្តីពីគោលនយោបាយគ្រប់គ្រង
និងអភិវឌ្ឍស្ថាប័ន និងស្តីពីកម្មវិធីបណ្តុះ
បណ្តាលជំនាញតាមលិខិតបញ្ជាក់ក្រោមគម្រោងពង្រឹងវិស័យអប់រំបណ្តុះបណ្តាលបច្ចេកទេស
និងវិជ្ជាជីវៈនៃធនាគារអភិវឌ្ឍន៍អាស៊ី
២. អនុម័តគម្រោងបណ្តុះបណ្តាលជំនាញតាមលិខិតបញ្ជាក់សម្រាប់ឆ្នាំ២០១២-២០១៤
របស់គម្រោងពង្រឹងវិស័យអប់រំបណ្តុះបណ្តាលបច្ចេកទេស
និងវិជ្ជាជីវៈនៃធនាគារអភិវឌ្ឍន៍អាស៊ីដែលមានទំហំទឹកប្រាក់សរុបចំនួន ៥.៣១៤.៦៦៦ ដុលា្លអាមេរិក ក្នុងនោះទឹកប្រាក់ចំនួន
១.២០៩.២៧៤ ដុលា្លអាមេរិក ដែលមានរយៈពេលបណ្តុះបណ្តាលចំនួនមួយឆ្នាំ
សម្រាប់ធ្វើការបណ្តុះបណ្តាលនៅក្នុងខេត្តបាត់ដំបង កំពង់ឆ្នាំង កំពត សៀមរាប ស្ទឹងត្រែង ស្វាយរៀង និងតាកែវ។ ទឹកប្រាក់ចំនួន
២.២២១.៨២៤ ដុលា្លអាមេរិក ដែលមានរយៈពេលបណ្តុះបណ្តាលចំនួនពីរឆ្នាំ សម្រាប់ធ្វើការបណ្តុះបណ្តាលនៅក្នុងខេត្តកំពង់ចាម
កណ្តាល កោះកុង ក្រចេះ ព្រៃវែង ពោធិ៍សាត់ និងព្រះសីហនុ។ ទឹកប្រាក់ចំនួន ១.៤៩២.៧៨៨
ដុលា្លអាមេរិក ដែលមានរយៈពេលបណ្តុះបណ្តាលចំនួនពីរឆ្នាំ សម្រាប់ធ្វើការបណ្តុះបណ្តាលនៅក្នុងខេត្តបន្ទាយមានជ័យ
កំពង់ស្ពឺ កំពង់ធំ មណ្ឌលគីរី ព្រះវិហារ រតនគីរី ឧត្តរមានជ័យ កែប និងប៉ៃលិន។
៣. លើកសំណើរសុំគោលការណ៍ដ៏ខ្ពង់ខ្ពស់របស់សម្តេចតេជោនាយករដ្ឋមន្រ្តី
សុំឲ្យមានតំណាងគណៈកម្មាធិការ ជាតិបណ្តុះបណ្តាល និងទីភ្នាក់ងារជាតិមុខរបរ
និងការងារ ចូលរួមរាល់កិច្ចប្រជុំអនុម័តគម្រោងវិនិយោគរបស់គណៈកម្មាធិការវិនិយោគកម្ពុជាដើម្បីក្តាប់បាននូវព័ត៌មានស្តីពីតម្រូវការជំនាញ
និងឱកាសការងារ។
៤. លើកសំណើរសុំគោលការណ៍ដ៏ខ្ពង់ខ្ពស់របស់
សម្តេចតេជោនាយករដ្ឋមន្រ្តី សុំឲ្យគ្រប់ស្ថានីយ៍ទូរទស្សន៍ផ្តល់នូវពេលវេលាចំនួន១៥នាទី ក្នុងមួយសប្តាហ៍ដល់ទីភ្នាក់ងារជាតិមុខរបរ
និងការងារដើម្បីផ្សព្វផ្សាយពីឱកាសការងារដល់អ្នកស្វែងរកការងារធ្វើ ផ្តល់ព័ត៌មានទីផ្សារការងារ
និងតម្រង់ទិសជំនាញដល់យុវជន-យុវនារីដែលកំពុងជ្រើសរើសជំនាញឲ្យជ្រើសរើសជំនាញសមស្របតាមតម្រូវការទីផ្សារការងារ។
៥. តំណាងវិស័យឯកជន និងសហជីពបានសម្តែងការគាំទ្រចំពោះកិច្ចខិតខំប្រឹងប្រែងរបស់គណៈកម្មាធិការជាតិបណ្តុះបណ្តាល
និងស្ថាប័នរដ្ឋនានាក្នុងការលើកកម្ពស់វិស័យអប់រំបណ្តុះបណ្តាលបច្ចេកទេស និងវិជ្ជាជីវៈដែលជាវិស័យមួយជួយលើកកម្ពស់ផលិតភាព
និងផ្តល់ជំនាញដល់កម្លាំងពលកម្ម។
អង្គប្រជុំបានបិទសម័យប្រជុំនៅវេលាម៉ោង១២ និង៣០នាទី។
