Saturday, January 14, 2012

បទវិចារ​ណក​ថា​ ៖ «គោល​នយោ​បាយ​បើក​ចំហរ​ជើង​មេឃ» របស់​សម្តេច​តេជោ ហ៊ុន សែន៖​ សមិទ្ធផលដែលមិនអាចបដិសេធបានរបស់សម្តេច គឺជាជោគជ័យមិនអាច កាត់ថ្លៃបានសម្រាប់ប្រជាជនកម្ពុជា


បទវិចារណកថា

«គោលនយោបាយបើកចំហរជើងមេឃ» របស់សម្តេចតេជោ ហ៊ុន សែន៖
សមិទ្ធផលដែលមិនអាចបដិសេធបានរបស់សម្តេច គឺជាជោគជ័យមិនអាច កាត់ថ្លៃបានសម្រាប់ប្រជាជនកម្ពុជា

          ក្នុងទសវត្សរ៍ឆ្នាំ១៩៧០ និង១៩៨០ សង្គ្រាមបានបំផ្លិច បំផ្លាញយ៉ាងធ្ងន់ធ្ងរដល់​ឧស្សាហកម្ម​ទេសចរណ៍​ របស់កម្ពុជា។ កម្ពុជាបានស្វះស្វែងរកការផ្សះផ្សាជាតិ សន្តិភាព និងសន្តិសុខ ក្នុងអំឡុងពេល​នៃដើម​ទសវត្សរ៍ ឆ្នាំ១៩៩០។ គោលនយោបាយឈ្នះ-ឈ្នះ ដែលសម្រេចបានដោយសម្តេចតេជោ ហ៊ុន សែន ​ក្នុងឆ្នាំ១៩៩៨ បានដាក់ចុះនូវកិច្ចការជាមូលដ្ឋានសម្រាប់ការផ្សះផ្សាជាតិ ស្ថិរភាពនយោបាយ សន្តិសុខ​ផ្ទៃក្នុង ភាពសុខដុម នៃសង្គម និងទំនាក់ទំនងជាមិត្តភាព និងសន្តិភាពជាមួយបណ្តាប្រទេសក្នុងតំបន់ និងទូ​ទាំង​ពិភពលោក។
ទោះបីជាមានកិច្ចខិតខំប្រឹងប្រែងគួរជាទីកោតសសើរដោយរាជរដ្ឋាភិបាលកម្ពុជាក្នុងការធ្វើឱ្យប្រាសាទ អង្គរ​វត្ត និងតំបន់ជុំវិញ ៤០០ គីឡូម៉ែត្រក្រឡា ដែលពោរពេញទៅដោយប្រាសាទបូរាណរាប់រយ ត្រូវបាន ចុះឈ្មោះ ដោយជោគជ័យនៅក្នុងបញ្ជីបេតិកភណ្ឌពិភពលោកក្នុងឆ្នាំ១៩៩២ ដែលផ្តល់ឱ្យកម្ពុជានូវកិត្តិយស ជាគោលដៅទេសចរណ៍ស្របតាមផ្លូវច្បាប់នៅលើផែនទីពិភពលោកនោះក៏ដោយ ក៏អសន្តិសុខផ្ទៃក្នុង និង អស្ថិរភាពនយោបាយ បាននៅបន្តជាបញ្ហាលំបាកសម្រាប់ឧស្សាហកម្មទេសចរណ៍កម្ពុជាក្នុងទសវត្សរ៍ ឆ្នាំ១៩៩០។ ទសវត្សរ៍ឆ្នាំ២០០០ បានបង្ហាញពីការរីកចំរើនឡើងវិញនៃឧស្សាហកម្មទេសចរណ៍កម្ពុជា ដែល ត្រូវបានចាត់ទុកជាសសរស្តមមួយ នៃសសរស្តមទាំងប្រាំនៃកំណើន និងការអភិវឌ្ឍនៃសេដ្ឋកិច្ចកម្ពុជា ដែល មានកសិកម្ម ឧស្សាហកម្មកាត់ដេរ ទេសចរណ៍ សំណង់ និងការផ្ទេរប្រាក់ដោយប្រជាជនកម្ពុជាដែលរស់នៅ បរទេស និងពលករចំណាកស្រុក
          ចាប់តាំងពីចុងឆ្នាំ១៩៩៩ នៅក្នុងសន្ទរកថានយោបាយរបស់សម្តេចទៅកាន់ប្រជាជាតិ សម្តេចតេជោ ហ៊ុន សែន មានគតិបណ្ឌិត និងទស្សនៈវិស័យ ក្នុងការដាក់បញ្ចូលវិស័យទេសចរណ៍នៅក្នុងក្របខ័ណ្ឌនៃគោល នយោបាយរដ្ឋាភិបាល ដែលត្រូវបានដកស្រង់យកមកបង្ហាញដូចខាងក្រោមនេះ៖
          នៅថ្ងៃទី២១ ខែធ្នូ ឆ្នាំ១៩៩៩ សម្តេចតេជោ ហ៊ុន សែន បានចាប់ផ្តើមដោះស្រាយបញ្ហាទេសចរណ៍ ជាមួយនឹងជំនឿចិត្តដ៏មោះមុតរបស់សម្តេច ដោយបង្ហាញថាប្រទេសកម្ពុជា បច្ចុប្បន្នមានឧត្តមភាពប្រៀប ធៀបនៅក្នុងចំណោមវិស័យមួយចំនួននៃសេដ្ឋកិច្ចកម្ពុជា ជាពិសេសវិស័យកសិកម្ម កសិ-ឧស្សាហកម្ម ផលិត កម្មដែលត្រូវការកំលាំងពលកម្មច្រើន និងទេសចរណ៍។ វិស័យទាំងនេះ គួរតែអាចបង្កើតមូលដ្ឋានសម្រាប់ ចាប់ផ្តើមការអភិវឌ្ឍសេដ្ឋកិច្ចកម្ពុជា។
          នៅថ្ងៃទី៧ ខែកុម្ភៈ ឆ្នាំ២០០១ សម្តេចតេជោ ហ៊ុន សែន បានដាក់ចេញនូវមូលដ្ឋាននៃក្របខ័ណ្ឌ គោលនយោបាយរបស់សម្តេច ដើម្បី «កសាងសក្តានុពលវិស័យទេសចរណ៍ឱ្យក្លាយជាក្បាលម៉ាស៊ីនមួយដ៏ សំខាន់សម្រាប់កំណើនសេដ្ឋកិច្ច និងកាត់បន្ថយភាពក្រីក្រ តាមរយៈការបង្កើតការងារ បង្កើនចំណូល និង ធ្វើឱ្យប្រសើរឡើងនូវជីវភាពរស់នៅរបស់ប្រជាជន»។
          នៅថ្ងៃទី២៧ ខែកុម្ភៈ ឆ្នាំ២០០២ សម្តេចតេជោ ហ៊ុន សែន បានចង្អុលបង្ហាញថា «ស្ថិរភាពនយោ បាយ និងសន្តិសុខនៅក្នុងប្រទេស គឺមានសារៈសំខាន់ណាស់សម្រាប់ការអភិវឌ្ឍទេសចរណ៍»។
          នៅថ្ងៃទី៣ ខែវិច្ឆិកា ឆ្នាំ២០០២ សម្តេចតេជោ ហ៊ុន សែន បាននាំមុខលើកឡើងសក្តានុពលនៃ ទំនាក់ទំនងជាក់ស្តែងរវាងទេសចរណ៍ និងការអភិវឌ្ឍទីផ្សារក្នុងស្រុកដោយមានប្រសាសន៍ថា «ទេសចរណ៍ បើកចំហរព្រំដែន និងសេដ្ឋកិច្ច ហើយថែមទាំងធ្វើឱ្យមានឱកាសអភិវឌ្ឍទីផ្សារក្នុងស្រុក សម្រាប់សកម្មភាព ផលិតកម្មតម្លៃខ្ពស់ ការងារ និងសេវាកម្មផ្សេងៗ។
          ក្នុងឆ្នាំ២០០២នោះផងដែរ នៅក្នុងសុន្ទរកថា៤ដាច់ដោយឡែកពីគ្នា ដែលធ្វើឡើងនៅថ្ងៃទី២៨ ខែកុម្ភៈ ថ្ងៃទី១៨ ខែមិនា ថ្ងៃទី២០ ខែមិថុនា និងថ្ងៃទី១ ខែកក្កដា សម្តេចតេជោ ហ៊ុន សែន បានទទូចឱ្យ មានការអភិវឌ្ឍហេដ្ឋារចនាសម្ព័ន្ធ និងបរិក្ខារដទៃទៀតពាក់ព័ន្ធនឹងទេសចរណ៍ ដែលរួមមានបណ្តាញផ្លូវថ្នល់ ទាន់សភាពការណ៍ ដើម្បីភ្ជាប់សេដ្ឋកិច្ចកម្ពុជា និងកាលានុវត្តភាពទេសចរណ៍ ទាំងក្នុងប្រទេស និងជាមួយនឹង បណ្តាប្រទេសអាស៊ានផ្សេងទៀត។
          សំខាន់បំផុតនោះ នៅថ្ងៃទី៦ ខែធ្នូ ឆ្នាំ២០០២ សម្តេចតេជោ ហ៊ុន សែន បានប្រកាសពី «គោល នយោបាយបើកចំហរជើងមេឃ» ដោយបានមានប្រសាសន៍ថា៖ «គោលនយោបាយបើកចំហរជើងមេឃ គឺ ជាការដាក់ចេញនូវគោលនយោបាយគន្លឹះ ដែលនឹងអាចធ្វើឱ្យមានកំណើនដ៏ឆាប់រហ័សនៃឧស្សាហកម្មទេស ចរណ៍របស់យើង»។ «គោលនយោបាយបើកចំហរជើងមេឃ» ត្រូវបានគេយល់ថាជាយុទ្ធសាស្ត្រមួយនៃការ បើកចំហរទីផ្សារអាកាសចរណ៍ ដែលអាចត្រូវបានធ្វើឱ្យសម្រេចឡើងតាមមូលដ្ឋានទ្វេរភាគីក្នុងតំបន់ និង ពហុភាគី។
          រយៈពេល១០ឆ្នាំ រហូតដល់ឆ្នាំ២០១១ លទ្ធផលនៃ «គោលនយោបាយបើកចំហរជើងមេឃនេះ» គឺ មានទំហំធំធេងហួសពីការប៉ាន់ប្រមាណ។ មុនឆ្នាំ២០០២ មានតែចំនួនជើងហោះហើរអន្តរជាតិតិចតួច ប៉ុណ្ណោះចេញ និងចូលទីក្រុងភ្នំពេញ និងសៀមរាប ដែលភ្ជាប់កម្ពុជាទៅនឹងតំបន់ និងពិភពលោក។ បច្ចុប្បន្ន មានជើងហោះហើរអន្តជាតិប្រចាំថ្ងៃជាច្រើន ហើយក៏មានជើងហោះហើរអន្តរជាតិច្រើនដងក្នុងមួយថ្ងៃ ចេញ និងចូលទីក្រុងភ្នំពេញ និងសៀមរាប ដែលឆ្ពោះទៅ និងមកពីទីក្រុងបាងកក ប៉េកាំង ហ្គ័ងចូវ ហាណូយ ហុងកុង កូឡាឡំពួរ ហូជីមិញ សឹង្ហបូរី សៀងហៃ តៃប៉ិ វៀងចាន់ និងអ៊ីងឈាន់។ ចំនួនអ្នកទេសចរណ៍ បរទេសបានឡើងដល់ ៣ លាននាក់ ក្នុង ឆ្នាំ២០១១ (ការព្យាករណ៍របស់រដ្ឋាភិបាលដែលផ្អែកលើលទ្ធផល ៦ខែក្នុងឆ្នាំ២០១១) កើនឡើងពីចំនួនតែជិតកន្លះលាននាក់ (៤៦៦,៣៦៥) ប៉ុណ្ណោះក្នុងឆ្នាំ២០០០។ ក្នុងឆ្នាំ២០១០ កម្ពុជាទទួលបានកំណើនទេសចរណ៍ ១៦% ដោយអ្នកទេសចរអន្តរជាតិមានចំនួនប្រហែល ជា ២,៥ លាននាក់ ហើយអ្នកទេសចរក្នុងស្រុកមាន ចំនួនប្រហែលជា ៧ លាននាក់ ដែលកើនឡើង ៧% ពីឆ្នាំកន្លងទៅ។
          ក្នុងសុន្ទរកថា ក្នុងឱកាសនៃការបើកជាផ្លូវការនៃវេទិកាទេសចរណ៍អាស៊ានឆ្នាំ២០១១ (ATF) ក្នុង ទីក្រុងភ្នំពេញ កាលពីថ្ងៃទី១៨ ខែមករា ឆ្នាំ២០១១ សម្តេចតេជោ ហ៊ុន សែន បានសង្កត់ធ្ងន់អំពី​អត្ថ​ប្រយោជន៍ នៃគោលនយោបាយឈ្នះ-ឈ្នះ ដែលសម្រេចបានក្នុងឆ្នាំ១៩៩៩ និង​«គោល​នយោបាយ​បើកចំហរ​ជើងមេឃ» ដោយបានមានប្រសាសន៍ថា «កម្ពុជាមិនត្រឹមតែទទួលបាននូវសន្តិភាព ស្ថិរភាពនយោបាយ សន្តិសុខ​ សុវត្ថិភាព ប៉ុណ្ណោះទេ ប៉ុន្តែថែមទាំងមានបណ្តាញហេដ្ឋារចនាសម្ព័ន្ធតភ្ជាប់ដែលអភិវឌ្ឍន៍យ៉ាងល្អ រមណីយដ្ឋានល្អ សេវាល្អ និងបរិយាកាសសេដ្ឋកិច្ចដ៏មានស្ថិរភាព។ សមិទ្ធផលវិជ្ជមានទាំងនេះ បានមកពីកិច្ចខិតខំប្រឹងប្រែង ក្នុងការអនុវត្តយ៉ាងសកម្មនូវយុទ្ធនាការជំរុញវិស័យទេសចរណ៍ក្នុងបរិបថ «កម្ពុជា​ព្រះរាជាណាចក្រអច្ឆរយៈ» ព្រមជាមួយនិងចលនាប្រកបដោយភាពប្រកួតប្រជែងខ្ពស់ ជាទីក្រុង​ស្អាត​បវរ តំបន់រម្មណីដ្ឋានស្អាត និង សេវាល្អជាទីគាប់ចិត្ត ដោយមានការចូលរួមយ៉ាង​សកម្មពីស្ថាប័ន​ពាក់ព័ន្ធផ្​នែកឯកជន និងប្រជាជន»។
គួរកត់សំគាល់ថា នៅក្នុងទសវត្សរ៍ឆ្នាំ២០០០ សម្ដេចតេជោ ហ៊ុន សែន បានថ្លែងទៅកាន់ប្រជាជាតិ មិនតិចជាង ៥០ សុន្ទរកថានោះទេ ក្នុងចំណោមសន្ទរកថាយ៉ាងច្រើន ដែលជាសុទ្ធសឹងជាសុន្ទរកថាគ្រប ដណ្ដប់លើរាល់ទិដ្ឋភាពទាំងអស់នៃឧស្សាហកម្មទេសចរណ៍កម្ពុជា ចាប់ពីផលិតផល​ និងហេដ្ឋរចនាសម្ព័ន្ធ ទេសចរណ៍ រហូតដល់បដិសណ្ឋារកិច្ចគោលនយោបាយជំរុញវិស័យទេសចរណ៍​របស់រដ្ឋាភិបាល និងជាពិសេស ភាពជាដៃគូរនៅក្នុងការផ្សព្វផ្សាយ និងការរកទីផ្សារនៃផលិតផលទេសចរណ៍​រវាងរដ្ឋាភិបាល វិស័យឯកជន វិនិយោគទុនបរទេស និងអង្គការមិនមែនរដ្ឋាភិបាល
គួរបន្ថែមផងដែរថា ការចុះបញ្ជីឆ្នេរសមុទ្រកម្ពុជាជាសមាជិកនៃក្រុមឆ្នេរសមុទ្រដែលស្អាតបំផុតនៅ​ក្នុងពិភពលោក ដែលត្រូវបានសម្ពោធជាផ្លូវការកាលពីថ្ងៃទី១១ ខែកក្កដា ឆ្នាំ២០១១ នៅខេត្តព្រះសីហនុនៅ​អំឡុងពេលប្រារព្ធពិធីមួយក្រោមអធិបតីភាពសម្តេចតេជោ ហ៊ុន សែន នោះ បានបង្ហាញដោយមិនអាចដិសេធបានអំពីការស្វះស្វែងរបស់សម្តេចតេជា ធ្វើឱ្យប្រទេសកម្ពុជាមានឈ្មោះលើផែនទីពិភពលោកថា ជាគោលដៅទេសចរណ៍ដែលត្រូវតែមកទស្សនាខានមិនបានហេតុអ្វីទៅ? គោលដៅ ដែលជាគោលដៅ របស់សម្តេច គឺជាក្ដីសុបិន្តអមតៈរបស់សម្តេច ហើយគេអាចមើលឃើញ និងចងចាំគោលដៅនោះនៅក្នុង​សុន្ទរកថារបស់សម្តេច ដែលបានធ្វើឡើងកាលពីថ្ងៃទី៧ ខែកុម្ភៈ ឆ្នាំ២០០១ ដែលកម្ពុជាត្រូវ «បង្កើននូវ សក្ដានុពលនៃវិស័យទេស​ចរណ៍ ដើម្បីឱ្យក្លាយជាម៉ាស៊ីនដ៏សំខាន់សំរាប់កំណើនសេដ្ឋកិច្ច និងការកាត់ បន្ថយភាពក្រីក្រតាមរយៈការបង្កើត​ការងារ ការបង្កើនប្រាក់ចំណូល និងការធ្វើឱ្យប្រសើរឡើវនូវកម្រិត ជីវភាពប្រជាជន»។
អ្នកសង្ស័យ អ្នកងឿងឆ្ងល់ និងអ្នកប្រឆាំងត្រូវតែពិនិត្យនូវលទ្ធផលនៃ «គោលនយោបាយបើកចំហរ​ជើងមេឃ» របស់សម្តេចតេជោ ហ៊ុន សែន សំរាប់រយៈពេល ១០ ឆ្នាំកន្លងមក ហើយផ្ដល់ការវិនិច្ឆ័យដែល​សមហេតុផល ស្មោះត្រង់ និងយុត្តិធម៌។ ពួកគេមិនអាចបដិសេធចំពោះតថភាព និងភាពពិតទាំងស្រុង​ដោយរឹងទទឹងនោះទេ។ សំរាប់យើងខ្ញុំ ដែលជាសមាជិកនៃអង្គភាពព័ត៌មាន និងប្រតិកម្មរហ័ស យើងខ្ញុំថែម ទាំងជឿជាក់យ៉ាងខ្លាំងថា សំរាប់ប្រ​ជា​ជនកម្ពុជាដ៏ក្នុងចំនួនភាគច្រើនដ៏លើសលប់ផងដែរ «គោលនយោបាយ បើកចំហរជើងមេឃ «របស់សម្តេចតេជោ ហ៊ុន សែន គឺជាហើយនឹងនៅតែជាសមិទ្ធផលដែលមិនអាច បដិសេធបានដែលនឹងត្រូវចងចាំដោយកូនចៅជំនាន់ក្រោយថា ជា​ជោគជ័យមួយដែលមិនអាចកាត់ថ្លៃបាន សំរាប់ប្រជាជនកម្ពុជា ដោយសារតែភាពដឹកនាំប្រកបដោយគតិបណ្ឌិត និងប្រកបដោយទស្សនៈវិស័យ របស់សម្តេច

ថ្ងៃទី១៣ ខែមករា ឆ្នាំ២០១២
អង្គភាពព័ត៌មាន និងប្រតិកម្មរហ័ស
នៃទីស្ដីការគណៈរដ្ឋមន្ត្រី

EDITORIAL Samdech Techo Hun Sen’s “Open-Skies Policy”: His Irrefutable Achievement, an Invaluable Success for Cambodian People


EDITORIAL
Samdech Techo Hun Sen’s “Open-Skies Policy”:
His Irrefutable Achievement, an Invaluable Success for Cambodian People

War seriously damaged Cambodia tourism industry in the 1970s and the1980s. Cambodia was searching for reconciliation, peace and security during the early part of the 1990s. The win-win policy achieved by Samdech Techo Hun Sen in 1998 laid the ground work for national reconciliation, political stability, internal security, social harmony, and friendly and peaceful relations with countries in the region and all over the world. Despite laudable efforts by the Royal Government of Cambodia (RGC) to have Angkor Wat with the surrounding area of 400 Km2 clustered with hundreds of ancient temples successfully placed on he list of World Heritage Site in 1992, which conferred to Cambodia a legitimate tourism destination status on the world map, internal insecurity and political instability continued to be a hindrance on Cambodia tourism industry in the 1990s. The 2000s saw the resurgence of Cambodia tourism industry, which was regarded as one among the five pillars of growth and development of Cambodia economy, namely agriculture, garment industry, tourism, construction, and remittances by oversea Cambodian nationals and migrant workers.

Since late 1999, in his political discourse to the nation, Samdech Techo Hun Sen has the wisdom and the foresight to include tourism within the framework of the government policy, which has been selectively illustrated as follows:

On 21 December 1999, Samdech Techo Hun Sen began to tackle the tourism issue with his very firm conviction, by showing that the country currently has comparative advantages within some sectors of its economy, in particular the agricultural sector, the agro-industrial businesses, labor intensive manufacturing and tourism. These sectors should form the foundation for the take-off of the Cambodian economy.”

On 7 February 2001, Samdech Techo Hun Sen laid out the foundation of his policy framework in order “to build up potential of tourism sector to become an important engine for economic growth and poverty reduction through job creation, increased income, and improving standard of living.”

On 27 February 2002 Samdech Techo Hun Sen pointed out that “political stability and security in the country are vital for tourism development.”

On 3 November 2002 Samdech Techo Hun Sen advanced the practical relationship between tourism and the internal market development by saying that “tourism opens up borders and economies, yet enables opportunities to develop internal markets for a wide variety of high value-added production activities, employment and services.  
Also in 2002, in four separate speeches, on 28 February, on 18 March, on 20 June, and on 1 July Samdech Techo Hun Sen insisted on the development of infrastructure, and other tourism related facilities, including comprehensive road network to link Cambodia’s economic and tourism opportunities, internally and with other countries of ASEAN.

Most importantly, on 6 December 2002, Samdech Techo Hun Sen made “open-skies policy” announcement, saying: “Open-skies policy is the key policy innovation that will enable the rapid growth of our tourism industry”.  “Open-Skies policy” is understood to be a strategy of opening up aviation markets, which can be pursued on a bilateral, regional or multilateral basis.
For a period of 10 years, up to 2011, the result of this “Open-Skies policy” was staggering.
Prior to 2002, only a trickle of international flights in and out of Phnom and Siem Reap linked Cambodia to the region and the world. Nowadays, there are several daily and several more frequently international flights per day in and out of Phnom Penh and Siem Reap from and to Bangkok, Beijing, Guangzhou, Hanoi, Hong Kong, Kuala Lumpur, Ho Chi Minh City, Singapore, Shanghai, Taipei, Vientiane and Inchon. The number of foreign tourists jumped to 3 million in 2011, (a government estimation based on the 6 month-result in 2011) from nearly half million (466,365) in 2000. In 2010 Cambodia achieved tourism growth of 16% with international tourist arrivals of around 2.5 million and internal tourists of around 7 million, an increase of 7% from the year before.
In his address at the Official Opening of ASEAN Tourism Forum 2011 (ATF 2011) in Phnom Penh, on 18 January 2011, Samdech Techo Hun Sen stressed the benefits of the win-win policy achieved in 1999 and the “Open-Skies policy” by saying that “Cambodia not just only enjoys peace, political stability, security, safety, but also has well-developed infrastructure linkage, good resorts, good services and stable economic environment. These positive achievements have come from the effort in actively implementing the tourism promotional campaign ‘Cambodia-Kingdom of Wonders’ along with competitive movement ‘Clean City, Clean Resort, Good Service’ with active participation from relevant institutions, private sector and the people.”
It is noteworthy to mention that in the 2000s, Samdech Techo Hun Sen had made no lesser than 50 speeches covering all the aspects of the Cambodian tourism industries, from tourism products and infrastructure to hospitality, government tourism promotion policies, and especially partnership in the promotion and marketing of tourism products between the government, the private sector, foreign investments and NGOs.
It should be added that the listing of the Cambodia’s bay as the member of the Club of Most Beautiful Bays in the World, officially inaugurated on 11 July 2011 in Sihanouk province during a ceremony presided over by Samdech Techo Hun Sen irrefutably illustrates his on-going quest to put Cambodia on the world map of a must-visit tourism destination. Why? – The goal, his goal, his dream is immortal and it can be found in his speech on 7 February 2001, that is “to build up potential of tourism sector to become an important engine for economic growth and poverty reduction through job creation, increased income, and improving standard of living.”
The doubters, the skeptics, and the opposition must check the results of Samdech Techo Hun Sen’s “Open-Skies Policy” for the past 10 years, and simply give objective, honest and fair judgment. They cannot stubbornly ignore the realities and the whole truth. For us, members of PRU, and we strongly believe that it is also for the overwhelming majority of Cambodian people, Samdech Techo Hun Sen’s “Open-Skies Policy” is and will remain his irrefutable achievement gratefully remembered by posterity, an invaluable success for Cambodian people thanks to his wise and foresighted leadership.

13 January 2012
Press and Quick Reaction Unit
Office of the Council of Ministers