Friday, January 6, 2012
សម្តេចតេជោ ហ៊ុន សែន និងលោកជំទាវ សម្ពោធដាក់ឲ្យប្រើប្រាស់ស្ពានអាកាស ៧មករា
ស្ពានអាកាសទី២ក្នុងរាជធានីភ្នំពេញ
ដែលត្រូវបានប្រសិទ្ធិនាមថា ស្ពានអាកាស
៧មករា (ពេទ្យលោកសង្ឃ) ដែលមាន ទីតាំងនៅចំណុចប្រសព្វមហាវិថីសហព័ន្ធរុស្ស៊ីវិថីកម្ពុជាក្រោម
ផ្លូវលេខ២៧១ និងផ្លូវលេខ៥៩៦ ស្ថិតក្នុងខណ្ឌទួលគោក និងខណ្ឌសែនសុខ
ត្រូវបានសម្ពោធដាក់ឲ្យប្រើប្រាស់ នាព្រឹកថ្ងៃទី៦ ខែមករា ឆ្នាំ២០១២
ក្រោមអធិ បតីភាព សម្តេចអគមហាសេនាបតីតេជោ ហ៊ុន សែន រួមជាមួយ លោកជំទាវ កិត្តិព្រឹទ្ធបណ្ឌិត ប៊ុនរ៉ានី ហ៊ុន សែន
។
មានប្រសាសន៍ក្នុងពិធីសម្ពោធដាក់ឲ្យប្រើប្រាស់ស្ពានអាកាស៧មករា
សម្តេចតេជោនាយករដ្ឋមន្រ្តី បានកោតសរសើរ ឯកឧត្តមអភិបាលរាជធានីភ្នំពេញ កែប ជុតិមា និងក្រុមហ៊ុន អានិកជនវិនិយោគរបស់លោកឧកញ៉ា
ពង្ស ឃាវសែ ដែលបានខិតខំប្រឹងប្រែងកសាងស្ពានអាកាស៧មករា
នេះ នឹងបានថ្លែងអំណរគុណចំពោះប្រជាពលរដ្ឋ ដែលរស់នៅម្តុំនេះ ដោយបានចូលរួមសហការ
និងជួបការលំបាកជាច្រើន ក្នុងអំឡុងពេលសាងសង់ និងប្រជាពលរដ្ឋដែលធ្វើដំណើរក្នុងដំណាក់កាល
សាងសង់នេះ ។
សម្តេចតេជោ បានរិះគន់ចំពោះក្រុមអ្នកនយោបាយ នឹងក្រុមអ្នកតំណាងរាស្រ្តប្រឆាំងមួយចំនួន
ដែលមិនទទួលស្គាល់ការរីកចំរើន និងការអភិវឌ្ឍន៍នៅក្នុងប្រទេសកម្ពុជា ។ សម្តេចតេជោបានលើកសំណួរថា ក្រោយថ្ងៃរំដោះ៧មករា
ឆ្នាំ ១៩៧៩ តើអ្នកទទួលស្គាល់ថា នៅភ្នំពេញគ្មានមនុស្ស នៅទេ ហើយឥឡូវតើអ្នកទទួលស្គាល់
ភ្នំពេញស្ទះចរាចរទេ ។ អ្នកខ្លះចោទគេថា អ្នកជិះឡាន គឺជាអ្នកពុករលួយ ចុះអ្នកវិញជិះឡានដែរនោះ
ហើយមានតំណាងរាស្រ្តខ្លះ មានសណ្ឋាគារ នៅសៀមរាបទៀតផង ។
ចំពោះការស្នើសុំរបស់ឯកឧត្តម
កែប ជុតិមា អភិបាលរាជធានីភ្នំពេញ កសាងស្ពានអាកាស
ស្ទឹងមានជ័យ មួយបនែ្ថមទៀត សម្តេចតេជោ
ហ៊ុន សែន បានឯកភាពអនុញ្ញាត អោយសាងសង់ ហើយចាប់ផ្តើមនៅពេលណា បញ្ហាធំ គឺត្រូវសុំសហការ
និងផ្តល់សំណង ដល់ប្រជាពលរដ្ឋ ដែលរងផលប៉ះពាល់ ។
សម្តេចតេជោនាយករដ្ឋមន្រ្តី បានប្រគល់ភារកិច្ចទាំងមូល
ពាក់ព័ន្ធនឹងការសាង់សងស្ពានអាកាសទី ៣ ស្ទឹងមានជ័យ ជូនឯកឧត្តមអភិបាលរាជធានីភ្នំពេញ
កែប ជុតិមា រួមទាំងចេញ ស.ជ.ណ ជម្រាបជូនដល់ប្រជាពលរដ្ឋ
ដែលរស់នៅក្បែរតំបន់ស្ទឹងមានជ័យផង ។
ស្ពានអាកាស ៧មករា សាងសង់លើមហាវិថីសហព័ន្ធរុស្ស៊ី
មានប្រវែង៣៤៥ម៉ែត្រ ទទឹង១៦,២០ម៉ែត្រ និងស្ថិតនៅលើ វិថីកម្ពុជាក្រោម
មានប្រវែង១៦០ម៉ែត្រ ទទឹង៦,៥០ម៉ែត្រ ។ រីឯកំពស់ស្ពានមានកំពស់ ៥,២០ម៉ែត្រ
ប្រើរយៈពេលសាងសង់ ១២ខែ បញ្ចប់ពេលសាងសង់ នៅថ្ងៃទី៣១ ខែធ្នូ ឆ្នាំ២០១១
និងធ្វើការចំណាយអស់ថវិកា ចំនួន ៨.៧០៥.៨០៨ដុល្លារ សហរដ្ឋអាមេរិក ដែលជាថវិកាបានមកពីការអភិវឌ្ឍន៍តំបន់កោះពេជ្រ
ដោយក្រុមហ៊ុនវិនិយោគអនិកជនកម្ពុជា(OCIC)។ ស្ពានអាកាស៧មករា
ក្រៅពីជួយសម្រួលដល់ការកកស្ទះចរាចរ ខណៈដែលយានយន្ត
និងប្រជាពលរដ្ឋមានការកើនឡើងនៅរាជធានីភ្នំពេញ ស្ពាននេះក៏សំរាប់ស្វាគមន៍
កិច្ចប្រជុំកំពូលអាស៊ាន ដែលកម្ពុជាធ្វើជាម្ចាស់ផ្ទះ
នៅឆ្នាំ២០១២នេះផងដែរ។
Subscribe to:
Posts (Atom)