ថ្ងៃទី២៥ ខែមិនា ឆ្នាំ២០១៣
លោក សត្យា រក្ស
សំណួរ៖
គណបក្សប្រឆាំងនៅកម្ពុជាបន្ទាប់ពីបង្កើតនូវចលនាសំបកប្រជា
ធិបតេយ្យរបស់គេមក យើងឃើញថា ពួកគាត់បានប្រមូលផ្ដុំគ្នា
រិះរកគ្រប់វិធីដើម្បីបោកបញ្ឆោតប្រជាពលរដ្ឋ។ ជាងនេះទៅទៀត យើងឃើញថា
ពួកគាត់ហាក់បីដូចជាកំពុងតែខ្លាចនូវស្រមោលខ្លួនឯង ជាពិសេស
គឺស្រមោលនៃការសន្យាហ្នឹងតែម្ដង។
តើការសន្យារបស់គណបក្សប្រឆាំង តាំងពីនយោបាយផ្ដល់លុយ
ផ្ដល់កាក់ឲ្យសិស្សនិស្សិតក្នុងការរៀន នយោបាយផ្កាស្នោ ផ្កាស្ដៅ របស់
កឹម សុខា បូកជាមួយនឹងសម្រែកក្ដែងៗ របស់លោក សម រង្ស៊ី ពីក្រៅប្រទេសនោះ
ជារឿងរ៉ាវមួយដែលអាចថា ធ្វើឲ្យគណបក្សប្រឆាំង
អាចនឹងបន្ដជីវិតនយោបាយបានតទៅទៀតទេ?
លោកបណ្ឌិត ឈឹម ផលវរុណ
ចម្លើយ៖ បញ្ហានយោបាយ ឬក៏ជីវិតនយោបាយរបស់គណបក្សមួយ
ក្នុងសង្គមប្រជាធិបតេយ្យវាត្រូវការ ការជឿទុកចិត្ត
និងការគាំទ្រពីប្រជាពលរដ្ឋ។ អញ្ចឹងហើយ
នៅក្នុងរបបនយោបាយប្រជាធិបតេយ្យ សេរីពហុបក្ស ថ្វីត្បិតតែ
នៅលើទីលានពហុនិយមនេះ គេមានគណបក្សច្រើន ប៉ុន្ដែ នៅប្រទេសណា
ក៏ដូចប្រទេសណាដែរ។ គណបក្សមានលទ្ធភាពមានច្រើន
ប៉ុន្ដែការពិតគណបក្សដែលអាចឈរលើទីតាំងប្រកួតប្រជែង
មានតែគណបក្សដែលមានគោលនយោបាយច្បាស់លាស់ កម្មវិធីនយោបាយច្បាស់លាស់
ហើយនិងមានសមត្ថភាពធ្វើនយោបាយ
ដើម្បីធ្វើយ៉ាងណាឲ្យប្រជាពលរដ្ឋមានជំនឿទុកចិត្ត
និងគាំទ្រ។បើគណបក្សណា ដែលបាត់បង់ការគាំទ្រពីប្រជាពលរដ្ឋ
គណបក្សនោះ ក៏បាត់អាទិភាពនយោបាយនៅលើទីលានពហុបក្សដែរ។
ងាកមកកម្ពុជា យើងមើលជាមួយនឹងការគាំទ្រកាន់តែច្រើនឡើង
របស់ប្រជាពលរដ្ឋចំពោះគណបក្សប្រជាជនកម្ពុជា ពេលនោះ
គណបក្សដទៃដែលជាដៃគូប្រកួត ហាក់ដូចជាបញ្ចេញសម្រែកអស់សង្ឃឹម
តាមរយៈជាសម្រែកស្លឈាមហ្នឹង វាជាការបង្ហាញថា
គណបក្សហ្នឹងទទួលស្គាល់ភាពទាល់ច្រកហើយ។ បើសិនជាគណបក្សប្រឆាំង
ដែលខ្ញុំចង់និយាយឲ្យចំ គណបក្សសម រង្ស៊ី ក្ដី គណបក្ស កឹម សុខា ក្ដី
ពិតជាទទួលស្គាល់អំពីអំណាចប្រជាពលរដ្ឋ ពីការចូលរួមរបស់ប្រជាពលរដ្ឋ
គណបក្សនោះត្រូវធ្វើនយោបាយយ៉ាងណា ដើម្បីឲ្យប្រជាពលរដ្ឋមើលឃើញថា
នយោបាយរបស់ខ្លួនជានយោបាយដែលឆ្លុះបញ្ចាំងទៅនឹងស្ថានភាពពិត
និងការរីកចម្រើនពិតជាក់ស្ដែងរបស់ប្រទេស។
មិនអាចធ្វើនយោបាយតាមរយៈបញ្ឆេះកំហឹង
ឬក៏បិទបាំងនូវសមិទ្ធផលពិតរបស់ប្រទេសទេ។ ដូចជា កឹម សុខា ក្ដី សម
រង្ស៊ី ក្ដី ហើយសមគំនិតជាមួយមេអង្គការ NGO
សិទ្ធិមនុស្សមួយចំនួនទៀតក្ដី គេមិនដែលឲ្យតម្លៃថា
កម្ពុជាដើរដល់កម្រិតហ្នឹងទេ។ គេបន្តុះបង្អាប់ថា កម្ពុជាហ្នឹង ២០
ឆ្នាំជាងហ្នឹង ហាក់ដូចជានៅទ្រឹង
ឬក៏ធា្លក់ចូលអន្លង់អវច្ចីយ៍ទៅទៀតនោះ។ ត្រង់ហ្នឹង គេប្រើពាក្យថា
ប្រជាធិបតេយ្យដើរថយក្រោយ ក្នុងពេលដែលគេមិនដែលទទួលស្គាល់ថា
កម្ពុជាមានប្រជាធិបតេយ្យទាល់តែសោះ។ ប៉ុន្ដែបើយើងគិតទៅមើល
តើប្រជាពលរដ្ឋយល់ឃើញដូចពួកគាត់ឬអត់? ត្រង់ហ្នឹងហើយ
គណបក្សនយោបាយត្រូវមើលឆន្ទៈប្រជាពលរដ្ឋឲ្យច្បាស់។ បើនៅប្រទេសជឿនលឿន
គេធ្វើការស្ទង់មតិរៀងរាល់ឆ្នាំ ដើម្បីឲ្យប្រជាពលរដ្ឋអាចបង្ហាញឆន្ទៈ
របស់ខ្លួនច្បាស់ដល់គណបក្សនយោបាយ។ ប៉ុន្ដែ នៅកម្ពុជានេះ
អស់លោកគណបក្សនយោបាយ គាត់ច្រើនតែ ម៉ាត់ណាក៏ប្រជាពលរដ្ឋ
ប៉ុន្ដែអ្វីដែលគាត់និយាយនេះ គ្មានឆន្ទៈប្រជាពលរដ្ឋទេ។
បើសិនជាថា នៅកម្ពុជាយើង មិនទាន់មានលទ្ធភាពទូលំទូលាយក្នុងការស្ទង់មតិ
ព្រោះការស្ទង់មតិត្រូវការចំណាយលុយច្រើន
ប៉ុន្ដែក៏គេគួរតែយកលទ្ធផលបោះឆ្នោតធ្វើជាមូលដ្ឋាន ជាការវិភាគ
ក៏ជាឱកាសមួយសម្រាប់ឲ្យគណបក្សប្រឆាំងមានការកែលម្អរនយោបាយរបស់ខ្លួនដែរ
។ ប៉ុន្ដែយើងពិចារណាមើល តាំងពីយើងបោះឆ្នោតរហូតដល់ឥឡូវ
គណបក្សប្រឆាំងមិនដែលទទួលស្គាល់ការបោះឆ្នោតម្ដងណាទេ។
គាត់មិនដែលទទួលស្គាល់ឆន្ទៈរាស្ដ្រម្ដងណាបន្ដិចផងហ្នឹង
គាត់ចាញ់ឆ្នោតគាត់មិនមែនថា ប្រជាពលរដ្ឋអត់ពេញចិត្តទេ
គាត់ថាគណបក្សប្រជាជនបន្លំ គាត់ថា គ.ជ.ប លួចសន្លឹកឆ្នោតអីអញ្ចេះទៅ។
ប៉ុន្ដែគាត់យួរកាបូបទៅសហភាពអឺរ៉ុបទៅប្ដឹងសហភាពអឺរ៉ុប
វាអត់ភស្ដុតាងអ្វីដើម្បីដាក់បន្ទុកឲ្យអន្ដរជាតិ
គេបដិសេធការបោះឆ្នោត វាអត់មានហើយគាត់ញុះញង់ឲ្យប្រជាពលរដ្ឋខ្មែរ
ដែលងប់ងល់គាំទ្រគណបក្សគាត់ ឲ្យប្រើពាក្យដូចគាត់ថា គ.ជ.ប ហ្នឹង
លួចសន្លឹកឆ្នោតទៅគណបក្សប្រជាជន វាទៅជាអញ្ចឹង។
ដល់អញ្ចឹងទៅប្រជាពលរដ្ឋគេកាន់តែខឹងហើយ សូម្បីតែអ្នកគាំទ្រគណបក្ស សម
រង្ស៊ី ក្ដី គណបក្សសិទ្ធិមនុស្សក្ដី នៅពេលដែលគេចុះអង្គេតការបោះឆ្នោត
គេឃើញថា មេបក្សគេភូតហើយ គឺគេទទួលស្គាល់ថា គណបក្សសម រង្ស៊ី របស់គេហ្នឹង
គណបក្ស កឹម សុខា របស់គេហ្នឹង គឺចុះខ្សោយមែន។
តែដល់មេបក្សនិយាយបញ្ច្រាសធ្វើឲ្យគេយល់ថា មេបក្សភូតហើយ
ព្រោះគេចុះទៅឃើញអញ្ចឹង។
មួយទៀត ថ្វីត្បិតតែប្រទេសយើងមិនបានធ្វើការស្ទង់មតិរៀងរាល់ឆ្នាំ
ប៉ុន្ដែអង្គការ IRI បានធ្វើការស្ទង់មតិប៉ុន្មានលើកមកហើយ។ សម រង្ស៊ី
ក្ដី កឹម សុខា ក្ដី រួមទាំងមេ NGO
សិទ្ធិមនុស្សអាឡិអាឡក់ប៉ុន្មាននាក់ហ្នឹងក្ដី
ពុំដែលទទួលស្គាល់ការស្ទង់មតិរបស់បរទេសផង។ ទោះបីជាគេម៉ាត់ណាក៏បរទេស
តែបរទេសនិយាយអត់ត្រូវចិត្តគេ គេស្រែក។ ដូចថ្មីៗនេះ អង្គការ UNDP
គេឲ្យតម្លៃទៅលើវិស័យអប់រំកម្ពុជា មានការរីកចម្រើនល្អ
ពួកគេហ្នឹងជំទាស់ទៀត។
អញ្ចឹងបើអ្នកនៅតែមានគំនិតអស្មិមានៈមិនទទួលស្គាល់ការពិតរបស់ឆន្ទៈរាស្ត្រ
ទេ អ្នកមិនដឹងទៅធ្វើនយោបាយជាមួយពីណាទេ
មានតែទៅធ្វើនយោបាយជាមួយខ្មោច មានតែបកទៅធ្វើនយោបាយជាមួយខ្មោច ប៉ុល
ពត ទៅ ពីព្រោះធ្វើនយោបាយជាមួយការប្រកួតប្រជែងបោះឆ្នោត
វាត្រូវការអ្នកបោះឆ្នោតដែលមានជីវិត។ ថ្វីត្បិតនៅក្នុងរដ្ឋធម្មនុញ្ញយើង
ឬក៏នៅក្នុងច្បាប់បោះឆ្នោត គេមិនបានសរសេរថា
អ្នកទៅបោះឆ្នោតទាល់តែមានអាយុ ១៨ ឆ្នាំ ឡើងទៅ
ហើយមានជីវិតរស់នៅក៏ពិតមែន ប៉ុន្ដែគេមិនដែលនឹកឃើញថា
ខ្មោចទៅបោះឆ្នោតទេ។
អញ្ចឹង សម រង្ស៊ី ក្ដី កឹម សុខា ក្ដី
ត្រូវពិនិត្យទៅលើជីវិតរស់នៅជាក់ស្ដែងរបស់មនុស្ស
មិនមែនជីវិតដែលវាអត់មានជាក់ស្ដែងក្នុងជីវិតមនុស្សសព្វថ្ងៃទេ
មិនមែនទៅយកជីវិតខ្មោច ឬក៏ជីវិតស្រមើស្រមៃណាមកតាក់តែងកម្មវិធីនយោបាយទេ
ត្រូវតែយកជីវិតពិតរបស់ប្រជាពលរដ្ឋ។ ត្រង់ហ្នឹង ដែលខ្ញុំអាចបញ្ជាក់ថា
គណបក្សប្រជាជន ដែលប្រជាពលរដ្ឋគាំទ្រ
គឺគណបក្សប្រជាជនទទួលស្គាល់ការពិត មិនមែនភ្លើតភ្លើននឹងការគាំទ្រទេ។ ឯ
កឹម សុខា និង សម រង្ស៊ី ទេ ដែលភ្លើតភ្លើននឹងរបស់ដែលខ្លួនបំផ្លើស
តែគណបក្សប្រជាជន ខ្ញុំមើលទៅដូចមិនភ្លើតភ្លើននៃការគាំទ្រទេ
ពីមួយអាណត្តិទៅមួយអាណត្តិ ថ្វីត្បិតតែអាសនៈកើនឡើង តែតំណាងរាស្ដ្រ
ក៏ដូចជាមន្ដ្រីនយោបាយគណបក្សប្រជាជនគេខំណាស់។ បានន័យថា
គេអត់ភ្លើតភ្លើននឹងជ័យជំនះ អត់ភ្លើតភ្លើននឹងការគាំទ្រទេ។
គេខំបញ្ចេញពលកម្មបំពេញបំណង បំពេញឆន្ទៈអ្នកដែលគាំទ្រគណបក្សប្រជាជន។
ខ្ញុំគ្រាន់តែលើកចំណុចឲ្យបងប្អូនពិចារណា តាមការដែលយើងស្ទង់មតិមើលទៅ
សក្ដានុពលរបស់គណបក្សប្រជាជនកម្ពុជា បើធៀបទៅនឹងគណបក្សប្រឆាំង
គឺខុសគ្នាដាច់ឆ្ងាយណាស់ គឺគណបក្សប្រជាជនកម្ពុជាមានសក្ដានុពលនយោបាយខ្ពស់
ដែលប្រជាពលរដ្ឋគាំទ្រចូល ៨០ ភាគរយ។
ប៉ុន្ដែថែមនឹងសក្ដានុពលប្រកបដោយថាមពលខ្លាំង
របស់បុគ្គលភាពសម្ដេចប្រមុខរដ្ឋាភិបាល
ឃើញថាប្រជាពលរដ្ឋគាំទ្រសក្ដានុពលរបស់សម្ដេចប្រមុខខ្លាំងជាង
ហ្នឹងទៀត រហូតទៅដល់ជាង ៨៦ ភាគរយ។ ត្រង់ហ្នឹង ដែលគណបក្សប្រជាជនកម្ពុជា
ទទួលស្គាល់ការពិតហើយ
បានជានៅក្នុងកម្មវិធីនយោបាយរបស់គណបក្សប្រជាជន
ដូចនៅក្នុងសេចក្ដីសម្រេចកម្មវិធីនយោបាយ ១១ ចំណុច
នៅមហាសន្និបាតវិសាមញ្ញកន្លងទៅ ឃើញថា យកនៅចំណុចទី ៤
គឺនៅក្នុងកម្មវិធីនយោបាយ គឺចំណុចទី ៤
និយាយពីការទទួលស្គាល់ប្រជាប្រិយភាពនិងទទួលយកបេក្ខភាពសម្ដេចប្រមុខ
រដ្ឋាភិបាលបន្ដធ្វើនាយករដ្ឋមន្ដ្រីទៀត។ ត្រង់ហ្នឹងដែលគេបញ្ជាក់ថា
គេទទួលស្គាល់ទាំងសក្ដានុពលរបស់គណបក្ស ទទួលស្គាល់ទាំងប្រជាប្រិយភាព
និងសក្ដានុពលរបស់បុគ្គលអ្នកដឹកនាំទៀត។
លោកសត្យា រក្ស
សំណួរ ៖ ថ្មីៗនេះសម្រាប់គណបក្សប្រឆាំង
ឬក៏យើងអាចឃ្លាំមើលសាវតារបស់គណបក្សប្រឆាំងហ្នឹង គឺគេតែងតែបង្ហាញថា
ខ្លួនគេជាអ្នកស្រឡាញ់ប្រជាពលរដ្ឋ
ជាអ្នកគិតគូរទាក់ទងទៅនឹងសុខភាពប្រជាពលរដ្ឋ
ជាអ្នកគិតគូរទាក់ទងទៅនឹងជីវភាពរស់នៅ ប្រជាពលរដ្ឋ រួមជាមួយនឹងគេបង្ហាញ
និងសម្ដែងថាខ្លួនគេហ្នឹង
ជាអ្នកគិតគូរពីប្រជាធិបតេយ្យសិទ្ធិមនុស្សនៅកម្ពុជា។
ឥឡូវនេះ ខ្ញុំចង់ឲ្យលោកបណ្ឌិតធ្វើការប្រៀបធៀប គិតមកទល់ថ្ងៃនេះ
ដែលយើងហៅថា ជាអាណត្តិទី ៤ ហើយឥឡូវនេះ ជិតបានបញ្ចប់អាណត្តិទី ៤ ទៅហើយ។
លោកបណ្ឌិតមើលឃើញថា តើរាជរដ្ឋាភិបាល មានបានធ្វើកិច្ចការអ្វីខ្លះ
ដើម្បីបញ្ហាសុខភាពប្រជាពលរដ្ឋ ដើម្បីកិច្ចការសិទ្ធិមនុស្ស
ដើម្បីកិច្ចការលើកស្ទួយដល់កម្រិតជីវភាពរបស់ប្រជាពលរដ្ឋ
ដែលបក្សប្រឆាំងកំពុងចោទប្រកាន់ទាំងងងឹតងងល់នៅពេលបច្ចុប្បន្ននេះ?
តើលោកបណ្ឌិតមើលឃើញសមិទ្ធផលអីខ្លះ
ដែលរាជរដ្ឋាភិបាលបានធ្វើសម្រាប់ប្រយោជន៍ប្រជាពលរដ្ឋ?
លោកបណ្ឌិត ឈឹម ផលវរុណ
ចម្លើយ៖ បើសិនជាទាញទៅអ្វី ដែលខ្ញុំមើលឃើញ គឺវាច្រើនណាស់
តែគណបក្សប្រឆាំងអាចប្រកែកថា ខ្ញុំហ្នឹង អញ្ចេះអញ្ចោះ។ ឥឡូវ
ការមើលឃើញរបស់ខ្ញុំភ្ជាប់ទៅនឹងអ្វីដែលយើងបានទៅសួរប្រជាពលរដ្ឋ
ហើយស្ទង់មតិនោះ យើងឃើញថាអ្វីដែលខ្ញុំមើលឃើញថា រីកចម្រើន
ប្រជាពលរដ្ឋខ្មែរភាគច្រើនលើសលុប ក៏មើលឃើញថារីកចម្រើន។ តាមរយៈអី
យើងស្ទង់មតិប្រជាពលរដ្ឋខ្មែរនៅគ្រប់ច្រកល្ហក គ្រប់អាជីវកម្ម ការងារ
មុខរបរ ប្រជាពលរដ្ឋជាង ៨៤ ភាគរយ ទទួលស្គាល់ថា
កម្ពុជាមានការរីកចម្រើនល្អ ក្នុងរយៈពេល ៥ ឆ្នាំ ចុងក្រោយ។
ហើយបើរីកចម្រើនល្អក្នុង ៥ ឆ្នាំ ចុងក្រោយ តើអ្នកណាអ្នកដឹកនាំការអភិវឌ្ឍ ?
គឺមិនរាជរដ្ឋាភិបាល ហើយអ្នកណាជាប្រមុខដឹកនាំរដ្ឋាភិបាល
ដឹកនាំការរីកចម្រើន គឺមិនសម្ដេចនាយករដ្ឋមន្ដ្រី។ អញ្ចឹងបានន័យថា ៨៤
ភាគរយហ្នឹងគាំទ្រស្នាដៃសមិទ្ធផល
ដែលប្រមុខរាជរដ្ឋាភិបាលដឹកនាំអភិវឌ្ឍប្រទេស ៥ ឆ្នាំ
ចុងក្រោយហ្នឹងឯង។ ហើយសំណួរមួយទៀត ដែលយើងបង្កើតផ្សេងខុសពី IRI
សំណួរមួយទៀត ដែលយើងយកសំណួរចាស់របស់ IRI មកសួរប្រជាពលរដ្ឋ សួរថា
តើកម្ពុជាដើរលើផ្លូវត្រូវ ឬផ្លូវខុសនោះ? ប្រជាពលរដ្ឋជាង ៧៤-៧៥ ភាគរយ
ទទួលស្គាល់ដូចគ្នានឹងអ្វីដែល IRI សួរប៉ុន្មានឆ្នាំមុន
គឺទទួលស្គាល់ថាកម្ពុជាដើរលើផ្លូវត្រូវ។ អញ្ចឹងបានន័យថា
គ្រាន់តែសំណួរ ២ ហ្នឹង ចម្លើយយើងឃើញថា កឹម សុខា និង សម រង្ស៊ី
និងអង្គការ NGO ប្រឆាំង គឺគាត់ទេ ដែលមើលឃើញខុស ឬក៏គាត់មើលឃើញហើយ
ក៏ប៉ុន្ដែអាម៉ាស់ខា្លចថោក គាត់គិតថា កម្ពុជាអាក្រក់
ប៉ុន្ដែប្រជាពលរដ្ឋទេ ទទួលស្គាល់ការរីកចម្រើន។
ហើយសន្លឹកឆ្នោតក្រែងទទួលពីប្រជាពលរដ្ឋ ចុះបើអ្នកមិនទទួលស្គាល់ថា
រីកចម្រើន អញ្ចឹងប្រជាពលរដ្ឋជាង ៨០-៩០% បោះឲ្យគណបក្សប្រជាជនកម្ពុជាទៅ
ព្រោះយើងអ្នកទទួលស្គាល់ថា គណបក្សប្រជាជនកម្ពុជាដឹកនាំរដ្ឋាភិបាល
ដឹកនាំទៅរីកចម្រើនល្អ
ចាំបាច់ទៅបោះឲ្យអស់លោកប្រឆាំងដែលអត់ទទួលស្គាល់ធ្វើអី។
លោកសត្យា រក្ស
សំណួរ៖ ឥឡូវនេះ លោកបណ្ឌិតយើងងាកមកដំណើរឆ្ពោះទៅរកការបោះឆ្នោត
សម្រាប់នីតិកាលទី ៥ យើងនេះ យើងឃើញថា
គណបក្សប្រឆាំងដែលមានប្រវត្តិក្នុងការចាញ់ឆ្នោតនោះ
បើយើងគិតមកដល់អាណត្តិទី ៤ នេះ គឺវា ៣ អាណត្តិកន្លងមកហើយ
ដែលបរាជ័យយ៉ាងធ្ងន់ធ្ងរ ដែលបរាជ័យយ៉ាងអាប់យស
ហើយទទួលបាននូវការរិះគន់យ៉ាងខ្លាំងពីប្រជាពលរដ្ឋខ្មែរទូទៅ
ក៏ដូចជាអង្គការស៊ីវិលមួយចំនួន ហើយរហូតទៅដល់អន្ដរជាតិមួយចំនួនខ្លះ
ដែលតែងតែគាំទ្រអំពីគោលនយោបាយរបស់គណបក្សប្រឆាំង
រួមជាមួយនឹងលើកទឹកចិត្តទៅដល់គណបក្សប្រឆាំងហ្នឹង
គឺគេបានដកសេចក្ដីទុកចិត្តជាបណ្ដើរ
ដោយសារតែគេមើលឃើញនូវចរិតពិតរបស់គណបក្សប្រឆាំងនៅកម្ពុជា។
លោកបណ្ឌិតមើលឃើញថា រយៈពេល ៥ ឆ្នាំ ចុងក្រោយនេះ
តើគណបក្សប្រឆាំងនៅកម្ពុជាហ្នឹង មានបានផ្លាស់ប្ដូរឥរិយាបថខ្លះទេ?
ហើយគោលការណ៍ជាយុទ្ធសាស្ដ្រសម្រាប់ ដែលយើងហៅថា ជាបន្ទាត់នយោបាយរបស់ខ្លួន
ដើម្បីសម្ដែងឲ្យប្រជាពលរដ្ឋមើលឃើញនោះ
ថាតើបក្សប្រឆាំងមានបានផ្លាស់ប្ដូរឥរិយាបថខ្លះទេ?
លោកបណ្ឌិត ឈឹម ផលវរុណ
ចម្លើយ៖ បើយើងនិយាយតាមអ្វីដែលខ្ញុំមើលឃើញ ខ្ញុំឃើញថាផ្លាស់ប្ដូរដែរ
តែផ្លាស់ប្ដូរទៅរកផ្លូវអាក្រក់។ ការដែល សម រង្ស៊ី និង កឹម សុខា
អត់ទាន់ចូលគ្នា យើងឃើញថា សម រង្ស៊ី ខំប្រកួតប្រជែងជាមួយ កឹម សុខា
អញ្ចឹងខំបង្ហាញអំពីសមត្ថភាពខ្ពស់របស់ខ្លួនជាង កឹម សុខា ។
តែដោយសារនយោបាយផ្លូវខុសរបស់ សម រង្ស៊ី ដែលទៅរួមជាមួយ កឹម សុខា ឬក៏ កឹម
សុខា ទៅចូលជាមួយសម រង្ស៊ី ហ្នឹង ពេលហ្នឹងដែលយើងមើលឃើញថា គណបក្សសម រង្ស៊ី
ដើរលើផ្លូវខុសធ្ងន់ធ្ងរមួយទៅលើឥរិយាបថក្នុងន័យនយោបាយប្រឆាំង។ ដោយសារអី
គា្រន់តែយកផលបូក សម រង្ស៊ី និងកឹម សុខា គាត់ទៅភូតថាឈ្នះ ហើយផលបូកហ្នឹង
មិនមែនផលបូកគណិតវិទ្យាទេណា រឿងនយោបាយគេមិនបូកអញ្ចឹងទេ
ហើយខ្លួនឯងបូកចូលគ្នាថា ឈ្នះ។ ដល់ថាឈ្នះ
វាបញ្ច្រាសនឹងអ្វីដែលប្រជាពលរដ្ឋគេពេញចិត្ត
មិនពេញចិត្តបាត់ទៅហើយហ្នឹង។ ត្រង់ហ្នឹងហើយ
ដែលយើងអះអាងអំបាញ់មិញហ្នឹង ក្រែងថាយើងអះអាងដោយសារការស្អប់
ការស្រឡាញ់របស់យើង
ប៉ុន្ដែអ្វីដែលយើងបានទៅស្ទង់មតិប្រជាពលរដ្ឋកន្លងទៅថ្មីៗទៀត
យើងបានសួរសំណួរមួយ
តើអ្នកពេញចិត្តឥរិយាបថរបស់មេដឹកនាំគណបក្សប្រឆាំងដែរឬទេ? ចម្លើយថា
ពេញចិត្តណាស់ ពេញចិត្ត ពេញចិត្តតិចតួច អត់ពេញចិត្តសោះ និងអត់ដឹង?
អញ្ចឹងពេញចិត្តណាស់ ប្រជាពលរដ្ឋដែលឆ្លើយថា
ពេញចិត្តនឹងឥរិយាបថរបស់មេដឹកនាំរបស់គណបក្សប្រឆាំង ថាពេញចិត្តណាស់
បានតែ ៣ ភាគរយទេ។ ៣ ភាគរយ ពេញចិត្តណាស់ ចប់បាត់ហើយ ធ្វើនយោបាយ ៣ ភាគរយ
ពេញចិត្តណាស់ ហើយពេញចិត្ត ៩ ភាគរយ អញ្ចឹងបូកចូលគ្នាទៅពេញចិត្តណាស់
និងពេញចិត្តហ្នឹង បានតែ ១២ ភាគរយ ហ្នឹង។
ដល់ពេញចិត្តបន្ដិចបន្ដួចបានដូចជា ១៥ ឬជិត ២០ ភាគរយ ខ្ញុំចាំមិនច្បាស់
លំអៀងបន្ដិចបន្ដួច អញ្ចឹងពេញចិត្តបន្ដិចបន្ដួចហ្នឹង បានប្រហែលជិត ២០
ភាគរយ។ តែពេញចិត្តណាស់ និងពេញចិត្ត បូកចូលគ្នាបានតែ ១២ ភាគរយ
តែដល់ចម្លើយរបស់ប្រជាពលរដ្ឋអត់ពេញចិត្តសោះនោះ ៤១ ភាគរយ ជាង ៤១ ភាគរយ
ហើយអត់ដឹងជាង ២០ ភាគរយ។ ហើយបងប្អូនពិចារណាទៅ អញ្ចឹងបានន័យថា
អ្វីដែលគណបក្សសម រង្ស៊ី ធ្វើរួមគ្នាជាមួយ កឹម សុខា ហ្នឹង
គឺប្រជាពលរដ្ឋបង្ហាញថា ដើរលើផ្លូវខុសហើយ គឺបាត់បង់ការពេញចិត្តហើយ
រហូតទៅដល់យើងមានសំណួរសួរទៅលើប្រជាពលរដ្ឋទទួលស្គាល់គណបក្ស
ឬក៏ស្គាល់គណបក្សនយោបាយហ្នឹង
គឺប្រជាពលរដ្ឋហាក់ដូចជាមិនរវីរវល់ជាមួយគណបក្សប្រឆាំងច្រើនណាស់
ដែលយើងមិនទាន់បញ្ចេញទិន្នន័យទេ។ ប៉ុន្ដែប្រជាពលរដ្ឋបង្ហាញអំពីការដឹងឮ
ការទទួលស្គាល់វិជ្ជមាន អវិជ្ជមាន
គឺច្រើនផ្ដោតទៅលើគណបក្សប្រជាជនកម្ពុជា និងរាជរដ្ឋាភិបាលច្រើន។
ត្រង់ហ្នឹងបានន័យថា
ប្រជាពលរដ្ឋគេគ្មានសង្ឃឹមផ្ដោតទៅលើវិធាននយោបាយរបស់
គណបក្សប្រឆាំងទេ។ គេផ្ដោតអាស្រ័យទៅលើគណបក្សប្រជាជនកម្ពុជា
ហើយនិងរាជរដ្ឋាភិបាលដែលដឹកនាំដោយគណបក្សប្រជាជនកម្ពុជា។ បើរាជរដ្ឋាភិបាល
ប្រមុខរាជរដ្ឋាភិបាលមានវិធានការប្រកបដោយប្រសិទ្ធភាពកាន់តែខ្លាំងឡើង
ការរំពឹងរបស់ប្រជាពលរដ្ឋ ក៏សាទរកាន់តែខ្ពស់ ឯរឿងទៅសង្ឃឹមថា
គណបក្សប្រឆាំងអាចទៅជួយក្នុងកិច្ចការហ្នឹង គ្មានតែម្ដង
យើងមើលតាមលទ្ធផលស្ទង់មតិ យើងមើលឃើញថាអញ្ចឹង។ អញ្ចឹងហើយបានយើងមើលឃើញថា
សក្ដានុពលរបស់គណបក្សប្រជាជនខ្លាំង ប៉ុន្ដែជាមួយគ្នានោះ
សក្ដានុពលនៃបុគ្គលភាពរបស់សម្ដេចនាយករដ្ឋមន្ដ្រី គឺខ្លាំងជាងហ្នឹងទៅទៀត។
ខ្ញុំអាចលើឧទាហរណ៍
ទៅលើវិធានការនយោបាយបន្ទាន់របស់សម្ដេចប្រមុខរាជរដ្ឋាភិបាល
ពាក់ព័ន្ធនឹងយុជនស្ម័គ្រចិត្ត ចុះទៅវាស់វែងដីធ្លីនោះ។ ប្រជាពលរដ្ឋ
ចាត់ទុកថា វិធានការរបស់យុវជនស្ម័គ្រចិត្ត
របស់សម្ដេចនាយករដ្ឋមន្ដ្រីទៅលើរឿងកិច្ចការយុវជនស្ម័គ្រចិត្ត
មានសារៈប្រយោជន៍ណាស់ គឺជាង ៥៥ ភាគរយ ហើយនិងមានសារៈប្រយោជន៍ដែរ ជាង
២៦ ភាគរយ សរុបទៅជាង ៨០ ភាគរយ មានសារៈប្រយោជន៍ណាស់។
ហើយយើងសួរមួយទៀតថា
តើចង់ឲ្យវិធានការនយោបាយរបស់សម្ដេចនាយករដ្ឋមន្ដ្រីបន្ដទៀតឬទេ
រឿងវិធានការនយោបាយយុវជនស្ម័គ្រចិត្តហ្នឹង? គឺជាង ៨៣ ភាគរយ
គាំទ្រឲ្យសម្ដេចនាយករដ្ឋមន្ដ្រីបន្ដទៀត។ នេះបន្ដនយោបាយមានន័យថា
ទាល់តែគាត់ធ្វើនាយករដ្ឋមន្ដ្រីទៀត ។ បើប្រជាពលរដ្ឋជាង ៨៣ ទៅ ៨៤
ភាគរយគាំទ្រវិធានការនយោបាយរបស់សម្ដេចនាយករដ្ឋមន្ដ្រី
ទាល់តែប្រជាពលរដ្ឋហ្នឹង គាំទ្រឲ្យគាត់ហ្នឹងធ្វើនាយករដ្ឋមន្ដ្រីតទៅទៀត។
ត្រង់ហ្នឹងបានន័យថា
ប្រជាពលរដ្ឋសង្ឃឹមទាំងស្រុងទៅលើសក្ដានុពលនៃឥស្សរភាពរបស់សម្ដេចប្រមុខ
រដ្ឋាភិបាល និងសក្ដានុពលរបស់គណបក្សប្រជាជនកម្ពុជា
ពុំបានយកបញ្ហាគណបក្សប្រឆាំង
និងថ្នាក់ដឹកនាំគណបក្សប្រឆាំងយកមកគិតជាមួយទេ គឺតិចតួច ជាង ១០ ទៅ ១៥
ភាគរយទេ ដែលយើងស្ទង់មតិ។ ហើយគ្រាន់តែខ្ញុំលើកមួយទៀតNGO
ដែលថាប្រទេសកម្ពុជាអត់មានសេរីភាពអីនោះ យើងសួរសំណួរទៅប្រជាពលរដ្ឋ
តើយល់ឃើញយ៉ាងណា? ប្រជាពលរដ្ឋដែលនៅក្នុងភូមិរបស់អ្នក ដែលកំពុងរស់នៅនោះ
តើគេចាត់ទុកថាមានសេរីភាពបញ្ចេញមតិឬអត់? ជាង ៨២ ទៅ ៨៣ ភាគរយ
នៅចន្លោះហ្នឹង ទទួលស្គាល់ថាមានសេរីភាពបញ្ចេញមតិ។
ហើយយើងសួរសំណួរមួយទៀត
សុទ្ធតែសំណួរពាក់ព័ន្ធនឹងសារធាតុស្នូលរបស់ប្រជាធិបតេយ្យ សំណួរមួយទៀត
យើងសួរថា តើអ្នកយល់ឃើញថា
ប្រជាពលរដ្ឋដែលរស់នៅក្នុងភូមិស្រុករបស់អ្នកមានសេរីភាពគណបក្សនយោបាយឬអត់?
ហ្នឹងច្រើនជាងសេរីភាពបញ្ចេញមតិទៅទៀត គឺ ៨៦ ភាគរយ ឆ្លើយថា
មានសេរីភាពខាងគណបក្សនយោបាយ។ ដល់អញ្ចឹងវាខុសគ្នានឹងគណបក្សប្រឆាំង
និងNGO ចេះតែចោទ ហើយត្រង់ហ្នឹង យើងអាចមើលឃើញថា ខ្លួនជេរគេរាល់ម៉ោង
រាល់នាទី ប៉ុន្ដែខ្លួនថា អត់មានសេរីភាព។ ត្រង់ហ្នឹង
ដែលបញ្ជាក់ថាខ្លួនអត់ទទួលស្គាល់ការពិតហើយ ហើយប្រជាពលរដ្ឋ
គេនិយាយត្រឹមត្រូវណាស់ អញ្ចឹងអស់លោកNGO
ហ្នឹងល្មមរំសាយនយោបាយបោកប្រាស់ហ្នឹងទៅ
ហើយមេដឹកនាំគណបក្សប្រឆាំងក៏គួរឈូសចោលគំនិតនយោបាយទុច្ចរិត
ហ្នឹងទៅ ហើយរៀបចំកម្មវិធីនយោបាយត្រឹមត្រូវវិញទៅ
ដើម្បីអាចទទួលការគាំទ្រពីប្រជាពលរដ្ឋវិញ។
លោក សត្យា រក្ស
សំណួរ ៖
សម្រាប់អង្គការសង្គមស៊ីវិលមួយចំនួនដែលតែងតែតាំងខ្លួនថាអាព្យាក្រឹត្យ
មិនលំអៀង និងធ្វើកិច្ចការសម្រាប់សង្គមជាដើមនោះ
បើយើងពិនិត្យឲ្យស៊ីជម្រៅ យើងឃើញថា
អង្គការសង្គមស៊ីវិលមួយចំនួននោះ និងគណបក្សប្រឆាំងគឺតែមួយ
ទោះបីជាគណបក្សប្រឆាំងកំពុងតែថិតនៅលើផ្លូវដែលខុសអំពី
គោលការណ៍ប្រជាធិបតេយ្យ
ឬក៏កំពុងតែបោកបញ្ឆោតប្រជាពលរដ្ឋយ៉ាងណាក៏ដោយ។
ជាក់ស្តែងដូចគណបក្សលោក កឹម សុខា ដែលលើកពីបញ្ហាម្ទេស ជី ម្អម
ត្រយូងចេក នាំចេញទៅលក់នៅបរទេសអីជាដើម
គឺអង្គការសង្គមស៊ីវិលទាំងនោះ ពុំហ៊ានជួយកែលម្អ
គណបក្សប្រឆាំងនោះទេ គឺបួកគេគិតតែជួយហៃ អើ គាំទ្រទាំង
ងងឹតងងល់។
តើសកម្មភាពរបស់អង្គការសង្គមស៊ីវិលដែលមាននិន្នាការប្រឆាំងមួយចំនួន
នោះ ដែលធ្វើមិនដឹងមិនឮចំពោះទង្វើរបស់គណបក្សប្រឆាំងបែបនេះ
វានឹងជាការជួយដល់គណបក្សប្រឆាំង
ឬក៏ជាការរួមដៃសម្លាប់គណបក្សប្រឆាំងទៅវិញ ឬយ៉ាងណា?
លោកបណ្ឌិត ឈឹម ផលវរុណ
ចម្លើយ ៖ នេះគេហៅថា « ឆ្នាំងណា គ្របហ្នឹង»
។ បើមើលទៅអង្គការសង្គមស៊ីវិល ដែលគេធ្វើកិច្ចការបោះឆ្នោត
និងអង្គការសិទ្ធិមនុស្ស និន្នាកាប្រឆាំងអីនោះគេលើកថា បើអត់លោក សម
រង្ស៊ី មកចូលរួមការបោះឆ្នោតទេ នោះការបោះឆ្នោតនឹងអត់ប្រជាធិបតេយ្យ
អត់សេរី និងយុត្តិធម៌។ ចំណែកលោក សម រង្ស៊ី ក៏គាត់ស្រែកថា
បើការបោះឆ្នោតអត់មានវត្តមាន សម រង្ស៊ី នៅកម្ពុជាទេ
គឺការបោះឆ្នោតនោះសូន្យហើយ គឺគាត់បដិសេធ។
សរុបមកវិញ រាល់ការបោះឆ្នោតកន្លងមក គឺមានសម រង្ស៊ី ចូលរួមរហូត
តើហេតុអ្វីក៏អង្គការសង្គមស៊ីវិលទាំងនោះ និងលោក សម រង្ស៊ី
តែងតែនិយាយថាអត់ប្រជាធិបតេយ្យ?។ ចំណុចមួយទៀត
គឺពេលនេះមិនទាន់បោះឆ្នោតនៅឡើយទេ ហើយកឹម សុខា និង សម រង្ស៊ី
សុទ្ធតែអួតថាជាអ្នកប្រជាធិបតេយ្យ។ អញ្ចឹងបើអត់ សម រង្ស៊ី ក៏មាន
កឹម សុខា ដែរទេតើ? មានន័យថា នេះជាឱកាសដ៏ល្អ សម្រាប់ កឹម សុខា
ដើម្បីបង្ហាញនូវសមត្ថភាពរបស់ខ្លួនដែលធ្លាប់អួតថាខ្លួនបាន
ជួលគ្រូពីកាណាដាអស់រាប់ម៉ឺនដុល្លារមកបង្រៀនអំពីប្រជាធិបតេយ្យ
នេះ។
នៅពេលថ្មីៗនេះ លោក សម រង្ស៊ី បានទាត់លោក កឹម សុខា មួយជើងរួចទៅហើយ
ត្រង់ កឹម សុខា មានមហិច្ឆតាចង់ធ្វើបេក្ខភាពជានាយករដ្ឋមន្ត្រី
ហើយនៅពេលដែលរួមគ្នានេះគាត់សង្ឃឹមថា សម រង្ស៊ី អត់បានមកកម្ពុជា
ដូច្នេះគឺគាត់ កឹម សុខា នេះហើយជាបេក្ខជននាយករដ្ឋមន្ត្រី
ក៏ប៉ុន្តែគណបក្សថ្មីនេះមិនឲ្យលោក កឹម សុខា
ឈរជាបេក្ខជននាយករដ្ឋមន្ត្រីទេ គឺគេនៅតែឲ្យលោក សម រង្ស៊ី
ដែលនៅក្រៅប្រទេស និងជាទណ្ឌិត ហើយអត់មានសិទ្ធិបោះឆ្នោតទៅទៀត។
អញ្ចឹង កឹម សុខា គឺចាញ់មួយចំណុចនេះរួចទៅហើយ។
ចំណុចមួយទៀតដែល លោក សម រង្ស៊ី ទាត់ កឹម សុខា មួយជើងទៀតនោះ
គឺនៅត្រង់ថាបើការបោះឆ្នោតហ្នឹងអត់ សម រង្ស៊ី គឺគ្មានប្រជាធិបតេយ្យ
មានន័យថាជាការទាត់ កឹម សុខា មួយជើងថែមទៀតដល់កៀនជញ្ជាំងហើយ
ពីព្រោះចង់បញ្ជាក់ថា កឹម សុខា
មិនមែនជាមនុស្សប្រជាធិបតេយ្យដូច សម រង្ស៊ី ទេ។ កឹម សុខា
គេថានឹងខំប្រមូលពយកអ្នកអង្កេតការណ៍បរទេសមកកម្ពុជាឲ្យបានយូរ
ថ្ងៃ និងមានចំនួនច្រើន។ ចំណែក សម រង្ស៊ី
វិញនិយាយថាទប់ស្កាត់បរទេសមិនឲ្យមកអង្កេតការណ៍បោះឆ្នោត
ត្រង់នេះក៏ជាការទាត់ កឹម សុខា មួយជើងទៀតដែរ។
លោក សត្យា រក្ស
សំណួរ ៖ ចំពោះការបែងចែកលេខរៀងឈរឈ្មោះវិញ
យើងឃើញមានបែងចែកតំបន់ខាងលិច តំបន់ខាងកើត ម្ខាងឲ្យសម រង្ស៊ី
ម្ខាងឲ្យ កឹម សុខា អីជាដើម គឺ ដូចជាកំពុងបែងចែកប្រទេសកម្ពុជា
ជាពីរផ្នែកអញ្ចឹង។
ចំពោះសកម្មភាពដែលបក្សប្រឆាំងកំពុងលេងល្បែងនយោបាយបាយឡុក បាយឡ
របស់គេនេះ តើវានឹងធ្វើឲ្យអ្នកគាំទ្រ
និងអ្នកដែលប្រុងបោះឆ្នោតឲ្យបក្សប្រឆាំងមានការរារែកក្នុងចិត្តឬទេ?
លោកបណ្ឌិតឈឹម ផលវរុណ
ចម្លើយ ៖ បើតាមព័ត៌មានដែលខ្ញុំទទួលបានពីក្នុងគណបក្សគេនោះ
គឺគណបក្សទាំងពីរបានព្រមចែកគ្នាថាភាគខាងលិចចែកឲ្យទៅគណបក្ស សម
រង្ស៊ី ស្ទើរទាំងស្រុង ពីព្រោះ កឹម សុខា អត់មានអីនៅទីនោះទេ។
ចំណែកភាគខាងកើត គេបានឲ្យលទ្ធភាព កឹម សុខា ដែរ
ប៉ុន្តែមិនមែនទាំងអស់ទេ។ ចំពោះកន្លែងដែលគណបក្ស សម រង្ស៊ី
មានមុខមាត់ជាង កឹម សុខា គឺក្រុម សម រង្ស៊ី នឹងបានលេខរៀងល្អៗ គឺលេខ១
ឬលេខ២។ បន្ទាប់មកទើបដល់លេខរៀងខាងក្រុម កឹម សុខា។ គឺបានន័យថា
លេខដែលមិនអាចជាប់ឆ្នោតបាននោះហើយ។ ចំពោះខេត្តណា ដែលខាង
កឹម សុខា ជាប់បាន១កៅអីដែរ នោះទើបខាង កឹម សុខា អាចបានលេខរៀងល្អ។
ឧទាហរណ៍ នៅកំពង់ចាម ដែលកឹម សុខា មាន១កៅអីនោះ គឺគេផ្តល់ឲ្យលេខល្អ
ហើយនៅព្រៃវែង ដែល សម រង្ស៊ី បាន២កៅអី គឺលេខរៀងល្អបានទៅ សម រង្ស៊ី
ហើយ។ ទាំងអស់នេះគឺគ្រាន់តែថិតនៅជាគម្រោងនៅឡើយទេ
ឯការសម្រេចចុងក្រោយគឺនៅចុងខែមេសា ឬដើមខែឧសភា។ នៅពេលនោះ
កឹម សុខា ពិបាកប្រកែកជាមួយ សម រង្ស៊ី ហើយ ពីព្រោះ សម រង្ស៊ី
ជាប្រធានបក្សថ្មី ចំណែកឯ កឹម សុខា
គឺគ្រាន់តែជាអ្នកចំណូលថ្មីនៃបក្សនោះទេ។
លោក សត្យា រក្ស
សំណួរ ៖
មានការប្រទាំងប្រទើសគ្នាមួយទៀតត្រង់ចំណុចគំនិតនៃការឃោសនានៅពេល
ពួកគេចុះទៅជាមួយគ្នាម្តងៗនោះ។ ខាងគណបក្ស សម រង្ស៊ី
រៀងមានជំហរម៉ឹងម៉ាត់បន្តិចក្នុងការនិយាយ។ ប៉ុន្តែ
សម្រាប់គណបក្ស កឹម សុខា គឺមិនត្រឹមតែ កឹម សុខា ទេ
សូម្បីតែអ្នកហែរហម កឹម សុខា
ដូចជាអ្នកនយោបាយក្តាមគ្រោងអីនោះគឺនិយាយឥតអៀនខ្មាស់ក្នុងការភូត
កុហក់ បោកប្រាស់ បង្ខិតបង្ខំប្រជាពលរដ្ឋ
ធ្វើយ៉ាងណាឲ្យប្រជាពលរដ្ឋជឿលើខ្លួនទាំង ងងឹត ងងល់។
ពួកគេហ៊ានទាំងលើកពីនយោបាយបែងចែកចំការកៅស៊ូដល់ប្រជាពលរដ្ឋ
នយោបាយដាំចេក
ដែលលើកដោយអ្នកនយោបាយក្តាមគ្រោងមកពីបារាំងអីជាដើម។
តើរបៀបភូតកុហក ប្រជាពលរដ្ឋបែបនេះរបស់ក្រុម កឹម សុខា
ដែលអួតហួសហេតុនោះ
វាអាចជាការប្រទាំងប្រទើសគ្នារវាងក្រុមទាំងពីរនេះដែរឬទេ?
លោកបណ្ឌិត ឈឹម ផលវរុណ
ចម្លើយ៖ ពីមុននៅពេលដែលមានវេទិការបស់គណបក្សសិទ្ធិមនុស្ស គឺមានតែ
កឹម សុខា ទេ ចំណែកគណបក្ស សម រង្ស៊ី គឺមិនសូវធ្វើទេរឿងវេទិកានេះ។
ឥឡួវនេះ នៅពេលដែលគណបក្ស សម រង្ស៊ី ទៅចូលជាមួយ កឹម សុខា គឺគណបក្ស សម
រង្ស៊ី បានទៅត្រួតត្រាតារាងនៃវេទិកានេះហើយ ដូច្នេះ
ភាពដែលចេញមុខដាច់របស់ កឹម សុខា
ដែលមានពីមុនគឺបានបាត់បង់អស់ហើយ។ បងប្អូនអាចឮ
តាមកម្មវិធីរបស់គេនោះ គឺមានសម្លេង កឹម សុខា តិចតួចហើយ។
បងប្អូនប្រជាពលរដ្ឋត្រូវដឹងថា
ពួកអ្នកនយោបាយក្តាមគ្រោងដែលមកពីបារាំងក្តី ឬអាមេរិកក្តី
បើសិនពួកគេមិនបានជាប់ជាតំណាងរាស្ត្រ
អ្នកទាំងនោះពិតជាលំបាកត្រឡប់ទៅស៊ីឈ្នួលគេនៅបារាំង
ឬអាមេរិកវិញណាស់។ បើពួកគេមិនបានជាប់ទេ
ពួកគេនឹងអាម៉ាស់មុខនៅពេលត្រឡប់ទៅវិញ។
លោកសត្យា រក្ស
សំណួរ ៖ ចំពោះអ្នកនយោបាយម្នាក់ ដែលតែងតែតាំងខ្លួនថាជា បិតា ៧មករា
ឬបិតា ២ធ្នូ អីជាដើមនោះ
ក្រោយពីការបង្រួបបង្រួមសំបកបក្សរបស់គេនោះមក
អ្នកនយោបាយរូបនោះ ត្រូវបានគេធីបចោលកៀនជញ្ជាំង
ហើយប្រហែលជាអស់តម្លៃសម្រាប់គេប្រើទៀតហើយ។ ត្រង់ចំណុចនេះ
តើលោកបណ្ឌិតយល់ឃើញយ៉ាងម៉េចដែរ?
លោកបណ្ឌិត ឈឹម ផលវរុណ
ចម្លើយ ៖ កាលពីគេមិនទាន់ចូលគ្នាជាមួយ សម រង្ស៊ី គឺកឹម សុខា
ចេះតែចង់បានគាត់យកទៅប្រើសិនហើយ
ដើម្បីទុកជាអុ្នកវាយប្រហារមកលើគណបក្សប្រជាជនកម្ពុជា។
ប៉ុន្តែនៅពេលដែលគាត់និយាយឃោសនាគឺវាពិបាកស្តាប់ពេក ដូចជា
ទាមួយហ្វូងមុជទឹក មាន់មួយហ្វូងកំពុងចឹកអង្ករស៊ី
ឬគោមួយនឹមកំពុងស៊ីស្មៅ អីជាដើម ។ល។
ការនិយាយរបស់គាត់គឺមិនមានន័យអ្វីទាំងអស់។ ដូច្នេះ
ក្រោយពេលគេរួមគ្នា គឺហាក់ដូចជាមានអ្នកអាចនិយាយគ្រាន់បើជាងគាត់
ដូច្នេះគេក៏ច្រានគាត់ចោលតែម្តងទៅ។
អ្នកនយោបាយរបស់គណបក្សប្រឆាំងគឺមិនមែនគិតជាតិទេ
ឧទាហរណ៍ដូចលោកម្នាក់ដែលធ្លាប់ធ្វើតំណាងរាស្ត្រនៅ សម រង្ស៊ី
ពេលចូលមក កឹម សុខា និយាយថាចេញពីទីងងឹតក្នុង សម រង្ស៊ី
មកចូលទីភ្លឺរបស់ កឹម សុខា ។ ប៉ុន្តែឥឡូវនេះ កឹម សុខា
អូសកឲ្យមកចូលក្នុងទីងងឹត ជាមួយ សម រង្ស៊ី ដដែល
ហើយអ្នកនោះខំស្រែកថាព្រះអាទិត្យរះនឹងគេដែរទៅ
ហើយថែមទាំងសរសើរ សម រង្ស៊ី ទៀត។
ត្រង់នេះបងប្អូនប្រជាពលរដ្ឋអាចមើលឃើញ
និងពិចារណាបានថាមិនគួរបោះឆ្នោតឲ្យទេ
ពីព្រោះសុទ្ធតែជាអ្នកនយោបាយឡប់ឡែ
ដែលពួកគេគ្មានចេតនាធ្វើឲ្យប្រទេសជាតិរីកចម្រើនទេ។
អ្វីដែលពួកគាត់ធ្វើ និងកំពុងធ្វើសម្រាប់គណបក្សប្រឆាំងនោះ
គឺដើម្បីតែមុខរបរ ដើម្បីបក្ខពួក
និងដើម្បីគ្រួសាររបស់ខ្លួនតែប៉ុណ្ណោះ៕
សម្រង់ព័ត៌មាន៖ លោក នូសាវុធឌី
