Friday, April 25, 2014

សម្ដេច​តេជោ ហ៊ុន សែន នាយក​រដ្ឋមន្ត្រី ដឹក​នាំ​គណៈ​ប្រតិភូ​ជាន់​ខ្ពស់​កម្ពុជា អញ្ជើញ​ទៅ​បំពេញ​ទស្សន​កិច្ច​ផ្លូវការ នៅ​សាធា​រណ​រដ្ឋ​បេឡា​រុស ថ្ងៃទី២៣-២៥ មេសា ២០១៤





វេទិការធុរកិច្ចកម្ពុជា-បេឡារុសមានសារសំខាន់

ថ្ងៃទី២៥ ខែមេសា ឆ្នាំ ២០១៤—ទូរទស្សន៍ជាតិកម្ពុជាបានផ្សាយឲ្យដឹងថា ថ្លែងនៅក្នុងវេទិការធុរកិច្ចកម្ពុជា-បេឡា រុសកាលពីថ្ងៃទី ២៤ ខែមេសា ឆ្នាំ ២០១៤ ឯកឧត្តម មីខាយ មីយ៉ាសនីកូវិច នាយករដ្ឋមន្រ្តីបេឡារុសមានប្រសាសន៍ថា វេទិកានេះគឺពិតជា មានសារសំខាន់ខ្លាំង ក្នុងការបង្ហាញនូវ ទស្សនវិស័យរយៈពេលវែងដល់ផ្នែកធុរកិច្ចនៃប្រទេសទាំងពីរកម្ពុជា-បេឡារុស។
ឯកឧត្តម មីខាយ មីយ៉ាសនីកូវិច ដែលអញ្ជើញជាអធិបតីក្នុងវេទិកាធុរកិច្ចរួមគ្នាជា មួយសម្តេចអគ្គមហាសេនាបតីតេជោ ហ៊ុន សែន នោះបានមាន ប្រសាសន៍បន្តថា វេទិកា ណនេះនឹងជួយឲ្យរដ្ឋាភិបាលនៃប្រទេសទាំងពីរមានការសប្បាយរីករាយ និងមានគម្រោង ជាច្រើនទៀត ដែលផ្នែកឯកជន នៃប្រទេសទាំងពីរបានធ្វើការប្រាស្រ័យទាក់ទង និងបង្កើន កិច្ចសហប្រតិបត្តិការជាមួយគ្នាកាន់តែសកម្មខ្លាំងក្លា និងមានទំនុកចិត្តកាន់តែខ្លាំងឡើង ថែមទៀត ។ ឯកឧត្តមនាយករដ្ឋមន្រ្តីមានប្រសាសន៍បន្តថា ឯកឧត្តមមានការរីករាយចំពោះ ភាពជោគជ័យ នៃកំណើនសេដ្ឋកិច្ចរបស់ប្រទេសកម្ពុជា ពោលគឺកំណើនជាង ៧% ក្នុង ១ ឆ្នាំគឺជាសញ្ញាដ៏ល្អសម្រាប់ការវិនិយោគ ។ កំណើន GDP នេះគឺបានបង្ហាញពីសញ្ញាណ នៃ ការដឹកនាំដ៏ត្រឹមត្រូវ របស់រាជរដ្ឋាភិបាលកម្ពុជា ពិសេសសម្តេចតេជោផ្ទាល់តែម្តងក្នុងការ ដឹកនាំសេដ្ឋកិច្ចឈានឆ្ពោះទៅកាន់ភាពរីកចម្រើនដ៏រឹងមាំរបស់ខ្លួន ។
ឯកឧត្តមនាយករដ្ឋមន្រ្តី មានប្រសាសន៍ទៅកាន់វេទិកាដ៏មានសារសំខាន់នោះថា ការចរចាគ្នារយៈពេល ២ ថ្ងៃកន្លងមកនេះបានបង្ហាញថា សេដ្ឋកិច្ច នៃប្រទេសទាំងពីរមិនធ្វើ ការប្រកួតប្រជែងគ្នាទេ ប៉ុន្តែគឺបំពេញឲ្យគ្នាទៅវិញទៅមក និងមានវិស័យជាច្រើនសម្រាប់ សហប្រតិបត្តិការទ្វេភាគី និងមានផលប្រយោជន៍ឲ្យគ្នាទៅវិញទៅមក ។ ឯកឧត្តមនាយក រដ្ឋមន្រ្តីបានលើកទឹកចិត្តដល់អ្នកវិនិយោគ នៃប្រទេសទាំងពីរឲ្យបង្កើនការទាក់ទាញការ វិនិយោគមិនគ្រាន់តែសម្រាប់ប្រទេសទាំងពីរនោះទេ ប៉ុន្តែគឺធ្វើការទាក់ទាញជាមួយប្រ ទេសជិតខាងទាំងនៅកម្ពុជា និងនៅបេឡារុសផងដែរ ។ ឯកឧត្តមក៏បានលើកទឹកចិត្ត ឲ្យមានការធ្វើការរួមគ្នាលើវិស័យសំខាន់មួយចំនួនរួមមាន សហការលើវិស័យពាណិជ្ជកម្ម សេដ្ឋកិច្ច និងវិនិយោគ។
ទូរទស្សន៍ជាតិកម្ពុជាបានផ្សាយដែរថា ថ្លែងទៅកាន់វេទិការដ៏មានសារសំខាន់នោះ ឯកឧត្តមសហប្រធានវេទិការធុរកិច្ចរបស់ប្រទេសបេឡារុស និងអ្នកឧកញ៉ា គិត ម៉េង ប្រ ធានសភាពាណិជ្ជកម្មកម្ពុជាបានធ្វើការប្រកាសរួមគ្នា ក្នុងការប្រារព្ធវេទិការធុរកិច្ចលើកទី ១ នៃប្រទេសទាំងពីរកម្ពុជា-បេឡារុស ដោយបានគូសបញ្ជាក់ពីសារសំខាន់នៃការបង្កើនកិច្ច សហប្រតិបត្តិការ និងការធ្វើឲ្យកាន់តែប្រសើរឡើងក្នុងការទាក់ទាញអ្នកវិនិយោគ និងការ យល់គ្នាឲ្យកាន់តែទូលំទូលាយថែមទៀត សម្រាប់អ្នកវិនិយោគនៃប្រទេសទាំងពីរកម្ពុជា បេឡារុស ។
នៅក្នុងវេទិកានោះដែរ សហប្រធានវេទិកាធុរកិច្ចកម្ពុជា-បេឡារុសបានសម្តែងនូវការ វាយតម្លៃខ្ពស់ និងកោតសរសើរជូនចំពោះសម្តេចតេជោ និងឯកឧត្តមនាយករដ្ឋមន្រ្តី នៃប្រទេសទាំងពីរកម្ពុជា-បេឡារុស ដែលបានចំណាយពេលវេលាដ៏មានតម្លៃបំផុត អញ្ជើញចូលរួម ក្នុងពិធីបើកវេទិកាដ៏មានសារសំខាន់នេះ ។ ឯកឧត្តម អ្នកឧកញ៉ាសហ ប្រធានមានប្រសាសន៍បន្តថា វេទិកានេះ គឺជាវេទិកាមួយដែលមាន សារសំខាន់ខ្លាំងណាស់ ក្នុងការគាំពារឲ្យគ្នាទៅវិញទៅមកសម្រាប់ អ្នកវិនិយោគនៃប្រទេសទាំងពីរ ពិសេសការ យល់ចិត្តគ្នាកាន់តែខ្លាំង ឡើងសម្រាប់អ្នកវិនិយោគទុនកម្ពុជា និងអ្នកវិនិយោគទុនបេឡារុស ក្នុងការបណ្តាទុនវិនិយោគនៅក្នុងប្រទេសកម្ពុជា ។ ជាមួយគ្នានេះឯកឧត្តម អ្នកឧកញ៉ា សហប្រធានវេទិកាដ៏បានថ្លែងនូវអំណរគុណយ៉ាងជ្រាលជ្រៅបផុតជូន ចំពោះសម្តេច តេជោ និងឯកឧត្តមនាយករដ្ឋមន្រ្តី នៃប្រទេសទាំងពីរ ដែលបានផ្តួចផ្តើម និងបានចូលរួម ក្នុងវេទិកាដ៏មានសារសំខាន់នេះ៕
ដោយ ជ័យ ភូមិពល

សម្តេចតេជោនាយករដ្ឋមន្រ្តីអញ្ជើញទស្សនារោងចក្រផលិតរថយន្ត

ថ្ងៃទី២៥ ខែមេសា ឆ្នាំ២០១៤-ទូរទស្សន៍ជាតិកម្ពុជាបានផ្សាយឲ្យដឹងថា ថ្នាក់ដឹកនាំ បុគ្គលិក កម្មករ កម្មការិនី នៃ រោងចក្រផលិតរថយន្ត ក្នុងទីក្រុងមីនស្ក នៃសាធារណរដ្ឋបេឡារុសបានធ្វើបដិសណ្ឋារកិច្ច យ៉ាងកក់ក្តៅបំផុតជូនចំពោះសម្តេចអគ្គមហាសេនាបតីតេជោ ហ៊ុន សែន និង គណៈប្រតិភូជាន់ខ្ពស់ រាជរដ្ឋាភិបាលកម្ពុជា អំឡុងដំណើរទស្សនកិច្ចជាប្រវត្តិសាស្រ្តទៅកាន់ទីនោះ កាលពីរសៀលថ្ងៃទី ២៤ ខែមេសា ឆ្នាំ ២០១៤។
ក្រុមហ៊ុនផលិតរថយន្តនេះមានសាខាចំនួន ១១ ក្នុងប្រទេសបេឡារុស និងមាន បុគ្គលិក កម្មករ កម្មការិនីការប្រមាណ ១០ ម៉ឺននាក់ ដែលបាន តម្លើងយានយន្តដឹកជញ្ជូន ធន់ធ្ងន់ ធន់ស្រាល ប្រភេទរថយន្តទេសចរណ៍ រថយន្តដឹកជញ្ជូនអ្នកដំណើរ រថយន្តធន់ធ្ងន់ សម្រាប់បម្រើឲ្យវិស័យ ការពារជាតិ និងរថយន្តផ្សេងៗទៀត តាមរយៈការបញ្ជាទិញពីអ្នក ប្រើប្រាស់ ។ បច្ចុប្បន្នប្រទេសរុស៊្សី គឺជាទីផ្សារដ៏ធំធេងគេក្នុងការបញ្ជាទិញរថយន្តគ្រប់ ប្រភេទពីរោងចក្រនេះ ជាពិសេសនៅតំបន់អាស៊ី និងអឺរ៉ុបក៏បានបញ្ជាទិញរថយន្តពីក្រុម ហ៊ុនផលិតរថយន្តនេះផងដែរ ។
នៅក្នុងដំណើរទស្សនកិច្ចនោះ សម្តេចតេជោ ហ៊ុន សែន បានសម្តែងនូវការវាយ តម្លៃខ្ពស់ និងកោតសរសើរដល់ថ្នាក់ដឹកនាំក្រុមហ៊ុន ដែលបានអនុញ្ញាត ឲ្យគណៈប្រតិភូ ជាន់ខ្ពស់រាជរដ្ឋាភិបាលកម្ពុជាបានចូលទស្សនារោងចក្រ និងខ្សែសង្វាក់ផលិតកម្មក្នុងក្រុម ហ៊ុន ពិសេសការពិនិត្យដោយផ្ទាល់នូវ ការតម្លើងរថយន្តធន់ធ្ងន់ ធន់មធ្យម និងធន់ស្រាល របស់ក្រុមហ៊ុននោះ ។ សម្តេចតេជោនាយករដ្ឋមន្រ្តីមានប្រសាសន៍ថា សម្តេចពិតជាមាន មោទនភាព ដោយបានមកទស្សនាដោយផ្ទាល់ពីខ្សែសង្វាក់ផលិតកម្ម នៃការតម្លើងរថយន្ត នោះ ដែលបានបង្ហាញឲ្យឃើញពីសក្តានុពលដ៏រឹងមាំ របស់ប្រទេស បេឡារុស ក្នុងការតម្លើង គ្រឿងចក្រ និងផលិតកម្មផ្សេងៗទៀត ដែលបម្រើឲ្យការអភិវឌ្ឍលើវិស័យកសិកម្ម និង ឧស្សាហកម្ម ក្នុងសម័យដ៏ទំនើប យើងនេះ។
សម្តេចតេជោនាយករដ្ឋមន្រ្តីមានប្រសាសន៍ទៅកាន់ថ្នាក់ដឹកនាំក្រុមហ៊ុនថា ប្រទេស កម្ពុជាគឺជាប្រទេសកសិកម្ម ប៉ុន្តែពេលនេះយើង មិនទាន់មាន លទ្ធភាពក្នុងការពង្រីកសក្តា នុពលលើវិស័យកសិកម្មឲ្យឆ្លើយតបទៅតាមតម្រូវការទីផ្សារនៅឡើយទេ ដោយសារតែ កម្ពុជាកំពុង ជួបប្រទះនូវបញ្ហា បច្ចេកទេស ពិសេសគ្រឿងចក្របម្រើឲ្យការផលិតកម្ម ។ សម្តេចតេជោថ្លែងបន្តថា នៅក្នុងទសវត្ស ៦០-៧០ ប្រទេសយើងទាំងពីរធ្លាប់មានទំនាក់ ទំនងជាមួយគ្នាក្នុងការតម្លើងត្រាក់ទ័រ ប៉ុន្តែវាត្រូវបានបំផ្លាញដល់ឫសគល់ក្នុងសម័យ សង្រ្គាម និងរបបប្រល័យពូជសាសន៍ ។
ជាមួយនិងកិច្ចខិតខំប្រឹងប្រែងរបស់សម្តេចតេជោ នាយករដ្ឋមន្រ្តី ក្នុងការបញ្ចប់ទាំងស្រុងនូវសង្រ្គាមហែកហួរអស់រយៈជាច្រើនទសវត្សរ៍មក នេះ បច្ចុប្បន្នកម្ពុជាមានសុខសន្តិភាព និងការអភិវឌ្ឍលើគ្រប់វិស័យ ពិសេសបច្ចុប្បន្នកម្ពុជា កំពុងតែបើកចំហជើងមេឃរបស់ខ្លួនក្នុងការទាក់ទាញ អ្នកវិនិយោគទុនមកពីគ្រប់ទិសទី ក្នុង ពិភពលោកដោយមិនប្រកាន់ប្រទេសណាមួយជាសត្រូវរបស់កម្ពុជានោះទេ ពោលគឺកម្ពុជា ទទួលយក អ្នកវិនិយោគទុន ដែលមានឆន្ទៈពិតប្រាកដក្នុងការវិនិយោគក្នុងគោលដៅ សន្តិភាព និងបម្រើឲ្យការរីកចម្រើនរបស់សង្គម ។
តំណាងថ្នាក់ដឹកនាំក្រុមហ៊ុនបានថ្លែងនូវអំណរគុណយ៉ាងជ្រាលជ្រៅបំផុតជូន ចំ ពោះសម្តេចតេជោ ហ៊ុន សែន និងគណៈប្រតិភូជាន់ខ្ពស រាជរដ្ឋាភិបាល កម្ពុជា ដែលបាន ផ្តល់នូវមហាកិត្តិយសដ៏ខ្ពង់ខ្ពស់បំផុត អញ្ជើញមកទស្សនារោងចក្រតម្លើងរថយន្ត ដែល នោះគឺជាការចូលរួមចំណែកយ៉ាងសំខាន់ ក្នុងការលើកទឹកចិត្តដ៏ខ្ពង់ខ្ពស់បំផុតដល់ថ្នាក់ ដឹកនាំ បុគ្គលិក កម្មករ និងកម្មការិនីទាំងអស់ក្នុងរោងចក្រមានលទ្ធភាពក្នុងការបំពេញការ ងារតម្លើងរថយន្ត និងគ្រឿងចក្របម្រើឲ្យការនាំចេញទៅកាន់ទីផ្សារអន្តរជាតិ ។
ប្រទេសទាំងពីរកម្ពុជា-បេឡារុស បានបង្កើតចំណងទាក់ទងការទូតជាមួយគ្នាមក ដល់ពេលនេះមានអាយុកាលជិត ២០ ឆ្នាំមកហើយ ។ នៅក្នុងរយៈពេលនេះប្រទេសទាំង ពីរបានពង្រីកកិច្ចសហប្រតិបត្តិការជាមួយគ្នាប្រកបដោយផ្លែផ្កា ប៉ុន្តែអ្វីដែលជាសមិទ្ធផល ដែលលេចធ្លោ ជាងគេបំផុតនោះគឺនៅដើមអាណត្តិទី ៥ នេះ ប្រទេសបេឡារុសបានធ្វើកិច្ចសហប្រតិបត្តិការជាមួយប្រទេសកម្ពុជា ក្នុងការតម្លើងរោងចក្រ តម្លើង ត្រាក់ទ័រជាលើក ដំបូងក្នុងប្រទេសកម្ពុជា ដែលរោងចក្រតម្លើងត្រាក់ទ័រនោះ គឺជាផ្នែកមួយនៃទំនាក់ទំនង យ៉ាងជិតស្និទ្ធរវាងរាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន ជា មួយរដ្ឋាភិបាលនៃសាធារណរដ្ឋបេឡារុសក្រោមការ ដឹកនាំរបស់ឯកឧត្តម មីខាយ មីយ៉ាស នីកូវិច ជានាយករដ្ឋមន្រ្តីនោះ៕
ដោយ ជ័យ ភូមិពល

សម្តេចតេជោនាយករដ្ឋមន្រ្តីចូលជួបសម្តែងការគួរសម និងពិភាក្សាការងារជាមួយប្រធានក្រុម ប្រឹក្សារដ្ឋសភា និងអនុប្រធានសភានៃសាធារណរដ្ឋបេឡារុស

AKP ភ្នំពេញ ថ្ង្ងៃទី២៤ ខែមេសា ឆ្នាំ២០១៤ —នៅរសៀលថ្ងៃទី ២៤ មេសា ដែលជាថ្ងៃទី ២ នៃដំណើរបំពេញ​ទស្សនកិច្ចផ្លូវការ នៅទីក្រុងមីនស្ក នៃសាធារណរដ្ឋបេឡារុស សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណា ចក្រកម្ពុជាបាន​ អញ្ជើញចូល ជួបសម្តែង ការគួរសម និងពិភាក្សាការងារជាមួយ ឯកឧត្តម អាណាតូលី រ៉ូប៊ីណូវ ប្រធានក្រុមប្រឹក្សារដ្ឋសភា និងឯកឧត្តម វីទ័រ ហ្គូមីនស្គី អនុប្រធានសភា នៃសាធារណរដ្ឋបេ ឡារុស-នេះបើតាមរបាយការណ៍ ពីបេសកជនពិសេសរបស់ទូរទស្សន៍ជាតិកម្ពុជា។
ក្នុងជំនួបដែលធ្វើឡើងនៅវិមានសភាក្នុងទីក្រុងមីនស្ក ឯកឧត្តម អាណាតូលី រ៉ូប៊ីណូវ បានថ្លែង នូវអំណរគុណយ៉ាងកក់ក្តៅបំផុត ជូនចំពោះសម្តេចតេជោ នាយករដ្ឋមន្រ្តី និងគណៈប្រតិភូជាន់ខ្ពស់រាជ រដ្ឋាភិបាលកម្ពុជា ដែលបានអញ្ជើញមកបំពេញទស្សនកិច្ចផ្លូវការ នៅសាធារណរដ្ឋបេឡារុស។ ឯកឧត្តម ប្រធានសភាមានប្រសាសន៍ថា ប្រទេសយើងទាំងពីរមានទំនាក់ទំនងយ៉ាងល្អជាមួយគ្នា ទាំងស្ថាប័ននីតិប្បញ្ញត្តិ ក៏ដូចជាស្ថាប័ននីតិប្រតិបត្តិ ព្រោះថា កាលពីពេលកន្លងទៅថ្មីៗនេះ ថ្នាក់ដឹកនាំជាន់ខ្ពស់រដ្ឋសភា នៃប្រទេសទាំងពីរបានធ្វើការផ្លាស់ប្តូរដំណើរទស្សនកិច្ចពីគ្នាទៅវិញទៅមក ហើយពេល នេះទៀតសោត សម្តេចតេជោនាយករដ្ឋមន្រ្តី បានដឹកនាំគណៈប្រតិភូមកបំពេញទស្សនកិច្ចផ្លូវការនៅសាធារណរដ្ឋ បេឡារុស ហើយតាមរយៈដំណើរ ទស្សនកិច្ចរបស់សម្តេចតេជោនៅពេលនេះ បានបង្ហាញឲ្យឃើញថា ប្រទេសយើងទាំងពីរ ពិតជាមនោសញ្ចេតនាស្រឡាញ់រាប់អានគ្នា ប្រៀបបាន បងប្អូននឹងគ្នា និងជា ពិសេសទៅទៀតយើងពិតជាអាចធ្វើការទំនាក់ទំនងកាន់តែជិតស្និទ្ធថែមទៀត លើគ្រប់ផ្នែកនិងគ្រប់ វិស័យទាំងអស់ ក្នុងការបំពេញឲ្យគ្នាទៅវិញទៅមក ក្នុងន័យជំរុញកំណើនសេដ្ឋកិច្ច និងកិច្ចសហ ប្រតិបត្តិការនៃប្រទេសទាំងពីរឲ្យកាន់តែស៊ីជម្រៅថែមទៀត។
ឯកឧត្តមប្រធានក៏បានចាត់ទុកសម្តេចតេជោ មិនគ្រាន់តែជាថ្នាក់ដឹកនាំដ៏ឆ្នើមសម្រាប់ប្រទេស និងប្រជាជនកម្ពុជាប៉ុណ្ណោះទេ ប៉ុន្តែសម្តេចក៏ ជាអ្នកដឹកនាំជាទីគោរពស្រឡាញ់របស់ថ្នាក់ដឹកនាំ និងប្រ ជាជនបេឡារុសផងដែរ។
សម្តេចតេជោនាយករដ្ឋមន្រ្តីមានប្រសាសន៍ថ្លែងនូវអំណរគុណយ៉ាងជ្រាលជ្រៅបំផុត ពីសំណាក់ថ្នាក់ដឹកនាំរដ្ឋ រដ្ឋសភា និងរដ្ឋាភិបាល នៃសាធារណរដ្ឋ បេឡារុស ដែលបានទទួលបដិសណ្ឋារកិច្ចយ៉ាង កក់ក្តៅបំផុតចំពោះដំណើរទស្សនកិច្ចរបស់សម្តេច និងគណៈប្រតិភូមក កាន់សាធារណរដ្ឋមេឡារុស។ ក្នុងជំនួបពិភាក្សាគ្នានោះដែរ សម្តេចតេជោនាយករដ្ឋមន្រ្តីមានប្រសាសន៍ថា សម្តេចពិតជាមានក្តីរីក រាយចំពោះលទ្ធផល នៃកិច្ចពិភាក្សាជាមួយ ឯកឧត្តមប្រធានាធិបតី ឯកឧត្តមនាយករដ្ឋមន្រ្តី ហើយនៅ ពេលនេះ បានជួយសន្ទនាដោយផ្ទាល់ជាមួយ និងស្ថាប័នរដ្ឋសភា ដែលនេះបង្ហាញ ឲ្យឃើញពីការ យកចិត្តទុកដាក់លើគ្រប់ផ្នែកទាំងអស់ ក្នុងការជំរុញកិច្ចសហប្រតិបត្តិការនៃប្រទេសទាំងពីរឲ្យកាន់តែ មានការរីកចម្រើធំធាត់ថែមទៀត ពិសេសលើការជំរុញទំនាក់ទំនងសេដ្ឋកិច្ច ពាណិជ្ចកម្ម ការវិនិយោគ និងការសហប្រតិបត្តិការលើការបណ្តុះបណ្តាលធនធានមនុស្ស ។
សម្តេចតេជោនាយករដ្ឋមន្រ្តីបានស្នើដល់ថ្នាក់ដឹកនាំរដ្ឋសភាបេឡារុស ធ្វើយ៉ាងណាប្រជុំ ពិភាក្សា ដើម្បីអនុម័តនូវរាល់កិច្ចព្រមព្រៀង អនុស្សរណៈ និងឯកសារគោលសំខាន់ៗទាំង ១០ ដែលប្រ មុខរដ្ឋាភិបាល នៃប្រទេសទាំងពីរបានចុះកិច្ចព្រមព្រៀងជាមួយគ្នា ក្នុងដំណើរទស្សនកិច្ចរបស់សម្តេច មកកាន់បេឡារុស ដើម្បីឲ្យឯកសារទាំងអស់នោះក្លាយជាមូលដ្ឋានគតិយុត្តិ ក្នុងការអនុវត្តឲ្យកាន់តែ មានប្រសិទ្ធភាពខ្ពស់ លើផ្នែកច្បាប់សម្រាប់ រដ្ឋាភិបាលនៃប្រទេសទាំងពីរអនុវត្តន៍ឲ្យកាន់តែមានប្រសិទ្ធ ភាពខ្ពស់។
ជាការឆ្លើយតបឯកឧត្តមប្រធានរដ្ឋសភាមានប្រសាសន៍ថា ឯកឧត្តមនឹងខិតខំប្រឹងប្រែងឲ្យអស់ ពីសមត្ថភាពក្នុងការជួយជំរុញឲ្យមានកិច្ច ពិភាក្សាលើឯកសារអនុស្សរណៈ និងកិច្ចព្រមព្រៀងដែល ម្រមុខរដ្ឋាភិបាល នៃប្រទេសទាំងពីរបានចុះហត្ថលេខារួចមកនោះ៕
ដោយ ជ័យ ភូមិពល

សម្តេចតេជោនាយករដ្ឋមន្រ្តីជួបសន្ទនាជាមួយប្រធានសភាឡាវ

AKP  ភ្នំពេញ ថ្ងៃទី២៤ ខែមេសា ឆ្នាំ២០១៤ —ទូរទស្សន៍ជាតិកម្ពុជាផ្សាយឲ្យដឹងថា នៅថ្ងៃទី ២៤ មេសាឆ្នាំ ២០១៤ ដែលជាថ្ងៃទី ២ នៃដំណើរ ទស្សនកិច្ចផ្លូវការ នៅទីក្រុងមីនស្ក នៃសាធារណរដ្ឋបេឡារុស សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រ កម្ពុជាបានអញ្ជើញចូល ជួបសន្ទនាការងារជាមួយលោកជំទាវ ប៉ានី យ៉ាថរូ (Pany Yathotou) សមាជិកការិយាល័យនយោបាយ នៃគណៈកម្មាធិការ មជ្ឈឹមបក្ស និងជាប្រធានសភា នៃសាធារណរដ្ឋប្រជាធិបតេយ្យប្រជាមានិតឡាវ ។
ក្នុងជំនួបពិភាក្សាគ្នានោះថ្នាក់ដឹកនាំនៃប្រទេសទាំងពីរកម្ពុជា-ឡាវ បានសម្តែងនូវការរីករាយ ដោយបានជួបពិភាក្សាគ្នាជាថ្មីម្តងទៀត បន្ទាប់ពីដំណើរទស្សនកិច្ចផ្លូវការរបស់សម្តេចតេជោនាយក រដ្ឋមន្រ្តីទៅកាន់ប្រទេសឡាវ កាលពីដើមខែកុម្ភៈកន្លងទៅ។
សម្តេចតេជោ និងលោកជំទាវប្រធានសភាឡាវបានសម្តែងនូវការវាយតម្លៃខ្ពស់ និងកោតសរ សើរចំពោះទំនាក់ទំនង់មិត្តភាពជាប្រពៃណី នៃប្រទេសទាំងពីរកម្ពុជា-ឡាវ មានការរីកចម្រើនយ៉ាងឆាប់ រហ័សពីមួយថ្ងៃទៅមួយថ្ងៃ ពិសេសការផ្លាស់ប្តូរនូវដំណើរទស្សនកិច្ច ពីសំណាក់ថ្នាក់ដឹកនាំរដ្ឋ រដ្ឋសភា រដ្ឋាភិបាល មន្រ្តីគ្រប់ស្ថាប័ន និងស្រទាប់យុវវ័យរហូតដល់ប្រជាពលរដ្ឋនៃប្រទេសទាំងពីរ ។
សម្តេចតេជោនាយករដ្ឋមានប្រសាសន៍ថា ថ្នាក់ដឹកនាំនៃប្រទេសយើងទាំងពីរបានពុះពារនូវរាល់ ការលំបាកដូចគ្នា ក្នុងការរឹតចំណងសាមគ្គីភាព និងកិច្ចសហប្រតិបត្តិការលើគ្រប់វិស័យ សំដៅធ្វើយ៉ាង ណាឲ្យប្រទេសយើងទាំងពីរបានរួចចាកផុតពីភាពក្រីក្រ ពិសេសការអភិវឌ្ឍសមិទ្ធផលសង្គម ដែល បម្រើឲ្យការតភ្ជាប់នៃប្រទេស និងប្រជាជនទាំងពីរកម្ពុជា-ឡាវអាចប្រាស្រ័យទាក់ទាក់ទងគ្នា និងធ្វើកិច្ច សហប្រតិបត្តិការក្នុងការផ្លាស់ប្តូរសេដ្ឋកិច្ច ពាណិជ្ជកម្ម ទេសចរណ៍ និងការវិនិយោគនៃប្រទេសទាំងពីរ ។
ក្នុងជំនួបពិភាក្សានោះដែរ ថ្នាក់ដឹកនាំនៃប្រទេសទាំងពីរក៏បានប្តេជ្ញាចិត្តរួមគ្នា ក្នុងការបន្តដោះ ស្រាយនូវរាល់ភាពអវិជ្ជមាននានា ដែលប្រទេស ទាំងពីរមិនទាន់បានដោះស្រាយបញ្ចប់ សំដៅធ្វើយ៉ាង ណាឲ្យប្រទេសទាំងពីរឈានចូលសមាគមន៍សេដ្ឋកិច្ចអាស៊ាននៅឆ្នាំ ២០១៥ ខាងមុខ ប្រកបដោយ ស្មារតីទទួលខុសត្រូវ និងមានសក្តានុពលខ្ពស់ក្នុងការប្រកួតប្រជែងជាមួយបណ្តាប្រទេសជាសមាជិក អាស៊ានទាំងអស់ ។
ដោយសារតែថ្នាក់ដឹកនាំទាំងពីរកំពុងតែបំពេញទស្សនកិច្ចផ្លូវការនៅទីក្រុងមីនស្កដូចគ្នា ជាមួយ គ្នានោះ ប្រមុខថ្នាក់ដឹកនាំទាំងពីរក៏បានសម្តែង នូវការវាយតម្លៃខ្ពស់ចំពោះលទ្ធផលនៃដំណើរទស្សន កិច្ចនៅទីក្រុងមីនស្ក នៃសាធារណរដ្ឋបេឡារុសពីគ្នាទៅវិញទៅមកផងដែរ៕
ដោយ ជ័យ ភូមិពល

កម្ពុជា-បេឡារុសចុះហត្ថលេខាលើឯកសារកិច្ចព្រមព្រៀងចំនួន១០

AKP ភ្នំពេញ ថ្ងៃទី២៤ ខែមេសា ឆ្នាំ២០១៤—ប្រទេសកម្ពុជា និងសាធារណរដ្ឋបេឡារុសបានចុះហត្ថលេខាលើ ឯកសារ នៃកិច្ចព្រមព្រៀងចំនួន ១០ ដែលសម្តេចអគ្គមហាសេនាបតីតេជោ ហ៊ុន សែន និងសមភាគី ឯកឧត្តម មីខាយ មីយ៉ាសនីកូវិច នាយករដ្ឋមន្រ្តី នៃសាធារណរដ្ឋបេឡារុសបាន អញ្ជើញចុះហត្ថលេខាលើ សេចក្តីប្រកាសរួម នៃប្រទេសទាំងពីរ។
បេសកជនពិសេសរបស់ទូរទស្សន៍ជាតិកម្ពុជាបានរាយការណ៍ថា បន្ទាប់ពីការជួបចង្អៀត និង ជំនួបចរចាទ្វេភាគីកាលពីរសៀលថ្ងៃទី ២៣ ខែមេសា ឆ្នាំ ២០១៤ សមភាគីកម្ពុជា-បេឡារុស ក៏បាន អញ្ជើញធ្វើជាសាក្សីក្នុងពិធីចុះហត្ថលេខាលើឯកសារកិច្ចព្រមព្រៀង និងអនុស្សរណៈនៃការយោគយល់ គ្នាលើឯកសារចំនួន ៩ ផ្សេងទៀតក្នុងនោះរួមមាន ៖ កិច្ចព្រមព្រៀងសហប្រតិបត្តិការរវាងក្រសួង ឧស្សាហកម្ម និងសិប្បកម្ម នៃព្រះរាជាណាចក្រកម្ពុជា ជាមួយក្រសួងឧស្សាហកម្ម នៃសាធារណរដ្ឋ បេឡារុស ដែលភាគីកម្ពុជាចុះហត្ថលេខាដោយឯកឧត្តម សុខ អាន ឧបនាយករដ្ឋមន្រ្តី រដ្ឋមន្រ្តីទទួល បន្ទុកទីស្តីការគណៈរដ្ឋមន្រ្តី ភាគីបេឡារុសចុះហត្ថលេខាដោយឯកឧត្តម Dzmitry Katriarynich រដ្ឋមន្រ្តី ក្រសួងឧស្សាហកម្ម កិច្ចព្រមព្រៀង សហប្រតិបត្តិការលើវិស័យសុខភាពសាធារណៈរវាងក្រសួងសុខាភិ បាល នៃព្រះរាជាណាចក្រកម្ពុជា ជាមួយក្រសួងសុខាភិបាល នៃសាធារណរដ្ឋ បេឡារុសចុះហត្ថលេខា រវាងឯកឧត្តម សុខ អាន ជាមួយឯកឧត្តមVasilii Jarko រដ្ឋមន្រ្តីក្រសួងសុខាភិបាល កិច្ចព្រមព្រៀងសហប្រតិបត្តិការ រវាងក្រសួងរ៉ែ និងថាមពល នៃព្រះរាជាណាចក្រកម្ពុជា ជាមួយក្រសួងឧស្សាហកម្ម នៃសាធារណរដ្ឋបេឡារុស ចុះហត្ថលេខារវាងឯកឧត្តម សុខ អាន ជាមួយនឹងឯកឧត្តម Dzmitry Katriarynich រដ្ឋមន្រ្តីក្រសួងឧស្សាហកម្ម អនុស្សរណៈនៃការយោគយល់គ្នាស្តីពីការបង្កើតទំនាក់ទំនង មិត្តភាព និងកិច្ចសហប្រតិបត្តិការរវាងទីក្រុងមីនស្ក នៃសាធារណរដ្ឋបេឡារុសជាមួយរាជធានីភ្នំពេញ នៃព្រះរាជាណាចក្រកម្ពុជា ចុះហត្ថលេខារវាងឯកឧត្តម សុខ អាន ឧបនាយករដ្ឋមន្រ្តី រដ្ឋមន្រ្តីទទួល បន្ទុកទីស្តីការគណៈរដ្ឋមន្រ្តី ជាមួយឯកឧត្តម Mikalai Ladutska ប្រធានគណៈកម្មការធិ ការក្រុងមីនស្ក កិច្ចព្រមព្រៀងស្តីពីសហប្រតិបត្តិការពាណិជ្ជកម្ម និងសេដ្ឋកិច្ចរវាងរាជរដ្ឋាភិបាល នៃព្រះរាជាណាចក្រ កម្ពុជា និងរដ្ឋាភិបាល នៃសាធារណរដ្ឋបេឡារុស ចុះហត្ថលេខារវាងឯកឧត្តម ស៊ុន ចាន់ថុល ទេស រដ្ឋមន្រ្តី និងជារដ្ឋមន្រ្តីក្រសួងពាណិជ្ជកម្ម ជាមួយនឹងឯកឧត្តមValiantsin Rybakou អនុរដ្ឋមន្រ្តីក្រសួង ការបរទេស អនុស្សរណៈនៃការយោគយល់គ្នារវាងធនាគារជាតិនៃកម្ពុជា និងធនាគារជាតិ នៃសាធារ ណរដ្ឋបេឡារុស ចុះហត្ថលេខារវាងឯកឧត្តម ជា ចាន់តូ អគ្គទេសាភិបាលធនាគារជាតិ នៃកម្ពុជា ជា មួយលោកជំទាវ Nadzeja Yermako va ប្រធានធនាគារជាតិបេឡារុស អនុស្សរណៈនៃការយោគ យល់គ្នាស្តីពីសហប្រតិបត្តិការលើវិស័យកសិកម្មរវាងក្រសួងកសិកម្ម រុក្ខាប្រមាញ់ និងនេសាទ នៃព្រះ រាជាណាចក្រកម្ពុជា និងក្រសួងកសិកម្ម និងអាហារនៃសាធារណរដ្ឋបេឡារុស ចុះហត្ថលេខា រវាងឯក ឧត្តម អ៊ុក រ៉ាប៊ុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ជាមួយនឹងឯកឧត្តម Uladzimir Grakun អនុរដ្ឋមន្រ្តីក្រសួងកសិកម្ម និងទីកិច្ចព្រមព្រៀងស្តីពីសហប្រតិបត្តិការបច្ចេកទេសយោធារវាង រាជរដ្ឋាភិបាលនៃ ព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋបេឡារុសចុះហត្ថលេខារវាង ឯកឧត្តមនាយឧត្តមសេនីយ៍ នាង ផាត រដ្ឋលេខាធិការក្រសួងការពារជាតិជាមួយនឹង ឯកឧត្តម Uladzimir Sulimau អនុប្រធានទី ១ នៃគណៈកម្មាធិការឧស្សាហកម្មយោធារដ្ឋ។
ពិធីបដិសណ្ឋារកិច្ចផ្លូវការបានប្រព្រឹត្តទៅនៅវិមានរដ្ឋាភិបាល ក្នុងទីក្រុងមីនស្ក នៃសាធារណរដ្ឋ បេឡារុស ដែលតេជោ ហ៊ុន សែន ត្រូវបានការធ្វើគារ វកិច្ចស្វាគមន៍យ៉ាងស្និទ្ធស្នាលរាក់ទាក់ និងកក់ក្តៅ បំផុតពីសំណាក់ឯកឧត្តមនាយករដ្ឋមន្រ្តីបេឡារុស មីខាយ មីយ៉ាសនីកូវិច ។ ព្រះរាជាណាចក្រកម្ពុជា និងសាធារណរដ្ឋបេឡារុសបានភ្ជាប់ទំនាក់ទំនងការទូតជាមួយគ្នានៅថ្ងៃទី ២៥ ខែមករាឆ្នាំ ១៩៩៥ ដែលចាប់ពីពេលនោះមកការផ្លាស់ប្តូរ ដំណើរទស្សន កិច្ចលំដាប់ខ្ពស់ទៅវិញទៅមក មានដូចជានៅថ្ងៃទី ១៨ ដល់ថ្ងៃទី ២៤ មិថុនាឆ្នាំ ២០១២ សម្តេចអគ្គមហាពញាចក្រី ហេង សំរិន ប្រធានរដ្ឋសភាបាន អញ្ជើញទៅបំពេញទស្សនកិច្ចផ្លូវទៅកាន់ប្រទេសបេឡារុស ជាមួយគ្នានេះ កាលពីថ្ងៃទី ២០ ដល់ថ្ងៃទី ២២ ខែកញ្ញាឆ្នាំ ២០១១ ឯកឧត្តម វីតាលី បូសស្កូ អនុប្រធានគណៈកម្មការអចិន្រៃ្តយ៍ទទួលបន្ទុក កិច្ចការអន្តរជាតិ នៃរដ្ឋសភាបេឡារុស បានអញ្ជើញមកចូលរួមមហាសន្និបាតលើកទី ៣២ របស់អន្តរ សភាអាស៊ាន (AIPA) នៅភ្នំពេញ ។ ថ្ងៃទី ១០ ដល់ថ្ងៃទី ១៥ ខែកុម្ភៈឆ្នាំ ២០១៣ ឯកឧត្តម វ្ល៉ាដឺមៀរ អាន់ដ្រេឆាន់កូ ប្រធានរដ្ឋសភាបេឡារុស និងកាលពីខែមីនាឆ្នាំ ២០១៤ កន្លងទៅថ្មីៗនេះ ឯកឧត្តម វ្ល៉ាដឺមៀរ ម៉ាកេ រដ្ឋមន្រ្តីការបរទេសបេឡារុសក៏បានអញ្ជើញមក បំពេញទស្សនកិច្ចនៅ កម្ពុជាផងដែរ។ ក្នុងកិច្ចប្រជុំឯកឧត្តមនាយករដ្ឋមន្រ្តីបេឡារុសមានប្រសាសន៍ថា ឯកឧត្តមបានទទួលនូវដំណឹង ដ៏សែនរីករាយចំពោះលទ្ធផល នៃកិច្ចសន្ទនារវាងសម្តេចតេជោ និងឯកឧត្តមប្រធានាធិបតី ដែលបាន ធ្វើការពិភាក្សាដោយស្មោះត្រង់ជុំវិញការជំរុញកិច្ចសហប្រតិបត្តិការ នៃប្រទេសទាំងពីរឲ្យកាន់តែរីក ចម្រើនរឹងមាំថែមទៀត ។ ឯកឧត្តម មីខាយ មីយ៉ាសនីកូវិច មានប្រសាសន៍បន្តថា ប្រទេសបេឡារុស មានសេចក្តី សោមនស្សរីករាយខ្លាំងណាស់ ក្នុងការពង្រីកទំនាក់ទំនងនិងកិច្ចសហប្រតិបត្តិការលើ វិស័យការទូត នយោបាយ សេដ្ឋកិច្ច និងពាណិជ្ជកម្ម ជាមួយនឹង ប្រទេសកម្ពុជាដោយសារតែប្រទេស កម្ពុជានាពេលបច្ចុប្បន្នទទួលបាននូវសុខសន្តិភាពពេញលេញ ពិសេសប្រទេសកម្ពុជាគឺជាប្រទេសមួយ ដែលសម្បូរទៅដោយធនធានធម្មជាតិ ដែលអាចធ្វើការវិនិយោគរួមគ្នាបាន ។
ឯកឧត្តមនាយករដ្ឋមន្រ្តីមានប្រសាសន៍បន្តថា អ្វីដែលយើងមិនទាន់បានធ្វើការដោះស្រាយ និង ឈានដល់ចំណុចមួយ ដែលអាចធ្វើកិច្ចសហ ប្រតិបត្តិការជាមួយគ្នាបាននោះ គឺយើងនឹងបន្តធ្វើការ ពិភាក្សាគ្នាបន្តទៀត សំដៅធ្វើយ៉ាងណាឲ្យប្រទេសយើងទាំងពីរកាន់តែឈានចូលជិតគ្នា នឹងបម្រើឲ្យ ផលប្រយោជន៍ពីគ្នាទៅវិញទៅមក ។ ឯកឧត្តមនាយករដ្ឋមន្រ្តីមានប្រសាសន៍សង្កត់ធ្ងន់ថា បើទោះបីជា ប្រទេសយើងទាំងពីរ ហាក់នៅឃ្លាតឆ្ងាយពីគ្នាក៏ពិតមែន ប៉ុន្តែសន្តានចិត្តដ៏ល្អរបស់ថ្នាក់ដឹកនាំ និងប្រ ជាជនកម្ពុជា បានជំរុញឲ្យថ្នាក់ដឹកនាំ និងប្រជាជនបេឡារុស ទាំងអស់មានការស្រឡាញ់រាប់អានកាន់ តែខ្លាំងឡើង និងប្រៀបដូចជាបងប្អូន ដែលមានភូមិផងរបងជាមួយយ៉ាងដូច្នេះដែរ ។ ក្នុងជំនួបពិភាក្សា គ្នានោះដែរ ឯកឧត្តមនាយករដ្ឋមន្រ្តីបានសម្តែងនូវការវាយតម្លៃខ្ពស់ចំពោះភាពជោគជ័យ ដែលរាជ រដ្ឋាភិបាលកម្ពុជា ក្រោមការដឹកនាំ ប្រកបដោយ គតិបណ្ឌិតរបស់សម្តេចតេជោនាយករដ្ឋមន្រ្តី ក្នុងដឹកនាំ ប្រទេសឈានឆ្ពោះមកកាន់សុខសន្តិភាព និងការអភិវឌ្ឍរីកចម្រើនលើគ្រប់វិស័យ ។ ឯកឧត្តមបន្តថា ដំណើរទស្សនកិច្ចរបស់សម្តេចតេជោនាយករដ្ឋមន្រ្តីមកកាន់បេឡារុសនៅពេលនេះ គឺធ្វើឡើងជិតនឹង ការប្រារព្ធខួបលើកទី ២០ នៃទំនាក់ទំនងការទូតរបស់ប្រទេសទាំងពីរកម្ពុជា-បេឡារុស និងព្រឹត្តិការណ៍ ដទៃទៀត ដែលប្រទេសទាំងពីររួមគ្នាសម្រេចបាន ពិសេស លើវិស័យសេដ្ឋកិច្ច និងសង្គម ។
ក្នុងជំនួបចរចាកំពូលនោះ ប្រមុខរដ្ឋាភិបាល នៃប្រទេសទាំងពីរបានសម្តែងនូវការវាតម្លៃខ្ពស់ និង កោតសរសើរដោយស្មោះស្ម័គ្របំផុត ដែលក្រុមការងារ នៃប្រទេសទាំងពីរសម្រេចបានក្នុងរយៈពេល កន្លងមក ។ ជាមួយគ្នានេះប្រមុខថ្នាក់ដឹកនាំទាំងពីរក៏បានសម្តែងនូវការសោកស្តាយដែលប្រទេសទាំង ពីរមិនទាន់បានអនុវត្តន៍ឲ្យកាន់តែស៊ីជម្រៅពីសក្តានុពលដែលប្រទេសទាំងពីរមាន ។ ប្រមុខរដ្ឋាភិបាល នៃប្រទេសទាំងពីបានធ្វើការ កត់សម្គាល់រួមគ្នា ដែរថា ប្រទេសយើងទាំងពីរមិនមែនត្រឹមតែធ្វើកិច្ចសហ ប្រតិបត្តិការក្នុងការទិញទំនិញ សម្ភារ បច្ចេកទេសនោះទេ ប៉ុន្តែភាគីទាំងពីរគួរតែសង្កត់ធ្ងន់ ទៅលើកិច្ច សហប្រតិបត្តិការលើការជំរុញការវិនិយោគផងដែរ។
ក្នុងជំនួបពិភាក្សាគ្នានោះដែរ ឯកឧត្តមនាយករដ្ឋមន្រ្តីបានកោតសរសើរជូនចំពោះ សម្តេចតេជោ នាយករដ្ឋមន្រ្តីដែលបានខិតខំជំរុញធ្វើយ៉ាងណា ឲ្យមានគម្រោងរួមគ្នា ក្នុងការពង្រីកកិច្ចសហប្រតិបត្តិ ការនៃប្រទេសទាំងពីរកាន់តែសម្រេចបានជោគជ័យថែមទៀត ។
ឯកឧត្តមនាយករដ្ឋមន្រ្តីក៏បានគូស បញ្ជាក់ពីសារសំខាន់ ដែលធនាគារជាតិ នៃប្រទេសទាំងពីរគួរតែបង្កើនកិច្ចសហប្រតិបត្តិការជាមួយគ្នា ឲ្យកាន់តែ រឹងមាំថែម ក្នុងជំរុញក៏ដូចជាការបង្កើននូវភាពជឿជាក់ និងទំនុកចិត្តដល់អ្នកវិនិយោគនៃ ប្រទេសទាំងពីរ ។
បេសកជនពិសេសរបស់ទូរទស្សន៍ជាតិកម្ពុជាបានឲ្យដឹងថា សម្តេចតេជោនាយករដ្ឋមន្រ្តីមាន ប្រសាសន៍ថា ដំណើរទស្សនកិច្ចមកកាន់ប្រទេស បេឡារុសនៅពេលនេះគឺជាវិភាគទានថ្មីមួយទៀត ក្នុង ការបង្កើននូវអត្ថន័យដ៏ខ្ពង់ខ្ពស់ នៃកិច្ចសហប្រតិបត្តិការរវាងប្រទេសទាំងពីរ ឈានដល់ចំណុច ថ្មីមួយ កម្រិតទៀត ជាពិសេសមិនមែនតែកិច្ចសហប្រតិបត្តិការសម្រាប់ប្រទេសទាំងពីរប៉ុណ្ណោះទេ ប៉ុន្តែវាបាន បន្ថែមទម្ងន់ដល់ការចុះហត្ថ លេខាលើឯកសារសំខាន់ចំនួន ១០ ដែលត្រូវចុះហត្ថលេខាក្នុងដំណើរ ទស្សនកិច្ចរបស់សម្តេចមកកាន់ប្រទេសបេឡារុសនោះ ។
សម្តេចតេជោមានប្រសាសន៍សម្តែងនូវការវាយតម្លៃខ្ពស់នឹងភាពជោគជ័យ ដែលប្រទេសបេឡារុសសម្រេចបានក្នុងរយៈពេលជាង ៣៣ ឆ្នាំ កន្លងមក បន្ទាប់ពីដំណើរទស្សនកិច្ចលើកទី ១ របស់សម្តេចមកកាន់ទីក្រុងមីនស្កកាលពីឆ្នាំ ១៩៨១ ។ សម្តេចតេជោមានប្រសាសន៍បន្តថា កាលពីឆ្នាំ ២០១២ កន្លងទៅប្រធានរដ្ឋសភាកម្ពុជា គឺសម្តេចអគ្គ មហាពញាចក្រី ហេង សំរិន បានអញ្ជើញមកបំពេញទស្សនកិច្ចនៅបេឡារុស ឆ្នាំ ២០១៣ ប្រធាន សភាបេឡារុស បានបំពេញទស្សនកិច្ចនៅកម្ពុជា និងនៅខែមីនាកន្លងទៅរដ្ឋមន្រ្តីក្រសួងការបរទេស បេឡារុសបានធ្វើទស្សនកិច្ចនៅកម្ពុជា ដែលសម្តេចបានស្នើឲ្យភាគីទាំងពីរបន្តធ្វើការផ្លាស់ប្តូរដំណើរ ទស្សនកិច្ចរបស់ថ្នាក់នាំ នៃប្រទេសទាំងពីរឲ្យកាន់តែញឹកញាប់ថែមទៀត សំដៅធ្វើយ៉ាងណាឲ្យប្រទេស ទាំងពីរកាន់តែទទួលបាននូវភាពជិតស្និទ្ធ និងបង្កើតជាយន្តការស្របច្បាប់មួយ នៃការអនុវត្តយន្តការ ដែលបានចុះហត្ថលេខារួមគ្នានោះ។
សម្តេចតេជោក៏មានប្រសាសន៍ដែរថា វិស័យឯកជនគឺជាផ្នែកដ៏គន្លឹះ នៃការអភិវឌ្ឍសមិទ្ធផល សង្គម សេដ្ឋកិច្ច នៃប្រទេសទាំងពីរ ហើយនៅពេលដ៏ខ្លី ខាងមុខយើងនឹងប្រារព្ធខួប ២០ ឆ្នាំនៃការ បង្កើតចំណងការទូតនៃប្រទេសទាំងពីរ ដែលតាមរយៈនេះយើងគួរបង្កើតនូវព្រឹត្តិការណ៍អ្វីមួយ ដើម្បីឲ្យ នាយករដ្ឋមន្រ្តីនៃប្រទេសទាំងពីរយកមកអនុវត្តន៍ ដើម្បីឲ្យផ្នែកពាក់ព័ន្ធ និងវិស័យឯកជនកាន់តែយល់ ជ្រួតជ្រាបពីអ្វីដែលប្រមុខរដ្ឋាភិបាល នៃប្រទេសទាំងពីរបានខិតខំប្រឹងប្រែងរួមគ្នានោះ ។
នៅក្នុងជំនួបពិភាក្សាគ្នានោះដែរ ប្រមុខរដ្ឋាភិបាលនៃប្រទេសទាំងពីរកម្ពុជា-បេឡារុស ក៏បាន ពិភាក្សាផងដែរទាក់ទិនទៅ និងបញ្ហាសន្តិសុខនៅក្នុង តំបន់ និងពិភពលោក និងអន្តរជាតិ ដែលមានការ យកចិត្តទុកដាក់ដូចគ្នា ពិសេសការពិភាក្សាទៅលើកម្រិតនៃការធ្វើពាណិជ្ជកម្ម និងសេដ្ឋកិច្ចជា លក្ខណៈសកល និងដែលបម្រើឲ្យផលប្រយោជន៍របស់ប្រទេស និងប្រជាជនទាំងពីរកម្ពុជា បេឡារុស។ ក្នុងកិច្ចសន្ទនាគ្នានោះដែរ សម្តេចតេជោ ក៏បានលើកទឹកចិត្តឲ្យប្រទេសបេឡារុសធ្វើការសិក្សាស្រាវជ្រាវ បន្ថែមពីសក្តានុពលនៃការផលិតស្បៀងដើម្បីធ្វើការនាំចេញមកកាន់បេឡារុស និងទីផ្សារនៅសហគមន៍ អឺរ៉ុបក៏ដូចជាទីផ្សារពិភពលោក។
នៅក្នុងពិធីលៀងសាយភោជន៍ជាមហាកិត្តិយសដ៏ខ្ពង់ខ្ពស់បំផុតនៅពេលរាត្រីឯកឧត្តម មីខាយ មីយ៉ាសនីកូវិចបានសម្តែង នូវការស្វាគមន៍ សាជាថ្មីម្តងទៀត ជូនចំពោះសម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់រាជរដ្ឋាភិបាលកម្ពុជា ដែលបានឆ្លើយតបតាមការ អញ្ជើញរបស់ឯកឧត្តម មក បំពេញទស្សនកិច្ចនៅសាធារណរដ្ឋបេឡារុស ពិសេសបានធ្វើការពិភាក្សាគ្នាដោយស្មោះត្រង់ ដើម្បី បម្រើផលប្រយោជន៍សម្រាប់ប្រជាជាតិនៃយើងទាំងពីរ។
ឯកឧត្តមនាយករដ្ឋមន្រ្តីមានប្រសាសន៍បន្តថា ការពិភាក្សារបស់យើងដែលបានបញ្ចប់ទៅនេះ ពិសេសការចុះហត្ថលេខាលើឯកសារអនុស្សរណៈ និងកិច្ចព្រមព្រៀងទាំង ១០ ក្នុងដំណើរទស្សនកិច្ច របស់សម្តេចតេជោនាយករដ្ឋមន្រ្តីមកកាន់សាធារណរដ្ឋបេឡារុសនៅពេលនេះ បានបង្ហាញឲ្យ ឃើញពី ការយកចិត្តទុកដាក់ខ្ពស់របស់ថ្នាក់ដឹកនាំនៃប្រទេសទាំងពីរ ក្នុងការជំរុញកិច្ចសហប្រតិបត្តិការលើគ្រប់ វិស័យ ពិសេសវិស័យពាណិជ្ជកម្ម នៃប្រទេសទាំងពីរឲ្យឈានដល់ចំណុចកំពូលថ្មីថែមទៀត។
ឆ្លើយតបនឹងប្រសាសន៍លើកឡើងរបស់ឯកឧត្តមនាយករដ្ឋមន្រ្តី សម្តេចតេជោនាយករដ្ឋមន្រ្តី មានប្រសាសន៍ថា យើងបានខិតខំសម្រេច លើកិច្ចការជាច្រើន ដែលមានផលប្រយោជន៍ និងការទទួល ខុសត្រូវខ្ពស់ពីសំណាក់មន្រ្តីថ្នាក់ដឹកនាំគ្រប់ផ្នែកទាំងអស់ ក្នុងការឈានទៅ សម្រេចនូវពិធីចុះហត្ថ លេខាលើឯកសារសំខាន់ៗទាំង ១០ ដែលបានចុះហត្ថលេខាក្នុងដំណើរទស្សនកិច្ចផ្លូវការរបស់សម្តេច មកកាន់ប្រទេសបេឡារុសក្នុងឱកាសដ៏ថ្លៃថ្លាបំផុតនេះ។
សម្តេចតេជោនាយករដ្ឋមន្រ្តីមានប្រសាសន៍បន្តថា នៅក្នុងការដឹកនាំរដ្ឋាភិបាលជិត ៣០ ឆ្នាំកន្លង មកនេះ សម្តេចមិនធ្លាប់បានឃើញ ពិធីចុះហត្ថលេខា លើកិច្ចព្រមព្រៀងអនុស្សរណៈ និងឯកសារចំនួន ១០ ព្រមគ្នាបែបនេះទេ ប៉ុន្តែអ្វីដែលយើងសម្រេចបាននេះគឺកើតចេញពីការតាំងចិត្ត និងការប្តេជ្ញា ចិត្តរួម គ្នារបស់មន្រ្តីជាន់ខ្ពស់ នៃរដ្ឋាភិបាលទាំងពីរក្នុងការឈានទៅសម្រេចនូវឯកសារគោល ដែលបម្រើឲ្យ ផលប្រយោជន៍រួមនៃប្រទេសយើងទាំងពីរ ។ សម្តេចតេជោនាយករដ្ឋមន្រ្តីក៏បានសន្យាថា នឹងខិតខំប្រឹង ប្រែងធ្វើឲ្យសម្រេចបាននូវគោលដៅដែលរដ្ឋាភិបាល នៃប្រទេសទាំងពីរបានប្តេជ្ញារួមគ្នា ក្នុងការជំរុញ ទំហំពាណិជ្ជកម្ម និងការវិនិយោគឲ្យកាន់តែរីកចម្រើនទ្វេឡើងថែមទៀតនោះ ។ សម្តេចតេជោក៏បាន ប្រសិទ្ធពរជ័យបវរមហា ប្រសើរដល់ ការសម្រេចបាននូវសមិទ្ធផលថ្មីៗថែមទៀត ដែលផ្តើមចេញពីកិច្ច ព្រមព្រៀង និងអនុស្សរណៈ និងឯកសារគោលនានា ដែលបានចុះហត្ថលេខា នៅក្នុងពិធីដ៏មានអត្ថន័យនេះ៕
ដោយ ជ័យ ភូមិពល

សម្តេចនាយករដ្ឋមន្រ្តីអញ្ជើញចូលជួបសម្តែងការ និងពិភាក្សាការងារ ជាមួយប្រធានាធិបតីបេឡារុស

យោងតាមបេសកជនពិសេសរបស់ទូរទស្សន៍ជាតិកម្ពុជាឲ្យដឹងថា សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងគណៈប្រតិភូជាន់ខ្ពស់រាជរដ្ឋាភិបាល កម្ពុជាអញ្ជើញចូលជួប សម្តែងការគួរសម និងពិភាក្សាការងារ ជាមួយឯកឧត្តម អាឡិចសាន់ដឺរ លូកា ឆាន់កូ (Aleksander Lukashenko) ប្រធានាធិបតីនៃសាធារណរដ្ឋបេឡារុស នៅវេលាថ្ងៃត្រង់ថ្ងៃទី ២៣ មេសា ឆ្នាំ ២០១៤ បន្ទាប់ពីបានអញ្ជើញ ទៅដល់សាធារណរដ្ឋបេឡារុសតែប៉ុន្មានម៉ោងប៉ុណ្ណោះ ។
ក្នុងជំនួបពិភាក្សាគ្នានោះឯកឧត្តមប្រធានាធិបតី បានសម្តែងនូវការស្វាគមន៍យ៉ាងកក់ក្តៅបំផុត ចំពោះវត្តមានដ៏ឧត្តុង្គឧត្តមបំផុតរបស់សម្តេចតេជោ​នាយករដ្ឋមន្រ្តី និងគណៈប្រតិភូដែលបានអញ្ជើញ មកបំពេញទស្សនកិច្ចផ្លូវការ​នៅសាធារណរដ្ឋ​បេឡារុសនោះ ។​
ឯកឧត្តមប្រធានា ធិបតីមានប្រសាសន៍ ថា ប្រទេសយើងទាំងពីរកម្ពុជា-បេឡារុស អាចធ្វើកិច្ចសហប្រតិបត្តិការជាមួយគ្នាលើវិស័យជាច្រើន ពិសេសលើវិស័យពាណិជ្ជកម្ម និងការវិនិយោគ ។
ឯកឧត្តមប្រធានាធិបតីមានប្រសាសន៍បន្តថា ត្រាក់ ទ័រដែលប្រើប្រាស់នៅក្នុងប្រទេសរុស៊្សីនាពេលបច្ចុប្បន្ននេះគឺនាំចូលពីបេឡារុស តាមរយៈនេះ ឯកឧត្តម ចង់ឃើញការសហការពីកម្ពុជាក្នុងផលិតត្រាក់ទ័រ ដើម្បីផ្គត់ផ្គង់ក្នុងស្រុក និងបម្រើឲ្យការនាំចេញប្រកប ដោយសក្តានុពលបំផុត ។ ជាមួយគ្នានេះឯកឧត្តមនឹងខិតខំឲ្យផ្នែករដ្ឋាភិបាលធ្វើការសហការជាមួយ នឹងកម្ពុជាក្នុងការជំរុញការវិនិយោគនៃប្រទេសទាំងពីរផងដែរ។
សម្តេចតេជោនាយករដ្ឋមន្រ្តីមានប្រសាសន៍ថ្លែងនូវអំណរគុណ ជូនចំពោះឯកឧត្តមប្រធានា ធិបតី ដែលបានទទួលនូវបដិសណ្ឋារកិច្ចយ៉ាងកក់ក្តៅបំផុត ចំពោះវត្តមាននៃដំណើរទស្សនកិច្ចរបស់ សម្តេច និងគណៈប្រតិភូមកកាន់ប្រទេសបេឡារុស ។ ជាមួយគ្នានេះសម្តេចតេជោនាយករដ្ឋមន្រ្តីមាន ប្រសាសន៍បានពាំនាំនូវព្រះរាជបណ្តាំផ្ញើសាកសួរសុខទុក្ខ ពីព្រះករុណាជាអម្ចាស់ជីវិតលើត្បូងព្រះ មហាក្សត្រនៃព្រះរាជាណាចក្រកម្ពុជា​ផ្ញើជូនឯកឧត្តមប្រធានាធិបតី និងបានពាំនាំនូវការយាងរបស់ព្រះ មហាក្សត្រកម្ពុជា ក្នុងការគោរពអញ្ជើញឯកឧត្តមប្រធានាធិបតីមកបំពេញ​ទស្សនកិច្ចជាលក្ខណៈផ្លូវរដ្ឋ នៅព្រះរាជាណាចក្រកម្ពុជា តាមពេលវេលាសមស្របណាមួយនៅពេលខាងមុខ ។
សម្តេចតេជោនាយករដ្ឋមន្រ្តីមានប្រសាសន៍បន្តថា រដ្ឋាភិបាលនៃប្រទេសទាំងពីរបានខិតខំជំរុញ កិច្ចសហប្រតិបត្តិការ នៃប្រទេសទាំងពីរ​ឲ្យកាន់តែរឹងមាំថែមទៀត ហើយតាមរយៈដំណើរទស្សនកិច្ច របស់សម្តេចមកកាន់ប្រទេសបេឡារុសនៅពេលនេះ យើងនឹងចុះហត្ថលេខា​លើកិច្ចព្រមព្រៀងសំ ខាន់ៗចំនួន ១០ សំដៅធ្វើយ៉ាងណាឲ្យកាន់តែទទួលបានជោគជ័យថែមទៀតលើការពង្រឹង និងពង្រីក ទំនាក់ទំនងការទូត សេដ្ឋកិច្ច និងពាណិជ្ជកម្ម នៃប្រទេសទាំងពីរឈានដល់ចំណុចកំពូលថ្មីមួយទៀត។
ក្នុងជំនួបពិភាក្សាគ្នានោះដែរ ឯកឧត្តមប្រធានាធិបតី និងសម្តេចតេជោនាយករដ្ឋមន្រ្តីក៏បានធ្វើ ការពិភាក្សាគ្នាលើបញ្ហាទ្វេភាគី ពហុភាគី និងបញ្ហាតំបន់ ដែលមានការយកចិត្តទុកដាក់ដូចគ្នាផងដែរ៕
ដោយ ជ័យ ភូមិពល

បទ​អត្ថា​ធិប្បាយ៖ ​គួរ​បញ្ឈប់​ការ​​ធ្វើ​​អាជី​​វកម្ម​​លើ​សព​លោក ឈុត វុទ្ធី !

          ជា​ការ​ខុសឆ្គង​បំ​ផុត ដែលក្រុម​បក្ស​ប្រឆាំង និង​សង្គម​ស៊ី​វិល​មួយ​ចំ​នួន​ នៅ​តែបន្តចិញ្ចឹម​បញ្ហា​នៅ​ពី​ក្រោយ​ករណីស្លាប់​របស់​សកម្មជន​ការពារ​ព្រៃ​ឈើ លោក ឈុត វុទ្ធី ដែល​បាន​ស្លាប់​កាលពី​២ឆ្នាំ​មុន​ នៅ​ស្រុក​មណ្ឌល​សី​មា​ ខេត្ត​កោះ​កុង ដោយ​សារ​ទំ​នាស់​ជា​មួយ​​មន្ត្រី​កង​រាជ​អាវុធ​ហត្ថ​ម្នាក់ ឈ្មោះ អ៊ិន រតនា ដែលអ្នក​ទាំង​ពីរត្រូវ​បាន​គេដឹង​ថា មានអត្តចរិតឆេវ​ឆាវ​ដូចគ្នា​ ​ បាន​បណ្តា​ល​អោយ​បុរស​ទាំង​ពីរនាក់នេះ​​ស្លាប់​នៅ​ក្នុង​ព្រៃ​ ដោយ​សារជម្លោះ​ពាក្យ​សម្តីដ៏ខ្លាំង​ក្លា និង​ការមិន​យោគ​​យល់​អធ្យា​ស្រ័យគ្នា​។

            ជា​ការ​ពិត​ណាស់​ ឈុត វុទ្ធី ពិត​ជា​ត្រូវ​បាន​បាញ់​សម្លាប់​ដោយ​ឈ្មោះ អ៊ិន រតនា ប្រាកដមែន​ ហើយ បុគ្គលិក​ម្នាក់​របស់​ក្រុម​ហ៊ុនធីម​ប៊ឺហ្គីន ឈ្មោះ រ៉ាន់ បូរ័ត្ន ពិត​ជា​បាន​ដណ្តើម​កាំ​ភ្លើង​ពី​ឈ្មោះ​ អ៊ិន​ រតនា ក្នុង​គោល​បំ​ណង​រាំង​ស្កាត់កុំ​ឱ្យ​បាញ់​បន្ថែម​ ហើយ​ក៏​បណ្តាល​ឱ្យ​រាល​កៃ​កាំ​ភ្លើង ផ្ទុះ​ត្រូវ​ឈ្មោះ អ៊ិន រតនា ស្លាប់​នៅ​នឹង​កន្លែង​ នេះ​បើ​តាម​លទ្ធផល​នៃ​ការស៊ើប​អង្កេតរបស់​គណៈកម្មការ​ចម្រុះដែល​បង្កើតឡើង​ដោយ​រាជ​រដ្ឋាភិបាល លើ​ករណី​ស្លាប់​នៅស្រុក​មណ្ឌល​សីមា ខេត្តកោះ​កុង កាលពី​ថ្ងៃ​ទី២៦ ខែ​មេសា​ ឆ្នាំ​២០១២ ​។

            គ្មាន​ហេតុផល​ណាមួយ​ដែល​គួរត្រូវ​បាន​គេទម្លាក់​ការ​ស្លាប់​នេះមក​លើ​រាជ​រដ្ឋាភិបាល​ ថា ជា​អ្នក​បង្ក​ឡើង​នោះ​ទេ សូម្បី​ទាំង​ការ​ចោទ​ប្រកាន់​ថា ការ​ស្លាប់​របស់​ ឈុត​ វុទ្ធី វាជា​ការគំ​រាម​កំ​ហែង​ទៅ​លើ​សកម្មជន​ការពារព្រៃ​ឈើ ពី​ព្រោះ​ហេតុ​ផល​នៃការ​ស្លាប់​នោះ​វា​ជា​ករណីនៃ​​ការ​ប្រឈម​មុខដាក់​គ្នា​ បណ្តាល​មក​ពី​ចិត្ត​ខ្លាំង​រៀង​ៗខ្លួន និង​វាជា​ជម្លោះ​បុគ្គល​ មិន​ពាក់​ព័ន្ធ​ជា​មួយ​នឹង​ការ​បញ្ជាពី​អ្នក​ណា​ម្នាក់​ឡើយ​។

            ​នៅ​លើ​សាកសពរបស់​លោក ឈុត វុទ្ធី មាន​សញ្ញាមួយ​ចំ​នួន​គួរ​ឱ្យ​កត់​សម្គាល់ ​ជាមួយ​នឹង​​សម្ភារៈ​ផ្សេងៗ ដែល​បង្ហាញ​ពី​ចរិតនៃ​បុគ្គល​រឹង​រូស ។ លោក ឈុត វុទ្ធី បាន​​​ចាក់​សាក់​ពាសពេញ​ខ្លួន​ កាលនៅ​រស់​ ហើយ​ត្រូវ​បាន​គេដឹង​ថា គាត់​ គឺ​ជា​ជន​​ដែល​មាន​​អត្តៈចរិត​កាចសាហាវ សម្តី​ច្រឡោង​ខាម​ និងនៅ​ជាប់​ខ្លួនមាន​ប្រើ​ប្រាស់​អាវុធ​ខ្លី​ធុន ប៉េអាម៉ាប់​១ដើម គ្រាប់​១៩​គ្រាប់​នៅ​ក្នុង​បង់។ ពិត​មែន​ហើយ​ថា ផ្នែក​ខ្លះ​នៃ​សកម្មភាព​របស់​គាត់​ជាអ្នក​ការពារ​ពី​ការ​កាប់​បំ​ផ្លាញ​ព្រៃ​ឈើ ប៉ុន្តែ លោក​ក៏​ជា​ផ្នែក​មួយ​ដែល​បាន​ទទួល​ផល​ចំ​ណេញ​ជា​ច្រើន​ពី​ការងារ​នោះ ទាំង​លុយ​កាក់ និង​កេរ្តិ៍ឈ្មោះ​។  លោកឈុត វុទ្ធី ជា​ប្រធាន​អង្គការ​មួយ​ប៉ុណ្ណោះ​ តើហេតុ​អ្វីបាន​ជា​​គាត់​មាន​អាវុធនៅ​​ជាប់នឹង​​ខ្លួន​?

            មុន​នឹង​ឈាន​ដល់​ការ​ស្លាប់​របស់​ ឈុត វុទ្ធី និង​មន្ត្រី​ PM ឈ្មោះ អ៊ិន រតនា។ ករណី​នេះ កើត​ឡើង​ដោយសារ ឈុត វុទ្ធី បានលប​ចូល​ថតរូប​ ដោយ​គ្មាន​ការ​អនុញ្ញាតិ​ពី​ម្ចាស់​ទី​តាំង​ក្រុម​ហ៊ុន​មួយ​ ភ្លាម​ៗនោះ ឈ្មោះ រ៉ាន់ បូរ័ត្ន និង​ អ៊ុន ឆន បុគ្គលិក​ក្រុម​ហ៊ុននោះ​ បាន​ហាម​ឃាត់​ មិន​ព្រម​ស្តាប់​ និង​បាន​ទាម​ទារ​ដក​យក​ម៉េម៉ូរី​ក្នុង​ម៉ាស៊ីន​ថត ហើយ ឈុត​ វុទ្ធី​ មិន​ព្រម​ឱ្យ​ និង​ពុំ​ព្រម​សម្រប​សម្រួល រហូត​បង្ក​ទំ​នាស់​ រាល​ដាល​ដល់​ឈ្មោះ អ៊ិន រតនា ក៏​បាន​បង្ក​ការ​បាញ់​សម្លាប់​តែម្តង​។ ប៉ុន្តែ ឈ្មោះ អ៊ិន រតនា ក៏​បាន​ស្លាប់​ភ្លាម​ៗដែរនៅ​ពេលដែល​ឈ្មោះ​ រ៉ាន់ បូរ័ត្ន ហក់ចូល​ទៅ​ដណ្តើម​កាំ​ភ្លើង​ ហើយ​កាំ​ភ្លើង​នោះ​ក៏​បាន​រាល​កៃ​ត្រូវ​ស្លាប់​ភ្លាម​ៗនៅ​នឹង​កន្លែង​។

ក្នុង​​ហេតុការ​ណ៍ឈ្លោះ​ប្រកែក​គ្នា​ជា​មួយ​មន្ត្រីកង​រាជ​​អាវុធ​ហត្ថម្នាក់​ កាល​ណោះ លោក ឈុត ​វុទ្ធី​ មាន​កាយ​វិកា​​កោង​កាច និង​ព្រហ៊ើន ស្រែក​គំ​រាម​គេ និង​ថា បើ​ហ្នែង​ចង់​បាញ់ បាញ់​មក..... មន្ត្រី PM ឈ្មោះ​ អ៊ិន រតនា ក៏​ជា​មនុស្ស​ឆេវ​ឆាវស្រាប់​ដែរនោះ​ ក៏​ស្ទុះទៅ​ក្បែររថយន្ត ​និង​យក​កាំ​ភ្លើង​បាញ់​ទម្លុះ​រថយន្ត​ បណ្តាលឱ្យ​ស្លាប់​ ឈុត វុទ្ធី ដែល​ស្ថិតនៅ​ក្នុង​រថយន្តនោះ​)។

            ដោយ​យោង​លើ​លទ្ធផលស៊ើប​អង្កេត​​​ដ៏​សុក្រិត​ និង​ដែល​ត្រូវ​បាន​បើក​កកាយ បញ្ជាក់​​បង្ហាញ​យ៉ាង​​ច្បាស់​លាស់ដោយ​សាក្សី​ឃើញ​ផ្ទាល់​ភ្នែកនៅនឹង​​កន្លែង​កើត​ហេតុ​ ជា​មួយ​នឹង​ការ​ប្រមូល​ចង​ក្រង​​ភ័ស្តុ​តាង​ និង​ចុះ​ស្រាវ​ជ្រាវ​ផ្ទាល់​ដោយ​ក្រុម​អ្នក​ជំ​នាញ និង​មាន​ការ​សហការ​ជា​មួយ​មន្ត្រី​តុលា​ការ​​ផង​នោះ​ រហូត​​មក​ដល់​ពេល​នេះ គឺគ្មាន​ភាព​មន្ទិល​ណា​មួយទៀត​ឡើយ​ជុំ​វិញ​ករណី​ស្លាប់​របស់​លោក ឈុត វុទ្ធី ហើយ​ជន​ដែល​ពាក់​ព័ន្ធ​នឹង​ករណី​ស្លាប់​នេះ ក៏បាន​ស្លាប់ និង​ម្នាក់​ទៀត​ក៏​បាន​ទទួល​ទោស​ព្រហ្ម​ទណ្ឌ​រួច​ហើយ​ដែរ ពី​បទ​មនុស្ស​ឃាដដោយ​អចេត​នា គឺលោក រ៉ាន់ បូរ័ត្ន​ ។
            ខ្ញុំ​សូម​ការ​អនុញ្ញាតិ​លើក​យក​បញ្ហា​នេះ មកបង្ហាញ​ជា​ថ្មីដោយសារតែ​ក្រុម​បក្ស​ប្រឆាំង សកម្ម​ជន​អ្នក​គាំ​ទ្រលោក ឈុត វុទ្ធី​ មួយ​ចំ​នួន​ និង​អង្គការសង្គម​ស៊ី​វិល​ខ្លះ​ មិន​ព្រម​ទទួល​យក​ការ​ពិត​ ហើយ​ខំ​ប្រឹង​ពង្រីក​បន្ថែម​ ដោយ​ការ​បំ​ភ្លៃ​ហេតុ​ការ​ណ៍ដើម្បីបំ​រើ​ផល​​ប្រយោជន៍បក្ខពួក​ និង​ក្រុម​របស់​ខ្លួន។

            ក្នុង​ករណី​ស្លាប់​របស់លោក ​ឈុត វុទ្ធី មិន​មាន​អង្គការ​សិទ្ធិ​មនុស្ស​ណា​មួយ​ចេញ​មុខមក​អះ​អាង​ថា ខ្លួន​មាន​ភ័ស្តុតាង​យ៉ាង​នេះ ឬ​យ៉ាង​នោះ​ ដាក់​ជូន​តុលាការ​ ដើម្បី​បញ្ជាក់​ពី​ការ​ស្លាប់​នោះ​ ដូច​អ្វី​ដែល​ពួក​គេបាន​មួល​បង្កាច់​មក​លើ​រាជ​រដ្ឋាភិបាល​នោះ​ឡើយ​។

សកម្មភាព​នៃ​ការ​ធ្វើ​អាជី​វកម្ម​របស់​ពួក​គេ បាន​ឆក់យក​សាកសពស្ទើរតែ​គ្រប់​ករណី​ទាំង​អស់​ និង​​បិទ​បាំង​ការ​ពិត​ ផ្លុំ​បំ​ប៉ោង​ និង​ជួយ​ផ្សព្វ​ផ្សាយ​បន្ទរដោយ​បណ្តាញ​ឃោសនាដែល​គ្មាន​វិជ្ជាជីវៈ ក្នុង​នោះ​ មាន​វិទ្យុ​អាស៊ី​សេរី​ ក៏​បាន​ក្លាយ​ជា​ឧបករណ៍​បំ​ពង​សំ​ឡេង​លើ​ករណី​នេះ​ផង​ដែរ។

ការ​ផ្សព្វ​ផ្សាយ​ក្នុងករណី​ស្លាប់​ ដោយ​គ្រាន់​តែ​បំ​រើ​នយោបាយ​ប្រឆាំង និង​ការ​សម្អុយ​កេរ្តិ៍​ឈ្មោះ​រាជ​រដ្ឋាភិបាល​ ត្រូវ​បាន​អ្នក​ឆ្លើយ​ឆ្លង​វិទ្យុ​អាស៊ី​សេរី​មួយ​ចំ​នួន​ប្រចាំនៅ​កម្ពុជា​ និង​នៅ​ឯវ៉ាស៊ីន​តោន​ឌី​ស៊ី​ សហរដ្ឋ​អាមេរិក​ បាន​ធ្វើ​ការ​សហការយ៉ាង​ស្អិត​រមួត​​ក្នុង​ការ​តាក់​តែង​ជា​សាច់​រឿង​ដ៏​វែង​អន្លាយ និង​ពោរ​ពេញទៅ​​​ដោយ​ទេពកោសលក្នុង​ការ​ច្នៃ​ប្រឌិត ពី​ហេតុ​ការ​ណ៍ពិត​ឱ្យ​ទៅ​ជា​មិន​ពិត និង​ប្រែ​ពី​រឿង​មិន​ពិត​ ផ្សែផ្សំ​បន្លំ​គេឯង ឱ្យ​ស្តាប់​ទៅ​ហាក់​ដូច​ជា​ពិត​មែន​ទែន​។ ពួក​គេបង្កើត​សាច់​រឿង​នេះ​ឡើង គឺ​ដើម្បី​សម្អុយ អំ​ពី​កម្ពុជា ជារៀង​រាល់ពេល​វេលា និង​ស្ទើរតែ​គ្រប់​រដូវ​កាល​ ​ដើម្បីអ្វី​មួយ​ដែលពួក​គេ​​ទទួល​បាន​ប្រាក់​ខែ​នៃ​ការងារ​របស់​ខ្លួន ​ហើយ​​លុយ​ទាំងអស់​​នោះ​ផ្តល់​ឱ្យ​ដោយ​​រដ្ឋាភិបាល​សហរដ្ឋ​អាមេរិក​។

ពិត​មែន​ហើយ​ថា ក្រុម​អ្នក​ឆ្លើយ​ឆ្លង​ព័ត៌មាន​របស់​វិទ្យុ​អាស៊ីសេរី​ទទួល​ប្រាក់​ខែពី​អាមេរិក ប៉ុន្តែ ពួក​គេមិន​ត្រូវ​ធ្វើ​អ្វី​ៗគ្រប់​យ៉ាង​ ដើម្បី​តែប្រាក់​ខែ និង​ភាព​ល្អ​មើល  បើ​ទោះ​ជា​ប្រទេសជាតិ​ត្រូវ​វឹក​វរ ចលាចល​ដោយ​ឥទ្ធិពល​នៃ​ព័ត៌មាន​ពីសរបស់​ពួក​គេនោះ​ទេ ពួកគេអាច​ប្រឈម​នឹង​ផ្លូវ​ច្បាប់​នៅ​ថ្ងៃ​ណា​មួយ ដើម្បី​បកស្បែកព្រមាន​ ជាការ​ឆ្លើយ​តប​ទៅនឹង​​ភាព​ទុច្ចរិត​របស់​ខ្លួន​ ដែល​មិន​គោរព​ក្រម​វិជ្ជា​ជី​វៈ​សារ​ព័ត៌មាន​។

ដូចគ្នា​នេះដែរ ក្រុម​អ្នក​នយោបាយ​ប្រឆាំង គួរបញ្ឈប់​ទៅ​នូវ​វប្បធម៌​ធ្វើ​អាជីវកម្មលើ​សាកសព ។ ទង្វើ​បែប​នោះ វា​គ្មាន​តម្លៃ​ណា​មួយ​ដែល​អ្នក​នយោបាយ​សុចរិត​ត្រូវ​ប្រកាន់​យក​ ដោយ​ពុំ​ផ្អែក​លើ​ហេតុ​ការណ៍​ពិតនោះ​ទេ។  ភាព​ថ្លៃ​ថ្នូរ កិត្តិយស កេរ្តិ៍​ឈ្មោះ​របស់​បុគ្គលដែល​គោរព​ច្បាប់ និង​ស្រឡាញ់​ប្រជា​ពល​រដ្ឋ​ដោយ​ស្មោះ​ស្ម័គ្រ ហើយ​ពិត​ជា​គិត​គូរឧត្តម​ប្រយោជន៍​ជាតិ​ពិត​ប្រាកដ គេមិន​យក​ល្បែង​ភូត​កុហក ធ្វើ​ការ​ផ្សព្វ​ផ្សាយ​ បំ​ពុល​សាធារណមតិនោះ​ទេ។

សំ​ណុំ​រឿងករណី​ស្លាប់របស់​ ឈុត វុទ្ធី និង​មន្ត្រី​ PM  អ៊ិន រតនា ​ត្រូវ​បាន​បិទ​បញ្ចប់ហើយ​ ដោយ​មូល​ហេតុ​ គឺជន​បង្ក​បញ្ហា​ទាំង​ពីរនាក់​បានស្លាប់​ទៅ​ជា​មួយ​គ្នា​ ដោយ​សារជម្លោះ​បុគ្គល​ទាស់​ទែង​គ្នា​។

 ដូច្នេះ គ្មាន​ហេតុ​ផល​អ្វី​ដែល​ថា ឃាតករ​ដែល​បាន​បាញ់​សម្លាប់​ លោក ឈុត វុទ្ធី នៅមិន​ទាន់​ត្រូវ​បាន​វែក​​មុខរក​ឃើញ​នោះ​ទេ។ យ៉ាង​ណា​មិញ​ កាជួប​ជុំ​របស់​ក្រុម​សកម្ម​ជន​ព្រៃ​ឈើមួយ​ចំ​នួន​នៅ​ទីកន្លែ​ង​​ស្លាប់​របស់​លោក ឈុត វុទ្ធី នៅ​ថ្ងៃ​ទី២៦ ខែមេសា ឆ្នាំ​២០១៤នេះ វានឹង​​មិន​មាន​ប្រយោជន៍​អ្វី​សម្រាប់​យុត្តិធម៌​ក្នុង​ករណី​ស្លាប់​នោះ​ទៀត​ឡើយ ដោយ​សារហេតុផលជុំ​វិញ​ការស្លាប់​នោះត្រូវ​បាន​លាត​ត្រដាង​ចប់​សព្វ​​​គ្រប់​អស់​ហើយ រួម​ជា​មួយ​នឹង​ចំ​ណាត់​ការ​របស់​តុលាការត្រឹម​ត្រូវ​តាម​​នីតិ​វិធី​ផ្លូវ​ច្បាប់​​នា​ពេល​កន្ល​ង​មក​ផង​ដែរ។

ហេតុ​នេះ សូមអ្នក​នយោ​បាយ​​ប្រឆាំង និង​សង្គម​ស៊ី​វិល​មួយ​ចំ​នួន​ គួរគិត​ពិចារណាឡើង​វិញ​ និង​អាច​និយាយបាន​ថា គួរល្មម​ដល់​ពេល​ឈប់​បង្ក​ទំ​នាស់​ និងការ​​បែក​បាក់​សង្គមជាតិ​  និង​ក៏​ល្មម​ដល់​ពេល​បិទ​បញ្ចប់​ទំ​ព័រភូត​កុហករបស់​ខ្លួន ហើយ​ងាក​មក​ទទួល​យក​នូវ​ការ​ពិត​ផង ដើម្បី​ភាព​រីក​ចំ​រើន និង​អភិវឌ្ឍ​នៃ​សង្គម​ជាតិ។ ឈុត វុទ្ធី គួរបាន​ទៅ​ចាប់​ជាតិ​កំ​ណើត​ថ្មី​នៅ​សុគតិភព។ ​​វិញ្ញាណ​របស់​គាត់ មិន​មែន​ស្ថិត​នៅសម្រាប់​ធ្វើ​ជា​ខ្ញុំ​កញ្ជះរបស់​អ្នក​នយោបាយ​បោក​ប្រាស់បង្ក​ដោយ​ក្រុម​​គណបក្ស​ប្រឆាំង និង​បក្ខពួកដែល​កំ​ពុង​តែ​កេង​ចំ​ណេញ​​នោះ​ទេ

អត្ថបទ៖ សុខ សំ​ណាង​

(​អ្នក​តាម​ដាន​ស្ថាន​ការណ៍​នយោបាយ​នៅ​កម្ពុជា​)

សេចក្តី​ប្រកាស​រួម រវាង​សម្តេច​តេជោ នាយក​រដ្ខមន្រ្តី នៃ​ព្រះរា​ជាណា​ចក្រ​កម្ពុជា និង នាយក​រដ្ឋមន្ត្រី នៃ​សាធា​រណ​រដ្ឋ​បេឡារុស






Joint Communique of Samdech Techo Prime Minster of the Kingdom of Cambodia and Prime Minister of the Republic of Belarus