ភ្នំពេញ: ក្រសួងសាធារណការ និងដឹកជញ្ជូន នឹងរៀបចំពិធីសម្ពោធដាក់ឲ្យប្រើប្រាស់ជាផ្លូវការ ផ្លូវជាតិលេខ ៦២ ប្រវែង ១២៨ គីឡូម៉ែត្រ ពីខេត្តកំពង់ធំទៅដល់ក្រុងព្រះវិហារ ក្រោមកម្ចីឥណទានពីរដ្ឋាភិបាលនៃសាធារណរដ្ឋប្រជាមានិតចិន។ ពិធីនោះនឹងធ្វើឡើង នៅព្រឹកថ្ងៃទី៨សីហា ឆ្នាំ២០១២ នៅភូមិវល្លិយាវ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ក្រោមអធិបតីភាពដ៏ខ្ពង់ខ្ពស់សម្តេចហ៊ុន សែន និងលោកជំទាវ។
តាមកម្មវិធី លោក ផាន គ័ងស៊ា ឯកអគ្គរដ្ឋទូតចិនប្រចាំកម្ពុជា ក៏នឹងអញ្ជើញចូលរួម ក្នុងពិធីសម្ពោធបើកឲ្យប្រើប្រាស់ជាផ្លូវការផ្លូវជាតិលេខ ៦២ ( ផ្នែកខាងត្បូង ) ប្រវែង ១២៨ គីឡូម៉ែត្រ ពីកំពង់ធំទៅដល់ក្រុងព្រះវិហារ នាព្រឹកថ្ងៃទី៨សីហា ឆ្នាំ២០១២។ លោកឯកអគ្គរដ្ឋទូតចិន ក៏នឹងឡើងថ្លែងសុន្ទរកថាមុនពេលសម្តេចហ៊ុន សែន មានមតិសំណេះសំណាល និងបំពាក់មេដាយ ព្រមទាំងកាត់ខ្សែបូជានិមិត្តរូបនៃការបើកឲ្យប្រើប្រាស់ផ្លូវជាតិលេខ ៦២ ជាផ្លូវការ។
នៅពេលសព្វថ្ងៃនេះ ចិនជាប្រទេសដែលបានផ្តល់ជំនួយសម្រាប់សាងសង់ផ្លូវ និងស្ពានវែងជាងគេនៅក្នុងប្រទេសកម្ពុជា។
នៅក្នុងជំនួបពិភាក្សាការងារទ្វេភាគីជាមួយសម្តេចនាយករដ្ឋមន្ត្រី ហ៊ុន សែន កាលពីព្រលប់ថ្ងៃទី៤ ខែវិច្ឆិកា ឆ្នាំ២០១០ លោក វូ ប៉ាងគួរ ( Wu Bangguo ) ប្រធានរដ្ឋសភាចិន ក៏បានប្រកាសថា ចិនព្រមព្រៀងលុបបំណុលដែលកម្ពុជាជំពាក់ ចំនួនជាង ៤.២៤០.០០០ ដុល្លារអាមេរិក។
ក្នុងនោះ ចិនក៏បានយល់ព្រមអនុវត្តន៍គម្រោងអភិវឌ្ឍន៍នៅកម្ពុជាចំនួន ២៣ គម្រោង ដែលមានទឹកប្រាក់សរុប ១.៦០០ លានដុល្លារអាមេរិក។ គម្រោងទាំងនោះ ត្រូវអនុវត្តន៍ចាប់ពីឆ្នាំ២០១០ ដល់ឆ្នាំ២០១៥ លើផ្លូវជាតិ ផ្លូវដែក ស្ពាន កំពង់ផែ និងប្រព័ន្ធព័ត៌មានវិទ្យា។
ក្រោយកិច្ចប្រជុំកាលណោះ រដ្ឋមន្ត្រីក្រសួងព័ត៌មាន និងជាអ្នកនាំពាក្យរដ្ឋាភិបាល លោក ខៀវ កាញារីទ្ធ ក៏បានប្រាប់អ្នកកាសែតថា តាមរយៈលោកប្រធានរដ្ឋសភាចិន វូ ប៉ាងគួរ ប្រទេសចិនក៏បានប្រកាសពីការផ្តល់ជំនួយដល់កម្ពុជា ចំនួន ១០០ លានយន់ផងដែរ៕
Saturday, August 4, 2012
កិច្ចប្រជុំរដ្ឋមន្ត្រីសេដ្ឋកិច្ចអាស៊ាន លើកទី៤៤ ធ្វើនៅថ្ងៃទី២៥សីហា ដល់ថ្ងៃទី១កញ្ញា នៅខេត្តសៀមរាប
ភ្នំពេញ: កិច្ចប្រជុំរដ្ឋមន្ត្រីសេដ្ឋកិច្ចអាស៊ាន លើកទី៤៤ នឹងប្រព្រឹត្តទៅចាប់ពីថ្ងៃទី២៥ ខែសីហា ដល់ថ្ងៃទី១ ខែកញ្ញា ឆ្នាំ២០១២ នៅសណ្ឋាគារ អប្សរាអង្គរ ក្រុងសៀមរាប ខេត្តសៀមរាប។ កិច្ចប្រជុំនោះនឹងមានការចូលរួមបើកកិច្ចប្រជុំដោយសម្តេចនាយករដ្ឋមន្ត្រី ហ៊ុន សែន នៅព្រឹកថ្ងៃទី២៧ ខែសីហា ឆ្នាំ២០១២។ នេះបើតាមលិខិតជូនដំណឹងរបស់លោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម ជូនទៅរដ្ឋមន្ត្រីក្រសួងព័ត៌មាន។
ក្រសួងពាណិជ្ជកម្ម បានផ្សព្វផ្សាយនូវខ្លឹមសារសំខាន់ៗ ពាក់ព័ន្ធនឹងកិច្ចប្រជុំរដ្ឋមន្ត្រីសេដ្ឋកិច្ចអាស៊ាន លើកទី៤៤ និងកិច្ចប្រជុំពាក់ព័ន្ធ ដែលនឹងប្រព្រឹត្តទៅពីថ្ងៃទី២៥ ខែសីហា ឆ្នាំ២០១២ ដល់ថ្ងៃទី១ ខែកញ្ញា ឆ្នាំ២០១២ នៅខេត្តសៀមរាប ដែលកម្ពុជា ធ្វើជាម្ចាស់ផ្ទះនៃកិច្ចប្រជុំនោះ។
សេចក្តីប្រកាសលើកឡើងថា កិច្ចប្រជុំរដ្ឋមន្ត្រីសេដ្ឋកិច្ចអាស៊ាន លើកទី៤៤ នឹងពិនិត្យលើរបៀបវារៈសំខាន់ៗពាក់ព័ន្ធនឹងសេរីភាវូបនីយកម្ម ពាណិជ្ជកម្ម និងកិច្ចសហប្រតិបត្តិការសេដ្ឋកិច្ច ក្នុងចំណោមប្រទេសសមាជិកអាស៊ានទាំងដប់ និងជាមួយប្រទេសដៃគូពិភាក្សា មានដូចជា សធារណរដ្ឋប្រជាមានិតចិន សាធារណរដ្ឋកូរ៉េ ជប៉ុន អូស្ត្រាលី ញូវហ្សេឡិន ឥណ្ឌា សហរដ្ឋអាមេរិក កាណាដា និងរុស្ស៊ី។
សេចក្តីប្រកាស ក៏បានលើកឡើងថា ក្នុងកិច្ចប្រជុំនោះដែរ នឹងមានកិច្ចប្រជុំពិគ្រោះយោបល់រវាងរដ្ឋមន្ត្រីសេដ្ឋកិច្ចអាស៊ាន ជាមួយរដ្ឋមន្ត្រីនៃក្រុមប្រឹក្សានានា ក្នុងក្របខ័ណ្ឌអាស៊ាន ( AFTA Council, AIA Council, AEC Council ) ក្របខ័ណ្ឌសហប្រតិបត្តិការកម្ពុជា ឡាវ មីយ៉ាន់ម៉ា និងវៀតណាម ( CLMV ) ក្របខ័ណ្ឌសហប្រតិបត្តិការទន្លេមេគង្គ ( AMBDC ) កិច្ចប្រជុំពិគ្រោះយោបល់រវាងរដ្ឋមន្ត្រីសេដ្ឋកិច្ចអាស៊ាន ជាមួយអគ្គនាយកអង្គការកម្មសិទ្ធិបញ្ញាពិភពលោក ( AEM-WIPO Consultations )។ល។
ក្រសួងពាណិជ្ជកម្ម ក៏បានប្រកាសថា ទន្ទឹមនឹងកិច្ចប្រជុំខាងលើនេះ ក៏នឹងមានព្រឹត្តិការណ៍ជំនួបកំពូលធុរកិច្ចអាស៊ាន-សហរដ្ឋអាមេរិក និងពិព័រណ៍ផលិតផលសម្លៀកបំពាក់ និងតម្បាញ ឆ្នាំ២០១២ របស់កម្ពុជាផងដែរ៕
ក្រសួងពាណិជ្ជកម្ម បានផ្សព្វផ្សាយនូវខ្លឹមសារសំខាន់ៗ ពាក់ព័ន្ធនឹងកិច្ចប្រជុំរដ្ឋមន្ត្រីសេដ្ឋកិច្ចអាស៊ាន លើកទី៤៤ និងកិច្ចប្រជុំពាក់ព័ន្ធ ដែលនឹងប្រព្រឹត្តទៅពីថ្ងៃទី២៥ ខែសីហា ឆ្នាំ២០១២ ដល់ថ្ងៃទី១ ខែកញ្ញា ឆ្នាំ២០១២ នៅខេត្តសៀមរាប ដែលកម្ពុជា ធ្វើជាម្ចាស់ផ្ទះនៃកិច្ចប្រជុំនោះ។
សេចក្តីប្រកាសលើកឡើងថា កិច្ចប្រជុំរដ្ឋមន្ត្រីសេដ្ឋកិច្ចអាស៊ាន លើកទី៤៤ នឹងពិនិត្យលើរបៀបវារៈសំខាន់ៗពាក់ព័ន្ធនឹងសេរីភាវូបនីយកម្ម ពាណិជ្ជកម្ម និងកិច្ចសហប្រតិបត្តិការសេដ្ឋកិច្ច ក្នុងចំណោមប្រទេសសមាជិកអាស៊ានទាំងដប់ និងជាមួយប្រទេសដៃគូពិភាក្សា មានដូចជា សធារណរដ្ឋប្រជាមានិតចិន សាធារណរដ្ឋកូរ៉េ ជប៉ុន អូស្ត្រាលី ញូវហ្សេឡិន ឥណ្ឌា សហរដ្ឋអាមេរិក កាណាដា និងរុស្ស៊ី។
សេចក្តីប្រកាស ក៏បានលើកឡើងថា ក្នុងកិច្ចប្រជុំនោះដែរ នឹងមានកិច្ចប្រជុំពិគ្រោះយោបល់រវាងរដ្ឋមន្ត្រីសេដ្ឋកិច្ចអាស៊ាន ជាមួយរដ្ឋមន្ត្រីនៃក្រុមប្រឹក្សានានា ក្នុងក្របខ័ណ្ឌអាស៊ាន ( AFTA Council, AIA Council, AEC Council ) ក្របខ័ណ្ឌសហប្រតិបត្តិការកម្ពុជា ឡាវ មីយ៉ាន់ម៉ា និងវៀតណាម ( CLMV ) ក្របខ័ណ្ឌសហប្រតិបត្តិការទន្លេមេគង្គ ( AMBDC ) កិច្ចប្រជុំពិគ្រោះយោបល់រវាងរដ្ឋមន្ត្រីសេដ្ឋកិច្ចអាស៊ាន ជាមួយអគ្គនាយកអង្គការកម្មសិទ្ធិបញ្ញាពិភពលោក ( AEM-WIPO Consultations )។ល។
ក្រសួងពាណិជ្ជកម្ម ក៏បានប្រកាសថា ទន្ទឹមនឹងកិច្ចប្រជុំខាងលើនេះ ក៏នឹងមានព្រឹត្តិការណ៍ជំនួបកំពូលធុរកិច្ចអាស៊ាន-សហរដ្ឋអាមេរិក និងពិព័រណ៍ផលិតផលសម្លៀកបំពាក់ និងតម្បាញ ឆ្នាំ២០១២ របស់កម្ពុជាផងដែរ៕
រដ្ឋមន្រ្តីក្រសួងសុខាភិបាលឡាវថា និងបញ្ជូនមន្រ្តីជំនាញខាងផ្នែកសុខាភិបាល មកធ្វើការរៀនសូត្រដោយផ្ទាល់ នៅក្នុងមន្ទីពេទ្យបង្អែក ខេត្តសៀមរាប
រដ្ឋមន្រ្តីក្រសួងសុខាភិបាលឡាវថា និងបញ្ជូនមន្រ្តីជំនាញខាងផ្នែកសុខាភិបាល មកធ្វើការរៀនសូត្រដោយផ្ទាល់ នៅក្នុងមន្ទីពេទ្យបង្អែក ខេត្តសៀមរាប
នៅក្នុងដំណើរមកធ្វើទស្សនកិច្ច សិក្សាស្វែងយល់ អំពីការគ្រប់គ្រងប្រព័ន្ធ សុខាភិបាល នៅក្នុងមន្ទីរពេទ្យ បង្អែក ខេត្តសៀមរាបកាស ពីថ្ងៃទី៣ ខែសីហា ឯកឧត្តម EKSAVANG VONGVICHIT រដ្ឋមន្រ្តីក្រសួងសុខាភិបាល នៃសាធារណរដ្ឋ ប្រជាមានិឡាវ បានប្រសាសន៍ថា ឯកឧត្តម និងបញ្ជូនមន្រ្តីជំនាញ សុខាភិបាល ឡាវមកធ្វើការរៀនសូត្រ ដោយផ្ទាល់ នៅក្នុងមន្ទីពេទ្យបង្អែក ខេត្តសៀមរាប នៅពេលខាងមុខឆាប់ៗនេះ បន្ទាប់ពីឯកឧត្តមបានទស្សនា នៅគ្រប់អាគាររបស់ មន្ទីរពេទ្យបង្អែកនេះរួចមកឃើញថា នៅក្នុងមន្ទីពេទ្យបង្អែក ខេត្តសៀមរាបនេះ មានបទពិសោធន៍ល្អៗជាច្រើន ដែលក្រសួងសុខាភិបាល នៃសាធារណ រដ្ឋ ប្រជាមានិឡាវ ចង់បាន ដូចជាការគ្រប់គ្រង ការផ្តល់សេវាព្យាបាល និងការជួយសង្គ្រោះជនក្រីក្រ។
ឯកឧត្តម ក៍បានធ្វើការកោតសសើរ ចំពោះមន្ទីរពេទ្យបង្អែក ខេត្តសៀមរាប ដែលមានស្នាដៃល្អ ក្នុងការស្វែងរកជំនួយ ពីដៃគូរនានា ដើម្បីចូលរួមចំណែកជាមួយ រាជរដ្ឋាភិបាល ក្នុងធ្វើអោយវិស័យសុខាភិបាល មានការរីកចំរើនគួរអោយកត់សំគាល់ ហើយការងារទំាងនេះ ក្រសួងសុខាភិបាលឡាវ និងយកទៅធ្វើជាបទពិសោធន៍។
លោក ក្រូស សារ៉ាត់ ប្រធានមន្ទីរសុខាភិបាល ខេត្តសៀមរាប បានអោយដឹងថា នៅក្នុង ១ខែមន្ទីរពេទ្យ បង្អែកខេត្តសៀមរាប មានអ្នកជំងឺ ចូលមកសំរាកព្យាបាល ចំនួន១៤០០នាក់ ហើយក្នុង១ថ្ងៃ មានអ្នកជំងឺចូល មកសំរាកព្យាបាលប្រមាណជា៤០ ទៅ៥០នាក់ នៅក្នុងចំណោមអ្នកជំងឺទំាង មានប្រមាណជា ១៥% គឺមកពី បណ្តាខេត្ត ផ្សេងៗ ដូចជាមកពី ខេតបាត់ដំបង ឧត្តរមានជ័យ ព្រះវិហា បន្ទាយមានជ័យ និងខេត្ត កំពង់ធំ លោក បានបន្តថា ការដែលប្រជាពលរដ្ឋ ខេត្តផ្សេង មកទទួលការព្យាបាល នៅមន្ទីរពេទ្យ បង្អែក ខេត្តសៀមរាប ដោយ សារតែមន្ទីរពេទ្យនេះ មានសេវាព្យាបាលមួយ ចំនួនដែលមន្ទីរពេទ្យផ្សេៗ មិនទាន់មាន ដូចជា កាវះកាត់ឆ្អឹង ការវះចស់ពោះ ដោយមិន បាច់បើកពោះក្នុងការកាត់ប្រមាតជាដើម។
កម្ពុជា ឡាវ និង វៀតណាម ប្រជុំពាក់ព័ន្ឋតំបន់ត្រីកោណមាស
កម្ពុជា ឡាវ និង វៀតណាម ប្រជុំពាក់ព័ន្ឋតំបន់ត្រីកោណមាស
សន្និសីទលើកទី៤ នៃគណៈកម្មាធិការ សភាជាតិសម្រាប់ការបង្កើនទំនាក់ទំនងរវាងកម្ពុជា ឡាវវៀត ណាមហៅកាត់ថា (CLV) បានបើកជាផ្លូវការណ៍នៅខេត្តញែអាន ប្រទេសវៀតណាមស្ថិតនៅចម្ងាយ ប្រមាណ ពី២៦០គីឡូម៉ែត្រពីទីក្រុងហាណូយ កាលពីថ្ងៃទី ២ ខែសីហាឆ្នាំ២០១២។សន្និសីទលើកទី៤ នៃគណៈកម្មាធិការសភាជាតិ សម្រាប់ការបង្កើនទំនាក់ទំនងរវាងកម្ពុជា ឡាវ វៀតណាម ហៅកាត់ថា (CLV) ត្រូវបានប្រារព្ធឡើងលើពាក្យស្លោកមួយថា តួនាទី សភាជាតិក្នុង ការគាំទ្រ អភិវឌ្ឍន៍នៅតំបន់ ត្រីកោណមាស ដែលសន្និសីទនោះផ្តោតទៅលើការទំនាក់ទំនងសហប្រតិបត្តិការសង្គម សេដ្ឋកិច្ច ក្នុងតំបន់ រវាងប្រទេស ទាំងបី។នៅក្នុង ឱកាសបើកសន្និសីទនោះ
លោក Uong Chu Luu ប្រធានស្តីទី នៃសភាជាតិ សាធារណរដ្ឋសង្គមនិយម វៀតណាមបានលើកឡើងថា នេះជាឱកាសមួយក្នុងការពិភាក្សានិងចែករំលែកបទពិសោធលើការអភិវឌ្ឈតំបន់ ត្រីកោណមាស និងដាក់ទិសដៅការងារ សម្រាប់អភិវឌ្ឈន៍ រវាងប្រទេស ទាំងបីបន្ត ទៀត។លោកបាន ស្នើឲ្យ មានការបន្តបង្កើតនូវគណៈកម្មាធិកាអន្តរសភាជាតិ ក្នុងគោលបំណង ដើម្បី ការគាំទ្រនូវគោលនយោបាយការព្រមព្រៀងគ្នាមួយ ដោយឈានទៅរកការព្រម ព្រៀងពី សំណាក់សភានៃប្រទេសទាំងបី។នៅក្នុងឱកាសនោះ ថ្នាក់ដឹកនាំគណៈប្រតិភូ ដែលមកពីប្រទេសឡាវ កម្ពុជានិងវៀតណាម បានធ្វើការកត់ សម្គាល់ឃើញថា ពីការវិវឌ្ឍន៍ពីវិស័យសង្គម សេដ្ឋកិច្ច សន្តិសុខជាតិផងដែរ។សូមជំរាបថា កម្ពុជា ឡាវ វៀតណាម (CLV) ធ្វើការអភិវឌ្ឈន៍តំបន់ត្រីកោណមាស ដែលរួម មាន១៣ខេត្ត ពោល គឺ៥ខេត្ត មកពីវៀតណាម បួនខេត្តមកពីប្រទេសឡាវ និង៤ខេត្តមកពីប្រទេសកម្ពុជា៕
វ៉ាស៊ីនតោននិងប៉េកាំងប៉ះទង្គិចគ្នានៅទ្វីបអាហ្វ្រិក
ដោយ ៖ ម៉ែវ សាធី ថ្ងៃទី 04 សីហា 2012ម៉ោង 12:59:07
កាលពីថ្ងៃទី៣ ខែសីហា រដ្ឋាភិបាលទីក្រុងប៉េកាំងបង្ហាញការមិនពេញចិត្ដទៅ នឹងសេចក្ដីថ្លែងការណ៍របស់រដ្ឋមន្ដ្រីការបរទេសអាមេរិក លោកស្រីហ៊ីលឡារី គ្លីនតុន ពេលបំពេញទស្សនកិច្ចនៅទ្វីបអាហ្វ្រិកថា “ទីក្រុងប៉េកាំងយកចិត្ដទុក ដាក់ទៅលើទ្វីបអាហ្វ្រិកគឺដោយសារតែ ធនធានធម្មជាតិដ៏សម្បូរបែបនៅទីនេះ តែប៉ុណ្ណោះ” ។ ទាំងនេះជាសកម្មភាពថ្មី បំផុតរបស់អាមេរិកបង្កឱ្យទំនាក់ទំនង ប្រទេសទាំងពីរប្រឈមនឹងខ្យល់ព្យុះសារ ជាថ្មី ។
មានប្រសាសន៍នៅក្នុងប្រទេស សេនីហ្គាល លោកស្រីគ្លីនតុន បានបញ្ជាក់ ដោយមិនលើកដោយមិនលើកចំឈ្មោះ ប្រទេសចិនមកនិយាយនោះឡើយដោយ លោកស្រីបានបញ្ជាក់ថា ទីក្រុងវ៉ាស៊ីនតោនចង់មានទំនាក់ទំនងដៃគូកាន់តែល្អជាងនេះថែមទៀត មិនមែនកាត់បន្ថយទំនាក់ទំនងនោះឡើយ។ លោកស្រីបញ្ជាក់ទៀតថា “អស់ជំនាន់” អ្នកក្រៅចង់ប្រមូល យកធនធានធម្មជាតិនៅទ្វីបអាហ្វ្រិក ។
មានប្រសាសន៍នៅក្នុងប្រទេស សេនីហ្គាល លោកស្រីគ្លីនតុន បានបញ្ជាក់ ដោយមិនលើកដោយមិនលើកចំឈ្មោះ ប្រទេសចិនមកនិយាយនោះឡើយដោយ លោកស្រីបានបញ្ជាក់ថា ទីក្រុងវ៉ាស៊ីនតោនចង់មានទំនាក់ទំនងដៃគូកាន់តែល្អជាងនេះថែមទៀត មិនមែនកាត់បន្ថយទំនាក់ទំនងនោះឡើយ។ លោកស្រីបញ្ជាក់ទៀតថា “អស់ជំនាន់” អ្នកក្រៅចង់ប្រមូល យកធនធានធម្មជាតិនៅទ្វីបអាហ្វ្រិក ។
សម្ដីរបស់លោកស្រី ហ៊ីលឡារី គ្លីនតុន បានធ្វើឱ្យព័ត៌មានចិនផ្សព្វផ្សាយថា ដំណើរទស្សនកិច្ចទៅអាហ្វ្រិករបស់លោក ស្រីជាការប៉ុនប៉ងបង្កឱ្យមានវិវាទរវាង ចិននឹងទ្វីបអាហ្វ្រិកតែប៉ុណ្ណោះ។ សារព័ត៌មានចិនដែលបានដកស្រង់អត្ថាធិប្បាយ ដែលផ្សាយជាភាសាអង់គ្លេសមួយថា “ការដែលលោកស្រីគ្លីនតុនធ្វើព្រងើយ ចំពោះការពិត ឬក៏ជ្រើសរើសយកវិធី សាស្ដ្រញុះញង់ដោយបាននិយាយថា ចិន មានបំណងចង់ប្រមូលយកធនធានធម្ម ជាតិពីទ្វីបអាហ្វ្រិកគឺពិតជាមិនពិតនោះឡើយ ។ ពិតជារឿងអស់សំណើច ប្រទេស មហាអំណាចលោកខាងលិចមួយនេះ ទើបស័ក្ដិសមជាមនុស្សក្រៅ ដោយ ប្រទេសមហាអំណាចនោះបានទៅកាន់ ពិភពលោក ហើយប្រមូលយកធនធាន ធម្មជាតិស្ទើរតែអស់ទៅហើយ រួចវេច សម្ពាយចាកចេញពីប្រទេសនេះ ដោយបន្សល់ទុកតែបន្ដិចបន្ដួចប៉ុណ្ណោះ” ។
ដំណើរទស្សនកិច្ចទៅកាន់ទ្វីបអាហ្វ្រិករបស់លោកស្រីគ្លីនតុន ជាផ្នែកមួយនៃការផ្សាយពាណិជ្ជកម្មរបស់អាមេរិក និងពង្រឹងទំនាក់ទំនងផ្នែកនយោបាយជាមួយ ប្រទេសនេះ ដូចជាការប៉ុនប៉ងជំនួស តំណែងរបស់ចិន ខណៈដែលទីក្រុងប៉េកាំង បង្កើនឥទ្ធិពលខ្លាំងឡើងនៅតំបន់ទ្វីប អាហ្វ្រិក។ ប្រធានាធិបតីចិន ហ៊ូ ជីនតាវ កាលពីខែកក្កដាបានស្នើឱ្យបណ្ដាប្រទេស ទ្វីបអាហ្វ្រិកខ្ចីប្រាក់ប្រមាណ២០ពាន់ លានដុល្លារក្នុងរយៈពេលប្រមាណ២០ ឆ្នាំខាងមុខ ។ សកម្មភាពនោះបានធ្វើឱ្យ បណ្ដាប្រទេសលោកខាងលិច ពិសេសគឺអាមេរិកខ្លាច់ចិនដណ្ដើមយកឥទ្ធិពល របស់ខ្លួននៅទីនោះ ។
សកម្មភាពខាងលើនឹងធ្វើឱ្យទំនាក់ទំនងរវាងទីក្រុងប៉េកាំងនឹងវ៉ាស៊ីនតោន កាន់តែជួបខ្យល់ព្យុះខ្លាំងថែមទៀត ខណៈ ដែលប្រទេសទាំងពីរនៅមានចំណុចជា ច្រើនមិនចុះសម្រុងនឹងគ្នា ពិសេសគឺពាក់ព័ន្ធនឹងវិវាទសមុទ្រចិនខាងត្បូង ក៏ដូចជាការលក់សព្វាវុធទៅឱ្យកោះតៃវ៉ាន់ជាដើម ៕
លោក ហ៊ុន ម៉ាណែត ចូលរួចពិធីបិទវគ្គជំនាញរថក្រោះនិងបាញ់គ្រាប់ពិតនៅខេត្តបាត់ដំបង
ខេត្តបាត់ដំបង ៖ នៅព្រឹកថ្ងៃទី៣ ខែ សីហា ឆ្នាំ២០១២ លោកឧត្តមសេនីទោ ហ៊ុន ម៉ាណែត នាយករងសេនាធិការចម្រុះ នៃកងយោធពល ខេមរភូមិន្ទ មេបញ្ជាការកងទ័ពជើងគោក និងជាមេបញ្ជាការ បញ្ជាការដ្ឋានជាតិកំលាំងពិសេសប្រឆាំងភេរវកម្ម ចូលរួមជាគណអធិបតីក្នុងពិធីបិទវគ្គហ្វឹកហ្វឺន ផ្លាស់ប្ដូជំនាញទ័ពថ្មើជើង ទៅជាជំនាញរថក្រោះ បាញ់គ្រាប់ពិត និងអញ្ជើញចុះសួរសុខទុក្ខនាយទាហ៊ាន នាយទាហានរង ពលទាហាន នៅបញ្ជាការដ្ឋានរថក្រោះ កងទ័ពជើងគោក ដែលស្ថិតនៅក្នុងភូមិឥន្ធជិត ឃុំឈើទាល ស្រុកបាណន់ ខេត្តបាត់ដំបង។
តាមការឲ្យដឹងពីគណៈកម្មការគ្រប់គ្រងវគ្គហ្វឹកហ្វឺនយោធាចារ្យជំនាញរថក្រោះ បានឲ្យដឹងថា សិក្ខាកាមចូលរួមហ្វឹកហ្វឺនសរុប១១៧នាក់ក្នុងរយៈពេលហ្វឹកហឺនរៀនសូត្រ៤ខែ ចែកចេញជា៣ជំនាញគឺ ជំនាញបញ្ចារថក្រោះ៣២នាក់ ថ្នាក់ជំនាញបាញ់កាំភ្លើងលើរថក្រោះ៤២នាក់ ថ្នាក់ជំនាញបើករថក្រោះ៤៣នាក់ ជាលទ្ធផលហ្វឹកហ្វឺនជាក់ស្ដែង លើមុខវិជ្ជាសិក្ខាកាមសម្រេចបានថ្នាក់ពូកែ ល្អ ល្អបង្គួរ និងមធ្យម។
ក្រោយពីបានស្ដាប់របាយការណ៍របស់ប្រធានវគ្គហ្វឹកហ្វឺនរួចមក លោក ហ៊ុន ម៉ាណែត បានសម្តែងនូវការកោតសសើរដល់នាយ ពលទាហាន ដែលបានចំណាយពេលសិក្សារៀនសូត្រលើជំនាញវគ្គហ្វឹកហ្វឺនរថក្រោះ ហើយសូមឲ្យនាយទាហានទាំងអស់ ដែលបានឆ្លងកាត់វគ្គនេះយកចំណេះដឹងទាំងនេះទៅបម្រើការងារក្នុងអង្គភាពរៀងៗខ្លួន ជាពិសេសយកចំណេះដឹងទាំងនេះទៅបម្រើការប្រយុទ្ធ ការពារជាតិ មាតុភូមិពេលត្រូវការចាំបាច់ណាមួយ ក្នុងខណៈពេលមានការឈ្លានពានបូរណភាពទឹកដីពីបច្ចាមិត្តផ្សេងៗ ដែលមានបំណងឈ្លានពានយកដីប្រទេសកម្ពុជាយើង ។
ក្នុងឱកាសបិទវគ្គហ្វឹកហ្វឺន និងបាញ់គ្រាប់ពិត លោកឧត្តមសេនីយ៍ទោ ហ៊ុន ម៉ាណែត បាននាំយកថវិកា១០លានរៀល និងគ្រឿងឧបភោគ បរិភោគមួយចំនួនទៀតផង ដែលជាអំណោយរបស់សម្ដេចអគ្គមហាសេនាបតីតេជោ ហ៊ុន សែន និងលោកជំទាវ ព្រមទាំងអំណោយប្រេងសាំង ៣ពាន់លីត្រ និងម៉ាស៊ូត ១ពាន់លីត្រ ដើម្បីបម្រើសេចក្ដីត្រូវការ របស់កងបញ្ជាការរថក្រោះផងដែរ។ ក្រោយមកលោកឧត្តមសេនីយ៍ទោ ហ៊ុន ម៉ាណែត ព្រមទាំងគណប្រតិភូអមដំណើរបានចូលរួមបំពាក់មេដៃជូនដល់នាយទាហ៊ាន នាយទាហ៊ានរង និងពលទាហ៊ាន ជាសិក្ខាកាមក្នុងវគ្គហ្វឹកហ្វឺននោះ ដែលមានស្នាដៃល្អក្នុងការរៀនសូត្រ រួចមកគណៈប្រតិភូបានចូលរួមបាញ់គ្រាប់ពិតប្រភេទកាំភ្លើងយន្ដដែលបំពាក់លើរថក្រោះផងដែរ។
ក្នុងឱកាសនោះដែរ លោកបានមានប្រសាសន៍បន្ដទៀតថា អាវុធយុទ្ធភ័ណ្ឌគ្រប់ប្រភេទដែលមានបំពាក់នៅលើរថក្រោះ ហើយធ្វើការបាញ់នៅថ្ងៃនេះមានប្រសិទ្ធភាពខ្ពស់ អាចបម្រើការប្រយុទ្ធតបតទៅលើខ្មាំងសត្រូវបាន ដោយសារការសាកល្បងបាញ់គ្រាប់ពិតថ្ងៃនេះ ចំលើគោលដៅបានល្អ ៕
ធ្វើអាម័យសំអាតបរិស្ថានដើម្បីការពារជំងឺគ្រុនឈាមនៅសង្កាត់ទឹកល្អក់១
ភ្នំពេញ ៖ អនុវត្តតាមការដឹកនាំរបស់សាលារាជធានីភ្នំពេញក៏ដូចជាសាលាខណ្ឌទួលគោកកាលពីព្រឹកថ្ងៃទី៤ ខែសីហា ឆ្នាំ២០១២ លោក ប៉ិច សុឃឿន ចៅសង្កាត់ទឹកល្អក់ទី១ បានដឹកនាំមន្ត្រីសង្កាត់ មេភូមិ និង ប្រជាពលរដ្ឋចំនួនប្រមាណ៤០នាក់ ចុះធ្វើអនាម័យ បរិស្ថាន ដោយដើររើសសំរាមឲ្យមាននិងកាកសំណល់ផ្សេងៗនៅក្នុងមូលដ្ឋានរបស់ខ្លួន ដើម្បីឲ្យមានបរិស្ថានល្អ និង ទប់ស្កាត់ជំងឺគ្រុនឈាម។
លោក ប៉ិច សុឃឿន ចៅសង្កាត់ទឹកល្អក់ទី១ បានឲ្យដឹងថា ក្រោមការដឹកនាំរបស់លោក សេង រតនៈ អភិបាលនៃគណៈអភិបាលខណ្ឌទួលគោក និង ផ្នែកបរិស្ថានបានឲ្យគ្រប់សង្កាត់ទាំង១០ នៅក្នុងអាណាចក្រខណ្ឌទួលគោកធ្វើអនាម័យបរិស្ថានឲ្យមានអនាម័យ បរិស្ថានល្អ និង ការពារជំងឺគ្រុនឈាម។ អនុវត្តតាមការណែនាំនេះទើប នៅព្រឹកថ្ងៃទី៤ ខែសីហា មន្ត្រីសង្កាត់មេភូមិ និង ប្រជាពលរដ្ឋនៅក្នុងសង្កាត់ទឹកល្អក់១ ប្រមាណ៤០នាក់ចុះអនុវត្តការងារនេះតែម្ដង៕
អនុសាខាកាកបាទក្រហមខណ្ឌទួលគោកផ្ដល់អំណោយដល់ជនរងគ្រោះដោយជំងឺអេដស៍ ចាស់ជរានិង ទីទាល់ក្រ១៥គ្រួសារ
ភ្នំពេញ ៖ ដោយមើលឃើញពីការលំបាករបស់ប្រជាពលរដ្ឋរងគ្រោះដោយជំងឺអេដស៍ ចាត់ជរា និង ទីទាល់ក្រក្នុងមូលដ្ឋាន អនុសាខាកាកបាទក្រហមខណ្ឌទួលគោក ដឹកនាំដោយលោក សេង រតនៈ រួមនិងសហការីកាលពីល្ងាចថ្ងៃទី៣ ខែសីហា ឆ្នាំ២០១២ បាននាំយកនូវអំណោយមួយចំនួនមកចែកជូនចំនួន១៥គ្រួសារ ដែលប្រជាពលរដ្ឋក្រីក្រទាំងនេះ រស់នៅក្នុងសង្កាត់ទឹកល្អក់១ និង សង្កាត់ទឹកល្អក់២ ដើម្បីជាការរំលែកទុក្ខលំបាកពួកគាត់មួយគ្រា។
ពិធីចែកអំណោយនេះត្រូវបានធ្វើឡើងនៅក្នុងសាលាឆទានមួយតាមបណ្ដោយផ្លូវកម្ពុជាក្រោម សង្កាត់ទឹកល្អក់១ ខណ្ឌទួលគោក ហើយអំណោយដែលត្រូវបានចែកជូននេះ ក្នុងមួយគ្រួសារទទួលបានអង្ករចំនួន២០គីឡូក្រាម មីយើង១កេស ទឹកស៊ីអ៊ីវ៦ដប ត្រីខ១០កំប៉ុង ទឹកត្រី៦ដប សារុង១ និង ថវិកាចំនួន៥ម៉ឺនរៀល។
លោក សេង រតនៈប្រធានកិត្តិយសអនុសាខាកាកបាទក្រហមខណ្ឌទួលគោកបានលើកឡើងថា តាមរយៈលោកចៅសង្កាត់ទាំង២រាយការណ៍មកអនុសាខាកាបាទក្រហមខណ្ឌទួលគោក ហើយអនុសាខាកាកបាទក្រហមខណ្ឌពិនិត្យឃើញថា ពួកគាត់តាំង១៥គ្រួសារជួបការលំបាកពិតប្រាកដមែននោះ ទើបយើងសម្រេចនាំយកអំណោយទាំងនោះមកចែកជូនពួកគាត់តែម្ដង។ អំណោយទាំងនេះពិតជាមានតិចតួចមែន ប៉ុន្តែអាចដោះស្រាយក្នុងជីវភាពគ្រួសារបានមួយគ្រា
លោក សង រតនៈ ក្នុងឱកាសនោះក៏បានធ្វើការណែនាំដល់ប្រជាពលរដ្ឋរងគ្រោះដោយជំងឺអេដស៍ ចាស់ជរា ទីទាល់ក្រ ទាំងអស់ សុំកុំអស់សង្ឃឹមក្នុងឆាកជីវិតឲ្យសោះ ក្នុងនាមអាជ្ញាធរមូលដ្ឋាន និង ក្នុងនាមជាអនុសាខាកាកបាទក្រហមខណ្ឌគឺមិនទុកឲ្យបងប្អូនឯកោនោះទេពោលគឺពេលដែលប្រជាពលរដ្ឋជួបការលំបាកក្រុមការងាររបស់កាកបាទក្រហមខណ្ឌនឹងចុះជួយរំលែកទុកបងប្អូនភ្លាមៗតែម្ដង៕
រដ្ឋសភាគ្រោងប្រជុំនៅថ្ងៃទី៩សីហាដែលមានរបៀបវារៈចំនួន៤ក្នុងនោះសម្ដេចតេជោនឹងបំភ្លឺពីបញ្ហាព្រំដែន
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាគ្រោងនឹងចូលបំភ្លឺដោយផ្ទាល់មាត់ជូនរដ្ឋសភាជាតិអំពីការបោះបង្គោលព្រំដែនតាមការកំណត់របស់អគ្គលេខាធិការដ្ឋានរដ្ឋសភានៅថ្ងៃទី៩ខែសីហាឆ្នាំ២០១២វេលាម៉ោង៨ព្រឹក។
កិច្ចប្រជុំរបស់រដ្ឋសភាលើកទី៨ នីតិកាលទី៤ ដែលនឹងប្រព្រឹត្តទៅនៅថ្ងៃទី៩ខែសីហាឆ្នាំ២០១២ ក្រោមអធិបតីភាពដ៏ខ្ពង់ខ្ពស់របស់សម្ដេចពញាចក្រី ហេង សំរិន ប្រធានរដ្ឋសភា ដែលនិងពិភាក្សាលើរបៀបវារៈចំនួន៤គឺ៖
១-ការបោះឆ្នោតជ្រើសតាំងលោក ពេជ្រ គឹមស្រ៊ាង ជាសមាជិកគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្ដុះបណ្ដាលវិជ្ជាជីវៈ និងកិច្ចការនារី។
២-ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងរាជរដ្ឋាភិបាលនៃ ព្រះរាជាណាចក្រកម្ពុជា និងរដ្ឋាភិបាលនៃរដ្ឋកាតា ស្តីពីការគ្រប់គ្រងការប្រើប្រាស់ហត្ថពលកម្ម នៅរដ្ឋកាតា៣-ការពិភាក្សា និងអនុម័ត សេចក្តីព្រាងច្បាប់ ស្តីពីការអនុម័តយល់ព្រមឲ្យព្រះរាជាណាចក្រកម្ពុជា ចូលរួមក្នុងអនុសញ្ញារ៉ូថឺដាម ស្តីពី នីតិវិធី នៃការយល់ព្រមផ្តល់ព័ត៌មានជាមុន ចំពោះសារធាតុគីមី និងថ្នាំកសិកម្មគ្រោះថ្នាក់ ក្នុងពាណិជ្ជកម្មអន្តរជាតិ៤- ការឆ្លើយបំភ្លឺដោយផ្ទាល់មាត់ជូនរដ្ឋសភា លើការងារបោះបង្គោលព្រំដែន រវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម៕
បិទវគ្គបណ្ដុះបណ្ដាលកសិកម្មចម្រុះគ្រួសារខ្នាតតូចដល់នាយទាហានចំណុះភូមិភាគទី៥
បន្ទាយមានជ័យ ៖ ល្ងាចថ្ងៃទី៣ ខែសីហា ឆ្នាំ២០១២ នៅតំបន់ប្រតិបត្តិការសឹករងខេត្តបន្ទាយមានជ័យបានរៀបចំពិធីបិទវគ្គបណ្ដុះបណ្ដាលកសិកម្មចំរុះគួសារខ្នាតតូចដល់នាយទាហាន និងពលទាហានចំណុះយោធភូមិភាគទី៥ ក្រោមការជួយឧបត្ថម្ភរបស់កងទ័ពជើងគោកថៃ ដោយមានការអញ្ជើញចូលរួមពីលោកឧត្តមសេនីយ៍ឯក ព្រហ្មមរណៈ មេបញ្ជាការរងទ័ពជើងគោក លោកឧត្តមសេនីយ៍ទោ ស៊ុរ៉ាវ៉ាត់បុត្រវង្ស អគ្គនាយកទីចាត់ការទំនាក់ទំនងពិសេសមណ្ឌលប្រតិបត្តិការសឹកទ័ពជើងគោកភូមិន្ទថៃ ព្រមទាំងមេបញ្ជាការ និង ពលទាហានជាច្រើនរូបក៏ចូលរួមផងដែរ។
លោក ព្រហ្ម មរណៈ បាននិយាយថា លោក វរសេនីយ៍ទោ ទ័ពជើងគោកថៃ ឈ្មោះ ណាត់ដាណៃផាខាំដែលជាគ្រូមានទេពកោសល្យ បទពិសោធន៍ បច្ចេកទេស ខ្ពស់ខាងកសិកម្ម បានមកបង្ហាត់បង្ហាញនូវបទពិសោធន៍ល្អៗ អំពីការងារកសិកម្ម ឲ្យដល់កម្មសិក្សា ការីសម្រាប់ប្រើប្រាស់ និង អនុវត្តដើម្បីកាត់បន្ថយភាពខ្វះខាតដល់កងទ័ពក្នុងពេលនេះ លោក ព្រហ្មមរណៈ បាននិយាយបន្តថា ក្រោមកិច្ចសហប្រតិបត្តិការ និង សម្ព័ន្ធភាពដ៏ល្អរវាងកងទ័ពជើងគោកថៃ និង កម្ពុជាដែលធ្លាប់មានជាយូរណាស់មកហើយរហូតក្លាយជាមិត្ត កងទ័ពនៃប្រទេសទាំង២ និង ចូលរួមរក្សាបាននូវសន្តិភាពក្នុងតំបន់ដោយផ្អែកលើភាពយោគយល់ និង គោរពគ្នាទៅវិញទៅមក។ ការដែលកងទ័ពជើងគោកថៃបានមករៀបចំវគ្គបណ្ដុះបណ្ដាលកសិកម្មគ្រួសារខ្នាតតូចនៅយោធភូមិភាគទី៥ នេះ ជាការអនុវត្តន៍សេដ្ឋកិច្ចគ្រប់គ្រាន់ជូននាយទាហាន នាយទហានរង និង ពលទាហាន ដែលប្រព្រឹត្តិទៅអស់រយៈពេល៥ថ្ងៃកន្លងមកនេះឃើញថា វគ្គបណ្ដុះបណ្ដាលនេះ ដំណើរការបានយ៉ាងសកម្ម និង មមាញឹក។ ទោះបីវគ្គបណ្ដុះបណ្ដាលនេះមានរយៈពេលខ្លីយ៉ាងណាក៏ដោយ ប៉ុន្តែយើងបានទទួលលទ្ធផលល្អ ជារួមអស់លោកជាកម្មសិក្សារការី មានចំណេះដឹង ចំណេះធ្វើ ដែលអាចវាយតម្លៃថាទទួលបានជោគជ័យជាទីមោទនៈ។ លោកព្រហ្មមរណៈបាននិយាយបន្តថា ក្នុងឆ្នាំ២០១២នេះ តំបន់ប្រតិបត្តិការសឹករងខេត្តបន្ទាយមានជ័យបានខិតខំពូនជ្រំភាពធានាដល់ការប្រកបរបរចិញ្ចឹមជីវិតរបស់ប្រជាពលរដ្ឋតាមបណ្ដាព្រំដែន ក៏ដូចជាផ្ទៃជាភូមិសាស្ត្រនៃប្រទេសទាំង២៕
ក្រសួងពាក់ព័ន្ធឯកភាពគ្នាបង្កើនល្បឿនអនុវត្តគម្រោងដើម្បីកាត់បន្ថយផលប៉ះពាល់ដោយទឹកជំនន់ឆ្នាំ២០១២
ភ្នំពេញ ៖ ក្រុមមន្ត្រីជាន់ខ្ពស់ក្នុងស្ថាប័នជាច្រើនបានឯកភាពថា ដើម្បីកាត់បន្ថយនូវផលប៉ះពាល់ជាយថា ហេតុលើការដ្ឋានហេដ្ឋារចនាសម្ព័ន្ធរូបវន្តដោយទឹកជំនន់ឆ្នាំ ២០១២ ខាងមុខនេះ គួរត្រូវបង្កើនល្បឿន អនុវត្តគម្រោងឱ្យបានឆាប់ចប់ ដើម្បីអាចប្រើប្រាស់សម្រាប់ធ្វើដំណើរ និងដឹកជញ្ជូនជាប្រក្រតីផង និង ជាទីទួលសម្រាប់ឱ្យប្រជាជនស្នាក់នៅបណ្ដោះអាសន្នផង ក្នុងករណីដែលមានទឹកជំនន់ធំខ្លាំងដែលកន្លែងផ្សេងៗក្បែរនោះទទួលរងនូវការលិចលង់នោះ។
កាលពីថ្ងៃទី ៣ ខែសីហា ឯកឧត្តម ឧបនាយករដ្ឋមន្ត្រី គាត ឈន់ រដ្ឋុំមន្ត្រីក្រសួងសេដ្ឋកិច្ច និង ហិរញ្ញវត្ថុបានដឹកនាំកិច្ចប្រជុំពិភាក្សាស្តីពីការកំណត់ប្រភេទការដ្ឋាន ឬគម្រោងដែលត្រូវចាត់វិធានការ ឲ្យពន្យារពេលជួសជុល ឬសាងសង់មុនទឹកជំនន់ឆ្នាំ ២០១២ មកដល់ និងប្រភេទការដ្ឋាន ឬគម្រោង ដែលត្រូវអនុញ្ញាតឲ្យបន្តការងារជួសជុល ឬសាងសង់ក្នុងក្របខណ្ឌឥណទានថវិកាជំពូក ២១(គម្រោង វិនិយោគផ្ទាល់)នោះ។
យោងតាមរបាយការណ៍របស់ក្រសួងសេដ្ឋកិច្ច និងហិរញ្ញវត្ថុឲ្យដឹងថា កិច្ចពិភាក្សានេះជារួម គឺដើម្បីដកស្រង់នូវបទពិសោធន៍ និងមេរៀនដែលបានទទួលកាលពីទឹកជំនន់ឆ្នាំ ២០១១ ក្នុងគោល បំណងពង្រឹងយន្តការអនុវត្តគម្រោងហេដ្ឋារចនាសម្ព័ន្ធរូបវន្ត និង បញ្ជៀសឱ្យបានជាអតិបរមានូវហានិ- ភ័យ ដែលអាចនឹងប៉ះពាល់ជាយថាហេតុដល់ការដ្ឋានទាំងនោះនៅពេលមានទឹកជំនន់ឆ្នាំ ២០១២ ខាង មុខ ។ ក្នុងស្មារតីបង្កើនការទទួលខុសត្រូវរួមលើការងារគ្រប់គ្រងថវិកា និងការអនុវត្តគម្រោង អង្គប្រជុំ បានឯកភាពឱ្យមន្ត្រីជំនាញនៃក្រសួងពាក់ព័ន្ធចុះវាយតម្លៃការដ្ឋាន ឬគម្រោងដែលត្រូវអនុវត្ត ដើម្បី វិនិច្ឆ័យលើស្ថានភាពជាក់ស្តែងនៃការដ្ឋាននីមួយៗ មុននឹងចាត់វិធានការអនុវត្តនោះ។
របាយការណ៍ដែលផ្តល់សម្រាប់បណ្តាញសារព័ត៌មានផ្សព្វផ្សាយនោះឲ្យដឹងថា ក្នុងឆ្នាំ ២០១២ ឥណទានថវិកាជំពូក ២១ មានចំនួន ៧២០ ០០០ លានរៀលត្រូវបានវិភាជន៍ដោយផ្តល់អាទិភាព សំខាន់លើការងារជួសជុល និងសាងសង់ហេដ្ឋារចនាសម្ព័ន្ធរូបវន្តដូចជា ផ្លូវថ្នល់ ស្ពាន និងប្រព័ន្ធធារា- សាស្ត្រ ដែលក្នុងនោះបានបែងចែកជូនក្រសួងសាធារណការ និងដឹកជញ្ជូន ចំនួន ៣០០ ០០០ លាន រៀលក្រសួងអភិវឌ្ឍន៍ជនបទចំនួន ១៦០ ០០០ លានរៀល ក្រសួងធនធានទឹក និងឧតុនិយមចំនួន ១៣០ ០០០ លានរៀល ដែលគិតត្រឹមខែកក្កដា ឆ្នាំ ២០១២ ក្រសួងសេដ្ឋកិច្ច និងហិរញ្ញវត្ថុបានផ្តល់ ធានាចំណាយ និងផ្តល់បុរេប្រទានជូនក្រសួងទាំង ៣ ដូចខាងក្រោមៈ១-បានផ្តល់ធានាចំណាយចំនួន ២៦៩ ៩៣០ លានរៀល និងបុរេប្រទានចំនួន ១២០ ៩២១ លានរៀលសម្រាប់គម្រោងចំនួន ៧៨ ក្នុង ខេត្ត-ក្រុងចំនួន ២២ ជូនក្រសួងសាធារណការនិងដឹកជញ្ជូន ដើម្បីអនុវត្តការងារក្រោមសមត្ថកិច្ចរបស់ ខ្លួន។២-បានផ្តល់ធានាចំណាយចំនួន ១២៨ ៦៦៨ លានរៀល និងបុរេប្រទានចំនួន ៥០ ៦២១ លាន រៀល សម្រាប់គម្រោងចំនួន ៥០ ក្នុងខេត្តចំនួន ១៥ ជូនក្រសួងអភិវឌ្ឍន៍ជនបទ ដើម្បីអនុវត្តការងារ ក្រោមសមត្ថកិច្ចរបស់ខ្លួន។៣-បានផ្តល់ធានាចំណាយចំនួន ១៤៣ ៩០៥ លានរៀល និងបុរេប្រទាន ចំនួន ៥៧ ៣៧៧ លានរៀលសម្រាប់គម្រោងចំនួន ៤៤ ក្នុងខេត្តចំនួន ១៨ ជូនក្រសួងធនធានទឹក និងឧតុនិយម ដើម្បីអនុវត្ត ការងារក្រោមសមត្ថកិច្ចរបស់ខ្លួន ។
របាយការណ៍នោះនិយាយថា អង្គប្រជុំបានសង្កត់ការពិភាក្សាលើគម្រោងចំនួន ៩ ដែលអាច មានហានិភ័យដោយទឹកជំនន់ឆ្នាំ ២០១២ ខាងមុខ ដែលមានដូចជាៈ១-ក្រោមសមត្ថកិច្ចក្រសួងសាធារ- ណការ និងដឹកជញ្ជូន មានៈគម្រោងជួសជុលកំណាត់ផ្លូវជាតិលេខ ៦ ដោយចាក់កៅស៊ូ SBST ប្រវែង ២៥គម ទទឹង ៤,៥ម ក្នុងភូមិសាស្ត្រស្រុកសន្ទុក ខេត្តកំពង់ធំ។គម្រោងជួសជុលកំណាត់ផ្លូវជាតិលេខ ៦ ដោយចាក់កៅស៊ូ DBST ប្រវែង ២៥ គ.ម ទទឹង ២ ម ក្នុងភូមិសាស្ត្រស្រុកសន្ទុក ខេត្តកំពង់ធំ ។ គម្រោងស្ថាបនាផ្លូវលេខ ៣១០ ប្រវែង ១០,៥ គ.ម ទទឹង ៨ ម ដែលមានទីតាំងតាមទន្លេមេគង្គក្រោម ត្រើយខាងកើតស្ថិតក្នុងភូមិសាស្ត្រស្រុកពាមជរ ខេត្តព្រៃវែង។គម្រោងស្ថាបនាផ្លូវលេខ ១១០ ប្រវែង ២០ ១០១ម ទទឹង ១០,៥ម ក្នុងភូមិសាស្ត្រស្រុកស្អាង ខេត្តកណ្តាល។គម្រោងស្ថាបនាកំណាត់ផ្លូវ លេខ ៣៨២ ប្រវែង ៧ ០០០ម ទទឹង ៩ម ស្ថិតក្នុងភូមិសាស្ត្រស្រុក ល្វាឯម ខេត្តកណ្តាល ។
២-ក្រោមសមត្ថកិច្ចក្រសួងអភិវឌ្ឍន៍ជនបទ មានៈគម្រោងស្ថាបនាផ្លូវក្រាលក្រួសក្រហមចំនួន ០១ ខ្សែ ប្រវែង ៥ ០០០ម ទទឹង ៧ម ស្ថិតក្នុងភូមិសាស្ត្រស្រុកបូរីជលសារ ខេត្តតាកែវ ។គម្រោងសាង សង់ស្ពានបេតុង ២ កន្លែង ប្រវែងសរុប ៣០ម ទទឹង ៧ម ស្ថិតក្នុងភូមិសាស្ត្រ ស្រុកកោះធំ ខេត្ត កណ្តាល។គម្រោងសាងសង់ស្ពានបេតុង ០១ កន្លែង ប្រវែង ១៨ម ទទឹង ៧ម ស្ថិតក្នុងភូមិសាស្ត្រស្រុក ព្រៃកប្បាស ខេត្តតាកែវ ។គម្រោងជួសជុលផ្លូវក្រាលក្រួសក្រហម ០១ ខ្សែ ប្រវែង ៤ ០០០ម ទទឹង ៧ម ស្ថិតក្នុងភូមិសាស្ត្រ ស្រុកមុខកំពូល ខេត្តកណ្តាល៕ស្នាយពល
សម្តេចតេជោ ហ៊ុន សែននិងលោកជំទាវកិត្តិព្រឹទ្ធបណ្ឌិតដង្ហែទៀនព្រះវស្សាប្រគេន ព្រះសង្ឃវត្តចំពុះក្អែក
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា មហាឧបាសិកា ប៊ុន ស៊ាងលី ត្រូវជាមាតា សម្តេចតេជោ និង លោកជំទាវកត្តិព្រឹទ្ធបណ្ឌិត ព្រមទាំងបុត្រា បុត្រី នារសៀល ថ្ងៃទី ០៣ ខែសីហា ឆ្នាំ ២០១២ បានដង្ហែទៀនព្រះវស្សាប្រគេនព្រះសង្ឃ ព្រមទាំងនាំយកគ្រឿងបរិក្ខារ សង្ឃជាច្រើនមុខ និងបច្ច័យប្រគេន ព្រះសង្ឃដែលកំពុងគង់ចាំព្រះវស្សានៅវត្តចំពុះក្អែក ស្ថិតក្នុងសង្កាត់ព្រែកថ្មី ខណ្ឌមានជ័យ រាជធានីភ្នំពេញ ។
អញ្ជើញចូលរួមក្នុងឱកាសនោះមាន លោក លោកស្រី ជាសមាជិក សមាជិការដ្ឋសភា ព្រឹទ្ធសភា រាជរដ្ឋាភិបាល លោក លោកស្រី ជាសមាជិក សមាជិកាគណៈកម្មាធិការកណ្តាលកាកបាទក្រហមកម្ពុជា និង អស់លោក លោកស្រីជាប្រធាន អនុប្រធាននាយកដ្ឋាននៃទីស្នាក់ការកណ្តាលកាកបាទក្រហមកម្ពុជាព្រម ទាំងប្រជាពុទ្ធបរិស័ទយ៉ាងច្រើនកុះករ ។
ទៀនព្រះវស្សា ទេយ្យទាន គ្រឿងបរិក្ខារសង្ឃ និងបច្ច័យដែលត្រូវបានដង្ហែប្រគេនព្រះសង្ឃនាឱកាសនោះ ជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា រួមមានទៀនព្រះវស្សាចំនួន ២០៤ ដើម ទឹកក្រូច ទឹកសណ្តែក ទឹកត្រឡាច ទឹកគូលលែន ទឹកបរិសុទ្ធ evian តូច ទឹកដោះគោខាប់ ស្ករស កាកាវ មៀនកំប៉ុង តែ ត្រីខ មីយើង អង្ករ ត្រីងៀត សាច់ក្រក ប្រេងម៉ាស៊ូត ។ ជាមួយគ្នានោះបានប្រគេន បច្ច័យសម្រាប់វត្តចំនួន៦លានរៀល ប្រគេនបច្ច័យព្រះសង្ឃចំនួន២៤៦អង្គក្នុង មួយអង្គ៥ម៉ឺនរៀល ឧបត្ថម្ភ លោកយាយ លោកតាចំនួន១៤០នាក់ ក្នុងម្នាក់ទទួលបានក្រណាត់សពីរ ម៉ែត្រនិងថវិកាមួយម៉ឺនរៀល ឧបត្ថម្ភ ជូនកូនសិស្សលោកចំនួន១០០នាក់ក្នុង ម្នាក់ទទួលបានក្រណាត់សពីរ ម៉ែត្រនិងថវិកាពីរម៉ឺនរៀល។ នៅក្នុងឱកាសនោះដែរបច្ច័យដែលបានមកពីការចូលរួមរបស់ពុទ្ធបរិស័ទមាន ចំនួន១៤លានរៀលនិងប្រាក់ដុល្លារចំនួន ៧.៤៥០ដុល្លារអាមេរិក ដែលបច្ច័យទាំងនេះត្រូវបានវេរសម្រាប់ បន្ត កសាងសាលាឆាន់មានទំហំ៣០ម៉ែត្រX៧០ម៉ែត្រ។
នៅក្នុងពិធីនេះសម្តេចតេជោ និង លោកជំទាវកិត្តិព្រឹទ្ធបណ្ឌិតព្រមទាំងប្រតិភូ បានរៀបចំកិច្ច ប្រតិបត្តិធម៌ ដោយអញ្ជើញអុជទៀន ធូប ប្រោះព្រហ្មព្រះសុគន្ធវារី និងភួងផ្កាថ្វាយព្រះពុទ្ធបដិមា សូត្រមន្ត ចម្រើនព្រះបរិត្ត មនសិការព្រះរតនត្រ័យ និងបានឧទ្ទិសកុសលផលបុណ្យដែលបានមកពីពិធីនេះ ជូនដល់ដួង វិញ្ញាណក្ខន្ធ័បុព្វការីជនទាំងប្រាំពីរសន្តានដែលបានចែកស្ថានទៅ ជូនដល់ដួងវិញ្ញាណក្ខ័ន្ធកម្មាភិបាល យុទ្ធជន យុទ្ធនារីដែលបានលះបង់អាយុជីវិតដើម្បីបុព្វហេតុជាតិមាតុភូមិ ក្នុងបុព្វហេតុការពារបូរណភាពទឹកដីឱ្យបានគង់វង្ស ដោយសូមដួងវិញ្ញាណក្ខ័ន្ធអ្នកទាំងនោះជួបតែបរមសុខកុំបីឃ្លៀងឃ្លាតឡើយ ។
គួរបញ្ជាក់ថា ជារៀងរាល់ឆ្នាំ ប្រជាពុទ្ធបរិស័ទកម្ពុជាតែងតែប្រារឰប្រតិបត្តិទៅតាមប្រពៃណីព្រះពុទ្ធសាសនានូវពិធីបុណ្យចូលព្រះវស្សា ដែលពិធីចូលព្រះវស្សាឆ្នាំនេះត្រូវបានចាប់ផ្តើមពីថ្ងៃ១ រោច ខែទុតិយាសាឍ រហូតដល់ថ្ងៃទី ១៥កើតខែអសុជ ព.ស ២៥៥៦៕
ជុំ សម្បត្តិ
ក្រុមការងារផ្ទះទេវតា នៃមូលនិធិបាយ័ន បាននាំយកអំណោយលោកជំទាវ កិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ផ្តល់ជូនជនចាស់ជរា គ្មានទីពឹង នៅខេត្តស្ទឹងត្រែង
ភ្នំពេញ ៖ យោងទៅតាមសេចក្តីណែនាំ ដ៏ខ្ពង់ខ្ពស់របស់លោកជំទាវ កិតិ្តព្រឹទ្ធបណ្ឌិត ប៊ុនរ៉ានី ហ៊ុន សែន ក្នុងការស្វែងរកជនចាស់ជរាគ្មានទីពឹង នៅតំបន់ដាច់ស្រយាលមួយនៃខេត្តស្ទឹងត្រែង ដើម្បីផ្តល់អំណោយសង្គ្រោះនោះ នៅព្រឹកថ្ងៃទី០២ សីហា ២០១២ ក្រុមការងារកម្មវិធីផ្ទះទេតា នៃមូលនិធិបាយ័ន បានធ្វើដំណើរទៅដល់ ក្រុងស្ទឹងត្រែង នៃខេត្តស្ទឹងត្រែង។
ក្រុមការងារក៏បានជួបផ្ទាល់ជាមួយ លោកតា នៅ យួង អាយុ ៧៧ ឆ្នាំ និងលោកយាយ មាឃ ស៊ន់ អាយុ៧៣ឆ្នាំ ដែលរស់នៅភូមីគីឡូលេខ ៨ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង ដែលត្រូវបានទទួលការអាណិតសន្តោសប្រោសប្រណីពីលោកជំទាវកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ក្នុងការផ្តល់អំណោយសង្គ្រោះ និងសម្រេចសាងសង់ផ្ទះទេវតាមួយខ្នងជូនដល់ពួកគាត់។
គួរបញ្ជាក់ផងដែរថា បច្ចុប្បន្នលោកយាយលោកតា មិនមានផ្ទះស្នាក់នៅនោះទេ គឺស្នាក់នៅ ផ្ទះប្រជាជននៅទីនោះ ដោយសារពេលថ្មីៗនេះផ្ទះរបស់គាត់ ត្រូវបានភ្លើងឆេះអស់ហើយ។ ក្រុមការងារក៏បានផ្ដល់ថវិកាដែលជាអំណោយរបស់សម្តេចអគ្គមហាសេនាបតីតេជោ ហ៊ុន សែន និងលោកជំទាវ កិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ចំនួន ២លានរៀល ផ្តល់ជូនលោកយាយ លោកតា ហើយក្នុងរយៈពេលដ៏ខ្លីខាងមុខនេះ ផ្ទះទេវតា១ខ្នង នឹងត្រូវសាងសង់ផ្តល់ជូនគាត់តាមរយៈលោកជំទាវ ហ៊ុន ម៉ាណា ប្រធានមូលនិធិបាយ័ន ។
ចំណែកស្ត្រីមេម៉ាយ ប្តីស្លាប់រស់នៅជាមួយកូនៗ ៩នាក់ ក្នុងបន្ទុកគ្រួសារ និងមានជំងឺរ៉ាំរ៉ៃ ផងនោះក៏ត្រូវបានទទួលការសន្ដោសប្រណីអាណិតអាសូរពីលោកជំទាវ ព្រមទាំងផ្តល់ថវិកាចំនួន ១លានរៀលផងដែរ។ ដោយឡែកស្ត្រីមេម៉ាយម្នាក់ទៀតរស់នៅក្នុងបន្ទុកគ្រួសារមានកូន ៩នាក់ និងក្នុងផ្ទៃពោះទៀតនោះ បានរៀបរាប់ពីជីវភាពរស់នៅ និងទុក្ខវេទនារបស់គាត់ ដែលគួរអោយអាណិត អាសូរ។
បច្ចុប្បន្នគាត់រស់នៅក្នុងខ្ទម ដ៏កំសត់ កណ្តាលព្រៃ ប្រកបរបរដើរស៊ីស្នួលគេ ដើម្បីចិញ្ចឹមកូនទាំង៩នាក់។ ស្រ្តីទុរគតរូបនោះបានសំដែងនូវអារម្មណ៍សប្បាយរីករាយណាស់ និងថ្លែងអំណរគុណ បំផុតចំពោះការគិតគូរពីសំណាក់លោកជំទាវ។
នាឱកាសនោះ ក្រុមការងារកម្មវិធីផ្ទះទេវតា នៃមូលនិធិបាយ័ន ក៏ផ្តល់ជូនថវិកា របស់លោកជំទាវកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ក្នុងការទ្រទ្រង់ជីវភាព និងការសំរាលកូន ចំនួន២លានរៀលផងដែរ។
នាឱកាសនោះ ក្រុមការងារកម្មវិធីផ្ទះទេវតា នៃមូលនិធិបាយ័ន ក៏ផ្តល់ជូនថវិកា របស់លោកជំទាវកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ក្នុងការទ្រទ្រង់ជីវភាព និងការសំរាលកូន ចំនួន២លានរៀលផងដែរ។
នាឱកាសនោះ ក្រុមការងារក៏បានបន្តដំណើរទៅជួបលោកយាយ ដែលជាទុរគតជន មួយរូបទៀត រស់នៅតែម្នាក់ឯង ក្នុងផ្ទះចាស់ទ្រុឌទ្រោម រួមជាមួយនឹងជំងឺចាស់ជរាដើរមិនរួច។ លោកយាយមានអាយុ ៧១ឆ្នាំមានបងប្អូន ២នាក់។ លោកយាយមិនមានប្តីទេ ហើយមានស្រុកកំណើត នៅឃុំស្វាយឃ្លាំង ស្រុកក្រូចឆ្មា ខេត្តកំពង់ចាម ដោយរូបលោកយាយមករស់នៅទីនេះ តាំងពីឆ្នាំ១៩៦៨ មកម្ល៉េះ ហើយប្រកបរបរធ្វើកន្ទេលលក់។ បច្ចុប្បន្ន លោកយាយរស់នៅដោយអាស្រ័យ អ្នកជិតខាងផ្ដល់ម្ហូបអាហារ បន្តិចបន្តូចដើម្បីទទួលទាន។
នាឱកាសនោះ ក្រុមការងារក៏បានផ្តល់ថវិការបស់លោកជំទាវកិតិ្តព្រឹទ្ធបណ្ឌិត ប៊ុនរ៉ានី ហ៊ុន សែន ចំនួន២០ម៉ឺនរៀល ជូនដល់លោកយាយផងដែរ។ គួរបញ្ជាក់ផងដែរថា នេះគឺជាសកម្មភាពមនុស្សធម៌ មួយសម្រាប់ពលរដ្ឋក្រីក្រគ្មានទីពឹងគ្រប់រូបក្នុងព្រះរាជាណាចក្រកម្ពុជា ដោយការផ្តល់ជូននេះ គឺមិនប្រកាន់ និន្នាការនយោបាយឡើយ ការសំខាន់គឺសម្រាប់ពលរដ្ឋក្រីក្រពិតប្រាកដ។
គួរបញ្ជាក់ថាមូលនិធិបាយ័ន កំពុងធ្វើសកម្មភាពយ៉ាងសកម្មក្នុងការស្វែងរកជនក្រីក្រ តាម បណ្តាខេត្តផ្សេងៗដើម្បីជួយសង្គ្រោះក្នុងវិស័យមនុស្សធម៌ ៕
Subscribe to:
Posts (Atom)