មានការភ្ញាក់ផ្អើលមួយនៅក្នុងការបោះឆ្នោត ក្រុមប្រឹក្សា/រាជធានី ខេត្តនិង ស្រុក ក្នុងពេលថ្មីៗនេះ។ មិនមែនដំណើរការនៃការបោះឆ្នោត ដែលបានធ្វើឡើងដោយសន្តិភាពទេ។ មិន មែនជាការភ្ញាក់ផ្អើលនៅក្នុងលទ្ធផលនៃការបោះឆ្នោតដែលជាថ្មីម្តងទៀត គណបក្សប្រជាជនបានឈ្នះច្រើនជាង បីភាគបួននៃចំនួនអាសនៈ (ដូចក្នុង ឆ្នាំ ២០០៩) នោះទេ ។
ការភ្ញាក់ផ្អើលនេះ - ជាការភ្ញាក់ផ្អើលដ៏ធំមួយ - គឺថា លោក សម រង្ស៊ី បានទទួលយកជា សាធារណៈនូវភាពត្រឹមត្រូវនៃលទ្ធផលបោះឆ្នោត ដែលបានប្រកាសដោយគណៈកម្មាធិការជាតិ រៀបចំការបោះឆ្នោត។ តើនរណាម្នាក់អាចនឹកឃើញរឿងមួយដូច្នេះដែលមិនធ្លាប់មានពីមុនមក ទៅកើត? នៅក្នុងរាល់ការបោះឆ្នោតក្រោយ អ៊ុនតាក់, លោក សម រង្ស៊ី បានប្រកាសថា លទ្ធផលបោះឆ្នោតត្រូវបានរៀបចំដោយ គណបក្សប្រជាជន និងអានដោយ គ.ជ.ប, ដោយលូចយកសម្លេងរបស់គណបក្សសមរង្ស៊ី ដែលគេបានដឹងថាទទួលបានអាសនៈជាច្រើននិងទទួលជ័យជំនះប្រហែលជាទាំងស្រុង ។
ឥឡូវនេះ ដោយមិនមានការពន្យល់នោះ គ.ជ.ប - ដែលត្រូវបានគេចោទប្រកាន់ពីបទប្លន់យកប្រាំបីអាសនៈ ពីគណបក្សសង្គ្រោះជាតិ (ដែលសំលេងឆ្នោត និងទីតាំងបោះឆ្នោតនៅតែមិនទាន់បានប្រកាសនៅឡើយនោះ) នៅក្នុងការបោះឆ្នោតសភាជាតិ កាលពីឆ្នាំមុន - បានក្លាយទៅ ជាការជឿទុកចិត្តបាន។ គ.ជ.ប ដែលគេចាត់ទុកថា មានការពុករលួយខ្លាំងដែលធ្វើឱ្យគណបក្ស សង្គ្រោះជាតិ មិនអាចនឹងមានលទ្ធភាពយកអាសនៈរដ្ឋសភារបស់ខ្លួនបាន លុះត្រាតែ គ.ជ.ប ត្រូវ បានគេរើរុះចោលទាំងស្រុងនោះ ឥឡូវនេះស្រាប់តែបានក្លាយជាស្ថាប័នជាន់ខ្ពស់មួយដ៍គួរឱ្យទុកចិត្តសំរាប់ការបោះឆ្នោតនៅកម្ពុជាទៅវិញ។
តើការផ្លាស់ប្តូរ ដែលមិនរំពឹងទុកនេះនឹងនាំឱ្យមានការផ្លាស់ប្តូរបន្តទៀតដែរឬទេ? វាអាចធ្វើទៅរួចទេដែលថា លោក សម រង្ស៊ី នឹងបញ្ឈប់ការតវ៉ាប្រឆាំងលទ្ធផលបោះឆ្នោតកម្ពុជានៅក្នុងបណ្តាសភាបរទេស? តើគាត់នឹងលែងបំបាក់ទឹកចិត្តអ្នកសង្កេតការណ៍ក្នុងស្រុក និងបរទេសមិន ឱ្យមកសង្កេតការណ៍ការបោះឆ្នោតនៅកម្ពុជាទៀតទេ? តើគាត់នឹងបញ្ឈប់ការស្តីបន្ទោសទៅលើ ជនជាតិ ភាគតិចវៀតណាមនៅកម្ពុជា ចំពោះបញ្ហារបស់ប្រទេសនេះឬទេ?
វាអាចប៉ុន្តែ មិនសង្ឃឹមនោះទេ។
ដោយ Allen Myers