Thursday, June 28, 2012
Press Release The Outcome of the Second Meeting of the Cambodia-Thailand Joint Working Group (JWG) for the implementation of the ICJ’s order for provisional measures dated 18 July 2011
Press Release
of the
Cambodia-Thailand Joint Working Group (JWG)
for the
implementation of the ICJ’s order for provisional measures
dated 18 July
2011
on 26-28June
2012 in Phnom Penh, Cambodia
The Cambodian Joint Working Group (JWG-C)
led by General Neang Phat,
Secretary of State, Ministry of National Defense and Chairman of the JWG for
the implementation of the ICJ’s order for provisional measures dated 18 July
2011 accompanied by representatives from the Office of the Council of
Ministers, Ministry of Foreign Affairs and International Cooperation, Ministry
of National Defense, Ministry of Interior, Border Committee, Council of Jurists,
Governor of Preah Vihear Province, Commander of Military Region 4, Commander of
Intervention Division 3, representative from National Police held the second
meeting with the Thai Counterpart led by Gen. Worapong Sanganetra, Joint Chief of Staff of Royal Thai Army on
27-28 June 2012. Both sides assigned
their technical working group comprised of 7 members each to discuss the content
of the record of discussion led by H.E. Mr. Suos Yara, Under Secretary of State of the Office of the Council of
Ministers for Cambodian side and Gen. Nipat
Thonglek, Director General of General Department of Policy and Planning
and Lt. Gen. Voravit Darunchoo,
Director of Department of Border Affairs for Thai side. It took 25 hours for
this purpose. The meeting has agreed as follows:
1. The Second Meeting of
the Joint Working Group (JWG-2) was held on 26 – 28 June 2012 in Phnom Penhin a
warm and friendly atmosphere, on the basis of equality, equity, and mutual
benefits of both countries.
2. Both sides reaffirmed their commitment to implementing the ICJ’s Order.
3.
Both
sides reaffirmed their commitment to maintain and to
promote long-standing peaceful co-existence between the peoples of the two
countries and to prevent harmful activities which may adversely affect the PDZ.
4. Both sides have
been working closely toward the progress of good cooperation based on the
existing mechanisms. The aforementioned cooperation has contributed to
sustainable peace at the border areas between the two countries, especially in
the Provisional Demilitarized Zone (PDZ) as determined by the ICJ’s Order for
Provisional Measures.
5.
Both
sides agreed to task CMAC and TMAC to discuss joint-demining plan in order to
provide safety to the Joint Observers Team (JOT) and to facilitate the process
of redeployment in the third week of July 2012 in Bangkok.
6.
The
redeployment should be carried out within 30 days under the inspection ofthe
Joint Observers Team (JOT) after the completion of joint-demining by CMAC and
TMAC in the required areas starting from the priority point A,B,C,D of the PDZ
determined by ICJ.
7.
Both
sides acknowledged the progress of the work of the JWG and were pleased with
the outcome of the Meeting.
8.
The
Third Meeting of the JWG shall be held in Thailand at a mutually agreed date.
សម្តេចតេជោនឹងអញ្ជើញទៅចូលរួមក្នុងកិច្ចប្រជុំកំពូលនៃចលនាមិនចូលបក្សសម្ព័ន្ធ នៅប្រទេសងអ៊ីរ៉ង់
សម្តេចអគ្គមហាសេនាបតីតេជោ ហ៊ុន សែន បានទទួលយកការអញ្ជើញ ពីឯកឧត្តមប្រធានាធិបតីអ៊ីរ៉ង់ដើម្បីចូលរួមក្នុងកិច្ចប្រជុំកំពូលនៃចលនាមិនចូលបក្សសម្ព័ន្ធលើកទី ១៦ ដែលនឹងប្រព្រឹត្តទៅនៅទីក្រុងតេអេរ៉ង់ ប្រទេសអ៊ីរ៉ង់ នាចុងខែសីហាខាងមុខនេះ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្រ្តីឲ្យដឹងថា ឯកឧត្តម Mohammad AIi Fathollahi បេសកជនពិសេសរបស់ប្រធានាធិបតីអ៊ីរ៉ង់ បានគោរពអញ្ជើញសម្តេចតេជោនាយករដ្ឋមន្ត្រី ដើម្បីចូលរួមក្នុងកិច្ចប្រជុំកំពូលនៃចលនា មិនចូលបក្សសម្ព័ន្ធនៅទីក្រុងតេអេរ៉ង់ ក្នុងឱកាសចូលជួបសំដែងការគួសម នៅវិមានសន្តិភាពកាលពីថ្ងៃទី ២៧ ខែមិថុនា ឆ្នាំ ២០១២។ ឯកឧត្តម Mohammad AIi Fathollahi បានពាំនាំនូវការផ្តាំផ្ញើសាកសួរសុខទុក្ខ និងការគោរពអញ្ជើញសម្តេចអគ្គមហាសេនាបតីតេជោ ហ៊ុន សែន ពីសំណាក់ឯកឧត្តមប្រធានាធិបតីអ៊ីរ៉ង់ ផងដែរ។
ឯកឧត្តម Mohammad AIi Fathollahi មានប្រសាសន៍ជំរាបជូនសម្តេចតេជោនាយករដ្ឋមន្រ្តីថា នៅលើពិភពលោកយើងនេះមានព្រឹត្តិការណ៍ជាច្រើនកំពុងកើតឡើង ហើយកិច្ចប្រជុំកំពូលនៃចលនាមិនចូលបក្សសម្ព័ន្ធលើកទី ១៦ នៅចុងខែសីហា ឆ្នាំ២០១១ គឺរៀបចំឡើងដើម្បីចូលរូមចំណែកក្នុងការស្វែងរកសន្តិភាពរបស់ពិភពលោកនៅក្នុងបរិបទថ្មីនេះ។
សម្តេចតេជោនាយករដ្ឋមន្ត្រី បានថ្លែងអំណរគុណចំពោះការផ្តាំផ្ញើសួរសុខទុក្ខ ពីសំណាក់ឯកឧត្តមប្រធានាធិបតីអ៊ីរ៉ង់ ហើយបានយល់ស្របជាមួយនឹងទស្សនៈរបស់ឯកឧត្តមបេសកជនពិសេសរបស់ប្រធានាធិបតីនៃប្រទេសអ៊ីរ៉ង់ ដែលពាក់ព័ន្ធទៅនឹងព្រឹត្តិការណ៍នៅលើពិភពលោក និងបានឯកភាពចូលរួមក្នុងកិច្ចប្រជុំកំពូលនៃចលនាមិនចូលបក្សសម្ព័ន្ធ ដោយសម្តេចមានប្រសាសន៍ថា គប្បីត្រូវប្រើប្រាស់កិច្ចប្រជុំកំពូលនៃចលនាមិនចូលបក្សសម្ព័ន្ធនៅអ៊ីរ៉ង់នេះ ដើម្បីពង្រឹងនូវតួនាទីរបស់ចលនាមិនចូលបក្សសម្ព័ន្ធទៅក្នុងឆាកអន្តរជាតិ ហើយក៏ដើម្បីស្វែងរកនូវសណ្តាប់ធ្នាប់ក្នុងឆាកអន្តរជាតិ ដើម្បីឲ្យប្រជាជនគ្រប់រូបក្នុងពិភពលោកបានទទួល នូវភាពសប្បាយរីករាយ សុខសន្តិភាព ស្ថិរភាព ទោះបីជាមានក្តី ក្រក្តី។
ពាក់ព័ន្ធទៅនឹងបញ្ហាកិច្ចសហប្រតិបត្តិការទ្វេភាគីវិញ សម្តេចតេជោនាយករដ្ឋមន្រ្តីស្នើឡើងតាមរយៈ ឯកឧត្តមបេសកជនពិសេសរបស់ប្រធានាធិបតីនៃប្រទេសអ៊ីរ៉ង់ ឲ្យពិនិត្យមើលកិច្ចសហប្រតិបត្តិការអ្វីដែលប្រទេសអ៊ីរ៉ង់អាចធ្ចើទៅបានបន្ថែមទៀត ទៅលើវិស័យពាណិជ្ជកម្ម ទេសចរណ៍ ក្រៅពីកិច្ចសហប្រតិបត្តិការផ្នែកនយោបាយ និងការទូត ៕
រជ្ជទាយាទរាជាណាចក្រជប៉ុនវាយតម្លៃខ្ពស់ចំពោះតួនាទីសម្តេចអគ្គមហាសេនាបតីតេជោ ហ៊ុន សែន ក្នុងការពង្រឹងសន្តិភាពនិងស្ថិរភាពនៅកម្ពុជា
ព្រះអង្គម្ចាស់ ណារូហ៊ីតូ(NARUHITO) រជ្ជទាយាទ នៃរាជាណាចក្រជប៉ុននាព្រឹកថ្ងៃទី ២៧ ខែ មិថុនា ឆ្នាំ ២០១២ បានវាយតម្លៃខ្ពស់ចំពោះតួនាទី សម្តេចអគ្គមហាសេនាបតីតេជោ ហ៊ុន សែន ក្នុងការពង្រឹងសន្តិភាព និងស្ថិរភាពនៅកម្ពុជានាពេលកន្លងមក ដោយព្រះអង្គបានចាត់ទុកថា ការនេះ វាជាកត្តាសំខាន់ ដែលបានធ្វើឲ្យប្រទេសកម្ពុជាមានការអភិវឌ្ឍមកដល់ពេលបច្ចុប្បន្ននេះ។
ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានឲ្យដឹងថា នៅក្នុងជំនួបសវនាការជាមួយសម្តេចប្រមុខរាជរដ្ឋាភិបាលនៅវិមានសន្តិភាព រាជធានីភ្នំពេញ ព្រះអង្គម្ចាស់ ណារូហ៊ីតូ បានអរគុណចំពោះ រាជរដ្ឋាភិបាលកម្ពុជា ដែលបានរៀបចំបដិសណ្ឋារកិច្ចយ៉ាងកក់ក្តៅជូនចំពោះព្រះអង្គ ដែលជាការ បង្ហាញឲ្យឃើញពីទំនាក់ទំនងយ៉ាងជិតស្និទ្ធរវាងប្រទេសទាំងពីរកម្ពុជា-ជប៉ុន។ ព្រះអង្គរជ្ជទាយាទក៏បានសំដែងនូវព្រះរាជហឫទ័យជឿជាក់ថា ទស្សនកិច្ចរបស់ព្រះអង្គនៅកម្ពុជានេះនឹងជួយ ពង្រឹងថែមទៀតនូវកិច្ចសហប្រតិបត្តិការ និងទំនាក់ទំនងរវាងប្រទេសទាំងពីរ។ រជ្ជទាយាទបានវាយតំលៃខ្ពស់ពីតួនាទីរបស់សម្តេចតេជោនាយករដ្ឋមន្រ្តី ក្នុងការពង្រឹងសន្តិភាពនិងស្ថេរភាពនៅកម្ពុជាដែលនោះគឺជាកត្តាដ៏មានសារៈសំខាន់បំផុត ក្នុងការអភិវឌ្ឍន៍ប្រទេសកម្ពុជា មានការរីកចំរើនរហូតមកដល់បច្ចុប្បន្ននិងទៅអនាគត។
ព្រះអង្គម្ចាស់ ណារូហ៊ីតូ មានព្រះបន្ទូលថា ពិតមែនតែឥឡូវនេះព្រះជាយារបស់ព្រះអង្គមិន បានយាងមកក្តី ប៉ុន្តែព្រះអង្គនឹងនាំយកនូវអ្វីដែលជាមនោសញ្ចេតនាល្អ និងលទ្ធផលល្អនៃដំណើរ ទស្សនកិច្ចនេះ ដើម្បីទូលថ្វាយព្រះជាយារបស់ព្រះអង្គផងដែរ។
ឯកឧត្តម ខៀវ កាញារីទ្ធ មានប្រសាសន៍ឲ្យដឹងថា នៅក្នុងសវនាការនោះ សម្តេចតេជោនាយករដ្ឋ មន្ត្រីបានលើកឡើងអំពីទំនាក់ទំនងដ៏យូរលង់ និងជិតស្និទ្ធរវាងកម្ពុជា និងជប៉ុន ហើយសម្តេចបានចាត់ ទុកថា ជប៉ុនគឺជាប្រទេសដែលផ្តល់ជំនួយដ៏ធំជាងគេដល់ប្រទេសកម្ពុជា ដែលនៅពេលនេះជប៉ុនបាន និងកំពុងកសាងស្ពានអ្នកលឿង ដែលជាស្ពានដែលធំហើយវែង ដែលនឹងជួយសម្រួលដល់ការផ្លាស់ ប្តូរការដឹកជញ្ជូនទាំងអស់ ទាំងនៅក្នុងភាគខាងត្បូង និងភាគខាងកើតនៃកម្ពុជាផង ហើយក៏ជាផ្លូវ ហាយវេអាស៊ានផងដែរ។ សម្តេចតេជោមានប្រសាសន៍ថា នៅពេលដែលព្រះអង្គម្ចាស់រជ្ជទាយាទ យាងទៅធ្វើទស្សនកិច្ចនៅសៀមរាបអង្គរ ព្រះអង្គនឹងបានបើកទឹកនៅក្នុងសណ្ឋាគារ ដែលជាជំនួយ ដ៏ធំធេងរបស់ប្រទេសជប៉ុននោះហើយ។
សម្តេចតេជោបានលើកឡើងផងដែរអំពីការចូលរួមចំណែកយ៉ាងធំធេង របស់ប្រទេសជប៉ុននៅក្នុងកិច្ចព្រមព្រៀងសន្តិភាពទីក្រុងប៉ារីស ដែលបង្កបានជាជំហានឈានទៅកសាងសន្តិភាពនៅកម្ពុជា ហើយគណៈប្រតិភូជប៉ុនក៏បានផ្តល់គំនិតក្នុងការផ្លាស់ប្តូរពាក្យ«អំពើប្រល័យពូជសាសន៍»ដែលស្នើ ដោយរដ្ឋាភិបាលរដ្ឋកម្ពុជា មកប្រើពាក្យ«ការប្រព្រឹត្តពីអតីតកាល»នៅក្នុងកិច្ចព្រមព្រៀងទីក្រុងប៉ារីស នោះផងដែរ។
សម្តេចតេជោបានថ្លែងថា ប្រទេសជប៉ុន និងសហភាពអឺរ៉ុប បានធ្វើជាឆ្មបជួយបង្កើតរាជរដ្ឋាភិបាលនៅឆ្នាំ ១៩៩៨ បន្ទាប់ពីការជាប់គាំងខាងនយោបាយក្រោយព្រឹត្តិការណ៍ខែកក្កដាឆ្នាំ១៩៩៧ និងបានផ្តល់នូវជំនួយឥតសំណងដល់ការកសាងប្រទេសកម្ពុជាឡើងវិញមានការរីកចំរើនយ៉ាងឆាប់រហ័សបំផុត។ ឯកឧត្តម ខៀវ កាញារីទ្ធមានប្រសាសន៍ឲ្យដឹងថា តាំងពីដើមមកប្រទេសជប៉ុនមិនដែលបញ្ជូនកងទ័ពទៅ ក្រៅប្រទេសនោះទេ ប៉ុន្តែតាមសំណើរបស់សម្តេច ហ៊ុន សែន ដែលកាលនោះជានាយករដ្ឋមន្ត្រី នៃរដ្ឋ កម្ពុជា ជប៉ុនបានបញ្ជូនកងទ័ពមកកម្ពុជា។ សម្តេចតេជោក៏បានសំដែងនូវការសោកស្តាយនៅពេល ដែលជប៉ុនបានបញ្ជូនអ្នកស្ម័គ្រចិត្តមកកម្ពុជាក្នុងសម័យអ៊ុនតាក់ ហើយមានប្រជាជនជប៉ុនបានទទួល មរណភាព ដើម្បីបុព្វហេតុសន្តិភាពនៅកម្ពុជា ។
ឯកឧត្តមរដ្ឋមន្ត្រីក្រសួងព័ត៌មានឲ្យដឹងថា ចាប់តាំងពីឆ្នាំ ២០០៤ ដល់ឆ្នាំ ២០១២ ប្រទេសជប៉ុនបានផ្តល់ជំនួយឥតសំណងមានទឹកប្រាក់ចំនួន ៦៣៣,៣៥៩ លានដុល្លារអាមេរិក ផ្តល់កម្ចីសម្បទានចំនួន ៣៨០,៥៧ លានដុល្លារ ផ្តល់ជំនួយបច្ចេកទេសពីឆ្នាំ ២០០៥ ដល់ឆ្នាំ ២០១២ មានទឹកប្រាក់ចំនួន ២៨០,៨៤៤ លានដុល្លារអាមេរិកនិងផ្តល់ជំនួយដល់សាលាក្តីខ្មែរក្រហមពីឆ្នាំ ២០០៥ ដល់ខែកុម្ភៈ ឆ្នាំ ២០១២ មានទឹកប្រាក់ចំនួន ៧៦,៦៤ លានដុល្លារអាមេរិក។ជាមួយគ្នានេះប្រទេសជប៉ុនបានជួយ បណ្តុះបណ្តាលធនធានមនុស្សចាប់ពីឆ្នាំ ២០០៤ ដល់ឆ្នាំ ២០១២ ក្នុងនោះសំរាប់វគ្គសិក្សារយៈពេលខ្លី មានចំនួន ៨៧៨ នាក់ និងវគ្គសិក្សារយៈពេលវែងមាន ៥៤៣ នាក់។ពីឆ្នាំ ២០០១ ដល់ឆ្នាំ ២០១២ អ្នកស្ម័គ្រចិត្តជប៉ុនមកកាន់កម្ពុជាមានចំនួន ១៧៧ នាក់ផ្តល់អ្នកជំនាញការពីឆ្នាំ ១៩៩២ ដល់ឆ្នាំ ២០១២ មានចំនួន ២៧៩១ នាក់រួមទាំងការផ្តល់នូវសម្ភារៈសង្រ្គោះបន្ទាន់មានទឹកប្រាក់ចំនួន ៣៣០ ពាន់ដុល្លាអាមេរិកកាលពីខែតុលាឆ្នាំ២០១១។
ព្រះអង្គម្ចាស់ ណារូហ៊ីតូ បានយាងមកដល់ព្រះរាជាណាចក្រកម្ពុជា នាព្រឹកថ្ងៃទី ២៧ មិថុនា ដើម្បីបំពេញទស្សនកិច្ចផ្លូវការរយៈពេល៣ថ្ងៃ(២៧.២៩-០៦.២០១២)នៅកម្ពុជា តាមការ អញ្ជើញរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ សេចក្ដីប្រកាសព័ត៌មាន របស់ក្រសួងការបរទេសនិងសហប្រតិបត្តិការអន្តរជាតិ បានឲ្យដឹងថា នៅក្នុងដំណើរទស្សនកិច្ចជា លក្ខណៈផ្លូវការនៅកម្ពុជា ព្រះអង្គម្ចាស់រជ្ជទាយាទណារុហ៊ីតូ នឹងចូលបង្គំគាល់ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ។ ព្រះអង្គម្ចាស់ ណារូហ៊ីតូ ទទួលបានការធ្វើបដិសណ្ឋារកិច្ចយ៉ាងកក់ក្តៅបំផុតពីសំណាក់សម្តេចអគ្គមហាសេនាបតីតេជោ ហ៊ុន សែន នៅឯវិមានសន្តិភាព និងអមដោយកងកិត្តិយស ព្រមទាំងត្រែទ័ព ឥស្សរជនជាន់ខ្ពស់រាជរដ្ឋាភិបាលកម្ពុជា និងបណ្តាឯកឧត្តម អ្នកការទូតនៃបណ្តាប្រទេសជាមិត្តនានាប្រចាំព្រះរាជាណាចក្រកម្ពុជាផងដែរ។
ព្រះអង្គម្ចាស់ ណារូហ៊ីតូ ជាឥស្សរជនជាន់ខ្ពស់របស់ប្រទេសជប៉ុនទី៣ ដែលបានមកបំពេញទស្សន កិច្ចផ្លូវការនៅកម្ពុជា។ កាលពីខែមករាឆ្នាំ ២០០០ ឯកឧត្តម កៃហ្សូអូប៊ូជី នាយករដ្ឋមន្ត្រីជប៉ុន បានមកធ្វើទស្សនកិច្ចនៅប្រទេសកម្ពុជា ហើយ បន្ទាប់មកឯកឧត្តម យូនីជីរ៉ូកូ អ៊ីស៊ូមី នាយករដ្ឋមន្រ្តី ប្រទេសជប៉ុនជាមនុស្សទី២ បានអញ្ជើញចូលរួមកិច្ចប្រជុំកំពូលអាស៊ានក្នុងខែវិច្ចិកាឆ្នាំ ២០០២ នៅព្រះរាជាណាចក្រកម្ពុជា។ កម្ពុជា និងជប៉ុនបានភ្ជាប់ ទំនាក់ទំនងការទូតជាមួយគ្នាកាលពីថ្ងៃទី ៩ មករា ឆ្នាំ ១៩៥៣ ។
សូមបញ្ជាក់ផងដែរថា ព្រះអង្គម្ចាស់រជ្ជទាយាទ ណារុហ៊ីតូ នៃប្រទេសជប៉ុន ប្រសូតនៅថ្ងៃទី២៣ខែកុម្ភៈ ឆ្នាំ១៩៦០។ ព្រះអង្គម្ចាស់រជ្ជទាយាទ ជាព្រះរាជបុត្រច្បងរបស់ព្រះចៅអធិរាជ Akihito និងអធិរាជិនី (ព្រះអគ្គមហេសីរបស់ព្រះចៅអធិរាជ ) Michiko។ ចាប់តាំងពីថ្ងៃទី២៣ខែកុម្ភៈឆ្នាំ១៩៩១ រហូតមកដល់បច្ចុប្បន្ននេះព្រះអង្គម្ចាស់ណារុហ៊ីតូ បានក្លាយជាព្រះរជ្ជទាយាទ ( ស្នងតំណែងជាព្រះចៅអធិរាជ) នៃរាជាណាចក្រជប៉ុន។
ក្រុមអ្នកសង្កេតការណ៍កែវភ្នែកយុត្តិធម៌គាំទ្រលទ្ធផលបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៣
អង្គការមិនមែនរដ្ឋាភិបាលចំនួន ៣ រួមមាន សហព័ន្ធនិស្សិត បញ្ញវ័ន្ត ប្រជាធិបតេយ្យកម្ពុជា អង្គការបណ្តាញប្រជាជនកម្ពុជា ដើម្បីសន្តិភាព (CPNP) និងអង្គការសហព័ន្ធសិទ្ធិមនុស្ស និងអភិវឌ្ឍន៍កម្ពុជា ដែលបានចូលរួមសង្កេតការណ៍ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៣ កាលពីថ្ងៃទី ៣ ខែមិថុនា ឆ្នាំ ២០១២ ក្នុងយុទ្ធនាការដែលហៅថា កែវភ្នែកយុត្តិធម៌ បានចាត់ទុកការបោះឆ្នោតប្រព្រឹតទៅដោយរលូន សេរី ត្រឹមត្រូវ យុត្តិធម៌ តម្លាភាព និងដោយគ្មានអំពើហឹង្សា។
ក្នុងសន្និសីទកាសែតដែលធ្វើនៅវិទ្យាស្ថានជាតិអប់រំ លោក ថាវ វាសនា តំណាងអង្គការសហព័ន្ធសិទ្ធិមនុស្ស និងអភិវឌ្ឍន៍កម្ពុជា ដែលបានបញ្ជូនអ្នកសង្កេតការណ៍ចល័តចំនួន ៤០០ នាក់ ។ លោក ចាន់ សាវុធ តំណាង អង្គការសហព័ន្ធនិស្សិត បញ្ញវ័ន្ត ប្រជាធិបតេយ្យកម្ពុជា ដែលអ្នកមានអ្នកសង្កេតការណ៍ស្ម័គ្រចិត្តចំនួន ៣១២២ នាក់ និងលោក សោម អូន តំណាង អង្គការបណ្តាញប្រជាជនកម្ពុជា ដើម្បីសន្តិភាព (CPNP) បានប្រកាសនូវសេចក្តីថ្លែងការណ៍អំពីជំហររបស់អង្គការរបស់ខ្លួនគាំទ្រ លទ្ធផលបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៣ ដែលប្រកាសដោយគណៈកម្មាធិការជាតិរៀបចំការបោះឆ្នោត(គ.ជ.ប) កាលពីថ្ងៃទី ២៤ ខែមិថុនា ឆ្នាំ ២០១២ និងបានកោតសរសើរ និងវាយតម្លៃចំពោះ គណៈកម្មាធិការជាតិរៀបចំការបោះឆ្នោត (គ.ជ.ប) គណបក្សនយោបាយ ព្រមទាំងអាជ្ញាធរមានសមត្ថកិច្ចពាក់ព័ន្ធទាំងអស់ និងប្រជាពលរដ្ឋ ដែលបានធ្វើឲ្យដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៣ បានប្រព្រឹត្តទៅយ៉ាងល្អប្រសើរ ដោយតំណាងអង្គការទាំងនេះចាត់ទុកថា មានភាពល្អប្រសើរជាការ បោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី២។
អង្គការទាំងបីដែលចូលរួមសង្កេតការណ៍ នៅក្រោមយុទ្ធនាការហៅថា កែវភ្នែកយុត្តិធម៌ បានចាត់ទុកអត្រាអ្នកខកខាននៃប្រជាពលរដ្ឋ ដែលមិនបានទៅបោះឆ្នោត កាលពីថ្ងៃទី ៣ ខែមិថុនា ឆ្នាំ ២០១២ មិនបានធ្វើឲ្យប៉ះពាល់លទ្ធផលបោះឆ្នោត និងឆន្ទៈនយោបាយរបស់ប្រជាពលរដ្ឋឡើយ។ ក្រុម កែវភ្នែកយុត្តិធម៌ បានលើកការប្រៀបធៀបថា ការបោះឆ្នោតនៅប្រទេស អេហ្ស៊ីប មានតែ ៤៦% កាលពីឆ្នាំ ២០១១ នៃចំនួនប្រជាពលរដ្ឋ ។ ការបោះឆ្នោតនៅប្រទេស ហាយទី ឆ្នាំ ២០១១ មានតែ ២២% នៃចំនួនប្រជាពលរដ្ឋ។ ការបោះឆ្នោតនៅប្រទេសអាមេរិកឆ្នាំ ២០០៨ មានតែ ៤២% នៃចំនួនប្រជាពលរដ្ឋ និង នៅប្រទេសហ្វីលីពីន ប្រជាពលរដ្ឋទៅបោះឆ្នោតមានតែ ៤១% ប៉ុណ្ណោះ កាលពី ឆ្នាំ ២០១០ ។
យោងតាមលទ្ធផលផ្លូវការប្រកាសដោយគណៈកម្មាធិការជាតិរៀបចំការបោះឆ្នោត កាលពីថ្ងៃទី ២៤ ខែមិថុនា ឆ្នាំ ២០១២ ក្នុងចំណោមឃុំសង្កាត់ទូទាំងប្រទេសចំនួន ១៦៣៣ ក្នុងនោះគណបក្សប្រជាជនកម្ពុជាបានទទួល ១៥៩២ ឃុំសង្កាត់ គណបក្ស សម រង្ស៊ី ទទួលបាន ២២ ឃុំសង្កាត់ គណបក្ស សិទ្ធិមនុស្ស បាន ១៨ ឃុំសង្កាត់ និងគណបក្សហ្វ៊ុនស៊ីនប៉ិច ឈ្នះបាន ១ ឃុំ សង្កាត់ សម្រាប់អាណត្តិទី៣នេះ ។
បទវិភាគនយោបាយ ៖ តើមេបក្សថ្មីជានរណា ?
ក្រោយពីការបោះឆ្នោតជ្រើសរើសក្រុមប្រឹក្សាឃុំ/សង្កាត់អណត្តិទី៣ រួចមក លទ្ធផលបានបញ្ជាក់យ៉ាងច្បាស់ ថាគណបក្សប្រជាជនកម្ពុជា ជាគណបក្សដែលទទួលបានការគាំទ្រយ៉ាងសន្ធឹកសន្ធាប់ពីប្រជាពលរដ្ឋជាម្ចាស់ឆ្នោត ហើយក៏ជាសារនយោបាយមួយសម្រាប់ការបោះឆ្នោតសកលនាឆ្នាំ២០១៣ ខាងមុខនេះដែរ ។ រីឯក្រុមគណបក្ស ប្រឆាំងបានទទួលការគាំទ្រតែបន្តិចបន្តួចប៉ុណ្ណោះ នេះក៏ដោយសារតែទង្វើនៃសកម្មភាព និង កាយវិការរបស់ក្រុម គណបក្សប្រឆាំងតែងតែរិះគន់ជេរប្រមាថរាជរដ្ឋាភិបាល មិនឆ្លុះបញ្ចាំងការពិត មិនដឹងខុសត្រូវនោះដែរ ។
ដើម្បីទាក់ទាញការគាំទ្រពីប្រជាពលរដ្ឋម្ចាស់ឆ្នោត ដោយផ្អែកលទ្ធផលជាក់ស្តែងថា មិនអាចយកជ័យជំនះ លើគណបក្សប្រជាជនកម្ពុជាបាន ក៏លើកយករូបមន្តចងសម្ព័ន្ធភាពមកធ្វើការបោកប្រាស់ ប្រជាពលរដ្ឋសម្រាប់ការ បោះឆ្នោតនាពេលខាងមុខ ហើយគណបក្សទាំងពីរ គឺគណបក្ស សម រង្ស៊ី និង គណបក្ស សិទិ្ធមនុស្ស បានប្រកាសនឹងបង្កើតគណបក្សថ្មីមួយទៀត សម្រាប់ការបោះឆ្នោតសកលឆ្នាំ២០១៣ ។ ប៉ុន្តែបើយើងពិនិត្យមើលនូវលក្ខណៈ សម្បតិ្តនៃគណបក្សទាំងពីរនេះឃើញថា បើសិនជារួបរួមទៅជាគណបក្សតែមួយនោះ តើមេបក្សថ្មីជានរណា ?
គួរតែលោក សម រង្ស៊ី ឬ លោក កឹម សុខា ធ្វើជាប្រធានគណបក្សថ្មីនេះ តែបើលោក សម រង្ស៊ី វិញហាក់ ដូចជាមានសមត្ថភាព និងចំណេះដឹងខ្ពស់ជាងលោក កឹម សុខា ។ ម៉្យាងទៀត គណបក្ស សម រង្ស៊ី ក៏ជាគណបក្ស មួយដែលមានសមាជិកព្រឹទ្ធសភា រដ្ឋសភា ក្រុមប្រឹក្សាខេត្ត/រាជធានី ស្រុក/ខ័ណ្ឌ/ក្រុង និង ឃុំ/សង្កាត់ ច្រើនលើស លុបបើធៀបទៅនឹងគណបក្ស សិទិ្ធមនុស្ស របស់លោក កឹម សុខា នោះ ។ ពិសេសសមាសភាពថ្នាក់ដឹកនាំគ្រប់ លំដាប់ថ្នាក់នៃគណបក្ស សិទិ្ធមនុស្ស ស្ទើរតែទាំងអស់សុទ្ធសឹងតែចេញមកពីគណបក្ស សម រង្ស៊ី ផងដែរ ។
ដូច្នេះប្រធានគណបក្សថ្មី គួរតែបានមកលោក សម រង្ស៊ី ។
រីឯក្រុមអ្នកគាំទ្រគណបក្ស សិទិ្ធមនុស្ស តែងតែគិតថាគួរឲ្យលោក កឹម សុខា ធ្វើជាប្រធានទៅវិញ ដោយ សំអាងទៅលើលទ្ធផលនៃការបោះឆ្នោតក្រុមប្រឹក្សាឃុំ/សង្កាត់ថ្មីៗនេះ មានការគាំទ្រដែរ ។ ម៉្យាងទៀតបើរំពឹងលើ លោក សម រង្ស៊ី ខ្លាចក្រែងមិនអាចចូលស្រុកបានព្រោះគាត់ជាទណ្ឌិតនៅឡើយ ។
សរុបសេចក្តីមក បើលោក កឹម សុខា ក្លាយជាប្រធានគណបក្សថ្មី នៃគណបក្សសម្ព័ន្ធភាពនោះ មានន័យថា គណបក្ស សម រង្ស៊ី ដែលជាគណបក្សប្រឆាំងធំជាងគេបង្អស់នឹងរលាយបាត់រូបរាង ដូចអំបិលត្រូវទឹកជាស្វ័យ ប្រវត្តិ ហើយប្រវត្តិសាស្រ្តនឹងស្តីបន្ទោសលោក សម រង្ស៊ី ជាក់ជាពុំខាន ហើយលោក កឹម សុខា អាចនឹងលេបយក អំណាចនៅក្នុងគណបក្សតែម្នាក់ឯង ពិសេសឈានដល់លុបបំបាត់ទាំងស្រុងនូវអត្តសញ្ញាណដើម នៃការតស៊ូ កន្លងមករបស់លោក សម រង្ស៊ី ក៏ដូចថ្នាក់ដឹកនាំគ្រប់លំដាប់ថ្នាក់ នៃគណបក្ស សម រង្ស៊ី ដែរ ។
ដូច្នេះតើមេបក្សថ្មីជានរណា ? គួរលោក សម រង្ស៊ី ឬ លោក កឹម សុខា ?
ប៉ុន្តែអ្វីគួរឲ្យកត់សម្គាល់នោះគឺ ទោះបីគណបក្សទាំងពីរនេះរួមគ្នា ក៏មិនឈ្នះគណបក្សប្រជាជនកម្ពុជាដែរ ។
ជាតិខ្មែរ
Subscribe to:
Posts (Atom)