Friday, December 27, 2013
ឯកឧត្តមបណ្ឌិតសភាចារ្យ សុខ អាន ប្រគល់ប្រាក់រង្វាន់ដល់កីឡាករ កីឡាការិនីប៉េតង់ក្នុងការប្រកួតពានរង្វាន់ពិភពលោក
ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានសហពន្ធ័កីឡាបូល និងប៉េតង់កម្ពុជា នាថៃ្ងទី២៥ ខែធ្នូ ឆ្នាំ២០១៣ បានអញ្ជើញជួបសំណេះសំណាលជាមួយកីឡាករ កីឡាការិនីប៉េតង់ និងបានប្រគល់រង្វាន់ដល់កីឡាករ កីឡាការិនី ដែលទទួលបានមេដាយពីការប្រកួតកីឡាប៉េតង់ពានរង្វាន់ពិភពលោក នៅទីស្តីការគណៈរដ្ឋមន្ត្រី។
ឯកឧត្តមបណ្ឌិតសភាចារ្យ សុខ អាន បានមានប្រសាសន៍ឲ្យដឹងថា ជោគជ័យដែលកីឡាករ កីឡាការិនីកម្ពុជាយើងដណ្តើមបានមេដាយពីការប្រកួតនៅលើឆាកអន្តរជាតិ គឺជាជោគជ័យដ៏ធំមួយដែលបង្ហាញនូវកេត្យានុភាពជាតិ និងកេរ្តិ៍ឈ្មោះរបស់ប្រទេសកម្ពុជានៅលើឆាកអន្តរជាតិ ដើម្បីបញ្ញាក់ថា កម្ពុជាយើងក៏សម្បូរទៅដោយធនធានមនុស្សមានទេពកោសល្យក្នុងវិស័យកីឡា។
ឯកឧត្តមបណ្ឌិតសភាចារ្យ សុខ អាន បានមានប្រសាសន៍ដោយជំរុញឲ្យកីឡាករ កីឡាការិនី កីឡាប៉េតង់ទាំងអស់ខិតខំធ្វើការហ្វឹកហាត់ ឲ្យបានខ្លាំងក្លាថែមទៀត ដើម្បីចូលរួមប្រកួតប្រជែងនៅលើឆាកអន្តរជាតិ ក្នុងការដណ្តើមយកមេដាយមកជូនជាតិមេតុភូមិ។
ឯកឧត្តម ឌុច ថូវ អនុប្រធានសហពន្ធ័កីឡាបូល និងប៉េតង់កម្ពុជា បានមានប្រសាសន៍ឲ្យដឹងថា កីឡាករ កីឡាការនី ប៉េតង់កម្ពុជា នៅក្នុងឆ្នាំ២០១៣នេះ បានដណ្តើមបានមេដាយពីការប្រកួតប៉េតង់ពានរង្វាន់ពិភពលោក ពានរង្វាន់អាស៊ី និងពានរង្វាន់អាស៊ាន ដោយឡែកសម្រាប់ពានរង្វាន់ពិភពលោកមានតែនារីទេ ការប្រកួតនេះមានប្រទេសចំនួន៤១ ចូលរួមប្រកួត ក្នុងនោះកីឡាការិនីកម្ពុជា កែ ឡេង ទទួលបានមេដាយមាស។ ប្រកួតលើវីញ្ញាសាវាយយកពិន្ទុវាយ ៣ ទល់ នឹង៣ កម្ពុជាទទួលបានមេដាយសំរឹទ្ធ គឺកីឡាការិនី កែ ឡេង, អ៊ុំ ចន្ត្រា, អ៊ុក ស្រីមុំ និងកីឡាការិនី អ៊ុន ស្រីយ៉ា។ សម្រាប់ពានរង្វាន់ប្រចាំទ្វីបអាស៊ីវិញ មានប្រទេសចូលរួមប្រកួតចំនួន ១៧ប្រទេស ធ្វើការប្រកួតលើ ២ប្រភេទវិញ្ញាសារ គឺវិញ្ញាសាវាយយកពិន្ទុ ១ទល់ និង១ និងប្រកួត ៣ទល់នឹង ៣។ ក្នុងការប្រកួតនេះ កម្ពុជាដណ្តើមបានមេដាយមាសកីឡាករ ឌី សុបញ្ញា ប្រកួតវិញ្ញាសាវាយ ១ ទល់នឹង ១ យកពិន្ទុ។ មេដាយប្រាក់បានលើកីឡាការិនី កែ ឡេង ប្រកួតលើវិញ្ញាសា ១ ទល់ ១។ វិញ្ញាសាវាយ ៣នាក់ ទល់នឹង ៣នាក់ បុរសកម្ពុជា ទទួលបានមេដាយសំរឹទ្ធ និងវិញ្ញាសាវាយ ៣នាក់ ទល់នឹង ៣នាក់នារីកម្ពុជាទទួលបានមេដាយសំរឹទ្ធ។
ការប្រកួតថ្នាក់អាស៊ានដែលទើបតែបញ្ចប់ទៅថ្មី កីឡាការិនី កែ ឡេង ទទួលបានមេដាយមាស។ កីឡាករ ឌី សុបញ្ញា ទទួលបានមេដាយសំរឹទ្ធ។ កីឡាករ អ៊ុក សំណាង ទទួលបានមេដាយសំរឹទ្ធ។ កញ្ញា អ៊ុន ស្រីយ៉ា ទទួលបានមេដាយប្រាក់។ វិញ្ញាសា ២នាក់ ទល់នឹង២នាក់បុរសទទួលបានមេដាយប្រាក់ និង២នាក់ទល់ នឹង២នាក់នារី ទទួលបានមេដាយសំរឹទ្ធប្រកួត៣នាក់ ទល់នឹង៣នាក់ ចម្រុះទទួលបានមេដាយសំរឹទ្ធ និងប្រកួតចម្រុះបុរស ៣នាក់ទល់នឹង៣នាក់ទទួលបានមេដាយប្រាក់។
រង្វាន់ជ័យលាភីដែលត្រូវប្រគល់ជូននៅពេលនេះ គឺប្រគល់ជូនតែកីឡាការិនី ដែលបានមេដាយមាស និងសំរឹទ្ធដែលដណ្តើមបានពីការប្រកួតពានរង្វាន់ពិភពលោក។ ក្នុងនោះកីឡាករចំនួន៤រូប បានទទួលប្រាក់រង្វាន់ ដោយក្នុងមេដាយមាសទទួលបានរង្វាន់ថវិកា ៨០លានរៀល មេដាយសំរឹទ្ធទទួលបាន ៤០លានរៀល។ ដោយឡែកពានរង្វាន់ដែលដណ្តើមបានពីពានរង្វាន់ទ្វីបអាស៊ី និងពានរង្វាន់អាស៊ាន នៅមិនទាន់ប្រគល់ជូននៅឡើយទេ៕
បទអត្ថាធិប្បាយ ដោយ៖ រួម ជាតិ បញ្ហាប្រាក់ខែកម្មករ៖ « ច្រូតស្រូវក្នុងទឹក ប្រសើរជាងអត់ស្រូវច្រូត »
ដោយ៖ រួម ជាតិ
ការច្រូតស្រូវក្នុងទឹក
គឺមានន័យថា វាពិបាកច្រូតជាងស្រូវដែលគ្មានទឹក ប៉ុន្តែផលស្រូវ គឺបានប្រហាក់ប្រហែលនឹងការច្រូតស្រូវនៅលើគោកដែរ
ប៉ុន្តែ បើគ្មានស្រូវច្រូតវិញនោះ ហ្នឹងហើយទើបជាការស៊យ
និងអាក្រក់បំផុត។ យ៉ាងណាមិញ ការតម្លើងប្រាក់ខែបន្ថែមលើប្រាក់ខែសម្រាប់កម្មករកម្មការនី
ទោះបីមិនទាន់បានតាមសំណូមពរ១០០ភាគរយក៏ពិតមែន ក៏ប៉ុន្តែវាបានជាផលប្រយោជន៍ដល់កម្មករ
កម្មការនីយ៉ាងច្រើន ដើម្បីសម្រួលក្នុងជីវភាពផងដែរ។
ផ្ទុយទៅវិញ បើសិនជាធ្វើការតម្លើងដោយគំហ៊ុកពេក អាចជាហានិភ័យធ្ងន់ធ្ងរដល់និយោជក នឹងបណ្តាលឲ្យថៅកែរោងចក្រផ្នែកវិស័យកាត់ដេរ
និងសម្លៀកបំពាក់រើទៅកាន់ប្រទេសផ្សេងនោះ តើអ្នកណាទទួលខុសត្រូវ?
ហើយកម្មករខ្មែររាប់ម៉ឺននាក់នឹងប្រឈម ការលំបាក វេទនាយ៉ាងណាខ្លះ?
យោងតាមសេចក្តីប្រកាសរបស់ក្រសួងការងារ
និងបណ្តុះបណ្តាលវិជ្ជាជីវៈ កាលពីថ្ងៃទី២៤ ខែធ្នូ ឆ្នាំ២០១៣ គឺការសម្រេចដំឡើងប្រាក់ឈ្នួលអប្បបរមាដល់កម្មករ
វាជាសមត្ថកិច្ចរបស់គណៈកម្មការប្រឹក្សាការងារ
ដែលជាយន្តការត្រីភាគីរវាង រាជរដ្ឋាភិបាល តំណាងអង្គការនិយោជក និងតំណាងអង្គការសហជីព
និយោជិត។ ក្នុងយន្តការនេះ
ភាគីនីមួយៗមានសិទ្ធិលើកសំណើររបស់ខ្លួន ឯការសម្រេច គឺត្រូវយកសម្លេងភាគច្រើននៃគណៈកម្មការប្រឹក្សាការងារ
ដែលជាយន្តការត្រីភាគី មិនមែនជាយន្តការផ្តាច់មុខរបស់ភាគីណាមួយនោះទេ។
ជាលទ្ធផលនៃការពិភាក្សា
និងយោងលើស្ថានការណ៍ចាំបាច់ យន្តការត្រីភាគី
ក៏បានចេញនូវសេចក្តីសម្រេចរបស់ខ្លួន គឺចាប់ពីថ្ងៃទី ១ ខែមករា
ឆ្នាំ២០១៤ តទៅ ដល់ឆ្នាំ២០១៨ នឹងមានការដំឡើងប្រាក់បន្ថែមដល់កម្មករពីដល់១៥ដុល្លារ
ដល់១៧ដុល្លារ ។ បានន័យថា បន្ថែមប្រាក់ឈ្នួលពី៨០ ដុល្លារ រហូតដល់១៦០
ដុល្លារ សម្រាប់កម្មករពេញសិទ្ធិ និងពី៧៥ ដុល្លារ ដល់១៥៥ ដុល្លារ សម្រាប់កម្មករសាកល្បង។
ចំពោះការដំឡើងប្រាក់ខែកម្មករនេះ នឹងធ្វើឡើងរៀងរាល់ឆ្នាំ និងនៅពេលវេលាចាំបាច់
គឺនឹងមានការពិភាក្សាគ្នាជាបន្តបន្ទាប់ទៀត។
ការប្រកាសនេះ វាពិតជាសបញ្ជាក់ឲ្យឃើញពីការយកចិត្តទុកដាក់របស់រាជរដ្ឋាភិបាល
និយោជក និងសហជីពមួយចំនួន ក្នុងការលើកកម្ពស់ជីវភាពរស់នៅរបស់កម្មករ
វាផ្ទុយពីក្រុមរបស់ លោក រ៉ុង ឈុន ដែលប្រើឈ្មោះជាសហភាពសហជីព ប៉ុន្តែការពិត បាន និងកំពុងធ្វើសកម្មភាព
គ្មានច្បាប់ទម្លាប់ ជាមួយនឹង ប្រធានគណបក្សប្រឆាំង
ដែលបានឆក់យកចំណេញខាងនយោបាយរបស់ខ្លួនលើបញ្ហានេះ ហើយ ដើរញុះញង់កម្មករ
ឲ្យចូលរួមធ្វើបាតុកម្មជាមួយគណបក្សខ្លួន ដោយទាមទារឱ្យរាជរដ្ឋាភិបាលត្រូវតែដំឡើងឲ្យបាន១៦០ដុល្លារនៅឆ្នាំ២០១៤
នេះតែម្តង ។
នេះ ជាការដាក់គំនាបមកលើរាជរដ្ឋាភិបាល
ដោយពុំបានគិតអំពីផលវិបាករបស់និយោជក ដែលកំពុងប្រឈម នឹងស្ថានការណ៍ទើបនឹងងើបឡើងនៃវិបត្តិសេដ្ឋកិច្ច។
ការពិត វាគ្រាន់តែជាការបោកបញ្ឆោត ល្បួង និងកៀងគកម្លាំងកម្មករ
ក្នុងទិសដៅបំរើផលប្រយោជន៍នយោបាយរបស់ខ្លួន
ដែលធ្វើឱ្យក្រុមកម្មករបានលុង និងជឿតាមសម្តីបោកប្រាស់នេះ
និងមិនបាន គិតពីផលប៉ះពាល់ដល់កម្មករ ជាមួយការប្រឈមនឹងបាត់បង់ការងារ នៅពេលដែលការទាមទារយ៉ាងលឿននេះអាចធ្វើឲ្យនិយោជក
ខាតបង់ ហើយឈប់បន្តរកស៊ីវិនិយោគនៅកម្ពុជា។
សួរថា
ប្រសិនបើនិយោជកផ្នែកវិស័យកាត់ដេរ និងសម្លៀកបំពាក់បិទទ្វារ
ហើយដូរគោលដៅទៅប្រទេសដ៏ទៃទៀតនោះ
តើមេដឹកនាំគណបក្សសង្រ្គោះជាតិហ៊ានទទួលខុសត្រូវចំពោះជីវភាពគ្រួសារ
របស់កម្មករដែរឬទេ?។ ហើយនៅពេលដាច់ខែម្តងៗឪពុកម្តាយ
ក្រុមគ្រួសាររបស់កម្មករតែងតែទន្ទឹងរង់ចាំ
ប្រាក់ខែរបស់កូនដែលផ្ញើររៀងរាល់ខែសម្រាប់តម្រូវការក្នុង
គ្រួសារនីមួយៗ។
ប៉ុន្តែប្រសិនរោងចក្របិទទ្វា
ហើយកូនរបស់ខ្លួនវិលត្រឡប់ទៅផ្ទះឯស្រុកកំណើតវិញប្រាកដជា
នឹងជួបប្រទះលើការខ្វះខាតប្រាក់លើការចំណាយក្នុងគ្រួសារ
ជាក់ជាពុំខាន
។ បើជួបស្ថានភាពអញ្ចឹងគ្រប់គ្នានៅតាមជនបទនានានោះ
តើគណបក្សសង្រ្គោះជាតិទទួលខុសត្រូវយ៉ាងដូចម្តេច?
។
ការដឹកនាំប្រទេស
មិនមែនគេធ្វើតាមអារម្មណ៍នោះឡើយ គឺគេត្រូវមានយន្តការដោះស្រាយជាជំហានៗ
ដើម្បីបញ្ចៀសនូវផលវិបាកផ្សេងៗដែលនឹងត្រឡប់វិញ។ ប៉ុន្តែ គណបក្សសង្រ្គោះជាតិ ដែលមិនមែនជារាជរដ្ឋាភិបាល
គឺមិនខ្វល់អំពីការលំបាកទាំងនោះទេ ដោយសារពួកគេមានតែការសន្យាខ្យល់
គឺវាងាយស្រួលបំផុត ប៉ុន្តែ ការពិតមិនដូច្នោះឡើយ។ ដូច្នេះ
ការសុខចិត្តទទួលយកប្រាក់ខែសមរម្យ និងទទួលបានផលជាបន្តបន្ទាប់ គឺវាប្រសើជាងបាត់បង់ទាំងស្រុង
ក្នុងន័យថា «ច្រូតស្រូវក្នុងទឹក ប្រសើរជាងអត់ស្រូវច្រូត» ៕
បទអត្ថាធិប្បាយ៖ ប្រឆាំងដើម្បីអភិវឌ្ឍ ឬប្រឆាំងដើម្បីបំផ្លាញជាតិ?
សៀន
វិបុត្រ
ក្រោយការប្រកាស
លទ្ធផលបោះឆ្នោត ជ្រើសតាំងតំណាងរាស្ត្រនីតិកាលទី៥
នៃរដ្ឋសភា
គេបានឃើញយ៉ាងច្បាស់ពីឆន្ទៈរបស់ប្រជាពលរដ្ឋខ្មែរភាគច្រើន
ពួកគាត់បានសម្រេចផ្តល់សេចក្តីទុកចិត្តជូនដល់គណបក្សប្រជាជនកម្ពុជា
ដែលគេស្រឡាញ់ គេពេញចិត្ត និងគេជឿជាក់។ មជ្ឈដ្ឋានជាតិ និងអន្តរជាតិ
បានបញ្ជាក់ថា
ការបោះឆ្នោតនេះ បានប្រព្រឹត្តទៅដោយសេរី យុត្តិធម៌ និងតម្លាភាព។
ទោះជាលទ្ធផលបានបង្ហាញជាក់ស្តែងបែបនេះហើយក្តី
ក៏គណបក្សប្រឆាំងមិនទទួលស្គាល់ការពិតនោះឡើយ បែរជាដើរបង្កព្យុះភ្លៀង ស្ទើរគ្រប់ទីកន្លែងទៅវិញ។
គណបក្សប្រឆាំងបានដើរភូតកុហក បោកប្រាស់ប្រជារាស្ត្រឲ្យជឿលើខ្លួន
ហើកៀងគរពួកគាត់ឲ្យមកធ្វើបាតុកម្មឥតឈប់ឈរ ដើម្បីប្រឆាំងនឹងរាជរដ្ឋាភិបាលស្របច្បាប់
ដោយប្រើពាក្យយ៉ាងអសុរស គ្មានសីលធម៌ថា រាជរដ្ឋាភិបាលសព្វថ្ងៃជារាជរដ្ឋាភិបាលមិនគ្រប់ទឹក
រាជរដ្ឋាភិបាលគម្រក់។ ល ។
ក្នុងន័យនេះ យើងសូមសួរទៅលោកសម រង្ស៊ី
និងលោកកឹម សុខា ថា តើអ្នកទាំងពីរដឹងទេថា មានគណបក្សនយោបាយប៉ុន្មាន ដែលបានចុះក្នុងបញ្ជីឈរឈ្មោះបោះឆ្នោតជ្រើសតាំងតំណាងរាស្ត្រនីតិកាល៥
នៃរដ្ឋសភានោះ? តើមានគណបក្សប៉ុន្មានដែលទទួលបានអាសនៈ នៅក្នុងរដ្ឋសភា?
តើគណបក្សណាដែលក្បត់នឹងរដ្ឋធម្មនុញ្ញ មិនទទួលស្គាល់ការកោះប្រជុំ របស់
ព្រះមហាក្សត្រ នៃព្រះរាជាណាចក្រកម្ពុជានោះ?
សូមបញ្ជាក់ថា រាជរដ្ឋាភិបាលនីតិកាលទី៥នេះ
គឺបង្កើតឡើងដោយភាពត្រឹមត្រូវ ស្របច្បាប់ គឺស្របតាមច្បាប់រដ្ឋធម្មនុញ្ញ នៃព្រះរាជាណាចក្រកម្ពុជា។
បច្ចុប្បន្ន រាជរដ្ឋាភិបាលកំពុងត្រូវឃ្លាំមើលដោយយកចិត្តទុកដាក់ពីសំណាក់អ្នកសង្កេតការណ៍ជាតិ
និងអន្តរជាតិ។ អង្គការសហប្រជាជាតិក្តី បណ្តាប្រទេសជាមិត្តនឹងកម្ពុជាក្តី
បានទទួលស្គាល់រាជរដ្ឋាភិបាល ដែលទើបនឹងបង្កើតឡើងនេះ។
គណបក្សប្រឆាំងធ្វើអ្វីៗ ដើម្បីតែអំណាចរបស់ខ្លួន
និងបក្ខពួកខ្លួនតែប៉ុណ្ណោះ មិនបានគិតពីផលប្រយោជន៍ប្រជារាស្ត្រ
និងជាតិជាធំនោះទេ។ រាល់សកម្មភាពរបស់ខ្លួនគ្រប់យ៉ាង គឺធ្វើដើម្បីតែ មហិច្ឆតារបស់ខ្លួនតែម្យ៉ាង
មិនគិតប្រយោជន៍ជាតិ មិនគោរពច្បាប់ប្រទេសឡើយ។
សួរថាពេលដែលប្រជាជនជួបបញ្ហាគ្រោះទឹកជំនន់
តើគណបក្សប្រឆាំងបានធ្វើអ្វីខ្លះ? មេបក្សប្រឆាំងគិតតែអំពាវនាវឲ្យប្រជាជនចូលរួមធ្វើបាតុកម្មឲ្យបានច្រើនកុះករ។
គេសប្បាយចិត្តនឹងឃើញអ្នកគាំទ្ររបស់គេនៅស្រែចម្ការ បិទទ្វាផ្ទះ ចោលគោ ក្របី
វេចបាយកញ្ចប់មកចូលរួមបាតុកម្មរបស់ពួកគេ។ លើសពីលើនេះ ពួកគេបានសុំបិណ្ឌបាតប្រជាជន
ឲ្យចូលមូលនិធិសង្រ្គោះជាតិ ដើម្បីផ្គង់ផ្គង់ការធ្វើបាតុកម្មរបស់ខ្លួន
ដោយមិនគិតគូរពីប្រជាជន ដែលរងគ្រោះដោយទឹកជំនន់ឡើយ។ ថែមពីលើនេះទៀត នៅពេលដែលប្រទេសកំពុងត្រូវការជំនួយ
ត្រូវការការវិនិយោគទុនពីបរទេស ដើម្បីអភិវឌ្ឍប្រទេសជាតិ គណបក្សប្រឆាំងបែរជាអំពាវនាវម្តងហើយម្តងទៀត
ព្រមទាំងបានចេញលិខិតចំហមួយ ផ្ញើឲ្យបរទេស ឈប់ផ្តល់ជំនួយ ឈប់ផ្តល់ប្រាក់កម្ចី
និងឈប់វិនិយោគនៅកម្ពុជាតទៅទៀតជាដើម។ ពួកនេះបានស្រែកឡាំប៉ាដាក់គេ ដោយចោទបំភាន់ការពិតថា
រាជរដ្ឋាភិបាលសព្វថ្ងៃមិនស្របច្បាប់។
មកដល់ពេលនេះ
គណបក្សប្រឆាំងនៅតែមិនព្រមទទួលស្គាល់ថាខ្លួនចាញ់ទៀត នៅតែក្រាញននៀល ចង់បានតំណែងនាយករដ្ឋមន្ត្រី
ដោយមិនខ្វល់ពីអ្វីទាំងអស់ ឲ្យតែខ្លួនបានអំណាច។ លោកសម រង្ស៊ី និងលោកកឹម
សុខា តែងតែនិយាយថា ខ្លួនចង់លើកកម្ពស់កម្រិតជីវភាពរបស់ប្រជាជន
តែអ្នកទាំងពីរមិនបានគិតទេថា ប្រជាពលរដ្ឋភាគច្រើនជាកសិករ អ្នកស្រែចម្ការ រកស៊ី
ដើម្បីចិញ្ចឹមជីវិតគ្រួសារ។ មួយវិញទៀត
រដូវនេះ ជារដូវប្រមែប្រមូលផលស្រូវ
ផលដំណាំផងនោះ ។ ចុះបើពួកគាត់រវល់តែមកចូលរួមធ្វើបាតុកម្ម តើជីវិត
និងជីវភាពក្រុមគ្រួសារទាំងមូលនឹងក្លាយទៅជាយ៉ាងណាទៅ? ហើយចុះ
កសិផលរបស់ពួកគាត់វិញនោះ តើពួកគាត់ត្រូវទុកផល ដែលត្រូវច្រូតកាត់
ឬទុកឲ្យបន្លែ ដែលត្រូវបេះ ឲ្យចោលខូច ឬយ៉ាងណា?
ប៉ុន្តែអ្វីដែលគួរឲ្យសោកស្តាយចំពោះប្រជាពលរដ្ឋនោះ
គឺក្តីរំពឹងដែលពួកគេផ្ញើសេចក្តីទំនុកចិត្តលើលោកសម រង្ស៊ី និងលោកកឹម
សុខានោះ ត្រូវបានបុគ្គលទាំងពីររូបនេះ ជាន់ឈ្លីស្ទើរទាំងស្រុងទៅហើយ
ដូចជាមូលនិធិដែលបងប្អូនប្រជាពលរដ្ឋបានខិតខំរៃអង្គាស បេះពីមាត់ ពង្រាត់ពីក
យកមកចូលរួមជាមួយគណបក្សសង្រ្គោះជាតិបានចំនួនជាង១០ម៉ឺនដុល្លារនោះ ត្រូវបានបុគ្គលល្មោភអំណាចទាំងពីរ
កេងប្រវ័ញ្ចស្ទើរគ្មានសល់។ បើសិនជាមេបក្សប្រឆាំងគិតគូរពីសុខទុក្ខរបស់ប្រជារាស្ត្រ
និងប្រទេសជាតិជាធំពិតមែននោះ ច្បាស់ជាមេបក្សប្រឆាំងមិនយកប្រជារាស្ត្រធ្វើជាឈ្នាន់នយោបាយ
ដើម្បីឈានទៅរកអំណាច ដែលខ្លួនតែងតែស្រមៃចង់បាន នោះទេ។
ដូច្នេះ
គណបក្សប្រឆាំងគួរតែរួបរួមគ្នាដើម្បីអភិវឌ្ឍប្រទេស ឲ្យរីកចម្រើនទៅមុខ
កុំឲ្យបរទេសមួយចំនួនមាក់ងាយប្រទេសយើង។ បើជាខ្មែរ ត្រូវតែស្រឡាញ់ខ្មែរ ដូចពាក្យថា
«ខ្មែរតែមួយ អនាគតតែមួយ»
កុំប្រឆាំងដើម្បីអំណាចបុគ្គល
ឬដើម្បីបំផ្លាញជាតិ គួរតែប្រឆាំងដើម្បីស្ថាបនាប្រទេសទើបប្រសើរ។ ហេតុនេះ
គណបក្សប្រឆាំងគួរបញ្ឈប់នូវរាល់ទង្វើទាំងឡាយដែលមិនបានផ្តល់ផលប្រយោ
ជន៍ចំពោះប្រជាជន
និងប្រទេសជាតិតទៀតទៅ។
អំពីអ្នកនិពន្ធ ៖ សៀន វិបុត្រ ជាជនពិការភ្នែកទាំងពីរ
បញ្ចប់បរិញ្ញាបត្រអក្សរសាស្រ្តឆ្នាំ២០១០
បញ្ចប់វគ្គវិក្រឹត្យការមន្ត្រីជាន់ខ្ពស់
ផ្នែករដ្ឋបាលទូទៅ និងនយោបាយ
នៅសាលាភូមិន្ទរដ្ឋបាលឆ្នាំ២០១១
បទអត្ថាធិប្បាយ៖ ក្រុមប្រឆាំងយកដងផ្លូវ និងប្រជាពលរដ្ឋក្នុងរាជធានីភ្នំពេញធ្វើជាចំណាប់ខ្មាំង
អត្ថបទដោយ: ឧត្តម សក្តិ
ការមិនទទួលស្គាល់ពីភាពបរាជយ័លើសមរភូមិប្រជាធិបតេយ្យ
តាមរយៈការបោះឆ្នោតកាលពីថ្ងៃទី២៨ ខែកក្កដា ឆ្នាំ២០១៣ កន្លងមក របស់មេដឹកនាំគណបក្សប្រឆាំង
បាន និងកំពុងរុញច្រានស្ថានការណ៍នយោបាយកម្ពុជាអោយធ្លាក់ក្នុងស្ថានភាពវឹកវដែលបង្ករទ្បើងដោយបាតុកម្មបែបអនាធិបតេយ្យ
រៀងរាល់ថ្ងៃដោយគ្មានច្បាប់ទម្លាប់ ។
ការសំរេចចិត្តយ៉ាងគ្រហើន
ក្នុងការយកដងផ្លូវ និងប្រជាជនក្នុងរាជធានីភ្នំពេញធ្វើជាចំណាប់ខ្មាំង ពីសំណាក់លោកសម
រង្ស៊ី និងលោក កឹម សុខា បានបង្កនូវការមិនសប្យាយចិត្ត, កំហឹង ការធុញទ្រាន់ និងមានការចោទសួរជាច្រើនអំពីសាធារណៈជនទូទៅថា
តើហេតុអ្វីបានជាលោកសម រង្ស៊ី និង កឹម សុខា ធ្វើបែបនេះ? ហេតុអ្វីបានជាលោកសម រង្ស៊ី មិនធ្វើបាតុកម្មនៅនឹងកន្លែងតែក្នុងទីលានប្រជាធិបតេយ្យដែលអាជ្ញាធរបានកំណត់ឲ្យ? ហេតុអ្វីបានជាមេបក្សប្រឆាំងជ្រើសរើសយកការដង្ហែក្បួនដែលបង្កឲ្យមានការកកស្ទះចរាចរណ៍
និងបង្កការំខានដ៏គួរឲ្យធុញទ្រាន់បែបនេះ?
រាល់សកម្មភាពទាំងអស់ត្រូវបានគេដឹងថា
ការធ្វើបាតុកម្មនៅនឹងកន្លែងនឹងមិនអាចប្រមែរប្រមូលអ្នកចូលរួមឲ្យបានច្រើនតាមចិត្តដែលលោកសម
រង្ស៊ី និង កឹម សុខា ចង់បាននោះឡើយ វានឹងកាន់តែខ្សត់មនុស្សចូលរួមទៅៗ។ យុទ្ធសាស្រ្តថ្មីរបស់គណបក្សប្រឆាំងតាមរយៈការហែរក្បួនឡាន
ម៉ូតូ សំដៅទីប្រជុំជនធំៗដែលមានសភាពមមាញឹក និងផ្លូវដែលតូចចង្អៀត
គឺជារបៀបកេងចំណេញចំនួនមនុស្សបានដោយងាយ។
តើហេតុអ្វីបានជាបក្សប្រឆាំងធ្វើបែបនេះ ? ការដែលគេធ្វើបែបនេះ គឺអាចធ្វើឲ្យគេមើលឃើញនូវទិដ្ឋភាពមួយផ្សេងលើកំលាំងចូលរួម
ពោលគឺនៅទីកន្លែងចង្អៀតនឹងមានមនុស្សច្រើន នៅពេលដែលក្បួនបាតុកម្មទៅដល់នឹងមានអ្នកឈរមើល
បូករួមជាមួយនឹងការកកស្ទះចរាចរណ៍ផង គឺទិដ្ឋភាពេលនោះនឹងពោរពេញទៅដោយហ្វូងមនុស្ស។
វិធីនេះ នៅពេលថតចេញជារូបភាព គឺពិតជាកកកុញពោរពេញទៅដោយហ្វូងមនុស្ស
បើទោះបីការពិតវាមិនដូចអ្វីដែលគេបានឃើញក្នុងរូបភាពនោះក៏ដោយ។
រូបភាពបែបបោកបញ្ឆោតនេះ ត្រូវបានគេយកទៅប្រើប្រាស់ក្នុងបណ្តាញទំនាក់ទំនងសង្គមថ្មី
(Facebook Youtube) ឬក៏តាមមធ្យោបាយនានា
ដើម្បីឃោសនាបង្ហាញពីកំលាំងគាំទ្ររបស់គេ ដើម្បីដាក់ការគាបសង្កត់មកលើរាជរដ្ឋាភិបាល
ពិសេសគណបក្សកាន់អំណាច តាមការប្រកូកប្រកាស់ថា គេមានអ្នកគាំទ្រជាច្រើនម៉ឺននាក់
។
យុទ្ធសាស្ត្រខាងលើនេះត្រូវបានក្រុមអ្នកតាមដានស្ថានការណ៍នយោបាយកម្ពុជាបកស្រាយថា ការអនុវត្តនូវអ្វីដែល
មេបក្សប្រឆាំងហៅថាបាតុកម្មអហិង្សា ក្នុងចេតនាបង្កើតជាបដិវត្តមហាជន កំពុងតែធ្វើឲ្យមានចលនាបះបោរនាំឲ្យមានចលាចលសង្គម
តាមរយៈសកម្មភាពគៀងគរ បំផុសបំផុល តាមមនោគមវិជ្ជានៃការបោកបញ្ឆោតមនុស្សអោយចូលរួមបាតុកម្ម
ហែរក្បួនប្រសេចប្រសាចគ្មានសណ្តាប់ធ្នាប់
ពេញដងវិថីនានាក្នុងរាជធានីភ្នំពេញបើទោះបីអាជ្ញាធរមិនបានអនុញ្ញាតក៏ដោយនោះ
។
ការអុចអាល ញុះញុងមហាជនអោយក្រោកទ្បើងបះបោ មានតម្លៃស្មើ
ទៅនឹងការធ្វើរដ្ឋប្រហារ រំលោភលើឆន្ទៈរាស្រ្ត
តាមរយៈសន្លឹកឆ្នោត កាលពីថ្ងៃទី២៨ ខែកក្កដា ឆ្នាំ២០១៣ ។ ទង្វើនេះ គឺជារដ្ឋប្រហារដ្ឋធម្មនុញ្ញដែលជាច្បាប់កំពូលរបស់ជាតិ
យ៉ាងជាក់ច្បាស់ ។
សកម្មភាពរបស់គណបក្សប្រឆាំង
គឺបានប្រាស់ចាកទាំងស្រុងពីផ្លូវច្បាប់ សីលធម៌ គុណធម៌ និងបំផ្លាញដល់សន្តិសុខ សណ្តាប់ធ្នាប់សាធារណៈ និងប៉ះពាល់យ៉ាងខ្លាំងដល់មុខរបបរទទួលទានរបស់ប្រជាពលរដ្ឋទូទៅ
។ ក្រៅពីនេះ សកម្មភាពអានាធិបតេយ្យនេះ គឺ បាន និងកំពុងទាញទម្លាក់នូវកិត្យានុភាពជាតិដែលមានអរិយធម៌ខ្ពង់ខ្ពស់
ប្រជាជាតិស៊ីវីលយ័ ឱ្យធ្លាក់ចូលក្នុងអន្លុងនៃភាពអាប់ឱន ដោយសារតែការឆ្គួតវង្វេង
និងការចង់បានអំណាចក្រៅរង្វង់ច្បាប់ តាមរយៈការបំផុសអោយមានបដិវត្តមហាជន ។
ទោះជាយ៉ាងណាក៏ដោយ
ប្រជាពលរដ្ឋនៅកម្ពុជាបានដឹងយ៉ាងច្បាស់ណាស់ថា ការដែលគណបក្សសង្គ្រោះជាតិ
យកដងផ្លូវ និងប្រជាជនក្នុងរាជធានីភ្នំពេញធ្វើជាចំណាប់ខ្មាំងនេះគឺ
វាផ្ទុយពីច្បាប់យ៉ាងជាក់ច្បាស់ ។
ពិតហើយថា
រដ្ឋធម្មនុញ្ញចែងអំពីសិទ្ធិសេរីភាពឲ្យប្រជាពលរដ្ឋសម្តែងមតិ ការហែក្បួន
ការធ្វើបាតុកម្ម ប៉ុន្តែសិទ្ធិនោះ ត្រូវធ្វើអ្វីមួយស្ថិតនៅក្នុងក្របខណ្ឌនៃច្បាប់
និងត្រូវគោពសិទ្ធិរបស់អ្នកដទៃផង។ ប៉ុន្តែ
មេដឹកនាំគណបក្សប្រឆាំងមិនបានលើកកំពស់ការពង្រឹងនីតិរដ្ឋទេ
គឺមានតែការប្រមាថ និងជាន់ឈ្លីលើច្បាប់តែប៉ុណ្ណោះ។
ការពង្រឹងនីតិរដ្ឋ គឺមិនមែនជាអំពើបះបោរនៅតាមដងផ្លូវនោះទេ
។ បើកម្ពុជាជ្រើសរើសយកទម្លាប់បែបនោះមែន
គឺមិនចាំបាច់ធ្វើការបោះឆ្នោតនាំតែខាតថវិកាជាតិនោះឡើយ។
Subscribe to:
Posts (Atom)