សេចក្តីថ្លែងការណ៍ របស់ប្រធាន​សមាគម​មិត្ត​អ្នកសារ​ព័ត៌មាន​ខ្មែរ ទាក់ទងនិងការឃុំខ្លួន លោក ម៉ម សូណង់ដូ

នាយករដ្ឋមន្រ្តីត្រៀម តទល់ជាមួយបក្សប្រឆាំង នៅរដ្ឋសភាក្នុង សំណុំរឿងព្រំដែន

ភ្នំពេញៈ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានត្រៀមខ្លួនរួចជាស្រេចហើយ ដើម្បីស្រាយបំភ្លឺនៅ រដ្ឋសភា អំពីបញ្ហាព្រំដែនកម្ពុជា-ឡាវ និងថៃ ជាពិសេសវៀតណាម ដើម្បីជាការឆ្លើយតបទៅនឹងគណបក្ស ប្រឆាំង ដែលបានចោទប្រកាន់មកលើរាជរដ្ឋាភិបាលថា ជាអាយ៉ងយួនហើយក្បត់ជាតិ។

ការលើកឡើងនេះ គឺជាភាពជ្រាំដែលរបស់គណបក្សប្រឆាំង ក៏ដូចជាអ្នកនយោបាយមួយចំនួន ខណៈដែលរដ្ឋាភិបាលកម្ពុជា និងវៀតណាម កំពុងតែដំណើរការ បោះបង្គោលព្រំដែន ទៅដោយរលូន។

សម្តេចតេជោ ហ៊ុន សែន នៅព្រឹកថ្ងៃពុធ ទី០១ ខែសីហា ថា សម្តេចបានត្រៀមខ្លួនរួចជាស្រេច ដើម្បីឆ្លើយបំភ្លឺទាក់ទិននឹង បញ្ហាព្រំដែនកម្ពុជា-វៀតណាម នៅក្នុងរដ្ឋសភា។ រហូតមកដល់ពេលនេះ សម្តេចបានសរសេរលិខិតទៅរដ្ឋសភា រួចហើយ តែរដ្ឋសភាមិនទាន់ឆ្លើយតបមកវិញនោះទេ ថា តើឲ្យសម្តេចចូលទៅឆ្លើយបំភ្លឺនៅពេលណា។

សម្តេចបញ្ជាក់ថា «ខ្ញុំទៅសភាខ្លួនឯងលើកនេះ កុំថា ហ៊ុន សែន ខ្លាចនោះ ហើយនិយាយឲ្យអស់រឿង ជម្រះបញ្ជី ឲ្យអស់ក្អែលគ្នាម្តងនៅក្នុងរដ្ឋសភា»។

សម្តេចបានបញ្ជាក់ថា សម្តេចនឹងនិយាយរយៈពេល៤ម៉ោង ដើម្បីបកស្រាយជុំវិញបញ្ហានេះ ហើយសម្តេចនឹង ពន្យល់ពីដំណាក់កាលនីមួយៗ ពាក់ព័ន្ធនឹងបញ្ហាព្រំដែនហ្នឹង។

សម្តេច ហ៊ុន សែន បានរិះគន់ទៅអតីតអ្នកនយោបាយមួយរូបនៅសម័យសាធារណរដ្ឋខ្មែរ ដែលគេស្គាល់ច្បាស់ ថា លោក ស៊ាន ប៉ែងសែ អតីតរដ្ឋមន្រ្តីក្រសួងឧស្សាហកម្ម ហេតុអ្វីមិនទៅវ៉ៃ យកកោះវ៉ៃ ដែលកាលនោះ វៀត ណាមខាងត្បូងជាអ្នកគ្រប់គ្រង ម៉េចបានត្រឹមតែសរសេរនៅក្នុងផែនទី «ម៉េចក៏លោកឯង រដ្ឋមន្រ្តីជំនាន់នោះបាន ត្រឹមតែគូរផែនទី ម៉េចក៏មិនទៅយក»។ ទាក់ទងនឹងការឆ្លើយបំភ្លឺនេះ សម្តេចចង់ឲ្យផ្សាយ ផ្ទាល់គ្រប់ទូរទស្សន៍ ទាំងអស់។

ប្រមុខរាជរដ្ឋាភិបាលដ៏មានឥទ្ធិពលបានពន្យល់ទៀតថា ផ្ទៃដីនៅប្រទេសខ្មែរ មានចំនួន ១៨១.០៣៥ គីឡូម៉ែត្រ ការ៉េ តើមានបាត់បង់ទៅណាហើយ មានអ្នកយកទៅណា ហើយដីខ្មែរមានអ្នកណាគេទៅវាស់ កាលពីដើមនោះ ពួកបក្សប្រឆាំងនៅពេលដែលកំពុងមានសភាពការណ៍វឹកវរខាងលិច ទៅបង្កឲ្យមានបញ្ហានៅទិសខាងកើត តើ ការបង្កឲ្យមានបញ្ហានេះ ជាអ្នកស្នេហាជាតិឬ?

កាលពីពេលថ្មីៗនេះ តំណាងរាស្រ្តគណបក្សសមរង្ស៊ី លោក ស៊ុន ឆ័យ បានធ្វើលិខិតមួយ ស្នើឲ្យប្រមុខរាជរដ្ឋាភិ បាលកម្ពុជា ដើម្បីធ្វើការបំភ្លឺក្នុងករណីព្រំដែនកម្ពុជា-វៀតណាម។

កាលពីថ្ងៃទី១១ ខែកក្កដា កន្លងមកនេះ ប្រធានគណៈកម្មការព្រំដែនរបស់កម្ពុជាទេសរដ្ឋមន្រ្តី វ៉ា គឹមហុង បាន មានប្រសាសន៍ថា ក្រៅតែពីភូមិថ្លុកត្រាច និងភូមិអន្លង់ជ្រៃស្ថិតនៅខេត្តកំពង់ចាម គឺមានដីស្រែចំការជាច្រើន ទៀត នឹងត្រូវផ្លាស់ប្តូរជាមួយវៀតណាម ដែលដីស្រែចំការទាំងនោះនឹងប្តូរ ដោយតុល្យភាពរវាងប្រទេសទាំង ពីរ។

លោកបានបញ្ជាក់ថា ការដោះដូរនេះ «គឺមានការឯកភាពពីថ្នាក់កំពូលយើង វាមិនចេះតែដោះដូរដីទទេៗនោះទេ យើងត្រូវការឯកភាពពីថ្នាក់កំពូល ទាល់តែគេឯកភាពគ្នាពីផ្ទៃក្រឡាដីរបស់យើង។ ការដោះដូរនឹងទៀត គឺមិន មែនចេះតែដោះដូរភូមិទល់នឹងភូមិនោះទេ មានភូមិយើងមានភូមិគេចូលគ្នា គេមានដីស្រែចូលយើង យើងយកក៏ បានឲ្យតែស្ថិតក្នុងខេត្តជាមួយគ្នា...យើងមានភូមិថ្លុកត្រាច និងភូមិអន្លង់ជ្រៃហើយភូមិអន្លង់ជ្រៃគឺតែមួយផ្នែកទេ មួយភាគធំចូលដីខ្មែរ ហើយមួយភាគតូចចូល ទឹកដីវៀតណាម»។

លោកទេសរដ្ឋមន្ត្រី បានមានប្រសាសន៍បន្តទៀតថា ការផ្លាស់ប្តូរនេះ ធ្វើឡើងតាមប្រវត្តិសាស្រ្តតែប៉ុណ្ណោះ មិន មែនធ្វើទៅតាមការនឹកឃើញ របស់គណៈកម្មការរបស់លោកឡើយ ។

ប្រធានគណៈកម្មាធិការ កិច្ចការព្រំដែនរបស់កម្ពុជាបានឲ្យដឹងថា រហូតមកដល់បច្ចុប្បន្ននេះ ភាគីទាំងពីរ បាន បោះបង្គោលព្រំដែនគោក បានចំនួន ២៨៧ បង្គោលរួចហើយ ក្នុងចំណោមបង្គោលព្រំដែនគោកទាំងអស់ ចំនួន ៣១៧ បង្គោលព្រំដែន។

សូមបញ្ជាក់ថា សមាជិកសភាគណបក្ស សម រង្ស៊ី ១៦រូប កាលពីថ្ងៃទី១៧ ខែតុលា ឆ្នាំ២០១១ បានសរសេរ លិខិតទៅសម្តេចនាយករដ្ឋមន្រ្តី សួរនាំអំពីបញ្ហាបោះបង្គោលព្រំដែន និងខណ្ឌសីមាព្រំដែនលេខ ១៨៤-១៨៧ នៅស្រុកចន្ទ្រា ខេត្ត ស្វាយរៀង។ នៅថ្ងៃទី១៨ ខែតុលា ឆ្នាំ២០១១ សម្តេច ហេង សំរិន ប្រធានរដ្ឋសភា បាន បញ្ជូនលិខិតទៅសម្តេច នាយករដ្ឋមន្រ្តី ។ សម្តេចតេជោ ហ៊ុន សែន នៅថ្ងៃទី២ ខែធ្នូ បានឆ្លើយតបទៅនឹងការ សួររបស់តំណាងរាស្រ្ត គណបក្ស ប្រឆាំងទាំង១៦រូប តាមរយៈលិខិតសម្តេចហេង សំរិន ហើយនៅថ្ងៃទី២៦ ខែធ្នូ លោក សម រង្ស៊ី បានសរសេរ លិខិត ជូនសម្តេចតេជោ ហ៊ុន សែន ដោយបានថ្លែងអំណរគុណ និងសំដែងការគាំទ្រជំហររាជ រដ្ឋាភិបាល ក្នុង ការការពារអធិបតេយ្យជាតិរបស់ខ្លួន។

សម្តេច ហ៊ុន សែន បានឆ្លើយតបទៅនឹងលិខិតនោះថា «…ទីតាំងបង្គោលព្រំដែនលេខ១៨៥ ក៏ដូចជាបង្គោល ព្រំដែនមួយចំនួន ដែលនៅសេសសល់រវាងប្រទេសទាំងពីរ កម្ពុជា-វៀតណាម រហូតមកដល់ពេលនេះ គណៈកម្ម ការចម្រុះព្រំដែនរវាងប្រទេសទាំងពីរ កម្ពុជា-វៀតណាម មិនទាន់បានឯកភាពគ្នាលើទីតាំងបោះបង្គោលនៅ ឡើយទេ។ ភាគីទាំងពីរបន្តចរចា ដើម្បីកំណត់ទីតាំងបង្គោលនេះ ក៏ដូចជាទីតាំងបង្គោលព្រំដែន ដែលនៅសេស សល់ដទៃទៀត ឲ្យបានសមស្របអាចទទួលយកបាន នាពេលខាងមុខ»។

លោក សម រង្ស៊ី ឆ្លើយតបទៅនឹងលិខិតរបស់សម្តេច ហ៊ុន សែន កាលពីថ្ងៃទី២៦ ខែធ្នូ ឆ្នាំ ២០១១ថា «ខ្ញុំសូម សម្តែងការគាំទ្រដល់រាជរដ្ឋាភិបាល ចំពោះជំហរដ៏ត្រឹមត្រូវក្នុងការការពារបូរណាភាពទឹកដី នៃប្រទេសកម្ពុជា ដូចបានបញ្ជាក់នៅក្នុងលិខិតរបស់សម្តេចខាងលើ»។

លោក សម រង្ស៊ី បន្តថា «សូមសម្តេចជឿជាក់ចុះថា អ្នកស្នេហាជាតិខ្មែរទាំងអស់ ច្បាស់ជារួមកម្លាំងពេញទំហឹង ជាមួយរាជរដ្ឋាភិបាល ដើម្បីការពារដីស្រែ ចំការ របស់ជនជាតិខ្មែរ ដែលរស់នៅតាមដងព្រំប្រទល់ដែន ក្នុងការ ខិតខំរកដំណោះស្រាយឲ្យបានសមស្របអាចទទួលយកបាននៅពេលខាងមុខ តាមប្រសាសន៍របស់សម្តេច»។

កាលពីថ្ងៃទី២៤ ខែមិថុនា ឆ្នាំ២០១២កន្លងទៅនេះ នាយករដ្ឋមន្រ្តីកម្ពុជា សម្តេចតេជោ ហ៊ុន សែន និងនាយក រដ្ឋមន្ត្រីវៀតណាម ង្វៀន តាន់យុង បានធ្វើជាអធិបតីដ៏ខ្ពស់បំផុត នៅក្នុងពិធីបោះបង្គោលព្រំសីមាលេខ ៣១៤ នៅក្នុងខេត្តកំពត-ហាទៀង ដើម្បីជាការចូលរួមអបអរសាទរខួបលើកទី៤៥ឆ្នាំ នៃទំនាក់ទំនងការទូតរវាង ប្រទេសទាំងពីរ។ នៅក្នុងពិធីនោះ មេដឹកនាំទាំងពីរ បានសន្យាជំរុញវិស័យសេដ្ឋកិច្ច ពាណិជ្ជកម្ម និងទេសចរណ៍ ឲ្យមានការរីកចម្រើនបន្ថែមទៀត ខណៈដែលប្រទេសទាំងពីរបានកសាងព្រំដែនសន្តិភាពជាមួយគ្នា៕

ជប៉ុន​ផ្តល់​ហិរញ្ញប្បទាន​ឥត​សំណង​១៩​លាន​ដុល្លារ​អាមេរិក​សម្រាប់​គម្រោង​ស្តារ​ឡើង​វិញ​និង​កាត់បន្ថយ​គ្រោះ​មហន្តរាយ​ដោយ​ទឹកជំនន់​

ភ្នំពេញ​ ៖ ​រាជរដ្ឋាភិបាល​ជប៉ុន​បាន​ផ្តល់​ហិរញ្ញប្បទាន​ឥត​សំណង​ចំនួន ​១.៥១០ ​លាន​យេន​ ស្មើ​នឹង​ ១៩​ លាន​ដុល្លារ​អាមេរិក​ដល់​រាជរដ្ឋាភិបាល​កម្ពុជា ​សម្រាប់​គម្រោង​ស្តារ​ឡើង​វិញ ​និង​កាត់បន្ថយ​គ្រោះ​ មហន្តរាយ​ដោយសារ​ទឹកជំនន់ ​ដែល​កិច្ចព្រមព្រៀង​នេះ​បាន​ចុះ​ហត្ថលេខា ​កាលពី​ថ្ងៃ​ទី ​៣០ ​កក្កដា​ ២០១២ ​នៅ​ទីស្តី​ការ​ក្រសួង​សេដ្ឋកិច្ច ​និង​ហិរញ្ញវត្ថុ​។​​

ឯកឧត្តម​ឧបនាយករដ្ឋមន្ត្រី គាត ឈន់ រដ្ឋមន្ត្រី ក្រសួង​សេដ្ឋកិច្ច និង​ហិរញ្ញវត្ថុ និង​លោក SUZUKI Yasujiro ប្រធាន​តំណាង​ទីភ្នាក់ងារ​សហប្រតិបត្តិ​ការ​អន្តរជាតិ​នៃ​ប្រទេស​ជប៉ុន​(JICA) ប្រចាំ​កម្ពុជា​បាន​ចុះហត្ថលេខា​លើ​កិច្ចព្រមព្រៀង​នេះ បន្ទាប់ពី​រាជរដ្ឋាភិបាល​ជប៉ុន និង​រាជ​រដ្ឋា​ភិ​- បាល​កម្ពុជា បាន​ចុះហត្ថលេខា​លើ​លិខិត​ប្តូរ​សារ​កាលពី​ថ្ងៃទី ២១ ខែមេសា ឆ្នាំ ២០១២ នៅ​ទីក្រុង តូ​ក្យូ​នោះ ។​

​ ​យោងតាម​សេចក្តីប្រកាស​ព័ត៌មាន នៅក្នុង​ពិធី​ចុះហត្ថលេខា​នោះបាន​ឲ្យ​ដឹងថា គម្រោង ស្តារឡើងវិញ និង​កាត់បន្ថយ​គ្រោះមហន្តរាយ​ដោយសារ​ទឹកជំនន់​នេះ មាន​គោលបំណង​ស្តារ​ឡើង វិញ​នូវ​ស្ពាន​ចំនួន ៨ តាម​បណ្តោយ​ផ្លូវជាតិ​លេខ ១១ និង​ធ្វើ​ឲ្យ​ប្រសើរ​ឡើងវិញ​នូវ​ផ្លូវ និង​បណ្តាញ លូ​នៅក្នុង​ក្រុង​កំពង់ឆ្នាំង ខេត្តកំពង់ឆ្នាំង ដែល​បាន​ខូចខាត​ជា​ទម្ងន់ និង​កំពុង​ទ្រុឌទ្រោម បង្កឡើង ដោយ​ទឹកជំនន់ កាលពី​ឆ្នាំ ២០១១ កន្លងមកនេះ ។

​ ​ឯកឧត្តម ឧបនាយករដ្ឋមន្ត្រី គាត ឈន់ ថ្លែងថា ដើម្បី​រួមសុខ​រួមទុក្ខ​ជាមួយ​រាជរដ្ឋាភិបាល និង ប្រជាជន​កម្ពុជា នៅពេល​ដែលមាន​ទឹកជំនន់​ឆ្នាំ ២០១១ កន្លងមក ប្រទេស​ជប៉ុន​បាន​ឆ្លើយ តប​ទៅនឹង​សេចក្តីត្រូវការ​របស់​រា​ជ​រដ្ឋាភិបាល​កម្ពុជា ក្នុងការ​ដោះស្រាយ​ផលប៉ះពាល់​ដោយ​គ្រោះ មហន្តរាយ​បាន​យ៉ាង​ទាន់ពេលវេលា ជាក់ស្តែង​រដ្ឋាភិបាល​ជ​ប៉ុន​បានផ្តល់​ហិរញ្ញប្បទាន​ឥត​សំណង ជា​គ្រឿងចក្រ និង​សម្ភារៈ សម្រាប់​ការ​ស្តារឡើងវិញ​នូវ​ហេដ្ឋារចនាសម្ព័ន្ធ ដែល​បាន​ខូចខាត​ដោយ សារ​ទឹកជំនន់​ឆ្នាំ ២០១១ ក្នុង​ទឹកប្រាក់​ចំនួន ៧,៥ លាន​ដុល្លារ​អាមេរិក និង​សម្ភា​រៈស​ង្ក្រោះ​បន្ទាន់ មានដូចជា តង់ ភួយ កំរាល​ប្លា​ស្ទិ​ក ដែល​គិត​ជា​ទឹកប្រាក់​ចំនួន ៣៣ ម៉ឺន​ដុល្លារ​អាមេរិក ។ ជាមួយ គ្នា​នោះដែរ ជប៉ុន​ក៏បាន​បញ្ជូន​អ្នកជំនាញ ដើម្បី​មក​ស្វែងយល់​ពី​ផលប៉ះពាល់​ដល់​ហេ​ដ្ឋា​រចនា សម្ព័ន្ធ​នានា​ផងដែរ ។

​ ​ឯកឧត្តម ឧបនាយករដ្ឋមន្ត្រី​បាន​បញ្ជាក់ថា ប្រទេស​ជប៉ុន​គឺជា​ដៃគូ​អភិវឌ្ឍ​ជាប់​ឯក​ត្ត​កម្ម​នាំ មុខ​គេ​ក្នុង​ការផ្តល់​ហិរញ្ញប្បទាន​ឥត​សំណង​ដល់​កម្ពុជា ហើយ​បាន​ក្លាយជា​ដៃគូ​ដ៏​ប្រពៃ​មួយ​ដែល បាន​ចូលរួមចំណែក​យ៉ាងសកម្ម​ដល់​ការអភិវឌ្ឍន៍​សេដ្ឋកិច្ច និង​សង្គម​នៅ​កម្ពុជា ។

​ ​សេចក្តីប្រកាស​ព័ត៌មាន​បាន​ឲ្យ​ដឹង​ទៀតថា ក្រៅពី​ហិរញ្ញប្បទាន​ខាងលើនេះ នៅពេល​ថ្មីៗ នេះ រដ្ឋាភិបាល​ជប៉ុន​បានផ្តល់​ហិរញ្ញប្បទាន​ឥត​សំណង​មាន​ទឹកប្រាក់​ប្រមាណ ២៨៣ លាន​យេន សម្រាប់​បន្ត​អនុវត្ត​គម្រោង​អាហារូបករណ៍​អភិវឌ្ឍ​ធនធានមនុស្ស ដែល​កិច្ចព្រមព្រៀង​នេះ​បាន ចុះហត្ថលេខា កាលពី​ថ្ងៃទី ២៦ ខែមិថុនា ឆ្នាំ ២០១២ រវាង​ក្រសួង​សេដ្ឋកិច្ច​និង​ហិរញ្ញវត្ថុ និង​JICA ប្រចាំ​កម្ពុជា ។ គម្រោង​នេះ​បាន​ចូលរួមចំណែក​ដ​លើ​ការអភិវឌ្ឍ​ធនធានមនុស្ស​នៅ​កម្ពុជា ដែលជា រៀងរាល់​ឆ្នាំមាន​យុវជន​កម្ពុជា​ចំនួន ២៤​នាក់ ត្រូវបាន​បញ្ជូនទៅ​សិក្សា​ស្រាវជ្រាវ​ថ្នាក់អនុបណ្ឌិត​នៅ តាម​បណ្តា​សាកលវិទ្យាល័យ​នានា​នៅ​ប្រទេស​ជប៉ុន​រយៈពេល ២ ឆ្នាំ ។

​ ​ឯកឧត្តម គាត ឈន់ មានប្រសាសន៍ថា សកម្មភាព​ទាំងអស់នេះ​បានបង្ហាញ​យ៉ាងច្បាស់​ថា រដ្ឋាភិបាល​ជប៉ុន​នៅតែ​បន្ត​គាំទ្រ​គោលនយោបាយ​របស់​រាជ​រដ្ឋាភិបាល​កម្ពុជា និង​ឆ្លើយតប​ទៅនឹង តម្រូវការ​របស់​កម្ពុ​ជា ហើយ​បាន​តម្រង់ទិស​ហិរញ្ញប្បទាន​របស់ខ្លួន​ស្របតាម​របៀបវារៈ​អភិវឌ្ឍ សេដ្ឋកិច្ច និង​សង្គមកិច្ច​របស់​រាជរ​ដ្ឋា​ភិ​បាល​កម្ពុជា ក្រោម​ការដឹកនាំ​ដ៏​ប៉ិនប្រសប់ និង​ប្រកបដោយ ចក្ខុវិស័យ​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ កម្ពុជា ៕

មន្ទីរ​សាធារណៈ​ការ​ដឹក​ជញ្ជូន​ខេត្តកំពង់ធំ កំពុង​សិក្សា​ស្ថាបនា​ផ្លូវ១៩គីឡូម៉ែត្រ ពី​ស្រុក​សណ្តាន់ តភ្ជាប់​និង​ស្រុក​រវាង ខេត្តព្រះវិហារ

កំពង់ធំ ៖ ក្រុមការងារ​នៃ​មន្ទីរ​សាធារណការ និង​ដឹកជញ្ជូន​ខេត្តកំពង់ធំ កំពុងតែ​មមាញឹក​យ៉ាងសកម្ម​ក្នុង​ការសិក្សា​ភូមិសាស្ត្រ​នៅក្នុង​ស្រុក​សណ្តាន់ ខេត្តកំពង់ធំ ដើម្បី​ស្ថាបនា​ផ្លូវ​មួយ​ខ្សែ​ថ្មី​មួយទៀត ដែល​តម្រង់​ឆ្ពោះទៅ​ស្រុក​រវាង​ខេត្តព្រះវិហារ ដែល​មាន​ប្រវែង​តែ ១៩ គីឡូម៉ែត្រ តែប៉ុណ្ណោះ។

តាម​ការ​ឲ្យ​ដឹង​ពី​លោក ម៉ៅ ឡាំង ប្រធាន​មន្ទីរ​សាធារណការ​ដឹកជញ្ជូន​ខេត្តកំពង់ធំ និង​ជាទី​ប្រឹក្សា ឯកឧត្តម ងួន ញ៉ិល ប្រធាន​រដ្ឋសភា​ស្តីទីបាន​បញ្ជាក់​ថា ដោយ​យោង​តាម​តម្រូ​វ​ការចាំបាច់ របស់​បងប្អូន ប្រជាពលរដ្ឋ នៅក្នុង​ស្រុក​សណ្តាន់ ដែល​តែងតែ​ធ្វើដំណើរ ផ្លូវ​កាត់ ពី​ស្រុក​សណ្តាន់ ទៅ​ស្រុក​រវាង ដែល មាន​ប្រវែង​តែ ១៩ Km  បច្ចុប្បន្ន​គ្មាន​ផ្លូវ សមរម្យ​ដែល​ត្រូវ​បាន​ធ្វើដំណើរ​យ៉ាង​​ពិបាក ក្នុង​ការ​ដឹកជញ្ជូន ក៏ដូចជា​ការ​ទំនាក់ទំនង​គ្នា​រវាង​ពី​ស្រុក​នេះ ទើបបាន​មានការ​គិតគូរបស់​មន្ទីរ​សាធារណការ​ខេត្ត ធ្វើ​សំណើ​សុំ​ទៅ​ក្រសួង​ដើម្បី​សុំ​ផ្លូវ​មួយ​ខ្សែ​ដែល​មាន​ប្រវែង ១៩ km ដែល​ជា​​ផ្លូវ​កាត់​និង​ឆាប់រហ័ស កាត់បន្ថយ​ពេល​វេលា ក៏ដូចជា​ការកាត់បន្ថយ​ភាព​ក្រីក្រ របស់​បងប្អូន​ប្រជា​ពលរដ្ឋ ដោយសារតែ​ទីណា​មាន​ផ្លូវ ទីនោះ​មាន​សង្ឃឹម ទីណា​មាន​ផ្លូវ​ទីនោះ​មានការ​អភិវឌ្ឍន៍  ដូច្នេះ​បើ​ធ្វើដំណើរ​តាមផ្លូវ​ដែល​មាន​ស្រាប់ តាមផ្លូវ​ជាតិ​លេខ ៦២ គឺ​មាន​ចម្ងាយ​ខុសគ្នា ជិត ១០០ km ឯណោះ ។

លោក​បាន​បញ្ជាក់​ថា យោង​តាម​របាយ​ការណ៍​ ក្រុមការងារ​នៃ​មន្ទីរ​សាធារណការ​ដឹកជញ្ជូន គឺ​សិក្សា​ចាប់ពី​ដងផ្លូវ​ស្រុក​សណ្តាន់​ ខេត្តកំពង់ធំ ចាប់ពី​ភូមិ ដង្ហិត ទៅ​ទល់​និង​ព្រំប្រទល់​ស្រុក​រវាង ខេត្តព្រះវិហារ  មាន​ប្រវែង ១៩,៤០០ ម៉ែត្រ មាន​លូ​មូល​ចំនួន ១៣ កន្លែង  និង​ស្ពានឈើ ចំនួន៣កន្លែង ឆ្លងកាត់​ភូមិ ដង្ហិត និង​ភូមិ​ស្រែ​វាល ដោយឡែក​ផ្លូវ​នេះ ជា​ផ្លូវ​ចាស់ និង​មាន​ស្ថាន​ភាពជា​ផ្លូវ​រទេះគោ ក្របី នៅ​រដូវវស្សា​ការ​ចរាចរ​ត្រូវ​បាន​​កាត់ផ្តាច់​ទាំងស្រុង ។

ប្រជាពលរដ្ឋ​នៅ​ក្នុង​ស្រុក​សណ្តាន់​បានដឹង​ដំណឹង​​ដ៏​ល្អ​ប្រសើរ​សម្រាប់​ពួកគាត់​នេះ​ បាន​សម្តែង​នូវ​ក្តី សោមនស្ស​រីករាយ ដែល​មាន​​ការ​យក​ចិត្ត​ទុកដាក់ ដល់​ការរស់នៅ​របស់​ប្រជាកសិករ និង​មិន​ភ្លេចគុណ បំណាច់​របស់​គណបក្ស​ប្រជាជន​កម្ពុជា​ទេ ដែល​យល់​ពី​សុខទុក្ខ​របស់​ប្រជាពលរដ្ឋ និង​គ្មាន​គណបក្ស​ណា មើលឃើញ​នោះ​ទេ។ មានតែ​គណបក្ស​ប្រជាជន​កម្ពុជា​​ទេ ដែលធ្វើ​ការ​អភិវឌ្ឍន៍ ស្ទើរតែ​គ្រប់​ទិស​តំបន់ ហើយ​​​ប្រជាពលរដ្ឋ​ក៏​​សំដែង​នូវ​​ការ​​គាំទ្រ​បន្ថែម​ទៀត​ ដើម្បី​​អភិវឌ្ឍន៍​ប្រទេសជាតិ៕