Saturday, August 10, 2013
សេចក្តីប្រកាសព័ត៌មាន៖ ស្តីពីជំនួបរវាង ឯកឧត្តមបណ្ឌិតសភាចារ្យ សុខ អាន ជាមួយឯកឧត្តម ឯកអគ្គរដ្ឋទូត សហរដ្ឋអាមេរិក
កាលពីថ្ងៃ សុក្រទី៩ ខែសីហា ឆ្នាំ២០១៣ នៅទីស្តីការគណៈរដ្ឋមន្រ្តី
ឯកឧត្តមឧបនាយករដ្ឋមន្រ្តីបណ្ឌិតសភាចារ្យ សុខ អាន បានទទួលជួបឯកឧត្តម ឯកអគ្គរដ្ឋទូតអាមេរិកលោក William E. Todd។
ភាគីទាំងពីរបានពិភាក្សាអស់រយៈពេលដ៏យូរ
អំពីដំណើរការឆ្ពោះទៅការបើកសម័យប្រជុំលើកដំបូងនៃរដ្ឋសភាជាតិ
នីតិកាលទីប្រាំនៃការបង្កើតរាជរដ្ឋាភិបាលកម្ពុជា។
ភាគីទាំងពីរបានផ្លាស់ប្តូរទស្សនៈយោបល់របស់ពួកគេស្តីពីការពង្រីក
ទំនាក់ទំនងទ្វេភាគីដែលល្អហើយនោះ រវាងប្រទេសទាំងពីរ
និងប្រជាជននៅក្នុងបរិការលទ្ធផលនៃការបោះឆ្នោតជាទូទៅនេះ
ដែលឆ្លុះបញ្ចាំងនូវសុច្ឆន្ទៈប្រជាជនកម្ពុជាជាទូទៅ។
ការខ្វែងយោបល់គ្នាទាក់ទងទៅនឹងលទ្ធផលបោះឆ្នោតមកដល់ពេលនេះ ឯកឧត្តមឧបនាយករដ្ឋមន្រ្តីបណ្ឌិតសភាចារ្យ សុខ អាន និងឯកឧត្តមអគ្គរដ្ឋទូតសហរដ្ឋអាមេរិក William E. Todd បាន
អំពាវនាវឲ្យមានមធ្យោបាយសន្តិភាព
និងស្ងប់ស្ងៀមដើម្បីដោះស្រាយបញ្ហាទាំងអស់នេះ
ហើយត្រូវតែជៀសវាងនូវរាល់អំពើបែបហិង្សាទាំងអស់ដើម្បីរក្សាបាន
នូវបរិយាកាសល្អ និងមានស្ថិរភាពសម្រាប់ជីវិតប្រជាជន៕
Subscribe to:
Posts (Atom)