Thursday, May 31, 2012

សច​ក្តីជូន​ដំណឹង​របស់ រាជ​រដ្ឋា​ភិបាល​កម្ពុជា អនុញ្ញាត​ឲ្យ​ប្រើ ឧបករណ៍​ម៉ាញ់ នេសាទ​ក្នុង ដង​ទន្លេ​មេគង្គ



ឯកឧត្តម ស្វាយ ស៊ីថា រដ្ឋលេខាធិការ និង​ជា​ប្រធានអង្គភាពព័ត៌មាន និងប្រតិកម្មរហ័ស អំពាវនាវដល់សមាជិក សមាជិការរបស់អង្គភាពទៅបោះឆ្នោតទាំង​អស់​គ្នា



នៅព្រឹកថ្ងៃទី ៣១ ខែឧសភា ឆ្នាំ ២០១២ នៅទីស្តីការគណៈរដ្ឋមន្រ្តី ក្នុងកិច្ចប្រជុំ​ប្រចាំថ្ងៃរបស់អង្គភាពព័ត៌មាន និងប្រតិកម្មរហ័ស ឯកឧត្តម ស្វាយ ស៊ីថា រដ្ឋលេខាធិការ និង ជាប្រធានអង្គភាព​ព័ត៌មាន និងប្រតិកម្មរហ័ស បានធ្វើការផ្តាំផ្ញើដល់សមាជិក សមាជិការ ទាំង អស់របស់​អង្គភាព​នៅ មុន​​ពេលបើកកិច្ចប្រជុំ ​ដោយបានលើកឡើងថា គ្រប់​គ្នា​ត្រូវ​ទៅ​ចូល​រួម​បោះ​ឆ្នោត​ជ្រើសរើសក្រុម​ប្រឹក្សាឃុំ សង្កាត់ នៅថ្ងៃទី​៣ ខែ មិថុនា ឆ្នាំ២០១២ ខាងមុខនេះកុំ​បីអាក់​ខាន ដើម្បី​បំ​ពេញ​កាតព្វ​កិច្ច​ជាប្រជាពល​រដ្ឋ ក្នុង​ការ​បញ្ចេញ​សិទ្ធិនយោបាយរបស់​ខ្លួន​ ដែល​ជា​សិទ្ធិការពារ​ដោយ​រដ្ឋធម្មនុញ្ញ។

 ឯកឧត្តម​ ស្វាយ ស៊ីថា បាន​មាន​ប្រសាសន៍ថា​ សមាជិក​គណៈសារគមនាគមន៍ និង​នាយក​ដ្ឋាន​ទាំងបី​ចំ​ណុះឱ្យ​អង្គភាព​ព័ត៌មាន និង​ប្រតិកម្ម​រហ័ស​ សូមឱ្យ​ទាំង​អស់​គ្នា​ទៅ​បោះ​ឆ្នោតទៅ​តាម​ឆន្ទៈរៀង​ៗខ្លួន​។ ប៉ុន្តែ ដើម្បីការ​ត្រៀម​ខ្លួន​ទៅ​បោះ​ឆ្នោត​នេះ ឯកឧត្តម​ បាន​ថ្លែង​ថា សូម​ទាំង​អស់​គ្នា​ត្រូវ​ពិនិត្យ​មើល​ឡើង​វិញ​នូវ​ប័ណ្ណ​បោះឆ្នោត រួម​ជា​មួយនឹង​ឯកសាពាក់ព័ន្ធទាំង​អស់សម្រាប់​ជាការ​បញ្ជាក់​នូវសិទ្ធិស្រប​ច្បាប់​​ក្នុង​ការ​ប្រើ​ប្រាស់ដល់​ការបោះ​ឆ្នោត​ មាន​ដូច​ជា ​អត្តៈសញ្ញាណប័ណ្ណ​ជាដើ និងត្រូវ​​ប្រាប់​បន្ត ហើយ​លើក​ទឹក​ចិត្តដល់​ក្រុម​គ្រួសារ ក៏ដូច​ជាសាច់​ញាតិ​ និង​មិត្ត​ទាំងអស់​គ្នា អំពី​បញ្ហានេះ ដើម្បី​ដឹង​ច្បាស់​ថា គ្រប់​គ្នាបាន​ត្រៀម​ខ្លួន​រួច​ហើយ។
ឯកឧត្តម​​ ស្វាយ ស៊ីថា ក៏បាន​គូសបញ្ជាក់​ផង​ដែរថា យើង​ជាពល​រដ្ឋខ្មែរ គឺត្រូវ​បំ​ពេញ​កាតព្វ​កិច្ចក្នុង​ការ​ចូល​រួម​បោះ​ឆ្នោត​ ដើម្បី​ជ្រើសរើសមេដឹកនាំឃុំ សង្កាត់របស់​ខ្លួន​ ដោយ​ត្រូវ​គោរព​ និង​អនុវត្តឱ្យ​បានត្រឹម​ត្រូវ​​តាម​ច្បាប់​រដ្ឋ​ធម្មនុញ្ញ​ និង​ច្បាប់បោះ​ឆ្នោត​ដែល​រៀប​ចំ​ឡើងដោយ​គណៈ​កម្មា​ធិការ​ជាតិ​រៀប​ចុះ​ការ​បោះ​ឆ្នោត​​។ ជាមួយ​គ្នា​នេះ​ផងដែរ ឯកឧត្តម ស្វាយ ស៊ីថា ក៏រំ​លឹក​ទៅ​ដល់​សមាជិក សមាជិកា របស់​អង្គភាព​ព័ត៌មាន និង​ប្រតិកម្ម​រហ័ស​ទាំងអស់​គ្នា ត្រូវ​ចូល​រួម​គោរព​និង​អនុវត្ត​​នូវ​សេចក្តីណែនាំ របស់រាជរដ្ឋាភិបាលកម្ពុជា ស្តីពី ការផ្អាកមិនឲ្យលក់ដូរ និងពិសារគ្រឿងស្រវឹង មួយថ្ងៃមុនថ្ងៃបោះឆ្នោត និងថ្ងៃបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៣ ខាងមុខនេះដើម្បីរួមចំណែកទប់ស្កាត់អំពើហិង្សា ការគំរាម​​កំហែង ការបំភិតបំភ័យ និងបាតុភាពនានា ដែលអាចបណ្តាលមកជាយថាហេតុពីការពិសារគ្រឿងស្រវឹងគ្រប់ប្រភេទ៕

អត្ថបទដោយៈ អង្គភាព​ព័ត៌មាន និង​ប្រតិកម្ម​រហ័ស

Wednesday, May 30, 2012

បទអត្ថាធិប្បាយ៖ កឹម សុខា ប្រដូចខ្លួនឯងដូចសត្វឆ្កែ


បទអត្ថាធិប្បាយ
កឹម សុខា ប្រដូចខ្លួនឯងដូចសត្វឆ្កែ

          ពេញមួយរដូវកាលឃោសនា​បោះឆ្នោត ជ្រើសរើសក្រុមប្រឹក្សា ឃុំ សង្កាត់ លោក​កឹម សុខា ​ប្រធានគណបក្សសិទ្ធិមនុស្ស បានបញ្ជូនសារនយោបាយដ៏ចម្លែកខុសគេមួយ​យ៉ាងដូច្នេះថា «ថ្នាក់ដឹកនាំគណបក្សសិទ្ធិមនុស្សរស់នៅបម្រើខ្មែរ ស្លាប់ទៅជាខ្មោចក៏ដើម្បី​ខ្មែរ មិនធ្វើឆ្កែបម្រើយួនឡើយ​»។
          ស្តាប់ពាក្យឃោសនាមួយឃ្លានេះ បាននាំឲ្យមានការពញ្ញាក់ស្មារតីជាខ្លាំងដល់ប្រ​ជា​ពលរដ្ឋ​ ត្រង់ឃ្លាចុងក្រោយដែលលោកកឹម សុខា​ ប្រដូចខ្លួនទៅនឹងសត្វឆ្កែ ទោះបីថា គាត់មិន ​​​ចង់ធ្វើឆ្កែបំរើអ្នកណាក៏ដោយ ប៉ុន្តែជាតិកំណើតជាមនុស្សពុំគួ​គប្បីលោកកឹម សុខា​​ទំលាក់​​តម្លៃខ្លួនស្មើនឹងឆ្កែបែបនេះឡើយ។
          សារជាតិរបស់បក្សប្រឆាំង ពិតជាមាននូវ​ទេពកោសល្យរៀងៗខ្លួនដើម្បី​ដណ្តើម​ប្រៀប​ឈ្នះខាងនយោបាយ ក្នុងនោះមេបក្សខ្លះធ្វើបាបខ្លួនឯងដ៏ហួសហេតុ ដូចជាបង្កនូវ​អំពើ​ខុស​ច្បាប់ផ្សេងៗដើម្បីចង់ឲ្យសមត្ថកិច្ចចាប់ខ្លួន ឬក៏​តុលាការឃុំនៅក្នុងពន្ធនាគារដែល​​​គេហៅ​ថា «សាច់កម្មនយោបាយ» ឲ្យតែបានល្បីឈ្មោះ។ ចំណែកលោកកឹម សុខា គាត់​ដឹង​ច្បាស់​​ណាស់ថា កំណើតជាសត្វឆ្កែ គឺមិនអាចបំរើ​បរទេស ឬលួចលុយពី​មនុស្ស​ដើម្បី​ធ្វើ​មាន​បានកើត​ គឺ​មានតែមនុស្សទេទើបអាចធ្វើនយោបាយបាន។
កឹម សុខា គេស្គាល់ជាទូទៅថា ធ្លាប់មានប្រវត្តិល្បីល្បាញខាងលួច​អង្ករ កេងប្រវ័ញ្ច លុយជំនួយពីបរទេស ប្រព្រឹត្តិអំពើពុករលួយយកលុយពីសមាជិកបក្ស​ សំបូររឿងអាស្រូវ យក​​លុយទៅចិញ្ចឹមស្រីក្មេង ជាពិសេសជាកូនបំណុលអត់មានការខ្មាស់អៀនម្នាក់​ដែល​ជំពាក់​​ប្រាក់​​អតីតសមាជិកបក្សសិទ្ធមនុស្សមួយរូប ប្រមាណជាង១ម៉ឺនដុល្លារអាមេរិក​ មិន​ទាន់​​សង ​នៅឡើយ។
ដើម្បីតែការស្រែកឃ្លានចង់បានអំណាច​ លោកកឹម សុខា បានធ្លាក់ខ្លួនវង្វេង​មិន​ស្គាល់​តម្លៃ អ្វីទៅជាមនុស្ស អ្វីទៅជាសត្វ។ ពាក្យថា ខ្លួន (កឹម សុខា) មិនធ្វើឆ្កែបំរើគេ គឺជា​ការទាញតម្លៃមនុស្សធ្លាក់មកនៅត្រឹមសត្វតិរច្ឆានដោយខ្លួនឯង។
ជាទូទៅមនុស្សលោក​តែងតែធ្វើបុណ្យទាន​ដោយប្រាថ្នាសំរាប់អនាគត់ជាតិ​ កើត​ក្នុង​​សម្បត្តិ មនុស្ស ទេវតា ឬសម្បត្តិព្រះនិពាន្ត គឺជាជំពូកអ្នកមានបុណ្យ ផ្ទុយទៅវិញបើនរណា​ម្នាក់ភ្លាត់គតិទៅចាប់កំណើតជាប្រែត នរក ឆ្កែ ឆ្មា....ដែលជាពពួកសត្វតិរិច្ឆានដែលមិន​មាន​វិចារណញ្ញាណដូចមនុស្ស គឺគេសម្គាល់បានថាជាជំពូកអ្នកមានបាបច្រើន។
ក្នុង​ន័យ​នេះ ប្រហែលជាលោកកឹម សុខា ចង់ទៅកើតក្នុងជាតិ​កំណើតជា​សត្វហើយ​មើលទៅ បានជា សូម្បីតែសារនយោបាយរបស់ខ្លួនក៏ភ្ជាប់ជាមួយនូវពាក្យសត្វធាតុដែរ។ ដោយ​ឡែក បើពិនិត្យមើលអំពីសកម្មភាពជាក់ស្តែង គឺលោកកឹម សុខា ពិតជាមនុស្ស​ពូកែ​ភូត​កុហក់ សន្យាខ្យល់ ញុះញង់ បង្កនូវភាពចលាចលសង្គម ឆ្កឹះឆ្កៀល ចាក់ដោត ពង្រីក​រឿង​តូច ឲ្យ​ទៅ​ជារឿងធំ បំភ្លៃការពិត ចលចិត្តបំភ័ន្តពី ស ឲ្យទៅជាខ្មៅ ។ល។ និង​។ល។ ដែល​អំពើ​ទាំង​នេះ​ គឺប្រាកដច្បាស់​ណាស់​ថា គេចមិន​ផុតទេ នៅពេល​ស្លាប់ទៅ នឹង​ត្រូវតែ​កើត​ជាសត្វ។
មេបក្សដូចលោក កឹម សុខា គឺប្រឈមនឹងភាពផុយស្រួយ អាប់ឱនកេរ្តិ៍ឈ្មោះ​ដោយ​សារតែ ជានិច្ចកាល គាត់តែងតែបដិសេធមិនទទួលយកនូវការពិត។ ជាក់ស្តែងរាជ​រដ្ឋា​ភិបាល​កម្ពុជា បានរំដោះប្រទេសជាតិឲ្យរួចពីការកាប់សម្លាប់នៃរបប​ប្រល័យពូជ​សាសន៍​ ប៉ុល​ពត ក៏លោកកឹម សុខា មិនទទួលស្គាល់ ឬដឹងគុណថ្ងៃ៧មករា ថាជា ថ្ងៃដែល​គាត់​រួច​ពី​ស្លាប់​ដែរ នេះមិននិយាយដល់សមិទ្ធផលជាច្រើនដែលមាន​ក្នុងពេល​សព្វថ្ងៃ ហើយត្រូវ​បាន​​​បដិសេធដោយលោកកឹម សុខា​ថា ប្រទេសជាតិ គ្មានការរីកចំរើន​អ្វីបន្តិច សោះទៅវិញ​។
ការលើកឡើងបែបនេះ គឺ​គ្រាន់តែមានបំណងចង់បង្ហាញនូវការពិតអំពីអត្ត​ចរិតខ្លះ​របស់​មេបក្សប្រឆាំងដែលស្រដៀងគ្នា​ទៅនឹងទិដ្ឋភាពនៃកត្តាប្រវត្តិសាស្រ្ត ដែលខ្មែរបាន​ជួប​ប្រទះក្នុងអតីតកាល គឺការញុះញង់បំបែកបំបាក់ឯកភាពជាតិរវាងខ្មែរ និងខ្មែរ តាមរយៈ អ្នកនយោបាយទុច្ចរិតមួយចំនួន។ ជាក់ស្តែង កាលពីសម័យប៉ុលពត គឺពលរដ្ឋខ្មែរមួយ​ចំនួន​​ត្រូវបានគេយកទៅសម្លាប់ដោយគ្រាន់តែចោទថា«អ្នកឯងក្បាលយួនខ្លួនខ្មែរ»។
ការ​លាប​​ពណ៌ដាក់គ្នានេះ អ្នកដែលរងគ្រោះពិតប្រាកដ គឺសុទ្ធ​តែជាខ្មែរដូចគ្នា​ទាំង​អស់ ​​គ្មានបរទេស​ណា​ស្លាប់ទេ គ្រាន់តែជាង២ឆ្នាំប៉ុណ្ណោះពលរដ្ឋខ្មែរជាង២លាននាក់​ត្រូ​វ​បានយកទៅ​សំលាប់យ៉ាងអយុត្តិធម៌។
ឥឡូវយើងឃើញនូវទ្រឹស្តីមនោគមន៍វិជ្ជា របស់លោកកឹម សុខា បានបន្តពី​ប៉ុលពល​ទៀតហើយ គឺនយោបាយប្រឡាក់យួន ព្រោះបើយើងមើលទិដ្ឋភាពនយោបាយ​បែបកឹម សុខា គឺគាត់ចោទអ្នកដទៃមិនមែនជាខ្មែរទេ។ សូមបញ្ជាក់ថា ក្នុងសម័យប៉ុលពត ខ្មែរដែល​ត្រូវបានយកទៅសម្លាប់បូករួមទាំងឪពុកលោក កឹម សុខា ផង គឺគេចាត់ទុកខ្មែរទាំងនេះជា​សត្រូវ ឬខ្មាំងរបស់អង្គការ ដោយគេគ្រាន់តែចោទថា «ក្បាលយួនខ្លួនខ្មែរ ឬយួនបង្កប់​ឬក៏​យួនស៊ីរូងផ្ទៃក្នុង និងCIA អាមេរិកាំង» ជាដើម។ ឥឡូវនេះភាសានេះកំពុងត្រូវបាន​លោក​កឹម សុខា រើសយកមកប្រើ ហើយចូលដល់មនុស្សរាប់លាននាក់បោះឆ្នោតជូនគណបក្ស​ប្រជាជនកម្ពុជាត្រូវបានគេចោទអ្នកទាំងនេះថា «យួនបង្កប់» មានន័យថា គាត់ឥតយកខ្មែរ​ណាជាសត្រូវទេ គឺយកខ្មែរក្បាលយួន ឬខ្មែរស៊ីរូងផ្ទៃក្នុង ឬយួនបង្កប់ហ្នឹងឯងជាសត្រូវ​។ អ៊ីចឹង​ហើយបានយើង ឃើញថា ក្នុងចម្លើយសារភាពមេដឹកនាំប៉ុលពតដែលនៅរស់មាន ខៀវ សំផន, នួន ជា ជាដើមតែងបដិសេធ ហើយធ្វើមិនដឹង មិនឮពីការសម្លាប់ខ្មែរ ក្នុងរបប ការគ្រប់គ្រងរបស់ខ្លួន។
បើរំឭកបន្តិចទៀតក្នុងរបបនេះ សូម្បីតែខ្មែរគ្រាន់តែមានសាច់ឈាមជាខ្មែរ​កម្ពុជា​ក្រោម មានសម្លេងជាយួន ក៏ត្រូវបានប៉ុល ពត ចាត់ជាខ្មាំងដែរ។ តើនយោបាយសម្លាប់ ខ្មែរ​ដោយចោទប្រកាន់ថាបរទេសហ្នឹង តើវាបានប្រយោជន៍ដល់ប្រជាជាតិខ្មែរទេ? ចំណុចនេះ​សូមជនរួមជាតិខ្មែរពិចារណា។ មហាជនខ្មែរពិតជាបានស្គាល់ បានជឿ ចំ​ពោះអ្នក​ដែល​បាន​​​ជួយ​រំដោះខ្លួនឲ្យរួចផុតពីរបបប្រល័យពូជសាសន៍ ដើម្បីបុព្វហេតុក្នុងការ ការពារ​បូរណ​​​ភាពទឹកដី អធិបតេយ្យភាពពេញលេញ ក្នុងនាមជាពលរដ្ឋថ្លៃថ្នូរ និងម្ចាស់អំណាច​យ៉ាងពិតប្រាកដ។ បើដូច្នេះតើអ្នកដែលគ្រាន់តែនិយាយឲ្យរួចតែពីមាត់ទៅមានលទ្ធភាពអ្វី​ទៅ​​ប្រកួតប្រជែង​ជាមួយអ្នកដែលបានធ្វើយ៉ាងពេញទំហឹងដើម្បី ការពារផលប្រយោជន៍​ជាតិ និងប្រជារាស្រ្តនៅគ្រប់ដំណាក់កាលបាន។
បច្ចុប្បន្ន ខ្មែរជាម្ចាស់វាសនានៃប្រទេសជាតិដោយខ្លួនឯង។ កម្ពុជា មានឯករាជ្យ អធិប​​តេយ្យ របស់ខ្លួនពិតប្រាកដ​មិនមែនស្ថិតនៅក្រោមប​រទេសដូចមេបក្សសិទ្ធមនុស្ស​ចោទ​ប្រកាន់នោះទេ។
ដូច្នេះលោក កឹម សុខា ដែលនិយាយថា មិនធ្វើឆ្កែ​បំរើយួន គឺគ្រាន់តែ​ជានយោបាយ​លាបពណ៌ខ្មែរ ឬក៏គ្រាន់តែជាការប្រកាសខ្លួនឯងប្រដូចទៅនឹងសត្វឆ្កែ​តែ​ប៉ុណ្ណោះ៕

បុរី រ័ត្ន

សម្តេចតេជោ​ផ្តួច​ផ្តើម​ឲ្យ​ប្រទេស​អាស៊ាន​ពិនិត្យ​ លទ្ធភាព​ក្នុង​ការបញ្ជូន​កង​ទ័ព​ចូល​រួម​កិច្ច​ការ​មនុស្ស​ធម៌​ក្រោម​ឆ័ត្រ​ របស់​អង្គការ​សហប្រជា​ជាតិ​


នៅ ​ក្នុង​​ឱ​ទទួល​ជួប​​សវនា​ការ​ជា​​មួយប្រតិភូ​​រដ្ឋ​មន្រ្តី​​ក្រសួង​ការពារ ​ជាតិ​នៃ​បណ្តា​ប្រទេស​អាស៊ាន​ តំណាង​ដោយ​ឯកឧត្តម​ Purnom OYusgintoro រដ្ឋមន្ត្រី​ការពារជាតិ​ឥណ្ឌូណេស៊ី​ ​ នៅ​វិមាន​សន្តិភាព​នា​ព្រឹក​ថ្ងៃទី ២៩ ឧសភា​នៅ​វិមាន​សន្តិភាព មុន​ពេលដែល​កិច្ចប្រជុំ​រដ្ឋ​មន្ត្រី​​ការពារជាតិ​អាស៊ាន​លើក​ទី ៦ បាន​បើក​ជា​ផ្លូវការ​ សម្តេច​អគ្គ​មហា​សេនា​បតី​តេជោ ហ៊ុន សែន នាយក ​រដ្ឋមន្ត្រី​នៃ​ព្រះ​រាជា​ណាចក្រ​កម្ពុជា​បានមាន​ប្រសាសន៍​​ ​ឲ្យ​ដឹង​អំពី​បំណង​ចង់​ឲ្យ​តំបន់​អាស៊ាន​ទាំងមូល​គ្មាន​សង្គ្រាមស៊ីវិល​ក៏​ ដូច​ជា​ផ្តល់​នូវ​ការ​​ផ្តួច​ផ្តើម​គំនិត​ឲ្យ​បណ្តា​រដ្ឋមន្ត្រី​ការពារ​ ជាតិ​អាស៊ាន​ ពិនិត្យ​​លទ្ធភាព​ក្នុង​ការ​បញ្ជូន​កងទ័ព ​ដើម្បី​ចូលរួម​ក្នុង​កិច្ចការ​មនុស្សធម៌​ក្រោម​ឆ័​ត្រ​របស់​អង្គការ​សហ​ ប្រជាជាតិ ​ដូចដែល​ប្រទេស​កម្ពុជា​បាន​អនុវត្ត​ជាច្រើន​ឆ្នាំ​រួច​មក​ហើយ​ ​។​​

​ឯកឧត្តម អ៊ាង សុផល្លែត ជំនួយការ​សម្តេច​តេ​ជោ​នាយករដ្ឋមន្ត្រី​ បាន​ឲ្យ​ដឹង​ថា​ ក្នុង​ជំនួប​សវនាការ​ សម្តេច​អគ្គមហាសេនាបតី​តេ​ជោ ហ៊ុន សែន បាន ស្វាគមន៍​យ៉ាង​កក់ក្តៅ​បំផុត ចំពោះ​បណ្តា​រដ្ឋមន្ត្រី​ការពារជាតិ​អាស៊ាន​ទាំងអស់ ដែលមាន​វត្ត មាន​អញ្ជើញ​ចូលរួម​កិច្ចប្រជុំ​ថ្នាក់​រដ្ឋមន្ត្រី​ការពារជាតិ​អាស៊ាន​លើក​ ទី​៦​នៅ​ព្រះរាជាណាចក្រ​កម្ពុជា​ ​ដោយ​សម្តេច​ចាត់​ទុក​ថា​ នេះ​គឺជា​កិត្តិយស​ខ្លាំង ណាស់​សំរាប់​កម្ពុជា ហើយ​ការ​រួមគ្នា​បើក​កិច្ចប្រជុំ​នេះ​បាន​ឆ្លុះបញ្ចាំង​នូវ​ការ​សាមគ្គី​ គ្នា​នៅក្នុង​គ្រូ​សារ​អាស៊ាន​។​ សម្តេច​តេ​ជោ​មាន​ ប្រសាសន៍​​​វាយ​តម្លៃថា កិច្ចប្រជុំ​នេះ​នឹង​នាំមក​នូវ​ការសំរេចចិត្ត និង​គំនិត​ផ្តួចផ្តើម​ថ្មីៗ​ដែល​ទាំងនោះ​គឺ​ដើម្បី​កសាង​សហគមន៍​អាស៊ាន​ដ៏​ រឹងមាំ​មួយ​។

សម្តេច​តេ​ជោ​នាយករដ្ឋមន្ត្រី​បានផ្តល់ ​អនុសាសន៍ ដល់​បណ្តា​រដ្ឋមន្ត្រី​ការពារជាតិ​អាស៊ាន​ទាំងអស់​ឲ្យ​យក​ចិត្ត​ទុកដាក់ និង​ពិនិត្យ​សិក្សា​ដើម្បី លើកឡើង​នូវ​គំនិត​ផ្តួចផ្តើម​ដ៏​មាន​សារសំខាន់​នេះ ជូន​បណ្តា​ថ្នាក់ដឹកនាំ​ថ្នាក់ក្រោម​រហូតដល់ ប្រមុខ​ថ្នាក់ដឹកនាំ​ប្រទេស​និ​មួយៗ ដោយមានសម្តេច​​ ប្រសាសន៍ថា ការចូលរួម​នៅក្នុង​ប្រតិបត្តិការ ក្រោម​ឆ័​ត្រ​របស់​អង្គការសហប្រជាជាតិ និង​តំបន់​អាស៊ាន​គ្មាន​សង្គ្រាម​ស៊ីវិល​​នោះ​​គឺ​សុទ្ធសឹង តែ​ជា​កត្តា​សំខាន់​ក្នុងការ​ពង្រឹង​សន្តិសុខ​ក្នុង​តំបន់ និង​តួនាទី​របស់​អាស៊ាន​ឲ្យ​កាន់តែ​សកម្ម ឡើង​ផងដែរ​។​

សម្តេចតេ​ជោ​នាយករដ្ឋមន្ត្រី​មានប្រសាសន៍ចាត់ទុក ​ ការបញ្ជូន​កងទ័ពរ​បស់​បណ្តា​ប្រទេស​អាស៊ាន​ចូលរួម ក្នុង​កិច្ចការ​មនុស្សធម៌​ក្នុង​ប្រតិបត្តិការ​ក្រោម​ឆ័​ត្រ​របស់​ អង្គការសហប្រជាជាតិ គឺ​ដើម្បី​ពង្រឹង​នូវ​តួនាទី​របស់​អាស៊ាន​លើ​ឆាក​អន្តរជាតិ ។

សម្តេច​តេ​ជោ​នាយករដ្ឋមន្ត្រី​ ក៏បានផ្តល់​អនុសាសន៍​មួយចំនួន​ទៀត​​ស្តីពី​ការពិនិត្យ​មើល​ពី​តួនាទី​របស់​ កងទ័ព​ដែល​មិន​គ្រាន់តែ​ក្នុង​វិស័យ​ការពារជាតិ​ប៉ុណ្ណោះ​ទេ ប៉ុន្តែ​កងទ័ព​ត្រូវតែមាន​តួនាទី​សកម្ម​លើ​​ការងារ​មនុស្ស​ធម៌ អន្តរាគមន៍​ជួ​យស​ង្រ្គោះ​​ប្រជាពលរដ្ឋ នៅពេល​ជួប​គ្រោះធម្មជាតិ​កើតឡើង ទាំង​នៅក្នុង​តំបន់ និង​នៅ​ជុំវិញ​ពិភពលោក​ព្រោះថា តួនាទី​របស់​កងទ័ព​កាន់តែ​មានកំ​រិត​ខ្ពស់ ដែល​ពាក់​ព​ន្ធ័​ទៅនឹង​ការអន្តរាគមន៍​ជួ​យស​ង្គ្រោះ​នោះ​។​

​ជា​មួយ​នឹង​ការ​​ផ្តួចផ្តើម​នូវ​គំនិត​ចង់​ឲ្យ​តំបន់​អាស៊ាន​ទាំងមូល​គ្មាន​សង្គ្រាមស៊ីវិល សម្តេច​តេ​ជោ​នាយក​រដ្ឋ​មន្ត្រី​​​បានមាន ​ប្រសាសន៍​​ឲ្យ​ដឹង​ថា នៅពេល​ដ៏​ឆាប់ៗ​ខាងមុខនេះ​យើង​នឹង​ចុះហត្ថលេខា​ទៅលើ​សន្ធិសញ្ញា ស្តីពី​តំបន់​អាស៊ាន​មួយ​គ្មាន​អាវុត​នុយ​ក្លែ​រ​អ៊ែរ ដែលមាន​ចូលរួម​ពី​បណ្តា​ប្រទេស​ធំៗ​លើ​ពិភព​លោក ហើយ​ដែល​នឹង​ធ្វើឡើង​នៅក្នុង​ប្រទេស​កម្ពុជា​៕​

អង្គភាព​ព័ត៌មាន និង​ប្រតិកម្មរហ័ស

កម្ពុជា​បើក​កិច្ច​ប្រជុំ​គណៈ​កម្មាធិការ​សម្រប​សម្រួល​ ការ​អភិវឌ្ឍន៍​ប្រព័ន្ធ​គ្រប់​គ្រង​ការ​ហោះហើរ​តាម​ប្រព័ន្ធ​ផ្កាយ​រណប​ ថ្នាក់​តំបន់​លើក​ទី១


ដោយ​ មាន​ការ​គាំទ្រ​ពី​អង្គការ​ JICA កិច្ច​ប្រជុំ​គណៈកម្មាធិការ​សម្រប​សម្រួល​​ថ្នាក់​តំបន់​ កម្ពុជា វៀតណាម ឡាវ ​លើក​ទី​១ ស្តីពី​​ការ​អភិវឌ្ឍន៍​ ​ប្រព័ន្ធ​គ្រប់​គ្រង​ការ​ហោះ​ហើរ​​ថ្មី​តាម​ផ្កាយ​រណប​ត្រូវ​បាន​ប្រារព្ធ​ ធ្វើ​ឡើង​នៅ​វិមាន​មិត្តភាព​នៃ​ទី​ស្តី​ការ​គណៈរដ្ឋ​មន្រ្តី​ នា​ព្រឹក​ថ្ងៃទី ២៩ ខែ ឧសភា ឆ្នាំ ២០១២​ ក្រោម​អធិបតី​ភាព​ឯកឧត្តម តឹក រ៉េត​សំរេច​ រដ្ឋ​លេ​ខា​ធិការ​ទី​ស្តី​ការ​គណៈ​រដ្ឋ​មន្រ្តី តំណាង​ដ៏​ខ្ពង់​ខ្ពស់​ឯកឧត្តម​បណ្ឌិត​សភា​ចារ្យ សុខ អាន ឧបនាយក ​រដ្ឋ​មន្រ្តី រដ្ឋ​មន្រ្តី​ទទួល​បន្ទុក​ទី​ស្តីការ​គណៈរដ្ឋ​មន្រ្តី និង​ឯកឧត្តម ម៉ាសាហ្វូមី គុរ៉ូគី ឯកអគ្គ​រាជ​ទូត​ជប៉ុន​​ប្រចាំ​នៅ​កម្ពុជា ក្នុង​នាម​ជា​ភាគី​ផ្តល់​ជំនួយ​​។

កិច្ច ​ប្រជុំ​គណៈកម្មាធិការ​សម្រប​សម្រួល​​ថ្នាក់​តំបន់​លើក​ទី​១ ស្តីពី​​ការ​អភិវឌ្ឍន៍​ ​ប្រព័ន្ធ​គ្រប់​គ្រង​ការ​ហោះ​ហើរ​​ថ្មី​​ដែល​ត្រូវ​ប្រារព្ធ​ធ្វើ​រយៈ​ពេល​ ពីរ​ថ្ងៃ ២៩-៣០ ខែ​ឧសភា ឆ្នាំ ២០១២ ដែល​មាន​ប្រតិភូ​មក​ពីស្ថាប័ន​អាកាសចរណ៍​វៀតណាម​ចំនួន ១៧ រូប ឡាវ ចំនួន ១០ រូប មក​ពី​ស្ថាន​ទូត​ជប៉ុន​ និង​អង្គការ​ JICA និង JCAB ចំនួន​ ១៣ រូប ព្រម​ទាំង​ប្រតិភូ​មក​ពី​រដ្ឋ​លេខាធិការ​ដ្ឋាន​អាជ្ញាធរ​អាកាសចរណ៍​ស៊ីវិល​ នៃ​ព្រះ​រាជាណាចក្រ​កម្ពុជា និង​ស្ថាប័ន​ពាក់​ព័ន្ធ​ផ្សេង​ៗទៀត​ សរុប​ចំនួន ៦៨ រូប​ចូលរួម​ មាន​គោល​បំណង​ចែក​រំលែក​បទ​ពិសោធន៍​ និង​ចំណេះដឹង​អំពី​​ការ​អនុវត្ត​គម្រោង​ផែន​ផ្លាស់​​​ប្រព័ន្ធ​គ្រប់​គ្រង​ ការ​ហោះ​ហើរ​ពី​ប្រព័ន្ធ​ផ្ទាល់​ដី​ទៅ​ប្រព័ន្ធ​ផ្កាយ​រណប​រវាង​ប្រទេស​ទាំង ​បី កម្ពុជា វៀត​ណាម ឡាវ​ ក៏​ដូច​ជា​ការ​បង្កើត​នូវ​ក្រុម​សម្រប​សម្រួល​ និង​វាយ​តម្លៃ​អំពី​​កិច្ច​ដំណើរ​ការ​​នៃ​ការ​រៀប​ចំ​អនុវត្ត​ការងារ​ផ្លាស់ ​ប្តូរ​ប្រព័ន្ធ​គ្រប់​គ្រង​ការ​ហោះហើ​រ​​ថ្មី​ ពី​ស្ថាប័ន​អាកាសចរណ៍​នៃ​បណ្តា​ប្រទេស​នីមួយៗផងដែរ។

​ក្នុង​សុន្ទរកថា​ប្រកាស​បើក​កិច្ច​ប្រជុំ​ ឯកឧត្តម តឹក រ៉េត​សំរេច​ ដំណាង​ដ៏​ខ្ពង់​ខ្ពស់​ឯកឧត្តម​បណ្ឌិត​សភាចារ្យ សុខ អាន បាន ​មាន​ប្រសាសន៍​ចាត់ទុក​ ឧស្សាហកម្ម​ដឹក​ជញ្ជូន​ផ្លូវ​អាកាស​ ដើរ​តួនាទី​ជា​ចំបង​នៅ​ក្នុង​សកម្ម​ភាព​សេដ្ឋ​កិច្ច​ពិភពលោក​ និង​នៅ​តែ​ជា​វិស័យ​មួយ ដែល​មាន​ការ​រីកចំរើន​លឿនក្នុង​សេដ្ឋកិច្ច​ពិភពលោក​។​ នៅ​ក្នុង​គ្រប់​តំបន់​នៃ​ពិភពលោក​រដ្ឋនីមួយៗ​​ពឹង​ផ្អែក​ទៅ​លើ​ឧស្សាហកម្ម​ អាកាស​ចរណ៍​ ក្នុង​ការ​​ជួយ​រក្សា​ និង​ជម្រុញ​នូវ​កំណើន​សេដ្ឋ​កិច្ច​​របស់​ខ្លួន​ ដូច្នេះ​តម្រូវ​ការ​នៃ​​ធានា​សុវត្ថិភា​ និង​ប្រសិទ្ធភាព​​នៃ​ការ​ដឹក​ជញ្ជូន​ផ្លូវ​អាកាស​ តាម​ប្រព័ន្ធ​គ្រប់​គ្រង​ថ្មី​គឺ​ជា​ការ​ចាំ​បាច់​។​

​​ ឯកឧត្តម តឹក រ៉េត​សំរេច​ បាន ​ប្រសាសន៍​ថ្លែង​អំណរគុណ​ចំពោះ​ការ​គាំទ្រ​របស់​ប្រទេស​ជប៉ុន​ និង​វត្ត​មាន​ប្រតិភូ​មក​ពី​ប្រទេស​ឡាវ និង​វៀត​ណាម ក៏​ដូច​ជា​អ្នក​ជំនាញ​ការ​ក្នុង​ការ​រៀប​ចំ​កិច្ច​ប្រជុំ​ដ៏​មាន​សារសំខាន់​ នេះ​នៅ​កម្ពុជា។

ឯកឧត្តម មៅ ហាវណ្ណាល់ រដ្ឋ ​លេខាធិការ​ នៃ​រដ្ឋលេខា​ដ្ឋាន​អាកាស​ចរណ៍​ស៊ីវិល​កម្ពុជា​ បាន​ឲ្យ​ដឹង​ថា ក្នុង​ការ​រៀប​ចំ​ផ្លាស់​ប្តូរ​ប្រព័ន្ធ​គ្រប់​គ្រង​ការ​ហោះ​ហើរ​ថ្មី​ រដ្ឋាភិបាលជប៉ុន​បាន​ផ្តល់​ជំនួយ​គាំទ្រ​ពីរ​ជំហាន​ ។ ជំហាន​ទី​១ គឺ​ការ​សិក្សា​បង្កើត​ផែន​ការ​មេ​ ដើម្បី​អភិវឌ្ឍន៍​ប្រព័ន្ធ​គ្រប់​គ្រង​ការ​ហោះហើរ​ថ្មី​(The New CNS/ATM systems) នៅ​ក្នុង​ប្រទេស​កម្ពុជា ឡាវ និង​វៀត​ណាម​។ ជំហានទី​ ២ គឺជា​គម្រោង​ការ​​នៃ​ការ​អភិវឌ្ឍន៍​សមត្ថភាពក្នុង​ការ​ផ្លាស់​ប្តូរ​​ ប្រព័ន្ធ​គ្រប់​គ្រង​ថ្មី​រយៈ​ពេល​ ៥ ឆ្នាំ ពី​ឆ្នាំ ២០១១ ដល់ ២០១៥ ដែល​មាន​គោល​បំណង​កែ​លម្អ​សុវត្ថិភាព និង​ប្រសិទ្ធភាព​នៃ​ការ​ហោះ​ហើរ​​ និង​ពង្រីក​​នូវ​ចំណុះ​​ផ្ទៃ​អាកាស​​នៅ​ភាគ​ខាង​កើត​តំបន់​មេគង្គ​។​

សូម ​បញ្ជាក់​ថា នៅ​ក្នុង​​ឆ្នាំ ២០១០ តាម​រយៈ​ទីភ្នាក់​ងារ​សហ​ប្រតិបត្តិការ​អន្តរជាតិ​ជប៉ុន(JICA) និង​ក្រោម​ការ​សម្រប​សម្រួល​របស់​ក្រុម​ប្រឹក្សា​អភិវឌ្ឍន៍​កម្ពុជា​ រាជរដ្ឋាភិបាល​ជប៉ុន​បាន​ផ្តល់​ជំនួយ​ ដល់​​ ប្រទេស​​កម្ពុជា ​វៀតណាម​ ឡាវ​ ដើម្បី​អភិវឌ្ឍន៍​សមត្ថភាព​ផ្លាស់​ប្តូរ​ប្រព័ន្ធ​គ្រប់​គ្រង​ការ​ហោះ​ហើរ​​ រយៈ​ពេល​៥ ឆ្នាំ ចាប់​ពី ឆ្នាំ ២០១១ ដល់​ឆ្នាំ ២០១៥ គម្រោង​ការដែល​មាន​តម្លៃ​ប្រមាណ ៦ លាន​ដុល្លារ​អាមេរិក​​គ្រ​ប​ដណ្តប់ទៅ​លើ​ការ​រៀប​ចំ​ប្រព័ន្ធទទួល​ និង​​ផ្តល់​ព័ត៌មាន​​ដ៏​មាន​ប្រសិទ្ធភាព​សម្រាប់​ការ​ហោះ​ហើរ​​​​នៅ​ព្រលាន​ យន្តហោះ​អន្តរ​ជាតិ​​ភ្នំពេញ សៀម​រាប​ ប្រទេស​កម្ពុជា​ ព្រលាន​យន្ត​ហោះ​ទីក្រុង​វៀង​ច័ន្ទ​ ប្រទេស​ឡាវ និង​ព្រលាន​យន្តហោះ​នៅទីក្រុង​ ហាណូយ និង​ ហូជីមិញ ប្រទេស​វៀត​ណាម​។ ផែន​ការ​មេ​ស្តីពី​ប្រព័ន្ធ​គ្រប់​គ្រង​​​ការ​ហោះ​ហើរ​តាម​ផ្កាយ​រណប​​នៅ​ កម្ពុជា​ វៀត​ណាម ឡាវ​ ត្រូវ​ប្រតិបត្តិ​តាម​ប្រព័ន្ធ​គ្រប់​គ្រង​ការ​ហោះ​ហើរ​ថ្មី​តាម​ផ្កាយ​រណប​ នៃ​អង្គការ​អាកាសចរណ៍​អន្តរជាតិ​៕​
អង្គភាព​ព័ត៌មាន និង​ប្រតិកម្មរហ័ស

Tuesday, May 29, 2012

និយាយ​ការពិត​ ៖​ បក្ស​សម រង្ស៊ី​ យកលុយ​ដើរទិញ​ទឹក​ចិត្តពី​ម្ចាស់ឆ្នោត


និយាយ​ការពិត​ ៖​
បក្ស​សម រង្ស៊ី​ យកលុយ​ដើរទិញ​ទឹក​ចិត្តពី​ម្ចាស់ឆ្នោត

ដោយការ​​ត្រេក​ត្រអាល​ចង់​កាន់​អំ​ណាច​ ហួស ហេតុ នៅ​ទី​បំ​ផុ​ត​​ឆ្កែកន្ទុយ​ខ្វៀន នៅតែខ្វៀន​ បក្ស​ប្រឆាំង​សម រង្ស៊ី បាន​ត្រឹម​តែជា​បក្ស​ប្រឆាំង​ជារៀង​រហូត​ ហើយ​ទង្វើ​ដែល​បក្ស​មួយ​នេះ​ចោទ​ប្រកាន់មកលើ​​បក្ស​ដ៏ទៃថា​ បានប្រើ​លុយ​​ទិញ​ទឹក​ចិត្ត​ម្ចាស់​​ឆ្នោតនោះ ប្រែក្លាយ​ទៅ​ជា​បទ​ចម្រៀង​អត់​ន័យ ពី​​​​ព្រោះ​ ការពិតជាក់​ស្តែង​     គណបក្ស​សម រង្ស៊ី ខ្លួន​ឯង​ទៅ​វិញ​ទេ  ដែល (រូបថត សកម្មជនបក្ស សម រង្ស៊ី ដើរចែកលុយថ្ងៃឃោសនាបោះឆ្នោត)

​បាន និង​កំ​ពុង​​រំ​លោ​​ភ​​បំ​ពាន​​លើច្បាប់​បោះឆ្នោត​ទាំង​កំ​រោល​ តាម​រយៈការ​យក​ប្រាក់ទៅ​ចែក​ជូន​ប្រជា​ពល​រដ្ឋក្នុង​ម្នាក់ៗ ២ម៉ឺន​​រៀ​ល និង​បាន​​ស្នើសុំឱ្យ​ប្រជាពល​រដ្ឋទាំង​នោះ​បោះ​ឆ្នោត​ឱ្យ​គណបក្ស​សម រង្ស៊ី​​​។

ជាទូ​ទៅ​ គេតែង​តែឮថ្នាក់​ដឹក​នាំ​គណ​បក្ស​ សម​ រង្ស៊ី ​សមាជិក​សភាមួយ​ចំ​នួន​ រួមទាំង​សកម្ម​ជន​​របស់​បក្សប្រឆាំង​មួយ​នេះ និយាយអួត​ក្អេង​ក្អាងថា បក្សរបស់​ខ្លួនជាបក្សស្អាតស្អំ មិន​ពុក​រលួយ​ ហើយ​ថា​ សកម្មជន​របស់​បក្ស​សម រង្ស៊ី​ទាំង​អស់​ គ្មាន​អ្នក​ណាម្នាក់​ ខ្លាចនូវ​ការ​បំ​ភិត​បំ​ភ័យសោះ​ឡើយ​ ក្នុង​ន័យ​ថា​  គេគំ​រាម ​សម្លុតមិន​ខ្លាច ឬទិញ​ទឹក​ចិត្តមិន​លក់​ជាដាច់​ខាត​។

​ ​ ​ស្តាប់​មើល​ទៅ​ ដូច​ជាបក្ស​មួយ​នេះ​ ​មាន​គោលនយោបាយ​ល្អ​ឥត​ខ្ចោះ ហើយ​បាន​ និង​កំ​ពុង​ត្រូវ​រងគ្រោះ​ដោយ​គេធ្វើ​បាប កៀប​សង្កត់​ គំ​រាម​កំ​ហែង លើ​សកម្មភាព​នយោបាយរបស់​ពួក​គេ​ជាប្រ​ចាំ។ ប៉ុន្តែ ធាតុពិត​ បក្ស​ប្រឆាំង​មិន​មានទទួល​រង​នូវ​ការ​កៀប​សង្កត់​ ឬការ​​ធ្វើ​ទុកបុកម្នេញ​ពីអ្នកណាឡើយ​  ផ្ទុយ​ទៅ​វិញ​ បក្ស​សម រង្ស៊ី​ ខ្លួន​ឯង គឺ​ពោរពេញ​ទៅ​ដោយ​ល្បិចកល​ បោក​ប្រាស់​ប្រជាពលរដ្ឋដ៏គួរឱ្យ​ខ្លាច​​រអារ​ជាទី​បំ​ផុត​។

ជាក់​ស្តែង កាលពី​ថ្ងៃទី​២៣ ខែ ឧសភា ឆ្នាំ ២០១២ នៅ​ខេត្តតាកែវ ត្រូវ​គេថតរូប​បាន​ និង​ផ្សព្វ​ផ្សាយ​តាម​បណ្តាញ​ផ្សព្វ​ផ្សាយ​សង្គម(Facebook)​យ៉ាង​ព្រោង​ ព្រាត​ នូវ​អំពើ​លាមក​ផ្ទុយ​ពី​ច្បាប់​ ដែល​ត្រូវ​បាន​​​បក្សប្រឆាំង​យក​មក​អនុវត្តផ្ទាល់​ខ្លួន​ឯងនៅ​ទី​សាធារណៈ ដោយ​គ្មានការ​​ខ្មាសអៀន គឺ​សកម្ម​ជន​បក្ស សម រង្ស៊ី ដូច​មាន​នៅ​ក្នុង​រូប​ថត​បង្ហាញ​នេះ កំ​ពុង​ដើរចែក​លុយ​ជូន​ប្រជាពល​រដ្ឋម្នាក់ៗ​ចំ​នួន​២ម៉ឺន​​រៀល​ ក្នុងកំ​ឡុង​​ពេល​យុទ្ធនាការឃោសនាបោះ​ឆ្នោត ដែល​ច្បាប់​ហាម​ឃាត់​ជាដាច់​ខាត​នូវ​ទង្វើ​បែប​​នោះ។

យោង​តាម​បទ​បញ្ជា និង​នីតិវិធី​សម្រាប់​ការ​បោះ​ឆ្នោត​ជ្រើសរើសក្រុម​ប្រឹក្សាឃុំ សង្កាត់​អាណត្តិ​​ទី​៣ ប្រការ ៨.១៣.៧ ចែង​ថា​ គណបក្សនយោបាយ ឬ​បេក្ខជន ឬ​តំ​ណាង​ ឬ​ជន​ណាម្នាក់​ មិន​ត្រូវ​ផ្តល់​វិភាគ​ទាន​ ជូន​សាគុណ​ ឬ​រង្វាន់​លើក​ទឹក​ចិត្ត​ ជាប្រាក់​កាស់ ឬ​ជា​សម្ភារៈ ទោះបី​តាម​មធ្យោបាយ​ណាក៏ដោយ​ដល់​ស្ថាប័ន​ អង្គការ​ ឬ​បុគ្គល​ណា​ម្នាក់​ក្នុង​គោល​បំណង​ទិញ​ទឹក​ចិត្តអ្នក​បោះ​ឆ្នោត​ឡើយ​។​

​ច្បាប់​ស្តីអំពី ​ការ​បោះ​ឆ្នោត​ជ្រើសរើសក្រុម​ប្រឹក្សាឃុំ សង្កាត់ និងច្បាប់ស្តី​អំពី​​វិសោធនកម្ម​ច្បា​ប់​ស្តី​អំពី​​ការ​បោះ​ឆ្នោត​ក្រុម​ ប្រឹក្សាឃុំ​សង្កាត់​ មាត្រ១៧៨ ថ្មី ចែង​ថា​ ត្រូវ​លុប​ឈ្មោះ​ចេញ​ពី​បញ្ជី​គណបក្ស​បោះ​ឆ្នោត​  លុប​បេក្ខភាព​របស់​សាម៉ីខ្លួន ឬ​លុប​បេក្ខភាព​ឈរឈ្មោះ​បោះ​ឆ្នោត ​ដោយ​គណបក្ស​នយោ​បាយ​ដោយគណៈកម្មាធិការ​ជាតិ​រៀប​ចំ​ការ​បោះ​ឆ្នោត​ និង​ត្រូវ​ផ្តន្ទាទោស​ពិន័យ​ជាប្រាក់​ពី​៥លាន​ ទៅ​២៥លាន​រៀល​ ដោយ​ពុំ​គិត​ពីទោសព្រហ្មទណ្ឌផ្សេង​ៗ ចំ​ពោះ​ជន​ទាំង​ឡាយ​ណា និង​គណបក្ស​នយោបាយ​ណា​ដែល​បាន​ប្រព្រឹត្តអំពើ​ណា​មួយ​បំ​ពាន​ច្បាប់​។​

ដូចនេះ ការ​ប្រើ​ប្រាស់​ថវិកា​ដើម្បី​ទិញ​ទឹក​ចិត្តអ្នក​បោះ​ឆ្នោត ដូច​ឃើញ​ច្បាស់​ក្រឡែត​នឹង​ភ្នែក​យ៉ាង​នេះ គឺជា​ការ​បញ្ជាក់​បាន​យ៉ាង​គ្រប់​គ្រាន់​ទៅសាធារណមតិអំពី​ ចរិត​ពុត​ត្បុត​ កលល្បិច​បោក​ប្រាស់​ប្រជាពល​រដ្ឋ និងអំពើ​បំ​ពាន​ច្បាប់​របស់​​បក្ស​សម រង្ស៊ី​ ដោយ​មិន​អាច​ប្រកែក​បាន​។

ការ​ផ្សព្វ​ផ្សាយ​នូវ​រូប​ភាព​នៃការ​កាន់​ ប្រាក់​ហុចជូន​ទៅ​ប្រជាពល​រដ្ឋ បង្កប់​ជាមួយ​នឹង​ការ​ចែង​ផ្សាយ​គោល​នយោបាយ​ឃោសនា​បោះ​ឆ្នោត​ គឺជាបើក​កកាយនូវ​សារ​នយោបាយ​មុន​ការ​បោះ​ឆ្នោត​មក​ដល់​ ថ្ងៃទី​៣ ខែ មិថុនា ខាងមុខ រំ​លេចឡើង​នូវទង្វើ​ « ​ដេញ​ទាន់​ជាន់​កែង​» ។ ទាំង​នេះ​ គឺជាការ​បង្ហាញ​​នូវ​ភស្តុតាង​ពិត​ប្រាកដ​ដល់​ម្ចាស់​ឆ្នោត​ ក្នុង​ការ​ពិចារណាអំពី​អំពើ​ជាន់​ឈ្លី​ពីលើ​ច្បាប់​ដោយ​បក្ស​សម រង្ស៊ី ដែល​តែងតែ​និយម​ចូល​ចិត្តលាបពណ៌​មកលើ​​គណបក្សដទៃ តែផ្ទុយទៅ​វិញ​បក្ស​ប្រឆាំង​ខ្លួន​ឯង​ គឺបា​ន និង​កំ​ពុង​ប្រព្រឹត្តអំពើ​ស្មោគ​គ្រោកនោះ ដោយ​គ្មាន​ខ្លាចញញើត​ច្បាប់​បន្តិច​សោះ​ឡើយ​។

មជ្ឈដ្ឋាន​អ្នកវិភាក​នយោបាយ ក៏ដូច​ជាសកម្មជន​បក្ស​ប្រឆាំង​មួយ​ចំ​នួន​ដែល​បាន​ចាកចេញ​ពី​បក្ស​សម រង្ស៊ី បាន​ឱ្យ​ដឹង​ថា ថវិកាដែល​សមាជិក​គណបក្ស​ប្រឆាំង​យក​ទៅ​ទិញ​ទឹក​ចិត្ត​ពី​ប្រជាពល​រដ្ឋ ដើម្បី​ជាថ្នូរឱ្យ​ពល​រដ្ឋបោះ​ឆ្នោត​ឱ្យ​បក្ស​ខ្លួន​នោះ ​គឺមួយ​ចំ​ណែក​បាន​មក​ពី​បេក្ខជន​ឈរឈ្មោះ​ជា​មេឃុំ ចៅ​សង្កាត់ និង​ក្រុម​ប្រឹក្សាឃុំ សង្កាត់ខ្លះ​ ​យក​ប្រាក់​ពី​ក្រុម​គ្រួសារ​ផ្ទាល់​ខ្លួនមក​ចាយវាយ អ្នក​ខ្លះ​លក់​ដី​ធ្លី​ ស្រែ​ចំ​ការ​ ផ្ទះ​សម្បែង ដើម្បីធ្វើ​នយោបាយ​ ដោយ​គិត​ថា​ ពេល​ជាប់​ឆ្នោត​នឹង​ប្រឹង​រក​លុយ​ត្រឡប់​មក​វិញ​ដើម្បី​ទូ​ទាត់​ជាមួយ​ ថ្លៃចំ​ណាយ​ដែល​ខាត​បង់​ទៅ​នេះ​ ។    ចំ​ណែក​ឯ ថវិកាមួយ​ចំ​នួន​​ទៀត​​ គឺបាន​មក​ពី​ការ​កៀង​គរ​ពី​សប្បុរសជន​នៅ​ឯក្រៅ​ប្រទេស​ ក្នុង​ន័យ​​បោក​ប្រាស់​គេថា យក​មក​ជួយ​អភិវឌ្ឍ​ប្រទេស ពង្រឹងលទ្ធិ​ប្រជាធិបតេយ្យ ប៉ុន្តែ ពួក​គេបាន​បង្វែរ​ទិសដៅ​ដោយ​យក​ប្រាក់​ទាំង​នេះ​ទៅទិញ​ទឹក​ចិត្តរបស់ប្រជាពល ​រដ្ឋ ដើម្បី​ចង់​បាន​អំ​ណា​ច​​នៅ​តាម​មូល​ដ្ឋាន​ទៅ​វិញ។

បើ​និយាយ​អំពី​ សកម្មភាពឃោសនា​បោះ​ឆ្នោត​ក្នុង​ពេល​កន្លង​មក​នេះ​​ គេបាន​សម្គាល់ឃើញ​ថា​ គណបក្ស​ប្រឆាំងមិន​មាន​កម្មវិធី​នយោបាយ​ក្នុង​ការ​អភិវឌ្ឍភូមិ​ឃុំឱ្យ​បាន​ ច្បាស់​លាស់ ដើម្បី​លើក​កម្ពស់​ជី​វភាព​ប្រជាពល​រដ្ឋឱ្យ​បាន​ប្រសើ​រឡើង​នោះ​ទេ គឺមាន​តែការ​បើក​យុទ្ធនាការ​រិះ​គន់ និង​ចោទ​ប្រកាន់​​មក​លើ​រាជ​រដ្ឋាភិបាលអំពី​បញ្ហា​អសកម្ម​ដ៏តិចតួចដែល​ពួក​ គេខិតខំ​ ផ្លុំបំ​ប៉ោង​ និង​ផ្សព្វ​ផ្សាយ​ ពង្រីក​ឱ្យ​ទៅ​ជា​រឿង​ធំ​ ដើម្បី​សម្អុយ​កិត្យានុភាព​របស់​រាជ​រដ្ឋាភិបាល ។ ប៉ុន្តែ មហាជនទូ​ទៅ​ដ៏ច្រើន​លើសលប់​ ​បាន​ដឹង​ច្បាស់​ណាស់​ថា​ កម្ពុជា​សព្វ​ថ្ងៃកំ​ពុង​រស់នៅ​ជាមួយ​សន្តិភាព​ និង​ការ​អភិវឌ្ឍ រីក​ចំ​រើន​ស្ទើរគ្រប់វិស័យ​ ក្រោម​ការ​ដឹក​នាំ​របស់​សម្តេច​តេជោ ហ៊ុន សែន ហើយ​បញ្ហាមួយ​ចំ​នួនត្រូវ​បាន​ដោះ​ស្រាយ​បញ្ចប់​ រួច​រាល់ជាស្ថាពរ​ហើយ​តាម​ផ្លូវ​ច្បាប់ ដោយ​ឡែក​បញ្ហា​មួយ​ចំ​នួន​​ទៀត​ដែល​នៅ​សេសសល់ ដូច​ជា​បញ្ហា​ព្រំ​ដែន​ជាមួយ​ប្រទេស​ជិត​ខាង​ជាដើម គឺរាជ​រដ្ឋាភិបាល​ បាន​ និង​កំ​ពុង​បន្ត​បោះ​បង្គោល​ព្រំ​ដែន​នៅ​លើ​ដី​ជាក់​ស្តែង​ ដើម្បី​កសាង​ខ្សែព្រំ​ដែន​មួយ​ច្បាស់​លាស់ ដែល​ជាខ្សែព្រំ​ដែន​អន្តរជាតិ ព្រំ​ដែន​សន្តិភាព​ មិត្តភាព​ និង​សហប្រតិបត្តិការ បញ្ចប់​បាន​នូវ​ជម្លោះព្រំ​ដែន និង​ក៏​ដើម្បី​ទុក​សម្រាប់​ជាអាវុធ​ច្បាប់​ដ៏រឹង​មាំក្នុង​ការ​ការពារនូវ​ អធិបតេយ្យ និង​បូរណភាព​ទឹក​ដីឱ្យ​បាន​ស្ថិត​ស្ថេរគង់​វង្ស និង​ទុកជាមរត៌ក​សម្រាប់​អនុជន​​ជំ​នាន់​ក្រោយ ដែល​ផ្ទុយ​​ពី​គណបក្ស​ប្រឆាំង​ គឺមិនបាន​រួច​ចំ​ណែក​អ្វី​សោះ​ ក្នុង​ការ​ចូល​រួម​ថែរក្សា​​សន្តិភាព​នេះ គឺមាន​តែការ​ខិត​ខំ​បង្ក​នូវ​ភាព​ចលាចលសង្គម​  និង​ឆ្លៀត​ឆក់យក​​ឱកាស ដើម្បី​កេង​ចំ​ណេ​ញ​នយោបាយ​​​របស់​ពួក​គេតែ​ប៉ុណ្ណោះ​។

អត្ថបទដោយៈ សុខ សំណាង​  

បទវិចារណកថា ដំបូន្មាន​ចំពោះ​បក្ស​សិទ្ធិ​មនុស្ស ៖ ដក​មេ​បក្ស​មុខ​លុយ​ ដាក់​មេ​បក្ស​ថ្មី​វិញ​ប្រសើរ​ជាង ​!


យុទ្ធនាការ ​ឃោសនា​រក​សម្លេងឆ្នោត​របស់​គណបក្ស​នយោបាយ ដែល​បាន​ចុះ​ឈ្មោះ​ប្រកួត ប្រជែង បាន​កន្លង​ផុតជិត​ពីរ​សប្តាហ៍ទៅ​ហើយ ដោយ​គណបក្ស​នីមួយៗ​តែងរិះ​រកគ្រប់​មធ្យោបាយ ដើម្បី​ធ្វើការ​ទាក់​ទាញ​ម្ចាស់​ឆ្នោត​ឲ្យ ងាក​មករក​ការគាំទ្រ​លើ​គោល​នយោបាយ នៃ​គណបក្ស​របស់​ពួកគេ​រៀងៗ​ខ្លួន ។

យ៉ាងណាមិញ ក្រុម​គណបក្ស​ប្រឆាំង​បានព្យាយាម​លើកយក​ចំណុចមួយ​ចំនួន​មកធ្វើ​ការ​រិះគន់ និង ជេរប្រមាថ រាជរដ្ឋាភិបាល​យ៉ាងចាស់​ដៃ ដោយ​គ្មាន​គោរព​នូវ​ក្រម​សីលធម៌​អ្វីទាល់​តែ​សោះ ក្នុង​នាមជា​គណបក្ស​នយោបាយ នៃ​ប្រជាជាតិ​មួយ ។ មិនតែ​ប៉ុណ្ណោះ​ពួក​ក្រុម​គណបក្ស​ប្រឆាំង​ទាំងនោះ បានឆ្លៀត​យក​ឱកាស​នៃ​យុទ្ធនាការ​ឃោសនា នេះ មក​ធ្វើការ​បន្តុះបង្អាប់​ដល់​មេ​ឃុំ/​ចៅសង្កាត់​យ៉ាង​អយុត្តិធម៌​បំផុត ដោយ​មិនខ្វល់​នឹងការ​អភិវឌ្ឍន៍​ជាក់ស្តែង​នៅ​នឹងកន្លែង​ឡើយ ។

 ទោះបី ​ក្នុង​អំឡុង​ពេលកំពុង​តែធ្វើ​យុទ្ធនាការ​នោះ ពួកគេ​បានដើរ​លើផ្លូវ ឆ្លង​តាមស្ពាន ជ្រក​ក្រោម ម្លប់វត្ត ឬ​សាលា​រៀន ដែល​សុទ្ធ​សឹងតែ​ជា​សមិទ្ធផល​ជាក់ ស្តែង​កើត​ចេញពី​ការកសាង មួយ​ចំណែក របស់​រាជ​រដ្ឋាភិបាល និង​មួយចំណែក​ទៀត​ពី​គណបក្ស​ប្រជាជន​កម្ពុជា​ក្តី ក៏ពួក​ក្រុម​គណបក្ស​ប្រឆាំង​ទាំងនោះ ហាក់បី​ដូចជា​ពុំមាន​ការ​ខ្មាសអៀន​សោះ នៅ​តែស្រែក​ក្តែងៗ​ទាំង​បំពាន​ថា គ្មាន​ការរីក​ចំរើន​នៅតាម​មូលដ្ឋាន ភូមិ ឃុំ/សង្កាត់ ជា​ដដែល ។

នេះសបញ្ជាក់ ​ឲ្យឃើញ​ថាក្រុម​គណបក្ស​ទាំងនោះ ខ្វះ​ការទទួល​ខុសត្រូវ​លើ​មនសិការ​របស់​ខ្លួន ដែល​នេះមាន​លក្ខណៈ​ផ្ទុយ​ស្រឡះ​ពី​គណបក្ស​ប្រជាជន​កម្ពុជា តែង​តែពុះ​ពារ​គ្រប់​ឧបសគ្គ​ធ្វើអ្វីៗ ដើម្បី​ប្រជាជន ទោះ​ជាស្ថិត​នៅក្នុង​កាលៈទេសៈ​ដ៏លំបាក​លំបិន​យ៉ាងណា​ក៏ដោយ ក៏មិន​រាថយ ឬរត់​ចោល ស្រុក តួយ៉ាង​ដូចថ្ងៃ​រំដោះ ៧​ មករា ១៩៧៩ ជាដើម ។

ប៉ុន្តែអ្វី ​ដែល​គួរឲ្យ​អស់​សំណើច និង​ភ្ញាក់​ផ្អើលខ្លាំង​បំផុត​នោះ គឺ​សកម្មជន​ឃោសនិក នៃ​គណបក្ស សិទ្ធិ​មនុស្ស របស់​លោក កឹម សុខា បាន​ដើរស្រែក​ទាំង​មិនដឹង​អីទាល់​តែសោះ​ថា ដូរ​មេឃុំ​មុខ​លុយ ដាក់​មេ​ឃុំ​បំរើ​រាស្រ្ត នេះ ជារឿង​អណោច​អធម​បំផុត ដែល​សកម្មជន​ឃោសនិក​ពុំ​ដែល​បាន​ដឹង​រឿង​ពិត​ហើយ​ស្រែកតាម​លោក កឹម សុខា ។

ឆ្លៀត ​ក្នុងឱកាស​ដ៏​កម្រ​នេះ ក្នុងនាម​ខ្ញុំធ្លាប់​ជា​សមាជិក​ស្ថាបនិក និង​ជាអ្នក​ដឹកនាំ​ម្នាក់​ក្នុង​ជួរ​គណបក្ស ដើម្បី​បង្ក​បង្កើត​គណបក្ស​សិទិ្ធ​មនុស្ស​នេះ​ឡើង ជា​មួយ​លោក កឹម សុខា និង​មិត្តភក្តិ​បងប្អូន​ខ្មែរ​នៅ​ក្នុង​ស្រុក និង​បងប្អូន​ខ្មែរ នៅ​បរទេស​មួយ​ចំនួន​ធំ ជាពិសេស​បំផុត​នោះ គឺលោក​អគ្គលេខា​ធិការ យ៉ែម ប៉ុញ្ញាឫទ្ធិ ដែល​ជាអ្នក​តំណាង​រាស្រ្ត មណ្ឌល​ព្រៃ​វែង​បច្ចុប្បន្ន និង​លោក​អគ្គលេខា​ធិការ​រង ជុន យ៉ុង នៃ​គណបក្ស សិទ្ធិ​មនុស្ស​បច្ចុប្បន្ន នេះ និង​ថ្នាក់​ដឹកនាំ​ផ្សេង​ជា​ច្រើន​ទៀត​ ពិតជា​បាន​ដឹង យ៉ាង​ច្បាស់​មិនអាច​ប្រកែក បាន លុះត្រា​តែមនុស្ស​ទាំង​នោះគ្មាន​ឧត្តមគតិ គ្មាន​ភាព​សច្ចៈ គ្មាន​ខួរក្បាល ឬថ្លើម​ប្រមាត់ និង​ក្បត់មិត្ត​ភក្តិ តែ​ប៉ុណ្ណោះ​ទេ ទើប​អាច​និយាយ​បានថា អ្វី​ដែល​ខ្ញុំ​លើក​ឡើង​ជាការ​មិនពិត ។

ប៉ុន្តែ ​ខ្ញុំនៅ​តែ​សង្ឃឹម​យ៉ាងមុត​មាំ​ថា​អ្នកទាំង​នោះ មិនទាន់​ភ្លេចអស់​នៅឡើយ​ទេ ថា​លោក កឹម សុខា បាន​ទាម​ទារ​យ៉ាង​ស្វិតស្វាញ​នូវ​ប្រាក់​ខែ ១០,០០០ ដុល្លារ រហូត​មក​សល់​នៅ​ត្រឹម​តែ ៥,០០០ ដុល្លារ ក្នុង ១ខែ សម្រាប់​តួនាទី​ជា​ប្រធាន​គណបក្ស ។

ខ្ញុំគិតថា ​បងប្អូន​ប្រជាពល​រដ្ឋអាច​ធ្វើ​ការពិចារណា​ឲ្យបាន​ច្បាស់​បន្តិច​ទៅមើល ហើយ​ថែម​ទាំង​សួរនាំ​អ្នក​ដែល ធ្លាប់​ស្គាល់​លោក កឹម សុខា តើ​ប្រវត្តិ​រូបបុគ្គល​នេះ​យ៉ាង​ដូចម្តេច​ដែរ ?

ទី១ ពេល​ប្រជាជន​ទើប​ងើប​ចេញ​ពី​របបខ្មែរ​ក្រហម​ ក៏លោក កឹម សុខា អាច​លួច​អង្ករជាតិ​ដើម្បី​ធ្វើ​មាន​បាន​ដែរ។

ទី កាលនៅ​ជាប្រធាន​អង្គការ​​វីជីលេន លោក​ កឹម សុខា កិបកេង​លុយ​ជំនួយ​យ៉ាងច្រើន​យកទៅ​ធ្វើ នយោបាយ​ជាមួយ​គណបក្ស​លោក​តា សឺន សាន ។

ទី កាលនៅ​ជាប្រធាន​មជ្ឈមណ្ឌល​សិទ្ធិ​មនុស្ស​បានកិប​កេង​លុយ​អង្គការ​ជាច្រើន រហូត​ដល់​សហរដ្ឋ​អាមេរិក បាន​កាត់​ជំនួយ​តែ​ទុក​មុខ​មាត់​ឲ្យ ដោយ​មិន​ហែក​កេរ្តិ៍ នេះ​តាម​ទម្លាប់​របស់​សហរដ្ឋ អាមេរិក ។

ទី  កិបកេង​លុយ​បេក្ខជន និង​សមាជិក​គណបក្ស យក​ទៅ​បំពេញ​ភាព​ហឺហារ និង ទិញដី សម្រាប់ ធ្វើ​ចំការ​កៅស៊ូ​នៅ​ខេត្ត​កំពង់​ចាម ។

ទី  បោកប្រាស់​លុយ​ពីអតីត​អគ្គហិរ​ញ្ញឹក ១៧,៣០០ ដុល្លារ ខ្ចី​សម្រាប់​ទិញ​រថយន្ត​ម៉ាក លុចស៊ីស ៤៧០ ពណ៌​ខ្មៅ តែ​មិនព្រម​សង​ត្រឡប់​វិញ ទោះ​ជាមាន​ប្រាក់​ខែ​តំណាង​រាស្រ្ត​ហើយ​ក៏ដោយ ។

សរុប​សេចក្តី​មក តើ​ពាក្យថា ដក​មេឃុំ​មុខ​លុយ ដាក់​មេឃុំ​បំរើ​រាស្ត្រ វាសាកសម​នឹង​លោក កឹម សុខា ឬ​សកម្មជន​ឃោសនិក នៃ​គណបក្ស​សិទ្ធិ​មនុស្ស លោក កឹម សុខា ស្រែក​ដែរឬទេ ? ចំពោះ​ខ្ញុំ​គិត​ថា ត្រូវ​ពិចារ​ណា​ថា គួរ ដក​មេ​បក្ស​មុខ​លុយ ដាក់​មេបក្ស​ថ្មី​វិញ​ ប្រសើរ ​​ជាង ហើយ​ខ្ញុំសូម​ផ្តល់ យោបល់​ទៅចុះ ដើម្បី​កុំ​ឲ្យ​ពិបាក​គិត​គឺលោក សឺន សូបែរ្តិ៍  កូន​ប្រុស លោកតា សឺន សាន សម​ជា​មេ​គណបក្ស​សិទិ្ធ​មនុស្ស​ជាង។

ម្យ៉ាង ​ទៀត ពេលដក​មេបក្ស​មុខលុយ​ហើយ គឺ​សកម្មជន​ឃោសនិក និង​ថ្នាក់​ដឹកនាំ​ទាំង​អស់ នៃ គណបក្ស​សិទិ្ធ​មនុស្ស​ក៏គួរ​រក​មធ្យោបាយ​រ៉ៃអង្គាស​គ្នា​យ៉ាង​ម៉េច ដើម្បី​សង​លុយ លោក រាជ សម្រេច ជា​អតីត​អគ្គហិរញ្ញឹក ហើយ​បច្ចុប្បន្ន​ជា​ទីប្រឹក្សា​រាជ​រដ្ឋាភិបាល​ផង ចៀស​វាង​ខូច​ពូជ​ខាង​លោក កឹម សុខា ខាន​បាន​ធ្វើ​នយោបាយ​បោកប្រាស់​គ្នាឯង​ទៀត ព្រោះ​ការ​រំលោភ​លើ​សេចក្តី​ទុកចិត្ត គឺ​ជា​បទល្មើស​ព្រហ្មទណ្ឌ​សូម​ជ្រាប ។

ពីខ្ញុំ ភូមិន្ទ
សូម​លោក​ចាងហ្វាង​កាសែត​ទាំងអស់​មេត្តា​ជួយ​ចុះ​យក​តែ
បុណ្យ​ផង ដើម្បី​កុំឲ្យ​រាស្រ្ត​ខែ្មរ​ចាញ់​ឧបាយ​កល​បោក​ប្រាស់
លោក កឹម សុខា ទៀត ព្រម​ទាំង​បងប្អូន​ខ្មែរ​បាន​ដឹង​ដំណើរ
រឿង​ពិត​ខ្លះ​របស់​បុគ្គល​មេគណបក្ស​មុខ​លុយ​នេះ​ផង ។

Monday, May 28, 2012

ស្ពានអាកាសទី៣ ត្រៀមបង្ហាញរូបរាង ក្នុងពេលឆាប់ៗ ខាងមុខនេះ


ដោយៈ ហួន ស្រីលីន

ភ្នំពេញៈ ដើម្បីចូលរួមចែករំលែក ការធ្វើ​ចរាចរណ៍ឲ្យ មានភាពកាន់តែងាយស្រួល ដល់​ប្រជាពលរដ្ឋ ក្នុងការធ្វើដំណើរនោះ អភិបាល​រាជធានីភ្នំពេញ បានជួបប្រជុំ ជាមួយ​ស្ថាប័ន​ពាក់ព័ន្ធ ដើម្បី​ពិភាក្សា​លំអិត លើគម្រោងស្​ថាប​នាស្ពានអាកាសទី៣ ពាក់​ព័ន្ធ​ទៅនឹង​ផល​ប៉ះពាល់នានា ក្នុងការ​ចាប់​ផ្តើម​អនុវត្ត គម្រោង​ស្ថាបនានេះ។

នៅក្នុងសេចក្តីប្រកាស របស់​សាលា​រាជធានី​ភ្នំពេញ ដែលបានចេញផ្សាយកាលពីថ្ងៃទី២៦ ខែ​ឧសភា​ បានឲ្យដឹងថា គម្រោង​សាង​សង់​ស្ពាន​អាកាស​ស្ទឹងមានជ័យ បានប៉ះពាល់ដល់លំនៅដ្ឋាន ប្រជា​ពលរដ្ឋចំនួន ១១៨ខ្នង បង្គោល​ភ្លើង​អគ្គិសនីចំនួន ៣០បង្គោល បង្គោលភ្លើងបំភ្លឺសាធារណៈចំនួន ៤១បង្គោល ដើមឈើចំនួន ១៩ ដើម រួមទាំងបណ្តាញលូ បណ្តាញខ្សែកាប ប្រៃសណីយ៍ ខ្សែកាបអុបទិក និងបំពង់ទឹកស្អាត របស់រដ្ឋាករទឹក មួយចំនួនទៀត។

នៅក្នុងឱកាសនោះដែរ អភិបាលរាជធានីភ្នំពេញ លោក កែប ជុតិមា ក៏បានមានប្រសាសន៍ថា ស្ថាន​ភាព​​​ចរាចរណ៍ នៅចំណុចស្ពាន ស្ទឹងមាន​ជ័យ​  បច្ចុប្បន្នកាន់មាន សភាពយ៉ាប់យ៉ឺន ដោយ​សារ​​កំណើន​មធ្យោបាយ របស់ប្រជាពលរដ្ឋផង ដូច្នេះហើយបានជារាជរដ្ឋាភិបាល ជំរុញ​ឲ្យ​សាលា​រាជធានី​ភ្នំពេញ អនុវត្តការងារនេះ ឲ្យបានលឿន ទោះបីគ្រប់ភាគីពាក់ព័ន្ធ មានការ​មមាញឹក​យ៉ាងណាក្តី ក៍ត្រូវ​ជំរុញ​ការងារ​ស្ថាបនា​ស្ពានអាកាសនេះ ឲ្យបានឆាប់រហ័ស។ ពិសេស​ជំហានដំបូង ត្រូវដោះស្រាយផលប៉ះពាល់ លំនៅដ្ឋាន របស់ប្រជាពលរដ្ឋ រួមទាំង​ផល​ប៉ះពាល់​ផ្សេងទៀត របស់ស្ថាប័នមួយចំនួន ហើយត្រូវធ្វើយ៉ាងណាឲ្យបានម៉ត់ចត់ជាទីបំផុត។

លោក កែប ជុតិមា បានណែនាំដល់រដ្ឋបាល សាលារាជធានីភ្នំពេញ សហការជាមួយ មន្ទីរ​សាធារ​ណការ និងដឹកជញ្ជូន និងអាជ្ញាធរខណ្ឌពាក់ព័ន្ធ ត្រូវរៀបចំកម្មវិធី ឲ្យបានច្បាស់លាស់ ដើម្បី​ត្រៀម​ការ​សាងសង់ ស្ពានអាកាសស្ទឹងមានជ័យ ពិសេសលើការងារ ដោះស្រាយផលប៉ះពាល់លំនៅដ្ឋាន ជូនប្រជាពលរដ្ឋធ្វើឲ្យបានល្អ និងម៉ឺងម៉ាត់ ជាទីបំផុត ដោយអនុវត្តតាមនីតិវិធីច្បាប់ ស្រប​ទៅតាម​គោល​ការណ៍ ណែនាំរបស់ក្រសួងសេដ្ឋកិច្ច និងហិរញ្ញវត្ថុ ដោយគ្រោងនឹងចាប់ផ្តើមពីខែមិថុនា ឆ្នាំ២០១២ នេះតទៅ ៕


កម្ពុជា-ហ្គីណេ​ចុះ​ហត្ថលេខា​លើ​កិច្ច​ព្រម​ព្រៀង​ក្រប​ខ័ណ្ឌ​កិច្ច​សហ​ប្រតិបត្តិការ​ និង​មិត្តភាព​


ឯកឧត្តម​ឧបនាយករដ្ឋមន្ត្រី ហោ ណាំហុង រដ្ឋមន្ត្រី​ក្រសួងការ​បរទេស និង​សហ​ប្រតិបត្តិការ​អន្តរជាតិ​​នៃ​ព្រះ​រាជា​ណាចក្រ​កម្ពុជា បាន​ចុះ​ហត្ថលេខា​លើ​កិច្ច​ព្រមព្រៀង​សហ​ប្រតិបត្តិការ​ និង​មិត្តភាព​ជាមួយ​ឯកឧត្តម KOUTOUBOU Moustapha SANO រដ្ឋមន្ត្រី​ក្រសួង​សហ​ប្រតិបត្តិការ​អន្តរជាតិ នៃ​សាធារណរដ្ឋ​ហ្គី​ណេ ​ នា​​ថ្ងៃ​ទី ​២៥ ​ឧសភា​ ឆ្នាំ ២០១២ នៅ​វិមាន​សន្តិភាព​  ក្រោម​អធិបតីភាព​ដ៏​ខ្ពង់​ខ្ពស់​សម្តេច​អគ្គ​មហា​សេនា​បតី​តេ​ជោ ហ៊ុន សែន ​និង​​ឯកឧត្តម Alpha CONDE ប្រធានាធិបតី​សាធារណរដ្ឋ​ហ្គី​ណេ​ បន្ទាប់​​ពី​​​ជំនួប​ចរចា​ទ្វេ​ភាគី។​

​ឯកឧត្តម​ អ៊ាង សុផល្លែត ជំនួយការ​សម្តេច​តេ​ជោ​នាយករដ្ឋមន្ត្រី​ឲ្យ ​ដឹងថា​ សាធារណរដ្ឋ​ហ្គីណេ បាន​ស្នើសុំទិញ​អង្ករ​ព្រះ​រាជា​ណាចក្រ​កម្ពុជា​​ចំនួន ៤ម៉ឺន​តោន ដើម្បី​នាំចេញ​​ទៅកាន់ សាធារណរដ្ឋ​ហ្គីណេ ក្នុង​ពេលឆាប់ៗ​នេះ រួមទាំង​ស្នើ​សុំឲ្យ​មាន ផ្តល់​អ្នក​បច្ចេកទេស​កសិកម្ម​ពីកម្ពុជា ទៅកាន់​សាធារណ​រដ្ឋ​ហ្គីណេ​ផងដែរ។​ឯកឧត្តម​ អ៊ាង សុផល្លែត ឲ្យ​ដឹង​ថា នៅក្នុង​ជំនួប​ទ្វេភាគី​ជា មួយ​សម្តេចតេជោ​នាយក​រដ្ឋមន្ត្រី នៅ​វិមាន​សន្តិភាព​រយៈពេល​ជាង ១ ម៉ោង​ ទន្ទឹម​នឹង​​​សំដែង​នូវ​ការសោកស្តាយ​ចំពោះ​អ្វីដែល​បាន​កើត​មាន​ឡើង​​នៅ​ កម្ពុជា កាលពី​សម័យ​ដែល​ពួក​ខ្មែរ​ក្រហម​បាន​​កាន់អំណាច​ ​ ឯកឧត្តម Alpha CONDE ​ប្រធានា​ធិបតី​សាធារណរដ្ឋ​ហ្គីណេ ក៏បាន​សំដែង​នូវ​ការ​អបអរ​សាទរ​ចំពោះ ការ​រីក​ចំរើន​ និង​អភិវឌ្ឍ​យ៉ាង​​ឆាប់​រហ័ស​របស់​កម្ពុជា ក្រោម​ការដឹកនាំ​ដ៏​ឈ្លាសវៃ​របស់​សម្តេច​តេ​ជោ​នាយករដ្ឋមន្ត្រី​។​

​ឯកឧត្តម​​ជំនួយការ​ឲ្យ​ដឹងថា ឯកឧត្តម Alpha CONDE ប្រធានា​ធិបតី​នៃ​សាធារណរដ្ឋ​ហ្គីណេ​មាន​ប្រសាសន៍​ថា កាល​ពីឆ្នាំ ២០០៨ ប្រទេស​យើង​ទាំង​ពីរ មាន​ការ​រៀបចំ​ផ្លាស់ប្តូរ​ទំនាក់​ទំនង កិច្ច​សហ​ប្រតិ​បត្តិ​ការ នៃ​ប្រទេស​ទាំងពីរ ជាពិសេស​ទៅលើ​បញ្ហា​កិច្ច​សហ​ប្រតិ​បត្តិ​ការ នៃ​វិស័យ​កសិកម្ម ប៉ុន្តែ​ប្រទេស​ហ្គីណេ មិន​បាន​បំពេញ និង​បន្ត​កិច្ច​សហ​ប្រតិ​បត្តិ​ការ​នោះ​ឲ្យបាន​គ្រប់​ជ្រុង​ជ្រោយ​ទេ ទើប​តែ​ពេល​នេះ តាម​រយៈ​ដំណើរ​ទស្សន​កិច្ច​ផ្លូវ​រដ្ឋ របស់​ឯកឧត្តម មកកាន់​ប្រទេស កម្ពុជា នៅ​ពេល​នេះ ឯកឧត្តម នឹង​ខិត​ខំ​បំពេញ និង​បន្តជំរុញ​កិច្ច​សហ​ប្រតិបត្តិ​ការ លើ​វិស័យ​កសិកម្ម​នោះ ដើម្បី ទទួល​បាន​នូវ​ភាព ឈ្នះ ឈ្នះ សំរាប់​ប្រទេស​ទាំងពីរ។

​ឯកឧត្តម Alpha CONDE បាន​ជំរាបជូន​សម្តេច​តេ​ជោ​នាយករដ្ឋមន្ត្រី​ថា ហ្គី​ណេ​ជា​ប្រទេសមួយ ដែល​សំបូរ​​ទៅដោយ​ធនធានធម្មជាតិ ប៉ុន្តែ​ហ្គី​ណេ​នៅតែមាន​ភាពក្រីក្រ​នៅឡើយ ដែល​កត្តា​នេះ​បណ្តាលមកពី​អភិបាលកិច្ច​មិនល្អ​។​ ប៉ុន្តែ​ក្នុងនាម​​ឯកឧត្តម​​ដែល​ត្រូវបានជាប់​ឆ្នោត​ធ្វើជា​ប្រធានាធិបតី ឯកឧត្តម​​នឹង​ប្រឹង​ប្រែង​​ដើម្បី​ធ្វើយ៉ាងណា​ឲ្យ​ធនធានធម្មជាតិ​ទាំងឡាយ​ ដែល​ប្រទេស​ហ្គី​ណេ​មាន​ត្រូវ បាន​ចែកចាយ​ជូន​ដល់​​ប្រជាជន​ហ្គី​ណេ​គ្រប់ៗ​រូប​។​ ពាក់ព័ន្ធ​ជាមួយ​បញ្ហា​កសិកម្ម​វិញ ឯកឧត្តម​ប្រ​ធានា​ធិបតី​មាន​ប្រសាសន៍​ថា ប្រទេស​​ហ្គី​ណេ ហាក់បីដូចជា​បាន​បោះជំហាន​ថយក្រោយ​លើ​វិស័យ​កសិកម្ម ព្រោះ​ទិន្នផល​ស្រូវ​ដែល​ទទួល​បាន​ក្នុង​មួយ​ហិកតា​គឺ​ត្រឹមតែ​ពី ៥០០ ទៅ​១០០០​គីឡូក្រាម​តែប៉ុណ្ណោះ​។ ចំណែក​ផ្ទៃដី​ដែលមាន​សម្រាប់ធ្វើ​ការដាំ​ដុះ​មាន​ប្រមាណ ៦ លាន​ហិកតា តែ​ការដាំដុះ​វិញ​បានតែ ១០% ហើយ​ដោយសារតែ​ហេតុផល​នេះហើយ​ទើប ឯកឧត្តម​ប្រធានាធិបតី​បានស្នើ​ឲ្យ​រាជរដ្ឋាភិបាល​កម្ពុជា បញ្ជូន​អ្នកជំនាញការ​ទៅ​បំពាក់​បំប៉ន​បច្ចេកទេស​វិស័យ​កសិកម្ម​នៅ​ប្រទេស​ ហ្គី​ណេ​តែម្តង​។​

​ឯកឧត្តម​ អ៊ាង សុផល្លែត ថ្លែងថា ឯកឧត្តម Alpha CONDE ក៏បាន​ជំរាបជូន​សម្តេច​តេ​ជោ​ ផងដែរ​អំ ពី​កំណែទម្រង់​ដែល​ប្រទេស​ហ្គី​ណេ​កំពុងតែ​រៀបចំ ដែលមាន​ទាំង​ការរៀបចំ​សន្តិសុខ ការរៀប​ចំកាត់ បន្ថយ​កងទ័ព ការរៀបចំ​ប្រព័ន្ធ​ហិរញ្ញវត្ថុ​សាធារណៈ និង​អភិបាលកិច្ច​ល្អជា​ដើម ដើម្បី​ធ្វើយ៉ាងណា ជម្រុញ​ប្រទេស​ហ្គី​ណេ​ឲ្យ​ក្លាយទៅជា​ប្រទេស​អភិវឌ្ឍ និង​មាន​ស្បៀងអាហារ​គ្រប់គ្រាន់​ក្នុង​រយៈពេល ២ ឆ្នាំ​ខាងមុខនេះ​។​


​នៅក្នុង​ជំនួប​នោះ សម្តេច​តេជោ​នាយក​រដ្ឋមន្ត្រី​ បានលើកឡើង ​​ជម្រាប​ប្រធានា​ធិបតីនៃ​សាធា​រណ​រដ្ឋ​ហ្គីណេ​​​​អំពី​ប្រវត្តិ​របស់​ ប្រទេស​កម្ពុជា និង​នយោបាយ​​របស់​​រាជ​រដ្ឋាភិបាល​កម្ពុជា ដែល​រួមមាន​ការ​កាត់​បន្ថយ​​ភាព​ក្រីក្រ​ឲ្យ​បាន​ជាង ១%​ក្នុង​មួយឆ្នាំ នឹងធ្វើ​ឲ្យ​​សេដ្ឋ​កិច្ច​​មាន​កំណើន​​ប្រមាណ ៧%​ ក្នុង​មួយឆ្នាំ និង​បញ្ហា​​​ប្រឈម​នានា​ដែល​រាជរដ្ឋាភិបាល​​កំពុងតែ​ធ្វើកំណែទម្រង់​​។​

​ពាក់ព័ន្ធ​ជាមួយ​បញ្ហា​កិច្ច​សហ​ប្រតិបត្តិការ​លើ​វិស័យ​កសិកម្ម សម្តេចតេជោ​នាយក​រដ្ឋមន្ត្រី​ ​មាន​ប្រសាសន៍​ថា កម្ពុជា​អាច​រៀបចំ​ជា​ពីរ​ដំណាក់កាល​សម្រាប់​ការបញ្ជូន​អ្នកជំនាញការ​ កសិកម្ម​ទៅ​ប្រទេស ហ្គី​ណេ ។ ​ទី ១ បញ្ជូន​ក្រុម​ទៅធ្វើ​ការវាយតម្លៃ​អំពី​តម្រូវការ ដើម្បី​បញ្ជូន​អ្នក​បច្ចេកទេស​ឲ្យ​បាន​ចំ ទិសដៅ​តែម្តង​។​ពាក់​ព័ន្ធ​​ជាមួយ​ការនាំ​អង្ករ​ចេញ ដែល​ប្រទេស​ហ្គី​ណេ​មាន​តម្រូវការ​ចំនួន ៤ ម៉ឺន​តោន ក្នុងពេល​ឆាប់ៗ​នោះ សម្តេច​តេ​ជោ​បាន ​ណែនាំ​ឲ្យ​មន្ត្រី​របស់​ប្រទេស​ហ្គី​ណេ​សហការ​ជាមួយ​ក្រសួង កសិកម្ម ក្រសួង​ពាណិជ្ជកម្ម និង​​សមាគម​ម៉ាស៊ីនកិនស្រូវ​កម្ពុជា ដើម្បី​ធ្វើយ៉ាងណា​ដោះស្រាយ​នូវ​បញ្ហា​នេះ និង​នាំ​អង្ករ​ចេញទៅ​កាន់​ប្រទេស​​ហ្គី​ណេ​តែម្តង​។​ សម្តេច​តេ​ជោ​ ថ្លែងថា កម្ពុជា​នឹង​ខិតខំ​ប្រឹង​ប្រែង​ឲ្យ​អស់ពី​សមត្ថភាព ដើម្បី​ធ្វើ​យ៉ាង​ណា​​បំពេញ​នូវ​តម្រូវ​ការជួយ​ដល់​មិត្តភក្តិ​គឺ​ប្រទេស​ ហ្គី​ណេ​នេះឯង​។
​ក្នុង​ដំណើរ​ទស្សនកិច្ច​ក្នុង​រយៈ​ពេល​ ៣ ថ្ងៃ​ នៅ​ព្រះ​រាជាណាចក្រ​កម្ពុជា​ឯកឧត្តម Alpha CONDE ប្រធានាធិបតី​សាធារណរដ្ឋ​ហ្គី​ណេដែល​ជា​ភ្ញៀវ​របស់​ព្រះ​មហា​ក្សត្រ​ព្រះ​បរមនាថ​ នរោត្ត​ម សីហ​មុនី​ បាន​អញ្ជើញ​មកដល់​ព្រះរាជា​ណា​ចក្រ​កម្ពុជា កាលពី​រាត្រី​ថ្ងៃទី ២៤ ឧសភា ឆ្នាំ ២០១២ ដោយ​បានទទួល​​ការ​ធ្វើ​បដិសណ្ឋារ​កិច្ច​ដោយ​សម្តេច​ចៅហ្វា​វាំង គង់ សំអុល ឧបនាយក​រដ្ឋមន្ត្រី រដ្ឋមន្ត្រី​ក្រសួង​ព្រះ​បរម​រាជវាំង នៅឯ​ព្រលាន​យន្តហោះ​អន្តរជាតិ​ភ្នំពេញ​៕

អង្គភាព​ព័ត៌មាន និង​ប្រតិកម្មរហ័ស

បទ​វិចារណកថា ៖ ប្រជាពលរដ្ឋ​នៅតែគាំទ្រ​បោះឆ្នោតជូន​គណបក្សប្រជាជនកម្ពុជា​​បន្តទៀត​


បទ​វិចារណកថា
ប្រជាពលរដ្ឋ​នៅតែគាំទ្រ​បោះឆ្នោតជូន​គណបក្សប្រជាជនកម្ពុជា​​បន្តទៀត​

ថ្មីៗនេះ​ មេបននយោបាយតូច​មួយដដែល​ ​បានប្រឹងប្រែង​សន្យាភូតកុហក​ប្រជា​ពលរដ្ឋ​​បន្តទៀត​ហើយ​ ទោះបីជាពីមុនៗមកការភូតរបស់ជននោះ​ត្រូវបានប្រជាពលរដ្ឋ​មើលឃើញ​ថា​​ជា​​នយោបាយ ​រវើរវាយ​ ធ្វើឲ្យរាស្ត្រ​ត្រេកត្រអាល​ក៏ដោយ​។ តាមពិតការ​ស្រែក​របស់​គាត់នោះ​គឺ​មិនមែន​ជាគោលនយោបាយនោះទេ​ តែជាការសន្យា​ខ្យល់​ ពីព្រោះ​ជននោះ​តែងតែ​​ប្រើ​ពាក្យ​ថា​ ប្រសិនបើៗ​ ជាប់មិនដាច់ពីមាត់ឡើយ​។

ជាក់ស្តែងគេបានស្រែកថា ​ ប្រសិន​បើ​មេឃុំ​របស់ខ្លួន​ជាប់ឆ្នោត​ នឹងធ្វើនេះ ឬធ្វើនោះ​ជាដើម​។​ ចំណុច​ដែលគួរ​ឲ្យ​កត់​​សំគាល់​​នោះ​គឺ សមាសភាពឈរឈ្មោះ​មេឃុំរបស់បន​នយោបា​យ​មួយនេះ​ គឺគ្មាន​សមត្ថភាព​​ដឹកនាំ​ជម្រុញ​ការ​អភិវឌ្ឍឃុំសង្កាត់តែម្តង​ ពីព្រោះ​មេបន​​នយោបាយ​នេះ​បាន​បញ្ជាក់​​ច្បាស់​ណាស់​​ថា​ ប្រសិនបើមេឃុំរបស់ខ្លួនឈ្នះឆ្នោត គឺគេនឹង​យក មេឃុំ​នោះ​ទៅ​បង្រៀន​​សិន ទើប​​អាច​​ធ្វើការ​កើត​​។ ដូច្នេះបើ​ធនធាន​មនុស្ស​របស់​បក្សនយោបាយ នោះ​ខ្សោយ​យ៉ាងនេះ តើឲ្យប្រជាពលរដ្ឋ​បោះ​ឆ្នោតឲ្យម្តេចកើត​?​។

ជនប្រជាភិថុតមួយ ​នេះ ក៏បានប៉្រូទៀតថា​ ប្រសិនបើ ឃុំណាគេឈ្នះ គេអាចស្នើ​ខ្ចី​លុយ​ពី​អង្គការ​នានា​ដើម្បីអភិវឌ្ឍភូមិឃុំ​ទាំងនោះ​។​ ត្រង់​នេះ​ គឺ​ប្រជាពលរដ្ឋគ្មានជំនឿឡើយ​ ពីព្រោះ​មេ​បន​​នយោបាយនេះក៏ធ្លាប់បានខ្ចីលុយ​ប្រជា​ពលរដ្ឋ​ម្នាក់​ចំនួន​ ១ម៉ឺន​ ៧ពាន់​បីរយ​ដុល្លារ​ យក​ទៅ​ទិញ​​​​រថ​យន្ត ឡិចស៊ីស​ ជិះមក​ទល់​ពេល​​នេះ គឺពុំទាន់សង​នៅឡើយទេ ហើយពលរដ្ឋម្នាក់នោះ ធ្វើ​​​​អ្វីមិនកើត​មានតែពាក្យ​ទារប្រាក់វិញថា « សង ឬមិនសង​ »​ តែ​ប៉ុណ្ណោះ ដូច្នេះ​ តើ​ជន​កំហូច​នោះ​​​​​មាន​​សមត្ថភាព​ឯណា​ទៅស្នើ​ខ្ចី​លុយ​អង្គការ​នានា​នោះ​? ​ គឺ​ប្រាកដ​​ជា​មិនសង​គេទៀត​ឡើយ​​។ នេះ​បានចំជា​កំពូល​ជន​បោក​ប្រាស់​ពិតៗ​មែន​។​ ​​

ដូច្នេះ​ មុន​នឹង​បោះឆ្នោត​សូមប្រជាពលរដ្ឋ​ពិចារណា​អំពីភាពគ្មាន​គុណធម៌ អំពី​ចរិត​មាយា​ទ​​​​មិន​ថ្លៃថ្នូរ​ និងឧបាយកលទុច្ចរិត​របស់មេបននយោបាយ​​មួយនេះ​ឲ្យបាន​ច្បាស់​លាស់​​សិន​​។​​
ចំណែកគណបក្ស ​ប្រជាជនកម្ពុជា​ មិនមែន​ជាគណបក្សដែលដើរសន្យានោះទេ​ តែ​ជា​​គណបក្ស​​ដែល​កើតចេញពីប្រជាជន​ ហើយ​ហ៊ាន​​ធ្វើអ្វីៗ ចេញជាសមិទ្ធផលពិតៗ​​ជូន​​ប្រជាជន និង​បាន​រំដោះ​ប្រជាជន​​​ឲ្យរស់រានមានជីវិត​ពីរបប​ប្រល័យ​ពូជសាសន៍ រស់នៅ​រួមសុខ​រួមទុក្ខ​​ជា​មួយ​​​ប្រជាជន​ ​​ហើយបានកសាងប្រទេសពីបាតដៃទទេរ​ កសាង​ហេដ្ឋា​រចនា​សម្ព័ន្ធ​​ច្រើនសន្ធឹក​សន្ធាប់​​ មានស្ពាន ថ្នល់ វត្តអារាម សាលារៀន​ ប្រព័ន្ធធារាសាស្ត្រ​ ភ្លើងអគ្គិសនី​​​​ ទៅដល់​ទី​ជនបទ​​ជាបន្តបន្ទាប់​។​

ទស្សនៈ​ របស់​ប្រជាពលរដ្ឋ​ ទាំង​បង​ប្អូន​នៅ​ជន​បទ​ ទាំង​បង​ប្អូន​នៅ​ទី​ក្រុង​​ គឺ​គាត់​​សប្បាយ​រីក​រាយ​ណាស់​ ចំពោះ​សមិទ្ធផល​ជាតិ​ ដូច​ជា​ស្ពាន ​ផ្លូវ​ សាលារៀន​ មន្ទីរពេទ្យ ដែល​​កើត​មាន​​នៅ​លើ​ទឹក​ដី​របស់​យើង​​​ បងប្អូនតែងតែយល់ថា​​ សុទ្ធសឹង​ជា​​សមិទ្ធផលដែល​បង​ប្អូន​ទាំង​នោះ​អាច​ទាញ​យក​ប្រយោជន៍​​ ​ដើម្បី​ធ្វើ​ឲ្យ​ជីវភាព​រស់​នៅ​របស់​ពួក​គាត់​បាន​ប្រសើរ​​ឡើង​ជាលំដាប់​។​ ប៉ុន្តែ​សម្រាប់​គណបក្សប្រឆាំង​ ជាពិសេសបននយោបាយ​តូចតាច​មួយនោះ​ ត្រូវបានប្រជាពលរដ្ឋ​​មើលមិនឃើញ​​​ក្នុង​ការ​ចូលរួម​ការ​អភិវឌ្ឍន៍​​អ្វី​ សោះឡើយ​។​ ប្រជាពលរដ្ឋ​ឃើញ​មាន​តែ​រាជ​រដ្ឋាភិបាល​​តែ​ប៉ុណ្ណោះ​ ដែល​បាន​ចូលរួម​អភិវឌ្ឍន៍​យ៉ាង​ខ្លាំង​ក្លា​តែ​ម្តង។

 ដូច្នេះហើយទើប រាជរដ្ឋាភិបាល​ដែលដឹកនាំ​ដោយ​គណបក្ស​ប្រជាជន​កម្ពុជា​ ជា​ពិសេស​​ការដឹក​នាំ​របស់​ សម្តេចតេជោ ហ៊ុន សែន​ ​មានការគាំទ្រ​ពី​ប្រជាពលរដ្ឋ​​រហូត​​ដល់​​ទៅ​​ជាង​៨០%​ ឯណោះ​។​ នេះបញ្ជាក់ថា​ប្រជាពលរដ្ឋ​ មាន​ជំនឿ​ជឿជាក់​​ចំពោះ​គណបក្ស​​ប្រជាជន​កម្ពុជា​​ ហើយ​នៅ​តែបន្តបោះឆ្នោត​គាំទ្រ​គណបក្ស​​​នេះ​តទៅ​​ទៀត ដើម្បីបន្ត​អភិវឌ្ឍ​ភូមិ​ឃុំ​របស់​បងប្អូន​​ឲ្យកាន់​តែ​​​រីកចម្រើន​ និង​ដើម្បី​​កាត់​​បន្ថយ​​នូវ​ភាព​ក្រីក្រ​​​នៅជនបទ​ឲ្យ​បាន​ជាអតិប្បរមា​៕​ ​​

អត្ថបទដោយៈ ពង្ស សុក្រិត

Friday, May 25, 2012

សេច​ក្តី​ណែ​នាំ របស់​រាជរ​ដ្ឋាភិបាល​កម្ពុជា ស្តីពី ការ​ផ្អាក​មិន​ឲ្យ​លក់​ដូរ និង​ពិសារ​គ្រឿង​ស្រវឹង មួយ​ថ្ងៃមុនថ្ងៃ​បោះ​ឆ្នោត និង​ថ្ងៃ​បោះ​ឆ្នោត​ជ្រើស​រើស​ក្រុមប្រឹក្សា​ឃុំ សង្កាត់ អាណត្តិទី៣



បទ​អត្ថា​ធិប្បាយ៖ តើបក្ស​​សិទ្ធិ​​មនុស្ស​កើត​ចេញ​​ពី​​ឆន្ទៈ​រាស្ត្រ ឬ​កើត​​ពី​ការ​​តថ្លៃគ្នា ​ដើម្បី​​លុយ​ និង​​អំ​ណាច​


បទអត្ថាធិប្បាយ
តើបក្សសិទ្ធិមនុស្សកើតចេញពីឆន្ទៈរាស្ត្រ កើតពីការតថ្លៃគ្នា
ដើម្បីលុយនិងអំណាច

លោក កឹម សុខា ដែលបច្ចុប្បន្នជាប្រធានគណបក្សសិទ្ធិមនុស្ស គឺពោរពេញ​ ទៅដោយ​​​​រឿង​​អាស្រូវ​ ​អាប់ឱនកេរ្តិ៍ឈ្មោះជាបុគ្គល​​​ខ្វះនូវ​​ភាព​​ស្អាតស្អំហើយក៏​​​មិន​មែន​​ជា​​អ្នក​ស្រឡាញ់​​លទ្ធិ​​ប្រជាធិបតេយ្យ ស្រឡាញ់ប្រជាពលរដ្ឋខ្មែរដោយស្វាមីភក្តិ និង​​​ស្មោះ​​ត្រង់​នឹង​ជាតិ​​ទេនេះមិនទាន់​​​និយាយទៅដល់ការប្រព្រឹត្តអំពើពុករលួយនិង​​ទាបថោកក្នុងរឿងស្រីញី​(ប្រពន្ធ​ចុង​ជា​ច្រើន​នាក់​​​ផង​នោះ)
ទស្សនទានរបស់អ្នកវិភាគ​​នយោបាយជាន់ខ្ពស់ខ្លះៗពោលថា​ « គ្មានអ្វីដែល​​អកត្តញ្ញូ​ជាង​នយោ​​​បាយ​នោះ​​ទេ » ក្នុងន័យថា ដើម្បីបានអំណាចខាងនយោបាយ មេ​បក្ស​​​ខ្លះ​​​បាន​​ខិត​ខំ​ប្រើ​​គ្រប់ យុទ្ធវិធីនិងឧបាយកលតាមគ្រប់មធ្យោបាយដើម្បីមានប្រៀបលើដៃគូនិង​​មេ​បក្ស​ខ្លះ​ទៀត ខ្វះនូវសតិសម្បជញ្ញៈ គ្មានមនសិការជាតិបន្តិចសោះ​ ​គឺមានតែពុតត្បុត​​ កល​មាយា​ជាច្​រើន​ជំពូករហូត​មាន​​​ពេល​ខ្លះហ៊ានប្​រព្រឹត្តដល់ការធ្វើទារុណកម្មខ្លួនឯងដែល​គេ​ហៅថា «ល្បិចសាច់កម្មនយោបាយ» ដើម្បីបោកប្រាស់ម្ចាស់ឆ្នោតទៀតផង
បច្ចុប្បន្ន​​ មានមេបក្សខ្លះដេកចាំតែទទួលផល​​ពីសន្តិភាពដោយមិនបានធ្វើអ្វីទាំងអស់នោះគឺជាមេ​បក្ស​​ដែល​​គ្មានបន្តិចសោះឡើយ​​នូវភាពជាអ្នកដឹកនាំ គឺពួកគេខិតខំបង្ក បង្កើតតែភាព​​​ចលាច​ល​​សង្គម  បំផ្លាញសន្តិភាពញុះញង់បំបែកបំបាក់ឯកភាពជាតិខ្មែរ យកធ្វើជាអាជីពដ៏ស្ទាត់ជំនាញដើម្បី​​ចិញ្ចឹម​ជីវិតនយោបាយរបស់ពួកគេឱ្យបានយូរទៅមុខទៀតផ្ទុយពី​គណ​បក្ស​​ប្រជាជន​កម្ពុជា​ខិត​​ខំ​​រក្សា​​សន្តិភាពនិងបាននិងកំពុងខំ​​ប្រឹងអភិវឌ្ឍប្រទេស
ចរិតរបស់មេដឹកនាំបក្សនយោបាយ វាពិតជាខុសគ្នារវាងបក្សកាន់អំណាចនិងបក្សប្រឆាំង បក្សប្រ​ឆាំង​ជាទូទៅ​​ ពិតជាមាននូវសារជាតិ​ « ធ្វើអ្វីៗគ្រប់យ៉ាងផ្ទុយពីជំហររបស់បក្សកាន់អំណាច »
 ឥឡូវនេះយើងខ្ញុំសូមទាញនូវការចាប់អារម្មណ៍ពីសំណាក់សាធារណមតិ អំពីអត្តៈចរិតនិង​​បញ្ហា​មួយ​ចំនួន​​ដែលបានកើតមានឡើងនៅក្នុងគណបក្សប្រឆាំងមួយក្នុងប្រទេសកម្ពុជាគឺ​ពិ​ពណ៌​នា​​អំពី​​មេបក្សសិទ្ធិមនុស្ស។
លោក កឹម សុខា ​​ធ្លាប់មានប្រវត្តិលួចអង្ករ ត្រូវបានមជ្ឈដ្ឋានជាច្រើនរិះ​គន់​មក​ដល់​​សព្វថ្ងៃ។ កាល​នៅជា​ប្រធានអង្គការសិទ្ធិ​មនុស្ស​ក្នុង​ស្រុកដែល​​​ទទួល​​ជំនួយ​ពី​អន្តរ​ជាតិ​បាន​យ៉ាង​ច្រើន​​ក្រាស់​ក្រែល​ផងនោះ​ ​​ លោក កឹម សុខា បានខិតខំធ្វើ​​សកម្មភាព​បញ្ចេញ​សម្លេង​តាមរយៈ​វេទិកា​នានានៅតាមមូលដ្ឋាន និង​តាម​វិទ្យុ​ដែល​​ជួល​​ម៉ោង​​គេផ្សាយដើម្បីជាជំហានចាប់ផ្តើមកសាងប្រជាប្រិយភាព។
មុននឹងហក់ចូលក្នុងឆាកនយោបាយលោក កឹម សុខា ត្រូវបានបុគ្គលិកក្នុងអង្គការសិទ្ធិមនុស្សប្តឹងទៅតុលាការពីបទប្រព្រឹត្តអំពើពុករលួយ ប្រើប្រាស់លុយជំនួយខុសគម្រោង បក្សពួកគ្រួសារនិយម និងរំលោភលើកិច្ចសន្យាទៅលើ​​បុគ្គលិកដែលត្រូវបានបណ្តេញចេញពីការងារ។
នៅពេលលោក កឹម សុខា ចាប់ផ្តើមបែកគំនិតបង្កើតគណបក្សសិទ្ធិមនុស្សដំបូងគឺមានប្រវត្តិតថ្លៃគ្នា​​យ៉ាងស្វិតស្វាញអំពីបញ្ហាប្រាក់ខែ ដោយការទាមទារតម្លៃខ្ពស់ពីលោកកឹម សុខា
មន្ត្រីជាន់ខ្ពស់មួយរូប​​ដែលជាស្ថាបនិករបស់​​គណបក្សសិទ្ធិមនុស្សនិងជាមន្ត្រីស្និទ្ធបំផុតរស់នៅ និងដេក​​ដើរជាមួយលោក កឹម សុខា សព្វថ្ងៃមកចូលរួមក្នុងជីវភាពនយោបាយជាមួយគណបក្ស​​ប្រជានកម្ពុជាបាននិយាយការពិតយ៉ាងនេះថា
 លោកកឹម សុខា ចាប់ផ្តើមបង្កើតបក្សសិទ្ធិមនុស្សនេះឡើង គឺបានទៅកៀងគររកប្រាក់ខែ​​​​ឧបត្ថម្ភពីសប្បុរជនជាអ្នករត់តាក់ស៊ីនៅឯក្រៅប្រទេសដោយទាមទារប្រាក់ខែរហូតដល់ជាងមួយម៉ឺនដុល្លាអាមេរិកសម្រាប់ខ្លួនឯងម្នាក់​​ ប៉ុន្តែ ដោយស្ថានការណ៍ពិបាកក្នុងជីវភាពក្រុមអ្នករត់តាក់ស៊ី​​​បញ្ចុះមកនៅត្រឹម៥ពាន់ដុល្លារអាមេរិកដែលលោកកឹម សុខាអស់ជម្រើសក៏ព្រមទទួលយកមកដល់សព្វថ្ងៃ នេះអ្នកនយោបាយស្អាតស្អំ​ ? នេះឬអ្នកនយោបាយស៊ូស្លាប់ដើម្បីបំរើរាស្ត្រ​? នេះអ្នកនយោបាយសុច្ចរិតទៀងត្រង់?...............។ល។ និង។ល។
នៅពេលបង្កើតគណបក្សសិទ្ធិមនុស្សបានហើយ មានអំពើពុករលួយជាច្រើនទៀតបានដក់ជាប់ក្នុងខួរក្បាលរបស់លោក កឹម សុខា ដូចជាក្នុងរឿងបេក្ខជនឈរលេខរៀងទី លំដាប់ខ្ពស់​ (លេខល្អ) គឺទាល់តែបុគ្គលនោះមានប្រាក់ច្រើនប៉ុន្តែ បើគ្មានប្រាក់ទេសូមទោស កុំមកចង់ធ្វើធំក៏កុំសង្ឃឹមថាបាននៅក្បែរគាត់ទោះបីអ្នកទាំងនោះជាមន្ត្រីសកម្ម ធ្វើការងារច្រើន ក៏លោក កឹម សុខា មិនស្គាល់ទាំងលេខទូរស័ព្ទផង ក្រៅពីនេះមន្ត្រីមួយចំនួនទៀតត្រូវបានបណ្តេ​​ចេញដោយសារគ្មានប្រាក់ជួយបក្ស
សព្វថ្ងៃមានមន្ត្រី​​ និងសកម្មជនបក្សសិទ្ធិមនុស្សមិនតិចទេ បានចាញ់បោកគណបក្សសិទ្ធិមនុស្ស រហូតធ្លាក់ខ្លួនក្រ លំបាកវេទនាលក់ដីធ្លីផ្ទះសម្បែងដើម្បីយកប្រាក់មកជួយបក្ស ប៉ុន្តែ បន្ទាប់ពីដឹងថា មេបក្សចោលម៉្សៀត (លោក កឹម សុខា កំពុងធ្វើនយោបាយឆក់កន្តៀត) ​ក៏ដកខ្លួនថយ តែវាអស់លុយទៅហើយនេះហើយហៅថា​ « ក្រដោយសារចូលបក្សខុស»
ក្នុងបទសម្ភាសន៍ថ្មីមួយជាមួយវិទ្យុបរទេសនិយាយជាខេមរភាសាផ្សាយនៅថ្ងៃព្រឹកថ្ងៃទី២៥ ខែ ឧសភា ឆ្នាំ ២០១២នេះ​   ចំនុចមួយក្នុងចំណោមកម្មវិធីនយោបាយរបស់ខ្លួន​​៧ចំនុចលោកកឹម សុខា បាននិយាយ​​បោកប្រាស់ប្រជារាស្ត្រ ដោយឆ្លើយទៅនឹងអ្នកចោទសួរថា បើមេឃុំរបស់បក្សសិទ្ធិមនុស្សឈ្នះឆ្នោតតើត្រូវធ្វើដូចម្តេចឱ្យខុសពីមេឃុំរបស់គណបក្សកាន់អំណាចសព្វថ្ងៃ ? លោក កឹម សុខា ឆ្លើយថា គាត់នឹងអញ្ជើញមេឃុំដែលជាប់ឆ្នោតទាំងអស់របស់គណបក្សសិទ្ធិមនុស្សឱ្យមករៀនសរសេ​​​​​​អំពីគម្រោងដើម្បីសុំប្រាក់ពីម្ចាស់ជំនួយ
និយាយដល់ចំនុចនេះគេផ្តោតទៅលើបញ្ហាមួយដ៏សំខាន់និងជាអទិភាពបំផុតសម្រាប់ជោគវាសនារបស់លោក កឹម សុខា ចំពោះមុខម្ចាស់ឆ្នោត គឺ គេសួរថា « តើសងមិនសងពីព្រោះលោក កឹម សុខា នៅជំពាក់លុយពីអតីមន្ត្រីគណបក្សសិទ្ធិមនុស្សម្នាក់ប្រមាណជិត២ម៉ឺនដុល្លារអាមេរិកដែលខ្លួនបានខ្ចីយកទៅទិញរថយន្តជិះធ្វើនយោបាយរហូតមកដល់សព្វថ្ងៃនេះនៅមិនទាន់សងនៅឡើយ
ដូច្នេះ សូម្បីតែលោកកឹម សុខា ខ្លួនឯងខ្ចីប្រាក់គេនៅមិនទាន់សងផង នេះគឺបញ្ជាក់ថាកឹម សុខា មានមាយាទអន់មែនទែន បើម្ចាស់ជំនួយគ្រាន់តែឃើញឈ្មោះមេបក្សមាយាទថោកយ៉ាងនេះទៅហើយ នោះគេនឹងមិនឱ្យប្រាក់ខ្ចីរាប់សែន រាប់លានថែមទៀតនោះទេ។ ចុះបើជាអ្នកដឹកនាំរដ្ឋាភិបាលមានឈ្មោះ​​​កឹម សុខា ដែលមានមាយាទអន់បែបនេះអ្នកណាគេហ៊ានឱ្យប្រាក់ខ្ចី។
ក្រៅពីនេះ លោកកឹម សុខា បានសន្យាខ្យល់ជាច្រើនទៀត ដូចជា ឃោសនាថាបើបក្សខ្លួនជាប់ឆ្នោតនឹងឱ្យប្រាក់ខែចាស់ៗ៤ម៉ឺនរៀលក្នុងមួយខែៗ ដាក់ធ្មេញមាសឱ្យចាស់ៗ យកមេឃុំទៅលេងអាមេរិក មិនឱ្យខ្មែរអត់ការងារធ្វើសូម្បីតែធ្វើខ្ចៅយន្តហោះក៏ក្លាយជាអ្នកមានទាំងអស់គ្នាដែរ សន្យាជីក​​អណ្តូងមួយថ្ងៃជូនប្រជាពលរដ្ឋឱ្យបានទូទាំងប្រទេសបើគេជាប់ឆ្នោតជាពិសេស សន្យារកប្តីឱ្យស្ត្រីមេម៉ាយ ទាំងនេះ ​​គឺជារបៀបដឹកនាំបែបអារម្មណ៍រវើរវាយ ផ្តេសផ្តាស់ និងការសន្យាខ្លះគឺមាន​​ចរិតផ្តាច់ការដូចរបបប៉ុល ពតគឺនៅត្រង់​ «រកប្តីឱ្យស្ត្រីមេម៉ាយនេះឯង»​
ស្តាប់ការសន្យារបស់មេបក្សសិទ្ធិមនុស្សគឺសុទ្ធតែជាពាក្យបោកប្រាស់ទាំងអស់ពីព្រោះធាតុពិតលោក កឹម សុខា គឺជាជនពុករលួយដល់កម្រិតដែលរង់ចាំតែច្បាប់ចាត់ការនៅពេលខាងមុខតែប៉ុណ្ណោះ
ដូច្នេះ  គណបក្សសិទ្ធិមនុស្សពិតជាមិនមែនកើតចេញពីឆន្ទៈរបស់ប្រជាពលរដ្ឋទេ  គឺវាបានកើតចេញពីការតថ្លៃគ្នាដើម្បីលុយ និងអំណាចបុគ្គល បក្សសិទ្ធិមនុស្សបង្កើតឡើង គឺដើម្បីតែផលប្រយោជន៍និងលាភសក្ការៈរបស់លោក កឹម សុខា តែប៉ុណ្ណោះ ពីព្រោះតែរឿងអាស្រូវពុករលួយក្នុងកំរិតប្រកាសអាសន្នយ៉ាងនេះហើយ ទើបប្អូនប្រុសបង្កើតរបស់កឹម សុខា ក៏មិនអាចទ្រាំទ្ររស់នៅជាមួយលោក កឹម សុខា បានតទៅទៀត សព្វថ្ងៃប្អូនប្រុសរបស់កឹមសុខា ឈ្មោះ លោក កឹម សុខុនក៏បានមកចូលរួមជាមួយគណបក្សប្រជាជនកម្ពុជាផងដែរ ចុះសកម្មជនរបស់បក្សសិទ្ធិមនុស្សដ៏ទៃទៀតនៅរង់ចាំដល់ពេលណាទើបភ្ញាក់ខ្លួន​​?

អត្ថបទដោយៈ គង់ សម្បត្តិ