S…thy
Monday, September 15, 2014
សម្តេចតេជោនាយករដ្ឋមន្រ្តី ទទួលជួបពិភាក្សាការដាច់ដោយឡែកពីគ្នាជាមួយ ឯកឧត្តម Pham Binh Minh ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាម
អ្នកនាំពាក្យទីស្តីការគណៈរដ្ឋមន្ត្រី ទាត់ចោលការចោទប្រកាន់របស់អង្គការសង្គមស៊ីវិល ដែលថា ប្រជាធិបតេយ្យនៅកម្ពុជាមិនល្អប្រសើរ
រដ្ឋលេខាធិការ
និងជាអ្នកនាំពាក្យទីស្តីការគណៈរដ្ឋមន្ត្រី ឯកឧត្តម ផៃ ស៊ីផាន បានអះអាងថា
សេរីភាពនៃការបញ្ចេញមតិនៅកម្ពុជា
គឺមានច្រើនជាងប្រទេសមួយចំនួននៅក្នុងតំបន់។ ឯកឧត្តមបន្តថា កម្ពុជាកំពុងតែដើរលើ ដងផ្លូវ នៅក្នុង ការអភិវឌ្ឍន៍លទ្ធិប្រជាធិបតេយ្យ។
។
ការថ្លែងបែបនេះ គឺបន្ទាប់ពីក្រុមអង្គការ សមាគមក្រៅរដ្ឋាភិបាល បានរៀបចំសន្និសីទកាសែតនៅសាកលវិទ្យាល័យខេមរៈ ស្តីពី “ទិវាអន្តរជាតិ ប្រជាធិបតេយ្យ និងការបង្ហាញ អំពីស្ថានភាព នៃដំណើរការប្រជាធិបតេយ្យ ទាក់ទិនទៅនឹងបញ្ហាចម្បង នៅប្រទេសកម្ពុជា” ដើម្បីចូលរួមទិវាអន្តរជាតិ ប្រជាធិបតេយ្យ នៅព្រឹកថ្ងៃទី១៥ ខែកញ្ញា ឆ្នាំ២០១៤ ។
ការថ្លែងបែបនេះ គឺបន្ទាប់ពីក្រុមអង្គការ សមាគមក្រៅរដ្ឋាភិបាល បានរៀបចំសន្និសីទកាសែតនៅសាកលវិទ្យាល័យខេមរៈ ស្តីពី “ទិវាអន្តរជាតិ ប្រជាធិបតេយ្យ និងការបង្ហាញ អំពីស្ថានភាព នៃដំណើរការប្រជាធិបតេយ្យ ទាក់ទិនទៅនឹងបញ្ហាចម្បង នៅប្រទេសកម្ពុជា” ដើម្បីចូលរួមទិវាអន្តរជាតិ ប្រជាធិបតេយ្យ នៅព្រឹកថ្ងៃទី១៥ ខែកញ្ញា ឆ្នាំ២០១៤ ។
សង្គមស៊ីវិល បានលើកឡើងថា ប្រទេសកម្ពុជា មានឧបសគ្គ និងមានបញ្ហាជាច្រើន ដែលកំពុងកើតឡើង និងទាមទារឲ្យមានដំណោះស្រាយ ជាចាំបាច់។
សង្គមស៊ីវិល បានលើកឡើងថា ប្រទេសកម្ពុជា មានឧបសគ្គ និងមានបញ្ហាជាច្រើន ដែលកំពុងកើតឡើង និងទាមទារឲ្យមានដំណោះស្រាយ ជាចាំបាច់។
ឯកឧត្តម ផៃ ស៊ីផាន បានមានប្រសាសនន៍ថា យើងដឹងហើយថា ប្រជាធិបតេយ្យនៅលើសកល លោក គឺខុសៗគ្នាទៅតាមវប្បធម៌ ទៅតាមការយល់ដឹង ហើយទៅតាមលទ្ធភាព នៃការអនុវត្ត របស់ខ្លួន។ ឯកឧត្តម បន្ថែមថា គ្មានប្រទេសណាមួយដែលអះអាងខ្លួន ថា អនុវត្តប្រជាធិបតេយ្យ បានពេញលេញទេ សូម្បីតែសហរដ្ឋអាមេរិច ដូចជាចក្រភពអង់គ្លេស ក៏មិនទាន់ ហ៊ាននិយាយនៅឡើយដែរ ដោយសារគេនិយាយថា ជាការពិសោធន៍ ប្រជាពលរដ្ឋ របស់គេ ក្នុងការរក្សាអំណាចរបស់មហាជន រក្សាតុល្យភាពរវាងមហាជនជាមួយ នឹងអ្នកផ្តល់សេវាកម្ម គឺរដ្ឋាភិបាលក៏ដូចជាជាមួយអ្នកតែងច្បាប់។
ឯកឧត្តម ផៃ ស៊ីផាន បានបន្តថា ការពិសោធន៍របស់កម្ពុជា បើយើងមើល
ពីឆ្នាំ១៩៩៣ នៃអាណត្តិទី១នៃការបោះឆ្នោតនេះ ការជួបប្រទះនូវឧបសគ្គជាច្រើនរបស់ប្រជាពលរដ្ឋកម្ពុជា
ទោះជាយ៉ាងណាក៏ដោយ ក៏យើងឃើញថា កម្ពុជាមានសមត្ថភាព និងលទ្ធភាពរក្សាស្ថេរភាពនយោបាយ
និងសន្តិភាពដើម្បីទុកឱកាសនៃការអភិវឌ្ឍន៍នៃសេដ្ឋកិច្ច របស់ខ្លួន។
អ្នកនាំពាក្យរូបនេះ បានបន្តទៀតថា អ្វីដែលកម្ពុជាយើងកំពុងអភិវឌ្ឍន៍ លទ្ធិប្រជាធិបតេយ្យរបស់ខ្លួន
ឆ្លើយតបនឹងវប្បធម៌ ឆ្លើយតបនឹងលទ្ធភាពនៃប្រជាពលរដ្ឋយើង ដោយសាររាជរដ្ឋាភិបាលកើតចេញ ពីប្រជាពលរដ្ឋ
អាស្រ័យហេតុដូច្នេះ យើងកំពុងតែដើរនៅចំផ្លូវត្រូវ នៅលើមូលដ្ឋាននៃអ្វីដែលយើងនិយាយអំពីលទ្ធិប្រជាធិបតេយ្យ
ទី១យើងកំពុងពង្រឹង នីតិរដ្ឋ យើងមានច្បាប់ ទី២ ឲ្យការដឹងការយល់ច្បាប់ នៅតែបន្តបន្ទាប់មកទៀត គឺការអនុវត្តន៍ច្បាប់។
ការពិសោធន៍នៃប្រជាធិបតេយ្យ នៅពេលនេះយើង ឃើញថាតាំងពីឆ្នាំ១៩៩៣ដល់ពេលនេះ យើងមានឧបសគ្គយ៉ាងណាក៏ដោយក៏កម្ពុជានៅតែថែរក្សា
ស្ថេរភាពនយោបាយ សន្តិភាព និងការអភិវឌ្ឍន៍របស់ខ្លូន ដោយឈរទៅលើ ម៉ាក្រូសេដ្ឋកិច្ច កំណើនមាន៧.៥ភាគរយនៅឆ្នាំនេះ
ដែលគេហៅថាផលិតផលក្នុងស្រុក រឺ GDP
រឺឯចំណូលក្នុងស្រុករបស់ខ្លូនរវាងបុគ្គលម្នាក់ៗ និងទទួលបាន១០០០ដុល្លារជាង។
តាមរយៈការរៀបរាប់មកនេះ
ឯកឧត្តម ផៃ ស៊ីផាន បានវាយតម្លៃថា ដូច្នេះ ពាក្យថា ប្រជាធិបតេយ្យ គឺនិយាយអំពីនីតិរដ្ឋ និយាយអំពីការអភិវឌ្ឍន៍ទៅតាមម៉ាក្រូសេដ្ឋកិច្ច
ក៏ដូចជាចំណូលរបស់ មហាជនឲ្យចំទិសដៅត្រឹមត្រូវ ដែលយើងទទួលបានការលើកទឹកចិត្តពីអង្គការអន្តរជាតិមួយចំនួនធំ
ដូចជាស្ថាប័ន រូបិយវត្ថុអន្តរជាតិ ក៏ដូចជាធនាគារពិភពលោក ។ នេះហើយជាការពិសោធន៍របស់កម្ពុជា ទោះបីជា យើងជួបនឹងឧបសគ្គនៃការវិវាទនយោបាយមួយចំនួនធំយ៉ាងណាក៏ដោយ ដ៏ប៉ុន្តែ ដំណោះស្រាយនៅតែមានបន្តនូវអ្វី
ដែលយើងចង់និយាយថាអំណាចសាធារណៈនៅតែបន្តនិរន្តភាព និងចីរភាពរបស់គេ។
ជាចុងបញ្ចប់
ឯកឧត្តម ផៃ ស៊ីផាន បានសង្កត់ធ្ងន់ថា ដូច្នេះការផ្លាស់ប្តូរអំណាចតាមរយៈការបោះឆ្នោត យើងនៅតែប្រព្រឹត្តឲ្យបានទៅតាមអ្វីដែលជាអាណត្តិរបស់ខ្លួន។ ដូចគ្នានេះដែរ សិទ្ធិនៃការបញ្ចេញយោបល់យើងមានច្បាប់របស់យើង។ ដូច្នេះអ្វីដែលកម្ពុជានៅបន្តធ្វើគឺ នៅតែការអនុវត្តការចូលរួមសហការ រវាងរាស្ត្រ និងរដ្ឋឲ្យនៅជុំគ្នា។ ដូច្នេះលទ្ធិប្រជាធិបតេយ្យមិនអាចធ្វើតែឯងបានទេទាល់តែម្នាក់ៗនៅក្នុងសង្គមចូលរួម ហើយអ្វីដែលយើងមោទនភាពខ្លូនយើង គឺតិចបំផុត ប៉ុន្តែ
ជាសំខាន់នោះ គឺយើងធានាបាននូវសន្តិភាពទាំងមូលក្នុងផ្ទៃប្រទេស។
សម្តេចតេជោនាយករដ្ឋមន្រ្តី អញ្ជើញ ទៅដល់ចំណតអាកាសយានដ្ឋានអន្តរជាតិ Wuxu នៃទីក្រុងណាននីង សាធារណរដ្ឋប្រជាមានិតចិន
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះ រាជាណាចក្រកម្ពុជា និងគណៈប្រតិភូជាន់ខ្ពស់នៃរាជរដ្ឋាភិបាលកម្ពុជា អញ្ជើញធ្វើដំណើរ តាមយន្តហោះពិសេសរបស់ព្រះរាជាណាចក្រកម្ពុជា ទៅដល់ចំណតអាកាសយានដ្ឋានអន្តរជាតិWuxu នៃទីក្រុងណាននីង សាធារណរដ្ឋប្រជាមានិតចិន ប្រកបដោយសុវត្ថិភាព កាលពីវេលា ម៉ោង១១ ម៉ោងនៅសាធារណរដ្ឋប្រជាមានិតចិន ត្រូវនិងម៉ោង១០ ម៉ោងនៅព្រះរាជាណាចក្រកម្ពុជា ដើម្បីចូលរួមពិព័រណ៌ចិន-អាស៊ាន លើកទី១១ ដែលនឹង ប្រារព្ធពិធីបើក ជាផ្លូវការនៅ ព្រឹកថ្ងៃទី១៦កញ្ញាស្អែកនេះ។
នៅចំណតអាកាសយានដ្ឋានអន្តរជាតិ Wuxu វត្តមាននៃការអញ្ជើញដល់របស់សម្តេចតេជោនាយករដ្ឋមន្រ្តី និងគណៈប្រតិភូ ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាល រាក់ទាក់ពីឯកឧត្តម Chen Wu អភិបាលតំបន់ស្វយ័តក្វាងស៊ី លោកជំទាវ ប៊ូ ជាំងគូ ឯកអគ្គរដ្ឋទូតវិសាមញនិងពេញសមត្ថភាពនៃសាធារណរដ្ឋប្រជាមានិតចិនប្រចាំកម្ពុជា លោកជំទាវ ខែក កែមាលី ស៊ីសូដា ឯកអគ្គរាជទូតវិសាមញ និងពេញសមត្ថភាព នៃព្រះរាជាណាចក្រកម្ពុជា ប្រចាំប្រទេសចិន ឯកឧត្តម អ៊ឹម សុភី អគ្គកុងស៊ុលព្រះរាជាណាចក្រកម្ពុជា ប្រចាំទីក្រុងណាននីង និងលោកជំទាវ ព្រមទាំងឯកឧត្តម លោកជំទាវ ជាថ្នាក់ដឹកនាំជាន់ខ្ពស់ នៃតំបន់ស្វយ័តក្វាងស៊ី និងឥស្សរជនកាទូតរបស់ព្រះរាជាណាចក្រកម្ពុជាជាច្រើនរូប។
តាមកម្មវិធីដែលបានគ្រោងទុក នៅរសៀលថ្ងៃទី១៥កញ្ញានេះ សម្តេចតេជោនាយករដ្ឋមន្រ្តី និងទទួលជួបពិភាក្សាការងារដាច់ដោយឡែកពីគ្នាជាមួយ ឯកឧត្តម Pham Binh Minh ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាម ឯកឧត្តម ឧត្តមសេនីយ៍ Tanasak Patimapragom ឧបនាយករដ្ឋមន្រ្តី និងជារដ្ឋមន្រ្តីការបរទេសថៃ និងជួបពិភាក្សាការងារជាមួយ ឯកឧត្តម Zhang Gaoli ឧបនាយករដ្ឋមន្រ្តីទី១នៃរដ្ឋាភិបាលចិន។
ឯកឧត្តមឧបនាយករដ្ឋមន្ត្រី សុខ អាន លើកទឹកចិត្តដល់កីឡាកកម្ពុជា ដែលទៅចូលរួមប្រកួតកីឡាអាស៊ីលើកទី១៧ នៅទីក្រុងអ៊ិនឈុន សាធារណរដ្ឋកូរ៉េ
ព្រឹកថ្ងៃទី១៥ ខែកញ្ញា ឆ្នាំ២០១៤នេះ នៅទីស្តីការគណៈរដ្ឋមន្ត្រី ប្រតិភូកម្ពុជាដែលនឹងចូលរួមប្រកួតកីឡាអាស៊ីលើកទី១៧ ចំនួន៣៦នាក់ ត្រូវបានទទួលការស្វាគមន៍យ៉ាងកក់ក្តៅពី ឯកឧត្តមឧបនាយករដ្ឋមន្ត្រី សុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី តំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា បានឲ្យដឹងថា នៅថ្ងៃទី១៩ ខែកញ្ញា ដល់ថ្ងៃទី៤ ខែតុលា ឆ្នាំ២០១៤ ប្រតិភូកីឡាកម្ពុជា នឹងទៅចូលរួមប្រកួតកីឡាអាស៊ីលើកទី១៧ នៅទីក្រុងអ៊ិនឈុន សាធារណៈរដ្ឋកូរ៉េ។
ចាប់ពីឆ្នាំ១៩៧០ រហូតមក កម្ពុជាពុំបានចូលរួមប្រកួតកីឡាអាស៊ីទេ រហូតដល់ឆ្នាំ១៩៩៤ ទើបបានចូលរួមឡើងវិញនៅទីក្រុង ហ៊ីរ៉ូស៊ីម៉ា ប្រទេសជប៉ុន រហូតមកដល់បច្ចុប្បន្ន ហើយការវិលត្រឡប់ចូលរួមប្រកួតថ្នាក់ទ្វីបអាស៊ីនេះ កម្ពុជារំពឹងថា នឹងដណ្តើមយកបាននូវជោគជ័យ និងជាកិត្តិយសជូនជាតិ មាតុភូមិ។
ការប្រកួតកីឡាអាស៊ីលើកនេះ មាន៤៥ប្រទេស ចូលរួមប្រកួតប្រជែង។ ក្នុងទ្វីបអាស៊ី មានកីឡាករ‑ កីឡាការិនី និងគ្រូបង្វឹកចំនួន១៣០០០នាក់ មន្ត្រីរៀបចំ‑ បុគ្គិលស្ម័គ្រចំនួន៧០០០នាក់ និងអ្នកសារព័ត៌មានចំនួនប្រមាណ៧០០០នាក់។
ឯកឧត្តម ថោង ខុន បានបន្តថា ថ្វីត្បិតតែកម្រិតបច្ចេកទេសកីឡាករ‑ កីឡាករិនីកម្ពុជាថ្នាក់ទ្វីបនៅមានកម្រិត ក៏ប៉ុន្តែ កាតប្រកួតលើកនេះ គណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា បានកំណត់យុទ្ធសាស្ត្រស្វែងរកមេដាយថ្នាក់អាស៊ីឡើងវិញ ដោយមានប្រភេទកីឡាមួយចំនួនអាចមានឱកាសឈានទៅរកមេដាយ គឺ កីឡាតេក្វាន់ដូ កីឡាចំបាប់ និងកីឡា Tennis។ ប្រតិភូកីឡាកម្ពុជា នឹងចេញដំណើរនៅល្ងាចថ្ងៃទី១៥ ខែកញ្ញា ឆ្នាំ២០១៤នេះ។
ឯកឧត្តមឧបនាយករដ្ឋមន្ត្រី សុខ អាន បានមានប្រសាសន៍ថា សង្ឃឹមថា ក្មួយៗជាកីឡាករ‑ កីឡាការិនី កម្ពុជា ដែលត្រូវបានជ្រើសរើស សំរាំងឲ្យទៅប្រកួត នឹងខិតខំ ដើម្បីនាំមេដាយមាស និងមេដាយផ្សេងៗទៀតមកជូនមាតុភូមិកម្ពុជា ជាទីស្នេហារបស់ខ្លួនឱ្យបាន។ ការសម្រេចបាននូវជោគជ័យ ដែលវា គឺជាកិត្តិយសផ្ទាល់ខ្លួនផង ក្រុមគ្រួសារផង និងមានរង្វាន់លើកទឹកចិត្តផង ហើយក៏ ឈ្មោះល្បីរន្ទឺកេរ្ត៍ឈ្មោះរបស់ខ្លួនក្នុងតំបន់ និងនៅលើឆាកអន្តរជាតិផង។
ឯកឧត្តមឧបនាយករដ្ឋមន្ត្រី សុខ អាន បានលើកទឹកចិត្តដល់ក្មួយៗកីឡាកម្ពុជាទាំងអស់ ខិតខំត្រូវពង្រឹងកាយសម្បទាឲ្យរឹងមាំ ហ្វឹកហាត់ និងរៀបចំខ្លួនឲ្យបានល្អ ដើម្បីត្រៀមការប្រកួត ដែលឯកឧត្តម ចាត់ទុកការរៀបចំខ្លួនជាមុនបានល្អ ក៏ជាជំហាននាំទៅរកជោគជ័យផងដែរ៕
មតិសំណេះសំណាល ឯកឧត្តមបណ្ឌិតសភាចារ្យ សុខ អាន ក្នុងពិធីជួបជុំកីឡាករ-កីឡាការិនី គ្រូបង្វឹក និងប្រតិភូកីឡា មុនពេលចេញទៅប្រកួតកីឡាអាស៊ីលើកទី១៧
ទីស្ដីការគណៈរដ្ឋមន្ត្រី ថ្ងៃទី១៥ ខែកញ្ញា ឆ្នាំ២០១៤
-ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា
-ឯកឧត្តម ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា
-ឯកឧត្តម លោកជំទាវ អស់លោក លោកស្រី គ្រូបង្វឹក កីឡាករ កីឡាការិនីទាំងអស់ ជាទីមេត្រី!
ថ្ងៃនេះ ខ្ញុំមានសេចក្តីសោមនស្សរីករាយចូលរួមជាមួយ ឯកឧត្តម លោកជំទាវ អស់លោក លោកស្រី គ្រូបង្វឹក និងកីឡាករ កីឡាការិនីទាំងអស់ ក្នុងពិធីជួបជុំកីឡាករកីឡាការិនី គ្រូបង្វឹក និងប្រតិភូកីឡារបស់កម្ពុជា មុនពេលចេញដំណើរទៅចូលរួមការប្រកួតកីឡាអាស៊ីលើកទី១៧ (17th Asian Games) ឆ្នាំ២០១៤ នៅទីក្រុង Incheon សាធារណរដ្ឋកូរ៉េ ចាប់ពីថ្ងៃទី១៧ ខែកញ្ញា ដល់ថ្ងៃទី០៤ ខែតុលា ឆ្នាំ២០១៤ ខាងមុខនេះ។ ឆ្លៀតក្នុងឱកាសនេះ ក្នុងនាម សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ខ្ញុំសូមសម្ដែងនូវការកោតសរសើ និងវាយតម្លៃខ្ពស់ចំពោះគណៈកម្មាធិការជាតិអូឡាំពិកកម្ពុជា ក្រសួងអប់រំ យុវជន និងកីឡា សហព័ន្ធកីឡាជាតិ និងស្ថាប័នពាក់ព័ន្ធទាំងអស់ ជាពិសេសគ្រូបង្វឹក ដែលបានខិតខំប្រឹងប្រែងរៀបចំឱ្យកីឡាករ កីឡាការិនីកម្ពុជា បានទៅចូលរួមក្នុងការប្រកួតកីឡាអាស៊ីលើកទី១៧នេះ។ ខ្ញុំក៏សូមថ្លែងអំណរគុណចំពោះក្រុមហ៊ុននិងសប្បុរសជនទាំងអស់ ដែលបានផ្តល់ការឧបត្ថម្ភគាំទ្រដល់ការចូលរួមរបស់កីឡាករ កីឡាការិនីកម្ពុជា នៅក្នុងការប្រកួតកីឡាជាលក្ខណៈអន្តរជាតិនេះ ក្នុងនោះរួមមានក្រុមហ៊ុន Cambrew ក្រុមហ៊ុន Naga World និងក្រុមហ៊ុន Cambodia Dream។ ទន្ទឹមនឹងនោះ ខ្ញុំក៏សូមថ្លែងអំណរគុណផងដែរចំពោះភាគីកូរ៉េ ដែលបានជួយឧបត្ថម្ភការចំណាយលើការធ្វើដំណើរ និងការស្នាក់នៅរបស់កីឡាករ កីឡាការិនី និងគ្រូបង្វឹកកម្ពុជា។
ការជួបជុំគ្នានៅថ្ងៃនេះ គឺជាសក្ខីភាពបញ្ជាក់ពីការលើកទឹកចិត្ត និងការគាំទ្ររបស់រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដល់វិស័យកីឡា ជាពិសេសកីឡាករ កីឡាការិនី ដែលនឹងត្រូវទៅចូលរួមការប្រកួតកីឡាអាស៊ីលើកទី១៧នេះ ក៏ដូចជាការប្រកួតកីឡាអន្តរជាតិនានាផងដែរ។ ការយកចិត្តទុកដាក់ និងការគាំទ្រទាំងនេះ គឺស្ដែងចេញតាមរយៈការចំណាយថវិការដ្ឋ និងថវិកាផ្ទាល់របស់សម្តេចតេជោ ដល់កីឡាករ កីឡាការិនី និងគ្រូបង្វឹក នៅមុនពេលចេញទៅប្រកួត និងក្រោយពេលត្រឡប់ពីការប្រកួតវិញ ក៏ដូចជាការផ្តល់ប្រាក់រង្វាន់លើកទឹកចិត្តដល់ជ័យលាភីផងដែរ។
ឯកឧត្តម លោកជំទាវ អស់លោក លោកស្រី!
ការប្រកួតកីឡាអាស៊ី ដែលត្រូវប្រារព្ធធ្វើឡើងនៅរៀងរាល់៤ឆ្នាំម្ដង បានចាប់ផ្ដើមប្រកួតជាលើកដំបូងនាឆ្នាំ១៩៥១ នៅទីក្រុង New Delhi ប្រទេសឥណ្ឌា ដោយនៅពេលនោះប្រទេសកម្ពុជាពុំបានចូលរួមទេ។ នៅក្នុងការប្រកួតក្រោយៗមកទៀត គឺ នៅឆ្នាំ១៩៥៤ ឆ្នាំ១៩៥៨ ឆ្នាំ១៩៦២ ឆ្នាំ១៩៦៦ និងឆ្នាំ១៩៧០ កម្ពុជាតែងតែបានចូលរួមជានិច្ច ហើយនៅឆ្នាំ១៩៧០ យើងបានទទួលលទ្ធផលគួរជាទីមោទនៈនៅក្នុងការប្រកួតកីឡាអាស៊ីនេះ ដោយដណ្តើមបានមេដាយប្រាក់២ និងសំរឹទ្ធិ២។ ជាអកុសល ដោយសារសង្គ្រាម កម្ពុជាបានអវត្តមានពីការប្រកួតកីឡាអន្តរជាតិនេះតាំងពីឆ្នាំ១៩៧០ រហូតដល់ឆ្នាំ១៩៩៤។ ចាប់ពីឆ្នាំ១៩៩៤មក កម្ពុជាមានវត្តមានឡើងវិញនៅក្នុងការប្រកួតកីឡាអាស៊ីនេះ ប៉ុន្តែយើងពុំទាន់អាចដណ្ដើមបានមេដាយលើវិញ្ញាសារណាមួយនៅឡើយ។
ដោយឡែក សម្រាប់ការប្រកួតនៅឆ្នាំ២០១៤នេះ ខ្ញុំសង្ឃឹមនិងជឿជាក់យ៉ាងមុតមាំថា ក្មួយៗកីឡាករ កីឡាការិនីទាំងអស់នឹងខិតខំឱ្យអស់ពីកម្លាំងកាយចិត្ត ដើម្បីដណ្ដើមឱ្យបានមេដាយជូនជាតិមាតុភូមិយើង។ ខ្ញុំមានសង្ឃឹម ដោយហេតុថា បច្ចុប្បន្ននេះ ក្រោមការយកចិត្តទុកដាក់ខ្ពស់និងការគាំទ្រយ៉ាងពេញទំហឹងពីរាជរដ្ឋាភិបាលកម្ពុជា វិស័យកីឡាយើងបានអភិវឌ្ឍឈានឡើងជាលំដាប់ ទាំងបរិមាណ និងគុណភាព។ ជាក់ស្តែង កីឡាករ កីឡាការិនីកម្ពុជាយើង ជាពិសេសនៅក្នុងប្រភេទកីឡាប៉េតង់ បានដណ្តើមយកពានរង្វាន់ទាំងកម្រិតតំបន់និងពិភពលោកជាច្រើន ពីក្នុងការប្រកួតអន្តរជាតិនានា ដូចជាកីឡាស៊ីហ្គេមលើកទី២៧ និងការប្រកួតអន្តរជាតិសំខាន់ៗជាច្រើនទៀត មកជូនជាតិមាតុភូមិដែលខ្ញុំផ្ទាល់បានចូលរួមក្នុងពិធីប្រគល់ប្រាក់រង្វាន់ដល់ជ័យលាភី កាលពីពេលថ្មីៗកន្លងទៅនេះ។ ការដណ្តើមបានពានរង្វាន់អន្តរជាតិ គឺមិនគ្រាន់តែជាជោគជ័យឯកជនសម្រាប់ក្មួយៗកីឡាករ កីឡាការិនីនិងក្រុមគ្រួសារប៉ុណ្ណោះទេ ប៉ុន្តែថែមទាំងជាការលើកកម្ពស់កិត្យានុភាពរបស់ជាតិយើងនៅលើឆាកអន្តរជាតិផងដែរ។
ក្នុងន័យនេះ ខ្ញុំសូមជំរុញនិងលើកទឹកចិត្តដល់ក្មួយៗកីឡាករ កីឡាការិនីទាំងអស់ឱ្យខិតខំប្រឹងប្រែងហ្វឹកហាត់ពង្រឹងទាំងកម្លាំងកាយ និងកម្លាំងស្មារតី ដើម្បីដណ្តើមយកជ័យជំនះលើរាល់ការប្រកួតរបស់ខ្លួនមកជូនជាតិមាតុភូមិ។ ទន្ទឹមនឹងនេះ ខ្ញុំសូមផ្តាំផ្ញើដល់ក្មួយៗកីឡាករ កីឡាការិនីទាំងអស់ថា កីឡាគឺជាការទូតមហាជនមួយបែប ដែលក្នុងនោះក្មួយទាំងអស់សុទ្ធសឹងតែជាអ្នកការទូត ដែលអាចជួយពង្រឹងនិងពង្រីកសាមគ្គីភាព មិត្តភាព ភាតរភាព និងកិច្ចសហប្រតិបត្តិការរវាងប្រទេសក្នុងតំបន់ ក៏ដូចជាពិភពលោក ហើយក្នួយៗត្រូវប្រកាន់ខ្ជាប់នូវវិន័យ សេចក្តីថ្លៃថ្នូរ និងសីលធម៌វិជ្ជាជីវៈ។ លើសពីនេះទៅទៀត ការប្រកួតនេះ ពិតជានឹងនាំមកនូវចំណេះដឹង និងបទពិសោធន៍ល្អៗបន្ថែមទៀត ដែលនឹងជួយឱ្យក្មួយៗត្រៀមខ្លួនសម្រាប់ការប្រកួតកីឡាស៊ីហ្គេមនៅឆ្នាំ២០២៣ ដែលប្រទេសកម្ពុជា នឹងធ្វើជាម្ចាស់ផ្ទះ។
ជាថ្មីម្តងទៀត ខ្ញុំសូមកោតសរសើនិងវាយតម្លៃខ្ពស់ ចំពោះកិច្ចខិតខំប្រឹងប្រែងរបស់ គណៈកម្មាធិការជាតិអូឡាំពិកកម្ពុជា ក្រសួងអប់រំ យុវជន និងកីឡា ក្រសួង ស្ថាប័នពាក់ព័ន្ធ គ្រូបង្វឹក និងកីឡាករ កីទ្បាការិនី ក៏ដូចជាវិស័យឯកជន និងដៃគូអភិវឌ្ឍន៍ទាំងអស់ ដែលបានចូលរួមក្នុងការជំរុញនិងលើកកម្ពស់វិស័យកីឡានៅកម្ពុជា ឱ្យមានការរីកចម្រើននិងមានលទ្ធភាពចូលរួមក្នុងការប្រកួតជាលក្ខណៈអន្តរជាតិ។
ជាទីបញ្ចប់ ខ្ញុំសូមជូនពរក្មួយៗកីឡាករ កីឡាការិនីទាំងអស់ សូមទទួលបានជ័យជំនះក្នុងការប្រកួតកីឡាអាស៊ីលើកទី១៧នេះ និងសូមជូនពរឯកឧត្តម លោកជំទាវ អស់លោក លោកស្រីទាំងអស់ សូមមានសុខភាពល្អ ទទួលបានជោគជ័យក្នុងគ្រប់ភារកិច្ច និងមានសុភមង្គលក្នុងគ្រួសារ។
សូមអរគុណ!
សម្តេចតេជោ ហ៊ុន សែន ដឹកនាំប្រតិភូទៅចូលរួមពិព័រណ៍អាស៊ានចិនលើកទី១១
សម្តេចអគ្គមហាសេនាបតីតេជោ ហ៊ុន សែន នាយក
រដ្ឋមន្ត្រី នៃព្រះរាជាណាចក្រកម្ពុជានាព្រឹកថ្ងៃទី១៥ ខែកញ្ញា
ឆ្នាំ២០១៤នេះ
បានដឹកនាំប្រតិភូជាន់ខ្ពស់ទៅកាន់សាធារណៈរដ្ឋប្រជាមានិតចិន
ដើម្បីចូលរួមបើកពិព័រណ៍ អាស៊ាន ចិន លើកទី១១ និងកិច្ចប្រជុំ
កំពូលស្តីពីធុរៈកិច្ចនិងវិនិយោគ អាស៊ាន ចិន
ដែលនឹងប្រព្រឹត្តទៅនៅទីក្រុងណាន់និញ ខេត្តក្វាងស៊ី
នៃសាធារណៈរដ្ឋប្រជាមានិតចិន។ពិព៍រណ៍នេះ
នឹងចាប់ផ្តើមនៅថ្ងៃទី១៦ខែកញ្ញា។
ឯកឧត្តម
ស៊្រី ថាមរ៉ុង្គ រដ្ឋមន្ត្រី ប្រតិភូអមនាយករដ្ឋមន្ត្រី
បានឱ្យដឹងថា៖យោងតាមកម្មវិធី ក្នុងឱកាសស្នាក់នៅប្រទេសចិន
ពីថ្ងៃទី១៥ដល់ថ្ងៃទី១៦កញ្ញា សម្តេចតេជោ នាយករដ្ឋមន្ត្រី
នឹងទទួលជួបជាមួយឯកឧត្តម ហ្សាង កាលី ឧបនាយករដ្ឋមន្ត្រីចិន ,ជួបជាមួយលោកអភិ
បាលខេត្តក្វាងស៊ី ,និងទទួលជួបជាមួយឯកឧត្តម ឧបនាយករដ្ឋមន្ត្រី
និងជារដ្ឋមន្ត្រីការបរទេសវៀតណាមនិងឯកឧត្តម ឧត្តមសេនីយ៍ Tanasak
Patimapragon ឧបនាយករដ្ឋមន្ត្រី និងជារដ្ឋមន្ត្រីការបរទេសថៃ
ហើយនៅល្ងាចនេះដែរ សម្តេចតេជោ នាយករដ្ឋមន្ត្រី
ក៏នឹងអញ្ជើញចូលរួមក្នុងពិធីជប់លាងដែលរៀបចំដោយរដ្ឋាភិបាលចិនផងដែរ។
តមក
នៅថ្ងៃទី១៦ខែកញ្ញា សម្តេចតេជោ នាយករដ្ឋមន្ត្រី ហ៊ុន សែន
នឹងអញ្ជើញបើកពិព័រណ៍ អាស៊ាន ចិន លើកទី១១ និងកិច្ចប្រជុំ
កំពូលស្តីពីធុរៈកិច្ចនិងវិនិយោគ អាស៊ានចិន ដែលនៅក្នុងឱកាសនោះ
សម្តេចតេជោនាយករដ្ឋមន្ត្រី ក៏នឹង អញ្ជើញឡើងថ្លែងសុន្ទរកថា ផងដែរ។
បន្ទាប់មក សម្តេចតេជោ ប្រមុខរាជរដ្ឋាភិបាលកម្ពុជា
ក៏នឹងអញ្ជើញទស្សនាពន្លាជាតិនិងស្តង់ពិព័រណ៍នានារបស់កម្ពុជា។
សម្តេចតេជោ
នាយករដ្ឋមន្ត្រី
នឹងអញ្ជើញនិវត្តន៍មកកម្ពុជាវិញនៅរសៀលថ្ងៃទី១៦ខែកញ្ញា។ឯកឧត្តម ស៊្រី
ថាមរ៉ុង្គ បានរំលឹកបញ្ជាក់ថា ពិព័រណ៍អាស៊ាន ចិន គឺបានចាប់
ផ្តើមតាំងពីឆ្នាំ២០០៤ ហើយរហូតមកដល់ពេលនេះ សម្តេចតេជោ នាយករដ្ឋមន្ត្រី
បានអញ្ជើញចូលរួម ដោយផ្ទាល់ ចំនួន៨ដងមកហើយ
ដោយបានបង្ហាញពីតួនាទីយ៉ាងសកម្មរបស់កម្ពុជានៅក្នុងឱកាសពិព័រណ៍នោះ
ក៏ដូចជាការលើកទឹកចិត្តនិងគាំទ្រយ៉ាងសកម្មរបស់កម្ពុជានៅក្នុងការរៀប
ចំពិព័រណ៍នេះផងដែរ៕
សម្តេចតេជោ ហ៊ុន សែន ដឹកនាំប្រតិភូទៅចូលរួមពិព័រណ៍អាស៊ានចិនលើកទី១១
សម្តេចអគ្គមហាសេនាបតីតេជោ ហ៊ុន សែន នាយក
រដ្ឋមន្ត្រី នៃព្រះរាជាណាចក្រកម្ពុជានាព្រឹកថ្ងៃទី១៥ ខែកញ្ញា
ឆ្នាំ២០១៤នេះ
បានដឹកនាំប្រតិភូជាន់ខ្ពស់ទៅកាន់សាធារណៈរដ្ឋប្រជាមានិតចិន
ដើម្បីចូលរួមបើកពិព័រណ៍ អាស៊ាន ចិន លើកទី១១ និងកិច្ចប្រជុំ
កំពូលស្តីពីធុរៈកិច្ចនិងវិនិយោគ អាស៊ាន ចិន
ដែលនឹងប្រព្រឹត្តទៅនៅទីក្រុងណាន់និញ ខេត្តក្វាងស៊ី
នៃសាធារណៈរដ្ឋប្រជាមានិតចិន។ពិព៍រណ៍នេះ
នឹងចាប់ផ្តើមនៅថ្ងៃទី១៦ខែកញ្ញា។
ឯកឧត្តម
ស៊្រី ថាមរ៉ុង្គ រដ្ឋមន្ត្រី ប្រតិភូអមនាយករដ្ឋមន្ត្រី
បានឱ្យដឹងថា៖យោងតាមកម្មវិធី ក្នុងឱកាសស្នាក់នៅប្រទេសចិន
ពីថ្ងៃទី១៥ដល់ថ្ងៃទី១៦កញ្ញា សម្តេចតេជោ នាយករដ្ឋមន្ត្រី
នឹងទទួលជួបជាមួយឯកឧត្តម ហ្សាង កាលី ឧបនាយករដ្ឋមន្ត្រីចិន
,ជួបជាមួយលោកអភិ បាលខេត្តក្វាងស៊ី ,និងទទួលជួបជាមួយឯកឧត្តម
ឧបនាយករដ្ឋមន្ត្រី និងជារដ្ឋមន្ត្រីការបរទេសវៀតណាមនិងឯកឧត្តម
ឧត្តមសេនីយ៍ Tanasak Patimapragon ឧបនាយករដ្ឋមន្ត្រី
និងជារដ្ឋមន្ត្រីការបរទេសថៃ ហើយនៅល្ងាចនេះដែរ សម្តេចតេជោ
នាយករដ្ឋមន្ត្រី
ក៏នឹងអញ្ជើញចូលរួមក្នុងពិធីជប់លាងដែលរៀបចំដោយរដ្ឋាភិបាលចិនផងដែរ។
តមក
នៅថ្ងៃទី១៦ខែកញ្ញា សម្តេចតេជោ នាយករដ្ឋមន្ត្រី ហ៊ុន សែន
នឹងអញ្ជើញបើកពិព័រណ៍ អាស៊ាន ចិន លើកទី១១ និងកិច្ចប្រជុំ
កំពូលស្តីពីធុរៈកិច្ចនិងវិនិយោគ អាស៊ានចិន ដែលនៅក្នុងឱកាសនោះ
សម្តេចតេជោនាយករដ្ឋមន្ត្រី ក៏នឹង អញ្ជើញឡើងថ្លែងសុន្ទរកថា ផងដែរ។
បន្ទាប់មក សម្តេចតេជោ ប្រមុខរាជរដ្ឋាភិបាលកម្ពុជា
ក៏នឹងអញ្ជើញទស្សនាពន្លាជាតិនិងស្តង់ពិព័រណ៍នានារបស់កម្ពុជា។
សម្តេចតេជោ
នាយករដ្ឋមន្ត្រី
នឹងអញ្ជើញនិវត្តន៍មកកម្ពុជាវិញនៅរសៀលថ្ងៃទី១៦ខែកញ្ញា។ឯកឧត្តម ស៊្រី
ថាមរ៉ុង្គ បានរំលឹកបញ្ជាក់ថា ពិព័រណ៍អាស៊ាន ចិន គឺបានចាប់
ផ្តើមតាំងពីឆ្នាំ២០០៤ ហើយរហូតមកដល់ពេលនេះ សម្តេចតេជោ នាយករដ្ឋមន្ត្រី
បានអញ្ជើញចូលរួម ដោយផ្ទាល់ ចំនួន៨ដងមកហើយ
ដោយបានបង្ហាញពីតួនាទីយ៉ាងសកម្មរបស់កម្ពុជានៅក្នុងឱកាសពិព័រណ៍នោះ
ក៏ដូចជាការលើកទឹកចិត្តនិងគាំទ្រយ៉ាងសកម្មរបស់កម្ពុជានៅក្នុងការរៀប
ចំពិព័រណ៍នេះផងដែរ៕
Subscribe to:
Posts (Atom)