ឯកឧត្តម
ឈិត សុខុន ប្រធានក្រុមប្រឹក្សាខេត្ត មានមតិស្វាគមន៍ដោយបានក្រើនរំលឹកដល់យុវជនប្រតិកម្មរហ័ស ត្រូវយកចិត្តទុកដាក់ខ្ពស់ក្នុងការចាប់យកចំណេះដឹង
បន្ថែមទៀត និងត្រូវបំពេញតួនាទីរបស់ខ្លួនឲ្យបានសកម្មក្នុងការបញ្ចេញមតិ
ចូលរួមក្តាប់ ស្ថានការណ៍វិវត្តនៃនយោបាយ និងចូលរួមវាយបកឲ្យបានទាន់ពេលវេលា
ទៅលើក្រុមអគតិមួយចំនួន ដែលបាននិយាយបំភ្លើសខុសពីការពិតមកលើរាជរដ្ឋាភិបាល។
លោកឡាយ វណ្ណៈ អភិបាលរងខេត្ត និងជាប្រធានយុវជនខេត្តតាកែវ
បានថ្លែងសង្ខេប អំពីការងារទូទៅ និងដំណើរការប្រព្រឹត្តទៅរបស់ក្រុមការងារយុវជន
ថា បានចេញដំណើរទៅមុខបានល្អហើយ ប៉ុន្តែត្រូវបង្កើនសមត្ថភាពជំនាញឲ្យបានខ្លាំងជាងនេះថែមទៀត
ដើម្បីចូលរួមចំណែកក្នុងការថែរក្សាស្ថិរភាព និងការអភិវឌ្ឍន៍របស់រាជរដ្ឋាភិបាល។
ឯកឧត្តម សាយ
សំអាល់ អគ្គលេខាធិការរងរាជរដ្ឋាភិបាល និងជាអនុប្រធានអង្គភាពព័ត៌មាន និងប្រតិកម្មរហ័ស
បានធ្វើការបកស្រាយពន្យល់ដល់យុវជនថ្នាក់ខេត្ត ឲ្យយល់ច្បាស់អំពីឥទ្ធិពលនៃការប្រើប្រាស់ប្រព័ន្ធផ្សព្វផ្សាយសង្គម
(Social Media) ដែលកំពុងត្រូវបានបណ្តាប្រទេសជឿនលឿននៅលើពិភពលោកពេញនិយម
យកមកប្រើប្រាស់ និងមានការទាក់ទាញដល់មនុស្សទូទៅ ជាពិសេសក្នុងចំណោមយុវជន។
ឯកឧត្តម បានបន្តថា ប្រព័ន្ធផ្សព្វផ្សាយសង្គម គឺជាប្រព័ន្ធបច្ចេកវិទ្យាថ្មីដែលប្រើប្រាស់បានយ៉ាងទូលំទូលាយដោយគ្មានព្រំដែន។
ប្រព័ន្ធផ្សព្វផ្សាយថ្មីនេះ បានចាប់ផ្តើមបញ្ជ្រាបចូលមកក្នុងការងារប្រចាំថ្ងៃនៅកម្ពុជា
ដែលគេអាចទទួលបាននូវព័ត៌មានថ្មីៗនៅជុំវិញពិភពលោក លឿនរហ័សតាមប្រព័ន្ធ Internet Facebook, យូធូប, Twitter, SMS និងសម្រាប់ការប្រាស្រ័យទាក់ទងគ្នាលើការងារជំនួញ
និងដៃគូសន្ទនា ដ៏សកម្មប្រចាំថ្ងៃ។
ឯកឧត្តម ក៏បានស្នើដោយជម្រុញក្រុមការងារថ្នាក់ខេត្ត
ត្រូវបង្កើតនូវវគ្គបំពាក់បំប៉នឲ្យញឹកញាប់ ដើម្បីបង្កើនចំណេះដឹង ក៏ដូចជាការចូលរួមក្នុងបុព្វហេតុបំរើផលប្រយោជន៍ជាតិ ឆ្លើយតបទៅនឹងការបំពុលព័ត៌មានរបស់ក្រុមប្រឆាំងឲ្យបានទាន់ពេលវេលា។
ឯកឧត្តម
កែវ រ៉េមី រដ្ឋលេខាធិការ បានមានប្រសាសន៍
ដោយបំផុសឱ្យក្រុមយុវជនប្រតិកម្មរហ័ស ត្រូវសកម្មនឹងការងារបន្ថែមទៀត
និងត្រូវចេះប្រើប្រាស់សក្តានុពលដ៏សំបូរបែប ដែលជាភាពឈានមុខគេ
និងការរីកចំរើនស្ទើរគ្រប់វិស័យនៅទូទាំងខេត្តតាកែវ ឱ្យអស់ពីលទ្ធភាព
ដើម្បីការស្រឡាញ់ចូលចិត្តពីប្រជាពលរដ្ឋ។
ឯកឧត្តម កែវ
រ៉េមី បានបញ្ជាក់ថា
រាជរដ្ឋាភិបាលសព្វថ្ងៃ គឺខំប្រឹងថែរក្សា សន្តិភាព
និងខំប្រឹងអភិវឌ្ឍប្រទេស ប៉ុន្តែ ក្រុមប្រឆាំងមួយចំនួន បាន
និងកំពុងតែធ្វើជាឧបករណ៍មួយបំរើផលប្រយោជន៍ឱ្យបរទេស ដោយមិនដឹងខ្លួន
តាមរយៈការញុះញង់ បង្កតែភាពចលាចលក្នុងសង្គម។
ឯកឧត្តម ស្វាយ
ស៊ីថា ប្រធានគណៈប្រតិភូដឹកនាំវគ្គបំពាក់បំប៉នក្នុងឱកាសនេះបានមានប្រសាសន៍កោតសរសើរដល់ក្រុមយុវជនប្រតិកម្មរហ័សខេត្ត
ដែលសំរេចបាននូវលទ្ធផលបានយ៉ាងល្អប្រសើរ ដោយគ្រាន់តែក្នុងរយៈពេលខ្លីប៉ុណ្ណោះ
ក្រោយពីក្រុមប្រតិកម្មរហ័សថ្នាក់ខេត្តបានបង្កើតឡើង។
ឯកឧត្តម ស្វាយ
ស៊ីថា ក៏បានចែករំលែកនូវបទពិសោធន៍និងទិសដៅការងារថ្មីៗបន្ថែមជាច្រើនជូនដល់ក្រុមយុវជន
ដើម្បីពង្រឹងតួនាទីដ៏មានសារៈសំខាន់នេះ ប្រយោជន៍ អភិវឌ្ឍន៍សមត្ថភាពក្នុងបេសកកម្មរួមចំណែកបកស្រាយពន្យល់
អំពីសភាពការណ៍ពិត និងការអភិវឌ្ឍន៍ជាក់ស្តែងរបស់រដ្ឋាភិបាលឲ្យបានដល់ប្រជាពលរដ្ឋក្នុងមូលដ្ឋាន
និងទៅកាន់មជ្ឈដ្ឋានខាងក្រៅ។
ឯកឧត្តម បានមានប្រសាសន៍បន្តថា
នេះជាដំណាក់កាលយុទ្ធនាការឃោសនាបោះឆ្នោត ជ្រើសរើសក្រុមប្រឹក្សាឃុំ
សង្កាត់ ដូច្នេះប្រព័ន្ធផ្សព្វផ្សាយ គឺបាន និងកំពុងដើរតូនាទីសំខាន់ណាស់ជាពិសេស
ក្រុមយុវជនប្រតិកម្មរហ័ស ត្រូវទទួលបាននូវព័ត៌មានឲ្យបានរហ័ស និងបកស្រាយពន្យល់ទៅប្រជាពលរដ្ឋអំពីការពិតនៃសភាពការណ៏នយោបាយ
ក៏ដូចជាសមិទ្ធិផលជាច្រើនសន្ធឹកសន្ធាប់របស់រដ្ឋាភិបាលដែលសំរេចបាន ស្របតាមការយល់ដឹង
និងទស្សនៈរបស់ប្រជាពលរដ្ឋ។
ឯកឧត្តម ស្វាយ
ស៊ីថា បានមានប្រសាសន៍បញ្ជាក់ថា ក្រុមយុវជន គឺត្រូវបង្កើននូវភាពសកម្មក្នុងការប្រើប្រាស់
Facebook , sms ដើម្បីប្រសិទ្ធភាព ល្បឿន និងឥទ្ធិពល
របស់ប្រព័ន្ធផ្សាព្វផ្សាយសង្គម ដែលរាជរដ្ឋាភិបាលបាន និងកំពុងបើកទូលាយនេះ
ដើម្បីជាប្រយោជន៍រក្សានូវស្ថិរភាពនយោបាយ សន្តិសុខ និងការអភិវឌ្ឍប្រកបដោយចីរភាព។
អត្ថបទៈ អង្គភាពព័ត៌មាន និងប្រតិកម្មរហ័ស