ខេត្តស្វាយរៀង: ក្នុងពិធីចែកប័ណ្ណកម្មសិទ្ធិដីធ្លី នៅស្រុករមាសហែក ខេត្តស្វាយរៀង កាលពីព្រឹកថ្ងៃទី៥ ខែតុលា ឆ្នាំ២០១២ សម្តេចនាយករដ្ឋមន្ត្រី ហ៊ុន សែន បានប្រកាសម្តងទៀតពីផែនការរបស់រដ្ឋាភិបាល ក្នុងការបន្តចែកដីដល់ប្រជាពលរដ្ឋ ដែលខ្វះដីពិតប្រាកដ។ ផែនការផ្តល់ដីសម្បទានសង្គមកិច្ច ចែកដីដល់ប្រជាពលរដ្ឋទាំងនោះ នឹងបន្តធ្វើ ក្រោយពីសកម្មភាពវាស់វែងដីធ្លីរបស់ក្រុមយុវនិស្សិតស្ម័គ្រចិត្ត ដើម្បីផ្តល់ប័ណ្ណកម្មសិទ្ធិរួចរាល់។
សម្តេចនាយករដ្ឋមន្ត្រី ហ៊ុន សែន បានមានប្រសាសន៍ថា "នៅពេលការវាស់វែងដីធ្លី ធ្វើប័ណ្ណកម្មសិទ្ធិ ដែលធ្វើឡើងដោយក្រុមយុវជនស្ម័គ្រចិត្ត ចំនួន ១,៨ លានហិកតានេះហើយ ត្រូវត្រៀមទុកប៉ុន្មានសិបម៉ឺនហិកតាទៀត ដើម្បីដោះស្រយបញ្ហាដីសម្បទានសង្គមកិច្ច សម្រាប់ផ្តល់ឲ្យប្រជាពលរដ្ឋ ដែលខ្វះដីពិតប្រាកដ តាមរយៈការធ្វើអត្តសញ្ញាណកម្មដីធ្លីពិតប្រាកដ ហើយយើងត្រៀមបំរុងទុកដីនោះ ហើយខេត្តដែលមានដី សម្រាប់ត្រៀមទុកបែបនេះ គឺមិនមាននៅខេត្តព្រៃវែង ឬខេត្តស្វាយរៀង ឬខេត្តកណ្តាល ឬក្រុងភ្នំពេញ ឬខេត្តតាកែវ ឬខេត្តកំពង់ចាម ក៏អត់ដែរ"។
សម្តេចនាយករដ្ឋមន្ត្រី ហ៊ុន សែន បានគូសបញ្ជាក់ថា "ខេត្តដែលមានដី សម្រាប់ត្រៀមទុក ផ្តល់ឲ្យប្រជាពលរដ្ឋរបស់យើង ពិនិត្យទៅឃើញថា មាននៅក្រចេះ មាននៅរតនគិរី មានៅស្ទឹងត្រែង មាននៅមណ្ឌលគិរី។ ឯម្ខាងទៀត មាននៅកំពង់ធំ មាននៅសៀមរាប មាននៅឧត្តរមានជ័យ មាននៅព្រះវិហារ មាននៅពោធិ៍សាត់។ បាត់ដំបង ក៏ស្ទើរតែអស់ដីហើយ ហើយបើមានក៏សម្រាប់តែចែកឲ្យអ្នកបាត់ដំបងប៉ុណ្ណោះ។ ចំណែកនៅស្វាយរៀង ព្រៃវែង កំពង់ចាម និងខេត្តកណ្តាល គឺខ្វះដីហើយ។ អីចឹងទេ យើងត្រូវបម្រុងទុកដីទាំងនោះ ដើម្បីចែកជូនប្រជាពលរដ្ឋរបស់យើង ជាបន្តទៀត។ អីចឹងសកម្មភាពពាក់ព័ន្ធនឹងបញ្ហាដីធ្លីនេះ នៅជាបន្ត ទោះបីថា ត្រូវបានចប់នូវការវាស់វែងដីធ្លីជូនប្រជាពលរដ្ឋ ទៅតាមក្របខណ្ឌគោលនយោបាយចាស់ សកម្មភាពថ្មី លើវិស័យដីធ្លី ដែលបានអនុវត្តក្នុងរយៈពេលជាង ៣ ខែកន្លងទៅនេះក៏ដោយចុះ ក៏ប៉ុន្តែផែនការជំហ៊ានបន្តរបស់យើង នឹងត្រូវតែធ្វើនៅលើផ្ទៃដី សម្រាប់ផ្តល់ជាសម្បទានសង្គមកិច្ចជូនប្រជាពលរដ្ឋរបស់យើង ជាបន្តទៀត"។
កាលពីព្រឹកថ្ងៃទី៥ ខែតុលា ឆ្នាំ២០១២ សម្តេចនាយករដ្ឋមន្ត្រី ហ៊ុន សែន បានចែកប័ណ្ណកម្មសិទ្ធិដីធ្លី ដល់ប្រជាពលរដ្ឋចំនួន ២៩៨ គ្រួសារ ស្មើនឹង ៥១០ ក្បាលដី នៅក្នុង២ ឃុំ គឺឃុំត្រស់ និងឃុំគគីរ ស្រុករមាសហែក ខេត្តស្វាយរៀង។
សម្តេចនាយករដ្ឋមន្ត្រី ហ៊ុន សែន បានលើកឡើងថា ក្នុងស្រុករមាសហែក ខេត្តស្វាយរៀង ដីដែលរងផលប៉ះពាល់ពីដីសម្បទានសេដ្ឋកិច្ចរបស់ក្រុមហ៊ុន និងការកាន់កាប់ដីរដ្ឋ មិនទាន់ស្របច្បាប់ ដែលហៅថា គម្របព្រៃឈើនោះ តាមការប៉ាន់ស្មាន មានចំនួន ៩ ឃុំ ស្មើនឹង ៥៦ ភូមិ ស្មើនឹង ៦.៣៨៤ គ្រួសារ គិតជាផ្ទៃដី ១២.២៦០ ហិកតា។
សម្តេច ហ៊ុន សែន បានបន្ថែមថា បន្ទាប់ពីការចែកប័ណ្ណនេះហើយ ក្រុមយុវជនស្ម័គ្រចិត្ត និងមន្ត្រីជំនាញ នឹងបន្តធ្វើទៅលើផ្ទៃដីប្រមាណ ១០.៦៩៥ ហិកតា ស្មើនឹង ៤.៩៤២ គ្រួសារទៀត។ ក្នុងនោះ សម្រាប់ខេត្តស្វាយរៀង ដែលត្រូវបិទផ្សាយបន្ត មាន ៣ ភូមិ ក្នុងឃុំត្រស់ និងឃុំគគីរ ចំនួន ១.១១៥ ក្បាលដីទៀត។
ជាមួយគ្នានោះ សម្តេចនាយករដ្ឋមន្ត្រី ហ៊ុន សែន បានលើកឡើងថា "បញ្ហារបស់យើងនេះ គឺមកផែនទីកំណត់គម្របព្រៃឈើ ឆ្នាំ២០០២ ដែលជាឧបស័គរារាំង និងនាំឲ្យមានបញ្ហាដីធ្លី។ តំបន់ដែលកំណត់ថា ជាគម្រប់ព្រៃឈើនោះ មិនមានឈើទេ តែបែរចាមានដំឡូងមី កៅស៊ូ ស្វាយចន្ទីរ ពោត និងស្រូវ ជាដើម។ ដូច្នេះទុកផែនទីនោះម្ខាង ចាំចប់ការវាស់វេនដីធ្លីរួចហើយ ចាំគូសឡើងវិញ"។
សម្តេច ហ៊ុន សែន ក៏បានលើកឡើងថា "ដីនៅរមាសហែក ដែលដាក់បញ្ចូលក្នុងក្រុមហ៊ុន អានម៉ារ៉ាឌីនេះ មិនមែនជាកំហុសរបស់ក្រុមហ៊ុនទេ ប៉ុន្តែវាជាកំហុសរដ្ឋទៅវិញ។ ដីនេះ ជាប្រភេទដី ដាក់ក្នុងប្រភេទដីអវិនិយោគ ចំការកៅស៊ូពាមជាំង ( អូររាំងឪ )។ រឿងនេះ កើតឡើងស្រដៀងគ្នា នឹងរឿងចំការកៅស៊ូ នៅបឹងកេត ក្នុងស្រុកស្ទឹងត្រង់ ខេត្តកំពង់ចាម ដែលស្ទើរតែយកដីផ្នូលខ្មោចសាច់ញាត្តិរបស់ខ្ញុំ យកទៅដាក់ដេញថ្លៃ...។ ពេលមួយ ខ្ញុំ និងភរិយារបស់ខ្ញុំ មើលទូរទស្សន៍ សឹងតែស្រង់ទឹកភ្នែក ដោយឃើញពលរដ្ឋនៅរមាសហែក សុំអង្វរកគេ សុំដកដំឡូងសិន មុននឹងឈូសឆាយនោះ។ អីចឹង ដំបូងំផុត យើងផ្តល់អាទិភាពទៅលើការវាស់វែង ចែកដីដល់ប្រជាពលរដ្ឋ ហើយក្រុមហ៊ុន សុខចិត្ត ឬមិនសុខចិត្ត រឿងរបស់អ្នកឯងទេ។ ចង់ធើតទៅទៀត ក៏ធើ។ ដកខ្លួនថយ ក៏សុំអញ្ជើញដក។ យើងមិនមាននយោបាយប្រឆាំងនឹងក្រុមហ៊ុនទេ។ តែកំហុសនៅទីនេះ គឺមិនមែនជាកំហុសរបស់ក្រុមហ៊ុនដែរ តែជាកំហុសរបស់រដ្ឋបាល ដែលរដ្ឋត្រូវដោះស្រាយឲ្យជ្រះស្រលះ។ ឧទាហរណ៍ថា ក្រុមហ៊ុន បានទទួលដីសម្បទាន ១.០០០ ហិកតា តែវាជាន់លើដីប្រជាពលរដ្ឋ ព្រោះអាយើងគូសផែនទី ផ្អែកលើដីគម្របព្រៃឈើ បានវាចេញអីចឹង។ អីចឹង បើផ្តល់ដីសម្បទានឲ្យក្រុមហ៊ុន ១.០០០ ហិកតា ហើយជាន់លើដីប្រជាពលរដ្ឋ ៥០០ ហិកតា គឺត្រូវវាស់យកតែម្តង ( ចែកឲ្យប្រជាពលរដ្ឋ ) តែធ្វើតែកន្លែងមិនទាន់មានការដាំដុះទេ យើងកាត់យក។ អីចឹង សល់ ៥០០ ហិកតាទៀត បើក្រុមហ៊ុនធ្វើក៏ធ្វើ តែបើក្រុមហ៊ុនមិនយក ក៏យើងទុក ចែកជូនប្រជាពលរដ្ឋទៀត"។
ជាមួយនឹងប្រសាសន៍ដូច្នេះ សម្តេចនាយករដ្ឋមន្ត្រី ហ៊ុន សែន ក៏បានលើកឡើងពីជម្លោះដីធ្លីនៅស្រុករមាសហែកកន្លងមក ដែលនាំដល់ការចាប់ខ្លួនឧត្តមសេនីយ៍ផ្កាយមួយម្នាក់ ដាក់ពន្ធនាគារ ក្នុងរឿងដីធ្លីអនុប្បយោគ ដែលសម្តេចបានចុះហត្ថលេខា កាលពីឆ្នាំ២០០៩ ដើម្បីផ្តល់ឲ្យប្រជាពលរដ្ឋ តែមិនត្រូវបានផ្តល់ឲ្យទេ ត្រូវបានឈ្មួញដី វាស់វែងលក់ តាមការរត់ការរបស់ជីដូនរបស់សម្តេចទៅវិញ។
សម្តេចនាយករដ្ឋមន្ត្រី ហ៊ុនសែន បានលើកឡើងថា "ខ្ញុំបានចុះហត្ថលេខា ធ្វើអនុប្បយោគ តាំងពីឆ្នាំ២០០៩ ដើម្បីចែកដល់ប្រជាពលរដ្ឋ នៅរមាសហែកនេះ គឺពាក់ព័ន្ធនឹងជីដូនមួយរបស់ខ្ញុំផ្ទាល់ ឈ្មោះ អាឃ្លាំង ដែលមានឈ្មោះពិតថា ឌីឃ្លាំង ជាជីដូនមួយខាងម្តាយ។ អីចឹងដីនោះ មិនត្រូវបានផ្តល់ឲ្យប្រជាពលរដ្ឋទេ ដោយសារតែក្រុមនោះ វាស់ដី យកទៅលក់"។
សម្តេចនាយករដ្ឋមន្ត្រី ហ៊ុនសែន ក៏បានព្រមានថា "ខ្ញុំនឹងតាមចាប់ខ្លួនអ្នកពាក់ព័ន្ធ ក្នុងរឿងកិបកេងដីនេះ យកទៅលក់ នៅស្រុករមាសហែក ដើម្បីចាប់ដាក់គុក។ អីចឹងស្រាវជ្រាវលើអាឧត្តមសេនីយ៍ប៉ូលិសផ្កាយមួយ ដែលជាប់គុកនោះ ហើយស្រាវជ្រាវទាំងអាឃ្លាំង យកមកទៀត..."។
យ៉ាងណាក៏ដោយ សម្តេច ហ៊ុន សែន បានគូសបញ្ជាក់ថា "កំហុសក្នុងបញ្ហាដីធ្លីនោះ ( ផ្តល់ដីសម្បទានសេដ្ឋកិច្ចទៅឲ្យក្រុមហ៊ុនឯកជន ហើយប៉ះដីប្រជាពលរដ្ឋ ដែលនាំឲ្យកើតជម្លោះ ) កន្លងមក ក៏មិនមែនជាកំហុសរបស់ចៅហ្វាយខេត្តដែរ ដោយសារតែយើងបានដកហូតសិទ្ធិរបស់គាត់អស់រលីងតែម្តង តាមរយៈអនុក្រឹត្យលេខ ១១៨។ អនុក្រឹត្យនោះ មិនត្រូវបានអនុវត្តទេ វាធ្លាក់លើរដ្ឋបាលព្រៃឈើ ឬក្រសួងកសិកម្ម ឬក៏ក្រសួងបរិស្ថាន ក្នុងការដេញថ្លៃ ឬក៏ផ្តល់ដីសម្បទានសេដ្ឋកិច្ច...។ នេះជាកំហុសមួយ គួរឲ្យសោកស្តាយ ក្នុងរយៈពេលកន្លងមកទៅ។ តាមពិតចៅហ្វាយខេត្តនិមួយៗ ក៏ចង់បានដី ចែកឲ្យប្រជាជនរបស់គាត់ដែរ"៕
Friday, October 5, 2012
គណៈប្រតិភូយុវជនកម្ពុជា«នាវាយុវជន អាស៊ី អាគ្នេយ៍»ចូលជួបសំដែងការគួរសមជាមួយសម្តេចប្រមុខរាជរដ្ឋាភិបាល
ភ្នំពេញ ៖ គណៈប្រតិភូយុវជនកម្ពុជា«នាវាយុវជន អាស៊ី អាគ្នេយ៍»ចំនួន ២៩ រូប បានចូលជួបសំដែងការ គួរសម និងដើម្បីសុំអនុសាសន៍ដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន មុនពេលដែលពួកគេចេញដំណើរទៅចូលរួមក្នុងកម្មវិធីនាវាយុវជនអាស៊ីអាគ្នេយ៍លើកទី៣៩ ឆ្នាំ២០១២ នៅតាមបណ្តាប្រទេសមួយចំនួននៅក្នុងតំបន់អាស៊ាន និងប្រទេសជប៉ុន។
ក្នុងជំនួបសំដែងការគួរសម សម្តេចអគ្គមហាសេនាបតីតេជោ ហ៊ុន សែន ដែលធ្វើឡើងនៅ វិមានសន្តិភាពល្ងាចថ្ងៃទី៤ ខែតុលា លោក ស្រ៊ាង គឹមលី សមាជិកគណៈកម្មាធិការនាយក នៃ សហព័ន្ធនិស្សិតបញ្ញវន្តប្រជាធិបតេយ្យកម្ពុជា និងជាប្រធាននាវាយុវជនាវាយុវជនកម្ពុជាបានឲ្យដឹងថា កម្មវិធីនាវាយុវជនអាស៊ីអាគ្នេយ៍លើកទី៣៩ ឆ្នាំ២០១២ នេះមានរយៈពេល៥៣ថ្ងៃ គឺចាប់ពីថ្ងៃទី២៣ តុលា ដល់ថ្ងៃទី១៤ ខែធ្នូ ឆ្នាំ២០១២។ ឆ្នាំនេះនាវាយុវជនអាស៊ីអាគ្នេយ៍ នឹងចូលចតនៅកំពង់ផែនៃប្រទេសជប៉ុន វៀតណាម ថៃ សិង្ហបូរី ឥណ្ឌូណេស៊ី និងប្រទេសព្រុយណេ។ លោកប្រធានប្រតិភូបន្តថា កម្មវិធីនាវាយុវជនអាស៊ីអាគ្នេយ៍នេះ ត្រូវបានរៀបចំឡើងដោយរដ្ឋាភិបាលជប៉ុន និងមានការ ចូលរួមយ៉ាងសកម្មពីបណ្តាប្រទេស ដែលជាសមាជិកអាស៊ាន ហើយកម្មវិធីនេះបានចាប់ដំណើរការ តាំងពីឆ្នាំ ១៩៧៤ ក្នុងគោលបំណងរឹតចំណងមិត្តភាព ការយោគយល់គ្នារវាងយុវជនជប៉ុន និងអាស៊ាន ដើម្បីពង្រឹងទស្សនៈរបស់ពួកគេចំពោះពិភពលោក ព្រមទាំងលើកកម្ពស់សមត្ថភាពក្នុងកិច្ចសហប្រតិបត្តិការ អន្តរជាតិ។
ជាការឆ្លើយតប សម្តេចតេជោនាយករដ្ឋមន្ត្រី មានប្រសាសន៍សំដែងនូវការវាយតំលៃខ្ពស់ និងកោតសរសើចំពោះប្រតិភូនាវាយុវជនកម្ពុជា នាវាយុវជនអាស៊ីអាគ្នេយ៍ ដែលបានរួមចំណែកលើវិស័យសុខុមាលភាពរបស់ប្រជាជន តាមរយះការរ៉ៃអង្គារថវិកាជួយដល់មន្ទីរពេទ្យគន្ធបុប្ផា។ សម្តេចតេជោមានប្រសាសន៍ទៅកាន់ប្រតិភូនាវាយុវជនកម្ពុជា ដែលមានវត្តមាននៅក្នុងពិធីសំណេះសំណាលនោះថា មានមូលហេតុចំនួន៤ ដែលកម្ពុជាចូលជាសមាជិករបស់សមាគមប្រជាជាតិអាស៊ីអាគ្នេយ៍ ទី១ គឺការការពារឯករាជ្យ អធិបតេយ្យភាព និងការមិនជ្រៀតជ្រែកពីប្រទេសក្រៅ ទី២គឺស្មារតីសហគមន៍ នោះគឺអ្វីៗធ្វើការតាមកុសង់ស៊ីស ទី៣គឺផលប្រយោជន៍ខាងសេដ្ឋកិច្ច និងទី៤គឺជាច្រកចេញការទូតរបស់កម្ពុជាយើង។ ជាមួយគ្នានេះសម្តេចតេជោ បានជំរាបជូនប្រតិភូអំពីបញ្ហាសមុទ្រចិនខាងត្បូង និងជាទីបញ្ចប់សម្តេចតេជោក៏បានផ្តែផ្តាំឲ្យយុវជនទាំងអស់ ប្រឹងប្រែងធ្វើយ៉ាងណាបង្កើតទំនាក់ទំនង ឲ្យមានការយោគយល់គ្នារវាងយុវជននិងយុវជន ពិសេសខិតខំជំរុញទំនាក់ទំនងនិងលើកស្ទួយលើវិស័យទេសចរណ៍ ពាណិជ្ជកម្ម និងការផ្លាស់ប្តូរបទពិសោធន៍រវាងប្រទេសនិងប្រទេស និងម្យ៉ាងវិញទៀត សុំឲ្យយុវជនទាំងអស់ ចងចាំជានិច្ចថាដំណើរក្នុងនាវានៅពេលនេះ គឺតំណាងឲ្យប្រជាជនកម្ពុជាទាំង១៤លាននាក់នៅពីក្រោយខ្នង ដូច្នេះសូមធ្វើយ៉ាងណាខិតខំប្រឺងប្រែង ដើម្បីដើរតួអង្គជាតំណាងរបស់កម្ពុជា៕
ASEAN chair Cambodia faces challenges ahead of E. Asia summit
By Puy Kea
PHNOM PENH, Oct. 5 Kyodo - With its troubled, one-year chairmanship of ASEAN drawing to a close, Cambodia faces more challenges ahead as it prepares to host ASEAN and East Asia summits in mid-November, amid simmering maritime disputes involving increasingly assertive China and apprehensive Asian countries whose leaders will participate.
The 21st ASEAN Summit, the 7th East Asia Summit and related meetings in Phnom Penh are being seen as further tests of Cambodia’s diplomatic skills and of ASEAN’s ability to remain unified and credible amid China’s growing political and economic leverage over some of the grouping’s 10 members.
The meetings will follow the unprecedented failure of ASEAN foreign ministers to issue a joint communique at the end of their annual meeting in Cambodia in July, for the first time in the group’s 45-year history, owing to inability to forge a consensus on how or even whether to refer in the document to maritime disputes involving China and several ASEAN member states in the South China Sea.
International media and academic experts commented after the meeting that ASEAN suffered a major loss of face.
Some even went so far as to suggest Cambodia, by refusing to issue a communique that would mention the disputes in the South China Sea, had “kowtowed“ to China, its close friend and key benefactor, putting its national interest ahead of the grouping’s solidarity.
Cambodia, however, insists the failure to issue the communique was caused not by intransigence on its part or any lack of effort to find common ground among all parties concerned.
Instead, it blames the Philippines’ insistence that the communique mention the recent standoff between Manila and Beijing at Scarborough Shoal in the South China Sea, and Vietnam’s call for the document to stress the importance of respect for littoral countries’ rights and jurisdiction over their exclusive economic zone and continental shelf in the South China Sea.
“I am of the view that we do not put the joint communique a hostage of a bilateral dispute of some ASEAN members and another country in the region,“ Foreign Minister Hor Namhong said at the time in explaining the move.
From Cambodia’s perspective, yielding to the demands of its fellow ASEAN members would mean taking sides in their bilateral confrontations with its staunch ally China, which does not want its territorial disputes discussed multilaterally.
“As the chair of ASEAN, Cambodia had attempted to build consensus on a non-consensual issue, and when there is no consensus, Cambodia wanted ASEAN to focus on the points it can agree on, rather than on divergent views,“ Cambodia’s Ambassador to Thailand wrote in a recent opinion piece in The Nation newspaper.
Arguing that Cambodia had actively sought a compromise at the meeting, she said, “What should Cambodia have done when two members of ASEAN decided at the time to stick to their inflexible, ’non-negotiable’ positions?“
On allegations that pressure from Beijing was behind Phnom Penh’s unwillingness to issue the communique, the ambassador said, “Cambodia is a sovereign nation. It does not kowtow to any country.
To say that China was behind ’Phnom Penh’s intransigence’ is an insult.“
The unresolved issue is expected to overshadow the upcoming summit meetings as the involved parties have not backed down from their positions since July.
Indeed, the situation has become more complicated now that Japan’s territorial disputes with China over a cluster of islands in the East China Sea and with South Korea over a pair of islets in the Sea of Japan have taken center stage.
The three nations are Cambodia’s major donors and development partners.
In addition to demands from the Philippines and Vietnam for a united ASEAN stance vis-a-vis China, Cambodia may also face demands from other countries for stronger wording on territorial disputes in concluding documents to be issued at the summits.
Japan, for instance, has conveyed to Cambodia its dissatisfaction with the content of a chairman’s statement issued following an East Asia Summit ministerial meeting in July, saying it did not properly reflect territorial disputes in the South China Sea.
Chheang Vannarith, director of Cambodian Institute for Peace and Cooperation, said the recent flare-up of tension between Cambodia’s two key benefactors -- Japan and China -- poses a huge challenge for Cambodia as ASEAN chair.
He said the ASEAN chair needs to exercise quiet diplomacy and consultation in order to find common ground for regional cooperation among countries in the region amid thorny issues like the South China Sea.
Observers of ASEAN affairs say that if the grouping’s division is not healed in the coming few weeks, its credibility will be dented further, making it even harder to repair.
Singapore Prime Minister Lee Hsien Loong, in a speech last month in China, said that while ASEAN should not take sides on the various competing claims in the South China Sea, it must at least address the issue as not to do so “would severely damage its credibility.“
“It has to take and state a position which is neutral, forward-looking, and encourages the peaceful resolution of issues,“ he said.
Lee said that amid the territorial disputes between some ASEAN members and China, many countries are watching ASEAN “to see if it can deal with difficult issues effectively.“
“A divided or discredited ASEAN will lead to a scenario where the member states are forced to choose between major powers, and Southeast Asia becomes a new arena for rivalries and contention. No one wins,“ he said.
Pou Sothirak, a visiting senior research fellow at the Institute of Southeast Asian Studies in Singapore, said recent tension in the South China Sea has created a confrontational mood not only between China and the two ASEAN members, Vietnam and the Philippines, but also between China and the United States.
He said China’s increasing assertiveness in the South China Sea has pushed the two Southeast Asian countries closer to Washington, “favoring the U.S. leadership in Asia by way of constraining China through regional states, which is key part of Washington hedging strategy.“
Under such circumstances, the former ambassador to Japan said, it is important that ASEAN maintain its unity and its neutrality, and “posture itself as an appeasing force to manage this power competition (between China and the United States) so as to keep this region at peace, free from military conflict, and with prosperity.“
He stressed the need to expedite a legally binding regional code of conduct aimed at preventing misunderstanding and miscalculation that could lead to armed conflict, as was agreed at a China-ASEAN summit in 2002.
In 2002, ASEAN and China signed the “Declaration on the Conduct of Parties in the South China Sea.“ But in the decade since then, the proposed code of conduct has yet to be formulated, though work has begun.
U.S. Secretary of State Hillary Clinton, speaking early last month in Jakarta amid her 11-day Asia-Pacific tour, said advancing those talks should be the goal of next month’s East Asia Summit.
“It’s important that there be...a mechanism for resolving the potential for the outbreak of conflict or miscalculation by any party,“ she said.
In the meantime, she added, “No party should take any steps that would increase tensions or do anything that could be viewed as coercive or intimidating to advance their territorial claims.“
China, which has been flexing its muscles not only in the South China Sea but also in the East Sea, is not expected ahead of the summit to soften its position on defending its maritime rights and interests. Nor are the Philippines and Vietnam, or Japan for that matter.
Amid the confrontational rhetoric and escalating tensions in the region, Cambodia contends that as ASEAN chair, it can at least play a conciliatory role by not taking any actions that would add fuel to the fire, thus leaving the door open for negotiations between the parties concerned.
The Association of Southeast Asian Nations comprises of Brunei, Cambodia, Indonesia, Laos, Malaysia, Myanmar, Philippines, Singapore, Thailand and Vietnam. The East Asia Summit includes them plus Australia, China, India, Japan, New Zealand, South Korea, Russia and the United States.
==Kyodo
សម្ដេចតេជោផ្ដាំផ្ញើឱ្យយុវជនដើរតួអង្គជាតំណាងរបស់ប្រទេស និងប្រជាពលរដ្ឋ
ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃ ព្រះរាជាណាចក្រកម្ពុជាបានផ្ដាំផ្ញើដល់យុវជនដែលគ្រោងនឹងធ្វើដំណើររយៈពេល២ខែ ក្នុងកម្មវិធីនាវាយុវជនអាស៊ីអាគ្នេយ៍លើកទី៣៩ នៅប្រទេសជប៉ុនត្រូវតែខិតខំធ្វើយ៉ាងណាឱ្យក្លាយជាតួអង្គ និងជាតំណាងរបស់កម្ពុជា។
ការថ្លែងផ្ដាំផ្ញើបែបនេះរបស់សម្ដេចតេជោបានធ្វើឡើងកាលពីល្ងាចថ្ងៃទី៤ ខែតុលា ឆ្នាំ២០១២ នៅក្នុងឱកាសដែលសម្ដេចអនុញ្ញាតឱ្យប្រតិភូនាវាយុវជនកម្ពុជាចូលជួបសម្ដែងការគួរសម និងសុំការពន្យល់ណែនាំនាវិមានសន្ដិភាព។
សម្ដេចតេជោមានប្រសាសន៍ថា ប្រតិភូនាវាយុវជនកម្ពុជាដែលត្រូវទៅចូលរួមក្នុងកម្មវិធីនាវាយុវជនអាស៊ីអាគ្នេយ៍លើកទី៣៩នៅប្រទេសជប៉ុនត្រូវ ខិតខំធ្វើយ៉ាងណាបង្កើតទំនាក់ទំនង និងលើកស្ទួយវិស័យទេសចរណ៍ពាណិជ្ជកម្មការទូត និងបទពិសោធន៍រវាងប្រទេសនិងប្រទេស។ សម្ដេចបន្ដថា យុវជនទាំង អស់ដែលត្រូវចេញដំណើរទៅនាពេលខាងមុខនេះ ត្រូវចាំជានិច្ច គឺយុវជនកម្ពុជាតំណាងឱ្យប្រជាជន១៤លាននាក់ ដូច្នេះត្រូវធ្វើយ៉ាងណាខិតខំដើម្បីឱ្យក្លាយជាតួអង្គតំណាងឱ្យកម្ពុជា។
ក្នុងឱកាសនោះសម្ដេចតេជោក៏បានលើកទាក់ទិននឹងការចូលជាសមាជិកអាស៊ានរបស់កម្ពុជា គឺមិនមែនចូលដោយការបង្ខំនោះទេ ផ្ទុយទៅវិញវាជានយោបាយការបរទេស ក្នុងមូលហេតុ៤សំខាន់ ១-ការការពារឯករាជ្យ អធិបតេយ្យភាព និងការពារមិនជ្រៀតជ្រែក ពីប្រទេសខាងក្រៅ, ២-ស្មារតីសហគមន៍, ៣-ផលប្រយោជន៍សេដ្ឋកិច្ច និង៤-ជាច្រកចេញខាងផ្នែកការទូតរបស់កម្ពុជា។
សម្ដេចតេជោក៏បានថ្លែងអំណរគុណចំពោះសមាគមនាវាយុវជនអាស៊ីអាគ្នេយ៍ ដែលបានរួមចំណែកលើកស្ទួយវិស័យសុខុមាលភាព ដោយរៃអង្គាសថវិកាមួយចំនួនយកទៅប្រគល់ជូនមន្ទីរពេទ្យគន្ធបុបា្ព ក្នុងការងារមនុស្សធម៌ជួយសង្គ្រោះជីវិតកម្ពុជា ស្របពេលដែលមន្ទីរពេទ្យនេះព្យាបាលកុមារកម្ពុជាមិនគិតកម្រៃ ហើយកំពុងស្វះស្វែងរកជំនួយឧបត្ថម្ភពីគ្រប់មជ្ឈដ្ឋាន។
លោក ស្រេង គឹមលី តំណាងយុវជនអាស៊ីអាគ្នេយ៍បានឱ្យដឹងថា ប្រតិភូបណ្ដាប្រទេសជាសមាជិកអាស៊ាននីមួយៗត្រូវជួបគ្នានៅទីក្រុងតូក្យូ ថ្ងៃទី២៣ ខែតុលា ឆ្នាំ២០១២ បន្ទាប់ពីមកនឹងមានកម្មវិធីនៅទីនោះ រួមនឹងធ្វើដំណើរទៅកាន់ប្រទេសវៀតណាម, ថៃ, សិង្ហបុរី, ឥណ្ឌូ នេស៊ី និងប្រ៊ុយណេ៕
រាជរដ្ឋាភិបាលប្រគល់ដីជូនប្រជាពលរដ្ឋទាំងអស់ទោះកាន់គណបក្សនយោបាយណាក៏ដោយ
ខេត្ដស្វាយរៀង ៖ ប្រមុខនៃរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន នៅព្រឹកថ្ងៃទី៥ ខែតុលា បានថ្លែងបញ្ជាក់ទៅកាន់ប្រជាពលរដ្ឋក្នុងឱកាសអញ្ជើញជាអធិបតី ក្នុងពិធីសំណេះសំណាល និងបែងចែកបណ្ណកម្មសិទ្ធិដីធ្លី ជូនប្រជាពលរដ្ឋនៅស្រុករមាស ហែក ខេត្ដស្វាយរៀងថា ការវាស់វែងដី ធ្លីជូនប្រជាពលរដ្ឋ ហើយទោះបីប្រជា ពលរដ្ឋកាន់បក្សណាក៏ដោយ គឺមិនខ្វល់ ទេ រាជរដ្ឋាភិបាលដឹងតែប្រគល់ដីឱ្យ ប្រជាពលរដ្ឋប៉ុណ្ណោះ ។
នៅក្នុងពិធីសំណេះសំណាលនិងផ្ដល់ បណ្ណកម្មសិទ្ធិដីធ្លីជូនប្រជាពលរដ្ឋខាងលើ នេះ សម្ដេចមានប្រសាសន៍ថា ដីដែល ឈូសឆាយ មិនទាន់ឈូសឆាយ និងដើម ឈើទើបដាំថ្មី ត្រូវប្រគល់ត្រឡប់មកវិញ ទុកឱ្យប្រជាពលរដ្ឋដើម្បីកុំឱ្យប្រជាពល រដ្ឋនាំគ្នាទៅប៉ះពាល់ដីរបស់ក្រុមហ៊ុន តទៅទៀត ក្នុងនោះក៏ត្រូវស្វែងរកអត្ដ សញ្ញាណដីដែលបានកាន់កាប់ជាមុន វាស់វែងបន្ថែមឱ្យប្រជាពលរដ្ឋ។ ការ វាស់វែងដីធ្លីជូនប្រជាពលរដ្ឋគឺមិនមែន បក្សដទៃមិនឱ្យនោះទេ ប៉ុន្ដែទោះបីប្រជា ពលរដ្ឋណាកាន់គណបក្សនយោបាយណា ក៏ដោយ ក៏ប្រគល់ដីឱ្យពួកគាត់ដែរ ។
សម្ដេចថ្លែងបញ្ជាក់ថា ការចុះមក សំណេះសំណាល និងប្រគល់បណ្ណកម្ម សិទ្ធិដីធ្លីជូនប្រជាពលរដ្ឋនៅពេលនេះ គឺ មិនមែនមកក្នុងនាមគណបក្សប្រជាជន កម្ពុជានោះទេ គឺមកក្នុងនាមនាយករដ្ឋ មន្ដ្រីដើម្បីកាត់ក្ដីជូនប្រជាពលរដ្ឋ។ សម្ដេចបន្ដទៀតថា ថ្ងៃនេះចែកជូនបាន មួយចំនួននៅសល់មួយចំនួនទៀត មិន មែនបញ្ចប់ត្រឹមហ្នឹងនោះទេ គឺត្រូវបន្ដ ចែកជូនទៅដល់ឃុំដទៃទៀត ដែលមាន បញ្ហាជាប់ពាក់ព័ន្ធទៅនឹងដីសម្បទាន សេដ្ឋកិច្ច។
នៅក្នុងពិធីនោះ សម្ដេចតេជោបាន ប្រកាសកាត់ដីពីក្រុមហ៊ុនអានម៉ារឌី ១.៥០០ហិកតា យកមកវាស់វែងប្រគល់ ជូនប្រជាពលរដ្ឋវិញ។
លោកជាង អំ អភិបាលខេត្ដស្វាយ រៀងមានប្រសាសន៍ថា ការអនុវត្ដគោល នយោបាយចាស់ សកម្មភាពថ្មីលើវិស័យ ដីធ្លី ខេត្ដស្វាយរៀងបានរៀបចំបង្កើត គណៈកម្មការចុះវាស់វែងដីធ្លី ផ្ដល់បណ្ណ កម្មសិទ្ធិជូនប្រជាពលរដ្ឋក្នុងស្រុករមាស ហែក។ លោកបន្ដថា ក្រោយពីការបិទ ផ្សាយទិន្នន័យជាសាធារណៈបានត្រឹមត្រូវ តាមនីតិវិធីរួចមក គណៈកម្មការរដ្ឋបាល បានសម្រេចផ្ដល់បណ្ណកម្មសិទ្ធិជូនប្រជា ពលរដ្ឋបាន៥១០ក្បាលដី គិតជាផ្ទៃដី ៤៣.៦៥៧ហិកតា ស្មើនឹង២៨៨គ្រួសារ ក្នុងនោះមានដីកសិកម្ម៣៧៦ក្បាល, ដី លំនៅឋាន១៣៣ក្បាល និងសាលារៀន ១ក្បាល ។
លោកជាង អំ អភិបាលខេត្ដស្វាយ រៀងមានប្រសាសន៍ថា ការអនុវត្ដគោល នយោបាយចាស់ សកម្មភាពថ្មីលើវិស័យ ដីធ្លី ខេត្ដស្វាយរៀងបានរៀបចំបង្កើត គណៈកម្មការចុះវាស់វែងដីធ្លី ផ្ដល់បណ្ណ កម្មសិទ្ធិជូនប្រជាពលរដ្ឋក្នុងស្រុករមាស ហែក។ លោកបន្ដថា ក្រោយពីការបិទ ផ្សាយទិន្នន័យជាសាធារណៈបានត្រឹមត្រូវ តាមនីតិវិធីរួចមក គណៈកម្មការរដ្ឋបាល បានសម្រេចផ្ដល់បណ្ណកម្មសិទ្ធិជូនប្រជា ពលរដ្ឋបាន៥១០ក្បាលដី គិតជាផ្ទៃដី ៤៣.៦៥៧ហិកតា ស្មើនឹង២៨៨គ្រួសារ ក្នុងនោះមានដីកសិកម្ម៣៧៦ក្បាល, ដី លំនៅឋាន១៣៣ក្បាល និងសាលារៀន ១ក្បាល ។
គួរបញ្ជាក់ថា នេះជាលើកទី៣ហើយ ដែលសម្ដេចតេជោបានចុះប្រគល់បណ្ណ កម្មសិទ្ធិដីធ្លីជូនប្រជាពលរដ្ឋដោយផ្ទាល់ បន្ទាប់ពីក្រុមយុវជនស្ម័គ្រចិត្ដរបស់ សម្ដេចនិងលោកជំទាវកិត្ដិព្រឹទ្ធបណ្ឌិត បានចុះវាស់វែងជូនប្រជាពលរដ្ឋចប់សព្វគ្រប់ ខណៈលើកទី១ សម្ដេចតេជោបាន ចុះទៅប្រគល់បណ្ណកម្មសិទ្ធិជូនប្រជាពល រដ្ឋនៅស្រុកស្នួល ខេត្ដក្រចេះ និងលើក ទី២ នៅស្រុកគាស់ក្រឡ ខេត្ដបាត់ដំបង ៕
លោកស្រី ជា លាង ដឹកនាំគណៈប្រតិភូចូលរួមកិច្ចប្រជុំប្រចាំឆ្នាំលើកទី៦នៃសមាគមន៍អន្តរជាតិរបស់អង្គភាពប្រឆាំងអំពើពុករលួយ(IAACA)
លោកស្រី ជា លាង អគ្គព្រះរាជអាជ្ញានៃមហាអយ្យការអមតុលាការកំពូល រួមដំណើរដោយ លោក ច័ន្ទ តារារស្មី ព្រះរាជអាជ្ញានៃមហាអយ្យការអមតុលាកំពូល, លោក ផាន់ វណ្ណរ័ត្ន ព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ លោក ស្រ៊ាង រតនៈ ព្រះរាជអាជ្ញារងនៃអយ្យការអមសាលាដំបូងខេត្តសៀមរាប លោក កី ម៉ានេរ៉ា ចៅក្រមនៃសាលាដំបូងខេត្តព្រៃវែង រួមនិងប្រតិភូមកពីក្រសួងយុត្តិធម៌ និងអង្គភាពប្រឆាំងអំពើពុករលួយ បានដឹកនាំគណៈប្រតិភូទៅអញ្ជើញចូលរួម កិច្ចប្រជុំប្រចាំឆ្នាំលើក ទី៦នៃសមា គមន៍អន្តរ ជាតិរបស់អង្គភាពប្រឆាំងអំពើពុករលួយហៅកាត់(IAACA) ។ កិច្ចប្រជុំប្រារព្ធ ធ្វើឡើងនៅទីក្រុងកូឡាឡាំពួរប្រទេសម៉ាឡេស៊ី ដំណើរការកិច្ចប្រជុំរយៈពេល៣ថ្ងៃ ចាប់ពី ថ្ងៃទី៤ រហូតដល់ថ្ងៃទី៧ ខែតុលា ឆ្នាំ២០១២ក្នុងនោះមានប្រទេសជាសមាជិកប្រមាណ១៥០ប្រទេសលើពិភពលោកបានអញ្ជើញចូលរួមផងដែរ។
គណៈប្រតិភូដឹកនាំដោយលោកស្រី ជា លាង ចូលរួមកិច្ចប្រជុំរៀបចំឡើងនៅទីក្រុងកូឡាឡាំពួ ក្នុងគោលបំណង ដើម្បីចែករំលែកបទពិសោធន៍ ផ្លាស់ប្តូរព័ត៌មាន និង ផ្តល់ជំនួយផ្នែកច្បាប់និងបច្ចេកទេស ទៅវិញទៅមករវាងគណៈប្រតិភូប្រទេសជាសមាជិក ស្តីពីតួនាទីរបស់ព្រះរាអាជ្ញា និងចៅក្រម ព្រមទាំងអាជ្ញាធរប្រឆាំងអំពើពុករលួយ(IAACA)។
គណៈប្រតិភូដឹកនាំដោយលោកស្រី ជា លាង នាវេលាម៉ោង១១និង០នាទីព្រឹកថ្ងៃទី៥ ខែតុលា ឆ្នាំ២០១២បានចូលជួបសម្តែងការគួរសមជាមួយលោក ចាវ ជានមីង អគ្គរដ្ឋអាជ្ញា នៃអយ្យការអមតុលាការកំពូល នៃសាធារណរដ្ឋប្រជាមានិតចិន នៅទីក្រុងកូឡាឡាំពួ ដើម្បីពិភាក្សាកិច្ចសហប្រតិបត្តិការទៅវិញទៅមក លើការងារវិស័យ តុលាការរវាងប្រទេសទាំងពីរ ព្រះរាជាណាចក្រកម្ពុជា និងសាធារណៈរដ្ឋប្រជាមានិតចិន ។
ទន្ទឹមនោះលោកស្រីបានអញ្ជើញ លោក ចាវ ជានមីង មកធ្វើទស្សនកិច្ចនៅព្រះរា ជាណាចក្រកម្ពុជា នាវេលាសមស្របណាមួយឆ្នាំក្រោយ ហើយ ចាវ ជានមីង ក៏បានទទួល យកការអញ្ជើញរបស់លោកស្រីផងដែរ ៕
បារាំងផ្តល់ប្រាក់កម្ចីអធិបតេយ្យដល់សហគ្រិនកម្ពុជា
ភ្នំពេញ ៖ លោក Christian Connan ឯកអគ្គរដ្ឋទូតបារាំងប្រចាំព្រះរាជាណាចក្រកម្ពុជា ដែលនឹងត្រូវបានបញ្ចប់អាណត្តិការទូតនៅកម្ពុជានាពេលដ៏ខ្លីខាងមុខនេះ បានជម្រាបនៅក្នុង ឱកាសចូលជួបសម្តែងការគួរសម និងជម្រាបលាលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នាព្រឹកថ្ងៃទី៥ ខែតុលា ឆ្នាំ២០១២ នៅទីស្តីការក្រសួងថា ចាប់ពីខែកក្កដា ឆ្នាំ២០១២ នេះទៅភាគីកម្ពុជា ឬសហគ្រិនកម្ពុជា អាចខ្ចីប្រាក់ដែលហៅថាកម្ចីអធិបតេយ្យពីភាគីបារាំងបាន ។
លោក កុយ គួង អនុរដ្ឋលេខាធិការ និងជាអ្នកនាំពាក្យក្រសួងការបរទេសបាន ប្រាប់អ្នកយកព័ត៌មានក្រោយជំនួបសម្តែងករគួរសម និងជម្រាបលារបស់លោកឯកអគ្គរដ្ឋទូត បារាំងជាមួយលោកឧបនាយករដ្ឋមន្ត្រី ហោ ណាំហុង ថា ភាគីទាំងពីរក៏បានលើកឡើងផង ដែរ អំពីការសិក្សាលទ្ធភាពលើគម្រោងកសាងបង្កើតរថភ្លើងប្រើដោយចរន្តអគ្គិសនីនៅក្នុង ព្រះរាជាណាចក្រកម្ពុជា ពិសេសនៅក្នុងរាជធានីភ្នំពេញ ដែលកន្លង មកបានធ្វើការសិក្សា ដំណាក់កាលទី១និងទី២រួចហើយ ដែលឆ្នាំក្រោយនឹងធ្វើការសិក្សាដំណាក់កាលទី៣បន្ត ទៀតធ្វើយ៉ាងណាឲ្យបានឆាប់ចប់ ដើម្បីអាចមានរថភ្លើងប្រើចរន្តអគ្គិសនីនៅកម្ពុជា ពិសេស ក្នុងរាជធានីភ្នំពេញ សម្រួលដល់ការធ្វើដំណើររបស់ប្រជាពលរដ្ឋ ។ ជាមួយនេះ ភាគីទាំងពីរ ក៏បានលើកឡើងផងដែរ អំពីគម្រោងបំភ្លឺក្នុងរាជធានីភ្នំពេញ ជាពិសេសនៅទីសាធារណៈ ដោយប្រើប្រព័ន្ធមួយដែលប្រើចរន្តអគ្គិសនីតិចបំផុត ។ កន្លងមកការសិក្សាគម្រោងនេះបាន ចប់សព្វគ្រប់រួចហើយ នៅតែពេលអនុវត្តគម្រោងនេះនាពេលខាងមុខ ។ លោកឯកអគ្គរដ្ឋទូត បារាំងក៏បានបញ្ជាក់ដែរថា អ្នកវិនិយោគទុនបារាំងក៏មានបំណងធ្វើការសិក្សាវិនិយោគនៅ កម្ពុជាផងដែរ ជាពិសេសក្រុមហ៊ុនអគ្គិសនីបារាំងដែលហៅថា EDF និងមកវិនិយោគនៅក្នុង ប្រទេសកម្ពុជាលើផ្នែកថាមពលអគ្គិសនី រួមទាំងវារីអគ្គិសនីផងដែរ ។
លោកឧបនាយករដ្ឋមន្ត្រី ហោ ណាំហុង ក៏បានស្នើឲ្យតំណាងក្រុមហ៊ុនទៅពិភាក្សា ការងារនេះជាមួយក្រសួងពាក់ព័ន្ធ ជាពិសេសក្រសួងឧស្សាហកម្ម រ៉ែ និងថាមពល ។
លោកឧបនាយករដ្ឋមន្ត្រី បានថ្លែងអំណរគុណយ៉ាងជ្រាលជ្រៅចំពោះឯកអគ្គរដ្ឋទូតបា រាំង និងមន្ត្រីស្ថានទូតបារាំងទាំងអស់ដែលបានរួមចំណែកដោយផ្ទាល់ខ្លួនដើម្បីធ្វើឲ្យកិច្ចសហប្រតិបត្តិការ និងទំនាក់ទំនងរវាងប្រទេសទាំងពីរកាន់តែមានភាពរឹងមាំក្នុងអំឡុងបេសកកម្មករ ទូតរបស់លោកក្នុងប្រទេសកម្ពុជា ។
លោកឯកអគ្គរដ្ឋទូត Christian Connan ក៏បនសម្តែងនូវការអរគុណដល់រាជរដ្ឋាភិបាលកម្ពុជា ពិសេសតាមរយៈក្រសួងការបរទេស ដែលបានជួយសម្រួលដល់បេសកកម្មការទូត រយៈពេលពីរឆ្នាំរបស់លោកនៅកម្ពុជាប្រកបដោយជោគជ័យ ។ លោកក៏បានវាយតម្លៃខ្ពស់ ចំពោះការរីកចម្រើនរបស់ ព្រះរាជាណាចក្រកម្ពុជាក្នុងរយៈពេលពីរឆ្នាំដែលឯកឧត្តមបាន បំពេញបេសកកម្មការទូតផងដែរ ។ ភាគីទាំងពីរក៏បានធ្វើការផ្លាស់ប្តូរទស្សនៈគ្នាអំពីកិច្ចប្រជុំ កំពូលអាស៊ានលើកទី២១ និងកិច្ចប្រជុំកំពូលពាក់ព័ន្ធដែលនឹងប្រព្រឹត្តទៅក្នុងខែវិច្ឆិកាខាងមុខ និងពិភាក្សាអំពីពិធសារនៃសន្ធិសញ្ញានៃ តំបន់អាស៊ីអាគ្នេយ៍គ្មានអាវុធនុយក្លេអ៊ែរផងដែរ ។
គួរបញ្ជាក់ដែរថា ទំហំពាណិជ្ជកម្មរវាងកម្ពុជា-បារាំងក្នុងឆ្នាំ២០១១ មានចំនួនជាង ១៣៨លានដុល្លារអាមេរិក ហើយទំហំវិនិយោគរបស់ប្រទេសបារាំងចាប់តាំងពីឆ្នាំ១៩៩៤ រហូតមកដល់ឆ្នាំ២០១១ មានចំនួនជាង ៣៣៣លានដុល្លារអាមេរិក ៕
ក្រុមអ្នករត់ម៉ូតូឌុបនិងម៉ូតូកង់៣ អង្គាសប្រាក់យកទៅឧបត្ថម្ភដល់អ្នករងគ្រោះដោយអំពើហិង្សា
ភ្នំពេញ ៖ តាមគម្រោងនៅវេលាម៉ោង៣រសៀលថ្ងៃទី៥ ខែតុលា ឆ្នាំ២០១២ ក្រុមអ្នករត់ម៉ូតូឌុបនិងម៉ូតូកង់៣ នឹងនាំថវិកាមួយចំនួនដែលបានមកពីការរៃ អង្គាសគ្នាក្នុងម្នាក់១០០០-៣០០០រៀល យកទៅឧបត្ថម្ភដល់សមាជិកពួកគេ រងគ្រោះដោយអំពើហិង្សាចេតនាស្ថានទម្ងន់ទោស ដែលបង្កឡើងដោយឈ្មោះយ៉ោម បុបា្ព និងប្ដីរបស់គាត់កាលពីយប់ថ្ងៃទី៧ ខែសីហា ឆ្នាំ២០១២កន្លងទៅនៅមុខផ្ទះ សំណាក់បុបា្ពលេខ៥ ផ្លូវលេខ៨៦ សង្កាត់ស្រះចក ខណ្ឌដូនពេញ ។
លោក ឯ សុភាស់ ប្រធានសមាគមរួមគ្នាដើម្បីអភិវឌ្ឍកម្ពុជាបានប្រាប់នគរវត្ដតាមទូរស័ព្ទកាលពីរសៀលថ្ងៃទី៥ ខែតុលា ឆ្នាំ២០១២ថា ក្រុមអ្នករត់ម៉ូតូឌុប និងម៉ូតូកង់៣ បើទោះជាពួកគាត់មានស្ថានភាពលំបាកក្នុងជីវភាពរស់នៅប្រចាំថ្ងៃ និងប្រើប្រាស់កម្លាំងពលកម្មដើម្បីរកប្រាក់ដោះស្រាយជីវភាពគ្រួសារ ប៉ុន្ដែពួកគាត់បានគិតគូរខ្ពស់ទៅលើផលលំបាករបស់សមាជិកពួកគាត់ ដែលជាអ្នករត់ម៉ូតូឌុប ហើយរងនូវអំពើហិង្សាពីជនជាប់ចោទកន្លងទៅ ។
ដូច្នេះប៉ុន្មានថ្ងៃនេះ ពួកគាត់បានប្រមូលប្រាក់តាមរយៈការរៃអង្គាសក្នុងម្នាក់ពី៥០០រៀល, ១.០០០រៀល ទៅ ៣.០០០រៀល ក្នុងចំណោមអ្នករត់ម៉ូតូឌុប និងម៉ូតូកង់៣ចំនួន២៩៧នាក់នោះ គឺប្រមូលបានប្រាក់ចំនួនជាង៣០ម៉ឺនរៀល ដែលត្រូវយកទៅឧបត្ថម្ភទៅលើជនរង គ្រោះឈ្មោះ វ៉ាត ថៃសេង ភេទប្រុស អាយុ២៤ឆ្នាំ និងជនរងគ្រោះឈ្មោះ ង៉ែត ចិន្ដា ហៅចន ភេទប្រុស អាយុ២៨ឆ្នាំ ដល់គេហដ្ឋាននៅសង្កាត់ស្រះចក ខណ្ឌ ដូនពេញ ។
លោក ឯ សុភាស់ បានបន្ដថា តាមគម្រោងក្រុមអ្នករត់ម៉ូតូឌុបនិងម៉ូតូកង់៣របស់សមាគមរួមគ្នាដើម្បីអភិវឌ្ឍកម្ពុជា និងបន្ដដាក់សំណើសុំការជួយឧបត្ថម្ភផងដែរ ពីឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា ក៏ដូចជាបណ្ដាសមាគម សង្គម ស៊ីវិល និងសប្បុរសជនមួយចំនួនទៀត ប៉ុន្ដែមុននឹងឈានទៅដល់ការសុំការឧបត្ថម្ភខាងលើពួកគាត់ត្រូវចេះជួយខ្លួនឯងមុនសិន តាមរយៈការឧបត្ថម្ភរៃអង្គាសគ្នាជាលក្ខណៈលទ្ធភាព ដូចដែលប្រមូលបានក្នុងពេលនេះផ្ទាល់ ។
ពាក់ព័ន្ធទៅនឹងជនរងគ្រោះ វ៉ាត ថៃសេង និង ង៉ែត ចិត្រ ដែលជាអ្នករត់ម៉ូតូឌុប រងនូវអំពើហិង្សាពីជនល្មើស បើទោះជាសមត្ថកិច្ចបានឃាត់ខ្លួន និងបញ្ជូនទៅសាលាដំបូងរាជធានីភ្នំពេញឃុំខ្លួន បណ្ដោះអាសន្ននោះហើយក្ដី ក្រុមអ្នករត់ម៉ូតូឌុបនៅតែមានការព្រួយបារម្ភពីការអន្ដរាគមន៍ណាមួយឈានដោះលែងជនត្រូវចោទ ដូច្នេះក្រុមអ្នករត់ម៉ូតូឌុបនិងម៉ូតូកង់៣ ធ្លាប់បានធ្វើញត្ដិទៅកាន់ស្ថានទូតមួយចំនួនប្រចាំនៅកម្ពុជា ទៅក្រសួងយុត្ដិធម៌ សាលាដំបូងរាជធានីភ្នំពេញ ទាមទារឱ្យតុលាការធ្វើការផ្ដន្ទាទោសទៅលើជនជាប់ចោទពីបទអំពើហិង្សាដោយចេតនាស្ថានទម្ងន់ទោសនិងសំណងរដ្ឋប្បវេណី ទៅលើជនរងគ្រោះនោះទៀតផង៕
ពាក់ព័ន្ធទៅនឹងជនរងគ្រោះ វ៉ាត ថៃសេង និង ង៉ែត ចិត្រ ដែលជាអ្នករត់ម៉ូតូឌុប រងនូវអំពើហិង្សាពីជនល្មើស បើទោះជាសមត្ថកិច្ចបានឃាត់ខ្លួន និងបញ្ជូនទៅសាលាដំបូងរាជធានីភ្នំពេញឃុំខ្លួន បណ្ដោះអាសន្ននោះហើយក្ដី ក្រុមអ្នករត់ម៉ូតូឌុបនៅតែមានការព្រួយបារម្ភពីការអន្ដរាគមន៍ណាមួយឈានដោះលែងជនត្រូវចោទ ដូច្នេះក្រុមអ្នករត់ម៉ូតូឌុបនិងម៉ូតូកង់៣ ធ្លាប់បានធ្វើញត្ដិទៅកាន់ស្ថានទូតមួយចំនួនប្រចាំនៅកម្ពុជា ទៅក្រសួងយុត្ដិធម៌ សាលាដំបូងរាជធានីភ្នំពេញ ទាមទារឱ្យតុលាការធ្វើការផ្ដន្ទាទោសទៅលើជនជាប់ចោទពីបទអំពើហិង្សាដោយចេតនាស្ថានទម្ងន់ទោសនិងសំណងរដ្ឋប្បវេណី ទៅលើជនរងគ្រោះនោះទៀតផង៕
លោក ប្រាក់ សុខុន និងលោក អ៊ាវ ចំរើន ចូលរួមកាន់បិណ្ឌទី៥នៅវត្តប្រជុំនទីហៅវត្តក្រពើហា
ខេត្តកណ្តាល ៖ នៅល្ងាចថ្ងៃទី៤និងព្រឹកថ្ងៃទី៥ ខែតុលា ឆ្នាំ២០១២ លោក ប្រាក់ សុខុន ព្រមទាំងភរិយាលោកស្រី ខេង សំវ៉ាដា និងលោកឧត្តមសេនីយ៍ត្រី អ៊ាវ ចំរើន ព្រមទាំងភរិយាលោកស្រី ឈួ ចក្ត្រា បានដឹកនាំមន្ត្រីក្រោមឱវ៉ាតរបស់លោកចូលរួមកាន់បិណ្ឌទី៥ នៃពិធីបុណ្យភ្ជុំបិណ្ឌនៅវត្តប្រជុំនទី ហៅវត្តក្រពើហា ស្ថិតនៅក្នុងភូមិក្រពើហា សង្កាត់ព្រែកឬស្សី ក្រុងតាខ្មៅ ខេត្តកណ្តាល ដើម្បីឧទ្ទិសកុសលផលបុណ្យជូនឪពុកម្តាយ ជីដូនជីតា និងសាច់សាលោហិត និងញាតិការទាំង៧សណ្តានដែលបានចែកឋានទៅលោកខាងមុខ ជាពិសេសឧទ្ទិសកុសលជូនដល់នាយ និងពលនគរបាលដែលបាន ពលីជីវិតបូជាសាច់ស្រស់ឈាមស្រស់លើសមរភូមិ ក៏ដូចជានាយ-ពលនគរបាលដែលបានទទួលមរណភាពដោយបុព្វហេតុជាតិមាតុ និងមរណៈដោយប្រការណាមួយនោះ ។
អង្គពិធីបានសូត្រមន្តចម្រើនព្រះបរិត្តិ នមស្សការ ព្រះរតនៈត្រ័យ និង រាប់បាតបង្សុកូលទៅតាមទំនៀមទម្លាប់ ប្រពៃណី ព្រះពុទ្ធសាសនា ដ៏រុងរឿង ដើម្បីឧទ្ទិសកុសលផលបុណ្យជូនដល់ដួងវិញ្ញណក្ខន្ធបុព្វការីជន ជីដូនជីតា ឪពុកម្តាយ និងញាតិកាទាំង៧សន្តាន ដែលបានចែកឋានទៅលោកខាងមុខ សូមឲ្យរួចផុតចាកទុក្ខពីកម្មពៀរវេរា ទាំងឡាយ និងបានទៅសោយសុខដល់ឋានសុគតិភព កុំបីឃ្លៀងឃ្លាតឡើយ។
នៅក្នុងឱកាសនោះលោក ប្រាក់ សុខុន ព្រមទាំងភរិយាលោកស្រី ខេង សំវ៉ាដា និងលោកឧត្តមសេនីយ៍ត្រី អ៊ាវ ចំរើន ព្រមទាំងភរិយាលោកស្រី ឈួ ចក្ត្រាក៏ រួមជាមួយពុទ្ធបរិសទ្ទបាននាំយកទ័យទាន និងបច្ច័យប្រគេនព្រះសង្ឈវត្តប្រជុំនទីហៅវត្តក្រពើហារួមមាន អង្ករចំនួន១តោន ទឹកបរិសុទ្ធចំនួន១០០យួ ទឹកក្រូចចំនួន៥០កេះ ទឹកដោះគោ២កេះ ត្រីខកំប៉ុងចំនួន៥កេះ ស្ករសចំនួន២បាវ និងបច្ច័យចំនួន ១១.២៩៣៧០០រៀល និង ប្រាក់ដុល្លាចំនួន៤៣៥ដុល្លារ សម្រាប់ចូលរួមពិធីកាន់បិណ្ឌវេទី៥ នៃបុណ្យភ្ជុំបិណ្ឌ នៅវត្តប្រជុំនទីហៅវត្តក្រពើហា ៕
Subscribe to:
Posts (Atom)