សម្ដេច
អគ្គមហាសេនាបតីតេជោ ហ៊ុន សែន នាយករដ្ឋមន្ត្រី
នៃព្រះរាជាណាចក្រកម្ពុជា និងលោកជំទាវកិត្តិព្រឹទ្ធបណ្ឌិត ប៊ុន
រ៉ានី ហ៊ុនសែន ដោយមានការ រួមដំណើរ ពី ឯកឧត្តម ង្វៀន តាន់យុង
នាយករដ្ឋមន្ត្រី នៃសាធារណរដ្ឋសង្គមនិយមវៀតណាម និងលោកជំទាវ
បានអញ្ជើញគោរពវិញ្ញាណក្ខន្ធសពយុទ្ធជនកម្ពុជាទាំង៤៩រូប
ដែលបានកសាងឡើងយ៉ាងប្រណិត នៅចំកណ្តាលទីលានគោរពវិញ្ញាណក្ខន្ធសព។
នៅ
ក្នុងពិធី មានអត្ថន័យដ៏ ឧត្តុង្គឧត្តមជាប្រវត្តិសាស្ត្រនោះ
ក៍មានវត្តមាន ឯកឧត្តម ឡេ ខាភៀវ
អតីតអគ្គលេខាធិការមជ្ឈឹមបក្សកុំម្មុយនីស្តវៀតណាម ឯកឧត្តម ឡេ
ឌឹក អាញ់ អតីតប្រធានក្រុមប្រឹក្សារដ្ឋ
នៃសាធារណរដ្ឋសង្គមនិយមវៀតណាម និងលោកជំទាវ
និងឥស្សរជនថ្នាក់ដឹកនាំជាន់ខ្ពស់ នៃសា
ធារណរដ្ឋសង្គមនិយមវៀតណាមជាច្រើនរូបចូលរួម។
ឯខាងកម្ពុជាក៍មានវត្តមានថ្នាក់ ដឹកនាំ ជាន់ខ្ពស់ នៃរាជរដ្ឋាភិបាលនិង
កងកំលាំងប្រដាប់អាវុធ ពិសេសគឺវត្ត
មានបុត្រចំនួន៣រូបរបស់សម្ដេចអគ្គមហាសេនាបតីតេជោ ហ៊ុន
សែនរូមមានឯកឧត្តម ឧត្តមសេនីយ៍ទោ ហ៊ុន ម៉ាណែត ,លោកវរៈសេនីយ៍ទោ
ហ៊ុន ម៉ានិតនិងលោកវរៈសេនីយ៍ទោ ហ៊ុន ម៉ានី ផងដែរ។
ក្នុងដំណើរអញ្ជើញ
ចូលរួមក្នុងពិធីគោរពវិញ្ញាណក្ខន្ធយុទ្ធជនពលីចំនួន៤៩រូប
ដែលបានបូជាជីវិតក្នុងបុព្វហេតុរំដោះ
ប្រទេសនិងអាយុជីវិតប្រជាជនកម្ពុជា ពីរបបប្រល័យពូជសាសន៍ ប៉ុល ពត
និងពិធីសម្ភោធវិមានអនុស្សាវរីយ៍បូជនីយដ្ឋានគោរពវិញ្ញាណក្ខន្ធសម្តេច
អគ្គមហាសេនាបតីតេជោ ហ៊ុន សែន នាយករដ្ឋមន្ត្រី
នៃព្រះរាជាណាចក្រកម្ពុជា និងលោកជំទាវកិត្តិព្រឹទ្ធបណ្ឌិត ប៊ុន
រ៉ានី ហ៊ុនសែន រួមទាំងគណៈប្រតិភូជាន់ខ្ពស់
នៃរាជរដ្ឋាភិបាលកម្ពុជាបាន អញ្ជើញ ដល់ចំណតអាកាសយានដ្ឋានដុងណាយ
នៃសាធារណរដ្ឋសង្គមនិយម វៀតណាម កាលពីវេលាម៉ោង៩
ព្រឹកថ្ងៃទី១មករាឆ្នាំ២០១២ ។សម្តេចតេជោនាយករដ្ឋមន្ត្រី
និងលោកជំទាវទទួលបានការ
ធ្វើគារវកិច្ចស្វាគមន៍យ៉ាងស្និតស្នាលរាក់ទាក់ពីថ្នាក់ដឹកនាំខេត្ត
ដុងណាយ ពិសេសថ្នាក់ដឹកនាំកងទ័ពយោធភូមិភាំកទី៧
នៃកងទ័ពប្រជាជនវៀតណាម និងឯកឧត្តម លោកជំទាវ
ជាឥស្សរជនការទូតរបស់ព្រះរាជាណាចក្រកម្ពុជា
ប្រចាំសាធារណរដ្ឋសង្គមនិយមវៀតណាម ជាច្រើនរូប។
ក្នុង
ឱកាសស្នាក់អាស្រ័យនៅខេត្តដុង ណាយ នៃសាធារណរដ្ឋសង្គមនិយមវៀតណាម
នា រសៀលថ្ងៃទី១មករាឆ្នាំ២០១២ សម្តេចអគ្គមហាសេនាបតីតេជោ ហ៊ុន
សែន នាយករដ្ឋមន្ត្រី នៃព្រះរាជាណាចក្រកម្ពុជា
និងលោកជំទាវកិត្តិព្រឹទ្ធបណ្ឌិត ព្រមទាំង
បានអញ្ជើញចូលជួបសំដែងការគួរសមនិងសួរសុខទុក្ខ ចំពោះឯកឧត្តម ឡេ
ឌឹកអាញ់ អតីតប្រធានក្រុមប្រឹក្សារដ្ឋ
នៃសាធារណរដ្ឋសង្គមនិយមវៀតណាម និងភរិយា ។
មានប្រសាសន៍ក្នុងជំនួបនោះ ឯកឧត្តម ឡេ ឌឹកអាញ់
បានវាយតម្លៃខ្ពស់ចំពោះសមិទ្ធផលនិងការរីកចំរើនទាំងឡាយដែល
គណបក្សប្រជាជនកម្ពុជា
សំរេចបានក្នុងការការពារនិងអភិវឌ្ឍន៍ប្រទេសកម្ពុជា
ហើយឯកឧត្តមបានកត់សំគាល់ថា សម្តេចតេជោ
គឺជាជន១រូបដ៏សំខាន់ក្នុងការធ្វើឲ្យសំរេចបានូវសមិទ្ធផលទាំងនេះ
។ ទាំងសម្តេចតេជោ នាយក រដ្ឋមន្ត្រី និងទាំងឯកឧត្តម ឡេ
ឌឹកអាញ់ បានរំលឹកឡើងវិញនូវអនុស្សាវរីយ៍ពីអតីតកាល
ក្នុងពេលដែលវៀតណាម បានជួយរៀបចំបង្កើតចលនាតស៊ូ
ដើម្បីឈានឆ្ពោះទៅរំដោះប្រទេសនិងប្រជាជនកម្ពុជាឲ្យរួចផុតពីការ
កាប់សម្លាប់ នៅក្នុងរបបប្រល័យពូជសាសន៍ប៉ុលពត
ដែលទទួលបានជ័យជំនេះនៅថ្ងៃ៧មករា១៩៧៩។
សម្តេចតេជោនាយករដ្ឋមន្ត្រី
បានថ្លែងអំណរគុណយ៉ាងជ្រាលជ្រៅវចំពោះវៀតណាម
ដែលនៅក្នុងគ្រាដ៏លំបាកលំបិននោះ
វៀតណាមបានសំរេចចិត្តខាងនយោបាយជួយដល់កម្ពុជា
រហូតដល់ជាប់ទណ្ឌកម្ម ខ្លួនឯងដែលត្រូវបានគេចោទថា
ឈ្លានពានកម្ពុជា។
សម្តេចតេជោបញ្ជាក់ថា មកដល់ពេលនេះ បញ្ហានោះបានកន្លងផុតហើយ
ហើយក៏មានការយកមេដឹកនាំខ្មែរក្រហមទៅកាត់ទោសទៀតផង
ដែលការកាត់ទោសមេដឹកនាំខ្មែរក្រហមនេះ ឆ្លុះបញ្ចាំងឲ្យឃើញថា
ការជួយរំដោះកម្ពុជា ពីសំណាក់កងទ័ព វៀតណាមនោះ គឺជាការត្រឹមត្រូវ
។ សម្ដេចតេជោមានប្រសាសន៍បញ្ជាក់ថា« នៅពេលនោះ
បើមិនមានការជួយជ្រោមជ្រែង ពីវៀតណាមទេ
កម្ពុជាក៏មិនមានថ្ងៃនេះដែរ» ។
ដោយឡែកទាក់ទិននឹង ការប្រារព្ធពិធី នៅបូជនីយដ្ឋាន
ឡុងយ៉ាវនាថ្ងៃទី២មករា សម្តេចអគ្គសេនាមហាបតីតេជោ ហ៊ុន សែន
លើកឡើងថា ការប្រារព្ធពិធីនោះ
មិនមែនចង់បញ្ជាក់ថាជាកំលាំងដាច់ដោយឡែកនោះទេ
ប៉ុន្តែគ្រាន់តែចង់បង្ហាញថា ជាផ្នែកមួយដែលបានកសាងកំលាំងបន្ត
ទៅរណសិរ្សសាមគ្គីសង្គ្រោះជាតិកម្ពុជា
។សម្តេចតេជោចាត់ទុកថ្ងៃទី២មករានោះ គឺជាថ្ងៃដ៏សំខាន់ដែល
ឆ្លើយតបទៅ ពិភពលោកទាំងមូលឲ្យបានដឹងច្បាស់
អំពីប្រវត្តិសាស្ត្រនៃការជួយរបស់វៀតណាម ចំពោះកម្ពុជា
ដែលផ្ទុយពីទស្សនៈដែលចោទថា វៀតណាមឈ្លានពានកម្ពុជា ។
សម្ដេចបញ្ជាក់ថា បើមិនមានការជួយរៀបចំកំលាំងពីវៀតណាមនោះទេ
ក៏មិនអាចផ្តួលរំលំរបបប្រល័យពូជសាសន៍បានដែរ ។
ដោយឡែកក្នុង
ពិធីជប់លៀងអាហារពេលល្ងាច
ដែលរៀបចំឡើងដោយគណៈកម្មាធិការបក្សខេត្តដុងណាយ
នៃសាធារណរដ្ឋសង្គមនិយមវៀតណាម នៅសណ្ឋាគារវូស៊ូ
សម្តេចតេជោនាយករដ្ឋមន្ត្រី
បានរំលឹកអំពីប្រវត្តិអនុស្សាវរីយ៍ដ៏ជូចត់ ដែលរូបសម្តេចផ្ទាល់
រួមនឹងថ្នាក់ដឹកនាំនានា ជាពិសេសបណ្តាឯកឧត្តមឧត្តមសេនីយ៍
និងលោកជំទាវនានា
ធ្លាប់បានចូលរួមក្នុងចលនាតស៊ូនៃការបង្កើតកងកំលាំងប្រដាប់អាវុធនៅ
ឡុងយ៉ាវ ដែលជាចំនុចចាប់ផ្តើមឈានទៅបង្កើត
រណសិរ្សសាមគ្គីសង្គ្រោះជាតិកម្ពុជា នាថ្ងៃ២ធ្នូឆ្នាំ១៩៧៨។
សម្តេចតេជោបញ្ជាក់ថា មិនមែនជាការចៃដន្យទេ
ដែលយើងបានប្រឹងប្រែង
ហើយការជួបជុំនេះដើម្បីបញ្ជាក់អំពីប្រវត្តិខ្លះៗ
នៃការកកើតកំលាំងប្រដាប់អាវុធសាមគ្គីសង្គ្រោះជាតិកម្ពុជា។
សម្តេចតេជោថ្លែង ថា ថ្ងៃ១២ ខែឧសភា ឆ្នាំ១៩៧៨
កំលាំងរបស់យើងបានដាក់ចេញ និងមានកំលាំងនៅម្ខាងទៀត
ហើយនៅក្នុងពេលដែលកំលាំងនេះ
បានបង្កើតនៅថ្ងៃទី១២ខែឧសភាឆ្នាំ៧៨នោះ កំលាំងនេះមានឈ្មោះថា
កងកំលាំងប្រដាប់អាវុធសាមគ្គីសង្គ្រោះជាតិកម្ពុជា។ បន្ទាប់មក
រណសិរ្សរបស់យើងក៏មានឈ្មោះថាជារណសិរ្សសាមគ្គីសង្គ្រោះជាតិកម្ពុជា
។ សម្តេចតេជោបញ្ជាក់ថា ចំនុចនេះ
ពិតមែនតែមិនអាចនិយាយអស់នៅក្នុងសុន្ទរកថា
របស់សម្តេចដែលនឹងថ្លែងនៅថ្ងៃទី២មករា
ប៉ុន្តែគឺមានអត្ថន័យយ៉ាងជ្រាលជ្រៅខ្លាំងណាស់
ជាមួយនឹងការគិតគូរម៉តចត់
ព្រមជាមួយសហការីនានាដើម្បីលើកឡើងនូវឈ្មោះ កងកំលាំងប្រដាប់អាវុធ
សាមគ្គីសង្គ្រោះជាតិកម្ពុជា ហើយសម្តេចមានសេចក្តី
សប្បាយរីករាយណាស់នៅពេលបានជួបជាមួយសម្តេច ហេង សំរិន សម្តេច
ជា ស៊ីម និងថ្នាក់ដឹកនាំ នៃចលនាប្រជាជាតិ។
នៅពេលនោះត្រូវបានសំរេចដោយ យកឈ្មោះថា
រណសិរ្សសាមគ្គីសង្គ្រោះជាតិកម្ពុជា
ស្របនឹងឈ្មោះកងកំលាំងប្រដាប់អាវុធសាមគ្គីសង្គ្រោះជាតិកម្ពុជា
ដែលយើងបានដាក់តាំងពី៧ខែមុន
នៃការបង្កើតរណសិរ្សសាមគ្គីសង្គ្រោះជាតិកម្ពុជា។
សម្តេច
តេជោនាយករដ្ឋមន្ត្រី គូសបញ្ជាក់ថា យើង ជួបជុំគ្នានៅពេលនេះ
មិនមានន័យថា មានការបែងចែកបងប្អូនដទៃទៀតជាមួយនឹងកំលាំង
ចលនាជាតិទាំងមូលនោះទេ ប៉ុន្តែចាំបាច់ណាស់
គឺយើងក៏ត្រូវតែរំលឹកទៅដល់ទីកន្លែង
ដែលបានចាប់កកើតកំលាំងនៃចលនាតស៊ូរបស់យើង
ហើយមានទាំងសាកសពយុទ្ធជន របស់យើងដែលកប់នៅទីនេះផងដែរ។
សម្តេចតេជោបានមានប្រសាសន៍ថា
កំលាំងចេញពីទីនេះ បានក្លាយទៅជាកំលាំងមួយ
ក្នុងចំណោមកំលាំងជាតិទាំងមូល ហើយចាប់តាំងពីពេលនេះមក
យើងក៏បានរួមគ្នាជាមួយប្រជាជនទាំងមូល
កសាងនិងអភិវឌ្ឍន៍ប្រទេសជាតិ
រំដោះប្រទេសឲ្យរួចផុតពីរបបប្រល័យពូជសាសន៍ប៉ុលពត
ដោយមានការជួយឧបត្ថម្ភគាំទ្រពីកងទ័ពស្ម័គ្រចិត្តវៀតណាម
គឺយើងបានចាប់ផ្តើមយកជីវិតធ្វើ
ជាដើមទុនដើម្បីតស៊ូរហូតយើងមានអ្វីៗគ្រប់បែបយ៉ាង
ដែលពីមុនក្នុងប្រវត្តិសាស្ត្រកម្ពុជា ជាង៥០០ឆ្នាំហើយ
មិនទាន់បានជួបប្រទះនោះ គឺសន្តិភាព ឯកភាពទឹកដី ។
ទាំងនេះក៏ផ្តើមចេញពីសមិទ្ធផលដ៏ធំធេងរបស់គណបក្សប្រជាជនកម្ពុជា ។
ឯកឧត្តម ឡេខាភៀវ
អតីតអគ្គលេខាធិការមជ្ឈឹមបក្សកម្មុយនីសវៀតណាម
ដែលមានវត្តមានក្នុងពិធីលាងសាយ ភោជន៍នោះក៏បានរំលឹកផងដែរ
អំពីប្រវត្តិនៃកំលាំងសាមគ្គីនេះ ជាពិសេសទំនាក់ទំនងមិត្តភាព
សាមគ្គីភាពដ៏រឹងមាំរវាងបក្សនិងរដ្ឋ
រវាងកងទ័ពនិងកងទ័ពនៃប្រទេសទាំង២ កម្ពុជា វៀតណាម ។ឯកឧត្តម
ឡេខាភៀវ បានគូសបញ្ជាក់ថា អនុស្សាវរីយ៍នៃចំណងមិត្តភាព
សាមគ្គីភាពនេះ គឺបានកើតឡើងដោយឈាមហើយទំនាក់ទំនងមិត្តភាព
សាមគ្គីភាពនិងកិច្ចសហប្រតិបត្តិការលើគ្រប់វិស័យរវាងប្រទេសទាំង២
នឹងនៅតែស្ថិតស្ថេររឹងមាំជារៀងរហូត។
ឯកឧត្តមឡេ ខាភៀវ មានប្រសាសន៍ថា
នៅកម្ពុជាគឺមានវិមានអនុស្សាវរីយ៍មិត្តភាពកម្ពុជា
វៀតណាមមួយកន្លែង ហើយនៅវៀតណាមនេះ
ក៏មានវិមានអនុស្សាវរីយ៍មិត្តភាពវៀតណាម
កម្ពុជាមួយកន្លែងដូចគ្នាដែរ។
ជាមួយនិងអ្វីដែលបានជួបជុំគ្នានៅថ្ងៃនេះ
និងថ្ងៃទី២មករាឆ្នាំ ២០១២ ឯកឧត្តម ឡេ ខាភៀវ មានប្រសាសន៍ថា
ព្រឹត្តិការណ៍នេះគឺជាកំលាំងមហាសាមគ្គី ដែល មិនអាចកាត់ផ្តាច់បាន
ក្នុងការជំរុញទំនាក់ទំនង កិច្ចសហប្រតិបត្តិការ
នៃប្រជាជាតិប្រទេសទាំងពី កម្ពុជា វៀតណាម
ឲ្យកាន់តែរឹងមាំរីកចំរើនជានិច្ចនិរន្តរ៍តរៀងទៅ។
សូមបញ្ជាក់ថា អង្គភាព១២៥ គឺជាឈ្មោះអង្គភាពដំបូង នៃកងកម្លាំងសាមគ្គីសង្គ្រោះជាតិកម្ពុជា ដែលបានបង្កើតឡើងនៅថ្ងៃទី១២ខែឧសភាឆ្នាំ១៩៧៨ ជាចំនុចចាប់ផ្តើមដំបូងគេបង្អស់ នៃ ចលនាតស៊ូរបស់កម្ពុជា ចេញពីប្រទេសវៀតណាម ក្រោមការដឹកនាំដោយផ្ទាល់ពីសម្តេច ហ៊ុន សែន មុននឹងឈានដល់ការបង្កើត រណសិរ្សសាមគ្គីសង្គ្រោះជាតិកម្ពុជា នៅថ្ងៃទី២ធ្នូឆ្នាំ១៩៧៨ ដែលជាចលនារួមរបស់ជាតិ ឆ្ពោះទៅរំដោះប្រទេស និងប្រជាជនកម្ពុជា ឲ្យបានរួចចាកផុតពីរបបប្រល័យពូជសាសន៍ ប៉ុលពត នៅថ្ងៃទី៧ខែមករាឆ្នាំ១៩៧៩។ ឃុំឡុងយ៉ាវគឺជាទីកន្លែងមួយដែលបានបញ្ចុះសាសពកម្មាភិបាល យុទ្ធជន កម្ពុជាចំនួន៤៩រូប នៃអង្គភាព១២៥ ដែលកងកំលាំងប្រដាប់អាវុធនៃភូមិភាគទី៧ គឺយុទ្ធជន កងពលធំលេខ៣០២ និងប្រជាជនខេត្តដុងណាយ បានយកចិត្តទុកដាក់ជានិច្ច ក្នុងការថែរក្សា ដែលនោះគឺជាមនោសញ្ចេតនាយ៉ាងជ្រាលជ្រៅបំផុត ចំពោះយុទ្ធជនបដិវត្តន៍កម្ពុជា។
ពិធី
សម្ពោធតំបន់ប្រវត្ដិសាស្ដ្រ ទីតាំងបង្កើតអង្គភាព១២៥
ជាសក្ខីភាពនៃស្មារតីអង់អាច របស់សម្ដេចនាយករដ្ឋមន្ដ្រី ហ៊ុន សែន
និងរបស់កម្មាភិបាល,យុទ្ធជនកម្ពុជា ហើយក៏ជាភស្ដុតាង
ប្រវត្ដិសាស្ដ្រមួយ ឆ្លុះបញ្ចាំងអំពីស្មារតីជួយគ្នាទៅវិញទៅមក
និងចំណងសាមគ្គីភាព រួមសុខរួមទុក្ខរបស់កងទ័ព
និងប្រជាជនប្រទេសទាំងពីរនិង
ជាការរំលឹកអំពីប្រវត្ដិសាស្ដ្រជិត៣៤ឆ្នាំនៃការក្រោកឈរតស៊ូ ឡើងវិញ
នៅឡុងយ៉ាវ ក្រោមការជួយគាំទ្រពីបក្ស រដ្ឋនិងប្រជាជន
នៅខេត្តដុងណាយប្រទេសវៀតណាម។ ពេលនោះ កម្មាភិបាល
និងយុទ្ធជនកម្ពុជាជាង២០០នាក់ បានជួបជុំប្រមូលផ្ដុំគ្នា
នៅក្រោមបញ្ជារបស់សម្ដេច ហ៊ុន សែន ដែលពេលនោះ ជាសមមិត្ដ ហ៊ុន
សែន បង្កើតបានកងឯកភាពលេខ ១២៥ ប្រភពដើម នៃ កងកម្លាំងប្រដាប់អាវុធ
សាមគ្គីសង្គ្រោះជាតិកម្ពុជា។ ការបង្កើតកងឯកភាព១២៥ បានឆ្លើយតប
សំណូមពរចាំបាច់នៃប្រវត្ដិសាស្ដ្រ
និងធ្វើឲ្យមាននូវការប្រែប្រួលមួយ ដែលជារបត់ ក្នុងការតស៊ូ
របស់ប្រជាជនកម្ពុជា ដើម្បីលុបបំបាត់របបប្រល័យពូជសាសន៍ ប៉ុល ពត។
តាំងពីថ្ងៃចាប់ប្រភពមក
កងកម្លាំងប្រដាប់អាវុធសាមគ្គីសង្គ្រោះជាតិកម្ពុជាបានកៀកស្មា ជាមួយ
កងទ័ពស្ម័គ្រចិត្ដវៀតណាម ដណ្ដើមបានស្នាដៃដ៏អង់អាច
និងត្រចះត្រចង់ រួមចំណែកយ៉ាងសំខាន់ក្នុងការនាំមក
នូវជ័យជំនះប្រវត្ដិសាស្ដ្រ ថ្ងៃ៧មករាឆ្នាំ១៩៧៩
ក៏ដូចជាការរស់រានឡើងវិញ សំរាប់ប្រជាជាតិកម្ពុជា
ក៏ដូចជាការទប់ស្កាត់ មិនអោយរបបប្រល័យពូជសាសន៍ វិលត្រឡប់មកវិញ
ជាដាច់ខាត ។
ក្នុងពិធីនេះដែរ សម្ដេចតេជោនិងលោកជំទាវកិត្តិព្រឹទ្ធបណ្ឌិត ក៏បាននាំអំណោយទៅជូន គ្រួសារកងទ័ពកងទ័ពវៀតណាមចំនួន១០០គ្រួសារ ក្នុងនោះគ្រួសារពលីចំនួន៣៩គ្រួសារ ក្នុង១គ្រួសារទទួលបាន ឃីត១កញ្ចប់ ដែលមានមុងចំនួន២ និងភួយចំនួន២ និងថវិកា៣០០ដុល្លា គ្រួសារអ្នកជំងឺចំនួន២៨គ្រួសារ ក្នុង១គ្រួសារ ទទួលបានឃីត១កញ្ចប់ និងថវិកា២០០ដុល្លា គ្រួសារចូលនិវត្តន៍ ចំនួន៤៣គ្រួសារ គ្នុង១គ្រួសារ ទទួលបានឃីត១កញ្ចប់ និងថវិកាចំនួន១០០ដុល្លារអាមេរិច។ ជាមួយគ្នានេះ សម្ដេចនិងលោកជំទាវ ក៏បានឧបត្ថម្ភជូនដល់កងពលធំលេខ៣០២ កងទ័ពវៀតណាម នូវស្រាបៀរអង្គរចំនួន៥០០កេស ត្រីងៀត៣០០គីឡូក្រាម ត្រីប្រម៉ា១០០គីឡូក្រាម និងត្រីឆ្អើរ១០០គីឡូក្រាម។
ក្នុងពិធីនេះដែរ សម្ដេចតេជោនិងលោកជំទាវកិត្តិព្រឹទ្ធបណ្ឌិត ក៏បាននាំអំណោយទៅជូន គ្រួសារកងទ័ពកងទ័ពវៀតណាមចំនួន១០០គ្រួសារ ក្នុងនោះគ្រួសារពលីចំនួន៣៩គ្រួសារ ក្នុង១គ្រួសារទទួលបាន ឃីត១កញ្ចប់ ដែលមានមុងចំនួន២ និងភួយចំនួន២ និងថវិកា៣០០ដុល្លា គ្រួសារអ្នកជំងឺចំនួន២៨គ្រួសារ ក្នុង១គ្រួសារ ទទួលបានឃីត១កញ្ចប់ និងថវិកា២០០ដុល្លា គ្រួសារចូលនិវត្តន៍ ចំនួន៤៣គ្រួសារ គ្នុង១គ្រួសារ ទទួលបានឃីត១កញ្ចប់ និងថវិកាចំនួន១០០ដុល្លារអាមេរិច។ ជាមួយគ្នានេះ សម្ដេចនិងលោកជំទាវ ក៏បានឧបត្ថម្ភជូនដល់កងពលធំលេខ៣០២ កងទ័ពវៀតណាម នូវស្រាបៀរអង្គរចំនួន៥០០កេស ត្រីងៀត៣០០គីឡូក្រាម ត្រីប្រម៉ា១០០គីឡូក្រាម និងត្រីឆ្អើរ១០០គីឡូក្រាម។
សូមបញ្ជាក់ថា ឆ្លើយតបតាមការស្នើរបស់កម្ពុជា
កងទ័ពវៀតណាមយោធភូមិភាគទី៧ បានជួយរៀបចំកសាងឡើងវិញម្តងទៀត
ប្រកបដោយសោភ័ណភាពប្រណីត ដែលតំបន់អនុស្សាវរីយ៍ប្រវត្តិសាស្ត្រនេះ
ធ្លាប់ត្រូវបានសម្តេចតេជោ
សម្ពោធម្តងរួចមកហើយក្នុងឆ្នាំ២០០២ ។
ក្រៅពីនេះសាលាស្រុកគឹមមី ក៏បានជួយកសាងផ្លូវកៅស៊ូ
ចូលទៅតំបន់អនុស្សាវរីយ៍ប្រវត្តិសាស្ត្រនេះដែលមានប្រវែងជាង២គ.ម
ផងដែរ ។
នៅ
ក្នុងពិធីសម្ភោធតំបន់ ប្រវត្តិសាស្ត្រ
ទីតាំងបង្កើតអង្គភាព១២៥នោះដែរសម្ដេចតេជោនាយករដ្ឋមន្ត្រី
និងលោកជំទាវកិត្តិព្រឹទ្ធបណ្ឌិត បណ្ដាថ្នាក់ដឹកនាំកម្ពុជា
រួមនឹងឯកឧត្តម នាយករដ្ឋមន្ត្រី ង្វៀន តាន់យុង និងលោកជំទាវ
និងថ្នាក់ដឹកនាំជាន់ខ្ពស់វៀតណាមមួយចំនួនទៀត បានដាំដើមឈើ
ដើម្បីទុកជាអនុស្សាវរីយ៍ ។
អត្ថបទអង្គភាពព័ត៌មាននិងប្រតិកម្មរហ័ស