ភ្នំពេញ ៖ ផ្សារនាគមាសគឺជាផ្សារលក់បន្លែផ្លែឈើឯកជនដ៏ធំមួយស្ថិតក្នុងសង្កាត់ផ្សារដើមគរ ខណ្ឌទួលគោក ហើយផ្សារនេះត្រូវបានគេរិះគន់ថាជាទីផ្សារមួយមានភាពកខ្វក់គ្មានអនាម័យ ហើយការរៀបចំសណ្ដាប់ធ្លាប់ក៏មានលក្ខណៈមិនល្អប្រសើរដែរ។
ដោយមើលលឃើញពីភាពកង្វក់ និងសណ្ដាប់ធ្នាប់សាធារណៈមិនរៀបរយនេះទើបនៅព្រឹកថ្ងៃទី១៧ ខែសីហា ឆ្នាំ២០១២សាលាខណ្ឌទួលគោករួមទាំងប៉ូលិស ប៉េអឹម និង សង្កាត់ផ្សារដើមគរផង បានប្រារព្ធពិធីមួយ ដោយនាំគ្នាដើររើសសំរាមនៅក្នុងបរិវេណផ្សារនេះ ដើម្បីជាការដាស់ស្មារតីឲ្យប្រជាពលរដ្ឋ អាជីវករ ពិសេសលោកប្រធានផ្សារឲ្យចេះធ្វើអនាម័យបរិស្ថាន ដើម្បីឲ្យទីផ្សារទាំងមូលមានសោភ័ណភាពដូចទីផ្សារដទៃទៀតផង។
លោក សេងរតនៈ អភិបាលខណ្ឌទួលគោកដែលបានដឹកនាំមន្ត្រីក្រោមឱវាទប្រមាណ ១០០នាក់ចុះធ្វើពិធីនេះបានមានប្រសាសន៍លើកឡើងថា ផ្សារនាគមាសកន្លងមកមានបញ្ហា១ចំនួនដែលធ្វើឲ្យប្រជាពលរដ្ឋមានការថ្នាំងថ្នាក់ ក្នុងនោះគឺបញ្ហាកង្វះសណ្ដាប់ធ្នាប់ បញ្ហាសំរាមជិះក្លិនស្អុយក្នុងផ្សារ១ដែលបណ្ដាលមកពីការទុកដាក់សំរាមមិនមានសណ្ដាប់ធ្នាប់៕
ស្រីរ័ត្ន