សម្តេចអគ្គមហាសេនាបតីតេជោ
ហ៊ុន សែន បានប្រកាសឱ្យដឹងជាសាធារណៈអំពីគម្រោងសាងសង់ព្រលានយន្តហោះថ្មី
នៅខេត្តកំពង់ឆ្នាំង ដើម្បីជំនួសព្រលានយន្តហោះអន្តរជាតិភ្នំពេញ
ឬព្រលានយន្តហោះពោធិ៍ចិនតុង នៅអំឡុងឆ្នាំ២០២៥ ឬក៏ឆ្នាំ២០៣០ខាងមុខ។
ក្នុងពិធីចែកប័ណ្ណកម្មសិទ្ធិដីធ្លី ដល់ប្រជាពលរដ្ឋ នៅស្រុករលាប្អៀ ខេត្តកំពង់ឆ្នាំង ដែលជាអតីតព្រលានយន្តហោះ នៅខេត្តកំពង់ឆ្នាំង កាលពីសម័យមុននោះ នាព្រឹកថ្ងៃសៅរ៍ ទី២៧ ខែតុលា ឆ្នាំ២០១២ សម្តេចតេជោនាយករដ្ឋមន្ត្រី បានមានប្រសាសន៍ថា "ខ្ញុំសូមជម្រាបថា ចក្ខុវិស័យ នៃអាកាសយានដ្ឋានអន្តរជាតិ ដែលនឹងត្រូវធ្វើ ដែលខ្ញុំនិយាយថា មិនបញ្ចេញឈ្មោះនោះ ឥឡូវសូមបញ្ចេញឈ្មោះទៅចុះ គឺកំពង់ឆ្នាំងនឹងឯង។ យើងមិនអាចប្រើប្រាស់ពោធិ៍ចិនតុង ( ព្រលានយន្តហោះអន្តរជាតិភ្នំពេញ ) នៅក្រោយឆ្នាំ២០៣០ ទៀតទេ។ អាចថា ២០២៥ ឬ២០៣០ អាចថា មកធ្វើនៅហ្នឹង ហើយដែលភ្ជាប់ទំនាក់ទំនងជាមួយក្រុងភ្នំពេញ ក្នុងរយៈចម្ងាយប្រមាណ ៩០ គីឡូម៉ែត្រ ព្រោះនឹងមានអារថភ្លើងល្បឿនលឿន និងមានអាអូតូរ៉ូដ ( Auto Road ) ស្អីៗដទៃទៀត"។
ក្នុងពិធីចែកប័ណ្ណកម្មសិទ្ធិដីធ្លី ដល់ប្រជាពលរដ្ឋ នៅស្រុករលាប្អៀ ខេត្តកំពង់ឆ្នាំង ដែលជាអតីតព្រលានយន្តហោះ នៅខេត្តកំពង់ឆ្នាំង កាលពីសម័យមុននោះ នាព្រឹកថ្ងៃសៅរ៍ ទី២៧ ខែតុលា ឆ្នាំ២០១២ សម្តេចតេជោនាយករដ្ឋមន្ត្រី បានមានប្រសាសន៍ថា "ខ្ញុំសូមជម្រាបថា ចក្ខុវិស័យ នៃអាកាសយានដ្ឋានអន្តរជាតិ ដែលនឹងត្រូវធ្វើ ដែលខ្ញុំនិយាយថា មិនបញ្ចេញឈ្មោះនោះ ឥឡូវសូមបញ្ចេញឈ្មោះទៅចុះ គឺកំពង់ឆ្នាំងនឹងឯង។ យើងមិនអាចប្រើប្រាស់ពោធិ៍ចិនតុង ( ព្រលានយន្តហោះអន្តរជាតិភ្នំពេញ ) នៅក្រោយឆ្នាំ២០៣០ ទៀតទេ។ អាចថា ២០២៥ ឬ២០៣០ អាចថា មកធ្វើនៅហ្នឹង ហើយដែលភ្ជាប់ទំនាក់ទំនងជាមួយក្រុងភ្នំពេញ ក្នុងរយៈចម្ងាយប្រមាណ ៩០ គីឡូម៉ែត្រ ព្រោះនឹងមានអារថភ្លើងល្បឿនលឿន និងមានអាអូតូរ៉ូដ ( Auto Road ) ស្អីៗដទៃទៀត"។
សម្តេចតេជោ ក៏បានបន្ថែមថា "ពោធិ៍ចិនតុង
មិនអាចទ្ររួចនូវទេសចររបស់យើង ដែលត្រូវមានកំណើនដល់ទៅ ៧ លាន ( នាក់ )
ហើយនឹងអាចឈានលើសពីនេះ។ អីចឹងទេ ព្រលានយន្តហោះកំពង់ឆ្នាំងនេះ
គឺនឹងក្លាយទៅជាព្រលានយន្តហោះអន្តរជាតិថ្មី នៅពេលក្រោយ។
ដូច្នេះខ្ញុំសូមអង្វរករសម្រាប់ប្រជាពលរដ្ឋ ដែលបាន និងកំពុងធ្វើនៅទីនេះ (
ដីព្រលានយន្តហោះចាស់ នៅខេត្តកំពង់ឆ្នាំង ) នៅពេលនេះ សូមធ្វើចុះ ( ស្រែ )
ប៉ុន្តែគ្រាន់តែមិនអាចប្រគល់កម្មសិទ្ធិជូនបានទេ។ អាស្រ័យផលបាន
ពេលនេះ... តែកុំពង្រីកថែម ទី១។ ទី២-សូមកុំកសាងសំណង់រឹង បានសេចក្តីថា
ជាផ្ទះសំបែង នៅក្នុងទំហំ ១៤៦៣ ហិកតានេះ ( ផ្ទៃដីព្រលានយន្តហោះ
ខេត្តកំពង់ឆ្នាំង ) ហើយយើងក៏មិនឲ្យប្រជាពលរដ្ឋ
ចាកចេញនៅពេលនេះដែរ"។
សម្តេចតេជោនាយករដ្ឋមន្ត្រី ក៏បានប្រកាសឱ្យដឹងពីការលុបចោលនូវព្រះរាជក្រឹត្យ កាលពីឆ្នាំ១៩៩៦ ដែលបានដាក់ដីទំហំ ១៩.៤៨៤ ហិកតា ទុកជាដីរបស់រដ្ឋ ដើម្បីបង្កើតតំបន់សហគ្រាសសេរី នៅម្តុំព្រលានយន្តហោះ ខេត្តកំពង់ឆ្នាំង។ ដោយ សម្តេច ចាត់ទុកថា ធ្វើឲ្យប៉ះពាល់ធ្ងន់ធ្ងរ ដល់ប្រជាពលរដ្ឋ ខេត្តកំពង់ឆ្នាំងចំនួន ៤ ស្រុក មានប្រមាណ ៨.៦១៩ គ្រួសារ ស្មើប្រមាណ ៤៣.១៧៥ នាក់ សាលារៀន ៧៥ វត្ត ១៩ និងមណ្ឌលសុខភាព ៣ កន្លែង ជាដើម។ល។
សម្តេចតេជោនាយករដ្ឋមន្ត្រី ក៏បានប្រកាសឱ្យដឹងពីការលុបចោលនូវព្រះរាជក្រឹត្យ កាលពីឆ្នាំ១៩៩៦ ដែលបានដាក់ដីទំហំ ១៩.៤៨៤ ហិកតា ទុកជាដីរបស់រដ្ឋ ដើម្បីបង្កើតតំបន់សហគ្រាសសេរី នៅម្តុំព្រលានយន្តហោះ ខេត្តកំពង់ឆ្នាំង។ ដោយ សម្តេច ចាត់ទុកថា ធ្វើឲ្យប៉ះពាល់ធ្ងន់ធ្ងរ ដល់ប្រជាពលរដ្ឋ ខេត្តកំពង់ឆ្នាំងចំនួន ៤ ស្រុក មានប្រមាណ ៨.៦១៩ គ្រួសារ ស្មើប្រមាណ ៤៣.១៧៥ នាក់ សាលារៀន ៧៥ វត្ត ១៩ និងមណ្ឌលសុខភាព ៣ កន្លែង ជាដើម។ល។
សម្តេច តេជោបានប្រកាសថា ព្រះរាជក្រឹត្យនោះ ត្រូវបានលុបចោល ទុកជានិរាករណ៍ តាមរយៈព្រះរាជក្រឹត្យថ្មីមួយ ចុះថ្ងៃទី២៦ ខែតុលា ឆ្នាំ២០១២ ដើម្បីអនុញ្ញាតឲ្យប្រជាពលរដ្ឋ អាចទទួលបានកម្មសិទ្ធិដីធ្លីស្របច្បាប់ តាមរយៈការវាស់វែងរបស់ក្រុមយុវជនស្ម័គ្រចិត្ត។
សម្តេចតេជោនាយករដ្ឋមន្ត្រី បានមានប្រសាសន៍ឱ្យដឹងថា ផ្ទៃដីអាកាសយាន្តដ្ឋាន ព្រលានយន្តហោះ ខេត្តកំពង់ឆ្នាំង នៅស្រុករលាប្អៀ ដែលនឹងត្រូវសាងសង់ជាព្រលានយន្តហោះអន្តរជាតិថ្មី នៅឆ្នាំ២០៣០ មានទំហំចំនួន ១.៤៦៣ ហិកតា។ ក្នុងនោះ មានផ្ទៃដីចំនួន ៧៦៨ ហិកតា ត្រូវបានប្រជាពលរដ្ឋ ចូលមកធ្វើស្រែ៕
ក្នុងឱ្យកាសចែកប័ណ្ណកម្មសិទ្ធិដីធ្លី
ដល់ប្រជាពលរដ្ឋ នៅស្រុករលាប្អៀ ខេត្តកំពង់ឆ្នាំង
នោះដែរសម្តេចតេជោនាយករដ្ឋមន្ត្រី ក៏ បានប្រកាសលុបចោលនូវការស្នើសុំដី ៥០០
ហិកតា នៅខេត្តកំពង់ធំ សម្រាប់កាកបាទក្រហមកម្ពុជា ដែលត្រូវបានគេប្រើឈ្មោះ
ថាជាដីរបស់លោកជំទាវធំ។ សម្តេចតេជោបានប្រកាស
កុំឲ្យមានការប្រើឈ្មោះរបស់សម្តេច និងលោកជំទាវ ទៅចាប់ដី ហើយអាជ្ញាធរ
និងក្រុមយុវជន ត្រូវវាស់វែង ដកហូតដីទាំងនោះ យកទៅចែកជូនប្រជាពលរដ្ឋ។
សម្តេចតេជោនាយករដ្ឋមន្ត្រី បានមានប្រសាសន៍សំដៅទៅឯកឧត្តម អភិបាលខេត្តកំពង់ធំថា "ឮថានៅកំពង់ធំ គេថាមានដីលោកជំទាវធំ ។ បងឈន់មកទេ។ ខ្ញុំនិយាយដាក់ក្បាលមេក្រូតែម្តង។ គេថា មានដីលោកជំទាវ ប៊ុន រ៉ានី ហ៊ុន សែន មាន ៥០០ ហិកតា នៅខេត្តកំពង់ធំ។ ដីកាកបាទក្រហម ហើយដីរបស់ជំទាវធំទៅទៀត។ អីចឹងទេ ប្រពន្ធខ្ញុំ ខ្ញុំប្រាប់ថា បើអីចឹងឲ្យកូននិត( ឯកឧត្តម ហ៊ុន ម៉ានិត ) ទៅមើលទៅ។ សម្តេចតេជោមានប្រសាសន៍ថាសុំផ្តាំទៅយុវជនទាំងអស់នោះ កន្លែងណាដែលថា ដីរបស់លោកជំទាវធំ ត្រូវវាស់ឲ្យលឿនមុនគេ ឲ្យប្រជាពលរដ្ឋ។ វាស់ឲ្យលឿងតែម្តង កុំឲ្យខូចពេក។ ឮថា នៅពេលភ្ជុំនឹង ទៅហ៊ុំព័ទ្ធរបងឯណាទៀត"។
សម្តេចតេជោនាយករដ្ឋមន្ត្រី បានប្រកាសសម្រេច ដោយបញ្ជាផ្ទាល់មាត់ និងទល់មុខ ទៅកាន់អភិបាលខេត្តកំពង់ធំ ឯកឧត្តម ឈុន ឈន់ យ៉ាង ថា "ឥឡូវក្រោយក៏ដោយ មុនក៏ដោយ ទៅវាស់ឲ្យប្រជាជនទៅ បង ឈន់។ ត្រឡប់ទៅវិញ ចុះទៅ កុំឲ្យពិបាកសាំញ៉ាំ ហើយអីចេះ យកល្អណា៎! កន្លែងណា គេថា ដីលោក ហ៊ុន សែន កន្លែងណាគេថា ដីប្រពន្ធលោក ហ៊ុន សែន តែពីរនាក់បានហើយ រឿងកូនរបស់ខ្ញុំ ចាំចាត់ចែង ក្រែងវាទៅទិញដីនេះនោះ តែរវាងខ្ញុំ និងប្រពន្ធខ្ញុំ គឺឲ្យតែឮថា ដីលោកហ៊ុនសែន ឬដីប្រពន្ធលោកហ៊ុនសែន គឺទៅយកតែម្តងទៅ។ វាស់ភ្លាម កុំឲ្យខូច។ អាចូលចិត្តប្រើ! ឲ្យតែឮថា ដីរបស់សម្តេច ហ៊ុន សែន ឬដីរបស់ប្រពន្ធ ដែលជាប់ពាក់ព័ន្ធនឹងប្រជាពលរដ្ឋ គឺយកតែម្តងទៅ។ តែកុំទៅយកដីផ្ទះរបស់ខ្ញុំនៅវិមានឯករាជ្យ និងនៅតាខ្មៅ"។
សម្តេចតេជោនាយករដ្ឋមន្ត្រី ក៏បានផ្តាំថា កុំឲ្យយកកាកបាទក្រហម យកទៅឡូកឡំ នឹងបញ្ហាដីធ្លីតទៅទៀត។ សម្តេចតេជោក៏បានបញ្ជាក់ថា លោកជំទាវធំ មិនត្រូវការដីទេ។ បើខេត្តណា កាកបាទក្រហម មានបញ្ហាដីដូច្នេះ ក៏សុំដកខ្លួនចេញឲ្យរហ័ស៕
អត្ថបទអង្គភាព
ព័ត៌មាន និង ប្រតិកម្មរហ័ស
