Friday, May 10, 2013
សម្តេចតេជោ៖ កម្ពុជាមិនចង់បានអ្វីទេក្រៅពីយុត្តិធម៌នោះទេ
ក្នុងឱកាសទទួលបានការអនុញ្ញាតឲ្យចូលជួបសំដែងការគួរសម ជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃទី៨ ខែឧសភា ឆ្នាំ២០១៣ នៅវិមានសន្តិភាព លោក Peter Turner តំណាងក្រុមហ៊ុនមេធាវី Freshfields Bruckhaus Deringer LLP របស់សហរដ្ឋអាមេរិក ដែលត្រូវបានជួលឲ្យមកការពារក្តីសម្រាប់កម្ពុជា បានមានប្រសាសន៍ជម្រាប់ជូនសម្តេចតេជោអំពី តុលាការមជ្ឈត្តករដែលបានសម្រេចឲ្យកម្ពុជាឈ្នះក្តី លើក្រុមហ៊ុន Cambodia Power Company។
ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោនាយករដ្ឋមន្ត្រីបានឲ្យដឹងថា លោក Peter Turner បានមានប្រសាសន៍ថា តុលាការមជ្ឈត្តករបានសម្រេចឲ្យកម្ពុជាឈ្នះក្តីនេះ ដែលត្រូវបានធ្វើឡើងនៅឡាអេ ហុងកុង និងប៉ារីស។ មិនត្រឹមតែប៉ុណ្ណោះតុលាការមជ្ឈតករ បានសម្រេចឲ្យក្រុមហ៊ុន Cambodia Power Company តំណាងដោយលោក បៀហ្គារ៉េត និងជាតំណាងឲ្យក្រុមហ៊ុនបៀលហ្គានហៀល សងរាជរដ្ឋាភិបាលកម្ពុជា នូវទឹកប្រាក់ចំនួន ៥,៦ លានដុល្លាសហរដ្ឋអាមេរិក។
លោក Peter Turner បានមានប្រសាសន៍ឲ្យដឹងថា ក្នុងករណីក្រុមហ៊ុន Cambodia Power Company ដែលដឹកនាំដោយលោក បៀហ្គារ៉េត និងជាតំណាងឲ្យក្រុមហ៊ុនបៀលហ្គានហៀលរបស់សហរដ្ឋអាមេរិក ដែលយកករណីរាជរដ្ឋាភិបាលផ្តល់អាជ្ញាប័ណ្ណផលិតអគ្គីសនីនៅកម្ពុជា ទៅកាន់តុលាការមជ្ឈត្តករនោះ តុលាការមជ្ឈត្តករបានប្រកាសច្រានចោលនូវរាល់ការទាមទាររបស់ក្រុមហ៊ុននេះ ហើយអ្វីៗដែលរាជរដ្ឋាភិបាលបានអនុវត្តចំពោះក្រុមហ៊ុននេះនាពេលកន្លងមក គឺពោរពេញដោយភាពអត់ធ្មត់ និងភាពត្រឹមត្រូវបំផុត។
សម្តេចតេជោនាយករដ្ឋមន្ត្រី បានសម្តែងនូវក្តីរីករាយចំពោះយុត្តិធម៌មួយដែលត្រូវបានផ្តល់ឲ្យកម្ពុជា ហើយយុត្តិធម៌នេះ ត្រូវបានទទួលដោយការប្រឹងប្រែង ដែលមានមេធាវីដឹកនាំដោយលោក Peter ក៏ដូចជាសាក្សី ដែលបានចូលរួមក្នុងករណីនេះផងដែរ។ សម្តេចតេជោបានថ្លែងអំណរគុណដល់លោក Peter និងមេធាវីដទៃទៀត ក៏ដូចជាសាក្សីដែលបានចូលរួមក្នុងករណីនេះ ដោយបានបញ្ជាក់ថា កម្ពុជាមិនចង់បានអ្វីទេក្រៅពីយុត្តិធម៌នោះទេ។
គួររំលឹកថា រឿងក្តីនេះផ្តើមចេញពីឆ្នាំ១៩៩៦ នៅពេលដែលរាជរដ្ឋាភិបាល បានផ្តល់សម្បទានឲ្យក្រុមហ៊ុនខេមបូឌាផាវ័រ ដើម្បីវិនិយោគសាងសង់រោងចក្រអគ្គិសនី ដែលមានអនុភាព ៦០ មេហ្គាវ៉ាត់។ ប៉ុន្តែក្រុមហ៊ុននេះ បានសុំពន្យារពេលម្តងហើយម្តងទៀតរហូតដល់ទៅ ៦ដងឯណោះ។ ទីបំផុតក្រុមហ៊ុននេះ បានដាក់ប្តឹងរាជរដ្ឋាភិបាល និងអាជ្ញាធរអគ្គិសនីកម្ពុជាទៅតុលាការមជ្ឈតករថែមទៀត៕
បទអត្ថាធិប្បាយ៖ នៅកម្ពុជាគ្នានវប្បធម៌ស្នងតំណែងបន្តវេនពីឳពុកមកកូននោះទេ!
ការប្រៀបធៀបដ៏ខុសឆ្គងប្រាសចាកពីការពិតនៃរបបនយោបាយនៅកម្ពុជា ត្រូវបានអ្នកវិភាគដែលមាននិន្នាការប្រឆាំងមួយចំនួន ដែលតាំងខ្លួនថា ជាអ្នកវិភាគឯករាជ្យ បានយកមកបកស្រាយ បំផ្លើស បំភន្ត័ ប្រជាពលរដ្ឋខ្មែរ ដោយពុំផ្អែកលើមូលដ្នានច្បាស់លាស់ និងពុំបានឆ្លុះបញ្ចាំងអំពីតថភាពពិតប្រាកដនៅក្នុងសង្គមកម្ពុជាឡើយ ។
តើការប្រៀបធៀបដែលពោរពេញទៅដោយកំហុសឆ្គង ខ្វះគតិវិនិច្ឆយ័របស់ក្រុមអ្នកវិភាគទាំងនេះធ្វើទ្បើងក្នុងចេតនាអ្វី? ហើយដើម្បីអ្វី?
ការពិតណាស់ក្នុងការប្រៀបធៀបមួយដែលគ្មានលក្ខណៈតក្កវិទ្យា គឺអ្នកវិភាគទាំងនោះភាគច្រើនទទួលបាននូវការស្តីបន្ទោសអំពី ការគ្មានអព្យាក្រិតភាពនៃគោលជំហររបស់ខ្លួន និងអាច បង្កជាឧបសគ្គរាំងស្ទះដល់ដំណើរការអនុវត្តលទ្ធិប្រជាធិបតេយ្យទៀតផង។ ការវិភាគបែបនោះមានន័យស្មើនឹងការរុញច្រានប្រទេសជាតិឲ្យធ្លាក់ចូលក្នុងភាពវឹកវរ ឬកកើតជាភ្លើងសង្គ្រាមសារជាថ្មីបាន ប្រសិនបើប្រជាពលរដ្ឋមិនបានពិចារណា និងជឿតាមការញុះញង់ទាំងនោះ។
ដូចដែលប្រវត្តិសាស្ត្របានបង្ហាញរួចមកហើយថា កម្ពុជាបានឆ្លងកាត់ភ្នក់ភ្លើងសង្រ្គាមអស់ជាង ៣ទស្សវត្សមកហើយ ហើយទើបតែមានសុខសន្តិភាព ស្ថិរភាពនយោបាយពេញលេញក្រោមនយោបាយឈ្នះ‑ឈ្នះ របស់ សម្តេចតេជោ ហ៊ុន សែន នាចុងឆ្នាំ១៩៩៨ ប៉ុណ្ណោះ។ ដូច្នេះ ប្រសិនបើគេវិភាគទៅលើអត្ថន័យនៃសារនយោបាយរបស់គណបក្សប្រឆាំង រួមជាមួយអ្នកវិភាគដែលមាននិន្នាការប្រឆាំងមួយចំនួនដែលកំពុងជួយជ្រោមជ្រែង ប្រជែងអំណាច ជាមួយរាជរដ្ឋាភិបាល ពិសេសជាមួយគណបក្សប្រជាជនកម្ពុជានោះ គេនឹងឃើញយ៉ាងច្បាស់នូវរូបភាពនៃវប្បធម៌ញុះញង់ បំភន្ត័ សាធារណមតិជាតិ និងអន្តរជាតិ ដែលបង្កប់ក្នុងសារនយោបាយ និងបទវិភាគទាំងអស់នោះជាក់ជាមិនខាន។
ជាក់ស្តែង ជារឿយៗ ក្នុងបទសម្ភាសតាមរយៈវិទ្យុបរទេសផ្សាយជាខេមរៈភាសា មានបុគ្គលខ្លះបានតាំងខ្លួនជាអ្នកវិភាគឯករាជ្យ(ខាងប្រឆាំង)បានវិភាគលើប្រធានបទស្តី អំពី (ការរៀបចំបន្តវេនសម្រាប់តួនាទីជាអ្នកដឹកនាំ) ដែលក្នុងបទសម្ភាសនោះ គេបាននិយាយពីការស្នងតំណែងពីឳពុកមកកូន ពីបងមកប្អូន ឬនៅក្នុងរង្វង់គ្រួសារសាច់ញាតិ ដោយលើកយកប្រទេស គូបា កូរ៉េខាងជើង មកប្រៀបធៀបជាមួយកម្ពុជា ថា កំពុងតែមានការរៀបចំអោយមានការបន្តវេនជាអ្នកដឹកនាំ ដូចប្រទេសអស់ទាំងនោះអញ្ចឹងដែរ ។
ការពិត ការវិភាគដែលពុំសមហេតុផលរបស់ក្រុមប្រឆាំង ត្រូវបានក្រុមអ្នកតាមដានស្ថានការណ៍នយោបាយប្រទេសកម្ពុជា មើលឃើញថា ជាការធ្វើមិនយល់អំពីបែបបទនៃការគ្រប់គ្រងរដ្ឋ និងរបបនយោបាយពិតនៅកម្ពុជា វាជាកំហុសឆ្គងមួយយ៉ាងធ្ងន់ធ្ងរជាទីបំផុត ព្រោះការប្រៀបធៀបដោយយកកម្ពុជា ជាប្រទេសដែលប្រកាន់យ៉ាងខ្ជាប់ខ្ជួន នូវរបបប្រជាធិបតេយ្យ សេរីពហុបក្ស ប្រដូច ប្រទេសដែលមានរបបគ្រប់គ្រងរដ្ឋតាមបែបកុម្មុនិស ផ្តាច់ការ គឺជាការប្រមាថទាំងកំរោលទៅលើអំណាច នីតិរដ្ឋ នៅកម្ពុជា ។
ក្រុមអ្នកវិភាគអស់ទាំងនោះគួរណាស់យល់ថា ប្រទេសមួយដែលទើបតែងើបចេញពីភ្លើងសង្គ្រាមពីរបបនៃការកាប់សម្លាប់មនុស្សយ៉ាងរង្គាល រហូតមានសន្តិភាព និងបន្តពង្រឹងនីតិរដ្ឋ កសាងវប្បធម៌សន្តិភាព អភិវឌ្ឍន៍ហេដ្ឋារចនាសម្ពន្ធ័ បណ្តុះបណ្តាលធនធានមនុស្ស ទម្រាំធានាបាននូវភាពរឹងមាំដូចសព្វថ្ងៃ គឺជាបេសកកម្មដ៏លំបាក និងស្មុកស្មាញខ្លាំងណាស់ដែលរាជរដ្ឋាភិបាលដឹកនាំដោយគណបក្សប្រជាជនកម្ពុជា បាននឹងកំពុងអនុវត្ត ។
ជាការពិតណាស់ ស្របតាមបរិបទបំរែបំរួលកត្តាធម្មជាតិ ក៏បានផ្សាភ្ជាប់គ្នាផងដែរ ទៅ
នឹងវ័យវឌ្ឍនាការនៃអាយុរបស់មនុស្ស ពីក្មេងទៅពេញកម្លាំង ពីពេញកម្លាំងទៅមនុស្សចាស់ និងការថមថយកម្លាំង ដែលត្រូវជំនួសដោយយុវជនជំនាន់ក្រោយ។
រលកក្រោយរុញច្រានរលកមុន វាជាក្រិតក្រមសត្យានុម័តរបស់ធម្មជាតិ។ យ៉ាងណាមិញ សម្រាប់ប្រទេសកម្ពុជាដែលប្រកាន់ខ្ជាប់នូវរបបប្រជាធិបតេយ្យ សេរីពហុបក្ស ក៏ដូចគ្នានេះដែរ នៅពេលដែលអ្នកនយោបាយ ឬមន្ត្រីមុខងារសាធារណៈ សូម្បីវិស័យឯកជន ក៏ដូចគ្នាដែរ នៅពេលមានវ័យចំណាស់ខ្លាំង គឺនឹងត្រូវចូលនិវត្តន៍លាឈប់ពីមុខនាទីដើម្បីទុកឱកាសឲ្យអ្នកដែលមានសមត្ថភាព កម្លាំងមាំមួន បន្តវេន។
ស្របតាមគោលនយោបាយរបស់រាជរដ្ឋាភិបាល ក៏ដូចជាគណបក្សប្រជាជនកម្ពុជា គឺ«ទំពាំងត្រូវតែស្នងឫស្សី» ដូចនេះ ការបញ្ចេញតួអង្គយុវជន ដែលពោរពេញទៅដោយសក្កានុពលដើម្បីប្រឡូកក្នុងឆាកនយោបាយជួរមុខរបស់គណបក្សប្រជាជនកម្ពុជា ក៏មិនមានអ្វីគួរអោយចម្លែកនោះដែរ ព្រោះថា ក្នុងចំណោមប្រទេសមហាអំណាចដែលប្រកាន់នៅរបបប្រជាធិបតេយ្យ មួយចំនួននៅលើសកលលោក មេដឹកនាំសុទ្ធតែចេញមកពីស្រទាប់យុវជន ហើយស្ថិតនៅក្នុងត្រកូលជាមេដឹកនាំតែមួយទៀតផង វាអាស្រ័យទៅនឹងសមត្ថភាពរបស់អ្នកបន្តវេននោះ។ ជាក់ស្តែងដូចជា អតីតប្រធានាធិបតីសហរដ្ឋអាមេរិកលោក George H.W. Bush បន្ទាប់មក លោក George W Bush ដែលជាកូនបានបន្តទ្បើងធ្វើជាប្រធានាធិបតី។ នៅប្រទេសឥណ្ឌា លោកស្រី ឥន្ទ្រគន្ធី (Indira Gandhi) កូនរបស់ Nehru ឡើងធ្វើជានាយករដ្ឋមន្ត្រី ក្រោយមកកូនស្រីរបស់លោក ក៏ក្លាយជានាយករដ្ឋមន្ត្រីនៃប្រទេសនេះផងដែរ។ ដូចគ្នានេះដែរ នៅប្រទេសកម្ពុជា បើឪពុកជានាយករដ្ឋមន្រ្តី កូនក៏អាចក្លាយជានាយករដ្ឋមន្រ្តីដូចគ្នា ប្រសិនបើកូននោះមានសមត្ថភាព និងមានការគាំទ្រ បេក្ខភាពជានាយករដ្ឋមន្រ្តីក្នុងផ្ទៃក្នុងបក្ស ហើយទទួលបានការគាំទ្រពីប្រជាពលរដ្ឋតាមរយៈការបោះឆ្នោតបែបប្រជាធិបតេយ្យ សេរីពហុបក្ស និងលក្ខណៈត្រឹមត្រូវ និងយុត្តិធម៌ គឺនៅកម្ពុជា មិនមានការប្រកាសបន្តដំណែងដឹកនាំប្រទេស តាមបែបលើកបន្តុប ដោយរំលង ឆន្ទៈ និងការសម្រេចចិត្តរបស់ប្រជាពលរដ្ឋតាមរយៈការបោះឆ្នោតនោះឡើយ។ ការបន្តវេនបែបនេះ តើគួរគប្បីក្រុមអ្នកវិភាគដែលមាននិន្នាប្រឆាំងចាត់ទុកថា ជាវប្បធម៌ផ្ទេរអំណាចពីឪពុកមកកូនដែរឬទេ ? ហើយវារិតតែអាក្រក់ខ្លាំងណាស់ទៅទៀត នៅពេលដែលអ្នកវិភាគគាំទ្របក្សប្រឆាំងទាំងនោះ មិនបានលើកឡើងសម្បីតែមួយមាត់ អំពី សមត្ថភាព និងសកម្មភាពការងារជាក់ស្តែងរបស់ក្រុមយុវជនបន្តវេន ដែលបាន និងកំពុងធ្វើការយ៉ាងមមាញឹក និងដោយការទទួលខុសត្រូវខ្ពស់ក្នុងការដោះស្រាយបញ្ហាជូនប្រជាពលរដ្ឋនៅតាមមូលដ្ឋាន បែរជាពួកគេ មានតែការប្រៀបប្រដូច តែម៉្យាងអំពីការបន្តដឹកនាំប្រទេស តាមប្រទេសផ្តាច់ការទៅវិញ។
សរុបមក នៅកម្ពុជាគ្មានទេវប្បធម៌នៃការស្នងតំណែង ក្នុងជួរថ្នាក់ដឹកនាំជាតិក្នុងសមយ័ថ្មីរបស់កម្ពុជា សូម្បីតែស្ថាប័នព្រះមហាក្សត្រ ក៏ត្រូវឆ្លងកាត់ការជ្រើសតាំងពីក្រុមប្រឹក្សារាជសម្បត្តិដែរ មុននឹងឡើងគ្រងរាជ្យបល័ង្គ ។
ក្នុងបរិបទរបស់សង្គមកម្ពុជា គឺមានតែប្រជាពលរដ្ឋទេ ជាម្ចាស់អំណាច ដែលជាអ្នកសម្រេចជ្រើសរើសមេដឹកនាំជាតិ គឺការចូលរួមតាមរយៈការផ្តល់សន្លឹកឆ្នោតតាមបែបប្រជាធិបតេយ្យ សេរីពហុបក្ស ចំពោះអ្នកនយោបាយណាដែលមានសមត្ថភាពពេញលេញក្នុងការចូលរួមកសាង អភិវឌ្ឍសង្គម និងលើកកម្ពស់ជីវភាពរស់នៅរបស់ប្រជាពលរដ្ឋ ឱ្យធានាបានការរស់នៅប្រកបដោយភាពសុខដុមរម្យនា ។
ដូច្នេះ ការលើកទ្បើងរបស់អ្នកវិភាគដែលតាំងខ្លួនថាជាអ្នកវិភាគឯករាជ្យ វាគ្រាន់តែជា ចេតនាញុះញង់ បន្ទុចបង្អាក់ បង្កាច់បង្ខូច កិត្តិយស សម្តេចអក្គមហាសេនាបតីតេជោ ហ៊ុន សែន និងគណបក្សប្រជាជនកម្ពុជា ក្នុងចេតនា បន្ទាបបន្ថោកកិត្យានុភាពជាតិតែប៉ុណ្ណោះ ៕
អត្ថបទដោយ៖ សៅ សុភៈ (ទីប្រក្សាអមទីស្តីការគណៈរដ្ឋមន្ត្រី)
PRESS RELEASE: The Metropolitan Museum in New York decides to return ancient Khmer statues
These two statues form part of an ensemble representing the famous duel
between Bhima and Duryodhana from the Mahabharata, all of which were
brutally severed from their pedestals and found their way to various
museums and private collections around the world.
In its press release dated May 3, 2013 the Metropolitan Museum quoted
its director Mr. Thomas P. Campbell, as saying: “The Museum is committed
to applying rigorous provenance standards not only to new acquisitions,
but to the study of works long in its collections in an ongoing effort
to learn as much as possible about ownership history. This is a case in
which additional information ... has led the Museum to consider facts
that were not known at the time of the acquisition and to take the
action..... In returning the statues, the Museum is acting to strengthen
the good relationship it has long maintained with scholarly
institutions and colleagues in Cambodia and to foster and celebrate
continued cooperation and dialogue between us.”
Excellency Chan Tani, Secretary of State of the Office of the Council of Ministers was quoted in the International Herald Tribune
on May 4-5, 2013 as saying: “ The above gesture clearly shows the high
ethical standards and professional practices of the Met which they are
known for. This also will strengthen the excellent cooperation between
the Metropolitan Museum of Art and its Cambodian counterparts in the
area of cultural heritage.”
On behalf of the Royal Government of Cambodia (RGC), Deputy Prime
Minister Sok An, Minister in charge of the Office of the Council of
Ministers and Chairperson of the World Heritage Committee stated from
UNESCO Headquarters in Paris today, “We would like to take this solemn
occasion to express our sincere thanks and profound gratitude to the Met
in New York, which has taken such a laudable decision to return these
priceless ancient Khmer artifacts, which represent part of the soul of
the nation. We also thank the US Government for its support in this
endeavour.
“Furthermore, the RGC appeals to other museums and art collectors
around the world to follow this example of returning plundered treasures
to their rightful owners as part of the worldwide campaign for the
protection of cultural heritage.”
The return of these statues can be attributed to the government’s
strenuous efforts and is not only the success of the Royal Government,
under the leadership of Prime Minister of the Kingdom of Cambodia
Samdech Akka Maha Sena Padei Techo Hun Sen, but also the success and
pride of the whole Cambodian nation.
Phnom Penh, 9 May 2013
Press and Quick Reaction Unit
សេចក្តីប្រកាសព័ត៌មាន៖ សារមន្ទីរមេត្រូប៉ូលីតែន (Metropolitan Museum) នៅទីក្រុងញ៉ូវយ៉ក សំរេចប្រគល់រូបបដិមាខ្មែរមកឱ្យកម្ពុជាវិញ
ក្រោយពីការពិភាក្សាជាច្រើនលើកជាមួយទីស្តីការគណរដ្ឋមន្រ្តីមក សារមន្ទីរ Metropolitan នៅទីក្រុងញ៉ូវយ៉ក នៅពេលថ្មីៗនេះ បានសំរេចចិត្តប្រគល់មកឱ្យព្រះរាជាណាចក្រកម្ពុជាវិញ នូវ រូបបដិមាថ្មពីរនៃសតវត្សរ៍ទី ១០ ដែលមានឈ្មោះថា “បនទវៈ លុតជង្គង់” (Kneeling Pandawas) ពេលខ្លះត្រូវបានគេស្គាល់ថា “ជាអ្នកបំរើ លុតជង្គង់” (Kneeling Attendants) ដែលត្រូវបានគេលួច ចេញពីប្រាសាទចិន នៅកោះកែរ អំឡុងពេលនៃសង្រ្គាមស៊ីវិលក្នុងប្រទេសកម្ពុជា នាទសវត្សរ៍ ទី៧០។
រូបទាំងពីរនេះ ជាផ្នែកមួយនៃរូបបដិមាមួយក្រុមដែលតំណាងឱ្យការប្រយុទ្ធតស៊ូដ៏ល្បី ល្បាញរវាង ភីម (Bhima) និងឌូរីយោដាន (Duryodhana) នៃរឿងព្រេងមហាភារតះ (Mahabharat) ហើយដែលត្រូវបានគេកាច់បំបាក់យ៉ាងឃោរឃៅចេញពីជើងទម្ររបស់វា និងបញ្ជូនចេញទៅសារ មន្ទីរ និងការសន្សំទុកឯកជននានាជុំវិញពិភពលោក។
នៅក្នុងសេចក្តីប្រកាសព័ត៌មានរបស់ខ្លួនចុះថ្ងៃទី ០៣ ខែ ឧសភា ឆ្នាំ២០១៣ សារមន្ទីរ Metropolitan បានដកស្រង់សំដីនាយករបស់ខ្លួនលោក Thomas P. Campbell ថាៈ «សារមន្ទីរប្តេជ្ញា ចិត្តអនុវត្តយ៉ាងហ្មត់ចត់នូវបទដ្ឋាននៃទីកន្លែងដើម គឺមិនគ្រាន់តែទៅលើរបស់ដែលទើបទទួល បានថ្មីៗប៉ុណ្ណោះទេ គឺថែមទាំងទៅលើការសិក្សាស្វែងយល់ពីការងារក្នុងការប្រមែប្រមូលសន្សំ ទុករបស់ខ្លួនដ៏យូរយារមកហើយ ក្នុងកិច្ចខិតខំប្រឹងប្រែងដែលកំពុងតែប្រព្រឹត្តទៅដើម្បីសិក្សា ស្វែងយល់ឱ្យបានច្រើនដែលអាចធ្វើបានទៅលើប្រវត្តនៃកម្មសិទ្ធិផងដែរ»។ នេះជាករណីមួយ ដែលក្នុងនោះព័ត៌មានបន្ថែម... បានធ្វើឱ្យសារមន្ទីរពិចារណាទៅលើភាពពិតជាក់ស្តែងដែល មិនបានដឹងនៅពេលដែលបានទទួលនិងចាត់វិធានការ...។ ក្នុងការបញ្ជូនត្រឡប់មកវិញនូវរូប បដិមាទាំងពីរនេះ លោក Thomas P. Campbell នាយកសារមន្ទីរ Metropolitan បានមាន ប្រសាសន៍ថា៖ “...សារមន្ទីរកំពុងតែពង្រឹងទំនាក់ទំនង ល្អ ដែលខ្លួនបានរក្សាជាយូរមកហើយនោះ ជាមួយនឹងស្ថាប័នអ្នកសិក្សាស្រាវជ្រាវ និងសហសេវិកកម្ពុជា ក៏ដូចជាការជំរុញ និងបន្តនូវទំនាក់ ទំនងល្អព្រមទាំងកិច្ចពិភាក្សាល្អរវាងគ្នា និងគ្នា”។
ឯកឧត្តម ច័ន្ទ តានី រដ្ឋលេខាធិការទីស្តីការគណៈរដ្ឋមន្រ្តី ត្រូវបានគេដកស្រង់សំដីនៅ ក្នុងសារព័ត៌មាន International herald Tribune ពីថ្ងៃទី ៤-៥ ខែ ឧសភា ឆ្នាំ២០១៣ ថា៖ «កាយវិការ ខាងលើនេះ បានបង្ហាញឲ្យឃើញនូវកម្រិតក្រមសីលធម៌ និងការអនុវត្តបែបវិជ្ជាជីវៈដ៏ត្រឹមត្រូវ របស់សារមន្ទីរ Metropolitan ដែលកិច្ចការនេះត្រូវបានគេដឹងឮជាទូទៅ។ ករណីនេះ ក៏នឹងជួយ ពង្រឹងនូវសហប្រតិបត្តិការដ៏ល្អឥតខ្ចោះ រវាងសារមន្ទីរ Metropolitan និងសហភាគីកម្ពុជាក្នុង វិស័យបេតិកភណ្ឌវប្បធម៌»។
ក្នុងនាមរាជរដ្ឋាភិបាលកម្ពុជា ឯកឧត្តមឧបនាយករដ្ឋមន្រ្តី សុខ អាន រដ្ឋមន្រ្តីទទួលបន្ទុក ទីស្តីការគណៈរដ្ឋមន្រ្តី និងជាប្រធានគណៈកម្មាធិការបេតិកភណ្ឌពិភពលោក បានថ្លែងនៅឯទី ស្នាក់ការអង្គការ UNESCO នៅប៉ារីស ថ្ងៃនេះថា «យើងសូមយកឱកាសដ៏ឧឡារិកនេះ ដើម្បី សំដែងនូវអំណរគុណដ៏ស្មោះស្ម័គ្រ និងការដឹងគុណដ៏ជ្រាលជ្រៅបំផុត ជូនចំពោះសារមន្ទីរ Metropolitan នៅញ៉ូវយ៉ក ដែលបានចេញសេក្តីសំរេចចិត្តគួរឱ្យស្ញប់ស្ញែងក្នុងការប្រគល់ជូនមក វិញនូវសម្បត្តិវប្បធម៌បុរាណខ្មែរដែលមិនអាចកាត់ថ្លៃបាន និងដែលតំណាងឱ្យផ្នែកមួយនៃ ព្រលឹងជាតិកម្ពុជា»។ យើងក៏សូមអរគុណរដ្ឋាភិបាលអាមេរិកផងដែរ ដែលបានផ្តល់នូវការគាំទ្រ របស់ខ្លួនចំពោះកិច្ចខិតខំប្រឹងប្រែងនេះ។
លើសពីនេះទៀត រាជរដ្ឋាភិបាលកម្ពុជាសូមអំពាវនាវដល់សារមន្ទីរនានា និងការប្រមូល ទុកនៅកន្លែងផ្សេងៗទៀតនូវសម្បត្តិវប្បធម៌ជុំវិញពិភពលោក ធ្វើតាមគំរូក្នុងការផ្តល់ទៅម្ចាស់ ពេញសិទ្ធិដើមវិញនូវសម្បត្តិវប្បធម៌ ដែលត្រូវបានគេលួចប្លន់យកទៅ ហើយនេះក៏ជាផ្នែកមួយ នៃយុទ្ធនាការពិភពលោកក្នុងការការពារបេតិកភណ្ឌវប្បធម៌។
ការបញ្ជូនត្រឡប់មកវិញនូវរូបបដិមាទាំងនេះ អាចត្រូវបានគេឲ្យតម្លៃទៅលើការខិតខំ ប្រឹងប្រែងដ៏ខ្លាំងក្លារបស់រាជរដ្ឋាភិបាល ក្រោមការដឹកនាំរបស់ សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ហើយនេះមិនត្រឹមតែជាជោគជ័យ របស់រាជរដ្ឋាភិបាលកម្ពុជាប៉ុណ្ណោះទេ ក៏ប៉ុន្តែវាក៏ជាជោគជ័យ និងជាមោទនភាពរបស់ប្រជាជាតិ កម្ពុជាទាំងមូលផងដែរ ។
រាជធានីភ្នំពេញ ថ្ងៃ ៩ ខែ ឧសភា ឆ្នាំ២០១៣
អង្គភាពព័ត៌មាន និងប្រតិកម្មរហ័ស
Subscribe to:
Posts (Atom)