សម្ដេច
អគ្គមហាសេនាបតីតេជោ ហ៊ុន សែន នាយករដ្ឋមន្ត្រី
នៃព្រះរាជាណាចក្រកម្ពុជាបានមានប្រសាសន៍នាព្រឹកថ្ងៃទី២១ ខែមីនា
ឆ្នាំ២០១៤ ឲ្យដឹងថា
ជាមួយនឹងការកាត់បន្ថយគម្លាតទ្រព្យសម្បត្តិរវាងប្រជាពលរដ្ឋ
និងប្រជាពលរដ្ឋនៃព្រះរាជាណាចក្រកម្ពុជា
ចំនុចដែលត្រូវផ្តល់អាទិភាព
គឺខិតខំធ្វើការកាត់បន្ថយគម្លាតខាងផ្នែកខួរក្បាល។
សម្ដេចតេជោនាយករដ្ឋមន្ដ្រីបានស្នើឲ្យក្រសួងអប់រំ និងអង្គភាពពាក់
ព័ន្ធទាំងអស់ចូលរួមគ្នាកាត់បន្ថយគន្លាតផ្នែកខួរក្បាលក្នុងវិស័យ
អប់រំ ពោលគឺអ្នកមាន និងអ្នកក្រ មានសិទ្ធិដូចគ្នាក្នុងការចូលរៀន
និងទទួលចំណេះដឹង។
ក្នុង
ឱកាសអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារ
អប់រំ ឆ្នាំ២០១២-២០១៣ និងទិសដៅឆ្នាំសិក្សា២០១៣-២០១៤
នៅវិទ្យាស្ថានបច្ចេកវិទ្យាកម្ពុជា សម្តេចតេជោនាយករដ្ឋមន្ត្រី
បានមានប្រសាសន៍បញ្ជាក់ថា
ការកាត់បន្ថយគម្លាតផ្នែកទ្រព្យសម្បត្តិដោយមិនថាតែប្រទេសកម្ពុជាទេ
នៅលើពិភពលោករវាងពីអ្នកមាន នឹងអ្នកក្រ
គម្លាតទ្រព្យសម្បត្តិនេះវាមិនមានការថយចុះទេ
គឺមានតែប៉ុលពតមួយគត់ដែលអាចកាត់បន្ថយគម្លាតអ្នកមាន និងអ្នកក្របាន
តាមរយៈការវាយអ្នកមានឱ្យធ្វើជាអ្នក្រទាំងអស់
និងជម្លៀសអ្នកទីក្រុងឱ្យទៅនៅជនបទទាំងអស់។
ប៉ុន្តែមានមួយចំនុចដែលយើងត្រូវផ្តល់អាទិភាព
ខិតខំធ្វើការកាត់បន្ថយគម្លាតខាងផ្នែកខួរក្បាល
ដែលការកាត់បន្ថយគម្លាតខាងផ្នែកខួរក្បាលនេះ
គឺវាងាយស្រួលជាងការកាត់បន្ថយគម្លាតខាងផ្នែកទ្រព្យសម្បត្តិ។
ពីព្រោះមិនអាចធ្វើឲ្យមហាសេដ្ឋីបៀលហ្គេតមកធ្វើជាកម្មករនោះទេ
ប៉ុន្ដែអាចចែករំលែកតាមរយៈការចូលរួមកសាង និងអភិវឌ្ឍន៍អ្វីមួយដូចគ្នា
នេះដែរ
អ្នកមាននៅក្នុងប្រទេសកម្ពុជាក៏អាចយកថវិការបស់ខ្លួនបង្កើតរោងចក្រ
សម្រាប់ ផ្ដល់ការងារធ្វើជូនប្រជាពលរដ្ឋនៅតាមតំបន់ផងដែរ។
សម្តេ
ចតេជោបានមានប្រសាសន៍ឲ្យដឹងថា រាជរដ្ឋាភិបាលនីតិកាលទី៥នេះ
បាននិងកំពុងអនុវត្តកម្មវិធីកំណែទម្រង់ស៊ីជំរៅរបស់ខ្លួន
ដែលក្នុងនោះ សម្ដេចតេជោបានមានប្រសសន៍បញ្ជាក់ឲ្យដឹងថា
គោលនយោបាយពីមុនគឺឃុំមួយ ត្រូវបង្កើតឲ្យមានអនុវិទ្យាល័យមួយ
ប៉ុន្ដែឥឡូវឃុំមួយត្រូវបង្កើតអនុវិទ្យាល័យឲ្យបានច្រើន
ហើយកូនអ្នកមាន អ្នកក្រអាចចូលរៀនដូចគ្នាបាន។
ឯ
ការបណ្ដុះបណ្ដាល គ្រូនៅតំបន់ណាគឺឲ្យបង្រៀនតាមសាលានៅតំបន់នោះ
ជៀសវាងការបញ្ជូនគ្រូពីតំបន់ផ្សេងទៅបង្រៀនតំបន់ផ្សេងមួយទៀត
ដែលធ្វើឲ្យគ្រូខ្លះត្រូវឈប់ និងបោះបង់ចោលការបង្រៀន
ព្រោះតែកត្ដាផ្សេងៗ ជាក់ស្ដែងកាលពីអំឡុងឆ្នាំ១៩៨៦
សម្ដេចបានយកគ្រូពី ខេត្ដតាកែវចំនួន ១០០នាក់
ឲ្យទៅបង្រៀននៅខេត្ដរតនគិរី គឺលទ្ធផលសល់តែគ្រូ ៣ នាក់ប៉ុណ្ណោះ។
ពាក់ព័ន្ធនឹងការអភិវឌ្ឍន៍លើវិស័យអប់រំ សម្តេចតេជោនាយករដ្ឋមន្ត្រីបានផ្តល់អនុសាសន៍មួយចំនួន រួមមាន៖
ទី១, ការជំរុញអនុវត្តគោលនយោបាយធានា លទ្ធភាពទទួលបានសេវាអប់រំ ឱ្យបានប្រកបដោយសមធម៌។
ទី២, ការជំរុញការអនុវត្តគោលនយោបាយលើកកំពស់គុណភាព និងប្រសិទ្ធភាពសេវាអប់រំ។
ទី
៣, ការជំរុញការអនុវត្តគោលនយោបាយអភិវឌ្ឍន៍ស្ថាប័ន
និងអភិវឌ្ឍន៍សមត្ថភាពមន្ត្រីអប់រំគ្រប់គ្រប់លំដាប់ថ្នាក់
សម្រាប់ធ្វើវិមជ្ឈការ។
ទី៤, ការជំរុញអនុវត្តការងារយុវជន ឱ្យបានសកម្មផុលផុស។
ទី៥, ការជំរុញការងារកីឡា។
ទី៦, ការជំរុញអនុវត្តឱ្យមានប្រសិទ្ធភាពនៃការប្រើប្រាស់ហិរញ្ញប្បទានសហប្រតិបត្តិការ។
សម្តេច
តេជោមានជំនឿថា
អនុសាសន៍ទាំងនេះនឹងក្លាយជាធាតុចូលបន្ថែមទៀតសម្រាប់ការរួមចំណែក
អនុវត្តទិសដៅអប់រំឆ្នាំសិក្សា២០១៣-២០១៤ផង និងឆ្នាំបន្តបន្ទាប់
ក្នុងន័យធ្វើឱ្យការអប់រំយុវជន និងកីឡា
របស់ជាតិយើងកាន់តែវិវត្តល្អប្រសើរឡើងពីជំនាន់មួយទៅជំនាន់មួយ
ទៀត។
ទាក់
ទងនឹងប្រាក់បៀរវត្សរ៍ សម្តេចតេជោបានមានប្រសាសន៍លើកទឹកចិត្ត
ដោយបានបញ្ជាក់បន្ថែមទៅលើករណីការបើកសាច់ប្រាក់
តាមប្រព័ន្ធធនាគារសម្រាប់ដំណើរការសាលារៀន ស្របពេលដែលរាជរដ្ឋាភិបាល
កំពុងតែជំរុញការបើកប្រាក់បៀវត្សជូនគ្រូបង្រៀនតាមធនាគារនោះ។
ក្នុងបញ្ហានេះ សម្តេចបានណែនាំឱ្យមានការ
ពិភាក្សាគ្នារវាងក្រសួងសេដ្ឋកិច្ច និងហិរញ្ញវត្ថុ
និងក្រសួងមុខងារសាធារណៈលើសំណើរបង្កើនប្រាក់ឧបត្ថម្ភ
និងតម្លើងថ្នាក់ជាស្វ័យប្រវត្តិរៀងរាល់ឆ្នាំដល់គ្រូដែល
ស្ម័គ្រចិត្តពង្រាយទៅដល់សាលាដែលខ្វះគ្រូ
និងការកសាងផ្ទះគ្រូបន្ថែម។
ថ្លែង
ក្នុងឱកាសបិទសន្និបាតក្រសួងអប់រំយុវជន និងកីឡា
នេះដែរសម្ដេចអគ្គមហាសេនាបតីតេជោ ហ៊ុន សែន
បានប្រកាសស្វាគមន៍ការធ្វើសហប្រតិបត្តិការរុករកយន្តហោះរបស់ក្រុម
ហ៊ុនអាកាសចរណ៍ម៉ាឡេស៊ី ជើងហោះហើរលេខ MH370
ដែលបានបាត់ដានកាលពីថ្ងៃទី៨ ខែមីនា ឆ្នាំ២០១៤
ប្រសិនបើសង្ស័យថាធ្លាក់នៅកម្ពុជានោះ។
សម្ដេច
តេជោនាយករដ្ឋមន្ត្រីមានប្រសាសន៍ថា យើងស្វាគមន៍មិត្តចិន
និងម៉ាឡេស៊ីអាចនឹងភាគីពាក់ព័ន្ធផ្សេងទៀតមកធ្វើការក្នុងដីរបស់
កម្ពុជា បើសិនជាមានសញ្ញាសង្ស័យថា អាចនឹងធ្លាក់នៅកម្ពុជាៗស្វាគមន៍
និងធ្វើសហប្រតិបត្តការដើម្បីរុករក។ សម្ដេចតេជោថ្លែងថា
ការពិតពេលដែលមានរឿងនេះកើតឡើងយើងមិនចង់ធ្វើឲ្យវាគគ្រឹកគគ្រេងទេ
ក្រសួងការពារជាតិ និងផ្នែកពាក់ព័ន្ធបានបញ្ជាកម្លាំង
ដើម្បីតាមសង្កេតមើលរួចទៅ ហើយមិនមែនបានសេចក្ដីថា
យើងទាត់ចោលនូវកាតព្វកិច្ច ភារកិច្ចជាអន្តរជាតិនោះទេ
ដូច្នេះបានជាដំណាក់កាលដំបូងកម្ពុជាគ្មានឈ្មោះក្នុងបញ្ជីនឹងគេនោះ
ទេ។ ម្យ៉ាងទៀតបើចេញផុតពីដែនដីកម្ពុជារបស់ខ្លួនទៅ យកល្អកុំទៅ
ព្រោះបើទៅនាំពិបាកដល់គេដដែល កុំទៅ
និយាយឲ្យវាពិតបើត្រឹមដែនដីរបស់ខ្លួនវាអត់បញ្ហាទេ
ហើយយើងក៏បានដាក់ចេញបញ្ហានឹងឲ្យដំណើរការ។
ក្រោយមកក៏មានកំណត់ទូតចិនមួយថាឲ្យជួយស្វះស្វែងរក
យើងក៏បានបញ្ជាកម្លាំងទាំងកងទ័ពជើងទឹក និងផ្នែកឧទ្ធម្ភាគចក្រ
ដើម្បីសិក្សាពីតំបន់ចន្លោះប្រហោងនេះ
ប៉ុន្តែឥឡូវមិនដឹងជាខាងអូស្ត្រាលីគេរកឃើញយ៉ាងម៉េច
យើងក៏មិនទាន់បោះបង់ការងាររបស់យើងដែរ
ហើយគ្រប់ខេត្តទាំងអស់ដែលមានតំបន់សង្ស័យទាំងឡាយក៏ត្រូវតាមដាន
បញ្ហានេះដែរ។ យើងសោកស្ដាយណាស់រឿងអស់ទាំងនេះ
ប៉ុន្តែធ្វើម៉េចកុំឲ្យប៉ះពាល់ដល់វិស័យទេសចរណ៍កម្ពុជា
ហើយយើងក៏បន់ស្រន់ឲ្យមិត្តភក្ដិរបស់យើង
ស្វែងរកអ្នកបាត់ខ្លួនឲ្យបានឆាប់រហ័ស
ដើម្បីបញ្ចប់ការអន្ទះអន្ទែងរបស់ក្រុមគ្រួសារនៃជនរងគ្រោះ។
សូម
បញ្ជាក់ថា អង្គសន្និបាតសន្និបាតរបស់ក្រសួងអប់រំយុវជន
និងកីឡាឆ្នាំនេះ បានដំណើរការពីថ្ងៃទី១៩ដល់ថ្ងៃទី២១មិនា
នៅវិទ្យាស្ថានបច្ចេកវិទ្យាកម្ពុជា
ដើម្បីបូកសរុបវាយតម្លៃការងារដែលបានអនុវត្តក្នុងឆ្នាំសិក្សា
កន្លងមក និងលើកទិសដៅសម្រាប់ឆ្នាំសិក្សាខាងមុខដែល
មានមន្ត្រីអប់រំគ្រប់លំដាប់ថ្នាក់ ដៃគូអភិវឌ្ឍន៍
ព្រមទាំងតំណាងអាជ្ញាធរដែនដី រាជធានី ខេត្ត សហគមន៍
និងអ្នកពាក់ព័ន្ធនានាចូលរួមប្រមាណ១.៥០០នាក់៕