បណ្តាញប្រជាជនកម្ពុជាដើម្បីសន្តិភាព(CPNP) ដែលមានអង្គការ សមាគម និងសហជីព ចំនួន១៤៩ នៅក្នុងព្រះរាជាណាចក្រកម្ពុជា សូមទាញការចាប់អារម្មណ៍ពីសាធារណមតិជាតិ និងអន្តរជាតិ ជុំវិញការអំពាវនាវរបស់ទណ្ឌិត
សម រង្ស៊ី
មេដឹកនាំគណបក្សប្រឆាំងដែលកំពុងស្វះស្វែងរកការគាំទ្រពីសមាជិកសភាអន្តរជាតិ
ដើម្បីបានវិលត្រឡប់មកប្រទេសកម្ពុជាវិញ។
បណ្តាញប្រជាជនកម្ពុជាដើម្បីសន្តិភាព យល់ឃើញថា
សកម្មភាពបច្ចុប្បន្នរបស់ទណ្ឌិត សម រង្ស៊ី មិនមែនជាបញ្ហាសកល
ឬក៏ជាការចាំបាច់ខានមិនបាន បើគ្មានវត្តមានទណ្ឌិតសម រង្ស៊ី
នៅក្នុងប្រទេសនោះឡើយ ពីព្រោះថា ៖
១‑ទណ្ឌិត សម រង្ស៊ី បានប្រព្រឹត្តរំលោភច្បាប់ដោយការបំផ្លិចបំផ្លាញទ្រព្យសម្បត្តិសាធារណៈ (តម្រុយបង្គោលព្រំដែនកម្ពុជា‑ វៀតណាម) រើសអើងជាតិសាសន៍
ការក្លែងឯកសារផែនទី និងបទផ្សព្វផ្សាយព័ត៌មានមិនពិត
ហើយត្រូវបានតុលាការផ្តន្ទាទោសឱ្យជាប់ពន្ធនាគាររយៈពេល១៤ឆ្នាំ
និងពិន័យជាប្រាក់រាប់លានរៀល។
២‑ទណ្ឌិត សម រង្ស៊ី
ត្រូវបានសភាលុបឈ្មោះចេញពីបញ្ជីជាសមាជិកសភាតំណាងរាស្ត្រ និងក៏ត្រូវបានគណៈកម្មាធិការជាតិរៀបចំការបោះឆ្នោតហាមឃាត់ក្នុងការឈរឈ្មោះជាបេក្ខជនសំរាប់ការបោះឆ្នោត
និងឈរឈ្មោះឱ្យគេបោះឆ្នោតឱ្យផងដែរ (បើយោងតាមច្បាប់បោះឆ្នោតរបស់ព្រះរាជាណាចក្រកម្ពុជាដែលបានចូលជាធរមាន)។
៣‑សកម្មភាពណាមួយរបស់ទណ្ឌិត សម រង្ស៊ី
នាពេលបច្ចុប្បន្ននេះ គឺជាកំហុសបុគ្គល
មិនមែនជាបញ្ហានយោបាយដែលជាប់ពាក់ព័ន្ធនឹងដំណើរប្រជាធិបតេយ្យ ក៏ដូចជាការពង្រឹងនិតិរដ្ឋនៅកម្ពុជានោះឡើយ។
៤‑ក្នុងស្ថានភាពនេះ ទណ្ឌិត សម រង្ស៊ី គ្មានតម្លៃណាមួយសំរាប់ជាតំណាងឱ្យពលរដ្ឋខ្មែរ
ឬក៏ដើម្បីអនុញ្ញាតឱ្យរូបលោកប្រើប្រាស់ឥទ្ធិពលក្នុងការបង្គាប់បញ្ជា
ឬការអូសទាញសភាអន្តរជាតិដើម្បីធ្វើការកៀបសង្កត់មកលើរាជរដ្ឋាភិបាលសព្វថ្ងៃនេះបានទេពីព្រោះក្នុងឋានៈជាទណ្ឌិត
លោក សម រង្ស៊ី
អស់សុពលភាពនឹងប្រើប្រាស់តួនាទីក្នុងនាមជាអង្គនិតិបញ្ញត្តិទៀតហើយ។
រាជធានីភ្នំពេញ ថ្ងៃទី១២ ខែ មីនា ឆ្នាំ ២០១២
ថៅ វាសនា (០១២ ៨៩១ ២១៥) សោម អូន (០១២ ៨៦៦ ៦៨២)
ប្រធានសហព័ន្ធសិទ្ធិមនុស្សនិងអភិវឌ្ឍន៍កម្ពុជា ប្រធានសភាសម្ព័ន្ធសហជីពជាតិកម្ពុជា
អ៊ឹង មល្លីវណ្ណ ( ០១២ ៩៩២
៥៩៧) លី គាំ ( ០១២ ៥៨៨
២៦៧)
ប្រធានទីភ្នាក់ងារប្រឹក្សាយោបល់សង្គមកម្ពុជា លេខាធិការនៃបណ្តាញប្រជាជនកម្ពុជា
ដើម្បីសន្តិភាព (CPNP)