Thursday, July 3, 2014
បទអត្ថាធិប្បាយ៖ ភាពល្ងិតល្ងង់ពីចម្ងាយ អំពីការកាត់ក្តីខ្មែរក្រហម
វាជារឿងដ៏អាម៉ាស់ ដែលមានការផ្សាយមួយក្នុងសេចក្ដីរាយការណ៍ពិសេសរបស់សារព័ត៌មានThe Guardian ចុះថ្ងៃទី២៤ ខែមិថុនា ក្រោមចំណងជើង «ការពិត យុត្តិធម៌ និងការផ្សះផ្សារជាតិ» គឺសរសេរពីប្រទេសកម្ពុជា ស្ដីពីសាលាក្តីខ្មែរក្រហម ហើយអ្នកដែលសរសេរនោះដឹងពីរឿងនៅកម្ពុជាតិចតួចណាស់។ កំហុសឆ្គងអំពីការពិតដ៏ច្រើនរាប់មិនអស់ និងការបកស្រាយនយោបាយមិនត្រឹមត្រូវបានធ្វើឲ្យខ្ញុំវាយតម្លៃយ៉ាងទាប ចំពោះវិជ្ជាជីវៈរបស់សារព័ត៌មាន The Guardian ដែលជានិច្ចកាល ខ្ញុំតែងតែវាយតម្លៃខ្ពស់លើ វិជ្ជាជីវៈនៃសារព័ត៌មាននេះ។
សូម្បីកំហុសឆ្គងដ៏តូចតាចក៏មានច្រើន ដែលបានបង្ហាញអំពីភាពល្ងង់ខ្លៅទាំងស្រុងរបស់អ្នកកាសែតនេះ។ ដូចជា នៅកម្ពុជា គ្មាននរណាម្នាក់គេហៅឈ្មោះលោក នាយករដ្ឋមន្ត្រី ហ៊ុន សែន ថាលោក “ហ៊ុន” ៗ នោះទេ។ អតីតព្រះមហាក្សត្រគេហៅព្រះអង្គថា ព្រះមហាក្សត្រ សីហនុ ពុំមែនជា “នរោត្តម” ទេ។ មេបក្សប្រឆាំងគេមិនហៅឈ្មោះថា “សម” ៗ នោះទេ គេហៅលោក រង្ស៊ី។ បើគេហៅឈ្មោះប្រជាជនខ្មែរណាមួយរូបតែឈ្មោះមួយម៉ាត់នោះ គឺគេហៅនាមខ្លួន មិនមែននាមត្រកូលនោះ ទេ។
ចំពោះវគ្គដែលនិយាយអំពីលោកស្រី ធារី សេង គេមិនអាចនិយាយថា «បាត់បង់ឪពុក ម្តាយរបស់លោកនៅក្នុងរបបប្រល័យពូជសាសន៍» នោះទេ។ លោកស្រី ធារី សេង គឺជាស្ដ្រីភេទគេត្រូវនិយាយថា «លោកស្រី» បានបាត់បង់ឪពុកម្តាយ។ លើសពីនេះ លោកស្រីបានចូលរួមសកម្មភាពនានា លើសពីសកម្មភាពសិទ្ធិមនុស្សទៅទៀត ដែលអាចលាបពណ៌ដល់ទស្សនៈរបស់លោកស្រីបាន អំពីសាលាក្តីនេះ។ អស់រយៈពេល២ទសវត្សរ៍ហើយ ដែលលោកស្រីបានប្រកាសខ្លួនឯងជាអ្នកគាំទ្រមេបក្សប្រឆាំង គឺលោក សម រង្ស៊ី ហើយទីបំផុត បានរិះគន់រដ្ឋាភិបាលសឹងតែគ្រប់សកម្មភាព។ បន្ទាប់ពីការបង្កើតសាលាក្តីនេះមក លោកស្រីបានប្រមូលជនរងគ្រោះពីសម័យខ្មែរក្រហមមួយក្រុម មកចូលលុកលុយក្នុងបរិវេណរបស់តុលាការ រួមទាំងបានគំរាមកំហែងប្រើអំពើហិង្សាលើរូបរាងកាយចៅក្រមទៀតផង ប្រសិនបើចៅក្រមមិនផ្តល់សេចក្តីសំរេច «ត្រឹមត្រូវ»។
ប្រវត្តិយល់ដឹងបែបស្លឈាម របស់អ្នកកាសែត The Guardian អំពីសាលាក្តីខ្មែរក្រហមរូបនេះ គឺបានកើតឡើងតាំងពីអឺយមកម្ល៉េះ។ គាត់នេះបាននិយាយថា «នៅក្នុងឆ្នាំ១៩៩៧ អង្គការសហប្រជាជាតិ (អ.ស.ប.) ហុចដៃជួយ»។ តាមពិត សាលាក្តីនេះមិនមែនជាគំនិតផ្តួចផ្តើមរបស់ អ.ស.ប នោះទេ។ កាលណោះ នៅខែមិថុនា ឆ្នាំ១៩៩៧ គឺជាសហនាយករដ្ឋមន្ត្រីកម្ពុជា នរោត្តម រណឫទ្ធិ និងលោក ហ៊ុន សែន នោះទេ ដែលបានសរសេរសារលិខិតមួយ ទៅកាន់អគ្គលេខាធិការ អ.ស.ប ស្នើសុំជំនួយពី អ.ស.ប ក្នុងការបង្កើតឲ្យមានការកាត់ក្តីនៅកម្ពុជា លើមេដឹកនាំខ្មែរក្រហម។
អ.ស.ប ក៏ពុំបានស្នើឲ្យមាន «តុលាការកូនកាត់» ដូចអ្នកកាសែត The Guardian សរសេរនោះទេ។ ការពិត ក្រោយពីមានការសិក្សាស្រាវជ្រាវ ដោយបានចំណាយពេលយ៉ាងយូរ ហើយបានឲ្យមានការកាត់ក្តីមួយ រៀបចំឡើងទាំងស្រុងដោយ អ.ស.ប នៅទីក្រុងឡាអេ តែតួនាទីកម្ពុជាមានកម្រិត គឺទៅលើចុងចោទ និងទៅលើសាក្សី។ ម្យ៉ាងទៀត ការអូសបន្លាយក្នុងការបង្កើតសាលាក្តីនោះ គឺភាគច្រើនស្ថិតនៅរង្វង់ការចរចាគ្នាពីវិសាលភាពនៃការរៀបចំសាលាក្តីមួយ ដែលអាចមានកម្ពុជាចូលរួម ហើយដែលកម្ពុជាអាចទទួលយកបាន។
លោក ហ៊ុន សែន នាពេលនោះ បានចូលរួមផ្តួចផ្តើមបង្កើតសាលាក្តី គឺរូបលោក ហ៊ុន សែន នោះហើយ ដែលក្នុងរឿងនិទានរបស់អ្នកកាសែត The Guardian សរសេរថា លោក ហ៊ុន សែន ចង់រារាំងការកាត់ទោសមេដឹកនាំខ្មែរក្រហម។ តើអ្នកសរសរនោះមានបំណងចង់បានអ្វីទៀត ពីប្រវត្តិនៃ «អតីតមេបញ្ជាការខ្មែរក្រហម?»។ ជាការគួរឲ្យអាម៉ាស់ណាស់ ដែលអ្នកកាសែតរូបនេះ មិនបានដឹងថា លោក ហ៊ុន សែន កាលណោះជាមន្រ្តីយោធាថ្នាក់មធ្យមមួយរូបដែលបានចូលរួមក្នុងសង្រ្គាមស៊ីវិលប្រឆាំងនឹងរបបលោក លន់ នល់ ហើយចលនាតស៊ូទាំងមូលបានដឹកនាំដោយមេខ្មែរក្រហមធំៗជាន់ខ្ពស់។ លោក ហ៊ុន សែន បានរងរបួសធ្ងន់នៅមុនថ្ងៃផ្តួលរលំរបប លន់ នល់ ហើយលោកបានចំណាយពេលប្រហែលមួយឆ្នាំ នៅក្នុងមន្ទីរពេទ្យសម្រាកព្យាបាល។ នៅពេលលោកត្រឡប់មកកាន់តួនាទីវិញ លោកមានការតក់ស្លុតចំពោះអ្វីដែលមេដឹកនាំខ្មែរក្រហមបានធ្វើទៅកម្ពុជា ហើយលោកក៏បានសម្រេចចិត្តប្រថុយគ្រោះថ្នាក់ រត់ផ្តាច់ខ្លួនទៅប្រទេសវៀតណាម ហើយបានត្រឡប់ចូលស្រុកវិញ ជួយរៀបចំចលនាតស៊ូ ដើម្បីផ្តួលរំលំរបបខ្មែរក្រហម។
ពិតណាស់ លោក ហ៊ុន សែន ក្តី លោក ជា ស៊ីម ក្តី ឬលោក ហេង សំរិន ក្តី បានបដិសេធមិនព្រមធ្វើជាកសិណសាក្សីនៅក្នុងការកាត់ក្តីចំនួនពីរលើក (កសិណសាក្សីបានបញ្ចប់នៅក្នុងករណី ០០២ និង០០១)។ ចំពោះករណីនេះ ចៅក្រមនឹងចេញសាលក្រមនៅក្នុងរយៈពេល២-៣សប្តាហ៍ទៀត។ យើងសុំសួរថា តើអស់លោកទាំង៣រូបនេះ មានបានដឹងអ្វីខ្លះ នៅក្នុងរឿងរ៉ាវក្តី លោក ឌុច ឬមួយក៏បានដឹងការងារពីអតីតកាលរបស់មេដឹកនាំខ្មែរក្រហមកំពូលៗដែលនៅរស់? អស់លោកទាំងបីរូបនេះ មិនបាននៅរួមដឹកនាំគុកទួលស្លែងនោះទេ ឬក៏នៅរួមក្នុងអង្គការដឹកនាំកំពូលរបស់ខ្មែរក្រហមនោះក៏ទេដែរ។ ដូចនេះសំណើដែលសុំឲ្យពួកលោកទាំង៣រូបនេះ ចូលធ្វើជាកសិណសាក្សី គឺគ្រាន់តែជាការប៉ុនប៉ងបង្វែរអារម្មណ៍របស់មេធាវីចុងចោទ ដែលប្រឈមមុខជាមួយរឿងក្តីដ៏ធំមួយក្នុងការចោទប្រកាន់កូនក្តីរបស់ខ្លួនប៉ុណ្ណោះ។ បញ្ហានេះ ក៏ដូចជាករណីមេធាវីខាងចុងចោទនៅ Nuremburg ដែលព្យាយាមសុំឲ្យមានការអញ្ជើញលោកប្រធានាធិបតីអាមេរិកាំង Harry Truman ឬក៏លោក Dwight Eisenhower មកធ្វើជាកសិណសាក្សី ជាដើម។
ជាការពិតណាស់ ការចំណាយ២០០លានដុល្លារអាមេរិក សំរាប់សាលាក្តីនេះ ជាចំនួនទឹកប្រាក់ច្រើនមែន។ ប៉ុន្តែ សាច់រឿងដែលអ្នកកាសែតរបស់ The Guardian មិនបានយល់នោះ គឺចំនួនទឹកប្រាក់ដ៏ច្រើននោះ បានចំណាយលើបុគ្គលិក-មន្រ្តីរបស់ អ.ស.ប. និងការចំណាយផ្សេងៗទៀត។ ទន្ទឹមនឹងនេះ គេក៏អាចលើកឡើងបានថា បើប្រៀបធៀបទឹកប្រាក់ចំនួន២០០លានដុល្លារអាមេរិក ដែលបានចំណាយនេះ ទៅនឹងការចំណាយរបស់សាលាក្តីអន្តរជាតិ ឬសាលាក្តីចំរុះផ្សេងៗដ៏ទៃទៀតនោះ គឺជាការចំណាយនៅកម្ពុជាមានចំនួនតិចតួច។
លើសពីនេះទៅទៀត សាលតុលាការសំរាប់ការកាត់ក្តីមេដឹកនាំខ្មែរក្រហម មានចំណុះប្រមាណ៥០០កៅអី សម្រាប់ទទួលសាធារណជន។ បើប្រៀបទៅឃើញថា សាលាក្តីនៅកម្ពុជា ជាសាលាក្ដីធំមួយក្នុងចំណោមសាលាក្តីធំៗ ជាងគេបង្អស់នៅលើពិភពលោក។ ម្យ៉ាងវិញទៀត កៅអីទាំងនេះមានមនុស្សអង្គុយពេញ នៅរាល់ថ្ងៃសវនាការ។ ប្រជាជនកម្ពុជារាប់ម៉ឺននាក់បានចូលស្តាប់សវនាការ ដើម្បីចង់ឃើញយុត្តិធម៌មួយក្នុងរឿងឧក្រិដ្ឋកម្ម ដែលបានប្រព្រឹត្តទៅក្នុងសម័យកាលខ្មែរក្រហម។
ដូចនេះ យើងអាចសរុបបានថា មុននឹងអ្នកកាសែតរបស់ The Guardian ថ្កោលទោសកម្ពុជាពីចម្ងាយ The Guardian គួរតែបញ្ជូនអ្នកកាសែតរបស់ខ្លួនរូបនេះមកកម្ពុជា ជាមុនសិន ដើម្បីប្រាស្រ័យទាក់ទងជាមួយនឹងអ្នកដែលខ្លួនសរសេរពីគេ ៕
ដោយ Allen Myers: http://letters2pppapers.wordpress.com/
សម្ដេចតេជោ៖ គប្បីរក្សាទំនាក់ទំនងដែលមានស្រាប់រវាងកម្ពុជា-ថៃ
ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះ
រាជា ណាចក្រកម្ពុជា បានឡាយព្រះហស្ថលេខាលើព្រះរាជក្រឹត្យលើកលែងទោស លោក
វីរៈ ស៊ុមក្វាមឃីដ អតីតមេចលនាថៃអាវលឿង ហើយនៅថ្ងៃទី០១ ខែកក្កដា ឆ្នាំ២០១៤
តាមសំណើររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។
នេះបើតាមឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីឲ្យដឹង ក្រោយពីបញ្ចប់ជំនួបសាវនាការ
រវាងសម្តេចអគ្គមហាសេនាបតីតេជោ ហ៊ុន សែន និងឯកឧត្តម ស៊ីហាសាក់ ផុងគេតកែវ (Sihasak Phuangketkrow) អគ្គលេខាធិការអចិន្ត្រៃយ៍ និងជារដ្ឋមន្ត្រីស្ដីការបរទេសថៃ
នារសៀលថ្ងៃទី១ ខែកក្កដា ឆ្នាំ២០១៤ នៅវិមានសន្តិភាព។
លោក វីរៈ ស៊ុមក្វាមឃីដ និងអ្នកទោសថៃ ០៦នាក់ផ្សេងទៀត
ត្រូវបានសាលាដំបូងរាជធានីភ្នំពេញបានសម្រេចផ្តន្ទាទោសកាលពីថ្ងៃ
ទី២៩
ខែធ្នូ ឆ្នាំ២០១០ ដាក់ពន្ធនាគារក្នុងម្នាក់ពី៦ឆ្នាំ ទៅ៨ឆ្នាំ
ពីបទចារកម្មចូលទឹកដីខ្មែរដោយខុសច្បាប់
និងចូលតំបន់យោធាខ្មែរដោយខុសច្បាប់ផងដែរ។
ឯកឧត្តម
អ៊ាង សុផល្លែត បានឲ្យដឹងថា សម្តេចអគ្គមហាសេនាបតីតេជោ ហ៊ុន សែន
បានមានប្រសាសន៍ក្នុងជំនួបនោះថា
អ្វីដែលជាសំណើរបស់ឯកឧត្ដមប្រាយុទ្ធ ចាន់អូចារ
លោក សុងខ្វាមឃីដ ត្រូវបានដោះលែងហើយ
តាមរយៈព្រះរាជក្រឹត្យរបស់ព្រះករុណាព្រះមហាក្សត្រកម្ពុជា
ដែលបានឡាយព្រះហស្ថលេខានៅថ្ងៃទី១ ខែកក្កដា ឆ្នាំ២០១៤នេះ
ហើយនឹងអនុញ្ញាតឲ្យវិលត្រឡប់ទៅប្រទេសថៃវិញជាមួយគណៈប្រតិភូថៃនៅ
ថ្ងៃទី០២
ខែកក្កដា ស្អែកនេះ។
ឯកឧត្តម អ៊ាង សុផល្លែត បានឲ្យដឹងថា នៅក្នុងជំនួបនោះឯកឧត្ដម Sihasak ក៏បានស្នើសុំរាជដ្ឋាភិបាលកម្ពុជា
ពិនិត្យពិចារណាតាមនីតិវិធីរបស់កម្ពុជា លើកលែងទោសក្នុងឱកាសពិធីដង្ហែព្រះបរមអដ្ឋិព្រះបរមរតនកោដ្ឋ
នាពេលខាងមុខ ដោះលែងលោក វីរៈ សុងខ្វាមឃីដ ដែលកំពុងតែជាប់ពន្ធនាគារអស់រយៈពេលជាយូរមកហើយដែរនោះ។
សម្ដេចតេជោក៏បានស្នើឲ្យភាគីថៃឯកឧត្ដម ប្រាយុទ្ធ ចាន់អូចារ ពិចារណាលើករណីដែលជនជាតិកម្ពុជា
ដែលត្រូវបានជនឆបោកហើយធ្វើឯកសារក្លែងក្លាយនោះ សូមពិចារណាដើម្បីដោះលែងទៅតាមនីតិវិធីរបស់ថៃផងដែរ។
ឯកឧត្តម អ៊ាង សុផល្លែត បានឲ្យដឹងបន្តថា នៅក្នុងជំនួបនោះថា ឯកឧត្ដមSihasak បានជម្រាបជូនសម្ដេចតេជោនាយករដ្ឋមន្ត្រី អំពីទិដ្ឋភាពនយោបាយទូទៅនៅក្នុងព្រះរាជាណាចក្រថៃ
ដែលក្នុងនោះ គឺភាគីថៃមានបំណងចង់ឲ្យធ្វើទំនាក់ទំនងល្អ និងលើកស្ទួយកិច្ចសហប្រតិបត្តិការទាំងទ្វេភាគី
និងពហុភាគីនៅក្នុងក្របខណ្ឌអាស៊ានគ្រប់ជ្រុងជ្រោយទាំងអស់។
ឯកឧត្តម ស៊ីហាសាក់ ផុងគេតកែវ (Sihasak Phuangketkrow)
ក៏បានរាយការណ៍ជូនសម្តេចតេជោអំពីជំនួបជាមួយឯកឧត្តម ហោ ណាំហុង
ឧបនាយករដ្ឋមន្រ្តី
រដ្ឋមន្ត្រីក្រសួងការបរទេស អំពីបញ្ហាដែលពាក់ព័ន្ធ និងពលករ
ក៏ដូចជាការលើកស្ទួយទំនាក់ទំនងរវាងប្រទេសទាំងពីរ
ជាពិសេសការតភ្ជាប់ស្ពាន ផ្លូវដែក និងការបើកច្រកស្ទឹងបត់
ហើយពាក់ព័ន្ធនឹងបញ្ហានយោបាយអ្វីដែលបានកើតឡើងក្នុងប្រទេសថៃនោះ
គឺគ្មានអ្នកណាដឹងមុនទេ
គឺកងទ័ពបានសម្រេចចិត្តធ្វើសកម្មភាពភ្លាមៗ ដែលនេះ
គឺជាដំណោះស្រាយចុងក្រោយបំផុតហើយដើម្បីធ្វើយ៉ាងណារក្សាឲ្យបាននូវ
ស្ថេរភាពនយោបាយរបស់ប្រទេសថៃ
និងរៀបចំធ្វើយ៉ាងណាឲ្យលទ្ធិប្រជាធិបតេយ្យក្នុងប្រទេសថៃឲ្យ
មាននិរន្តរភាព។
ឯកឧត្ដមអគ្គលេខាធិការ
អចិន្ត្រៃយ៍ និងជារដ្ឋមន្ត្រីស្ដីការបរទេសថៃ
ក៏បានជម្រាបជូនសម្ដេចតេជោអំពីផែនការ
៣ចំណុច របស់រដ្ឋាភិបាលថៃ
ហើយក៏បានគោរពសម្ដែងនូវការសោកស្ដាយចំពោះអ្វី
ដែលបានកើតឡើងពាក់ព័ន្ធនឹងបញ្ហាពលករកង្វះខាតផ្នែកគ្រប់គ្រងបាន
ធ្វើឲ្យមានការយល់ច្រឡំខុស
អំពីបញ្ហាពលករនេះ។ នៅពេលនេះភាគីថៃ
និងកម្ពុជាកំពុងតែមានកិច្ចសហប្រតិបត្តិការល្អលើបញ្ហានេះ
ដែលថៃបង្កើតឲ្យមានច្រកចេញចូលតែមួយ
និងការទំនាក់ទំនងផ្នែកការទូត
ព្រមទាំងកាត់បន្ថយរយៈពេលនៃការធ្វើទិដ្ឋាការផងដែរ។
ភាគីថៃនឹងយកចិត្តទុកដាក់ឲ្យតម្លៃខ្ពស់ចំពោះពលករទាំងឡាយណាមិនថា
ពលករមកពីប្រទេសណាទេ
ជាពិសេសពលករមកពីព្រះរាជាណាចក្រកម្ពុជាតែម្ដង។
ទាក់
ទងនឹងសភាពការណ៍ក្នុងប្រទេសថា ឯកឧត្តម អ៊ាង សុផល្លែត
បានឲ្យដឹងថា សម្ដេចតេជោនាយករដ្ឋមន្ត្រីបានមានប្រសាសន៍ថា
រូបសម្ដេចផ្ទាល់មិនជឿថា
អ្វីដែលកើតឡើងនៅក្នុងព្រះរាជាណាចក្រថៃ គឺជាការក្រោងទុកនោះទេ
ហើយវាអាចជាការកើតឡើងសម្រចចិត្តភ្លាមៗ
និងវាក៏ជាដំណាក់កាលចុងក្រោយ ហើយសម្ដេចយល់អំពីបញ្ហាទាំងនោះ
ដែលកម្ពុជាមិនជ្រែតជ្រែកចូលកិច្ចការផ្ទៃក្នុងរបស់ប្រទេសថៃឡើយ។
ពាក់ព័ន្ធនឹងទំនាក់ទំនងប្រទេសទាំងពីរ សម្ដេចតេជោបានមានប្រសាសន៍ថា គប្បីរក្សាទំនាក់ទំនងដែលមានស្រាប់
ហើយប្រឹងប្រែងជំរុញទំនាក់ទំនងនេះ ឲ្យបានកាន់តែស៊ីជម្រៅថែមទៀត៕
សម្តេចតេជោបង្ហាញពីលទ្ធភាព២ នៃបរិយាកាសនយោបាយនៅក្នុងព្រះរាជាណាចក្រកម្ពុជា
សម្ដេច
អគ្គមហាសេនាបតីតេជោ ហ៊ុន សែន បានប្រកាសម្ដងទៀត នាព្រឹកថ្ងៃទី១
ខែកក្កដា ឆ្នាំ២០១៤ ពីស្រុកសាមគ្គីមានជ័យ ខេត្តកំពង់ឆ្នាំង
អំពីជំហររបស់គណបក្សប្រជាជនកម្ពុជា ដែលនៅតែបើកទ្វារចំហ
ដើម្បីការចរចាជាមួយគណបក្សសង្គ្រោះជាតិ ដោយសមហេតុសមផល
និងបានព្រមានជាមុនថា កុំធ្វើដូចមេ Mafia
ចាប់បង្ខំគេឱ្យធ្វើតាម។
ព្រោះការចរចាបង្កើតគណៈកម្មាធិការជាតិរៀបចំការបោះឆ្នោតដោយទាមទារ
ឲ្យប្រើរូបមន្ត ២ភាគ៣ វានឹងគាំងមិនអាចបោះឆ្នោតកើត, ២ ភាគ ៣ នេះ
នឹងសម្លាប់ប្រជាធិបតេយ្យនៅស្រុកខ្មែរតែម្ដង!។
នាឱកាស
អញ្ជើញជាអធិបតីក្នុង “ទិវាមច្ឆជាតិ” ថ្ងៃទី១ កក្កដា នៅអាងទឹកក្តុល
ស្ថិតក្នុងភូមិក្រាំងកន្ទ្រោល ឃុំពាម ស្រុកសាមគ្គីមានជ័យ
ខេត្តកំពង់ឆ្នាំង
សម្តេចតេជោនាយករដ្ឋមន្ត្រីក៏បានលើកបង្ហាញផងដែរពីនិរន្តរភាពរបស់
រដ្ឋ និរន្តរភាពជីវភាពរបស់ពលរដ្ឋ ដែលកំពុងមាន ទោះគណបក្សសង្គ្រោះជាតិ
នៅតែបន្តមិនចូលសភាក៏ដោយ។
ទាក់
ទងនឹងបញ្ហាចរចារកដំណោះស្រាយនយោបាយជាមួយគណបក្សសង្គ្រោះជាតិ
សម្តេចតេជោបានមានប្រសាសន៍ឲ្យដឹងថា ម្សិលមិញ (៣០មិថុនា២០១៤)
ខ្ញុំ ប្រាប់រដ្ឋមន្ត្រីការបរទេសជប៉ុន (ឯកឧត្តម ហ្វ៊ូមីអូ គីស៊ីដា
Fumio Kishida)ត្រង់ៗតែ ម្ដងថា លទ្ធភាពវិវត្តន៍របស់កម្ពុជា
មានតែពីរទេ ទី១,
មានការចូលរួមពីគណបក្សសង្គ្រោះជាតិនៅក្នុងដំណើរការសភា
តាមរយៈនៃការចរចាដោយសមហេតុសមផល ហើយមិនត្រូវធ្វើជាមេម៉ាហ្វីយ៉ា
(Mafia) ចាប់បង្ខំនោះទេ... លទ្ធភាពទីមួយ គឺជាការល្អ។ សម្ដេចបន្តថា៖
យើង (គណបក្សប្រជាជនកម្ពុជា) នៅតែបើកទ្វារចំហដើម្បីការចរចា
ប៉ុន្តែអ្នកឯងអត់ត្រូវមកនិយាយពីរឿង២ភាគ៣ទេ។
«ខ្ញុំបានប្រាប់រដ្ឋមន្ត្រីការបរទេសជប៉ុនថា ២ភាគ៣
គឺសម្លាប់ប្រជាធិបតេយ្យស្រុកខ្មែរហើយ!។
សម្តេចតេជោបានមានប្រសាសន៍ថា ពីមុន២ភាគ៣
គ្រាន់តែធ្វើឱ្យគាំងនៃការបង្កើតរាជរដ្ឋាភិបាល!
ក្នុងពេលដែលបង្កើតរាជរដ្ឋាភិបាលថ្មីមិនទាន់បានរាជរដ្ឋាភិបាល
ចាស់ គឺនៅចាំផ្ទះ, ប៉ុន្តែ ២ភាគ៣
នៃការបង្កើតគណៈកម្មាធិការជាតិរៀបចំការបោះឆ្នោត បើសិនវាគាំង
គឺសម្លាប់ប្រជាធិបតេយ្យនៅស្រុកខ្មែរតែម្ដង!
សុំអ្នកវិភាគទាំងឡាយយល់ឱ្យច្បាស់អំពីកន្លែងហ្នឹង!
បើអ្នកឯងទារ២ភាគ៣ គឺអត់ទេ និយាយថា
ដាច់ខាតគឺអត់អ្នកឯងចង់ធ្វើអីធ្វើទៅ! ហើយតែជ្រុលហួសសុំទោស!»។
សម្តេចតេជោ
បានថ្លែងថា មេដឹកនាំគណបក្សសង្គ្រោះបាននិយាយថា
«ឆន្ទៈរាស្រ្តអត់ឲ្យចូលសភា ខ្ញុំនិយាយថា
ឆន្ទៈរាស្រ្តឲ្យរាជរដ្ឋាភិបាលបន្តដំណើរ។ ឆន្ទៈរាស្រ្តអីតែឯង
ឆន្ទៈរាស្រ្តខ្ញុំច្រើនជាង»។
មេបក្សប្រឆាំងធ្វើខ្លួនដូចមេម៉ាហ្វីយ៉ា
ចាញ់ឆ្នោតហើយបង្ខំឲ្យគេធ្វើតាមខ្លួនទៀត។
ពាក់ព័ន្ធនឹងការលើកឡើងរបស់បក្សប្រឆាំង
ដែលសុំទៅព្រះមហាក្សត្រឲ្យមានការកោះធ្វើសមាជវិញ
សម្តេចតេជោមានប្រសាសន៍ថា សូមលោកមើលទៅមានច្បាប់សមាជ
មកពីត្រង់ណា? ហើយគេតែងតែបានលើកឡើងថា
ជាបេក្ខជនតំណាងរាស្រ្តជាប់ឆ្នោត ដូច្នេះបានសេចក្តីថា
គេទទួលស្គាល់លទ្ធផលបោះឆ្នោត គ្រាន់តែមិនទាន់ចូលសភា។
ទោះ
បីយ៉ាងណាសម្ដេចតេជោបានមានប្រសាសន៍ដោយសុទិដ្ឋិនិយម
ចង់ឱ្យមានការសម្របសម្រួលគ្នារវាងគណបក្ស
ដែលមានអាសនៈក្នុងសភាដោយមិនចាំបាច់
មកឆ្លងកាត់មហាផ្ទៃឆ្លងកាត់គណៈរដ្ឋមន្ត្រី
ហើយបញ្ជូនទៅសភាទេក្នុងនេះ។
ទាក់ទងនឹងនីតិវិធីដើម្បីដោះស្រាយបញ្ហាសម្ដេចបានមានប្រសាសន៍លើក
ឡើងថា៖ បណ្ដាបក្សនយោបាយ
ដែលមានអាសនៈក្នុងសភាសម្របសម្រួលគ្នាទៅវាស្ទើរតែមានកុងសង់ស៊ីស
ទៅហើយប៉ុន្តែពេលដែលប្រថាប់ត្រាមិនអាចយកការព្រមព្រៀង
រវាងបណ្ដាបក្សនយោបាយក្នុងអចិន្ត្រៃយ៍សភាទៅថ្វាយព្រះករុណា
ព្រះមហាក្សត្រ ចេញព្រះរាជក្រឹត្យបានទេ!
វាត្រូវឆ្លងកាតការបោះឆ្នោតដោយសភា
ហើយការបោះឆ្នោតនោះគឺត្រឹមតែសំឡេង៥០បូក១។
សម្ដេច
តេជោបានទម្លាយឱ្យដឹងផងដែរថា
ក្នុងពេលដែលឱ្យបក្សសង្គ្រោះជាតិបង្កើតទូរទស្សន៍ដោយឱ្យធ្វើលិខិត
ស្នើសុំនោះ ឥឡូវនេះ មេដឹកនាំបក្សសង្គ្រោះជាតិថា គេមិនធ្វើលិខិតទេ
បើគេបង្កើតទូរទស្សន៍ គេត្រូវតែឯករាជ្យ
ដោយមិននៅក្រោមរបបច្បាប់សារព័ត៌មានអីទេ។ បញ្ហានេះ
សម្ដេចតេជោបានផ្ដាំទៅវិញថា «អើ! បើអ៊ីចឹងអត់ទៅ! លោកឯងមិនយក
ហីទៅ! មិនឱ្យ! ព្រហើនម៉េះ?»។ ក្នុងនេះសម្ដេចពន្យល់ថា
«ទូរទស្សន៍គេដទៃទៀត
ឥឡូវរាល់ថ្ងៃកំពុងធ្វើសកម្មភាពទាំងទូរទស្សន៍ទាំងវិទ្យុសុទ្ធតែ
នៅក្រោមច្បាប់មួយ គឺច្បាប់ទាក់ទិនជាមួយនឹងក្រសួងព័ត៌មាន។
ឥឡូវគេថាអត់ទេ បើសិនជាគេធ្វើ ត្រូវតែឯករាជ្យ អើ! អ៊ីចឹង
លោកឯងទៅបង្កើតរដ្ឋមួយផ្សេងនៅឋានព្រះចន្ទទៅ!
ហ៊ានសាកលមើល៍ដំឡើងអង់តែន...ដាក់លមើល៍...ទឹកដីនេះអត់ធ្វើ
អបគមន៍បានទេណាប្រាប់ឱ្យហើយ!»។ សម្ដេចតេជោ
ក៏បញ្ជាក់បន្ថែមដែរថា« ដូចសម្ដេច ហេង សំរិន បញ្ជាក់អ៊ីចឹង
គឺបន្តបើកទ្វារ
ប៉ុន្តែឈរលើមូលដ្ឋានដែលបានព្រមព្រៀងគ្នាហើយលើអ្វីខ្លះ!
កុំលេងថយក្រោយដូរតួអង្គចរចាបង្កើតប្រធានបទថ្មីៗ រហូតអត់ទេ!
ខ្ញុំឥឡូវអត់ខ្វល់!...អ្នកណាចង់វិភាគអី
វិភាគទៅរឿងរបស់ខ្ញុំគឺរឿងធ្វើយ៉ាងម៉េចឱ្យប្រជាជនបង្កបង្កើនផល
សន្តិសុខជាតិរក្សាបានស្ថិរភាពម៉ាក្រូសេដ្ឋកិច្ច
អ្វីៗដំណើរការទៅមុខរកលុយបើកប្រាក់ខែឱ្យមន្ត្រីរាជការកម្លាំង
ប្រដាប់អាវុធ,
ការចំណាយជួសជុលផ្លូវថ្នល់ធ្វើប្រឡាយទឹកអ្វីៗដំណើរការធម្មតា...»។
ចំពោះ
លទ្ធភាពទី២ សម្ដេចតេជោបញ្ជាក់ថា៖ លទ្ធភាពទី២
គឺដំណើរការដូចបច្ចុប្បន្ន
ហើយដល់ឆ្នាំ២០១៨ចាត់តាំងបោះឆ្នោតឡើងវិញ!។ ក្នុងចំណុចនេះ
សម្តេចបានគូសបញ្ជាក់ថា ទោះមាន ឬគ្មានជំនួយពីបរទេសក៏ដោយ
ក៏រាជរដ្ឋាភិបាលដែលមានគណបក្សប្រជាជននៅក្នុងនោះត្រូវតែមាន
ការកែទម្រង់ការបោះឆ្នោតដែរ។ ក្នុងការកែទម្រង់បោះឆ្នោតនេះដែរ
សម្ដេចបញ្ជាក់ថា «ដល់ឆ្នាំ២០១៨ បើអ្នកឯងចូលរួមបោះក៏បោះទៅ
បើមិនចូលបោះ ទេស្មានតែមានតែគណបក្សប្រជាជន
គឺមានបក្សគរគោកដែលគេទើបបង្កើតរាប់ ទាំងសម្តេចក្រុមព្រះ
បង្កើតត្រៀមតែនឹងចូលបោះ!...»។ ដោយឡែកតបចំពោះសេដ្ឋវិទូ
និងអ្នកវិភាគឯករាជ្យមួយចំនួនដែលថា បន្តិចទៀត
គឺសេដ្ឋកិច្ចកម្ពុជាទន់ខ្សោយរាជរដ្ឋាភិបាលនឹងទៅរកជំនួយបរទេសមក
បើកប្រាក់ខែនោះ សម្តេចតេជោផ្ដាំទៅវិញថា
«អត់ទេ!មួយជីវិតរបស់យើងហើយ
គឺមិនដែលទៅយកជំនួយបរទេសមកបើកប្រាក់ខែទេ
ហើយក៏គ្មានបរទេសណាគេផ្តល់ជំនួយមកឱ្យយើងសម្រាប់បើកប្រាក់ខែ
ដែរ...មិនត្រឹមតែជំនួយទេ ទៅខ្ចីលុយគេយកមកបើកប្រាក់ខែក៏អត់ដែរ!
កម្ពុជាមិនដែលទៅសុំជំនួយបរទេសមកបើកប្រាក់ខែទេ!»
ជាសរុបចុងក្រោយសម្ដេចតេជោ ហ៊ុន សែន ផ្ដាំផ្ញើថា «ឬមួយអ្នកឯងចូល
ខ្ញុំក៏អរ! ឬមួយអ្នកឯងមិនចូល ខ្ញុំតម្រង់ឆ្ពោះទៅ២០១៨បោះឆ្នោត!»៕
សម្តេចតេជោជំរុញឲ្យលែងកូនត្រីឲ្យបានច្រើននៅតាមបឹងព្រែកធម្មជាតិ
ក្នុងឱកាសប្រារព្ធទិវាមច្ឆជាតិ
១កក្កដា ប្រចាំឆ្នាំប្រព្រឹត្តទៅនៅថ្ងៃទី០១ ខែកក្កដា ឆ្នាំ២០១៤ នៅអាងទឹកក្តុល
ភូមិក្រាំងកន្ទ្រោល ឃុំពាម ស្រុកសាមគ្គីមានជ័យ ខេត្តកំពង់ឆ្នាំង សម្តេចអគ្គមហាសេនាបតីតេជោ
ហ៊ុន សែន បានជំរុញឲ្យមានការលែងកូនត្រីឲ្យបានច្រើននៅតាមបឹងព្រែកធម្មជាតិឲ្យបានច្រើន
ដោយមិនចាំបាច់តែទិវាមច្ឆជាតិនោះឡើយ។
ទាក់ទងនឹងការប្រារព្ធទិវាមច្ឆជាតិនេះ
សម្តេចតេជោនាយករដ្ឋមន្ត្រីបានមានប្រសាសន៍ផ្តល់ជាអនុសាសន៍ថា ទិវាមច្ឆជាតិនេះ
មិនធ្វើតែថ្ងៃទី១កក្កដានេះទេគឺត្រូវធ្វើនៅពេលវេលាជាច្រើន
និងទីកន្លែងជាច្រើនទៀត ដើម្បីធ្វើឲ្យទន្លេ ស្ទឹង បឹងបួរ របស់កម្ពុជាសម្បូរទៅដោយត្រី។
សម្តេចតេជោ បានអំពាវនាវជាថ្មីចំពោះប្រជាពលរដ្ឋនៅទូទាំងប្រទេសបន្ត
អនុវត្តន៍អនុសាសន៍ចំនួន ៧ចំណុច ដែលធ្លាប់បានអំពាវនាវកាលពីឆ្នាំ២០១២ នៅក្នុងខេត្តកំពង់ចាម
ដែលរួមមាន ទី១,សុំកុំប្រើឧបករណ៍ខុសច្បាប់ ជាពិសេសការប្រើឧបករណ៍ឆក់ត្រី។
ទី២,កុំចាប់ត្រីក្នុងរដូវហាមឃាត់គឺក្នុងរដូវត្រីពង។
ទី៣,សូមកុំកាប់ព្រៃលិចទឹក ដែលជាជម្រកត្រីពងកូន។
ទី៤,ជួយផ្ដល់ព័ត៌មានអំពីជនខិលខូច
និងមន្ត្រីខិលខូចដែលចូលទៅនេសាទ ឬពាក់ព័ន្ធ ក្នុងតំបន់អភិរក្ស។
ទី៥,កុំយកបឹងព្រែកប្រើប្រាស់ខុសគោលដៅនេសាទដូចជាយកទៅដាំឈូក
និងចាក់ដីលុបជាដើម។ ទី៦,កុំឲ្យមានទំនាស់រវាងប្រជាពលរដ្ឋអ្នក នេសាទ
និងអ្នកធ្វើស្រែប្រាំង ឬទំនាស់ដែនទឹកជាមួយប្រជាពលរដ្ឋ
ដែលមកធ្វើនេសាទនៅតំបន់របស់ខ្លួនគឺត្រូវចែកគ្នារស់ទាំងអស់គ្នា
និងទី៧,សូមចូលរួមឲ្យសកម្មក្នុងទិវាមច្ឆជាតិ
១កក្កដាជារៀងរាល់ឆ្នាំ
ដែលជាទិវាជំរុញវារីវប្បកម្មឲ្យកាន់តែទូលំទូលាយ
និងចូលរួមការពារ ត្រីនិងជីវចម្រុះដែលជិតផុតពូជ។
ឯកឧត្តម អ៊ុក រ៉ាប៊ុន
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានឲ្យដឹងថា ក្នុងការអនុវត្តន៍កំណែទំរង់ស៊ីជម្រៅ
រាជរដ្ឋាភិបាលបានសម្រេចលុបឡូតិ៍នេសាទចំនួន ១៥៨ឡូតិ៍ដែលមានផ្ទៃសរុប ៩៥៣.០០០ហិកតា
ក្នុងនោះបានកាត់ជូនប្រជាពលរដ្ឋចំនួន ៨៥៦.២៣៧ ហិកតា
ស្មើនឹងប្រមាណ ៩០ភាគរយ និងរក្សាទុកជាកន្លែងអភិរក្សជលផលស្មើនឹង ៩៧.៥០០
ហិកតា ស្មើ ១០ភាគរយ។ ឯកឧត្តមរដ្ឋមន្ត្រីបានឲ្យដឹងទៀតថា
រហូតមកដល់ឆ្នាំ
២០១៣ សហគមន៍នេសាទចំនួន ៥១៦ ត្រូវបានបង្កើតឡើង
ក្នុងនោះសហគមន៍នេសាទទឹកសាបចំនួន
៤៧៧ និងសហគមន៍នេសាទសមុទ្រចំនួន ៣៩ ហើយក្នុងនោះសហគមន៍នេសាទចំនួន ៣៦០
ត្រូវបានចុះបញ្ជីទទួលស្គាល់ជាផ្លូវការពីក្រសួងកសិកម្មរួចហើយ។
ជាមួយនេះបានរៀបចំសហគមន៍នេសាទគ្មានបទល្មើសចំនួន ២៨សហគមន៍ផងដែរ។
ធនាគារក្ដាម
៣៤កន្លែងត្រូវបានបង្កើតឡើង ដែលធ្វើឱឲ្យក្ដាមសេះមានបរិមាណកើនឡើង
៤ដង។
ក្នុង
ឱកាសប្រារព្ធទិវាមច្ឆជាតិលើកទី១២នេះ
កូនត្រីពូជ ១លាន និងមច្ឆជាតិឯទៀត ត្រូវបានយកទៅលែងនៅអាងទឹកក្តុល
ភូមិក្រាំងកន្ទ្រោល ឃុំពាម ស្រុកសាមគ្គីមានជ័យ ខេត្តកំពង់ឆ្នាំង
មានចម្ងាយ
៤៨គីឡូម៉ែត ពីរាជធានីភ្នំពេញត្រង់ចំណុចផ្សារត្រាច
រួចបត់ចូលកាន់កន្លែងប្រារព្ធពិធីចម្ងាយ
២៨គីឡូម៉ែត។ អាងទឹកនេះមានទំនប់ទ្វាររំដោះទឹក ប្រព័ន្ធស្រោចស្រព
និងប្រឡាយជាច្រើនខ្សែ ដែលបានសាងសង់ឡើងក្នុងអំឡុងឆ្នាំ១៩៧៦
និងបានបញ្ចប់នៅឆ្នាំ១៩៧៧
ក្នុងសម័យរបបកម្ពុជាប្រជាធិបតេយ្យ។ ក្រោយឆ្នាំ១៩៨៧
តំបន់នេះស្ថិតក្នុងស្ថានភាពប្រទាញប្រទង់
ដោយសារសង្គ្រាមស៊ីវិលអូសបន្លាយជិត ២០ឆ្នាំ
ដែលបានធ្វើឲ្យអាងទឹកនេះ ទទួលរងនូវការខូចខាត
និងខ្វះការថែទាំ។ ស្ថិតក្នុងស្ថានភាពនេះ អាងទឹកក្តុលត្រូវបានស្តារ
និងសាងសង់ឡើងវិញក្នុងក្របខ័ណ្ឌនៃគម្រោងពហុបំណងអភិវឌ្ឍន៍ធនធានទឹក
នៅស្ទឹងក្រាំងពន្លៃ
ដែលបានផ្តល់ហិរញ្ញប្បទានដោយទីភ្នាក់ងារសហប្រតិបត្តិការអន្តរជាតិ
កូរ៉េ
(KOICA)។
បច្ចុប្បន្ននេះ អាងទឹកក្តុលមានទំហំផ្ទៃទឹកប្រមាណ
១២០ហិកតា មានធារទឹកប្រមាណ៦ លានម៉ែត្រត្រីគុណ និងជម្រៅជាមធ្យម ៥ម៉ែត្រ ដែលមានលទ្ធភាពស្រោចស្រពលើផ្ទៃដីស្រែវស្សាជាង
១.៤០០ហិកតា
និងដីស្រែប្រាំងជិត ៥០០ហិកតា សម្រាប់ឃុំបួននៅក្នុងស្រុកសាមគ្គីមានជ័យរួមមាន
ឃុំពាម ឃុំត្បែងខ្ពស់ ឃុំស្វាយ ឃុំជុក ដែលមាន ៤៤ ភូមិ និងមានប្រជាពលរដ្ឋរស់នៅចំនួន
៣៩.៣២៥ នាក់ ស្មើនឹង ៨.៣៦៧ គ្រួសារ៕
Subscribe to:
Posts (Atom)