Tuesday, January 22, 2013

Russian Academy of Sciences looks to cooperate with Royal Academy of Cambodia for mutual interests

By Ek Tha
PHNOM PENH, Jan. 23, 2013 (PRU) – His Excellency Deputy Prime Minister Dr. Sok An on Monday welcomed an initiative by the Russian Academy of Sciences to cooperate with the Royal Academy of Cambodia in the scientific and technical field that will enhance the bilateral ties as well as to provide report of research that will be used by the concerned institutions for the benefit of the two peoples and countries.

Her Excellency Dr. Klot Thyda, President of Royal Academy of Cambodia, and Vitaly Naumkin, Director for the Institute of Oriental Studies, Russian Academy of Sciences, are expected to sign a Memorandum of Understanding (MOU) soon that will enable them to put their plan in place for promoting scientific relations through exchange of scientists to lecture and conduct joint research on cultural, political and economic topics.

They are also expected to produce joint publications of research papers so that leaders of both countries could learn on certain issues related to the ways to address problems they may occur in the future.

Naumkin said that the cooperation between the two academies will bring “fruitful benefits” to the two nations and peoples”.

Naumkin, who led the Russian delegation from the Academy, said his institute also wants to exchange view on politics, international relations, and the economic situation in Southeast Asia as “Russia wants to play a key role in Asia”.

His Excellency Dr. Sok An also sought Russia assistance in providing experts to help the International Relations Institute of Cambodia where 30 Cambodian researchers are working. He also looks to send Cambodians to be trained by the Russian academy.

In response, Naumkin said that “we can do so since we live in the world of information and we can create friendship.”

Cambodia is also seeking more foreign direct investment (FDI), including Russia, to invest in the kingdom.
Two-way trade between Cambodia and Russia is in the range of U.S. $52 million. End.

សម្តេច​តេជោ៖ មាន​អ្នក​ជិត​ខាង​ល្អ ដូច​មាន​មាស មាន​អ្នក​ជិត​ខាង​អាក្រក់ ដូច​មាន​មីន



សម្តេច​អគ្គ​មហា​សេនា​បតី​តេ​ជោ ហ៊ុន សែន នាយក​រដ្ឋ​មន្ត្រី​នៃ​ព្រះ​រាជា​ណាចក្រ​កម្ពុជា​ នា​ព្រឹក​ថ្ងៃ​ទី​២១ ខែ​មករា ​ឆ្នាំ​២០១៣ ពីស្រុក​សៀម​បូក ខេត្ត​ស្ទឹង​ត្រែង បាន​ផ្ញើ​សារ​នយោ​បាយ​មួយ​ទៅលោកអាប់ភី​ស៊ីត វេចាជី​វ៉ា ​អតី​ត​នាយក​រដ្ឋ​មន្ត្រី​ថៃ បច្ចុប្បន្ន​ប្រធាន​គណបក្ស​ប្រជា​ធិប​តេយ្យ​ ជា​បក្ស​ប្រឆាំង​ក្នុង​ប្រទេស​ថៃ​ កុំ​ឲ្យ​ផ្សារ​ភ្ជាប់​កម្ពុជា ជា​មួយ​នឹង​បញ្ហា​ផ្ទៃ​ក្នុង​នយោ​បាយ​របស់​ថៃ​។​ សម្តេច​តេជោ​បាន​លើកឡើង​នូវ​ពាក្យ​ស្លោក​មួយ​ឃ្លា​ថា “មាន​អ្នក​ជិត​ខាង​ល្អ ដូច​មាន​មាស, មាន​អ្នក​ជិត​ខាង​អាក្រក់ ដូច​មាន​មីន”។

ក្នុង​ឱ​កាស​អញ្ជើញ​ជា​អធិប​តី​ដ៏​ខ្ពង់​ខ្ពស់​ក្នុង​ពិធី​សំណេះ​សំណាល​ និង​ចែក​ប័ណ្ណ​កម្ម​សិទ្ធិ​ដី​ធ្លី​ជូន​ប្រជា​ពល​រដ្ឋ​ចំនួន ​១.២៩​៨​គ្រួសារ​ ចំនួន​ក្បាល​ដី ១.៨៨២​ក្បាល​ដី​ ទំ​ហំ​ដី ​៥.០៧៤​ហិកតា​ដែល​បាន​ប្រារព្ធ​ធ្វើ​នៅភូមិ​អូរ​ប្ញស្សី​កណ្តាល​​ ឃុំ​អូរ​ប្ញស្សី​កណ្តាល​ ស្រុក​សៀម​បូក នា​ព្រឹក​ថ្ងៃ​ទី​២១ ខែ​មករា ​ឆ្នាំ​២០១៣ សម្តេច​តេ​ជោ​នាយក​រដ្ឋមន្ត្រី​ ដោយ​មាន​វត្តមាន​លោក​ជំទាវ​កិត្តិ​ព្រឹទ្ធ​បណ្ឌិត​អម​ដំណើរ​ផង បាន​ធ្វើ​ការ​ប្រៀប​ធៀប​អំពី​រដ្ឋាភិ​បាល​ថៃ​ថ្មី ដឹកនាំ​ដោយ​លោក​ជំទាវ យីង​ឡាក់ ស៊ី​ណា​វ៉ាត្រា ដែល​កំពុង​ផ្សះផ្សារ​របួស​ស្លាក​ស្នាម ដែល​បង្ក​ដោយ​រដ្ឋាភិបាល​អាប់​ភីស៊ី វេចាជីវ៉ា ថា​ បាន​នាំ​មក​ការរីក​ចម្រើន​ខាង​សេដ្ឋកិច្ច និង​សុខ​សន្តិភាព។

សម្តេច​តេជោ​បាន​មាន​ប្រសាសន៍​ឲ្យ​ដឹង​ថា ឥឡូវ​នេះរាជ​រដ្ឋា​ភិបាល​ថៃ​ដឹកនាំ​ដោយ​លោក​ជំទាវ​យីង​ឡាក់​ និង​រាជ​រដ្ឋាភិបាល​កម្ពុជា​ កំពុង​ព្យាបាល​ស្នាម​របួស​ដែល​អតីត​រដ្ឋាភិបាល​ អាប់ភីស៊ីត​ បង្ក​ឡើង​ឱ្យ​មាន​ភ្លើង​សង្គ្រាម។ ឥឡូវ​បរិយាកាស​តាម​ព្រំដែន​កម្ពុជា-​ថៃ​ កំពុង​ល្អ​ប្រសើរ​ ទំនាក់​ទំនង​ទៅ​មក​រក​គ្នាកាន់​តែល្អ​ ទំហំ​ពាណិជ្ជកម្ម​កាន់​តែធំ​ ទេស​ចរណ៍កាន់​តែ​ច្រើន​ ការ​វិនិយោគ​កាន់​តែ​ល្អ...។

ទាក់​ទង​នឹង​សកម្ម​ភាព​នយោបាយ​របស់​ពួក​ជ្រុល​និយម​អាវ​លឿង​ថៃ និង​ក្រុម​គណបក្ស​ប្រជា​ធិប​តេយ្យ​របស់​លោក​អាប់​ភីស៊ី វេចាជីវ៉ា សម្តេច​តេ​ជោ​សែន ​មាន​ប្រសាសន៍​ឲ្យ​ដឹង​ថា ការ​ចោទ​ប្រកាន់​របស់​ក្រុម​បក្ស​ប្រជា​ធិប​តេ​យ្យ​ បូ​ក​ជា​មួយ​ពួក​អាវ​លឿង ​តែង​តែ​ផ្សារ​ភ្ជាប់​ចោទ​ប្រកាន់​លោក​ថាក់​ស៊ីន​ ស៊ី​ណា​វ៉ាត្រា​ អតី​ត​នាយក​រដ្ឋ​មន្ត្រី​ថៃ​ដែល​គេ​ធ្វើ​រដ្ឋ​ប្រហារ​ទម្លាក់​ ចេញ​ពី​តំណែង​ថា មាន​ផល​ប្រយោជន៍​អាថ៌​កំបាំង​ជា​មួយ​នឹង​កម្ពុជា​ លើ​បញ្ហា​តំបន់​ត្រួត​ស៊ី​គ្នា​ក្នុង​សមុទ្រ​ រហូត​ទៅ​ដល់​ការ​បន្ធូរ​បន្ថយ​អំពី​ជម្លោះ​ដែន​គោក ពិសេស​តំបន់​ប្រាសាទ​ព្រះ​វិហារ​ ដើម្បី​ទទួល​បាន​ផល​ប្រយោជន៍​អំពី​តំប​ន់​ប្រេង​កាត​នៅ​តំបន់​ត្រួត​ស៊ី​គ្នា ​នៅ​ក្នុង​សមុទ្រ​រវាង​កម្ពុ​ជា និងថៃ។

សម្តេច​តេជោ​បាន​មាន​ប្រសាសន៍​បញ្ជាក់​ថា ​ថ្ងៃ​នេះ​ខ្ញុំ​សូម​បញ្ជាក់​ជូន​ទៅ​អាប់​ភីស៊ីត ជា​ប្រធាន​បក្ស​ប្រឆាំង​នៅ​ក្នុងប្រទេស​ថៃ​ថា ​សូម​ឱ្យ​យក​ភស្តុ​តាង​បញ្ជាក់​មក​ តើ​ថាក់​ស៊ីន​ មា​ន​ប្រយោ​ជន៍​អ្វី​ជា​មួយ​ប្រទេស​កម្ពុជា​ ដូច​ការ​ទាម​ទារ​របស់​រា​ជ​រដ្ឋា​ភិបាល​ថៃ​បច្ចុប្បន្ន ដែល​កំពុង​ទាម​ទារ​ឱ្យ​បង្ហាញ​ចេញ​ភស្តុ​តាង​មក​បញ្ជាក់ តើ​អ្វី​ទៅ​ដែល​ថាក់​ស៊ី​មាន​ប្រយោជន៍​ជា​មួយ​កម្ពុជា​។ បើសិន​ជា​អ្នក​ឯង​មិន​អាច​រក​​ការ​បញ្ជាក់​ចេញ​ជា​ភស្តុ​តាង​បាន​ទេ ​អ្នក​ឯង​បោក​ប្រាស់​ប្រជា​ជន​ថៃ​ជាង​ ​៦០​លាន​នាក់​ និងក៏​បាន​បោក​ប្រាស់​ប្រជា​ជន​កម្ពុជា​ជាង ​១៤​លាន​នាក់​ដែរ​។ សម្តេច​តេ​ជោ ​ទិ​តៀន​ថា ​“នេះ​ជា​នយោ​បាយ​ដ៏​ស្មោក​គ្រោក​បំផុត​របស់​ពួក​អ្នក​ឯង”។

សម្តេច​តេជោ​នាយក​រដ្ឋមន្ត្រីបាន​រំលឹក​ឡើង​វិញ​ថា ​កាល​ពី​ថ្ងៃ ទី​៣០ ខែសីហា​ ឆ្នាំ​២០១១ អាជ្ញា​ធរប្រេង​កាត​កម្ពុជា​ ​បាន​ចេញ​សេច​ក្តី​ថ្លែង​ការ​ណ៍​មួយ​ដោយ​បាន​បញ្ជាក់​ថា ខ្ញុំ​សូម​អាន​នូវ​ចំណុច​នេះ​ ៖ យើ​ង​បាន​បញ្ជាក់​ហូរ​ហែ​ស្តី​ពី​បញ្ហា​អនុស្ស​រ​ណៈ​ឆ្នាំ​​២០០១​ នូវ​ការ​ចរ​ចា​ជា​បន្ត​បន្ទាប់​រហូត​មក​។ ការ​ចរ​ចា​ គឺ​មាន​តាំង​ពី​អតី​ត​នាយក​រដ្ឋ​មន្ត្រី​ថាក់​ស៊ីន​។​ នៅ​ពេល​ដែល​លោក​ថាក់​ស៊ីន​ គេ​ធ្វើ​រដ្ឋ​ប្រហារ​ទម្លាក់​ពី​តំណែង​ អតីត​នាយក​រដ្ឋមន្ត្រី​ស៊ូរ៉ា​យុទ្ធ​ ជូឡា​ណុន ដែល​តែង​តាំង​ដោយ​ពួក​យោ​ធា​ធ្វើ​រដ្ឋ​ប្រហារ​នោះ​ បាន​មក​ធ្វើ​ទស្សន​កិច្ច​នៅ​រាជ​ធានី​ភ្នំពេញ​។ គាត់​បាន​បញ្ជាក់​ថា ​អ្វី​ដែល​រដ្ឋា​ភិបាល​មុន​បាន​ធ្វើ​ គឺ​ទទួល​បន្ត​ទាំង​អស់​ រាប់​ទាំង​ការ​ចរ​ចា​ស្តី​អំពី​សមុទ្រ​ត្រួត​ស៊ី​គ្នា។​ បន្ទាប់​មក​ក៏​មាន​ការ​បោះ​ឆ្នោត​ ក៏​បាន​កើត​ឡើង​នូវ​រដ្ឋាភិ​បាល​របស់​ប​ក្ស​កម្លាំង​ប្រជា​ជន​ ដឹក​នាំ​ដោយ​នាយក​រដ្ឋមន្ត្រី​សាម៉ាក់ ​ស៊ុនថារ៉ាវេត​។​ មាន​ការ​ចរ​ចា​កម្រិត​ខ្ពស់​ គឺ​ពេល​ដែល​គាត់​មក​ទស្ស​ន​កិច្ច​នៅ​រាជ​ធានី​ភ្នំពេញ​ ស៊ូរ៉ាយុទ្ធ​ ​ក៏​មក​ភ្នំពេញ​។ ដូច្នេះ​ហើយ​សាម៉ាក់ មក​ក៏​និយាយ​ទាក់​ទិន​នឹង​ការ​ចរ​ចា​ទៀត។ ប៉ុន្តែ​ដល់​ដំណាក់​កាល​អាប់​ភី​ស៊ីត​ យក​បាន​អំណា​ច​តាម​រយៈ​បំបែក​បក្ស​កម្លាំង​ប្រជា​ជន​ទៅ​មួយ​ផ្នែកហើយ​ប្រមូល​សំឡេង​ភាគ​តិច​បង្កើត​រាជ​រដ្ឋា​ភិបាល​ រឿង​រ៉ាវ​ព្រំ​ដែន​​កម្ពុជា-​ថៃ​ ក៏បាន​​ផ្ទុះ​ឡើង​ដែល​ក្នុង​ហ្នឹង​មាន​បញ្ហា​តំបន់​សមុទ្រ​។

សម្តេច​តេជោ​បាន​មាន​ប្រសាសន៍​បញ្ជាក់​ថា គេ (អាប់ភីស៊ី) ​ថា ​មិន​ចរ​ចា​ទេ ប៉ុន្តែ​គេ​ឱ្យ​ឧប​នាយក​រដ្ឋ​មន្ត្រី​មក​ចរ​ចា​ជា​សម្ងាត់​។​ ខ្ញុំ​អត់​បាន​ដឹង​ទេ​ថា ឧប​នាយក​រដ្ឋមន្ត្រី​ស៊ូថេប​ ធឿកសុ​បាន​ និងលោកប្រាវីត ​វង្សសុវ៉ាន់​ មក​ផ្ទះ​ខ្ញុំ​ថ្ងៃ​ទី​២៧ ​ខែ​មិថុនា ​ឆ្នាំ​២០០៩​ នៅ​តាខ្មៅ​។ អត់​ដឹង​ថា មក​ចរ​ចា​ពី​រឿង​នោះ​ទេ​ ព្រោះ​គាត់​សុំ​មក​ ហើយ​​ក៏​ពិសា​​បាយ​នៅ​ផ្ទះ​ខ្ញុំ​ មាន​សម្ល​​កកូរ​ទទួល​ទាន​។​ មក​និយាយ​សម្រួល​​អំពី​បញ្ហា​ព្រំ​ដែន​ និង​អ្នក​ទោស​ថៃ​ពីរ​នាក់​ ​ដែល​ជាប់​ពាក់​ព័នុ្ធ​ជា​មួយ​បញ្ហា​ភេរវ​កម្ម​ ប៉ុន្តែនៅ​ពេល​ជិត​ពិសា​បាយ​គាត់​សុំ​ពិភាក្សា​ ហើយ​យក​ផែន​ទី​ដាក់​លើ​តុ។ ផែន​ទី​នោះ​​មាន​បែង​ចែក​ភាគ​ហើយ​ស្រេច​ ហើយ​គាត់​ចង់​ចរ​ចា​​ជាមួយ​ខ្ញុំ​​ដោយ​ផ្ទាល់​។ ខ្ញុំ​ឆ្លើយ​ថា ក្រុម​ខ្ញុំ​មាន​លោក​ឧប​នាយក​រដ្ឋមន្ត្រី​សុខ​ អាន​។

ទាក់​ទង​នឹង​ការ​លួចរចាជា​សម្ងាត់ ដែល​បង្ក​ឡើង​ដោយ​អតីត​រដ្ឋាភិបាល​អាប់​ភីស៊ី​ត​នោះ សម្តេច​តេជោ​នាយករដ្ឋមន្ត្រីបាន​លើក​ជា​សំណួរ​ថា ដូច្នេះ​នៅ​ទី​នេះ​ចង់​បក​ស្រាយ​ដូច​ម្តេច?​រដ្ឋា​ភិ​បាល​មុន​ៗ​ចរ​ចា​ចំហ​ជា​និច្ច​​ ចំណែក​រដ្ឋា​ភិ​បាល​អាប់​ភី​ស៊ីត ​លួច​ចរ​ចា​ជា​មួយ​ខ្ញុំ​ជា​ចៃ​ដន្យ​ណាស់​កាល​ដែលគាត់​លើក​បញ្ហា​មក​ដាក់​លើ​តុ។ យើ​ង​ក៏​បាន​ប្រាប់​គាត់​ឱ្យ​មាន​ការ​ចរចា​ជា​មួយ​លោក​ឧប​​នាយករដ្ឋមន្ត្រី​សុខ អាន​។​ គាត់​មិនចរ​ចា​នៅ​កម្ពុជា​ ឬ​ថៃ​ទេ​ សុំ​ចរចា​នៅ​ហុង​​កុង​ បន្ទាប់​មក​មា​ន​ការ​ជួប​គ្នា​នៅ​គុន​មីង។

ដោយ​បាន​លើក​យក​នូវ​អត្ថ​បទ​ដែល​ចេញ​ផ្សាយ​ដោយអាជ្ញាធរ​ប្រេង​កាត ទាក់​ទង​នឹង​ការ​ចរចា​បញ្ហា​តំបន់​ត្រួត​ស៊ី​គ្នា​រវាង​ប្រទេស​ទាំង​ពីរ (កម្ពុជា-ថៃ) មក​អាន និងបាន​ឱ្យ​អ​ង្គ​ភាព​ព័ត៌​មាន​ និង​ប្រតិ​កម្ម​រហ័ស ​យក​អត្ថ​បទរបស់​អាជ្ញាធរ​ប្រេងកាតជា​ភាសា​អង់​គ្លេស​ និង​ខ្មែរ ​ផ្សព្វ​ផ្សាយ​ឡើង​វិញ​បញ្ជូន​ទៅ​ឱ្យ​ខាង​ភាគី​ថៃ​ចុះ​ផ្សាយ​ឱ្យ​បាន​ច្រើន​ សម្តេច​តេជោ​បាន​មាន​ប្រ​សាសន៍​ថា ខ្ញុំ​សូម​អាន​ទាំង​ស្រុង ​ដើម្បី​បញ្ជូន​សា​រ​នេះ​ទៅ​កាន់​បក្ស​ប្រជាធិប​តេយ្យ​ដែល​ជា​បក្សប្រឆាំង​នៅ​ក្នុង​សភា​របស់​ថៃ ​ដឹក​នាំ​ដោយ​អាប់​ភី​ស៊ីត ​វេចា​ជី​វ៉ា​ ដែល​បាន​និយាយ​ថា លោក​ថាក់​ស៊ីន ​មាន​អាថ៌​កំបាំង​ជា​មួយ​កម្ពុជា​នៅ​តំបន់​ប្រេង​កាត គឺ​ភ្ជាប់​តែ​រឿង​ហ្នឹង​ រហូត​ដល់​ថ្នាក់​ថា ​បន្ធូរ​បន្ថយ​តំបន់​ប្រាសាទ​ព្រះ​វិហារ​ ដើម្បី​ដោះ​ដូរ​ផល​ប្រយោជន៍​នៅ​ក្នុង​តំបន់​សមុទ្រ។​ ​សម្តេចតេជោ​មាន​ប្រសាសន៍បញ្ជាក់​អំពីការ​លើក​ឡើង​របស់​សម្តេច​ថា “ខ្ញុំ​ចង់​ការ​ពារ​កម្ពុជា​ និង​អ្នក​ដែល​ល្អ​នៅ​ប្រទេ​ស​ថៃ​ដែរ​”។

ទាក់​ទង​នឹង​ល្បិកល​ខ្មៅ​ងងឹត​របស់​ក្រុម​លោក​អាប់​ភីស៊ី អតីតនាយករដ្ឋ​មន្ត្រី​ថៃ សម្តេច​តេ​ជោ​មានប្រសាសន៍​អំពាវនាវ​ទៅ​ប្រជា​ជន​ថៃ​ថា សូម​ឱ្យ​ប្រជា​ជន​ថៃ​ដាក់​សំណួរ​សួរ​ទៅ​អាប់​ភីស៊ីត​សួរ​លោក​ស៊ូថេប​ ​ថា ហេតុ​អ្វី​បាន​សុំ​ចរចា​ជា​សម្ងាត់ ​យក​ឯក​សារ​មក​ដល់​ផ្ទះ​នាយក​រដ្ឋមន្ត្រី​កម្ពុជា​នៅ​នឹង​ដៃ?។ សម្តេច​តេជោ​បាន​បញ្ជាក់​ថា ​រឿង​នេះ​អត់​ជាប់​ទាក់​ទង​ជា​មួយ​លោក​ប្រាវីត ​វង្សសុវ៉ាន់​ទេ ដេញ​ដោល​ស៊ូថេប និង​អាប់​ភីស៊ីត។

សម្តេច​តេជោ​បាន​មាន​ប្រសាសន៍​ឲ្យ​ដឹង​ថា អ្វីៗ​លើកឡើង​ថា ​ថាក់​ស៊ីន​មាន​ផល​ប្រយោជន៍​ជាមួ​យ​កម្ពុជា...កម្ពុជា​មាន​ផល​ប្រយោជន៍​ជា​មួយ​នឹង​ថៃ​ ជា​មួយ​អតីត​នាយក​រដ្ឋ​មន្ត្រីថៃ និង​រាជ​រដ្ឋា​ភិបាល​បច្ចុប្បន្ន​ គឺជា​រឿង​បញ្ហា​សន្តិ​ភាព​រួម​គ្នា​អភិវឌ្ឍន៍​ដោះ​ស្រាយ​បញ្ហា​ដោយ​សន្តិ​វិធី​នៅ​តាមខ្សែ​បន្ទាត់​ព្រំដែន​ប្រកប​ដោយ​សន្តិ​ភាព ​​មិត្ត​ភាព​ និង​សហ​ប្រតិ​បត្តិ​ការ ​ដើម្បី​ឱ្យ​ទាំង​សង​ខាង​មាន​ភាព​សុខ​ដុម​រមនា​។ នេះ​ជា​ផល​ប្រយោជន៍​ពិត​ប្រាកដ​ដែល​កម្ពុជា​ និង​ថៃ​មាន​ជា​មួយ​គ្នា។

ជុំ​វិញ​បញ្ហា​លោក​អាប់ភីស៊ី​ត​បញ្ជូន​លោក​ស៊ូថេប ធឿក​សុបាន ឧបនាយករដ្ឋមន្ត្រី​ថៃ​ មក​សុំ​ចរចា​ជា​សម្ងាត់​ជាមួយ​កម្ពុជា សម្តេច​តេជោ​បាន​ជម្រុញ​ឲ្យ​ក្រុម​ពួក​អាប់​ភីស៊ីត​ ​ជាអ្នក​ដឹង​រឿង​បញ្ចេញ​អាថ៌កំបាំង​នោះមក​ ដោយ​សម្តេច​បាន​មាន​ប្រសាសន៍​ថា សុំ​បញ្ចេញ​ បើ​មិន​បញ្ចេញ​ទេ អ្នក​ឯង​កំសាក​ខ្លាំង​ណាស់។ ខ្ញុំ​សូម​និយាយ​ជំនួស​ប្រជា​ជន​ថៃ​ និង​ជំនួស​ប្រជា​ជន​កម្ពុជា​ដែរ​ បញ្ចេញ​មក​​ ឥឡូវ​ខ្ញុំ​បោះ​បញ្ជូនបាល់​ទៅ​ឱ្យ​បក្ស​ភឿ​ថៃ​ ទៅ​ឱ្យ​លោក​ឧបនាយក​រដ្ឋ​មន្ត្រី​ រដ្ឋ​មន្ត្រី​ការ​បរទេស ​សូរ​ពង្ស​ ប៉េណាល់​ទី​ចូល​ហ្គោ​លរបស់​​អាប់ភីស៊ីត​តែម្តង​ ឬ​ទៅ​ឱ្យ​លោក​ជំទាវ​យីង​ឡាក់​​តែ​ម្តង។ ព្រោះ​ខ្លួន​ឯង​មក​លួច​ចរ​ចា​ជា​មួយ​គេ​ ​ហេតុ​ម្តេច​មិន​ចោទ​ ឥឡូវ​អ្នក​ឯង​នេះ​តែ​ម្តង ខ្ញុំ​បញ្ចេញ​ទៀត។

ទាក់​ទង​នឹង​ទំនាក់​ទំនង​ជាមួយ​រាជរដ្ឋាភិបាល​ថៃ​បច្ចុប្បន្ន សម្តេច​តេជោ​បាន​មាន​ប្រសាសន៍​ឲ្យ​ដឹង​ថា ឥឡូវ​នេះ​រាជ​រដ្ឋា​ភិបាល​ថៃ​ដឹក​នាំ​ដោយ​លោក​ជំទាវ​យីង​ឡាក់ ​កំពុង​តែ​ព្យា​បាល​ស្នាម​របួស​ដែល​បង្ក​ឡើង​ដោយ​អាប់​ភីស៊ីត តែបែរ​ជាពួក​នេះ​(ក្រុមអាវលឿងថៃ) បង្ក​សា​ជា​ថ្មី​ម្តង​ទៀត​ហើយ។ ​ថ្មីៗ​នេះ​មាន​ការ​ជួប​ជុំ​គ្នា​ធ្វើ​ព្យុ​ហយា​ត្រា​ទាម​ទារ​ប្រាសាទ​ព្រះ​វិហារ​ ហើយ​សូម​ឱ្យ​រដ្ឋា​ភិបាល​ថៃ​កុំ​ទទួល​ស្គាល់​សិទ្ធិ​អំណាច​តុលា​ការ​អន្តរ​ជាតិ។

សម្តេច​តេជោ​មាន​ប្រសាសន៍​ថា រឿង​នេះ​រឿង​លោក​ឯង​ទេ តែ​ខ្ញុំ​សូម​បញ្ជាក់​ជូន​ប្រជា​ពល​រដ្ឋ​ថៃ​ឱ្យ​បាន​ជ្រាប​។ រឿង​រ៉ាវ​កន្លង​ទៅ​ដែល​មាន​ការ​ប្រយុទ្ធ​គ្នា​រហូត​ដល់​មាន​ការនាំ​រឿង​ចូល​ដល់​តុលាការ​អន្តរជាតិ​ឡាអេ​ ដើម្បី​បកស្រាយ​សាលក្រម​ឆ្នាំ​១៩៦២​ លើ​បញ្ហា​ប្រាសាទ​ព្រះ​វិហារ​ គឺ​ចេញ​មក​ពី​នយោ​បាយ​របស់​បក្ស​ប្រជា​ធិបតេយ្យ​ ន​យោបាយ​រ​បស់​អតីត​នាយក​រដ្ឋ​មន្ត្រី​ អាប់​ភីស៊ីត​ វេចាជីវ៉ា​ តែ​ម្តង។ សូម​ឱ្យ​ប្រជា​​ពលរដ្ឋ​ថៃ​ចាក់​មើល​ឡើង​វិញ​នូវ​អ្វីដែលអាប់​ភីស៊ីត​ បាន​និយាយ​ ជា​ពិសេស​និយាយ​នៅ​ពេល​ដែល​ខ្លួន (អាប់ភីស៊ីត) ​ទៅ​ជួប​ជាមួយ​ក្រុម​បាតុករ​ដែល​ពាក់​អាវ​ដៃ​ខ្លី​នោះបាន​និយាយ​ថា “ដំណោះ​ស្រាយ​ជាមួយ​កម្ពុជា​ត្រូវ​ធ្វើ​ឡើង​តាម​រយៈ​ការ​ទូត និង​យោធា”

ទាក់​ទង​នឹង​សម្តី​ដែល​មាន​ចរិត​ល្មោភ​សង្គ្រាម​របស់​លោក​អាប់ភីស៊ីត សម្តេចតេជោ​បាន​រិះគន់​ថា​ សម្តី​មេ​ដឹកនាំ​បែប​នេះ ​គឺ​ជា​ការបញ្ឆេះ​នូវ​សង្គ្រាម​ហើយ។ កម្ពុជា​មាន​ការ​អត់​ធ្មត់​ សូម្បី​តែ​កងទ័ព​ថៃ​បានចូល​មក​វត្ត​កែវ​សិក្ខា​គិរី​ស្វារៈ​ក្នុង​ទឹកដី​កម្ពុជា​តាំង​ពីឆ្នាំ​២០០៨។​ ប្រជុំ​អាស៊ាន​ឆ្នាំ​២០០៩​ នៅ​ថៃ​ ខ្ញុំ​អត់​លើក​បញ្ហា​ក្នុង​អាស៊ាន​ទេ​។ ប្រជុំ​​អាស៊ាន​ឆ្នាំ​២០១០ នៅ​វៀតណាម​ ខ្ញុំ​អត់​លើក​ទេ​ ​ប្រជុំ​​អាស៊ានឆ្នាំ​២០១១​ នៅ​ឯ​ហ្សាការតា​ ខ្ញុំ​បង្ខំ​ចិត្ត​លើក។ សូម​ប្រជាជន​ថៃ​ត្រូវ​តែ​ដឹង​ ព្រោះ​រឿង​នេះ​ជា​រឿង​ធំ​ ជារឿង​ថ្នាក់​ពិភព​លោក។

សម្តេច​តេជោ​បាន​មាន​ប្រសាសន៍​ឲ្យ​ដឹង​ទៀត​ថា លោក​ឧបនាយក​រដ្ឋមន្ត្រី​ ហោ ណាំហុង​ បាន​ប្រាប់​កាស៊ីត ភីរម្យ​ (អតីត​រដ្ឋមន្ត្រី​ក្រសួង​ការបរទេស​ថៃ) ថា បើ​យើង​ដោះស្រាយ​មិន​បាន​ទេ​ យើង​គួរ​នាំ​គ្នា​ទៅ​តុលាការ​អន្តរ​ជាតិ។ ទាក់​ទង​នឹង​ការ​បញ្ជូន​សំណុំ​រឿង​ថៃ​ឈ្លានពាន​ប្រាសាទ​ព្រះវិហារ​ទៅ​តុលាការ​អន្តរជាតិ​នេះ សម្តេច​តេជោ​មាន​ប្រសាសន៍​ឲ្យ​ដឹង​ថា​ បើកុំតែ​មាន​ការ​ផ្ទុះ​អាវុធ​នៅថ្ងៃ​ទី​៤ និង​ថ្ងៃ​ទី​៦​ យើង​ក៏​អត់​ប្តឹង​ទៅ​ក្រុមប្រឹក្សា​សន្តិសុខ​ទេ​ ហើយ​ក៏​មិន​ប្តឹង​ទៅ​តុលាការអន្តរជាតិ​ឡាអេ​ដែរ។ សម្តេច​តេជោ​ក៏​បាន​លើក​ឲ្យ​ដឹង​ផង​ដែរ​​ថា ​ដោយ​សារចរិត​មើល​ងាយ​ និង​មាន​ការ​លើក​ទឹកចិត្ត​ពី​លោកស៊ុនធិ លឹមថងគល់ ពី​លោក​ចម្លង​ ស្រ៊ីមឿង​ ដែល​ជា​មេ​ដឹកនាំ​អាវ​លឿងផង គឺគេបាន​ឱ្យ​ប្រើ​កម្លាំង​កងទ័ព​ បណ្តេញប្រជាជន​ចេញ​ពី​តំបន់​ប្រាសាទ​ព្រះ​វិហារ​ រហូត​ដល់ ចម្លង​ ស្រ៊ីមឿង​ ប្រើ​យុទ្ធសាស្ត្រ​ថា​ យើង​ត្រូវ​តែ​វ៉ៃៗ​...យក​អង្គរ​វត្ត​ ចាំ​ទៅ​ដោះដូរ​ប្រាសាទ​ព្រះ​វិហារ។ បញ្ហា​នេះ សម្តេច​បាន​លើក​ជា​សំណួរ​ថា វា​ហាក់​ដូច​ជា​ស្រួល​ណាស់​ជាង​បក​ចេក​ទៅ​ទៀត?។

ជុំ​វិញ​សកម្ម​ភាព​ឈ្លាន​ពាន និង​សម្តី​ល្មោភសង្គ្រាម​របស់​ក្រុម​ជ្រុល​និយមអាវ​លឿង​ថៃ សម្តេច​តេជោមានប្រសាសន៍បញ្ជាក់​ថា ​មិន​ចាំបាច់​និយាយ​ទេ​ រហូត​ដល់​ប៉ុណ្ណឹង​ទៅ​ហើយ តើ​ពិភព​លោក​គេ​ច្រត់​ដៃ​មើល​ឬ?​ សូម្បី​តែ​ថៃ​វាយ​មកលើ​ប្រាសាទ​ព្រះ​វិហារ​ គេ​កោះ​ប្រជុំ​ភ្លាម។ អា​ស៊ាន​នៅ​ពេល​ដែល​ខ្ញុំ​លើក​ (បញ្ហា​ផ្ទុះ​អាវុធដែល​បង្ក​ឡើង​ដោយ​យោធា​ថៃជំនាន់​រដ្ឋាភិបាល​អាប់ភីស៊ី ក្នុង​កិច្ច​ប្រជុំ​នៅ​ហ្សាកាតា ប្រទេស​ឥណ្ឌូនេស៊ី) ក្រុម​ប្រឹក្សាសន្តិសុខ​បញ្ជូន​បញ្ហា​​ហ្នឹង​ឱ្យ​អាស៊ាន​តាមដាន។

សម្តេចតេជោមានប្រសាសន៍ថា ពេលដែលរាជរដ្ឋាភិបាលកម្ពុជាប្តឹងទៅអង្គការសហប្រជាជាតិ ប្តឹងទៅតុលាការអន្តរ​ជាតិ គឺក្នុងដំណាក់កាលនាយករដ្ឋមន្រ្តីអាប់ភីស៊ីត និងរដ្ឋមន្រ្តីការបរទេសកាស៊ីត ភីរម្យ មិនមែននាយករដ្ឋមន្រ្តីយីងឡាក់ ស៊ីណាវ៉ាតត្រា នោះទេ ហើយក៏មិនមែនរដ្ឋមន្រ្តីការបរទេស ស៊ូរ៉ាពុង ដែរ។

សម្តេចតេជោ​មាន​ប្រសាសន៍​ពន្យល់​ថា “សូម​ប្រជា​ពលរដ្ឋ​ថៃ​យល់​ឱ្យច្បាស់​ថា​ ​មិន​មែន​រដ្ឋា​ភិ​បាល​យីងឡាក់​ ​​បង្កើត​បញ្ហា​ជាមួយ​កម្ពុជា​ទេ​ គឺ​អតីត​រដ្ឋាភិបាល​អាប់ភីស៊ីត​ របស់​បក្ស​ប្រជា​ធិប​តេយ្យ​ជា​អ្នក​បង្កើត​ឡើង ដែល​ធ្វើ​​ឱ្យ​កម្ពុជា​បញ្ជូន​បញ្ហា​ទៅ​ឱ្យ​តុលាការ​អន្តរ​ជាតិ​ ទៅ​ក្រុម​ប្រឹក្សា​សន្តិសុខ។ ​​រឿង​នេះ​ស្ថិត​នៅ​ក្រោម​ការ​តាមដាន​របស់​ក្រុមប្រឹក្សា​សន្តិសុខ​អង្គការ​សហ​ប្រជាជាតិ​នៅ​ឡើយ​ទេ​។​ ​អាស៊ាន​ដែល​មាន​ឥណ្ឌូណេស៊ី​ ក៏​កំពុង​តាម​ដាន​នៅ​ឡើយ​ដែរ​ ហើយ​កម្ពុជា​ក៏​កំពុង​តែ​រាយ​ការណ៍​ទៅ​តុលាការ​តាមដីកា​បង្គាប់​នូវ​ការ​វិវត្តនានា។ ដូច្នេះ​កម្ពុជា​មានសិទ្ធិ​ធ្វើ​របាយការណ៍​ជូន​មន្ត្រី​តុលាការ​អន្តរជាតិ​ឡាអេ ស្តី​អំពី​ការ​ញុះញង់​ទាំង​ឡាយ​របស់​ក្រុម​អាវ​លឿង​មួយ​”។

សម្តេចតេជោបានដាក់ជាសំណួរថា ហេតុអ្វីបានជានៅក្រោយថ្ងៃទី៣ ខែកក្កដា ឆ្នាំ២០១១ បន្ទាប់ពីបក្សភឿថៃឈ្នះឆ្នោតរហូតមកដល់​ពេល​នេះកម្ពុជា-ថៃ មានសេចក្តីសុខជាមួយគ្នា ការនេះ គឺបណ្តាលមកពីមេដឹកនាំ បើមេដឹកនាំចង់ឲ្យមានសង្រ្គាម វាមានសង្រ្គាមហើយៗ លើការជាក់ស្តែងនៅពេលដែលលោកថាក់ស៊ីន ស៊ីណាវ៉ាត់ត្រា នៅធ្វើជានាយករដ្ឋមន្រ្តីអត់មានសង្រ្គានៅតាមព្រំដែនកម្ពុជា-ថៃទេ៕