នៅក្រោមប្រធានបទ ការធ្វើឱ្យប្រសើរឡើងកិច្ចគាំពារ សង្គម និងការអភិវឌ្ឍជំនាញ
កិច្ចប្រជុំថ្នាក់រដ្ឋមន្ដ្រីការងារអាស៊ានលើកទី ២២
និងអាស៊ានបូក៣ រួមទាំងកិច្ចប្រជុំ ពាក់ព័ន្ធមួយចំនួនទៀត
ត្រូវបានរៀបចំធ្វើ ឡើងនៅរាជធានីភ្នំពេញនាព្រឹកថ្ងៃទី ១០ ខែ ឧសភា
ឆ្នាំ ២០១២ ក្រោម អធិបតីភាព សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃ ព្រះរាជាណាចក្រកម្ពុជា។
ឯកឧត្តម វង សូត្រ រដ្ឋមន្ត្រីក្រសួងការងារ
បណ្តុះបណ្តាលវិជ្ជាជីវៈ ក្នុងនាមជាប្រធាននៃកិច្ចប្រជុំនេះ
បានបញ្ជាក់ថា កិច្ចប្រជុំថ្នាក់រដ្ឋមន្ត្រីអាស៊ានលើកទី២២
និងអាស៊ានបូក៣លើកទី៧នេះ ផ្តោតសំខាន់លើ ប្រធានបទ
ស្តីពីការធ្វើឲ្យប្រសើរឡើង កិច្ចគាំពារសង្គម និងការអភិវឌ្ឍមុខជំនាញ
។ នេះជាប្រធានបទមួយ ដែលកម្ពុជាបានគិតគូរឡើងនៅពេល
ដែលមានផ្ទុះឡើង នូវកលិយុគសេដ្ឋកិច្ចសកល វិបត្តិស្បៀងអាហារ
និងហិរញ្ញវត្ថុ នាឆ្នាំ ២០០៨-២០០៩
បណ្តាលឲ្យប៉ះពាល់ដល់ប្រជាជនជាច្រើន លើសកលលោក ពិសេសចំពោះប្រជាជន
ដែលរស់នៅក្រោម ឬក្បែរបន្ទាត់នៃភាពក្រីក្រ។ ការគាំពារសង្គម គឺជាការ
វិនិយោគសំរាប់ការអភិវឌ្ឍមួយជួយដល់ការកាត់បន្ថយភាពក្រីក្រ
បង្កើតតម្រូវការ និងការ ពង្រីកទីផ្សារ ពិសេសការកសាង
ធនធានមនុស្សឲ្យមានសុខភាពបរិបូរណ៍ មានចំណេះដឹង មានសមត្ថភាពជំនាញ
ដែលអាចជាមូលដ្ឋាន រៀបចំកំលាំងពលកម្មប្រកបដោយ
សក្តានុពលស្របតាមជំហានវិវត្តន៍នីមួយៗ។
ការធ្វើឲ្យប្រសើរឡើង កិច្ចគាំពារសង្គម និងអភិវឌ្ឍន៍មុខជំនាញ
គឺធ្វើឡើងស្របទៅនឹង ផែនការ សកម្មភាពរបស់រដ្ឋមន្ត្រីការងារអាស៊ាន
២០១០ -២០១៥ ដែលផែនការ សកម្មភាពនោះមានផែនការ
សកម្មភាពចំនួន៦ត្រូវបានកំណត់ជាអាទិភាព៖ ទី១.ការបង្កើតការងារ
និងការអភិវឌ្ឍន៍ធនធានមនុស្ស នៅក្នុងបរិបទ នៃសកលភាវូបនីយកម្ម ។
ទី២.ការធ្វើ ផែនការនៃកិច្ចអភិវឌ្ឍន៍ធនធានមនុស្ស និងការតាម
ឃ្លាំមើលទីផ្សារការងារ។ ទី៣.ការលើកកំពស់ការគ្រប់គ្រង
ចលនាកំលាំងពលកម្មចល័ត។ ៤.ការពង្រឹង សន្តិសុខសង្គម និងគាំពារ
សង្គម។៥.ការពង្រឹងកិច្ចសហប្រតិបត្តិការត្រីភាគី និងទី៦.ការទប់ស្កាត់
និងការ ត្រួតពិនិត្យ មេរោគអេដស៍ ជំងឺអេដស៍នៅកន្លែងធ្វើការ។
ថ្លែងក្នុងពិធីបើកកិច្ចប្រជុំ សម្តេចអគ្គមហាសេនាបតីតេជោ ហ៊ុន សែន បានចាត់ទុក ប្រធានបទការធ្វើឱ្យប្រសើរ ឡើងនៃកិច្ចគាំពារសង្គម និងការអភិវឌ្ឍ ជំនាញ
នឹងធ្វើឱ្យអាស៊ានកាន់តែមាន
លទ្ធភាពគ្រប់គ្រាន់ក្នុងការពង្រឹងយន្ដការ របស់ខ្លួន
ដែលបានកំណត់យក(សហ គមន៍ប្រជាជាតិជាស្នូល) នឹងពង្រឹងដល់
ស្មារតីរួមរបស់យើង ដែលកំណត់ថា (អាស៊ានសហគមន៍តែមួយ វាសនាតែ
មួយ) ។
ក្នុងនាមជាប្រធានអាស៊ានសម្ដេចតេជោនាយករដ្ឋមន្រ្តី នៃ
ព្រះរាជាណាចក្រកម្ពុជាបានមានប្រសាសន៍
ផ្ដល់នូវទស្សនទានមួយចំនួន ទៅដល់កិច្ចប្រជុំខាងលើសម្រាប់យក
ទៅពិភាក្សា ដែលមានខ្លឹមសារជាអាទិ៍ថា
១-កិច្ចគាំ ពារសង្គម គឺជាកត្ដាសំខាន់មួយនៅក្នុង
យុទ្ធសាស្ដ្រអភិវឌ្ឍ និងក្នុងគោលនយោ
បាយសង្គមសម្រាប់កាតបន្ថយភាពក្រី ក្រ ។
ប្រការនេះយើងត្រូវតែយកចិត្ដ ទុកដាក់ ផ្ដល់សេវាសម្រាប់ការគាំពារ
ដល់ពលរដ្ឋក្រីក្រ ដោយត្រូវរៀបចំជា
ពិសេសការលើកកម្ពស់ប្រសិទ្ធភាព
យន្ដការនៃកិច្ចគាំពារសង្គមជួយឱ្យជន ក្រីក្រ
និងជនងាយរងគ្រោះអាចកសាង បាននូវធនធានរបស់ខ្លួនសម្រាប់ជា
មូលដ្ឋានគ្រឹះក្នុងការរំដោះខ្លួន និងគ្រួសារ
ចេញពីភាពក្រីក្រប្រកបដោយភាព ជោគជ័យ និងធានានូវនិរន្ដរភាព ។
ក្នុង នោះយើងគួរផ្ដល់អាទិភាពខ្ពស់បំផុតទៅ
លើគោលដៅនៃការបង្កើតសហគមន៍ សេដ្ឋកិច្ចអាស៊ាន
គឺការប្រែក្លាយទីផ្សារ និងមូលដ្ឋានផលិតកម្មតែមួយជាមួយ
នឹងលំហូរដោយសេរីនៃទំនិញ សេវាកម្ម វិនិយោគ និងពលករ ។
ចាំបាច់ត្រូវ ស្វែងរកវិធីដាក់ចេញនូវសកម្មភាព អាទិភាព
និងវិធានការជាក់ស្ដែងជាគន្លឹះ ដើម្បីដោះស្រាយបញ្ហាប្រឈមនេះ និង
បំពេញភាពខ្វះចន្លោះទាំងឡាយ ដែល អាចជាឧបសគ្គនៃការឈានទៅដល់
បង្កើតសហគមន៍សេដ្ឋកិច្ចអាស៊ាន ។
២-ដើម្បីសម្រេចបានគោលដៅ ដែលលើកឡើងនេះ បណ្ដាប្រទេសសមា
ជិកត្រូវរៀបចំឱ្យមានកម្មវិធីការងារ
ច្បាស់លាស់ក្នុងការលើកកម្ពស់ចំណូល សមត្ថភាពរបស់សហគមន៍ក្រីក្រ នឹង
ត្រូវពន្លឿនការសម្រេចបាននូវគោលដៅ
អភិវឌ្ឍសហសវត្សសម្រាប់ឆ្នាំ២០១៥។
ក្នុងនោះការងារសំខាន់ៗដែលត្រូវសម្រេច ឱ្យបាន
គឺការលើកកម្ពស់ការចូលរបស់ សមាជិកសហគមន៍ ដែលក្នុងនោះរួម
ទាំងជនក្រីក្រ ស្ដ្រី និងសហគមន៍ជនជាតិ ភាគតិច
រួមទាំងក្រុមផ្សេងៗទៀត ដើម្បី
ឱ្យពួកគេអាចចូលរួមក្នុងដំណើរការអភិ វឌ្ឍ ការពង្រឹងសមត្ថភាព
និងលទ្ធភាព របស់សហគមន៍ អាជ្ញាធរមូលដ្ឋាន ក៏
ដូចជាដៃគូអភិវឌ្ឍក្នុងការកាត់បន្ថយ ភាពក្រីក្រ
ដោយឈរលើម្ចាស់ការ និង ការទទួលខុសត្រូវ ។
៣-យើងត្រូវបន្ដយកចិត្ដទុកលើ ប្រព័ន្ធការពារសង្គម ដែលគ្របដណ្ដប់
ទៅលើកម្មករ និយោជិតទាំងឡាយ ជា ពិសេសជនចាស់ជរា ពិការ រងគ្រោះ
ថ្នាក់ការងារ ការលំហែមាតុភាព និង
រាល់បញ្ហាទាក់ទងដល់សុខភាពនៅនឹង កន្លែងធ្វើការ ។
ចំពោះកម្មវិធីនានា ដែលឆ្លើយតបទៅនឹងភាពអត់ការងារ ធ្វើ
ក៏គួរតែត្រូវបានបញ្ចូលទៅក្នុងប្រព័ន្ធ គាំពារសង្គមនេះផងដែរ ។
៤-ចំពោះកិច្ចអភិវឌ្ឍមុខជំនាញ
សម្ដេចតេជោបានស្នើឱ្យអង្គប្រជុំចាប់
អារម្មណ៍ចំពោះសភាពការបច្ចុប្បន្ន
ដែលប្រទេសនីមួយៗកំពុងរៀបចំខ្លួន
សម្រាប់ការធ្វើសមាហរណកម្មនៅក្នុង តំបន់ និងក្នុងសកលលោក
ដែលប្រកប ដោយការប្រកួតប្រជែងដ៏ខ្លាំងក្លាបំផុត
ក្នុងនោះកត្ដាគន្លឹះ គឺធនធានមនុស្ស ដែលមានសមត្ថភាពខ្ពស់ ។
ដូច្នេះយើង ត្រូវធានាឱ្យបានថាកម្លាំងពលកម្មរបស់
យើងជានិច្ចជាកាលនៅតែមានសមត្ថ
ភាពគ្រប់គ្រាន់សម្រាប់ទទួលរ៉ាប់រងធ្វើ ការងារ
ស្របទៅតាមឱកាសការងារ ដែលទាមទារនូវជំនាញថ្មីៗ ជាតម្រូវ
ការទីផ្សារការងារជាសកល និងដើម្បី
អាចប្រកួតឈ្នះនៅលើទីផ្សារក្នុងបរិយា
កាសលំហូរដោយសេរីនៃកម្លាំងពលកម្ម
ដែលមានជំនាញនៅក្នុងតំបន់នាឆ្នាំ ២០១៥ខាងមុខ ។
៥-ការពង្រឹងភាពប្រជែងឈ្នះរបស់ ប្រទេសសមាជិកអាស៊ាន ធនធានមនុស្ស
បានដើរតួនាទីនាំមុខយ៉ាងសំខាន់ក្នុងការ
ពង្រឹងទិសអភិវឌ្ឍខាងវិស័យសេដ្ឋកិច្ច និងសង្គម ។
ដូច្នេះជាមួយនឹងកម្លាំង ពលកម្មដ៏សន្ធឹកសន្ធាប់របស់ប្រទេស
អាស៊ានប្រមាណ២៨៥លាននាក់ អាស៊ាន
ត្រូវទទួលស្គាល់ពីសារសំខាន់នៃការ បង្កើតការងារ ការអភិវឌ្ឍគុណភាព
កម្លាំងពលកម្ម និងការផ្ដល់របបសន្ដិ សុខសង្គមដល់កម្មករ ។
ការងាររបស់ អាស៊ានស្ដីពីពលកម្ម និងធនធានមនុស្ស
ត្រូវបានតម្រង់ទិសដោយកម្មវិធីការងារ
របស់រដ្ឋមន្ដ្រីការងារអាស៊ានចាប់តាំង ពីឆ្នាំ២០០០មក
។កម្មវិធីការងារនេះ មានអាទិភាព៥ រួមមានការបង្កើត ការងារ,
ការតាមឃ្លាំមើលទីផ្សារការងារ, ចលនាកម្លាំងពលកម្ម,
ការគាំពារសង្គម និងកិច្ចសហការត្រីភាគី ព្រមទាំងអាទិ ភាពទី៦
ដែលរដ្ឋមន្ដ្រីការងារអាស៊ាន សម្រេចបាននៅឆ្នាំ២០០៦ គឺសុខភាព
និងអនាម័យការងារ ។
៦-បន្ថែមលើអាទិភាពទាំងនេះ អាស៊ានត្រូវបន្ដរៀបចំឱ្យមានដំណោះ
ស្រាយបញ្ហាកម្មករទេសន្ដប្រវេសន៍ ដែលបានរៀបចំហើយកាលពីថ្ងៃទី១៣
ខែមករា ឆ្នាំ២០០៧ ។ ក្នុងនោះប្រមុខ
ដឹកនាំអាស៊ានបានចុះហត្ថលេខាលើ
សេចក្ដីថ្លែងការណ៍មួយស្ដីពីការការពារ
និងការលើកកម្ពស់សិទ្ធិពលករទេសន្ដ ប្រវេសន៍
និងបានបង្កើតគណៈកម្មការ មួយ ដើម្បីអនុវត្ដន៍សេចក្ដីថ្លែងការណ៍ នេះ
ហើយគណៈកម្មការបានកោះប្រជុំ លើកទី១នៅខែកញ្ញា ឆ្នាំ២០០៨
និងកិច្ច ប្រជុំជាបន្ដបន្ទាប់ ។ ទោះបីគោលដៅ
នេះនៅមិនទាន់សម្រេចបានទាំងស្រុង នៅឡើយ
ក៏ការផ្លាស់ប្ដូរពលកម្មទៅ វិញទៅមក នៅក្នុងចំណោមប្រទេស
សមាជិកអាស៊ានបាននឹងកំពុងប្រព្រឹត្ដ
ទៅយ៉ាងសកម្មរួចជាស្រេចទៅហើយ ។
ជាក់ស្ដែងនៅក្នុងក្របខ័ណ្ឌអាស៊ាន មានប្រទេសមួយចំនួននាំពលករចូល
ហើយប្រទេសមួយចំនួនធំទៀតជាប្រទេស នាំពលករចេញ
រួមទាំងប្រទេសកម្ពុជា ផងដែរ ។ ប្រការនេះបានសម្រេចពី
ភាពចាំបាច់ក្នុងការពង្រឹងកិច្ចសហប្រតិ
បត្ដិការក្នុងចំណោមប្រទេសអាស៊ាន
ដើម្បីការពារសិទ្ធិពលករទេសន្ដប្រវេសន៍។
អាស៊ានបានចាប់ផ្ដើមធ្វើការងារនេះខ្លះ ហើយ
ប៉ុន្ដែនៅមិនទាន់សម្រេចបាននូវ
កិច្ចព្រមព្រៀងជាក់លាក់ណាមួយសម្រាប់ អនុវត្ដន៍នៅឡើយទេ។
ទោះបីជាសមាហ រណកម្មសេដ្ឋកិច្ចបានផ្ដោតលើលំហូរនៃ
ពលករជំនាញក៏ដោយ ប៉ុន្ដែជាក់ស្ដែង បញ្ហាប្រឈមមុខ
គឺជាការការពារសិទ្ធិ របស់ពលករ គ្មាន ឬមានជំនាញតិច តួច ។
ដូច្នេះយើងគួរជំរុញការការពារ សិទ្ធិរបស់ពលករទេសន្ដប្រវេសន៍
ដើម្បី ឱ្យដើរទន្ទឹមនឹងសេចក្ដីថ្លែងការណ៍អាស៊ាន
ស្ដីពីសិទ្ធិមនុស្ស ដែលជាគោលដៅ អនុម័ត នៅឆ្នាំ២០១២នេះ ។
សម្ដេចតេជោបញ្ជាក់ថា ចំពោះមុខ នេះ កម្ពុជាសូមសំណូមប្រទេសសមា
ជិកទាំងអស់ប្រកាន់យកនូវគោលការណ៍ ច្បាប់ និងសិទ្ធិមនុស្ស
ដោយជៀសវាង ឱ្យបានដាច់ខាតនូវការប្រមាថ និងការ
បង្កផលលំបាកដល់ជីវិតពលករទេសន្ដប្រវេសន៍ ៕
មានប្រសាសន៏
សំណេះសំណាលក្នុងពិធីសច្ចារប្រណិធាន
និងបំពាក់កន្សែងជូននវកាយរឹទ្ធិជាតិកម្ពុជាខេត្តបាត់ដំបង
ឯកឧត្តមបណ្ឌិតសភាចារ្យ សុខ អាន បានអបអរសាទនិងកោត
សរសើរចំពោះសកម្មភាពកាយរឹទ្ធិជាតិខេត្តបាត់ដំបង
ក្នុងការចួលរួមក្នុងសកម្មភាពសង្គមនានា ដែលធ្វើឲ្យខេត្តបាត់ដំបង
ក្លាយជាមជ្ឈមណ្ឌលសេដ្ឋកិច្ច
និងជាតំបន់ទេសចរណ៏សំខាន់មួយរបស់ព្រះរាជាណាចក្រកម្ពុជា
ធ្វើឲ្រជីវភាពប្រជាពលរដ្ឋកាន់ តែបានប្រសើរឡើង។ ឯកឧត្តមបណ្ឌិត សុខ អាន ក៏បានសំដែងនូវការគោរពដឹងគុណ ចំពោះសម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្រ្តីនៃព្រះរាជាណាចក្រកម្ពុជា
និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ប្រធានកាកបាទក្រហមកម្ពុជា និងជាគរុគុណនៃកាយរឹទ្ធិជាតិកម្ពុជា
ដែលបានសម្តេចតេជោ និងលោកជំទាវ បានឧបត្ថម
គាំទ្រជានិច្ចដល់ដំណើរការកាយរឹទ្ធិជាតិកម្ពុជា
ឲ្យពង្រឹងបាននូវតួនាទីនឹងគំរូល្អរបស់ខ្លួន នៅក្នុងសង្គម
សំដៅធ្វើឲ្យមានការកែប្រែឥរិយាបឋរបស់យុវជនឆ្ពោះទៅរកភាពវិជ្ជមាន។ សម្តេចតេជោ និង
លោកជំទាវបានយចិត្តទុកដាក់ខ្ពស់បំផុតចំពោះកុមារ
និងយុវជនកម្ពុជាឲ្យទទួលបាននូវសិទ្ធគ្រប់បែបយ៉ាងរួមមាន
សិទ្ធរស់រានមានជីវិត សិទ្ធក្នុងការអភិវឌ្ឍ សិទ្ធទទួលការការពារ
និងសិទ្ធទទួលបានការអប់រំប្រកបដោយសមធម៌។
ដោយផ្អែកទៅតាមគោលនយោបាយជាតិស្តីពីការអភិវឌ្ឍយុវជនកម្ពុជា
ដែលរាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន បានដាក់ចេញកាលពីឆ្នាំ ២០១១ ក្នុងនាមប្រធានកាយរឹទ្ធិជាតិកម្ពុជា ឯកឧត្តមបណ្ឌិតសភាចារ្យ សុខ អាន បាន
អំពាវនាវដល់ឯកឧត្តម លោកជំទាវ លោក លោកស្រី អ្នកនាងកញ្ញា
និងអាជ្ញាធរគ្រប់លំដាប់ថ្នាក់ នៃខេត្តបាត់ដំបង មាតាបីតា
អាណាព្យាបាលសិស្ស លោកគ្រូអ្នកគ្រូ ចូលរួមជំរុញចលនាអប់រំយុវជន
តាមប្រព័ន្ធកាយរឹទ្ធិកម្មនេះឲ្យកាន់តែរស់រវើក
និងមានប្រសិទ្ធភាពសំរាប់ជាប្រយោជន៏ដល់យុវជនខេត្តបាត់ដំបង
ក៏ដូចជាសង្គមជាតិទាំងមូល។
