_Council_Meeting_Khmer.gif)
Friday, March 30, 2012
_Council_Meeting_English.gif)
_Council_Khmer.gif)
_Council_English.gif)
_Meeting_Khmer.gif)
_Meeting_English.gif)
_Khmer.gif)
_English.gif)
កម្ពុជារៀបចំសិក្ខាសាលាថ្នាក់ជាតិស្ដី្កពីការយល់ដឹងពីអាស៊ាននៅមុនពេលកិច្ចប្រជុំកំពូលអាស៊ាន លើកទី ២០
កម្ពុជារៀបចំសិក្ខាសាលាថ្នាក់ជាតិស្ដី្កពីការយល់ដឹងពីអាស៊ាននៅមុនពេលកិច្ចប្រជុំកំពូលអាស៊ាន
លើកទី ២០
រាជធានីភ្នំពេញ ថ្ងៃព្រហស្បតិ៍ ទី១៥ ខែមីនា ឆ្នាំ២០១២
និស្សិតសកលវិទ្យាល័យប្រមាណ៣៥០០នាក់ និងមន្ដ្រីមកពីក្រសួងសំខាន់ៗមួយចំនួនរបស់
កម្ពុជា បានចូលរួមសិក្ខាសាលាថ្នាក់ជាតិស្ដី្កពីការយល់ដឹងពីអាស៊ានដែលបាន ប្រព្រឹត្ដទៅនៅថ្ងៃ
ព្រហស្បតិ៍ ទី១៥ ខែមីនា ឆ្នាំ២០១២ នៅសាលមហោស្រពកោះពេជ្រ រាជធានីភ្នំពេញ។
សិក្ខាសាលានេះបានប្រព្រឹត្ដទៅក្រោមអធិបតីភាពរបស់ឯកឧត្ដម
ហោ
ណាំហុង ឧបនាយក រដ្ឋមន្ដ្រី និងជារដ្ឋមន្ដ្រីក្រសួងការបរទេសនិងសហប្រតិបត្ដិការអន្ដរជាតិ ដែលតំណាងកម្ពុជា ក្នុងក្រុម ប្រឹក្សាសហគមន៍នយោបាយនិងសន្ដិសុខអាស៊ាន និងឯកឧត្ដម ចម ប្រសិទ្ធិ ទេសរដ្ឋមន្ដ្រី និងជា រដ្ឋមន្ដ្រីក្រសួងពាណិជ្ជកម្ម ដែលតំណាងកម្ពុជា ក្នុងក្រុមប្រឹក្សាសហគមន៍សេដ្ឋកិច្ចអាស៊ាន ព្រមទាំង ឯកឧត្ដមស៊ុន ចាន់ថុល
ទេសរដ្ឋមន្ដ្រី ជាតំណាងកម្ពុជាក្នុងក្រុមប្រឹក្សាសហគមន៍ សង្គមវប្បធម៌
អាស៊ាន។
សិក្ខាសាលាថ្នាក់ជាតិនេះ បង្ហាញពីការប្ដេជ្ញាចិត្ដយ៉ាងមុតមាំរបស់កម្ពុជា ក្នុងការធ្វើការឱ្យស៊ី ចង្វាក់គ្នាជាមួយនឹងប្រទេសជាសមាជិកអាស៊ានទាំងអស់ ដើម្បីជំរុញការធ្វើសមាហរណកម្មអាស៊ាន និងការកសាងសហគមន៍អាស៊ាន នៅឆ្នាំ២០១៥ ក្នុងគោលបំណងបន្ដកសាងនូវស្មារតីរួបរួមគ្នា និចក្ខុ វិស័យរួមរបស់អាស៊ានជាគ្រួសារតែមួយ។
នៅក្នុងសិក្ខាសាលានោះដែរ លេខាធិការដ្ឋានអាស៊ាន បានជួយជំរុញលើកទឹកចិត្ដ និងជំរុញ ការយល់ដឹងពីអាស៊ានតាមរយៈការផ្ដល់នូវអាវយឺតអាស៊ានចំនួន ៣៥០០អាវ ទង់អាស៊ានខ្នាតតូច និងសៀវភៅមួយចំនួនដល់អ្នកចូលរួម។ លេខាធិការដ្ឋានអាស៊ាន ក៏បានផ្ដល់នូវសៀវភៅមួយចំនួន ទៀតសម្រាប់ដាក់ក្នុងបណ្ណាល័យនៃសកលវិទ្យាល័យ របស់កម្ពុជាមួយចំនួនទៀតផងដែរ។
Press Release Cambodia organized a National Seminar on ASEAN Awareness ahead of the upcoming 20th ASEAN Summit
Press Release
Cambodia organized a National Seminar on
ASEAN Awareness
ahead
of the upcoming 20th ASEAN Summit
Phnom Penh, Thursday, 15
March 2012
Some 3,500 university
students and officials from various key Ministries of Cambodia took part in a
National Seminar on ASEAN Awareness on Thursday, 15 March 2012, at the Capital’s
Diamond Island Theater.
The Seminar was presided over
by H.E. Mr. HOR Namhong, Deputy Prime Minister and Minister of Foreign Affairs
and International Cooperation, who represents Cambodia for the ASEAN Political-Security
Community (APSC) Council; H.E. Dr. Cham Prasidh, Senior Minister and Minister
of Commerce, who represents the country for the ASEAN Economic Community (AEC) Council;
and H.E. Mr. Sun Chanthol, Senior Minister, who represents the country for the ASEAN
Socio-Cultural Community (ASCC) Council.
The National Seminar demonstrates
Cambodia’s strong commitment to work in chorus with all ASEAN Member-States to enhance
ASEAN integration and the ASEAN Community Building by 2015, in order to further
build a strong sense of oneness and shared vision of ASEAN as a cohesive family.
At the National Seminar, the
ASEAN Secretariat has also helped boosting up the spirit and promoting
awareness of ASEAN by providing 3,500 ASEAN T-shirts, hand-flags, and
publications to all participants. The ASEAN Secretariat also provided sets of
books on ASEAN to university libraries in Cambodia.
សម្តេចតេជោ អញ្ជើញចូលរួមជាអធិបតីក្នុងពិធី បើកកិច្ចប្រជុំរដ្ឋមន្ត្រីហិរញ្ញវត្ថុអាស៊ានលើកទី១៦
កិច្ចប្រជុំ
រដ្ឋមន្ត្រីហិរញ្ញវត្ថុអាស៊ានលើកទី ១៦
បានប្រារព្ធបើកនៅក្នុងរាជធានីភ្នំពេញនាព្រឹកថ្ងៃទី ៣០ មីនា
ឆ្នាំ ២០១២ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។
មានប្រសាសន៍ក្នុងពិធីបើកកិច្ចប្រជុំនៅវិមានសន្តិភាព សម្តេចតេជោនាយករដ្ឋមន្រ្តី បាន
អំពាវនាវដល់ រដ្ឋមន្ត្រីហិរញ្ញវត្ថុអាស៊ានឲ្យប្រើប្រាស់ជំនាញ
បញ្ញាញាណ និងគុណភាពជាអ្នកដឹកនាំរបស់ខ្លួនឲ្យអស់ពីលទ្ធភាពដើម្បី
ចូលរួមវិភាគទានឆ្លើយតបទៅនឹងមូលបទរួមរបស់អាស៊ានសម្រាប់ឆ្នាំ
២០១២ នេះគឺ«អាស៊ាន សហគមន៍តែមួយ វាសនាតែមួយ»។
ជា
មួយនឹងការកោតសរសើរចំពោះកិច្ចខិតខំប្រងប្រែងរបស់រដ្ឋមន្ត្រី
ហិរញ្ញវត្ថុ និងទេសាភិបាលធនាគារកណ្តាល ដែលបានអនុ
វត្តប្រកបដោយជោគជ័យនូវ ការប្តេជ្ញាចិត្តពីឆ្នាំមុនៗ
ក្នុងការធ្វើសមាហរណកម្មទីផ្សាររបស់អាស៊ាន សម្តេចតេជោនាយករដ្ឋមន្ត្រីមានប្រសាសន៍ថា
ខ្ញុំសូមអំពាវនាវដល់រដ្ឋមន្ត្រីអាស៊ានឲ្យរួមគ្នាចាត់វិធាន
ការគោល នយោបាយ ថ្មីៗថែមទៀត ដើម្បីលើកកម្ពស់ទំនុកចិត្តទីផ្សារ
រក្សាជីវភាពសេដ្ឋកិច្ច និងស្ថិរ ភាពហិរញ្ញវត្ថុក្នុងតំបន់
ដោយបន្តការពិគ្រោះយោបល់ និងសហការយ៉ាងជិតស្និទ្ធជាមួយនឹងស្ថា
ប័នហិរញ្ញវត្ថុសំខាន់ៗនានា រួមមានធនាគារអភិវឌ្ឍអាស៊ី
មូលនិធិរូបិយវត្ថុអន្តរជាតិ និងធនាគារពិភព
លោកព្រមទាំងយន្តការផ្សេងៗទៀត។
សម្តេចតេជោ
នាយករដ្ឋមន្ត្រីបានបង្ហាញនូវជំនឿថា
កិច្ចប្រជុំរដ្ឋមន្ត្រីហិរញ្ញវត្ថុអាស៊ានលើកទី ១៦
នេះនឹងផ្តល់ជាឱកាសដ៏ល្អបំផុតសម្រាប់រដ្ឋមន្ត្រីហិរញ្ញវត្ថុ
អាស៊ានធ្វើការពិភាក្សារិះរកវិធីសាស្ត្រ ល្អៗ
ដើម្បីពង្រឹងស្ថិរភាពនៃប្រព័ន្ធហិរញវត្ថុ
និងប្រមែប្រមូលធនធានហិរញ្ញវត្ថុសម្រាប់ផ្តល់ហិរញ្ញប្ប
ទានដល់ការអភិវឌ្ឍដែលនឹងជួយធានាបាននូវបរិការណ៍អនុគ្រោះដល់
កំណើនសេដ្ឋកិច្ចនៅក្នុងតំបន់។
សម្តេចតេជោ
មានប្រសាសន៍ថា ខ្ញុំមានការរំ
ពឹងទុកដ៏មុតមាំអំពីការដាក់ឲ្យដំណើរការ
នូវមូលនិធិហេដ្ឋារចនាសម្ព័ន្ធអាស៊ានក្នុងឆ្នាំនេះ
ព្រមទាំងការសម្ពោធដាក់ឲ្យដំណើរការនូវគម្រោង
ដំបូងៗនៃកម្មវិធីធានាឥណទាន
និងវិនិយោគ។ខ្ញុំក៏ដាក់ក្តីសង្ឃឹមដ៏ធំផងដែរ ចំពោះលទ្ធផលដ៏ល្អ
ប្រសើរនៃកិច្ចប្រជុំរដ្ឋមន្ត្រីហិរញ្ញវត្ដុអាស៊ានបូកបី
នៅខែឧសភាឆ្នាំ ២០១២ ខាងមុខនេះ ពាក់ព័ន្ធនឹង ការអនុម័តនូវវិធានការថ្មីៗ
ដើម្បីពង្រឹងប្រសិទ្ធភាពនៃយន្តការ«ពហុភាគីនីយកម្មគំនិតផ្តួចផ្តើម
ឈៀង ម៉ៃ»។
សម្តេចនាយករដ្ឋមន្ត្រី
ថ្លែងថា ដើម្បីសម្រេចជោគជ័យក្នុងការបង្កើតសហគមន៍សេដ្ឋកិច្ចអា
ស៊ាននៅឆ្នាំ ២០១៥
ប្រទេសអាស៊ានទាំងអស់ត្រូវតែខិតខំប្រងប្រែងដោយខ្លួនឯង
ដើម្បីក្តាប់យកនូវ អភិក្រមថ្មីនៃកិច្ចសហប្រតិបត្តិការតំបន់
ដែលប្រការមានរួមបញ្ចូលនូវការកែទម្រង់ស្ថាប័ន ការកែតម្រូវ
ឡើងវិញនូវយុទ្ធសាស្ត្រហិរញ្ញប្បទានសម្រាប់ការវិនិយោគ
និងការលើកស្ទួយវិស័យឯកជន សំដៅ កសាងសហគមន៍មួយដែលមានប្រជាជនជាស្នូល
ដែលឆ្លើយតបទៅនឹងមូលបទរបស់អាស៊ាន ក្នុង
ពេលដែលកម្ពុជាត្រូវធ្វើជាអាស៊ាននៅក្នុងឆ្នាំនេះ គឺ«អាស៊ាន
សហគមន៍តែមួយ វាសនាតែមួយ»។
ឯកឧត្តម គាត ឈន់ ឧបនាយករដ្ឋមន្ត្រី
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងឲ្យដឹងថា
កិច្ចប្រជុំរដ្ឋមន្ត្រីហិរញ្ញវត្ថុអាស៊ានលើកទី ១៦
នឹងពិភាក្សាលើប្រធានបទធំៗចំនួន ៦ គឺ១-ទស្សនវិស័យ
និងការវិវឌ្ឍន៍សេដ្ខកិច្ចតំបន់ ២-
កិច្ចដំណើរការពិនិត្យសេដ្ឋកិច្ចអាស៊ាន
៣-ផែនទីបង្ហញផ្លូវសម្រាប់សមាហរណកម្មរូបិយវត្ថុអាស៊ាន ៤-
កិច្ចសហប្រតិបត្តិការហិរញ្ញវត្ថុអាស៊ាន
៥-កិច្ចសហប្រតិបត្តិការហិរញ្ញវត្ថុអាស៊ានបូក ៣ និង៦-គឺបញ្ហា ផ្សេង។
ឯកឧត្តម គាត ឈន់
មានប្រសាសន៍ថា ទោះបីជាសេដ្ឋកិច្ចសកលលោកបាន និងកំពុងជួប
ប្រទះបញ្ហាជារចនាសម្ព័ន្ធ និងភាពមិនប្រាកដប្រជាកម្រិតខ្ពស់ក្តី
ក៏ខ្ញុំរីករាយនឹងរាយការណ៍ជូនសម្តេចតេជោនាយករដ្ឋមន្ត្រី
ជ្រាបថា សេដ្ឋកិច្ចតំបន់អាស៊ានយើងបានកើនឡើង៤,៣% កាលពីឆ្នាំ ២០១២
កន្លងទៅ។កំណើនសេដ្ឋកិច្ចវិជ្ជមាន ប៉ុន្តែមានកម្រិតមធ្យមបែបនេះ
កើតឡើងដោយសារតម្រូវការក្នុង ស្រុកមិនស្រុតចុះ
មូលដ្នានម៉ាក្រូសេដ្ឋកិច្ចរឹងមាំ តារាងតុល្យភាពនៃវិស័យធនាគារ
និងសាវជីវកម្មមាន លក្ខណៈរឹងប៉ឹងគួបផ្សំនឹងកំណែទម្រង់រចនាសម្ព័ន្ធ
ដែលយើងបានធ្វើចាប់តាំងពីឆ្នាំ ១៩៧៩ មក។
ឯកឧត្តមឧបនាយករដ្ឋមន្រ្តី គាត ឈន់
មានប្រសាសន៍ថា យើងជឿជាក់ថា សេដ្ឋកិច្ចរបស់យើងនឹងបន្តរីកលូត
លាស់ឡើងប្រកបដោយសុខភាពក្នុងឆ្នាំ ២០១២ នេះ
ដែលកំណើនផលិតផលសរុបក្នុងស្រុកព្យា ករណ៍ថា នឹងកើនឡើងក្នុងរវាងពី
៥,៣%ទៅ៥,៨%។អាស្រ័យហេតុនេះកិច្ចប្រជុំថ្ងៃនេះនឹងស្វែងរក
គោលនយោបាយឆ្លើយតបដោយការសម្របសម្រួល ដើម្បីរក្សាចីរភាព
និងការងើបឡើងវិញនូវកំ ណើនសេដ្ឋកិច្ចចំពោះមុខ ហានិភ័យនានា ដូចជា
ការធ្លាក់ចុះតម្រូវការពីក្រៅតំបន់ សភាពការណ៍
ហិរញ្ញវត្ថុពិភពលោកតឹងតែង ថ្លៃប្រេងខ្ពស់ និងលំហូរមូលធនមិនទៀងទាត់៕
សម្តេចអគ្គមហាសេនាបតីតេជោ ហ៊ុន សែន ស្នើឲ្យមានកិច្ចសហប្រតិបត្តិការរវាងកងទ័ពក្នុងបណ្តាប្រទេសអាស៊ាន
នៅថ្ងៃទី ២៩ មីនា ឆ្នាំ ២០១២ សម្តេចអគ្គមហាសេនាបតីតេជោ ហ៊ុន សែន
ពេលទទួលសវនាការជាមួយគណៈប្រតិភូអគ្គមេបញ្ជាការអាស៊ានដឹកនាំដោយ
លោក AGUS SUHAR- TONO អគ្គបញ្ជាការនៃក្រសួងការពារជាតិឥណ្ឌូណេស៊ី
បានមានប្រសាសន៍ស្នើឲ្យមានកិច្ចសហប្រតិបត្តិការគ្នារវាងបណ្តាកង
ទ័ពនៅក្នុងប្រទេសអាស៊ាន
ព្រោះតែអាស៊ាននឹងក្លាយទៅជាសហគមន៍អាស៊ាន នៅឆ្នាំ ២០១៥ ខាងមុខនេះ។
បានមានប្រសាសន៍ស្នើឲ្យមានកិច្ចសហប្រតិបត្តិការគ្នារវាងបណ្តាកង
ទ័ពនៅក្នុងប្រទេសអាស៊ាន
ព្រោះតែអាស៊ាននឹងក្លាយទៅជាសហគមន៍អាស៊ាន នៅឆ្នាំ ២០១៥ ខាងមុខនេះ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្រ្តីបានឲ្យដឹងនៅ ក្រោយជំនួបដែលប្រារព្ធធ្វើនៅវិមានសន្តិភាព ថា សម្តេចតេជោមាន
ប្រសាសន៍ថា
សម្តេចបានអានយ៉ាងយកចិត្តទុកដាក់នូវរបាយការណ៍ពាក់ព័ន្ធទៅនឹង
កិច្ចប្រជុំក្រៅផ្លូវការរបស់អគ្គមេបញ្ជាការអាស៊ានកងទ័ពអាស៊ាន
លើកទី ៩ រួមទាំងសេចក្តីថ្លែងការណ៍
ដែលឆ្លុះបញ្ចាំងពីកិច្ចសហប្រតិបត្តិការរវាងកងទ័ពនៃបណ្តាប្រទេស
អាស៊ាន ដែលមានវឌ្ឍនភាពជាច្រើន
ប៉ុន្តែទោះជាយ៉ាងណាក៏ដោយក៏នៅមានកិច្ចការប្រឈមជាច្រើន
ដូចជាការប្រឈម នឹងគ្រោះមហន្តរាយ
ដែលតម្រូវឲ្យមានការប្រើប្រាស់កម្លាំងកងទ័ពកាន់តែច្រើនឡើង
ជាពិសេស ពេលមានគ្រោះទឹកជំនន់ ខ្យល់ព្យុះ និងស៊ូណាមិ ជាដើម។
សម្តេចតេជោនាយករដ្ឋមន្រ្តីមានប្រសាសន៍បន្ថែមថា
ការប្រឈមមួយទៀតនោះគឺបញ្ហាឧក្រិដ្ឋកម្មឆ្លងដែន
ដែលតម្រូវឲ្យមានការផ្លាស់ប្តូរព័ត៌មានចារកម្មរវាងប្រទេស
នីមួយៗឲ្យបានកាន់តែល្អឡើង ដោយសម្តេចតេជោ បានលើកសំណើថា
កុំយកទំនាក់ទំនងនយោបាយឬក៏ភាពមិនស្របគ្នាធ្វើជាឧបសគ្គដល់
កិច្ចសហប្រតិបត្តិការលើបញ្ហាភេរវកម្ម នេះ។ សម្តេចតេជោនាយករដ្ឋមន្រ្តី
បានស្នើឲ្យមានការពិចារណារួមគ្នារវាងកងទ័ពក្នុងបណ្តាប្រទេស
អាស៊ាន ចេញសហប្រតិបត្តិការក្នុងក្របខណ្ឌអង្គការសហប្រជាជាតិ
ព្រោះថានៅឆ្នាំ ២០១៥ ខាងមុខ អាស៊ាននឹងក្លាយទៅជាសហគមន៍អាស៊ាន
ដូច្នេះអាស៊ានទាំងមូលគឺប្រៀបបានក្រុមគ្រួសារតែមួយ
បណ្តាកងទ័ពអាស៊ាននឹងបន្តសហការគ្នាដូចជាគ្រួសារតែមួយ។
ឯកឧត្តម អ៊ាង សុផល្លែត ឲ្យដឹងថា
នៅក្នុងជំនួបនោះលោក AGUS SUHAR- TONO បានរាយការណ៍ជូន
សម្តេចតេជោអំពីលទ្ធផលនៃកិច្ចប្រជុំក្រៅផ្លូវការរបស់អគ្គមេ
បញ្ជាការកងទ័ពអាស៊ានលើកទី ៩ ដែល
បានប្រព្រឹត្តទៅនៅក្នុងរាជធានីភ្នំពេញ៕
កម្ពុជាចង់បានជំនួយពីធនាគារអភិវឌ្ឍអាស៊ីសម្រាប់ការតភ្ជាប់ហេដ្ឋារចនាសម្ព័ន្ធផ្ទៃក្នុង
សម្តេចអគ្គមហាសេនាបតីតេជោ ហ៊ុន សែន
មានប្រសាសន៍ ជាមួយលោក HARUHIKO KURODA
ប្រធានធនាគារអភិវឌ្ឍអាស៊ី(ADB)
ពេលអនុញ្ញាតឲ្យជួបសំដែងការគួរសមនាថ្ងៃទី ៣០ មីនា ឆ្នាំ
២០១២នៅវិមានសន្តិភាពក្នុងរាជធានីភ្នំពេញ ថា
កម្ពុជាមានក្តីសេចក្តី សង្ឃឹមទៅលើជំនួយរបស់ ADB
ដើម្បីធ្វើសមាហរណកម្មហេដ្ឋារចនាសម្ព័ន្ធផ្ទៃក្នុងរបស់ខ្លួន
ដែលជាការតភ្ជាប់ហេដ្ឋារចនាសម្ព័ន្ធជាមួយប្រទេសជិតខាង
និងតំបន់ដែរនោះ។
សម្តេចតេជោ
បានគូស បញ្ជាក់ថា ការតភ្ជាប់នេះ គឺជួយកាត់បន្ថយភាពក្រីក្រ
ជំរុញកំណើនសេដ្ឋកិច្ច និង បែងចែកផ្លែផ្កានៃ
កំណើនសេដ្ឋកិច្ចប្រកបដោយសមធម៌រវាងអ្នករស់នៅទីក្រុង និងជនបទផងដែរ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រី
ឲ្យដឹងថា លោក HARUHIKO KURODA បានជំរាបជូនសម្តេចតេជោនាយករដ្ឋមន្ត្រី
ថា លោកមានចំណាប់អារម្មណ៍
និងសូមវាយតម្លៃខ្ពស់ចំពោះការីកចំរើនយ៉ាងឆាប់រហ័យ និងយ៉ាង
ខ្លាំងរបស់កម្ពុជា។លោកប្រធាន ADB បានបញ្ជាក់ថា
សេដ្ឋកិច្ចរបស់កម្ពុជាគឺកំពុងតែមានភាពរស់ រវើក
និងមានកំណើនសេដ្ឋកិច្ច៧% ដែលជាសញ្ញាមួយបានបញ្ជាក់ឲ្យឃើញថា
កម្ពុជានឹងមានកំណើនសេដ្ឋកិច្ចខ្លាំង
ទោះបីជាមានវិបត្តិសេដ្ឋកិច្ចពិភពលោកក៏ដោយ។
លោក
HARUHIKO KURODA មានប្រសាសន៍ថា បណ្តាប្រទេសអាស៊ាននឹងមានកំណើន
សេដ្ឋកិច្ចប្រកបដោយចីរភាព ជាពិសេសគឺមានសាមគ្គីភាពគ្នាយ៉ាងរឹងប៉ឹង
រវាងបណ្តាប្រទេសអាស៊ាន
ហើយសេដ្ឋកិច្ចអាស៊ីនឹងមានកំណើនខ្ពស់ប្រកបដោយចីរភាព។
សម្តេចតេជោនាយករដ្ឋមន្រ្តី
បានថ្លែងអំណរគុណជូនចំពោះលោក KURODA
ដែលបានអញ្ជើញមកចូលរួមក្នុងកិច្ចប្រជុំរដ្ឋមន្ត្រីហិរញ្ញវត្ថុ
អាស៊ាននៅកម្ពុជានាពេលនេះ ដែលនេះគឺ ជាកិត្តិយសណាស់របស់កម្ពុជា។ សម្តេចនាយករដ្ឋមន្ត្រី
ក៏បានថ្លែងអំណរគុណជូនចំពោះ ADB ដែលបាន ជួយដល់កម្ពុជា
កាលពីឆ្នាំកន្លងមកក្នុងពេលដែលកម្ពុជាបានជួបប្រទះគ្រោះទឹកជំនន់
ដែលជំនួយនេះ
បានជួយដល់កម្ពុជាសម្រាប់ការស្តារឡើងវិញនូវហេដ្ឋារចនាសម្ព័ន្ធដែល
បានខូចខាតដោយគ្រោះទឹក ជំនន់៕
Subscribe to:
Posts (Atom)