Monday, August 6, 2012
សម្តេច ជា ស៊ីម មានសុខភាពល្អធម្មតា កំពុងបំពេញតួនាទីជាប្រមុខរដ្ឋស្តីទី
ភ្នំពេញ: មន្ត្រីជាន់ខ្ពស់នៃព្រឹទ្ធសភា បានបដិសេធនឹងពាក្យចចាមអារ៉ាមដែលថា សម្តេចអគ្គមហាធម្មពោធិសាល ជា ស៊ីម ជាប្រមុខរដ្ឋស្តីទី បានទទួលមរណភាពនោះ គឺជាការមិនពិតទេ។
លោក អ៊ុំ សារិទ្ធ អគ្គលេខាធិការនៃអគ្គលេខាធិការដ្ឋានព្រឹទ្ធសភា នៅរសៀលថ្ងៃទី៦ ខែសីហា ឆ្នាំ២០១២នេះ បានមានប្រសាសន៍ថា ការដែលលេចឮព័ត៌មានថា សម្តេចអគ្គមហាធម្មពោធិសាល ជា ស៊ីម បានទទួលមរណភាពនោះ គឺជារឿងមិនពិត។
លោក អ៊ុំ សារិទ្ធ បានមានបញ្ជាក់ថា “អាហ្នឹងការមិនពិតទេ ព័ត៌មានបំផ្លើស ព័ត៌មានប្រឌិតទេ សម្តេចប្រធានលោកសុខភាពល្អទេ ហើយគាត់កំពុងប្រតិបត្តិមុខងារគាត់ជាប្រមុខរដ្ឋស្តីទី”។
លោក អ៊ុំ សារិទ្ធ បានចាត់ទុកការប្រឌិតដែលគេបង្កើតឡើង គឺដើម្បីធ្វើឲ្យសាធារណមតិច្របូកច្របល់ តាមពិតសម្តេចអគ្គមហាធម្មពោធិសាល ជា ស៊ីម មានសុខភាពល្អធម្មតា មិនមានបញ្ហានោះទេ។
ការបដិសេធខាងលើ ដែលធ្វើឡើងពីសំណាក់លោក អ៊ុំ សារិទ្ធ នៅពេលនេះ គឺដើម្បីជាការឆ្លើយតបទៅនឹងមនុស្សមួយក្រុម ដែលជាជនអគតិ បានអង្គុយប្រឌិតដំណឹងថា សម្តេចអគ្គមហាធម្មពោធិសាល ជា ស៊ីម ស្លាប់ ហើយបានផ្សព្វផ្សាយដំណឹងនេះ តាមប្រព័ន្ធអេឡិចត្រូនិច ក្នុងគោលបំណងបង្កើតឲ្យមានការច្របូកច្របល់៕
ដោយ: រតនា
លោក អ៊ុំ សារិទ្ធ អគ្គលេខាធិការនៃអគ្គលេខាធិការដ្ឋានព្រឹទ្ធសភា នៅរសៀលថ្ងៃទី៦ ខែសីហា ឆ្នាំ២០១២នេះ បានមានប្រសាសន៍ថា ការដែលលេចឮព័ត៌មានថា សម្តេចអគ្គមហាធម្មពោធិសាល ជា ស៊ីម បានទទួលមរណភាពនោះ គឺជារឿងមិនពិត។
លោក អ៊ុំ សារិទ្ធ បានមានបញ្ជាក់ថា “អាហ្នឹងការមិនពិតទេ ព័ត៌មានបំផ្លើស ព័ត៌មានប្រឌិតទេ សម្តេចប្រធានលោកសុខភាពល្អទេ ហើយគាត់កំពុងប្រតិបត្តិមុខងារគាត់ជាប្រមុខរដ្ឋស្តីទី”។
លោក អ៊ុំ សារិទ្ធ បានចាត់ទុកការប្រឌិតដែលគេបង្កើតឡើង គឺដើម្បីធ្វើឲ្យសាធារណមតិច្របូកច្របល់ តាមពិតសម្តេចអគ្គមហាធម្មពោធិសាល ជា ស៊ីម មានសុខភាពល្អធម្មតា មិនមានបញ្ហានោះទេ។
ការបដិសេធខាងលើ ដែលធ្វើឡើងពីសំណាក់លោក អ៊ុំ សារិទ្ធ នៅពេលនេះ គឺដើម្បីជាការឆ្លើយតបទៅនឹងមនុស្សមួយក្រុម ដែលជាជនអគតិ បានអង្គុយប្រឌិតដំណឹងថា សម្តេចអគ្គមហាធម្មពោធិសាល ជា ស៊ីម ស្លាប់ ហើយបានផ្សព្វផ្សាយដំណឹងនេះ តាមប្រព័ន្ធអេឡិចត្រូនិច ក្នុងគោលបំណងបង្កើតឲ្យមានការច្របូកច្របល់៕
ដោយ: រតនា
រដ្ឋសភាកម្ពុជា វៀតណាម និងឡាវ ជួបពិភាក្សាពីតំបន់អភិវឌ្ឍន៍ត្រីកោណនៃប្រទេសទាំងបី
ភ្នំពេញ ៖ សន្និសីទលើកទី៤ របស់គណៈកម្មការកិច្ចការបរទេសនៃរដ្ឋសភាទាំងបី ស្តីពីតួនាទីសភាក្នុងការគាំទ្រ និងការអភិវឌ្ឍន៍តំបន់ត្រីកោណ កម្ពុជា វៀតណាម និងឡាវ ដែលបានប្រារព្ធធ្វើឡើងនៅខេត្តង៉េ អាន (NGHE AN) នៃសាធារណរដ្ឋសង្គមនិយមវៀតណាម ចាប់ពីថ្ងៃទី ០១ដល់ថ្ងៃទី ០៤ ខែសីហា ឆ្នាំ២០១២ ដែលភាគីកម្ពុជាដឹកនាំដោយលោក ឈាង វុន ប្រធាន គណៈកម្មការ កិច្ចការបរទេស សហប្រតិបត្តិការអន្តរជាតិ ឃោសនា និងព័ត៌មាន នៃរដ្ឋសភា ព្រះរាជាណាចក្រ កម្ពុជា ភាគីវៀតណាម ដឹកនាំដោយលោកបណ្ឌិត ត្រឹន វ៉ាន់ហាំង ប្រធានគណៈ កម្មការកិច្ចការបរទេសនៃរដ្ឋសភាវៀតណាម និងភាគីឡាវ ដឹកនាំដោយលោក គូកែវ អាកាមន្ត្រី ជាប្រធានគណៈកម្មការបរទេស នៃរដ្ឋសភាឡាវបានបញ្ចប់ដោយជោគជ័យដោយបានផ្លាស់ប្តូរបទពិសោធន៍គ្នាទៅវិញទៅមក និងបានចេញនូវសេក្តីថ្លែងការមួយ។
លោកឈាង វុន ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា បានឲ្យដឹងនៅក្នុងសន្និសីទសារព័ត៌មានក្រោយពេលមកដល់នៅព្រលានយន្តហោះអន្តរជាតិភ្នំពេញយប់ថ្ងៃទី០៥ ខែសីហា ឆ្នាំ២០១២នេះ។ លោកបន្តថា សេចក្តីប្រកាសរួមនោះមានចំណុចសំខាន់ៗចំនួន៣ ទី១សន្និសីទបានឯកភាពស្តីពីតួនាទីរបស់រដ្ឋសភាក្នុងការតាមដានត្រួតពិនិត្យនូវគម្រោងទាំងឡាយរបស់ប្រមុខរដ្ឋាភិបាល ដែលបានសម្រេចរួចមកហើយ ព្រមទាំងជម្រុញគម្រោងទាំងអស់នេះឲ្យដំណើរការល្អ ទី២ រដ្ឋសភានៃប្រទេសទាំងបីនៅពីក្រោយរដ្ឋាភិបាលប្រទេសទាំងបី ដើម្បីបញ្ជាក់ឲ្យប្រជាពលរដ្ឋដឹងថាការអភិវឌ្ឍតំបន់ត្រីកោណនេះ ជាមួយការគាំទ្រគម្រោងរដ្ឋសភាត្រូវជម្រុញដល់រដ្ឋាភិបាលនៃប្រទេសទាំងបីក្នុងការពន្លឿនការរៀបរៀងសេចក្តីព្រាងច្បាប់ និងធ្វើឲ្យប្រសើរឡើងនូវប្រព័ន្ធច្បាប់ស្តីពី វិនិយោគ ធុរៈកិច្ចបណ្តាគោលនយោបាយទាក់ទងដល់សកម្មភាពផ្តល់អាជ្ញាប័ណវិនិយោគធុរៈកិច្ច ហើយចាំបាច់ត្រូវពន្លឿន និងធានានូវតម្លាភាពព្រមៗគ្នា និងឯកភាពគ្នាតាំងពីថ្នាក់ជាតិរហូតដល់មូលដ្ឋាន សំដៅកាត់បន្ថយពេលវេលា និងការចំណាយរបស់អ្នកវិនិយោគ ដើម្បីលើកកំពស់សមត្ថភាពប្រកួតប្រជែងរបស់សហគ្រាសក្នុងតំបន់ត្រីកោណអភិវឌ្ឍន៍ និង ទី៣ស្នើឲ្យភាគីទាំង៣ប្រទេសជួយសម្រួលឲ្យប្រជាពលរដ្ឋដែលរស់នៅតាមតំបន់ព្រំដែនទាំង៣ ពិសេសបញ្ហាជនអន្តោប្រវេសន៍ធ្វើយ៉ាងណាឲ្យមានការយោគយល់គ្នា។
សន្និសីទនេះបានប្រព្រឹត្តទៅក្រោមអធិបតីភាពលោក អ៊ុង ឈុលីវ (Uong Chuluu) អនុប្រធានរដ្ឋសភា នៃសាធារណរដ្ឋសង្គមនិយមវៀតណាម និងដោយមានការអញ្ជើញចូលរួមពី តំណាងអាជ្ញាធរដែនដីខេត្ត ង៉េអានផងដែរ។
លោក អ៊ុង ឈុ មានប្រសាសន៍ថា អង្គសន្និសីទ លើកទី៤នេះ បានប្រារព្ធធ្វើ ឡើងក្នុងឆ្នាំ២០១២ គឺជាខួបលើកទី៤ នៃទំនាក់ទំនងការទូតកម្ពុជា វៀត ណាម និងក៏ជាឆ្នាំមិត្តភាព វៀតណាម ឡាវ ផងដែរ ហើយដែលកិច្ចប្រជុំមានសារសំខាន់ក្នុងកិច្ច សហប្រតិបត្តិការនៃប្រទេសទាំងបី កម្ពុជា វៀតណាម និងឡាវ ដែលជាកម្លាំងចលករមិនអាចខ្វះ បានក្នុងការជំរុញ ឲ្យមានប្រសិទ្ធភាពក្នុងការអនុវត្តពីរដ្ឋាភិបាល ដើម្បីឆ្លើយតបទៅនឹងតម្រូវការជាក់ ស្តែង និង ការអភិវឌ្ឍរបស់ប្រជាពលរដ្ឋរស់នៅតាមតំបន់ត្រីកោណ នៃប្រទេសទាំងបី ជាពិសេស ការប្រឈម ទាំងឡាយដែលត្រូវដោះស្រាយតាមផ្លូវច្បាប់។
លោក ឈាង វុន បានមានប្រសាសន៍ថា អស់រយៈកាលបីឆ្នាំកន្លងមកនេះ គណៈកម្មការ កិច្ចការបរទេស នៃរដ្ឋសភាប្រទេសទាំងបី កម្ពុជា វៀតណាម និងឡាវ បានរៀបចំឡើងនូវសន្និសីទ ចំនួនបីលើករួចមកហើយ ក្នុងគោលបំណងពង្រឹងទំនាក់ទំនងមិត្តភាពជាប្រពៃណីកម្ពុជា វៀតណាម និងបន្តកិច្ចសហប្រតិបត្តិការលើគ្រប់វិស័យ ដែលមានស្រាប់រវាងស្ថាប័ននីតិប្បញ្ញត្តិ នៃប្រទេស ទាំងបី ដោយចាត់ទុកជាកត្តាដ៏សំខាន់ចំពោះស្ថិរភាព និងការអភិវឌ្ឍ នៃប្រទេសទាំងបី៕
សុងយោ
ឯកឧត្ដម ហ៊ុន ណេង អញ្ជើញចូលរួមពិធីបើកកញ្ចប់វិញ្ញាសាប្រឡងសញ្ញាបត្រមធ្យមសិក្សាទុតិយភូមិនៅវិទ្យាល័យព្រះសីហនុ
កំពង់ចាម ៖ ព្រឹកថ្ងៃទី០៦ ខែសីហា ឆ្នាំ២០១២ នៅវិទ្យាល័យព្រះសីហនុ បានប្រារព្ធពិធីបើក កញ្ចប់វិញ្ញាសាប្រឡងសញ្ញាប័ត្រមធ្យមសិក្សាទុតិយភូមិ ក្រោមអធិបតីភាពឯកឧត្តម ហ៊ុន ណេង ទីប្រឹក្សាផ្ទាល់សម្តេចតេជោ ហ៊ុន សែន និងជាគណៈអភិបាលរងខេត្តកំពង់ចាម និងមានការអញ្ជើញចូលរួមពីថ្នាក់ដឹកនាំមន្ទីរអប់រំខេត្តគណៈកម្មាធិការប្រឡង និងសិស្សានុសិស្ស ជាច្រើនរូបផងដែរ ។
កម្ម វិធីប្រលងមានរយៈពេល២ថ្ងៃកន្លះក្នុងនោះ ថ្ងៃទី១ គីមីវិទ្យា ជីវវិទ្យា ភូមិវិទ្យា ប្រវត្តិវិទ្យា ថ្ងៃទី២ អក្សរសាស្ត្រខ្មែរ រូបវិទ្យា សីលធម៌-ពលរដ្ឋវិទ្យា ផែនដីវិទ្យា ថ្ងៃទី៣ គណិវិទ្យា និងភាសាបរទេស។
គ្រប់ឆ្នាំសិក្សា បេក្ខជនប្រឡង តែងប្រជុំគ្នាតាមមណ្ឌលរបស់ខ្លួនតាមកាលបរិច្ឆេទកំណត់ ជាក់លាក់មួយដែលរៀបចំឡើងដោយស្ថាប័នអប់រំ។ ជាមួយគ្នានេះឆ្នាំសិក្សា២០១១-២០១២ការប្រ ព្រឹត្តទៅនៃការប្រឡងសញ្ញាប័ត្រមធ្យមសិក្សាទុតិយភូមិ ត្រូវបានបើកសម័យប្រឡង របស់ខ្លួននៅថ្ងៃទី០៦ ខែសីហា រហូតដល់ថ្ងៃទី៨ ខែសីហា ឆ្នាំ២០១២នេះ។
ឯកឧត្តម ហ៊ុន ណេង មានប្រសាសន៍ក្នុងពិធីបើកស្រោមសំបុត្រវិញ្ញាសា និងបើកការប្រឡងដោយ បានសម្តែងនូវទឹកចិត្តសប្បាយរីករាយ និងផ្តាំផ្ញើរទៅ គណៈកម្មការព្រមទាំងមេប្រយោគ និងបេក្ខជនទាំងអស់ ឱ្យខិតខំបំពេញតួនាទីរបស់ខ្លួន ប្រកបដោយឥរិយាបថ និងសេចក្តីថ្លៃថ្នូរដោយប្រកាន់ឱ្យខ្ជាប់នូវតួនាទីភារកិច្ចរបស់ ខ្លួន។
ឯកឧត្តមបានជំរុញដល់សិស្សានុសិស្សទាំងអស់ខិតខំប្រឹងប្រែងបញ្ចេញឱ្យអស់ពីសមត្ថភាព រំលេចឱ្យបាននូវខ្លឹមសារដែលប្អូនបានសិក្សាកន្លងមក សរសេរឱ្យបានច្រើនហើយ ប្រកបដោយ ភាពសុក្រិត និងត្រឹមត្រូវជាមួយ៕
អ៊ឹម វិសិទ្ធ
ការលាលែងចេញពីតំណែងរបស់លោក អាណាន់ ជាការបើកផ្លូវអោយមានអន្តរាគមន៍ខាងយោធាទៅលើប្រទេសស៊ីរី
ស៊ីរី ៖ ការលាលែងចេញពីតំណែងប្រេសិតពិសេសរបស់អង្គការសហប្រជាជាតិ និងសម្ព័ន្ធអារ៉ាប់ទទួលបន្ទុកដោះស្រាយវិបត្តិនយោបាយនៅក្នុង ប្រទេសស៊ីរី គឺជាការបើកឱកាសមួយអោយសហរដ្ឋអាមេរិក និងបណ្តាប្រទេសជាសម្ព័ន្ធមិត្ត វាយប្រហារទៅលើប្រទេសនេះបាន។
លោក ដេវីដ ផូលឡក មន្ត្រីជាន់ខ្ពស់នៃវិទ្យាស្ថាននយោបាយនៅទីក្រុងវ៉ាស៊ីនតោន បានអោយដឹងថា ការលាលែងពីតំណែងរបស់លោក អាណាន់ គឺជាការជំរុញដោយប្រយោលមួយ ចំពោះនយោបាយរបស់សហរដ្ឋអាមេរិក, សហគមន៍អឺរ៉ុប និងអារ៉ាប់ ដើម្បីជួយគាំទ្រទៅដល់ក្រុមប្រឆាំងអោយបន្តវាយប្រហារប្រយុទ្ធ ជាមួយនឹងកងកម្លាំងរដ្ឋាភិបាលរបស់ប្រទេសស៊ីរី។
អ្នកវិភាគមួយចំនួនជឿជាក់ថា សហរដ្ឋអាមេរិកពិតជាចង់ចូលរួមយ៉ាងពេញទំហឹង ក្នុងការដោះស្រាយវិបត្តិនៅក្នុងប្រទេសស៊ីរី តាមរយៈការឧបត្ថម្ភជ្រោមជ្រែង ខាងសម្ភារៈ និងសព្វាវុធ អោយទៅក្រុមឧទ្ទាមបះបោរ ដើម្បីធ្វើសង្រ្គាមសំលាប់មនុស្ស ទំលាក់រដ្ឋាភិបាលស្របច្បាប់ស៊ីរី៕
ជិន សារីម
«អ្វីដែលយើងឮមិនដូចអ្វីដែលយើងបានឃើញនោះទេ»
ភ្នំពេញ ៖ «ខ្ញុំចង់ដឹងពីការកាត់ទោសហ្នឹង ថាចុងក្រោយនឹងចេញលទ្ធផលយ៉ាងណា។ អ្វីជាចម្បងដែលខ្ញុំទទួលបានពីការមកទស្សនានេះថានៅទីបំផុតអ្នកដែលប្រព្រឹត្តខុសនឹងទទួលទោស បើយើងប្រព្រឹត្តល្អគឺយើងមានជំនឿចិត្តថាច្បាប់នឹងជួយយើងឲ្យអស់ពីសមត្ថភាពរបស់ពួកគេ» នេះគឺជាសម្តីរបស់ គរុសិស្សជំនាន់ទី៣០ កញ្ញា ពុំ លីនី អាយុ ២២ឆ្នាំមកពីសាលាគរុកោសល្យនិងវិក្រឹតការខេត្តកំពង់ឆ្នាំង ក្នុងឱកាសនៃការធ្វើទស្សនកិច្ចសិក្សា និងចូលរួមស្តាប់សវនាការ ក្នុងសំណុំរឿង ០០២ នៅថ្ងៃទី២ សីហា ឆ្នាំ២០១២។
បន្ថែមពីលើមតិនេះផងដែរ អ្នកគ្រូ ប្រាក់ ណារត្ន័ អាយុ ២៦ឆ្នាំ នៃសាលាគរុកោសល្យនិងវិក្រឹតការខេត្តកំពង់ឆ្នាំងមានប្រសាសន៍ថា «ការដែលនិស្សិតបានមកចូលរួមនេះវាសំខាន់ណាស់ព្រោះវាជាអ្វីដែលយើងមិនធា្លប់បានឮ និងឃើញ ហើយនៅឯសាលាពូកគេរៀនបានតែទ្រឹស្តីប៉ុណ្ណោះមិនបានយល់ពីដំណើរការពិតប្រាកដទេ ម្យ៉ាងវិញទៀតវាធ្វើឲ្យគាត់ដឹងថាព្រឹត្តិការណ៍ហ្នឹងវាមានមែន មិនមែនជាការនិយាយបន្លាចលេងរបស់ចាស់ៗនោះទេ។ បានជាខ្ញុំចង់ចូលរួមស្តាប់សវនាការនេះគឺដោយសារតែទោះបីជាយ៉ាងណាក៏ដោយពួកយើងសុទ្ធតែជាអ្នកដែលរងគ្រោះបើទោះបីជាមិនផ្ទាល់ក៏ដោយប្រយោលដែរ គឺយើងចង់មកស្តាប់ចម្លើយដែលសាក្សី និងជនជាប់ចោទបានឆ្លើយមកពីអ្វីដែលគាត់បានធ្វើ។ វាពិតជាផ្តល់ផលប្រយោជន៏ដល់ប្រជាជនខ្មែរទាំងមូល ហើយថែមទាំងឲ្យជនបរទេសដឹងថាមានអ្វីខ្លះបានកើតឡើងនៅប្រទេសកម្ពុជានិងធ្វើឲ្យជនរងគ្រោះបានទទួលយុត្តិធម៌ និងការស្ងប់ចិត្ត។ ពេលដែលខ្ញុំត្រលប់ទៅវិញខ្ញុំនឹងប្រាប់ទៅអ្នកដ៏ទៃទៀតថា អ្វីដែលយើងឮមិនដូចអ្វីដែលយើងបានឃើញនោះទេ។ ដំបូងពេលដែលមិនទាន់បានមកដល់ ខ្ញុំឆ្ងល់ថាម៉េចបានជាការកាត់ក្តីនេះដំណើរការយូរម្ល៉េះ តែពេលដែលខ្ញុំមកដល់បានខ្ញុំដឹងថាវាពិបាកមែន ខុសពីការគិតរបស់ខ្ញុំដោយសារតែការកាត់ក្តីមានរហូតដល់ទៅ ៣ភាសា»។
គូរបញ្ជាក់ផងដែរថាកាលពីព្រឹកថ្ងៃទី២ សីហា ឆ្នាំ២០១២ គរុសិស្សនៃសាលាគរុកោសល្យនិងវិក្រឹតការខេត្តកំពង់ឆ្នាំងចំនួន៩៨នាក់បានមកចូលរួម ទស្សនាដំណើរការសវនាការ ហើយទន្ទឹមនឹងនោះក៏មានការអញ្ជើញចូលរួមពីសំណាក់ប្រជាពលរដ្ឋចំនួន ៣២២នាក់មកពី ខេត្តកំពង់ឆ្នាំង និង ខេត្តកណ្តាល។
សវនាការនេះគឺអង្គជំនុំជម្រះសាលាដំបូងបន្តផ្តល់សក្ខីកម្មរបស់សាក្សីវ័យ៦៤ឆ្នាំ រចឺម ទន់ ដែលជាអតីតនីរសារ ដែលក្រោយមកបានក្លាយជាកងការពាររបស់មេដឹកនាំរបបខ្មែរក្រហមប៉ុល ពត។
បន្ទាប់ពីការធ្វើដំណើរទស្សនកិច្ចសិក្សាមកកាន់អង្គជំនុំជម្រះវិសាមញ្ញក្នុងតុលាការកម្ពុជាគរុសិស្សនៃសាលាគរុកោសល្យនិងវិក្រឹតការខេត្តកំពង់ឆ្នាំងបានបន្តដំណើរទស្សនកិច្ច ទៅកាន់សារមន្ទីរទួលស្លែង និងវាលពិឃាតជើងឯកដើម្បីសិក្សាអំពីប្រវត្តិសាស្ត្រនៃរបបកម្ពុជាប្រជាធិបតេយ្យ អំពើប្រល័យពូជសាសន៍ និងការធ្វើទារុណកម្មដ៏សាហាវយង់ឃ្នងទៅលើជនរងគ្រោះនាសម័យនោះ។
បន្ទាប់ពីបានចូលរួម ទស្សនាដំណើរការសវនាការនេះ ឈ្មោះហុក ណារ៉េត អាយុ ២០ឆ្នាំជាគរុសិស្សជំនាន់ទី៣០ នៃសាលាគរុកោសល្យ និងវិក្រឹតការខេត្តកំពង់ឆ្នាំងបានបង្ហើបប្រាប់ថា «បន្ទាប់ពីបានចូលរួមស្តាប់ ធ្វើឲ្យខ្ញុំមានការស្ញប់ស្ញែងចំពោះតុលាការនេះដោយមានទាំងការចូលរួមទាំងខ្មែរ និងបរទេស ហើយថែមទាំងបានដឹងពីការសាកសួរ និងផ្តល់ចំលើយនៅក្នុងសវនាការផងដែរ។ខ្ញុំនឹងប្រាប់ទៅអ្នកដ៏ទៃដែលមិនទាន់បានដឹងថារបបនេះពិតជាសាហាវមែនទែន ដែលបានសម្លាប់មនុស្សជាច្រើន ហើយអ្នកជំនាន់ក្រោយមិនគួរយកតម្រាប់តាមទេ។
លោកសូរ មករា អាយុ ២០ឆ្នាំជាគរុសិស្សជំនាន់ទី៣០ នៃសាលាគរុកោសល្យ និងវិក្រឹតការខេត្តកំពង់ឆ្នាំងបាននិយាយថា «ខ្ញុំចង់ដឹង និងឃើញពីដំណើរការកាត់ក្តី យល់ឲ្យច្បាស់ពីទោសទណ្ឌ និងការប្រព្រឹត្តរបស់ការកាត់ក្តី ហើយវាផ្តល់ជាបទពិសោធន៏ និងចំណេះដឹងដល់ខ្ញុំផ្ទាល់ដើម្បីផ្សព្វផ្សាយបន្តទៀត។ តាមរយៈការចូលរួមនេះខ្ញុំបានយល់ពីដំណើរការនៃការកាត់ក្តី និងការសួរដេញដោលពីសំណុំរឿង ហើយនឹងប្រាប់ទៅអ្នកដ៏ទៃទៀតដែលមិនបានដឹងថា ពិតជាមានរបបនេះពិតមែន ហើយមានការកាត់ទោសនេះមែន ហើយការរងគ្រោះរបស់ពួកគាត់នៅសម័យនោះពិតជាអាចរកឃើញនូវយុត្តិធម៌។
សំរាប់អង្គជំនុំជម្រះវិសាមញ្ញក្នុងតុលាការកម្ពុជាមិនត្រឹមតែមានការចូលរួមពីសំណាក់ប្រជាពលរដ្ឋនោះទេ គឺយើងបានផ្តោតសំខាន់់ទៅលើអ្នកជំនាន់ក្រោយដែលជាថ្នាលបណ្តុះបណ្តាល និងផ្សព្វផ្សាយបន្តពីប្រវត្តិសាស្ត្រដ៏ជូរចត់ និងការស្វែងរកយុត្តិធម៌ដ៏ពិតប្រាកដមួយ។ គួរបញ្ជាក់ផងដែរថាមិនត្រឹមតែគរុសិស្ស នៃសាលាគរុកោសល្យ និងវិក្រឹតការទេ ក៏មានមន្ត្រីនគរបាលនៃរាជបណ្ឌិត្យសភានគរបាលកម្ពុជា មន្ត្រីអនុរក្សពន្ធនាគារនៃអគ្គនាយកដ្ឋានពន្ធនាគារ និង ព្រឹន្ទបាលទោ. និស្សិតនៃបណ្ឌិត្យសភានគរបាលកម្ពុជាមកចូលរួមក្នុងការទស្សនានូវដំណើរការនៃសំណុំរឿង ០០២នេះផងដែរ កាលពីថ្ងៃទី៣០ ខែកក្កដា ឆ្នាំ ២០១២ កន្លងទៅ។ ដូច្នេះនៅរៀងរាល់ថ្ងៃសវនាការ សាធារណៈជនរួមមានប្រជាពលរដ្ឌ សិស្ស និស្សិត យុវជន និងភ្ញៀវជាតិ និងអន្តរជាតិចំនួនជាមធ្យម ៤០០នាក់បានមកចូលរួមធ្វើជាសាក្សីនៃការជំនុំជម្រះក្តីនៃសំណុំរឿង ០០២៕
ក្រុមហ៊ុន SANTUI ចិនចាប់អារម្មណ៍វិនិយោគលើផ្នែកកសិកម្មនៅកម្ពុជា
ភ្នំពេញ ៖ ក្រៅពីការវិនិយោគលើវិស័យឧស្សាហកម្មដូចជាការផលិត និងការធ្វើអាជីវកម្មគ្រឿងចក្រនៅកម្ពុជា ក្រុមហ៊ុនសានទូយខេត្តសានទុងប្រទេសចិន មានចំណាប់អារម្មណ៍វិនិយោគលើវិស័យកសិកម្ម នៅតំបន់អភិវឌ្ឍន៍អន្លង់ជ្រៃ ស្រុកពញាក្រែក ខេត្តកំពង់ចាម ជាទីភូមិកំណើតរបស់សម្តេចប្រធានរដ្ឋសភា នោះបើតាមប្រសាសន៍ លោក វ៉ាង ហ្វេង អគ្គនាយករងក្រុមហ៊ុន សានទូយ ជំរាបជូនសម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជាក្នុងជំនួបសវនាការព្រឹកថ្ងៃទី០៥ ខែសីហា ឆ្នាំ២០១២នេះនៅវិមានរដ្ឋសភា។
ក្នុងជំនួបសវនាការនោះ លោក វ៉ាង ហ្វេង បានជំរាបជូនសម្តេចប្រធានរដ្ឋសភាផងដែរថាក្រោយពីសេដ្ឋកិច្ចបើកចំហក្រុមហ៊ុនលោកបានចូលមកវិនិយោគនៅកម្ពុជាតាំងពីឆ្នាំ១៩៨០មកម្លេះ រហូតមកដល់ពេលនេះមានរយៈពេល៣២ឆ្នាំហើយ ។ អាស្រ័យដោយមានការសហការជាមួយក្រុមហ៊ុនជប៉ុន ដើម្បីផលិតគ្រឿងចក្រ ក្រុមហ៊ុនមានការរីកចម្រើន ពិសេសនៅខេត្ត សានទុង ប្រទេសចិនដែលជាស្រុកកំណើតរបស់លោក ។ លោកបន្តថា ក្រុមហ៊ុនសានទូយចិនបានបោះទីតាំងក្រុមហ៊ុននៅកម្ពុជា ហើយបច្ចុប្បន្នកំពុងសហការជាមួយកម្ពុជាក្នុងការលក់ ការធ្វើអាជីវកម្មគ្រឿងចក្រ ។ ក្រុមហ៊ុនរបស់លោកមានពីរផ្នែក គឺផ្នែកគ្រឿងចក្រ និងផ្នែកកសិកម្ម ហើយបន្ទាប់ពីជំនួបសវនាការជាមួយសម្តេចនេះទៅ ក្រុមហ៊ុននឹងចុះទៅពិនិត្យផ្ទាល់នៅតំបន់អភិវឌ្ឍន៍អន្លង់ជ្រៃដែលជាភូមិកំណើតរបស់សម្តេច។
សម្តេចអគ្គមហាពញាចក្រី ហេង សំរិន បានសម្តែងនូវការស្វាគមន៍ចំពោះការបំពេញទស្សនកិច្ចរបស់ក្រុមហ៊ុនសានទូយចិននៅកម្ពុជា ដោយបានចាត់ទុកថាមានសារសំខាន់ ជាពិសេសបានផ្តល់លទ្ធភាពទ្វេឡើងថែមទៀត ក្នុងការពង្រឹងពង្រីកទំនាក់ទំនងមិត្តភាពសាមគ្គីភាពរវាងប្រជាជនប្រទេសទាំងពីរកម្ពុជា ចិន ។ សម្តេចបានបន្តថា ទាក់ទងលើវិស័យឯកជនទាំងក្នុង និងក្រៅប្រទេសរាជរដ្ឋាភិបាលកម្ពុជាបានយកចិត្តទុកដាក់ជាការងារសំខាន់បំផុតដើម្បីបង្កើនល្បឿនក្នុងការអភិវឌ្ឍន៍សេដ្ឋកិច្ច។ ការជម្រុញលើកទឹកចិត្តវិស័យឯកជន ជាកម្លាំងជំរុញដ៏ចម្បងនៃកំណើនសេដ្ឋកិច្ច គឺជាមូលដ្ឋានគ្រឹះនៃគោលនយោបាយរបស់រាជរដ្ឋាភិបាលកម្ពុជាចាប់តាំងពីដំណើរការ ហើយត្រូវបានលើកម្តងទៀតនៅក្នុងយុទ្ធសាស្ត្រចតុកោណជំហានទី២សម្រាប់នីតិកាលទី៤នៃរដ្ឋសភា។ សម្តេចប្រធានរដ្ឋសភាបានស្នើឲ្យក្រុមហ៊ុនពិនិត្យមើលសក្តានុពលវិនិយោគលើវិស័យផ្សេងៗទៀត ដែលអាចធ្វើទៅបាននៅក្នុព្រះរាជាណាចក្រកម្ពុជាផងដែរ។
ជាការឆ្លើយតបនឹងការអញ្ជើញរបស់ក្រុមហ៊ុនចិនសុំ សម្តេចប្រធានរដ្ឋសភាទៅបំពេញទស្សនកិច្ចផ្លូវការនៅខេត្តសានទុងប្រទេសចិន សម្តេចបានទទួលយកនូវការអញ្ជើញនេះ ហើយថានៅពេលដែលជ្រើសរើសពេលវេលាសមស្របណាមួយសម្តេចនឹងដឹកនាំគណៈប្រតិភូជាន់ខ្ពស់រដ្ឋសភាកម្ពុជាទៅទស្សនកិច្ចនៅខេត្តសានទុងប្រទេសចិន៕
សុងយោ
ប្រទេស៤ចាប់ផ្តើមល្បាតតាមដងទន្លេមេគង្គ
អាជ្ញាធរសន្តិសុខសាធារណៈមូលដ្ឋានចិនរាយការណ៍ថាការល្បាតរួមគ្នាថ្មីមួយរៀបចំឡើងដោយប្រទេសចិន ឡាវ មីយ៉ាន់ម៉ា និងថៃបានចាប់ផ្តើមកាលពីថ្ងៃទី៦សីហាតាមដងទន្លេមេគង្គ។ នេះជាការល្បាតប្រភេទនោះលើកទី៥ហើយចាប់តាំងពីខែធ្នូមក ។ កងនាវាល្បាតបានចាកចេញពីកំពង់ផែភាគនិរតីចិននាវេលាម៉ោង៦និង៣០នាទីព្រឹក ។
យោងតាមសេចក្តីប្រកាសមួយចេញផ្សាយក្រោយកិច្ចប្រជុំមួយរបស់មេបញ្ជាការនៃប្រទេសទាំង៤កាលពីថ្ងៃទី៥សីហាថា ការល្បាតរួមគ្នានិងកិច្ចសហប្រតិបត្តិការដែលបានពង្រឹងអាចថែរក្សាប្រកបដោយប្រសិទ្ធភាពនូវស្ថេរភាព និងសន្តិសុខនៃការធ្វើនាវាចរណ៍តាមដងទន្លេមេគង្គ ។
មន្ត្រីជាន់ខ្ពស់របស់រដ្ឋាភិបាលនៃប្រទេសទាំង៤បានជួបពិភាក្សាគ្នានៅក្រុងប៉េកាំងកាលពីខែតុលាកន្លងមកនេះហើយបានព្រមព្រៀងចាត់នូវវិធានការរួមទាំងឡាយដើម្បីតស៊ូប្រឆាំងបទឧក្រិដ្ឋឆ្លងកាត់ព្រំដែនហើយធានាសន្តិសុខនៃការដឹកជញ្ជូនតាមដងទន្លេមេគង្គ ។
កាលពីខែឧសភា កន្លងមកនេះ ជនឈ្មោះណាវខាម ជាមេរត់ពន្ធគ្រឿងញៀនសង្ស័យថារៀបចំការវាយប្រហារមួយប្រឆាំងពួកនាវិកចិនបានត្រូវចាប់ខ្លួនហើយបញ្ជូនទៅកាន់ក្រុងប៉េកាំង ៕
រដ្ឋសភានឹងបើកសម័យប្រជុំពេញអង្គនៅថ្ងៃទី៩ សីហា ពិភាក្សារបៀបវារៈជាច្រើន
រាជធានីភ្នំពេញ ៖ សម័យប្រជុំរដ្ឋសភាលើកទី៨ នីតិកាលទី៤ ដែលធ្វើឡើងក្រោមអធិបតីភាពរបស់សម្តេចប្រធានរដ្ឋសភា ហេង សំរិន នៅថ្ងៃទី៩ សីហា ២០១២ នេះ រដ្ឋសភានឹងពិភាក្សាអនុម័តលើរបៀបវារៈដូចតទៅ ៖
១-ការបោះឆ្នោតជ្រើសតាំងលោកពេជ្រ គឹមស្រ៊ាង ជាសមាជិកគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី។
២-ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃរដ្ឋកាតា ស្តីពីការគ្រប់គ្រងការប្រើប្រាស់ហត្ថពលកម្មនៅរដ្ឋកាតា ។
៣-ការពិភាក្សា និងអនុម័ត សេចក្តីព្រាងច្បាប់ស្តីពីការអនុម័តយល់ព្រមឲ្យព្រះរាជាណាចក្រកម្ពុជាចូលរួមក្នុងអនុសញ្ញារ៉ូថឺដាម ស្តីពីនីតិវិធីនៃការយល់ព្រមផ្តល់ព័ត៌មានជាមុន ចំពោះសារធាតុគីមី និងថ្នាំកសិកម្មគ្រោះថ្នាក់ ក្នុងពាណិជ្ជកម្មអន្តរជាតិ ។
១-ការបោះឆ្នោតជ្រើសតាំងលោកពេជ្រ គឹមស្រ៊ាង ជាសមាជិកគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី។
២-ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃរដ្ឋកាតា ស្តីពីការគ្រប់គ្រងការប្រើប្រាស់ហត្ថពលកម្មនៅរដ្ឋកាតា ។
៣-ការពិភាក្សា និងអនុម័ត សេចក្តីព្រាងច្បាប់ស្តីពីការអនុម័តយល់ព្រមឲ្យព្រះរាជាណាចក្រកម្ពុជាចូលរួមក្នុងអនុសញ្ញារ៉ូថឺដាម ស្តីពីនីតិវិធីនៃការយល់ព្រមផ្តល់ព័ត៌មានជាមុន ចំពោះសារធាតុគីមី និងថ្នាំកសិកម្មគ្រោះថ្នាក់ ក្នុងពាណិជ្ជកម្មអន្តរជាតិ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
អាជ្ញាធរខណ្ឌទួលគោកណែនាំការផ្សព្វផ្សាយពីការបង់ពន្ធលើអចលនទ្រ
រាជធានីភ្នំពេញ ៖ អាជ្ញាធរខណ្ឌទួលគោកបានធ្វើការណែនាំដល់ចៅសង្កាត់ទាំង១០ក្នុងខណ្ឌឱ្យធ្វើការផ្សព្វផ្សាយជូនដល់ប្រជាពលរដ្ឋនាំគ្នាទៅបង់ពន្ធលើអចលនទ្រព្យ ឆ្នាំ២០១២។ ការណែនំានេះត្រូវបានធ្វើឡើងដោយលោកពេជ្រ កែវមុនី អភិបាលរងខណ្ឌតំណាងលោកសេង រតនៈ អភិបាលខណ្ឌ នៅក្នុងកិច្ចប្រជុំសាមញ្ញលើកទី៣៩របស់ក្រុមប្រឹក្សាខណ្ឌទួលគោក កាលពីព្រឹកថ្ងៃទី៣ សីហា ឆ្នាំ២០១២ ។
កិច្ចប្រជុំសាមញ្ញលើកទី៣៩ នេះ ប្រារព្ធធ្វើក្រោមអធិបតីភាពលោកស្រីញ៉ែម មុំ ប្រធានស្តីទីក្រុមប្រឹក្សាខណ្ឌ និងលោកពេជ្រ កែវមុនី និងបានលើកយករបៀបវារៈចំនួន២មកធ្វើការពិភាក្សា និងអនុម័ត។ របៀបវារៈទី១-គឺពិភាក្សា និងអនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៣៨របស់ក្រុមប្រឹក្សាខណ្ឌអាណត្តិទី១និងរបៀបវារៈ ទី២-ស្តាប់របាយការណ៍លទ្ធផលនៃការអនុវត្តផែនការសកម្មភាពរបស់រដ្ឋបាលខណ្ឌរយៈពេល១ខែ គឺខែកក្កដា ឆ្នាំ២០១២ និងស្តាប់របាយការណ៍ស្តីពីកិច្ចការបន្ថែមដែលបានអនុវត្តនិងបញ្ហាផ្សេងៗ ។
លោកពេជ្រ កែវមុនី អភិបាលរងខណ្ឌទួលគោកបានឱ្យដឹងថា កាលពីកិច្ចប្រជុំសាមញ្ញលើកទី៣៨របស់ក្រុមប្រឹក្សាខណ្ឌលោកបានណែនាំដល់ក្រុមប្រឹក្សាសង្កាត់ទាំងអស់ទាំងក្រុមប្រឹក្សាដែលទើបជាប់ឆ្នោត និងក្រុមប្រឹក្សា ដែលត្រូវលាលែង ត្រូវទៅប្រកាសទ្រព្យសម្បត្តិ និងបំណុលតែរហូតមកដល់ពេលនេះក្រុមប្រឹក្សាមួយចំនួនហាក់ដូចជាមិនយកចិត្តទុកដាក់ឡើយ ។ ដូចនេះ សូមក្រុមប្រឹក្សាទាំងអស់នាំគ្នាទៅប្រកាសទ្រព្យសម្បត្តិឱ្យបានគ្រប់គ្នាតាមច្បាប់កំណត់ ហើយប្រធានក្រុមប្រឹក្សាត្រូវរាយការណ៍មកជនបង្គោលអង្គភាពប្រឆាំងអំពើពុករលួយ ដោយអស់សុពលភាពត្រឹមថ្ងៃចន្ទទី៦ សីហា ។
លោកពេជ្រ កែវមុនី បានបន្តទៀតថា ការប្រមូលពន្ធលើអចលនទ្រព្យឆ្នាំ២០១២ ចាប់ផ្តើម ហើយដូច្នេះសូមចៅសង្កាត់ណែនាំដល់ប្រធានភូមិឱ្យផ្សព្វផ្សាយដល់ប្រជាពលរដ្ឋនាំគ្នាទៅបង់ពន្ធឱ្យបានមុនថ្ងៃទី៣០ កញ្ញា ឆ្នាំ២០១២ ។ ចំពោះការបង់ពន្ធនេះតម្លៃមានការប្រែប្រួលខ្លះៗ ព្រោះមានការសំណូមពរដែលតំបន់ខ្លះផ្លូវទាល់ក្រីក្រមិនអាចកំណត់តម្លៃបាន ឯតំបន់ខ្លះកើនឡើង និងខ្លះទៀតថយចុះ ៕
រដ្ឋមន្ត្រីក្រសួងអប់រំ យុវជន និងកីឡាអះអាងថា មិនមានបែកធ្លាយវិញ្ញាសាក្នុងពេលប្រឡងមធ្យមសិក្សាកម្រិត២ទេ
រាជធានីភ្នំពេញ ៖ លោកអឹុម សិទ្ធី រដ្ឋមន្ត្រីក្រសួងអប់រំ យុវជន និងកីឡាកាលពីថ្ងៃទី៦ សីហា ២០១២ បានមានប្រសាសន៍នៅក្នុងពេលដែលលោកចុះពិនិត្យលើការងារប្រឡងនៅមណ្ឌលវិទ្យាល័យជាស៊ីមសន្ធរមុខថា «គ្មានវិញ្ញាសាបែកធ្លាយដូចការអះអាងរបស់មនុស្សមួយក្រុមតាំងខ្លួនជាអ្នកអប់រំនោះទេ» ។ ការថ្លែងរបស់លោករដ្ឋមន្ត្រីបានធ្វើឡើងក្នុងបទសម្ភាសន៍ជាមួយអ្នកយកព័ត៌មាន ។
លោកអឹុម សិទ្ធី បានបញ្ជាក់ប្រាប់ក្រុមអ្នកកាសែតថា មិនមានវិញ្ញាសាប្រឡងណាមួយបែកធ្លាយដូចការអះអាងរបស់ក្រុមអ្នករកស៊ីមួយចំនួនបានលើកឡើងថា មានវិញ្ញាសាប្រឡងធ្លាយវាមិនពិតទេ ។ ក្រសួងអប់រំបានដាក់បទបញ្ជាយ៉ាងតឹងរឹង សូម្បីតែកន្លែងលក់សៀវភៅក្បែរមណ្ឌលប្រឡងក៏ត្រូវបានអាជ្ញាធរបញ្ជាឱ្យបិទដែរ ក្នុងថ្ងៃដំណើរការប្រឡង ។ វិញ្ញាសាប្រឡងត្រូវបានដាក់ក្នុងហិបរួចចាក់សោគ្មាននរណាដឹងនោះទេ ហើយការបើកវិញ្ញាសាធ្វើឡើងនៅតាមបន្ទប់ប្រឡងដោយផ្ទាល់ ។
លោកអឹុម សិទ្ធី បន្តថា សូមឱ្យមាតាបិតាសិស្សកុំជឿការឃោសនារបស់ក្រុមមនុស្សដែលដើរអះអាងថា មានសំណេរ ឬព្រុយយ៉ុងបែកធ្លាយ ព្រោះមានការផ្សព្វផ្សាយពីការឆែកឆេរដកយកសំណៅឯកសារចំពោះសិស្សដែលបាននាំចូលក្នុងបរិវេណមណ្ឌលប្រឡង ។ ដំណើរការប្រឡងប្រព្រឹត្តទៅបានល្អនៅតាមមណ្ឌលនានាមិនមានបាតុភាពអ្វីកើតឡើងទេ ព្រោះក្រសួងអប់រំបានសហការជាមួយអាជ្ញាធរនៅតាមមណ្ឌលប្រឡងនានា ។
ក្រុមអនុរក្សបាននិយាយថា សិស្សជាបេក្ខជនមិនអនុញ្ញាតឱ្យប្រើប្រាស់ទូរស័ព្ទដៃទំនើបៗទេ ហើយបើបេក្ខជនណាមានទូរស័ព្ទត្រូវបានដកហូតនៅពេលពួកគេនាំយកចូលក្នុងបន្ទប់ប្រឡង។ បើទោះជាយ៉ាងណាមានសិស្សភាគច្រើនបានដាក់ទូរស័ព្ទតាមខ្លួនមែន ក្នុងគោលបំណងបញ្ជូនសារ ឬទទួលសារជាចម្លើយនានា តែត្រូវបានហាមឃាត់ទាន់ពេលវេលា ។ បម្រាមយ៉ាងតឹងរឹងត្រូវបានដាក់ចេញដោយក្រសួងអប់រំថា «បេក្ខជនណាហ៊ានប្រមូលលុយប្រគល់ឱ្យអនុរក្សត្រូវព្រមានឱ្យធ្លាក់ដោយស្វ័យប្រវត្តិ និងត្រួតថ្នាក់» ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
kohsantepheapdaily
ផ្លូវក្រាលកៅស៊ូពីកំពង់ធំទៅព្រះវិហារ នឹងធ្វើការសម្ពោធក្រោមអធិបតីភាពសម្តេចតេជោ ហ៊ុន សែន
ខេត្តព្រះវិហារ ៖ វេលាម៉ោង៨ព្រឹកថ្ងៃទី៨ សីហា ២០១២ ខាងមុខនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឱ្យប្រើប្រាស់កំណាត់ផ្លូវជាតិលេខ៦២ តភ្ជាប់ពីផ្លូវជាតិលេខ៦ ក្នុងខេត្តកំពង់ធំ ទៅកាន់ក្រុងព្រះវិហារ ខេត្តព្រះវិហារ ដែលមានប្រវែង១២៨គីឡូម៉ែត្រ សាងសងដោយក្រុមហ៊ុនចិនសៀងហៃ ។
ផ្លូវចាក់ក្រាលកៅស៊ូដ៏មានអត្ថប្រយោជន៍ផ្នែកសេដ្ឋកិច្ចនេះបានស្ថាបនារួចរាល់ជាស្ថាពរអស់រយៈពេលជាង១ឆ្នាំកន្លងមកហើយ ទើបតែពេលនេះចាប់ផ្តើមធ្វើការសម្ពោធដោយមានការអញ្ជើញចូលរួមពីស្ថាបត្យករចិនជាច្រើន តំណាងអង្គទូតប្រចាំកម្ពុជា ឥស្សរជនជាន់ខ្ពស់របស់រាជរដ្ឋាភិបាល ដៃគូអភិវឌ្ឍន៍ ព្រះសង្ឃ សិស្សានុសិស្ស និងប្រជាពលរដ្ឋក្នុងខេត្តកំពង់ធំជាច្រើន នាក់ ដែលរៀបចំប្រព្រឹត្តធ្វើឡើងនៅភូមិវល្លិ៍យាវ តាមដងផ្លូវជាតិលេខ៦២ ចម្ងាយពីក្រុងស្ទឹងសែន ប្រមាណ៧គីឡូម៉ែត្រ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ឯកឧត្តម អង្គ វង្សវឌ្ឍានា បានទទួលជួប ពិភាក្សាការងារ ជាមួយឯកឧត្តមChristian Connan ឯកអគ្គរដ្ឋទូតបារាំងប្រចាំនៅកម្ពុជា
ឯកឧត្តម អង្គ វង្សវឌ្ឍានា បានទទួលជួប ពិភាក្សាការងារ ជាមួយឯកឧត្តមChristian Connan ឯកអគ្គរដ្ឋទូតបារាំងប្រចាំនៅកម្ពុជា
នៅព្រឹកថ្ងៃទី០៦ ខែសីហា ឆ្នាំ២០១២ នៅក្រសួងយុត្តិធម៌ ឯកឧត្តម អង្គ វង្សវឌ្ឍានារដ្ឋមន្រ្តីក្រសួងយុត្តិធម៌ បានទទួលជួប ពិភាក្សាការងារ ជាមួយឯកឧត្តម Christian Connanឯកអគ្គរដ្ឋទូតបារាំងប្រចាំនៅកម្ពុជា ស្តីពី ករណីឧក្រិដ្ឋកម្ម លើសំនុំរឿងជនជាតិបារាំង ។
ឯកឧត្តម Christian Connan ឯកអគ្គរដ្ឋទូតបារាំងប្រចាំនៅកម្ពុជាមាន ប្រសាសន៌ថា ជាគោលការណ៌មុននឹងបញ្ចប់បេសកកម្មការទូតរបស់ខ្លួននៅកម្ពុជានា ពេលខាងមខនេះ គឺឯកឧត្តមត្រូវធ្វើបច្ចុប្បន្នភាពនូវករណីសំនុំរឿងទាំងអស់ ពីបញ្ហាជន ល្មើស ជនសង្ស័យ និងជនរងគ្រោះដែលជាជនជាតិបារំាង នៅក្នុងកិច្ចការការគ្រប់គ្រង អាណត្តិការទូតរបស់ខ្លួន នៅក្នុងប្រទេសកម្ពុជានោះ និងបានស្នើសុំអោយក្រសួង យុត្តិធម៌ជួយផ្តល់ព័ត៌មាន ទាក់ទងនឹងដំណើរការរឿក្តីពាក់ព័ន្ធនឹងជនល្មើស ជនសង្ស័យ និងជនរងគ្រោះដែលជាជនជាតិបារាំងផងដែរ។
ជាកិច្ចឆ្លើយតមចំពោះការស្នើសុំពី ឯឧត្តមឯកអគ្គរដ្ឋទូតបារាំងដែលបានស្នើសុំ អោយក្រសួងយុត្តិ ធម៌ជួយផ្តល់ព័ត៌មាន ទាក់ទងនឹងដំណើរការរឿក្តីពាក់ព័ន្ធ ជនល្មើស ជនសង្ស័យ និងជនរង គ្រោះដែលជាជនជាតិបារាំងនោះ ឯកឧត្តម អង្គ វង្សវឌ្ឍានា រដ្ឋមន្រ្តីក្រសួងយុត្តិធម៌ បានមានប្រសាសន៌ថា ក្រសួងយុត្តិធម៌តាមក្របខណ្ឌនៃកិច្ច សហប្រត្តិបត្តិការរវាងកម្ពុជា និង បារាំង ជាសមប្របសម្រួលក្នុងកិច្ចការទូតនៃប្រទេស ទាំងពីរក្នុងវិស័យយុត្តិធម៌នេះ ក្រសួងយុត្តិធម៌នឹងស្នើរសុំទៅខាង អាជ្ញាធរ តុលាការ ដើម្បីអោយជួយផ្តល់នូវព័ត៌មានអំពី ចំណាតការនៅក្នុងរឿងក្តី ដែលភាគីបារាំង បានស្នើរ សុំនោះ។ ឯកឧត្តមបន្តថា ចំពោះករណីទាកទងសំនុំរឿងនេះ កឺកំពុងស្ថិតក្នុងការស៊ើប អង្កេត និងការស៊ើបសួរ របស់តុលាការនៅឡើយទេ។
សិស្សានុសិស្ស២០៣៨នាក់ មកពីស្រុកចំនួនបី និងក្រុងមួយក្នុងមួយក្នុងខេត្ត ព្រះសីហនុ ចូលរួមប្រលងយកសញ្ញាប័ត្រមធ្យមសិក្សាទុតិយៈភូមិ
សិស្សានុសិស្ស២០៣៨នាក់ មកពីស្រុកចំនួនបី និងក្រុងមួយក្នុងមួយក្នុងខេត្ត ព្រះសីហនុ ចូលរួមប្រលងយកសញ្ញាប័ត្រមធ្យមសិក្សាទុតិយៈភូមិ
សិស្សានុសិស្ស ជាបេក្ខជនចំនួន២០៣៨នាក់ មកពីគ្រិះស្ថានសិក្សាកំរិតមធ្យមក្រុងមួយ និងស្រុក៣ គឺ ក្រុងព្រះសីហនុ ស្រុកព្រៃនប់ ស្រុកស្ទឹងហាវ និងស្រុកកំពង់សីលា បានមកចូលរួមប្រលង យកសញ្ញា ប័ត្រទុតិយៈភូមិ ដោយរៀបចំមណ្ឌលប្រលង នៅក្រុងព្រះសីហនុក្នុង នោះថ្នាក់វិទ្យាសាស្រ្ត ៣មណ្ឌល និងថ្នាក់សង្គម១មណ្ឌល។
ហើយការប្រលងប្រព្រឹត្តទៅ ក្រោមការត្រួតពិនិត្យ ដោយផ្ទាល់ពីសំណាក់ ឯកឧត្តមសំ សំអាតអភិបាល រងខេត្តព្រះសីហនុ និងមន្រ្តីមន្ទីរអប់រំ យុវជន និងកីឡា ខេត្តព្រះសីហនុ អញ្ជើញជាអធិបតី ក្នុងពេល កាត់បើកវិញ្ញាសា និងត្រួតពិនិត្យការប្រលង ដែរតាមរបាយ ការណ៍របស់លោក វណ្ណ ឈួន អនុប្រធានមន្ទីរ អប់រំយុវជន និងកីឡាខេត្តព្រះសីហនុ សម័យប្រលង សញ្ញាប័ត្រទុតិយៈភូមិ នេះ នៅខេត្តព្រះសីហនុ បានដំណើរការ ក្រោមការយកចិត្តទុកដាក់រៀបចំ សហការពីក្រសួងអប់រំ យុវជន និងកីឡា និងអជ្ញាធរខេត្ត ខិតខំធ្វើយ៉ាងណា អោយការប្រលងសញ្ញាប័ត្រ មធ្យមសិក្សាទុតិយភូមិ ប្រព្រឹត្តទៅប្រកប ដោយតុល្យភាព និងមានយុតិ្តធម៌ សំរាប់បេក្ខជន ចូលរួមប្រលងទាំងអស់។ ឆ្នាំ សិក្សា២០១២ នេះនៅខេត្តព្រសីហនុ មានបេក្ខជនចូលរួមប្រលង យកសញ្ញាប័ត្រទុតិយៈភូមិ ចំនួន ២០៣៨នាក់ មកពីគ្រិះស្ថានសិក្សា តាមបញ្ជាក្រុង និងស្រុកក្នុងខេត្តព្រះសីហនុ ដោយរៀបចំ មណ្ឌល ប្រលងក្រុង និងស្រុក ក្នុងខេត្តព្រះសីហនុ ដោយរៀបចំ មណ្ឌលប្រលងចំនួន៤ មណ្ឌលមាន ៨២បន្ទប់រយៈពេល ២ថ្ងៃកន្លះ ចាប់ពីថ្ងៃទី៦ ដល់ថ្ងៃទី៨ខែសីហាឆ្នាំ ២០១២។
ពិធីបើកកញ្ចប់វិញ្ញាសាប្រឡងសញ្ញាប័ត្រ មធ្យមសិក្សា ទុតិយភូមិនៅវិទ្យាល័យជាស៊ីមត្បែងមានជ័យ
ពិធីបើកកញ្ចប់វិញ្ញាសាប្រឡងសញ្ញាប័ត្រ
មធ្យមសិក្សា ទុតិយភូមិនៅវិទ្យាល័យជាស៊ីមត្បែងមានជ័យ
ព្រឹកថ្ងៃទិ០៦ ខែសីហា ឆ្នាំ២០១២ នៅវិទ្យាល័យជាស៊ីមត្បែងមានជ័យ បានប្រារព្វពិធីបើក កញ្ចប់វិញ្ញាសារប្រឡងសញ្ញាប័ត្រមធ្យមសិក្សាទុតិយភូមិ ក្រោមអធិបតីភាព លោកស្រី ខូយ ប៊ុនថានអភិបាលរងខេត្តព្រះវិហារ និងមានការអញ្ជើញចូលរួមពិថ្នាក់ដឹកនាំមន្ទីរអប់រំខេត្តគណ កម្មាធិការប្រឡង និងសិស្សានុសិស្សជាច្រើនដែលជាបេក្ខជនប្រឡង ។
គ្រប់ឆ្នាំសិក្សា បេក្ខជនប្រឡង តែងប្រជុំគ្នាតាមមណ្ឌលរបស់ខ្លួនតាមកាលបរិច្ឆេតកំណត់ ជាក់លាក់មួយដែលរៀបចំឡើងដោយស្ថាប័នអប់រំ ជាមួយគ្នានេះឆ្នាំសិក្សា២០១១-២០១២ការប្រ ព្រឹត្តទៅនៃការប្រឡងសញ្ញាប័ត្រមធ្យមសិក្សាទុតិយភូមិ ត្រូវបានបើកសម័យប្រឡង របស់ខ្លួននៅថ្ងៃទី ០៦ ខែសីហានេះ ។ ការប្រឡងនេះត្រូវបានប្រព្រឹត្តទៅដូចគ្នានៅទូទាំង ប្រទេសកម្ពុជា ។
សូមបញ្ជាក់ថា នៅខេត្តព្រះវិហារមានមណ្ឌលប្រឡងចំនួន០៤មណ្ឌលមានបន្ទប់សរុប៥០ មានបេក្ខជនប្រឡងសរុ១២០២នាក់ ស្រី៥៣៤នាក់ ក្នុងនោះនៅក្រុងព្រះវិហារមាន០២ មណ្ឌល គឺមណ្ឌលវិទ្យាល័យជាស៊ីមជាមណ្ឌលផ្នែកសង្គមមាន២៥បន្ទប់មានបេក្ខជនប្រឡងចំនួន ៦២១ នាក់ ស្រី២៥៤នាក់ អនុវិទ្យាល័យហ៊ុនសែនត្បែងមានជ័យ ជាមណ្ឌលវិទ្យាសាស្រ្ត ពិតមាន១៥ បន្ទប់ ដែលមានសិស្សសរុបចំនួន៣៥៦នាក់ ស្រី១៧២នាក់ និងនៅស្រុករវៀងមាន០២មណ្ឌល គឺវិទ្យាល័យរវៀងជាមណ្ឌលផ្នែកវិទ្យាសាស្រ្តមានចំនួន០៥បន្ទប់ មានបេក្ខជនចំនួន១០៤នាក់ ក្នុង នោះស្រី៥០នាក់ និងមណ្ឌលអនុវិទ្យាល័យរវៀងជាមណ្ឌលផ្នែកសង្គម ដែលមាន០៥បន្ទប់ មានបេក្ខ ជនចំនួន១២១នាក់ ក្នុងនោះមានស្រីចំនួន៥៨នាក់ ។ ដោយឡែកទិដ្ឋភាពនៅវិទ្យា ល័យជាស៊ីម ត្បែងមានជ័យវេលាម៉ោង ៦:៥០នាទីព្រឹក សិស្សានុសិស្សនិងគណៈ កម្មការ ប្រឡងបានអញ្ជើញមក ដល់យ៉ាងច្រើនកុះករ ដែលមានឯកសណ្ឋានជាសិស្ស បានឈរជា ក្រុមតាមមុខបន្ទប់របស់ខ្លួនដើម្បី ត្រៀមខ្លួនចូលបន្ទប់ដើម្បីប្រឡង ។
មានប្រសាសន៍ក្នុងពិធីបើកស្រោមសំបុត្រវិញ្ញាសារ និងបើកការប្រឡងនេះ លោកស្រី ខូយ ប៊ុនថាន អផិបាលរងខេត្ត បានសម្តែងនូវទឹកចិត្តសប្បាយរីករាយ និងផ្តាំផ្ញើរទៅ គណៈកម្មការព្រមទាំងមេប្រយោគ និងបេក្ខជនទាំងអស់ ឱ្យខិតខំបំពេញតួនាទីរបស់ខ្លួន ប្រកបដោយឥរិយា បថ និងសេចក្តីថ្លៃថ្នូដោយប្រកាន់ឱ្យខ្ជាប់នូវតួនាទីភារកិច្ចរបស់ខ្លួន លោកស្រី បានជំរុញដល់សិស្សានុ សិស្សទាំងអស់ខិតខំប្រឹងប្រែងបញ្ចេញឱ្យអស់ពីសមត្ថភាព រំលេចឱ្យ បាននូវខ្លឹមសារដែលប្អូន បាន សិក្សាកន្លងមក មកសរសេរឱ្យបានច្រើនហើយ ប្រកបដោយ ភាពសុក្រិត និងត្រឹមត្រូវជាមួយនេះ សូមប្អូនរក្សាឱ្យបាននូវភាពស្ងៀមស្ងាត់ប្រកាន់ ជាប់នូវ វិន័យក្នុងបន្ទប់ដែលកំពុងប្រឡង និងមិនត្រូវបង្ករឱ្យមានការលំបាកក្នុងការគ្រប់គ្រង របស់គណៈ មេប្រយោគក៍ដូចជាកម្មការប្រឡងនានា ក្នុងមណ្ឌលលោកស្រីអភិបាលខេត្តបានជំរុញ និងលើក ទឹកចិត្តដល់ប្អូនបេក្ខជនទាំងអស់ ត្រូវបង្កើនភាព ក្លាហាន ប្រកបដោយលក្ខណៈវិនិច្ឆ័យនិង ទទួលខុសត្រូវខ្ពស់ មិនត្រូវបណ្តែតបណ្តោយឱ្យពេលវេលា មានតម្លៃនេះកន្លងផុត ឬបាត់ស្មារតី ក្នុងការ ប្រឡងនេះឡើយ ៕
គណៈកម្មាធិការសម្របសម្រួលខ្មែរកម្ពុជាក្រោម ថ្កោសទោសសកម្មភាពញុះញង់នយោបាយ
ភ្នំពេញ: គណៈកម្មាធិការសម្របសម្រួលខ្មែរកម្ពុជាក្រោម នៅកម្ពុជា បានសម្តែងការសោកស្តាយយ៉ាងខ្លាំង ចំពោះរាល់ទង្វើសកម្មភាពរបស់មេដឹកនាំសហព័ន្ធខ្មែរកម្ពុជាក្រោមពិភពលោក ដែលបានប្រើប្រាស់រូបភាព ជាចលនានយោបាយ ញុះញង់ តាមរយៈព្រះសង្ឃខ្មែរកម្ពុជាក្រោមមួយចំនួន។
លោក គឹម វណ្ណឆេង ប្រធានគណៈកម្មាធិការសម្របសម្រួលខ្មែរកម្ពុជាក្រោម បានលើកឡើង នៅក្នុងសេចក្តីថ្លែងការណ៍របស់ខ្លួន នៅថ្ងៃទី៦ ខែសីហា ឆ្នាំ២០១២ ថា លោកមានការរន្ធត់យ៉ាងខ្លាំង ចំពោះករណីដែលបានកើតឡើង កាលពីថ្ងៃទី១ ខែសីហា ឆ្នាំ២០១២ កន្លងមកថ្មីៗនេះ ដែលមានព្រះភិក្ខុនាម ថាច់ ធឿន គង់នៅវត្តសេរីតាសេក ស្រុកត្រាំង ប្រទេសវៀតណាម ព្រះអង្គបានរងគ្រោះ ដោយសារចលនាសហព័ន្ធខ្មែរកម្ពុជាក្រោមពិភពលោក បណ្តាលឲ្យព្រះអង្គលាចាកសិក្ខាបទ ក្នុងករណីទាក់ទិន ជាមួយនឹងសកម្មភាពរបស់សហព័ន្ធខ្មែរកម្ពុជាក្រោមពិភពលោក ដែលព្រះអង្គ មិនអាចប្រកែកបាន។
លោក គឹម វណ្ណឆេង បានចាត់ទុកព្រឹត្តិការណ៍ថ្មី ដែលបានកើតឡើងជាបន្តបន្ទាប់ក្នុងរយៈពេល ៥ ឆ្នាំចុងក្រោយ គឺចាប់ពីថ្ងៃទី៨ ខែកុម្ភៈ ឆ្នាំ២០០៧ រហូតដល់ថ្ងៃ១ ខែសីហា ឆ្នាំ២០១២ ថា ជាសកម្មភាពចលនា នយោបាយបែបស្រមោល របស់សហព័ន្ធខ្មែរកម្ពុជាក្រោមពិភពលោក ដោយកំពុងតែជះឥទ្ធិពលយ៉ាងអាក្រក់ជាទីបំផុត បានធ្វើឲ្យព្រះសង្ឃខ្មែរកម្ពុជាជិត ១០អង្គហើយ ត្រូវបានមន្ត្រីសង្ឃជាន់ខ្ពស់កម្ពុជាក្រោម បានធ្វើការចាប់ផ្សឹកចោលទីវត្តអារាម នេះហើយជាសញ្ញាមួយបានបញ្ជាក់ឲ្យឃើញថា “អស់លោកជាមេដឹកនាំរបស់សហព័ន្ធខ្មែរកម្ពុជាក្រោម កំពុងមានចេតនាចូលរួមបំផ្លាញខឿនវប្បធម៌ ប្រពៃណី វត្តអារាមកេរដំណែលដូនតា ដែលមានពូជសាសន៍របស់ខ្លួន ដោយខ្លួនឯងហើយ។ ពួកយើងទាំងអស់គ្នា សូមធ្វើការប្រឆាំងដាច់ ខាតរាល់ទង្វើបែប ផែនញុះញង់ណាមួយឲ្យមានរូបភាពចលនាបះបោរនៅក្នុងរដ្ឋមួយ ក៍ដូចជាបណ្តាលឲ្យមានអាជ្ញាធរចាប់ខ្លួន ដល់ព្រះសង្ឃព្រះពុទ្ធសាសនា និងប្រជាពលរដ្ឋណាម្នាក់ដាក់ក្នុងពន្ធនាគារបែបនេះតទៅទៀត។
គណៈកម្មាធិការសម្របសម្រួលខ្មែរកម្ពុជាក្រោម ស្នើសុំយ៉ាងទទូចចំពោះរាល់សកម្មភាព ទាំងឡាយរបស់សហព័ន្ធខ្មែរកម្ពុជាក្រោមពិភពលោក ដែលកន្លងមកពួកខ្លួនតែងធ្លាប់បានពឹងផ្អែកនឹងកេងចំណេញ ចលនានយោបាយតាមខ្សែបណ្តាញព្រះសង្ឃខ្មែរកម្ពុជាក្រោមនេះជាបបន្តទៀត ពុំនោះទេ ពួកលោកនឹងត្រូវប្រឈមមុខ ចំពោះទំព័រប្រវត្តិសាស្ត្រនេះ ជាក់ជាពុំខានឡើយ៕
លោក គឹម វណ្ណឆេង ប្រធានគណៈកម្មាធិការសម្របសម្រួលខ្មែរកម្ពុជាក្រោម បានលើកឡើង នៅក្នុងសេចក្តីថ្លែងការណ៍របស់ខ្លួន នៅថ្ងៃទី៦ ខែសីហា ឆ្នាំ២០១២ ថា លោកមានការរន្ធត់យ៉ាងខ្លាំង ចំពោះករណីដែលបានកើតឡើង កាលពីថ្ងៃទី១ ខែសីហា ឆ្នាំ២០១២ កន្លងមកថ្មីៗនេះ ដែលមានព្រះភិក្ខុនាម ថាច់ ធឿន គង់នៅវត្តសេរីតាសេក ស្រុកត្រាំង ប្រទេសវៀតណាម ព្រះអង្គបានរងគ្រោះ ដោយសារចលនាសហព័ន្ធខ្មែរកម្ពុជាក្រោមពិភពលោក បណ្តាលឲ្យព្រះអង្គលាចាកសិក្ខាបទ ក្នុងករណីទាក់ទិន ជាមួយនឹងសកម្មភាពរបស់សហព័ន្ធខ្មែរកម្ពុជាក្រោមពិភពលោក ដែលព្រះអង្គ មិនអាចប្រកែកបាន។
លោក គឹម វណ្ណឆេង បានចាត់ទុកព្រឹត្តិការណ៍ថ្មី ដែលបានកើតឡើងជាបន្តបន្ទាប់ក្នុងរយៈពេល ៥ ឆ្នាំចុងក្រោយ គឺចាប់ពីថ្ងៃទី៨ ខែកុម្ភៈ ឆ្នាំ២០០៧ រហូតដល់ថ្ងៃ១ ខែសីហា ឆ្នាំ២០១២ ថា ជាសកម្មភាពចលនា នយោបាយបែបស្រមោល របស់សហព័ន្ធខ្មែរកម្ពុជាក្រោមពិភពលោក ដោយកំពុងតែជះឥទ្ធិពលយ៉ាងអាក្រក់ជាទីបំផុត បានធ្វើឲ្យព្រះសង្ឃខ្មែរកម្ពុជាជិត ១០អង្គហើយ ត្រូវបានមន្ត្រីសង្ឃជាន់ខ្ពស់កម្ពុជាក្រោម បានធ្វើការចាប់ផ្សឹកចោលទីវត្តអារាម នេះហើយជាសញ្ញាមួយបានបញ្ជាក់ឲ្យឃើញថា “អស់លោកជាមេដឹកនាំរបស់សហព័ន្ធខ្មែរកម្ពុជាក្រោម កំពុងមានចេតនាចូលរួមបំផ្លាញខឿនវប្បធម៌ ប្រពៃណី វត្តអារាមកេរដំណែលដូនតា ដែលមានពូជសាសន៍របស់ខ្លួន ដោយខ្លួនឯងហើយ។ ពួកយើងទាំងអស់គ្នា សូមធ្វើការប្រឆាំងដាច់ ខាតរាល់ទង្វើបែប ផែនញុះញង់ណាមួយឲ្យមានរូបភាពចលនាបះបោរនៅក្នុងរដ្ឋមួយ ក៍ដូចជាបណ្តាលឲ្យមានអាជ្ញាធរចាប់ខ្លួន ដល់ព្រះសង្ឃព្រះពុទ្ធសាសនា និងប្រជាពលរដ្ឋណាម្នាក់ដាក់ក្នុងពន្ធនាគារបែបនេះតទៅទៀត។
គណៈកម្មាធិការសម្របសម្រួលខ្មែរកម្ពុជាក្រោម ស្នើសុំយ៉ាងទទូចចំពោះរាល់សកម្មភាព ទាំងឡាយរបស់សហព័ន្ធខ្មែរកម្ពុជាក្រោមពិភពលោក ដែលកន្លងមកពួកខ្លួនតែងធ្លាប់បានពឹងផ្អែកនឹងកេងចំណេញ ចលនានយោបាយតាមខ្សែបណ្តាញព្រះសង្ឃខ្មែរកម្ពុជាក្រោមនេះជាបបន្តទៀត ពុំនោះទេ ពួកលោកនឹងត្រូវប្រឈមមុខ ចំពោះទំព័រប្រវត្តិសាស្ត្រនេះ ជាក់ជាពុំខានឡើយ៕
Subscribe to:
Posts (Atom)