រាជ​​រដ្ឋាភិបាល​កម្ពុជា​បន្ថែម​បៀវត្ស​មូលដ្ឋាន​ជូន​មន្ត្រី​រាជ​ការ​ស៊ីវិល​ ការ​បង្កើន​ប្រាក់​អាហារ​ប្រចាំ​ជូន​យោធិន​នគរបាល​ជាតិ និង​មន្ត្រី​ពន្ធធានាគារ និង​ការ​ផ្តល់​ប្រាក់​​កម្រៃ​បន្ថែម​ជូន​គ្រូ​បង្រៀន​ជាប់​កិច្ច​សន្យា

 

សេច​ក្តី​ប្រកាស​ព័ត៌មាន ស្តីពី​លទ្ធ​ផល នៃ​សម័យ​ប្រជុំ​ពេញ​អ​ង្គ​គណៈ​រដ្ឋ​មន្រ្តី ថ្ងៃទី១០ ខែ​មករា ឆ្នាំ​២០១៤

បទអត្ថាធិប្បាយ៖ រ៉ុង ឈុន និងគូកន កំពុងតាំងខ្លួនជាឧក្រិដ្ឋជនបង្កវិទ្ធង្សនាសេដ្ឋកិច្ច

នៅក្នុងរយៈពេលមួយសប្តាហ៍កន្លងទៅថ្មីៗនេះ លោក រ៉ុង ឈុន និងគូកនបានតាំង ខ្លួនជា​ឧក្រិដ្ឋជន បង្កវិទ្ធង្សនា ប៉ះពាល់ដល់សេដ្ឋកិច្ចរបស់ប្រទេសយ៉ាងធ្ងន់ធ្ងរ តាមរយៈការ ដឹកនាំធ្វើ​បាតុកម្ម កូដកម្ម ដែលបានឈានដល់កុប្បកម្ម។ ហើយអំពើកុប្បកម្មយ៉ាងអនាធិប​តេយ្យនេះ ក៏បាន​ឈានដល់បង្កើតអោយមានការរំលោភសិទ្ធិការងាររបស់កម្មករ កម្មការិនី ទូទាំង​ប្រទេស ព្រមទាំង​វាយបំផ្លាញទ្រព្យសម្បត្តិរបស់រោងចក្រ និងបង្កភាពគ្មានសណ្តាប់​ធ្នាប់សង្គម តាមរយៈការបិទផ្លូវ​សាធារណៈយ៉ាងអនាធិបតេយ្យ។ តើនេះអាចជាទង្វើបែប​វិទ្ធង្សនារបស់លោក រ៉ុង ឈុន និងគូកន ដើម្បីបំផ្លាញសេដ្ឋកិច្ចជាតិ និងសេចក្តីសុខសាន្តរបស់​មហាជនទូទៅដែរឬទេ? តើ រ៉ុង ឈុន និង​គូកន បាននិងកំពុងរំខានការរកស៊ីទទួលទាន​របស់​អ្នកវិនិយោគទុនក្នុងស្រុក និងអ្នកវិនិយោគទុន​បរទេសឬទេ? តើមហាជនទូទៅអាចទទួល​យក​ការរំខានទាំងអស់នោះ ដែលបង្កឡើងដោយលោក រ៉ុង ឈុន និងគូនកន បានឬទេ?

ជាការពិតណាស់ មហាជនទូទៅ មិនអាចទទួលយកបាន នូវការរំខានដល់ការរកស៊ី​ទទូល​ទានរបស់ពួកគេ តាមរយៈការធ្វើកូដកម្ម និងកុប្បកម្មយ៉ាងអនាធិបតេយ្យ ព្រមទាំង​បំផ្លាញលទ្ធិប្រជា​ធិបតេយ្យបានឡើយ។ ប៉ុន្តែ ការធ្វើបាតុកម្ម និងកូដកម្មណាក៏ដោយ ក៏ត្រូវ​ធ្វើឡើងដោយគោរព​ច្បាប់ និងមិនធ្វើអោយខូចខាតដល់​ទ្រព្យសម្បត្តិសាធារណៈ និងឯកជន ពិសេសទ្រព្យសម្បត្តិឯកជន​របស់វិនិយោគិនបរទេស ដែលកំពុងរកស៊ីទទួលទានយ៉ាងសុខ​សាន្ត និងកក់ក្តៅក្នុងប្រទេស​​​​​​​កម្ពុជា។

គួរកត់សំគាល់ថា ឧស្សាហកម្មកាត់ដេរសំលៀកបំពាក់ និងស្បែកជើង បានចាប់ផ្តើម​រីក​ចំរើន​តាំងពីឆ្នាំ ១៩៩៤ មកម្លេះ ដែលបងើ្កតបានជិតមួយពាន់រោងចក្រ ក្នុងព្រះរាជាណា​ចក្រកម្ពុជា​ ហើយ​បានផ្តល់ការងារប្រមាណ ប្រាំមួយសែន ដល់យុវជន យុវនារីខ្មែរ។​ តាម​រយៈការងារនេះ ពិតជាបាន​ផ្តល់នូវជីវភាពល្អប្រសើរពីមួយថ្ងៃទៅមួយថ្ងៃ ដល់បងប្អូនកម្មករ កម្មការិនី និងដល់គ្រួសាររបស់ពួក​គេផងដែរ។ ម្យ៉ាងវិញទៀត ការហូរចូលវិនិយោគិនបរ​ទេស​នេះ បានជំរុញយ៉ាងប្រត្យក្ស នូវកំណើន​សេដ្ឋកិច្ចបច្ចុប្បន្ន ដែលគេចាត់ទុកកម្ពុជាជា​ប្រទេស​មួយដែលមានកំណើនសេដ្ឋកិច្ចយ៉ាងខ្ពស់។

អ្វីដែលបានរៀបរាប់ខាងលើ បានបង្ហាញយ៉ាងច្បាស់នូវការខិតខំប្រឹងប្រែងរបស់រាជ​រដ្ឋា​​ភិបាល ក្នុងការយកចិត្តទុកដាក់យ៉ាងខ្លាំង ចំពោះជីវភាពរបស់កម្មករ កម្មការិនី ក៏ដូចជា​ជីវភាពរបស់​ប្រជាជនកម្ពុជាទូទាំងប្រទេសទាំងអស់ផងដែរ។

ម្យ៉ាងទៀត ថ្មីៗនេះ រាជរដ្ឋាភិបាលបានសំរេចបង្កើនប្រាក់ឈ្នួលអប្បបរមាពី ៨០​ដុល្លារ ដល់​ ១០០ដុល្លារអាមេរិក សំរាប់កម្មករ កម្មការិនី ដោយបន្ថែមលើអត្ថប្រយោជន៍ផ្សេងៗទៀត​ដែលមាន​ស្រាប់។

ផ្ទុយទៅវិញ លោក រ៉ុង ឈុន និងគូកន មិនបានឯកភាពនឹងសេចក្តីសំរេចរបស់រាជ​រដ្ឋា​ភិបាល និងផលវិបាកនៅចំពោះមុខ អំពីស្ថានភាពសេដ្ឋកិច្ចបច្ចុប្បន្នឡើយ។​ លោក រ៉ុង ឈុន បែរជាសំរេច​យកការធ្វើបាតុកម្ម និងកូដកម្ម ជាឧបករណ៍នយោបាយ ដើម្បីសំរេចគោលដៅ​របស់ខ្លួន និងគូកន​ដោយខុសច្បាប់ទៅវិញ ដោយមិនបានគិតពីផលវិបាកនានាដែលអាចកើត​ចេញពីការផ្ទុះបាតុកម្ម និង​កូដកម្មនោះឡើយ។​ លោក រ៉ុង ឈុន ​​ភ្លេចគិតថា ខ្លួនជា​ប្រធាន​សហភាព​សហជីព​កម្ពុជា ដែល​ជាសហជីពខុសច្បាប់​ ដែល​មាន​ទំនោរ​គាំទ្រ​កម្មវិធី​នយោ​បាយ​​របស់គណបក្ស​ប្រឆាំង​។​ ទង្វើខុស​ច្បាប់របស់លោក រ៉ុង ឈុន នេះ គឺគ្មានការ​​ទទួលខុសត្រូវ​ដល់សន្តិសុខ និងសណ្តាប់ធ្នាប់សង្គម ពិសេស ផលវិបាកនានាដែលកើតចេញពីអំពើញុះញង់​របស់ខ្លួនឡើយ។​

ដូច្នេះ សកម្មភាពរបស់លោក រ៉ុង ឈុន និងគូកន ពិតជាបានបង្កអោយប៉ះពាល់យ៉ាង​ធ្ងន់ធ្ងរ​ដល់ទ្រព្យសម្បត្តិសាធារណៈ ទ្រព្យសម្បត្តិឯកជនរបស់វិនិយោគិន និងដល់ផល​ប្រយោជន៍របស់បង​ប្អូនកម្មករ កម្មការិនី ដែលពួកគេចង់ធ្វើការងារដែលមហាជនទូទៅមិន​អាចទទួលយកបានឡើយ ហើយសកម្មភាពទាំងអស់នេះ ពិតជាទង្វើវិទ្ធង្សនាបំផ្លាញសេដ្ឋកិច្ច​ជាតិ និងអសន្តិសុខសង្គមផង​ដែរ។