សារៈមន្ទី
វាយនភណ្ឌប្រពៃណីអាស៊ីនៃកិច្ចសហប្រតិបត្តិការទន្លេមេគង្គគង្គា
មានទីតាំងស្ថិតនៅផ្លូវ៦០
ក្នុងបុរីវប្បធ័ម៌និងទេសចរណ៍ក្រុងសៀមរាបត្រូវបានសម្ភោធដាក់ឲ្យ
ប្រើប្រាស់ជាផ្លូវការនាល្ងាចថ្ងៃទី៧ ខែមេសា ឆ្នាំ២០១៤
ក្រោមអធិបតីភាពឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្ដីការគណៈរដ្ឋមន្រ្តី និងឯកឧត្តម អានិល វ៉ាត់វាអនុរដ្ឋមន្រ្តីក្រសួងការបរទេសនៃសារធារណៈរដ្ឋឥណ្ឌាព្រមទាំងភ្ញៀវជាតិ និងអន្តរជាតិជាច្រើនរូបទៀត។
ក្រោមគំនិត
ផ្តូចផ្តើមរបស់រាជរដ្ឋាភិបាលនៃសាធារណៈរដ្ឋឥណ្ឌា
និងក្រោមកិច្ចព្រមព្រៀងជាមួយរាជរដ្ឋាភិបាលកម្ពុជាសារៈមន្ទីវាយនភណ្ឌ
ប្រពៃណីអាស៊ី
នៃកិច្ចសហប្រតិបត្តិការទន្លេមេគង្គគង្គាត្រូវបានចាប់ផ្តើមសាងសង់
កាលពីខែកក្កដា ឆ្នាំ២០១០
និងបានបញ្ចប់ក្នុងអំឡុងខែធ្នូឆ្នាំ២០១១កន្លងមកនេះក្នុងតម្លៃជាង
១លានពីរសែនដុល្លារសហរដ្ឋអាមេរិក។
ឯកឧត្តមបណ្ឌិតសភាចារ្យ សុខ អាន ឧបនាយក
រដ្ឋមន្ត្រី
មានប្រសាសន៏ចាត់ទុកសារមន្ទីវាយភណ្ឌប្រពៃណីអាស៊ីដែលដាក់ឲ្យ
ដំណើការជាផ្លុវការនេះ គឺជាសារមន្ទីដំបូងដែលដាក់តាំងនូវពិព័រណ៏
វាយនភណ្ឌមកពីប្រទេសជាច្រើនគឺក្រៅពីឥណ្ឌា រួមមានកម្ពុជា ឡាវ
វៀតណាម ថៃ និងភូមា ដែលមានន័យថា
បណ្តាប្រទេសនៅតាមដងទន្លេមេគង្គដែលប្រៀបដូចជាទន្លេគង្គាថ្មី
មួយដូច្នេះដែរ។
ឯកឧត្តមបណ្ឌិតសភាចារ្យ សុខ អានមាន
ប្រសាសន៏ថា តាមរយៈពិព័រណ៏នេះ
យើងអាចឆ្លុះបញ្ចាំងឲ្យឃើញនូវចំណងទំនាក់ទំនងមិត្តភាពយ៉ាងជិតស្និត
នេះ ដែលមានប្រទេសឥណ្ឌាជាប្រភពនៃកម្លាំងជំរុញ
ហើយយើងក៏និងបានឃើញនូវគំនិតច្នៃប្រឌិតជាច្រើនទំរង់របស់បណ្តាប្រ
ទេសនានានៅតាមបណ្តោយដងទន្លមេគង្គផងដែរ។
ឯកឧត្តមបណ្ឌិតសភាចារ្យ សុខ អាន បាន
មានប្រសាសន៏ឲ្យដឹងថា
សម្រាប់ប្រជាជនកម្ពុជាជាអ្នកទទូលមរតកពីអរិយធម៌ខ្មែរដ៏រុងរឿង
បានរីកចំរើនយ៉ាងខ្លាំងជាច្រើនសតវត្យ នៅចន្លោះប្រទេសឥណ្ឌា
និងប្រទេសចិន យើងពិតជាស្គាល់នូវតំលៃដ៏ធំធេង
នៃអរិយធម៌ឥណ្ឌាតាមប្រវត្តិសាស្រ្ត។ ជាបឋម គឺគំនិតនិងជំនឿសាសនា
នៅជុំវិញការគោរពប្រណិប័តន៏ព្រះឥសូរ
និងព្រះនរាយណ៏មុននឹងសម្រេចចុងក្រោយ គោរពប្រណិប័តន៏ ព្រះពុទ្ធសាសនា
ហើយវាក៏ជាមូលដ្ឋាននៃសិល្បៈស្ថាបត្យកម្មផងដែរ។
ទាក់
ទងនឹងការសាងសង់ឯកឧត្តមឧបនាយករដ្ឋមន្ត្រី បានរំលឹកថា
កាលពីឆ្នាំ២០១០លោកជំទាវ Pratibha Devisingh
Patilអតីតប្រធានាធិបតីឥណ្ឌាបានមកចូលរួមបញ្ចុះបឋមសិលា
ដើម្បីចាប់ផ្តើមសាងសង់អាគានេះ។
ដោយឡែកឯកឧត្តម អានិល វ៉ាត់វា អនុរដ្ឋមន្រ្តី
ក្រសួងការបរទេសនៃសារធារណៈរដ្ឋឥណ្ឌា
បានវាយតម្លៃខ្ពស់ក្នុងកិច្ចសហប្រតិបត្តិការលើវិស័យវប្បធម៌រវាង
ឥណ្ឌា និងកម្ពុជា ហើយឯកឧត្តមសង្ឃឹមថា
សារៈមន្ទីវាយនភណ្ឌប្រពៃណីអាស៊ីនៃកិច្ចសហប្រតិបត្តិការទន្លេមេគង្គ
គង្គា នៅក្នុងខេត្តសៀមរាបនេះ នឹងរួមចំណែកជាមួយកម្ពុជា
ក៏ដូចជាពិភពលោកក្នុងការអភិវឌ្ឍន៍វិស័យវាយនភណ្ឌប្រពៃណីអាស៊ីឲ្យ
កាន់តែរីកចម្រើនថែមទៀត។
ឯកឧត្តម អានិល វ៉ាត់វា បាន
មានប្រសាសន៍ថា
ព្រឹត្តិការណ៍ប្រវត្តិសាស្ត្រនៃការចាប់ផ្តើមដំណើរការសារៈមន្ទី
វាយនភណ្ឌប្រពៃណីអាស៊ីនៃកិច្ចសហប្រតិបត្តិការទន្លេមេគង្គ គង្គា
គឺជាទូកញ្ចក់បង្ហាញនូវឥទ្ធិពលវាយនភណ្ឌ
ដែលបានឆ្លងមកកាន់តំបន់អាស៊ី
តាមរយៈទន្លេមេគង្គដែលមានប្រទេសចំនួន៦ គឺកម្ពុជា ឥណ្ឌា ឡាវ
មីយ៉ាន់ម៉ា វៀតណាម និងថៃ។
ជាមួយគ្នានេះដែរប្រជាជាតិនៅភូមិភាគអាស៊ីអាគ្នេយ៍ មានដូចជា
ម៉ាឡេស៊ី ឥណ្ឌា សិង្ហបុរី និងហ្វីលីពីន
ក៏បានចូលរួមសហប្រតិបត្តិការនៅក្នុងវិស័យវាយនភណ្ឌនេះផងដែរ។
សូម
បញ្ជាក់ថា សារមន្ទីនេះនឹងបើកជូនសាធារណជនខ្មែរ
ក៏ដូចជាភ្ញៀវទេសចរណ៏ចូលទស្សនាក្រោយពីការសម្ពោធ។
នៅក្នុងសារមន្ទីនេះ ក្រៅពីតាំងពិព័រណ៏នៅមានការបង្ហាញម៉ូដ
ដែលនឹងជួយលើកស្ទូយ សិប្បកម្មបូរាណ ផ្នែកសូត្រ និងកម្បាស
ដែលនិងផ្តល់ប្រយោជន៏សំខាន់ក្នុងការទាក់ទាញចំណាប់អារម្ម៏របស់
មនុស្សគ្រប់គ្នា ហើយយើងសង្ឃឹមថា
នឹងជួយជំរុញឲ្យមានការវិលត្រឡប់ទៅរកការអនុវត្តតាមបែបប្រពៃណីបុរាណ
និងការប្រើប្រាស់ផលិតផលធម្មជាតិវិញ។
លោក
ជំទាវ ភឿង សកុណា រដ្ឋមន្ត្រីក្រសួងវប្បធ័ម៌
និងវិចិត្រសិល្បះដែលអញ្ជើញចូលរួមក្នុងពិធីសម្ពោធបានមានប្រសាសន៍
ឲ្យដឹងថា
ក្រសួងវប្បធ័ម៌និងវិចិត្រសិល្បះបានចូលរួមដោយបាននាំយកហូលពិដាន
ពីសារះមន្ទីជាតិ
មកដាក់តាំងបង្ហាញក្នុងសារៈមន្ទីវាយនភណ្ឌប្រពៃណីអាស៊ីនៃកិច្ច
សហប្រតិបត្តិការទន្លេមេគង្គគង្គានេះ
ដើម្បីរួមចំណែកផ្តល់ការយលដឹងអំពីផលិតផលខ្មែរផងដែរ។
ដោយឡែក
ឯកឧត្តម ថោង ខុន
រដ្ឋមន្ត្រីក្រសួងទេសចរណ៍បានចាប់អារម្មណ៍អំពីការរួមចំណែកជួយ
ជំរុញឲ្យមានកំណើនទេសចរណ៍នៅក្នុងព្រះរាជាណាចក្រកម្ពុជា
ដែលឯកឧត្តមរដ្ឋមន្ត្រីក្រសួងទេសចរណ៍រំពឹងថា នឹងកើនដល់
៧លាននាក់ក្នុឆ្នាំ២០២០ ខាងមុខនេះ៕
