Friday, May 18, 2012

សេច​ក្តី​ប្រកាស​ព័ត៌មាន​​របស់ អ្នកនាំ​ពាក្យ​ក្រសួង​ការពារ​​ជាតិ ទាក់​ទង​និង​ការចុះផ្សាយ​របស់ The Cambodia Daily ថ្ងៃទី ១៨ ឧសភា ២០១២


សារ​លិខិត​ជូនពរ សម្តច​អគ្គ​មហា​សេនា​បតី​តេជោ ហ៊ុន សែន ជូន​សម្តេច​អគ្គ​មហា​ពញា​ចក្រី ហេង សំរិន ប្រធាន​រដ្ឋសភា នៃ​ព្រះ​រាជា​ណា​ចក្រ​កម្ពុជា ក្នុងឱកាស​ខួប​កំណើត​គម្រប់ ៧៨ឆ្នាំ ឈាន​ចូល​៧៩ ឆ្នាំ



សារ​លិខិត​ជូនពរ ឯកឧត្តមបណ្ឌិត​សភាចារ្យ សុខ អាន ជូនសម្តេច​អគ្គ​មហា​ពញាចក្រី ហេង សំរិន ប្រធាន​រដ្ឋសភា នៃព្រះ​រាជា​ណា​ចក្រ​កម្ពុជា ក្នុងឱកាស​ខួប​កំណើត​គម្រប់ ៧៨ឆ្នាំ ឈាន​ចូល​៧៩ ឆ្នាំ



សម្តេច​តេជោ​ទទួល​ជួប​សវនាការ​ជាមួយ​រដ្ឋមន្រ្តី ទទួល​បន្ទុក​រដ្ឋ វេល នៃ​ចក្រភព​អង់គ្លេស




នៅពេល ​​ចូលជួប​សម្តែង​ការគួរសម​នា​ថ្ងៃ​ទី ១៧ ខែ ឧសភា ឆ្នាំ ២០១២ នៅវិមាន​សន្តិភាព​ក្នុង​រាជធានី​ភ្នំពេញ លោកជំទាវ Cheryl Gillan សមាជិក​សភា និង ជារដ្ឋមន្រ្តី​ទទួល​បន្ទុករដ្ឋ វេល នៃ​ចក្រភអង់គ្លេស បាន​ជម្រាប​ជូន​សម្តេច​អគ្គ​មហា​សេនា​បតី​តេជោ​ ហ៊ុន សែន ថា លោក​ជំទាវ​មាន កិត្តិយស​ណាស់ ដែល​បានធ្វើ​ដំណើរ​មកកាន់​ព្រះរាជា​ណាចក្រ​កម្ពុជា ដែល​ទស្សនកិច្ច​នេះ ដើម្បី​ជាការ ពង្រឹង​បន្ថែម​នូវ​ទំនាក់​ទំនង រវាង​ប្រទេស​ទាំង​ពីរ តាម​រយៈ​ការបើក​ការិយាល័យ​ពាណិជ្ជកម្ម​វិនិយោគ​នៅ​កម្ពុជា នៅក្នុង​ស្ថាន​ទូត​ចក្រភព​អង់គ្លេស ដើម្បី​ពង្រឹង​បន្ថែម​នូវវិស័យ​នេះរវាង​ប្រទេស​ទាំងពីរ​នោះ។ នេះ​បើ​តាម​ការ​ឲ្យ​ដឹង​ដោយ​ឯកឧត្តម​ អ៊ាង សុផល្លែត ជំនួយការ​សម្តេចតេជោ​នាយក​រដ្ឋមន្រ្តី។

លោកជំទាវ Cheryl Gillan មាន​ប្រសាសន៍ថា ទស្សនកិច្ច​របស់លោក​ស្រី​ក៏​ដើម្បី​ចូលរួម​សម្ពោធ រោងចក្រ​កាត់ដេរ និង​ស្វែងយល់​ពីបញ្ហា​ ដីធ្លី ដំណើរ​ការសន្តិភាព ការកាត់​ទោសអតីត​មេដឹក​នាំ​ខ្មែរក្រហម​ និង អាទិភាព​របស់​ប្រធាន​អាស៊ាន​ផងដែរ។

ឯកឧត្តម​ អ៊ាង សុផល្លែត ឲ្យដឹងថា នៅ​ក្នុងជំនួប​នោះ សម្តេចតេជោ បាន​សម្តែង​នូវការ​រីករាយ​យ៉ាងខ្លាំង​ចំពោះ​ដំណើរ​ទស្សនកិច្ច​របស់​លោក​ ជំទាវ Cheryl Gillan ដែល​មក​ដើម្បីពង្រឹង​ទំនាក់ទំនង​រវាង​ប្រទេសទាំងពីរ​ លើ​វិស័យ​ពាណិជ្ជកម្ម និង​វិនិយោគ និង​បាន​សម្តែង​ការអបអរ​សាទរ ចំពោះការ​បើក​ការិយាល័យ​ពាណិជ្ជកម្ម វិនិយោគ​នៅ​កម្ពុជា នៅក្នុង​ស្ថានទូត​ចក្រ​ភព​អង់គ្លេស​នោះ។ សម្តេច​តេជោ​នាយក​រដ្ឋមន្រ្តី​ ក៏បាន​សម្តែង​នូវការ​អបអរ​សាទរ ចំពោះ​ការ​សម្ពោធ​រោងចក្រ​កាត់​ដេរ​នៅ​កម្ពុជា​ផងដែរ​ព្រោះថា ការ​បង្កើត​រោងចក្រ​កាត់ដេរ​នេះ ជាការ​ជួយបង្កើត​ការងារ​ដល់​ប្រជាជន​កម្ពុជា​ផង ហើយ​ក៏​ជួយ​ជំរុញ​ការនាំ​ចេញ​ពី​កម្ពុជា​ទៅ​កាន់​បរទេស​ផងដែរ។

ពាក់​ព័ន្ធជា​មួយដំណើរ​ការសន្តិភាព​របស់​កម្ពុជា សម្តេច​តេជោ ហ៊ុន សែន បាន​ជម្រាប​ជូន​ពីដំណើរ​សន្តិភាព​របស់​កម្ពុជា ចាប់​តាំង​ពី​ឆ្នាំ ១៩៧៣ រហូត​មក​ដល់​ឆ្នាំ ១៩៩៨ ដែល​ជា​រយៈពេល​ដ៏វែង​មួយ ដែល​កម្ពុជា​តែងតែ​មាន​តំបន់​អបគមន៍ ហើយ​ក្រោយ​ពីឆ្នាំ ១៩៩៨ កម្ពុជា​បាន ទទួល​សុខ​សន្តិភាព​ពេញលេញ។ ឯកឧត្តម​ អ៊ាង សុផល្លែត ឲ្យ​ដឹង​​ថា សម្តេច​នាយក​រដ្ឋមន្រ្តី បាន​លើក​ឡើង យ៉ាង​លម្អិត​នូវ​ដំណើរ​ការស្វែង​រក​សន្តិភាព និង​ដំណើរ​ការកាត់​ទោស​អតីត​មេដឹកនាំ​ខ្មែរ​ក្រហម ដែល​កន្លង​មក​ធ្លាប់​បាន​ធ្វើការ​កាត់ទោស​ម្តង​រួចមក​ហើយ កាល​ពីឆ្នាំ ១៩៧៩ នោះ។

ចំពោះ​បញ្ហា​អាទិភាព​របស់​អាស៊ាន ក្នុង​នាមជា​ប្រធាន​អាស៊ាន​នោះ សម្តេច​តេជោ​មាន​ប្រសាសន៍​ថា គឺ​ជា​ការ​ធ្វើ​សមាហ​រណកម្ម​អាស៊ាន ដើម្បី​ធ្វើយ៉ាង​ណា​ឈាន​ចូល​សហគមន៍​អាស៊ាន​នៅ ឆ្នាំ ២០១៥ ខាង​មុខ​នេះ។

សម្តេចតេជោ​ក៏បាន​លើកឡើង​អំពី​បញ្ហាផ្តល់​ដី​សម្បទាន​សេដ្ឋកិច្ច និង​ដី​សម្បទាន​សង្គម​កិច្ចផង​ដែរ៕

សម្តេច​តេជោ​ផ្តល់​អនុសាសន៍​ស្តីពី​ការ​រក្សា​ទំនៀម​ទម្លាប់​ និង​ពង្រឹង​តួនាទី​អាចារ្យ


សម្តេច​អគ្គមហា​សេនាបតី​តេជោ ហ៊ុន សែន បាន ​អំពាវ​នាវ​ឲ្យ​អាចារ្យ​-អាចារិនី និង​ព្រះ​សង្ឃ​មាន​ការ​ឯកភាព​គ្នា ក្នុង​ការ​រក្សា​ទំនៀម​ទំលាប់​ប្រពៃ​ណី​ខ្មែរ​ ដោយ​អនុវត្ត​ទៅ​តាម​តួនាទី​ភារកិច្ច​រៀង​ៗ​ខ្លួន និង​បាន​ច្រាន​ចោល​នូវ​ពាក្យ​ចចាម​អារាម​ថា ក្រសួង​ធម្ម​ការ​ និង​សាសនា​ ក្រសួង​វប្បធម៌​ និង​វិចិត្រ​សិល្បៈ នឹង​ធ្វើ​ការ​ផាក​ពិន័យ​ចំពោះ​ការ​មិន​អនុវត្ត​​ទៅ​តាម​​ការ​រៀប​ចំ​របស់​ ក្រសួង​អំពី​ទំរង់​អាពាហ៍​ពិពាហ៍​​ក្នុង​គ្រួសារ​ខ្មែរ​។​

ថ្លែង ​ក្នុងពិធី​​បិទ​វគ្គ​ និង​សំណេះ​សំណាល​ជា​មួយ​អាចារ្យ-អាចារិនី ចំនួន​ ៣២៥៥ អង្គ/នាក់​ ស្តីពីតួនាទីភារកិច្ច​ក្រមសីលធម៌​អាចារ្យ-អាចារិនី​ ក្នុង​ប្រពៃណី​ទំនៀម​​ ទម្លាប់ខ្មែរ នា​ថ្ងៃទី ១៥ ខែ ឧសភា ឆ្នាំ ២០១២ នៅ​សាល​មហោស្រព​កោះ​ពេជ្រ​សម្តេច​តេជោ​នាយក​រដ្ឋមន្រ្តី បាន​គូស​បញ្ជាក់​ថា ការ​បណ្តុះ​បណ្តាល​អាចារ្យ និង​អាចារិនី​កន្លង​មក​យើង​បាន​រៀប​ចំ​ជា​ទំនៀបមទម្លាប់​មួយ​ដែល​អ្នក​ស្រាវ ​ជ្រាវ​មុនៗ​ទុក​ឲ្យ​យើង​ យើង​បន្ត​ស្រាវ​ជ្រាវ​ចង​ក្រង​ទៅ​ ប៉ុន្តែ​យើង​មិន​បង្ខំ​ឲ្យ​អ្នក​ណា​មួយ​គោរព​ទាំង​ស្រុង​តាម​ហ្នឹង​ រហូត​ដល់​ផាក​ពិន័យ​នោះ​ទេ​។ 

សម្តេ​ច​តេជោ​បាន​លើក​ជា​ ឧទាហរណ៍​ថា យើង​ត្រូវ​ទទួល​ស្គាល់​នូវ​បញ្ហា​មួយ​ទៀត​ ដូច​ជា​ ពិធី​កាត់​នំ​ ដែល​មិន​មែន​ជា​ពិធី​របស់​ខ្មែរ​ ក៏​ប៉ុន្តែ​អាចារ្យ​មិន​អាច​ទៅ​បញ្ជា​កូន​ក្រមុំ​ កូន​កំលោះ​ កើត​ដែរ​ នេះ​ជា​រឿង​របស់​គ្រួសារ​គេ​។ សូម្បី​តែ​អាចារ្យ​ថា ធ្វើ​មិន​បាន​ឪពុក​ម្តាយ​គេ​ ឬ កូន​ក្រមុំ​កូន​កំលោះ​គេ​ថា អាចារ្យ​ឯង​ចេះ​អី​រឿង​ហ្នឹង គឺ​រឿង​ខ្ញុំ​ទេតើ​។​ ប្រើសិន​បើ​​ក្រសួង​ធម្មការ​ និង​សាសនា​ ក្រសួង​វប្បធម៌​ និង​វិចិត្រ​សីល្បៈ​ចេញ​បទ​បញ្ជា​ ឬ​​ក៏​រាជរដ្ឋាភិបាល​ចេញ​អនុក្រឹត្យ​ថា​ហាម​ឃាត់​​ការ​កាត់​នំ​ក្នុង​ពេល​ អាពាហ៍​ពិពាហ៍​ អញ្ចឹង​រឿង​នេះ​​វា​ទៅ​ជារឿង​បំបិទ​សិទ្ធ​គេ​ទៀត​។

សម្តេច​អគ្គមហា​សេនាបតី​តេជោ ហ៊ុន សែន បាន​សំ ដែង​នូវការ​កោត​សរសើរ និង​វាយ​តំលៃ​ខ្ពស់​ចំពោះ​ថ្នាក់ដឹក​នាំ​ក្រសួង​ធម្មការ និង​សាសនា ដែល​បានរៀប​ចំបើកវគ្គ​បណ្តុះបណ្តាល ស្តីពី​តួនាទី​​ភារកិច្ច​ក្រមសីលធម៌​អាចារ្យ-អាចារិនី ក្នុង​ប្រពៃណី​ ទំនៀមទម្លាប់​ខ្មែរ ចាប់​តាំងពី​វគ្គ១​រហូត​ដល់​វគ្គ៩ ដែល​បាន បញ្ចប់​ទៅប្រកប​ដោយ​លទ្ធផល​ដ៏​ត្រចះ​ត្រចង់​បំផុត។ សម្តេច​តេជោ មាន ​ប្រសាសន៍​ថា ខ្ញុំ​គិត​ថា ពុទ្ធចក្រ​កំពុង​ជួយ​ដល់​សង្គម​យ៉ាង​ច្រើន​ អាច​និយាយ​តាម​មួយ​បែប​ថា ពុទ្ធ​ចក្រ​កំពុង​ជួយ​ដល់​អាណាចក្រ​ពាក់​ព័ន្ធ​ជា​មួយ​ការ​អភិវឌ្ឍន៍​ ព្រោះ​ការ​អភវឌ្ឍន៍​ណាក៏ដោយ សង្គម​ណា​ក៏ដោយ បើ​មនុស្ស​ប្រព្រឹត្ត​បាបកម្ម​ច្រើន​គឺ​បាន​សេច​ក្តី​ថា សង្គម​នោះ​ពុំ​មាន​ការ​រីក​ចម្រើន​ទេ​។

ទាក់​ទង​នឹង​ការ​បណ្តុះ​បណ្តាល​សម្តេចតេជោ​ មាន​ប្រសាសន៍​​ថា មុខវិជ្ជា​ទាំង២០​ដែល​បាន​បណ្តុះ​បណ្តាល ជូន​ដល់​អាចារ្យ អាចារិនី​ទូទាំង​ប្រទេស ក្នុង​ពេលកន្លង​មក នៅ​មិនទាន់​គ្រប់គ្រាន់​នៅឡើយ​ទេ គឺទាមទារ​ឲ្យមាន​ការចូល​រួមស្រាវ​ជ្រាវ​រក​ឯកសារ​កិត្តិយុត្ត​នានា ដែល​ទាក់ ទិនទៅ​និង​ទំនៀម​ទម្លាប់​ប្រពៃណី​ជាតិ ដែល​បានបាត់​បង់​ជាយូរ​មកហើយ ក្នុង​គោល បំណង​ចង​ក្រង​ជា​ឯកសារ​គោល មាន​លក្ខណៈ​ជាបទ​ដ្ឋានច្បាប់ សំរាប់​មនុស្ស​ជំនាន់ ក្រោយ​សិក្សា​រៀន​សូត្រ ដើម្បី​អនុវត្ត​ឲ្យកាន់​តែមាន​ប្រសិទ្ធ​ភាព​ខ្ពស់បំផុត។

សម្តេច​តេជោ​នាយក​រដ្ឋមន្រ្តី បានផ្តល់​នូវ​អនុសាសន៍​មួយចំនួន​រួមមាន -ទី១ គឺក្រសួង​ធម្មការ​និង​សាសនា ត្រូវបន្ត​សហការ​ជាមួយ​ក្រសួង ស្ថាប័ន​ពាក់ពន្ធ័ រៀបចំ​វគ្គ​បណ្តុះ​បណ្តាល​ស្តីពី​តួនាទី និង​ភារកិច្ច​អាចារ្យ ក្នុង​ប្រពៃណី ទំនៀម​ទម្លាប់​ខ្មែរ​បន្ត​ទៅទៀត ដើម្បី​តំរង់​ទិសដៅ និង​ផ្សព្វផ្សាយ​ឲ្យ​ទូលំ​ទូលាយ​នៅ​ទូទាំង​ប្រទេស ។

-ទី២ ​ ក្រសួង​ធម្មការ​និង​សាសនា សហការ​ជាមួយក្រសួង​ ស្ថាប័ន ពាក់ពន្ធ័ ត្រូវ​បន្តយក​ចិត្តទុក​ដាក់​ស្រាវជ្រាវ​បន្ថែម​ទៀត ដើម្បី​រៀបចំ​ចង​ក្រង​ឯកសារ តម្រា ក្បូន រវាងបុគ្គល និង​បុណ្យ​ផ្សេងៗ សំរាប់​ចែក​ផ្សាយ​ឲ្យបាន​ទូលំទូលាយ និង​រៀបចំ​បញ្ចូល ក្បូន​តម្រា​ទាំង​នោះ ក្នុង​កម្មវិធី​សិក្សា​នៃពុទ្ធិក​សិក្សា​របស់​ខ្លួន។

-ទី៣ ក្រសួង​ធម្មការ និង​សាសនា ត្រូវ​ពង្រីក​ការ​ចង សម្ពន្ធ័ ជា​សមាគម​អាចារ្យ​ខ្មែរ តាម​រយៈ​ការរៀបចំ​ឲ្យ មាន​កម្មវិធី​ប្រជុំ​ប្រចាំ​ឆ្នាំ​ឲ្យ​បាន​ច្បាស់​លាស់ ដើម្បី​ឲ្យអាចារ្យ​បានផ្លាស់​ប្តូរមតិ​យោបល់ និង​ចែក​រំលែក​ចំណេះ​ដឹង ព្រមទាំង​ក្តាប់​យក​សំណូម​ពរ​នានា របស់​ប្រជាពលរដ្ឋ​មក បំភ្លឺ។
-ទី៤ទី៣ ​ក្រសួង​ធម្មការ​និង​សាសនា ត្រូវយក​ចិត្តទុក​ដាក់​រៀបចំ​វគ្គ​បណ្តុះ​បណ្តាល យាយជី ឲ្យ​មានតួនាទី​និង​ភារកិច្ច ក្នុង​ការរួម​ចំណែក​អភិវឌ្ឍន៍​សង្គម និង​អភិវឌ្ឍន៍​វប្ប ធម៌ ប្រពៃណី​ជាតិ​របស់​យើង ។

-ទី៥ លោក​អាចារ្យ​ អាចារិនី ត្រូវ​មាន​សាមគ្គី​ភាព កិច្ច​សហការ និង​ទំនាក់​ទំនង​ល្អ ជាមួយ​និង​គណៈកម្មការ​វត្ត ចៅ​អធិការវត្ត ព្រម​ទាំងព្រះ មេគុណ ព្រះ​អនុគុណ អាជ្ញាធរ​មូលដ្ឋាន ដោយ​មិន​ប្រកាន់​បក្ខពួក និង​មិនរើស​អើងពី ឋានៈ​ក្នុងសង្គម ពិសេស​ខិតខំ​ថែរក្សា​និង​អភិរក្ស​កេរ្តិ៍​មរតក វប្បធម៌​ព្រះ​ពុទ្ធសាសនា ទំនៀម​ទម្លាប់​ខ្មែរ​ឲ្យបាន​គង់វង្ស ដោយ​ធ្វើយ៉ាង​ណា​ត្រូវរួម​គ្នាលើក​ស្ទួយ​វិស័យ​ព្រះពុទ្ធ​សាសនា​ឲ្យបាន​ រុងរឿង។

ក្នុង​ពិធី​បិទ​វគ្គ​បណ្តុះ​បណ្តាល​អាចារ្យ-អាចារិនី​នេះ​ដែរ ឯកឧត្តម មិន ឃិន រដ្ឋមន្រ្តី​ក្រសួងធម្មការ និងសាសនា មានប្រសាសន៍​ឲ្យ​ដឹង​ថា អនុវត្តតាម​អនុសាសន៍​​ដ៏ខ្ពង់​ខ្ពស់ របស់​សម្តេចតេជោ​នាយករដ្ឋមន្រ្តី ស្តីពី​ការ​ដោះស្រាយ​វិបត្តិអាចារ្យ​នៅទូទាំង​ព្រះរាជាណាចក្រកម្ពុជា ក្រសួង​បានយក​ចិត្តទុក​ដាក់​ខ្ពស់ ដោយ កៀរគរ​ធនធាន​គ្រប់មធ្យោបាយ ដើម្បី​បើកវគ្គបណ្តុះ​បណ្តាល​ស្តីពី​តួនាទី ភារកិច្ច អាចារ្យ ក្នុង​ប្រពៃណី​ទំនៀម​ទម្លាប់​ខ្មែរ ចំនួន ៩ វគ្គ រួច​មកហើយ ដោយ​មាន​សិក្ខា​កាម ជា អាចារ្យ អាចារិនី មក​ពីគ្រប់​រាជធានី ខេត្ត ចំនួន​៣​ពាន់​២៥៥​អង្គ នាក់ ដោយ​បានបណ្តុះ បណ្តាល​លើមុខ​វិជ្ជា​សំខាន់ៗ​ចំនួន២០ សិក្សា​ក្នុងរយៈ​ពេល​២​សប្តាហ៍។  ឯកឧត្តមរដ្ឋ មន្រ្តីមាន​ប្រសាសន៍​ឲ្យ​ដឹង​ដែរថា ជាមួយ​និង​លទ្ធផល​ដែល​ទទួល​បាននោះ សិក្ខា​កាម ដែល​បាន​បញ្ចប់វគ្គ​ទាំងអស់ បានរួមគ្នា​ចង​សម្ពន្ធ័​បង្កើត​ជា​សមាគម​អាចារ្យ​ខ្មែរ នៅ ក្រសួង​ធម្មការ​និង​សាសនា ដើម្បី​រួមគ្នា​ពង្រឹង​តួនាទី​អាចារ្យ ឲ្យកាន់​តែមាន​ភាពសុក្រិត និង​ប្រមូលផ្តុំ​ចែក​រំលែក​ចំណេះ​ដឹងគ្នា ជួយ​ទំនុក បំរ៉ុងគ្នាទៅវិញទៅមក។

សម្ដេច​តេជោ​ស្នើ​កុំ​យក​ព្រះ​នាម​ព្រះ​មហា​វីរៈ​ក្សត្រ នរោត្តម សីហនុ ទៅ​ឃោស​នា​រក​សំឡេង​ឆ្នោត​


សម្ដេច​អគ្គ​មហាសេនាបតី​តេជោ ហ៊ុន សែន បានប្រកាស​ជា​សាធារណៈ​ទៅ​ដល់​អ្នកនយោបាយ​រួម​ទាំង​សែ​រាជវង្ស​ផង កុំឲ្យ​កេង​ចំណេញ​​ពី​រាជានិយម និង​យក​ព្រះនាម​របស់​ព្រះករុណា​ព្រះបាទ​សម្ដេច​ ព្រះ​​​នរោត្ដម សីហនុ ទៅ​ឃោសនា​រក សំឡេងឆ្នោត ដោយ​ចាត់​ទុក​ថា​ រាជានិយម​គឺ​ជា​របស់​រួម​ មិន​មែន​ជា​​របស់​គណបក្ស​នយោបាយ​ណា​មួយ​ ឬត្រឹមតែ​សែ​រាជវង្ស​នោះ​ឡើយ​។​

សេច​ក្តី​​ថ្លែង​​​សម្ដេច​តេជោ បាន​ធ្វើឡើង​នៅព្រឹក​​ថ្ងៃទី​១៥ ខែ​ឧសភា ឆ្នាំ ២០១២ ក្នុងឱកាស​អញ្ជើញ​ជា​អធិបតីក្នុង​ពិធី​បិទ​វគ្គ​និង​សំណេះសំណាល​ ជាមួយអាចារ្យ​-​អាចារិនី ជំនាន់​ទី​១​ដល់​ជំនាន់ទី​៩ ចំនួន​ ៣២៥៥ អង្គ/នាក់ នៅ​មជ្ឈមណ្ឌល​ពិព័រណ៍​កោះ​ពេជ្រ រាជធានី​ភ្នំពេញ ។​
សម្ដេចតេជោ​នាយក​រដ្ឋមន្ដ្រី ហ៊ុន សែន មានប្រសាសន៍ថា “​ព្រោះ​អ្នក​ដែល​ការពាររាជានិយម​កំពុងតែ​អង្គុយ​នៅ​ឯនេះកំពុងតែ​និយាយ​នេះ​ ។​«សូម​កុំ​​​ភាន់​​ច្រឡំ​​​ឱ្យ​សោះ​​​ បើ​គ្មា​​ន​​គណ​បក្ស​​ប្រជាជន​​​​ទេ អត់​មាន​​រាជា​និ​យម​​​ស្រុក​ខ្មែ​រ​​ទេ ​សូម​កុំ​​​ច្រឡំ​​ អត់​មាន​ទេ » ។

ដោយ​សំដៅ​ទៅ​រក​លទ្ធផល​នៃ​ការ​បោះ​ឆ្នោត​កាល​ពី​ឆ្នាំ ១៩៩៣ បង្កើត​រដ្ឋ​ធម្មនុញ្ញ​ និង​របប​រាជានិយម​​ជា​ថ្មី សម្តេច​​​​តេជោ​ មាន​ប្រសាសន៍​​​ថា ទោះ​បី​​​មួយ​​​បាន​​៥៨​​​កៅ​អី មួយ​​​​បាន​៥១​កៅ​អី​​​ តើ​អ្នក​ឯក​អនុ​ម័ត​បាន​ទេ​? ​រដ្ឋ​ធម្ម​នុ​ញ្ញ​​​ត្រូ​វ​ការ​​​២ភាគ​៣​ ពេល​នោះ​សភា​​ធម្ម​នុញ្ញ​​​មាន​​១២០​​កៅ​អី​ ។ ដូច្នេះ​​ត្រូវ​ការ​​​៨២​​សំឡេង​​​ទើប​អ​នុ​ម័ត​រដ្ឋ​ធម្ម​នុញ្ញ​បាន​ ។ បើ​​គណ​​បក្ស​​​ប្រជា​ជន​​​មិន​ចូល​​រួម​​​​ចំណែក​​​អនុ​ម័ត​​​រ​ដ្ឋ​ធម្ម​ នុញ្ញ​​​ តើ​អាច​​​​ទៅ​រួច​ទេ​?​ ត្រូវ​ទទួល​​ស្គាល់​គេ​ឯង​​ផង​​ ។ កាល​​​​ឆ្នាំ​​២០០៨​ ឃោស​នា​​​បោះ​ឆ្នោត​​​​ថា​ បើគ​ណ​បក្ស​​​រាជា​​និ​​យម​​​ទន់​ខ្សោយ​​នោះរាជា​​និយម​នឹង​​​ត្រូវ​បាត់​ បង់​ ។ ​​ឥឡូវ​​​​នេះ​គណ​បក្ស​​​​ដែល​តាំ​ងខ្លួន​​ជា​រាជា​និយម​​ សរុប​ទាំង​​​ពីរ​បក្ស​​​មាន​តែ​​៤កៅ​អី​​​ ។ ​​ការ​ពារ​​​ខ្លួន​ឯង​​​​​អត់​បា​ន​ផង​​​​ រួច​​តាំង​ខ្លួន​​​​ថា​ការ​​ពារ​​រាជា​និយម​​ ។ អ្នក​​ណា​ជា​​​​អ្ន​ក​ការ​ពារ​​​រាជា​និយម​​​បច្ចុ​ប្បន្ន​​ ? ​ ​មិន​គណ​បក្ស​ប្រជា​ជន​​!។ សម្តេច​​តេជោ​មាន​​ប្រសា​​សន៍ឲ្យ​ដឹង​​ថា​ ​ឥឡូវ​​​កំពុង​​​ប្រារព្ធ​​​​ព្រះ​រាជ​ពិធី​​​បុណ្យ​ចម្រើន​​ព្រះ​ជន្ម​​ ព្រះ​មហា​​ក្សត្រ​​​ជាទី​សក្កា​រៈ​​របស់​​​​យើង​ តើ​អ្នក​​​ណា​ជា​​អ្នក​​​​ចេញ​មុខ​​ធ្វើ​ ? មិន​មែន​គណបក្ស​​​ដែលអួត​អាង​​​​​ការពារ​​​រាជា​និយម​​​​​ឯ​ណា ? ​គឺ​គណ​បក្ស​​​ប្រ​ជា​ជន​​​ដែល​កំពុង​​​គ្រប់​គ្រង​រដ្ឋាភិ​​បាល​ ។​

សម្តេច​តេជោ​ មាន ​ប្រសាសន៍​​ឲ្យ​ដឹង​ថា បួន​កៅអី​យកមកធ្វើ​ផេះ​អី​? ៩០​កៅអី​ដែល​អាច​កែប្រែរដ្ឋធម្មនុញ្ញ​បាន​គេ​កំពុងតែ​ការពារ​។ ខ្លួន​ឆ្លៀត​យកចំណេញ​ច្រើន​លើក​ច្រើនសា​ហើយ គេ​មិន​ថា​ផង រហូត​ដល់​មួយបែប​ថា​អាក្រក់​ស្ដាប់​ស៊ី​កេរ​ឪ។ បើស្រឡាញ់​សម្ដេចឪ​បោះឆ្នោត​ឱ្យ​ហ្វ៊ុន​ស៊ិនប៉ិច និយាយ​ឱ្យ​ច្បាស់។​ អ៊ី​ចឹងអ្នកចាញ់​ដោយ​ទាំង​ព្រះករុណា សម្ដេចឪ សីហនុ ទៀត ។ ប៉ុន្មាន​អាណត្ដិ​ដែល ឃោសនា​របៀបនេះ​? ទៅ​អាប់ឱន​ព្រះ កិត្ដិនាម​របស់​សម្ដេចឪ ដែល​លោក អត់​ដឹង​ផង​។ ព្រោះ​រាជានិយម​ជា​របស់ រួម​របស់​ជាតិ ស្ដេច​ជា​ស្ដេច​របស់​យើង ទាំងអស់គ្នា មិនមែន​ស្ដេច​របស់​រាជវង្ស ទេ ហើយ​បើសិនជា​គ្រាន់តែ​របស់​រាជវង្ស ប៉ុន្មាន​នាក់ គឺ​ច្បាស់​ជា​អន្ដរាយ​ហើយ  អាហ្នឹង​សូម​ផ្ដាំ​ទុក​” ។​

សម្តេច​​​តេជោ​ បាន​រិះ​គន់ខ្លាំង​​ៗ​​ថា ​មាន​អ្នក​​ខ្លះ​​​ចង់​យក​​​​ចំណេញ​​ ប៉ុន្តែ​​គណ​បក្ស​ប្រជា​ជន​​មិន​​បាច់​ប្រកាស​ទេ ​​​គឺ​ធ្វើ​​​តាម​ការ​ជា​ក់​ស្តែង​​​អ្វី​ដែល​​បាន​កើត​​ ។ សូម្បី​​​ព្រះ​​មហា​ក្សត្រ​​​ ព្រះ​អង្គ​​​​​ក៏​ដឹង​​ដែរ​​​ទាំង​សម្តេច​​ឪ​ ទាំង​សម្តេ​ច​ម៉ែ​ រហូត​​​​ដល់​ព្រះ​អង្គ​​​ទ្រង់​​ប្រទាន​គោរម​​​ងា​​រ​សម្តេច​​​អគ្គ​មហា​​ ទាំង​៣​ ​។
ជាមួយគ្នា ​នេះ​សម្ដេច​តេជោ​​ក៏​បាន​អំពាវ​នាវ​​ថា សូម​គណបក្សនយោបាយ​ទាំងអស់ រួម​ទាំង​សែ​រាជវង្ស​ដែល​ធ្វើ​ន​យោបាយ​ផង កុំ​កេងចំណេញ​ពី​រាជានិយមដើម្បី​ឃោសនា​ទាញ​យក​សំឡេង​ឆ្នោត ក្នុង​ការបោះឆ្នោត​ឃុំ​-​សង្កាត់​នៅ​ថ្ងៃទី​៣ ខែមិថុនា ឆ្នាំ​២០១២ ។

សម្ដេច​តេជោ ហ៊ុន សែន បាន​ព្រមានទៀតថា បើសិនណា​ពុំ​មាន​ការបញ្ឈប់ការប្រើប្រាស់​ព្រះ​កិត្ដិនាម​របស់​ អតីតព្រះមហាក្សត្រ​សម្រាប់​ការឃោសនាបោះឆ្នោត​ទេ​នោះ សម្ដេច​នឹង​និយាយរឿង​នេះ​ជា​ថ្មី​ទៀត និង​ឱ្យ​កាន់តែខ្លាំង ក្លា​ជាងនេះទៀត ។​

សម្តេច​​​តេជោ​​នា​យក​​រដ្ឋ​មន្ត្រី​​ បាន​ព្រមាន​​ថា ​បើ​​ចង់​បំ​ផ្លាញ​​រាជា​​និយម​​​ត្រូវ​​​កន្លង​​សព​ ហ៊ុន​ សែន​​​ សិន ។ ព្រោះ​​បើ​​​​សិន​ជា​​​មាន​​ហេតុ​ការណ៍​​​អ្វី​កើត​ឡើង​​​​​ គឺ​ត្រូវ​​​ពាក់​ព័ន្ធជា​មួយ​​​ គឺ​ត្រូវ​​​មាន​ការ​ទទួល​​ខុស​ត្រូវ​​​របស់​​​នាយក​រដ្ឋ​មន្ត្រី ​​ លើ​បញ្ហា​​​សុ​វត្ថិ​ភាព​​​ព្រះ​មហាក្សត្រ​​ ។ សូម្បី​​​តែ​ព្រះ​​អង្គ​​ទ្រង់​​យាង​ទៅ​តាម​ផ្លូវ​អាកាស​​​ បើ​ឧ​តុ​និយម​​មិន​ច្បាស់​​​ទេ គឺ​​​មិន​បាន​ទេ​ មិន​ឱ្យ​យាង​តាម​​​​ឧទ្ធ​ម្ភាគ​​ចក្រ​​ទេ ​គឺ​​ឱ្យ​យាង​តាម​​​អា​កាស​​យាន​ Air Bus ហើយ​​ ព្រោះ​​ព្រះ​មហា​​ក្សត្រ​​​ ជា​ព្រះ​​ប្រមុខ​រដ្ឋ​ ។

ទាក់ ​ទង​នឹង​ការ​រក្សា​ទំនៀម​ទំលាប់​ សម្តេច​​តេ​ជោ​​នាយ​​ក​រដ្ឋ​មន្ត្រី​​​បញ្ជាក់​ថា ​ខ្ញុំ​មាន​​មោ​ទ​ន​ភាព​​​​​ណាស់​​ដោយ​សារ​តែ​​​ក្រសួង​​​​​ ព្រះ​រម​រាជ​វាំង​​ចូល​រួម​ស្រាវ​ជ្រាវ​​​នូវ​ប្រពៃ​ណី​​សម្រាប់​​​ព្រះរាជ​ ពិ​ធី​​​បុណ្យ​នានា​​ ទាក់​ទង​នឹង​ព្រះ​មហា​ក្សត្រ​ តាំង​ពីព្រះរាជ​​ពិ​ធី​បុណ្យ​ច្រត់​ព្រះ​​ន​ង្គ័ល​ ​​​ព្រះ​រាជ​ពិធី​បុណ្យ​​​​អុំទូក​​ បណ្តែត​​​ប្រទីប​​អក​អំបុក​​ និង​សំពះ​ព្រះ​ខែ​​ ព្រះ​រាជ​ពិ​ធី​​​​​​​ពី​បុរម​បុរាណ​​ មាន​ទាំង​​​បារគូផ្លុំស័ង្ខ ។ នោះ​ហើយ​យើង​​មាន​ទំ​នៀម​ទម្លាប់​​​​​​​ឡើង​វិញ ​ពិត​មែន​​​​​​​​​​​​​ទំនៀម​ទម្លាប់​​​ខ្លះ​មិន​​​​ត្រូវ​​​បាន​ប្រើ​​​ គ្រប់​​​កាលៈ​ទេ​សៈ​​ទេ ​ប៉ុន្តែ​​​ទំនៀម​ទម្លាប់​​​ដែល​មាន​តាំង​ពី​​ដូន​តា​​ក្នុង​ប្រទេស​​​​​ រាជា​ធិប​តេយ្យ​ ។ យើង​​មាន​ទំ​នៀម​​ទម្លាប់​​​របៀប​នេះ​ល្អ​ណាស់​​សម្រាប់​​​ប្រទេស​​យើង។

គួរបញ្ជាក់ ​ថា គណៈកម្មាធិការ​ជាតិរៀបចំ​ការបោះឆ្នោត​គ​.​ជ​​ប​បានប្រកាស ថា មិន​ឱ្យ​គណបក្ស​នយោបាយ​ណាមួយយក​ព្រះនាម ឬ​ព្រះឆាយាល័ក្ខណ៍របស់ព្រះមហាក្សត្រព្រះមហាវិរក្សត្រ​សម្ដេច​ឪ នរោត្ដម សីហនុ សម្ដេចម៉ែ ទៅ​តាំងបង្ហាញ ឬ​យក​ទៅ​ឃោសនា​រក​សំឡេង ឆ្នោត​ឡើយ ៕

សម្តេចតេជោ លោកជំទាវ សម្ភោធ​ដាក់​ឲ្យ​ដំណើរ​ការ​រោង​ចក្រ​ផលិត​ស្រាបៀរ​កម្ពុជា


សម្តេច​អគ្គ​មហា​សេនា​បតី​តេជោ ហ៊ុន សែន ​ នាយក​រដ្ឋមន្រ្តីនៃ​ព្រះ​រាជា​ណាចក្រ​កម្ពុជា​​ បានធ្វើ​ការអំពាវ​នាវ​ នៅ​ព្រឹក​ថ្ងៃទី​១៤ ខែ​ឧសភា ​ឆ្នាំ​២០១២ ​ចំពោះ​ក្រុមហ៊ុន​វិនិយោគ​បរទេស​នានា​ ឲ្យ​មកធ្វើ​ការបណ្តាក់​ទុននៅ​ កម្ពុជា ​តាមរយៈ​ការបណ្តាក់​ទុន​ ១០០% ដោយ​ផ្ទាល់​ដោយ​មិនចាំ​បាច់ធ្វើការ​សហការ​ជាមួយនិង​ក្រុមហ៊ុន​ដៃគូ​ ក្នុងស្រុកទេ​។​ ការ​ប្រកាស​របស់​​សម្តេច​តេជោ​ ត្រូវ​បាន ​ធ្វើ​ឡើង​ក្នុង​​ពិធី​សម្ភោធ​ដាក់ឲ្យ​ដំណើរ​ការ​ធ្វើ​អាជីវកម្ម​ជាផ្លូវ​ ការ​នូវ​រោងចក្រ ផលិតស្រាបៀរកម្ពុជា​របស់​ក្រុមហ៊ុន​ខ្មែរ​ប្រ៊ូវើវី​លីមីតធីត ដែល​បាន​សាងសង់រួចរាល់​ជា​ស្ថាពរ​​លើ​ផ្ទៃដី​ទំហំជាង​៩ហិចតា មាន​ទីតាំង​ស្ថិតនៅ​ភូមិ​ ជើង​ឯក​ សង្កាត់​ជើងឯក​ ខណ្ឌ​ដង្កោ រាជធានី​ភ្នំពេញ។

សម្តេច​អគ្គមហា​សេនា​បតី​តេជោ  ហ៊ុន សែន បាន ​សំដែង​នូវការ​កោតសរសើរ​ចំពោះ​ក្រុមហ៊ុន​ ជីប ម៉ុង​  ដែល​បាន ​បណ្តាក់​ទុនវិនិយោគ​ដ៏ធំនៅ​កម្ពុជា។ ជាមួយ​និងការ​ថ្លែង​នូវការ​កោត​សរសើរ​នោះដែរ  សម្តេច​តេជោ​នាយក​រដ្ឋមន្រ្តី​ បានធ្វើ ​ការអំពាវ​នាវ​ផង​ដែរ​ចំពោះ​ក្រុមហ៊ុន​វិនិយោគ​បរទេស​នានា​ មកធ្វើ​ ការបណ្តាក់​ទុននៅ​កម្ពុជា ​តាមរយៈ​ការបណ្តាក់​ទុន​ ១០០% ដោយ​ផ្ទាល់​ដោយ​មិនចាំ​បាច់ធ្វើការ​សហការ​ជាមួយនិង​ក្រុមហ៊ុន​ដៃគូ​ ក្នុងស្រុក។  សម្តេចតេជោ​មាន​ប្រសាសន៍​បន្តថា ពី​មុន​រាជរដ្ឋាភិបាល​មិនបាន​ផ្តល់​ការ​វិនិយោគ ១០០%  ដល់​ បណ្តា​ក្រុមហ៊ុន​វិនិយោគ​បរទេសនោះទេ ពោលគឺ​នេះ​គឺ​ជានយោបាយ​ថ្មីមួយ​ទៀត​ របស់​រាជរដ្ឋាភិបាល​កម្ពុជា   ក្នុង​ការលើក​ទឹកចិត្ត​​ដល់បណ្តា​អ្នកវិនិយោគ​ទុនបរទេស​ បើប្រៀបធៀប​ទៅនិង​បណ្តា​ប្រទេស​មួយចំនួន​លើ​ពិពភ​លោក មិនទាន់​បាន​អនុវត្ត​បែបប ​នេះនោះទេ។ សម្តេចតេជោ​មានប្រសាសន៍​បន្តថា  នេះគឺជា​មូលដ្ឋានគ្រឹៈ​ធំខ្លាំងណាស់​ សំរាប់ការរីក​លូតលាស់​នៃសេដ្ឋកិច្ច​ ជាតិរបស់​យើងទាំង​អស់គ្នា។  សម្តេចតេជោ​បន្តថា  កាល​ពីអតីត​កាល​ជនជាតិ​កម្ពុជាយក​លុយ​ទៅវិនិយោគ​នៅក្រៅ​ប្រទេស  ប៉ុន្តែ​ក្រោយ​ ឆ្នាំ១៩៧៩  ជនជាតិ​កម្ពុជាបាន​យកលុយ​ពីបរទេស​មកវិនិយោគ​នៅក្នុង​ប្រទេស​តាម​រយៈនេះ​ រាជរដ្ឋាភិបាល​ និង​បន្តលើក​ទឹកចិត្តដល់​បណ្តា​វិនិយោគ​ទុនក្នុង​ស្រុក​ បន្តបណ្តាក់​ទុនរបស់ខ្លួន​ឲ្យកាន់​តែរឹង​មាំ  និងរីក​ធំធាត់​ឡើងថែម​ទៀត ដើម្បីរួម​ចំណែកដល់​ការលើក​កំពស់​ជីវភាព​​រស់នៅ​របស់​ប្រជាពលរដ្ឋ។​ 


សម្តេចតេជោ  ​បានលើក​ទឹកចិត្ត​ឲ្យ​ក្រុមហ៊ុន​ ជីបម៉ុង បន្ត​ពង្រីក​ការបណ្តាក់​ទុនវិនិយោគ​របស់ខ្លួនជា​បន្ត​ទៅ​ទៀត​ពិសេសលើក​ ទឹកចិត្តឲ្យ​មានការ​ផលិត ដើម្បីធ្វើ​ការនាំ​ចេញទៅ​កាន់ក្រៅ​​ប្រទេស​ប្រកប​ដោយ​ការ​ប្រកួតប្រជែង​ ដែល​មាន​កំរិត​ស្តង់ដារ។  ទោះ​បី​យ៉ាង​ណា​​សម្តេចតេជោ​ បាន​​បដិសេធ​ចំពោះ​អន្តរាគមន៍​ណាមួយ​របស់​រាជរដ្ឋាភិបាល​​ ក្នុងការ​ ទប់ស្កាត់​ការនាំចូល​នូវផលិត​ផលស្រាបៀរ​ និង​ភេសជ្ជៈ​ពី​បរទេស ចូល​មកក្នុង​ ទីផ្សារ​របស់​កម្ពុជាបាន​ទេ ដោយ​សារតែ​វាខុស​ទៅ​និង​គោលការណ៍​នៃ​អង្គការ​ ពាណិជ្ជកម្ម​ពិភពលោក។   

 ឯកឧត្តម ស៊ុយ សែម រដ្ឋមន្រ្តី ​ក្រសួង​ឧស្សាហកម្ម​ រ៉ែ​ និង​ថាមពល​ មាន​ប្រសាសន៍ថា ថ្វី​ត្បិត​តែ​វិបត្តិ​សេដ្ឋកិច្ច​ពិភពលោក​ឆ្នាំ​២០០៨ បានជះ​ឥទ្ធិពលដល់​ការ​លូតលាស់ នៃ​សេដ្ឋកិច្ច​របស់​ប្រទេស​កម្ពុជាក៏​ពិតមែន​ប៉ុន្តែចាប់​តាំងពឆ្នាំ​២០១០ មក​ វិស័យ​ឧស្សាហកម្ម​ បាន​ងើប​ឡើង​វិញ និង​មាន​សន្ទុះ​គួរឲ្យកត់​សំគាល់ ​ក្នុងនោះ​នៅឆ្នាំ ២០១១ កន្លងទៅ​នេះ ​តំលៃ​សរុប​នៃបរិមាណ​ផលិតផល​ឧស្សាហកម្ម​កម្មន្តសាល​ មាន​ ចំនួនប្រមាណ ៦​ពាន់លាន​ដុល្លារ​មាន​កំណើន​៣០% ធៀប​និងឆ្នាំ ២០១០  និង​ផ្តល់​កំលាំង​ពលកម្ម​សរុបប្រមាណ​ ៦សែននាក់។  ឯកឧត្តមមាន​ប្រសាសន៍​បន្តថាក្នុង​ឆ្នាំ ២០១១ នោះ ​ដែរ​តំលៃ​សរុប​នៃបរិមាណ​ផលិតផល​របស់ផ្នែក​កែឆ្នៃ​ម្ហូម​អាហារ​  និង​ភេសជ្ជៈ​ មាន​ចំនួន​សរុប​ជាង ១ ពាន់លាន​ដុល្លារ​ ក្នុងនោះ​តំលៃសរុប​ នៃបរិមាណ​ផលិតផល​ស្រាបៀរ ក្នុង​ ស្រុក មានចំនួន​ប្រមាណជិត​ ៤០០លាន​ដុល្លារ។ តួលេខ​នេះបាន​បញ្ជាក់ឲ្យឃើញ​ ថា  ផលិត​ផលស្រាបៀរ​ក្នុងស្រុកកំពុង​មានភាព​រឹងមាំ និង​អាចប្រកួត​ប្រជែង​ជាមួយ ​និងផលិត​ផលស្រា​បៀរ​នាំចូល​បាន។ 


 ឯកឧត្តម ​មាន​ប្រសាសន៍​សង្កត់ធ្ងន់ថា  សមិទ្ធផល​ រោង​ចក្រផលិត​ស្រាបៀរថ្មី​នេះបានបង្ហាញ​អំពី​ជោគជ័យ​ថ្មីមួយទៀត  ​របស់រាជ​រដ្ឋាភិបាល​  ក្នុង​ការអនុវត្តន៍​យុទ្ធសាស្រ្ត​ចតុកោណ​ដំណាក់​កាលទី២​ដែល​ជាចក្ខុវិស័យ​ សំរាប់​​ការអភិវឌ្ឍន៍​សេដ្ឋកិច្ច​ជាតិ។  ឯកឧត្តម​រដ្ឋមន្រ្តី​ក៏បាន​ឲ្យដឹងដែរ​ថា  រោងចក្រ​នេះ ​គឺ​ជារោងចក្រ​ផលិត​ស្រាបៀរ​ទី៦ បានដំណើរ​ការផលិត​នៅក្នុង​ប្រទេស​កម្ពុជា នៅពេល​ខាងមុខនិង​មាន​រោងចក្រ​ផលិត​ស្រាបៀរ​មួយចំនួន​ទៀត និង​ត្រូវ​សាងសង់​បន្ត។
លោក​ឧកញ៉ា លាង ឃុន អគ្គនាយក​ក្រុមហ៊ុន​ខ្មែរ​ប៊្រូ​វើរី​​លីមីត​ធីត​  មាន​ប្រសាសន៍​ឲ្យដឹង​ថាដើម្បី​រួម​ចំណែក​​ជាមួយ​រាជរដ្ឋាភិបាល​កម្ពុជា ដែល​មាន​សម្តេច​អគ្គមហា​សេនា​បតី​តេជោ ហ៊ុន សែន ជាប្រមុខ ​ ក្នុង​ការកាត់​បន្ថយ​ភាពក្រី​ក្ររបស់​ប្រជា​ពលរដ្ឋ​ ក្រុមហ៊ុន​ជីបម៉ុង​ គ្រុប ​បាន​បង្កើត​ឡើងនៅ​ឆ្នាំ ១៩៨២  ក្នុង​នោះ​ក្រុមហ៊ុន​បាន​ចំណាយ​ទុន ៦០ លានដុល្លារ ធ្វើការ​សាងសង់​រោងចក្រ​ផលិតស្រា​ បៀរកម្ពុជា។