Friday, January 13, 2012
សេចក្តីប្រកាសព័ត៌មាន ស្តីពីលទ្ធផលនៃសម័យប្រជុំពេញអង្គគណៈរដ្ឋមន្ត្រី ថ្ងៃទី ១៣ ខែ មករា ឆ្នាំ២០១២
សេចក្តីប្រកាសព័ត៌មាន
ស្តីពីលទ្ធផលនៃសម័យប្រជុំពេញអង្គគណៈរដ្ឋមន្ត្រី
ថ្ងៃទី
១៣ ខែ មករា ឆ្នាំ២០១២
ថ្ងៃទី ១៣ ខែ មករា
ឆ្នាំ២០១២ វេលាម៉ោង ៨ និង៣០នាទីព្រឹក នៅវិមានសន្តិភាពមានបើកសម័យប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៍ខ្ពង់ខ្ពស់បំផុតរបស់
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងអាណត្តិទី ៤ ដើម្បីឆ្លងៈ
១ -សេចក្តីព្រាងកម្មវិធីវិនិយោគសាធារណៈ
បីឆ្នាំរំកិល ២០១២-២០១៤ ។
២-សេចក្តីព្រាងព្រះរាជក្រឹត្យ
ស្តីពីការបង្កើតគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា
។
៣-សេចក្តីព្រាងសារាចរណែនាំ
ស្តីពីការអភិវឌ្ឍតំបន់ឆ្នេរសមុទ្រនៃព្រះរាជាណាចក្រកម្ពុជា ។
៤-បញ្ហាផ្សេងៗ ៖
ក្រោយពីបានស្តាប់របាយការណ៍
និងមតិពិភាក្សាផ្លាស់ប្តូរយោបល់រួចមក កិច្ចប្រជុំពេញអង្គគណៈរដ្ឋមន្ត្រីបានសម្រេចអនុម័តនូវ៖
I- សេចក្តីព្រាងកម្មវិធីវិនិយោគសាធារណៈ
បីឆ្នាំរំកិល ២០១២-២០១៤ ៖
ដោយបានទទួលការគាំទ្រ
និងកិច្ចសហការយ៉ាងជិតស្និទ្ធពី ក្រសួងសេដ្ឋកិច្ចនិងហិរញ្ញវត្ថុ
ឧត្តមក្រុមប្រឹក្សាសេដ្ឋកិច្ចជាតិ និង គណៈកម្មាធិការនីតិសម្បទានិងអភិវឌ្ឍន៍កម្ពុជា
ក្រសួងផែនការបានរៀបចំ សេចក្តីព្រាងកម្មវិធីវិនិយោគសាធារណៈ បីឆ្នាំរំកិល
២០១២-២០១៤នេះឡើងដោយផ្អែកលើយុទ្ធសាស្រ្តចតុកោណដំណាក់កាលទី២
របស់រាជរដ្ឋាភិបាល និង ផែនការយុទ្ធសាស្រ្តអភិវឌ្ឍន៍ជាតិ(ផ.យ.អ.ជ) បច្ចុប្បន្នកម្ម ២០០៩-២០១៣
ដែលទទួលបានការអនុម័តពីស្ថាប័ននីតិប្បញត្តិកាលពីថ្ងៃទី ៣១ ខែឧសភា
ឆ្នាំ ២០១០។
គោលបំណងសំខាន់នៃកម្មវិធីវិនិយោគសាធារណៈ(ក.វ.ស) បីឆ្នាំរំកិល២០១២-២០១៤
គឺធ្វើការបង្ហាញពីទិន្នន័យគម្រោងវិនិយោគ
ដែលមានអាទិភាពខ្ពស់របស់ក្រសួង ស្ថាប័ននៃរាជរដ្ឋាភិបាលកម្ពុជា ក៏ដូចជាដើម្បីឈានទៅសម្រេចបាននូវការធ្វើ
សុខដុមនីយកម្ម ការងារ ផែនការ ចំណាយវិនិយោគសាធារណៈរបស់រដ្ឋ និង
ហិរញ្ញប្បទានសហប្រតិបត្តិការ និងដើម្បីពង្រឹងយន្តការស្ថាប័នសម្រាប់ការងារនេះផងដែរ។
ដើម្បីធ្វើឲ្យសម្រេចបាននូវកំណើនសេដ្ឋកិច្ច(ផ.ស.ស) ៦-៧% និងអាទិភាពនានាដែលគាំទ្រប្រជាជនក្រីក្រ
និងជនបទ ដូចជាការអភិវឌ្ឍន៍កសិកម្ម និងជនបទ តាមរយៈការលើកកម្ពស់ផលិតភាពនិងពិពិធកម្មកសិកម្ម
ដូចដែលបានកំណត់រួចមកហើយនៅក្នុង យុទ្ធសាស្រ្តចតុកោណដំណាក់កាលទី២
និង ផ.យ.អ.ជ បច្ចុប្បន្នកម្ម ២០០៩-២០១៣ នោះ សេចក្តីព្រាងកម្មវិធីវិនិយោគសាធារណៈ
បីឆ្នាំរំកិល ២០១២-២០១៤ បានធ្វើការវិភាជធនធានប្រមាណ ៦៥%
សម្រាប់ការវិនិយោគនៅតំបន់ជនបទ។
II-សេចក្តីព្រាងព្រះរាជក្រឹត្យ ស្តីពីការបង្កើតគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា
៖
សេចក្តីព្រាងព្រះរាជក្រឹត្យ
ស្តីពីការបង្កើតគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា ត្រូវបានរៀបចំឡើងដោយ លេខាធិការដ្ឋាននៃគណៈកម្មការអន្តរក្រសួង
ដើម្បីដាក់ឆ្នេរសមុទ្រកម្ពុជាជាសមាជិកឆ្នេរសមុទ្រដែលស្អាតបំផុតលើសកលលោក
តាមអនុសាសន៍ដ៏ខ្ពង់ខ្ពស់របស់សម្តេចតេជោនាយករដ្ឋមន្រ្តី
ដែលបានលើកឡើងក្នុងសុន្ទរកថា នាឱកាសពិធីអបអរសាទរការដាក់បញ្ចូលឆ្នេរសមុទ្រកម្ពុជាជាសមាជិកក្លឹបឆ្នេរសមុទ្រ
ដែលស្អាតបំផុតលើសកលលោក នៅក្រុងព្រះសីហនុកាលពីថ្ងៃទី ១១ ខែ កក្កដា
ឆ្នាំ ២០១១។
គណៈកម្មាធិការគ្រប់គ្រង
និងអភិវឌ្ឍតំបន់ឆ្នេរសមុទ្រកម្ពុជា(គ.អ.ឆ.ក)
ដែលត្រូវបង្កើតឡើងដោយព្រះរាជក្រឹត្យនេះ នឹងធ្វើជាសេនាធិការផ្ទាល់របស់រាជរដ្ឋាភិបាលក្នុងការគ្រប់គ្រង
និងអភិវឌ្ឍនៅតំបន់ឆ្នេរសមុទ្រ ដែលមានឆ្នេរសមុទ្រ ដីចំណីឆ្នេរសមុទ្រ
តំបន់រណប កោះ ដៃសមុទ្រ ស្ទឹង ព្រែក ផ្លូវទឹកដែលតភ្ជាប់ទៅនឹងសមុទ្រ
និងផ្ទៃទឹកដែលជាប់នឹងឆ្នេរសមុទ្រនៃព្រះរាជាណាចក្រកម្ពុជា
ប្រកបដោយនិរន្តរភាព និងការទទួលខុសត្រូវ។
សមាសភាពនៃគណៈកម្មាធិការជាតិគ្រប់គ្រង
និងអភិវឌ្ឍឆ្នេរសមុទ្រកម្ពុជា រួមមានៈ នាយករដ្ឋមន្រ្តីនៃព្រះរាជាណាចក្រកម្ពុជា
ជាប្រធានកិត្តិយស, រដ្ឋមន្រ្តីក្រសួងរៀបចំដែនដីនគរូបនីយកម្ម
និងសំណង់ជាប្រធាន, រដ្ឋមន្រ្តីក្រសួងបរិស្ថានជាអនុប្រធាន, រដ្ឋមន្រ្តីក្រសួងទេសចរណ៍ជាអនុប្រធានអចិន្ត្រៃយ៍,
និងមានតំណាងមកពីក្រសួង ស្ថាប័នដទៃទៀតជាសមាជិក។
សេចក្តីព្រាងព្រះរាជក្រឹត្យនេះមានចំនួន
០៦ ជំពូក និង ១៤ មាត្រា។
III-សេចក្តីព្រាងសារាចរណែនាំ
ស្តីពីការអភិវឌ្ឍតំបន់ឆ្នេរសមុទ្រនៃព្រះរាជាណាចក្រកម្ពុជា ៖
ឆ្នេរសមុទ្រនៃព្រះរាជាណាចក្រកម្ពុជា
ត្រូវបានបញ្ចូលជាសមាជិកក្លឹបឆ្នេរសមុទ្រដែលស្អាតបំផុតលើសកលលោក
កាលពីថ្ងៃទី ២៥ និងទី២៦ ខែឧសភា ឆ្នាំ ២០១១ នៅទីក្រុងទូបាគូតា ប្រទេសសេណេហ្គាល់
ដោយក្លឹបឆ្នេរស្អាតបំផុតលើពិភពលោក ដោយសារភាពសម្បូរបែបនៃជីវៈចម្រុះ
ភាពប្រណីតនៃបរិស្ថានធម្មជាតិ តម្លៃអេកូឡូស៊ីសេដ្ឋកិច្ចសង្គម វប្បធម៌
និងប្រពៃណីក្នុងតំបន់ ព្រមទាំងភាពទាក់ទាញផ្នែកទេសចរណ៍។
ការរីកចម្រើននៃវិស័យសេដ្ឋកិច្ច ទេសចរណ៍
និងកំណើនប្រជាជននៅក្នុងតំបន់ឆ្នេរសមុទ្រ នៃព្រះរាជាណាចក្រកម្ពុជាទាមទារឲ្យមានការអភិវឌ្ឍន៍ផ្នែករូបវន្តសមស្រប
ដើម្បីឆ្លើយតបទៅនឹងតម្រូវការជាក់ស្តែង។
សេចក្តីព្រាងសារាចរណែនាំ
ស្តីពីការអភិវឌ្ឍតំបន់ឆ្នេរសមុទ្រនៃព្រះរាជាណាចក្រកម្ពុជា ត្រូវបានរៀបចំឡើងដោយក្រសួងរៀបចំដែនដីនគរូបនីយកម្ម
និងសំណង់ ដោយផ្អែកលើការស្រាវជ្រាវឯកសារទាំងឡាយដែលកំពុងត្រូវបានអនុវត្តនៅប្រទេសនានានៅក្នុងតំបន់
និងនៅលើពិភពលោក និងមានគោលដៅគ្រប់គ្រងការប្រើប្រាស់ ថែរក្សាការពារ និងអភិវឌ្ឍតំបន់ឆ្នេរសមុទ្រឲ្យបានត្រឹមត្រូវមានប្រសិទ្ធភាពនិងចីរភាព
ដើម្បីចៀសវាងផលប៉ះពាល់អវិជ្ជមាននៃការអភិវឌ្ឍន៍មកលើវិស័យទេសចរណ៍
សេដ្ឋកិច្ច សង្គម បរិស្ថាន វប្បធម៌ និងប្រពៃណីក្នុងតំបន់ឆ្នេរសមុទ្រ។
វិសាលភាពនៃតំបន់ឆ្នេរសមុទ្រកំណត់ដោយសារាចរនេះ
រួមមានឆ្នេរសមុទ្រ ដីចំណីឆ្នេរសមុទ្រ ដីគោក ដីកោះ ដែនទឹក និងដៃសមុទ្រ
ស្ទឹង ព្រែក ផ្លូវទឹកតភ្ជាប់នឹងផ្ទៃសមុទ្រ ដែលស្ថិតនៅតំបន់ឆ្នេរនៃខេត្តទាំង៤
(កោះកុង ព្រះសីហនុ កំពត កែប)។
សារាចរណែនាំ
ស្តីពីការអភិវឌ្ឍតំបន់ឆ្នេរសមុទ្រនៃព្រះរាជាណាចក្រកម្ពុជា
ដែលទទួលបានការអនុម័តពីអង្គប្រជុំពេញអង្គគណៈរដ្ឋមន្រ្តី
មិនមានប្រតិសកម្មក្នុងការអនុវត្ត ក៏ដូចជាមិនមានផលប៉ះពាល់ជាមួយអនុសញ្ញា
ម៉ុងតេណេក្រូ ឆ្នាំ ១៩៨២ ស្តីពីច្បាប់សមុទ្រដែលទទួលស្គាល់ដោយអង្គការសហប្រជាជាតិនោះឡើយ។
IV-បញ្ហាផ្សេងៗ ៖
-យោងតាមសំណើរបស់ក្រសួងធនធានទឹក
និងឧតុនិយម និងក្រសួងកសិកម្ម រុក្ខាប្រមាញ់និងនេសាទ សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍កំណត់ថា
ការអនុញ្ញាតឲ្យនាំចេញត្រីទឹកសាបពីកម្ពុជានៅតែបន្តអនុវត្តជាធម្មតា
លើកលែងតែមានការណែនាំជាថ្មីទៀត។
អង្គប្រជុំគណៈរដ្ឋមន្ត្រី
បានបិទសម័យប្រជុំនៅវេលាម៉ោង ១១ និង
៣០ នាទី។
រាជធានីភ្នំពេញ ថ្ងៃទី១៣
ខែ មករា ឆ្នាំ២០១២
ស្ពានអាកាសទីបី នឹងត្រូវសាងសង់ជាពីរដំណាក់កាល
Thursday, 12 Jan 2012 08:01
ក្រោយពីទទួលការសម្រេចពី ប្រមុខរាជរដ្ឋាភិបាល
សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាលើគម្រោង កសាងស្ពានអាកាសស្ទឹងមានជ័យ ក្នុងឧិកាស សម្ពោធ ស្ពានអាកាស៧មករា នោះ អ្នកជំនាញរបស់ក្រុមហ៊ុនOCIC ក៏ដូចជាមន្ត្រី បច្ចេកទេសរបស់ សាលារាជធានីភ្នំពេញ (មន្ទីរសាធារណៈការ) បាននឹងកំពុង រៀបចំជើងព្រួល ក្នុងការចាប់ផ្តើមអនុវត្តន៍កសាងស្ពានអាកាស ដែលមាន តំលៃខ្ពស់មួយនេះហើយ។
គួររំលឹកថា ដោយសារសង្កេតឃើញ ស្ថានភាពចរាចរណ៍ចំនុចប្រសព្វ ស្ពានស្ទឹងមានជ័យបច្ចុប្បន្ន មានសភាពស្មុគស្មាញ មានការកកស្ទះស្ទើរជាប្រចាំ អាជ្ញាធររាជធានីភ្នំពេញបានសុំគោលការណ៍ពី សម្តេចតេជោធ្វើការសិក្សាលទ្ធភាព សាងសង់ស្ពានអាកាសទីបី របស់ខ្លួន។ ឆ្លងកាត់ការសិក្សាអស់រយៈពេលយ៉ាងយូរ និងកិច្ចប្រជុំដ៏ស្វិតស្វាញ ជាច្រើនលើក ច្រើនសារ សាលារាជធានី មន្ទីរសាធារណៈការ ក្រុមហ៊ុនOCIC និងក្រុមហ៊ុន ស៊ីណូប៉ាស៊ីហ្វិក បានរកឃើញនូវដំណោះស្រាយមួយដ៏ប្រសើរ ក្នុងចំណោមជំរើសចំនួន៦ ដោយសាងសង់ ស្ពានអាកាសមួយ ដែលស្ថិតក្នុង សង្កាត់ស្ទឹងមានជ័យ (ខណ្ឌមានជ័យ) សង្កាត់ទំនប់ទឹក (ខណ្ឌចំការមន) និងសង្កាត់បឹងសាឡាង (ខណ្ឌទួលគោក) ដែលជាជម្រើសទី៦ ពីព្រោះជាជម្រើសដែលល្អជាងគេ នឹងអាច ដោះស្រាយបញ្ហាចរាចរគ្រប់ប្រភេទ មានលក្ខណៈយុទ្ធសាស្រ្តយូរអង្វែង និងធានាដោះស្រាយបញ្ហាកកស្ទះចរាចរ។ រីឯការសាងសង់ ចំពោះជម្រើសនេះ គេអាចអនុវត្តន័ជាដំណាក់ៗ បានទៅតាមលទ្ធភាពហិរញ្ញវត្ថុ។
ស្ពានអាកាសនេះ ត្រូវបានសិក្សាប្លង់មេរួចរាល់ ហើយមានលក្ខណៈបច្ចេកទេសដូចខាងក្រោម៖
- ដំណាក់កាលទី១ ៖ សាងសង់ស្ពានអាកាសមេ ០២ ស្ពានរូងក្រោមដី ០១ ដោយប្រើរយៈពេលសាងសង់ ចំនួន១៨ខែ និងត្រូវចំណាយថវិកាអស់ប្រមាណជាង ១២លានដុល្លារសហរដ្ឋអាមេរិក
- ដំណាក់កាលទី២ ៖ សាងសង់ស្ពានបែងខ្នែងចំនួន ០១ និងស្ពានឆ្លងកាត់ប្រឡាយចំនួន ០២ដោយប្រើ រយៈពេលសាងសង់ចំនួន ៨ខែ និងចំណាយអស់ថវិកាប្រមាណជិត ៥លានដុល្លារសហរដ្ឋអាមេរិក។
ក្នុងពេលដែល សម្តេចតេជោនាយករដ្ឋមន្ត្រី លើកឡើងពីកិច្ចបន្តការស្ថាបនាស្ពានអាកាសទីបីនេះ សម្តេចក៏បានបញ្ជាក់ពីប្រភពថវិកា ដែលនឹងត្រូវយកមកប្រើប្រាស់ក្នុងការអនុវត្តគម្រោងមួយនេះផងដែរ ថវិកាចំនួន ជិត ១៨លានដុល្លារនោះ គឹបានមកពីការវិនិយោគតំបន់ ទីក្រុងរណបរបស់ក្រុមហ៊ុនOCIC ជ្រោយចង្វារនោះឯង ស្របតាម អនុសាសន៍ដ៏វៃឈ្លាស របស់ សម្តេចតេជោនាយករដ្ឋមន្ត្រី ប្រកបដោយប្រសិទ្ធភាពខ្ពស់ គឺ "យកក្រុង ចិញ្ចឹមក្រុង"៕
សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាលើគម្រោង កសាងស្ពានអាកាសស្ទឹងមានជ័យ ក្នុងឧិកាស សម្ពោធ ស្ពានអាកាស៧មករា នោះ អ្នកជំនាញរបស់ក្រុមហ៊ុនOCIC ក៏ដូចជាមន្ត្រី បច្ចេកទេសរបស់ សាលារាជធានីភ្នំពេញ (មន្ទីរសាធារណៈការ) បាននឹងកំពុង រៀបចំជើងព្រួល ក្នុងការចាប់ផ្តើមអនុវត្តន៍កសាងស្ពានអាកាស ដែលមាន តំលៃខ្ពស់មួយនេះហើយ។
គួររំលឹកថា ដោយសារសង្កេតឃើញ ស្ថានភាពចរាចរណ៍ចំនុចប្រសព្វ ស្ពានស្ទឹងមានជ័យបច្ចុប្បន្ន មានសភាពស្មុគស្មាញ មានការកកស្ទះស្ទើរជាប្រចាំ អាជ្ញាធររាជធានីភ្នំពេញបានសុំគោលការណ៍ពី សម្តេចតេជោធ្វើការសិក្សាលទ្ធភាព សាងសង់ស្ពានអាកាសទីបី របស់ខ្លួន។ ឆ្លងកាត់ការសិក្សាអស់រយៈពេលយ៉ាងយូរ និងកិច្ចប្រជុំដ៏ស្វិតស្វាញ ជាច្រើនលើក ច្រើនសារ សាលារាជធានី មន្ទីរសាធារណៈការ ក្រុមហ៊ុនOCIC និងក្រុមហ៊ុន ស៊ីណូប៉ាស៊ីហ្វិក បានរកឃើញនូវដំណោះស្រាយមួយដ៏ប្រសើរ ក្នុងចំណោមជំរើសចំនួន៦ ដោយសាងសង់ ស្ពានអាកាសមួយ ដែលស្ថិតក្នុង សង្កាត់ស្ទឹងមានជ័យ (ខណ្ឌមានជ័យ) សង្កាត់ទំនប់ទឹក (ខណ្ឌចំការមន) និងសង្កាត់បឹងសាឡាង (ខណ្ឌទួលគោក) ដែលជាជម្រើសទី៦ ពីព្រោះជាជម្រើសដែលល្អជាងគេ នឹងអាច ដោះស្រាយបញ្ហាចរាចរគ្រប់ប្រភេទ មានលក្ខណៈយុទ្ធសាស្រ្តយូរអង្វែង និងធានាដោះស្រាយបញ្ហាកកស្ទះចរាចរ។ រីឯការសាងសង់ ចំពោះជម្រើសនេះ គេអាចអនុវត្តន័ជាដំណាក់ៗ បានទៅតាមលទ្ធភាពហិរញ្ញវត្ថុ។
ស្ពានអាកាសនេះ ត្រូវបានសិក្សាប្លង់មេរួចរាល់ ហើយមានលក្ខណៈបច្ចេកទេសដូចខាងក្រោម៖
- សាងសង់ស្ពានអាកាសធំ ពីបេតុងអារមេស្របពីលើផ្លូវលេខ ២៧១ ត្រង់ចំនុចភ្លើងស្តុបមានទទឹង ១៤.៨០ម៉ែត្រ សម្រាប់ចរាចរទ្វេរទិស ដោយមាន ០២ខ្សែទៅ និង០២ខ្សែមក
- សាងសង់ស្ពានអាកាសតូចពីរឯកទិស ពីបេតុងអារមេមាន ទទឹង៦.៥០ម៉ែត្រ និងសាងសង់ស្ពានបេតុងមួយទៀ តជំនួសស្ពានបាឡេដែលមានទទឹង ៨ម៉ែត្រ
- អ៊ុតកៅស៊ូអមសង្ខាងស្ពានទទឹងពី ៥.៥០ម៉ែត្រ ទោ៧ម៉ែត្រ និងចិញ្ចើម ៣ម៉ែត្រ
- កំពស់សុវត្តិភាពក្រោមស្ពាន ៥.២០ម៉ែត្រ
- ក្រៅពីនេះការស្ថាបនាលូ ច្រាំងបេតុងប្រឡាយជើងទេរ សួនច្បារ ខឿនបែងចែកទ្រូងស្ពាន ដំឡើងបង្គោលភ្លើង លាបគំនូសចរាចរ ដាក់ស្លាកចរាចរជាដើម។
- ដំណាក់កាលទី១ ៖ សាងសង់ស្ពានអាកាសមេ ០២ ស្ពានរូងក្រោមដី ០១ ដោយប្រើរយៈពេលសាងសង់ ចំនួន១៨ខែ និងត្រូវចំណាយថវិកាអស់ប្រមាណជាង ១២លានដុល្លារសហរដ្ឋអាមេរិក
- ដំណាក់កាលទី២ ៖ សាងសង់ស្ពានបែងខ្នែងចំនួន ០១ និងស្ពានឆ្លងកាត់ប្រឡាយចំនួន ០២ដោយប្រើ រយៈពេលសាងសង់ចំនួន ៨ខែ និងចំណាយអស់ថវិកាប្រមាណជិត ៥លានដុល្លារសហរដ្ឋអាមេរិក។
ក្នុងពេលដែល សម្តេចតេជោនាយករដ្ឋមន្ត្រី លើកឡើងពីកិច្ចបន្តការស្ថាបនាស្ពានអាកាសទីបីនេះ សម្តេចក៏បានបញ្ជាក់ពីប្រភពថវិកា ដែលនឹងត្រូវយកមកប្រើប្រាស់ក្នុងការអនុវត្តគម្រោងមួយនេះផងដែរ ថវិកាចំនួន ជិត ១៨លានដុល្លារនោះ គឹបានមកពីការវិនិយោគតំបន់ ទីក្រុងរណបរបស់ក្រុមហ៊ុនOCIC ជ្រោយចង្វារនោះឯង ស្របតាម អនុសាសន៍ដ៏វៃឈ្លាស របស់ សម្តេចតេជោនាយករដ្ឋមន្ត្រី ប្រកបដោយប្រសិទ្ធភាពខ្ពស់ គឺ "យកក្រុង ចិញ្ចឹមក្រុង"៕
DPM H.E Sok An tells German parliamentarian about the achievements of ECCC and the free operation of NGOs in Cambodia
PHNOM PENH, Thursday 12, Jan. 2012 (PRU) – Cambodia’s Deputy Prime
Minister His Excellency Dr. Sok An on Thursday briefed Mr. Juergen Klimke, a
senior Member of the German Parliament, on a number of records achieved by the
Extraordinary Chamber in the Courts of Cambodia (ECCC), including its legacy,
with all the Court’s records preserved in a documentation centre for the
benefit of academic researchers and the Cambodian public, and setting a model
of court administration for the domestic court, based on the valuable
experiences from the ECCC, .
His Excellency Deputy Prime Minister thanks Germany for its
significant financial and technical support to the ECCC with special focus on
enhancing the victims' participation, which is unprecedented among
international courts.
His Excellency Deputy Prime Minister also told German MP that
Non-Governmental Organizations (NGOs) are operating freely in Cambodia,
saying that “Cambodia is a heaven for
NGOs” given that more than 2,800 registered NGOs are operating nationwide
without restrictions.
His Excellency Dr. Sok An said that a draft law on NGOs and
Associations has been drafted and legally reviewed by legal experts and
Ministry of Interior, after taking into account inputs from civil society to
ensure the law will benefit social development.
The Royal Government of Cambodia has close cooperation with German
funded NGOs, a move that is welcomed by German lawmaker and diplomats.
Germany welcomes Cambodia’s rotating chairmanship of ASEAN for 2012,
saying Cambodia is playing an important role in improving ASEAN-EU relations.
MP Klimke told Deputy Prime Minister Sok An that Cambodia is still
firmly within the radar of Germany, given that Phnom Penh is still listed among
the 50 development partnership countries of Germany, after Berlin reduced the
number of partners from 120.
German also looks to expand bilateral cooperation, a move that would
boost various sectors, including tourism.
អាជ្ញាធរជាតិព្រះវិហារ និងគណៈកម្មាធិការជាតិបេតិភណ្ឌពិភពលោក សូមសម្តែងនូវការសោកស្តាយយ៉ាងខ្លាំងបំផុតចំពោះសកម្មភាពនាពេលថ្មីៗនេះ ដែលបានធ្វើឡើងដោយអ្នកជាតិនិយមជ្រុលថៃមួយក្រុម
សេចក្តីថ្លែងការណ៍រួម
អាជ្ញាធរជាតិព្រះវិហារ និងគណៈកម្មាធិការជាតិបេតិភណ្ឌពិភពលោក
សូមសម្តែងនូវការសោក ស្តាយយ៉ាងខ្លាំងបំផុតចំពោះសកម្មភាពនាពេលថ្មីៗនេះ
ដែលបានធ្វើឡើងដោយអ្នកជាតិនិយមជ្រុលថៃមួយក្រុម រួមមានកាធ្វើបាតុកម្មនៅខាងក្រៅបរិវេណការិយាល័យអង្គការសហប្រជាជាតិនៅទីក្រុងបាងកក
និងនាំពួកសកម្មជនមួយក្រុមធំមកដាក់តាំងព្រះពុទ្ធដិមាករនៅលើភ្នំទ្រព្យ
ដែលស្ថិតនៅជិតប្រាសាទព្រះវិហារ និងស្ថិតនៅយ៉ាងជ្រៅក្នុងតំបន់គ្មានកងទ័ពបណ្តោះអាសន្ន(Provisional Demilitarized Zone) ដែលកំណត់ដោយតុលាការយុត្តិធម៌អន្តរជាតិ(International Court of
Justice)។ ព័ត៌មាននៃសកម្មភាពទាំងនេះត្រូវបានផ្សព្វផ្សាយដោយប្រព័ន្ធផ្សព្វផ្សាយរបស់ប្រទេសថៃ ដែលរួមមាន 15th Move ដែលចេញនៅថ្ងៃទី០៨
ខែមករា ឆ្នាំ២០១២ និង Thairath ដែលចេញនៅថ្ងៃទី
៨-៩ ខែមករា ឆ្នាំ២០១២ កន្លងមកនេះ។
អាជ្ញាធរជាតិព្រះវិហារ និងគណៈកម្មាធិការជាតិបេតិភណ្ឌពិភពលោក
សូមធ្វើការថ្កោលទោសយ៉ាងខ្លាំងចំពោះសកម្មភាពនេះ ដែលមិនត្រឹមតែរំលោភយ៉ាងច្បាស់ក្រឡែតលើដីកាសម្រេចរបស់តុលាការយុត្តិធម៌អន្តរជាតិដែលចេញនៅថ្ងៃទី១៨ ខែកក្កដា ឆ្នាំ២០១១ប៉ុណ្ណោះទេ
ប៉ុន្តែថែមទាំងផ្ទុយទៅនឹងស្មារតីនៃលទ្ធផលវិជ្ជមាននៃកិច្ចប្រជុំគណៈកម្មាធិការព្រំដែនទូទៅ
(General Border Committee ) រវាងរដ្ឋមន្រ្តីក្រសួងការពារជាតិកម្ពុជា និងរដ្ឋមន្រ្តីក្រសួងការពារប្រទេសនៃរាជាណាចក្រថៃ ដែល បាន ប្រព្រឹត្តទៅនាថ្ងៃទី២១ខែធ្នូ ឆ្នាំ២០១១
នៅរាជធានីភ្នំពេញ។
តុលាការយុត្តិធម៌អន្តរជាតិបានបង្កើតនូវតំបន់គ្មានកងទ័ពបណ្តោះអាសន្ន
និងក៏បានចេញដីកាសម្រេចថា“ភាគីទាំងពីរត្រូវទប់ស្កាត់នូវរាល់សកម្មភាពណាមួយដែលអាចធ្វើឲ្យកាន់តែធ្ងន់ធ្ងរ
ឬ ពង្រីកជម្លោះមុនតុលាការ ឬធ្វើឲ្យកាន់តែមានការពិបាកថែមទៀតក្នុងការដោះស្រាយ”
ក្នុងខណៈដែលកិច្ចប្រជុំ គណៈកម្មាធិការព្រំដែនទូទៅបានចេញនូវសេចក្តីថ្លែងការណ៍រួមថា
”ភាគីទាំងពីរបានព្រមព្រៀងគ្នា
អនុវត្តតាមដីការសម្រេចរបស់តុលាការយុត្តិធម៌អន្តរជាតិ ដែលចេញនៅថ្ងៃទី១៨ ខែកក្កដា ឆ្នាំ២០១១ ប្រកបដោយតម្លាភាព
ស្មើភាព និងដែលអាចផ្ទៀងផ្ទាត់បាន ” ។
អាជ្ញាធរជាតិព្រះវិហារ និងគណៈកម្មាធិការជាតិបេតិភណ្ឌពិភពលោកមានការព្រួយបារម្ភយ៉ាងខ្លាំងថា សកម្មភាពដែលប្រើប្រាស់ចលនាប្រជាជន និងសាសនានេះ ត្រូវបានគេមើលឃើញថាជា អំពើបង្ករហេតុ និងការប៉ុនប៉ងបង្កើនភាពតានតឹង និងរារាំងដល់ការអភិរក្សនៃប្រាសាទព្រះវិហារ ដ៏មានតម្លៃដែលជាសម្បត្តិបេតិភណ្ឌពិភពលោក និងជាសម្បត្តិបេតិភណ្ឌរបស់មនុស្សជាតិទាំងអស់។
អាជ្ញាធរជាតិព្រះវិហារ
និងគណៈកម្មាធិការជាតិបេតិភណ្ឌពិភពលោក សូមជម្រុញ្ឲ្យភាគីទាំងពីរគោរព តាមដីកាសម្រេចរបស់តុលាការយុត្តិធម៌អន្តរជាតិ
និងលទ្ធផលនៃកិច្ចប្រជុំនាពេលថ្មីៗនេះរបស់គណៈកម្មាធិការព្រំដែនទូទៅ ហើយមានសេចក្តីសង្ឃឹមយ៉ាងមុតមាំថា
អ្នកជាតិនិយមជ្រុលថៃទាំងអស់ នឹង មិនធ្វើសកម្មភាពណាមួយឡើយ ដែលអាចជះឥទ្ធិពលអវិជ្ជមានដល់ទំនាក់ទំនងល្អដែលទើបបានបង្កើតឡើងនាពេលថ្មីៗនេះ
រវាងប្រទេសជិតខាង និងប្រជាជនទាំងពីរដែលចង់រស់នៅប្រកបដោយសុខសន្តិភាព
និងសុខដុមរមនានៅក្នុងពិភពលោកមួយដែលស៊ីវិល័យ និងទំនើប។
រាជធានីភ្នំពេញ,
ថ្ងៃទី១៣ខែមករា ឆ្នាំ២០១២
គណៈកម្មាធិការជាតិបេតិភណ្ឌពិភពលោក
អាជ្ញាធរជាតិព្រះវិហារ
The National Authority for Preah Vihear (NAPV) and the National Committee for the World Heritage (NCWH) express their deepest regret at the recent activities carried out by a group of Thai ultra nationalists
Phnom Penh, 13 January
2012
JOINT STATEMENT
The
National Authority for Preah Vihear (NAPV) and the National Committee for the
World Heritage (NCWH) express their deepest regret at the recent activities
carried out by a group of Thai ultra nationalists, including staging
demonstration outside the UN Office in Bangkok, bringing in a large group of
activists and erecting a statue of the Buddha on the Phnom Trap, close to the
Temple of Preah Vihear and well inside the ICJ’s sketch map of the Provisional
Demilitarized Zone, as reported by the Thai media (including 15th move on 08 January 2012
and Thairath on 8-9 January 2012).
The
NAPV and NCWH strongly condemn this activity, which not only clearly violates
the International Court of Justice (ICJ) Order issued on 18 July 2011, but also
contradicts the spirit of the positive results of the recent General Border
Committee (GBC) meeting between the Minister of National Defence of Cambodia
and the Minister of Defence of Thailand, held on 21 December 2012 in Phnom
Penh.
The
ICJ established the Provisional Demilitarized Zone, and further ordered that “both Parties shall refrain from any action
which might aggravate or extend the dispute before the Court or make it more
difficult to resolve”; while the GBC meeting issued a joint statement that
“both Parties agreed to implement the
Order of the International Court of Justice of 18 July 2011 in a transparent,
equitable and verifiable manner.”
The
NAPV and NCWH are seriously concerned that this activity with the use of people
and religious movements can be perceived as a provocative act and an attempt to
escalate tensions and hinder preservation of the precious Temple of
PreahVihear, a World Heritage property and heritage of all humanity.
The NAPV and NCWH urge that the ICJ order and the
conclusions of the recent GBC meeting be honoured and respected by both sides,
and strongly hope that the Thai ultra nationalists will refrain from any
activities which may adversely affect the recently re-established good relations
between the two neighbouring countries and people who very much wish to live in
peace and harmony in a civilised, modern world.
The National
Committee for the World Heritage The National Authority for Preah Vihear
បទអត្ថាធិប្បាយ ៖ ភូតកុហក និងបោកប្រាស់ គឺជាយុទ្ធសាស្ត្ររបស់មេបក្សកឹម សុខា
បទអត្ថាធិប្បាយ
ភូតកុហក
និងបោកប្រាស់ គឺជាយុទ្ធសាស្ត្រ
របស់មេបក្សកឹម
សុខា
លោក កឹម សុខា គឺជាអ្នកនយោបាយពុលទឹកមាត់មួយរូប
ដែលនិយមចូលចិត្តប្រើគំនិតស្រមើស្រម៉ៃដ៏មហិមា បូករួមជាមួយនឹងការប្រើមធ្យោបាយភូតកុហក
និងបោកប្រាស់ប្រជាពលរដ្ឋ ដើម្បីទាក់ទាញការគាំទ្រ ប៉ុន្តែសកម្មភាពទាំងអស់នោះ
វាគ្រាន់តែជាយុទ្ធសាស្ត្រនៃការរវើរវាយបែបឆោតល្ងង់របស់ ចៅចាក់ស្មុក ដែលគ្មានទទួលបានអ្វីជាការពិតនោះឡើយ។
ជាលទ្ធផលរំពឹងទុកនៅពេលខាងមុខ មេបក្សប្រឆាំងរូបនេះ
បានត្រឹមតែគេប្រសិទ្ធនាមឱ្យថាជានាយករដ្ឋមន្ត្រីឧទាហរណ៍អស់មួយជីវិតតែប៉ុណ្ណោះ ពីព្រោះ មានពេលខ្លះលោកកឹម សុខា គាត់ហាក់ដូចជាចង់បបួលប្រជាពលរដ្ឋឱ្យទៅធ្វើស្រែនៅលើមេឃ
នេះ គឺជាមហិច្ឆតាដ៏គ្មានព្រំដែនរបស់អ្នកនយោបាយប្រជាភិថុត កឹម សុខា ដែលបាន និងកំពុងយកមកអនុវត្តនៅក្នុងយុគសម័យសកលភាវូបនីយកម្ម
និងបច្ចេកវិទ្យាដ៏សំបូរបែបនាពេលបច្ចុប្បន្ន។
៣៣ឆ្នាំចាប់តាំងពីក្រោយថ្ងៃរំដោះ ៧ មករា ឆ្នាំ ១៩៧៩ និងគិតពីត្រឹមឆ្នាំ១៩៩៣មក
នៅកម្ពុជាមានការបោះឆ្នោតជាច្រើនលើកច្រើនសារមកហើយ ដែលមានគណបក្សនយោបាយប្រមាណជាង៤០
ចូលរួមធ្វើការបោះឆ្នោត នៅលើទីលានប្រជាធិបតេយ្យ ដើម្បីការប្រកួតប្រជែងគ្នា
ដោយតម្លាភាព ដោយផ្ទាល់ ដោយសម្ងាត់ ដោយសេរីត្រឹមត្រូវ
និងយុត្តិធម៌ ។
មេដឹកនាំបច្ចុប្បន្នពិតជាបានកើតឡើងដោយសារប្រជាពលរដ្ឋប្រើប្រាស់អំណាចរបស់ខ្លួន
ក្នុងការផ្តល់សេចក្តីទុកចិត្តគាំទ្រតាមរយៈសន្លឹកឆ្នោតដ៏ច្រើនសន្ធឹកសន្ធាប់
ដែលគណបក្សប្រជាជនកម្ពុជាបានឈ្នះដាច់លើគណបក្សដទៃ ហើយសង្ឃឹមថា នឹងទទួលបាននូវជោគជ័យសម្រាប់អាណត្តិខាងមុខជាបន្តបន្ទាប់ទៀត។
យើងសូមទាញការចាប់អារម្មណ៍ពីប្រជាពលរដ្ឋខ្មែរទាំងអស់ ដើម្បីចូលរួមពិចារណានូវចំនុចរិះគន់
និងវាយប្រហារពីសំណាក់មេគណបក្សប្រឆាំង លោកកឹម សុខា មកលើការដឹកនាំដ៏ឈ្លាសវៃ
និងត្រឹមត្រូវរបស់រាជរដ្ឋាភិបាលសព្វថ្ងៃ ដែលបុគ្គលរូបនេះ បាននិយាយបំផ្លើសថា
ខ្លួនគាត់ កឹម សុខា ត្រូវបានគេ សូក
សម្លុត និងគេចង់សម្លាប់ ដើម្បីបញ្ចប់ជីវិតនយោបាយរបស់លោក។
បន្ថែមពីលើនេះ លោក កឹម សុខា បានបោកប្រាស់ប្រជាពលរដ្ឋខ្មែរជាង១៤លាននាក់ថា ឥឡូវប្រទេសជាតិកំពុងជួបគ្រោះអាសន្ន
ហើយថែមទាំងបានបន្ទាបបន្ថោកថ្ងៃរំដោះ៧ មករា ឆ្នាំ១៩៧៩ ដែលខ្មែរបានរួចជីវិតពីការកាប់សម្លាប់ដោយរបបបនប្រល័យពូជសាសន៍ប៉ុល
ពត ដ៏សាហាវយង់ឃ្នង ថាមិនមែនជាជ័យជំនះរបស់ខ្មែរទៅវិញ។ ជាងនេះទៅទៀត លោកកឹម សុខា ហាក់ដូចជាកំពុងជ្រួលច្របល់ក្នុងចិត្តយ៉ាងអន្ទះអន្ទាញ
ដោយជាញឹកញាប់លោកកឹម សុខា បានតាំងខ្លួនឯងជាមេដឹកនាំរដ្ឋាភិបាល ក្រោមឈ្មោះថា
រដ្ឋាភិបាលគណបក្សសិទ្ធិមនុស្ស និងថា
រដ្ឋាភិបាលរបស់គណបក្សសិទ្ធិមនុស្ស គាត់នឹងត្រូវធ្វើយ៉ាងនេះ ធ្វើយ៉ាងនោះ
ហើយបានអះអាងថា នឹងចាយវាយថវិការដ្ឋបែបណាមួយទៅតាមគោលនយោបាយរបស់គណបក្សខ្លួន
ព្រមទាំងបាននិយាយដៀលត្មះដោយការច្រណែនមកលើរាជរដ្ឋាភិបាល ដែលកំពុងដឹកនាំប្រទេសសព្វថ្ងៃ
ប្រដូចទៅនឹងមនុស្សឆ្គួត និងថែមទាំងបានអំពាវនាវឱ្យប្រជាពលរដ្ឋត្រូវដូរចេញ
......។ល។និង។ល។
ការពោលពាក្យអសុរោះ ប្រមាថតាតទានមកលើរាជរដ្ឋាភិបាល និងរមិលគុណចំពោះថ្ងៃរួចជីវិតរបស់ពលរដ្ឋកម្ពុជាពីរបបដ៏មហាឃោរឃៅ
រួមទាំងខ្លួនឯងម្នាក់ផងដែរក៏ជាជនដែលត្រូវប៉ុល ពត សម្លាប់ បើរបបនោះបន្តអូសបន្លាយក្នុងពេលដ៏យូរបន្តិចទៀត
ប៉ុន្តែដោយសារកម្លាំងរណសិរ្សសាមគ្គីសង្គ្រោះជាតិកម្ពុជា និងកងទ័ពស្ម័គ្រចិត្តវៀតណាម
បានជួយរំដោះ ទើបខ្មែរគ្រប់រូបបានរួចជីវិត។ ការរីករាយជាថ្មីនៅលើដែនដីសន្តិភាព
ក៏បាននាំឱ្យ លោក កឹម សុខា ក្លាយជាប្រធានអង្គការមួយ
ហើយចុងក្រោយនេះ បាន និងកំពុងធ្វើជាមេបក្សនយោបាយប្រឆាំងមកដល់សព្វថ្ងៃ
គឺពិតជាដោយសារគុណបំណាច់ថ្ងៃរំដោះ ៧ មករា ឆ្នាំ ១៩៧៩ នេះ គឺជាសក្ខីភាពនៃប្រវត្តិសាស្ត្រ ។
ម៉្យាងទៀតទៀត ការដែលលោក កឹម សុខា អះអាងថា រូបគាត់ត្រូវបានគេសូកប្រាក់
សម្លុត និងចង់សម្លាប់ ដើម្បីបញ្ចប់ជីវិតនយោបាយនោះ គឺជាការប្រឌិតព័ត៌មាន
ភូតកុហក់ទាំងស្រុង ពីព្រោះបើពិនិត្យមើលជុំវិញអំពើល្អរបស់ថ្នាក់ដឹកនាំកម្ពុជាបច្ចុប្បន្ន
គឺមិនដែលចង់យកឈ្នះចាញ់ជាមួយអ្នកនយោបាយប្រឆាំងណាម្នាក់តាមរយៈការសូកប្រាក់
ឬទិញទឹកចិត្តដោយប្រការណាមួយឡើយ ពីព្រោះគ្រប់គ្នាគឺជាមនុស្ស មិនមែនជាទំនិញទេ
ហើយក៏មិនធ្លាប់សម្លុត ឬគំរាមសម្លាប់ចំពោះលោក កឹម សុខា នោះដែរ ផ្ទុយទៅវិញមហាជនធ្លាប់តែបានឮជាហូរហែរអំពីការប្រកាសរបស់មេដឹកនាំគណបក្សប្រជាជនកម្ពុជា
ដែលចង់ឃើញគណបក្សប្រឆាំងមានឥទ្ធិពលជាងនេះ ទើបសមជាដៃគូរប្រកួតប្រជែងដែលខ្លាំង។
យ៉ាងណាម៉ិញការដែលលោក កឹម សុខា ជាប់ពន្ធនាគារក្នុងទោសព្រហ្មទណ្ឌនាពេលកន្លងមក
គឺដោយសាររូបគាត់ប្រព្រឹត្តបំពានច្បាប់ក្នុងបទបរិហារកេរ្តិ៍ និងជេរប្រមាថ
មកលើថ្នាក់ដឹកនាំ ដែលសេចក្តីសំរេចនោះ គឺជាអំណាចឆន្ទានុសិទ្ធិរបស់តុលាការដែលជាស្ថាប័នឯករាជ្យ
មិនមែនដូចការលើកឡើងរបស់លោក កឹម សុខា ឡើយ។
ហេតុអ្វី បានជាលោក កឹម សុខា ភូតភរខ្លួនឯង និងបំភ័ន្តសាធារណមតិ បោកប្រាស់ប្រជាពលរដ្ឋ
ហើយធ្វើខ្លួនជាអ្នកនយោបាយមិនទទួលស្គាល់នូវការពិតបែបនេះ
? និងសួរថា តើលោកកឹម សុខា បានរួមចំណែកអ្វីខ្លះដើម្បីកសាងឱ្យមានសន្តិភាពដូចសព្វថ្ងៃ
? ចំលើយ កឹម សុខា មិនបានជួយធ្វើអ្វីសោះឡើយសំរាប់នាំមកនូវសន្តិភាព
និងការអភិវឌ្ឍប្រទេស ផ្ទុយទៅវិញបានយកថ្ងៃ៧មករា ធ្វើជាសត្រូវរបស់ខ្លួនថែមទៀត។
ក្រៅពីនេះ គឺរាល់ថ្ងៃ លោក កឹម សុខា គិតតែពីការដើរជេរធ្វើជាអាជីពនយោបាយរបស់ខ្លួន
ដើម្បីស្វែករកប្រជាប្រីយភាពនៅពីក្រោយសន្តិភាពដែលបានមកដោយកម្រ។
ពលរដ្ឋខ្មែរទាំងអស់គួរគប្បីត្រូវដឹងថា លោក កឹម សុខា គឺមានក្បួនភរច្រើនរបៀបណាស់
ក្នុងនោះ មានដូចជា ការសន្យាឱ្យប្រាក់ខែលោកយាយ លោកតា ក្នុងមួយខែ ៤ម៉ឺនរៀលសំរាប់ពិសារស្លា
ម្លូរ បើសិនគណបក្សរបស់លោកជាប់ឆ្នោត។ សន្យាថា នឹងដាក់ធ្មេញមាសឱ្យចាស់ៗគ្រប់គ្នា
សន្យាថា នឹងដឹកសមាជិកក្រុមប្រឹក្សាឃុំ សង្កាត់របស់ខ្លួនទូទាំងប្រទេសទៅលេងសហរដ្ឋអាមេរិក
សន្យាថា ធានាទិញត្រកូន ស្តៅ ព្រលឹត កំប្លោក ពីស្រុកខ្មែរយកទៅលក់នៅអាមេរិក
សន្យាថា មិនឱ្យពលរដ្ឋខ្មែរណាម្នាក់អត់ការងារធ្វើទេ គឺគ្រប់គ្នាគ្រាន់តែធ្វើខ្ចៅយន្តហោះ
ក៏អាចក្លាយទៅជាអ្នកមានទាំងអស់គ្នាបានដែរ។ ក្រៅពីនេះ លោក កឹម សុខា បានសន្យាថា
នឹងយកបទពិសោធន៍តាមគំរូរបស់ប្រទេសអូស្ត្រាលី នៅពេលដែលស្ត្រីឆ្លងទន្លេ កើតបានកូនមួយ
លោកសន្យាថា ម្នាក់ៗត្រូវទទួលបានប្រាក់ឧបត្ថម្ភ៥០ម៉ឺនរៀល និងការសន្យាជាច្រើនទៀត
។ល។និង។ល។
ឧបាយកលភូតកុហក់របស់លោក កឹម សុខា បានកើតមានឡើងតំណាលគ្នាជាមួយនឹងការលេចឮនូវព័ត៌មានអំពីមេបក្សរូបនេះ
លួចមានប្រពន្ធចុងជាច្រើននាក់ និងការចាយវាយលុយជំនួយរបស់សប្បុរសជនពីក្រៅប្រទេសយកទៅចិញ្ចឹមស្រីក្មេងផងដែរ។
ដូច្នេះ សួរថា ត្រឹមជាមេបក្សប្រឆាំងដ៏តូចមួយ លោក កឹម សុខា ឈ្លក់វង្វេងនឹងស្រីញីយ៉ាងនេះទៅហើយ
ចុះទម្រាំបានដឹកនាំប្រទេសវិញគាត់មានពេលវេលាឯណាមកគិតគូរដោះស្រាយបញ្ហាដែលខ្លួនបានសន្យា
ជាមួយប្រជាពលរដ្ឋនោះ? ហើយការសន្យានោះទៀតសោត គឺវាផ្ទុយស្រឡះអំពីទិដ្ឋភាពពិតនៅក្នុងសង្គមខ្មែរ
ដែលប្រជាពលរដ្ឋមិនយល់ស្របតាមទេ។
ក៏ប៉ុន្តែ ទោះជាយ៉ាណាក៏លោក កឹម សុខា គ្មានវាសនានឹងបានធ្វើជានាយករដ្ឋមន្ត្រីពិតប្រាកដនោះទេ
គឺបានត្រឹមតែជាការសន្យាខ្យល់ ដែលមានគំនិតដូចជាចៅចាក់ស្មុក ក្រោមលេសថា បើសិនជាលោកជាប់ឆ្នោតតែប៉ុណ្ណោះ។ ការសន្យានេះ
បានធ្វើឱ្យពលរដ្ឋខ្មែរសំដែងការហួសចិត្តជាខ្លាំង និងថ្លែងថា កោតតែមេដឹកនាំបក្សនយោបាយមួយមានគំនិតរាក់កំភែលបែបនេះ
ហើយហ៊ានខ្ជាក់សម្តីបោកប្រាស់ប្រជាពលរដ្ឋខ្មែរទៅកើតដែរ។ អ្នកធ្វើនយោបាយ
គួរគប្បីត្រូវមានទស្សនៈវិស័យឱ្យវែងឆ្លាយ និងស៊ីជម្រៅ រួមផ្សំជាមួយនឹងយុទ្ធសាស្ត្រដឹកនាំច្បាស់លាស់
មានគោលនយោបាយត្រឹមត្រូវដែលបានរៀបចំឡើងដោយពហុមតិ និងស្របតាមទិដ្ឋភាពជាក់ស្តែងនៃបច្ចុប្បន្នភាព
បូកផ្សំជាមួយនឹងកត្តាប្រវត្តិសាស្ត្រ ដើម្បីយកមកធ្វើជាបទពិសោធន៍ ត្រីវិស័យ និងជាមាគ៌ាសំរាប់ដើរឆ្ពោះទៅមុខ
ប៉ុន្តែ លោក កឹម សុខា ពុំមាននូវលក្ខណៈសម្បត្តិនោះឡើយ គឺលោកមានតែការភូតកុហក់ និងបោកប្រាស់យកធ្វើជាយុទ្ធសាស្ត្រសំរាប់បំរើនយោបាយរបស់ខ្លួនតែប៉ុណ្ណោះ
ដូច្នេះ ការដឹកនាំបក្សតាមអារម្មណ៍ រវើរវាយរបស់លោក
កឹម សុខា គឺមិនអាចឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋបានទេ
ផ្ទុយទៅវិញទង្វើបែបនោះ នឹងរិតតែនាំឱ្យប្រជាពលរដ្ឋស្អប់ខ្ពើមកាន់តែខ្លាំងទ្វេដងថែមទៀតនូវឥរិយាបថចោលម្សៀតនោះ។
ពលរដ្ឋខ្មែរ ទាំងក្នុង និងក្រៅប្រទេស នឹងមិនជឿតាមការឃោសនាបោកប្រាស់របស់លោក
កឹមសុខា នោះឡើយ ពីព្រោះសព្វថ្ងៃពួកគាត់ បាន និងកំពុងរស់នៅជាមួយសន្តិភាព
ស្ថេរភាព សន្តិសុខពេញបរិបូរណ៍ក្រោមការដឹកនាំរបស់រាជរដ្ឋាភិបាល។ ប្រជាពលរដ្ឋខ្មែររាប់លាននាក់ដែលបានរួចជីវិតពីរបបបនប្រល័យពូជសាសន៍ប៉ុល
ពត គឺគ្រប់គ្នាបានអបអរសាទរយ៉ាងកក់ក្តៅបំផុត ចំពោះថ្ងៃរំដោះ ៧មករា ឆ្នាំ
១៩៧៩ ប៉ុន្តែ បែរជាគណបក្សសិទ្ធិមនុស្សចេញសេចក្តីថ្លែងការណ៍ប្រឆាំងនឹងថ្ងៃជ័យជំនះនោះទៅវិញ។
ទង្វើរបស់លោក កឹម សុខា គឺខុសគ្នាស្រឡះអំពីឥស្សរភាពនៃជីវិតនយោបាយរបស់សម្តេចតេជោ
ហ៊ុន សែន និងថ្នាក់ដឹកនាំសំខាន់ៗមួយចំនួនរបស់គណបក្សប្រជាជនកម្ពុជា ដែលបានយកអាយុជីវិតធ្វើជាដើមទុន
ដើម្បីតស៊ូ រហូតកម្ពុជាមាននូវសន្តិភាព និងមានអ្វីៗដូចសព្វថ្ងៃ ។ សម្តេច
បានប្រកាន់យកនូវទស្សនៈដ៏ថ្លៃថ្លាមួយឃ្លា គឺ «ពិសាទឹកកុំភ្លេចប្រភពទឹក» ប៉ុន្តែ
លោក កឹម សុខា និងគូកនមួយចំនួន បាន និងកំពុងធ្វើខ្លួនជាសត្វក្រពើដ៏កាចសាហាវ
និងរមិលគុណ ។ លោក កឹម សុខា បានយកការភូតកុហក់ក្នុងការដឹកនាំនយោបាយរបស់ខ្លួនដើម្បីតែបំរើមហិច្ឆតាប្រឆាំងដ៏ងុបងល់តែប៉ុណ្ណោះ
។
លោក កឹម សុខា
ពិតជាសក្តិសមបំផុតនឹងទទួលបាននូវងារថ្មីមួយក្នុងប្រវត្តិសាស្ត្រ គឺជាអ្នកនយោបាយពុលទឹកមាត់
ឬជានាយករដ្ឋមន្ត្រីឧទាហរណ៍អស់មួយជីវិត ឬក៏ជាមេបក្សស្ទាត់ជំនាញខាងការភូតកុហក បោកប្រាស់ប្រជាពលរដ្ឋខ្មែរ៕
ដោយៈ គង់ សម្បត្តិ
Subscribe to:
Posts (Atom)