ភ្នំពេញ: តំណាងគណៈកម្មការបណ្ដោះអាសន្ន នៃគណបក្សសង្គ្រោះជាតិ ចំនួន ៣នាក់ បានទៅដាក់លិខិតស្នើសុំចុះបញ្ជីឈ្មោះគណបក្សសង្គ្រោះជាតិ នៅក្រសួងមហាផ្ទៃ កាលពីរសៀលម៉ោង ៣ ថ្ងៃទី១៤ ខែកញ្ញា ឆ្នាំ២០១២។ ក្រសួងមហាផ្ទៃ បានទទួលលិខិតស្នើសុំ ចុះបញ្ជីឈ្មោះ គណបក្សសង្គ្រោះជាតិ រួចហើយ។
សំណុំឯកសារបែបបទ និងស្នាមមេដៃអ្នកគាំទ្រ ចំនួន ៥.៥២៥ នាក់ ដើម្បីស្នើសុំចុះបញ្ជីឈ្មោះគណបក្សសង្គ្រោះជាតិ ត្រូវបានដាក់ទៅកាន់ក្រសួងមហាផ្ទៃ នៅពេលនេះ ជានីតិវិធីជំហានទី២ ដើម្បីឈានដល់ការចុះបញ្ជី ទទួលស្គាល់ជាផ្លូវការ លើគណបក្សសង្គ្រោះជាតិ ដែលមានលោក សម រង្ស៊ី ជាប្រធាន។
លោក ហូរ វ៉ាន់ សមាជិកព្រឹទ្ធសភា របស់គណបក្សសមរង្ស៊ី ដែលបានកាន់សំណុំឯកសារ និងស្នាមមេដៃ ដាក់នៅក្រសួងមហាផ្ទៃ បានឲ្យដឹងថា "នៅថ្ងៃទី១៤ ខែកញ្ញានេះ យើងមកក្រសួងមហាផ្ទៃ ដើម្បីសុំចុះបញ្ជីឈ្មោះ គណបក្សសង្គ្រោះជាតិ ហើយក្រសួងមហាផ្ទៃ ក៏ប្រថាប់ត្រាបានទទួលយករួចហើយ"។
លោក ហូរ វ៉ាន់ បានបន្តថា "យើងត្រូវរង់ចាំការឆ្លើយតបរបស់ក្រសួងមហាផ្ទៃរយៈពេល ១៥ថ្ងៃ ហើយបើសិនជា មានការខ្វះខាតនៅកន្លែងណាមួយនោះ យើងនឹងមកទទួលយក ទៅកែសម្រួល។ ក្រសួងមហាផ្ទៃ មានលទ្ធភាពតាមច្បាប់ គឺអាចពិនិត្យលើសំណុំឯកសារនោះ រហូតដល់ ៣០ថ្ងៃ"។
លោកបានលើកឡើងថា ឯកសារដែលបានយកមកនៅក្រសួងមហាផ្ទៃ គឺមានគ្រប់លក្ខខណ្ឌទាំងអស់ ទៅតាមច្បាប់គណបក្សនយោបាយ។
លោក ហូរ វ៉ាន់ បានឲ្យដឹងថា អ្វីដែលជាលំបាក គឺការដែលយើងរៀបចំសមាជិកគណបក្សសង្គ្រោះជាតិ ចំនួន ៥.៥២៥នាក់ ដែលបានដាក់នៅក្រសួងមហាផ្ទៃ នៅរសៀលថ្ងៃនេះ។ លោកឲ្យដឹងបន្តថា តាមផែនការ ច្បាប់តម្រូវឲ្យមានសមាជិកគាំទ្រ តែ ៤.០០០ នាក់ប៉ុណ្ណោះ ប៉ុន្តែយើងបានដាក់ចូល ដល់ទៅ ៥.៥២៥ នាក់ ដែលជាចំនួនលើសតម្រូវការចាំបាច់ទៅទៀត។
លោក ហូរ វ៉ាន់ បានពន្យល់ថា "នេះគឺជាជំហានទី២ ដោយជំហានទី១ គឺសុំបង្កើតគណបក្សសង្គ្រោះជាតិ ហើយក្រសួងមហាផ្ទៃ បានអនុញ្ញាតរួចហើយ។ កាលណាអនុញ្ញាតហើយ យើងត្រូវរៀបចំជំហានទី២នេះ ដែលត្រូវចុះបញ្ជីគណបក្សនយោបាយ។ ក្រោយពេលបានសុពលភាព ក្នុងការចុះបញ្ជីគណបក្សនយោបាយ ពេលនោះ យើងអាចធ្វើសកម្មភាព និងការលើកស្លាក បានគ្រប់ទីកន្លែង ដោយមិនមានឧបសគ្គអ្វីតទៅទៀតទេ"។
លោក ហូរ វ៉ាន់ បានឲ្យដឹងថា រចនាសម្ព័ន្ធគណបក្សសង្គ្រោះជាតិ គឺលោក សម រង្ស៊ី នឹងធ្វើជាប្រធាន រីឯលោក កឹម សុខា នឹងត្រូវធ្វើជាអនុប្រធានគណបក្ស ទៅតាមស្មារតីព្រមព្រៀង នៅទីក្រុងម៉ានីល ថ្ងៃទី១៧ ខែកក្កដា ឆ្នាំ២០១២។
លោក ហូរ វ៉ាន់ បានបញ្ជាក់បន្ថែមថា “ប៉ុន្តែរឿងនេះ ដល់ពេលសម្រេច ថ្នាក់ដឹកនាំទាំងអស់ គឺគេត្រូវរៀបចំជាសមាជ នោះបានយើងកំណត់ជាផ្លូវការទាំងអស់ ក្រោយពេលដែលយើងបានសុពលភាពក្នុងការរៀបចំចុះបញ្ជីគណបក្សសង្គ្រោះជាតិរួចមក”។
ពាក់ព័ន្ធនឹងករណីលោក សម រង្ស៊ី ដែលជាប្រធានគណបក្សសមរង្ស៊ី ត្រូវបានលោក ហូរ វ៉ាន់ ឲ្យដឹងបន្តថា "តាមមាត្រា ១៥ នៃច្បាប់គណបក្សនយោបាយ សមាជិកម្នាក់ គឺអាចមាននៅគណបក្សច្រើន។ ប៉ុន្តែអ្វីដែលយកជាការបាន គឺកាលណាគាត់ជាសមាជិកគណបក្សណាចុងក្រោយ នោះចាត់ទុកថា សាមីខ្លួនគាត់ ជាសមាជិកនៃគណបក្សនោះហើយ ហើយលោក សម រង្ស៊ី ចុងក្រោយ គាត់ជាសមាជិកគណបក្សសង្គ្រោះជាតិ។ បើគាត់ជាសមាជិកគណបក្សសង្គ្រោះជាតិហើយ ជាស្វ័យប្រវត្តិ គាត់នឹងមិនមែន ជាប្រធានគណបក្សសមរង្ស៊ីតទៅទៀតទេ"។
លោក ហូរ វ៉ាន់ បានអះអាងថា បើទោះបីជាលោក សម រង្ស៊ី នៅជាប់ជាទណ្ឌិតនៅឡើយ តែពុំមានច្បាប់ណា ហាមឃាត់មិនឲ្យលោកសមរង្ស៊ី ធ្វើជាប្រធានគណបក្សនយោបាយឡើយ។
រីឯលោកឧត្តមសេនីយ៍ឯក ខៀវ សុភ័គ ជាអ្នកនាំពាក្យក្រសួងមហាផ្ទៃ បានប្រាប់តាមទូរស័ព្ទនៅរសៀលថ្ងៃទី១៤ ខែកញ្ញា ឆ្នាំ២០១២ ថា ក្រសួងមហាផ្ទៃ បានទទួលយករួចហើយនូវលិខិតស្នើសុំចុះបញ្ជីឈ្មោះគណបក្សសង្គ្រោះជាតិ។
អ្នកនាំពាក្យក្រសួងមហាផ្ទៃ បានឲ្យដឹងថា លិខិតនោះ លោក សម រង្ស៊ី បានចុះហត្ថលេខា នៅថ្ងៃទី១៤ ខែកញ្ញា ឆ្នាំ២០១២ តែមិនបានដាក់ថា ធ្វើនៅទីកន្លែងណាទេ។
លោក ខៀវ សុភ័គ បានបញ្ជាក់ថា “បើសិន គាត់ចុះហត្ថលេខា ពីហ្វីលីពីន បានសេចក្ដីថា គាត់ផ្ញើពីហ្វីលីពីន មកដល់ក្រសួងមហាផ្ទៃភ្លាម? ព្រោះគាត់ ចុះហត្ថលេខា នៅថ្ងៃទី១៤ ខែកញ្ញា ឆ្នាំ២០១២ តែសាមីខ្លួន (លោកសមរង្ស៊ី) គាត់អត់នៅស្រុកខ្មែរទេ។ អ៊ីចឹងយើងមិនដឹងថា គាត់ធ្វើនៅឯណាដែរ? កន្លែងហ្នឹងចំហចោល។ តែមិនអីទេ ក្រសួងមហាផ្ទៃ បានទទួលហើយនូវសំណុំឯកសារ និងស្នាមមេដៃនោះ”។
លោក ខៀវ សុភ័គ បានបន្ថែមថា ក្រសួងមហាផ្ទៃ នៅមានរយៈពេល ១ខែ ដើម្បីពិនិត្យមើលឯកសារនេះ ហើយឆ្លើយតបថា ចុះសុពលភាពបាន ឬមិនបាន។ ក្នុងរយៈពេល ១ខែនេះ គឺក្រសួងមហាផ្ទៃ ពិនិត្យលក្ខន្តិកៈរបស់គណបក្សសង្គ្រោះជាតិ ថាបានតាក់តែង ស្របតាមរដ្ឋធម្មនុញ្ញ ឬក៏យ៉ាងណា៕
Friday, September 14, 2012
ក្រុមសិទ្ធិមនុស្សថា ពុំមានភស្ដុតាង និងសាក្សី ដាក់បន្ទុកលោក ម៉ម សូណង់ដូ ទេ
ភ្នំពេញ: ក្រុមមន្ត្រីសិទ្ធិមនុស្ស ដែលបានចូលរួមតាមដានសវនាការ កាត់ទោសលោក ម៉ម សូណង់ដូ ដែលបានបិទបញ្ចប់នៅព្រឹកថ្ងៃសុក្រ ទី១៤ ខែកញ្ញា ឆ្នាំ២០១២ បានអះអាងថា តាមភស្ដុតាង និងសាក្សី ពុំមានអ្វី ដែលអាចដាក់បន្ទុក ចោទប្រកាន់ឲ្យលោក ម៉ម សូណង់ដូ នាយកវិទ្យុសំបុកឃ្មុំ និងជាប្រធានសមាគមអ្នកប្រជាធិតេយ្យ មានទោសបានឡើយ។
លោក ម៉ម សូណង់ដូ រងនូវបទចោទប្រកាន់ថា បង្កើតតំបន់អបគមន៍ ប្រឆាំងរដ្ឋាភិបាល តាមរយៈជម្លោះដីធ្លីមួយ នៅខេត្តក្រចេះ។
លោក យ៉េង វីរៈ ប្រធានមជ្ឈមណ្ឌលអប់រំច្បាប់ សម្រាប់សហគមន៍ បាននិយាយថា ក្នុងប្រទេសកម្ពុជា សព្វថ្ងៃនេះ គ្មានបុគ្គលណាម្នាក់ ទៅថ្លើមពាសមេឃ ហ៊ានទៅប្រឆាំង ជាមួយរដ្ឋាភិបាលសម្ដេចតេជោ។
លោក យ៉េង វីរៈ ដែលធ្លាប់ជាប់ពន្ធនាគារជាមួយលោកម៉មសូណង់ដូ ក្នុងរឿងរិះគន់រដ្ឋាភិបាល កាលពីចុងឆ្នាំ២០០៥ បានបញ្ជាក់ថា “អាងស្អី កម្លាំងស្អី ទៅហ៊ានប្រឆាំងជារដ្ឋាភិបាលសម្ដេចតេជោ រាល់ថ្ងៃនេះ។ វាទៅអត់រួច!។ កាំភ្លើងអា៤០ កាណុង បាញ់បង្ហាញឲ្យយើងឃើញគ្រប់គ្នា អស់ហើយ។ ជញ្ជ្រុំខ្ទេច។ ដូច្នេះគ្មានអាណា ទៅហ៊ានទៅ បែបអបគមន៍ទេ នៅសម័យនេះ។ ចោទអារឿងអបគមន៍ វាអត់ត្រឹមត្រូវ”។
លោក យ៉េង វីរៈ ដែលចូលរួមស្ដាប់សវនាការ កាលពីព្រឹកមិញនេះ បាននិយាយថា តាមការស្ដាប់នៅក្នុងសវនាការ លោក ម៉ម សូណង់ដូ មិនមានពាក់ព័ន្ធក្នុងបង្កើតតំបន់អបគមន៍ទេ ហើយក៏មានការទាញលោក ម៉ម សូណង់ដូ ថាមានទំនាក់ទំនងជាមួយលោក សួន សេរីរដ្ឋា ប្រធានចលនាអំណាចប្រជាពលរដ្ឋបន្ថែមទៀត។
លោកបន្ថែមទៀតថា ក្នុងសវនាការជំនុំជម្រះសំណុំរឿងលោក ម៉ម សូណង់ដូ ក្នុងការស្ដាប់ចម្លើយរបស់សាក្សី និងភស្ដុតាងនានា ឃើញថា មានមតិសង្ស័យច្រើនណាស់។
លោក យ៉េង វីរៈ បានបញ្ជាក់ថា “ខ្ញុំជឿថា តុលាការនឹងធ្វើការសម្រេច ដោយស្មារតីឯករាជ្យ ហើយធ្វើឲ្យសេចក្ដីសម្រេច នឹងត្រូវបានគេទទួលស្គាល់ គឺមិនឋិតនៅក្រោមសម្ពោធនយោបាយ”។
លោកបានអំពាវនាវឲ្យតុលាការ ធ្វើសេចក្ដីសម្រេចទៅតាមអង្គហេតុ និងអង្គច្បាប់ ឲ្យមានយុត្តិធម៌ពិត ឲ្យមើលឃើញថា តុលាការ គឺជាកន្លែងអាចរកយុត្តិធម៌បាន។
ជាមួយគ្នានេះ លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា ដែលបានចូលរួមស្ដាប់សវនាការដែរនោះ បាននិយាយថា មកដល់ថ្ងៃនេះ ទាំងសាក្សី និងទាំងភស្ដុតាង គ្មានអ្វីទាំងអស់ ដែលភ្ជាប់លោក ម៉ម សូណង់ដូ ទៅនឹងព្រឹត្តិការណ៍ជម្លោះដីធ្លី នៅខេត្តក្រចេះឡើយ។
សកម្មជនសិទ្ធិមនុស្ស លោក អ៊ូ វីរៈ បានសម្ដែងនូវការសោកស្ដាយយ៉ាងដូច្នេះថា “ការលើកឡើងដោយព្រះរាជអាជ្ញា ជារឿងមួយ ដែលសោកស្ដាយមែនទែន ព្រោះអី លោកព្រះរាជអាជ្ញា បានលើកឡើងអ្វី ដែលមិនមានជាភស្ដុតាង ដែលអាចប្រើប្រាស់ក្នុងប្រព័ន្ធតុលាការបាន ជាផ្លូវច្បាប់បានទេ។ ដូច្នេះយើងមើល។ ចំពោះខ្ញុំ គឺលោក ម៉ម សូណង់ដូ ត្រូវតែ ត្រូវបានដោះលែង ត្រូវបានរួចទោស។ ខ្ញុំមើលទៅ អត់មានភស្ដុតាងអីទាំងអស់”។
ប្រធានមជ្ឈមណ្ឌលសិទ្ធិមនុស្សកម្ពុជារូបនេះ ក៏បានលើកឡើងថា ក្នុងរយៈពេល ៤ថ្ងៃនេះ លោកបានសង្កេតមើលតុលាការថា បានប្រព្រឹត្តទៅដោយដំណើរការល្អ។
លោក អ៊ូ វីរៈ បានកោតសរសើរចំពោះដំណើរការរបស់តុលាការ ដោយមើលឃើញថា បានផ្ដល់ឱកាសដល់សាក្សី ជនជាប់ចោទ និងព្រះរាជអាជ្ញា នៃភាគីទាំងសងខាង ក្នុងការសួរដេញដោលទៅវិញទៅមក។ លោកសង្ឃឹមថា ការសម្រេចរបស់តុលាការ នឹងពឹងផ្អែកទៅលើភស្ដុតាង និងដើមហេតុច្បាប់ ដោយមិនពឹងផ្អែកលើការសម្រេចចិត្ត នយោបាយទេ។
ចំណែកលោកស្រី ឌិន សុផាណារ៉ា ភរិយាលោក ម៉ម សូណង់ដូ ដោយច្រានចោលនូវរាល់ការចោទប្រកាន់ ក៏បានសង្ឃឹមថា តុលាការ នៅថ្ងៃទី១ ខែតុលា ខាងមុខ នឹងផ្ដល់យុត្តិធម៌ ជូនស្វាមីរបស់លោកស្រី។
សូមរម្លឹកថា សវនាការកាត់ទោសលោក ម៉ម សូណង់ដូ បានបញ្ចប់ នៅវេលាម៉ោង ១២ ថ្ងៃទី១៤ ខែកញ្ញា ឆ្នាំ២០១២។ រីឯសាលក្រម នឹងត្រូវប្រកាស នៅថ្ងៃទី១ ខែតុលា ឆ្នាំ២០១២។
ក្នុងចេញពីបន្ទប់សវនាការ ឆ្មាំពន្ធនាគារព្រៃស បានរារាំងអ្នកកាសែត មិនឲ្យសួរនាំលោក ម៉ម សូណង់ដូ ដែលដៃម្ខាងជាប់ខ្នោះ ជាមួយនឹងជនជាប់ចោទម្នាក់ផ្សេងទៀតទេ។ រីឯក្រុមគ្រួសារជនជាប់ចោទដទៃទៀត ដែលរង់ចាំនៅកន្លែងរបាំងប៉ូលិសបិទផ្លូវ ក៏បានច្រានចោលការចោទប្រកាន់ និងស្រែកទាមទារឲ្យតុលាការដោះលែងលោក ម៉ម សូណង់ដូ ព្រមទាំងជនជាប់ចោទសរុបចំនួន ១៤នាក់ រាប់ទាំងឈ្មោះ ប៊ុន រដ្ឋា ដែលកំពុងគេចខ្លួន។
សាលាដំបូងរាជធានីភ្នំពេញ កាលពីព្រឹកថ្ងៃសុក្រ ទី១៤ ខែកញ្ញា ឆ្នាំ២០១២ បានបន្តសវនាការលើសំណុំរឿងក្តីលោក ម៉ម សូណង់ដូ និងជនជាប់ចោទ ដែលមានវត្តមានក្នុងតុលាការ ចំនួន ១០នាក់ ក្នុងបញ្ហាជម្លោះដី បង្កើតតំបន់អបគមន៍ នៅខេត្តក្រចេះ ដើម្បីប្រឆាំងរដ្ឋាភិបាល។ សវនាការនៅព្រឹកនេះ ឈានចូលដល់ការធ្វើសន្និដ្ឋានបិទសវនាការ របស់ភាគីមេធាវី និងភាគីព្រះរាជអាជ្ញា ជាតំណាងអយ្យការ។
ចាប់តាំងពីសវនាការកាត់ទោសលោក ម៉ម សូណង់ដូ និងជនជាប់ចោទដទៃទៀត កាលពីថ្ងៃទី១១ ខែកញ្ញា ឆ្នាំ២០១២ មកដល់ថ្ងៃទី១៣ ខែកញ្ញា ឆ្នាំ២០១២ គឺមានជនជាប់ចោទ ១០នាក់ រាប់ទាំងលោក ម៉ម សូណង់ដូ ត្រូវបានតុលាការសួរដេញដោល។ ក្នុងនោះ មានសាក្សី ដែលមានចំនួនសរុប ២៣នាក់ ក៏ត្រូវបានសួរនាំ។
សំណុំរឿងក្តីជម្លោះដីធ្លី បង្កើតតំបន់អបគមន៍ ប្រឆាំងរដ្ឋាភិបាល នៅខេត្តក្រចេះ ត្រូវបានបើកសវនាការ ចាប់តាំងពីថ្ងៃអង្គារ ទី១១ ខែកញ្ញា ឆ្នាំ២០១២ ដោយមានជនជាប់ចោទសរុបចំនួន ១៤នាក់ រាប់ទាំងលោក ម៉ម សូណង់ដូ និងឈ្មោះ ប៊ុន រដ្ឋា ដែលកំពុងគេចខ្លួន។
ក្នុងសវនាការនៅថ្ងៃព្រហស្បតិ៍ ទី១៣ ខែកញ្ញា ឆ្នាំ២០១២ សាក្សីដែលជាប៉ូលិសក្រសួងមហាផ្ទៃ បានបង្ហាញឯកសារភស្តុតាង នៃទំនាក់ទំនងរបស់លោក ម៉ម សូណង់ដូ និងលោក សួន សេរីរដ្ឋា ប្រធានចលនាអំណាចប្រជាពលរដ្ឋ។
ក្នុងរឿងក្តីជម្លោះដីធ្លី នៅខេត្តក្រចេះ តុលាការបានចោទប្រកាន់លោក ម៉ម សូណង់ដូ ក្នុងបទល្មើស ៤ ករណី រួមមាន៖ ទី១-បទផ្តួចផ្តើមគំនិតប្រឆាំងអ្នករាជការសាធារណៈ ទី២-ធ្វើកុបកម្ម ជ្រៀតជ្រែកខុសច្បាប់ នៅក្នុងការបំពេញមុខងារសាធារណៈ ទី៣-ញុះញង់ឲ្យប្រជាពលរដ្ឋ កាន់កាប់អាវុធខុសច្បាប់ និងទី៤-ប្រឆាំងនឹងអាជ្ញាធរស្របច្បាប់ ដែលមានចែងក្នុងមាត្រាមួយចំនួន នៃក្រមព្រហ្មទណ្ឌ។
ការចោទប្រកាន់លោក ម៉ម សូណង់ដូ ដែលត្រូវបានចាប់ឃុំខ្លួន កាលពីថ្ងៃទី១៥ ខែកក្កដា ឆ្នាំ២០១២ គឺតុលាការបានភ្ជាប់នឹងករណីជម្លោះដី ដែលបង្កឡើងដោយប្រជាពលរដ្ឋមួយក្រុម ដែលជាសាខាសមាគមអ្នកប្រជាធិបតេយ្យ នៅក្នុងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។ ករណីជម្លោះដីនោះ ត្រូវបានអាជ្ញាធររដ្ឋាភិបាលចោទប្រកាន់ថា អ្នកទាំងនោះចាប់ដីរដ្ឋ បង្កើតតំបន់អបគមន៍ ហើយត្រូវបានរដ្ឋាភិបាលបង្ក្រាប និងបណ្តេញចេញ កាលពីថ្ងៃទី១៦ ខែឧសភា ឆ្នាំ២០១២ បណ្តាលឲ្យក្មេងស្រីម្នាក់ស្លាប់ និងមនុស្សជាច្រើនបានរត់គេចខ្លួន ពីការតាមចាប់របស់តុលាការខេត្តក្រចេះ។ ក្រោយមក សំណុំរឿងនោះ ត្រូវបានផ្ទេរមកសាលាដំបូងរាជធានីភ្នំពេញ៕
លោក ម៉ម សូណង់ដូ រងនូវបទចោទប្រកាន់ថា បង្កើតតំបន់អបគមន៍ ប្រឆាំងរដ្ឋាភិបាល តាមរយៈជម្លោះដីធ្លីមួយ នៅខេត្តក្រចេះ។
លោក យ៉េង វីរៈ ប្រធានមជ្ឈមណ្ឌលអប់រំច្បាប់ សម្រាប់សហគមន៍ បាននិយាយថា ក្នុងប្រទេសកម្ពុជា សព្វថ្ងៃនេះ គ្មានបុគ្គលណាម្នាក់ ទៅថ្លើមពាសមេឃ ហ៊ានទៅប្រឆាំង ជាមួយរដ្ឋាភិបាលសម្ដេចតេជោ។
លោក យ៉េង វីរៈ ដែលធ្លាប់ជាប់ពន្ធនាគារជាមួយលោកម៉មសូណង់ដូ ក្នុងរឿងរិះគន់រដ្ឋាភិបាល កាលពីចុងឆ្នាំ២០០៥ បានបញ្ជាក់ថា “អាងស្អី កម្លាំងស្អី ទៅហ៊ានប្រឆាំងជារដ្ឋាភិបាលសម្ដេចតេជោ រាល់ថ្ងៃនេះ។ វាទៅអត់រួច!។ កាំភ្លើងអា៤០ កាណុង បាញ់បង្ហាញឲ្យយើងឃើញគ្រប់គ្នា អស់ហើយ។ ជញ្ជ្រុំខ្ទេច។ ដូច្នេះគ្មានអាណា ទៅហ៊ានទៅ បែបអបគមន៍ទេ នៅសម័យនេះ។ ចោទអារឿងអបគមន៍ វាអត់ត្រឹមត្រូវ”។
លោក យ៉េង វីរៈ ដែលចូលរួមស្ដាប់សវនាការ កាលពីព្រឹកមិញនេះ បាននិយាយថា តាមការស្ដាប់នៅក្នុងសវនាការ លោក ម៉ម សូណង់ដូ មិនមានពាក់ព័ន្ធក្នុងបង្កើតតំបន់អបគមន៍ទេ ហើយក៏មានការទាញលោក ម៉ម សូណង់ដូ ថាមានទំនាក់ទំនងជាមួយលោក សួន សេរីរដ្ឋា ប្រធានចលនាអំណាចប្រជាពលរដ្ឋបន្ថែមទៀត។
លោកបន្ថែមទៀតថា ក្នុងសវនាការជំនុំជម្រះសំណុំរឿងលោក ម៉ម សូណង់ដូ ក្នុងការស្ដាប់ចម្លើយរបស់សាក្សី និងភស្ដុតាងនានា ឃើញថា មានមតិសង្ស័យច្រើនណាស់។
លោក យ៉េង វីរៈ បានបញ្ជាក់ថា “ខ្ញុំជឿថា តុលាការនឹងធ្វើការសម្រេច ដោយស្មារតីឯករាជ្យ ហើយធ្វើឲ្យសេចក្ដីសម្រេច នឹងត្រូវបានគេទទួលស្គាល់ គឺមិនឋិតនៅក្រោមសម្ពោធនយោបាយ”។
លោកបានអំពាវនាវឲ្យតុលាការ ធ្វើសេចក្ដីសម្រេចទៅតាមអង្គហេតុ និងអង្គច្បាប់ ឲ្យមានយុត្តិធម៌ពិត ឲ្យមើលឃើញថា តុលាការ គឺជាកន្លែងអាចរកយុត្តិធម៌បាន។
ជាមួយគ្នានេះ លោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា ដែលបានចូលរួមស្ដាប់សវនាការដែរនោះ បាននិយាយថា មកដល់ថ្ងៃនេះ ទាំងសាក្សី និងទាំងភស្ដុតាង គ្មានអ្វីទាំងអស់ ដែលភ្ជាប់លោក ម៉ម សូណង់ដូ ទៅនឹងព្រឹត្តិការណ៍ជម្លោះដីធ្លី នៅខេត្តក្រចេះឡើយ។
សកម្មជនសិទ្ធិមនុស្ស លោក អ៊ូ វីរៈ បានសម្ដែងនូវការសោកស្ដាយយ៉ាងដូច្នេះថា “ការលើកឡើងដោយព្រះរាជអាជ្ញា ជារឿងមួយ ដែលសោកស្ដាយមែនទែន ព្រោះអី លោកព្រះរាជអាជ្ញា បានលើកឡើងអ្វី ដែលមិនមានជាភស្ដុតាង ដែលអាចប្រើប្រាស់ក្នុងប្រព័ន្ធតុលាការបាន ជាផ្លូវច្បាប់បានទេ។ ដូច្នេះយើងមើល។ ចំពោះខ្ញុំ គឺលោក ម៉ម សូណង់ដូ ត្រូវតែ ត្រូវបានដោះលែង ត្រូវបានរួចទោស។ ខ្ញុំមើលទៅ អត់មានភស្ដុតាងអីទាំងអស់”។
ប្រធានមជ្ឈមណ្ឌលសិទ្ធិមនុស្សកម្ពុជារូបនេះ ក៏បានលើកឡើងថា ក្នុងរយៈពេល ៤ថ្ងៃនេះ លោកបានសង្កេតមើលតុលាការថា បានប្រព្រឹត្តទៅដោយដំណើរការល្អ។
លោក អ៊ូ វីរៈ បានកោតសរសើរចំពោះដំណើរការរបស់តុលាការ ដោយមើលឃើញថា បានផ្ដល់ឱកាសដល់សាក្សី ជនជាប់ចោទ និងព្រះរាជអាជ្ញា នៃភាគីទាំងសងខាង ក្នុងការសួរដេញដោលទៅវិញទៅមក។ លោកសង្ឃឹមថា ការសម្រេចរបស់តុលាការ នឹងពឹងផ្អែកទៅលើភស្ដុតាង និងដើមហេតុច្បាប់ ដោយមិនពឹងផ្អែកលើការសម្រេចចិត្ត នយោបាយទេ។
ចំណែកលោកស្រី ឌិន សុផាណារ៉ា ភរិយាលោក ម៉ម សូណង់ដូ ដោយច្រានចោលនូវរាល់ការចោទប្រកាន់ ក៏បានសង្ឃឹមថា តុលាការ នៅថ្ងៃទី១ ខែតុលា ខាងមុខ នឹងផ្ដល់យុត្តិធម៌ ជូនស្វាមីរបស់លោកស្រី។
សូមរម្លឹកថា សវនាការកាត់ទោសលោក ម៉ម សូណង់ដូ បានបញ្ចប់ នៅវេលាម៉ោង ១២ ថ្ងៃទី១៤ ខែកញ្ញា ឆ្នាំ២០១២។ រីឯសាលក្រម នឹងត្រូវប្រកាស នៅថ្ងៃទី១ ខែតុលា ឆ្នាំ២០១២។
ក្នុងចេញពីបន្ទប់សវនាការ ឆ្មាំពន្ធនាគារព្រៃស បានរារាំងអ្នកកាសែត មិនឲ្យសួរនាំលោក ម៉ម សូណង់ដូ ដែលដៃម្ខាងជាប់ខ្នោះ ជាមួយនឹងជនជាប់ចោទម្នាក់ផ្សេងទៀតទេ។ រីឯក្រុមគ្រួសារជនជាប់ចោទដទៃទៀត ដែលរង់ចាំនៅកន្លែងរបាំងប៉ូលិសបិទផ្លូវ ក៏បានច្រានចោលការចោទប្រកាន់ និងស្រែកទាមទារឲ្យតុលាការដោះលែងលោក ម៉ម សូណង់ដូ ព្រមទាំងជនជាប់ចោទសរុបចំនួន ១៤នាក់ រាប់ទាំងឈ្មោះ ប៊ុន រដ្ឋា ដែលកំពុងគេចខ្លួន។
សាលាដំបូងរាជធានីភ្នំពេញ កាលពីព្រឹកថ្ងៃសុក្រ ទី១៤ ខែកញ្ញា ឆ្នាំ២០១២ បានបន្តសវនាការលើសំណុំរឿងក្តីលោក ម៉ម សូណង់ដូ និងជនជាប់ចោទ ដែលមានវត្តមានក្នុងតុលាការ ចំនួន ១០នាក់ ក្នុងបញ្ហាជម្លោះដី បង្កើតតំបន់អបគមន៍ នៅខេត្តក្រចេះ ដើម្បីប្រឆាំងរដ្ឋាភិបាល។ សវនាការនៅព្រឹកនេះ ឈានចូលដល់ការធ្វើសន្និដ្ឋានបិទសវនាការ របស់ភាគីមេធាវី និងភាគីព្រះរាជអាជ្ញា ជាតំណាងអយ្យការ។
ចាប់តាំងពីសវនាការកាត់ទោសលោក ម៉ម សូណង់ដូ និងជនជាប់ចោទដទៃទៀត កាលពីថ្ងៃទី១១ ខែកញ្ញា ឆ្នាំ២០១២ មកដល់ថ្ងៃទី១៣ ខែកញ្ញា ឆ្នាំ២០១២ គឺមានជនជាប់ចោទ ១០នាក់ រាប់ទាំងលោក ម៉ម សូណង់ដូ ត្រូវបានតុលាការសួរដេញដោល។ ក្នុងនោះ មានសាក្សី ដែលមានចំនួនសរុប ២៣នាក់ ក៏ត្រូវបានសួរនាំ។
សំណុំរឿងក្តីជម្លោះដីធ្លី បង្កើតតំបន់អបគមន៍ ប្រឆាំងរដ្ឋាភិបាល នៅខេត្តក្រចេះ ត្រូវបានបើកសវនាការ ចាប់តាំងពីថ្ងៃអង្គារ ទី១១ ខែកញ្ញា ឆ្នាំ២០១២ ដោយមានជនជាប់ចោទសរុបចំនួន ១៤នាក់ រាប់ទាំងលោក ម៉ម សូណង់ដូ និងឈ្មោះ ប៊ុន រដ្ឋា ដែលកំពុងគេចខ្លួន។
ក្នុងសវនាការនៅថ្ងៃព្រហស្បតិ៍ ទី១៣ ខែកញ្ញា ឆ្នាំ២០១២ សាក្សីដែលជាប៉ូលិសក្រសួងមហាផ្ទៃ បានបង្ហាញឯកសារភស្តុតាង នៃទំនាក់ទំនងរបស់លោក ម៉ម សូណង់ដូ និងលោក សួន សេរីរដ្ឋា ប្រធានចលនាអំណាចប្រជាពលរដ្ឋ។
ក្នុងរឿងក្តីជម្លោះដីធ្លី នៅខេត្តក្រចេះ តុលាការបានចោទប្រកាន់លោក ម៉ម សូណង់ដូ ក្នុងបទល្មើស ៤ ករណី រួមមាន៖ ទី១-បទផ្តួចផ្តើមគំនិតប្រឆាំងអ្នករាជការសាធារណៈ ទី២-ធ្វើកុបកម្ម ជ្រៀតជ្រែកខុសច្បាប់ នៅក្នុងការបំពេញមុខងារសាធារណៈ ទី៣-ញុះញង់ឲ្យប្រជាពលរដ្ឋ កាន់កាប់អាវុធខុសច្បាប់ និងទី៤-ប្រឆាំងនឹងអាជ្ញាធរស្របច្បាប់ ដែលមានចែងក្នុងមាត្រាមួយចំនួន នៃក្រមព្រហ្មទណ្ឌ។
ការចោទប្រកាន់លោក ម៉ម សូណង់ដូ ដែលត្រូវបានចាប់ឃុំខ្លួន កាលពីថ្ងៃទី១៥ ខែកក្កដា ឆ្នាំ២០១២ គឺតុលាការបានភ្ជាប់នឹងករណីជម្លោះដី ដែលបង្កឡើងដោយប្រជាពលរដ្ឋមួយក្រុម ដែលជាសាខាសមាគមអ្នកប្រជាធិបតេយ្យ នៅក្នុងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។ ករណីជម្លោះដីនោះ ត្រូវបានអាជ្ញាធររដ្ឋាភិបាលចោទប្រកាន់ថា អ្នកទាំងនោះចាប់ដីរដ្ឋ បង្កើតតំបន់អបគមន៍ ហើយត្រូវបានរដ្ឋាភិបាលបង្ក្រាប និងបណ្តេញចេញ កាលពីថ្ងៃទី១៦ ខែឧសភា ឆ្នាំ២០១២ បណ្តាលឲ្យក្មេងស្រីម្នាក់ស្លាប់ និងមនុស្សជាច្រើនបានរត់គេចខ្លួន ពីការតាមចាប់របស់តុលាការខេត្តក្រចេះ។ ក្រោយមក សំណុំរឿងនោះ ត្រូវបានផ្ទេរមកសាលាដំបូងរាជធានីភ្នំពេញ៕
កម្ពុជាគាំទ្រចិន ចូលរួមកិច្ចប្រជុំឧត្តមមន្ត្រីអាស៊ាន-ចិន ក្រៅផ្លូវការ នៅថៃ នាខែតុលា
ភ្នំពេញ: កិច្ចប្រជុំពិគ្រោះយោបល់ក្រៅផ្លូវការ ស្តីពីសមុទ្រចិនខាងត្បូង មានការចូលរួមពីសំណាក់អនុរដ្ឋមន្ត្រីការបរទេសចិន លោក ឆួយ ធានខាយ (CUI TIAN KAI) អនុរដ្ឋមន្ត្រីក្រសួងការបរទេសចិន ជាមួយឧត្តមមន្ត្រីអាស៊ាន នៅរាជធានីភ្នំពេញ កាលពីរសៀលថ្ងៃទី១៣ ខែកញ្ញា ឆ្នាំ២០១២។ កម្ពុជា ក្នុងឋានៈជាប្រធានអាស៊ាន បានប្រកាន់ជំហរអព្យាក្រឹត ពាក់ព័ន្ធនឹងបញ្ហាសមុទ្រចិនខាងត្បូងនោះ។
លោកស្រី សឿង រដ្ឋចាវី រដ្ឋលេខាធិការក្រសួងការបរទេសកម្ពុជា បានមានប្រសាសន៍ថា កិច្ចប្រជុំពិគ្រោះយោបល់ក្រៅផ្លូវការ ស្តីពីសមុទ្រចិនខាងត្បូង កាលពីល្ងាចថ្ងៃទី១៣ ខែកញ្ញា មានការពិគ្រោះយោបល់រលូនល្អណាស់។ នៅក្នុងកិច្ចប្រជុំនោះ ប្រទេសនៅក្នុងអាស៊ានបានឯកភាព ដោយបានសង្កត់ធ្ងន់នូវសារៈសំខាន់ នៃការអនុវត្តន៍សេចក្តីថ្លែងការណ៍ ស្តីពីការប្រតិបត្តិរបស់ភាគីនៃសមុទ្រចិនខាងត្បូង DOC ឲ្យមានប្រសិទ្ធភាព និងឲ្យបានពេញលេញ ដើម្បីឈានទៅបង្កើតក្រមប្រតិបត្តិសម្រាប់សមុទ្រចិនខាងត្បូង COC។
លោកស្រីបានឲ្យដឹងបន្តទៀតថា នៅក្នុងកិច្ចប្រនោះដែរ ភាគីថៃក៏បានលើកសំណើឲ្យមានកិច្ចប្រជុំឧត្តមមន្ត្រីអាស៊ាន-ចិន ក្រៅផ្លូវការមួយ នៅប្រទេសថៃ នៅក្នុងអំឡុងខែតុលា ឆ្នាំ២០១២ ខាងមុខ ហើយកម្ពុជាបានគាំទ្រឲ្យមានកិច្ចប្រជុំនោះដែរ។
លោកស្រីបានបញ្ជាក់ថា កិច្ចប្រជុំនោះមិនមែនមានន័យថា សម្រាប់តែជជែកលើ COC នោះទេ កិច្ចប្រជុំនោះនឹងពិនិត្យមើលជារួម ជាពិសេសកិច្ចសហប្រតិបត្តិការអាស៊ាន-ចិន យ៉ាងទូលំទូលាយ ហើយក្នុងនោះដែរ នឹងមានកិច្ចពិភាក្សាអំពីការអនុវត្តន៍ DOC ឈានទៅដល់ការតាក់តែង COC។
លោកស្រី សឿង រដ្ឋចាវី បានបញ្ជាក់ផងដែរថា “ចិនគាត់បានបង្ហាញឆន្ទៈ ក្នុងការខិតខំធ្វើយ៉ាងណាពង្រឹងទំនុកចិត្តរវាងគ្នា និងគ្នា ឲ្យបានស៊ីជម្រៅ បើកាលណាយើងអត់មានទំនុកចិត្តជាមួយគ្នា ឬមិនសូវមានកិច្ចសហប្រតិបត្តិការនេះ ការឈានទៅសម្រេច COC មានការលំបាក ដូច្នេះទាល់តែយើងពង្រឹងទំនុកចិត្ត កិច្ចសហប្រតិបត្តិការ ឲ្យបានខ្លាំង ដើម្បីជំរុញការអនុវត្តន៍ DOC ឲ្យមានប្រសិទ្ធភាពឲ្យបានពេញលេញ សម្រាប់ឈានទៅការបង្កើត COC”។
គួររម្លឹកដែរថា ក្នុងពេលថ្មីៗនេះ លោកនាយករដ្ឋមន្ត្រីចិន បានអរគុណប្រទេសកម្ពុជា ចំពោះការគាំទ្ររបស់ខ្លួន នៅក្នុងប្លុកតំបន់អាស៊ីភាគអាគ្នេយ៍ បន្ទាប់ពីមានភាពតានតឹងរវាងរដ្ឋាភិបាលក្រុងប៉េកាំង និងបណ្តាប្រទេសមួយចំនួន អំពីជម្លោះទឹកដីនៅសមុទ្រចិនខាងត្បូង៕
លោកស្រី សឿង រដ្ឋចាវី រដ្ឋលេខាធិការក្រសួងការបរទេសកម្ពុជា បានមានប្រសាសន៍ថា កិច្ចប្រជុំពិគ្រោះយោបល់ក្រៅផ្លូវការ ស្តីពីសមុទ្រចិនខាងត្បូង កាលពីល្ងាចថ្ងៃទី១៣ ខែកញ្ញា មានការពិគ្រោះយោបល់រលូនល្អណាស់។ នៅក្នុងកិច្ចប្រជុំនោះ ប្រទេសនៅក្នុងអាស៊ានបានឯកភាព ដោយបានសង្កត់ធ្ងន់នូវសារៈសំខាន់ នៃការអនុវត្តន៍សេចក្តីថ្លែងការណ៍ ស្តីពីការប្រតិបត្តិរបស់ភាគីនៃសមុទ្រចិនខាងត្បូង DOC ឲ្យមានប្រសិទ្ធភាព និងឲ្យបានពេញលេញ ដើម្បីឈានទៅបង្កើតក្រមប្រតិបត្តិសម្រាប់សមុទ្រចិនខាងត្បូង COC។
លោកស្រីបានឲ្យដឹងបន្តទៀតថា នៅក្នុងកិច្ចប្រនោះដែរ ភាគីថៃក៏បានលើកសំណើឲ្យមានកិច្ចប្រជុំឧត្តមមន្ត្រីអាស៊ាន-ចិន ក្រៅផ្លូវការមួយ នៅប្រទេសថៃ នៅក្នុងអំឡុងខែតុលា ឆ្នាំ២០១២ ខាងមុខ ហើយកម្ពុជាបានគាំទ្រឲ្យមានកិច្ចប្រជុំនោះដែរ។
លោកស្រីបានបញ្ជាក់ថា កិច្ចប្រជុំនោះមិនមែនមានន័យថា សម្រាប់តែជជែកលើ COC នោះទេ កិច្ចប្រជុំនោះនឹងពិនិត្យមើលជារួម ជាពិសេសកិច្ចសហប្រតិបត្តិការអាស៊ាន-ចិន យ៉ាងទូលំទូលាយ ហើយក្នុងនោះដែរ នឹងមានកិច្ចពិភាក្សាអំពីការអនុវត្តន៍ DOC ឈានទៅដល់ការតាក់តែង COC។
លោកស្រី សឿង រដ្ឋចាវី បានបញ្ជាក់ផងដែរថា “ចិនគាត់បានបង្ហាញឆន្ទៈ ក្នុងការខិតខំធ្វើយ៉ាងណាពង្រឹងទំនុកចិត្តរវាងគ្នា និងគ្នា ឲ្យបានស៊ីជម្រៅ បើកាលណាយើងអត់មានទំនុកចិត្តជាមួយគ្នា ឬមិនសូវមានកិច្ចសហប្រតិបត្តិការនេះ ការឈានទៅសម្រេច COC មានការលំបាក ដូច្នេះទាល់តែយើងពង្រឹងទំនុកចិត្ត កិច្ចសហប្រតិបត្តិការ ឲ្យបានខ្លាំង ដើម្បីជំរុញការអនុវត្តន៍ DOC ឲ្យមានប្រសិទ្ធភាពឲ្យបានពេញលេញ សម្រាប់ឈានទៅការបង្កើត COC”។
គួររម្លឹកដែរថា ក្នុងពេលថ្មីៗនេះ លោកនាយករដ្ឋមន្ត្រីចិន បានអរគុណប្រទេសកម្ពុជា ចំពោះការគាំទ្ររបស់ខ្លួន នៅក្នុងប្លុកតំបន់អាស៊ីភាគអាគ្នេយ៍ បន្ទាប់ពីមានភាពតានតឹងរវាងរដ្ឋាភិបាលក្រុងប៉េកាំង និងបណ្តាប្រទេសមួយចំនួន អំពីជម្លោះទឹកដីនៅសមុទ្រចិនខាងត្បូង៕
កិច្ចប្រជុំអាស៊ានបូកបី ពិភាក្សាការអនុម័តនូវសេចក្តីថ្លែងការណ៍រួម ស្តីពី ភាពជាដៃគូ និងការតភ្ជាប់តំបន់
ភ្នំពេញ: កិច្ចប្រជុំឧត្តមមន្ត្រីអាស៊ាន បូកបី ដែលរួមមាន ចិន កូរ៉េ និងជប៉ុន បានប្រព្រឹត្តឡើង កាលពីព្រឹកថ្ងៃទី១៤ ខែកញ្ញា ឆ្នាំ២០១២ ដោយមានការចូលរួមពីសំណាក់អនុរដ្ឋមន្ត្រីក្រសួងការបរទេស នៃប្រទេសទាំង៣។ កិច្ចប្រជុំនោះ ធ្វើឡើងនៅសណ្ឋាគារ អាំងទែកុងទីណង់តាល់ និងដឹកនាំដោយលោកស្រី សឿង រដ្ឋចាវី រដ្ឋលេខាធិការក្រសួងការបរទេស។
លោកស្រី សឿង រដ្ឋចាវី បានមានប្រសាសន៍ប្រាប់ក្រុមអ្នករាយការណ៍ព័ត៌មានថា កិច្ចប្រជុំឧត្តមមន្ត្រីអាស៊ាន បូកបី នាព្រឹកនេះ បានផ្តោតការពិភាក្សាទៅលើការត្រៀមរៀបចំកិច្ចប្រជុំកំពូលរំលឹកខួប ១៥ឆ្នាំ នៃកិច្ចសហប្រតិបត្តិការអាស៊ានបូកបី នៅខែវិច្ឆិកា នាទីក្រុងភ្នំពេញ។
លោកស្រី បានបញ្ជាក់ថា “កិច្ចប្រជុំនេះ យើងបានជជែកគ្នាយ៉ាងច្រើន និងមានសារៈសាំខាន់យ៉ាងខ្លាំង ក្នុងន័យថា ការផ្តល់ឲ្យគ្នាវិញទៅមកនូវចំណុចសំខាន់ៗ សំរាប់ថ្នាក់ដឹកនាំកំពូលៗ គ្រោងនឹងលើកយកទៅពិភាក្សា”។
លោកស្រីរដ្ឋលេខាធិការ មានប្រសាសន៍បន្តថា កិច្ចប្រជុំនៅពេលនេះ ផ្តល់សារៈសំខាន់ណាស់ ជាពិសេសប្រទេសបូកបី ដែលមានប្រទេស ជប៉ុន កូរ៉េ និងចិន បានលើកឡើង ថាតើចំណុចសំខាន់ៗអ្វីខ្លះ ដែលថ្នាក់ដឹកនាំរបស់គាត់គ្រោងនឹងលើកឡើងក្នុងកិច្ចប្រជុំកំពូលនាខែវិច្ឆិកា? ហើយប្រទេសសមាជិកអាស៊ានមួយចំនួន ក៏បានលើកជំរាបទៅឧត្តមមមន្ត្រីប្រទេសបូក៣ទៅវិញដែរ ថាតើចំណុចសំខាន់ៗអ្វីខ្លះ ដែលត្រូវឲ្យថ្នាក់ដឹកនាំអាស៊ានលើកឡើង នៅពេលប្រជុំខាងមុខ?។
លោកស្រី សឿង រដ្ឋចាវី បានមានប្រសាសន៍បញ្ជាក់ពីលទ្ធផលនៃកិច្ចប្រជុំឧត្តមមន្ត្រីអាស៊ាន បូកបី ដែលគ្រោងនឹងដាក់ឲ្យអនុម័តដោយប្រមុខរដ្ឋ ប្រមុខរដ្ឋាភិបាល ហើយនិងឯកសារ ដែលត្រូវកត់សំគាល់ ចេញដោយប្រមុខរដ្ឋាភិបាលអាស៊ានបូកបីដែរ។ នៅឆ្នាំនេះ កិច្ចប្រជុំកំពូល រំលឹកខួបអនុស្សាវរីយ៍ ១៥ ឆ្នាំ របស់អាស៊ាន បូកបី គឺជាកិច្ចប្រជុំមួយដ៏សំខាន់បំផុត។
លោកស្រីបន្ថែមថា ប្រទេសដែលជាសមាជិកអាស៊ាន បូកបី បានសំដែងការគាំទ្រយ៉ាងខ្លាំង ចំពោះកិច្ចខិតខំប្រឹងប្រែងរបស់កម្ពុជា ធ្វើយ៉ាងណា ដើម្បីឲ្យកិច្ចប្រជុំកំពូលអាស៊ាន បូកបី ដែលជាកិច្ច ប្រជុំរំលឹកខួបអនុស្សាវរីយ៍អាស៊ាន បូកបី ឲ្យទទួលបានជោគជ័យ។
លោកស្រី សឿង រដ្ឋចាវី បានមានប្រសាសន៍បន្តថា ខ្លឹមសារសំខាន់នៃកិច្ចប្រជុំកំពូលអាស៊ាន បូកបី នាពេលខាងមុខនេះ គឺថ្នាក់ដឹកនាំ នឹងពិនិត្យឡើងវិញថា តើអាស៊ានបូកបីក្នុងរយៈពេល ១៥ឆ្នាំ បានស៊ីជំរៅប៉ុណ្ណា? ទទួលបានលទ្ធផលសំខាន់ៗអ្វីខ្លះ? ហើយថ្នាក់ដឹកនាំកំពូលនឹងផ្តល់អនុសាសន៍ និងទស្សនៈវិស័យ ដើម្បីជំរុញនិងពង្រឹងកិច្ចសហប្រតិបត្តិការអាស៊ានបូកបី ឲ្យកាន់តែរឹងមាំថែមទៀត។ ពីព្រោះយន្តការអាស៊ាន បូកបីនេះ ជាយន្តការមួយដ៏សំខាន់ខ្លាំងណាស់ ក្នុងការឈានទៅបង្កើតអាស៊ីបូព៌ានៅពេលអនាគត។
លោកស្រីរដ្ឋលេខាធិការ បានបញ្ជាក់ផងដែរថា នៅក្នុងកិច្ចប្រជុំនេះ ប្រទេសអាស៊ានបូកបីទាំងអស់ បានគាំទ្រស្នើដាក់ជូនប្រមុខរដ្ឋ ប្រមុខរដ្ឋាភិបាលអាស៊ានបូកបី ដើម្បីធ្វើការអនុម័ត នូវសេចក្តីថ្លែងការណ៍រួមមួយ ស្តីពី ភាពជាដៃគូទៅលើការតភ្ជាប់តំបន់។
សូមបញ្ជាក់ថា តំណាងឧត្តមមន្ត្រី ឬអនុរដ្ឋមន្ត្រីប្រទេសបូកបី ដែលចូលមកប្រជុំជាមួយអាស៊ាន នៅពេលនេះ រួមមាន លោក ឆួយ ធានខាយ (CUI TIAN KAI) អនុរដ្ឋមន្ត្រីក្រសួងការបរទេសចិន លោក អាគី តាកា សែគី (AKI TAKA SAIKI) អនុរដ្ឋមន្ត្រីក្រសួងការបរទេសជប៉ុន និងលោក ( KIM KYOU HYUN ) អនុរដ្ឋមន្ត្រី ក្រសួងការបរទេសកូរ៉េខាងត្បូង។
សូមបន្ថែមថា ក្រុមឧត្តមមន្ត្រីប្រទេសសមាជិកអាស៊ាន និងប្រទេសដៃគូ ដែលមានកម្ពុជា ជាម្ចាស់ផ្ទះ បានជួបប្រជុំគ្នារយៈពេល ៤ ថ្ងៃ ចាប់ពីថ្ងៃទី១២ ខែកញ្ញា ឆ្នាំ២០១២ នៅរាជធានីភ្នំពេញ ដើម្បីត្រៀមរៀបចំកិច្ចប្រជុំកំពូលអាស៊ាន លើកទី២១ នាខែវិច្ឆិកាខាងមុខ។
សេចក្តីជូនព័ត៌មាន របស់ក្រសួងការបរទេសកម្ពុជា ចុះថ្ងៃទី១១ ខែកញ្ញា ឆ្នាំ២០១២ បង្ហាញថា ក្នុងនាមជាប្រធានអាស៊ាន ព្រះរាជាណាចក្រកម្ពុជា នឹងធ្វើជាម្ចាស់ផ្ទះ នៃកិច្ចប្រជុំថ្នាក់ឧត្តមមន្ត្រីអាស៊ាន នៅសប្ដាហ៍នេះ ចាប់ពីថ្ងៃទី១២ ដល់ទី១៥ ខែកញ្ញា ឆ្នាំ២០១២ ដើម្បីត្រៀមរៀបចំ សម្រាប់កិច្ចប្រជុំកំពូលអាស៊ានលើកទី២១ និងកិច្ចប្រជុំកំពូលពាក់ព័ន្ធមួយចំនួន ដែលនឹងប្រព្រឹត្តទៅនៅក្នុងខែវិច្ឆិកា ឆ្នាំ២០១២ នៅទីក្រុងភ្នំពេញ។
សេចក្ដីជូនព័ត៌មានដដែល បានបង្ហាញឲ្យដឹងថា កិច្ចប្រជុំថ្នាក់ឧត្តមមន្ត្រីអាស៊ាន រួម មាន៖
១. កិច្ចប្រជុំឧត្តមមន្ត្រីអាស៊ាន និងកិច្ចប្រជុំត្រៀមរួមគ្នា (JPM) ក្នុងនោះ មានកិច្ចប្រជុំឧត្តមមន្ត្រីអាស៊ាន កិច្ចប្រជុំឧត្តមមន្ត្រី នៃក្រុមប្រឹក្សាសេដ្ឋកិច្ចអាស៊ាន និងកិច្ចប្រជុំគណៈកម្មា ធិការឧត្តមមន្ត្រីលើកទី១២ នៃក្រុមប្រឹក្សាសង្គមកិច្ច-វប្បធម៌អាស៊ាន ដើម្បីរៀបចំសម្រាប់កិច្ចប្រជុំកំពូលអាស៊ាន លើកទី២១ នាខែវិច្ឆិកាខាងមុខ។
២. កិច្ចប្រជុំឧត្តមមន្ត្រីអាស៊ានបូក៣ (អាស៊ាន បូក ចិន ជប៉ុន សាធារណរដ្ឋកូរ៉េ) ដើម្បីរៀបចំសម្រាប់កិច្ចប្រជុំកំពូលអាស៊ានបូក លើកទី១៥។
៣. កិច្ចប្រជុំឧត្តមមន្ត្រីអាស៊ីបូព៌ា ដើម្បីរៀបចំសម្រាប់កិច្ចប្រជុំកំពូលអាស៊ីបូព៌ាលើកទី៧។
៤. កិច្ចប្រជុំឧត្តមមន្ត្រីអាស៊ាន-សហរដ្ឋអាមេរិក ដើម្បីរៀបចំសម្រាប់កិច្ចប្រជុំថ្នាក់ដឹកនាំអាស៊ាន-សហរដ្ឋអាមេរិកលើកទី៤
៥. កិច្ចប្រជុំគណៈកម្មាធិការប្រតិបត្តិ នៃគណៈកម្មការសន្ធិសញ្ញាស្ដីពីតំបន់អាស៊ីអាគ្នេយ៍គ្មានអាវុធនុយក្លេអ៊ែរ ដើម្បីរៀបចំចុះហត្ថលេខាលើពិធីសារ នៃសន្ធិសញ្ញាស្ដីពីតំបន់អាស៊ីអាគ្នេយ៍គ្មានអាវុធនុយក្លេអ៊ែរ។
៦. តាមសំណើរបស់កម្ពុជា និងមានការឯកភាពពីសមាជិកអាស៊ានទាំងអស់ កម្ពុជាក៏នឹងធ្វើជាម្ចាស់ផ្ទះ នៃកិច្ចប្រជុំពិគ្រោះយោបល់ក្រៅផ្លូវការ ថ្នាក់ឧត្តមមន្ត្រីអាស៊ាន-ចិន ស្តីពី ក្រមប្រតិបត្តិ COC នៅសមុទ្រចិនខាងត្បូង។ នេះជាលើកទី៣ហើយ ដែលកម្ពុជាបានផ្តួចផ្តើម ឲ្យមានកិច្ចប្រជុំស្តីពីក្រមប្រតិបត្តិនេះ ដើម្បីកាត់បន្ថយភាពតានតឹង នៅក្នុងសមុទ្រចិនខាងត្បូង និងធ្វើការងារឆ្ពោះទៅកាន់ការតាក់តែងក្រមប្រតិបត្តិ COC នេះ៕
អាស៊ានខិតខំរៀបចំពិធីសារ សន្ធិសញ្ញាតំបន់អាស៊ីអាគ្នេយ៍ គ្មានអាវុធនុយក្លេអ៊ែរ ឲ្យបានក្នុងឆ្នាំ២០១២
ភ្នំពេញ: កិច្ចប្រជុំគណៈកម្មាធិការប្រតិបត្តិ នៃគណៈកម្មការស្ដីពី សន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ បានប្រព្រឹត្តទៅកាលពីថ្ងៃទី១២ ខែកញ្ញា ឆ្នាំ២០១២ នៅរាជធានីភ្នំពេញ ដឹកនាំដោយលោក កៅ គឹម ហួន រដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា។ កិច្ចប្រជុំនេះ មានការចូលរួមពីឧត្តមមន្ត្រី នៃបណ្ដាប្រទេសសមាជិកអាស៊ានទាំងអស់ ព្រមជាមួយលេខាធិការដ្ឋានអាស៊ាន។
តាមសេចក្ដីប្រកាសព័ត៌មាន ដែលចែកផ្សាយដល់អ្នកកាសែត នៅថ្ងៃទី១៤ ខែកញ្ញា ឆ្នាំ២០១២ បានបង្ហាញថា កិច្ចប្រជុំបានពិភាក្សា រិះរកធ្វើយ៉ាងណាឲ្យបណ្ដាប្រទេសអាស៊ាន ដែលជារដ្ឋភាគីនៃសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ អាចឯកភាពជាឯកច្ឆន្ទ លើអត្ថបទស្ដីពីខបម្រុង ដែលស្នើដោយប្រទេសបារាំង សហព័ន្ធរុស្ស៊ី និងចក្រភពអង់គ្លេស ជាមួយនឹងទស្សនៈក្នុងការធ្វើឲ្យឈានដល់ការចុះហត្ថលេខា របស់រដ្ឋមានអាវុធនុយក្លេអ៊ែរ លើពិធីសារសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ ក្នុងឆ្នាំនេះ។
សេចក្ដីប្រកាសព័ត៌មានដដែលបន្ថែមថា ដើម្បីជាការអនុវត្តន៍បន្តពីកិច្ចប្រជុំរបស់គណៈកម្មាធិការ នៃតំបន់អាស៊ីអាគ្នេយ៍គ្មានអាវុធនុយក្លេអ៊ែរ ដែលបានប្រព្រឹត្តទៅកាលពីថ្ងៃទី៨ ខែកក្កដា ឆ្នាំ២០១២ កន្លងមកនេះ រដ្ឋភាគី នៃសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ ត្រូវបន្តធ្វើការជិតស្និទ្ធជាមួយរដ្ឋមានអាវុធនុយក្លេអ៊ែរ ដើម្បីឈានដល់ជំហានចុងក្រោយ សម្រាប់ការរៀបចំចុះហត្ថលេខាលើពិធីសារ និងលិខិតូបករណ៍ ដែលពាក់ព័ន្ធនឹងសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ ឲ្យបានឆាប់៕
អាស៊ានខិតខំរៀបចំពិធីសារ សន្ធិសញ្ញាតំបន់អាស៊ីអាគ្នេយ៍ គ្មានអាវុធនុយក្លេអ៊ែរ ឲ្យបានក្នុងឆ្នាំ២០១២
ភ្នំពេញ: កិច្ចប្រជុំគណៈកម្មាធិការប្រតិបត្តិ នៃគណៈកម្មការស្ដីពី សន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ បានប្រព្រឹត្តទៅកាលពីថ្ងៃទី១២ ខែកញ្ញា ឆ្នាំ២០១២ នៅរាជធានីភ្នំពេញ ដឹកនាំដោយលោក កៅ គឹម ហួន រដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា។ កិច្ចប្រជុំនេះ មានការចូលរួមពីឧត្តមមន្ត្រី នៃបណ្ដាប្រទេសសមាជិកអាស៊ានទាំងអស់ ព្រមជាមួយលេខាធិការដ្ឋានអាស៊ាន។
តាមសេចក្ដីប្រកាសព័ត៌មាន ដែលចែកផ្សាយដល់អ្នកកាសែត នៅថ្ងៃទី១៤ ខែកញ្ញា ឆ្នាំ២០១២ បានបង្ហាញថា កិច្ចប្រជុំបានពិភាក្សា រិះរកធ្វើយ៉ាងណាឲ្យបណ្ដាប្រទេសអាស៊ាន ដែលជារដ្ឋភាគីនៃសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ អាចឯកភាពជាឯកច្ឆន្ទ លើអត្ថបទស្ដីពីខបម្រុង ដែលស្នើដោយប្រទេសបារាំង សហព័ន្ធរុស្ស៊ី និងចក្រភពអង់គ្លេស ជាមួយនឹងទស្សនៈក្នុងការធ្វើឲ្យឈានដល់ការចុះហត្ថលេខា របស់រដ្ឋមានអាវុធនុយក្លេអ៊ែរ លើពិធីសារសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ ក្នុងឆ្នាំនេះ។
សេចក្ដីប្រកាសព័ត៌មានដដែលបន្ថែមថា ដើម្បីជាការអនុវត្តន៍បន្តពីកិច្ចប្រជុំរបស់គណៈកម្មាធិការ នៃតំបន់អាស៊ីអាគ្នេយ៍គ្មានអាវុធនុយក្លេអ៊ែរ ដែលបានប្រព្រឹត្តទៅកាលពីថ្ងៃទី៨ ខែកក្កដា ឆ្នាំ២០១២ កន្លងមកនេះ រដ្ឋភាគី នៃសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ ត្រូវបន្តធ្វើការជិតស្និទ្ធជាមួយរដ្ឋមានអាវុធនុយក្លេអ៊ែរ ដើម្បីឈានដល់ជំហានចុងក្រោយ សម្រាប់ការរៀបចំចុះហត្ថលេខាលើពិធីសារ និងលិខិតូបករណ៍ ដែលពាក់ព័ន្ធនឹងសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ ឲ្យបានឆាប់៕
តាមសេចក្ដីប្រកាសព័ត៌មាន ដែលចែកផ្សាយដល់អ្នកកាសែត នៅថ្ងៃទី១៤ ខែកញ្ញា ឆ្នាំ២០១២ បានបង្ហាញថា កិច្ចប្រជុំបានពិភាក្សា រិះរកធ្វើយ៉ាងណាឲ្យបណ្ដាប្រទេសអាស៊ាន ដែលជារដ្ឋភាគីនៃសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ អាចឯកភាពជាឯកច្ឆន្ទ លើអត្ថបទស្ដីពីខបម្រុង ដែលស្នើដោយប្រទេសបារាំង សហព័ន្ធរុស្ស៊ី និងចក្រភពអង់គ្លេស ជាមួយនឹងទស្សនៈក្នុងការធ្វើឲ្យឈានដល់ការចុះហត្ថលេខា របស់រដ្ឋមានអាវុធនុយក្លេអ៊ែរ លើពិធីសារសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ ក្នុងឆ្នាំនេះ។
សេចក្ដីប្រកាសព័ត៌មានដដែលបន្ថែមថា ដើម្បីជាការអនុវត្តន៍បន្តពីកិច្ចប្រជុំរបស់គណៈកម្មាធិការ នៃតំបន់អាស៊ីអាគ្នេយ៍គ្មានអាវុធនុយក្លេអ៊ែរ ដែលបានប្រព្រឹត្តទៅកាលពីថ្ងៃទី៨ ខែកក្កដា ឆ្នាំ២០១២ កន្លងមកនេះ រដ្ឋភាគី នៃសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ ត្រូវបន្តធ្វើការជិតស្និទ្ធជាមួយរដ្ឋមានអាវុធនុយក្លេអ៊ែរ ដើម្បីឈានដល់ជំហានចុងក្រោយ សម្រាប់ការរៀបចំចុះហត្ថលេខាលើពិធីសារ និងលិខិតូបករណ៍ ដែលពាក់ព័ន្ធនឹងសន្ធិសញ្ញាតំបន់អាស៊ីអាគ្នេយ៍គ្មានអាវុធនុយក្លេអ៊ែរ ឲ្យបានឆាប់៕
ឧត្តមមន្ត្រីអាស៊ាន-ចិន នឹងជួបគ្នាម្តងទៀត និយាយពី COC នៅបាងកក នាខែតុលា
ភ្នំពេញ: ឧត្តមមន្ត្រីអាស៊ាន-ចិន បានសម្រេចថា នឹងជួបប្រជុំពិភាក្សាគ្នាម្តងទៀត នៅទីក្រុងបាងកក ប្រទេសថៃ នាខែតុលាខាងមុខ ជុំវិញការតាក់តែងក្រមប្រតិបត្តិ COC សម្រាប់ដោះស្រាយជម្លោះសមុទ្រចិនខាងត្បូង។ នេះបើតាមលោក Sihasak Phuangketkeow អគ្គលេខាធិការអចិន្ត្រៃយ៍ របស់ក្រសួងការបរទេស ដែលជាឧត្តមមន្ត្រីរបស់ប្រទេសថៃ។
ឧត្តមមន្ត្រីអាស៊ាន ដែលកម្ពុជា ជាម្ចាស់ផ្ទះ បានជួបប្រជុំក្រៅផ្លូវការជាមួយនឹងឧត្តមមន្ត្រីចិន នារសៀលថ្ងៃទី១៣ ខែកញ្ញា ឆ្នាំ២០១២ ដើម្បីលើកឡើងពីការតាក់តែងពង្រាងក្រមប្រតិបត្តិ COC នៅសណ្ឋាគារ អាំងទែកុងទីណង់តាល់ ក្នុងរាជធានីភ្នំពេញ។
លោក Sihasak Phuangketkeow បានឲ្យដឹងថា ក្នុងនាមប្រទេសថៃ ជាអ្នកសម្របសម្រួលនៃកិច្ចពិភាក្សារវាងឧត្តមមន្ត្រីអាស៊ាន និងចិន គឺប្រទេសថៃ បានស្នើឲ្យមានការរៀបចំកិច្ចប្រជុំក្រៅផ្លូវការមួយ រវាងឧត្តមមន្ត្រីអាស៊ាន និងចិន ដើម្បីពិភាក្សាលើចំណុចពាក់ព័ន្ធនានា ទៅនឹង DOC និង COC នៅក្នុងខែតុលា នៅទីក្រុងបាងកក ប្រទេសថៃ។
លោក Sihasak Phuangketkeow បានបន្ថែមថា កិច្ចប្រជុំនារសៀលថ្ងៃទី១៣ ខែកញ្ញា ឆ្នាំ២០១២ ប្រកបដោយផ្លែផ្កា ដែលភាគីទាំងអស់បានឈានទៅរកការឯកភាព ឲ្យមានការអនុវត្តន៍ពេញលេញនូវ DOC។ នេះជាសញ្ញាល្អ សម្រាប់កិច្ចប្រជុំកំពូលអាស៊ាន និងចិន ដែលគ្រោងធ្វើនៅក្នុងខែវិច្ឆិកាខាងមុខ នៅកម្ពុជា។
លោកបានបន្ថែមថា កិច្ចប្រជុំរវាងឧត្តមមន្ត្រីអាស៊ាន-ចិន នៅរសៀលថ្ងៃនេះ គឺមិនបានចូលដល់កិច្ចពិភាក្សាលម្អិតលើ COC ទេ។ ប៉ុន្តែនៅថ្ងៃនេះ យើងបានពិភាក្សាអំពីទំនាក់ទំនងរវាងអាស៊ាន និងចិន។ ក្នុងនោះ គឺយើងត្រូវធ្វើដោះស្រាយជម្លោះដោយសន្តិវិធី និងដោយស្ថិរភាព លើបញ្ហានៅសមុទ្រខាងត្បូង ដែលជាជម្លោះរវាងប្រទេសចិន និងប្រទេសមួយចំនួន ជាសមាជិកអាស៊ាន រួមមាន៖ ហ្វីលីពីន វៀតណាម ព្រុយណេ និងម៉ាឡេស៊ី។
តាមលោក Sihasak Phuangketkeow កិច្ចប្រជុំឧត្តមមន្ត្រីអាស៊ាន និងចិន ជាផ្លូវការ នឹងអាចធ្វើឡើងនៅក្នុងឆ្នាំក្រោយ ដើម្បីពិភាក្សាអំពីក្រមប្រតិបត្តិ COC សម្រាប់ដោះស្រាយជម្លោះនៅសមុទ្រចិនខាងត្បូង។
សូមរម្លឹកថា កិច្ចប្រជុំពិគ្រោះយោបល់ក្រៅផ្លូវការថ្នាក់ឧត្តមមន្ត្រីអាស៊ាន និងចិន ស្តីពី ក្រមប្រតិបត្តិ (COC) នៅសមុទ្រចិនខាងត្បូង បានធ្វើឡើង នៅសណ្ឋាគារ អាំងទែកុងទីណង់តាល់ ក្នុងរាជធានីភ្នំពេញ នៅរសៀលថ្ងៃទី១៣ ខែកញ្ញា ឆ្នាំ២០១២។
សេចក្តីជូនព័ត៌មាន របស់ក្រសួងការបរទេសកម្ពុជា បានបង្ហាញថា តាមសំណើរបស់កម្ពុជា និងមានការឯកភាពពីសមាជិកអាស៊ានទាំងអស់ កម្ពុជាបានធ្វើជាម្ចាស់ផ្ទះ នៃកិច្ចពិគ្រោះយោបល់ក្រៅផ្លូវការថ្នាក់ឧត្តមមន្ត្រីអាស៊ាន និងចិន ស្តីពី ក្រមប្រតិបត្តិ (COC) នៅសមុទ្រចិនខាងត្បូង។ នេះជាលើកទី៣ ដែលកម្ពុជាបានផ្តួចផ្តើមឲ្យមានកិច្ចប្រជុំ ស្តីពីក្រមប្រតិបត្តិនេះ ដើម្បីកាត់បន្ថយភាពតានតឹងនៅសមុទ្រចិនខាងត្បូង និងធ្វើការងារឆ្ពោះទៅរកការតាក់តែងក្រមប្រតិបត្តិ (COC)៕
ឧត្តមមន្ត្រីអាស៊ាន ដែលកម្ពុជា ជាម្ចាស់ផ្ទះ បានជួបប្រជុំក្រៅផ្លូវការជាមួយនឹងឧត្តមមន្ត្រីចិន នារសៀលថ្ងៃទី១៣ ខែកញ្ញា ឆ្នាំ២០១២ ដើម្បីលើកឡើងពីការតាក់តែងពង្រាងក្រមប្រតិបត្តិ COC នៅសណ្ឋាគារ អាំងទែកុងទីណង់តាល់ ក្នុងរាជធានីភ្នំពេញ។
លោក Sihasak Phuangketkeow បានឲ្យដឹងថា ក្នុងនាមប្រទេសថៃ ជាអ្នកសម្របសម្រួលនៃកិច្ចពិភាក្សារវាងឧត្តមមន្ត្រីអាស៊ាន និងចិន គឺប្រទេសថៃ បានស្នើឲ្យមានការរៀបចំកិច្ចប្រជុំក្រៅផ្លូវការមួយ រវាងឧត្តមមន្ត្រីអាស៊ាន និងចិន ដើម្បីពិភាក្សាលើចំណុចពាក់ព័ន្ធនានា ទៅនឹង DOC និង COC នៅក្នុងខែតុលា នៅទីក្រុងបាងកក ប្រទេសថៃ។
លោក Sihasak Phuangketkeow បានបន្ថែមថា កិច្ចប្រជុំនារសៀលថ្ងៃទី១៣ ខែកញ្ញា ឆ្នាំ២០១២ ប្រកបដោយផ្លែផ្កា ដែលភាគីទាំងអស់បានឈានទៅរកការឯកភាព ឲ្យមានការអនុវត្តន៍ពេញលេញនូវ DOC។ នេះជាសញ្ញាល្អ សម្រាប់កិច្ចប្រជុំកំពូលអាស៊ាន និងចិន ដែលគ្រោងធ្វើនៅក្នុងខែវិច្ឆិកាខាងមុខ នៅកម្ពុជា។
លោកបានបន្ថែមថា កិច្ចប្រជុំរវាងឧត្តមមន្ត្រីអាស៊ាន-ចិន នៅរសៀលថ្ងៃនេះ គឺមិនបានចូលដល់កិច្ចពិភាក្សាលម្អិតលើ COC ទេ។ ប៉ុន្តែនៅថ្ងៃនេះ យើងបានពិភាក្សាអំពីទំនាក់ទំនងរវាងអាស៊ាន និងចិន។ ក្នុងនោះ គឺយើងត្រូវធ្វើដោះស្រាយជម្លោះដោយសន្តិវិធី និងដោយស្ថិរភាព លើបញ្ហានៅសមុទ្រខាងត្បូង ដែលជាជម្លោះរវាងប្រទេសចិន និងប្រទេសមួយចំនួន ជាសមាជិកអាស៊ាន រួមមាន៖ ហ្វីលីពីន វៀតណាម ព្រុយណេ និងម៉ាឡេស៊ី។
តាមលោក Sihasak Phuangketkeow កិច្ចប្រជុំឧត្តមមន្ត្រីអាស៊ាន និងចិន ជាផ្លូវការ នឹងអាចធ្វើឡើងនៅក្នុងឆ្នាំក្រោយ ដើម្បីពិភាក្សាអំពីក្រមប្រតិបត្តិ COC សម្រាប់ដោះស្រាយជម្លោះនៅសមុទ្រចិនខាងត្បូង។
សូមរម្លឹកថា កិច្ចប្រជុំពិគ្រោះយោបល់ក្រៅផ្លូវការថ្នាក់ឧត្តមមន្ត្រីអាស៊ាន និងចិន ស្តីពី ក្រមប្រតិបត្តិ (COC) នៅសមុទ្រចិនខាងត្បូង បានធ្វើឡើង នៅសណ្ឋាគារ អាំងទែកុងទីណង់តាល់ ក្នុងរាជធានីភ្នំពេញ នៅរសៀលថ្ងៃទី១៣ ខែកញ្ញា ឆ្នាំ២០១២។
សេចក្តីជូនព័ត៌មាន របស់ក្រសួងការបរទេសកម្ពុជា បានបង្ហាញថា តាមសំណើរបស់កម្ពុជា និងមានការឯកភាពពីសមាជិកអាស៊ានទាំងអស់ កម្ពុជាបានធ្វើជាម្ចាស់ផ្ទះ នៃកិច្ចពិគ្រោះយោបល់ក្រៅផ្លូវការថ្នាក់ឧត្តមមន្ត្រីអាស៊ាន និងចិន ស្តីពី ក្រមប្រតិបត្តិ (COC) នៅសមុទ្រចិនខាងត្បូង។ នេះជាលើកទី៣ ដែលកម្ពុជាបានផ្តួចផ្តើមឲ្យមានកិច្ចប្រជុំ ស្តីពីក្រមប្រតិបត្តិនេះ ដើម្បីកាត់បន្ថយភាពតានតឹងនៅសមុទ្រចិនខាងត្បូង និងធ្វើការងារឆ្ពោះទៅរកការតាក់តែងក្រមប្រតិបត្តិ (COC)៕
Subscribe to:
Posts (Atom)