ភ្នំពេញ៖សិស្សសាលាបញ្ញាសាស្រ្តនិងអាណាព្យាបាលប្រមាណជាង ៤០០នា បានចូលរួមក្នុងកម្មវិធីខ្មែរជួយខ្មែរដើម្បីប្រមូលមូលនិធិទៅជួយ ទំនប់បម្រុងដល់កុមារ ខ្វះខាតក្នុងការសិក្សារ។
លោកសាស្ត្រាចារ្យ ឆឹង ផាន់សុផុន ប្រធានក្រុមប្រឹក្សាភិបាលនៃសាលាបញ្ញា សាស្ត្រអន្តរជាតិ បានមានប្រសាសន៍ថា កម្មវិធីខ្មែរជួយខ្មែរគឺជាកម្មវិធីដែលកើត ឡើងដោយយុវសិស្ស ថ្នាក់ទី១០ សម្រាប់ប្រមូលថវិកាទាំងនោះទៅឧបត្ថមអោយ អង្កការពង្រឹងយុវជនកម្ពុជាសំរាប់ក្មេងៗដែលខ្វះខាតសម្ភារក្នុងការសិក្សារ។
លោកបានមានប្រសាសន៏ទៀតថា «កម្មវិធីនេះពិតជាល្អណាស់ព្រោះប្អូនៗដែលផ្តើម ធ្វើឡើងនោះគឺពួកគេទាំងនោះមានអាយុត្រឹមតែ ១៥ឬ ១៦ ឆ្នាំប៉ុណ្ណោះប៉ុន្តែពួក គេមានស្មារតីជួយជាតិដែលសព្វថ្ងៃពួកគេគឺជាសិស្សថ្នាក់ទី១០ B នៃសាសាបញ្ញា សាស្ត្រអន្តរជាតិ»។
យុវសិស្ស ប៊ុង ឌីសុវណ្ណគីរី សិស្សថ្នាក់ទី ១០ B ជាប្រធានរៀបចំកម្មវិធីបានឲ្យដឹងថាមូលហេតុដែលបង្កើតកម្មវិធីប្រមូលនិធិដោយសារតែចង់ជួយកុមារក្រីក្រខ្វះខាតសម្ភារសិក្សាររៀនសូត្រ។
សុវណ្ណគីរី បានបន្តទៀតថា៖ «ពួកខ្ញុំជួយពួកគេដោយយកថវិកាទាំងអស់ទៅទិញជាសម្ភារសិក្សា ហើយពួកខ្ញុំក៏ប្រើប្រាស់លុយខ្លះក្នុងការពង្រឹងបន្ថែមក្នុងការបង្រៀនភាសា អង់គ្លេសនៅក្នុងអង្កការពង្រឹងយុវជនកម្ពុជាទៅលើក្មេងៗដែលខ្វះខាតផងដែរ»។
ហែម វណ្ណារ៉េត ជាអ្នករៀបចំអភិវឌ្ឍសហគមន៏នៅអង្កការពង្រឹងយុវជននៅកម្ពុជា ថ្លែងអំណរគុណ និងកោតសរសើរយ៉ាងជ្រាលជ្រៅដល់ប្អូនៗសិស្សានុសិស្ស នៃសាលាបញ្ញាសាស្ត្រ ដែលមានទឹកចិត្តចេះចែករំលែក និងជួយដល់ក្មេងៗក្នុងអង្កការនេះ។
កម្មវិធីខ្មែរជួយខ្មែរនេះធ្វើឡើងដោយ សិស្សបញ្ញាសាលាស្ត្រអន្តរជាតិ កាលពីថ្ងៃអាទិត្យទី២២ ខែកក្កដា ឆ្នាំ២០១២ នៅសាលប្រជុំស្រីឌឹមនៃសាកលវិទ្យាល័បញ្ញាសាស្ត្រកម្ពុជា ដែលធ្វើឡើងដោយយុវសិស្សថ្នាក់ទី១០ និងមានការគាំទ្រយ៉ាងពេញទំហឹងពីសំណាក់ អាណាព្យាបាលរបស់សិក្សានុសិស្ស។ ក្នុងកម្មវិធីនេះគឺមានការសំដែងរបស់តារានិងការសំដែងក្បាច់គុណល្បុក្កតោដែលធ្វើអោយទស្សនិកទស្សនាយ៉ាងសប្បាយរីករាយ៕
ដោយ៖ សំរិទ្ធ មេត្តា