Wednesday, March 27, 2013
ភាគីរាជរដ្ឋាភិបាល និងសហគមន៍អឺរ៉ុប គាំទ្រគំនិត កែសម្រួលរចនាសម្ព័ន្ធរដ្ឋបាលនៃ អ.វ.ត.ក
ក្នុងជំនួបនៅទីស្តីការគណៈរដ្ឋមន្រ្តី
រវាង ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី
រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងឯកឧត្តម
ហ្វ្រង់ស័រ កូតាំង (Jean-Francois CAUTAIN)
ឯកអគ្គរដ្ឋទូត និងជាប្រធានប្រតិភួសហភាពអឺរ៉ុប ប្រចាំនៅកម្ពុជា
ភាគីទាំង ២
បានពិភាក្សាការងារអំពីវិធានការនៃការជម្រុញល្បឿននៃការកាត់ទោស
មេដឹកនាំខ្មែរក្រហម
ដូចជាកង្វះខាតថវិកាដើម្បីគាំទ្រដល់ដំណើរការរបស់ អ.វ.ត.ក ។
ឯកឧត្តមបណ្ឌិតសភាចារ្យ សុខ អាន
បានធ្វើការចាប់អារម្មណ៍អំពីការចំណាយនៃសាលាក្តីកាត់ទោសមេដឹក
នាំខ្មែរក្រហម ដែលចេះតែកើនឡើងពីមួយឆ្នាំទៅមួយឆ្នាំ
បន្ទាប់ពីសាលាក្តីនេះត្រូវបានបង្កើតឡើងតាំងពីឆ្នាំ ២០០៦
ដោយសារតែរចនាសម្ព័ន្ធរដ្ឋបាលនៃ អ.វ.ត.ក កាន់តែរីកធំឡើង ។
ក្នុងគោលដៅដោះស្រាយបញ្ហាខាងលើ ភាគីទាំង ២
(តំណាងរាជរដ្ឋាភិបាលកម្ពុជា និងតំណាងសហភាពអឺរ៉ុប)
បានគាំទ្រនូវគំនិតផ្តួចផ្តើមស្តីពី
ការរៀបចំកែសម្រួលរចនាសម្ព័ន្ធរដ្ឋបាលនៃសាលាក្តីកាត់ទោសមេដឹក
នាំខ្មែរក្រហម ដែលក្នុងនោះរួមមានការកែសម្រួលបុគ្គលិកបម្រើការ
និងការស្វះស្វែងរកការគាំទ្រថវិកាពីបណ្តាប្រទេសជាមិត្ត អ.វ.ត.ក
តាមរយៈនៃការផ្សព្វផ្សាយអំពីលទ្ធផលនៃការកែសម្រួលរចនាសម្ព័ន្ធនេះ ៕
តំណាងធនាគារអភិវឌ្ឃអាស៊ីសរសើរពីការរីកចម្រើននៅកម្ពុជា និងសន្យាបន្តជួយបណ្តុះបណ្តាលធនធានមនុស្ស
ក្នុងឱកាសជួបពិភាក្សានៅវិមានមិត្តភាព
ទីស្តីការគណៈរដ្ឋមន្រ្តី លោក អេរិក ស៊ីដវិច (Eric Sidgwic)
បានមានប្រសាសន៍ថា នៅពេលដែលលោកអញ្ជើញមកដល់ប្រទេសកម្ពុជា
ឃើញថាមានការផ្លាស់ប្តូរ និងរីកចម្រើនគួរឲ្យកត់សម្គាល់ ។
ធនាគារអភិវឌ្ឍអាស៊ី (ADB) បាននិងកំពុង
ពង្រីកបន្ថែមនូវកិច្ចសហប្រតិបត្តិការជិតស្និទ្ធជាមួយកម្ពុជា
ដែលជាដៃគូរយុទ្ធសាស្រ្តនៃការអភិវឌ្ឍន៍ ហើយលទ្ធផល
និងបទពិសោធន៍នៃកិច្ចសហប្រតិបត្តិការអាចជាគម្រូសម្រាប់ប្រជាជាតិ
ដទៃទៀត ។
លោក អេរិក ស៊ីដវិច ( Eric Sidgwic)
បានមានប្រសាសន៍ថា សម្រាប់ធនាគារអភិវឌ្ឃអាស៊ី (ADB)
បានសម្លឹងឃើញនូវឱកាសដទៃទៀតក្នុងការពង្រឹងកិច្ចសហប្រតិបត្តិការ
ជាមួយកម្ពុជាជាពិសេសចំពោះកិច្ចការអភិវឌ្ឍធនធានមនុស្ស ។
ឯកឧត្តមបណ្ឌិតសភាចារ្យ សុខ អាន
បានមានប្រសាសន៍វាយតម្លៃខ្ពស់ចំពោះកិច្ចសហប្រតិបត្តិការជិត
ស្និទ្ធរបស់ធនាគារអភិវឌ្ឃអាស៊ី (ADB)
ក្នុងការជួយពង្រឹងមូលធនមនុស្ស
និងធនធានបច្ចេកទេសដើម្បីជួយដល់ការអភិវឌ្ឍន៍នាពេលកន្លងមក។
យោងតាមយុទ្ធសាស្រ្តចតុកោណដំណាក់កាលទីII និងក្នុងចក្ខុវិស័យធ្វើឲ្យ
ផ.ស.ស កើនឡើងដល់ជាង ៤.០០០ដុល្លារសហរដ្ឋអាមេរិក
សម្រាប់ប្រជាពលរដ្ឋម្នាក់ក្នុងឆ្នាំ២០៣០
សម្រាប់រយៈពេលខាងមុខបន្តទៀតនេះ
តាមរយៈក្រុមប្រឹក្សាជាតិបណ្តុះបណ្តាលវិជ្ជាជីវៈ (NTB)
អ្វីដែលរាជរដ្ឋាភិបាលយកចិត្តទុកដាក់គឺការអប់រំ
និងហ្វឹកហ្វឺនដល់យុវជនដើម្បីឲ្យមានសមត្ថភាពស្របតាមតម្រូវ
ការទីផ្សារពលកម្ម ។
ឯកឧត្តមបណ្ឌិតសភាចារ្យ សុខ អាន
បានមានប្រសាសន៍ឲ្យដឹងថា រាជរដ្ឋាភិបាលក៏
បានយកចិត្តទុកដាក់ជម្រុញការកែទម្រង់រដ្ឋបាល
ដោយចាប់ផ្តើមពីមូលដ្ឋានគ្រឹះ
គឺការពង្រឹងគុណភាពនៃការផ្តល់សេវាសាធារណៈ គុណភាពមនុស្ស
និងប្រព័ន្ធផ្តល់រង្វាន់ដែលបង្កើតបានសមធម៌
ចំពោះការងារដែលមានប្រសិទ្ធភាព ។
នៅក្នុងជំនួបពិភាក្សានេះ
លោកនាយកការិយាល័យធនាគារអភិវឌ្ឍអាស៊ី ប្រចាំកម្ពុជា បានឯកភាព
និងសន្យាបន្តចូលរួមពង្រឹងបន្ថែម
លើកិច្ចសហប្រតិបត្តិការក្នុងកម្មវិធីបណ្តុះបណ្តាល
ហ្វឹកហ្វឺនបច្ចេកទេសវិជ្ជាជីវៈដល់ពលករកម្ពុជា (TVET)
ដែលរៀបចំឡើងដោយក្រុមប្រឹក្សាជាតិបណ្តុះបណ្តាលវិជ្ជាជីវៈ (NTB) ។
បទវិចារណកថា៖ ការតម្លើងប្រាក់ឈ្នួលអប្បបរមារបស់កម្មករ ពី៦១ទៅ៨០ដុល្លាគឺជាសមិទ្ឋិផលថ្មីមួយទៀត របស់រាជរដ្ឋាភិបាលកម្ពុជា
រាជរដ្ឋាភិបាលកម្ពុជាតែងតែយកចិត្តទុកដាក់ បង្កើតនូវគោលនយោបាយទាក់ទាញអ្នកវិនិយោគទុនជាតិ និងអន្តរជាតិដើម្បីអភិវឌ្ឍសេដ្ឋកិច្ចឲ្យមានការរីកចំរើនគ្រប់វិស័យ ដែលក្នុងនោះវិស័យឧស្សាហកម្មកាត់ដេរសម្លៀកបំពាក់និងស្បែកជើងនៅតែជា វិស័យមួយឈរជួរមុខគេក្នុងការបង្កើតកាងារឥតឈប់ ឈរឈានឡើងពីមួយឆ្នាំទៅមួយឆ្នាំ ហើយវិស័យនេះក៏ជាផ្នែកមួយដ៏សំខាន់ផងដែរក្នុងការជួយរុញច្រានកំណើន សេដ្ឋកិច្ចជាតិទាំងមូល ។ ជាមួយនេះដែរ រាជរដ្ឋាភិបាលកម្ពុជាក៏បានបង្កើតនូវគោលនយោបាយប្រាក់ឈ្នួល សិទ្ឋិកម្មករ ក៏ដូចជាសិទ្ឋិសេរីភាពជាមូលដ្ឋានរបស់កម្មករនិយោជិតក្នុងការបង្កើតសហជីព ក៏ដូចចូលរួមក្នុងចលនាសហជីពដើម្បីការពារសិទ្ឋិនិងផលប្រយោជន៏ស្រប ច្បាប់របស់ពួកគេ។ប្រាក់ឈ្នួលគឺជាបញ្ហាចាំបាច់សំរាប់ជីវភាពរស់នៅរបស់កម្មករ ។ បន្ទាប់ពីមានការបង្រួបបង្រួមជាតិ និងបោះឆ្នោតសកលលើកទីមួយនៅទស្សវត្សឆ្នាំ៩០ ប្រាក់ឈ្នួលកម្មករនិយោជិតនៅក្នុងវិស័យសំលៀកបំពាក់និងស្បែកជើងមានចំនួន តែ២៥ទៅ៣០ដុល្លាប៉ុណ្ណោះក្នុងមួយខែ។ ប៉ុន្តែដោយមានការយចិត្តទុកដាក់ពីរាជរដ្ឋាភិបាលកម្ពុជា បញ្ហាប្រាក់ឈ្នួលអប្បបរមារបស់កម្មករត្រូវបានដោះស្រាយជា បន្តបន្ទាប់គឺនៅឆ្នាំ១៩៩៧ចំនួនពី៣០ទៅ៤០ដុល្លា ឆ្នាំ២០០០ចំនួនពី៤០ទៅ៤៥ដុល្លា ឆ្នាំ២០០៦ពី៤៥ទៅ៥០ និងឆ្នាំ២០១០ពី៥៥ទៅ៦១ដុល្លានិងមានកញ្ចប់អត្ថប្រយោជន៏ផ្សេងមួយចំនួនទៀត ដូចជាប្រាក់រង្វាន់ធ្វើការទៀងចំនួន១០ដុល្លា ប្រាក់ថ្លៃធ្វើដំណើររឺការស្នាក់នៅចំនួន៧ដុល្លា ប្រាក់ថែទាំសុខភាពចំនួន៥ដុល្លា ប្រាក់អតីតភាពពី២ដល់១១ដុល្លាក្នុងមួយខែ និងនៅមានប្រាក់ជំនាញ ព្រមទាំងប្រាក់លើកទឹកចិត្តមួយចំនួនទៀតទៅតាមស្ថានភាពនៃរោងចក្រនីមួយៗ ។
ទោះបីប្រាក់ឈ្នួលកម្មករត្រូវបានធ្វើការដោះស្រាយជាបន្តបន្ទាប់ក៏ដោយ ក៏រាជរដ្ឋាភិបាលនៅតែគិតគូរឥតឈប់ឈរ ជាក់ស្តែងនៅក្នុងពេលថ្មីៗនេះនៅក្នុងឱកាសសម្ពោធអគាររដ្ឋបាលក្រសួងការ ងារ និងបណ្តុះបណ្តាលវិជ្ជាជីវះកាលពីថ្ងៃទី១២ ខែធ្នូ ឆ្នាំ២០១២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជជាណាចក្រកម្ពុជា បានលើកឡើងជាអនុសាសន៏ណែនាំដល់រដ្ឋមន្រ្តីក្រសួងការងារចំនួន៤ចំនុចគឺ ត្រូវគិតគូរពីលក្ខណ្ឌការងារ សុខភាព ការស្នាក់នៅ និងប្រាក់ឈ្នួលរបស់កម្មករនិយោជិត ។ បន្ទាប់មកសម្តេចតេជោក៏បានផ្តល់អនុសាសន៏ជាគោលការណ៏ណែនាំដល់ក្រុម ការងារទី៨ រឺ ក្រុមការងារទំនាក់ទំនងវិជ្ជាជីវះរបស់រាជរដ្ឋាភិបាលដំណើរការ ប្រជុំពិភាក្សាឲ្យបានឆាប់អំពីការតម្លើង ប្រាក់ឈ្នួលកម្មករនិយោជិតនៅក្នុងវិស័យកាត់ដេរសំលៀកបំពាក់និងស្បែកជើង ។
ដំណើរការពិភាក្សាចរចារយះពេលជិត៣ខែកន្លងមក នេះភាគីសហជីពនិងភាគីនិយោជក បានជជែកពិភាក្សាយ៉ាងតឹងតែងបំផុត ក្រោមការសម្របសម្រួលរបស់ឯកឧត្តមរដ្ឋមន្ត្រីប្រធានក្រុមការងារទី៨ និង ឯកឧត្តមរដ្ឋមន្រ្តីក្រសួងការងារ ហើយនៅនាទីចុងក្រោយភាគីសហជីពដែលមានសម្លងភាគច្រើន បានឯកភាពគ្នាស្នើសុំតម្លើងប្រាក់ឈ្នួលអប្បបរមានេះចំនួន៧៨ដុល្លាក្នុងមួយខែ។ ប៉ុន្តែដោយមានការយកចិត្តទុកដាក់ ពីរាជរដ្ឋាភិបាលកម្ពុជាសម្តេចតេជោនាយករដ្ឋមន្រ្តីក៏បានស្នើទៅភាគីនិយោជកឲ្យបន្ថែមចំនួ ន២ដុល្លាបន្ថែមទៀតបង្គ្រប់៨០ដុល្លា បានន័យថា ប្រាក់ឈ្នួលកម្មករនិយោជិតផ្នែកកាត់ដេរសម្លៀក បំពាក់និងស្បែកជើងត្រូវបានតម្លើងចំនួនពី៦១ទៅ៨០ដុល្លាក្នុងមួយខែ ដែលនឹងត្រូវអនុវត្តគ្រប់រោងចក្រសហគ្រាសទូទាំងប្រទេសចាប់ពីថ្ងៃទី០១ ខែឧសភា ឆ្នាំ២០១៣ ទទៅ។
ដោយឡែកក្រុមគណបក្សប្រឆាំងក៏បាននឹងកំពុងតែយកបញ្ហាប្រាក់ឈ្នួលកម្មករធ្វើជារបៀប វារះនយោបាយ សំរាប់យុទ្ឋនាការបោះឆ្នោតនៅខែកក្កដាខាងមុខនេះ ដោយពួកគេសន្យាផ្តល់ប្រាក់ខែ ឲ្យកម្មករចំនួន១៥០ដុល្លាក្នុងមួយខែប្រសិនបើពួកគេជាប់ឆ្នោត ។ នេះគឺជាសន្យាខ្យល់ដោយឥតអៀនខ្មាស់របស់គណបក្សប្រឆាំង ពីព្រោះប្រាក់ខែកម្មករគឺផ្តល់ឲ្យដោយភាគីថៅកែរោងចក្រសហគ្រាស មិនមែនរាជរដ្ឋាភិបាលជាអ្នកផ្តល់ជូននោះទេ ហើយក៏មិនអាចបង្ខំរោងចក្រផ្តល់ប្រាក់ខែកម្មករលើសប្រាក់ ចំណេញរបស់ពួកគេនោះទេ ។ បើមិនដូច្នេះទេ ពួកគេនឹងផ្តូរទិសដៅពាណិជ្ជកម្មនឹងទៅប្រទេសដែល មានប្រាក់ឈ្នួលទាបជាងកម្ពុជា ដូចជា ប្រទេសបង់ក្លាដេស៤៥ដុល្លា ប្រទេសភូមា៤០ដុល្លា ប្រទេសឥណ្ឌា៥៥ដុល្លាជាដើម ។ដូចនេះការសន្យាខ្យល់របស់គណបក្សប្រឆាំងវាមិនមានឥទ្ឋិពលអ្វីដល់កម្មករនោះទេ ។
ដូច្នេះការតម្លើងប្រាក់ខែកម្មករនិយោជិតពី៦១ទៅ៨០ដុល្លានេះ គឺវាសមស្របទៅនឹងស្ថានភាពសេដ្ឋកិច្ចជាក់សែ្តង មិនធ្វើឲ្យប៉ះពាល់ដល់ការវិនិយោគនិងជាព្រឹត្តិការណ៏ដ៏ជោគជ័យ មួយសំរាប់ភាគីកម្មករនិយោជិតដែលពីមុនកន្លងមកការចរចាប្រាក់ឈ្នួល មិនដែលទទួលបានជោគជ័យគួឲ្យកត់សំគាល់ដូចនៅពេលនេះទេ និងជាសមិទ្ឋិផលថ្មីមួយទៀតរបស់រាជរដ្ឋាភិបាលកម្ពុជាសំរាប់គោលនយោបាយលើកស្ ទួយសិទ្ឋ និងផលប្រយោជន៏កម្មករ ។ ម្យ៉ាងទៀតយើងមានជំនឿយ៉ាងមុតមាំថាភាគីនិយោជកពួកគាត់ស្វាគមន៏គាំទ្រ និងអនុវត្តនូវការសម្រេចចិត្តរបស់រាជរដ្ឋាភិបាលកម្ពុជា ដោយមិនផ្ទេរការប្រកបអាជីវកម្មរបស់ពួកគាត់ទៅប្រទេសដ៏ទៃ ដែលមានប្រាក់ឈ្នួលទាបជាងកម្ពុជានោះទេ ៕
ដោយ៖ រក្សា
សម្តេចតេជោជាមេដឹកនាំដែលសុខចិត្តលំបាកខ្លួនឯងដើម្បីប្រជាជន
សម្តេចតេជោបានបន្ថែមថា ដោយសារតែការតម្លើងប្រាក់ខែកម្មករកាត់ដេរ
ជាបន្តបន្ទាប់នេះហើយទើបកម្មករកាត់ដេរ
ដែលភាគច្រើនឡើងមកធ្វើការនៅភ្នំពេញ មានលទ្ធភាពសន្សំប្រាក់
ហើយផ្ញើរទៅឪពុកម្តាយនៅឯស្រុកកំណើត។ ក្នុងនោះ
ក្រៅតែពីប្រាក់ខែគោល ៨០ ដុល្លារ ដែលទើបតម្លើងនេះ តែកម្មករកាត់ដេរ
ក៏នៅទទួលបានប្រាក់អត្ថប្រយោជន៍ដទៃទៀត។
សម្តេចតេជោនាយករដ្ឋមន្ត្រីមានប្រសាសន៍ថា
តៃកុងដូចខ្ញុំសុខចិត្តគ្រោះថ្នាក់ដោយខ្លួនឯង បើផ្លូវមិនច្បាស់
ខ្ញុំសុខចិត្តទុកឡានសិន ហើយចុះទៅរាវតើមានអ្វីនៅក្នុងទឹកហ្នឹង
បើស្លាប់ៗខ្លួនឯងចុះឲ្យអ្នកនៅលើឡានរស់។
សម្តេចតេជោមានប្រសាសន៍បញ្ជាក់ថា តៃកុងនេះធ្លាប់បានធ្វើពលិកម្ម
ហើយធ្លាប់បានដឹកនាំប្រជាជនទទួលបានសេចក្តីសុខ។
ខ្លះមិនធ្លាប់បើកឡានទេ មិនប្រាកដថាបើកឡានទៅរួចទេ។
ចំណែកខ្ញុំវិញយ៉ាងហោចណាស់ ខ្ញុំបើករួចធ្វើតៃកុងអែប
និងធ្វើជាតៃកុងជាង ៣៤ ឆ្នាំហើយ។
ទាក់ទងនឹងតួនាទីរបស់សម្តេច
តេជោក្នុងការដឹកនាំអភិវឌ្ឍន៍ប្រទេសជាបន្តទៅទៀត សម្តេចតេជោបាន
មានប្រសាសន៍បញ្ជាក់ថា សំខាន់គឺលើប្រជាពលរដ្ឋបោះឆ្នោតឲ្យទៀត ឬអត់?
ខ្ញុំ បានសុំហើយបើស្រឡាញ់ ហ៊ុន សែន បើអាណិត ហ៊ុន សែន បើពេញចិត្ត
ហ៊ុន សែន បើជឿជាក់លើ ហ៊ុន សែន
សុំបោះឆ្នោតឲ្យគណបក្សប្រជាជនកម្ពុជា(CPP)នៅថ្ងៃទី ២៨ ខែកក្កដា
ឆ្នាំ២០១៣ខាងមុខនេះ។ ទោះបី ជា CPP
ចាប់ឆ្នោតបានលេខប៉ុន្មានក៏ដោយក៏អត់មានដូររូបភាពទេ
គឺរូបទេវតាបាចផ្កា
ហើយសូមគូសកន្លែងដែលគេឲ្យគូសក្នុងសញ្ញាទេវតានឹងបានមកដល់ ហ៊ុន
សែន ហើយៗ បោះឆ្នោតឲ្យ CPP ក៏បាន ទៅដល់សម្តេច ជា ស៊ីម សម្តេច ហេង សំរិន
ដែរ។ សម្តេចតេជោបានអំពាវនាវដល់ប្រជាជនដែលជាម្ចាស់ឆ្នោតថា
សូមកុំខឹងគោវាយរទេះ កុំខឹងមេភូមិ-មេឃុំ ទៅបោះឆ្នោតទម្លាក់ ហ៊ុន
សែន នោះ ព្រោះនេះជាការបោះឆ្នោតថ្នាក់ជាតិ
មិនមែនជាការបោះឆ្នោតថ្នាក់ឃុំ ថ្នាក់ភូមិទេសូមចែកគ្នាឲ្យដាច់។
សម្តេចតេជោនាយករដ្ឋមន្ត្រីថ្លែងពន្យល់ថា នយោបាយថ្នាក់ជាតិ
ខ្ញុំជាអ្នកដឹកនាំដាក់ចេញនូវនយោបាយតាំងពីនយោបាយឈ្នះ ឈ្នះ
ជានយោបាយរបស់ ហ៊ុន សែន
ដោយត្រូវបានគណបក្សប្រជាជនគាំទ្រធ្វើឲ្យប្រទេសជាតិពីការបែកបាក់
មកសន្តិភាព។
ការដឹកនាំប្រទេសក្នុងរយៈពេលកន្លងមកខ្ញុំជាអ្នកកាច់ចង្កូត។
សម្តេចតេជោបានបន្តថា ការនាំមកនូវការបង្រួមបង្រួមជាតិ
និងសន្តិភាពតាមនយោបាយឈ្នះឈ្នះ បើគ្មានតួអង្គគណបក្សប្រជាជន
និងការដាក់ចេញនូវនយោបាយ ឈ្នះ ឈ្នះ ដឹកនាំដោយផ្ទាល់ពីហ៊ុន សែន
នោះទេ គឺគ្មានអ្នកណាធ្វើបានឡើយ។
គួរបញ្ជាក់ថា ព្រះវិហារដ៏ល្អប្រណិត ដែលមានតម្លៃ ២៦៨ ៤៨១
ដុល្លារសហរដ្ឋអាមេរិកនេះបានកកើតឡើងដោយកម្លាំងមហាសាមគ្គី
ពីការចូលរួមរបស់ពុទ្ធបរិស័ទជិតឆ្ងាយតាមរយៈពិធីបុណ្យផ្សេងៗរួម
នឹងថ្នាក់ដឹកនាំគណបក្សប្រជាជនកម្ពុជាផងដែរ។
ឯកឧត្តម ហ៊ុន ណេង អភិបាលនៃគណៈអភិបាលខេត្តកំពង់ចាមឲ្យដឹងថា
វិស័យអប់រំនៅខេត្តកំពង់ចាមមានការរីកចម្រើនទាំងបរិមាណ និងគុណភាព។
សាលាបឋមសិក្សាមានស្ទើរគ្រប់ភូមិសាលាមធ្យមសិក្សាមាន ១៨៩កន្លែង លើ
១៧៣ ឃុំ-សង្កាត់។ ទូទាំងខេត្តមានគ្រឹះស្ថានសិក្សាចំនួន ១.២៧១ កន្លែង
ក្នុងនោះអគារសិក្សា ដែលជាអំណោយរបស់សម្ដេចតេជោ ហ៊ុន សែន
និងលោកជំទាវកិត្តិព្រឹទ្ធបណ្ឌិត មានចំនួន៣៥០កន្លែង មាន៥៨៥ខ្នង
ស្មើនឹង៣.០១៧បន្ទប់។ ក្នុងនោះនៅស្រុកអូររាំងឪ មាន៧កន្លែងមាន
១៣ខ្នងស្មើនឹង ៦១ បន្ទប់ ដែលក្នុងនេះរួមទាំងអនុវិទ្យាល័យ ហ៊ុន សែន
ទួលសូភី ដែលមានអគារសិក្សា ២ ខ្នង ១០ បន្ទប់
និងទីចាត់ការមួយខ្នងផងដែរ ។
ចំពោះវិស័យព្រះពុទ្ធសាសនារបាយការណ៍បានឲ្យដឹងថា
បច្ចុប្បន្ននៅទូទាំងខេត្តកំពង់ចាម មានវត្ត ៥៩៤ វត្ត និងព្រះសង្ឃ ៦.៧៤៦
អង្គ៕
The 37th Session of the World Heritage Committee will be held in the Kingdom of Cambodia, in Phnom Penh and Siem Reap-Angkor
from 16th to 27th June 2013.
Session Organizers
The 37th Session is organized by UNESCO and the National Commission of Cambodia with the support of the Office of the Council of Ministers.
Registration
Please note that all requests to participate in the 37th Session of the Committee must be submitted online.
All delegates and those who wish to
attend the 37th Session as observers are strongly advised to register as
soon as possible and preferably before 31st May 2013.
Accomodation
We have arranged excellent special rates
for your accommodation during your stay in Cambodia with the recommended
hotels both in Phnom Penh and in Siem Reap. After the online registration,
participants are strongly encouraged to make accommodation reservations
through our system so that we would be able to assist you wherever
possible and, most important of all, provide you with our special rates.
Participants may also make accommodation reservations directly to the
recommended hotels. However, the said rates will NOT be applied due to
some domestic policies.
Passport, Visa and other travel information
All international visitors must have a passport that is valid for at least 6 months, for their stay in the Kingdom of Cambodia.
To avoid any delay or waiting,
participants are encouraged to take steps to obtain their visa as soon
as possible, after receiving the email confirmation of accreditation,
and before their departure. However, all the international participants
who have received accreditation will also have the possibility to apply
for an entry visa directly upon their arrival at the airport in the
Kingdom of Cambodia, and upon presentation of two photographs, and 20 US
dollars in cash.
The visa application will be free of
charge for all the members of the Committee, Advisory Bodies, the
Secretariat, and youth delegate representatives of the Youth Forum.
Participants may also obtain visas online at the following address: www.mfaic.gov.kh.
However, please note that all visa requests made online will be charged
for all participants, including members of the Committee, Advisory
Bodies, the Secretariat, and youth delegate representatives of the Youth
Forum.
Flight Reservations
Once participants have received email
confirmation of their accreditation they are strongly advised to reserve
their flights as soon as possible. As a reference, the Cambodian
Ministry of Tourism website will provide you with additional information
on flights and schedules: www.tourismcambodia.org
The closing ceremony will take place on
27th June in Siem Reap-Angkor, 45 minutes flying time from Phnom Penh.
As a result, participants may schedule their return flight, from either
Phnom Penh or Siem Reap-Angkor that has an international airport. The
host country will provide and pay for travel from Phnom Penh to Siem
Reap-Angkor for 2 persons per delegation, leaving in the morning of the
27th of June, and returning on the 28th of June in the morning. The
journey will be by plane for each member of the Committee, Advisory
Bodies and the Secretariat, and by bus for other participants. Please
notify the secretariat of the session organizers for plane and bus
reservations.
ឯកឧត្តមបណ្ឌិតសភាចារ្យ សុខ អាន ជម្រុញឲ្យផ្សព្វផ្សាយពីប្រយោជន៍នៃការប្រើប្រាស់ភាសាបារាំង
ឯកឧត្តមបណ្ឌិត
សភាចារ្យ សុខ អាន ឧបនាយករដ្ឋមន្ត្រី
រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី នារសៀលថ្ងៃទី២៦
ខែមីនា ឆ្នាំ២០១៣
បានផ្តល់អនុសាសន៍ឲ្យនាយកភ្នាក់ងារសកលវិទ្យាល័យប្រើប្រាស់
ភាសាបារាំង ប្រចាំតំបន់អាស៊ីប៉ាស៊ីហ្វិក
បង្កើនការផ្សព្វផ្សាយនៅក្នុងព្រះរាជាណាចក្រកម្ពុជា អំពីផលប្រយោជន៍
និងសារៈសំខាន់នៃការប្រើប្រាស់ភាសាបារាំង។
ក្នុងឱកាសទទួលជួបពិភាក្សាការងារជាមួយ
លោក អូលីវីយ៉េ ហ្គារ៉ូ (Olivier GARRO)
នាយកភ្នាក់ងារសកលវិទ្យាល័យប្រើប្រាស់ភាសាបារាំង (AUF)
ប្រចាំតំបន់អាស៊ីប៉ាស៊ីហ្វិក នៅទីស្តីការគណៈរដ្ឋមន្ត្រី
បានមានប្រសាសន៍ថា
ទោះបីជាភាសាអង់គ្លេសត្រូវបានគេប្រើប្រាស់ច្រើនក៏ដោយ
ក៏ប៉ុន្តែអ្នកដែលចេះភាសាបារាំងតែងតែមានការកែប្រែដំណើរនៃការ
ធ្វើអាជីវកម្មរបស់ខ្លួនទទួលបានជោគជ័យ។
ឯកឧត្តមបណ្ឌិតសភាចារ្យ សុខ អាន
បានមានប្រសាសន៍ផ្តល់ជាអនុសាសន៍ឲ្យភាក់ងារសកលវិទ្យាល័យប្រើប្រាស់
ភាសាបារាំង
បង្កើនការផ្សព្វផ្សាយឲ្យបានច្រើនអំពីផលប្រយោជន៍នៃការប្រើប្រាស់
ភាសាបារាំង គឺមិនត្រឹមតែនៅក្នុងសកលវិទ្យាល័យទេ
តែគួរផ្សព្វផ្សាយឲ្យយល់ដឹងចាប់ពីកុមារភាពដែលរៀននៅថ្នាក់ទាប
ឡើងទៅ។
ឯកឧត្តមបណ្ឌិតសភាចារ្យ សុខ អាន
បានជម្រុញឲ្យភ្នាក់ងារសកលវិទ្យាល័យប្រើប្រាស់ភាសាបារាំង (AUF)
បន្តកិច្ចសហប្រតិបត្តិការឲ្យបានល្អថែមទៀតជាមួយសកលវិទ្យាល័យ
និងសាលាជាដៃគូ។ ដោយឡែកសម្រាប់រាជបណ្ឌិតសភាកម្ពុជា
ឯកឧត្តមបណ្ឌិតសភាចារ្យ សុខ អាន
បានណែនាំឲ្យពិនិត្យមើលអំពីលទ្ធភាពដែលអាចជួយលើផ្នែកណាមួយក្នុង
រាជបណ្ឌិតសភា ដោយការផ្តល់ជាគ្រូបង្រៀន ឬជាអាហាររូបករណ៍។
លោក អូលីវីយ៉េ ហ្គារ៉ូ (Olivier GARRO)
នាយកភ្នាក់ងារសកលវិទ្យាល័យប្រើប្រាស់ភាសាបារាំង (AUF)
បានយល់ស្របទៅលើអនុសាសន៍របស់ឯកឧត្តមបណ្ឌិតសភាចារ្យ សុខ អាន
ដោយបានចាត់ទុកថា
អ្នកដែលចេះភាសាបារាំងមិនមែនត្រឹមតែអាចទៅសិក្សានៅប្រទេសបារាំង
តែមួយប៉ុណ្ណោះទេ តែក៏អាចទៅបណ្តាប្រទេសផ្សេងៗទៀត
ដែលប្រើប្រាស់ភាសាបារាំងផងដែរ ដូចជាប្រទេសប៊ែលហ្ស៊ិក ស្វីស
ប្រទេសកាណាដាជាដើម។
លោក អូលីវីយ៉េ ហ្គារ៉ូ
មានបំណងចង់ឲ្យនិស្សិតនៃសកលវិទ្យាល័យភូមិន្តវិចិត្រសិល្បៈដែល
សិក្សាលើផ្នែកបុរាណវិទ្យា បង្កើនការសិក្សាភាសាបារាំង
ព្រោះឯកសារដែលទាក់ទងនឹងបេតិកភ័ណ្ឌនៅក្នុងព្រះរាជាណាចក្រកម្ពុជា
មានច្រើនជាភាសាបារាំង។
សូមបញ្ជាក់ថា
ការិយាល័យសាខានៃសកលវិទ្យាល័យប្រើប្រាស់ភាសាបារាំង (AUF)
បានបង្កើតឡើងនៅកម្ពុជាក្នុងឆ្នាំ១៩៩៤
មានទីតាំងនៅវិទ្យាស្ថានបច្ចេកទេសនៃកម្ពុជា។
សកលវិទ្យាល័យប្រើប្រាស់ភាសាបារាំង មានដៃគូជាសមាជិកចំនួន៩
គឺសកលវិទ្យាល័យភូមិន្ទភ្នំពេញ សកលវិទ្យាល័យនីតិសាស្ត្រ
និងវិទ្យាសាស្ត្រសេដ្ឋកិច្ច សកលវិទ្យាល័យភូមិន្ទវិចិត្រសិល្បៈ
រាជបណ្ឌិតសភាកម្ពុជា វិទ្យាស្ថានបច្ចេកទេសកម្ពុជា
សកលវិទ្យាល័យសុខាភិបាល សាលាភូមិន្ទរដ្ឋបាល (ERA) សកលវិទ្យាល័យកសិកម្ម
និងវិទ្យាស្ថានជាតិអប់រំ។
Subscribe to:
Posts (Atom)