Monday, February 4, 2013
សម្ភាសន៍ លោកបណ្ឌិត ឈឹម ផលវរុណ ស្តីពី សកម្មភាពបោកប្រាស់ប្រជាពលរដ្ឋរបស់គណបក្សប្រឆាំង តាមរយះការសន្យា
ថ្ងៃទី ២៨ ខែ មករា ឆ្នាំ ២០១៣
លោក សត្យា រក្ស
សំណួរ៖ គណបក្សប្រឆាំង គឺពួកគាត់កំពុងតែប្រើប្រាស់នូវល្បិចកលបោកប្រាស់ប្រជាពលរដ្ឋ តាមរយៈការសន្យា តាមរយៈសំនួនវហារ
និងតាមរយៈនយោបាយប្រៀបធៀប ដែលការប្រៀបធៀបនោះទាក់ទងទៅនឹងវត្ថុពិត ជាមួយនឹងខ្យល់ដែលគាត់ធ្វើការប្រៀបធៀបហ្នឹងឯង។ នេះ គឺជាល្បិចមួយដែលយើងគិតថា នៅក្នុងសង្គមយើងមិនគួរមានអ្នកនយោបាយបែបនេះ ពីព្រោះ តួនាទីរបស់អ្នកនយោបាយត្រូវបង្ហាញនូវភាពស្មោះត្រង់នៅចំពោះមុខប្រជាពលរដ្ឋ ហើយគ្រប់ទង្វើ និងសកម្មភាពរបស់ខ្លួន
គឺដើម្បីភាពរីកចម្រើននៃសង្គមជាតិ ក៏ដូចជាជួយទៅដល់ជីវភាពរស់នៅរបស់ប្រជាពលរដ្ឋឲ្យបានប្រសើរ។ លោក កឹម សុខា បន្ទាប់ពីវិលត្រឡប់ មកពីបារាំងវិញ ឃើញថាអត់មានបានអីជាដុំកំភួនទេ។ អញ្ចឹងជុំវិញការ រួបរួម ឬក៏យើងហៅថា សម្ព័ន្ធភាពរប
ស់លោក កឹម សុខា និង លោក សម
រង្ស៊ី មកទល់ម៉ោងនេះ លោកបណ្ឌិតយល់ឃើញយ៉ាងម៉េច?
លោកបណ្ឌិត ឈឹម ផលវរុណ
ចម្លើយ៖ បើយើងនិយាយឲ្យខ្លី
តាមពាក្យពេចន៍ខ្លឹមសារ ត្រឡប់មកលើកនេះ ដូចបានត្រឹមស្លឹកចេក មកខ្ចប់សម្ព័ន្ធភាព។
កាលដែលគេទៅជួប សម រង្ស៊ី នៅម៉ានីល ប្រទេសហ្វីលីពីន គេបានកញ្ចប់គេហៅថា ចលនា។
ដល់ឥឡូវទៅជាគណបក្សដូចអត់ឃើញ បែរទៅជាបានស្លឹកចេក មកខ្ចប់។ សូមបងប្អូនប្រជាពលរដ្ឋពិចារណា រឿងលោក
សម រង្ស៊ី លោក កឹម សុខា នេះ គឺជារឿងដែលពីរនាក់ហ្នឹង អត់ស្មោះត្រង់នឹងគ្នាទេ
គឺគ្រាន់តែចង់កេងចំណេញ និងការពារការបាត់បង់។
លោក សត្យា រក្ស៖ បើអ្នកទាំងពីរហ្នឹង មិនស្មោះត្រង់នឹងគ្នា តើលោកបណ្ឌិតមានអីជាអំណះអំណាង
ដើម្បីឲ្យជនរួមជាតិមើលឃើញកាន់តែច្បាស់?
លោកបណ្ឌិត ឈឹម ផលវរុណ
ចម្លើយ៖ អំណះអំណាងទីមួយ គឺកាលពីឆ្នាំ ២០០៨ រហូតមកដល់ ២០១២ គឺគាត់ជេរ និងវាយប្រហារគ្នាសាហាវណាស់។ យើងហៅថាសាហាវយ៉ង់ឃ្នង បើភាសានយោបាយ មិនមែនជេរបញ្ចោរគ្នាទេ ក៏ប៉ុន្តែជាពាក្យអសុរសខាងនយោបាយហ្នឹង គឺសាហាវ។ ហើយមិនត្រឹមប៉ុណ្ណឹងទេ សុទ្ធតែគ្នាគេនោះអត់ប្រជាធិបតេយ្យ សុទ្ធតែខូច សុទ្ធតែល្បិច សុទ្ធតែមានកល្ប។ ស្រាប់តែដល់ឥឡូវនេះបានចាប់ដៃគ្នាឡើងវិញមិនទាន់ឲ្យទៅជាអាពាហ៍ពិពាហ៍ពិតប្រាកដ បែរទៅជាអ្នកប្រជាធិបតេយ្យ អ្នកស្នេហាជាតិ។ ចំណុចហ្នឹង
យើងគិតថា វាឡប់ឡែមួយបាត់ទៅហើយ។ ឡប់ឡែនៅត្រង់ថា តើហេតុអ្វីបានជាអ្នកទាំងពីរហ្នឹង ចាប់ដៃគ្នា ហើយបំប៉ោង ទូងៗដូចស្គរ អត់មានខ្លឹមសារ។
ហើយយើងពិចារណាមើលទៅខាងក្នុងនៃក្រុមពីរនាក់ហ្នឹង វាមានបញ្ហានឹងគ្នាឬអត់? ។ ឥឡូវយើងពិនិត្យ
គ្រាន់តែឃើញលោកសម រង្ស៊ី លាលែងពីគណបក្សសម រង្ស៊ី របស់គាត់ទៅធ្វើប្រធានថ្មី ក៏មានការបម្រុងកន្លែង
ហើយនិងទ្វារសម្រាប់គណបក្សចាស់របស់គាត់ដែរ។ ហើយបើងាកមកលោក កឹម សុខា វិញ
ប្រកាសថាទាល់តែចុងខែ មេសា បានគាត់លាលែងពីគណបក្សចាស់ មកធ្វើគណបក្សថ្មី។
អញ្ចឹងហាក់ដូចជា វាមានចម្រូងចម្រាស់អីមួយហើយ គឺបានន័យថា ផ្ទះថ្មីហ្នឹង
វាអត់ទាន់មានអីច្បាស់លាស់ទេ នៅមានខ្មោចលងចេញចូលៗ គ្រាន់យកផ្ទះថ្មីមកបញ្ឆោតប្រជាពលរដ្ឋទេ។ មួយទៀត យើងមើលបច្ចុប្បន្នភាពម្តង លោក កឹម សុខា មុននឹងគាត់ទៅជួប លោក សម រង្ស៊ី នៅឯប្រទេសបារាំងគាត់បានអួតថា គាត់ធ្វើដំណើរទៅជួប សម រង្ស៊ី
ដើម្បីនិយាយអំពីអនាគតអីរួមគ្នាហ្នឹង។ យើងគិតថា
ប្រមូលតែលុយពីខ្មែរនៅក្រៅប្រទេសហ្នឹង ក៏ប្រមូលលែងបានទៅហើយ។ កាលគាត់មិនទាន់ទៅគាត់ថា ប្រជាពលរដ្ឋឲ្យគាត់រួបរួម
អញ្ចឹងបើឲ្យគាត់រួបរួមគឺគាត់ហ្នឹងកូនពៅហើយត្រូវចែកកេរ្ដិ៍ចុងក្រោយ។ ខ្មែរនៅក្រៅប្រទេសឲ្យគាត់រួបរួមបែបនេះ ឥឡូវយើងរួបរួមហើយ ដល់រួបរួមហើយ
ប្រមូលលុយពីខ្មែរនៅក្រៅប្រទេស ដូចតិចជាងកាល សម រង្ស៊ី ខ្លួនឯងផង។ ខ្ញុំឮព័ត៌មានថា កឹម សុខា ទៅលើកនេះ
ទូទាត់ចុះទូទាត់ឡើង នៅសល់ប្រហែលជា ១ ពាន់ដុល្លារ។
លោក សត្យា រក្ស
សំណួរ៖ ត្រង់ចំណុចនេះទាក់ទងទៅនឹងការប្រមូលលុយប្រមូលកាក់
បានតិចតួចនេះ ក៏ជាសញ្ញាមួយដែលមានន័យថា ប្រជាពលរដ្ឋខ្មែរនៅក្រៅប្រទេស
បានដកសេចក្ដីទុកចិត្តពីគណបក្សទាំងពីរ។ សម រង្ស៊ី
ក៏សកម្មជនរបស់ខ្លួនដកសេចក្ដីទុកចិត្ត ឯ កឹម សុខា គណបក្សតូចតាចនេះ
ក៏អ្នកគាំទ្រដកសេចក្ដីទុកចិត្ដដែរ។ អញ្ចឹងមូលហេតុចម្បង ដែលបងប្អូនទាំងនោះ មានការភ្ញាក់រលឹករំដោះខ្លួនចេញពីក្រញ៉ាំបោកប្រាស់របស់គណបក្សប្រឆាំង
តើមូលហេតុចម្បង នោះគឺអ្វីទៅ?
លោកបណ្ឌិត ឈឹម ផលវរុណ
ចម្លើយ៖ ទីមួយ ដែលយើងអាចមើលឃើញហើយថាអ្វីដែល កឹម សុខា បញ្ចេញសម្រែកហ្នឹង ក៏ដូចជាលោក សម រង្ស៊ី
លើកឡើងហ្នឹង ហាក់ដូចជាមានគុណភាពខុសគ្នា។ លោក សម រង្ស៊ី
ហាក់ដូចជាពុំលើកគុណសម្បត្តិ ឬក៏អត្ថប្រយោជន៍អស្ចារ្យនៃគណបក្សថ្មី ដែលគេរួមគ្នាទេ គឺខាងប្រព័ន្ធសារព័ត៌មានបរទេសនិយាយភាសាខ្មែរហ្នឹង គេផ្ដោតតែរឿង លោក
សម រង្ស៊ី មកកម្ពុជាបានឬអត់នៅពេលបោះឆ្នោត។ ហើយលោក សម រង្ស៊ី
ផ្ដោតទៅលើរឿងគាត់ជាមួយនឹងអ្នកគាំទ្រគាត់ក្រោមស្លាកគណបក្សសម រង្ស៊ី ទេ។ ឯរឿងការរៀបចំគណបក្សថ្មីជាមួយ លោក កឹម សុខា ហាក់ដូចជាគាត់មិនឲ្យតម្លៃខ្ពស់ទេ។
យើងមើលទៅលើសម្រែកភាសា ឯលោក កឹម សុខា
ដូចជាបង្ហាញអស្ចារ្យណាស់ អញ្ចឹងយើងឃើញថា ទាំងពីរហ្នឹងអត់ទាន់រត់គន្លងជាមួយគ្នាទេ។
មួយទៀតដែលយើងអាចពិចារណាមួយទៀត បើសិនជាលោក សម
រង្ស៊ី លោក កឹម សុខា ច្របាច់ចូលគ្នាបាន សព្វថ្ងៃនេះ លោក កឹម សុខា ដែលទៅប្រមូលលុយពីខ្មែរនៅក្រៅប្រទេស ប្រមូលលុយមកសម្រាប់បក្សថ្មី
ឬប្រមូលលុយដើម្បីដោះពាក្យសន្យាជាប់ជំពាក់ ១៨ ឃុំ ក្រោមស្លាកគណបក្ស កឹម សុខា? កឹម សុខា
ជំពាក់សន្យារឿងឡានអត់ទាន់គ្រប់ទេ ហើយ កឹម សុខា កំពុងភូត គឺ១៨ ឃុំ អត់ទាន់គ្រប់ទេ នៅខ្វះ
ហើយស្អីផ្សេងៗទៀត តាំងពីមត្តេយ្យសាលា តាំងពីម៉ាស៊ីនភ្លើង មានឯណាអត់ទាន់គ្រប់ទេ នេះជាបញ្ហាមួយហើយ។ គាត់រកតែការដោះស្រាយត្រឹមប៉ុណ្ណឹង
យកមកដោះពាក្យសន្យាអត់ទៅរួចបាត់ទៅហើយ ចុះទម្រាំទៅប្រមូលលុយសម្រាប់ការបោះឆ្នោតខាងមុខនេះ ក្នុងរូបភាពរួមទៅរកនរណាគេឲ្យ?។ អញ្ចឹងហើយបាន កឹម សុខា ខំស្រែកថា ឈ្នះៗ
គឺជាសម្រែកនៃការលក់ទំនិញបោកប្រាស់ទេ។ កឹម សុខា គាត់គ្មានទំនិញដែលចេញពីផលិតផលពិតទេ កឹម សុខា
មានតែទំនិញចេញតែអំពីសម្រែកទូងៗដូចស្គរ។ ដល់ពេលទូងៗដូចស្គរលើកទីមួយ កាលពីឆ្នាំ ២០០៨ គាត់ថា ទូងៗដូចស្គរគាត់ឈ្នះ អញ្ចឹងខ្មែរនៅក្រៅប្រទេសច្រឡំទិញទំនិញស្គរទូងៗហ្នឹង ដល់ហើយបានតែបីកៅអី អញ្ចឹងគេកត់សម្គាល់ហើយ។ ដល់ឥឡូវនេះ គាត់ទូងៗលែងដូចមុនហើយ
គាត់ទូងៗដល់យកការរួមគ្នារបស់ សម រង្ស៊ី យកដាក់ ប៉ុន្តែខាង សម រង្ស៊ី
ក៏នៅតាមមើលទៀត ខាង សម រង្ស៊ី ក៏មិនទាន់ទុកចិត្ត កឹម សុខា ទេ កឹម សុខា
យកលុយមកតែរឿងប្រពន្ធកូន និងបក្ខពួក ខាង សម រង្ស៊ី ក៏ត្រូវការលុយដែរតើ។ ត្រង់ហ្នឹងហើយ
ដែលយើងមើលឃើញមួយទៀត មកដល់ថ្ងៃនេះហើយ គណបក្សថ្មីមានតែឈ្មោះហ្នឹង
អត់ទាន់ឃើញរៀបចំរចនាសម្ព័ន្ធបក្ស។
តាមខ្ញុំបានព័ត៌មានពីផ្ទៃក្នុងខាងហ្នុងវិញសូម្បីចាត់តាំងធ្វើជាប្រធានគណៈកម្មការប្រតិបត្តិខេត្តមួយៗ
ក៏អត់ទាន់ហ៊ានចាត់តាំងឲ្យបានច្បាស់ដែរ។ និយាយឲ្យខ្លីទាំងថ្នាក់ស្រុក
ទាំងថ្នាក់ឃុំអត់ហ៊ានចេញសេចក្ដីតែងតាំងទេ ព្រោះវាអត់ទាន់ច្បាស់
ហើយវាអត់ទាន់ទុកចិត្តទៀត។ អត់ទុកចិត្តហ្នឹងច្រើនណាស់ ខ្លះអត់ទុកចិត្ត
កាលណាតែងតាំងទៅខ្លាចគេចាកចេញពីគណបក្សខ្លួន ទៅគណបក្សប្រជាជន ហើយបោកគេប្រើដោយអត់តែងតាំងជាផ្លូវការ។ អញ្ចឹងរឿងហ្នឹង
នៅមន្ទិលគ្នាច្រើនណាស់ ហើយនៅប្រជែងគ្នាទៀត រវាងក្រុម កឹម សុខា និងក្រុម សម រង្ស៊ី ដើម្បីទាញយកឥទ្ធិពលអូសទាញនៅតាមមូលដ្ឋាន។
លោក សត្យា រក្ស
សំណួរ៖ តើបានន័យថា
គេកំពុងតែគិតពីរឿងនិន្នាការគណបក្សឬយ៉ាងម៉េច?
លោកបណ្ឌិត ឈឹម ផលវរុណ
ចម្លើយ៖ និន្នាការក្រុមរបស់គេ ឥឡូវយើងថា
គេជាក្រុមមួយទៅចុះ ព្រោះគេបាននឹងជួបជុំរួមគ្នា ដល់អញ្ចឹងយើងគិតថាសាច់ថ្លៃ
សាច់បង្កើតហើយ។ សាច់បង្កើតគិតអញ្ចឹងទៅ តែប្រយ័ត្នអាសាច់ថ្លៃ ដល់សាច់ខាងនោះ គិតអញ្ចឹងដែរ
ទៅប្រយ័ត្នអាសាច់ថ្លៃខាងណេះ។ អញ្ចឹងគេប្រទាញឥទ្ធិពលគ្នាទៅវិញទៅមក។ ដល់អញ្ចឹងហើយ
ក៏នៅមានចំណុចខ្លះទៀត អ្នកខ្លះនៅខាង សម រង្ស៊ី ប៉ុន្តែអ្នកហ្នឹង
អស់សន្ដានចិត្ត និងក្ដីសង្ឃឹមជាមួយ សម រង្ស៊ី ជ្រោងឲ្យមានការរួមគ្នា ប៉ុន្ដែអ្នកដែលមានប្រយោជន៍រឹងមាំ
ក៏មិនចង់រួមដោយបាត់បង់ឥទ្ធិពលដែរ គេចង់រក្សាឥទ្ធិពល។ ឯ កឹម សុខា ក៏អញ្ចឹងដែរ
ហើយនៅខាង កឹម សុខា មានអ្នកដែលធ្លាប់ជាអតីត សម រង្ស៊ី ដែលមានរឿងរ៉ាវទំនាស់ផ្ទៃក្នុងគណបក្សសម រង្ស៊ី មកចូល កឹម សុខា
ហើយអ្នកហ្នឹង មិនអាចត្រឡប់ទៅឱនក្បាលដាក់ សម រង្ស៊ី និងបក្ខពួករបស់
សម រង្ស៊ី ទេ។ អ្នកហ្នឹងកំពុងតែពង្រឹងឥទ្ធិពលក្នុងរូបភាពក្រុម កឹម សុខា ដើម្បីមានភាពស្មើគ្នាជាមួយនឹងបក្ខពួករបស់ សម រង្ស៊ី
ព្រោះខ្លួនក៏ធ្លាប់ជូរចត់ជាមួយខាងសម រង្ស៊ី ដែរ។ ដូច្នេះ គឺពួកហ្នឹង និយាយឲ្យខ្លី គ្មានលទ្ធភាព សមត្ថភាព
និងឱកាសក្នុងការកសាងប្រទេសទេ គឺរៀបតែបក្សខ្លួនឯងថ្មីនេះ រៀបមិនហើយផង។ ឥឡូវខែ មករា រហូតទៅដល់ខែ មិថុនា។ ឥឡូវមិនចាំបាច់ដល់ខែ មិថុនា ទៀតនោះ ព្រោះត្រូវរៀបបញ្ជីឈ្មោះបេក្ខជន ខែ មេសា ឬខែ ឧសភា តើពួកគេរៀបទាន់ឬអត់?
អញ្ចឹងសូមបងប្អូនពិចារណាទៅ បើក្រុមលោក កឹម សុខា
និងក្រុមលោក សម រង្ស៊ី កាលនៅគណបក្សរៀងខ្លួន គាត់រៀបចំបក្សមិនបានផង។ លោក សម រង្ស៊ី ជាង ២០ ឆ្នាំ រៀបមិនបាន កឹម សុខា ក៏មិនទាន់រៀបចេញ កវែក កឆ្នាំង នៅឡើយដែរ
បែកបាក់គ្នារប៉ាត់រប៉ាយ ចុះឥឡូវអ្នកទាំងពីរដែលរៀបផ្ទះខ្លួនឯង
រៀងខ្លួនមិនទាន់បានផង ទៅចង់កសាងផ្ទះថ្មីរួមគ្នា តើចេញរួចឬអត់? ហើយបើចេញមិនរួច តើប្រជាពលរដ្ឋ
គួរតែសង្ឃឹមថា ពួកគាត់ទៅរៀបប្រទេសទាំងមូលកើតឬអត់? អញ្ចឹងគួរទុកឱកាសឲ្យគាត់រៀបទៅ
ឲ្យគាត់ ១០ ឆ្នាំ រៀបបក្សទៅមិនបាច់ឲ្យគាត់មករៀបអីនៅសភា ឬក៏តំណាងសភាអីទៀតទេ។
លោក សត្យា រក្ស
សំណួរ៖ អញ្ចឹងបើតាមប្រសាសន៍លោកបណ្ឌិត
គឺចង់និយាយថា បញ្ហាធ្ងន់ធ្ងរនៅក្នុងគណបក្សប្រឆាំង គឺគណបក្សសិទ្ធិមនុស្ស
និងគណបក្សសម រង្ស៊ី គឺប្រឈមខ្លាំង គឺទាក់ទងទៅនឹងនិន្នាការក្រុម។ មានន័យថា ប្រសិនបើតែងតាំងមកពីគណបក្សសម រង្ស៊ី
ជាប្រធានខេត្ត ខាង កឹម សុខា ឯណេះ គឺច្រណែន។ ហើយបើសិនណាជាឲ្យខាង កឹម សុខា
ធ្វើប្រធានខេត្ត ឲ្យខាង សម រង្ស៊ី ធ្វើអនុ វាមានការប្រទាញប្រទង់គ្នាអញ្ចឹង
ឬក៏យ៉ាងម៉េច?
លោកបណ្ឌិត ឈឹម ផលវរុណ
ចម្លើយ៖ ត្រឹមត្រូវណាស់
សូម្បីតែរឿងដាក់ទុន ដាក់លុយ សម្រាប់ធ្វើនយោបាយនៅតាមខេត្តក៏ដូចគ្នាដែរ។ ឧទាហរណ៍ បើខាង កឹម សុខា
ដាក់ទុនច្រើន ខាង សម រង្ស៊ី អត់ដាក់ទេ ហើយបើខាង សម រង្ស៊ី ដាក់ទុន ខាង កឹម សុខា
គេអត់ដាក់ទេ។ នយោបាយកាលណាប្រចាំគ្នាតាំងពីបេសកម្មអស់ហ្នឹងទៅហើយ គឺវាទៅអត់រួចទេ។
ហើយប្រចាំគ្នាអញ្ចឹង ហើយអ្នកដែលដាក់ទុន ទោះបីខាង កឹម សុខា ដាក់ទុន ឬខាង សម
រង្ស៊ី ដាក់ទុន អ្នកដែលដាក់ទុនហ្នឹង ចង់បានឈរលេខល្អ។ អញ្ចឹងមា្នក់ៗទាក់ទើគ្នា
នៅពេលដែលលេខល្អអត់ទាន់ច្បាស់ ការដាក់ទុនក៏នៅទាក់ទើដែរ។
លោក សត្យា រក្ស
សំណួរ៖ ប៉ុន្តែលោកបណ្ឌិតមានប្រសាសន៍បែបនេះ
បើសិនណាជាយើងធ្វើការសង្កេតលើក្បាលម៉ាស៊ីនដឹកនាំវិញម្ដង ដែលខ្ញុំឃើញថា លោក
កឹម សុខា ហាក់បីដូចជាបន្ទន់ឥរិយាបទយ៉ាងច្រើន ដោយលើកឲ្យលោក សម រង្ស៊ី
ធ្វើជាប្រធានគណបក្សថ្មី ហើយខ្លួនគាត់មិនតវ៉ាអីទាំងអស់
សុខចិត្តធ្វើជាអនុប្រធាន។ អញ្ចឹងករណីនេះ លោកបណ្ឌិតយល់ឃើញយ៉ាងម៉េចវិញ?
លោកបណ្ឌិត ឈឹម ផលវរុណ
ចម្លើយ៖ ទីមួយ លោក កឹម សុខា
គ្មានជម្រើសក្រៅអំពីចាប់ដៃជាមួយ សម រង្ស៊ី បើមិនអញ្ចឹងទេ រក្សា ៣ កៅអីហ្នឹង អត់បានទេ។
ព្រោះជោគវាសនាគាត់ធា្លប់ជួបម្ដងហើយ គេហៅថាងាប់ម្ដងរស់ឡើងវិញ។ ធាតុជាមនុស្សរស់ហើយ តែ កឹម
សុខា ហ្នឹង ងាប់នយោបាយ។ ងាប់ម្ដងហើយ កាលឆ្នាំ ១៩៩៨
បើមនុស្សគេហៅភ្លឹកអស់ប៉ុន្មាន ដេកអត់ភ្ញាក់អស់ប៉ុន្មានឆ្នាំហើយ។ អញ្ចឹង កឹម សុខា ធ្លាប់ងាប់ម្ដង ហើយក៏រស់វិញ។ ដល់អញ្ចឹងលើកនេះ បានតែ ៣ ទេ
កាលមុន
១០ បក្សលោកតាសឺន សាន ១០ នៅតែងាប់បាន។ អញ្ចឹង ៣ ងាយងាប់ជាងគណបក្សលោកតា សឺន សាន ៣ ដងទៀត ចែកនឹង៣។
អញ្ចឹងលោក កឹម សុខា ភ័យខា្លចងាប់ម្ដងទៀត មិនដឹងរស់វិញឬអត់? ងាប់លើកទីមួយ រស់បានលើកទីពីរ
ប្រយ័ត្នតែងាប់លើកទីពីរ លើកទីបីអត់រស់វិញទេ។ អញ្ចឹងគ្មានជម្រើសទេ
ត្រូវតែទៅចាប់ជាមួយ សម រង្ស៊ី។ មួយទៀត កត្តាទីពីរ គឺទោះបីជាគាត់ថា គ្មានជម្រើស មានតែទៅចាប់ជាមួយ សម
រង្ស៊ី ប៉ុន្តែក៏ជាឱកាសមួយ កឹម សុខា គិតថា សម រង្ស៊ី
បច្ចុប្បន្នរហូតទៅដល់ថ្ងៃបោះឆ្នោត មិនអាចវិលត្រឡប់មកទេ។ អញ្ចឹងគាត់ស្រែកយកភក្ដីភាព ឲ្យគេមើលច្រឡំថា គាត់ភក្ដីភាពជាមួយ សម រង្ស៊ី
ទៅក្រែងលោជាប្រធានស្ដីទីនៃគណបក្សថ្មី ក្រែងលោក្រុមលោក សម រង្ស៊ី
គាំទ្រឲ្យលោក កឹម សុខា ធ្វើជាបេក្ខជនស្រមើស្រមៃនាយករដ្ឋមន្រ្ដី។ ប៉ុន្ដែលទ្ធផលមកដល់ថ្ងៃនេះ
ការរំពឹងរបស់ លោក កឹម សុខា ពុំដូចចិត្តទេ។ តាមខ្ញុំឮព័ត៌មានលោក សម រង្ស៊ី
បាត់បង់សិទ្ធិបោះឆ្នោត យោងតាមច្បាប់បោះឆ្នោត ប៉ុន្តែលោក សម រង្ស៊ី
ក៏មិនប្រើឱកាសដែលគាត់បាត់បង់សិទ្ធិបោះឆ្នោត ទៅប្រគល់ឲ្យលោក កឹម សុខា ឈរជាបេក្ខជននាយករដ្ឋមន្រ្តីទេ គឺគាត់រើសអ្នកផ្សេង
ហើយអ្នកផ្សេងហ្នឹង គឺចេញពីក្រុមលោក សម រង្ស៊ី
ហើយជាមនុស្សមហាជំនិតផ្ទាល់របស់លោក សម រង្ស៊ី ទៀត។ អញ្ចឹងហើយបានលោក កឹម សុខា
មកវិញដូចស្វាកោងខ្នង។
លោក សត្យា រក្ស
សំណួរ៖ ឥឡូវនេះ
បើសិនជាប្រព្រឹត្តអញ្ចឹងមែន បើតាមដែលខ្ញុំឃ្លាំមើលនូវសកម្មភាពរវាងកឹម សុខា និង សម
រង្ស៊ី ឃើញថា អ្វីដែលលោកបណ្ឌិតមានប្រសាសន៍ហ្នឹង គឺជាការពិត ពីព្រោះថា ដំណើររវាង កឹម សុខា ហើយនិង
សម រង្ស៊ី ដែលកំពុងតែអះអាងថា ចាប់ដៃគ្នាហ្នឹងក៏ពិតមែន
ប៉ុន្តែដំណើរហ្នឹងវាឈានទៅរកការប្រេះឆា។ ជាពិសេស គឺ លោក សម រង្ស៊ី បានញាត់ចូលអ្នកជំនិតរបស់គាត់ ដើម្បីជំនួសលោក កឹម សុខា
ដែលចង់និយាយជំនួសកៅអីនាយករដ្ឋមន្រ្ដី ហើយសម្រាប់ កឹម សុខា
កំពុងតែស្រមើស្រមៃ។ បើសិនណាជាព្រឹត្តិការណ៍ដូច្នេះមែន
ដូចអ្វីដែលជាការគិតរបស់លោកបណ្ឌិតមែន តើលោក កឹម សុខា អាចនឹងទទួលយកបានទេមើលទៅ?
លោកបណ្ឌិត ឈឹម ផលវរុណ
ចម្លើយ៖ លោក កឹម សុខា មនុស្សនេះ គឺជាមនុស្សគិតប្រយោជន៍សួនតួ
អញ្ចឹងលោក កឹម សុខា គិតថា បើគាត់ទារមិនបានទេ គាត់ប្រើថ្នូរ ហើយថ្នូរនេះ លោក កឹម សុខា ធា្លប់អនុវត្តកាលគាត់ធ្វើជាអគ្គលេខាធិការគណបក្សលោកតា សឺន សាន ម្ដងហើយ។ កាលដែលគណបក្សលោកតាសឺន សាន បោះឆ្នោត ១៩៩៣ លោក កឹម
សុខា គ្រាន់តែជ្រៀតចូលតែម្នាក់ឯងទេ បានកៅអីសភា។
ដល់ពេលជ្រៀតចូលទៅតួនាទីដឹកនាំបក្ស លោក កឹម សុខា ទាញប្រពន្ធចូល ១៩៩៨ ប្រពន្ធលោក កឹម សុខា
គឺលោក កឹម សុខា ឲ្យឈរឈ្មោះនៅបញ្ជីខេត្តតាកែវ ហើយលោក កឹម សុខា ធ្លាប់ជាប់ឆ្នោត ១៩៩៣ នៅតាកែវ
ក៏ដូរទៅឈរនៅកំពង់ចាម។ អញ្ចឹងលើកនេះ គាត់នឹងដើរក្រឡាហ្នឹង
គឺនឹងដើរក្រឡាហ្នឹង បើលោក សម រង្ស៊ី យកមនុស្សជំនិតរបស់គាត់មកឈរជាបេក្ខជននាយករដ្ឋមន្រ្ដី ហើយលោក កឹម សុខា
គាត់មិនមែនល្ងង់ដែរ បេក្ខជននាយករដ្ឋមន្រ្ដី គ្រាន់តែជាបេក្ខជនទេ
ក៏ប៉ុន្តែជាដំណែងខ្យល់ដែលមិនអាចជាប់ឆ្នោតទេ ប៉ុន្តែអាចជាប់ជាតំណាងរាស្ដ្រ ប៉ុន្ដែលោក កឹម សុខា ជឿថា
អ្នកជំនិតហ្នឹង មិនអាចជាប់ជានាយករដ្ឋមន្រ្ដីទេ។
អញ្ចឹងគាត់យកតួអង្គពិតជាប់ជាតំណាងរាស្ដ្រ បើជាប់ជាតំណាងរាស្រ្ដលោក កឹម សុខា នឹងថា អូខេ
ដាក់អ្នកជំនិតរបស់លោក សម រង្ស៊ី យើងទទួល ប៉ុន្តែថ្នូរសូមដាក់អ្នកជំនិតរបស់ខ្ញុំដែរ គឺភរិយារបស់ខ្ញុំនឹងតែម្ដង ហើយហេងសយនឹងដាក់ថ្នូរច្រើនទៀត ពីព្រោះពេលហ្នឹងលោក សម រង្ស៊ី
ពិបាកប្រកែក ដោយសារក្រុមលោក សម រង្ស៊ី គឺជាក្រុមបក្ខពួកគ្រួសារ។ ខ្លះទៅកូន
ខ្លះទៅប្រពន្ធ ខ្លះទៅចម្រុះ សុទ្ធតែបក្ខពួក
គ្រួសារហើយអ្នកដែលជាសកម្មជន ដែលអ្នកសុចរិតស្មោះត្រង់នឹងនយោបាយ គឺអត់មានឱកាសទេ។ អញ្ចឹងលោក កឹម សុខា គឺជាមនុស្សមានមាយាទបែបហ្នឹងដូចគ្នា គ្រាន់តែថា ឱកាសគាត់
អត់ទាន់មាន គឺមានតែ ៣ កៅអី គាត់ទៅញាត់ប្រពន្ធកូនម៉េចកើត។ អញ្ចឹងឥឡូវនេះ បើផ្គូរជាមួយលោក សម រង្ស៊ី គាត់នឹងអាចញាត់ប្រពន្ធរបស់គាត់ ហើយនិងអ្នកជំនិតផ្សេងៗទៀត។
អញ្ចឹងគណបក្សនេះ គឺគណបក្សដែលវិវត្តទៅតាមការបង្កើតដំណែងសម្រាប់ប្រពន្ធកូន ហើយនិងក្រុមគ្រួសារទេ មិនមែនជាគណបក្សដែលបង្កើនអាសនៈសភា ដើម្បីជាទម្ងន់សម្លេងនយោបាយក្នុងសភាទេ។
-មតិលោក សត្យា រក្ស
អញ្ចឹងត្រង់ចំណុចនេះ
កម្មវិធីរបស់យើងជឿជាក់ថា បងប្អូនដែលកំពុងតែតាម កឹម សុខា
ឬកំពុងតែទះដៃអបអរសាទរគណបក្សសង្គ្រោះជាតិ
ក៏អាចនឹងពិចារណាកាន់តែច្បាស់ថែមទៀត។ ពីព្រោះយើងឃើញថា បច្ចុប្បន្ននេះ
គឺភាពច្បាស់លាស់បំផុតដែលយើងមើលឃើញ គឺមានន័យថាបងប្អូនដែលកំពុងតែដើរតាម កឹម សុខា
និង សម រង្ស៊ី នេះ ត្រូវបាន កឹម សុខា និង សម រង្ស៊ី
កំពុងតែធ្វើអាជីវកម្មលើបងប្អូនហើយ ដែលយើងហៅថា អាជីវកម្មនយោបាយ។
អញ្ចឹងបងប្អូនមានបានអីក្រៅពីស្រទៅជើង ស្រទៅត្បូង មេគេប្រាប់ថាទៅសង្រ្គោះទៅសង្រ្គោះនឹងគេទៅ មេគេប្រាប់ថា មកវិញមកវិញទៅ។
អញ្ចឹងភាពឡប់ឡែនេះ វាអត់មានបានប្រយោជន៍អ្វីសម្រាប់បងប្អូនទេ ហើយក៏មិនបានប្រយោជន៍អ្វីសម្រាប់សង្គមជាតិនោះដែរ។ ពីព្រោះយើងមើលឃើញហើយថា កឹម សុខា ហើយនិង សម រង្ស៊ី អ្វីដែលគេបានធ្វើ និងកំពុងធ្វើនេះ គឺមិនមែនក្នុងបំណងមួយឈានទៅរកដំណែងកៅអីនាយករដ្ឋមន្រ្ដីនោះទេ។ កៅអីនាយករដ្ឋមន្រ្ដីនោះ គឺ កឹម សុខា
និង សម រង្ស៊ី ហ្នឹងដឹងច្បាស់ដោយខ្លួនឯងថា
ខ្លួនពិតជាមិនអាចធ្វើដំណើរទៅដល់កៅអីហ្នឹងទេ ប៉ុន្ដែអ្វីដែលគេធ្វើសព្វថ្ងៃនេះ
គឺគេចង់បានត្រឹមតែដំ ណែងតំណាងរាស្ដ្រតែប៉ុណ្ណោះ
ដើម្បីប្រយោជន៍ក្រុមគ្រួសារ
ដើម្បីប្រាក់ខែគេតែប៉ុណ្ណឹងឯង។ អញ្ចឹងចំពោះចំណុចនេះ សូមឲ្យបងប្អូនពិចារណាជៀសវាងស្រទៅស្រមក វាខូចប្រយោជន៍អស់ទាំងលុយកាក់
ដែលបុរាណគេហៅថា បា្រក់ក៏បង់ថង់ក៏ដាច់ហ្នឹងឯង។
ឥឡូវនេះ លោកបណ្ឌិតយើងចង់ឈានចូលចំណុចមួយទៀត
ដើម្បីទុកជាការពិចារណាទៅដល់បងប្អូនយើងផងដែរ។ យើងឃើញថា ធាតុពិតការពិត
ចេតនារបស់មេបក្ខទាំងពីរនេះ គឺគ្មានអីក្រៅពីប្រយោជន៍បុគ្គលទេ
ពីព្រោះថា ប្រយោជន៍យើងឃើញថា អត់មានបានធ្វើអីទាំងអស់ សូម្បីតែកាតព្វកិច្ចរបស់គាត់
ចូលប្រជុំសភា ស្ដាប់បញ្ចេញយោបល់ក្នុងសភាក៏គាត់មិនធ្វើផងហ្នឹង ហើយគាត់សុខចិត្តយកពេលវេលាដើរស្រែកអាវ៉ាសែតាមចិញ្ចើមថ្នល់ តាមភូមិតាមស្រុក ដើម្បីប្រយោជន៍បុគ្គលរបស់គាត់។ និយាយឲ្យចំ គឺ ៥ ឆ្នាំ
នៃអាណត្តិនីមួយៗ គណបក្សប្រឆាំងបានយកពេលវេលា ៥ ឆ្នាំ
ដើម្បីឃោសនាពេញតែម្ដង ដែលផ្ទុយពីគណបក្សប្រជាជន
ដែលមានកាលបរិច្ឆេទច្បាស់លាស់ ពេលវេលាដែលស្ងប់ស្ងាត់ ពេលវាលាត្រូវកសាងជាតិ
ពេលវេលាត្រូវស្ថាបនាជាតិ យើងមានកាលវិភាគប្រទិតិនរបស់យើង គឺមានច្បាស់លាស់។
សំណួរ៖ អញ្ចឹងត្រង់ចំណុចនេះ
ខ្ញុំចង់ឲ្យលោកបណ្ឌិតជួយបញ្ជាក់មើលថា តើសកម្មភាពជាគម្រូដែលបង្ហាញថា
វាអត់ច្បាស់លាស់របស់គណបក្សប្រឆាំងនេះ តើវាអាចប៉ះពាល់ដល់អ្នកគាំទ្រនៃគណបក្សប្រឆាំងដែរឬទេ?
លោកបណ្ឌិត ឈឹម ផលវរុណ
ចម្លើយ៖ ធម្មតាសន្លឹកឆ្នោតរបស់ម្ចាស់ឆ្នោត
ឬរបស់ពលរដ្ឋម្នាក់ៗ គឺជាសន្លឹកឆ្នោតដែលសម្តែងឆន្ទៈ។ អញ្ចឹងនៅពេលណាដែលម្ចាស់ឆ្នោត មើលឃើញគូរប្រកួតណាមួយដែលគ្មានភាពជាក់លាក់ ជាទីសង្ឃឹមថាអាចប្រកួតបានទេនោះ
គឺម្ចាស់ឆ្នោតគ្មានរំពឹងទៅលើ គូរប្រកួតនោះដែរ។ គណបក្ស នយោបាយក៏ដូចគ្នាដែរ។ គណបក្សនយោបាយដែលមានសមត្ថភាពប្រកួតបាន គឺគណបក្សនយោបាយដែលមានសមត្ថភាពធ្វើនយោបាយ។
មានន័យថា មេបក្ស ឬ
ក៏ជួរដឹកនាំបក្ស ត្រូវរៀបឲ្យបាននូវគោលនយោបាយ
ឬកម្មវិធីនយោបាយ។ បើងាកមកគណបក្ស សម
រង្ស៊ី ក្តី ឬគណបក្ស កឹម សុខា ក្តី គឺមើលទៅគ្មានអ្វីយកមកប្រកួតជាមួយគណបក្សប្រជាជនកម្ពុជាទេ
ដោយសារតែ រហូតមកដល់ថ្ងៃនេះ
ពួកគេមិនបានលើកអំពីនយោបាយណាមួយដែល បង្ហាញអំពីទស្សនៈរបស់ខ្លួន ក្នុងការចូលរួមអភិវឌ្ឍប្រទេសទេ គឺឃើញមានតែវោហាស័ព្ទ
ក្នុងការវាយប្រហាររដ្ឋាភិបាល ចោទថាគេនោះមិនកើត។ ប៉ុន្តែ សម្រាប់ខ្លួនឯង តើឲ្យប្រជាពលរដ្ឋជឿជាក់យ៉ាងម៉េច បើគ្រាន់តែបង្កើត គណបក្សខ្លួនឯង ក៏បង្កើតអត់ចេញដែរ។ ឧទាហរណ៍ ដូចជាគណបក្ស សម រង្ស៊ី បើគិតពីឆ្នាំ
១៩៩៤ មកដល់ពេលនេះ គឺជិត ២០ឆ្នាំហើយ ប៉ុន្តែមិនអាចរៀបចំគណបក្សខ្លួនចេញទេ។ ប្រជាពលរដ្ឋ
បានផ្តល់ទំនុកចិត្ត ដំបូង ១៥ កៅអី បន្ទាប់មក ២៤ កៅអី ហើយបច្ចុប្បន្ន ២៦ កៅអី ប៉ុន្តែមិនឃើញគណបក្ស សម រង្ស៊ី
រៀបចំរចនាសម្ព័ន្ធ គណបក្ស របស់ខ្លួនឲ្យបានរឹងមាំនៅឡើយទេ គឺគ្រាន់តែមានត្រឹមតែមេបក្ស ដើម្បីត្រួតអ្នកខាងក្រោមតែប៉ុណ្ណោះ។ បន្តិចក្រោយមក
គឺតែងតែបែកបាក់គ្នា ហើយអ្នកដែលបែកចេញនោះសុទ្ធតែត្រូវបានគណបក្សអួតថា ជាអ្នកស្មោះត្រង់ និងជាវីរៈជនស្នេហាជាតិ។ ដូច្នេះគ្រាន់តែកសាងបក្ស
ក្នុងរង្វង់ សហសេវិករបស់ខ្លួនអត់បានផង តើទៅអាចធ្វើនយោបាយបានសុខដុមរមនា
ជួបជុំគ្នាក្នុងសង្គមជាតិតែមួយបានដែរឬទេ? ត្រង់នេះ គឺមិនអាចក្លាយទៅជាគូរប្រកួតជាមួយគណបក្សប្រជាជនកម្ពុជាបានទេ។
ចំពោះ គណបក្ស
កឹម សុខា ដែលជាគណបក្សមួយតូចនោះ បែរជាខំអួត ដែលខ្លួនមានតែ ៣ កៅអី ហើយរៀបតែគណបក្សនៅទីក្រុងភ្នំពេញមិនបានធំធាត់ផង។ អញ្ចឹងតើអាចទៅរៀបចំដឹកនាំប្រទេសម៉េចហ្នឹងកើត។ ហើយឥឡូវនេះ ធ្វើជាមកផ្គុំគ្នា
នៅពេលដែលធាតុពីរនេះធ្លាប់ជេរគ្នាទៅវិញទៅមក។ ជាក់ស្តែង
គឺពួកគេរៀបចំរចនាសម្ព័ន្ធគណបក្សថ្មីមិនទាន់ចេញទេ។ ដូច្នេះ ទោះបីជា ខំប្រកួតយ៉ាងណាក៏មិនឈ្នះដែរ។អញ្ចឹង បើគ្មានសមត្ថភាពក្នុងការរៀបចំគណបក្សខ្លួនមិនបានផង នោះគឺមិនអាចដឹកនាំប្រទេសបានទេ។
លោក សត្យា រក្ស
សំណួរ៖ ចំណុចមួយទៀត នៅពេលដែល កឹម សុខា ថិតក្នុងភាពស៊ីសាច់ហុតឈាមគ្នាជាមួយលោក សម រង្ស៊ី គឺ កឹម សុខា ធ្លាប់ប្រមាថ សម រង្ស៊ី ថា សម រង្ស៊ី នេះ ដឹកនាំបក្សតាមការនឹកឃើញ គឺមិនបានរៀនសូត្រអំពីប្រជាធិបតេយ្យ អំពីសិទ្ធិមនុស្សទេ។ ប៉ុន្តែ សម្រាប់គាត់ខ្លួនឯងវិញ គឺគាត់បានជួលគ្រូពីកាណាដា មកបង្រៀនគាត់អំពីសិទ្ធិមនុស្ស និងប្រជាធិបតេយ្យនេះ ចំនួន៣ថ្ងៃ ហើយក្រោយមកក៏បង្កើតជារចនាសម្ព័ន្ធ និងជាគណបក្សសិទ្ធិមនុស្ស នេះតែម្តង។ ត្រង់ចំណុចនេះ សូមលោកបណ្ឌិតជួយបញ្ជាក់បន្តិចថា តើដើម្បីឲ្យចេះ និងយល់អំពីប្រជាធិបតេយ្យនិង សិទ្ធិមនុស្សនេះ គឺគេរៀនតែ៣ថ្ងៃទេ ឬយ៉ាងណា ដើម្បីធ្វើមេបក្សមួយនោះ?
លោកបណ្ឌិត ឈឹម ផលវរុណ
ចម្លើយ៖ ត្រង់នេះបញ្ជាក់ថា កឹម សុខា មិនបានស្គាល់អំពីការសិក្សាទេ គឺស្គាល់តែការនិយាយទេ មានន័យថា មាត់គាត់អត់ខូចទេ តែអណ្តាតគាត់ខូច ដោយគ្រលាស់ខុសទិស។ គ្រាន់តែប៉ុន្មានខែមុន ពេលដែលគាត់ទើបមកពីអាមេរិក ក្រោយពីបានទៅចូលរួមសមាជរបស់គណបក្សប្រជាធិបតេយ្យនៅអាមេរិក នៅពេលមកវិញបានសម្ភាសន៍ជាមួយវិទ្យុអាស៊ីសេរី គាត់បានអួតថាបានរៀនសូត្រអំពីប្រទេសគេ គណបក្សគេ គឺអត់ជេរគ្នាទេ គឺគេលើកតែអំពីគុណសម្បត្តិច្រើនជាងគុណវិបត្តិ អីជាដើម។ ប៉ុន្តែ តាមពិតខួរក្បាលលោក កឹម សុខា ខូចបាត់ទៅហើយ គឺគាត់ចាំបានតែមួយភ្លែតទេ ពីព្រោះក្រោយពេលដែលត្រឡប់មកវិញគឺគាត់ជេរវិញដដែល។ ដូច្នេះចំពោះ កឹម សុខា នៅពេលដែលប្រជាពលរដ្ឋលែងជឿ ហើយនៅពេលទៅអាមេរិក អាមេរិកក៏លែងស្តាប់ គឺគាត់ហាក់ដូចជាកំពុងវង្វេងក្នុងព្រៃប្រជាធិបតេយ្យទៅវិញ។ រឿងនេះគឺដោយសារតែគាត់យកតែរូបភាព ឬវត្តមានមកស្រែក ឧទាហរណ៍ដូចជាគ្រាន់តែគាត់ធ្លាប់បានដើរកាត់សាលាមួយ គាត់បែរជាអួតថា គាត់បានរៀនក្នុងសាលានោះ ឬធ្លាប់បានចូលក្នុងសមាជបក្សរបស់គេតែមួយថ្ងៃក៏គាត់បានអួតថា គាត់ទៅរៀនដែរ។
តាមពិតអង្គការអន្តរជាតិអាមេរិកដូចជា IRI និង NDI បានផ្តល់លុយយ៉ាងច្រើនក្នុងការបណ្តុះបណ្តាលអស់លោកអ្នកនយោបាយប្រឆាំង រួមទាំង កឹម សុខា និង បននយោបាយកឹម សុខា ផងដែរ។ ក្នុងនោះរួមទាំងអង្គការរបស់អាឡឺម៉ង់ ខុនរ៉ាដ អាដេណូវ ក៏បានជួយបណ្តុះបណ្តាលអំពីរបៀបរបបធ្វើនយោបាយរបស់គណបក្សប្រឆាំងដែរ ប៉ុន្តែក្រោយពេលដែលគេពន្យល់ និងបង្រៀនរួចហើយ ពេលគេត្រឡប់ទៅវិញគឺពួកគាត់នៅតែដដែល មានន័យថា ខួរក្បាលរបស់ពួកគាត់ទទួលយកអត់បាន។ ដូច្នេះ សូមបងប្អូនប្រជាពលរដ្ឋពិចារណាទៅ។ យើងក៏អាចសាកល្បងរៃលុយគ្នា ឬក៏សុំឲ្យរដ្ឋាភិបាលផ្តល់ថវិការជាតិដល់គណបក្សប្រឆាំង ២០លាន ក្នុង១ឆ្នាំ ហើយមិនបាច់បោះឆ្នោតឲ្យពួកគាត់ធ្វើជាតំណាងរាស្ត្រ នាំរំខានដល់ការអភិវឌ្ឍប្រទេសទេ ហើយយើងសួរថា តើ ២០លាន ដុល្លារក្នុង១ឆ្នាំ អ្នកឯងអាចរៀបចំគណបក្សខ្លួនក្នុងរយះពេល ១០ឆ្នាំបានដែរឬទេ? បើមិនបានគឺថែមឲ្យ១០ឆ្នាំទៀត រហូតអាចរៀបចំគណបក្សខ្លួនបានហើយ ចាំមកចូលរួមប្រកួត។ ពួកគេ មិនអាចប្រកួតឈ្នះប្រមុខរដ្ឋាភិបាល បែរជាបុំភ្លៃថា គ្មានប្រទេសណាដែលគេកាន់អំណាចយូរឆ្នាំទៅវិញ។ តាមពិត គឺគ្មានប្រទេសណាមួយដែលកំណត់អាណត្តិរបស់នាយករដ្ឋមន្ត្រីទេ។ ការជ្រើសរើសបេក្ខជននាយករដ្ឋមន្ត្រី គឺជាសេរីភាពពេញលេញរបស់គណបក្សនយោបាយដែលគេយល់ឃើញថា ឥស្សរៈជនគណបក្សរបស់គេណាម្នាក់នៅតែមានសមត្ថភាព និងគុណសម្បត្តិសម្រាប់ដឹកនាំប្រទេសតាមគោលនយោបាយរបស់គណបក្ស។ ផ្ទុយទៅវិញ ចំពោះបេក្ខជនរបស់គណបក្សមួយដែលឈរឈ្មោះហើយចាញ់ឆ្នោត គឺគេលែងជ្រើសតាំងអ្នកនោះឲ្យឈរឈ្មោះតទៅទៀតហើយ គឺគេរើសតែអ្នកដែលធ្លាប់ជាប់ឆ្នោតតែប៉ុណ្ណោះដើម្បីបន្តអាណត្តិតទៅទៀត លើកលែងតែសាម៉ីខ្លួន ចង់សម្រាក តែបើសាម៉ីខ្លួនយល់ថានៅតែមានសុទិដ្ឋិនិយម និងកម្លាំងពលៈចង់បម្រើជាតិតទៅទៀតគឺអាចធ្វើបានទៀត។
ដូច្នេះ គឺមានតែពួកគណបក្សប្រឆាំងទេ ដែលត្រូវដូរបេក្ខជននាយករដ្ឋមន្ត្រី ពីព្រោះឈរឈ្មោះកន្លងមកហើយ តែប្រជាពលរដ្ឋមិនព្រមបោះឆ្នោតគាំទ្រឲ្យជាប់។ ប៉ុន្តែដោយសារពួកគេខូច ដោយមិនហ៊ានប្រាប់ទៅថ្នាក់ដឹកនាំគណបក្សប្រជាជនកម្ពុជាថា បើសម្តេច ហ៊ុន សែន នៅតែឈរឈ្មោះខ្ញុំមិនអាចប្រកួតកើតទេ ព្រោះសមត្ថភាពខ្ញុំនៅល្ងង់ណាស់។ ប្រសិនបើហ៊ាននិយាយដូច្នេះមែនប្រហែលជាថ្នាក់ដឹកនាំអាចយកទៅពិចារណា។
-មតិលោក សត្យា រក្ស
នេះជាចំណុចសំខាន់ ពីព្រោះគណបក្សប្រឆាំង ជាពិសេសគឺគណបក្ស សម រង្ស៊ី គឺប្រកួត ៣ ទៅ៤ អាណត្តិមកហើយដែលទទួលបរាជ័យ។ ចំណែកមេបក្សដែលដឹកនាំ គឺលោក សម រង្ស៊ី ដដែល ដូច្នេះមានន័យថា ការដឹកនាំបក្សរបស់ សម រង្ស៊ី គឺមុជមិនជ្រៅទៅមិនឆ្ងាយទេ គឺមិនអាចដឹកនាំបក្ស របស់ខ្លួនដើម្បីទទួលបានជោគជ័យកៅអីនាយករដ្ឋមន្ត្រីបានទេ។ តាមរយះនេះ គួរតែគណបក្ស សម រង្ស៊ី ខ្លួនឯងពិចារណាមើល ថាតើការមុជមិនជ្រៅ ទៅមិនឆ្ងាយ របស់មេបក្ស សម រង្ស៊ី របស់ខ្លួននេះ អាចដឹកនាំបក្ស របស់ខ្លួនទទួលបានជ័យជំនះឬទេ? ចំណែក កឹម សុខា ក៏ត្រូវចេះប្រមាណខ្លួនឯងផងដែរ ដែលខ្លួនដឹកនាំបក្សតូចមួយ មានតែ៣ កៅអី ហើយអះអាងសុទ្ធតែទទួលបានជោគជ័យនោះ គឺត្រូវចេះខ្មាស់អ្នកគាំទ្រខ្លួន និងប្រជាពលរដ្ឋផង។ ម្យ៉ាងទៀត ប្រពន្ធ កឹម សុខា ខំប្រឹងអរណាស់ ថានៅអាណត្តិទី៤ ខ្លួននឹងឡើងជាជំទាវប្រពន្ធនាយករដ្ឋមន្ត្រីហើយ តែទីបំផុតបានត្រឹមធ្វើតែជាប្រពន្ធនាយករដ្ឋមន្ត្រីឧទាហរណ៍តែប៉ុណ្ណោះ ។ ដូច្នេះ កឹម សុខា ត្រូវដឹងថាខ្លួនឯងនេះអន់ប៉ុណ្ណា? នឹងត្រូវចេះខ្មាស់សកម្មជនរបស់ខ្លួន ដែលខ្លួនចាត់ចែង ថាលោកនេះត្រូវធ្វើចៅហ្វាយខេត្តនេះ ឬលោកនោះត្រូវធ្វើជាចៅហ្វាយខេត្តនោះ ឬធ្វើជារដ្ឋមន្ត្រីខ្យល់ក្នុងក្រសួងនេះ ឬក្រសួងនោះ ជាដើម ហើយការសន្យានេះគឺមានជាច្រើនអាណត្តិមកហើយ និងត្រូវបរាជ័យយ៉ាងអាប់យសជាបន្តបន្ទាប់។ ចំពោះការបរាជ័យដោយសុច្ចរឹតនោះ គឺជាការប្រកួតដោយសេចក្តីថ្លៃថ្នូរ ប៉ុន្តែ សម្រាប់គណបក្ស សម រង្ស៊ី និង កឹម សុខា ដែលបរាជ័យកន្លងមក គឺជាការបរាជ័យដោយការសន្យារបៀបយកមេឃមកទ្រាប់អង្គុយ មានន័យថា ជាការសន្យារបៀបរវើរវាយ ដូចជាសន្យាឲ្យ បួនម៉ឺន ឬមួយលាន ឬមួយរយហាសិប អីនោះ ឬក៏សន្យាចែកគោ ចែកក្របី ឬចែកចំការកៅស៊ូ ឬការប្រមូលទិញផ្កាស្នោរ ឬផ្កាស្តៅ ការដាក់ធ្មេញមាសឲ្យលោកតា លោកយាយ និង ការរកប្តីឲ្យស្តីម៉េម៉ាយ ជាដើមនោះ គឺជាការចាញ់យ៉ាងអាប់យសតែម្តង។ ការសន្យាបែបនេះ គឺជាភាសាមួយ ដូចជាមនុស្សឡប់សតិ។ ការនិយាយនេះ គឺមិនមែនជាការជេរប្រមាថទេ គឺគ្រាន់តែចង់ឲ្យលោក កឹម សុខា ពិចារណាខ្លួនឯង អំពីពាក្យពេជន៍នយោបាយដែលសមរគួរ និងមិនត្រូវសន្យាតាមបែបភូតកុហកប្រជាពលរដ្ឋជ្រុលហួសហេតុបែបនេះឡើយ ដែលធ្វើឲ្យថយតម្លៃរបស់អ្នកនយោបាយ។ ការសន្យាដ៏ច្រើនលើសលុបរបស់ កឹម សុខា នេះគឺអន់ជាងរឿងសេដ្ឋីយកអំបុកទៅដាក់លើចង្អេរឲ្យធ្ននជ័យទៅទៀត ពីព្រោះសេដ្ឋីយកអំបុកទៅដាក់លើចង្អេរគឺធ្ននជ័យ បានអំបុកខ្លះទៅទទួលទាន ប៉ុន្តែសម្រាប់ កឹម សុខា វិញគឺសន្យាខ្យល់សុទ្ធសាធ សូម្បីតែមួយរៀល ឬមួយកាក់ក៏បងប្អូនកម្មករ និងប្រជាពលរដ្ឋមិនបានទទួលដែរ គឺទទួលបានតែសន្យាខ្យល់តែប៉ុណ្ណោះ។ ដូច្នេះសូមបងប្អូនគិតពិចារណា និងប្រយ័ត្នចាញ់បោកគេ។ នេះជាឧទាហរណ៍ល្អមួយ ក្នុងការបំភ្លឺជូនទៅដល់ជនរួមជាតិ ប៉ុន្តែវាធ្វើឲ្យគណបក្ស សម រង្ស៊ី និងគណបក្ស កឹម សុខា គេមិនសប្បាយចិត្តទេ ពីព្រោះវាធ្វើឲ្យខាតប្រយោជន៍គេ ក៏ប៉ុន្តែ យើងគិតដល់ប្រយោជន៍របស់បងប្អូន ទៅវិញទេ គឺទី១ បើបងប្អូនចាញ់បោកមនុស្សប្រភេទនេះ វាធ្វើឲ្យបងប្អូនខាតពេល ខាតវេលា និងទី២ ធ្វើឲ្យបងប្អូនអស់លុយកាក់ ទី៣ លក់គោ ឬលក់ស្រែ ធ្វើឲ្យប្តីប្រពន្ធឈ្លោះគ្នា ដោយសារគេសន្យាថាឲ្យធ្វើមេស្រុក អីនោះ។
សំណួរ៖ ឆ្លងតាមសកម្មភាពដែលលោកបណ្ឌិតបានតាមដាន តាំងពីដើម រហូតមកដល់ពេលនេះ តើលោកបណ្ឌិតបានមើលឃើញអំពីលទ្ធផលនៃការរួបរួមរបស់ កឹម សុខា អាចធ្វើឲ្យសកម្មជននៃគណបក្សទាំងពីរ រវាងគណបក្ស សម រង្ស៊ី និងគណបក្ស កឹម សុខា នោះមានសង្ឃឹមឬទេ?
លោកបណ្ឌិត ឈឹម ផលវរុណ
ចម្លើយ៖ សព្វថ្ងៃនេះ គេបានត្រឹមតែព័ទ្ធរបងទេ បានន័យថា កឹម សុខា មានដីមួយដុំហើយព័ទ្ធរបងរបស់គេមួយ។ ចំណែក សម រង្ស៊ី មានដីមួយដុំដែរធំជាង កឹម សុខាហើយព័ទ្ធរបងដែរទៅ ប៉ុន្តែពួកគេនៅតែមានរបងខ័ណ្ឌគ្នាដដែលទេ គ្រាន់តែមានផ្លាករួមមួយចុះបញ្ជីថ្មី និងនៅតែមានក្រុម សម រង្ស៊ី និងក្រុម កឹម សុខា ដដែលទេ។ ក្រុមនីមួយៗ កំពុងប្រទាញប្រទង់គ្នាដណ្តើមឥទ្ធិពល ។ ក្រុម សម រង្ស៊ី គឺមានមេបក្សរត់ចោលស្រុក រីឯក្រុម កឹម សុខា មានមេបក្សខូចអណ្តាត និយាយអត់ដឹងអី។ ពួកគេកំពុងដណ្តើមឥទ្ធិពលគ្នាលើបញ្ជីឈរឈ្មោះនោះឯង។ ដើម្បីឲ្យងាយយល់ យើងលើកឧទាហរណ៍អំពី ឆ្កែដែលវាស៊ីបាយចានតែមួយ ហើយមានឆ្កែតែមួយ នោះវាមិនខាំគ្នាទេ គឺវាស៊ីទាល់តែអស់។ ប៉ុន្តែចំពោះចានតែមួយដដែល ដែលដាក់បាយឲ្យឆ្កែពីរស៊ី គឺមិនបានស៊ីទេ គឺវាឈ្លោះគ្នា និងខាំគ្នាជាមិនខាន។ បើយើងពិចារណា ចានបាយនៅទីនេះ គឺមានន័យស្មើទៅនឹងបញ្ជីឈរឈ្មោះបេក្ខជន សម្រាប់គណបក្ស កឹម សុខា និង សម រង្ស៊ី រួមគ្នា។ កាលពីមុន សម រង្ស៊ី ដោយឡែក កឹម សុខា ដោយឡែក គឺមានចានបាយរៀងខ្លួន។ ចានបាយរបស់ សម រង្ស៊ី គឺសម្រាប់ឲ្យកូនចៅ សម រង្ស៊ី ហើយចានបាយរបស់ កឹម សុខា គឺសម្រាប់ឲ្យកូនចៅ កឹម សុខា និងមេរបស់គេរៀងៗខ្លួន។ ការបែងចែកការឈរឈ្មោះ ពេលនៅគណបក្សរៀងៗខ្លួននៅតែកើតមានបញ្ហាសម្រាប់កូនចៅនៅក្នុងគបក្ស សម រង្ស៊ី ដែលរហូតមកដល់នាទីចុងក្រោយ ត្រូវប្រើវិធីចែកគ្នាឈរ ពាក់កណ្តាលអាណត្តិ ទើបស្ងប់ចិត្ត កុំអីពួកគេទៅដណ្តើម ពី គ ជ ប វិញមកហែកចោលហើយ។ ករណីនេះក៏កើតមានរឿងដែរនៅក្នុងគណបក្ស កឹម សុខា គឺបញ្ជីឈរឈ្មោះនៅខេត្តកណ្តាល ។ ចុះទម្រាំពេលនេះ បញ្ជីឈរឈ្មោះពីរគណបក្សផ្គុំមកតែមួយ ហើយក្រុមពីរផ្គុំមកតែមួយ នៅពេលនោះ នឹងមានការចោទប្រកាន់ ឬច្រណែនគ្នាអំពីរឿងគ្នាអញ ឬគ្នាគេឈរឈ្មោះលេខមួយ ឬលេខពីរ ជាមិនខាន។ នេះជាចំណុចស្លាប់រស់រវាងក្រុម សម រង្ស៊ី និងក្រុម កឹម សុខា ពីព្រោះនៅចុងខែមេសា គឺជាប្រតិទិនចុងក្រោយរបស់ គ ជ ប តម្រូវឲ្យគណបក្ស នីមួយៗធ្វើឲ្យហើយស្រេចនូវបញ្ជីឈរឈ្មោះបេក្ខជនរបស់គណបក្ស តាមមណ្ឌលបោះឆ្នោតខេត្តក្រុងនីមួយៗ។ ដូច្នេះ សូមបងប្អូនប្រជាពលរដ្ឋដែលនៅក្នុងគណបក្ស សម រង្ស៊ី និង គណបក្ស កឹម សុខា ពិចារណាទៅថាយើងនិយាយនេះពិត ឬមិនពិត? សូមបង្អូនចាំមើលចុះ។
ក្នុងនាមជាខ្មែរ យើងមិនចង់ឲ្យបរទេសគេសើចថា គណបក្សប្រឆាំងពីរនេះ ពេលផ្គុំគ្នា វាខាំគ្នាយ៉ាងនេះ។ គឺយើងខ្មាស់ ដូចជា អង្គការ IRI ឬ NDI ជាដើម ដែលគេធ្លាប់ជួយ សម រង្ស៊ី និង កឹម សុខា នេះតែម្តង។ បរទេសគេសើចគាត់មែនពិត ប៉ុន្តែដោយសារគាត់ជាខ្មែរ ដូច្នេះគឺវាដោយទាំងយើងផងដែរ។ ដូច្នេះ អ្នកគាំទ្រ កឹម សុខា និង សម រង្ស៊ី ត្រូវប្រយ័ត្នចំណុចនេះឲ្យមែនទែន។ បើសិនជាអ្នកចង់ការពារផលប្រយោជន៍ និងចង់ចូលរួមអភិវឌ្ឍប្រទេសជាតិ គឺកុំឈ្លោះគ្នានៅពេលបង្កើតបញ្ជីឈរឈ្មោះបេក្ខជននោះឲ្យសោះ ៕
សម្រង់ព័ត៌មាន៖ លោក នូ សាវុធឌី
Subscribe to:
Posts (Atom)