Tuesday, July 1, 2014

ទស្សនៈ៖ សេចក្តីប្រកាស​ព័ត៌មាន​របស់​សាស្ត្រាចារ្យ Surya P. Subedi «ឆ្កែព្រូស មនុស្សនៅតែដើរ»

 នៅពេលដែលសាស្ត្រាចារ្យ Surya P. Subedi និយាយអំពី «ការជាប់គាំង» នយោបាយនោះ លោកមិនមាន ន័យថាជាការជាប់គាំងក្នុងការបង្កើត និងដំណើរការនៃរាជរដ្ឋាភិបាលកម្ពុជានោះទេ។ គណបក្សប្រជាជន​កម្ពុជា​ដែល បានឈ្នះ៦៨អាសនៈទល់នឹង៥៥អាសនៈ ដែលគណបក្សសង្គ្រោះជាតិ (CNRP) ទទួល​បាន​នោះ បានបើកសម័យ ប្រជុំរដ្ឋសភាជាតិដោយមិនមានការចូលរួមពីតំណាងរាស្ត្រជាប់ឆ្នោតរបស់ CNRP ហើយបានប្រើប្រាស់មាត្រា៩២ថ្មី ដើម្បីបង្កើតរាជរដ្ឋាភិបាលដែលកំពុងដំណើរការជាប្រក្រតី។

លោក Subedi បាននិយាយអំពី «ការជាប់គាំងនយោបាយ» រវាងរដ្ឋាភិបាលរបស់គណបក្សប្រជាជន និង គណបក្សសង្គ្រោះជាតិ ដែលបានធ្វើពហិការមិនចូលរដ្ឋសភាជាតិ ចាប់តាំងពីការ​បើកសម័យ​ប្រជុំដំបូង​រហូត​ដល់ បច្ចុប្បន្ន។ លោកមើលឃើញការជាប់គាំងនយោបាយនេះជា «ការប៉ះពាល់ផ្ទាល់​ទៅលើការ​ទទួល​បាន​សិទ្ធិមនុស្ស ដោយប្រជាជនទាំងអស់ក្នុងប្រទេសកម្ពុជា»។ បេសកកម្ម​ស្វែង​រកការ​ពិតក្នុង​បញ្ហា​សិទ្ធិ​មនុស្ស​លើកទី១១ របស់ លោកមកកាន់ប្រទេសកម្ពុជា បានបញ្ចប់នៅថ្ងៃទី២៤ ខែមិថុនា ឆ្នាំ២០១៤ ដោយមាន​សេចក្តី​ប្រកាសព័ត៌មានជា ភាសាអង់គ្លេស និងខ្មែរ។ លោកនឹង​ចេញ​របាយ​ការណ៍​មួយ​រួមមាន​ការ​សន្និដ្ឋាន​ចុងក្រោយ និងអនុសាសន៍របស់លោក ដែលលោកនឹង បង្ហាញជូន​ក្រុមប្រឹក្​សាសិទ្ធិ​មនុស្ស​នៃអង្គការ​សហប្រជាជាតិ (UNHRC) ក្នុងទីក្រុងហ្សើណែវ (Geneva) ក្នុងខែកញ្ញា ឆ្នាំនេះ។

សេចក្តីប្រកាសព័ត៌មានរបស់លោក បានលើកឡើងអំពី ផ្នែកជាច្រើនរួមមាន កំណែទម្រង់តុលាការកំណែ ទម្រង់​ការបោះឆ្នោត និងសភា កំណែទម្រង់ក្រុមប្រឹក្សាធម្មនុញ្ញ សិទ្ធិលើដីធ្លី សិទ្ធិការងារ ដែននៃ​ការ​ប្រើប្រាស់​ប្រជា ធិបតេយ្យ ស្ថាប័នសិទ្ធិមនុស្សជាតិឯករាជ្យមួយ និងស្ថានភាពកម្មករ​ចំណាកស្រុក​ដែលត្រឡប់​មកពី​ប្រទេស​ថៃវិញ។ ក្រៅពីអត្ថាធិប្បាយមួយចំនួនតូច ដែលបានធ្វើឡើងដោយ​ប្រព័ន្ធផ្សព្វផ្សាយ​ដែលមាន​មូលដ្ឋាន​នៅបរទេស និង សារព័ត៌មានភាសាអង់គ្លេសក្នុងស្រុក មិនមានការធ្វើអត្ថាធិប្បាយ ឬប្រតិកម្មពីជន​ដែល​នៅក្នុងផ្នែកពាក់ព័ន្ធទាំងនោះ ទេ។ ឥឡូវនេះ វាហាក់ដូចជាសមរម្យណាស់ដែលត្រូវនិយាយថា ពេល​ដែល​លោក​ Subedi និយាយគ្មាននរណាស្តាប់ ទេ។ តើនេះនឹងរារាំងទឹកចិត្តដ៏ខ្នះខ្នែងស្ទុះស្ទាររបស់លោក Subedi ដែរឬទេ? វាមិនទំនងទៅជាដូច្នេះនោះទេ។

លោក Subedi  បានដឹងអំពីររបៀបកេងយកចំណេញពីស្ថានភាពដែលវិវត្តន៍ក្នុងប្រទេសកម្ពុជា។ សូមអានអ្វី ដែលលោកបាននិយាយនៅក្នុងសេចក្តីប្រកាសព័ត៌មានរបស់លោក៖
«ខ្ញុំសប្បាយ​រីករាយណាស់ដែលអនុសាសន៍ដែលខ្ញុំបានលើកឡើងអំពីកំណែទម្រង់ការបោះឆ្នោត ឥឡូវត្រូវ​បាន​ក្លាយ ជាផ្នែកមួយនៃរបៀបវារៈជាតិ...»។ លោកបានឆ្លៀត ប្រើប្រាស់ការយល់​ឃើញផ្ទាល់​ខ្លួននៃ​ភាពជោគជ័យ​របស់លោក ដើម្បីបើកការវាយប្រហារបន្តទៀតទៅលើកំណែទម្រង់ក្រុមប្រឹក្សាធម្មនុញ្ញ «ដើម្បី​ធ្វើឱ្យ​ក្រុមប្រឹក្សានេះឯករាជ្យពិត ប្រាកដ និងគ្មានបក្សពួកជាជាងចូលរួមដោយបក្សទាំងអស់ ឬពីរបក្ស» និងវាយប្រហារលើកំណែទម្រង់សភា «ដើម្បី ឱ្យតំណាងរាស្ត្រអាច​ជួបទំនាក់ទំនងដោយ​ងាយស្រួល​ជាមួយនឹង​អ្នក​បោះឆ្នោតឱ្យពួកគេ និងអាចមានលទ្ធភាពលើក កំពស់ផលប្រយោជន៍អ្នកបោះឆ្នោតទាំងនោះទៀតផង»។ ពាក្យពេជន៍នៃការផ្តល់ហេតុផលរបស់លោក គឺគួរឱ្យខ្លាច និងជាការបំរើផលប្រយោជន៍ឱ្យខ្លួនឯង។ លោកបាន​បន្ទោស​ចំៗទៅលើ «ការបរាជ័យនៃស្ថាប័នរដ្ឋក្នុងការលើកកំពស់ សិទ្ធិប្រជាជន» ដោយអះអាងថា «វាគឺជាមូល​ហេតុដែលប្រជាជនមកជួបលោកដើម្បីបញ្ជាក់អំពីស្ថានភាពលំបាករបស់ ពួកគេ និងសុំឱ្យលោកជួយ»។

​នៅក្នុងគ្រាមភាសានយោបាយកម្ពុជា ឃ្លាមួយត្រូវបានគេនិយមប្រើដើម្បីមិនអើពើចំពោះការរិះគន់ និងបន្ត ការងារ ដើម្បីសម្រេចបានកំណែទម្រង់ជាតិ និងគោលដៅអភិវឌ្ឍន៍ជាតិ។ ឃ្លានោះនិយាយថា៖ «ឆ្កែព្រូស មនុស្សនៅ តែដើរ»។ លោក Subedi មានអភ័យឯកសិទ្ធិនិយាយអ្វីដែលគាត់រីករាយនឹងនិយាយ។ ក៍ប៉ុន្តែ ថាតើអ្នកដែលទទួល ខុសត្រូវក្នុងស្ថាប័នរដ្ឋទាំងនោះស្តាប់លោកឬអត់ គឺជាបញ្ហាមួយផ្សេងទៀត។ ប៉ុន្តែ គួរកត់​សម្គាល់ថារាជរដ្ឋាភិបាល កម្ពុជា ក្នុងអំឡុងពេល នៃកិច្ចប្រជុំ​លើកទី១​នៃសមាជិក​រាជរដ្ឋាភិបាល​កាលពីខែកញ្ញា ឆ្នាំ២០១៣ បានប្រកាសយ៉ាង ច្បាស់នូវកំណែទម្រង់ ស៊ីជម្រៅ​ក្នុងផ្នែក​ទាំងអស់​នៃសកម្មភាព​របស់រាជរដ្ឋាភិបាល និងជីវភាពរបស់ប្រជាជន ដើម្បី អនុវត្តក្នុងរយៈ​ពេលប្រាំ​ឆ្នាំបន្ត​បន្ទាប់​ទៅមុខទៀត​ដោយ​រាជរដ្ឋាភិបាល។

​លោក Subedi បានផ្ដល់សេចក្ដីសនិ្នដ្ឋានជាទីបញ្ចប់ ថាលោកបានចែករំលែកទស្សនៈរបស់លោក ដោយ សាមញ្ញធម្មតាទៅជាមួយនឹងសមាជិកជាន់ខ្ពស់មួយចំនួននៃរាជរដ្ឋាភិបាលកម្ពុជា។ សួរថាតើ​សមាជិក​ជាន់​ខ្ពស់​​ទាំង នោះមានទស្សនៈដូចលោកឬទេ? សួរថាតើសមាជិកជាន់ខ្ពស់ទាំងនោះ បានតទល់​ជាមួយ​លោក​ដោយ​និយាយអំពី ទស្សនៈផ្ទាល់ខ្លួនរបស់អស់លោក ឬទស្សនៈរបស់រាជរដ្ឋាភិបាលដែរឬទេ? ជាការ​ពិត​សេចក្តីប្រកាសព័ត៌មាននោះ មិន បានបង្ហាញអ្វីផ្សេងទៀតទេ ក្រៅតែពីទស្សនៈរបស់លោក Subedi​។

ថ្ងៃទី០១ ខែ កក្កដា ឆ្នាំ២០១៤
សាស្ត្រាចារ្យ ប៉ែន ងឿន
ទីប្រឹក្សាសាកលវិទ្យាល័យពុទ្ធិសាស្ត្រ ភ្នំពេញ កម្ពុជា


OPINION: Professor Surya P. Subedi’s Press Statement “The dogs bark and the caravan passes”


When Professor Surya P. Subedi spoke about “the political deadlock” he does not mean the deadlock in the setting up and the functioning of the Royal Government of Cambodia (RGC). The Cambodian People’s Party (CPP) that won 68 seats versus 55 seats for the Cambodian National Rescue Party (CNRP) convened the sessions of the National Assembly (NA) without the participation of the CNRP elected MP’s and used Article 92 New to set up the RGC that is functioning normally. 

Mr. Subedi spoke about “the political deadlock” between the CPP’s government and the Cambodian National Rescue Party (CNRP) that has boycotted the National Assembly since its opening session until now. He sees the political deadlock as “the direct impact on the enjoyment of human rights by all in Cambodia”. His 11th human rights fact-finding mission to Cambodia was concluded on June 24, 2014 with a press statement in English and in Khmer. He will issue a report including his final conclusions and recommendations that he will present to the United Nations Human Rights Council (UNHRC) in Geneva in September this year.

His press statement touched many areas including judicial reform, electoral and parliamentary reform, reform of the Constitutional Council, land rights, labour rights, democratic space, an independent national human rights institution, and the situation of migrant workers repatriated from Thailand. Besides a few comments made by the foreign-based media and local English language newspapers, there were no comments, nor reactions from people in the areas concerned. For now, it seemed to be appropriate to say that when Mr. Subedi spoke nobody listened. Will it hamper the zeal of Mr. Subedi? It is not likely.

He knew how to take credit of the situation that evolves in Cambodia. Let’s hear what he said in his press statement: “I am pleased that the recommendations that I made on electoral reform have now become part of the national agenda…” He took advantage of his own perception of success to launch further offensive for reform of the Constitutional Council “to make it truly independent and non-partisan rather than all-partisan or bi-partisan,” and the parliamentary reform so that “MP’s must be accessible to their constituencies and capable of promoting their interests”. His line of reasoning is scary and self-serving. He bluntly blamed “the failure of the State institutions to uphold people’s rights,” claiming that “it is why people come to see him out of desperation to highlight their plight and petition him for help.”

In Cambodian political jargon a line had been made famous for ignoring critics and keeping on working to achieve national reforms and national development goals. It said: “the dogs bark and the caravan passes”. Mr. Subedi is privileged to say things he is pleased to say. Whether or not the people responsible of those State institutions listen to him is another matter. However, it is worth noting that the RGC, during the first meeting of the members of the government in September 2013, enunciated in-depth reforms in every aspect of the government actions and people’s life to be implemented in the next five years by the government.

Mr. Subedi concluded that he has shared his views in a candid manner with some senior members of the Government. Had the latter shared his views? Had the latter confronted him with their personal views and with those of the RGC? The press statement did not reveal other thing than Mr. Subedi’s views.

June 30, 2014
Professor Pen Ngoeun
Advisor,
University of Puthisastra, Phnom Penh, Cambodia




                    

ផ្សារ​ទំនើប AEON ជប៉ុន​​ឆ្លុះ​​បញ្ចាំង ពី​កិច្ច​​សហ​​ប្រតិ​បត្តិ​ការ​​លើ​​វិស័យ​​ពាណិជ្ជ​​កម្ម​ជា​មួយ​​កម្ពុជា

ឯកឧត្តម គីហ្សី ដាហ៊្វូមីអូ (FumioKHISIDA) រដ្ឋមន្រ្តី​ក្រសួង​ការបរទេស​ជប៉ុន​បាន​មាន​ប្រសាសន៍​ជម្រាប​ជូន​សម្តេច​អគ្គមហា​សេនា​បតីតេជោ ហ៊ុន សែន អំពី​មនោសញ្ចេតនា​សប្បាយ​រីករាយ ដែល​បាន​អញ្ជើញ​ចូល​រួមក្នុង​ពិធី​សម្ពោធ​ដាក់ឲ្យ​ដំណើរការ​ជាផ្លូវ​ការ​ផ្សារ​ទំនើប AEON ដែល​វា​ជា​ការវិនិយោគ​ដ៏ធំ​ពីសំណាក់​អ្នក​វិនិយោគ​មក​ពី​ប្រទេស​ជប៉ុន​ និង​បាន​ចាត់​ទុក​ការវិនិយោគ​ផ្សារ​ទំនើប AEON ដ៏​ធំ​នោះ គឺ​ការ​ឆ្លុះ​បញ្ចាំង​ពី​កិច្ច​សហ​ប្រតិបត្តិការ និង​ការ​ធ្វើ​ទំនាក់​ទំនង​នៃ​ប្រទេសទាំងពីរ​កម្ពុជា-ជប៉ុន ពិសេស​លើ​វិស័យ​ពាណិជ្ជ​កម្ម។

ឯកឧត្តម អ៊ាង សុផល្លែត ជំនួយការ​សម្តេច​តេជោ​នាយក​រដ្ឋមន្រ្តី​បាន​ឲ្យ​ដឹង​ថា នៅ​ក្នុង​ជំនួប​ជា​មួយ​សម្តេច អគ្គមហាសេនា​បតីតេជោ ហ៊ុន សែន កាល​ពី​រសៀល​ថ្ងៃ​ទី៣០ ខែ​មិថុនា ឆ្នាំ​២០១៤ នៅ​វិមាន​សន្តិភាព ឯកឧត្តម គីហ្សីដា ហ៊្វូមីអូ មាន​ប្រសាសន៍​ឲ្យ​ដឹង​ថា ដំណើរ​ទស្សនកិច្ច​របស់ ឯកឧត្តម​មក​កាន់​ប្រទេស​កម្ពុជា​នៅ​ពេល​នេះ គឺ​ដើម្បី​ពិនិត្យ​មើល​ទំនាក់​ទំនង​ជាក់​ស្តែង​រវាង​ប្រទេស​ទាំង​ពីរ បន្ទាប់ពី​ឯកឧត្តម​នាយក​រដ្ឋមន្រ្តី​ជប៉ុន និង​សម្តេច​តេជោ​នាយករដ្ឋមន្រ្តី បាន​លើក​កម្ពស់​ទំនាក់​ទំនង និង​កិច្ច​សហប្រតិបត្តិការ​នៃ​ប្រ​ទេស​ទាំង​ពីរ​ឈាន​ដល់​ទំនាក់​ទំនង ក្នុង​ភាព​ជា​ដៃគូ​យុទ្ធសាស្រ្ត​រួច​មក​នោះ។

ឯកឧត្តម​រដ្ឋមន្រ្តី​ក្រសួង​ការបរទេស​ជប៉ុន​បាន​បញ្ជាក់​ដែរ​ថា ក្នុង​ក្រប​ខណ្ឌ​កិច្ចសហ​ប្រតិ​បត្តិ​ការ និង​ការបង្កើត​សហគមន៍​អាស៊ាន-ជប៉ុន​នឹង​បន្ត​ផ្តល់​ជំនួយ​ដល់​កម្ពុជា ជាពិសេស​ជំរុញ​ការ​អភិវឌ្ឍ​នូវ​របៀង​សេដ្ឋកិច្ច​ខាង​ត្បូង។

សម្តេចតេជោ​នាយករដ្ឋមន្រ្តី​មាន​ប្រសាសន៍​វាយ​តម្លៃ​ថា សន្តិភាព និង​ការអភិវឌ្ឍ​របស់​ប្រទេស​កម្ពុជា គឺ​មិន​អាចកាត់​ផ្តាច់​ចេញ​អំពី​ការ​ចូលរួម​ចំណែក​របស់​ប្រទេស​ជប៉ុន​នោះ​ទេ ។​ សម្តេច​តេជោ​បាន​មាន​ប្រសាសន៍​បញ្ជាក់​ថា កម្ពុជា​ធ្លាប់​តែជា​ប្រទេស​មួយ ដែល​ទទួល​កង​ទ័ព​មួកខៀវ ​ប៉ុន្តែ​ឥឡូវ​នេះ កម្ពុជា​បាន​បញ្ជូន​កងទ័ព​មួកខៀវ​របស់ខ្លួន​ក្រោម​ឆ័ត្រ​របស់​អង្គការ​សហ​ប្រជាជាតិ នៅ​ក្រៅ​ប្រទេស​ដើម្បី​បំពេញ​បេសកកម្ម​មនុស្ស​ធម៌។

សម្តេច​តេជោ​នាយករដ្ឋមន្រ្តី បាន​មានប្រសាសន៍​ឲ្យដឹង​បន្ថែម​ថា ការ​បញ្ជូន​កងកម្លាំង​ថែ​រក្សា​សន្តិភាព​ទាំងអស់​របស់​កម្ពុជា មាន​ផ្នែក​ដោះមីន ដែល​ជប៉ុន​បាន​ជួយ​ក្នុង​ការហ្វឹកហ្វឺន និង​ជំនួយ​សម្ភារ​ហើយ​ដែល​ការហ្វឹកហ្វឺន និង​សម្ភារ​ទាំងអស់​នោះ កំពុង​តែ​បញ្ជូន​ទៅជួយ​អន្តរាគមន៍​មនុស្សធម៌​នៅ​ក្រៅ​ប្រទេស​ផង​ដែរ។

សម្តេចតេជោ​នាយករដ្ឋមន្រ្តី​បាន​មានប្រសាសន៍​បញ្ជាក់​ថា ទំនាក់​ទំនង​នៃ​ប្រទេស​យើង​ទាំង​ពីរ (កម្ពុជា-ជប៉ុន) គឺ​មានវ័យ​ចំណាស់​មក​ហើយ ហើយ​នៅ​ពេល​នេះ​ប្រទេស​ទាំង​ពីរ​បាន​លើក​កម្ពស់​រហូត​ដល់​ទំនាក់ទំនង​ក្នុងភាពជាដៃ​គូ​យុទ្ធសាស្រ្ត។ ក្នុង​ន័យ​នេះ​ជប៉ុន​បាន​ចូល​រួម​ចំណែក​យ៉ាងច្រើន​ក្នុង​ការស្វែងរក​សន្តិភាព និង​ការអភិវឌ្ឍ​ប្រទេស​កម្ពុជា និង​ជា​ពិសេស​ទៅ​ទៀត ប្រទេស​ជប៉ុន ក៏​ជាប្រទេស​មួយដែល​បាន​ផ្តល់​ជំនួយ​យ៉ាងច្រើន​ដល់​កម្ពុជា ហើយ​ការវិនិយោគ​ផ្សារ​ទំនើប​អ៊ីអន នៅ​កម្ពុជា គឺ​ជា​ការ​ឆ្លុះ​បញ្ចាំង​នូវការ​រីក​ចម្រើន​មួយ​កម្រិត​ទៀត នៅ​ក្នុង​ទំនាក់​ទំនង​នៃ​ប្រទេស​ទាំង​ពីរ ជាពិសេស​លើការ​វិនិយោគ​ផ្ទាល់​តែ​ម្តង ប៉ុន្តែ​គប្បី​យើង​ធ្វើការពិនិត្យ​រួមគ្នា​លើចំណុច​ខ្វះ​ចន្លោះ​ដទៃ​ទៀត ដើម្បី​ធ្វើ​យ៉ាង​ណា​ជំរុញ​ទំនាក់​ទំនង​នៃ​ប្រទេស​ទាំង​ពីរ​ឲ្យកាន់​តែ​ជិតស្និទ្ធ​ទ្វេឡើង​ថែម​ទៀត។

បន្ទាប់​ពីសវនាការ​រួច​សម្តេច​អគ្គមហា​សេនាបតី​តេជោ ហ៊ុន សែន នាយករដ្ឋ​មន្ត្រី​បាន​អញ្ជើញ​ជាអធិបតី ក្នុង​ពិធី​ចុះហត្ថ​លេខា​ប្រគល់ និង​ទទួល​ជំនួយ​ដែល​ឯកឧត្តម គីហ្សី ដាហ៊្វូមីអូ (Fumio KHISIDA) និង​ឯកឧត្តម ហោ ណាំហុង ឧបនាយក​រដ្ឋមន្រ្តី ​រដ្ឋ​មន្រ្តីក្រ​សួង​ការ​បរទេស និង​សហប្រតិបត្តិការ​អន្តរជាតិ បាន​ចុះហត្ថលេខា​លើ​លិខិត​ប្តូរសារ​ស្តី​អំពី​ការ​ផ្តល់​ជំនួយ​ឥត​សំណង ដែល​មាន​ទឹក​បា្រក់​ចំនួន ៨៥១ លាន​យ៉េន (៨,៣​លាន​ដុល្លារ) សម្រាប់​ពង្រីក​សាលា​អនុវិទ្យាល័យ នៅ​រាជធានី​ភ្នំពេញ និង​ឥណទាន​សម្បទាន ដែល​មាន​ទឹក​បា្រក់ ១៣ ៧៨៥ លាន​យ៉េន (១៣៥លានដុល្លារ) សម្រាប់​អនុវត្តន៍​លើ​គម្រោង​ចំនួន ០៣ ទី១-ពង្រីក​ប្រព័ន្ឋ​បញ្ជូន និង​ចែកចាយ​អគ្គិសនី​នៅ​រាជធានី​ភ្នំពេញ។ ទី​២-ធ្វើ​ឲ្យ​ប្រសើរ​ឡើង​នូវ​ផ្លូវ​ជាតិ​លេខ៥ (កំណាត់​ផ្លូវ​ពី​ព្រែកក្តាម-ធ្លាម្អម) និងទី៣-កែលម្អ និង​ស្តារ​ឡើង​វិញ​ប្រព័ន្ឋ​ធារាសាស្រ្ត និងប្រព័ន្ឋ​ដោះទឹក​នៅ​ភាគ​និរតី​នៃ​រាជធានី​ភ្នំពេញ។

សូម​បញ្ជាក់​ថា ទំហំ​វិនិយោគ​នៃ​ជប៉ុន​នៅ​ប្រទេស​កម្ពុជា បាន​កើន​ឡើង​ពី​ចំនួន​ប្រមាណ ៤០០ លាន​ដុល្លារ​អាមេរិក ក្នុង​ឆ្នាំ​២០១១ ដល់​ចំនួន​ប្រមាណ ៥១៣​លាន​ដុល្លារ នៅ​ឆ្នាំ ២០១៣ កន្លង​មក​នេះ។ បើគិត​ពី​ឆ្នាំ១៩៩៤ មក ត្រឹម​បំណាច់​ខែឧសភា​ឆ្នាំ​២០១៤ គម្រោង​វិនិ​យោគ​ជប៉ុន​នៅ​កម្ពុជា ដែល​អនុម័ត​ដោយ​ក្រុមប្រឹក្សា​អភិវឌ្ឍន៍​កម្ពុជា​មាន​ចំនួន ៨៦​គម្រោង ក្នុង​ទុនវិនិយោគ​សរុប​ជិត ៦២០​លានដុល្លារ​អាមេរិក ក្នុង​នោះ​គម្រោង​វិនិយោគ​របស់​ក្រុមហ៊ុន​ផ្សារ​អ៊ីអន ជា​គម្រោង​ដែល​មានទុន​វិនិយោគ​ធំជាង​គេ​បង្អស់ រហូត​ដល់​ប្រ​មាណ ២៥០​លាន​ដុល្លារ​អាមេរិក។ វិនិយោគិន​ជប៉ុន​បាន​ធ្វើការ​វិនិយោគ​ក្នុង​វិស័យ​ជា​ច្រើន ជា​ពិសេស​វិស័យ​ឧស្សាហកម្ម ដែល​មិនមែន​ជាកម្មន្ត​សាល ដូច​ជា ការ​ផលិត​ម៉ូទ័រ​ខ្នាត​តូច គ្រឿង​បង្គុំ​រថយន្ត និង​គ្រឿង​អេឡិច​ត្រូនិក ដែល​ការ​វិនិយោគ​ទាំង​នោះ​បាន​រួម​ចំណែក​ដល់ ការ​ធ្វើពិពិធកម្ម​ឧស្សាហកម្ម និង​ពិពិធកម្ម​នៃ​ប្រភពទុន​វិនិយោគ​នៅ​កម្ពុជា​ផង​ដែរ៕