ទោះបីមានកម្លាំងនយោបាយ
និងមជ្ឈដ្ឋានអគតិមួយចំនួន
បានព្យាយាមឥតឈប់ឈរក្នុងការបំភ្លៃ
ប្រវត្តិសាស្ត្រពីសទៅជាខ្មៅ ពីខ្មៅទៅជាស ថ្ងៃ៧មករា
ជាថ្ងៃរំដោះប្រជាជន
និងប្រទេសជាតិឱ្យរួចផុតពីសេចក្ដីទុក្ខសោកវេទនា
និងការកាប់សំលាប់យ៉ាងព្រៃផ្សៃក្នុងរបបប្រលយ័ពូជសាសន៍
ប៉ុលពតយ៉ាងណាក៍ដោយ រហូតមកដល់ពេលនេះ ស្មារតីថ្ងៃ៧ មករា
នៅតែបានស្ថិតស្ថេរជាប់ជានិច្ចក្នុងក្រអៅបេះដូងប្រជាជនកម្ពុជា
គ្រប់ៗរូប។គណបក្សប្រជាជន ដែលទទួលការគាំទ្រពីប្រជាជន
គណបក្សប្រជាជនកម្ពុជានឹងធ្វើអ្វីៗគ្រប់យ៉ាងដើម្បីការពារ
រដ្ឋសភា និងការពារ រាជរដ្ឋាភិបាលដែលកើតចេញពីការបោះឆ្នោត
ការពាររដ្ឋធម្មនុញ្ញ ការពារលទ្ធិប្រជាធិបតេយ្យ
ហើយមិនអនុញ្ញាត ឲ្យកម្លាំងនយោបាយណា
ឬមជ្ឈដ្ឋានអគតិណាមកបំផ្លាញដំណើរការរីកចម្រើនរបស់ជាតិ
និងរាល់សមិទ្ធផល
ដែលប្រជាជនសម្រេចបានយ៉ាងលំបាកលំបិនបំផុតក្នុងរយៈពេល
៣៥ឆ្នាំ កន្លងមកនេះបានឡើយ។ នេះជាប្រសាសន៍លើកឡើងរបស់ ឯកឧត្ដម បណ្ឌិតសភាចារ្យ សុខ អាន
ឧបនាយករដ្ឋមន្រ្តី
រដ្ឋមន្រ្តីទទួលបន្ទុកទីស្ដីការគណៈរដ្ឋមន្រ្តី
និងជាសមាជិកគណៈកម្មាធិការកណ្ដាលគណបក្សប្រជាជនកម្ពុជា
ក្នុងពិធីមិទ្ទិញអបអរសាទរ រំលឹកខួបលើកទី៣៥
នៃទិវាជ័យជំនះ៧មករា
នៅខេត្តតាកែវនាព្រឹកថ្ងៃទី០៨មករាឆ្នាំ២០១៤ ដោយមានប្រជាជន
សិស្សានុសិស្ស កងកំលាំងប្រដាប់អាវុធ និងមហាជនចូលរួមជាង១ម៉ឺននាក់។
សុន្ទរកថារំលឹកខួបលើកទី៣៥ឆ្នាំថ្ងៃរំដោះ៧មករា១៩៧៩ របស់សម្ដេចពញាចក្រី ហេងសំរិនប្រធានកិត្តិយសគណបក្សប្រជាជនកម្ពុជានិងជាប្រធានរដ្ឋសភាអាណត្តិទី៥ ដែលត្រូបានអានដោយឯកឧត្ដម ស្រី បេន
អភិបាលខេត្តតាកែវ មានខ្លឹមសារថា ជ័យជំនះ ៧ មករា
បានសង្គ្រោះប្រជាជនកម្ពុជាឲ្យរស់រានមានជីវិតឡើងវិញ
បានទាន់ ពេលវេលា។ ជ័យជំនះ ៧ មករា
បានបញ្ចប់ដំណាក់កាលដ៏ខ្មៅងងឹតបំផុតរបស់កម្ពុជា
និងបើកឡើងនូវសករាជថ្មី ដែលប្រជាជនដណ្តើមបាន
មកវិញនូវសិទ្ធិ សេរីភាព កិត្តិយស និងសេចក្តីថ្លៃថ្នូរ
ហើយឈានទៅធ្វើជាម្ចាស់លើជោគវាសនារបស់ខ្លួនពិតប្រាកដ។
ជ័យជំនះ ៧ មករា
បានផ្តល់ឱកាសដល់ការប្រមូលផ្តុំមកវិញនូវសក្ដានុពលទាំងឡាយ
របស់ជាតិ ដើម្បីស្តារ និងកសាងមាតុភូមិជាថ្មីឡើងវិញ។
ប្រជាជនយើងចងចាំជានិច្ចថា “ថ្ងៃជ័យជំនះ ៧ មករា
ជាថ្ងៃកំណើតទី ២ របស់ខ្លួន បើគ្មានជ័យជំនះថ្ងៃ ៧ មករា
ក៏យើងមិនអាចមានអ្វីៗដូចថ្ងៃនេះដែរ”។
ឯកឧត្ដម បណ្ឌិតសភាចារ្យ សុខ អាន
មានប្រសាសន៍ថា ការប្រារព្វពិធីរំលឹកអនុស្សាវរីយ៍៧មករា
គឺដើម្បីឱ្យប្រជាជនកម្ពុជាទាំងអស់ចងចាំ
និងរួមចំណែកទប់ស្កាត់របបប្រលយ័ពូជសាសន៍ប៉ុលពតនេះកុំឲ្យវិល
ត្រឡប់មកវិញនៅកម្ពុជា។
ជាសាក្សីយ៉ាងច្បាស់រាជរដ្ឋាភិបាលកម្ពុជាបានបង្កើតឱ្យមានអង្គ
ជំនុំជំរះវិសាមញ្ញាកាត់ទោសអតីតមេដឹកនាំខ្មែរក្រហមដើម្បីរួម
ចំណែកលប់បំបាត់និទណ្ឌភាពឧក្រិដ្ឋកម្មប្រល័យពូជសាសន៍ប៉ុលពត
និងធ្វើឱ្យប្រជាជនកម្ពុជា
និងកូនចៅខ្មែរទាំងអស់បានយល់ដឹងពីប្រវត្តិសាស្រ្តដឹក
នាំដោយរបបឃោរឃៅព្រៃផ្សៃប៉ុលពត។
សមិទ្ធិផលដ៍ធំធេងរបស់គណបក្សប្រជាជនកម្ពុជា គឺបានរំដោះប្រទេសជាតិ
និងប្រជាជនកម្ពុជាឱ្យរួចផុតពីការកាប់សំលាប់
និងធ្វើឱ្យជាតិរស់ឡើងវិញបានរំដោះប្រទេសឱ្យចាកផុតពីសង្រ្គាម
ស៊ីវិលរក្សាបានសុខសន្តិភាពស្ថេរភាពនយោបាយ និងអភិវឌ្ឍន៍
និងបានបន្តការកសាងសមិទ្ធិផលជាច្រើនទូទាំងប្រទេស។ ឆ្លងតាម
ដំណើរវិវត្តន៍ជាវិជ្ជមានដ៏ធំធេងនៃសភាពការណ៍កម្ពុជាមក
ទល់ពេលនេះ បានបង្ហាញយ៉ាងច្បាស់ថា
ជាមួយនឹងការដឹកនាំរបស់គណបក្សប្រជាជនកម្ពុជា
ប្រទេសកម្ពុជាបាន
នឹងកំពុងតែឈានទៅមុខតាមទិសដៅដ៏ត្រឹមត្រូវពិតប្រាកដ។
ប៉ុន្តែទោះបីជាសច្ចធម៌បានបង្ហាញយ៉ាងច្បាស់ក្រឡែតយ៉ាងនេះ
ហើយក្តី ក៏រយៈពេល ៣៥ឆ្នាំ កន្លងមកនេះ មានកម្លាំងនយោបាយ
និងមជ្ឈដ្ឋានអគតិមួយចំនួន
បានព្យាយាមឥតឈប់ឈរក្នុងការបំភ្លៃ ប្រវត្តិសាស្ត្រ ពីសទៅជាខ្មៅ ពីខ្មៅទៅជាស
សំដៅវាយប្រហារលើការដឹកនាំរបស់គណបក្សប្រជាជនកម្ពុជា
ដើម្បីធ្វើឲ្យសម្រេចនូវយុទ្ធសាស្ត្រនៃមហិច្ឆតាដណ្តើមអំណាច
របស់ខ្លួន។
ឯកឧត្ដម បណ្ឌិតសភាចារ្យ សុខ អាន
បានលោកឡើងថាគណបក្សប្រឆាំងតែងតែរកល្បិចកលភូតភរបោកប្រជាជន
មតិជាតិ និងអន្តរជាតិដោយបានចោទគ.ជ.ប ថា លួចសន្លឹកឆ្នោត
និងលុបឈ្មោះប្រជាជនក្នុងបញ្ជីឈ្មោះបោះឆ្នោត
និងបានចោទការបោះឆ្នោត ថាមិនមានភាពប្រក្រតី
ទង្វើទាំងនេះគឺដើម្បីញុះញង់ឱ្យប្រជាជនធ្វើបាតុកម្ម។
តាមពិតគ.ជ.ប បានអនុវត្តយ៉ាងត្រឹមត្រូវតាមច្បាប់នៃការបោះឆ្នោត
ទន្ទឹមនិងនេះមានអ្នកសង្កេតការណ៍ជាតិ
និងអន្តរជាតិបានវាយតម្លៃថា
ការបោះឆ្នោតនៅកម្ពុជាបានប្រព្រឹត្តិទៅដោយត្រឹមត្រូវយុត្តិធម៌
តម្លាភាព លទ្ធិប្រជាធិប្បតេយ្យ សេរីពហុបក្ស។
ពួកគេនៅតែតាំងខ្លួនជាសត្រូវនឹងជ័យជំនះ ៧ មករា
ដែលបានផ្តល់កំណើតថ្មីដល់ប្រជាជនកម្ពុជា
ដោយឃោសនាមួលបង្កាច់ការពិត បំភ័ន្តមតិប្រជាជន មិនគោរព
រដ្ឋធម្មនុញ្ញ និងមិនច្បាប់ ហើយឃុបឃិតគ្នារិះរកគ្រប់វិធី
ដើម្បីបដិសេធន៍
រាល់សមិទ្ធផលដែលគណបក្សប្រជាជនកម្ពុជាបានសម្រេចជូនជាតិ
បង្កអស្ថិរភាពនយោបាយ អស្ថិរភាពសេដ្ឋកិច្ច និងសង្គម។
ឯកឧត្ដម បណ្ឌិតសភាចារ្យ សុខ អាន
មានប្រសាសន៍បញ្ជាក់ថាប្រជាជនកម្ពុជានឹងមិនអនុញ្ញាតឲ្យអ្នកនយោបាយ
និងមជ្ឈដ្ឋានទាំងនោះសម្រេចនូវមហិច្ឆតាឥតព្រំដែនរបស់ពួកគេ
បានឡើយ។គណបក្សប្រឆាំង
បានជំរុញការធ្វើបាតុកម្មតាមដងផ្លូវ ដោយមិនគោរពច្បាប់
បន្តលើកឡើងដដែលៗ នូវការទាមទារនានារបស់ខ្លួន
ដែលគ្មានមូលដ្ឋានពិតប្រាកដ ផ្ទុយពីស្មារតីរដ្ឋធម្មនុញ្ញ
ច្បាប់របស់កម្ពុជា
និងផ្ទុយពីគោលការណ៍នៃលទ្ធិប្រជាធិបតេយ្យបែប
ហើយព្យាយាមបញ្ចុះបញ្ចូលឲ្យសហគមន៍អន្តរជាតិ
បញ្ឈប់ការផ្តល់ជំនួយមកឲ្យកម្ពុជា
និងកុំបន្តធ្វើសហប្រតិបត្តិការជាមួយរាជរដ្ឋាភិបាលកម្ពុជា
ក្នុងបំណងធ្វើឲ្យ ស្ថានភាពទូទៅកាន់តែលំបាកស្មុគស្មាញឡើង
ជាពិសេសប៉ុនប៉ងរាំងស្ទះដល់ការប្រព្រឹត្តទៅនៃស្ថាប័ន
ប្រជាធិបតេយ្យ របស់រដ្ឋ
ប៉ុនប៉ងបង្កការលំបាកដល់ស្ថានភាពសេដ្ឋកិច្ច
សណ្ដាប់ធ្នាប់សង្គម និងទំនាក់ទំនងអន្តរជាតិរបស់កម្ពុជា
ដើម្បីដាក់សម្ពាធលើរាជរដ្ឋាភិបាលដែលដឹកនាំដោយគណបក្ស
ប្រជាជនកម្ពុជា។ ចុងក្រោយនេះ គេចង់ បង្ខំឲ្យសម្តេចតេជោ
ហ៊ុន សែន
ចុះចេញពីតំណែងជានាយករដ្ឋមន្ត្រីនៃព្រះរាជាណាចក្រកម្ពុជា
និងទាមទារឲ្យមានការបោះឆ្នោតជាថ្មីឡើងវិញ
ដែលទង្វើបែបនេះគឺជាការបំពានយ៉ាងធ្ងន់ធ្ងរថែមទៀតលើរដ្ឋ
ធម្មនុញ្ញ គោលការណ៍នៃលទ្ធិប្រជាធិបតេយ្យបែបតំណាង
និងឆន្ទៈរបស់ប្រជាពលរដ្ឋកម្ពុជាភាគច្រើនលើសលប់។
ឯកឧត្ដមបណ្ឌិតសភាចារ្យ ខ អាន មានប្រសាសន៍បញ្ជាក់ពីជំហរគណបក្សប្រជាជនថា គណបក្ស
ប្រជាជនកម្ពុជានៅតែរក្សាជំហរនយោបាយ
ប្រកាន់ខ្ជាប់នូវសុឆន្ទៈដ៏ពិតប្រាកដ
និងស្មោះសរក្នុងការជួបចរចាគ្រប់កម្រិតជាមួយគណបក្ស
សង្គ្រោះជាតិ
សំដៅដោះស្រាយបញ្ហាដែលមិនទាន់បានស្រុះស្រួលជាមួយគ្នា
ដើម្បីឲ្យគណបក្សទាំងពីរបានរួមគ្នាបម្រើផលប្រយោជន៍របស់
ប្រទេសជាតិ និងប្រជាជន។ ក្នុងឱកាសនោះដែរឯកឧត្ដម
បណ្ឌិតសភាចារ្យ សុខ អាន និងលោកជំទាវ បានផ្ដល់រង្វាន់រួមមានម៉ូតូ
ម៉ាស៊ីនបូមទឹក កង់ និងថវិការជូនដល់ជយ័លាភីកីឡាករ
កីឡាការិនីប៉េតង់ និងបេក្ខជន បេក្ខនារី សូត្រកំណាព្យ
និងអ្នកនិពន្ធកំណាព្យផងដែរ។
Wednesday, January 8, 2014
បទអត្ថាធិប្បាយ៖ ភាពអត់ធ្មត់ពិតជាមានព្រំដែន
បទអត្ថាធិប្បាយ
ពង្ស សុក្រឹត្យ
ភាពអត់ធ្មត់ពិតជាមានព្រំដែន
ចុងសប្ដាហ៍កន្លងមកនេះ
សមត្ថកិច្ចបានធ្វើការបោសសំអាតក្រុមអនាធិបតេយ្យ ដែលប្រើអំពើហិង្សាយ៉ាងឃោរឃៅគ្មានព្រំដែន
ដើរបំផ្លិចបំផ្លាញទ្រព្យសម្បត្តិ និងផ្ទះសម្បែងប្រជាជន
និងហាងអ្នកប្រកបអាជីវកម្មមួយចំនួន រួមទាំងរោងចក្រជាច្រើនកន្លែងទៀតផង។
វិធានការក្តៅនេះ
គឺជាការអនុវត្តច្បាប់របស់ប្រទេស ដែលបង្ហាញពីភាពអត់ធ្មត់យ៉ាងក្រៃលែង
របស់រាជរដ្ឋាភិបាល និងកងកម្លាំងមានសមត្ថកិច្ច ដែលខំអត់ធ្មត់អស់រយៈពេល
៥ខែកន្លងមកហើយ។ គណបក្សប្រឆាំង បានឡាំប៉ា ចចេសពុំទទួលស្គាល់លទ្ធផលនៃការបោះឆ្នោត
កាលពីថ្ងៃទី២៨ ខែកក្កដា ឆ្នាំ ២០១៣ កន្លងទៅ បើទោះបីជា ស្ថាប័នជាតិ
ដែលមានសមត្ថកិច្ចពាក់ព័ន្ធនឹងការបោះឆ្នោតបានសម្រេចជាផ្លូវការ រីឯអ្នកសង្កេតការណ៍អន្តរជាតិ
បានអះអាងថា ការបោះឆ្នោតនេះ បានប្រព្រឹត្តិទៅដោយគ្មានអំពើហិង្សា ស្ថិតក្នុងបរិយាកាសសន្តិភាព
មានភាពសេរី និងយុត្តិធម៌ អាចទទួលយកបាន ហើយទន្ទឹមនឹងនោះ បក្សប្រឆាំងក៏ទទួលបានអាសនៈកើនឡើងយ៉ាងច្រើនរហូតដល់
៥៥ អាសនៈ ហើយក្តី ក៏បក្សប្រឆាំងនេះ មិនទទួលស្គាល់នូវការសម្រេចចិត្តរបស់ប្រជាពលរដ្ឋ
តាមរយៈសន្លឹកឆ្នោត ដដែល។
អស់រយៈពេលជាងកន្លះខែ កន្លងមកនេះ លោក សម រង្ស៊ី
និង កឹម សុខា បានធ្វើឲ្យប្រជាពលរដ្ឋនៅទូទាំងប្រទេស
ពិសេសប្រជាពលរដ្ឋនៅរាជធានីភ្នំពេញ ទទួលរងនូវការភ័យខ្លាច
អំពីអស្ថេរភាពសង្គម ដែលបង្កឡើងដោយចលនាបាតុកម្មរបស់ពួកគេ និងបានធ្វើឲ្យស្ថានការណ៍នយោបាយរបស់ប្រទេស
កាន់តែមានភាពផុយស្រួយ ធ្ងន់ធ្ងរទៅៗ ដែលមិនគួរអត់ធ្មត់បានតទៅទៀត ប្រសិនបើ
រាជរដ្ឋាភិបាល មិនចាត់វិធានការណ៍ច្បាប់ទេនោះ។ មេបក្សប្រឆាំងបានបង្កនូវសកម្មភាពញុះញង់
បំផុសបំផុលប្រជាពលរដ្ឋ អ្នកស្រែចម្ការ កម្មករ ឲ្យប្រើអំពើហិង្សា
ប្រៀបបាននឹងជ្រូកពុល ឈានដល់ការបំផ្លិចបំផ្លាញ សម្បត្តិរោងចក្រ
សម្បត្តិឯកជន និងខ្ទប់ដង្ហើមផ្លូវជាតិធំៗ ។ល។
ដោយមានការគាំទ្រពីអង្គការមិនមែនរដ្ឋាភិបាលបរទេស
និងពីសង្គមស៊ីវិលក្នុងប្រទេសមួយចំនួន
ជាពិសេសក្រុមមេសហជីពមួយចំនួនតូច ដែលមាននិន្នាកាប្រឆាំងរដ្ឋាភិបាល
មេដឹកនាំបក្សជំទាស់ កាន់តែមានមោទនភាពចំពោះទង្វើបំពានច្បាប់របស់ខ្លួន
ហើយហ៊ានញុះញង់កម្មករ ដល់មុខរោងចក្រ និងដល់ក្នុងបរិវេណរោងចក្រមួយចំនួន
បង្ខំឲ្យកម្មករឈប់ធ្វើការ ដើម្បីចេញមកធ្វើបាតុកម្ម ជាមួយគណបក្សខ្លួន
យ៉ាងងងើល។
រឿងដែលធ្ងន់ធ្ងរជាងនេះទៅទៀតនោះ
គឺបក្សប្រឆាំងបានអុជអាលក្រុមកម្មករ កម្មការិនីរោងចក្រឲ្យធ្វើកូដកម្ម
និងបាតុកម្មហិង្សា បះបោរទាមទារប្រាក់ខែគោលឲ្យឡើងខ្ពស់ ទោះបីជារាជរដ្ឋាភិបាលបានខិតខំសម្រុះសម្រួលធ្វើការចេចារគ្នា
ទាំងតំណាងនិយោជិក និងនិយោជក ជាមួយរាជរដ្ឋាភិបាលសម្រេចបានដល់ការតម្លើងប្រាក់ខែឲ្យបានសមរម្យហើយក៏ដោយ។
ថ្មីៗនេះ វិនិយោគិន បានប្តឹងតវ៉ាដល់រាជរដ្ឋាភិបាលថា បើកូដកម្មនៅតែបន្ត
ពួកគេនឹងដករោងចក្ររបស់ពួកគេ ទៅវិនិយោគនៅប្រទេសផ្សេងវិញ ។ នេះហើយ
ជាការញុះញង់ បំផ្លាញសេដ្ឋកិច្ចរបស់ប្រទេស និងបំផ្លាញជីវភាពបងប្អូនកម្មករ
និងក្រុមគ្រួសាររបស់ពួកគេ ក្នុងខណៈដែលពួកគេបាត់បង់នូវមុខរបរនេះ ។
មុនឆ្លងឆ្នាំ២០១៣ ឈានដល់២០១៤ គណបក្សឈ្នះឆ្នោត CPP បានធ្វើការអំពាវនាវ
ម្តងហើយម្តងទៀតឲ្យមានការជួបប្រជុំគ្នា
ដោះស្រាយបញ្ហានយោបាយជាមួយគ្នា ប៉ុន្តែត្រូវបានគណបក្សសង្គ្រោះជាតិបដិសេធ
ដោយលើកហេតុផលរបៀបខ្វះសុច្ឆន្ទៈក្នុងការចរចា។ នេះជាល្បិចកលដើម្បីទាក់ទាញប្រជាប្រិយភាពនយោបាយរបស់ខ្លួនពីកម្មករ
និងប្រជាពលរដ្ឋ។ នរណាក៏គេដឹងដែរថា ការពន្យារពេលចរចារបស់បក្សប្រឆាំងនៅពេលនោះ
គឺដើម្បីប្រមូលកម្លាំងបាតុករ ឲ្យមានទឹកចិត្តពុះកញ្ជ្រោលកាន់តែខ្លាំង
ព្រោះបើពួកគេយល់ព្រមចូលចរចា គឺអាចនឹងមានដំណោះស្រាយនយោបាយ
ដូច្នេះកម្លាំងបាតុកម្ម នឹងអាចថយចុះ។
ការពិត លោក សម រង្ស៊ី និង កឹម សុខា
ប្រើយុទ្ធសាស្ត្រយកកម្លាំងកម្មករ
និងប្រជាជនអ្នកគាំទ្រដើម្បីផ្តួលរំលំរដ្ឋាភិបាលក្នុងមហិច្ឆតា ចង់កាន់កាប់អំណាចតាមរបៀប
ការធ្វើបដិវត្តប្រជាជន ។
ក្នុងសេចក្តីអំពាវនាវរបស់គណបក្សប្រឆាំង គេតែងប្រើប្រាស់ពាក្យ « អហិង្សា
» ជានិច្ច ប៉ុន្តែរាល់ទង្វើ និងសម្តី របស់ពួកគេ
នៅទីលានប្រជាធិបតេយ្យ និងតាមផ្លូវថ្នល់ក្តី គេស្រែកបំពងដោយកំហឹង
ជេរប្រមាថ ប្រមុខរាជរដ្ឋាភិបាល
ទាមទារឲ្យនាយករដ្ឋមន្ដ្រីចុះចេញពីតំណែង ទាមទារឲ្យមានការបោះ
ឆ្នោតសារជាថ្មី ។ល។
មេបក្សប្រឆាំង បានសង្ឃឹមយ៉ាងខ្លាំងថា តាមរយៈការបំផុសបំផុល
ជាចលនាបះបោរ គ្រប់ទិសទី ពេញរាជធានីភ្នំពេញ
និងគ្រប់ខេត្តរបស់ពួកគេនោះនឹងក្លាយជា « អំណាចប្រជាជន »
ទូទាំងប្រទេស ហើយគេនឹងអាចផ្តួលរដ្ឋាភិបាលបាន។
ផ្ទុយទៅវិញ
អ្វីដែលមេបក្សប្រឆាំងភ្លេចគិតនោះ គឺថា តើគណបក្សឈ្នះឆ្នោត តើសម្លេងភាគច្រើនរបស់ពលរដ្ឋក្នុងប្រទេស
តើរាជរដ្ឋាភិបាល តើអាជ្ញាធរមានសមត្ថកិច្ចនៃប្រទេសមួយ ដែលកំពុងក្រេបជញ្ជក់នូវរបបប្រជាធិបតេយ្យនោះ
តើគេអនុញ្ញាតឲ្យក្រុមភាគតិចលួចប្លន់យកអំណាចតាមបែបអនាធិបតេយ្យដោយងាយស្រួលបានឬទេ?
ការដែលរាជរដ្ឋាភិបាលទុកឱកាសឲ្យក្រុមប្រឆាំងស្រែកក្អេងក្អាង
ដោយសំអាងថាមានបរទេសនៅពីក្រោយអស់រយៈពេល៥ខែមកហើយនោះ
ដោយសារតែការឈរលើមូលដ្ឋាន លទ្ធិប្រជាធិបតេយ្យ
តែក្រុមប្រឆាំងបែរជាយល់ខុសប្រាសចាកពីក្រមសីលធម៌នៃការរស់នៅ រំលោភច្បាប់
និងសិទ្ធិសេរីភាពរបស់អ្នកដទៃ ប្រើអំពើហិង្សាច្រឡោងខាម
បង្កអសន្ដិសុខដល់សង្គមជាតិទៅវិញ។
មកដល់ថ្ងៃនេះ
ស្ថានភាពនៅរាជធានីភ្នំពេញ និងតាមបណ្តាខេត្តនានា ជាពិសេស
តាមបណ្តារោងចក្រកាត់ដេរទាំងអស់បានចាប់ដំណើរការឡើងវិញ បន្ទាប់ពីរាជរដ្ឋាភិបាលបានចាត់វិធានការណ៍ស្របច្បាប់
ទៅលើក្រុមបង្កអនាធិបតេយ្យទាំងនោះបានដោយជោគជ័យ។
ភាពស្ងប់ស្ងាត់
ក្នុងបរិយាកាសសន្តិភាព
គឺពិតជាចំណងដៃនៃការជូនពររបស់រាជរដ្ឋាភិបាល ជូនដល់ប្រជាជនកម្ពុជា
នាឱកាសឆ្នាំថ្មី ឆ្នាំសកល ២០១៤ ប្រាកដមែន៕
Subscribe to:
Posts (Atom)