Monday, November 26, 2012
គំរូកម្ពុជាត្រូវបានលើកឡើងក្នុងមហាសន្និបាត ICAPP លើកទី៧ នៅទីក្រុងបាគូ
គំរូស្តីពីការកសាងសុខសន្តិភាព ការបង្រួបបង្រួមជាតិ និង
ការរក្សាស្ថេរភាពនយោបាយនៅក្នុងព្រះរាជាណាចក្រ កម្ពុជា
នៅតែជាបទពិសោធ ដ៏ល្អសម្រាប់គណបក្សនយោបាយនៅអាស៊ី សិក្សាស្វែងយល់
និង វាយតំលៃខ្ពស់។ នេះបើតាមប្រសាសន៍របស់ឯកឧត្តម បណ្ឌិត សភាចារ្យ សុខ
អាន
ឧបនាយករដ្ឋមន្រ្តីរដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី។
ដោយទទួលបានការចាត់តាំងដ៏ខ្ពង់ខ្ពស់ពីសំណាក់សម្តេចអគ្គមហាសេនា
បតីតេជោ ហ៊ុន សែន នាយករដ្ឋមន្រ្តី កាលពីថ្ងៃទី២១ ខែវិច្ឆិកា ឆ្នាំ២០១២
ឯកឧត្តម បណ្ឌិត សុខ អាន សមាជិកគណៈអចិន្ត្រៃ
នៃគណៈកម្មាធិការកណ្តាលគណបក្សប្រជាជនកម្ពុជា
បានដឹកនាំគណៈប្រតិភូគណបក្សប្រជាជន ទៅចូលរួមមហាសន្និបាតលើកទី៧
នៃសន្និសីទអន្តរជាតិ នៃគណបក្សនយោបាយនៅអាស៊ី(ICAPP) ដែល ទទួលរៀបដោយ
គណបក្ស អាស៊ែ បៃហ្សង់ថ្មី “new Azerbaijan Party” នៅទីក្រុងបាគូ
សាធារណៈរដ្ឋ អាស៊ែ បៃហ្សង់ ចាប់ពីថ្ងៃទី ២២-២៣ ខែវិច្ឆិកា ឆ្នាំ២០១២ ។
ក្នុងឱកាសធ្វើមាតុភូមិនិវត្តន៍នារសៀលថ្ងៃ២៥ ខែវិច្ឆិកា ឆ្នាំ២០១២
ឯកឧត្តម បណ្ឌិត សុខ អាន បានមានប្រសាសន៍ឱ្យដឹងថាមហាសន្និបាតលើកទី៧
នៃសន្និសីទអន្តរជាតិ នៃគណបក្សនយោបាយនៅអាស៊ី(ICAPP)
មានគណៈប្រតិភូចំនួន២៥០នាក់តំណាងឱ្យគណបក្សនយោបាយចំនួន ៦០ មកពី២៩
ប្រទេសចូលរួម។ មហាសន្និបាតលើកទី៧ នៃសន្និសីទអន្តរជាតិ
នៃគណបក្សនយោបាយនៅអាស៊ី(ICAPP) បានប្រព្រឹត្តទៅ ក្រោមប្រធានបទ “សន្តិសុខ សន្តិភាព និង ការផ្សះផ្សានៅអាស៊ី ”។
ឯកឧត្តម បណ្ឌិត សុខ អាន បានមានប្រសាសន៍ឱ្យដឹងទៀតថា
កាលពីដើមខែធ្នូឆ្នាំ២០១០ព្រះរាជាណាចក្រ កម្ពុជា
បានទទួលធ្វើជាម្ចាស់ផ្ទះនៃការរៀបចំមហាសន្និបាទលើកទី ៦
នៃគណបក្សនយោបាយនៅអាស៊ី(ICAPP) ។ជោគជ័យនៃមហាសន្និបាទលើកទី ៦
នៃគណបក្សនយោបាយនៅអាស៊ី(ICAPP)ពិសេសគំរូរបស់កម្ពុជាស្តីពីការកសាង
សុខសន្តិភាព ការបង្រួបបង្រួមជាតិ និង
ការរក្សាស្ថេរភាពនយោបាយទទួលបានការយកចិត្តទុកដាក់ពីមហាសន្និបាត
លើកទី៧នៃគណបក្សនយោបាយនៅអាស៊ី(ICAPP) ។ឯកឧត្តម បណ្ឌិត សុខ អាន
ក៏បានរម្លឹកផងដែរអំពីសកម្មភាពរបស់គណបក្សន យោ បាយអាស៊ី ICAPP
ក្នុងរយៈពេល២
ឆ្នាំកន្លងមកមានជាអាដិ៍វេទិការអន្តរជាតិស្តីពី”សត្សវត្សន៍អាស៊ី៖
បញ្ហាប្រឈម និង ឱកាស”ដែលប្រព្រឹត្តទៅនៅរាជធានីភ្នំពេញកាលពីខែកញ្ញា
ឆ្នាំ២០១១ ក៏ដូចជាសមិទ្ធផលដែល ICAPP សម្រេចបានពិសេសតួនាទី ICAPP
ដែលកាន់តែត្រូវបានទទួលស្គាល់នៅទ្វីបអាហ្វិ្រក និង អាមេរិកឡាទីន។
ក្នុងតួនាទីជាសមាជិកគណៈកម្មាធិការអចិន្ត្រៃ ICAPP
ម្នាក់ក្នុងចំណោមសមាជិកទាំង ១៨ រូប ឯកឧត្តម បណ្ឌិត សុខ អាន
បានមានប្រសាសន៍ឱ្យដឹងថា ក្នុងកិច្ចប្រជុំលើកទី១៨
របស់ខ្លួនគណៈកម្មាធិការអចិន្ត្រៃ ICAPP
បានសម្រេចធ្វើវិសោធនកម្មធម្មនុញ្ញ ICAPPដោយឱ្យបង្កើនសមាជិក ពី១៨ ទៅ
២២ នាក់ ក្នុងនោះបានសម្រេចបញ្ជូលគណបក្សកាន់អំណាចចំនួន ៥
មកពីប្រទេសបង់ក្លាដេស លីបង់ មីយ៉ាន់ម៉ា ម៉ុងហ្គោលី និង ថៃ
ជាសមាជិកថ្មីនៃគណៈកម្មាធិការអចិន្ត្រៃ ICAPP ហើយបានដកប្រទេស បារ៉ែន
ដោយសាអវត្តមានគ្មានមូលហេតុចំនួនពីរលើក ។ សម្រេចបង្កើតក្រុមយុវជន និង
ក្រុមស្រ្តីរបស់ ICAPP ដោយបានជ្រើសរើសប្រធាន
អនុប្រធានអគ្គលេខាធិការជាអ្នកដឹកនាំ។
ក្នុងរយៈពេល២ថ្ងៃនៃការងារមហាសន្និបាតលើកទី៧ នៃសន្និសីទអន្តរជាតិ
នៃគណបក្សនយោបាយនៅអាស៊ី(ICAPP) បានចេញសេចក្តីថ្លៃងការណ៍ទីក្រុងបាគូ
ដោយបានផ្តោតការយកចិត្តទុកដាក់អំពីការប្តេចជ្ញាចិត្តរបស់ ICAPP
ចំពោះគោលការណ៍ និង ស្មារតីធម្មនុញ្ញរបស់ខ្លួន និង សេចក្តី ថ្លែង
ការណ៍របស់ICAPPដែលបានចេញជាបន្តបន្ទាប់តាំងពីឆ្នាំ២០០មក។
បញ្ជាក់សារជាថ្មីនូវតំលៃ នៃ សន្តិភាព និង
ការផ្សះផ្សាដើម្បីទទួលបានការគាំទ្រពីបណ្តាសហគមន៍ និង
ប្រទេសក្នុងតំបន់។ ICAPP ស្វែងរកវិធីសាស្ត្រ
សន្តិសុខដែលអាចជូយប្រជាជនឱ្យរួចចាកផុតពីភាពលោភលន់សង្រ្គាម និង
ការប្រែប្រួលធាតុអាកាសដែលជាការគំរាមគំហែងយ៉ាងធ្ងន់ធ្ងរដល់មនុស្ស
ជាតិ។
ជាមួយនឹងការស្វាគមន៍លទ្ធផលសមាជលើកទី ១៨ របស់បក្សកំម្មុយនីស្តចិន,
អបអរសាទរកិច្ចព្រមព្រៀងសន្តិភាពរវាងរដ្ឋាភិបាលហ្វីលីពីននិងរណសិរ្ស
អ៊ីស្លាម
ម៉ូរ៉ូ-ការកែទម្រង់នយោបាយនៅមីយ៉ាន់ម៉ា,ការផ្ទេអំណាចនយោបាយនៅប្រទេស
អេហ្សីប ទុយណេស៊ី លីប៊ី
ក្នុងសេចក្តីថ្លែងការណ៍បាគូក៏បានអំពាវនាវឱ្យគណបក្សកាន់អំណាច និង
គណបក្សប្រឆាំងនៅប្រទេសថៃពិចារណារកដំណោះស្រាយផ្សះផ្សានិង
ការលើកលែងទោសសម្រាប់ក្រុមអាវក្រហម និង ក្រុមអាវលឿង។
បានសម្តែងការព្រួយបារម្ភចំពោះជម្លោះដែលកំពុងកើតមាននៅតំបន់កាហ្សា
ដែនដីប៉ាឡេស្ទីន និង ជម្លោះនៅឧបទ្វីបកូរ៉េ ព្រមទាំងការគំរាមកំហែង
ប្រើប្រាស់កម្លាំងយោធាដើម្បីដោះស្រាយបញ្ហាអាវុធនុយក្លេអ៊ែជាមួយ
អ៊ីរ៉ង់។ អំពាវនាវឱ្យគណបក្សនយោបាយដើតួនាទីក្នុងការដោះស្រាយបញ្ហា
នៅភាគខាងត្បូងនៃប្រទេសថៃ និង ជនជាតិរ៉ូហ៊ឺងហ្កា នៅមីយ៉ាន់ម៉ា,
ការកសាងសន្តិភាពនៅប្រទេសស៊ីរី និង
ឱ្យមានការបោះឆ្នោតដោយមានការត្រួតពិនិត្យពីអង្គការសហប្រជាជាតិ។
ដោយឡែកពាក់ព័ន្ធបញ្ហានៅកម្ពុជាសេចក្តីថ្លែងការណ៍បាគូក៏បានសាទរចំពោះ
ដំណោះស្រាយសន្តិភាពរវាងកម្ពុជា និង
ថៃលើជម្លោះក្នុងតំបន់ប្រាសាទព្រះវិហារ
ព្រមទាំងវាយតំលៃខ្ពស់ចំពោះបទពិសោធនៃការស្វែងរកសន្តិភាព និង
ការផ្សះផ្សាជាតិនៅកម្ពុជានិង ទីម័រខាងកើត។
សេចក្តីថ្លែងការណ៍ក៏បានសម្តែងមរណៈទុក្ខចំពោះការយាងចូលទិវង្គត់
របស់ព្រះ ករុណា ព្រះបាទ នរោត្តម ស៊ីហនុ ព្រះមហាវិរក្សក្រ
នៃព្រះរាជាណាចក្រ កម្ពុជា។
សូបញ្ជាក់ថា ក្នុងអំឡុងនៃការអញ្ជើញចូលរួមមហាសន្និបាតលើកទី៧ របស់
ICAPP ឯកឧត្តម បណ្ឌិត សុខ អាន សមាជិកគណៈអចិន្ត្រៃ
នៃគណៈកម្មាធិការកណ្តាលគណបក្សប្រជាជនកម្ពុជា បានចុះហត្ថលេខាលើ
អនុស្សរណៈយោគយល់គ្នាជាមួយឯកឧត្តម អាលី អាម៉ាដូវ អនុប្រធានគណបក្សអាស៊ែ
បៃហ្សង់ថ្មី “new Azerbaijan Party” ដើម្បីពង្រឹង និង
ពង្រីកចំណងមិត្តភាព និង កិច្ចសហប្រតិបត្តិការរវាងគណបក្សទាំងពីរ។
ក្នុងដំណើរមាតុភូមិនិវត្តន៍យោងតាមការអញ្ជើញរបស់ឯកឧត្តម Moshahed
Hussain Shayed អគ្គលេខាធិការគណបក្ស Pakistan Muslim Leagueនិងជា
ប្រធានគណៈកម្មាធិការសន្តិសុខ និង ការពារជាតិនៃព្រឹទ្ធសភាប៉ាគីស្ថាន
ឯកឧត្តម បណ្ឌិត សុខ អាន និង
លោកជំទាវបានអញ្ជើញធ្វើទស្សនៈកិច្ចជាឯកជននៅទីក្រុងប្រវត្តិសាស្រ្ត
Lahor នៃប្រទេសប៉ាគីស្ថានដែលជាទីក្រុងល្បីល្បាញដោយបេតិកភណ្ឌពិភពលោក។
នៅទីនោះឯកឧត្តម បណ្ឌិត សុខ អាន បានជូបពិភាក្សាជាមួយឯកឧត្តម
ឧបនាយករដ្ឋមន្រ្តី នៃប្រទេស ប៉ាគីស្ថាន
ដោយភាគីទាំងពីរអះអាងជាថ្មីអំពីសារៈសំខាន់នៃការពង្រឹងទំនាក់ទំនង
រវាងប្រទេសទាំងពីរពិសេសលើវិស័យពាណិជ្ជកម្ម និង ការវិនិយោគ។ឯកឧត្តម
បណ្ឌិត សុខ អាននិង
លោកជំទាវក៏បានអញ្ជើញទៅទស្សនៈស្ថានកុងស៊ុលកិត្តិយសរបស់កម្ពុជា
ប្រចាំនៅទីក្រុង Lahor ផងដែរ៕
អត្ថបទអង្គភាពព័ត៌មាន និង ប្រតិកម្មរហ័ស
Subscribe to:
Posts (Atom)