ឯកឧត្តម កែវ រ៉េមី រដ្ឋលេខាធិការទីស្តីការគណៈរដ្ឋមន្ត្រី និងជាអនុប្រធានអង្គភាពព័ត៌មាននិងប្រតិកម្មរហ័ស បានមានប្រសាសន៍កត់សម្គាល់ថា បច្ចុប្បន្ននេះជាពេលដែលត្រូវពង្រឹងនីតិរដ្ឋដើម្បីបង្កើនជំនឿទុកចិត្តពីប្រជាពលរដ្ឋ និងអ្នកវិនិយោគទុនជាតិ និងអន្តរជាតិ មិនមែនជាពេលដែលត្រូវធ្វើការសម្របសម្រួលបង្រួបបង្រួមនយោបាយអ្វីទៀតឡើយ។ នៅក្នុងសន្និសីទកាសែតដែលធ្វើឡើងនៅទីស្តីការគណៈរដ្ឋមន្ត្រី នាព្រឹកថ្ងៃទី ២៥ ខែ កក្កដា ឆ្នាំ២០១២ ឯកឧត្តម កែវ រ៉េមីបានថ្លែងឲ្យដឹងថា យោងតាមច្បាប់ស្តីពីការបោះឆ្នោតបានកំណត់ហើយថា អ្នកដែលតុលាការកំណត់ថាមានទោសមិនអាចមកបោះឆ្នោត និងឈរឈ្មោះឲ្យគេបោះឆ្នោតបានឡើយ។ ប្រសាសន៍របស់ឯកឧត្តម កែវ រ៉េមី គឺឆ្លើយទៅនឹងសំណួរអ្នកកាសែតដែលលើកឡើងអំពីសំណើរបស់អ្នកនយោបាយប្រឆាំង ចង់ឲ្យការសម្របសម្រួលនយោបាយដើម្បីលោក សម រង្ស៊ី ចូលរួមក្នុងការបោះឆ្នោតសកលឆ្នាំ ២០១៣។ ឯកឧត្តម កែវ រ៉េមី មានប្រសាសន៍ថា ការបោះឆ្នោតជ្រើសតាំងតំណាងរាស្ត្រអាណត្តិទី៥ ដែលនឹងប្រព្រឹត្តទៅនៅខែកក្កដា ឆ្នាំ២០១៣ ខាងមុខនេះ គឺដំណើរការទៅជាធម្មតា មានលក្ខណៈសេរី និងយុត្តិធម៌ គណបក្សណា ឬក៏បុគ្គលណាក៏អាចមានសិទ្ធិចូលរួមក្នុងការប្រកួតប្រជែងក្នុងការធ្វើនយោបាយបានដែរ ប៉ុន្តែត្រូវតែទៅចុះបញ្ជីនៅក្រសួងមហាផ្ទៃ។
ឯកឧត្តមបានអះអាងថា គ្មានការរឹតត្បិតខាងនយោបាយទេ
ប៉ុន្តែចំពោះបុគ្គលដែលជាប់ទោសដូចជាលោក សម រង្ស៊ី ប្រធានគណបក្សប្រឆាំង ដែលកំពុងនិរទេសខ្លួននៅក្រៅប្រទេសនោះ
ពុំមានសិទ្ធិក្នុងការធ្វើនយោបាយ ឈរឈ្មោះឲ្យគេបោះឆ្នោត ឬឈរឈ្មោះជាតំណាងរាស្ត្រនោះទេ។
ឯកឧត្តម កែវ រ៉េមី បានមានប្រសាសន៍បន្តថា ការស្វែងរកអន្តរាគមន៍របស់គណបក្សប្រឆាំង គឺគណបក្សសិទ្ធិមនុស្ស និងមន្ត្រីគណបក្សសមរង្ស៊ី ទៅសហរដ្ឋអាមេរិកនៅដើមខែសីហា ដើម្បីឲ្យលោក សម រង្ស៊ី វិលមកចូលប្រទេសកម្ពុជាវិញនោះ គឺពុំអាចទៅរួចទេ ហើយសហរដ្ឋអាមេរិកក៏មិនអាចដាក់សម្ពាធណាមួយ មកលើប្រទេសកម្ពុជាបានដែរ។
ឯកឧត្តម កែវ រ៉េមី បានមានប្រសាសន៍បន្តថា ការស្វែងរកអន្តរាគមន៍របស់គណបក្សប្រឆាំង គឺគណបក្សសិទ្ធិមនុស្ស និងមន្ត្រីគណបក្សសមរង្ស៊ី ទៅសហរដ្ឋអាមេរិកនៅដើមខែសីហា ដើម្បីឲ្យលោក សម រង្ស៊ី វិលមកចូលប្រទេសកម្ពុជាវិញនោះ គឺពុំអាចទៅរួចទេ ហើយសហរដ្ឋអាមេរិកក៏មិនអាចដាក់សម្ពាធណាមួយ មកលើប្រទេសកម្ពុជាបានដែរ។
ទាក់ទិននឹងការបង្រួបបង្រួមគ្នារវាងគណបក្សសិទ្ធិមនុស្ស
ឯកឧត្តម កែវ រ៉េមី បានបញ្ជាក់ថា
គឺជាសិទ្ធិសេរីភាពខាងនយោបាយ។ គណបក្សប្រជាជនកម្ពុជា មិនមានការព្រួយបារម្ភទេព្រោះអតីតភាពគណបក្សសិទ្ធិមនុស្សភាគច្រើន
គឺមកពីគណបក្សសមរង្ស៊ី ដូច្នោះបើទោះបីបង្រួបបង្រួម ក៏សម្លេងនៅតែដដែល ប្រៀបជាមួយគណបក្សប្រជាជនកម្ពុជា
គឺខុសគ្នាឆ្ងាយ។
ពីព្រោះនៅតាមមូលដ្ឋាន គណបក្សប្រជាជនបានធ្វើការអភិវឌ្ឍច្រើន
និងទទួលបានការគាំទ្រពីប្រជាជនច្រើនលើសលប់។
ឯកឧត្តម កែវ
រ៉េមី ក៏បានច្រានចោលដែរថា ការលើកឡើងរបស់គណបក្សប្រឆាំងទាំងពីរ អំពីការធ្វើឲ្យមានការកែទម្រង់គណៈកម្មការជាតិរៀបចំការបោះឆ្នោតនោះ
គ្រាន់តែជាលេសនយោបាយរបស់គណបក្សប្រឆាំងនៅពេលពួកគេចាញ់ឆ្នោតតែប៉ុណ្ណោះ ។
ពាក់ព័ន្ធនឹងបញ្ហាជីវភាពរបស់ប្រជាពលរដ្ឋ
និងបញ្ហាដីសម្បទានសេដ្ឋកិច្ច ឯកឧត្តម កែវ
រ៉េមី បានមានប្រសាសន៍ពន្យល់ថា រាជរដ្ឋាភិបាល ក្រោមការដឹកនាំរបស់អគ្គសេនាបតីតេជោ
ហ៊ុន សែន ប្រទេសជាតិមានសុខសន្តិភាព
ស្ថេរភាពនយោបាយ ប្រជាពលរដ្ឋមានសិទ្ធិសេរីភាពក្នុងការរកស៊ី ធ្វើអាជីវកម្មផ្សេងៗដែលធ្វើឲ្យ
ជីវភាពរបស់គាត់មានការកើនឡើងពីមួយឆ្នាំទៅមួយឆ្នាំ ទើបធ្វើឲ្យគណបក្សប្រជាជនកម្ពុជាទទួលការគាំទ្រមានការកើនឡើង។ប្រទេសកម្ពុជា
ជាប្រទេសប្រកាន់របបទីផ្សារសេរី រាជរដ្ឋាភិបាលបើកទូលាយដល់វិស័យឯកជនក្នុងការរកស៊ី។ផ្ទុយពីគណបក្សប្រឆាំងដែលនិយាយថា
បើគណបក្សគេឈ្នះឆ្នោតគេនឹងរឹបអូសដីធ្លីពីអ្នកមាន។
លើបញ្ហាដីសម្បទានសេដ្ឋកិច្ច
ឯកឧត្តម កែវ រ៉េមី បានមានប្រសាសន៍ថា
បទបញ្ជាលេខ០១ របស់រាជរដ្ឋាភិបាល ស្តីពីដីសម្បទានសេដ្ឋកិច្ចបានបញ្ជាក់ច្បាស់អំពីគោលនយោបាយរបស់រាជរដ្ឋាភិបាលលើបញ្ហាដីសម្បទានសេដ្ឋកិច្ច។
ដូច្នោះបើក្រុមហ៊ុនណាមិនអនុវត្តតាមច្បាប់ និងគោលការណ៍ របស់រដ្ឋាភិបាលនឹងត្រូវលុបចោលសិទ្ធិនៃការអនុវត្ត
លើដីសម្បទានសេដ្ឋកិច្ចនោះ។